<a href="https://kyzylorda-news.kz/">Kyzylorda-news.kz.</a> 1 маусым – Халықаралық балаларды қорғау күнінде жаңа кәсіпкерлік нысан «Әсия ана» балабақшасы ашылды. Қармақшы ауданының әкімі Жандос Еркінбек балабақшаның ашылу салтанатына қатысып, осындай игілікті істі қолға алып, бүлдіршіндеріміздің заман талабына сай балабақшада тәрбие алуына мүмкіндік жасаған жергілікті кәсіпкер Әсия Мүсілімқызына алғысын білдірді.<blockquote>«Бөбектер үлкен өмірге деген алғашқы қадамын балабақшадан бастайды. Қазақта «Ұяда не көрсең, ұшқанда соны ілерсің» деген киелі сөз бар. «Әсия ана» балабақшасында білімді, тәрбиелі, елінің дамуы үшін аянбай еңбек ететін ұрпақ тәрбиеленеді деген үлкен сенім бар», – деді Қармақшы ауданының әкімі.</blockquote>Одан соң аудан ардагерлерімен бірге жаңа нысанның лентасын қиып, балабақша жұмысымен танысты.Айта кетейік, балабақша Қармақшы ауданы әкімдігінің қолдауымен «Қызылорда» Өңірлік Инвестициялық Орталығы» арқылы 20,0 млн теңге көлемінде несие қаражатымен қаржыландырылған.Бүгінде балабақша иесі 25 адамды жұмыспен қамтуды және 3 жастан 6 жасқа дейінгі 75 баланы қабылдауды жоспарлап отыр.&nbsp; Оның ішінде бір тобы ерекше балаларға инклюзивті білім беру бағдарламасы бойынша қызмет көрсетеді.Балабақша – тәрбиенің бастауы. Мұнда табалдырық аттаған әр бүлдіршіннің ертеңіне деген нық сенім орнап, жүректерінде патриоттық сезім жалындаған ұлт ұрпағын тәрбиелейтін, білім мен тәрбие беретін орта саналады. Баланың болашақ тұлға, өз елінің патриот азаматы ретіндегі қасиеті, оның негізі мектепке дейін-ақ қаланады.&nbsp;<img src="https://knadmin.beoblood.kz/uploads/350511693_604865148317929_8129375545515312276_n_38e14ca4d7.jpg" alt="350511693_604865148317929_8129375545515312276_n.jpg"> &nbsp;

Қармақшыда жеке кәсіпкер жаңа балабақша ашты

<a href="https://kyzylorda-news.kz/">Kyzylorda-news.kz.</a> Ұрпағына мал емес, тал қалдыруды ойлайтын қазақ халқы көктем шыға көшет іздеп сабылады. Ондағысы ертеңін ойлап ертерек қам қылғаны. Бір түп жеміс ағашын қадасаңыз жүз жыл азық боларын білесіз. Содан болар ауласын гүлге орап, бақшасын жеміспен жайқалтқанына балаша қуанады. Мейрамбекше жырласақ, «Көк шыққанға бір қуанып, шөп шыққанға бір қуанып» өтіп жатқан өмір-ай дерсіз.Иә, әне-міне дегенше біздің өлкеге де жаз да келіп жетті. Қаһарлы қыстан төрт көзі түгел шыққан ағайын жеңілденіп, бойында қан жүгіре бастады. Кент ішінде орналасқан «Нұркелді» мейрамханасына бара қалсаңыз, қарама-қарсы бетте орналасқан «Гүл – бақша әлемі» деген маңдайшасы бар дүкен көзге оттай басылады. Ашылғанына көп болмаса да алдынан адам үзілмейтін дүкеннің ішінде керектің бәрі бар. Керек болғанда сол көктемде егетін сан түрлі жеміс көшеттері мен ешкімнің есігінің алдынан кезіге бермейтін ерекше гүлдерді табуға болады. Мәселен, алманың 4 түрлі сорты, алмұрт, өрік, қара өрік, шабдалы, анар, жаңғақ, терек, лимон, тұт ағаштары бар. Сондай-ақ, раушан гүлдерінің түр-түрі, лагестремия, будлея, жасмин, бақтағы декаративті гүлді шеңгел, яғни, бульденеж, көп жылдық шөмішгүл (фодосбор), олеандр, ирис, лабазник, юкка гүлдері үйдің ауласына отырғызуға арналған.<blockquote>«Жарық әлемде нәзік жандылар әрқашан сұлулыққа құштар болуы қажет. Әйел адам айналасын арайландырып, әрдайым сұлулық сәулесін шашып жүруі тиіс. Сұлулық адамның жанын жылытады, керемет күйге, тылсым сезімге бөлейді. Үйіміздің ауласындағы әрбір ашылған гүл жанымды жадыратады. Әсем гүлдер көңіліме қуаныш сыйлап тұрғаны үшін күнде таңертең бақшамызды аралап, олардың әрқайсысына алғысымды білдіремін, олармен сырласамын. Таңертең таңғажайып гүлдердің керемет көрінісінен рухани ләззат аламын. Адамдар ерінбей еңбек етсе ғана, айнала қылқалам шеберлерінің туындыларындағыдай көріністерге бөленіп, адамның жан-дүниесінде әдемі көңіл-күй орнайды», – дейді дүкен иесі Базаркүл Жеңсікбаева.</blockquote>Есігінің алдына 40-тан астам гүлдің түрін отырғызып, эксперимент жасаған бағбан Базаркүл олардың күтімі, өсу барысы жайында толық зерттеген. Сондықтан болар тұтынушыға сапасыз өнім ұсынбаймын дейді. Көшетке жаңа туған сәбидей күтім жасайтын ол сатып алушылармен де білгенімен, тәжірибесін бөлісіп отырады. Дүкен ішінде арнайы тыңайтылған топырақ, тыңайтқыш, өсімдікке нәр беретін дәрі-дәрмектің бәрі бар. Реаниматор, борогум-н сынды тыңайтқыштардың қалай, қай кезде, қанша мөлшерде қолданылатынын да тілге тиек етті.&nbsp;Естеріңізде болса, Шиеліге анар ағашын жерсіндіріп, өсірген адам туралы өткен жылдары мақала жазған болатынбыз. Ал Базаркүл кивиді жерсіндіріп, киелі мекенге алып келуді көздеп отыр.Дүкен сөрелерінен бөлме гүлдерін де аңғардық. Ал көшеттерді арнайы тапсырыс арқылы Сарыағаш пен Ресейден алдырады. Өсімдіктің өсімінен өмірге деген құлшынысы артатын кәсіпкердің ісіне қарап сүйсінбеске болмады. Айналасын гүлдендіріп, ауласын баққа айналдырған Базаркүл Яхулақызының ендігі арманы киелі Шиеліні тек ши мен шие емес, ерекше жемістерімен де таңқалдыруды қалайды.

