<a href="https://kyzylorda-news.kz/">Kyzylorda-news.kz</a> Бүгінгі күні спам-қоңыраулар ашуландыратын фактор ретінде – олар жұмыс істеуге кедергі келтіреді және алаяқтыққа бағытталған. Өкінішке орай, спам-қоңырауларын тек алаяқтар ғана емес, сонымен қатар компаниялар (тіпті тексерілген компаниялар) да жасайды – олар осындай қоңырау арқылы сатылымдар мен клиенттердің санын көбейтіп, өз қызметтерін мәжбүрлеуге үміттенеді.&nbsp;Fingramota.kz спам-қоңырауларын өз мақсаттары үшін пайдалана алатын зиянкестердің тұзағына түспеу үшін не істеу керектігін айтып береді..Смартфонның&nbsp;нөмірлерді бұғаттау бойынша&nbsp;кірістірілген&nbsp;функцияларын&nbsp;пайдаланыңыз.Мұны қажетсіз қоңыраулар түскеннен кейін ғана жасауға болатынын есте сақтаңыз.Android-те«Қоңыраулар журналы» бөліміне өтіп, нөмірді басыңыз, «Бұғаттау» немесе «Шағымдану» бастырмасын таңдаңыз.iPhone-да«Соңғы қоңырауларды» ашыңыз, нөмірдің жанындағы «i» белгішесін басыңыз, «Абонентті бұғаттау» бастырмасын таңдаңыз.Айтпақшы, IOS 13 және одан кейінгі нұсқалары бар iPhone иелері «Теңшеулер» бөлімінде орналасқан «Белгісіздерді өшіру» функциясын да пайдалана алады. Бұл опция тегін және сіздің байланыстар тізіміңізде жоқ және сіз осы нөмірден ешқашан байланыспаған абоненттерден қоңырауларды бұғаттауға мүмкіндік береді. Бұл жағдайда белгісіз абоненттен қоңырау автоматты жауап берушіге жіберіледі және соңғы қоңыраулар тізімінде көрсетіледі, бірақ сіз қоңырау шалған кезде хабарлама алмайсыз. Егер бұл функцияны табу мүмкін болмаса, телефондағы іздеу жүйесін пайдалануға болады.Арнайы қосымшаларды орнатыңызБүгінгі күні нарықта спамды бұғаттауға арналған көптеген қосымшалар бар. Олар қажетсіз қоңырауларды анықтау және бұғаттау үшін дерекқорларды пайдаланады. Мынадай нұсқаларға назар аударуға болады:Truecaller: қоңырау шалушыны анықтайды және спам туралы ескертеді.Kaspersky&nbsp;Who&nbsp;Calls немесе Hiya: алаяқтық қоңырауларды бұғаттайды.CallApp: қоңырау шалушы туралы ақпарат береді.Нөміріңізбен&nbsp;мүмкіндігінше&nbsp;аз&nbsp;бөлісіңізСізге күдікті болып көрінетін сайттарда нөміріңізді көрсетпеңіз. Сондай-ақ, нөмір талап етілетін күмәнді акциялар мен сауалнамаларға қатыспаңыз.Интернетте тіркелу үшін бөлек нөмірді пайдаланыңыз. Мүмкіндік болса, бұл SIM картаны енді пайдаланбайтын телефонда пайдаланыңыз. Оны үнсіз режимге қойып, анда-санда тексеріп отырыңыз.Спам-қоңырауларды тексеру қызметін алу үшін өз операторыңызға хабарласыңызБұл қызмет тегін көрсетілуі немесе аз мөлшерде ақы алынуы мүмкін – қалай болған күнде де Сіздің тыныштығыңыз пен қауіпсіздігіңіз әлдеқайда маңызды. Кейде тексеру қызметі «Қара тізім» деп аталуы мүмкін.Спам-қоңыраулар туралы өз операторыңызға хабарлаңызЕгер Сізге үнемі бір абонент қоңырау шалса, өзіңізге қызмет көрсететін ұялы байланыс менеджеріне хабарлауды ұмытпаңыз. Әдетте, операторлар спам-нөмірлер туралы ақпарат жинайды және өздерінің «қара тізімдерін» жасайды. Сіздің қоңырауыңыз ұялы байланыс операторының қауіпсіздік саясатын жақсартуға септігін тигізеді.2 ГИС «Нөмірді анықтағыш» функциясын қолданыңызКөптеген функцияларға ие бұл қосымша әрбір қазақстандықтың телефонында бар. Бірақ оның нөмірді анықтай алатын пайдалы функциясы туралы көп адамдар біле бермейді. Өкінішке қарай, оған тек iPhone телефонының иелері ғана мынадай алгоритм бойынша қол жеткізе алады: Баптаулар – Телефон – Қоңырауды бұғаттау және идентификаттау – 2 ГИС-ке қарсы тумблер.Енді Сіз қоңырау шалушы ұйымды анықтай аласыз және қосымшада түрлі компаниялар мен дүкендер нөмірлерінің ауқымды базасы бар, мұның пайдасы зор. Бірақ 2ГИС-те, әдетте, адал ұйымдар тіркелгенін естен шығармаңыз, бірақ алаяқтар әрқашан алдау амалын табады, сондықтан қосымша қауіпсіздік Сізге артық болмайды.Бейтаныс және күдікті нөмірлерден түскен қоңырауларға жауап бермеңізЕгер Сіз спам-қоңырауға жауап берсеңіз, жеке басыңыздың ақпаратын растамаңыз, бірден телефонды өшіріңіз.Егер Сізге бетпе-бет кездесуді ұсынса, кодтарды немесе банктік карта деректерін айтуды талап етсе, дереу сөйлесуді аяқтаңыз. Интернет немесе қосымшалар арқылы нөмірді тексеріңіз, содан кейін оны бұғаттаңыз.Ешқандай жағдайда бейтаныс нөмірлерге, әсіресе ол қысқа нөмір болса немесе бейтаныс елдердің кодтарымен болса, қайта қоңырау шалмаңыз.<img src="https://knadmin.beoblood.kz/uploads/12_12_infographic_kaz_663aa7287d.png" alt="12.12 infographic kaz.png">Сақ болыңыз&nbsp;және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Бейтаныс нөмірлерден спам-қоңыраулар: оларды қалай болдырмауға болады  

