<a href="https://kyzylorda-news.kz/">Kyzylorda-news.kz.</a> Диетолог Людмила Мыкитюк пайдасынан зияны көп тағамдар тізімін атады. Бұл туралы Life.ru жазды.ТунецСалауатты диета, әрине, балық пен теңіз өнімдерін қамтуы керек, өйткені оларда белок пен қанықпаған май қышқылдарынан тұрады. Дегенмен, тунецті күнде жеуге болмайды. Бұл балық сынапты жинақтауға қабілетті, сондықтан оны аптасына екі реттен артық тұтынбау керек. Ал жүктілік және лактация кезінде әйелдерге тунецті диетадан толығымен алып тастау ұсынылады.ЕтДиетологтар қызыл ет өте пайдалы, бұлшықеттерге, сүйектерге және буындарға оң әсер етеді және ақуыздың негізгі көзі - дененің негізгі құрылыс материалы екенін айтады. Бірақ оны аптасына үш реттен артық жемеуге тырысыңыз. Людмила Мыкитюктің айтуынша, мұндай етті қорыту үшін ағзаға кемінде алты сағат қажет және бұл артық күшті қажет етеді. Аптасына кем дегенде екі рет сиыр, қой еттерін құс етіне немесе теңіз өнімдерімен ауыстыру керек.Апельсин және апельсин шырыныҚоректік заттардың, соның ішінде С дәруменінің мазмұны бойынша апельсиндер цитрустық жемістер арасында бірінші орындарды алады. Бірақ оларды толығымен қауіпсіз жемістер деп санауға болмайды, өйткені апельсиндерде де бірқатар жағымсыз қасиеттер бар.<blockquote>"Біріншіден, апельсиндер өте аллергенді тағамдар. Екіншіден, олар асқазан сөлінің қышқылдығын арттыруы мүмкін. Бұл гастрит, ойық жара, ішек аурулары және ас қорыту жүйесінің созылмалы аурулары бар адамдар үшін жемістерден бас тартуға елеулі себеп ", - деп түсіндіреді диетолог.</blockquote>Апельсин сілекейдің қышқылдығын арттырады, ол тіс пен қызыл иектің ауруларына, сонымен қатар эмальды зақымдайды. Сондай-ақ, цитрус жемістерінде өте аз талшық және көп қант бар, яғни олар дене бітімге де зиян.ОрамжапырақТүсті қырыққабат пен брокколи сияқты антиоксидантты және қоректік заттарға бай көкөністерді диетаға қосу керек, бірақ крестгүлділерді шамадан тыс тұтыну гипотиреозды - қалқанша безінің гормондарының тапшылығын тудыруы мүмкін екендігі ғылыми дәлелденген.КартопБұл көкөніс ең танымал болып саналады, бірақ картоп кез келген пішінде дене бітімге зиян.<blockquote>"Бұл көкөністі теріс пайдаланбаған дұрыс, егер сіз шынымен қаласаңыз, қайнатылған немесе пісірілген картопқа артықшылық беріңіз. Бірақ бұл пішінде де оны күнде жеуге болмайды, әйтпесе артық салмақ жинайсыз", - деп кеңес береді маман.</blockquote>&nbsp;

Диетолог күнде жеуге болмайтын пайдалы тағамдарды атады  

Kyzylorda-news.kz. Бүгін Қызылорда қаласының орталық алаңында «Бірліктің бастауы, елдіктің дастаны - Наурыз» атты мерекелік іс-шара өтті.Салтанатты шарада облыс әкімі Нұрлыбек Нәлібаев аймақ тұрғындарын Ұлыстың ұлы күнімен құттықтады. Әз-Наурыз - ұлтымыздың ұлы мәдениеті мен бай салт-дәстүрінен бастау алған мереке екенін атап өтті.«Мемлекет басшысы Қасым-Жомарт Кемелұлы өткен жылы наурыз айындағы &nbsp;Қазақстан халқына арнаған «Жаңа Қазақстан: Жаңару мен жаңғыру жолы» атты Жолдауында еліміздің жаңа тарихи кезеңі төл жаңа жылымыздан басталатынын айтты. Біз өткен жылды жемісті қорытындыладық, зор жетістіктерге қол жеткіздік. Жақсылықтың жаршысы болған биылғы жылды толайым табыстармен бастадық.Екі күн бұрын еліміз үшін саяси маңызы бар Парламент Мәжілісі және мәслихат депутаттарының кезектен тыс сайлауы өткізілді. Сыр елі бірлік пен тұтастықтың ерен үлгісін көрсетіп, республика бойынша ең үздік көрсеткішке қол жеткізді. Жаңа, Әділетті Қазақстанның жаңа саяси реформалары: республикалық референдумда да, Президент сайлауында да Сыр жұртшылығы &nbsp;жарқын болашақ жолында тура таңдау жасаған болатын. Саяси науқандарға бір қолдың саласындай жұмыла &nbsp;қатысып, елдігімізді, тату- тәтті тірлігімізді, береке-бірлігімізді дәлелдеді. Сыр халқы қай кезде де Президентіміз Қасым-Жомарт Кемелұлының &nbsp;жаңа бастамаларына ерекше қолдау көрсетіп келеді. Бүгінгі Ұлыстың ұлы күніндегі ниеттеріңіз, игі тілектеріңіз қабыл болсын! Қолға алған істеріңіз нәтижелі, еліміз тыныш, Тәуелсіздігіміз мәңгі болғай!», - деді аймақ басшысы.Наурыз - халқымыздың сан ғасырдан бүгінге жеткен салт-дәстүрлері жарқырай көрінетін мереке. Ұлыстың ұлы күні және Қызылорда облысының 85 жылдық торқалы тойы қарсаңында орталық алаңда 85 баланың тұсаукесер рәсімі жасалды. &nbsp;«Этноауыл» мен облыстың 85 жылдығына арналған тарихи-танымдық көрме ұйымдастырылды.Орталық алаңды айналдыра 38 киіз үй тігіліп, әр үйге атау берілді. Мұнда қала тұрғындары мен қонақтар бесікке салу, айдар кесу, келін түсіру, атастыру секілді салт-дәстүрлерді және шағын концерттік бағдарламаларды қызықтады. Алаңның әрбір нүктесінде мереке ажарын ашатын мәдени, спорттық шаралар ұйымдастырылып, бұқара халық арасында ұлттық спорт түрлерінен (қазақ күресі, қол күресі, тоғызқұмалақ, гір көтеру, асық ату, бес асық, арқан тарту, ләңгі тебу және қой көтеру) жарыстар өткізілді. Одан бөлек, «Көлтауысарлар сайысы» яғни, қымыз ішуден жарыс өтті. «Атамекен» отбасылық үлгідегі балалар ауылынан шыққан екі жас шаңырақ көтеріп, келіннің беташар рәсімі жасалды. &nbsp;Қолөнершілердің &nbsp;киіз үйіндегі &nbsp;ұлттық бұйымдар көрмесін көпшілік қызығып тамашалады. Арнайы тігілген 4 шатырда қала тұрғындары мен қонақтары &nbsp;наурыз көжеден дәм татты.Айта кетейік, биыл «Шуақты Наурыз» &nbsp;атты бір айлық мәдени шаралар кестесі жасалып, мереке 1 наурыз - Алғыс айту күнінен бастау алды. Жоспарға сәйкес 14-22 наурыздағы әр күнге тақырыптық атау беріліп, &nbsp;түрлі бағыттағы 300-ге жуық мерекелік іс-шара тізбесі бекітілді.<img src="https://knadmin.beoblood.kz/uploads/FB_IMG_1679391557753_426525801f.jpg" alt="FB_IMG_1679391557753.jpg"><img src="https://knadmin.beoblood.kz/uploads/FB_IMG_1679391586870_b7a4fb453d.jpg" alt="FB_IMG_1679391586870.jpg"><img src="https://knadmin.beoblood.kz/uploads/FB_IMG_1679391598268_8c8891f788.jpg" alt="FB_IMG_1679391598268.jpg"><img src="https://knadmin.beoblood.kz/uploads/FB_IMG_1679391554178_2f191033fa.jpg" alt="FB_IMG_1679391554178.jpg"><img src="https://knadmin.beoblood.kz/uploads/FB_IMG_1679391576646_bf20d156c6.jpg" alt="FB_IMG_1679391576646.jpg"><img src="https://knadmin.beoblood.kz/uploads/FB_IMG_1679391593541_f9bdcf5984.jpg" alt="FB_IMG_1679391593541.jpg"><img src="https://knadmin.beoblood.kz/uploads/FB_IMG_1679391602371_441bdc98d0.jpg" alt="FB_IMG_1679391602371.jpg"><img src="https://knadmin.beoblood.kz/uploads/FB_IMG_1679391611160_942900b325.jpg" alt="FB_IMG_1679391611160.jpg"><img src="https://knadmin.beoblood.kz/uploads/FB_IMG_1679391644007_c2f8de1546.jpg" alt="FB_IMG_1679391644007.jpg">

