<a href="https://kyzylorda-news.kz/">Kyzylorda-news.kz.</a> Ақ күріштің атасы Ыбырай Жақаев туып-өскен Шиелі ауданында қазіргі таңда егін жұмыстарының нағыз қызған уағы. Ауданда осы жылға 30 мың 538 гектар жерге егін орналастырылу жоспарланған. Мұнда негізгі дақыл күріштің үлесі 12 мың 025 гектарды құрап отыр.Биылғы егін егу науқанында сыр дихандары 195,6 мың гектарға ауыл шаруашылығы дақылдарын орналастыруды жоспарласа, негізгі дақыл – күріштің көлемі 83,9 мың гектарды құрайды екен. Өткен жылмен салыстырғанда жалпы егіс көлемін 7 мың гектарға, күріштің көлемін 5,3 мың гектарға, мал азықтық дақылдарды 2,3 мың гектарға, картоп, көкөніс, бақшаның көлемдерін 222 гектарға ұлғайу межеленген. Бүгінде сол 12 мың 025 гектар күріштің 93 проценті немесе 11 мың 196 гектары егіліп, оның 10 108 гектары суға бастырылып үлгерген.&nbsp;<blockquote>«Облыс аумағында ағымдағы егін егу жұмыстары биылғы жылдың 15 наурызында басталды. Қазір облыс бойынша 4,6 мың гектар жаздық бидай, 395 гектар жаздық арпа, 5,1 мың гектар мақсары, 125 гектар қант құмайы, 22,4 мың гектар жаңа жоңышқа дақылдары егіліп, 46,3 мың гектар ескі жоңышқа мен 5,6 мың гектар күздік бидай толық суғарылып, күтімге алынды. Негізінен, дала төсін дүбірге бөлеген Сыр диқандары биыл да берекелі күзді мол өніммен қорытындылауды көздеп отыр. Көктемгі егін егу жұмыстарының атқарылу барысы тұрақты бақылауға алынған», – дейді облыстық ауыл шаруашылығы және жер қатынастары басқармасының басшысы Талғат Дүйсебаев.</blockquote>Жалпы, Сыр шаруалары бүгінде күріш тұқымының жоғары репродукциялы 9 сортын егіп жатыр. Атап айтқанда, күріш тұқымының 576 тоннасы «Маржан», 640 тоннасы «Сыр сұлуы», 25 тоннасы «Янтарь» тұқымы болса, 17032 тоннасы «Лидер», 200 тоннасы «Премиум», 25 тоннасы «АйКерім», 100 тоннасы «Маршл» және әрқайсысы 10 тоннадан «Патриот» пен «Яхонт» сорттарын құрайды. Соның ішінде себілген күріш тұқымының 0,6 проценті бірегей, 1,6 проценті элиталық, 45,6 проценті І-репродукциялы болса, 27,2 проценті ІІ-репродукция және 25 проценті ІІІ-репродукциялы тұқымдар.Осы орайда айта кеткен жөн, Сыр диқандары биыл күріш тұқымы сорттарын жаңарту және көбейту мақсатында элиталық «Яхонт» және «Патриот» сорттарын егуді қолға алды.Ырзық-несібесін жерден терген диқандар ала жаздай атыз жағалайды, еккен дәнін күн-түн демей күтіп-баптайды. Қанша жылдан бері рекордтық өнім жинаған еңбеккерлер биыл да қамбаны дәнге толтыратынына сенімді.

