<a href="https://kyzylorda-news.kz/">Kyzylorda-news.kz.</a> Көгілдір көктемнің шуақты мерекесі – 8 наурыз Халықаралық әйелдер күнінде Ы.Жақаев ауылының мәдениет үйінде нәзік жандыларға арналған кезекті салтанатты шара өтті. Облыстық «Атамекен» ҰҚП өңірлік кеңес мүшесі Әбдіқадырова Айткүл Әліқызының бастамасымен ұйымдастырылған «Үйде – әйел. Түзде – тұлға. Құрметіміз Сізге – Ана» тақырыбындағы жиын аудандағы кәсіпкер әйел-аналарды ұлықтау мақсатында жүргізілді.Мерекелік шараға аудан әкімінің орынбасары Болат Ысмағұлов, аудандық қоғамдық даму бөлімінің басшысы Жібек Баймұратова, аудандық кәсіпкерлік бөлімінің басшысы Бақберген Әбдісадық және ауданға қызметі сіңген, халық сүйген бірқатар ел аналары мен олардың ізін жалғап келе жатқан кәсіпкер әйелдер қонақ болды. Жиын барысында Болат Абдухайысұлы алғаш сөз алып, қонақтарды мерейлі мерекемен құттықтап, ізгі тілегі мен ыстық ықыласын білдірді.&nbsp;<blockquote>«Бүгінде аудан бойынша 6700-ге жуық кәсіпкер тіркелген болса, соның 4000-нан астамын немесе 60-62 процентін нәзік жандар құрайды. Олар ауыл шаруашылық, білім мен ғылым, денсаулық сақтау сияқты әртүрлі салалардың барлығында дерлік ер азаматтармен бірдей еңбек етіп жатыр. Барлық жерде өздерінің ептіліктері мен тұрақтылықтарын көрсетіп келеді. Сондықтан бүгінгі мерекеде бойдағы батылдықтарыңыз бен «ана» деген аяулы есімдеріңіздің алдында бас иеміз. Отбастарыңызға амандық, дендеріңізге саулық тілейміз», – деді аудан әкімінің орынбасары.</blockquote>Бұдан кейін кәсіпкер аналар ¬аудан әкімінің және облыстық «Атамекен» палатасы директорының Алғыс хаттарымен марапатталып, мерекелік сыйлықтарға ие болды. Жауапкершілігі мол әйел затының міндетімен қатар кәсіптің көзін тауып, дөңгелеткен қайсар аналардың қатарында 90 жылдардың тарландары, әйелдер арасындағы кәсіпкерліктің ұлы көшін бастаған ханымдар Перуза Әбдіқайымова, Үржамал Ержанова, Нарика Ким, Қаныгүл Беденқұловалар және осы кісілердің ізбасарлары Бибайша Ержігітқызы, Ұлжан Жұмабаева, Ағайша Есмағанбетова, Райхан Нурдинова, Мейрамкүл Әлішерова, Дәмеш Ыбыраева, Үміт Бөкенбаева, Айдана Абдразақова секілді әртүрлі саланың майталмандары бар.Кеш соңында қонақтар бір-біріне дайындаған сый-сияпаттарын ұсынып, жылы тілектерін айтты. Өз кезегінде Айткүл Әліқызы кәсіпкер әйел-аналарға алғысын білдіріп, еңселі еңбектерінің жемісті әрі табысты болуын тіледі. Салтанатты шара әуезді ән шашулар мен кішкентай бүлдіршіндер дайындаған билермен, көтеріңкі көңіл күйде жалғасын тапты.

Шиеліде кәсіпкер аналар марапатталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Сейхун» спорт кешенінде «Қызылордажылуэлектрорталығы» кәсіпорнының цехтары мен бөлімшелері арасында футзалдан дәстүрлі жарыс өтті.&nbsp;Сайысты 22 наурыз - Ұлыстың ұлы күніне орай «Қызылордажылуэлектрорталығы» басшылығының қолдауымен кәсіподақ ұйымы ұйымдастырды.&nbsp;Ұжым қызметкерлері арасында өткен сайысқа жүзден астам қызметкер қатысты.&nbsp;<blockquote>«Кәсіпорын қызметкерлері арасында футзалдан өткізілетін сайыс жыл сайын ұйымдастырылады. Биыл үшінші жыл қатарынан ұйымдастырылып отыр. Бұл спорттық шара жұмысшылар арасында салауатты өмір салтын насихаттайды. Сайыс &nbsp;алдағы уақытта да өз жалғасын табатын болады», - дейді кәсіподақ комитетінің төрағасы Ғалымжан Қайырбергенов.&nbsp;</blockquote>Айта кетейік, жеңімпаздарға кубок табысталып, жүлдегелер ақшалай сыйлықтармен марапатталды.<figure class="image"><img src="https://knadmin.beoblood.kz/uploads/TE_Cz2_b4445fb712.jpg" alt="ТЭЦ2.jpg"></figure><figure class="image"><img src="https://knadmin.beoblood.kz/uploads/TE_Cz_kubok_ee2582ce57.jpg" alt="ТЭЦ кубок.jpg"></figure>