Сыр өңірінде мереке күні 85 баланың тұсаукесер рәсімі өткізілді 

<a href="https://kyzylorda-news.kz/">Kyzylorda-news.kz.</a> Орталық коммуникациялар қызметінде өткен брифингіде Қазақстан мұсылмандары діни басқармасының төрағасы, Бас мүфти Наурызбай қажы Тағанұлы пітір садақадан мешіттерге жиналған ақша қайда жұмсалатынын түсіндірді, деп хабарлайды ҚазАқпарат.<blockquote>«Жалпы пітір садақасы әр мешітке жеке-жеке түседі. Бір жерге ғана түспейді ғой. Қазақстанда қазір 2700-ден астам мешіт бар. Тұрғындар өздері тұрып жатқан жердегі мешіттерге жеке-жеке береді. Әрине, бір қалаға немесе мешітке қатысты мәлімет керек болса, оның есебін көруге болады және сұраған адамдарға беруге де болады. Наиб мүфти Сансызбай Құрбанұлы айтып кеткендей, түкен садақалар жыл бойы мұқтаж жандарға беріліп отырады», - деді Бас мүфти БАҚ кіөілінің сауалына берген жауабында.</blockquote>Сондай-ақ ол мешіттен көмек сұрап келген адамға жәрдем берілмейтін жайттар сирек кездесетінін, оның өзі қаржылық мүмкіндіктермен ғана байланысты екенін айтты.<blockquote>«Әрине кей кезде жағдайлар болуы мүмкін. Кей мешіттерде мүмкіндігі болмай, қаражат мәселесі болуы мүмкін. Бірақ бұл өте аз. Өйткені біздегі әр мешіттің тізімі бар. Бір ауылдың мешіті болса, сол ауылдағы жағдайы төмен отбасылардың тізімі мешітте сақталады. Оларға уақтылы көмектер беріліп тұрады», - деді Наурызбай қажы Тағанұлы.</blockquote>

Мешіттерде жиналған қаражат қайда жұмсалады? 

<a href="https://kyzylorda-news.kz/">Kyzylorda-news.kz.</a> Халқымыз ұлт бойындағы озық мәдениет пен берік қасиеттерді ғасырдан ғасырға салт-дәстүрмен жалғап отырған. Салт-дәстүрі мықты елдің тұғыры да биік болары белгілі. Сол үшін де бүгін мен болашақтың алдында тұрған ізгілікті мұрат – осы бір сан ғасырлық тарихы бар саф мұраны бабалардан қалған асыл аманат ретінде жаңғырта алу.Дәл осы тақырыпты арқау еткен мерекелік жиын жұма күні Шиелі индустриалды-аграрлық колледжінде өтті. «Салтым – санам, дәстүрім – дәулетім» деп аталатын шара Ұлыстың ұлы күні – Наурыз мерекесін кең көлемде атап өтуге арналған. Жер-Ананың тоң кеудесі жібіп, уызы иіп, жаңа жылдың жерге түсетін күнінде халқымыздың бойына сіңген салт-дәстүрлерін насихаттап, ұлттық ойындар ойнау айтулы мерекенің сәнін келтіре түсетіні хақ. Аталған келелі кешке жиналғандар да терең тарихымыздың тармағында қалыптасқан салт-дәстүрлердің керемет көрінісіне куә болып кетті.Атап айтсақ, наурыз әуендері аясында шымылдығы ашылған мерекелік шара бейнесі жазиралы даласы ән мен жырдан арылмаған қазақтың тұрмыс-тынысынан көрініс береді. Бұған дәлел – ашық алаңда күрескен бозбалалар, алтыбақан тепкен бойжеткендер, киіз үй алдына жиналған ақсақалдар мен ақ жаулықтылар және той болса, апталап сауық-сайран құратын бір ауылдың тұрғындары. Шара барысында бүгінге белгілі рәсімдердің «Қыз ұзату», оның ішінде «Отқа май құйғызу», «Сырға салу», сонымен қатар «Келін түсіру», «Бесікке салу» сияқты түрлері сахналанды. Жиылған жұрт әуелі шашу шашып, құдаларды қарсы алса, жеңгелер тіл-көзден аман болсын деген ниетпен күйеу баланы отқа май құйдырып, аластайды. Бұдан кейін бойжеткенге сырға салып, өмір жолы ақ болсын деп, ақ мата төсеп, жаңа мекеніне шығарып салады. «Беташар», «Бесік той» сияқты рәсімдер де шет қалған жоқ. Ұлыстың ұлы күнімен қатар болған думанды той қариялардың ақ батасымен, әз-Наурыздағы ізгі тілектермен, әуезді ән шашулармен жалғасын тапты.Жаны нұрлы, көңілі дархан қазақ халқы ықылым замандардан-ақ салт-дәстүріміз бен әдет-ғұрпымызды, ұлттық құндылықтарымызды асыл қоймасындай сақтап келген. Ел өмірімен біте қайнасып кеткен осынау рухани азықты адамзаттық асыл қасиетіміздей көрсек, мәдениетіміздің жоғары көрінісін көрсеткен болар еді.

