<a href="https://kyzylorda-news.kz/">Kyzylorda-news.kz.</a> EGov.kz порталы мен eGov mobile мобильді қосымшасында мүмкіндігі шектеулі жандарға әлеуметтік төлемдер тағайындау бойынша жаңа қызмет қолжетімді. Енді төлемге өтініш беру үшін көптеген анықтамаларды жинаудың қажеті болмайды.&nbsp;Жаңа қызметтің ыңғайлылығы мен артықшылығы - қызметті онлайн алған кезде өтініш беруші туралы барлық деректер мемлекеттік органдардың дерекқорынан автоматты түрде тартылады. Деректерді дұрыс енгізген жағдайда өтініш берушіні растайтын ақпарат экранда көрсетіледі.Бұған дейін осындай қызмет тек ХҚКО-ларда және медициналық-әлеуметтік сараптама бөлімшелерінде қағаз түрінде көрсетілген, бұл процесс көп уақыт алып, жәрдемақыларды ресімдеу кезінде қолайсыздықтар туғызды.<blockquote>«ҰАТ» АҚ командасы мүмкіндігі шектеулі жандар үшін қажетті және сұранысқа ие мемлекеттік қызметтерді цифрландыру бойынша жұмысты жалғастыруда. Бұрын еңбекке жарамсыздық бойынша төлемдерді алу үшін анықтамаларды қағаз түрінде ұсыну керек болатын, қазір қызметті алу процесі жеңілдетілді, пайдаланушыға өз деректерінің дұрыстығын тексеріп, қызметке қол қою жеткілікті. Барлық қажетті ақпарат мемлекеттік органдардың дерекқорынан автоматты түрде тартылады»,- деп атап өтті «Ұлттық ақпараттық технологиялар» АҚ Басқарма төрағасы Ростисалав Коняшкин.</blockquote><a href="https://egov.kz/cms/kk/services/disabled_persons/pass155_mtszn_1">«Еңбекке қабілеттілігінен айырылу жағдайына әлеуметтік төлем тағайындау»</a> жаңа қызметін пайдалану үшін eGov.kz порталы арқылы пайдаланушылар:&nbsp;- eGov.kzпорталында авторизациядан өту керек;&nbsp; - басты бетте «Азаматтарға» - «Әлеуметтік қамтамасыз ету» - «Мүгедек адамдарды қолдау» өту керек;&nbsp; - «Еңбекке қабілеттілігінен айырылу жағдайына әлеуметтік төлем тағайындау» қызметін таңдайды;&nbsp; - онлайн қызметке тапсырыс береді;&nbsp; - ЭЦҚ көмегімен қызметке қол қойып,қызметті онлайн алады.Қызмет көрсету мерзімі – 8 жұмыс күні.Жеке кабинетте («Қызметтерді алу тарихы» бөлімінде) электрондық құжатпен сұрау салудың нәтижесі туралы хабарламамен танысу қажет.Сонымен қатар, дәл осы қызмет eGov mobile мобильді қосымшасында «Жеңілдіктер, жәрдемақылар және зейнетақылар» бөлімінде қолжетімді. Қызметтің нәтижесі eGov Mobile қосымшасының Хабарламалар бөлімінде ұсынылады. &nbsp;

