<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім министрі Саясат Нұрбек АҚШ-та жоғары білім мен ғылым саласындағы стратегиялық әріптестікті дамытуға бағытталған бірқатар кездесулер өткізді. Маңызды нәтижелердің бірі – ҚР Ғылым және жоғары білім министрлігі мен Гарвард университетіне қарасты Дэвис атындағы ресейлік және еуразиялық зерттеулер орталығы арасында өзара түсіністік туралы меморандумға қол қойылуы болды.Құжат аясында тараптар академиялық және ғылыми бағыттарда бірлескен бастамаларды іске асыруға уағдаласты. Атап айтқанда, тарих, саясат, экономика, тұрақты даму және басқа да салалар бойынша академиялық алмасулар, соның ішінде стипендиялар мен ғылыми тағылымдамалар ұйымдастыру қарастырылған. Ғалымдарға бірлескен жобалар шеңберінде Гарвард университетінің кітапхана және архив қорлары уақытша қолжетімді болады.Тараптар Қазақстанның тарихи мұрасын сақтау және ілгерілету мәселесіне айрықша назар аударды. Осыған байланысты Гарвард университетінің Хоутон кітапханасымен бірлесіп, Қазақстанның сирек кітаптары мен қолжазбаларынан тұратын жинақты цифрландыру және каталогтау жобасын іске қосу туралы келісімге қол жеткізілді. Жоба аясында зерттеушілер мен студенттер үшін қолжетімді болатын электрондық дерекқор әзірленіп, Қазақстан мен АҚШ кітапханалары мен архивтерінің мамандары арасында сирек басылымдарды сақтау, жүйелеу және зерттеу бойынша тәжірибе алмасу көзделіп отыр.Сондай-ақ қазақстандық жинақтарға арналған көрмелер мен мәдени іс-шаралар өткізу жоспарланған. Бұл еліміздің бай мәдени және тарихи мұрасына жаһандық назар аудартуға мүмкіндік береді. Сонымен қатар сирек кітаптар коллекциясы негізінде қазақстандық университеттердің студенттері мен зерттеушілеріне арналған оқу курстарын әзірлеу мүмкіндігі қарастырылады.Ынтымақтастықтың маңызды бағыты ретінде қазақстандық білім және ғылыми мекемелерге Хоутон кітапханасының электрондық дерекқорына қолжетімділік беру қарастырылып отыр. Бұл ғылыми-зерттеу жұмыстары мен білім беру үдерісінің мүмкіндіктерін едәуір кеңейтеді. Меморандум аясында қазақстандық жинақтар материалдары негізінде ғылыми жобалар мен жарияланымдарды қолдау да көзделген. Бұл Қазақстанның тарихы мен мәдениетін тереңірек зерделеуге жол ашады.Жасалған келісім екіжақты әріптестіктің жаңа көкжиектерін ашып, академиялық тәжірибе алмасуға мүмкіндік береді және Қазақстанда ғылым мен жоғары білімді дамытуға елеулі үлес қосады.&nbsp;

Қазақстан мен Гарвард қазақстандық сирек кітаптар мен қолжазбаларды цифрландыру жобасын бастайды 

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Энергетика министрлігі 2025 жылғы қаңтар–сәуір айларындағы ірі мұнай өңдеу зауыттарының жұмыс қорытындыларын шығарды.Елдің ірі мұнай өңдеу зауыттарында 2025 жылдың алғашқы төрт айында 6,092 млн тонна мұнай өңделді. Бұл көрсеткіш 2024 жылдың сәйкес кезеңімен салыстырғанда 10,8%-ға жоғары.Өңдеу көлемінің артуы ішкі және сыртқы нарықтарда сұранысқа ие негізгі мұнай өнімдерінің өндірісінің ұлғаюына басты фактор болды.Атап айтқанда: автомобиль бензині өндірісі 25,4%-ға артып, 2,082 млн тоннаны құрады; дизель отынының өндірісі 18,9%-ға өсіп, 1,921 млн тоннаға жетті; авиациялық керосин өндірісі 5,3%-ға артып, 0,255 млн тоннаны құрады.Энергетика министрлігі мұнай өңдеу саласының тұрақты жұмысын қамтамасыз ету, ішкі нарықты мұнай өнімдерімен сенімді жабдықтау, сондай-ақ кәсіпорындардың тиімділігі мен технологиялық даму деңгейін арттыруға бағытталған стратегиялық шараларды іске асыруды жалғастырады.