Шиеліде күріштің 90 проценті суға бастырылды

<a href="https://kyzylorda-news.kz/">Kyzylorda-news.kz.</a> Ел ішінде коронавирус өршіген тұста ақ халатты абзал жандардың қадірін ұққанымыз бар. Бас ауырып, балтыр сыздаса алдымен дәрігерге жүгінетініміз де жасырын емес. Бәрінен бұрын алдына келген науқасқа деген бір ауыз жылы сөзі кейде дертіңнен айықтырғандай болады. Мұндай жандарды жұртшылық өз ісінің маманы, нағыз дәрігер деп бағалайды. &nbsp;Облыстық жұқпалы аурулар ауруханасының «Реанимация және интенсивтік емдеу» бөлімшесінің реаниматолог-дәрігері Болат Асанбаевты көпшілік жақсы біледі. Ел алғысын арқалап жүрген дәрігер өзінің тәжірибелік жолында талай сырқаттың сырын ашып, науқастың құлан таза айығуына үлесін қосқан маман.Кейіпкеріміз денсаулық саласында 30 жылға жуық уақыт еңбек етіп келеді. 1993 жылы Алматы мемлекеттік медициналық институтының «Емдеу ісі» мамандығын бітірген соң, алғашқы еңбек жолын Сырдария аудандық ауруханасында бастаған. Кейін облыстық жұқпалы аурулар ауруханасында «жансақтау және интенсивтік емдеу» бөлімшесінде реаниматолог дәрігер, 1999 жылдан бастап аталған бөлімшеде бөлім меңгерушісі қызметін атқарып келеді. &nbsp;Осы жылдар ішінде талай науқастың аяққа тұрып кетуіне себепкер болып, халықтың алғысына бөленді.<blockquote>«Денсаулық саласында еңбек етіп жүргеніме биыл 30 жыл болады. Қайсыбір қызмет болсын өзіндік қиындығы мен қызығы болатыны анық. Соның ішінде дәрігер мамандығына артылған жүк те, жауапкершілік те жоғары. Халықтың денсаулығын жақсарту жолында жүргеннен кейін өз ісіңе аса жауапкершілікпен қарауың керек. Алдыңа келген науқастың денсаулығына бей-жай қарай алмайсың. «Жансақтау және интенсивтік емдеу» бөлімшесінде ересектер де, балалар да ем қабылдайды. Дегенмен басым көпшілігі балалар. Негізі инфекциялық аурулардың өзінің өршитін кезеңі болады. Бөлімге түсетін науқастардың саны да соған сәйкес артады не &nbsp;азаяды. Көбіне менингит, Қырым-конго гемморрагиялық қызбасы, сары ауру, қызылша сынды аурудың асқынған жағдайында жансақтау бөліміне жатқызылады», – дейді кейіпкеріміз бізбен әңгімесінде.</blockquote>Инфекциялық ауру, оның салдары туралы көпшілігіміз біле бермейтініміз жасырын емес. Мұндай ауру жағдайын тек іш өту, ұшыну, тұмаумен байланыстырып жатамыз. Реаниматолог дәрігер Болат Сәйдіұлының айтуынша, іш өтудің де асқыну жағдайы ауыр болады. Салдары ағзаның сусыздануына, адамның әлсіреуіне алып келеді. Тіпті одан да ауыр жағдайға жетуі мүмкін. Дегенмен отыз жылдық еңбек тәжірибесінде мұндай жағдай кездеспеген.&nbsp;<blockquote>«Жазда іш ауруы, қыста тұмау, вирустың өршуі инфекциялық ауруларды тудырады. Коронавирус инфекциясы дендеген тұстағы жағдай баршаға белгілі. Одан кейінгі екі жылда да жағдай оңай болған жоқ. Вирустың мутациялануы салдарынан қарапайым тұмау, суық тиюдің соңы ауыр жағдаймен аяқталған кездер болған. Мәселен, былтыр вирусты менингит көп болды. Әсіресе 1 жастан 3 жасқа дейінгі балалар арасында жиі кездесті. Бұл жағдай биыл бәсеңдеді», – дейді білікті дәрігер. &nbsp;</blockquote>Бүгінде «жансақтау және интенсивтік емдеу» бөлімшесінде 2 реаниматолог дәрігер, 16 мейірбике науқастарға қызмет етеді. Бөлім меңгерушісі Болат Сәйдіұлының айтуынша, маман тапшылығы бар. Дегенмен бөлімге қажетті медициналық құрал-жабдықтар толық қамтылған.&nbsp;Бет қатталып жатқанда газет оқырманы Еркебұлан Әбсаттаров білікті дәрігер, реаниматолог Болат Асанбаевқа алғыс білдіргісі келетінін айтты. Наурыз айында аяқасты дене қызуы көтеріліп мазасызданған баласын облыстық жұқпалы аурулар аураханасының жансақтау және интенсивтік емдеу бөлімінің мамандары ажалдан аман алып қалған.&nbsp;<blockquote>«Екі жасар қызым Асылымның дене қызуы көтеріліп, іш өту, құсу белгілерімен облыстық жұқпалы аурулар ауруханасына жатқызылды. Екі күннен соң бүйрек қызметінің нашарлауымен жансақтау бөліміне ауыстырылды. Білікті дәрігер Болат Сәйдіұлы дереу ота жасап, баламның өмірін сақтады. Отадан кейін күнделікті қадағалау жүргізіп, күтім жасап өзінің дәрігерлік қызметін адал атқарды. Қызымның өмірін сақтап, денсаулығының жақсаруы жолындағы еңбегі үшін аурухананың бас дәрігері Айна Мұхамбетова мен Болат Асанбаевқа алғысымды білдіргім келеді. Осындай өз ісіне адал, мамандығын сүйетін ақ халатты абзал жандар көп болса екен», – дейді қала тұрғыны.</blockquote>Кейіпкеріміз балалар арасында бүйрек жұмысының бұзылуы соңғы кездері жиі кездесіп жүргенін айтады. Мұндай диагноз қойылған балаларға ота бұған дейін Алматы, Астана қаласында жасалған екен. Қазіргі таңда дәрігер мұндай отаны өзі жасауда.&nbsp;<blockquote>«Асылымға перитонеальды диалез жасалды. Ағзаға түскен микробтың бүйрекке әсер етуі салдарынан оның қызметі бұзылған. Жыл басынан бері мұндай диагнозбен 3 бала жансақтау бөліміне жатқызылды. Үшеуінің де отасы сәтті өтіп, емделіп шықты», – дейді дәрігер.</blockquote>Денсаулық саласында атқарған адал еңбегі, халықтың ықыласының арқасында кейіпкеріміз абырой биігінде. Оның еңбегі елеусіз қалған емес. Талай жылғы еңбекпен Денсаулық сақтау министрінің «Құрмет грамотасының», «Денсаулық сақтау ісінің үздігі» төсбелгісінің, «Халық алғысы» медалінің иегері атанды. Сонымен қатар &nbsp;«Халық сүйіктісі-2020» Ұлттық сыйлығының «Жылдың үздік дәрігері» номинациясы табысталған.