EGov.kz порталында қызметтерді алу процесі жеңілдетілді 

<a href="https://kyzylorda-news.kz/">Kyzylorda-news.kz.</a>&nbsp; Қазір мандариндер маусымы және ол Жаңа жыл символдарының бірі саналады. Оның Қазақстанда кең тараған сұрыптарын және оны таңдауға бірнеше кеңес ұсынамыз.Мандарин - қышқыл-тәтті қызғылт сары цитрусты жеміс. Ол апельсинге қарағанда кішілеу және ондағы қант пен қышқыл азырақ, бірақ су көбірек. Әдетте, мандариндер маусымы күзде басталып, көктемде аяқталады. Маусымдық өнімдерді өз уақытында жеу ағзаға пайдалы. Жаңажылдық дастарханға мандарин әлі таңдамаған болсаңыз, алдымен оның түрлерімен танысып алыңыз.Түрік мандарині (1200-1500 теңге)Түрік мандариндерінде дәнек өте аз, қабығының түсі ашық қызғылт-сары және сары болып келеді. Түрік мандариндері дәмді, бірақ кейде қышқыл сұрыптары да кездесіп қалады.Балды қытай мандарині (1700-2000 теңге)Ол басқа сұрыптарға қарағанда ірі және дәнектері бар, бірақ ол ең тәтті және шырынды сұрыптардың бірі.Жапырақтары бар қытай мандарині (1500-2000 теңге)Жасыл жапырақтары бар қытай мандариндері өте кішкентай болады және қабығы тез әрі оңай ашылады. Сондықтан да оны көбіне кішкентай балалар жақсы көреді. Оның дәнегі аз келеді. Дәміне келер болсақ, көбіне тәтті болады, бірақ кейде еш дәмі жоқ түрі де тап болады.Пәкістан мандарині (500 теңге)Пәкістан мандариндерінің бағасы арзан. Олардың өлшемі үлкендеу және дәнектері өте көп болады. Сондай-ақ оның дәмі қышқыл, кейде, тіпті, ащы болатынын ескеріңіз.Марокко мандарині (1400-1700 теңге)Марокко мандариндері әркез дәмді және шырынды, ал қыбығы жұқа келеді. Олардың өлшемі орташа, ал түсі қанық қызғылт сары немесе кейде, тіпті, қызылдау түрлері кездеседі. Мандариннің бұл түрінде көбіне дәнек болмайды. Оның қабығы қиын ашылады.Мандарин таңдауға бірнеше кеңес1. Алдын ала өлшеніп оралған емес, өзіңіз таңдап, пакетке сала алатын мандарин таңдаңыз. Осылайша, сіз бұзылған және шіріген жемістердің кетіп қалуының алдын аласыз. Мандаринді уыстап емес, бір-бірден алып, жақсылап қарап алыңыз.2. Жемісті ұстап қараңыз. Ол ұстаған кезде тығыз болуы керек. Өте жұмсақ мандариндер бұзылып кеткен, ал өте құрғақтары дәмсіз болуы мүмкін. Жемістің жұмсақтығын қабығы тез ашылатын түрімен шатастырмаңыз. Себебі кей мандарин сұрыптарының қабықтары тез ашылады. Бұл қалыпты.3. Мандариндер түсі бойынша әртүрлі болуы мүмкін. Сондықтан барлық реңк – қалыпты. Мысалы, жасылдау мандариндерден қорқудың қажеті жоқ. Ол мандариннің сондай сұрыбы болуы мүмкін.4. Егер мандаринді базардан алып жатсаңыз, сатушыдан біреуін жеп көруді сұрауға ұялмаңыз. Мандаринді өзіңіз ашып, жеп көргеніңіз жақсы. Сол кезде оның қаншалықты жақсы жеміс екенін бірден түсінесіз.5. Иіс ең жақсы бағдар екенін ұмытпаңыз. Сондықтан мандаринді иіскеп көруге болады. Оның иісінің қанық болуы мандариннің дәмді екенін білдіруі мүмкін.Мандариндерді тоңазытқышта сақтаған жөн. Олар бөлме температурасында жылдам бұзылады. Сондай-ақ мандариндерді пакетте сақтамаңыз, әйтпесе, шіріп кетуі мүмкін.Мандаринді жеп бастаған адамның өзін тоқтатуы қиын, алайда оны өте көп жеуде зиян. Күніне неше мандарин жеуге болатынын мына материалдан оқи аласыздар.<a href="https://massaget.kz/kyizdarga/kulinariya/76216/?fbclid=IwAR3YLCRtWA7swo-RFZHchVtSB0l1cwUfzVY6lTp18Bbc7alYLg52G7giyxE">Massaget</a>

Дәмді мандаринді қалай таңдаймыз? 

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті бастамасымен облыстық Қоғамдық кеңес жанындағы сыбайлас жемқорлыққа қарсы іс-қимыл жөніндегі комиссияның кезектен тыс отырысы өтті.Отырыста облыстың орта білім беру ұйымдарында орын алған сыбайлас жемқорлық құқықбұзушылықтары, сонымен қатар аталған ұйымдарда қаржылық тәртібінің сақталу жағдайы талқыланды.Комиссия отырысы облыстық Қоғамдық кеңес төрағасы Ә.Хожбановтың, мемлекеттік қызмет істері, ішкі мемлекеттік аудит, қазынашылық, білім саласындағы бақылау департаменттерінің бірінші басшыларының, өңірлік тексеру комиссиясының төрағасының, сонымен қатар, білім басқармасы және оған қарасты мекемелер басшыларының қатысуымен өткізілді.Іс-шара барысында, облыстық сыбайлас жемқорлыққа қарсы қызмет басшысының бірінші орынбасары А.Ашиков комиссия мүшелерінің назарына өңірдің орта білім беру ұйымдарында 2020-2021 жылдары орын алған ірі мөлшерде бюджеттік қаражатты жымқыру фактілері, сонымен қатар аталған ұйымдардың еңбек ақы төлеу қорына бөлінген бюджет қаражатын игеру барысындағы тәуекелдер жөнінде жеткізді.Атап айтқанда, департаментпен облыстың 8 мектебінің директорлары мен есепшілеріне қатысты, алдын ала келтірілген залал сомасы 446 млн. теңге құрайтын аса ірі көлемде қаражат жымқыру фактілері бойынша қылмыстық істер тергелуде.Мысалы, Жаңақорған ауданы мектептерінің бірінде директор мен бухгалтер, қаражаттарды аудару тетіктерін өзінің жеке мүддесіне пайдалана отырып, ресми құжаттарға жалған мәліметтер енгізу, яғни жеке сәйкестендіру нөмірі мен банктік есеп-шоттарын өзгерту арқылы, мемлекетпен бөлінген қаржыларды жұмыстан шығып кеткен азаматтардың және өзінің жақын адамдарының атына аударған. Нәтижесінде, 117,2 млн. теңге көлемінде бюджет қаражатын жымқырғаны анықталды.Көрсетілген фактілерді ескере отырып, Департаментпен тиісті мониторинг жүргізіліп, нәтижесінде, бір елді мекенде орналасқан және мұғалімдер штаты өзара шамалас мектептерге еңбекақы төлеу қоры қаражаты 2-3 есе айырмашылықпен бөлінуі анықталды. Бұл өз кезегінде бюджеттен бөлінген қаржының мақсатты игерілуіне күмән тудырады.Департамент басшысының бірінші орынбасары А.Ашиков, осы саладағы келеңсіз жағдайларды ескере отырып, 2023 жылғы 4 қаңтардан бастап облыстық білім басқармасы және оған қарасты мекемелерде сыбайлас жемқорлық тәуекелдеріне сыртқы талдау жүргізілетінін жеткізді.Сонымен қатар, сыбайлас жемқорлық тәуекелдерінің және бюджет қаражатын жымқырудың алдын алу шеңберінде Қоғамдық кеңес өкілдерін жоғарыда аталған Сыртқы талдау жұмысына қатысуға шақырды.Отырыс барысында көтерілген проблемалық мәселелер бойынша облыстық білім басқармасы басшысының орынбасары Д.Момбектің есебі тыңдалды.Комиссия отырысының қорытындысымен, көтерілген мәселелер бойынша Департамент ұсыныстары қолданып, облыстық білім басқармасына сыбайлас жемқорлық тәуекелдерін болдырмау және өзіне қарасты ұйымдарда қаржылық тәртіптің сақталуын күшейту жөнінде тиісті ұсыныстар берілді.Департамент тарапынан өңір мекемелерінің қызметінде анықталған сыбайлас жемқорлық тәуекелдерін, қоғам белсенділерінің қатысуымен ашық түрде Қоғамдық кеңестің салалық комиссиясының талқылауына шығару тәжірибесі жалғастырылатын болады.