Шиелі индустриалды-аграрлық колледжінің ұжымы Наурыз мерекесін тойлады

<a href="https://kyzylorda-news.kz/">Kyzylorda-news.kz.</a> &nbsp;Бүгін Қармақшы ауданында тоқшылық пен береке-бірліктің мерекесі – Наурыз мейрамы арнайы орталық алаңда ұйымдастырылды.Ұлық мерекемізге арналған іс-шарада ұлттық құндылықтар кеңінен дәріптеліп, халқымыздың ежелден келе жатқан сал-дәстүрлерінен театрландырылған көріністер қойылып, Қазақ күресінен сайыстар өткізілді.Орталық алаңда тігілген ақшаңқан киіз үйлерді аралаған аудан басшысы ұлттық қол өнер көрмелерін көріп, «Қыз ұзату», «Бесікке салу» ұлттық дәстүрлері мен қыз-жігіттер айтысын тамашалап, ел ағасының жолын берсін деген ниетпен, енді тәй-тәй басқан кішкентай бүлдіршіннің тұсауын кесті.Әз-Наурыз мерекесін көпшілікпен қарсы алған Қармақшы ауданы әкімі Жандос Еркінбек бірлігі жарасқан Қармақшы жұртшылығын ұлыстың ұлы күнімен құттықтады.Қармақшы ауданы басшысы өз сөзінде ауданның әлеуметтік-экономикалық көрсеткіштері, ауыл шаруашылығы мен өндірісі жыл сайын қарқынды дамып келе жатқанын айта келе, биылғы жылы ауданымызда іске асырылатын маңызды жобалармен бөлісті. Сондай-ақ, ел болашағын айқындайтын сындарлы сәтте жүз шайыр елінің ынтымақ, бірлігін көрсетіп, Қазақстан Республикасы Парламенті Мәжілісі мен мәслихат депутаттарының сайлауына белсенділікпен қатысқан барша аудан тұрғындарына ризашылығын білдірді.Одан соң, айтулы мерекеге арнайы келген ауданның Құрметті азаматтары Бекмырза Еламанов, Биғали Қаюпов және Нажмадин Шамұратовтар жиналған жұртшылықты Наурыз мерекесімен құттықтады.Ұлыстың ұлы күніне арналған мәдени іс-шараны еңкейген кәріден, еңбектеген балаға дейін тамашалап, бір-бірін құттықтап, ізгі ақ ниеттерін білдіріп жатса, жүз шайыр елінің өнерлі өнерпаздары ән мен жырдан шашу-шашып, көпшілік керемет көңіл күйге бөленді. Сонымен қатар, Наурыз мейрамын мерекелеу аясында ауданға келген ел ағалары «Қобыз» монументі аллеясында естелік ретінде ағаш отырғызып, туған жерге тағзым етті.&nbsp;

Қармақшыда ұлыстың ұлы күні әз-наурыз мейрамы тойланды

Kyzylorda-news.kz. Бүгін Арал ауданында «Қош келдің Әз-Наурыз» атты мерекелік шарасы өтті. &nbsp;Бұл мерекені Арал ауданының халқы ерекше шаттықпен тойлауда. Ұлыстың Ұлы күні – әз Наурыз мерекесі Арал ауданында жоғары деңгейде аталып өтті. Орталық алаңда ретімен құрылған киіз үйлер сән түзеп, алыстан көз тарта алаң ажарын ашып, мерекелік шараларға ерте жиналған қауымға мерекелік көңіл күй сыйлады. Мерекеге жиналған тұрғындар ең алдымен ұлттық салт-дәстүрлерді &nbsp;дәріптеген көріністердің куәсі болды.Одан әрі салтанатты шарада аудан әкімі Серік Сермағамбетов аудан жұртшылығын Наурыз мерекесімен құттықтады.<blockquote>«Елімізді шуағына бөлеген Ұлыстың Ұлы күні әр шаңыраққа мерейлі шаттық, мол ырыс пен мызғымас ынтымақ сыйласын! Теңіз дауылына желкенін жықпай, өмір соқпағына мойымаған, дархан көңілді Арал жұртын тағы да Ұлыстың ұлы күнімен шын жүректен құттықтаймын! Тіршілік жаңарып, жыл бастауы болған Әз-Наурыздағы барша тілектеріңіз қабыл болсын! Әр шаңыраққа Қыдыр қонып, бақ дарысын! Ұлыс оң болсын!»,-деп ізгі тілегін жеткізді.</blockquote>Мұнан соң аудан басшысы бастаған бір топ аудан азаматтары алаңда құрылған киіз үйлерге бас сұғып жиылғанғандарға ыстық ықыласын жеткізді. Айта кетейік орталық алаңда, «Сыбаға», «Қауышу», «Кәсіпкерлер», «Ұлы Жібек жолы», «Береке-бірлік», «Рухани құндылық», «Ырыс-ынтымақ», «Алтын орда», «Анаға тағзым», «Алтын орда» атты оннан астам киіз үй тігілді.​Ұлыстың ұлы күні қарсаңында аудан әкімі бүлдіршіннің тұсауын кесіп, ақсақалдар ақ батасын берді. &nbsp;Сондай-ақ шара барысында орталыққа жиылған жастар ұлттық спорт түрлерінен сайысқа түссе, бойжеткендер мен қыз-келіншектер ұлттық дәстүрді, әдет-ғұрыптарды насихаттады. Күн мен түн теңесіп, жер-жаһан жайма шуақ рахат нұрына бөленетін осынау ұлы мерекені қарсы алған аудан тұрғындары наурыз көжеден дәм татып, ел мен жердің амандығын тілеп, ақ баталарын берісті.<img src="https://knadmin.beoblood.kz/uploads/FB_IMG_1679392162185_5d548f024b.jpg" alt="FB_IMG_1679392162185.jpg"><img src="https://knadmin.beoblood.kz/uploads/FB_IMG_1679392166440_9a5394530d.jpg" alt="FB_IMG_1679392166440.jpg"><img src="https://knadmin.beoblood.kz/uploads/FB_IMG_1679392145547_6b3222ba48.jpg" alt="FB_IMG_1679392145547.jpg"><img src="https://knadmin.beoblood.kz/uploads/FB_IMG_1679392177355_a9bc3c5c4a.jpg" alt="FB_IMG_1679392177355.jpg"><img src="https://knadmin.beoblood.kz/uploads/FB_IMG_1679392156399_35a59a7771.jpg" alt="FB_IMG_1679392156399.jpg"><img src="https://knadmin.beoblood.kz/uploads/FB_IMG_1679392159285_4402eefffc.jpg" alt="FB_IMG_1679392159285.jpg">