<a href="https://kyzylorda-news.kz/">Kyzylorda-news.kz</a> Уақыт өткен сайын «криптовалюта» деген сөз жиі қолданылатын болды. Оны қаржыгерлердің аузынан және жаңалықтардан жиі естиміз. Криптовалюта қалай пайда болады, оның қандай түрлері бар және оны қалай пайдаланамыз?&nbsp;Криптовалюта&nbsp;дегеніміз&nbsp;— кез келген цифрлық немесе виртуалды валюта. Мұндай валюталарды онлайн кеңістікте қорғау үшін крипт не шифрлар қолданылады. Әлемде мұндай валютаны өздігінен шығаратын және бақылауда ұстайтын арнайы орталық банк, үкімет немесе қандай да бір басқа ұйым жоқ. Ол майнинг (ағылшын тілінің mining «пайдалы қазбаларды өндіру» деген түсінігінен алынған) деп аталатын процесс барысында, біріккен серверлер кешені — арнайы майнинг фермаларында онлайн пайда болады. Олардың есептеу қуаты күрделі математикалық есептерді шешуге қолданылады және осындай есептеулердің нәтижесінде криптовалюталық монеталар пайда болады.&nbsp;<img src="https://knadmin.beoblood.kz/uploads/mining_1_f5e5673362.png" alt="mining 1.png">Криптовалютаны заң жүзінде рұқсат етілген кез келген елдің кез келген адамы пайдалана алады, яғни тұтас әлем бойынша төлемді қабылдайды және жөнелтеді. Криптовалюта цифрлық әмиянда сақталады.&nbsp;Криптовалютаны тауарлар мен қызметтерді, акцияларды, облигацияларды сатып алу үшін пайдалануға болады. Сондай-ақ «криптаны» ақша табу мақсатында да ұстайтындар бар: кейде оның бағасы өседі, осы кезде адамдар оны сатады. Криптовалюта арқылы жүзеге асқан барлық операциялардың жазбасы арнайы деректер базасында сақталады, ол блокчейн&nbsp;деп аталады.&nbsp;Блокчейндер белгілі бір криптовалюта қожайындарына тиесілі.<img src="https://knadmin.beoblood.kz/uploads/boy_and_girl_2_7af07a58ae.png" alt="boy_and_girl 2.png">Ең алғашқы криптовалюта – биткоин әлемде 2009 жылы пайда болды. Кейінірек Ethereum, Litecoin, Ripple&nbsp;және т.б. айналымға енді.Криптовалюта сатып алу үшін онлайн нарықтағы сатушылар – брокерлерге жүгіну қажет. Олар арзанырақ криптовалюта ұсынуы мүмкін, алайда оның функциялары да аз болады. Сонымен қатар криптовалюталардың онлайн биржасы да бар. Мұндай сауда алаңдары өте көп әрі олардың әрқайсысы криптовалютаның алуан түрі мен оларды сақтау тәсілдерін ұсынады. Биржалар криптовалюталарды сатып алу және сату аралығындағы баға айырмашылығынан түскен пайыздан пайда көреді.&nbsp;<img src="https://knadmin.beoblood.kz/uploads/hands_3_a063eecf51.png" alt="hands 3.png">Криптоалаяқтардың тұзағынан қалай құтыламыз?&nbsp;Криптовалюта неғұрлым танымал болған сайын, оларды сату барысында соғұрлым көп алаяқтық әрекеттер жүзеге асып жатыр. Алаяқтар алдап соғудың түрлі амалын ойлап табады:&nbsp;– Криптовалюта сату туралы ойдан шығарылғанөтірік пікірлер жазылған жалған сайттағы өтірікшын емес криптобиржа. Олар адамдарды егер монетаны үнемі тек осы жерден алып тұрсаңыз, жоғары пайыз ұсынамыз деп сендіреді.&nbsp;<img src="https://knadmin.beoblood.kz/uploads/papers_4_c17b620b0a.png" alt="papers 4.png"><img src="https://knadmin.beoblood.kz/uploads/1_point_5_f93202fbe2.png" alt="1-point 5.png"><img src="https://knadmin.beoblood.kz/uploads/pyramide_6_73f2798d40.png" alt="pyramide 6.png">– Онлайн пирамидалар. Алаяқтар крипто сатып алуға жаңа сатып алушыларды тартсаңыз, жоғары табыс ұсынамыз деп алдайды. BitClub Network қаржы пирамидасы осындай арам жолмен 700 миллион доллардан астам кіріс көрген. Әйтсе де түбінде жоба алаяқтық әрекеттерді пайдаланады деп танылып, 2019 жылдың соңына қарай жабылды.&nbsp;<img src="https://knadmin.beoblood.kz/uploads/dating_app_7_b9081c6735.png" alt="dating-app 7.png">– Басқа біреудің есімін жамылу. Алаяқтар өздерін криптовалюта арқылы байып кеткен миллиардерлер секілді ұстайды. Оны тексеру мүмкін емес, ешқандай дәлел жоқ. Олар көп жағдайда елді дүрліктіру үшін танымал бизнесмендердің есімдерін қолданады. Инвесторлар криптовалюта сатып алады, оның бағасы көтеріледі, алаяқтар өз үлесін сатып үлгереді, артынша баға қайта құлдырайды. Қалғандары өз активтерін тиімді бағаға сата алмайтындақтан, ақшаларынан айырылады.– Танысуға арналған түрлі қолданбаларда, әлеуметтік желілерде жаңа таныстар өздерінен виртуалды валюта сатып алуға үгіттеп жатады. Ақшаны қолдарына түсіргеннен кейін олар ізім-ғайым жоғалады. Полицияға мұндай алаяқтар туралы хабарламаның жүзі келіп түседі.&nbsp;<img src="https://knadmin.beoblood.kz/uploads/fake_link_8_7b21660ed0.png" alt="fake-link 8.png">– Криптовалюта сақталатын виртуалды әмиянды бұзу қиын емес. Адамдар сілтемені ашады немесе деректерін енгізеді, ал алаяқтар оның әмиянын бұзып, виртуалды валютасын жымқырып алады.&nbsp;&nbsp;Есіңізде болсын, ақша ешқашан жеңіл жолмен келмейді. Криптовалютаға ақша салмай тұрып, бұл сұрақты толыққанды қарастырып, қолжетімді материалдарды түгел зерттеу қажет. Криптовалюта сатып алуды ұсынатын адамдар барлық жеке құжаттарын және валютаға қатысты қағаздарын көрсетуге тиіс. Әлеуметтік желілердегі жарнамаларға, бейтаныс қоңыраулар мен хабарламаларға сенбеңіз.&nbsp; Әлеуметтік желілердегі жарнамаларға, бейтаныс адамдардың қоңыраулары мен хабарламаларына алданып қалмаңыздар. Тек өзіңіз жақсы түсінетін салаға ғана инвестиция салуға болады! Жоғары пайда көретініңізге кепілдік береміз деген уәжге күмәнмен қарағаныңыз дұрыс – кез келген инвестицияда ақша жоғалту қаупі бар.fingramota.kz

Криптовалюта дегеніміз не және оны қалай пайдаланамыз?  

