"Руханият" орталығында ҚР Cу ресурстары және ирригация Министрі Нұржан Нұржігітов, облыс әкімінің орынбасары Бахыт Жахановтың қатысуымен су шаруашылығы саласының өзекті мәселелеріне арналған кеңейтілген жиын өтті. Жиынға облыстық басқарма, салалық инспекция және мекеме басшылары, облыстық, аудандық мәслихат депутаттары, аудан ардагерлері, шаруашылық құрылымдарының төрағалары мен су шаруашылығы саласының қызметкерлері қатысты.Жиында Министр су ресурстарын тиімді пайдалану, су қауіпсіздігін қамтамасыз ету және су үнемдеу технологияларын енгізу бағытында мемлекет тарапынан атқарылып жатқан жұмыстарға тоқталды. – Су үнемдеу технологияларын кеңінен енгізу, су ресурстарын тиімді пайдалану және су қауіпсіздігін қамтамасыз ету – негізгі бағыттардың бірі. Биыл вегетациялық кезеңге қажетті су көлемін тұрақты қамтамасыз ету бойынша тиісті жұмыстар жүргізіліп, Қызылорда облысына қажетті су көлемі кезең-кезеңімен бөлінуде. Шаруашылықтар суару жұмыстарын белгіленген кестеге сәйкес жүргізіп, суды ұтымды пайдалану бағытында жұмыс істеуде. Мемлекет басшысының тапсырмасына сәйкес суды көп қажет ететін дақылдардың көлемін оңтайландырып, су үнемдеу технологияларын енгізу мен егісті әртараптандыру жұмыстары жалғасады. Сонымен қатар, су пайдалану кезінде заң талаптарын қатаң сақтау, белгіленген лимиттерді ұтымды пайдалану және су ысырабына жол бермеу – баршаға ортақ міндет, – деді Нұржан Молдиярұлы.Жиында "Арал-Сырдария" бассейндік су инспекциясының басшысы Зейнулла Қазтоғанов Сырдария өзені бассейніндегі су шаруашылығының қазіргі жағдайы, су ресурстарының көлемі, вегетациялық кезеңдегі су бөлу және бақылау шаралары жөнінде баяндама жасады. Сондай-ақ, «Қазсушар» РМК Қызылорда филиалы директорының міндетін атқарушы Нажмадин Шамуратов биылғы суару науқанының барысы, шаруашылықтарды сумен қамтамасыз ету, гидротехникалық нысандардың жай-күйі және вегетациялық кезеңде атқарылған жұмыстар туралы кеңінен ақпарат берді.Жиын барысында сала ардагерлері, шаруашылық басшылары өздерін толғандырған мәселелерді көтеріп, ұсыныс-пікірлерін білдірді. Министр көтерілген сұрақтарға жауап беріп, су ресурстарын тиімді басқару, су үнемдеу технологияларын енгізу және ирригациялық инфрақұрылымды жаңғырту бағытындағы жұмыстар алдағы уақытта да жүйелі түрде жалғасатынын жеткізді.<img src="https://knadmin.beoblood.kz/uploads/FB_IMG_1784349987245_ce41072f70.jpg" alt="FB_IMG_1784349987245.jpg">