Аралда наурыз тойы тойланды

<a href="https://kyzylorda-news.kz/">Kyzylorda-news.kz.</a> Қызылорда қаласының әуежайына айтылар сын-пікір аз емес. Дегенмен қазірдің өзінде осы әуежай арқылы бір жылда 1400 рейс орындалады екен. Облыс әкімі Нұрлыбек Нәлібаев өңірдегі көлік саласын реттеуге барынша күш салуда. Қоғамдық көлік қызметін реттеу мақсатында жаңа автобустар алынып, қала мен елді мекендердегі жол құрылысы қарқынды жүргізілуде. Енді міне, аймақтағы жаңа әуежай терминалының құрылысы басталды.«Көрісу күнінде» облыс әкімі ел ағаларымен бірге жаңа әуежайдың іргетасын қалау рәсіміне қатысып, жерлестерін береке мен бірлікке бастайтын Амал мерекесімен құттықтады.<blockquote>«Мемлекет басшысы ҚасымЖомарт Кемелұлының Сыр еліне деген қолдауымен аймақта берекелі істер атқарылуда. Облыс орталығында қала көркін еселеп, ажарын айшықтай түсетін бірқатар зәулім ғимараттың іргетасы қаланып, әлеуметтік нысандарды салу сәтті жүзеге асуда. Өздеріңізге белгілі, әуе қатынасы – өзінің ерекшелігімен үлкен сұранысқа ие, серпінді дамып келе жатқан саланың бірі. Жолаушылар және жүк ағымын ұлғайту, қызмет сапасын жақсарту үшін әуежайдың жаңа терминалын салу жөнінде шешім қабылданып, құрылыс жұмыстары жүргізілуде. Жаңа терминал Болат Өтемұратов қорының қаржысы есебінен салынуда», - деді аймақ басшысы.</blockquote>Шара барысында қоғам қайраткері, Арал, Жалағаш, Қармақшы аудандары және Қызылорда қаласының құрметті азаматы, «Құрмет» орденінің иегері Биғали Қаюпов жерлестерін жаңа нысанның құрылысы басталуымен құттықтады. Қоғам қайраткері, «Құрмет» орденінің иегері, Жаңақорған, Шиелі, Сырдария аудандары мен Қызылорда қаласының «Құрметті азаматы» Ибрагим Әбибуллаев жұртшылыққа бата берді. Жалпы аумағы 7,5 мың шаршы метрлі жаңа әуежай ғимаратының құны 31 млн АҚШ доллары. Нысан пайдалануға берілген кезде көлік саласының көрсеткіші артпақ. Нақты айтқанда, 2025 жылға қарай рейс саны 3000-ға жетеді деп күтілуде. Тасымалданған жолаушы саны 260 мыңнан 500 мыңға дейін ұлғайса, жүк тасымалы 150 тоннадан 300 тоннаға дейін артады деп жоспарлануда. Құрылыс кезінде 600-ден астам адам жұмыспен қамтылса, аяқталғаннан кейін 64 жаңа тұрақты жұмыс орны ашылмақ.

Қызылорда әуежайында жылына 1400 рейс орындалады

<a href="https://kyzylorda-news.kz/">Kyzylorda-news.kz.</a> Соңғы жылдары қалаға іргелес жатқан Қызылжарма ауылдық округінде халық саны артып келеді. Бүгінде округте көгілдір отырн, ауыз су, аяқ су мәселесі оң шешімін тапқан. Сондай-ақ жол мәселесі де жыл өткен сайын реттелуде.&nbsp;Қызылжарма ауылдық округінің әкімі Медет Сейіловтің айтуынша, округтегі коммуналдық сала бұрынғыдан әлдеқайда ілгерілеген. Атап айтсақ, «Өңірлерді дамыту» бағдарламасы аясында жергілікті бюджеттен бөлінген 7 млн 950 мың теңгеге Сайлыбаев және №4 А көшелеріне тас төсеу жұмыстары істелді. Сондай-ақ, «Қызылорда электр тарату тораптары компаниясы» АҚ арқылы шет аймақта орналасқан 12 көшеге 400 – ге жуық электр бағаналары мен Қызылжарма-1 және Қызылжарма-2 тұрғын аудандарына 2 жинақтық трансформаторы орнатылып, электр желілерін тарту жұмыстары жүргізілген.Шағын кәсіпкерлік те өрістеп келеді. Қазіргі таңда ауылда тіркелген 433 кәсіпкерлік нысан бар. Өткен жылмен салыстырғанда жаңадан 63 кәсіпкерлік субьектісіне көбейіп, 151 адам жұмыспен қамтылған. Жалпы, Өткен жылы Қызылжарма ауылдық округі бойынша 77 жоба қолдау тауып, барлық қаржы инситуттарынан 153,1 млн теңге қаражат алынып, жұмыстар жасалуда. Оның 58 жобасы «Бастау Бизнес» қайтарымсыз гранты арқылы жүзеге асуда. Сондай-ақ, халықпен кездесу барысында ауыл тұрғындары тарапынан көтерілген Р.Батырбаев және Қ.Сексенбаев көшесінің қиылысына бағдаршам орнату мәселесі бойынша жоба сметалық құжаттары жасалып, қаражатқа ұсыныс берілген.Сонымен қатар, Қарауылтөбе ауылдық округіне баратын жолдың құрылысы бітті. Орташа жол жөндеу, асфальт төсеу жұмыстарымен «Қызылорда жолдары» ЖШС мердігер мекемесі &nbsp;айналысты. Құрылысқа 87 млн теңге қаражат бөлінді. Айта кету керек ауылдағы 8 көшеге тас төселді.&nbsp;«Балалар жылына» орай Досхожин көшесінде балалар ойын алаңы салынды. Бүгінде «Сапақ» ӨК мердігер мекемесінің директоры Бекболат Есанов өз қаражаты есебінен құны 17,5 млн теңгені құрайтын құрылысты аяқтады. Қасына қосымша спорттық «Воркаут» алаңы салынды. Осылайша жеке кәсіпкер көптен күткен Қызылжарманың кішкентай бүлдіршіндеріне тосын сыйын тарту етті.&nbsp;Ауылда алда атқарылар жұмыстардың жеткілікті екенін де айта кету керек. Мәселен, округтегі шет аймақ болып саналатын Қызылжарма-1 және Қызылжарма-2 тұрғын ауданына 28 шақырым электр желісін, 24 шақырым ауыз су құбырларын, 32 шақырым газ құбырларын тарту мәселесі кезек күттірмейді. Қалалық құрылыс бөліміне аталған аумақтарда инфрақұрылым жүйелерін дамыту мақсатында ұсыныс беріліп, алдағы уақытта аталған бөліммен бірге жоба сметалық құжаттарын әзірлеу үшін қаражат қарастырылуда.