Қазақстанда мұнай өңдеу көлемі 10,8%-ға артты 

<a href="https://kyzylorda-news.kz/">Kyzylorda-news.kz</a> Қызылорда қаласындағы отбасы үлгісіндегі «Атамекен» балалар ауылы жетім және ата-анасының қамқорлығынсыз қалған балаларды тәрбиелеуге бағытталған. Мұнда балаларға сапалы білім беріліп, отбасы жылуын сезінетін жайлы орта қалыптасқан. Мекеменің құрылғанына биыл 10 жыл толып отыр. Осыған орай, балалар ауылында республикалық деңгейде екі күндік іс-шара ұйымдастырылмақ. Бұл туралы Өңірлік коммуникациялар қызметінің ақпарат алаңында «Атамекен» балалар ауылының директоры Лиза Скакова айтты.<img src="https://knadmin.beoblood.kz/uploads/3_68fd0f6301.jpg" alt="3.jpg"><blockquote>– «Атамекен» балалар ауылы 2015 жылдың 1 маусымында 80 балаға арнап ашылған болатын. Қазіргі таңда 3 жастан 18 жас аралығындағы 46 бала тәрбиеленіп, білім алып жатыр. Осы 10 жылдың ішінде балалар ауылынан 93 түлек ұшып шықты. «Атамекен» балалар ауылының ең басты міндеттерінің бірі – тәрбиеленушілерімізді отбасына орналастыру. 10 жылдың ішінде 43 баланы өздерінің әртүрлі отбасына орналасты. Балалар ауылынан түлеп шыққан 93 баланың 27-сі жоғары оқу орнымен қамтылды. Қазіргі таңда олардың көбісі оқу орындарын аяқтап, өз мамандықтары бойынша жұмыс істеуде. Сонымен бірге, «Атамекен» балалар ауылында тұратын балалардың барлығын да міндетті түрде тұрғын үймен қамтамасыз етеміз. Шыққан түлектердің 47-і кезектері бойынша мемлекеттен тұрғын үй алып отыр,- деді Лиза Ноғайқызы.</blockquote>Баспасөз конференциясында Қазақстанның SOS Балалар ауылдары корпоративтік ұлттық қорының директоры Гүлжан Асанова мен Республикалық жетім және ата-анасының қамқорлығынсыз қалған балалар мекемелері директорлары кеңесінің төрайымы Майра Бейсеканова да атқарған жұмыстарымен бөлісті.<blockquote>– Отбасылық қамқорлық саласындағы отыз жылдық жұмыс пен халықаралық практикаларды бейімдеу бізге едеуір тәжірибе жинақтауға мүмкіндік берді. Оны интернаттық мекемелердің мамандарымен бөлісу үшін 2021 жылы ҚР БҒМ Балалардың құқықтарын қорғау комитетімен бірлесіп Отбасылық үлгісіндегі балалар ауылдарының үйлестіру кеңесін құрдық. Оның жұмысы заманауи тәсілдерді, тексерілген іс-тәжірибелерді, балалар және отбасылармен өзара әрекеттесудің тиімді әдістерін таратуға бағытталған. Бүгінде Үйлестіру кеңесі «Халық» қайырымдылық қорының қолдауымен жұмыс істейді. Отбасылық үлгідегі 11 мемлекеттік балалар ауылы біздің әдістемелік-практикалық қолдауымызбен отбасылық қамқорлықтың халықаралық стандарттарын енгізуде, - деді Гүлжан Сатылханқызы.</blockquote><img src="https://knadmin.beoblood.kz/uploads/4_fd99d23b7c.jpg" alt="4.jpg">Балалар ауылында республикалық деңгейде екі күндік іс-шара ұйымдастырылады.<blockquote>– Мен бұл жерде өзімнің атқарған жұмыстарымды емес, «Атамекен» балалар ауылының басшысы Лиза Ноғайқызы жайлы айтқым келіп отыр. Бұл салада кез келген адам жұмыс істей алмайды. Ол үшін үлкен жүрек керек. Сен өз балаңды қалай жақсы көрсең, ол балаларды да солай жақсы көруің керек. Сол жердегі балалар үшін бар мейірімін төгіп, ыстық құшағын аямаған бірден бір адам болса, ол – Лиза Ноғайқызы. Ең бірінші күннен бастап балалар үшін өзінің кәсібилігін де, адамдығын да пайдаланып бүгінгі күнге жетіп отыр. Осы орайда баршаңызды 10 жылдық мерейтоймен шын жүректен құттықтаймын,- деді Майра Баймұқанқызы.</blockquote>Республикалық іс-шараның екінші күні «Арман қанатындағы 10 жыл» атты қайырымдылық гала-концертпен жалғаспақ.<blockquote>– «Атамекен» ауылымен танысқалы Қызылордаға қандай да бір іс-шарамен табан тіресем міндетті түрде осы балалардың түрін көріп, жағдайын біліп кетуге асығып тұрамын. Бөтен бала жоқ, бала бәрімізге ортақ. Бұл балалар – еліміздің ертеңі. «Атамекен» балалар ауылына ең алғаш барғаным, қалай қуанғаным әлі есімде. Лиза Ноғайқызы балаларға қамқор ана бола білді, оған біз де куәміз. Осы 10 жылдық мерейтойда сіздермен бірге болғаныма өте қуаныштымын. Мен жалғыз келген жоқпын, балалардың қуанышын еселеу үшін өзімнің әріптестерімді, елімізге белгілі эстрада жұлдыздарын алып келдім. Балалардың қамқорлығы, сыйластығы, бір-біріне деген сенімі – сондағы тәрбиешілердің тәрбиесі деп білемін,- деді Қазақстанның еңбек сіңірген қайраткері, әнші Жеңіс Ысқақова.</blockquote>&nbsp;Фото: Қызылорда облысының Өңірлік коммуникациялар қызметі

«Атамекен» балалар ауылына – 10 жыл

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Қазақстанның Халық әртісі, Қырғыз Республикасының Еңбек сіңірген әртісі, екі мәрте Мемлекеттік сыйлықтың және «Құрмет» орденінің иегері Досхан Жолжақсынов және жұбайы Қарагөз Сүлейменовамен кездесті.Басқосуда аймақ басшысы Сыр еліне гастрольдік сапармен келген өнер иесіне алғысын білдіріп, мәдениет пен руханият саласындағы жұмыстарға тоқталды.Айта кетейік, 12-15 мамыр аралығында Қызылорда облысында «Алатау» дәстүрлі өнер театрының гастрольдік сапары өтеді. Досхан Жолжақсынов пен Қаракөз Сүлейменова бастап келген өнер сапарына 80-нен астам әртіс қатысуда. «Алатау» Орталық Азиядағы жалғыз дәстүрлі өнер театры ретінде қазақ классиктерінің шығармаларын сахналап, саф өнерді жоғары белеске көтеріп келеді. Қазақ жерінде қалыптасқан әншілік, күйшілік, жыршылық мектептерді әрі қарай дамытып, насихаттаумен де жүйелі түрде айналысады. Театр ұжымы ауқымды шараларымен, жаңа премьераларымен халықаралық шараларға қатысып, еліміздегі және халықаралық мәдени байланыстарға, ұлттық өнер саласына елеулі үлес қосты.Театр туындылары Қызылорда қаласында, Шиелі және Жаңақорған аудандарында қойылады деп жоспарлануда.Фото: Қызылорда облысы әкімінің баспасөз қызметі