<a href="https://kyzylorda-news.kz/">Kyzylorda-news.kz</a> Тәуелсіздік күні мерекесіне орай Қызылорда облысы бойынша экономикалық тергеп-тексеру департаменті мен&nbsp;облыстық тарихи-өлкетану музейі «Тәуелсіздік – мәңгілік елдің тұғыры» атты &nbsp;тақырып аясында дөңгелек үстел өткізді.&nbsp;Шараға департамент басшысы Аслан Кеңес, «Айтыстың ақтаңгері», үш дүркін «Алтын домбыра» жеңімпазы Мұхтар Ниязов, музей директоры Сапар Көзейбаев, департамент ардагері Бірлік Рахметов және сала мамандары мен тарихшылар қатысты.&nbsp;Тағылымды іс-шара&nbsp;«Тәуелсіздік - халық мұраты» тақырыбындағы көрме экпозициясымен танысудан&nbsp;бастау алды. Жиналған қонақтар тарихи экспонаттармен танысып, өңірдің бай мәдени мұрасын көзімен көрді. Онан соң Сыр өңірінің тәуелсіздік жылдарындағы мәдени, экономикалық бағыттағы жетістіктері баяндалды. Сондай-ақ,&nbsp;тәуелсіздік жылдарындағы мәдениет пен өнер бетбұрысын, ел жетістіктері мен ұлттық тәрбие жөнінде сөз қозғады. Жиын барысында қатысушылар&nbsp;тәуелсіздіктің маңызы, ел егемендігінің басты құндылықтары жайында тұшымды ойларын ортаға салды. Сонымен қатар, тарихты тек оқумен шектелмей, одан сабақ ала білу керектігін айтты.&nbsp;Шара соңы мерекелік концертке ұласты.

Тәуелсіздік – мәңгілік ел тұғыры

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев «Руханият жылы» аясында, Тәуелсіздік күніне орай мәдениет саласы қызметкерлеріне алғаш рет 40 қызметтік жаңа пәтердің кілтін табыстады. Рәсімге зиялы қауым өкілдері, қоғам қайраткерлері, жауапты сала басшылары, еңбек ардагерлері мен қала тұрғындары қатысты.​​Аймақ басшысы баспана бақытына кенелген қоныстанушыларды құттықтады.<blockquote>«Тәуелсіздік – ата-бабамыздың арманы, ақ білектің күшімен, ақ найзаның ұшымен келген ең қымбат қазынамыз. Қастерлі қазынаны қорғау, сақтау, оны мәңгі ету – баршамыздың парызымыз. Президентіміз Қасым-Жомарт Кемелұлы «Еңселі ел болуымызға барлық саланың, түрлі мамандықтың өкілдері және барша азаматтарымыз біркісідей атсалысты» деген болатын.Қыркүйек айында Алматы қаласындағы Қызылорда облысының өнер күндерін өткізуге атсалысқан өнерпаздармен, мәдениет саласының қызметкерлерімен кездесуде сала мамандарына қызметтік пәтерлер берілетіні айтылған болатын. Міне, араға ұзақ уақыт салмай, «Руханият жылы» аясында, Тәуелсіздік күніне орай мәдениет саласы қызметкерлеріне алғаш рет 40 қызметтік жаңа пәтердің кілтін табыстаудамыз», – деді Н.Нәлібаев.</blockquote>Айта кетейік, 2024 жыл өңірде «Руханият жылы» деп жарияланып, тек мәдени-көпшілік шараларға ғана емес, ауқымды жобаларға баса мән берілді. «Анаға тағзым», «Отбасы орталығы», көпфункционалды 1000 орындық «Өнер орталығы» салынып, жаңадан симфония оркестрі, инклюзивті театр, жастар театры, заманауи би, хор ұжымдары жасақталды.Сыр мәдениетінің негізгі бренді – жыраулық дәстүр өкілдерінің «Жыраулар үйі» ашылды. Облыстық тарихи-өлкетану музейі, балалар мен жасөспірімдердің шығармашылығын шыңдау үшін «Шығармашылық академиясы» салынуда. Жаңа нысандар келесі жылдың мамыр айында пайдалануға беріледі.Облыстың мәдениет мекемелерінің 25 қызметкері Италия, Беларусь елдерінде, еліміздегі белгілі өнер ұжымдарында біліктілігін арттырды. Мәдениет және өнер, әдебиет өкілдерін қолдау мақсатында өткен жылдан бері «Тұран» сыйлығы дәстүрлі түрде табысталуда.«Руханият жылы» аясында барлық ауданда ішінде неке қию залы, кітапхана, музей, архив, жастар сарайы, ардагерлер мен аналар үйі бар «Руханият орталықтары» салынуда. Алғашқы орталық Қармақшы ауданында пайдалануға берілді. Алдағы уақытта басқа аудандардағы орталықтар да іске қосылады.<img src="https://knadmin.beoblood.kz/uploads/M_deniet_yzmetkerleri_1_459e80f3c9.jpg" alt="Мәдениет қызметкерлері 1.jpg"><img src="https://knadmin.beoblood.kz/uploads/M_deniet_yzmetkerleri_2_a33f00a33f.jpg" alt="Мәдениет қызметкерлері 2.jpg">Фото: Қызылорда облысы әкімінің баспасөз қызметі