Су шаруашылығының өзекті мәселелері талқыланды 

Жыл басынан бері облыста «Өңірлік жұмыспен қамту картасы» аясында 14 486 жаңа жұмыс орны құрылып, жоспардың 55 пайызы орындалды. Нәтижесінде Қызылорда облысы бұл көрсеткіш бойынша республикада екінші орынға тұрақтады. Ашылған жұмыс орындары электронды еңбек шарттары мен міндетті зейнетақы аударымдары арқылы расталған. Бұл туралы Өңірлік коммуникациялар қызметінің ақпарат алаңында Қызылорда облысының жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Жанар Дәулетбаева мәлімдеді. Брифингте халықты жұмыспен қамту, әлеуметтік қолдау және мүгедектігі бар азаматтарға көрсетілетін қызметтердің жай-күйі баяндалды.Мемлекеттік бағдарламалар шеңберінде бос жұмыс орындарына орналасу, субсидияланған жұмыс орындарын ашу және жеке бастамаларды қолдау бағытында жүйелі жұмыстар жүргізілуде. Соның нәтижесінде өңірдегі жұмыссыздық деңгейі 4,8 пайыздан 4,5 пайызға дейін төмендеп, республикалық көрсеткішпен теңесті.- Биыл 50 бос жұмыс орындары жәрмеңкесі ұйымдастырылып, 4 761 вакансия ұсынылды. Мыңнан астам азамат тұрақты және уақытша жұмысқа жолдама алды. Сонымен қатар «Бастау Бизнес» жобасы бойынша 3 852 адам кәсіпкерлік негіздерін меңгерсе, 17 мыңнан астам тұрғын электронды еңбек биржасы арқылы онлайн оқудан өтті. Өңіраралық еңбек ресурстарының ұтқырлығын арттыру мақсатында ұйымдастырылған «Enbek Hub – Qyzylorda» жәрмеңкесінде 10 мыңнан астам бос жұмыс орны ұсынылып, 200-ден астам азамат жұмыспен қамтудың белсенді шараларына жолданды. Солтүстік Қазақстан, Шығыс Қазақстан және Қарағанды облыстарымен еңбек ресурстарын алмасу жөніндегі меморандумдарға қол қойылды, - деді Жанар Жұмабекқызы.Брифинг барысында мүгедектігі бар азаматтарды әлеуметтік қолдау мәселесіне де ерекше назар аударылды. Бүгінде облыста 34,8 мыңнан астам мүгедектігі бар адам тіркелген. Оларды оңалтудың жеке бағдарламаларын іске асыруға биыл 6,9 млрд теңге бөлініп, 28 мыңнан астам азамат техникалық оңалту құралдарымен қамтамасыз етілді. Сонымен қатар инфрақұрылымдық нысандарды бейімдеу жұмыстары жоспарлы түрде жүргізілуде.Аз қамтылған тұрғындарды қолдау бағытында да кешенді шаралар қабылдануда. Жыл басынан бері 3 438 отбасыға атаулы әлеуметтік көмек төленіп, мыңдаған отбасы тұрғын үй көмегі мен жергілікті бюджет есебінен әлеуметтік төлемдер алды. Арнаулы әлеуметтік қызмет көрсету орталықтарында 2 мыңнан астам адам қызмет алуда.Басқарма басшысының міндетін атқарушы Жанар Дәулетбаеваның айтуынша, жұмыспен қамту және әлеуметтік қолдау шаралары алдағы уақытта да жүйелі түрде жалғасады.- Біздің басты мақсатымыз халықты тұрақты жұмыспен қамту, жұмыссыздық деңгейін төмендету және әлеуметтік қолдауды нақты мұқтаж азаматтарға тиімді жеткізу. Сонымен қатар мүгедектігі бар адамдардың өмір сүру сапасын арттыруға бағытталған қызметтердің қолжетімділігі мен сапасын одан әрі жақсарту жұмыстары жалғасады, – деді спикер.Биыл өңірде жұмыспен қамту жол картасының барлық индикаторларын орындау, жұмыссыздық деңгейін 4,6 пайыздан асырмау, әлеуметтік төлемдердің уақытылы берілуін қамтамасыз ету және арнаулы әлеуметтік қызметтерді жетілдіру негізгі міндеттердің бірі болып қала береді.

Қызылорда облысында жыл басынан бері 14 486 жаңа жұмыс орны құрылды 

Облыс әкімі Мұрат Ергешбаев Мемлекет басшысының тікелей қолдауымен Қызылорда қаласында бой көтерген жаңа жылу-электр орталығының жұмысымен танысты. 240 мегаватт электр, 277 гигакалория жылу энергиясын өндіретін орталық құрылысына түркиялық «AksaEnergy» компаниясы 215 млрд теңге инвестиция салды.Жоба аясында қуатылығы 176 МВт 2 &nbsp;газ турбиналық қондырғы, 95 МВт бу турбинасы, қуаттылығы 120 тн/сағ 2 &nbsp;бу қазандығы мен 150 Гкал/сағ 4 жылу қазандығы орнатылған. Бүгінде жылу орталығы толық іске қосылып, &nbsp;240 мегаватт электр энергиясы өндірілуде және қуаттылығы 150 МВт 4 су жылыту қазандығы қосылды. Алдағы жылу беру маусымында Қызылорда қаласының тұрғындары жаңа станция арқылы жылумен қамтамасыз етіледі.Бұдан кейін облыс әкімі «Қызылордажылу-электр орталығына» барды. Қазіргі мұндағы жылу энергия көздерінің 85 пайызы,жылу желілерінің 40 пайызы тозған. Станция 67 мегаватт электр, 355 гигакалория жылу энергиясын өндіреді.Жалпы алдағы жылу беру маусымына дайындыққа 5,5 млрд теңге қаржы бөлу жоспарланған. Бұл қаражат есебінен 8,7 шақырым жылу желісін жаңғырту жобасы аяқталып, №1 және №2 газ турбиналық қондырғыларға күрделі жөндеу жүргізіледі. Сонымен қатар, 1,3 шақырым жылу желісі, 1 қазандық, 1 турбина, 10 автономды қазандық, негізгі және қосалқы жабдықтар жөнделеді.Облыс әкімі «Қызылорда электр тарату тораптары» мекемесіне де барды. Мекемеге қарасты 10 608 шақырым электр желісі, 2 058 қосалқы станция бар, ал трансформаторлардың жалпы қуаты 1 350 мегаватт.Тұрғындардың қалыпты тұрмыс-тіршілігін қамтамасыз ететін нысандарды аралау қорытындысымен жауапты сала жетекшілеріне тапсырмалар берілді. Олар – алдағы жылу беру маусымына дайындықты уақытылы, сапалы жүргізу, тұтынушыларға электр энергиясын тұрақты жеткізу.<img src="https://knadmin.beoblood.kz/uploads/FB_IMG_1784349560978_fddad2082e.jpg" alt="FB_IMG_1784349560978.jpg">

