<a href="https://kyzylorda-news.kz/">Kyzylorda-news.kz</a> Қызылорда облысында жол апатынан бір адам оқиға орнында қайтыс болып, бес адам дене жарақатымен ауруханаға түсті. Бұл туралы <a href="https://turkystan.kz/article/246167-kyzylorda-oblysynda-zhol-apatynan-bir-adam-kaitys-bolyp-5-adam-zardap-shekti">turkystan.kz</a> хабарлады.&nbsp;Оқиға 20 шілдеде «Самара-Шымкент» тас жолының Сырдария ауданы Шаған елді мекені тұсында болған.Тәжікстаннан Ресей мемлекетіне бағыт алған «Kia Rio» автокөлігінің жүргізушісі қарсы бағытқа шығып кеткен. Аталған дерек бойынша қылмыстық іс қозғалды. Тергеу әрекеттері жүргізіліп жатыр.Фото: istockphoto.com

Қызылорда облысында жол апатынан бір адам қайтыс болып, 5 адам зардап шекті

<a href="https://kyzylorda-news.kz/">Kyzylorda-news.kz</a> Мегаполистегі ірі сауда орталықтарының біріне директор боп тағайындалады деген.Алматы облысында әйел күйеуін Алматыдағы ірі нарықтың директоры ретінде орналастыруға уәде берген алаяқтарға 20 млн теңге қаражат берген, деп хабарлайды <a href="https://sn.kz/sn-akparat-agyny/114584-almatyda-iel-kuieuin-direktor-gyp-ornalastyru-ushin-20-mln-berip-aldanyp-kalgan">Skifnews.kz</a> ақпарат порталы.Бұл туралы 2024 жылғы 22 шілдеде Алматы облысы полиция департаментінің (ПД) бастығы Бауыржан Аленов айтты.Облыстық ұйымдасқан қылмысқа қарсы күрес басқармасының полицейлері Қарасай ауданының тұрғынынан алаяқтық жолмен 20 миллион теңге иемденген ер адамды ұстады. Тексеру барысында алаяқ арызданушының азаматтық некедегі жұбайын мегаполистегі ірі сауда орталықтарының біріне директор лауазымына тағайындау туралы мәселені шешу сылтауымен ақша алғаны анықталды", деп жазды ол Instagram-да.Оның айтуынша, күдікті уақытша ұстау изоляторына қамауға алынды.

Алматыда әйел күйеуін директор лауазымына орналастыру үшін 20 млн беріп, алданып қалған