Облыстық білім басқармасы мен оған қарасты мекемелерде сыбайлас жемқорлық тәуекелдеріне сыртқы талдау тағайындалды

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы қызмет биыл құны 600 млрд теңгеден астам заңсыз иеленген мүлік активтер мен ақшалай қаражаттарды мемлекетке қайтарды. Бұл туралы ҚР Сыбайлас жемқорлыққа қарсы іс-қимыл агенттігінің баспасөз қызметі хабарлады.Олардың ішіне қымбат жылжымайтын мүлік, сәнді автомобильдер, бағалы металдар мен зергерлік бұйымдар, сондай-ақ қолма-қол ақша кіреді.<blockquote>«Бұдан бөлек, елімізде және шетелде жалпы сомасы 360 млрд теңгеден асатын жылжымайтын мүлік, автомобильдер мен қаражат анықталды және олар жақын арада мемлекетке қайтарылады», – делінген хабарламада.</blockquote>Агенттікте президенттің тапсырмасы бойынша барлық қайтарылған активтер мектеп құрылысына бағытталаты атап өтілді.Фото: <a href="https://sn.kz/">sn.kz</a>

600 млрд теңгеден астам заңсыз иеленген мүлік мемлекетке қайтарылды

<a href="https://kyzylorda-news.kz/">Kyzylorda-news.kz.</a>&nbsp; Танымал әнші, отандасымыз Димаш Құдайберген халықаралық «Болашақ» стипендиясына ие болды, деп хабарлайды <a href="https://www.inform.kz/kz/dimash-kudaybergen-bolashak-stipendiyasyna-ie-boldy_a4017815">ҚазАқпарат.</a>Бүгін «Болашақ» халықаралық стипендиясы иегерлерінің тізімі жарияланды. Республикалық комиссия шешімімен биылғы халықаралық стипендия 178 адамға тағайындалды.Оның ішінде 60 адам әлемнің үздік жоғары оқу орындарының магистратурасына, 8 адам докторантурасына түсті. Сондай-ақ, 110 стипендиат «Тағылымдама» бағдарламасы бойынша біліктілігін арттырады.Аталған стипендияға ие болғандардың тізімінде белгілі әнші Димаш Құдайберген де бар. Бірақ қандай оқу орнына түскені белгісіз.Айта кетсек, «Болашақ» стипендиясының иегерлері әлемнің 20 елінде академиялық білім алады және тағылымадаман өтеді.Мемлекет басшысының тапсырмасы аясында «Болашақ» бағдарламасын қайта бағдарлау процесі іске қосылды. Енді басымдық инженерлік-техникалық кадрларды даярлауға беріледі.