Жылу беру маусымына дайындық жұмыстары пысықталды 

<a href="https://kyzylorda-news.kz/">Kyzylorda-news.kz</a> Өңірлік коммуникациялар қызметінің ақпарат алаңында өткен баспасөз конференциясында Арал ауданының әкімі Аманжол Оңғарбаев 2026 жылдың алғашқы жартыжылдығында ауданның әлеуметтік-экономикалық даму қорытындыларын жариялады. Оның айтуынша, Мемлекет басшысы айқындаған стратегиялық міндеттер аясында ауданда экономиканы әртараптандыру, инвестиция тарту және жаңа өндірістерді іске қосу бағытындағы жұмыстар жүйелі жүзеге асуда.<blockquote>- Жыл басынан бері аудан экономикасының барлық негізгі көрсеткіштері оң өсім көрсетті. Негізгі капиталға тартылған инвестиция көлемі 22,5 млрд теңгеге жетіп, өткен жылдың сәйкес кезеңімен салыстырғанда 27,5 пайызға артты. Оның ішінде жеке инвестиция көлемі 2,4 есеге ұлғайды. Сонымен бірге барлық салық және өзге де түсімдер бойынша жоспар 117,5 пайызға орындалды. Өнеркәсіп саласында өндірістің &nbsp;нақты көлем индексі 105,7 пайыз болды. Биыл жалпы үш инвестициялық жобаны іске асыру қолға алынды. Оның ішінде өткен аптада түйе сүтінен құрғақ ұнтақ өндіретін зауыт пен жоғары сұрыпты ас тұзын шығаратын өндіріс орны пайдалануға берілді. Сонымен қатар көпфункционалды жол бойындағы сервистік кешеннің құрылысы жалғасып жатыр" - деді Аманжол Сақыпұлы.</blockquote>Ауданда ауыл шаруашылығы да тұрақты дамып келеді. Мал басы барлық түлік бойынша өткен жылмен салыстырғанда артқан. Аралдың дәстүрлі саласы саналатын балық шаруашылығында 10 өңдеу зауыты жұмыс істеп, жарты жылдың ішінде 3621 тонна өнім өңделді. Оның 1728 тоннасы шетел нарығына экспортталды. Сонымен қатар қолдан балық өсірумен айналысатын 16 шаруашылық жұмысын кеңейтуде.Баспасөз конференциясында аудан әкімі инвестициялық белсенділіктің артуы жаңа жұмыс орындарын ашуға және өңір экономикасының тұрақты дамуына серпін беретінін атап өтті.<blockquote>- Біздің басты мақсатымыз аудан экономикасын әртараптандырып, өндірісті дамыту арқылы халықтың әл-ауқатын арттыру. Жыл соңына дейін тағы бірнеше инвестициялық жобаны іске қосып, жаңа жұмыс орындарын ашуды жоспарлап отырмыз. Бұл жұмыстар ауданның экономикалық әлеуетін одан әрі күшейтеді, - деді Арал ауданының әкімі.</blockquote>