<a href="https://kyzylorda-news.kz/">Kyzylorda-news.kz</a>&nbsp; Өскеменде Паралимпиада және арнайы олимпиадалық бағдарламалардың спортшылары арасында ҚР Ат спорты федерациясының кубогы үшін республикалық жарыс өтті. &nbsp;Оған Шығыс Қазақстан, Ақтөбе, Маңғыстау, Қызылорда облыстарынан, сондай-ақ Алматы, Астана қалаларынан 40-қа жуық мүмкіндігі шектеулі шабандоз қатысты. Жарыс ҚР Ат спорты федерациясы, «Ақ тай» мүмкіндігі шектеулі балаларды қолдау қоры, Шығыс Қазақстан облысының дене шынықтыру және спорт басқармасы, «Қазцинк» ЖШС-ның қаржылай қолдауымен ұйымдастырылды.Үздіктер қатарында Қызылорда қаласының тұрғыны, «Альтаир-Бөбек» қоғамдық қорының түлегі – Құрмет &nbsp;Сейдахметов бар. Ол бірінші орын иеленіп, үздіктер қатарынан көрінді.Айта кетейік, мүмкіндігі шектеулі шабандоздар үшін ҚР FCS кубогы Қазақстанда өткізілетін жалғыз спорттық жарыс түрі. Сондай-ақ 20 шілдеде әр номинация мен пән бойынша жеңімпаздарды марапаттау рәсімі өтті.Құрмет Сейдахметов Балалардағы церебералды паралич оң жақты гемипаретикалық диагнозбен бойынша есепте тұрады. Ол «Альтаир-Бөбек» қоғамдық қорының «Иппотерапия» оңалту орталығында ем қабылдауда.«Альтаир-Бөбек» қоғамдық қорының «Иппотерапия» оңалту орталығы &nbsp;2017 жылы Қызылорда қаласы бойынша ерекше қажеттілігі бар балаларға «Иппотерапия» оңалту жобасы іске қосылды.&nbsp;Аталған қор түлектері бұған дейін жеңімпаздар қатарынан көрінген. Мәселен&nbsp;«ҚР Ат спорты федерациясының кубогы» үшін ашық республикалық жарысында 2017 жылы Мөлдір Жақсылық «Халықаралық ат спорты» жарысында ІІІ орынды иеленген. 2022 жылы&nbsp;Айару Алтынбек Паралимпиадалық және арнайы олимпиадалық бағдарламалардың спортшылары үшін «ҚР Ат спорты федерациясының кубогы» VI ашық Республикалық жарысқа Қызылорда облысы атынан қатысып, ІІІ орынды&nbsp;иеленді. Ал Ерасыл Маратов «Пара ат спортынан ҚР-ның Чемпионатында» ІІ орынды иеленді. Сондай-ақ&nbsp;Ерасыл Маратов «2023 жылға паралимпиадалық ат спорты» бойынша қатысып, І орын алды.Жарыс ерекше балаларды заманауи қоғамда әлеуметтік бейімдеу, бала тұлғасының үйлесімді дамуына ықпал ету, паралимпиадалық құндылықтарды тарату және инклюзивті қоғамды дамыту мақсатында өткізілді. Сонымен қатар мұндай іс-шаралар саламатты өмір салтын насихаттауға және ерекше физикалық қажеттіліктері бар адамдар арасында паралимпиадалық спорт түрлерін дамытуға ықпал етеді.Жоғарыда атап өткендей, ерекше қажеттілігі бар балаларға қосымша оңалту қызметтерін көрсету мақсатында өңірімізде иппотерапиямен оңалту қызметі жүзеге асырылып келеді. Өткен жылы бұл бағытқа облыстық бюджеттен 26 млн теңге қаржы бөлініп, мемлекеттік әлеуметтік тапсырыс арқылы 200 балаға қызмет көрсетілді. Нәтижесінде ат спорты бойынша республикалық паралимпиадалық жарыстарға қатысқан қызмет алушылар кейінгі екі жылда жүлделі орындарға ие болған. Биыл бұл бағытқа 24,4 млн теңге бөлініп, медициналық қарсы көрсетілімі жоқ 150 балаға иппотерапиямен оңалту қызметі көрсетілуде.&nbsp;Облыстық жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырыс негізінде 2022 жылдан бастап мүгедектігі бар адамдар мен балаларды әлеуметтік қолдауға арналған әлеуметтік маңызы бар іс-шаралар жүзеге асырылуда.&nbsp;

Ат үстінде атой салған Құрмет

<a href="https://kyzylorda-news.kz/">Kyzylorda-news.kz</a> &nbsp;Мәсімовпен қызметтес болған дәрігер оның тегі туралы шындықты айтты, – деп хабарлайды&nbsp;<a href="https://massaget.kz/basty-zhaalytar-438/112215/">Massaget.kz</a>.Медицина ғылымдарының докторы, профессор Арай Төлемісова ADAL Adam Youtube арнасына берген сұхбатында мемлекетке опасыздық жасаған ҰҚК-ның экс-төрағасы Кәрім Мәсімовтің әкесі Қажымқан Мәсімовпен қызметтес, сыйлас болғанын айтты.<blockquote>«Қажымқан Мәсімовті ұйғыр дейді, ол ұйғыр емес. Компьютеріндегі құжаттардың бірін оқып қалдым, ол кісі «найман» деп жазылып тұрды. Өз аузынан Талдықорғанның Ақсуынанмын, найманмын дегенін де естідім. Ақсуда мешіт салды. Сонда ас бергенде де болғанмын», – деді Арай Төлемісова.</blockquote>Журналистің «найман екеніне сенесіз бе?» деген сауалына ол «өзім найман болғаннан кейін ол кісіні аға санап жүрдім» деп жауап берді.<blockquote>«Мен Кәрімді емес, әкесі Қажымқан Қасымұлын аға деп санап жүрдім. Ал анасы Элеонора Кәрімқызымен жақсы қарым-қатынастамын. Қазір жасы 86-да. Дәрілерін сұрап тұрады. Бүгін ғана хабарластым. Дәрілерін көмектесіп алып беріп жүрмін», – деді Арай Мағауияқызы.</blockquote>Сурет: видео скрин