Шиелілік кәсіпкер ерекше гүлдерді жерсіндірген

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетов алғашқы тоқсандағы атқарылған жұмыстар мен елдің жәйін білу мақсатында Құланды, Беларан ауылдық округтеріне барып, тұрғындармен кездесті.Аудан басшысы алдымен Құланды ауылдық округінде болып, елдімекенде жүргізіліп жатқан ауыз су желісінің құрылыс жұмыстарын бағамдады.Қазіргі таңда, Құланды ауылдық округіне қарасты Ақбасты елді мекеніне ауыз су құбыры тартылуда. Өтпелі негізде жүзеге асырылатын жоба арқылы ауыл тұрғындары таза ауыз сумен қамтылатын болады. Мердігер «Сапа Құрылыс» мекемесі. Ауыл халқымен өткен кездесуде аудан басшысы теңізді өлкедегі жыл басынан бері атқарылған жұмыстарды баяндап, жүзеге асырылып жатқан ірі жобалар жөнінде тоқталып өтті.<blockquote>«Өңірімізде атқарылып жатқан игі &nbsp;істердің &nbsp;нәтижесінде биылғы &nbsp;жылдың І &nbsp;тоқсанының өзінде ауданға 3,4 млрд теңге &nbsp;инвестиция тартылып, ауданның биылғы жылғы нақтыланған &nbsp;бюджеті 18,4 &nbsp;млрд &nbsp;теңгені &nbsp;құрап отыр. Биыл жол саласы мен электр желісінің құрылысына баса мән беріліп, ауқымды жұмыстар жүзеге асырылуда. Су мәселесі де күн тәртібіндегі маңызды мәселенің бірі. Бүгінде өздеріңіздің ауылдарыңызда ауыз су құбырын тарту жұмыстары жүргізілуде. Мердігер мекемеге осы жылы орталықтандырылған ауыз су жүйесімен қамтамасыз ету үшін жұмыстарды мерзімінде талапқа сай бітіруді тапсырдым. Жыл соңына дейін пайдалануға берілетін болады. Оған қоса, Көктем елдімекенін де биыл су жүйесін іске қосатын болсақ, жақын арада бұл жұмыстар Тоқабай, Абай ауылдарында да бастау алмақ. Сондай-ақ, бүгінгі таңда Сазды елдімекенін тұщытатын қоршауланған ауыз су жүйесіне қосу үшін жұмыстар жүргізіліп жатса, Ерімбетжаға елдімекенін сумен қамтамасыз ету үшін жоба сметалық құжаттары әзірленуде»-деді, Серік Сағитжанұлы.</blockquote>Тұрғындар да өз тарапынан жергілікті жердегі шешімін табуды қажет ететін өзекті деген мәселелерді ортаға салды. Мәселен, Көкарал бөгеті тұсынан Ақбасты елдімекеніне дейін жол салу мәселесін айтты. Аудан басшысы, бірінші кезекте өткен жылы бастау алған жол құрылыстары аяқталып, одан соң сметалық құжаттамалары дайындалған жобалар бойынша жұмыс жасалатындығын түсіндірді. Дегенмен, 60 шқ қашықтықты құрайтын аталған жолдың 30 шақырымына жол салу үшін биыл құжаттандыру жүргізіліп, келесі жылы сметалық құжаттары жасалатынын жеткізді.Сапар одан әрі Беларан ауылдық округінде жалғасты. Аудан әкімі алдымен демеушілік есебінен құрылысы жүріп жатқан «Ұстаздар» аллеясының жұмысын көрді.Беларандықтармен өткен кездесуде ауыл тұрғандары аяқ су мәселесін айтты. Аудан басшысы бүгінде «Жарас» су ұңғымасы арқылы аяқ су тарту жұмыстары үшін жоба сметалық құжаттары дайындалып жатқанын жеткізді. Сондай-ақ, елдімекенді таза ауыз сумен қамтамасыз ету үшін құны 21,2 млн. теңге болатын жобаны қаржыландыруға бюджеттік ұсыным берілгенін айтты.Басқосуда Серік Сағитжанұлы «Ауыл Аманаты» бағдарламасының тиімділігіне тоқталып, аталмыш жоба арқылы түрлі кәсіп көзін бастауға болатынын жеткізді. Сапар соңында аудан әкімі «Жарас» су ұңғымасына барып, аяқ сумен қамтамасыз ету мақсатында жүргізілетін жұмыстармен танысты.