Арал ауданында экономикалық өсім бар

<a href="https://kyzylorda-news.kz/">Kyzylorda-news.kz</a> Арал ауданында жыл басынан бері пайдалануға берілген тұрғын үй көлемі 16,3 мың шаршы метрге жетіп, өткен жылдың деңгейінен жоғары болды. Бұл туралы өңірлік коммуникациялар қызметінде өткен баспасөз конференциясында Арал ауданының әкімі Аманжол Оңғарбаев баяндады. Оның айтуынша, халықтың өмір сүру сапасын арттыру мақсатында сумен жабдықтау, газдандыру, тұрғын үй құрылысы, жол және энергетика салаларында ауқымды жұмыстар жүргізілуде.Ауыз сумен қамту бағытында соңғы екі жылда бірнеше ауыл орталықтандырылған жүйеге қосылды. Биыл Абай елді мекеніне сапалы ауыз су жеткізіліп, тұрғындардың көптен күткен мәселесі шешімін тапқан. Сонымен бірге «Арал–Сарыбұлақ» магистральдық су құбырының тозған бөліктерін кезең-кезеңімен жаңарту жұмыстары жалғасуда.<blockquote>– Газдандыру саласында да маңызды нәтижелер бар. Қамыстыбас ауылында автоматтандырылған газ тарату станциясы іске қосылып, болашақта 18 елді мекенді табиғи газбен қамтуға мүмкіндік ашылды. Қазіргі уақытта жаңа магистральдық газ құбырының жобасы мемлекеттік сараптамадан өтуде. Ал Қосжар, Аманөткел және Бөген ауылдарын газдандыруға арналған жобалық құжаттар әзірленіп жатыр, - деді аудан басшысы.</blockquote>Көлік инфрақұрылымын дамыту бағытында аудандық маңызы бар жолдарды жөндеу жұмыстары қарқын алды. «Арал-Жалаңаш» автожолының бір бөлігінде орташа жөндеу жүргізілуде. Сонымен қатар Арал қаласындағы жеті көшеге толықтай асфальт төселіп, түнгі жарық шамдары орнатылды. Электр желілерін жаңғырту жұмыстары да кезең-кезеңімен жүзеге асырылып, жаңа жобалар қолға алынуда.Баспасөз конференциясында аудан басшысы инженерлік инфрақұрылым халықтың тұрмыс сапасын арттырудағы басты басымдықтардың бірі екенін айтты.<blockquote>– Инфрақұрылымды дамыту ауданның ұзақ мерзімді дамуының негізгі тетігі. Біз тұрғындарды сапалы ауыз сумен, табиғи газбен, тұрақты электр қуатымен қамтамасыз ету және жолдардың жағдайын жақсарту бағытындағы жұмыстарды тоқтатпаймыз. Бұл жобалардың барлығы халықтың өмір сапасын арттыруға бағытталған, - деді аудан әкімі Аманжол Сақыпұлы.</blockquote>

Аралда инфрақұрылымды жаңғырту жұмыстары жалғасуда

<a href="https://kyzylorda-news.kz/">Kyzylorda-news.kz</a> 2026 жылдың 23 тамызына тағайындалған Қазақстан Республикасының Құрылтай сайлауына орай «Сыр медиа» ЖШС-на қарасты облыстық, республикалық, қалалық, аудандық газеттеріне, ақпараттық агенттіктеріне және «Kyzylorda-news.kz» ақпараттық агенттігіне сайлауалды үгіт материалдарын орналастыру бойынша өз қызмет құнын ұсынады.«Kyzylorda-news.kz» ақпараттық агенттігіне үгіт материалдарын орналастыру бойынша баға ұсынысы (ҚҚС қоса есептегенде):Пробелді қоса алғанда 3000 белгіге дейінгі мақала + 3 фотоға дейін – 28000 теңге, әр қосымша белгіге 15 теңге қосылады, әр қосымша фото – 200 теңге.<ul><li style="text-align:justify;">Баннер 200 х 1180 рх – 30000 теңге (1 апта); &nbsp; &nbsp; &nbsp; &nbsp; &nbsp; &nbsp; &nbsp; &nbsp; 400 х 800 рх – 25000 теңге (1 апта).</li><li style="text-align:justify;">Instagram: Post (video, photo, reels) – 15000 теңге &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Stories – 10000 теңге</li><li style="text-align:justify;">TikTok: Video - 15000 теңге &nbsp; &nbsp; &nbsp; &nbsp; &nbsp; &nbsp; &nbsp; Stories – 10000 теңге</li><li style="text-align:justify;">Facebook: Post (video, photo) – 10000 теңге.</li></ul>Төлемі үгіт материалдарын орналастыру үшін жасалған келісім-шарт бойынша ұсынған төлем шоты негізінде 5 (бес) жұмыс күнде жүзеге асырылады. Демалыс және мереке күндерінен басқа шығарылымдарда &nbsp;жариялануына байланысты үгіт материалдарына тапсырыс 5 (бес) жұмыс күн бұрын алдын ала қабылданады.Мекен-жайымыз: Қызылорда қаласы, Бейбарыс Сұлтан көшесі, 4А (Назарбаев &nbsp;Зияткерлік мектебінің жанында). Жарнама бөлімі: 8 (7242) &nbsp;70-00-52, коммутатор: 40-11-10 /1058/, e-mail: <a href="mailto:sm-jarnama@yandex.kz">sm-jarnama@yandex.kz</a>Ескерту: аудандық сайлау комиссиялары өз ауданының газет редакцияларына хабарласады