«Мәсімов ұйғыр емес»: Мәсімовпен қызметтес болған дәрігер оның тегі туралы айтып берді

<a href="https://kyzylorda-news.kz/">Kyzylorda-news.kz</a> Ұстаздар баяғыдан айтып келе жатыр. Әйелі санын жалтыратып көшеге шығады, күйеуі оны естиді де, барып өлтіріп қояды деген сияқты…Әнші Ұланғасыр Қамидың болашақ әйелін қоятын талабы, хиджаб туралы пікірі желіде дау тудырды, деп хабарлайды <a href="https://sn.kz/sn-adebiet-zhane-oner/114567-ielin-oltirip-koidy-degennin-b-ri-khidzhab-kimegennen-nshinin-sozi-zhelide-dau-tudyrdy-video">Skifnews.kz</a> ақпарат порталы.«Хиджаб – арабтікі. Неге адасасыздар? Оның бәрін әйелдер бір күні шешеді» деп оған әлеуметтік желіде бір тыңдарманы сұрақ қойған.Осы орайда, шоу-бизнес өкілі «хиджаб кимейтін әйелге үйленбей-ақ қойған дұрыс» деп пікір білдірді.<blockquote>«Көшеге әтірін сеппей шығып, күйеуінің алдында ғана себетін, көшеге боянбай шығып, күйеуінің алдында ғана боянатын» деген талаптарды қатты ұстанамын. Соған дайын әйел болса, аламын. &nbsp;Басқалар (ред-) кигізе ме, шешіндіре ме, шешіп ала ма – шатағым жоқ. Соған көнетін әйелді аламын, көнбесе, алмаймын. Неге, арабтікі ме – маған бәрібір. Мен оны түсініп тұрмын, түсенетін әйел іздеймін. Кимеймін десе, «чао» деймін. Өйткені, мен болашақ әйелімді санын жалтыратып ешқайда шығарғым келмейді. Ал енді неге хиджаб кигізесің деген сұрақ болса, ер адам өзіне жауапкершілік алады ғой. Үйленгеннен кейін екінші адам үшін де жауаптысың. Ақыретте екі адам үшін сұраласың. Сол үшін хиджаб киіп, дұрыс жүрмейтін әйел болса, үйленбей-ақ қойған дұрыс деп ойлаймын. Өйткені, өзімізді қатыра алмай жүргенде, екінші адам үшін сұралғым келмейді. Әйелін өлтіріп қойды дегеннің бәрі хиджаб кимегеннен басталған шаруа. Ұстаздар баяғыдан айтып келе жатыр. Әйелі санын жалтыратып көшеге шығады, күйеуі оны естиді де, барып өлтіріп қояды деген сияқты», – деді әнші.</blockquote>Коллаж: Sn.kz

«Әйелін өлтіріп қойды» дегеннің бәрі хиджаб кимегеннен»: Әншінің сөзі желіде дау тудырды 