Арал ауданына  3,4 млрд теңге  инвестиция тартылды

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Берік Сарменбаев аудан тұрғындарын жеке мәселелері бойынша қабылдаған болатын.Кезекті рет жүзеге асқан Қабылдауға алдын ала жазылған тұрғындар өздерінің толғандырып жүрген жұмыссыздық мәселесі, қайтарымсыз грант, мүгедікке шығу мәселесі және тағы да басқа жеке өтініш-тілектерін жеткізгені мәлім.&nbsp;<blockquote>&nbsp;Бүгін кезекті рет аудан тұрғындары жеке қабылдауыма келді. Күнделікті көкейтесті мәселелердің шешімін табу үшін тиісті бөлім және мекеме басшыларына нақты тапсырма беріп отырамын. Осы жолы аудандары бірнеше өзекте мәселесін алға тартты. Шын мәнінде, қоғам өмірінде кездесетін кез келген мәселені шешу жолында сан түрлі қиындықтарды жеңе білген дұрыс. Әрине, аудан тұрғындарының әрбір өтініші қаралады. Жан-жақты сараланады. Қашанда біздің басты мақсатымыз – &nbsp;тұрғындардың өтініш-тілегін барынша қанағаттандыру болып табылады, – деді аудан әкімі Берік Сәрменбаев. &nbsp;</blockquote>Тұрғындардың мәселелері бойынша тиісті сала басшыларына тапсырмалар беріліп, бақылауға алынды. Расында, әр апта сайын аудан әкімінің қабылдауына мың түрлі қиындықпен тұрғындар келеді. Осы ретте, ауданға қарасты Тереңөзек кенті мен елді мекен тұрғындарының мәселелері назардан тыс қалмайды. Себебі, &nbsp;халық пен биліктің байланыс орнатуы – маңызды рөл ойнайды. &nbsp;&nbsp;&nbsp;

Сырдария ауданының басшысы жеке қабылдау өткізді

<a href="https://kyzylorda-news.kz/">Kyzylorda-news.kz.</a> Қызылорда облыстық прокуратурасының қолдауымен 600 кәсіпкердің бұзылған құқығы қалпына келтірілді. Қызылорда облысының прокуроры Нұрлан Бижановтың төрағалығымен бизнес өкілдерінің бұған дейін білдірген шағымдарының қаралу нәтижесін хабарлау және жаңа шағымдарын тыңдау мақсатында кездесу өтті.Өткен жылмен салыстырғанда биыл берілген талап арыздар 89-дан 24-ке немесе 73%-ға азайған.<blockquote>«Облыстық прокуратура биылғы жылдың 5 айында қолданылған 29 қадағалау хаттаманың қаралуы нәтижесінде 306 хаттама мен 111 әкімшілік істің күші жойылды. Сондай-ақ, 600 кәсіпкердің бұзылған құқығы қалпына келтірілді, 68 кәсіпкердің 53 млн теңге қаржысы өндірілді. Прокуратура кәсіпкерлерге дереу қолдау шараларын іске асыру үшін тәулік бойы жұмыс істейтін мобильді топтардың жұмысы ұйымдастырылған. Биыл 142 сигнал қаралып, 70-не заң талабы түсіндірілді, 72 шағым қанағаттандырылды. Атап айтқанда, қадағалау актісімен 54 кәсіпкерге тиесілі 26,1 млн теңге мемлекеттік сатып алу шартының орындалуын қамтамасыз ету қаржысы өндірілді. Оған қоса 18 кәсіпкерге қолданылған әкімшілік жазалардың күші жойылды. Одан басқа өткен жылдың 29 қыркүйегінде Бас прокуратура алаңында бизнестің әлсіз тұстарын реттеуге бағытталған Бірлескен шараның кешенді жоспары қабылданды. Жоспарды орындау тәртібінде қолданылған шаралардың арқасында Мемлекеттік кірістер органдарының салықтық бұйрықты заңсыз қабылдау тәжірибесі тоқтатылды», – деп мәлім етті облыстық прокуратурадан.</blockquote>Сондай-ақ, «Қоғамдық бақылау – түбіртекті талап ет» жобасының заңдылығы талданды. Кірістер органдарында қалыптасқан салықтық тексерістерді заңсыз жүргізу және кәсіпкерлерді негізсіз әкімшілік жауапқа тартудың тәжірибесі жойылды.<blockquote>«Салық қызметкерлер ұялы телефон қосымшасы арқылы түскен хабарлама негізінде сауда орындарына шығып немесе кәсіпкерлерді шақырған. Олардан түсінік алып, тексеріс жасаған. Оған қоса жеткілікті дәлелдемесіз әкімшілік жауапқа тартқан. Салық өкілдері 93 кәсіпкерді негізсіз әкімшілік жазаға тартқаны және 8 жағдайда заңсыз тексеріс жүргізгені үшін әкімшілік жауапқа тартылды. Әкімшілік істердің күші жойылды, 5 қызметкердің тәртіптік жауаптылығы шешілді», – деп толықтырды ведомстводан.</blockquote>Еске салсақ, бұдан бұрын Қызылорда облысында алимент бойынша берешек 136 млн теңгеге азайған.