«Қызылордажылуэлектрорталығы» кәсіпорны қызметкерлері арасында футзалдан сайыс өтті

<a href="https://kyzylorda-news.kz/">Kyzylorda-news.kz.</a> Жаңақорған ауданы агро-техникалық колледжінде «Жетістік жолдары: әйелдер белсенділігінің қоғамдағы рөлі» форумы болып өтті. Атаулы форумның алғы сөзін аудан әкімінің орынбасары Бектас Балғабайұлы ашып, жылы лебізін білдірді.«Қазақта ақыл-парасатымен, тәлімді тәрбиесімен, дуалы сөзі, дара мінезімен әлі күнге дейін ел жадында жатталған аналар аз емес. Өткен күндерге көз жүгіртсек, әйел азаматшалардың ақылымен ел билегенін ғана емес, айбатымен жауға шапқанын да аңғарамыз. Ал олардың ұрпақ тәрбиелеп, бүтіндей бір әулеттің бейнесін қалыптастыруда алар орны орасан. Әйел қуанышы – әр үйдің, отбасының, тіпті ортақ Отанымыздың мерейі. Әйел-Ана барлық қиындықты жеңетін сарқылмайтын күш, тірліктің қайнар бұлағы. Бүгінде қазақ қыздары қоғамның барлық саласында табысқа қол жеткiзуде. Біздің ауданда да іскер әйелдер басшылық қызметте табысты еңбек етіп, ауданның гүлденуіне үлес қосып жатқанын көріп жүрміз. Бүгінгі ұйымдастырылып жатқан форум осының бірден бір дәлелі», – деді ол.Иә, бойында қазақтың қасиеті дарыған, ұлттық құндылықтарымызды көзінің қарашығындай қорғап, кейінгі ұрпаққа аманат ететін ұрпақ тәрбиелеу әр қазақтың арманы. Атаулы шарада Қызылорда облыстық әйелдер кеңесінің төрайымы Райкүл Мансұрқызы, аудандық кәсіпкерлік және туризм дамыту бөлімінің маманы Бекзат Кәрібайқызы баяндама оқып, аудандағы әйелдер істерінің жеткен жетістіктері мен атқарған жұмыстарын бір саралап өтті. Ал, аудандық әйелдер кеңесінің төрайымы Әзия Қыстаубаева бір жылда атқарған жұмыстарын қорытындылап, есеп берді.«Ардақты аналар, құрметті форумға қатысушылар дүниенің барлық әсемдігі мен кеңдігін бойына жинап, барша әлемді нұрландырып тұрған ананың орны қай қоғамда да ерек. Расында да, анадан құрметті, анадан аяулы ешкім жоқ. Сондықтан, әлемді ең үлкен мадақ та, атақ та әйел аналар үшін. Президентіміз Қасым Жомарт Тоқаевтың сайлауалды тұғырнамасында «Әділетті әлеуметтік саясат жүргізу, әділетті Қазақстан құрудың басты шарты балаларға барынша жайлылық жасай отырып, оларды заманауи әрі қауіпсіз балабақшамен, мектеппен, тегін тамақпен, қосымша біліммен қамтамасыз етілетін, азаматтардың сапалы медициналық қызметке қол жеткізетінін, ұлт денсаулығын жақсартуға мүмкіндік тудыратынын айтқан еді. Иа, ұлтымыздың табиғи өсуіне үлес қосқан, омырауына алтын алқа, күміс алқа таққан аналарымыз ауданымызда жетерлік. Мәселен, 922 алтын алқа иегері болса, 2176 күміс алқа иегерлері бар. Сонымен қатар, отбасы мен қызметті қатар алып жүрген қызкеліншектер қатарында аудандық мәслихаттың үш депутаты, бір бөлім басшысы, аудандық сот төрағасы, бес мемлекеттік мекеме басшысы, сегіз жалпы орта білім беретін мектептің директоры, жиырма алты мемлекеттік, жетпіс бес жеке балабақша меңгерушісі әйел азаматшалар. Денсаулық саласы мен білім беру саласының 65-70пайызын қыз келіншектер құрайды. Ауданымызда 6547 кәсіпкер тіркелсе, оның 60 пайызын әйел аналар құрайды», – деді ол.