Димаш Құдайберген «Болашақ» стипендиясына ие болды

<a href="https://kyzylorda-news.kz/">Kyzylorda-news.kz.</a> Тарих қойнауына енгелі тұрған барыс жылы білім саласы үшін табысты болды. Ұстаздар түрлі деңгейдегі байқауларда топ жарып, оқушыларымыз үздіктер қатарынан көрінді.Бүгін облыстық білім басқармасы мен кәсіподақ комитетінің ұйымдастыруымен жылдың қорытынды кеші өткізілді. Салтанатты шараға білім саласында жемісті еңбек етіп, саналы ғұмырын ұстаздық қызметке арнаған білім саласының ардагерлері мен білім жанашырлары, педагогтер қатысты. Мерекелік кеште басқарма басшысы М. Шермағанбет әріптестерді жаңа жылмен құттықтап, жыл бойы атқарылған жұмыстар мен жетістіктерге тоқталды.<blockquote>«Биыл ұстаздарымыз үлкен белестерді бағындырды. Атап айтқанда, дәстүрлі өтетін «Үздік педагог-2022» республикалық байқауына қатысқан 4 ұстазымыз үздіктер қатарынан көрініп, жеңімпаз атанды. «WorldSkills» ұлттық чемпионатында колледж студенттері 2 алтын, 1 күміс, 1 қола медаль олжалап, жетістігімізді еселеді. Әрине, мұның барлығы да ұстаздарымыздың маңдай тер еңбегінің, күн-түн демей, уақытпен санаспай жасаған ерен жұмысының арқасы», - деді басқарма басшысы.</blockquote>Жылжабар тұста ардақты мамандық иелеріне құрмет көрсетілді. Биыл сала ардагерлері Ермағамбетова Күләй Сағындыққызы – 75 жасқа, Оспанова Гүлзия Жұмағалиқызы – 70 жасқа, Жанибеков Назир Мадемханұлы – 70 жасқа толып отыр. Салтанатты шарада басқарма басшысы М. Шермағанбет абыройлы қызмет етіп, салада өзіндік қолтаңбасын қалдырған ұлағатты ұстаздарды мерейлі мерекелерімен құттықтап, ілтипат көрсетті.Жиында «Білім және ғылым қызметкерлерінің кәсіподағына сіңірген еңбегі үшін» белгісін, ҚР Кәсіподақтар Федерациясының Құрмет грамотасын, Қазақстандық оқу-ағарту, ғылым және жоғары білім қызметкерлерінің салалық кәсіподағының Құрмет грамотасын табыс етті. Мұнан соң жыл бойы зор жетістікке жеткен білім беру ұйымдарына «Үздік әлеуметтік әріптес»,​ «Озық идеялар мен технологиялар ордасы», «Ынтымағы жарасқан ұжым» номинациялары табысталды. Бұдан бөлек, республикалық байқауларда топ жарып, үздік атанған білім ордалары «Үздік білім беру ұйымы -2022» номинациясымен, халықаралық, республикалық кәсіби байқауларды бағындырған және жеңімпаз шәкірт даярлаған ұстаздар «Жыл үздігі»​ номинациясымен марапатталды.<figure class="image"><img src="https://knadmin.beoblood.kz/uploads/322258222_686251616336657_2777681677089972713_n_138a67cd2f.jpg" alt="322258222_686251616336657_2777681677089972713_n.jpg"></figure>&nbsp;<figure class="image"><img src="https://knadmin.beoblood.kz/uploads/322318368_5824614007624683_2239817503066250780_n_1897d3184d.jpg" alt="322318368_5824614007624683_2239817503066250780_n.jpg"></figure>

Қызылордада білім саласының үздіктері марапатталды

<a href="https://kyzylorda-news.kz/">Kyzylorda-news.kz.</a> Сапасы мен құрамындағы уыттылығына байланысты Хаги Ваги ойыншықтарын сатуға бүтін бір мемлекетте тыйым салынды. Ойыншықты зерттеу үшін елдегі ең ірі 18 сауда маркасі тексерілген, деп хабарлайды <a href="https://exk.kz/kk/news/151200/korkynyshty-khaghi-vaghi-oiynshyktaryn-satuga-tyiym-salyndy">Экспресс К</a>.Балалар арасында сұранысқа ие ойыншықтың бірі Хаги Вагидің сатылымы Ресей Федерациясында тыйым салынды. Мемлекеттің сапаны бақылау бойынша ресми сайтында жарияланған ақпаратқа сүйенсек, ойыншықтан бірқатар кемшіліктер мен заң бұзушылықтар анықталған.<blockquote>"Тауарды таңбалауда өндіруші сипаттамасы туралы ақпарат жазбаған. КО ТР 008/2011 талабына сәйкес өндіруші жапсырмаға ойыншық туралы сенімді ақпарат шығаруы керек. Себебі ата-ана ойыншықты сатып алмас бұрын: қай жас тобына арналған, қай жерде жасалған және қандай компания өндірген, материалы қандай, оған қалай дұрыс күтім жасауы керек сынды ескертепелерді жапсырмаға енгізуі керек еді. Одан бөлек ойыншықтағы фенолдың құрамы мен уыттылығы да талапқа сәкес келмейді. 30°C температурада бес мәрте жуудан кейін ойыншықтардың сыртқы түрі техникалық регламентке сәйкес келмейтіні анықталды", — делінген ақпаратта.</blockquote>Осы олқылықтар бойынша елде ойыншықты сатуға түбегейлі тыйым салынды. Зерттеу жұмыстарына қатысқан ең ірі 18 сауда дүкеніндегі сөрелерден тауар толықтай алынды.Фото:<a href="https://www.gazeta.ru/"> gazeta.ru</a>