Халық алғысына бөленген азамат

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Кемелұлы Тоқаевтың тапсырмасымен халықтың табысын арттыруға бағытталған «Ауыл аманаты» жобасы іске асырылуда. Жалпы жоба бойынша бірқатар дүниенің тіні тарқап, біршама жұмыстар атқарылуда.&nbsp;«Ауыл аманаты» жобасының басты мақсаты – ауылдық жерлердегі халықтың табысын арттыру. Бағдарлама 2023-2025 жылдарға арналған. Жобасы аясында ауыл тұрғындары өз бизнесін дамытуға немесе кооператив құрамында жеңілдетілген несие алуға мүмкіндігі бар. Сондай-ақ техниканы лизингке рәсімдеуге болады. Бағдарлама адамдардың тұрақты табыс жолына түсуіне бағытталған.Кеше аумақтық партия филиалдарында «Ауыл Аманаты» жобасын кеңінген таныстыру бойынша «Ашық есік» күні ұйымдастырылды.&nbsp;Ашық есік күніне кәсіпкерлік, өнеркәсіп және туризм, аудандық ауыл шаруашылығы және жер қатынастары бөлімдерінің, аудандық кәсіпкерлік палатасының өкілдері қатысып, жобаның бағыттары бойынша кеңестер берді. Жалпы жобаның қалай жүзеге асырылуы, қандай бағыттарға басымдық берілуі, кәсіпкерлік тұрғысынан не жасауы керегі жайында сұрақтарға жауап берілді.«Ауыл аманаты» жобасын ауыл тұрғындарына толық ақпараттандыру бағытындағы жұмыстар алдағы уақытта да өз жалғасын табатын болады.<figure class="image"><img src="https://knadmin.beoblood.kz/uploads/347419224_1268542680715660_898801040798202265_n_e64b6134ae.jpg" alt="347419224_1268542680715660_898801040798202265_n.jpg"></figure>&nbsp;<figure class="image"><img src="https://knadmin.beoblood.kz/uploads/347581612_217676514455335_3866473016961662970_n_53a0c3437c.jpg" alt="347581612_217676514455335_3866473016961662970_n.jpg"></figure>&nbsp;<figure class="image"><img src="https://knadmin.beoblood.kz/uploads/351137597_554585770085380_5070105701372115530_n_f9535b25ba.jpg" alt="351137597_554585770085380_5070105701372115530_n.jpg"></figure>