Қызылордада 600 кәсіпкердің бұзылған құқығы қалпына келтірілді

<a href="https://kyzylorda-news.kz/">Kyzylorda-news.kz.</a> Қазалы десе, көпшілігі ең алдымен бала күнінде Қазалының кәмпитін жегенін еске алады. Талайды тамсандырған кәмпит өткен ғасырдың екінші жартысында Қазалы ауданындағы кірпіш зауыты жанынан өндіріліп, күллі Қазақстанға тараған. Қазір зауыт жұмысын тоқтанқанымен, байырғы өндірістің қыр-сырын меңгерген қазалылықтар кішігірім цехтар ашып, Қазалының кәмпитін жер-жерге жеткізуде.Кезінде әжелеріміздің «қонаққа» деп сандықтың түбіне сарымайдай сақтайтын кәмпиттерінің бүгінде өтімділігі ұлғайған. Мәселен, Қазалыда тәттімен табысын еселеп жүрген тағы кәсіпкер бар. Ол – қазалылық кәсіпкер Гүлзада Кадіршева. Кәмпит өндіруді әуел баста күріш зауытының карамель кобинатында жұмыс істеп жүргенде үйренген екен. 1998 жылы цех жабылғанда жеке іс бастап, үйінен кәмпит шығаруды қолға алған. Бүгінде «Ақмарал» кәмпит өндіру шағын цехында кәмпиттің сегіз түрі дайындалады. Олардың қатарында барбарис, жалбыз, соломка, рокс, ләмпаси және тағы басқа түрлі тәттілер бар.Тәттіден табыс тапқан кәсіпкер отбасын да осыған баулыған. Қыздары мен келіндері де кәмиттің түр-түрін жасайды. Шағын цехта еңбек ететін төрт адам тапсырыс бойынша кәпмит өндіреді.<blockquote>«Кәмпиттің бірнеше түрін жасай аламын. Дегенмен, бәрі бірдей сұраныста емес. Тұтынушылар барбарис, жалбыз кәмпиттерін жиі іздейді. Біз бұрынғы әдіспен әзірлейміз. Қазанға қайнатылған қант қамыр секілді иленіп, бабына келген тұста созып, үзе бастаймыз. Сапасына аса мән береміз. Әр кәмпитті жасаудың өз технологиясы бар. Сондықтан жұмыс барысында өзім боламын», – дейді кәсіпкер.</blockquote>Осылайша, қазалылық кәсіпкерлер Қазақстанның «тәтті нарығында» өздерінің елеулі орны барын дәлелдеуде.

Қазалылық кәсіпкер тәттіні табыс көзіне айналдырып отыр

<a href="https://kyzylorda-news.kz/">Kyzylorda-news.kz.</a> Жаңақорған ауданында соңғы күндері егістікке аяқ су жеткізу мәселесі өте өзекті тақырыпқа айналды. Суды тапшылығы, &nbsp;әсіресе дария деңгейінің төмен түсуі шаруалардың әбден мазасын алып, дала еңбеккерлерінің түн ұйқысын төрт бөлуде. Күрішпен күнелтіп отырған ауыл халқына бұл қиын шаруа болғалы тұр. Бұл жөнінде диқан қауымның уайымы заңды. Біз жауапты мамандарға жолығып, бүгінгі таңда межеленген 8346 гектар күріштің 7428 гектары егіліп, 7151 гектары суға бастырылғанын білдік.Күрішті суға бастырудың науқаны тоқтатылыпты. Өйткені, бұдан артық егуге келешекте су тауып беру қиынға соғатын түрі бар. Бұл жөнінде бөлім басшысы Талғат Зейдалиев нақты жауап берді.– Бекітілген күріш егу және суға бастырудың 5 күндік графигіне сәйкес бүгінгі таңда межеленген 8346 гектар күріштің 7428 гектары егіліп, 7151 гектары суға бастырылды. Қазіргі таңда аудан бойынша барлығы 35 насос қондырғысы бар. Оның ішінде облыстық табиғи ресурстар және табиғат ресурстарын реттеу басқармасы арқылы 20 насос, «Қазсушар» РМК филиалы арқылы 7 насос және шаруашылықтардың өз есебінде 8 насос қондырғысы іске қосылған.Ендігі мәселе су тапшылығы, рас қазір аяқ су өте күрделініп барады. Осының алдын алу бойынша күрішкөлемін қысқарту жөнінде шаруаларға ескертілді. Күріш дәл қазір жоспарға сай егілді, егер бұдан артық егетін болсақ вегетациялық кезеңнен алып шыға алмаймыз. Бұл кезең 90-110 күн аралығында жүреді.– Ал, суға бастырылған күріш алдағы уақытта судан таршылық көрмей ме?– Тамыз айының 10-нан бастап Шардара су қоймасынан Сырдария өзеніне берілетін нақты 250 кубтан 100 кубқа дейін азаятын болады. Осы кезеңде егілген күрішке суды жеткізіп отыруымыз керек. Қазірдің өзінде 6 кубтан 12 куб су берілді, соның өзін әрең дегенде жеткізудеміз. Сондықтан алдағы уақытта да осы межені ұстап тұру үшін облысқа тиісті хаттарды жазып, хабарландырулар жіберудеміз Бұл жерде тоспа салу мәселесі көтерілуі заңды. Ол үлкен жұмысты қажет етеді. Көктөбе ауылынан 6 шақырым қосымша арна қазу бойынша құжат сараптамада. Егер барлығы ойдағыдай жүзеге асса онда бізге 10 кубтай су қосылады. Ол да уақыттың еншісінде. Қазіргі міндет келген суға бақылау жасап, ұстап тұру.– Кейбір шаруалар сусыз қалғанын алға тартуда. Мұны қалай түсінеміз?– Жоғарыда айтқандай бірінші біз ескерту арқылы жоспарды жүйеледік. Оның ішінде дәнді су көздерінен қашық, биік танаптарға орналастырмау және ротацияны бұзбау жөнінде де нақты айтылды. Осыған қарамастан ротация бұзылып, Қожакент пен Сунақата межені артығымен орындады. Бұл өз кезегінде су тапшылығына әкеледі. Ал, осы күнге дейін суға бастырылған өнім енді барынша күтімге алынады.– Каналдарды тазалау қалай жүргізілді?– Биыл ішкі 145 шақырым каналдардың 54 шақырымы тазалану керек болса, соның 48-і ғана іске асырылды. Аққорған ауылдық округінде “Р-11” каналының 6 шақырымы тазаланбай, соның салдарынан күріш егу жоспары кемітілді. 2023 жылы су нысандарын тазалау жұмыстары бойынша облыстық табиғи ресурстар және табиғат пайдалануды реттеу басқармасы арқылы атқарылған жұмыстарға қысқаша тоқталсам. Қыркеңсе ауылдық округіндегі «ОК-1-3» су қашыртқысына 59,5 млн. теңге және Байкенже ауылдық округінен «Дөңбай» каналына 23,7 млн теңге тазалау жұмыстарына бөлінді. Бүгінде осы каналдарға «Табиғат» МКК-мен мемлекеттік сатып алу заңдылығы бойынша тазалау жұмыстарын жүргізу үшін келісім шарттар жасалуда. Су шаруашылығы жұмыстарын жүргізудің жобалық-сметалық құжаттамасын әзірлеуге облыстық бюджеттен М.Нәлібаев ауылдық округіндегі «К-2-6-1» су қашыртқысына 1,134 млн теңге, «К-2- 6-2-1» су қашыртқысына 0,96 млн теңге қаралды. Аққорған ауылдық округіндегі «Р-16-2-1» каналына 1,2 млн теңге, «Р-16-2» каналына 1,16 млн теңге қаражат бөлінді. Жалпы каналдар 3 бағытқа бөлінеді. Бірінші, Келінтөбе және Сунақата магистралды каналдары республикалық табиғи су ресурстар комитетінің теңгерімінде.Ал, “Р-16” сипатындағы каналдар, басқа да су көздері облыстық табиғи су ресурстарының теңгерімінде болса, “Р-11” сипатындағы каналдар ауыл әкімінің иелігінде. Оны жергілікті бюджеттен сметалық құжаты жасалып, облыстық бюджеттен құрылыс монтаждау жұмыстары қаралады. Сондай-ақ, ішкі, яғни, атыз-атыз, каналдар арасындағы су жолдарын жеке шаруалардың өз қаражаттарына тазалануы тиіс.Сонымен аяқ судың тапшылығын реттеу тек келетін суды бақылаумен ғана шектелмейтінін білеміз. Әрекет ету аса маңызды, бұл бойынша жауапты мекемелер жұмыс жасаудамыз дейді. Дұрыс, десе де ерте қамданғанның ұтары көп. Мұны мамандар жақсы біледі. Ендеше, биылғы егістік бітік шықсын деп тілейік.