Сайлау науқанының материалдарын орналастыру жөніндегі қызметтердің құны

<a href="https://kyzylorda-news.kz/">Kyzylorda-news.kz</a> Қытай Халық Республикасының Циндао қаласында 13–27 шілде аралығында «Seminar on Leadership Development for Employees of State-Owned Enterprises from SCO Countries» атты халықаралық семинар өтуде.Білім беру бағдарламасы Шанхай ынтымақтастық ұйымына (ШЫҰ) мүше мемлекеттердің мемлекеттік ұйымдары мен кәсіпорындары қызметкерлерінің кәсіби құзыреттерін дамытуға, халықаралық тәжірибе алмасуды кеңейтуге және мемлекетаралық ынтымақтастықты нығайтуға бағытталған.Семинар жұмысына Қазақстан, Тәжікстан, Непал және Әзербайжан мемлекеттерінің өкілдері қатысуда. Бағдарлама аясында қатысушылар Қытайдың мемлекеттік басқару жүйесімен, әлеуметтік-экономикалық даму ерекшеліктерімен, мемлекеттік кәсіпорындарды басқарудың заманауи тәжірибелерімен және инновациялық экожүйені қалыптастыру бағытындағы озық үлгілерімен танысуда.Оқу бағдарламасының алғашқы күндері «Introduction to China’s National Conditions» және «Experience and Path of Technology Transfer, Industry–University–Research Integration of Chinese State-owned Enterprises» тақырыптарындағы дәрістер ұйымдастырылды. Семинар барысында Қытайдың ұлттық даму моделі, технологиялар трансферінің тиімді тетіктері, сондай-ақ мемлекет, жоғары оқу орындары мен өндіріс арасындағы ықпалдастықты дамыту тәжірибесі жан-жақты қарастырылды.Халықаралық семинар қатысушылардың кәсіби біліктілігін арттырумен қатар, түрлі елдердің мамандары арасында тәжірибе алмасуға, жаңа серіктестік байланыстар орнатуға және халықаралық ынтымақтастықты дамытуға ықпал етеді.

Қорқыт ата атындағы Қызылорда университетінің өкілі Қытайдағы халықаралық семинарға қатысуда

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен жүзеге асырылып жатқан "Таза Қазақстан" экологиялық акциясы елімізде кең қолдау тауып келеді. Бұл бастама қоршаған ортаның тазалығын сақтаумен қатар, тұрғындардың экологиялық мәдениеті мен жауапкершілігін арттыруға бағытталған.Аталған игі іске Қызылорда қаласындағы №37 мекемесінде жазасын өтеп жатқан азаматтар да белсенді атсалысты. Олар өз еріктерімен мекеме маңындағы көшелерді қоқыстан тазартып, аумақты абаттандыру жұмыстарына қатысты.&nbsp;<blockquote>– "Таза Қазақстан" акциясына қатысу арқылы туған өлкеміздің көркеюіне өз үлесімізді қосуды азаматтық парызымыз деп санаймыз. Қаланың тазалығы әр адамның жеке жауапкершілігінен басталады. Барша тұрғындарды осы игі бастамаға белсенді қатысуға шақырамыз, – деді сотталған азамат.&nbsp;</blockquote>Жасақ бастығы Айғара Сұлтанның айтуынша, мұндай іс-шаралар сотталғандардың қоршаған ортаға деген ұқыпты көзқарасын қалыптастырып, олардың қоғам алдындағы жауапкершілік сезімін нығайтуға ықпал етеді.<blockquote>&nbsp;– "Таза Қазақстан" акциясы аясында ұйымдастырылатын тазалық жұмыстары сотталғандарды қоғамдық пайдалы еңбекке баулып қана қоймай, олардың экологиялық мәдениеті мен азаматтық жауапкершілігін қалыптастыруға да оң әсер етеді. Осындай игі шаралар алдағы уақытта да тұрақты түрде жалғасады, – деді Айғара Сұлтан.</blockquote>Айта кетейік, аталған іс-шара Қазалы және Шиелі аудандарында жалғасын тапты. Республикалық «Таза Қазақстан» экологиялық акциясы аясында пробация қызметінің есебінде тұрған жазасын өтеуші азаматтар Ы. Жахаев атындағы және Жеңіс саябағында тазалық жұмыстарын жүргізді. Акция барысында есептегі тұлғалар саябақ аумағын қоқыстан тазартып, айналаны абаттандыру жұмыстарына белсенді атсалысты.