 Қызылордада мәдениет қызметкерлері баспаналы болды

<a href="https://kyzylorda-news.kz/">Kyzylorda-news.kz</a> Бүгін Тәуелсіздік күні аясында облыс әкімі Нұрлыбек Нәлібаев «Сыр жастары» өңірлік бағдарламасының қатысушыларына 40 пәтерлік тұрғын үйдің кілтін табыстады.Салтанатты рәсімге облыстық мәслихат төрағасы Мұрат Тілеуімбетов, зиялы қауым өкілдері, жауапты сала басшылары мен қала тұрғындары қатысты.Аймақ басшысы жаңа қоныс иелеріне ізгі тілегін білдіріп, өңірдегі ауқымды жобаларды атап өтті.<blockquote>«Баршаңызды Тәуелсіздік күнімен шын жүректен құттықтаймын! Бүгін мерейлі мереке аясында аймақ жастарына бес қабатты тұрғын үй пәтерлерінің кілтін салтанатты түрде табыстаудамыз.Мемлекет басшысы Қасым-Жомарт Кемелұлы «Еңбек жолын енді ғана бастаған жастар бірден пәтер сатып ала алмайтыны түсінікті. Жастардың баспана алуына жан-жақты жағдай жасау керек. Бұл – мемлекеттің басты міндетінің бірі» деп атап өтті.Жастардың тұрғын үйге мұқтаждығы мәселесін шешу үшін 2022 жылдың желтоқсан айында өткен облыстық жастар форумында алғаш рет «Сыр жастары» бағдарламасын несиелендіру жолымен жүзеге асыру туралы шешім қабылданды. Оған облыстық бюджеттен «Отбасы банк» тұрғын үй құрылыс жинақ банкі» арқылы кредит беруге 1,2 млрд теңге бөлінді.«Сыр жастары» – жылына 100 жас отбасыны баспанамен қамту бағытында қолға алынған өңірлік тың жоба.«Жұмыла көтерген жүк жеңіл» деген сөз бар халқымызда. Өз кезегінде бағдарламаны бірлесіп жүзеге асыру үшін «Отбасы банк» 500 млн теңге қаржы бөлді. Мамыр айында 60 жас отбасы баспаналы болды. Бүгін міне 40 пәтердің кілтін табыстаймыз. Бұл қоныстой – басталған жұмыстың жалғасы. Бағдарламаға келесі жылға да облыстық бюджеттен қаржы қаралды.Шаңырақтарыңыз балалармен базарлы, құтты қонақтарымен ажарлы болсын!», – деді Н.Нәлібаев.</blockquote>Іс-шарада мемлекет және қоғам қайраткері, Қызылорда облысының Құрметті азаматы Биғали Каюпов батасын беріп, жаңа пәтер иесі, көпбейінді қалалық аурухананың жас маманы Салтанат Сейіткамал көрсетілген қолдауға алғысын жеткізді.Бүгін пәтер кілтін алған отбасылар қатарында ұстаздар, медицина мамандары мен бюджеттік мекемелер қызметкерлері бар.Айта кетейік, биыл облыс бюджеті 750 млрд теңгеге жетіп, тұрғын үй құрылысына және жеке салушылардан дайын пәтерлер сатып алуға 39 млрд 100 млн теңге бөлінді. Өткен жылдан бері қалада жеті, тоғыз, он екі қабатты тұрғын үйлер бой көтеруде.Мемлекет басшысының қолдауымен ұлттық жобалар аясында соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді. Жыл басынан бері 2000-ға жуық отбасы қоныстой тойлады, тұрғын үй құрылысы көлемі 126 пайызға өсті.<img src="https://knadmin.beoblood.kz/uploads/Syr_zhastary_1_369c13ece4.jpg" alt="Сыр жастары 1.jpg"><img src="https://knadmin.beoblood.kz/uploads/Syr_zhastary_2_d74102b845.jpg" alt="Сыр жастары 2.jpg"><img src="https://knadmin.beoblood.kz/uploads/Syr_zhastary_3_9762c49cb3.jpg" alt="Сыр жастары 3.jpg"><img src="https://knadmin.beoblood.kz/uploads/Syr_zhastary_221b3032ef.jpg" alt="Сыр жастары.jpg">Фото: Қызылорда облысы әкімінің баспасөз қызметі

 Қызылордада «Сыр жастары» өңірлік бағдарламасының қатысушыларына үй берілді

Жыл қорытындысы: Күре жолдан бастап энергия көздерімен жабдықтауға дейін – Қазақстан инфрақұрылымы қалай жақсаруда