Облыс әкімі Қазақстанның Халық әртісі Досхан Жолжақсыновпен кездесті

<a href="https://kyzylorda-news.kz/">Kyzylorda-news.kz</a> Кеше "AMANAT" партиясы облыстық филиалының төрағасы Алмасбек Есмаханов, партия филиалы жанындағы экономика, кәсіпкерлік және аграрлық сектор мәселелері жөніндегі кеңес мүшелері, облыстық мәслихаттағы депутаттық фракция және жауапты сала өкілдерімен Қызылорда қаласына қарасты Қызылжарма ауылдық округіндегі партияның «Ауыл аманаты» жобасы аясында несие алып кәсіп бастаған азаматтардың жұмысына мониторинг жасады.Жалпы «Ауыл Аманаты» жобасы аясында өткен жылы облысқа 2,5 млрд. теңге қаражат бөлініп, өңдеу, кооперативтерді дамыту және азық-түлік қауіпсіздігін қамтамасыз ету мақсатында егін және мал шаруашылығы өнімдерін өндіруге берілді.Бөлінген қаражатты игеру мақсатында Несие комитетімен 2 255,8 млрд. теңгеге 343 өтінім мақұлданды. Мәселен, несие алғандар арасында қалаға қарасты Қызылжарма ауылдық округінің тұрғыны Еркін Аманжолов 3 миллион теңгеге 3 бас асыл тұқымды ірі қара мал сатып алып, сүт өнімдерін сатып отырса, Бабабек Қалмырзаев 20 бас асыл тұқымды ешкі алып, күніне 50 литр сүт өндіріп, оның өнімдерін көтерме бағамен өткізуде.Сондай-ақ, осы ауылдың тұрғыны Шоқан Джумабеков 9,2 млн қаржыға блок өнімдерін шығару үшін қажетті құрал жабдықтарын сатып әкелген. Ауылда жоба бойынша монша ісін дамытуды қолға алғандардың да қатары артып келеді. Мәселен, жалпы құны 13 млн теңгеге 2 бірдей тұрғын ауыл ішінен монша ашып, кәсібін жүргізіп отыр. Соның бірі Аида Ибраева. Кәсіпкер жоба шартының өте тиімді, әрі жаңадан кәсіп бастауға ниетті азаматтар үшін қолайлы екенін айтады.<blockquote>«Біз ауылдан монша салып, «Ауыл аманаты» жобасымен алған 5 млн теңгеге моншаға қажетті құрал жабдық сатып алдық. Бұл қаржыны екінші деңгейлі банктен алатын болсаңыз, үстіне кемі 2 млн қосып қайтарасыз. Ал мұнда қарыз алу шарттары да өте тиімді, себебі ондағы пайыздық мөлшерлеме әлдеқайда төмен. 1 жыл жеңілдік бар. Бөліп төлеу де қарастырылған. Өте тиімді жоба», - дейді Аида.</blockquote>Кәсіпкерлердің жұмысына табыс тілеп, жобаның негізгі мақсатын атап өткен «AMANAT» партиясы облыстық филиалының төрағасы Алмасбек Есмаханов: «Бұл – ауыл тұрғындарының әл-ауқатын жақсартуға, проблемаларын жедел шешуге, ауылдарды көтеруге мүмкіндік беретін жоба. Сондықтан берілген мүмкіндікті дұрыс мақсатта пайдалану қажет. Кейбір азаматтар қаржыны алып, тиімсіз пайдаланған. Қазір мұнай азаматтарға беріген қаржының үстіне 25 пайыз қосып қайтарту жұмыстары жүргізілуде егендігін жеткізді.Ауыл тұрғындары алдағы уақытта қаржылай қолдау болса, шұғылданып отырған шағын кәсіптерінің аясын кеңейтіп, талапқа сай дамыта алатынына бек сенімді.