Жаңақорғанда 8346 гектар күріштің 7428 гектары егілді

<a href="https://kyzylorda-news.kz/">Kyzylorda-news.kz.</a> Қазалы ауданы әкімінің орынбасары Дәурен Тілеумбетов ауданның шығыс беткей тұрғындары және жастарымен кездесіп, ұсыныс-пікірлерін тыңдады.&nbsp;Дәурен Оңғарбайұлы ең әуелі мемлекет тарапынан жастарға берілетін несие аясында, “Ауыл аманаты” жобасы туралы және өскіндердің әскерге баруы жөнінде түсіндірме жасады. Сонымен қатар аудан әкімі Мұхтар Оразбаевтың тапсырмасына сәйкес жастар арасындағы құқық бұзушылық пен топтық төбелестің алдын алу бойынша арнайы топтардың рейд жұмыстары жүріп жатқанын айтты. Осы орайда жасөспірімдерді спортпен айналысуға шақырды.&nbsp;Мұнан соң тұрғындар мен жастар аудан әкімінің орынбасары Дәурен Тілеумбетов және аудандық мәслихат депутаты &nbsp;Эльмира Нұрмағанбетоваға талап-тілектерін жеткізіп, мәселелердің шешілу жолдарын сұрады. Сауалдарға тоқталып өткен Дәурен Оңғарбайұлы мен Эльмира Жалпақбайқызы кез келген түйткіл өз уақытымен шешімін тауып, ұсыныстар ескерусіз қалмайтынын сөз етті.Билік өкілдерінің іс-әрекетіне риза халық оларға жұмыста табысты, еңбекте озат болуды тіледі. Көп күттірмей өздері көтерген мәселелердің түйіні шешілетіндігіне сенім білдіріп, жиыннан жадыраңқы көңіл-күймен тарқасты.