Қорқынышты Хаги Ваги ойыншықтарын сатуға тыйым салынды

<a href="https://kyzylorda-news.kz/">Kyzylorda-news.kz.</a> Бас санитария дәрігер - Денсаулық сақтау вице-министрі Айжан Есмағамбетова балалар арасында тұмаудың өршуіне байланысты Қазақстан халқына үндеу жолдады, - деп хабарлайды&nbsp;<a href="https://kaz.tengrinews.kz/">Tengrinews.kz</a>&nbsp;порталы.Вице-министрдің айтуынша, эпидемиялық маусым басталғалы, яғни 1 қазаннан бері Қазақстанда 2,2 миллион жіті респираторлық вирустық инфекциялар және 2 284 тұмау жағдайы тіркелген, аурудың 65 пайызы 14 жасқа дейінгі балаларда кездескен.Бас санитария дәрігері Қазақстан халқына балаларды адам көп жиналатын жерлерге апармауды сұрап үндеу жолдады.<blockquote>"Ата-аналарға өтініш айтқым келеді. Бүгінгі күні барлық әлеуметтік желілерде балалардың дене қызуы көтеріліп, оны түсіру қиынға соғатыны туралы ақпарат толып жатыр. Өтініш, қазіргі жағдайды ескеріп, балалардың денсаулығына абай болыңыздар. ЖРВИ және тұмау балаларда асқынып тұр. Жаңа жыл мересі кезінде және қаңтарда аурушаңдықтың жоғарылауына байланысты балаларды мектеп пен балабақшаға, сауда орталықтарына және басқа да адам көп жиналатын орындарға апармаңыздар", - деді Айжан Есмағамбетова.</blockquote>