«Ауыл аманаты» жобасы аясында несие алған азаматтар кәсібіне мониторинг жасалды

<a href="https://kyzylorda-news.kz/">Kyzylorda-news.kz</a> Оқыс оқиғалар айтып келмейді. Жазатайым істер орын алған сәтте кез келген тұрғынның абдырап қалатыны анық. Мұндайда телефонға жүгіре кетіп, 112, 109 сынды жедел әрекет ететін топтарды шақыруға даяр тұрамыз. Себебі адам өмірі бәрінен қымбат.Демалыс күні орын алған оқиға да дәл солай. Астанада 2 қабаттан құлап кеткен баланың жағдайына қатысты тұрғындардың жанұшырып сall орталыққа қоңырау шалуы қоғамның назарын аудартты.Мұндайда әбжіл қимылдай кететін диспетчерлердің жұмысына қатысты пікірлер екіге жарылады. Бірі мақтайды, бір даттайды.Десе де, 109 бен 112-ге қоңырау шалатын қызылордалықтар да аз емес.Тұрғындарды қандай мәселе мазалайды? Қызылорда облысындағы 109 қызметіне күніне қанша қоңырау түседі? Осы және өзге де сауалдардың жауабын іздеу мақсатында Облыстық Жедел әрекет ету орталығының директоры Темірхан Мұқанғалиды сұқбат алаңына шақырдық.- Темірхан Талғатұлы, Сіз бен біз замандас екенбіз, сондықтан барынша еркін әрі шынайы сұқбат құрсақ?- Әлбетте, ашық пікірлесуге дайынмын.- Өзіңізжетекшілік ететін «Жедел әрекет ету орталығы»өзге мекемелер секілді жұмысын кешкі жетіде аяқтай салмайды.Қалада төтенше жағдай орын алып, су құбыры жарылып, жарық өше қалса, газ берілмей, жолдар жабылса тұрғындар тағат таппай сіздерге қоңырау шалады. Қазір мәселені әлеуметтік желіге жаза салу оңай уақытта Сall орталықтың қажеті бар ма?- Әрине, қажеті бар деп санаймын. Себебі біздің операторлар әрбір тұрғынмен тікелей байланысады. Яғни әлеуметтік желідегідей емес, бізге шынайы қоңыраулар түседі. Әрбір қоңыраудың артында халықтың мәселесі бар. Екі ауысыммен жұмыс істейтін диспетчерлер күн сайын тұрғындар өтінішіне сәйкес қала ішінде орын алатын тосын жағдайлармен бетпе-бет келеді.Біздің басты мақсатымыз – халыққа көмек көрсету. Төтенше және оқыс жағдайлар туындай қалғанда қоңырауларға жауап беру арқылы өзекті мәселелерді өз уақытында құзырлы органдардың назарына жеткіземіз.Шын мәнінде, 109 және 112 желісі қызылордалықтардың сенімді байланыс арнасына айналып келеді.5 жыл ішінде біз облыс әкімдігінің тұрақты қолдауын сезініп келеміз.Тоқтаусыз тіршілік арасында жарық өшеді, құбыр жарылады, су тоқтап, газ берілмей қалады. Ұсақ бұзушылықтар орын алып, қоғамдық тәртіптер де бұзылады. Кейде өрт оқиғасы да көрініс табады.Мұндай кезде халыққа бірінші кезекте дұрыс ақпарат жетуі керек. Сондықтан да 24/7 режимде жұмыс істейтін диспетчерлер қоңырауларды тіркеп, әрбір сауалды сала-сала бойынша жіктейді. Мұндай сәтте операторлардың жұмысы екі есе қызады.Мәселен, күніге орта есеппен бізге әртүрлі деңгейдегі 400-ге жуық қоңырау түседі.Әр жұмыстың қызығымен қатар қиындығы да бар. Кейде наразы көңілдегі азаматтар да хабарласады. Мұндайда диспетчерлер стресттік жағдайлардан шыға біліп, телефон тұтқасында тұрған тұрғындардың көңілін табуға тырысады.<img src="https://knadmin.beoblood.kz/uploads/Whats_App_Image_2025_04_14_at_11_38_44_116604fd63.jpeg" alt="WhatsApp Image 2025-04-14 at 11.38.44.jpeg">- Тәулігіне төрт жүз қоңырау түседідедіңіз. Қызылордалықтар 109 және 112-гекөбінесе қандай шағымдармен хабарласады?- Басым бөлігі – коммуналдық мәселелер. Ал, 112-ге оқыс оқиғалар орын алған кезде ғана хабарласады.Ауа-райының қолайсыздығынан мөлтек аудандарда жарық өшіп қалады. Жоспарлы су жөндеу шаралары кезінде де уақытша қиындықтар туындайтыны рас. Мұндай кезде біз коммуналдық мекемелердің мамандары ақауларды жөндегенше тұрғындарды сабырға шақырып, қажетті ақпаратпен хабардар етеміз.Әр апта сайын қоңырауларға талдау жүргіземіз. Ең көп шағымдарды бірнеше бағыттарға бөлдік.Мәселен, өткен жылы 112-ге 122 651 қоңырау, ал 109-ға 167 237 қоңырау түсті. Оның ішінде жарықтандыруға қатысты – 72 379, ауыз су бойынша – 31 196, жылу беру жүйесіне қатысты – 19 206, табиғи газ қызметіне қатысты – 12&nbsp;512 және тағыда басқа коммуналдық мәселелерге қатысты қоңырау шалынды.Бізге тұрақты түрде қоңырау шалатын азаматтар бар. Мысалы, Мерей мөлтек ауданында тұратын зейнеткер тұрғын 109-ға хабарласу арқылы өзінің ғана емес тұтас ықшам ауданға ортақ коммуналдық мәселелердің шешуіне ықпал етіп жүр. Мұндай мысалдар жеткілікті.Туған жерімізге жанашырлықпен қарайтын жерлестеріміз аз емес. Көше бойында үйілген қоқысты, құлаған ағашты, ашық жатқан құдықты көрсе бізге қоңырау шалып, ортақ іске үн қостын тұрғындарымыз да бар.Операторларымыз әрбір қоңырауды елеусіз қалдырмайды. Себебі бізге адамдар қолы бостықтан хабарласпайды. Мейлінше, көмек беруге, жылы сөйлеуге және нақты ақпарат беруге тырысамыз. Көптің алғысына да бөленіп жатқан сәттеріміз аз емес.- Жасыратыны жоқ, Қызылордада нөсерлі жаңбыр жауып, дауыл тұрса жарық өшетіні бар. Соңғы аптада өзіміз де көрдік, көз аштырмайтын құмды дауылдың әсерінен бірнеше мөлтек аудандардағы көпқабатты үйлер жарықсыз қалды. Бұл жағдай кезінде сіздің орталықты сынағандар да аз болмады. «109-ға хабарласу қиын, операторлар алмайды» деген пікірлерді естідік. Осы мәселенің түбін зерттеп көрдіңіздер ме?- Жұмыс бар жерде сын қатар жүреді. Біз үшін әрбір қоңырау бағалы, әрбір пікір қымбат.Біз үнемі екіжақты жұмыс жүргіземіз. Жауапты коммуналдық ұйым мамандары ақау орын алған аймаққа барып, мәселенің мән-жайын анықтап, бізге ақпарат ұсынады. Тұрғындарға ақаудың неліктен орын алғанын баяндасақ, халық өтініші арқылы жауапты мекемелерге қосымша тағы қай аумақта жарық өшкенін, су тоқтағанын жеткіземіз. Қарап тұрсаңыз, 109 халық пен коммуналдық мекеме арасын жалғайтын байланыс көпірі іспетті.Бұрынғыдай емес, аймақ басшысының қолдауымен қазір тозығы жеткен жылу және кәріз жүйелері толықтай жаңартылып жатыр. Көптеген жолдар жөңделіп, ескі құбырлар жаңаруда. Бұл өз кезегінде шағым айтып хабарласатын тұрғындардың қоңырауларын едәуір азайтты.Біз қазір коммуналдық проблемалар мен төтенше жағдайларды бөліп қарастыратын арнайы карта әзірледік. Мұнда қала ішіндегі ықшам аудан, көшелердің қайсысында жиі ақау барын түстермен белгілейміз және оны графикаға енгіземіз. Сәйкесінше, құзырлы мекемелер жоспарлы тексерістер жүргізеді. Мұндай қадам екі тарапқа да тиімді.Ал, қоңырауларға келер болсақ, операторлар 1 күнде шамамен 400-денаса жазба түсіреді.Қала аумағында үлкен ақау орын алған сәттерде 3000-ға дейін қоңыраулар келеді. Бір желіге бір уақытта бірнеше қоңырау қатар түскеннен кейін сигналдар бір-бірінің үстіне қабаттасады. Мұндай сәтте операторларымыз жауап беріп үлгермей қалады. Себебі біз жансыз автожауап қосып қоя салатын немесе робот қызметін пайдаланатын орталық емеспіз. Кезекшілікте тұратын диспетчерлер әрбір сауалды жазып, тіркеп алады.Әр қоңырауда айтылған мәселелердің өз мерзімдері бар. Операторлар бекітілген алгоритм аясында жұмыс істейді.<img src="https://knadmin.beoblood.kz/uploads/112_s_hbat_3jpeg_f5f0d537a6.jpeg" alt="112 сұхбат 3jpeg">- Адамдар шынайы алғысын білдіріп жататын кездер аз емес дедіңіз. Call орталық тек қоңырауларға жауап берумен шектеледі ме?- Орталық болғаннан кейін бір функциямен отыра беруге де болмайды.Бізде «AMANAT» партиясы жанындағы «Жастар рухы» қозғалысымен екіжақты келісім бар. Ерікті жастардың әлеуетін қоғамдық игілікке тарту бағытында бірлескен жобаны жүзеге асырамыз. Яғни бізге мүгедектігі бар немесе жүріп-тұруы қиын қариялар, азаматтар түрлі көмектер сұрап хабарласады. Жас волонтерлар қариялардың үйіндегі тал кесу, үй ауласын тазалау, қоқыстарды шығару сындыжұмыстарды атқаруға ниет танытады. Бұл жұмыс бірреттік науқандармен шектелмейді.2024 жылы біздің операторлар 100-ге жуық тұрғыннан қоңырау қабылдап, игі іске дәнекер болды.Тағы бір бағыт. Орталығымыз республикада алғашқы болып «QazaqGaz «Ұлттық компаниясы» акционерлік қоғамы меморандум жасады. Бұрын тұрғындар газға қатысты шағымдарды «104» желісіне бағыттап келсе, енді «109-ға» қоңырау шалу арқылы мәселесін айтуға мүмкіндігі бар.Өткен жылы бірқатар мекемелермен меморандумға қол қойдық. Сайлау процесі кезінде де 109 негізгі оператор ретінде жұмыс істейді.Алдағы уақытта біз қызмет аясын кеңейтуді және цифрлық мүмкіндіктер шеңберінде жаңа жобалар жасауға дайынбыз.Полиция департаментіменбірге ынтымақтастық орнату жоспарымызда бар.- Сұқбатыңызға рақмет!<figure class="image"><img src="https://knadmin.beoblood.kz/uploads/Whats_App_Image_2025_04_14_at_11_39_20_6d74765ded.jpeg" alt="WhatsApp Image 2025-04-14 at 11.39.20.jpeg"></figure>СұқбаттасқанАйдос МЫРЗАЛЫФото: автордан