Қызылордада жазасын өтеушілер "Таза Қазақстан" акциясына үлес қосты

Қорқыт ата атындағы Қызылорда университетінде халықаралық ғылыми ынтымақтастық аясында Англиядағы әлемнің үздік жоғары оқу орындарының бірі саналатын, QS әлемдік рейтингінің 51–100 тобына кіретін Ноттингем университетінің Құрылыс инженериясы кафедрасының профессоры, PhD докторы Серік Тоқболаттың қатысуымен мазмұнды кездесу өтті.Кездесуге Қорқыт ата атындағы Қызылорда университетінің «Сәулет және құрылыс өндірісі» білім беру бағдарламасының профессор-оқытушылар құрамы мен «Жол активтері сапасының ұлттық орталығы» РМК Қызылорда облыстық филиалының мамандары қатысты.Жиын барысында профессор Серік Тоқболат өзінің ғылыми-зерттеу қызметінің негізгі бағыттарын таныстырып, әлемдік тәжірибеде кеңінен қолданылып жатқан инновациялық технологиялар мен заманауи инженерлік шешімдерге тоқталды. Ол жол құрылысы мен құрылыс инженериясы саласында кездесетін өзекті мәселелерді көтеріп, олардың тиімді шешу жолдары туралы пікір алмасты.Ғалымның ғылыми зерттеулері тұрақты даму қағидаттарына негізделген құрылыс инженериясына, айналмалы экономика (Circular Economy) тұжырымдамасын енгізуге және құрылыс саласының қоршаған ортаға әсерін азайтуға бағытталған. Зерттеу жұмыстары ресурстарды барынша тиімді пайдаланатын, энергия тұтынуы төмен әрі экологиялық талаптарға сай келетін ғимараттарды жобалау мен салудың жаңа тәсілдерін қамтиды. Бұл бағытта сәулеттік жобалау, инновациялық құрылыс материалдары және цифрлық технологиялар кешенді түрде қолданылып келеді.Сонымен қатар профессор құрылыс саласын цифрландырудың маңыздылығына ерекше тоқталды. Атап айтқанда, ғимараттардың өмірлік циклін бағалау (Life Cycle Assessment – LCA) әдістемесі мен ғимараттар туралы ақпараттық модельдеу (Building Information Modeling – BIM) технологияларының құрылыс нысандарының сапасын арттыруға, шығындарды оңтайландыруға және жобалардың экологиялық тиімділігін қамтамасыз етуге мүмкіндік беретінін атап өтті. Оның айтуынша, бұл құралдар құрылыс жобаларын жоспарлаудан бастап, пайдалануға беру және қызмет ету мерзімі аяқталғанға дейінгі барлық кезеңдерді ғылыми тұрғыдан басқаруға жағдай жасайды.Кездесу барысында жол құрылысының сапасын арттыру, инновациялық материалдарды пайдалану, инфрақұрылым нысандарының ұзақ мерзімділігін қамтамасыз ету, ғылыми зерттеулерді өндіріске енгізу және халықаралық тәжірибені Қазақстан жағдайына бейімдеу мәселелері кеңінен талқыланды.Қатысушылар өзара тәжірибе алмасып, ғылым мен өндіріс арасындағы байланысты нығайту бағытындағы ұсыныстарын ортаға салды.Мұндай кездесулер отандық құрылыс және жол саласының мамандарына халықаралық тәжірибемен танысуға, заманауи ғылыми жетістіктерді өндіріске енгізуге және болашақ бірлескен ғылыми жобаларды жүзеге асыруға жаңа мүмкіндіктер ашатыны сөзсіз.