&nbsp;Одан әрі әйел-аналарға қамқорлық мәселесіне тоқталды. Денсаулық және білім беру саласында кәмелет жасқа толмаған жасөспірімдерге түрлі тақырыптарда яғни «Ата-ана мен бала арасындағы қарымқатынас», «Жақыныңа жанашыр бол», «Зорлық-зомбылыққа жол жоқ», «Балаға құрметпен қарай білейік», «Қыз тәрбиесі» тақырыптарында түсіндру жұмыстары жүйелі түрде өткізіліп келе жатқанын айтты.Тарих сахнасында Тәуелсіздіктің бастауы болған, еліміздің осы дәрежеге жетуіне өз үлестерін қосқан, сол қасіретті күндерді бастан өткізген желтоқсан оқиғасына қатысқан Динаш Ахметова, Қарлығаш Сүйіндікова, Сәлима Мырзабекова облыс әкімінің орынбасары Нұрымбет Сақтағановтың «Алғыс хатымен» марапатталды.Елге елеулі еңбек етіп, айрықша жетістіктерге жетіп жүрген ауданның бірқатар әйел азаматшаларына облыстық әйелдер кеңесінің төрайымы Райкүл Мансұрқызының «Алғыс хаты» табысталды. Олар: Перизат Әлжанова, Роза Сәдірбаева, Әсем Тілеубергенова, Шолпан Сүлейменова, Гүлжаухар Әбуова.Сонымен қатар, аудандық әйелдер кеңесінің төрайымы Әзия Әбдіхалыққызы бірқатар нәзік жан иелеріне арнайы номинация табыстады. Атап айтсақ, «Ұлағатты ұстаз» номинациясымен Күләнда Жақыпбекова, «Қалам құдыреті» номинациямен Баян Әлеудинқызы, «Денсаулық сақшысы» номинациясымен Раушан Тотаева, «Ардақты ана» номинациясымен Қатира Қасқабаева, «Өнегелі келін» номинациясымен Рауан Қалманова, «Жігерлі қыз» номинациясымен Қасиет Орал, «Іскер әйел» номинациясымен Аягөз Айдосова, «Еңбек адамы» номинациясымен Үлпаш Мәлікқызы марапат биігінен көрінді.Ал, «Аманат» партиясының төрағасы Ерлан Қошановтың «Алғыс хатымен» Әзия Қыстаубаева және Шәуенов Жомарт Әбибуллаұлы марапатталды. Одан кейін елеулі еңбек етіп, айрықша жетістіктерге жетіп жүрген ауданымыздың бірқатар әйел азаматшаларына аудан әкімінің «Алғыс хатымен» марапатталды. Олар: Рымкүл Сүлейменова, Әдемі Дәрібаева, Рысжан Төлепбергенова, Айда Дәрімбайқызы, Раушан Балғабекқызы, Шәмшат Ергешқызы, Сәрсенкүл Мұстапаева, Гүлшат Қаракеева, Нұрзия Әбжалелқызы, Ғалия Төребаева, Мира Тұрқұлқызы, Рахима Тілеубергенқызының мерейі үстем болды.Ел Президенті Қасым-Жомарт Тоқаев қай уақытта да Қазақстан әйелдерінің қоғамдағы орнын көтеруге ерекше мән беруде. Өйткені олай елдегі бейбітшілік пен тұрақтылықтың ұйытқысы, мейірім мен жасампаздықтың бастауы. Халқымыздың «Шаңырақты ер көтергенімен, үйді тігетін әйел» деген даналық сөзі бар. Аталмыш форум аясында Жаңақорған агро колледж көркемөнер бірлестігінің және кенттегі іскер аналар қолынан шыққан бұйымдардан көрме ұйымдастырды.