Қызылжармада былтыр 77 жоба қолдау тапты

<a href="https://kyzylorda-news.kz/">Kyzylorda-news.kz.</a> Өткен жылы «Qosyl» қалалық жастар ресурстық орталығы қала жастарының белсенділігін арттыру, бос уақытын тиімді өткізу және ынталандыру мақсатында бірқатар шаралар атқарды. Соның ішінде мақтаулы жас мамандарды марапаттау, түрлі іс-шараларға қатыстыру арқылы жастар саясатын дамыту жүзеге асырылуда.&nbsp;Мысалы, былтырғы жылы «Самғау» жастар сыйлығы 10 жұмысшы мамандық иегерлеріне табысталады. Бұл марапат эұмысшы жастарды ынталандыру арқылы олардың одан әрі өз-өзін жетілдіруге және өңірде қалып, жұмыс жасауға мол мүмкіндік береді Жұмысшы мамандық иегерлерін жеткен жетістіктеріне қарай, мемлекет тарапынан қолдау көрсету, сондай-ақ, жастардың азаматтық белсендіктерін арттыру шараның басты мақсаты.&nbsp;Ал жастардың бос уақытын тиімді ұйымдастыру, қажеттіліктерін қанағаттандыру мен қызығушылығын анықтау мақсатында жастар арасында сауалнама жүргізіп, мониторинг жасалыпп, олардың қажеттілігіне қарай орталық тарапынан үйірме жұмыстары ұйымдастырылып отырады. Үйірмелер кәсіби білімі бар жетекшілермен қамтамасыз етіліпп, қаладағы тұрмыс жағдайы төмен отбасылардан шыққан және жұмыссыз жүрген жастарды қызығушылығына қарай үйірмеге тартуға мүмкіндік бар.&nbsp;Одан бөлек орталықта «Мейірімділік қадамдары» жастар волонтерлік қозғалысы және «ECOSana» жастардың экологиялық бастамаларына қолдау көрсету» әлеуметтік қызметі өз жұмысын атқаруда. Ол аймақтық волонтер жастардың басын біріктіре отырып, ортақ мүдделі қайырымдылық шаралар мен акцияларды бірлесе ұйымдастырады. Волонтер болудың үздік тәжірибелерін қалыптастырып, тұрақты оқулардан өткізеді. Жастар арасында экологиялық сананы тұрақты насихаттау, бастамашыл топтарды құрып, қайтарымсыз гранттар арқылы жоба менеджменті және жобаларды жүзеге асыруды үйретеді. Командалық жұмыстар, тиімді шешімдер қабылдау арқылы, көшбасшылыққа жастардың ортасын қалыптастырады.&nbsp;«Жастар бастамаларын қолдау» шағын гранттар жобасы аясында ауыл жастарына көшбасшылық дағдыларын жетілдіруге, оған қоса әлеуметтік жобаларын жүзеге асыруға мүмкіндік беру жолға қойылған. Қызылорда қаласына қарасты ауылдық округ жастарының бастамаларына қолдау көрсету, сондай-ақ, оқыту арқылы өмірлік маңызы бар дағдыларды дамыту мен ауыл жастарынан құралған бастамашыл топтардың жобаларына кіші гранттар арқылы жастардың басын қосатын алаңдар ашужы орталық өз міндетіне алған.&nbsp;«Компас» жастар арасында сандық сауаттылықты арттыруға және жаңа технологияларды дамытуға жәрдемдесу аясында 2022 жыл «Балалар жылы» болып жариялануына байланысты мектептердегі оқушы балаларды IT (ақпараттық технология) бағыты бойынша қолдап, білімдерін одан әрі тереңдету мақсатындағы арнайы жоба жүзеге асырылуда.&nbsp;Аула клубтарын ашу барысында, қала жастарының барлық категориялары мәдени баюына, интеллектуалды дамуына ықпал ететін бірден-бір жоба – «Аула клубтары» әлеуметтік қызметі. Мұндай жобаны жүзеге асырудың қазіргі кезеңінде маңызды міндеттердің бірі қазақстандық жастардың рухани-адамгершілік құндылықтарын қалыптастыра отырып, жастардың болашаққа деген сенімін арттыру, олардың нық қадам басуына себепкер болу. Дәл осы мәдениет, тіл, білім және спорт әрбір адамның ұлттық құндылығы екенін ұғындыру біздің мақсатымыз. Бұл жасалып жатқан тұжырымдаманың іске асыру барысында түрлі жаттығулар мен шығармашылық бағытында жаңа аула клубтарының қазіргі заманға сай инфрақұрылымын құруға зор әсерін беретіні айқын. Жобаның мақсаттары мен міндеттеріне қол жеткізе отырып,орасан зор әлеуметтік әсерге ие болып қана қоймай, қала жастарының жоғары деңгейде дамуының кепілі болатыны анық.