Шетелдік ғалым жол құрылысы саласындағы озық тәжірибесімен бөлісті

<a href="https://kyzylorda-news.kz/">Kyzylorda-news.kz</a> Қызылорда облысының өңірлік коммуникациялар қызметінде өткен баспасөз конференциясында Арал ауданының әкімі Аманжол Оңғарбаев өңірдің экологиялық ахуалын жақсарту және туризмді дамыту бағытында атқарылып жатқан жұмыстарға кеңінен тоқталды.Арал теңізінің экологиялық мәселесін шешу тек өңір үшін ғана емес, халықаралық қауымдастық үшін де маңызды міндеттердің біріне айналып отыр. Соңғы жылдары теңіз тағдырына әлемдік ұйымдар, халықаралық қаржы институттары мен шетелдік серіктестердің қызығушылығы айтарлықтай артқан. Осыған байланысты ауданға бірнеше мәрте Үкімет мүшелері, халықаралық банктер мен қорлардың өкілдері, шетелдік елшілер келіп, экологиялық жобалардың жүзеге асу барысымен танысты. Олар Арал өңірінің табиғи ортасын қалпына келтіруге бағытталған бастамаларды қолдап, жаңа жобаларды қаржыландыруға қызығушылық танытып отыр.<blockquote>– Экологиялық бастамалармен қатар Арал ауданында туризм саласын дамытуға ерекше басымдық берілуде. Бүгінде өңір Орта Азиядағы алғашқы «Geopark Aral» туристік орталығының ашылуымен халықаралық деңгейдегі жаңа даму кезеңіне қадам басты. Бұл жоба қарапайым туристік нысан емес. Ол Арал өңірінің табиғи, тарихи, геологиялық және мәдени мұрасын сақтап, әлемге танытуға бағытталған кешенді бастама болып саналады. Сонымен қатар экотуризмді дамытуға, халықтың экологиялық мәдениетін қалыптастыруға және жергілікті тұрғындардың табысын арттыруға мүмкіндік береді, – деді аудан әкімі.</blockquote>Қазіргі таңда «Geopark Aral» ЮНЕСКО-ның Жаһандық геопарктер желісіне қосылуға үміткер ретінде қарастырылып отыр. Жақында халықаралық сарапшылар геопарк аумағында арнайы бағалау жұмыстарын жүргізіп, жобаның әлеуетіне жан-жақты талдау жасады. Алдағы уақытта ЮНЕСКО тарапынан түпкілікті шешім қабылданады.<blockquote>– Егер жоба халықаралық геопарктер желісіне енсе, өңірдегі бес туристік нысанды халықаралық талаптарға сай дамытуға және шетелдік қорлар арқылы қосымша инвестиция тартуға жол ашылады. Бұл өз кезегінде Аралдың туристік тартымдылығын арттырып, өңір экономикасына тың серпін береді. Туризм саласындағы көрсеткіштер де оң динамиканы көрсетіп отыр. Биылғы жылдың алғашқы жартыжылдығында ауданға 4 мың 800-ден астам отандық турист келсе, шетелден келген саяхатшылар саны 300-ден асты. Бұл Аралға деген қызығушылықтың жылдан-жылға артып келе жатқанын аңғартады, – деді Аманжол Сақыпұлы.&nbsp;</blockquote>Баспасөз конференциясында аудан әкімі экологиялық бастамалар мен туризмді дамыту өзара сабақтас бағыттар екенін атап өтті.<blockquote>– Аралдың табиғи және тарихи мұрасын сақтай отырып, оны халықаралық деңгейдегі туристік орталыққа айналдыру біздің басты мақсатымыздың бірі. "Geopark Aral" жобасы арқылы өңірдің әлеуетін әлемге танытып, ЮНЕСКО-ның жаһандық геопарктер желісіне қосылуға күш салып келеміз. Бұл бастама халықаралық инвестиция тартуға, жаңа жұмыс орындарын ашуға және өңір экономикасын дамытуға зор мүмкіндік береді, – деді Арал ауданының әкімі Аманжол Оңғарбаев.</blockquote>

«Geopark Aral» – Аралды әлемге танытатын жаңа мүмкіндік

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің РhD, Аграрлық технологиялар БББ-ның қауымдастырылған профессоры Серік Бекжанов &nbsp;Өзбекстанға жұмыс сапарымен барды. Ташкенттің Зангиата ауданындағы Андижан дәндік және бұршақ тұқымдас дақылдар ғылыми-зерттеу институтының «Малазықтық дақылдар ғылыми-тәжірибелік станциясында» ғылыми зерттеулермен танысты.Іссапар барысында университет ғалымы дәндік құмай егістіктерінде жүргізіліп жатқан ғылыми зерттеулермен танысып, сала мамандарымен тәжірибе алмасты. Сонымен қатар, дәндік құмайды өсіру агротехникасы, селекция және тұқым шаруашылығының қазіргі жай-күйі мен саланың өзекті ғылыми мәселелері талқыланды.Кездесу аясында Қорқыт ата атындағы Қызылорда университеті мен Өзбекстанның жетекші зерттеушілері арасындағы ғылыми ынтымақтастықты дамыту мәселелері қарастырылды. Тараптар тұзданған топырақ жағдайына бейімделген, жоғары өнімді дәндік құмай генотиптерін анықтауға бағытталған бірлескен ғылыми жобаларды жүзеге асыру және тәжірибелік зерттеулер жүргізу жөнінде келісімге келді.Аталған ынтымақтастық дәндік құмайдың селекциялық материалдарын бағалауға, генетикалық ресурстармен алмасуға және Арал өңірінің табиғи-климаттық жағдайына бейімделген жаңа сорттарды шығару бағытындағы ғылыми зерттеулердің тиімділігін арттыруға ықпал етеді.