Темірхан Мұқанғали: «Біз үшін әр қоңырау бағалы, әрбір пікір қымбат»

<a href="https://kyzylorda-news.kz/">Kyzylorda-news.kz</a> Елімізде экологиялық жағдайды жақсартуда заманауи әрі қолжетімді озық технологиялар енгізілуде. Полиция департаменті экологиялық мәдениетті сақтау және қоғамдық тәртіпті күшейтуге қатысты цифрлық жобаларды енгізуде.Полицейлер Қызылорда қаласындағы қоғамдық қауіпсіздікті қамтамасыз ету, қоғамдық орындарды ластау фактілерін анықтау мақсатында Жедел басқару орталығы арқылы 272 дана бейнебақылау камерасымен жұмыс жасауда.Енді департамент экологиялық құқық бұзушылықты алдын алуға мүмкіндік беретін камералар желісін көбейтуді жоспарлап отыр.Тәртіп сақшылары облыс көлеміндегі елді мекендерде қалдықтарды жою, абаттандыру қағидаларын бұзудың алдын алу бойынша тиісті профилактикалық шаралар ұйымдастыруда. Оның ішінде ортақ пайдалану орындарын ластау, абаттандыру қағидаларын бұзу, стихиялық қоқыс орындарын және олардың пайда болу көздерін анықтау және алдын алу жұмыстары қарқынды жүргізілуде.Жыл басынан бері полицейлер аталған бағытта 5508 әкімшілік құқық бұзушылықты анықтады. Қоғамдық тәртіпті сақтау саласында өңірде жасанды интеллект элементтері кеңінен қолданылуда.Полиция басқармасы Жедел басқару орталығының 40 дана бейнебақылау камерасына пилоттық режимде жаңа жүйе орнатылды. Бұл бейнебақылау камераларының бейне ағынын өңдеуді және талдауға мүмкіндік береді.<blockquote>«Жыл соңына дейін облыс әкімінің тапсырмасына сәйкес, тұрғындардың қауіпсіздігі мен қала тазалығын қамтамасыз ету мақсатында 1400 бейнебақылау камерасы орнатылып, жасанды интеллектісі бар жаңа жүйе арқылы қоғамдық орындарды ластау фактісін автоматты түрде анықтау функциясы толық іске қосылады» дейді Қызылорда облысының Полиция департаменті бастығының орынбасары Ибадулла Сабит Ибадуллаұлы.</blockquote>Еске салайық, республикада алғаш рет облыс әкімі қолдауымен 2024 жылы барлық 7 аудан орталығына 539 бейнебақылау камерасы орнатылып, аудандық Полиция бөлімдеріне жаңадан кіші жедел басқару орталықтары қолданысқа берілген. Яғни, тұрғындардың қауіпсіздігі мен тазалықты қамтамасыз ету мақсатында әр аудан орталықтарыда бейнебақылаумен жұмыс жасауда.<img src="https://knadmin.beoblood.kz/uploads/1_5262f75a14.jpg" alt="1.jpg">Фото: Нұрболат Нұржаубай