Ашық есік күнінде кәсіпкерлік бағытта кеңес берілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында азаматтардың 84,2% - ы міндетті әлеуметтік медициналық сақтандыру жүйесінде сақтандырылған, бұл 691 423 адамды құрайды. Көрсеткіш бойынша аймақ үздік бестікте. (ҚР-82%). Дегенмен, әлі күнге дейін 130 045 тұрғын МӘМС жүйесінен тыс. Бұл туралы облыс әкімінің орынбасары Нұрымбет Сақтағановтың төрағалығымен өткен МӘМС мәселелері жөніндегі өңірлік штаб отырысында Әлеуметтік медициналық сақтандыру қорының облыстық филиалының директоры Бақыт Исмаханбетов мәлімдеді.<blockquote>«Сақтандырылмаған азаматтар үлесінің 81 мыңға жуығы (62,1%) соңғы 12 айда төлем жасамағандар және әртүрлі мемлекеттік және жеке кәсіпорындардың, ұйымдардың 33 мыңға жуық қызметкерінің төлемдері жоқ. Қалған сақтандырылмаған тұрғындар - азаматтық-құқықтық сипаттағы шарттар бойынша жұмыс істейтін қызметкерлер, жеке кәсіпкерлер, бірыңғай жиынтық төлемді төлеушілер, дербес төлеушілер және басқа да санаттағы адамдар. Осыған байланысты, әкімдіктер, жұмыспен қамту және әлеуметтік бағдарламалар бөлімдері, өңірдегі мемлекеттік кірістер департаменті МӘМС үшін жарналарды уақтылы және тұрақты төлеудің маңыздылығы туралы түсіндіру жұмыстарын күшейтуі қажет», - деп атап өтті Бақыт Исмаханбетов.</blockquote>Жиынды қорытындылаған облыс әкімінің орынбасары Нұрымбет Сақтағанов жергілікті атқарушы органдарға, мемлекеттік кірістер департаментіне, жұмыспен қамту және әлеуметтік бағдарламалар органдарына халықты МӘМС жүйесімен қамту бойынша Жол картасын орындау аясында ақпараттық-түсіндіру жұмыстарын күшейтуді, белсенді емес халықты БЖТ-ді үздіксіз төлем жасауға тартуды тапсырды. Сонымен қатар, мемлекеттік кірістер департаментіне МӘМС жарналары мен аударымдарын уақтылы төлеу бойынша тапсырмалар берілді. МӘМС үшін уақтылы төлем жасамаған мекемелерге қатысты ҚР Салық кодексінің талаптарына сәйкес айыппұл санкцияларын қолдану қажеттігі баса айтылды. &nbsp;<figure class="image"><img src="https://knadmin.beoblood.kz/uploads/3_83f32a12ed.jpeg" alt="3.jpeg"></figure>