Университет ғалымы дәндік құмайды зерттеу бойынша  тәжірибе алмасты

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев республикалық маңызы бар жол құрылысымен, индустриялық аймақтағы жобалармен танысты.Алдымен KAZ-06 «Қарабұтақ-Қызылорда-Шымкент» автомобиль жолы құрамындағы Қызылорда қаласының айналма жолы құрылысының алаңына барды. Жауапты сала басшылары мен мердігер мекеме өкілдері жобаны іске асыру кезеңдері, құрылыс-монтаж жұмыстарының қазіргі жай-күйі, алдағы жоспар жөнінде баяндады.Бұл – республикалық маңызы бар KAZ-06 автомобиль жолының Қызылорда қаласынан Сексеуілге дейінгі бөлігін II техникалық санаттан I санатқа ауыстыруға бағытталған кешенді жобаның бірінші кезеңі. Айналма жолдың жалпы ұзындығы 25,8 шақырым, жобаның техникалық-экономикалық негіздемесі әзірленіп, мемлекеттік сараптаманың оң қорытындысы алынған. Құрылысты «Қыран» ЖШС жүргізуде.Мұнда 4 көпір, 2 жол айрығы, 1 демалыс алаңы және 9 су өткізгіш құбыр салу жоспарланған. Қазіргі таңда жер жұмыстары, жол негізін дайындау және инженерлік құрылыстарды орнату қарқынды жүргізілуде.Құрылыс алаңына 80 жұмысшы мен 60-тан астам арнайы техника жұмылдырылған. Сонымен қатар, бетон араластыру торабы жұмыс істейді. Өнімділігі сағатына 160 тонна болатын екі асфальт-бетон зауыты іске қосылып, қазіргі уақытта өнімділігі сағатына 240 тонна болатын үшінші зауыт монтаждалып жатыр.Аймақ басшысы «Қызылорда-Жезқазған» автомобиль жолының 2-12 шақырым аралығындағы орташа жөндеу жұмыстарының барысын да көрді.Жобаның бас мердігері – «Дорстрой», техникалық қадағалаушысы – «АрхиДизайнСтройИнжиниринг» серіктестіктері, келісімшарт құны – 2 млрд 483,9 млн теңге. Ұзындығы 9,76 шақырым, ені 14 метр учаске жөнделеді. Жол жабыны ресайклинг әдісімен 20 сантиметр етіп нығайтылып, оның үстіне 8 сантиметрлік ірі түйіршікті асфальт және 5 сантиметрлік қиыршықтасты-мастикалық асфальтбетон төселеді.Одан әрі қарай аймақ басшысы индустриялық аймақтағы, атап айтқанда шыны, құрылыс материалдары өндірісін көріп шықты.Шыны кластерін дамытудағы негізгі жобалардың бірі – «Orda Glass LTD» шыны зауыты. Кәсіпорын жылына 197 мың тонна шыны өндіреді. Зауыттың іске қосылуы өңірде шыны өндірісін дамытуға, жаңа ілеспе өндірістердің қалыптасуына серпін берді. Солардың бірі – «Ayna Glass» айна шығару кешені. Мұнда жылына 720 мың шаршы метр айна өндіріледі, 55 адамды тұрақты жұмыспен қамтып отыр. Өндірісте пайдаланылатын негізгі шикізат «Orda Glass LTD» зауытынан жеткізіледі, осылайша өңірде толыққанды өндірістік тізбек қалыптасты.Алдағы уақытта «Комфорт-1 KZ» ЖШС-ның шыңдалған шыны өндірісін кеңейту және автомобиль шынысын шығару жобасын іске қосу жоспарланған.Құрылыс индустриясы бағытында да бірқатар кәсіпорын тұрақты жұмыс істеп тұр. Атап айтқанда, «Саз-М» ЖШС жылына 90 млн дана кірпіш өндіреді. Ал ЖК «Ақселеу» кәсіпорны жылына 6 млн дана күйдірілген кірпіш шығарады, 25 адамды тұрақты жұмыспен қамтыған.Индустриялық аймақта жаңа инвестициялық жобаларды іске асыру жалғасуда. Еске салсақ, биыл 28 мамырда испаниялық Roca Group компаниясының санитарлық-техникалық бұйымдар өндіретін зауыты мен Seven Rivers компаниясының шыны бөтелке зауытының капсуласы салынды.<img src="https://knadmin.beoblood.kz/uploads/Zhol_rylysy_2_27874b3244.jpg" alt="Жол құрылысы 2.jpg">

Қазақстан және Қызылорда облысының жаңалықтары