<a href="https://kyzylorda-news.kz/">Kyzylorda-news.kz</a> Арал теңізі жайлы айтылмаған ақиқат, ақтарылмаған сыр қалмаған секілді. Бірақ, Аралдың табанына қарасаң, тұздалған тырандай сұр кейпімен шошындырады. Айдынды Арал емес енді… Бұл сөз бүгінгі қасіреттің көрсеткіші болып қалды. Теңіз жайлы ойлансақ, кемелдігі кетпеген, мысы мен мәні сол қалпы. Тек суы сарқылып, жағасындағы кемелер тоналуда. Арал жайлы дегенде әуелден ойға оралатыны осы сөздер…Қазір теңізді қайта толтыруға арналған түрлі келісімдік конференциялар өтіп,&nbsp; жиындар жасалып, баяндамалар оқылып жатыр. Айтылып жатқан ұсыныстар да толассыз. Бірақ көңіл қуантатын тірлік некен-саяқ. Десе де, адамзаттың табиғат алдындағы міндеті әрекетті тоқтатпау, ізденіс ізінде жүріп, мәнді шешімдер қабылдау. Осы мақсат шеңберінде жуырда Жалпыұлттық социал-демократиялық партиясының Қызылорда облыстық филиалы өкілдері «Арал экологиясының қасіреті және елімізге тигізер әсері» тақырыбында дөңгелек үстел өткізіп, осы салада үздіксіз зерттеумен айналысып жүрген ғалымдармен, қоғам белсенділері және экология жанашырларының басын қосты.Дөңгелек үстелге ЖСДП Төрағасының орынбасары Тазабек Сәмбетбай (Zoom арқылы), Қызылорда облыстық филиалының төрағасы&nbsp;Нұрбек Дәуренбеков, Арал ауданы әкімінің орынбасары&nbsp;Еркін Әбішев&nbsp;(Zoom арқылы), облыстық табиғи ресурстар және табиғат пайдалануды реттеу басқармасы орман бөлімінің басшысы&nbsp;Дәмелі Бердешова, осы басқарманың су бөлімі басшысы Жүсіп Әжібеков, сондай-ақ облыс бойынша экология департаментінің Қармақшы ауданы және Байқоңыр аймағы бойынша мемлекеттік экологиялық бақылау бөлімінің басшысы&nbsp;Әлішер Шамкенов, «Бітім» медиация орталығының басшысы Жанна Мейрамбекқызы және қоғам белсенділері қатысып, тұшымды ойларын білдіріп, келелі ұсыныстарын жеткізді.Жиын барысында сөз алған ЖСДП ҚОФ Төрағасы Нұрбек Дәуренбеков қатысушыларға баяндама жасап, мәселені шешу барысында халықаралық ынтымақтастықты берік ұстауға шақырды.<blockquote>«Арал теңізінің мәселесі – бұл тек экологиялық емес, әлеуметтік және экономикалық жағдайды қамтитын өте өткір тақырып. Аралдың тартылуы – табиғат пен адамзат арасындағы тепе-теңдіктің бұзылғанының айқын көрінісі. Бірақ бұл жағдайды түзетуге және алдағы ұрпақ үшін шешім табуға болады»,&nbsp;– деді филиал төрағасы.</blockquote>Баяндамасында ол мәселені шешудің бірнеше маңызды бағытына тоқталды. Ең алдымен, Арал теңізі мәселесін шешуде&nbsp;халықаралық ынтымақтастықтың рөлі&nbsp;ерекше екенін атап өтті.<blockquote>«Қазақстан өз тарапынан белсенді жұмыс жүргізіп жатыр. Бірақ жаһандық деңгейде қолдау көрсететін халықаралық ұйымдардың көмегі шешуші мәнге ие. БҰҰ, Дүниежүзілік банк сияқты ұйымдардың және аймақтық серіктестердің қатысуы экожүйені қалпына келтіруге және халықтың жағдайын жақсартуға мүмкіндік береді», – деді ол.</blockquote>Арал теңізінің көлемі соңғы 50 жылда 10 есеге дейін қысқарды. Теңізден 100 шақырымдық радиус аумақта жазда бұрынғыдан гөрі қатты ыстық әрі құрғақ, ал қыста өте суық әрі ұзақ болады. Жауын-шашынның түсуі де бірнеше есе қысқарды. Жан-жануарлардың 173 түрінің небәрі 38-і қалды. Балық түрі 20 есеге қысқарып, Үлкен Аралда балық мүлдем қалмады.ЖСДП Қызылорда облыстық филиалының төрағасы Нұрбек Дәуренбеков Арал теңізінің мәселесін шешу үшін бірқатар маңызды бағыттарды ұсынды.<blockquote>«Аймақ елдері бірлесе отырып, тиімді шаралар қабылдаса, ортақ шешімге жетуге болады. Сонымен қатар, экожүйені қалпына келтіру жұмыстары да ерекше мәнге ие. Құрғап қалған теңіз түбіне ағаш отырғызу, тұзға төзімді өсімдіктер егу және жерді мелиорациялау арқылы тұзды шаңның таралуын азайтып, өңірдің климаттық жағдайын жақсартуға болады. Су ресурстарын тиімді басқару мәселесі де назардан тыс қалмауы тиіс. Орталық Азия елдері арасында су ресурстарын әділ әрі тұрақты пайдалану туралы келісімдерді нығайту тек экологиялық тепе-теңдікті сақтауға емес, аймақтың тұрақтылығын қамтамасыз етуге ықпал етеді. Сондай-ақ, халықтың әл-ауқатын жақсарту маңызды қадамдардың бірі. Арал өңірі тұрғындарына ауыл шаруашылығын дамыту, жаңа жұмыс орындарын ашу және инфрақұрылымды жетілдіру арқылы қолдау көрсету қажет. Денсаулық сақтау саласын күшейтіп, тұзды шаңның адам денсаулығына кері әсерін азайту бойынша нақты шаралар қабылданса, тұрғындардың өмір сапасын арттыруға мүмкіндік туады», – деді.</blockquote>Шара барысында, қатысушылар – Арал теңізінің тағдыры – тек аймақтық емес, жаһандық мәселе. Оны шешуде бірлескен күш-жігер мен үйлесімді әрекеттердің қажеттігіне баса мән берді. Тек осылай ғана біз келер ұрпаққа айдынды Аралды қайтара аламыз, деді белсенділер.«Су – тіршіліктің көзі, жер – елдің негізі» деген даналық сөзді басшылыққа ала отырып, табиғат пен қоғам арасындағы тепе-теңдікті қалпына келтіру жолында аянбай еңбек етуіміз керек. Себебі табиғатты қорғау – болашақты қорғау.<img src="https://knadmin.beoblood.kz/uploads/whatsapp_image_2024_12_17_at_12_34_56_3c79339da3.webp" alt="whatsapp-image-2024-12-17-at-12.34.56.webp">Ердәулет СӘРСЕНҰЛЫ,ЖСДП ҚОФ баспасөз хатшысы

Арал мәселесі – жалпыұлттық мәселе

<a href="https://kyzylorda-news.kz/">Kyzylorda-news.kz</a> Бес жүзінші салтанатты рәсім Қызылорда қаласының азаматтық хал актілерін тіркеу ғимаратында өтті. Бұл туралы "Азаматтарға арналған үкімет" мемлекеттік корпорациясының филиалы хабарлады.Салтанатты рәсімдерді өткізу тәжірибесі өңірде осы жылдын 1 маусымында енгізілді. Осы уақыт ішінде мұнда отбасылық өмірдің мерейтойларын, туу туралы куәліктерді тапсыру және зейнеткерлерді лайықты демалысқа шығуымен құттықтау сияқты көптеген маңызды іс-шаралар өтті. Мерейтойлық 500-ші рәсім Асылжан мен Жаннаның некесін салтанатты түрде тіркеу болды.<blockquote>"Біз некені салтанатты жағдайда тіркеуге мүмкіндік бар екенін білдік және бірден салтанатты рәсім күнің белгіледік. Біз үшін осы маңызды күнге туыстарымыз бен жақындарымызды шақыру, сондай-ақ естелік фотосессия ұйымдастыру өте маңызды болды. Біз бұл күннің өмір бойы есте қалуын қаладық", - дейді жас жұбайлар.&nbsp; Естеріңізге сала кетейік, некені тіркеуге өтінішті АХАТ басқармасында немесе электрондық үкімет порталы арқылы беруге болады. Өтінімді қарау мерзімі - 15 жұмыс күні. &nbsp; Айта кетейік, барлық салтанатты рәсімдер Қызылорда қаласы С.Бейбарыс көшесі, 1А мекенжайы бойынша өтуде.</blockquote>