Қызылордада жастар бос уақытын тиімді ұйымдастырады

<a href="https://kyzylorda-news.kz/">Kyzylorda-news.kz.</a>&nbsp; Ақжарма ауылында қазақы салт-дәстүрді бекем ұстанып отырған ауыл тұрғыны Райхан Шалбаевамен жүздестік. Межелі мекен-жайға кіребергеннен айтса айтқандай ауылға тән әдемі тіршілік көз сүйсіндіреді. Аядай ғана аулада жиырмаға жуық жеміс ағаштары бар. Жайдары көктем мезгілі келісімен қасиетті Жер-ана бауыры жіпсіп, жеміс талдарына қуат бергендей.Райхан апа күн жылынуын тағатсыздана күтіп жүр. Өйткені жыл сайын есік алдына тігілетін сегіз қанатты ақбоз үйді тұтынып келе жатқанына жарты ғасырға жуықтады. Айтуынша, киіз үйдің сүйегі Қарақалпақстаннан әкелінген. Оған қажетті жабулар мен баулардың барлығы өз қолынан шыққан. Жасы жетпістен асса да әжей әлі тың көрінеді. Сөзі нық, ісі ширақ.<blockquote>– Шырағым, ауыл баласы болсаң білерсің. Киіз үйдің қызығын жазда күн ысығанда көресің. Іргеге су шашып салқындатып алсаң күні бойы ыстықты жібермейді. Әрі таза ауа адам денсаулығына пайдалы. Өзім Өзбекстан Республикасының Тамды деген жерінде дүниеге келгенмін. Бала кезден киіз үйде өстік. Анам күн жылынғаннан киіз үй тігуге асығатын. Ол жақта халық түгел қазақы дәстүрді ұстанады. Жастайымыздан бойымызға дарыған қасиет өмірлік дағдымызға айналып отыр. Киіз үйге қажетті басқұр, жел бау, түкті бау, бел арқан секілді дүниелердің барлығын өзім жүннен иіріп, тоқи беремін. Қыз жасауын да әзірлеймін.</blockquote>Құрақ көрпе – ұзатылған қызға анасының артынан апаратын бұйымы. Ұрпағың құрақтай болып көбейсін деген ниетте тігіледі. Мұның бәрі – біздің ата-бабамыздың ұстанып кеткен салиқалы жолы. Соны өз деңгейінде тани алсақ, ұрпағымыз ұлы дәстүрден алыстамайды, – дейді Райхан Дүкенбайқызы.Әңгімелесе келе кейіпкеріміздің әкесі Дүкенбай ақсақал дәуірінде мықты шежіреші болғанын білдік. 1978 жылы Кеңес Одағының Батыры Бауыржан Момышұлы шаңырағында қонақта болып, кейіннен Дүкенбай қария туралы естелік кітабында кеңінен әңгімелеген.Кейіпкеріміздің көп қырының бірі – ақындық қабілеті. Әлі күнге дейін қолынан қаламын тастаған емес. Әжесі суырыпсалма ақын болған. 2018 жылы жергілікті баспалардың бірінен «Тамдының жыры бітпейді» атты кітабы жарық көрген. Өлеңдер жинағына туған жерге, ата-анаға, құрбы-құрдастарына деген сағыныштан туған туындылары топтастырылған. Соның бірі «Қайсар қазағым!» деген шығармасында ақын жүрегі былайша жырлайды:– Ей, бауырым картаға бір қарашы,Мынау көсіліп жатқанҚайсар қазақтың даласы.Орыстың, қытайдың, немістің,Ешқандай болмасын таласы.Тауы, орманы, өзені, теңізі,Осынша байлықтың егесіТек қана қазақтың баласы, – деп туған өлке туралы тебірене толғайды. Жастайынан өлең жазумен қатар мың бояуды үйлестіріп, сурет өнерін де жалғастырып келеді. Жұқа тақтайша бетіне жағылған бояуларға түрлі-түсті моншақтар жапсырып, қолөнер туындыларын жасайды. Бүгінге дейін 200-ден аса туынды жасап, көбісін сыйлыққа таратып берген.Дүкенбай ақсақал мен Фатима ананың шаңырағынан түлеген 8 ағайындының ішінде бір інісінің шығармашылыққа бейімі бар. Тағы бір айтарлығы, кейіпкеріміз арабша оқып, жазып қазақшаға аударады. Қайбір жылы облыстық «Ақмешіт-Сырдария» орталық мешіті ұйымдастырған имандылықты насихаттау байқауында бақ сынап, жүзге жуық талапкердің арасынан бас жүлдені жеңіп алған.1971 жылы жары Жәлел Алдамжаровпен отау құрып, бүгінде өнегелі әулетке айналып отыр. Саналы ғұмырын ұрпақ тәрбиесіне арнаған қос қарияның ендігі арман-тілегі – егемен елдің тыныштығы.<blockquote>– Өлеңдерімді немерелерім жатқа айтып отырады. Соған сүйсініп қаламын. Ақбаян деген немеремнің өлең жазуға ынтасы бар. Болашағынан үміт күтемін. Ал арабша оқуды көптен меңгергенмін. Әлімсақтан Адам ата мен Хауа ана жаратылғалы жер бетінде пайда болған тіршілік нәрі Құранмен тығыз байланысты. Сондықтан араб қарпін білсең құран оқу жеңіл болады.&nbsp; Бір айта кететін жайт, кейбір замандастарымыз баласының тілі шықпаса, балағат сөз айтқызып жатады. Ал алғашқы тілі олай шыққан баланың өміріне шайтан араласады. Сондықтан балаға қай кезде де имандылыққа үндейтін сөздер үйреткен абзал. Оған періштелер сырттай сүйсініп, Алладан тілеуін тілейді, – дейді Райхан Дүкенбайқызы.</blockquote>Иә, баба дәстүрін дәріптеп келер ұрпаққа аманаттауда осындай аналардың әзиз жолы – тұнған өнеге. Бір басына бірнеше өнер дарыған ананың еліне, жастарға берері әлі де көп. Әжеймен болған алғаусыз әңгімеде біз осыны аңғардық. Қазақтың қасиетті киіз үйін әлі күнге дәріптеп, есік алдына тігуді дағдыға айналдырған жанның даралығын сезіндік. Киіз үйде қасиет бар.&nbsp;