Қызылордада экологиялық құқық бұзушылықтарды тіркейтін камералардың саны артады

<a href="https://kyzylorda-news.kz/">Kyzylorda-news.kz</a> Соңғы жылдардағы ірі төтенше жағдайлар азаматтық қоғамның, атап айтқанда, еріктілер мен волонтёрлердің төтенше жағдайлардың алдын алу және салдарын жою жүйесіндегі рөлінің маңыздылығын айқын көрсетті.Бүгінгі таңда Төтенше жағдайлар министрлігі 47 мыңға жуық еріктіні біріктіретін 136 волонтёрлік ұйыммен өзара ынтымақтастық орнатқан.Еріктілер кәсіби құтқарушылар мен өрт сөндірушілер үшін нақты көмекке айналуда. Бұл әсіресе жастар арасында өзекті, себебі волонтёрлік ұйымдар болашақтағы ТЖ саласының кадрлық резервін қалыптастырады. Министрлік волонтёрлік ұйымдармен бірлесіп, жұмыс бағытын үш негізгі сала бойынша ұйымдастырады: табиғи апаттардан зардап шеккендерге көмек көрсету (гуманитарлық қолдау қоса алғанда), төтенше жағдайлардың алдын алу және салдарын жоюға қатысу, сондай-ақ хабар-ошарсыз кеткен азаматтарды іздеу-құтқару жұмыстарына қатысу.<figure class="image"><img src="https://knadmin.beoblood.kz/uploads/whatsapp_image_2025_05_14_at_09_54_54_8e4871e3c7.webp" alt="whatsapp-image-2025-05-14-at-09.54.54.webp"></figure>Министрлік салалық волонтёрлікті белсенді түрде дамытып келеді. Бұл бағыттағы жарқын мысал ТЖ саласындағы еріктілердің алғашқы республикалық форумы, ол оқу-жаттығу полигоны базасында өткізілді. Сонымен қатар, ТЖМ волонтёрлік туралы тәжірибесін халықаралық еріктілер форумында «ТЖ саласындағы волонтёрлік» тақырыбындағы панельдік сессия аясында ұсынды.2024 жылы Қостанай облысында мобильді ерікті топтарды құру бойынша пилоттық жоба іске қосылды. Бұл топтар ТЖМ-нің кәсіби авариялық-құтқару бөлімшелеріне ұқсас түрде арнайы дайындықтан өтті, оған физикалық даярлық та кірді. Биылдан бастап мұндай топтар еліміздің әрбір өңірінде құрыла бастайды. Бұл еріктілер жұмысының жүйелі болуын қамтамасыз етіп, төтенше жағдайлар кезінде бейберекет волонтёрліктің алдын алуға мүмкіндік береді.Аталған жоба 2024 жылы Астана қаласында өткен Азиядағы өзара іс-қимыл және сенім шаралары жөніндегі кеңес (АӨСШК) жанындағы Жастар кеңесінің шеңберінде ұйымдастырылған волонтёрлік қозғалыстар көшбасшыларының слетінде таныстырылып, 2024–2026 жылдарға арналған волонтёрлікті дамыту және қолдау жөніндегі Жол картасына енгізілді.<figure class="image"><img src="https://knadmin.beoblood.kz/uploads/whatsapp_image_2025_05_14_at_09_54_53_8a8ec01577.webp" alt="whatsapp-image-2025-05-14-at-09.54.53.webp"></figure>Еріктілердің ірі төтенше жағдайлар кезінде, атап айтқанда, 2024 жылғы су тасқыны кезінде және Қостанай мен Абай облыстарындағы ірі орман өрттерін сөндіру кезінде көмек көрсетуі ерекше атап өтерлік жағдай. Олардың қатысуы зардап шеккендерге жедел көмек көрсетіп, салдардың жойылуына елеулі үлес қосты.ТЖМ еріктілер қозғалысына ақпараттық қолдау көрсетуді де жолға қойған. Министрліктің ресми сайтында волонтёрлікке арналған бөлім жұмыс істейді: онда тіркеуден өтуге, нормативтік құжаттармен танысуға және өзекті ақпарат алуға болады. Бұдан бөлек, жыл сайын шамамен 2 мың волонтёрлік ұйымдардың жетекшілері мен үйлестірушілері оқудан өтеді.Еріктілер нақты тәжірибелік жұмыстарға да белсенді тартылады. Олар іздеу-құтқару жұмыстарына, шомылу маусымы, өрт қауіпті және жылыту кезеңдеріндегі алдын алу шараларына, сондай-ақ ТЖМ ұйымдастыратын түрлі әлеуметтік акциялар мен іс-шараларға қатысады.Қазақстан Республикасының Президенті атап өткендей, мемлекеттік органдар волонтёрлердің әлеуетін тиімді пайдалану бағытында белсенді жұмыс жүргізуі қажет. Осыған орай, Төтенше жағдайлар министрлігі волонтёрлік ұйымдармен өзара іс-қимылды нығайтып, төтенше жағдайлардың алдын алу мен салдарын азайтуға бағытталған әріптестікті одан әрі дамытатын болады.Фото: ҚР Төтенше жағдайлар министрлігі