Қызылордада 500-ші салтанатты рәсім өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Археология және этнография ғылыми орталығы облыс әкімдігінің қолдауымен жүзеге асырған зерттеулер нәтижесінде Жанкент қалашығынан табылған тарихи жәдігерлерді Қызылорда облыстық тарихи-өлкетану музейіне тапсырды.Олар тарихи-мәдени мұраның құнды үлгілері болып саналады. 2023-2024 жылдары жүргізілген қазба жұмыстары барысында табылған 10 жәдігердің қатарында 5 керамикалық, 5 тастан жасалған бұйым бар. Әсіресе, табылған жәдігерлер арасында Орта Азия аумағында сирек кездесетін “тышқан қақпаны” ерекше назар аудартады.“Тышқан қақпаны” Сыр өңірінде алғаш рет анықталды. Бұл бұйым Қазақстанда бұрын тек көне Тараз қаласында табылған, ал Орта Азия аумағында жалпы саны төртеу. Оның екеуі Өзбекстандағы Пайкент және Қарауылтепе қалаларында анықталған. Жанкент қаласынан табылған бұл қақпанның Хорезм елінен немесе Тараз қаласынан әкелінгені туралы болжам бар. Мұндай қақпандар тек ауқатты адамдардың тұрмысында қолданылған, бұл сол замандағы әлеуметтік ерекшеліктерді көрсетеді.Жанкент – Сыр өңіріндегі ортағасырлық бекіністі қалалардың бірі. Қалашық шамамен 15 гектар аумақты қамтиды. Оның басты көшесі қалашықты екіге бөліп, солтүстік-батыс бұрышында цитадель орналасқан.Биыл қазба жұмыстары екі бағытта жүргізілді. Бірінші топ солтүстік қорғаныс қабырғасы мен цитадельдің шығыс қабырғасында қазба жұмыстарын жүргізді. Ал екінші топ шығыс бөліктегі тұрғынжай аумағын зерттеді.Қазба барысында қолөнерге қатысты құнды деректер анықталды. Керамикалық бұйымдардың бір бөлігі қолдан жасалған, ал кейбіреулері айналмалы шеңберде дайындалған. Бұл жәдігерлер қаланың этномәдени және экономикалық байланыстарын зерттеуге мүмкіндік берді.Тарих ғылымдарының кандидаты Сейдали Билалов жетекшілік еткен зерттеу тобының жұмысы Жанкент қалашығының ортағасырлық тарихын жаңаша зерделеуге жол ашты.&nbsp;Тарихи жәдігерлердің музей қорына тапсырылуы олардың сақталуын қамтамасыз етіп қана қоймай, ғылыми қауымдастыққа жаңа зерттеулер жүргізуге жағдай жасайды. Бұл зерттеулердің нәтижелері өңірдің тарихи-мәдени мұраларын сақтауға, оларды насихаттауға маңызды қадам.<img src="https://knadmin.beoblood.kz/uploads/Zhankent_alashy_ynan_tabyl_an_zh_digerler_oblysty_muzej_oryna_tapsyryldy_5388bf1757.jpg" alt="Жанкент қалашығынан табылған жәдігерлер облыстық музей қорына тапсырылды.jpg"><img src="https://knadmin.beoblood.kz/uploads/Zhankent_alashy_ynan_tabyl_an_zh_digerler_oblysty_muzej_oryna_tapsyryldy_1_5f3207a34c.jpg" alt="Жанкент қалашығынан табылған жәдігерлер облыстық музей қорына тапсырылды 1.jpg"><img src="https://knadmin.beoblood.kz/uploads/Zhankent_alashy_ynan_tabyl_an_zh_digerler_oblysty_muzej_oryna_tapsyryldy_2_7196929276.jpg" alt="Жанкент қалашығынан табылған жәдігерлер облыстық музей қорына тапсырылды 2.jpg"><img src="https://knadmin.beoblood.kz/uploads/Zhankent_alashy_ynan_tabyl_an_zh_digerler_oblysty_muzej_oryna_tapsyryldy_3_ce84c9aee7.jpg" alt="Жанкент қалашығынан табылған жәдігерлер облыстық музей қорына тапсырылды 3.jpg">

Жанкент қалашығынан табылған жәдігерлер облыстық музей қорына тапсырылды

<a href="https://kyzylorda-news.kz/">Kyzylorda-news.kz</a> Биыл «Ақмешіт» фольклорлық ансамблінің құрылғанына 15 жыл толды. Айтулы дата аясында өнер ұжымы шығармашылық концертін беріп, көрерменді өнерімен тағы бір тәнті етті.Ұлттық өнерді өрістетіп жүрген өнер ұжымының шығармашылық концертіне Қызылорда облысының мәдениет, архивтер және құжаттама басқармасының басшысы Мира Қазбекова, руханият жанашырлары, сырбойылық дәстүрлі музыка өкілдері мен қала тұрғындары қатысты. Рухани кеште сөз алған Мира Жомартқызы өнер ұжымының тарихын тереңнен қозғап, өмірі өнермен өрілген ансамбль мүшелеріне алғыс білдірді.Рухани кеш барысында Дархан Жаңабаев пен Гүлнар Құлахметованың ансамбльдің өткені мен бүгінін, шығармашылық еңбек жолын қағаз бетіне түсірген «Ақмешіт» кітабының тұсаукесері өтті. Қазақстанның еңбек сіңірген қайраткері, «Құрмет» орденінің иегері, профессор Ботабаев Кеулімжай Шалтақбайұлы және «Ақмешіт» фольклорлық ансамблінің негізін қалаушы, ҚР Жазушылар одағының мүшесі, филология ғылымдарының кандидаты, доцент Жүсіпов Берік Мырзалыұлы зор құрметпен оқырманға жол тартқан мазмұнды кітаптың тұсауын кесіп, туынды авторларына шығармашылық табыс тіледі.<blockquote>– Бұл кітаптың "Ақмешіт" деп аталуы тегін емес. Өнер ұжымы біздің аймағымызда ең алғашқы болып штаттық негізде құрылған фольклорлық ансамбль болып саналады. Әрине, оған дейін де Сыр өңірінде фольклорлық ұжымдар жұмыс жасаған. Дегенмен солардың ізін жалғап, кәсіби өнерпаздардан құрылған алғашқы ансамбль болып саналады. Бүгінгі таңда "Ақмешіт" ансамблінің құрылғанына 15 жыл толып отыр. "Бүгінгі күн, ертеңгі тарих" дегендей, біздің әр концерт, әр шығармашылық кешіміз, әр гастрольдық сапарымыз жатқан тарих. Оны қағаз бетіне түсіру қажет деп есептеймін,-дейді кітап авторларының бірі Гүлнар Құлахметова.</blockquote><img src="https://knadmin.beoblood.kz/uploads/A_meshit_kitabyny_t_sauy_kesildi_1_b86477331a.jpg" alt="Ақмешіт кітабының тұсауы кесілді 1.jpg"><img src="https://knadmin.beoblood.kz/uploads/A_meshit_kitabyny_t_sauy_kesildi_3_f2acb76901.jpg" alt="Ақмешіт кітабының тұсауы кесілді 3.jpg"><img src="https://knadmin.beoblood.kz/uploads/A_meshit_kitabyny_t_sauy_kesildi6_71ee259577.jpg" alt="Ақмешіт кітабының тұсауы кесілді6.jpg">