Киіз үйдің қасиеті

<a href="https://kyzylorda-news.kz/">Kyzylorda-news.kz.</a> Қызылорда қаласының іргесіне қоныс тепкен бұл ауылды қалаға қарасты ауылдардан оқ бойы озық деуге болады. Тіршілігі тынбайтын, тірлігі қарқынды Ақсуат ауылдық округі жыл өткен сайын көркейіп, дамып келеді. Ондағы халық саны – 9536 адам. Ал экономикалық белсенді халық саны – 4 мыңға жуықтайды. Оның ішінде 682-сі өзін-өзі жұмыспен қамтығандар. Сонымен бірге демографиялық өсімде байқалады.Көш ілгері келе жатқан ауыл халқының әлеуметтік ахуалын әлсіз деуге келмейді. Мұнда бар-жоғы 135 адам атаулы әлеуметтік көмек алатын болса, көмекке мұқтаж 5 балаға үй жағдайында қызмет көрсетіледі. Мұндай сәтте ауыл кәсіпкерлері де қалыс қалмайды қолдан келгенше ұйымшылдық танытып, тиісті көмек қолын созуға дайын. Мұны олардың тұрақты түрде аз қамтылған және көп балалы отбасыларға заттай, қаржылай көмек көрсетуін, балаларды елеусіз қалдырмай мереке сайын сыйлықтар табыстауын байқауға болады. Бірлігі бекем ауылдың түтіні түзу ұшып, өзгелерге ауызбірлікпен үлгі екенін ерекше атап өтуге болады.Білімді, мәдениетті жастар ауылдан шығадыБүгінгі жас өреннің білімді де, мәдениетті, салауатты жас боп өсуі мектеп қабырғасында, айналасын қоршаған ортада қалыптасатыны белгілі. Бұл ауылдық округте 3 білім ордасы бар. Оның біреуі жекеменшік мектеп болса, біреуі мектеп-лицей және орта мектеп. Ауылдың екі мыңнан аса оқушысы аталған оқу ордаларында тәлім алады. Ал мектеп алды жасындағы балалар екі мемлекеттік мектеп пен 5 жеке балабақшадан тәлім алуда.Ауыл халқының рухани демалыс орны мұндағы мәдениет үйі болып табылады. Бекітілген жоспарға сәйкес руханият ошағында түрлі мәдени іс-шаралар ұйымдастырылып тұрады. Мәселен, жыл басынан бері онда 55 мәдени көпшілік мерекелік кештер өткізілген. Бұдан бөлек онда 6 үйірме жұмыс істейді. Ауыл өнерлі, талантты балалардан кенде емес. Түрлі деңгейдегі байқауларда үйірме қатысушылары жеңімпаз атанып, ауыл атын асқақтатып жүрген жайы бар. Мысалы, VI Республикалық «Жарық жұлдыз» атты балалар өнер байқауында «Эстрада вокал» жанры бойынша 1 орын, «Сырдария- достық өзені» атты республикалық әншілер байқауында 3 орын, &nbsp;І халықаралық өнер мен білім фестиваль – конкурсында «Қызғалдақ» би тобы І-дәрежелі лауреат иегері атанса, «Сыр сұлтаны» атты қалалық сайыста және «Жеті қазына» атты облыстық байқауында клуб қызметкерлері 3-орынмен марапатталған.Ауылда жаңа спорт алаңы салынбақБұқаралық спортты дамытуда да ауыл кәсіпкерлерінің үлесі зор. Ауылдық округте бұқаралық спортты &nbsp;дамыту мақсатында, мектептерде футбол, волейбол, баскетбол, стол теннисі және күрес, қыздар күресі үйірмелерімен қатар, асық, шахмат үйірмелері ұйымдастырылған. Сондай-ақ, №143 мектептен бокс, еркін күрес залдары жабдықталып үйірмелер жұмыс жасауда. Жасөспірімдер мен балаларға арналған үш спорт ойын алаңы, &nbsp;көше тренажеры мен ауыл кәсіпкерлерінің қолдауымен салынған орталық алаң ауыл тұрғындарының игілігіне жарауда.Десе де, биыл спорттық ойын алаңдарының тозуына байланысты 9 миллион 781 мың теңгеге ағымдағы жөндеу жұмыстарын жүргізу үшін және &nbsp;12 миллион 500 мың теңгеге балалар спорт алаңын орнату үшін жоба сметалық құжаттар әзірленген. «Балалар жылы» аясында демеушілердің қаражаты есебінен ауылдық округтен екі спорттық ойын алаңдары құрылысы мен «Samruk – Kazyna Trust» корпоративтік қоры 239 миллион теңгеге кең көлемдегі спорт кешені құрылысын салуды бастады.Ауылда бұқаралық спортты дамыту көңіл бөлуге тұрарлық. Себебі ауыл спортшылары түрлі додаларлдан олжалы оралып жүр. Мәселен, волейболдан өткен қалалық спартакиададан &nbsp;жүлделі 1 және 2 орынды, облыстық спартакиадада жүлделі 2 орынды, республикалық волейболдан өткен жарыста 2 орын, &nbsp;кент және ауылдық округтер арасында 7 спорт түрінен өткен қалалық жалпы командалық жарыста 2 орын, Шымкент қаласында өткен Қазақстан Республикасының Чемпионатында &nbsp;қыздар арасындағы еркін күрестен үздік өнер көрсетіп жүлделі &nbsp;1-ші, 2-ші &nbsp;және 3-ші орынды иеленген жеңімпаздар жетерлік.Ауыл бейнесі оның шаруашылығыАқсуат ауылдық округінің ауыл шаруашылығы мақсатында бөлінген жер көлемі – 13751 гектарды құрайды екен. Оның 27 гектарына күріш, 60 гектар жерге бидай, 315 гектар аумаққа жоңышқа егілген. Биыл шаруа қожалықтары күріштен 99,3 тонна, бидайдан 60 тонна өнім алды. &nbsp;Ал мал басы саны бойынша 2403 бас мүйізді ірі қара, &nbsp;1319 бас жылқы, 14 бас түйе мен 3049 бас уақ малы бар. Олардың барлығы дерлік сырғаланып, компьютерлік дерек базасына тіркелген. Өткен жылға қарағанда мал басының өсімі 16,9 процентті құраған.Кәсібі келісті ауылТабыс көзін тауып, оны жеке кәсіпке айналдырып отырған ауыл тұрғындары бұл саланың қарқынды дамып, &nbsp;жұмыссыздықты жоюдағы үлесі зор. Қазіргі таңда ауылда 408 кәсіпкерлік нысан тіркелген. Оның 58-і шаруа қожалығы болса, 341-і жеке кәсіпкер және 9-ы заңды тұлға. Жеке кәсіп ашу биыл өткен жылға қарағанда екі есе артқан. Соның нәтижесіде ауылда жаңа жұмыс орындары ашылып, жұмыссыздық деңгейі төмендеген. Осы орайда кәсіпкерлік саланың дамуына мемлекеттік бағдарламалардың пайдасы зор екендігін айта кеткен жөн. Мәселен, биыл 1 шаруа қожалығы «Сыбаға» бағдарламасымен 23 миллион теңге несиеге 478 бас қой, өз қаражаты есебінен 20 бас асыл тұқымды қошқар алып шаруасын жүргізуде. Ал, «Ұлттық жоба» аясында &nbsp;18,3 миллион теңге болатын &nbsp;2 жоба қаржыландырылса, 2,0 миллион теңге болатын &nbsp;1 жоба қайтарымсыз грантқа ие болды. «Өңірлік инвестициялық орталық» микроқаржы ұйымы арқылы арқылы 33,0 &nbsp;миллион теңге болатын &nbsp;4 жоба, «Аграрлық несие корпорациясы» арқылы 31,0 миллион теңге болатын 6 жоба, «Инвест групп» ЖШС-гі арқылы 15,0 &nbsp;миллион теңге болатын &nbsp;2 жоба, «Сырдария -1» несие серіктестігі арқылы 16,7 &nbsp;миллион теңгеге &nbsp;1 жоба қаржыландырылса, «Бастау бизнес» &nbsp;жобасы шеңберінде кәсіпкерлік негіздеріне оқу курсын 46 адам оқып сертификат алған. &nbsp;Қайтарымсыз грант қаражаты есебінен жалпы құны 24 миллион 405 мың теңге болатын &nbsp;24 жоба қаржыландырылған. Жаңа жұмыс орындарының ашылуы нәтижесінде 89 адам тұрақты жұмыспен қамтылса, қоғамдық жұмысқа 29 азамат тартылған. Сонымен бірге кәсіби оқу және қайта даярлау курсынан 2 тұрғын өтсе, әлеуметтік жұмыс орнынан 3 адам, «Жастар тәжірибесі» бағдарламасымен 16 азамат жұмыс тапқан.Ақсуатқа газ келедіАуылдық округтегі маңызды мәселенің бірі – табиғи отын жайы. Ауылды газдандыру жұмысы кезең-кезеңімен жүзеге асырылуда. Осы орайда бюджеттен бөлінген 2 млрд. 439 миллион теңге қаржыға мердігер мекеме «Алия – Сервис» жауапкершілігі шектеулі серіктестігі 9,6 шақырым орта қысымды, 16,5 шақырым жоғары қысымды газ құбыры мен автоматты газ тарату станциясына (АГТС -1- &nbsp;ГГТП -1) кеңейту жұмыстары және 1460 тұрғын үйге түтік шығару жұмыстарын жүргізді. Ал 123 шақырым үйге төменгі қысымды газ құбыры тартылып, қазіргі таңда, қалған үйлерге түтік шығару жұмысы жасалуда. Ауылды газдандыру жобасының жалпы құны – 4 млрд 775 миллион теңгені құраған.Бұдан өзге жол жөндеу, жарықтандыру, аяқ су, электр желісі сынды мәселелер әлі де өзектілігін жойған жоқ. Биыл «Өңірлерді дамыту» бағдарламасы аясында жөндеуді қажет ететін №5 көшеге тас төсеу жұмыстарына 5млн. теңге қаржы бөлінген. Бүгінде мердігер «КазСервис ЛТД» мекемесі орташа жол жөндеу жұмыстарын жүргізген.Сонымен бірге, «Ауыл – ел бесігі» жобасымен 121 миллион 407 мың &nbsp;теңгеге Т.Бекмұратов, Ш. Беркінов, Ә.Құдабаев және Т. Ақмырзаева &nbsp;көшелеріне орташа жол жөндеу (асфальт) &nbsp;жұмыстарын жүргізу үшін облыстық экономика басқармасына бюджеттік өтінім жолданған. Өтінім қабылданып, тиісті қаражат бөлінсе тұрғындарды толғандырған жол мәселесі шешімін таппақ.Ауылда электр желілерімен қамтылмаған 22,5 шақырым болатын жаңа ауданның 32 көшесін электр желілерімен қамту үшін &nbsp;қалалық бюджеттен 4 миллион 849 мың теңге қаржы бөлінді. Оның мердігер мекеме «STROYCONSALTING» (СтройКонсалтинг) ЖШС-мен жоба сметалық құжаттарын әзірлеп, мемлекеттік сараптамадан оң қорытындысы алынған. Жобаны жүзеге асыруға 1 млрд. 95 миллион теңгеге бюджетке өтінім берілген.Аяқ су мәселесі бойынша мамыр айынан бастап мердігер мекеме «Нұржанова» қалалық бюджеттен бөлінген 2 миллион 122 мың теңгеге ауылдық округ тұрғындарын аяқ сумен қамтамасыз еткен. Дегенмен, &nbsp;аяқ сумен қамтамасыз ететін аяқ су сорғысының трансформаторының тозуына байланысты, 4 миллион 439 мың теңгеге жаңа трансорматор сатып алу жоспарлануда. Ал ауылдық округтегі аяқ сумен қамтылмаған жаңадан қоныстанушы тұрғындарды &nbsp;маусымдық аяқ сумен қамту мақсатында республикалық бюджеттен қаралған қаржыға Т.Бекмұратов және Сарыкөл көшесі бойынан мердігер «Бақ береке» мекемесі су ұңғымасын орнатып, &nbsp;пайдалануға берген.Ал көшелерді жарықтандыруда 2 миллион 149 мың теңгеге жеке кәсіпкер «Наружная реклама Демеу» мекемесі түнгі жарық бағаналарын безендіріп &nbsp;сырғалар орнатса, алдағы уақытта ауылдың 2 көшесін жарықтандыру үшін 10 миллион 469 мың теңге қаржы бөлуге қалалық экономика және бюджетті жоспарлау бөліміне өтінім берілген.Дамуға демеу болса көркеймейтін ауыл жоқ. Ауырбірлігі жарасқан ақсуаттықтардың бітімді тірлігі бірліктің арқасында жүзеге асып келеді. Ауылдық округтің жыл санап өсіп-өркендеуі, халық тұрмысының жақсаруы осындай атқарылған игілікті істердің көрінісі іспетті. Ауыл халқы сәл уақыттан соң табиғи отын келеді деп қуануда. Кәсіпкерлігі кең етек жайып, шаруасы оңтайланған жұртшылықтың қазіргі күткені осы. Ал бұдан бөлек істе алдыңғы қатардағы ауылдың бірі екені көзге көрініп-ақ тұр.