ТЖМ еріктілерінің жұмысы жүйелі

<a href="https://kyzylorda-news.kz/">Kyzylorda-news.kz</a> Қызылордадағы Тәуелсіздікке 25 жыл даңғылының бойында қазақтың батырлары мен би-шешендері бейнеленген көрнекі картиналар тізбегі пайда болды.Оның авторы&nbsp;— суретші Мұхит Мырзалиев.&nbsp;<figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_9ba1979a1c.jpg" alt="Фото Мұхит МЫрзалиевтің жеке архивінен..jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_d5958369ac.jpg" alt="Фото Мұхит МЫрзалиевтің жеке архивінен...jpg"></figure>Биыл қаладағы үлкен даңғыл қайта жаңғыртылып жатыр. Сурет салу жобада қаралмаған болса да демеуші есебінен көз қуантарлық іс жасалды.&nbsp;<figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_7201f64005.jpg" alt="Фото Мұхит МЫрзалиевтің жеке архивінен....jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen3_fab7e85074.jpg" alt="Фото Мұхит МЫрзалиевтің жеке архивінен3.jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen2_64a1287a9c.jpg" alt="Фото Мұхит МЫрзалиевтің жеке архивінен2.jpg"></figure>Оған Алматыдан ағайынды суретшілер Мұхит Мырзалиев, Глеб Ақанаев және Серафим Ивашинин тартылды.&nbsp;<figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen4_95afce8986.jpg" alt="Фото Мұхит МЫрзалиевтің жеке архивінен4.jpg"></figure><blockquote>— Тапсырыс берушінің тілегіне байланысты Жалаңтөс баһадүр, Баймұрат, Келменбет, Алпамыс, Бұқарбай, Қобыланды батырлардың суретін салдық. Одан бөлек, графити стилінде Қазыбек, Әйтеке және Төле билер, Қорқыт атаның қобыз тартып отырған сәті бейнеленген. Суретті көшеден көрген соң балалар мен жастарда «бұлар кім?» деген сұрақ туып, ізденуі мүмкін. Солардың қызығышулығын арттыру үшін ашық, жарқын түстерді пайдаландық, — деді Мұхит Мырзалиев.&nbsp;</blockquote>Суретші жұмыс барысы туралы егжей-тегжей айтып берді.&nbsp;<figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen7_0c7d72018d.jpg" alt="Фото Мұхит МЫрзалиевтің жеке архивінен7.jpg"></figure><blockquote>—&nbsp;200 шаршы метр аумақ, ауқымды жұмыс. Негізі екі аптадай уақыт жететін. Бірақ біресе қатты жел соғып, біресе жаңбыр жауып бөгет болды. Қосымша құрылыс та&nbsp;қол байлап, жұмысты қоя тұруға тура келді. Сонымен жоба үш аптаға созылды. Сурет салу кезінде америкалық стандартқа сай келетін аэрозольді бояу пайдаландық. Ерекшелігі, ол&nbsp;ыстыққа да, суыққа да&nbsp;төзімді. Әдетте зауыт өнім сапасы үшін 5 жылға кепілдік береді. Бірақ одан да&nbsp;ұзаққа шыдайтынына жеке тәжірибемде көз жеткізгенмін. Мысалы, Алматыдағы өзім тұратын үйдің қабырғасындағы суреттің сол күйі тұрғанына 12 жылдан асты,&nbsp;— деді ол.&nbsp;</blockquote><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_ee7f720757.jpg" alt="Фото Мұхит МЫрзалиевтің жеке архивінен.jpg"></figure>Мұхит Мырзалиевтің қос атасы — қазақ әдебиеті мен көркемсурет өнерінің көрнекті өкілдері. Өз атасы — ақын, Қазақстанның халық жазушысы Қадыр Мырзалиев болса, нағашы атасы — кескіндемеші, Қазақстанның еңбек сіңірген қайраткері Амандос Ақанаев. Суретшілік оған нағашы жұртынан дарыса керек. Бір сөзбен айтсақ, суретшілер әулеті. Өзі — графити және мурал өнерінің шебері. Туындыларының көбі Алматының төрінде тұр.&nbsp;<figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen5_f8f07fc302.jpg" alt="Фото Мұхит МЫрзалиевтің жеке архивінен5.jpg"></figure>Жуырда С. Айтбаев атындағы Қызылорда көркемсурет галереясының қорындағы картиналардың біріне жасанды интеллект&nbsp;жан бітірді.<figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen6_8a249c36fa.jpg" alt="Фото Мұхит МЫрзалиевтің жеке архивінен6.jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_5a263f276c.jpg" alt="Фото Мұхит МЫрзалиевтің жеке архивінен......jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_504834c779.jpg" alt="Фото Мұхит МЫрзалиевтің жеке архивінен.......jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_df902a669f.jpg" alt="Фото Мұхит МЫрзалиевтің жеке архивінен.....jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_c5877f84cd.jpg" alt="Фото Мұхит МЫрзалиевтің жеке архивінен........jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_4f626ee400.jpg" alt="Фото Мұхит МЫрзалиевтің жеке архивінен......................jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_e0282ea5ca.jpg" alt="Фото Мұхит МЫрзалиевтің жеке архивінен.............jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_05ad36c924.jpg" alt="Фото Мұхит МЫрзалиевтің жеке архивінен..........jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_a65b0367f4.jpg" alt="Фото Мұхит МЫрзалиевтің жеке архивінен.............................jpg"></figure><figure class="image"><img src="https://knadmin.beoblood.kz/uploads/Foto_M_hit_M_Yrzalievti_zheke_arhivinen_57eb143962.jpg" alt="Фото Мұхит МЫрзалиевтің жеке архивінен............................jpg"></figure>&nbsp;<a href="https://kaz.inform.kz/news/kadir-mirzalievtn-nemeres-kizilordada-batirlar-men-bilerdn-suretn-saldi-191044/">KAZINFORM</a>Фото: Мұхит Мырзалиевтің жеке архивінен