<a href="https://kyzylorda-news.kz/">Kyzylorda-news.kz</a>&nbsp; Паспорт және жеке куәлікті рәсімдеу барысында мемлекеттік баждың бір бөлігін иемденіп отырған."Қазпочта" АҚ-ның Алматы облысы Жамбыл аудандық халыққа қызмет көрсету бөлімінде кассирлері 2021-2023 жылдар аралығында азаматтарға төлқұжаттар мен жеке куәліктерді беру кезінде төленген мемлекеттік баж салығының бір бөлігін жымқырған, деп хабарлайды <a href="Kyzylorda-news.kz ">Skifnews.kz</a> ақпарат порталы.Содан кейін олар көші-қон полициясына бұрмаланған жалған түбіртектерді берген. Қаржы мониторингі агенттігінің мәлімдеуінше, мемлекетке 84 миллион теңгеден астам шығын келген.Қаржылық мониторинг агенттігі Алматы облысы прокуратураның үйлестіруімен мемлекеттік қызметтер көрсетілгендігі үшін жасалған төлемдерді аса ірі мөлшерде жымқыру мән-жайы бойынша сотқа дейінгі тергеп-тексеру бастады.Тергеп-тексерумен Алматы облысы Жамбыл ауданының халыққа қызмет көрсету бөлімінде қызмет көрсететін "Қазпошта" АҚ кассирлері 2021-2023 жылдар аралығында паспорт және жеке куәлікті рәсімдеу барысында мемлекеттік баждың бір бөлігін иемденіп отырғандығы анықталды.Көші-қон қызметіне баж соммасы жайлы көрінеу жалған ақпарат енгізілген түбіртекті ұсынып, мемлекетке 84 млн теңгеден аса шығын келтірген.Тергеп-тексеру жалғасуда, өзге ақпарат ҚР ҚПК 201 бабына сәйкес жариялауға жатпайды.Қаржылық мониторинг агенттігі экономикалық құқықбұзушылықтар үшін заңмен жауапкершілік көзделгендігін ескертеді, - деп хабарлады ведомстводан.Фото: azh.kz

«Қазпошта» кассирлері 84 миллион теңгеден астам қаржы жымқырған

<a href="https://kyzylorda-news.kz/">Kyzylorda-news.kz</a>&nbsp; Шаруашылықтың аса маңызды салаларының бірі – энергетикасы. Бұл сала өнеркәсіп пен қоғамның барлық өндіргіш күшінің аумақтық орналасуы мен дамуына әсер етеді. Сол себепті де, энергетика саласын республика шаруашылығының жетекші саласы деуге толық негіз бар. Қазіргі кезде ауылдық елді мекендерді газбен қамтамасыз ету аса маңызды. Өткен жылдың қорытындысымен облыс аумағында 4 қала және 35 ауылдық елді мекен табиғи газға қосылып, тұрғындарды газдандыру үлесі 75 пайызды құрады. Ал биыл 4 ауылдық елді мекен табиғи газбен қамтамасыз етілді. Жыл соңына дейін тағы 7 ауылдық елді мекен газдандырылатын болады деп күтілуде. Салада атқарылған сан түрлі жұмыстарды облыстық энергетика және тұрғын үй-коммуналдық шаруашылық басқармасының басшысы Медет Усаин Қызылорда облысының Өңірлік коммуникациялар қызметінде баяндады.&nbsp;<blockquote>Ауыз сумен қамту бойынша облыста 230 ауылдық елді мекеннің 204-і немесе халық санымен алғанда 98,4 пайызы орталықтандырылған ауыз су жүйесіне қосылған. Қалған 26 ауылда 7 мыңнан аса адам немесе ауыл халқының 1,6 пайызы қоныстанған. 26 елді мекендегі халықты 100 пайыз ауыз сумен қамту бойынша кезеңдік жоспар бекітіліп, соған сәйкес жұмыстар жүргізілуде. Нәтижесінде, барлық елді мекендер 2025 жылдың соңына дейін сапалы ауыз сумен қамтамасыз етілетін болады,- деді Медет Усаин.</blockquote>Бүгінде облыс аумағында жалпы ұзындығы 10 490 шақырым электр желілері және әр-түрлі кернеуліктегі 2008 дана қосалқы станциялары бар. Олардың тозу деңгейі 66 пайызды құрайды. Ал жауапты мамандар жыл соңына бұл көрсеткішті төмендетуге жұмыс жасамақ.<blockquote>2024 жылы электр жүйелерінің құрылысы мен жаңғырту жобаларын жүзеге асыруға тиісті қаржы қаралды. Бөлінген қаржы көлеміне 374,5 шақырым электр желісі мен 67 дана қосалқы станцияны қайта жаңғырту жұмыстары жүргізілетін болады. Нәтижесінде тозу деңгейі 66 пайыздан 64 пайызға дейін төмендетіледі деп күтілуде,- деді Медет Усаин.</blockquote><blockquote>Фото: Қызылорда облысының Өңірлік коммуникациялар қызметі</blockquote>