Бас санитария дәрігері қазақстандық ата-аналарға үндеу жасады

<a href="https://kyzylorda-news.kz/">Kyzylorda-news.kz.</a> ақпарат агенттігі мен оқырмандары Қызылорда облысындағы үздік аудан әкімін анықтады. Сауалнама 20 желтоқсанда ақпарат агенттіктің телеграм арнасында <a href="https://t.me/qyzylordanews/4964">t.me/qyzylordanews</a> жарияланды. Дауыс беруге 22 мыңға жуық адам қатысты. Сауалнама 28 желтоқсан сағат 00:00-де қорытындыланды.&nbsp;Нәтижесінде Жаңақорған ауданының әкімі Мұрат Тілеумбетов 35% дауыс (8130 адам) жинап, көш басына шықты.&nbsp;Екінші, үшінші орындарды Қазалы ауданының әкімі Мұхтар Оразбаев (2883 дауыс) пен Арал ауданының әкімі Серік Сермағамбетов (2791 дауыс) бөлісті.&nbsp;Одан кейін Сырдария ауданының әкімі Мұрат Ергешбаев (2588 дауыс) пен Жалағаш ауданының әкімі Асқарбек Есжанов (2365 дауыс) жайғасты.&nbsp;Қармақшы ауданының әкімі Әділбек Ерсұлтановқа 2316 адамның таңдауы түскен. Шиелі ауданының әкімі Нұржан Ахатовқа 2277 адам дауыс берген.&nbsp;Жаңақорған ауданының әкімі Мұрат Тілеумбетовтің <a href="https://kyzylorda-news.kz/">Kyzylorda-news.kz.</a> ақпарат агенттігі оқырмандарының басым дауысын жинауы тектен тек емес. Рейтингтің басында тұратындай жөні бар. Ол биыл сәуірде әкім болып тағайындалғаннан кейін бір-екі айда ауданда қоғамдық-саяси ахуал тұрақталды, өлкеде, сонымен қатар әлеуметтік желілерде сыни пікірлер, айқай-шу айтарлықтай азайды. Әкім болғалы аудандағы ауылдарды түгел аралап шығып, тұрғындардың талап-тілегін тыңдады. Мәселелермен, сыни пікірлермен бетпе-бет келуден қорықпады. Тіпті, кейбір проблемалардың түйінін кездесу кезінде тарқатып кетіп отырды. Соның арқасында аз уақытта халықтың симпатиясына ие болды. Ең бастысы, «Халық үніне құлақ асатын мемлекет» қағидасына сәйкес, аудан әкімдігі кері байланысты жолға қойған.&nbsp;Мұрат Тілеумбетов тізгінін ұстаған Жаңақорған ауданының әлеуметтік-экономикалық дамуында да оң тенденциялар қалыптасқан.&nbsp;Мәселен, өнеркәсіп өнімінің көлемі 108,8 млрд теңгені құрап, өткен жылдың тиісті кезеңімен салыстырғанда 105,6 пайыз өскен. Ал өңдеу өнеркәсібі өнімінің көлемі 75,4 млрд теңге болып, 112,1 пайыз орындалған. Ауданда шағын және орта кәсіпкерлік саласы да қарқын алған. Себебі тіркелген шағын және орта кәсіпкерлік субъектілерінің саны 6549 бірлікке, яғни 19,5 пайызға артса, бүгінде олардың 6288 немесе 96 пайызы тұрақты жұмыс істеп тұр.Мұндай жоғары көрсеткіштердің қалыптасуы аудан үшін ірі инвестициялық жобалардың жүзеге асырылуына жол ашқан. Ал аудан бойынша негізгі капиталға салынған инвестиция 40,9 млрд теңгені құрап, өткен жылдың тиісті кезеңімен салыстырғанда 126,5 пайызды көрсеткен. Яғни Қызылорда облысы әкімінің мамыр-маусым айларында инвестиция тарту, оның көлемін арттыру бойынша қойған тапсырмаларының үдесінен шығып отыр.&nbsp;Жаңақорған ауданындағы жарқын жобалардың бірі – жоба құны 790 млн теңгені құрайтын демалыс паркі. Биыл ашылуы өтті. Бүгінде паркте орналасқан аттракциондар, субұрқақтар, дәмханалар, спорт және балалар ойын алаңдары аудан тұрғындары мен қонақтарының жағымды уақыт өткізетін орнына айналып үлгірген. Сонымен қатар, биыл өңірде «Азимут-М» ЖШС-нің 160 млн теңгені құрайтын бетон зауытының құрылысы жұмысын бастаса, жоба құны 5,2 млрд теңге болатын жылына 3,5 мың тауық етін өндіретін «Абдулла» шаруа қожалығының құс фабрикасы да іске қосылады. Аталған жобалар 140 адамды тұрақты жұмыспен қамтитын болады. Бұдан бөлек, құны 1 млрд теңге болатын шипажай құрылысы салынып жатыр.&nbsp;Ауданда жұмыспен қамту бойынша 2022 жылы 3118 жаңа жұмыс орнын құру жоспарланса, бүгінде бұл межені Мұрат Тілеумбетов толық орындап шықты. Яғни, халықты әлеуметтік қамсыздандыру, түрлі жәрдемақылар төлеуде ешқандай проблема жоқ.&nbsp;Жаңақорғанда ауыл шаруашылық саласы да айтарлықтай дамып келеді. Биыл аудан бойынша 37 781 гектарға ауыл шаруашылығы дақылдары орналастырылса, 6072 гектар сыр салысының әр гектарынан 56 центнерден өнім жиналған. Мұнан бөлек, ерекше тоқталатын жайт азық-түлік бағасын тұрақтандыру мақсатында әр отбасы өзін-өзі әлеуметтік маңызы бар тауарлар оның ішінде картоп, көкөніс, бақша өнімдерімен қамтамасыз ету бағытында Мұрат Тілеумбетовтың шаруақожалық төрағаларымен тікелей келіссөзі нәтижесінде шаруақожалықтар тарапынан қосымша жер дайындалып, үлестірілген. Жемісті еңбектің нәтижесінде 26 гектар картоп, 85 гектар көкөніс, 85 гектар бақша егіліп, әлеуметтік маңызы бар азық-түлік тауарларының қауіпсіздігін қамтамасыз ету мен бағасын тұрақтандыруда өз көмегін тигізді.Сырдария өзеніндегі су деңгейінің төмен болуы, егістіктерге аяқ суды жеткізуінің күрделенуі соңғы жылдары аймақта басты мәселелердің біріне айналғаны белгілі. Осы ретте Жаңақорған ауданының басшылығы тарапынан ендігі кезекте су тапшылығын болдырмау үшін егістікті суаратын каналдардың су өткізу қабілетін арттыру мақсатында көп жұмыстар жүргізді. Мәселен, Облыстық табиғи ресурстар және табиғат пайдалануды реттеу басқармасы арқылы 207,5 млн теңгеге 2 су арнасы, аудандық бюджет есебінен 10,8 млн теңгеге Қаратөбе ауылдық округіндегі Келінтөбе магистралды каналының ПК-250-ден «Сумағар» каналы толықтай тазартылған.Сонымен қатар ауданда егін шаруашылығымен қоса мал шаруашылығы да қарқынды дамуда. Ата кәсіпті берік ұстанған шаруалар асыл тұқымды мал басын аттыруға бет бұрған. Өңірде бүгінде асыл тұқымды малдың үлес салмағы мүйізді ірі қара 6,2 пайызы 4 145 бас, уақмал қойдың 35,7 пайызы 91 701 бас, жылқының 6,5 пайызы 1599 бас асыл тұқымды ауыл шаруашылығы жануарлары өсірілуде. Мал басының артуына байланысты аудан бойынша 2022-2023 жылғы қысқа түсетін шартты мал басы нақтыланып, 182,5 мың тонна шөп, 36,5 мың тонна сабан және 37,1 мың тонна жем дайындау жоспары бекітілген.Айта кетейік, Қазалы, Арал, Сырдария аудандары әкімдерінің көрсеткіштері шамалас болды. Қармақшы, Жалағаш аудандарының әкімдеріне берілген дауыс саны да одан алыс емес. Ал Шиелі ауданының әкімі Нұржан Ахатовтың рейтингтің соңында қалуы да заңдылық еді. Себебі ол ауданға басшы болғанына &nbsp;бес айдан енді асты.&nbsp;<figure class="image"><img src="https://knadmin.beoblood.kz/uploads/1_dd8caa6349.jpg" alt="1.jpg"></figure>&nbsp;Жандос Жазкен &nbsp;