Қадыр Мырзалиевтің немересі Қызылордада батырлар мен билердің суретін салды 

<a href="https://kyzylorda-news.kz/">Kyzylorda-news.kz</a> Ішкі істер министрлігі Қазақстан Республикасы азаматының паспортының ресімделу, берілу, ауыстырылу, тапсыру, алып қою және жою қағидаларына өзгерістер енгізуді көздейтін бұйрық жобасын әзірледі. Құжат жобасы «Ашық НҚА» порталында жарияланды.<blockquote>- Қазір жарамсыз құжаттарды қайта пайдалану фактілері анықталып жатыр. Осы секілді фактілерді болдырмау мақсатында, жаңа паспортты ресімдеу кезінде ескі паспортты дереу алып қою ұсынылады. Ал паспортты уақытша пайдалану қажет болған жағдайда (жаңасын алғанға дейін) азаматтарға себебін көрсете отырып, ерікті өтініш жазу негізінде ескі паспортты қолында қалдыру мүмкіндігі беріледі, - делінген құжат мәтінінде.</blockquote>Сондай-ақ Ішкі істер министрлігі аталған жобаны қабылдау теріс әлеуметтік-экономикалық және құқықтық немесе өзге де салдарларға әкеп соқпайтынын, сондай-ақ ұлттық қауіпсіздікке теріс әсер етпейтінін хабарлап отыр.Құжат жобасы 2025 жылғы 26 мамырға дейін қоғамдық талқылауға ұсынылды.Айта кетейік, Қазақстанда паспорттың 3 түрі қолданылады: жалпы азаматтық, қызметтік және дипломатиялық.Источник: <a href="https://kaz.inform.kz/news/end-kazakstandiktar-zhana-pasport-alganda-esksn-tapsiradi-d1198b/https://kaz.inform.kz/news/end-kazakstandiktar-zhana-pasport-alganda-esksn-tapsiradi-d1198b/">Kazinform</a> Фото polisia.kz

Енді қазақстандықтар жаңа паспорт алғанда, ескісін тапсырады

<a href="https://kyzylorda-news.kz/">Kyzylorda-news.kz</a> Қызылорда қаласындағы №3 емханада жоғары ажыратымдылықтағы УДЗ аппараты ауруларды ерте кезеңде анықтауға көмектеседі. МӘМС жүйесінің аясында ультрадыбыстық зерттеу қолжетімді әрі сапалы медициналық көмектің ажырамас бөлігіне айналды.38 жастағы Жарасхан Бегімбаев бүйрек тұсындағы ауырсынуға шағымданып, емханаға жүгінді. Учаскелік дәрігер пациентті УДЗ-зерттеуге жолдады.<blockquote>— Жұмыс істеймін, МӘМС жүйесінде сақтандырылғанмын. Тиісінше, медициналық қызметтерді тегін аламын. Қуантатыны – қазір УДЗ-ге кезек жоқ. Жолдама берілді, бірден тексеруден өттім. Медициналық сақтандыру арқылы көптеген қызметтер қолжетімді, – дейді Жарасхан.</blockquote>Емханада үш УДЗ аппараты жұмыс істейді. Соның бірі – заманауи Samsung Medison HERA W10 құрылғысы. Бұл аппарат анық бейнелеуді және жетілдірілген визуализацияны қамтамасыз етеді.<blockquote>— Аталған құрылғы арқылы жүктілік кезіндегі скрининг, жүрек, сүт бездері, барлық ішкі ағзалар бойынша зерттеулер жүргіземіз. Сондай-ақ, қатерлі түзілістерге күмән болғанда толық тексеру өткіземіз. Әрине, МӘМС аясында ультрадыбыстық зерттеудің қолжетімді болуымен ауруларды ерте анықтау деңгейі артты. Бұл әсіресе әлеуметтік осал топтар үшін өте маңызды, – дейді УДЗ дәрігері Айнұр Тұрманова.</blockquote><figure class="image"><img src="https://knadmin.beoblood.kz/uploads/OSMS_2_64d23846ab.jpg" alt="ОСМС2.jpg"></figure>

Ультрадыбыстық диагностика: МӘМС жүйесінің аясында қолжетімділік

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазақстанда картоп бағасын негізсіз көтергендерге айыппұл салынды, деп хабарлайды BAQ.KZ Сауда комитетіне сілтеме жасап.</h4>Сауда және интеграция министрлігінің мәліметінше, картопқа сауда үстемесін 15%-дан асырып жібергені үшін 505 әкімшілік іс қозғалды, оның 41-і бойынша жалпы сомасы 2,6 миллион теңгеден асатын айыппұл салынған. Қалған 464 жағдай бойынша ескерту берілген.Жалпы алғанда, жыл басынан бері министрліктің аумақтық департаменттері әлеуметтік маңызы бар азық-түлік тауарларына (ӘМАТ) байланысты 1585 әкімшілік қаулы шығарған. Оның ішінде 396 жағдайда 24 миллион теңгеге жуық айыппұл салынып, 1189 ескерту жасалған.Сауда үстемесін асыруды болдырмау мақсатында делдалдық схемаларды тергеу жөніндегі өңірлік комиссиялар 303 отырыс өткізген. Соның нәтижесінде өнімсіз делдалдардың қатысуымен 1164 жағдай анықталып, 1079 әкімшілік қаулы шығарылған. 85 делдал тауар жеткізу тізбегінен шығарылды.Министрлік әлеуметтік маңызы бар азық-түлік бағасын бақылау және заң бұзушылықтарға жол бермеу жұмыстарын жалғастыра беретінін мәлімдеді.Фото Нурболат Нуржаубай

Қазақстан және Қызылорда облысының жаңалықтары