Қызылордалықтардың 84,2 пайызы МӘМС жүйесінде сақтандырылған

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда облыстық филиалының төрағасы Наурызбай Байқадамов Шиелі ауданында болып, партияның сайлауалды бағдарламасы аясында құрылысы жүріп жатқан Байсын ауылындағы 250 орындық мектеп пен Шиелі кентіндегі дене шынықтыру-сауықтыру кешенінің құрылыс жұмыстарына партиялық бақылау жасады.Байсын ауылындағы 250 орындық мектепттің құрылысы 2022 жылы басталған. Нысанға облыстық бюджеттен жалпы 937 млн 558 мың теңге қаржы бөлінді. Биыл толық аяқталып, пайдалануға берілуі керек. Балалардың еш кедергісіз білім алуына барлық жағдайлар қарастырылған. Партиялық бақылау тобы мұнан соң Шиелі кентіндегі дене шынықтыру-сауықтыру кешенінде болды.Аталған нысан осы маусым айында пайдалануға беріледі деп жоспарланған. Бітуге жақын қалған құрылыстан байқалған аз - кем кемшіліктер бойынша ескертулер айтылды.Партияның облыстық филиалының төрағасы Наурызбай Байқадамов мердігерлерге бөлінген қаржының мақсатты игерілуі мен құрылыстың сапасы және мерзімінде аяқталуын қатаң тапсырды.Мониторинг жұмыстарына облыстық мәслихаттағы фракция мүшесі Дәулет Жұмбеков, аудандық партия филиалының төрағасы Болат Сыздық, аудандық мәслихаттағы фракция мүшесі Қалмырза Қасымовта қатысып, айтылған кемшіліктер бойынша қадағалау жалғасатындығын жеткізді.Аталмыш нысандарға орнатылған партиялық бақылау бекетертері құрылыс жұмыстары толық аяқталғанша жұмыс жасайтын болады.

Құрылыс нысандары партияның бақылауында

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Шиелі ауданына жұмыс сапары кезінде аудан халқымен кездесіп, құқық қорғау органдары басшыларымен бірге тұрғындарды жеке қабылдады. Жеке қабылдау өткізу тәжірибесінің енгізілгеніне көп уақыт болмаса да, тұрғындар кері байланыстың осы тәсілін қолайлы көретіні байқалады. Бұл Шиелідегі қабылдауға келгендердің пікірлерінен аңғарылды. Бүгінгі қабылдауға келген 50-ден астам азаматтың өтініш-тілектері негізінен баспана алумен, денсаулық, білім салаларының қызметімен, жұмысқа орналасумен байланысты болды.Мұнда да барлық ұсыныс-пікірлерді тыңдаған аймақ басшысы әр сауал бойынша жауапты тұлғаларға тапсырмалар берді. Айтылған ой-пікірлер, көтерілген мәселелер жан-жақты зерттеледі. Ешқайсысы ескерусіз, жауапсыз қалмайды.<blockquote>«Біздің көшемізде ауыз су мәселесі күрделі еді. Аймақ басшысының жеке қабылдауында осыны жеткіздім. Көршілеріме қуанышты хабармен баратын болдым. Аудан әкіміне тиісті тапсырма берілді және қаражат бөлінетін болды», - деді Шиелі кентінің тұрғыны Ерболат Жүсіпов.</blockquote><blockquote>«1 ұл, 1 қызым бала жастан мүгедек, 2011 жылдан үй кезегіндемін. Аймақ басшысына жағдайымды айттым, аудан әкіміне жәрдем көрсету туралы тапсырма берілді», - деді «Алтын алқа» иегері Пернеш Әжібай.</blockquote>Құқық қорғау органдары басшыларына өз сұрақтарын қоюға мүмкіндігі болмай жүрген тұрғындар бүгінгі қабылдауда маман кеңесін де алды, мәселесінің заңдық тұрғыда шешілу жолын да білді. Заңға қатысты ережелер мен талаптарды барынша түсінікті етіп айтқан басшылар қабылдауы тұрғындарға пайдалы болды.Осындай форматтағы жеке қабылдаулар алдағы күндері Жаңақорған ауданында да өткізілмек.<figure class="image"><img src="https://knadmin.beoblood.kz/uploads/347272436_974570660525898_4796224118123645798_n_30fa936980.jpg" alt="347272436_974570660525898_4796224118123645798_n.jpg"></figure>&nbsp;<figure class="image"><img src="https://knadmin.beoblood.kz/uploads/347440190_1023193132396836_2212707226265655977_n_c6332a7c49.jpg" alt="347440190_1023193132396836_2212707226265655977_n.jpg"></figure>&nbsp;<figure class="image"><img src="https://knadmin.beoblood.kz/uploads/347236599_1380735709139901_3957423753754227465_n_9829fb9aca.jpg" alt="347236599_1380735709139901_3957423753754227465_n.jpg"></figure>