Қызылорда облысында үздік аудан әкімі анықталды

<a href="https://kyzylorda-news.kz/">Kyzylorda-news.kz.</a> &nbsp;Биыл қазаннан бастап көктайғақ және қарлы боранға байланысты 232 көлік пен 563 адамға көмек көрсетілген. Республикалық жолдарда көлік қозғалысын 150-ден астам рет шектеуге тура келді. Бұл туралы Индустрия және инфрақұрылымдық даму министрлігі хабарлайды.Төтенше жағдайлардың алдын алу үшін Автомобиль жолдары комитеті көлік жүргізушілеріне тұрақты негізде дауыл туралы хабарламаларды жіберіп, алыс сапарларға шықпауға кеңес бергенімен, бұған немқұрайлы танытқан көптеген адам қар құрсауында қалып жатады. Мәселен, республикалық маңыздағы автожолдар қысқы күтіп ұстау кезеңіне ауыстырылған сәттен бастап, жол саласының мамандарды күре жолдың бойында 600-ге жуық адамға көмек көрсеткен. Атап айтқанда, ауа райының қолайсыздығына байланысты 232 көлік жылы бокстарға орналастырылса, 563 адам жылыту пунктеріне жеткізілді.Министрлік автомобиль жолдарын күтіп ұстайтын қызметкерлердің техникасы көлікті қар құрсауынан шығаруға немесе эвакуациялауға бейімделмегеніне назар аударады. Соған қарамастан, сала мамандары тиісті ескертуді елемеген жүргізушілердің батып қалған көліктерін шығаруға мәжбүр. Неге десеңіз, жолды тазалау үшін оның бойында қандай да бір кедергі болмауы тиіс.Осы ретте биылдан бастап ауа райының қолайсыздығына қатысты көлік қозғалысын шектеу жөніндегі хабарламаны ескермеген тұлғаларға әкімшілік жауапкершілік қарастырылмақ. Тиісті өзгеріс Үкіметтің «Жолдардағы көлік құралдарының қозғалысын тоқтату немесе уақытша шектеу қағидаларын бекіту туралы» қаулысына енгізілді.<blockquote>«Таяу арадағы мерекелік демалыс күндерінде көптеген адам қаладан тыс жерде демалуды жоспарлайтыны мәлім. Осыған байланысты Автомобиль жолдары комитеті көлік иелерін дауыл туралы хабарламаны алған бойда сақтық шараларын ұстанып, ұзақ сапарға шығуға бас тартуды сұрайды. Сондай-ақ, қандай бір жағдайлар туындағанда 1403 бірыңғай call-орталығына хабарласуға болатынын еске сала кетейік», - делінген ресми хабарламада.</blockquote>