Энергетика – экономиканың драйвері

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда облысындағы ауылдардың бірінде 26 жастағы жергілікті тұрғын әйелін аяусыз ұрып-соққан. 21 жастағы қыздың мәйіті өз үйінен табылған, деп хабарлайды <a href="https://egemen.kz/">Egemen.kz.</a>26 жастағы қызылордалық 21 жастағы әйелін ұрып өлтірген. Қылмыс жасағаннан кейін ол оқиға орнынан қашып кеткен.Жергілікті полиция күдіктіге іздеу салып, кейін оның ұсталғанын хабарлаған.<blockquote>«Қазіргі уақытта бұл іс бойынша тиісті сараптамалар тағайындалып, тергеу жүріп жатыр. Күдікті ұсталып, уақытша ұстау изоляторына қамалды, тергеу жалғасуда», деді Қызылорда облысының полиция департаментінен.</blockquote>Тергеу мүддесі үшін оқиғаның басқа мәліметтері жарияланбайды.

Қызылордада әйелін ұрып өлтірген 26 жастағы азамат ұсталды

<a href="https://kyzylorda-news.kz/">Kyzylorda-news.kz</a> &nbsp;"Kaspi Gold" арқылы ақша жинаған мектеп басшылығы сотталып жатыр.Мұнайлы ауданының прокуратурасы «№3 арнайы мектеп» КММ тексеру нәтижелері бойынша мекеме басшылығы тарапынан бірқатар заң бұзушылықтарды анықтады, деп хабарлайды <a href="http://ulysmedia.kz/">Ulysmedia.kz</a>.Атап айтқанда, мектеп басшылығы ай сайын «Kaspi bank» және «Halyk bank» мобильдік қосымшалары арқылы қарамағындағы қызметкерлерден ақша қаражатын заңсыз жинауды жүзеге асырған.<blockquote>“Бұдан басқа, формальды бұйрықтар шығару және жеке тұлғаларға артық сыйлықақылар есептеу негізінде ақша қаражатын заңсыз аудару фактілері анықталды”, &nbsp;–&nbsp;деп жазылған хабарламада.</blockquote>Сондай-ақ, мектеп директоры өз қарамағындағылардан өзіне салынған әкімшілік айыппұлдарды төлеуге мәжбүрлеген.<blockquote>“Аталған арнайы мектептің лауазымды тұлғаларына қатысты лауазымдық өкілеттіктерді теріс пайдалану фактісі бойынша ҚК 361-бабы бойынша сотқа дейінгі тергеп-тексеру басталды, –&nbsp;деп хабарлады Маңғыстау облысының прокуратурасы.</blockquote>Фото: ашық дереккөзден

"Kaspi Gold" арқылы ақша жинаған мектеп басшылығы сотталып жатыр

<a href="https://kyzylorda-news.kz/">Kyzylorda-news.kz</a> Сенбі күні облыс әкімі Нұрлыбек Нәлібаев ҚР Парламенті Сенатының депутаты Наурызбай Байқадамов, Мәжіліс депутаты Мұрат Ергешбаевпен бірге Қызылорда қаласындағы бірқатар нысандарды аралап, жаңарған орталық алаңды көрді.Кейінгі жылдары көпқабатты тұрғын үй аулаларына балалар ойын алаңдары көптеп салынуда. Аймақ басшысы орталық алаң маңындағы тұрғын үй аулаларына аялдап, балалар ойнайтын алаңдарға қойылатын басты талап сапа мен қауіпсіздік екенін ескертті.Сондай-ақ, ескі автовокзалға барып, қалалар мен аудандарға қатынайтын көліктер тұрағын сол жағалаудағы жаңа автовокзалға көшіру жұмыстарын пысықтады. Ескі автовокзал аумағындағы тазалыққа қатысты түйткілдерді атап көрсетті. Жаңа автовокзал жолаушы тасымалына қойылатын талаптарға толық сәйкестендірілген. Облыс әкімі жолаушылар мен жүргізушілер игілігі үшін салынған жаңа нысанға көшіруді жеделдетуді тапсырды.Фото: Қызылорда облысы әкімінің баспасөз қызметі

