<a href="https://kyzylorda-news.kz/">Kyzylorda-news.kz</a> Астана қаласында студенттік өзін-өзі басқару көшбасшылары мен белсенді жастардың қатысуымен «Конституциялық реформа - елдің ұзақ мерзімді дамуының негізі» тақырыбында диалог алаңы өтті. Жиынның басты нәтижесі ретінде қатысушы жастар еліміздің Негізгі Заңына енгізілетін өзгерістерді толықтай қолдап, арнайы мәлімдеме жасады. &nbsp; &nbsp;<blockquote>«Ауыл» партиясының Орталық аппаратында өткен басқосуда Мемлекет басшысы Қасым-Жомарт Тоқаев жариялаған саяси жаңғырулардың қорытынды кезеңі - жаңа Конституция жобасы кеңінен талқыланды. Жиынды ашқан «Ауыл» партиясы Орталық аппарат басшысының орынбасары Нұрхат Ораш жаңа құжаттың идеологиялық маңызына тоқталды. Оның айтуынша, Конституция жобасы «Заң мен тәртіп», «Адал азамат» және «Таза Қазақстан» тұжырымдамаларын заңдық деңгейде бекітеді. «Бұл құжат - жай ғана құқықтық ережелер жинағы емес, бұл - «Әділетті Қазақстанның» жаңа философиясы. Жаңа Конституцияда вице-президент институтын енгізу және Құрылтайдың жаңа архитектурасын қалыптастыру - билік сабақтастығы мен ұлттық басқару дәстүрінің заманауи үйлесімі»,- деп атап өтті Н. Ораш. &nbsp;</blockquote>Диалог алаңында тек талқылау ғана емес, жастардың саяси ұстанымы нақтыланды. Еуразия ұлттық университеті, Қорқыт Ата атындағы Қызылорда университеті және Қазақ ұлттық спорт университетінің студенттік көшбасшылары реформаларға қатысты өз көзқарастарын білдірді. &nbsp; &nbsp; &nbsp; &nbsp;Жиынға қатысушы студенттік ұйымдардың лидерлері мен белсенді жастар Конституцияның жаңа жобасын толықтай қолдайтындықтарын білдірді.Көшбасшылар бұл реформаны елдің демократиялық бағытын айқындайтын және азаматтық қоғамды нығайтатын тарихи қадам ретінде бағалады. Студенттер атап өткендей, жаңа Конституция адам капиталына, білім мен инновацияға басымдық бере отырып, жас буын үшін жаңа әлеуметтік лифтілер мен құқықтық кепілдіктер ашады. &nbsp; &nbsp; &nbsp; &nbsp;Сарапшылар мен саясаттанушылар Д.Прімбетов, Е.Елемес реформа аясындағы бір палаталы Парламент пен партиялық жүйенің жандануы саяси мәдениетті жаңа деңгейге көтеретінін алға тартты. &nbsp;&nbsp;Сондай-ақ, негізгі Заңға өзгерістер енгізудің тек бүкілхалықтық референдум арқылы жүзеге асуы - мемлекеттік тұрақтылықтың басты кепілі екені айтылды. &nbsp; &nbsp; &nbsp; &nbsp; &nbsp;Жиын соңында қатысушылар жаңа Конституция – өткенді саралап, болашаққа нық қадам жасауға мүмкіндік беретін стратегиялық таңдау деген ортақ байламға келді.

Конституциялық реформа - елдің ұзақ мерзімді дамуының негізі

<a href="https://kyzylorda-news.kz/">Kyzylorda-news.kz</a> Қазақстанның бірнеше өңірінде мектеп директорлары, әдіскерлер мен пән мұғалімдеріне арналған интеллектуалдық онлайн-кездесулер өтті. Іс-шаралар барысында қатысушылар жасанды интеллект құралдарын практикада қолдану жолдарымен танысты, сондай-ақ 2026–2027 оқу жылына арналған жаңа оқулықтар мен цифрлық білім беру өнімдері ұсынылды.Интеллектуалдық кездесулер&nbsp;Arman-PV&nbsp;баспасының бастамасымен ұйымдастырылды. Кездесулердің негізгі мазмұны педагогтер мен мектеп басшыларына жасанды интеллект құралдарын нақты жұмыс барысында қолдануды үйретуге, сондай-ақ баспа дайындап жатқан жаңа буын оқу материалдарымен таныстыруға бағытталды.Кездесулер барысында қатысушылар жасанды интеллект құралдарын оқу материалдарын әзірлеу, құжаттармен жұмыс істеу, оқу үдерісіне арналған цифрлық контент жасау бағыттарында қолдану жолдарымен танысты. Іс-шаралар теориялық баяндама форматымен шектелмей, қолдануға болатын нақты білім мен практикалық тәжірибеге негізделді.Іс-шаралар Астана қаласында, Жамбыл облысында, Шығыс Қазақстан облысында, Ақтау қаласында, сондай-ақ басқа да өңірлерде өтті. Ұйымдастырушылардың мәліметінше, интеллектуалдық кездесулерге мыңға жуық қатысушы қамтылған. Бұл тақырыптың өзектілігін және ұсынылған мазмұнға деген қызығушылықтың жоғары екенін көрсетеді.Кездесулер аясында қатысушылар&nbsp;Arman-PV&nbsp;баспасы әзірлеген 2026–2027 оқу жылына арналған оқулықтармен, оқу-әдістемелік кешендермен және цифрлық білім беру өнімдерімен танысты. Материалдар қандай сыныптарға арналғаны және оларды цифрлық форматта қалай қолдануға болатыны нақты түсіндірілді.Атап айтқанда, 3–4 сыныптарға арналған Қазақ тілі, Русский язык, Литературное чтение, Математика, Познание мира, Дүниетану пәндері бойынша цифрлық оқулықтар ұсынылды. Сонымен қатар 8–9 сыныптарға арналған Қазақ тілі, Қазақ әдебиеті, Русский язык, Физика, География пәндері бойынша оқу материалдары таныстырылды. Аталған оқулықтар оқу процесінде электрондық форматта пайдалануға бейімделіп әзірленген.Сонымен бірге кездесулер барысында қатысушылар Ekitap.kz цифрлық платформасының мүмкіндіктерімен танысты. Платформа арқылы баспа дайындаған электрондық оқулықтар мен цифрлық контентті мектеп тәжірибесінде қолдану жолдары көрсетілді.Айта кетейік, интеллектуалдық кездесулер қазіргі уақытта да жалғасып жатыр. Алдағы кезеңде баспа өкілдері өңірлерге офлайн форматта барып, тікелей кездесулер өткізуді жоспарлап отыр. Бұл кездесулерде практикалық жұмысқа және педагогтермен бетпе-бет пікір алмасуға басымдық берілмек.