Қазалы: Жастар ұсынысы ескерусіз қалмайды

<a href="https://kyzylorda-news.kz/">Kyzylorda-news.kz.</a> Қызылорда қаласында өтіп жатқан облыс әкімінің жүлдесіне арналған ХХVII дәстүрлі облыстық, қалалық және аудандық жергілікті атқарушы органдары мен жергілікті мемлекеттік орган қызметкерлері арасындағы спартакиада мәресіне жетті. Әр спорттан бақ сынаған мемлекеттік қызметшілер аудан абыройы үшін аянып қалмады.Командалық сында біздің аудан көш бастады. Волейбол мен футболдан өткен бәсекеде Жаңақорған командасы алтын тұғырдан көрінді.Дәстүрлі спартакиаданың алғашқы күні жаңақорғандық жігіттер шағын футболдан жарыс алаңына шықты. Топтық кезеңнен сүрінбеген аяқдопшылар жартылай сында Қазалы құрамасын 3:0 есебімен ұтып, финалға жолдама алды. Шешуші ойында біздің команда қалалық әкімдікті 3:1 есебімен айқын басымдықпен жеңіп шығып, чемпион атанды.– Жылдан жылға бұл турнирдің деңгейі өсіп, жастардың қатары артып келеді. Мұның мақсаты – бұқаралық спортты дамытып, салауатты өмір салтын қалыптастыру, мемлекеттік қызметшілердің достығын нығайту болатын. Биыл жақсы дайындықта келдік, бұйырғаны алтын болды. Жігіттер жарады, чемпиондықты келесі жылы да қорғап қалуға ниеттіміз, – деді команда капитаны, аудандық ауылшаруашылығы мен жер қатынастары бөлімінің бас маманы Жасұлан Тұрапов. Команда құрамында аудандық кәсіпкерлік, өнеркәсіп және туризм бөлімінің басшысы Марлен Нұртазаев, Қожамберді ауылдық округінің әкімі Нұрқасым Сейтқасымов пен бас маман Дінмұхаммед Нұрлыбаев, М.Нәлібаев ауылының бас маманы Тәжібек Тайбеков, аудандық сәулет, қала құрылысы және қүрылыс бөлімінің бас маманы Шыңғыс Маханұлы, аудандық тұрғын- үй шаруашылығы, жолаушылар көлігі және автомобиль жолдары бөлімінің бас маманы Расул Қарахожаев, аудандық ауылшаруашылығы мен жер қатынастары бөлімінің жетекші маманы Ерболат Шайдаров, Талап, Қыраш, Қыркеңсе ауылының бас мамандары Жәнібек Нұрлыбек, Әбдуәлі Бауыржан, Жасұлан Бердиев бар.Енді республикалық спартакиадаға Сыр елінің атынан сынға түсетін құрама іріктеледі. Аймақ намысын қорғайтынкоманда сапына бізден Жасұлан мен Дінмұхаммед шақырту алды.Жарыстың келесі күні жерлестеріміз волейболдан өнер көрсетті. Бұл бәсекеде де біздің қарсыластар қалалық әкімдік пен Қазалы ауданы болды. Бұрымдылар мен жігіттерден құралған Жаңақорған құрамасы ақтық сында қарсылас шақ келтірмей тұғырдың ең биігінен көрінді.Жаңақорған аудандық маслихаты аппаратының басшысы Алмасбек Жолдасбеков бастаған команда құрамындаНұрқасым Сейітқасымов, Шыңғыс Маханұлы, Әбдуәлі Бауыржан сынды ойыншылар бар. Сондай-ақ, Өзгент ауылдық округі әкімі аппаратының жетекші маманы Мейіржан Насыров, аудандық ауыл шаруашылығы бөлімініңсектор меңгерушісі Бахыт Жексенбаев, аудандық қоғамдық даму бөлімінің жетекші маманы Жайна Жиенбаева, аудан әкімі аппаратының бас маманы Венера Ажимова және жұмыспен қамту, әлеуметтік бағдарламалар және азаматтық хал актілерін тіркеу бөлімінің бас маманы Жанар Әбілпатта да аудан абыройын асырып қайтты. Волейбол ел чемпионатына төрт бірдей ойыншы облыс құрамасына ілікті. Айта кететіні, қазақ күресінен Бахыт Жексенбаев күміс жүлдені мойынға тақты. Жалпы есепте екі алтын мен бір күмісті еншілеген жаңақорғандық мемқызметкерлер спартакиаданы үздік нәтижемен қорытындылады.