Облыс әкімі қаладағы бірқатар нысандарды аралады

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте өңірдің санитарлық тазалығын қамтамасыз ету мәселелері талқыланды.Аймақ басшысы қала аралау барысында байқаған кемшіліктерге тоқталып, оларды шұғыл түрде жөнге келтіруді міндеттеді.<blockquote>«Бұған дейінгі мәжілістерде қала, кент, елді мекен аумақтарының санитарлық тазалығына, көгалдандыруға қатысты ескертулер айтып келемін. Әріптестер, барлық ұсыныстарыңызды қолдап, тазалыққа бюджеттен қажетті қаржыны бөлдік, арнайы техникалар алып бердік. Жыл сайын қаланы абаттандыруға, санитарлық тазалықты қамтамасыз етуге, көгалдандыруға, жол белгілерін орнату және күтіп ұстауға, қала көшелерін ағымдағы, орташа жөндеуге қаржы бөлінген. Дегенмен, жұмыс өз деңгейінде жүргізілмейді. Кемшілік өте көп. Аппарат инспекторлары Қызылорда қаласы аумағына күнделікті, ал, аудандарға апта сайын зерделеу жүргізуде. Ғимараттардың қасбеті, аумағы санитарлық талапқа сай келмейді. Орталық көшелерге егілген гүлдер мен газондар осы кезде қурап жатыр. Ешқандай күтім жоқ, уақытылы суарылмайды. Қала аумағындағы 25 көпқабатты тұрғын үйдің ауласындағы балалар ойын алаңдарын күрделі жөндеуге облыстық бюджеттен 1 млрд. теңге қаралған. Дегенмен, жұмыс баяу жүруде», - деді Нұрлыбек Машбекұлы.</blockquote>Қала, аудан әкімдері, басқарма, департамент, мекеме басшыларына анықталған кемшіліктерді 2 күн ішінде қалыпқа келтіру тапсырылды. Жауапты басшылар әкімшілік аумақтағы барлық елді мекеннің санитарлық тазалығын қатаң бақылауға алып, көркейту-көгалдандыру, әктеу-сырлау жұмыстарын тұрақты жүргізуі тиіс. Облыс әкімі аппараты күнделікті зерделеуді әрі қарай жалғастырып, анықталған кемшіліктерді қалпына келтіру бойынша ұсыныс беретін болады.Мәжілісте басталған құрылыстарды межелі уақытта салып бітіру, мектептердегі күрделі жөндеу жұмыстарын жаңа оқу жылына дейін аяқтау туралы тапсырма берілді.Фото: Қызылорда облысы әкімінің баспасөз қызметі

Кемшіліктерді тез арада жөнге келтіру керек

<a href="https://kyzylorda-news.kz/">Kyzylorda-news.kz</a> &nbsp;Биылғы жылдың бірінші жартыжылдығында облыстың әлеуметтік-экономикалық дамуының негізгі макрокөрсеткіштері бойынша оң өсім қалыптасқан. Аймақтың өнеркәсіп өндірісінің көлемі өткен жылмен салыстырғанда 105,0 пайызға артқан. &nbsp;Өңірлік коммуникациялар қызметінің ақпарат алаңында облыстық экономика және қаржы басқармасы басшысының міндетін атқарушы Фарида Аббасова саладағы оң өзгерістерді баяндады.<blockquote>– Биыл өңдеу өнеркәсібінде өндірілген өнімнің көлемі өткен жылмен салыстырғанда 37,5 пайызға артық орындалған. Өсім негізінен резеңке және пластмасса бұйымдарын өндірудің 13,9 пайызға, химия өнеркәсібінің өнімдерін өндіру 7,7 пайызға, металлургия өндірісінің 148,8 пайызға және жеңіл өнеркәсіп 43,5 пайызға артуы есебінен қамтамасыз етілген. Сонымен қатар, биыл Бірыңғай индустрияландыру картасы аясында облыста 87 жұмыс орындары құрылатын 2 жобаны іске асыру жоспарланып отыр. Олар “Нан-тоқаш кондитерлік, макарондық өнімдер өндіру кешені” және “Күріш ақтау зауытының құрылысы”. Одан бөлек, ауыл шаруашылығының жалпы өнімінің көлемі өткен жылғы осы кезеңнің 104,0 пайызын құрап отыр. Ал, осы жылдың 1 тоқсанындағы жұмыссыздық деңгейі 4,9 пайыз болып отыр,- деді Фарида Әубәкірқызы.</blockquote>Фото: Өңірлік коммуникациялар қызметі

Архив