"Ақмешіт" кітабының тұсауы кесілді

<a href="https://kyzylorda-news.kz/">Kyzylorda-news.kz</a> Қостанай облысында миына артық ет&nbsp;(киста) өсіп кеткен&nbsp;жігітті әскерге күштеп алып кеткен. Бұл туралы <a href="https://stan.kz/kostanay-oblisinda-auir-diagnoz-koyilgan-zhigitti-asker-411184/">Stan.kz </a>ақпарат агенттігі хабарлайды.15 қарашада 19 жастағы Данияр Рахымжанов Федоровка ауылынан Қостанайға шақыртумен барып, сол жерден бірден әскерге кеткен.Анасының айтуынша, ұлының қолында аудандық комиссияның қорытындысы болған. Оған сәйкес жігіт бейбіт уақытта әскери қызметке жарамсыз және соғыс уақытында қатыспайды&nbsp;деп жазылған.<blockquote>"Оның жанында маңдай бөлігінде киста бар, ота жасауға кезекте тұрғаны туралы құжаттары болған. Осы жылдың күзінде жасалуы керек еді. Алайда квота болмаған соң, келесі жылды күтетін болдық. Облыстық дәрiгерлiк комиссия ұлымды тексеріп,&nbsp;босататын шығар деп ойладым, алайда&nbsp;оны бірден әскерге алып кетті. Бұған дейін ол қызметке жарамсыз деп танылған еді.&nbsp;Бұл жолы қалай жарамды болып шықты?" – дейді жігіттің анасы.</blockquote>Данияр Рахымжановтың қолында барлық медициналық құжаттары болғанымен, оны ешкім қарамаған. Анасының айтуынша,&nbsp;баласының мұрны үнемі қанап,&nbsp;есінен жиі танып қалады.<blockquote>“Әскерде жасалатын жаттығулар, күнделікті&nbsp;физикалық белсенділік оның денсаулығына зиянын тигізе ме, деп қорқамын. Оның үстіне&nbsp;Таразға 30212 әскери бөлімге баруға мүмкіндігім жоқ. Төрт баланың анасымын. Дегенмен ол әскери қорғаныс бөліміне хабарласқаныман, жауап ала алмаған”, –&nbsp;дейді баланың анасы.</blockquote>Қорғаныс істері жөніндегі департамент мәліметінше, облыстық комиссияда терапевт қосымша тексеруден кейін қызметке жарамдылығы туралы шешім қабылдаған.<blockquote>"Дәрігерлік комиссиядан өткен кезде ол жалпы тәжірибелік дәрігерге қосымша тексеруге жіберіліді. Кейін шағын шектеулермен әскери қызметке жарамды деп танылды", – делінген хабарламада.&nbsp;</blockquote>Фото: gov.kz

