Құндақтаулы сәбидің құны қанша?

<a href="https://kyzylorda-news.kz/">Kyzylorda-news.kz.</a> Көктемнің алғашқы лебімен бірге келетін ерекше мерекенің бірі – 8 наурыз! Бұл – әлемдегі нәзік жандардың ең жарқын мерекесі. Бір ғасырдан астам уақыт бойы осы мереке дүние жүзінің 80-нен астам елінде, сол секілді Қазақстанда да ерекше аталып келеді. Бұл күні әйелдерге зор құрметпен қарау, оларға айрықша ізет көрсету, лайықты деңгейде құттықтау дәстүрі жағымды әдетке айналды.Шиеліде 85 271 халық болса, оның 41 630-ын әйелдер құрайды. Статистика бөлімі берген мәлеметке сүйенсек, ауданда 6 жасқа дейінгі – 3900 қыз бала, ал 6-дан 16 жасқа дейін – 8272, 16-дан 30 жасқа дейінгі – 9058, 30-63 жас аралығында – 16195, 63 жастан жоғары 4148 әйел өмір сүреді.Жыл сайын мереке қарсаңында нәзік жандарды құттықтап, ерекше сый көрсету дәстүрі жалғасын тауып келеді. Әсіресе көпбалалы аналарды алтын, күміс алқалармен марапаттау әйелдер мерекесінің сәні десек те болады. Биыл да сол игі шарадан жаңылмай, ұрпағының санын арттырып, ел демографиясына үлес қосқан ақ жаулықты аналарды аудан әкімі Нұржан Ахатов қабылдап, Мемлекет басшысының Жарлығына сәйкес «Алтын және Күміс алқалар» табыстады.<blockquote>«Қазақ халқы әрқашан отбасылық құндылықтарды жоғары қойған. «Ата Заңымыз» бойынша мемлекеттің ең басты құндылығы адам және оның өмірі. Сол адамға өмір, жарық дүние сыйлайтын – аналар. Жер бетіндегі жақсылықтың бәрі ананың ақ сүтінен дариды. Әсіресе, алтын құрсақты аналарды халқымыз ерекше қадірлейді. Бала бойындағы ең жақсы қасиеттер де алдымен анадан тарайды. «Бақыт балалы үйге қонады» демекші, жарасымды отбасы мен ізгілікті қасиеттерге толы әулет қашанда көпке үлгі болуы тиіс», – деді аудан әкімі.&nbsp;</blockquote>Одан соң 15 ананың кеудесіне «Алтын алқа» және «Күміс алқа» белгілерін қадап, кітапшаларды салтанатты түрде табыс етті.Жиында Шиелі кентінде тұратын Гүлжан Әмірханқызы мен Айгерім Мамановаға «Алтын алқа», өзге 13 көпбалалы анаға «Күміс алқа» табысталды.Шара барысында ақжарма тілектер айтылып, көпбалалы аналар мемлекет тарапынан ана мен балаға жасалып отырған қамқорлыққа алғыстарын айтты.Айта кетейік, қазіргі таңда аудан бойынша 2495 көпбалалы ана бар. Олардың 957-сі «Алтын алқа», 1538-і «Күміс алқа» иелері.

Жаны нәзік, құрсағы алтын аналар – құрмет төрінде

<a href="https://kyzylorda-news.kz/">Kyzylorda-news.kz.</a> Теміржол саласы аса жауапкершілік пен ықтиярлықты талап ететін күрделі кәсіптің бірі.Жолаушылардың қауіпсіздігін алдыңғы орынға қойған сала қызметкерінің арасында нәзік жандылар да бар. Сондай нәзік аруымыздың бірі- Қызылорда Теміржол вокзалының қызметкері Камила Кенжебекова. Бүгін Өңірлік коммуникациялар қызметінің ақпарат алаңында өткен баспасөз конференциясында Камила Қозыбайқызы өз жұмысы туралы баяндады.&nbsp;<blockquote>«Салада қызмет етіп келе жатқаныма 6 жылдан асты. Теміржол вокзалына жолаушылар кіргеннен бастап поездға отырғанға дейін қызмет көрсетіп, діттеген жеріне аман жетуіне септігімді тигізуге тырысамын. Өз жұмысыммен қатар хабарлаушы міндетін де атқарамын. Яғни поездың қай жолға келіп тоқтағанын, қай уақытта жүретінін хабардар етемін. Сондай-ақ халықтың, жолаушылардың сенімін ақтап, жақсы қызметтер көрсетуге жұмыс істеу. Тек сөз жүзінде емес, тәжірибе алмасу, қызмет барысында қазір де, болашақта да еңбегімнің шынайы екенін дәлелдеуден шаршамаймын. Біздің мақсат – халықты қауіпсіздікпен қамтамасыз ету, - деді Камила &nbsp;Қозыбайқызы.&nbsp;</blockquote>Осындай қызметті абыроймен атқарып, елге қызмет көрсетіп жүрген мамандардың еңбегі ерен. Халық алдында жасап келе жатқан игі істері еселене берсін.