Жаңақорған ауданында форум өтті

​<a href="https://kyzylorda-news.kz/">Kyzylorda-news.kz.</a> Бүгін Қызылорда облысында инклюзивтік «Арман» театрының алғашқы қойылымы болып өтті.​Асқар Тоқмағанбетов атындағы мәдениет үйінде қала әкімдігінің қолдауымен және жергілікті кәсіпкерлердің демеушілігімен ерекше жандарға арналған «Арман» инклюзивтік театрымен алғаш рет Талғат Телеубаевтың «Қолымнан ұста» атты пьесасы сахналанды.​Қойылымның қорытындысында Қызылорда қаласы әкімінің орынбасары Жанмұрат Сейілов өнер ұжымын алғашқы қойылыммен құттықтап, алдағы уақытта толағай табыстарға жете беруіне тілектестігін жеткізді.Театр ұжымы көрерменнің көзайымына айналып, олардың ыстық ықыласына бөленді.Айта кету керек, биыл &nbsp;қаңтар айынан бастап Асқар Тоқмағанбетов атындағы қалалық мәдениет үйі жанынан ерекше жандарға арналған «Арман» инклюзивтік театр үйірмесі құрылды. Үйірменің жұмысын үйлестіру мақсатында қалалық мәдениет және спорт бөліміне қарасты кәсіпорын арқылы арнайы штат &nbsp;бөлініп, бір маман жетекшілік етіп жатыр.&nbsp;Қазіргі таңда жетекші үйірмедегі оннан аса мүмкіндігі шектеулі жанға өнердің қыр-сырын, сахнаға театрлық қойылымдарды қоюды ғана емес, эмоциялық мәдениет пен актерлік шеберлікті қалыптастыруды үйретуде.<figure class="image"><img src="https://knadmin.beoblood.kz/uploads/334970348_2506773482828272_7687318446956462690_n_f58dd8742b.jpg" alt="334970348_2506773482828272_7687318446956462690_n.jpg"></figure>

Қызылордада инклюзивтік «Арман» театрының алғашқы қойылымы өтті 

<a href="https://kyzylorda-news.kz/">Kyzylorda-news.kz.</a> «Бриз-М» үдеткіш блогы және «Луч-5Х» спутнигі бар «Протон-М» зымыран тасымалдағышы Байқоңыр ғарыш айлағынан ұшырылды, деп хабарлайды <a href="https://tass.ru/kosmos/17246685">ТАСС</a>.<blockquote>«Бүгін Мәскеу уақытымен 2:13-те «Байқоңыр» ғарыш айлағының 200-ші алаңынан «Бриз-М» үдеткіш блогы бар «Протон-М» зымыран тасымалдағышы мен «Луч-5Х» ғарыш аппараты ұшырылды», - деп хабарлады Роскосмос.</blockquote>Мемлекеттік корпорацияның хабарлауынша, зымыран штаттық режимде жұмыс істеді. Үдеткіш қондырғы «Протон-М» үшінші сатысынан бөлініп, қазіргі уақытта спутникті берілген орбитаға шығаруда.Бұл ресейлік зымыран тасымалдағыштардың биылғы төртінші ұшырылымы болды. «Протон-М» үшін бұл 115-ші рейс, «Бриз-М» үшін 107-ші рейс. Зымыран да, үдеткіш блок та М.В.Хруничев атындағы орталықта жасалған (Роскосмосқа кіреді).Көпфункционалды «Луч» ғарыштық жүйесі 2016 жылдың ақпанында тәжірибелік пайдалануға қабылданды. Жүйе Халықаралық ғарыш станциясының ресейлік сегменті мен миссияны Басқару орталығы арасында мәліметтер алмасуды қамтамасыз етеді.

«Луч-5Х» спутникті «Протон-М» зымыраны Байқоңырдан ұшырылды

<a href="https://kyzylorda-news.kz/">Kyzylorda-news.kz.</a> Қала тұрғыны Қызылорда қаласы полиция басқармасының кезекші бөліміне хабарласып, өзіне тиесілі көшелерінің бірінде тұрған "Нексия" автокөлігін белгісіз адам айдап кеткендігі туралы арызданған.Жедел басқару орталығы айдап әкетушіні анықтау және ұстау туралы дереу хабарлама береді. Полиция қызметкерлері жүргізген жедел-іздестіру іс-шараларының нәтижесінде күдікті анықталып, полиция бөліміне жеткізілді. Ол 34 жастағы азамат, қала тұрғыны болып шықты. Оқиғаның мән-жайы анықталуда.Осы дерек бойынша ҚР ҚК 200-бабының 1-бөлігімен (ұрлау мақсатынсыз автокөлікті немесе өзге де көлік құралын заңсыз иемдену) сотқа дейінгі тергеп-тексеру әрекеттері жүргізілуде.&nbsp;

Қызылордада бөгде көлікті айдап кеткен тұрғын ұсталды

<a href="https://kyzylorda-news.kz/">Kyzylorda-news.kz.</a> Қазақстанның басым бөлігі антициклон сілемінің ықпалында болады, негізінен жауын-шашынсыз ауа райы күтіледі, деп хабарлайды Қазгидромет.Республиканың шығысы, оңтүстігі, оңтүстік-шығысы арқылы атмосфералық фронтальды бөлімдер өтеді, одан жаңбыр мен қар түрінде жауын – шашын күтіледі, оңтүстік-шығыста қатты жаңбыр жауады. Республика бойынша тұман, желдің күшеюі, көктайғақ, елдің оңтүстік-батысында шаңды дауыл күтіледі.