Облыс әкімі Шиелі ауданының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысында ҚР Мемлекеттік рәміздер күніне орай 100-ге жуық әр түрлі бағыттағы іс-шара ұйымдастырылады. Сәйкесінше, шара басы «Менің туым - менің Отаным» атты челленджімен бастау алмақ. Бүгін Өңірлік коммуникациялар қызметінің ақпарат алаңында облыстық қоғамдық даму басқармасының басшысы Алмасбек Есмаханов атаулы күнге орай аймақта өткізілетін жалпы шаралар тізбегін баяндады.<blockquote>«Өздеріңізге белгілі, 4 маусым – ҚР Мемлекеттік рәміздер күні. Бұл күн - халқымыздың мұқалмас рухы мен ежелден келе жатқан басты құндылықтарымызды ерекше айшықтайтын қастерлі күн. Осы ретте, азаматтарымызды ортақ мақсатқа біріктіруге және олардың патриоттық рухын көтеруге бағытталған жалпыхалықтық &nbsp;іс-шаралар легі бүгіннен бастау алды. Жалпы 1-4 маусым аралығында өтетін іс-шараларға 70 мыңға жуық тұрғын белсенді қатысады деп жоспарлануда. Сонымен қатар барлық елді мекендердегі Рәміздер алаңында тұрғындар мен ерікті жастардың қатысуымен сенбіліктер ұйымдастырылады. Одан бөлек, 2 маусымнан бастап әрбір саладағы танымал тұлғаларды қатыстыра отырып, «Менің туым – менің мақтанышым!» тақырыбында ҚР Туымен бірге бейнеленген суреттерді әлеуметтік желілерде жариялау басталады. Ендігі кезекте 4 маусым күні облыс орталығында өтетін шараларға тоқталсам, «Рәміздер алаңында» аймақ басшысының қатысуымен негізгі мерекелік шара ұйымдастырылады. Бұл патриоттық шараға 2 мыңға жуық қала тұрғындары қатысады деп күтілуде. Шара аясында 15-тен астам жеңіл көлік пен 10 мото шабандоздардың қатысуымен «АВТО, МОТОШЕРУ» өтеді. Осы шара барысында алғаш рет «Жас Ұлан» балалар-жөсөспірімдер ұйымының және «Жас сарбаз» қозғалысының мүшелерімен арнайы саптық жүріс ұйымдастыралады. Ал Байқоңыр қаласында бірнеше жалпыхалықтық патриоттық шаралар өткізіледі. Сондай-ақ, барлық аудандардағы білім беру ұйымдарында Елтаңба авторы, жерлесіміз Жандарбек Мәлібековтің еңбектерін насихаттауға, Мемлекеттік Туымыздың авторы, суретші Шәкен Ниязбековтің 85 жылдығына арналған шаралар, патриоттық акциялар, көрмелер мен танымдық сағаттар өткізуді жоспарлап отырмыз», - деді басқарма басшысы Алмасбек Әбілқасымұлы.</blockquote>Сонымен қатар ҚР Мемлекеттік рәміздер күні республика көлемінде Мемлекеттік Гимнін орындау патриоттық акциясы өтеді. Осыған орай, өңірдегі ірі сауда орталықтарында, кәсіпорындарда, мекемелерде және өзге де халық көп шоғырланатын орындарда бір сәтте Мемлекеттік Гимні шырқалады. Қаладағы ірі ойын-сауықтық сауда орталықтарында және қалалық демалыс паркінде жастардың патриоттық акциялары болады. Сондай-ақ, қала орталығындағы ЛЭД экрандар мен жарнама тақталарында күні бойы Мемлекеттік рәміздер туралы бейнероликтер жүргізіліп, «Туымыз төрімізде» республикалық акциясы ұйымдастырылады.&nbsp;

Қызылорда облысында ҚР Мемлекеттік рәміздер күніне орай 100-ге жуық іс-шара өтеді

<a href="https://kyzylorda-news.kz/">Kyzylorda-news.kz.</a> Синоптиктер республиканың 10 өңірінде күн райының бұзылуына байланысты ескерту жариялады, деп хабарлайды Қазгидромет.Қызылорда облысында күндіз облыс орталығы мен шығысында 15-20 м/с, шаңды дауылмен екпіні 23 м/с жел соғады. Өрт тұтану қаупі жоғары.&nbsp;

Архив