Ақсуатта 700-ге жуық кәсіпкер бар

<a href="https://kyzylorda-news.kz/">Kyzylorda-news.kz.</a> Ұлыстың ұлы күні – Наурыз мерекесін дәстүрлі наурыз көжесіз елестету мүмкін емес. Бұл күні әрбір үйде қазан оттан түспей, уыз қатырылып, сорпа сапырылады, наурызкөже дайындалады. Ырымшыл қазақ халқы әу бастан киелілікке, қасиетті сандарға мән берген. Сол себепті бұл тағамды жеті түрлі тағамнан жасап, молшылық болсын, береке болсын деп ниет еткен.Табиғат бастауы су ғой. Сусыз тіршілік болмас. Сондықтан Наурызкөженің де негізі су болып табылады. Бұның да астарында - өмір өзен, ұрпақ-өріс судай асып-тасысын дегені болса керек.Қазақтың ең жақсы көретін, негізгі ас дәмдерінің бірі – ет. Қашанда қазақы дастарханның берекесін ет келтіреді. Сол себепті Наурызкөжеге қазақтың төл асы – ет қосылады. «Ұзынсарыға» сақталған сүрі етті қазан толсын, ас мол болсын деген ырыммен тұтастай Наурызкөжеге салып қайнатады.Көжеге үшінші - дәм арпаны қосады. Арпаның емдік қасиеті жайлы бәріне белгілі. Арпаны жиі пайдаланатындардың қаны бұзылмайды дейді білгіштер. Ирак тәуіптері бұл дәнді «ғажап құтты дән» деп атаған. Көптеген ауруларға шипалы. Сонымен қатар тойымды болып келеді.Арпамен қоса, тары, күріш сияқты дәнді дақылдар қосылады. Жалпы, Наурызкөжеге дәнді дақыл қосудың бір мағынасы – бір тамырдан өсіп-өнген дәндей ұрпағымыз көп болсын деген тілек болса керек. Наурызда берілетін бата нышаны осы Наурызкөжеде де сайрап тұр.Көжеге міндетті түрде айран немесе ақ құяды. Бұның да негізінде – сүттей ұйып отырайық, ақ мол болсын деген ниет жатқан болар. Қазақтың ұлттық тағамдарының көбіне осы сүттен жасалады. Ұлттық тағам – Наурызкөжеге де қосылуы заңдылық па дейміз.Қазақтың ұлттық тағамдарына кіретін құрт та көженің дәмін келтіріп, ерекшелендіреді.Кез келген тағамның дәмін тұз келтіреді. Наурызкөжеге де дәм беретін тұз жетінші тағам ретінде қосылады.Әлбетте, наурызкөжеге белгілі бір тағам түрін қосу керек деген арнайы нұсқау жоқ. Әркім қолындағы бар азық-түлігіне қарайды. Тіпті кейде көкөністер де, жемістер де қосатындар бар. Дәм саны жетеу болса болғаны. Осылай, Наурыз мерекесінде қазандар көжеге толып, ауыл тұрғындары бір-біріне қонақ болған.Бұрынырақта әйелдер өздерімен ыдыс ала жүрген. Әр үйден көже құйып алып, өз үйінің қазанындағы көжеге қосқан. Бұл дәм-тұзымыз араласып, ынтымақ-бірлігіміз нығайсын, көже секілді мидай араласып, көжедей дәмді қатынаста болайық, біріміздің ырысымыз бірімізге жұғысты болсын деген үлкен ұғымды білдірген.Көжені ыдысқа толтырып құйып береді, бұл - «жаңа келген жылдан несібесі ортаймасын» дегендік. Әрі сол құйылған көжені тауысып ішу керек, әйтпесе ырзығы кем болады дейді.&nbsp;

Архив