Камила Кенжебекова: Біздің мақсат - халықты қауіпсіздікпен қамтамасыз ету

<a href="https://kyzylorda-news.kz/">Kyzylorda-news.kz.</a> Бала бойына өнер мен білімді қатар сіңіруде ұстаздың орны ерекше. Әр шәкіртті білім нәрімен сусындатып, тәрбиесі мен тәртібін тең қадағалап отыратын ұлағатты жанның бірі – Бағым Сахиева.&nbsp;Мерейлі мұғалім Қазалы қаласындағы Ғани Мұратбаев атындағы №17 мектепте қызмет етеді. Талай бүлдіршінді алтын ұядан түлеткен аяулы ұстаз қазіргі таңда 3 «А» сыныбының жетекшісі. Үнемі ізденіс үстінде жүретін Бағым апай балалардың бойына ұлттық құндылықты дарытуға айрықша ден қойған. Ұлтын, елін, жерін сүйетін ұл-қыздың келешекте Отанының орнықты, елінің елеулі азаматы боларына сеніммен қарайды. Бұл күні сынып оқушылары ерекше киім үлгісімен көзге түсті.&nbsp;<blockquote>«Оқушыларым да, ата-аналар да жаңашылдыққа жаны құмар. Кез келген істе ауызбіршілік танытып, бірауыздан қолдау көрсететін ата-аналарға алғысым шексіз. Біз бұл киімді жай ғана сәндік үшін емес, ұлттық құндылықтарымызды дәріптеу үшін кидік. Баланы ерте жастан, тазалыққа, әсемдікке, үйлесімділікке үйрету уақыт өте келе өз жемісін береді. Гүлдей құлпырған қыздарым мен намысты ұлдарымның бәрі де алғыр әрі өнерлі. Келешектерінен күтерім көп», – дейді Бағым Сахиева.&nbsp;</blockquote>Ал ата-аналардың бірі – Қаракөз Ермекбаева Бағым ұстаздың талапшылдығы мен қатар баланы баурап алатын ерекше қабілеті барын айтады. Үнемі айрықша бастама көтеріп, шәкірттеріне керемет көңіл-күй сыйлай алатын мұғалім туралы: – Ұстаздың жетістігі шәкіртінің шыққан шыңымен өлшенеді емес пе? Бұл ретте Бағым апайдың бәсі биік. Сыныптағы әр оқушы білімге құштар, өнерге жақын. Бұның барлығы мұғалімнің біліктілігі мен ізденімпаздығының нәтижесі деп білемін, – дейді.

Білім ордасы ұлттық құндылықты сіңіруде

&nbsp;<a href="https://kyzylorda-news.kz/">Kyzylorda-news.kz.</a> Павлодар, Ұлытау, Қарағанды, Түркістан, Абай облыстарында 8 наурыз мерекесіне байланысты көпбалалы аналар мен атаулы көмек алатын отбасыларға бір реттік жәрдемақы төленеді.Ал Астанада көпбалалы аналар мен табысы аз азаматтарға 2,5 АЕК, яғни, 8 625 теңгеден әлеуметтік көмек беру жоспарланып отыр. Бұл туралы Астана қаласы әкімдігінің Әлеуметтік жәрдемақылар тағайындау бөлімінің басшысы Болат Жұмаділ айтты.Оның айтуынша, Астана қаласы бойынша 30 мыңға жуық анаға бір реттік жәрдемақы беру жоспарлануда.Бір реттік төлемді жергілікті әкімдіктер өздері белгілейді. «Алтын алқа»,&nbsp;«Күміс алқа» иегерлері,&nbsp;11 673 ана 17 720 теңге көлемінде ақша алады.&nbsp;Бұл төлем жәрдемақы алып жүрген азаматтардың шотына бірден түседі.