Жаңақорған командасы алтын тұғырдан көрінді

<a href="https://kyzylorda-news.kz/">Kyzylorda-news.kz.</a> Сырдария аудандық Қоғамдық кеңесінің төрағасы М.Еспенбетовтің төрағалығымен Қоғамдық кеңестің кезекті жиыны өткізілген болатын. Жылдық жоспарға сәйкес ұйымдастырылған жиынға Қоғамдық кеңес мүшелерінен бөлек күн тәртібіне сәйкес шақырылған мекеме басшылары мен сала мамандары қатысқан еді.Жиналыстың күн тәртібіндегі бірінші мәселе бойынша Сырдария аграрлы-техникалық колледжінің аудан шаруашылықтарына қажетті механизатор мамандарын дайындау мен оларды жұмысқа орналастыру бағытында атқарып жатқан жұмыстарының есебі тыңдалды. Осы бойынша колледж директоры Д.Қожахметов баяндама жасады.<blockquote>– «Сырдария аграрлы-техникалық колледжі» коммуналдық мемлекеттік қазыналық кәсіпорнының оқу ғимараты 3 қабаттан тұрады. Колледждің оқу ғимараты 450 орындық болса, арнаулы пәндер кабинеті – 6, жалпы білім беретін кабинеттер – 11, информатика кабинеті – 1, интерактивті тақтамен қамтамасыз етілген кабинет – 4. Шеберханалар бойынша айтар болсақ, тігін шеберханасы – 12 орындық, слесарлық ісі шеберханасы – 30 орындық, автомобиль және трактор лабораториясы және аспазшы мамандығы бойынша лаборатория бар. Сонымен бірге 1 кітапхана, 26 орындық оқу залы, 120 орындық акт залы, типтік спорт зал, 1 спорт алаңы, 1 әскери даярлық алаңы бар. Колледжде 34 штаттық кестеге сәйкес 72 қызметкер жұмыс жасайды, оның ішінде 35 инженер педагог жұмыс атқарады. 2022-2023 оқу жылында колледжімізде 6 мамандық бойынша 162 студент білім алуда. Оның 130-ы ер бала, ал 32-сі қыз бала. 90 білім алушы Тереңөзек кентінен болса, қалған 72 білім алушы елді-мекендерден келген білім алушылар. Сонымен қатар, колледжде оқитын студеттердің арасында аз қамтылған отбасы балаларының саны – 65, мүмкіндігі шектеулі балалар саны – 9, көп балалы отбасынан шыққандар саны – 75, толық емес отбасынан шыққан студенттер саны – 38. 2022-2023 оқу жылының басында колледжімізде білім алып жатқан 128 білім алушыға ай сайын 28323,0 теңге шәкіртақы тағайындалған. «Техникалық және кәсіптік, орта білімнен кейінгі және жоғары білім беру ұйымдарында білім алатын және тәрбиеленетін жекелеген санаттағы азаматтарға, сондай-ақ қорғаншылықтағы (қамқоршылықтағы) және патронаттағы адамдарға тегін тамақтандыруды ұсыну» мемлекеттік қызметі бойынша 65 студентке 12975 теңге тағайындалып отыр. 2019-2020 жылғы оқу жылында бітіруші түлектердің 85,1 пайызы жұмысқа орналасса, бұл көрсеткіш 2020-2021 оқу жылында 78,3 пайыз, 2021-2022 оқу жылында 78,1 пайыз болды. Биыл бұл көрсеткішті жақсарту жоспарда бар, – деді колледж директоры.</blockquote>Бұл мәселе бойынша Қоғамдық кеңес мүшесі А.Есназар колледждің имиджін көтеру бағытында нақты іс-шаралар атқару керектігін айтса, Ш.Нұрсейітов колледж бен шаруашылықтар арасында қабылданған меморандумдардың орындалуын бақылауға алуды ұсынды. Өз кезегінде А.Ибрагимұлы колледждің 55 жылдық мерейтойын лайықты атап өту қажеттігін қаперге салып, колледжге Б.Мұстапаеваның есімін беру бағытында атқарылып жатқан жұмыстардың қай сатыда екенін сұрады. Сондай-ақ Қ.Сүлейменов колледжде дайындалатын мамандықтарды заман талабына сай жоспарлап, сұранысқа ие мамандықтарды жоспарға енгізуді ұсынды. Көтерілген мәселелер бойынша колледж директоры Д.Қожахметов жауап беріп, жақын күндері Қоғамдық кеңеске нақты ұсыныс берілетінін айтты.Күн тәртібіндегі екінші мәселе аудандағы денсаулық сақтау саласының мәселелеріне, атап айтқанда кадр жетіспеушілігін жою, жедел жәрдем қызметінің сапасы, скрининг жұмыстарының ұйымдастырылуы мен аудан тұрғындарының қамтылуына арналып, бұл бойынша бас дәрігердің орынбасары Ж.Жұмабаева баяндама жасады.<blockquote>«Дені сау ұлт» мемлекеттік бағдарламасы аясында халық денсаулығын жақсарту жолында біршама іс-шаралар жүзеге асырылды. Медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту, ана мен бала денсаулығын қорғау басты назарымызда. Сондай-ақ алғашқы медико-санитариялық көмекті жетілдіру, аудандағы емдеу және алдын алу ұйымдарының материалдық-техникалық базаларын нығайту, нысаналы индикаторларға қол жеткізу де күн тәртібінде тұр. Ауданда 110 төсек орындық аудандық аурухана, ауысымына 250 адам қабылдайтын аудандық емхана, 10 дәрігерлік амбулатория, 2 фельдшерлік-акушерлік бекет, 1 медициналық бекет бар. Аудандық аурухана құрамында балалар бөлімі, хирургия бөлімі, терапия бөлімі, жансақтау бөлімі, гинекология және перзентхана бөлімшесі, оңалту және қалпына келтіру, паллиативті көмек бөлімшесі, сонымен қатар жұқпалы аурулар бөлімшелері жұмыс жасауда. Бүгінгі таңда аудандық денсаулық сақтау саласында барлығы 717 қызметкер, оның ішінде 71 дәрігер, 395 орта буынды қызметкерлері, 125 кіші буынды және 126 басқа да қызметкерлер қызмет атқаруда. Дәрігерлермен қамтамасыз етілуі 94,25% құрайды. 2023 жылдың 3 айында аурушаңдығын талдау жасайтын болсақ тіркелген аурушаңдық көрсеткіші – 11910, оның ішінде алғашқы рет тіркелгендер саны – 5180. Аурушаңдықтың ішінде тыныс алу, ас қорыту, несеп және зəр шығару жүйесінің ауруларының үлес салмағы көп. 2023 жылдың 3 айында 161 нәресте дүниеге келді. Туберкулезге қарсы атқарылып жатқан іс-шаралар нәтижесінде туберкулезбен аурушаңдылық және өлім-жітім көрсет-кіштерінің соңғы 5 жыл көлемінде тұрақты түрде төмендеуге бағыт алған. 2023 жылы кесте бойынша жоспарланған елді-мекендерге уақытылы зерттеулер жүргізіліп, аудан халқы флюоротексерумен жоспарға сәйкес 3 ай қорытындысымен 3864 адам флюорографиялық байқаудан өткізу жоспарланып, оның 3466-сы өткізілді. 2023 жылдың 1 қаңтарында кәсіпорынның кредиторлық қарызы 274 млн 446 мың теңгені құраған. 2023 жылдың мамыр айынының 15 жұлдызына кредиторлық қарызы 46 млн 460 мың теңгені құрап отыр. Ағымдағы жыл ішінде жоғарыда аталған кредиторлық қарыздарды азайту мақсатында жұмыстар жүргізіліп жатыр, – деді бас дәрігердің орынбасары Жанар Жұмабаева.</blockquote>Бұл мәселе бойынша Қоғамдық кеңес төрағасы М.Еспенбетов кадр мәселесіне жіті назар аударып, әсіресе хирург мамандардың жұмыспен қамытылуына, ауданда тұруына көңіл бөлу керектігін көтерді. Ш.Нұрсейітов асқазан, ішек ауруларына қатысты тексеру жұмыстарының сапасы жөнінде айтып, ауданға КТА, МРТ аппаратын алдыру қажет¬тігін айтты. Ж.Ембергенов, Е.Жақып және А.Ибрагимұлы «Ауыл – ел бесігі» бағдарламасы бойынша ауданның денсаулық сақтау саласында жүргізіліп жатқан құрылыс жұмыстарының сапалы болуын қадағалауды ұсына білді.Күн тәртібіндегі келесі мәселелер бойынша салалардың бірінші басшыларының қатыспауына байланысты ол мәселелер кейінге шегірілді және аудан әкіміне Қоғамдық кеңес атынан ұсыныс берілетін болып келісілді. Жалпы, Сырдария аудандық Қоғамдық кеңесі ҚР Қоғамдық кеңестер туралы заңы бойынша жұмыс істейді. Аталған заңда Қоғамдық кеңестердің құқықтық мәртебесі, мақсаты мен міндеті, қағидаттары, өкілеттілігі анық көрсетілген. Осы ретте Қоғамдық кеңес жиналысы алдын ала ескертіліп, жазбаша хат беріліп, қосымша хабарланса да Қоғамдық кеңес жиналысына қатыспаған басшылардың тәртіптік мәселесін қарау жөнінде Қоғамдық кеңес атынан аудан әкіміне ұсыныс енгізілетін болып келісілгені жасырын емес.&nbsp;