Қостанай облысында ауыр диагноз қойылған жігітті әскерге күштеп алып кеткен

<a href="https://kyzylorda-news.kz/">Kyzylorda-news.kz</a> Қазақстандықтар әртістер мен блогерлерден жаппай бас тартып жатыр. Олардың жазылудан бас тарту себебі — марқұм Шерзаттың ісі. Қоғамда үлкен резонанс тудырған істе танымаь адамдардың үнсіз қалуына наразылық білдірушілердің әрекетінен кейін жұлдыздар жаппай «Шерзат ісі» жайлы жазбалар мен стористер жариялай бастады.&nbsp;<a href="https://kaz.orda.kz/">Orda.kz</a>&nbsp;«Шерзат ісіне» қатысты жаппай жаба салып жатқан жұлдыздарды назарларыңызға ұсынады.<h4 style="margin-left:0px;text-align:justify;">«Өте ауыр жаза»</h4>Әнші Айқын Төлепберген осы мәселе жайлы өзінің&nbsp;<a href="https://www.instagram.com/reel/DDgyK3iOfjM/?igsh=MWozenBzYm1vbHEwYg==">парақшасында</a>&nbsp;Шерзаттың әкесін түрмеге қамамай, психологиялық көмек берілуі қажет екенін атап өтті.<blockquote>«Шерзаттың әкесіне қылмыстық іс қозғалып, қамауға алыныпты. Менің ойымша, өте ауыр жаза. Баласын жоғалтты, одан кейін інісі кетті. Құрметті, сот мырза! Шерзаттың әкесінің орнына өзіңізді қойып көріңізші. Қандай қиын жағдай! Ағасы оқиғаны көзбен көрген куәгер еді. Пышақты әдейі алып жүгірген жоқ. Психологиялық эффект сипатындағы көрініс болды. Оданда түрмеге қамамай, психологиялық көмек берілу керек еді. Әпкесін елден қуып, жер аударады екен. Онсызда аз қазақ едік. Өзіміз жеткізе алмай жүргенде, сіздер сыртқа қуасыздар! Қазір, бүкіл ел қайғырып, жылап жатыр! Құрметті, құзыретті орган өкілдері! Істің ақ-қарасын ажыратып, әділ сот өткізіңіздер!», — деді Айқын Төлепберген.</blockquote>Сонымен қатар танымал әртіс, продюссер әрі тележүргізуші Нұрлан Қоянбаев та&nbsp;<a href="https://www.instagram.com/p/DDho2voNbqr/?igsh=djQxYWJkcmFuaWtq">жазба</a>&nbsp;қалдырып, соттың ашық болуын қалайтынын айтты.<blockquote>«Талғардағы жағдай бойынша, енді жақын арада сот басталады екен, Сот ашық болуын қалаймыз, бүкіл ел қарайтындай жағдай жасалады деп күтеміз! Соны күтеміз! Ең бастысы елдің бірлігі, сол үшін жалған ақпаратқа арандап қалмайық», — деп жазды Нұрлан Қоянбаев.</blockquote>Сондай-ақ әзілкеш, әрі тележүргізуші Нұрмахан Мұқанұлы да бұл іс жайлы «ата заң атамызды қорғауға ғана жарап тұр» деген астарлы жазумен Перизат Нұрымовтың берген сұхбатын салды.Сонымен қатар ол жазылымнан бас тартып жатқандарға елдегі жағдайларға президенттен бастап, жергілікті басқару орындарындағы адамдарға дейін жауапты екенін айтты.<blockquote>«Егер сен тиктоктағы блогерлерден отписка #отменаблогеров дегенге еріп, соны қолдап жатсаң мына нәрсені ұғынып ал: елдегі жағдайға жауапты ол президенттен бастап жергілікті басқару органдарына дейінгі адамдар. Қашан солардан өз жұмысын істеуді талап етіп үйренесің сол кезде бірдеңе өзгереді. Ал қазір сол жауапты адамдардың сенің отпискаңа қуанып,&nbsp;миығынан&nbsp;күлуіне себепші боп жатсың. Әрине, эмоциямен біраз нәрсе айтуға болады. Бірақ салқындылықпен өз мамандарынан спрос жасауды да үйренсек…», — деді Нұрмахан Мұқанұлы.</blockquote><h4 style="margin-left:0px;text-align:justify;">«Мемлекеттің ойыны!»</h4>Сонымен қатар жазылымнан бас тартып жатқан бейнежазбаларда «менмұндалап» тұратын блогер Нұрдәулет Бектұрсын да сторис салды.<blockquote>«Бізге жау керек емес өз өзімізбен ұрсып жүреміз. Шерзаттың отбасы туыстарына оңай емес. Қазір өздері камауда… Тезірек шығып денсаулығын реттесе. Әр нарсені бір айтпай әділ шешім шығуына кедергі жасамайық. Осындай ситуацияларды арамдар өз максатына колданып кетпесін», — деп жазды Нұрдәулет Бектұрсын.</blockquote>Әнші Серік Ибрагимов те осы бейнежазбаны жаралы жүрек эмоджиімен салып үлкен жазба қалдырды.<blockquote>«Біздің әңгімемізді бұрында тыңдамаған, қазір де тыңдамайды! Карантинның алдында, карантин кезінде, әнші, актер, блогер жаман атқа қалып, сол карантинді жасаған, басқада жаман дүниенің бәрін жасаған біз сияқты көрінген едік халыққа. Сол кезде журналисттердің арасынан хайп қуғандар, абыройын, намысын ақшаға сатқандар біздерге келіп қалың қылып күйесін жағып қарапайым халықты біздерге айдап салған болатын. Қазірде солай болып тұр ғой! Әйтпесе қазір қолында тұрғой эфирі сол жерден қайта қайта айтып абыройдың бәрін өздері алсын. Сосын қолында ұялы телефоны бар инста тик ток-гы барлардың бәрі халық жанашыры ғой! Бұл жерде кінәні кішкене аты бар танымал адамнан емес, осындай бишәрә күйге түсірген заңнан іздеу керек! Негізі Бұл мемлекеттің ойыны! Халықтың назарын басқа жаққа бұру! Бізге керек емес заңдар қабылданып жатыр! Теңгенің құлдырауы, газдың тапшы болуы, жылдамдық үлкен трассада 110 нан аспауы, керек емес бағдарламаның қаптап шыға беруі, Қазақ тілі мәселесінің мүшкүл күйде екені, мектептерде ұстаздардың құқығы қорғалмауы айта берсең көп… Бұл жерде кішкене ойланып барып кірісу керек ел іргесін ыдырататын қара пейілді адамдардың пландарын да орындалуына да ат салысып кетуіміз мүмкін. Кешегі қаңтардағы оқиғаны бір ойлап қойсаңыздар болады…Әрине марқұм Шерзаттың отбасындағы жағдай өте қиын, Алла жеңілдік берсін! Дұға да болайық тілектес болайық! Әділдік орнасын!», — деді Серік Ибрагимов.</blockquote><h4 style="margin-left:0px;text-align:justify;">«Баланың әкесін босатыңдар!»</h4>Ал танымал кино әртісі Әлия Байбосынова «Айуандықпен өлтірілген баланың әкесін босатыңдар» деп жазды.Тойларда хит болған «Мария Магдaлена» әнін айтатын Асхат Тарғын да Шерзаттың әкесін қамауды мақаралыққа балап сторис салды.<blockquote>«Қаржаубай бауырымыз баласынан, бауырынан айрылды, үйі өртенді. Енді үстінен қылмыстық іс қозғап жатыр диді, бұл не масқара Әділдік орнасын!», — деді Асхат Тарғын.</blockquote>Әнші Алмаз Кішкенбаев та Қаржаубай Нұрымовқа психологиялық көмек қажет екенін айтты.<blockquote>«Бұл енді сұмдықкой… Бұл кісіге әділдік пен психологиялық көмек керек еді…», —деді Алмаз Кішкенбаев.&nbsp;</blockquote>Репер De lacure лақап атымен танымал Әнуар Баймұхаев та наразылығын білдірді.Әнші Луина да наразы екенін айтып, «мұндай жағдайды кинода да ойластырмайтынын» айтты.<blockquote>«Бұл әділетсіздік неден туып отыр. Бұл отбасын кім қорғауы керек? Ең сұмдығы — бассыздық әлі болып жатыр. Мұндай жағдайды кинода да ойластырмайтын шығар», — деді Луина.</blockquote>Сонымен қатар әзілкештер Арман Жұмагелдиев, Нұрсұлтан Жақсыген, Марат Әлібаев, кино әртіс Гүлназ Жоланова, әнші Әли Оқапов, әнші Нұрболат Қанай, кино әртіс Асылхан Төлепов те Шерзаттың ісіне қатысты стористер салды.&nbsp;Коллаж: Orda.kz

Архив