8 наурызға байланысты аналарға бір реттік жәрдемақы төленеді

<a href="https://kyzylorda-news.kz/">Kyzylorda-news.kz.</a>&nbsp; Тіршілігін теңізбен тікелей байланыстырған аралдықтардың басты тілегі де осы – Аралдың арнасы толып, теңіз суының көбеюі. Себебі ата кәсібініе айналған балық шаруашылығының ілгерілеуіне елеулі үлес қосып жүрген теңіз жұртшылығына су көлемінің артуы таптырмас мүмкіндік екендігі айдан анық.&nbsp;Міне, осылайша теңіздің болашағы тілеуіне айналған жұртшылық жағымды жаңалықтан хабардар болды. Баршамызға белгілі, теңізге құлаған судың көлемі көп болуына байланысты бүгінгі таңда теңіз суының деңгейі 48 сантиметрге көтерілген. Бұл жайында Қызылорда облысының әкімдігі өз парақшасында хабарлады. Арал-Сырдария бассейндік инспекциясы басшысының міндетін атқарушы Зейнулла Қазтоғановтың айтуы бойынша:&nbsp;<blockquote>– Осы уақытқа дейін Солтүстік Арал теңізіне жиналған су көлемі 27,0 млрд текше метрден 18,5 млрд текше метрге азайып, су деңгейі 40,42 мБЖ (метр Балтық жүйесімен) дейін төмендеген болатын. 2022 жылдың қазан айынан бастап бүгінгі таңға дейін теңіздегі су деңгейі 40,90 мБЖ немесе 48 сантиметрге дейін көтеріліп, жиналған су көлемі 19,7 млрд текше метрге ұлғайды, – делінген.&nbsp; Сондай-ақ былтыр жыл көлемінде Аралға 816 млн м3 су түссе, биыл 2 айдың өзінде 803 млн м3 су құйылған. Бір кездері Амудария мен Сырдарияны қатар емген теңіздің қазіргі асыраушысы Сырдың суы ғана. Аралдықтардың ендігі тілегі Сырдария арқылы теңізге су құюға кедергі болмаса, дейді.</blockquote>

Жарты метр: Теңіз деңгейі көтерілді

<a href="https://kyzylorda-news.kz/">Kyzylorda-news.kz.</a> Сырдария өзенінен көп мөлшерде су өтуіне байланысты келген су өзен арнасынан асып Қармақшы ауданы, Қызылтам елдімекені тұсындағы Далдабай, Қызылтам жолының су басу қаупі бар аумағына су жайылған.Жолаушылардың қауіпсіздігі үшін облыстық маңызы бар «Жалағаш-Жосалы» бағытындағы (Жосалыдан 43 км, Жалағаштан бері 31 км, Далдабай мен Қызылтам елді мекендерінің арасы) жол уақытша жабылды. Елдімекендерге ешқандай қауіп жоқ. Қазір жауапты салалармен арнайы жұмыстар жүргізіліп, жағдай толық бақылауға алынғанын хабарлаймыз.Айта кету керек, дария бетіндегі сең Қармақшы ауданы тұсына жетті.<figure class="media"><div data-oembed-url="https://www.youtube.com/watch?v=91tmtfsyOR0"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/91tmtfsyOR0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Жалағаш-Жосалы жолы жабылды (ВИДЕО)

<a href="https://kyzylorda-news.kz/">Kyzylorda-news.kz.</a> Бүгін еліміздің 12 облысында қолайсыз ауа райына байланысты ескерту жарияланды, деп хабарлайды Қазгидромет.Қызылорда облысының оңтүстігінде, орталығында шаңды дауыл болады деп күтіледі. Түнде облыстың орталығында оңтүстіктен солтүстік-батысқа ойыса соққан желдің екпіні 15-20 м/с, күндіз облыстың орталығында 25 м/с құрайды. Қызылордада күндіз шаңды дауыл болады деп күтіледі. Оңтүстіктен солтүстік-батысқа ойыса соққан желдің екпіні - 15-20 м/с.&nbsp;

Архив