Сырдарияда «Ауыл – ел бесігі» бағдарламасы шеңберінде құрылыс жүргізілуде

Жаңақорғанда онкологиялық ауру дендеп барады

<a href="https://kyzylorda-news.kz/">Kyzylorda-news.kz.</a> Еліміздегі жетекші партия жанынан құрылған «Жер аманаты» комиссиясы республика көлемінде бос жат¬қан жайылымдық жерлерді мемлекет меншігіне қайтару жұмыстарын іске асырып жатқаны белгілі. Осыған байланысты ҚР Парламенті Мәжілісіндегі «AMANAT» партиясы фракциясының және «Жер аманаты» республикалық комиссиясының мүшелері Бақытжан Базарбек, Мұрат Әбенов, ҚР Ауыл шаруашылығы министрлігі Жер ресурстарын басқару комитеті төрағасының орынбасары Айдос Абдрахманов ауданымызға арнайы келіп, жергілікті тұрғындармен кездескен болатын.Атаулы жиынға облыстық мәслихат төрағасы Наурызбай Байқадамов, аудан әкімі Берік Сәрменбаев, облыстық ауыл шаруашылығы және жер қатынастары басқармасы басшысының орынбасары Қайратбек Сәрсенбаев, облыстық мәслихат депутаты Жұмабек Ембергенов, аудан прокуроры Асқар Кемалов, ауданға қарасты шаруашылық құрылымдарының төрағалары қатысты.Республикалық комиссия мүшелері Ақжарма ауылындағы басқосуда жерге байланысты бірнеше мәселе көтерді. Сонымен бірге жинал-ған көпшілікке «Жер аманаты» жобасының іске асырылуы мен жұмысты тиімді ұйымдастырудың жолдары, осы бағытта Жер Кодексіне және «Жайылымдық жерлер туралы» заңға еніп жатқан өзгерістер жөнінде кеңінен ақпарат берілді.<blockquote>&nbsp;Біз Сыр өңіріне сапарымыз барысында жергілікті халықпен кездесу жүргізудеміз. Ел көлемінде бос жатқан жерлерді мемлекет меншігіне қайтару жұмыстары жоспар бойынша жүзеге асуда. «Жер аманаты» республикалық комиссиясының құрамында білікті мамандар мен заңгерлер бар. Қазіргі уақытта Мәжіліс депутаты Бақытжан Базарбек бірнеше жер дауларына қатысып, жергілікті халықтың пайдасына шешіп берді. Міне, біздің тарапымыздан Кодекс пен арнайы заңдарға арнайы толықтырулар жасалуда. Сондықтан жергілікті жерлердің негізгі егін егуде, жайылымдық жерлерді пайдалану кезіндегі басым-бағыттарын, жер құнарлығын сақтап қалуға тиісті іс-шараларын ескеріп отырмыз, – деді ҚР Мәжіліс депутаты Мұрат Әбенов.</blockquote>Жалпы, «Аманат» партиясының облыстық филиалының келтірген мәліметіне сүйенсек, «Жер аманаты» комиссиясының араласуымен өткен жылы Қызылорда облысы бойынша 157 мың гектарды құрайтын 256 жер учаскесі мемлекет меншігіне қайтарылған. Биылғы жоспар 200 мың гектар болып табылады. Бұл ретте, ҚР Мәжіліс депутаты Бақытжан Базарбек атқарылған жұмыстар жайында айтты.<blockquote>&nbsp;«Жайылымдар туралы заңда өзгерістер өте көп. Мысалы, «Қо-ғамдық жайылымдар» деген ұғым енгізіп отырмыз. Яғни, пайдаланусыз, бос жатқан жайлымдық жерлерді ақпараттық базада қоғамдық жайылым деп енгіземіз. Бұл жерлер әкімдік тарапынан басқа біреулерге берілмейді. Мұнан бөлек конкурссыз жер беру мәселесін тоқтатуға жұмыс жасап, керісінше конкурста сол ауылда кемінде 5 жыл тұрған азаматтар мен кооперативтерге қосымша балл берілу мүмкіндігін күшейтіп жатырмыз және үлескерлер үшін арнайы заң жобасын ұсынып отырмыз. Алдағы уақытта заң жобасының авторы ретінде осы бағытта үлкен жұмыстар атқаратын боламыз және нақты нәтижеге қол жеткіземіз», – деді Бақытжан Базарбек.</blockquote>Кездесуде ауданға қарасты шаруашылық құрылымдарының басшылары мен жергілікті тұрғындар ауыл шаруашылығы саласына қатысты өзекті дүниелерді тізбектеді. Өздері көтерген мәселенің оңынан шешілуін сұрады. Бұл бағыттағы жұмыстарды аудан әкімі жіті назарға алып, заң аясында жұмыстар жүргізілетін болып келісілді. &nbsp;

Архив