Дауылды ескертуге немқұрайлы қарайтындарды жауапкершілікке тарту қарастырылады

<a href="https://kyzylorda-news.kz/">Kyzylorda-news.kz.</a> Тұңғыш президент Нұрсұлтан Назарбаев пен онымен бірге тұратын отбасы мүшелерін қорғайтын заңның күші жақын арада жойылады. Парламент мәжілісі тиісті заң жобасын қарауға кірісті, деп хабарлайды <a href="https://sputnik.kz/">Sputnik Қазақстан </a>.Бүгін, 28 желтоқсан мәжілістің кезекті отырысында депутаттар "Қазақстан Республикасының Тұңғыш Президенті – Елбасы туралы" Қазақстан Республикасы Конституциялық заңының күшi жойылды деп тану туралы" Конституциялық заң жобасын қарауға қабылдады.Мәжіліс депутаты, заңнама және сот-құқықтық реформа комитетінің төрағасы Арман Қожахметовтің айтуынша, заң жобасы республикалық референдум қорытындысы бойынша Конституцияға енгізілген өзгерістерді іске асыру мақсатында әзірленді.<blockquote>"Атап айтсақ, биыл 8 маусымдағы Заңмен Конституцияға енгізілген түзетулерге сәйкес, Қазақстанның Тұңғыш президентінің мәртебесі мен өкілеттігі Республика Конституциясымен және конституциялық заңмен айқындалады деген норманы көздейтін Ата заңның 46-бабы 4-тармағы алынып тасталды. Осыған байланысты, бұл заң жобасымен құқықтық негіздің жоқтығын ескере отырып, тиісті Конституциялық заңның күшін жою көзделеді", - деді Қожахметов.</blockquote>Ата заңнан Назарбаевқа мемлекет басшысы лауазымына қатарынан екі реттен артық сайлану құқығын беретін ереже алынып тасталды.Сондай-ақ, 91-баптан тәуелсіз Қазақстанның негізін қалаушы ретінде тұңғыш президент туралы тұжырымды және оның Елбасы (ұлт көшбасшысы) мәртебесі алынды.Алайда Нұрсұлтан Назарбаевты барлық мәртебе мен артықшылықтардан айыру үшін "Тұңғыш президент – Елбасы туралы" Конституциялық заңының күшін жою қажет болатын.Бүгін парламентте осы процесс басталды.<h3 style="margin-left:0px;">"Тұңғыш президент – Елбасы туралы" заңда не айтылған</h3>Конституциялық заң 2000 жылы қабылданған болатын. Конституциялық заң бойынша Нұрсұлтан Назарбаев Қазақстан президенті болған кезде және Қазақстанның Тұңғыш президенті мәртебесін алғаннан кейін де жасаған әрекеттері үшін жауапқа тартылмайды.Оны ұстауға, қамаққа алуға, тінтуге, одан жауап алуға не жеке басын жете тексеруге, күзетпен ұстауға болмайды.Сонымен қатар, Елбасы мен онымен бірге тұратын отбасы мүшелеріне тиесілі барлық жеке мүлікке тиісуге және шектеу қоюға болмайды. Жеке мүлікке тұрғын және қызметтік үй-жайлар, қызметтік көлік, байланыс құралдары, хаттар, құжаттар кіреді. Тиіспеушілік Қазақстан Тұңғыш президентінің – Елбасының қорына және ол құрған өзге де заңды тұлғаларға тиесілі мүлікке де қолданылады.Бұдан бөлек, конституциялық заң Назарбаев пен онымен бірге тұратын отбасы мүшелеріне тиесілі банк шоттарының құпиялығына және оған қол сұқпауына кепілдік береді.Нұрсұлтан Назарбаев өмір бойы мемлекеттік күзетпен қамтамасыз етіледі. Тұңғыш президенттің отбасы мүшелеріне де мемлекеттік күзет беріледі.Конституциялық заңның 11-бабы Елбасыны зейнетақымен қамсыздандыру және сақтандыруды көздейді. Өкілеттігін тоқтатқаннан кейін Назарбаев жасына қарамастан, Қазақстан Республикасы президентінің лауазымдық жалақысының 80 проценті мөлшерінде ай сайын зейнетақы алып тұрады.Ал Назарбаев қайтыс болған жағдайда отбасының әрбір мүшесіне ең төменгі зейнетақының 10 еселенген мөлшеріне тең сомада ай сайынғы жәрдемақы өмір бойына төленеді.Тұңғыш президент пен онымен бірге тұратын отбасы мүшелеріне тегін медициналық қызмет көрсету мен санаторий-курорттық емдеу құқығы өмір бойы сақталады. Мұның барлығына қаржы республикалық бюджеттен бөлінеді.

Мәжіліс Елбасы туралы заңның күшін жою туралы заң жобасын қарауға алды

<a href="https://kyzylorda-news.kz/">Kyzylorda-news.kz.</a> Апта басында ҚР Сауда және интеграция бірінші вице-министрі Арман Шакқалиев Қызылорда облысына арнайы іссапармен келіп, облыс әкімінің қабылдауында болды және белсенді қоғам өкілдерімен кездесті.Жұмыс сапары аясында Арман Шакқалиев аймақ басшысы Нұрлыбек Нәлібаевпен кездесіп, экспортты дамыту және кәсіпкерлерді қолдау мәселелерін талқылады.Кездесу барысында негізгі азық-түлік бағасын тұрақтандыру үшін Үкіметпен қабылданған шаралар туралы, «форвардтық сатып алу», «айналым схемасы», сауда инфрақұрылымын дамыту, техникалық және экономикалық тұрғыдан ішкі нарықты қорғау және сауда желілеріне қолжетімділікті қамтамасыз ету мәселелері туралы баяндалды.Жиында әлеуметтік маңызы бар азық-түлік тауарларына баға белгілеудің бүкіл тізбегі бойынша делдалдық схемаларға қарсы күрес жөніндегі өңірлік комиссиялардың жұмысы жүйеленіп, олардың құрамы күшейтілгендігі туралы айтылды.Басқосу барысында Арман Абайұлы жергілікті мемлекеттік кірістер департаментін өңірлік комиссиялармен жұмысты белсенді түрде құруға шақырды.Әрі қарай вице-министр облыс тұрғындарын тұтынушылар құқығын қорғау, ішкі сауданы дамыту, әлеуметтік маңызы бар азық-түлік тауарларының бағасын тұрақтандыру және басқа да мәселелер тоқталып, тұрғындардың сауалдарына жауап берді.Тұрғындармен кездесу аясында вице-министр жеке қабылдау өткізіп, бизнес өкілдерімен де жүздесті.Негізгі азық-түлік бағасын тұрақтандыру мақсатында аймақтағы белгілі «Абзал и К», «Жан Арай», «Алтын қамба», «Алтын орда» және «Далатекс» компанияларын аралап, кездесулер ұйымдастырды.Жұмыс сапарының соңында журналистердің сауалына жауап берді.

Архив