 Қазақстан өңірлерінде жасанды интеллект бойынша интеллектуалдық кездесулер өтті

<a href="https://kyzylorda-news.kz/">Kyzylorda-news.kz</a> Былтыр Қызылорда облысы үшін табысты жыл болды. &nbsp;Экономиканың дамуын айқындайтын негізгі макроэкономикалық көрсеткіштер бойынша тұрақты өсім қалыптасты. Өңір экономикасын әртараптандыру мақсатында 300 млрд теңгеден астам қаржыға 27 инвестициялық жоба жүзеге асырылды. Бұл туралы Қызылорда облысы әкімінің бірінші орынбасары Данияр Жаналинов өңірлік коммуникациялар қызметінің баспасөз алаңында баяндады.&nbsp;Спикер бұқаралық ақпарат құралдары өкілдеріне арналған баспасөз конференциясында өңірдің 2025 жылы атқарған жұмыстары мен алдағы жоспарларына кеңінен тоқталды.<blockquote>«Біздің басты міндетіміз - өңірдің әлеуметтік-экономикалық дамуын қамтамасыз ету, жаңа жұмыс орындарын ашу, сапалы медициналық көмек көрсету және тұрғындарға қолайлы өмір сүруге жағдай жасау. Алдағы үш жылда, яғни 2026-2029 жылдар аралығында, өңірде 48 инвестициялық жобаны жүзеге асырып, 10,3 мың жаңа жұмыс орнын ашу жоспарланып отыр. Биылдың өзінде 21 жобаны іске қосу көзделген. Оның ішінде агроөнеркәсіп кешеніне - 5, өнеркәсіп саласына - 6, қызмет көрсету саласына - 10 жоба тиесілі. Атап айтқанда, қуаттылығы 3,5 мың тонналық құс фабрикасы, 5,2 мың тонналық тауарлы сүт фермасы, «Pana» қонақ үйі, қағаз және картон өндіру кәсіпорны, сондай-ақ жалпы қуаттылығы 50 мегаватт болатын екі күн электр станциясы пайдалануға беріледі, - деді Данияр Еренғалиұлы.</blockquote>Сонымен қатар, 14 ірі жобаның құрылысы басталмақ.&nbsp;<blockquote>«Өткен жылы тұрмыстық қатты қалдықтарды сұрыптау кешені мен «Rixos» қонақ үйінің құрылысы қолға алынды. Ал «Табиғи тас Қызылорда» серіктестігі жылына 1,1 млн тонна әк өндіретін зауытты биыл іске қоспақ. Жақын арада «Шалқия» кен-байыту фабрикасы мен «Seven Rivers» компаниясының шыны бөтелке шығаратын зауытының құрылысы басталады. Сондай-ақ, испандық «Roca Group» компаниясымен санитарлық-техникалық бұйымдар шығаратын жоғары технологиялық зауыт салу жөнінде инвестициялық келісімге қол қойылып, биыл құрылыс жұмыстары жүргізіледі, - деді облыс әкімінің орынбасары.&nbsp;</blockquote>Қызылорда облысының аумағында «Ауылдық денсаулық сақтауды жаңғырту» ұлттық жобасы аясында 6 жоба сәтті жүзеге асырылды.<blockquote>«Ұлттық жоба аясында Арал, Қазалы, Шиелі және Жаңақорған аудандарындағы көпбейінді аудандық ауруханаларда қосымша құрылыстар жүргізіліп, Шиелі мен Арал аудандарында жұқпалы аурулар бөлімшелерінің жаңа ғимараттары пайдалануға берілді. Сонымен қатар, Жаңақорған және Арал аудандарында «Қамқорлық» балаларды оңалту орталықтары ашылды. Облыстық көпбейінді балалар ауруханасы жанынан «Қамқорлық» ерте араласу оңалту орталығы іске қосылып, ерекше күтімді қажет ететін балаларға көрсетілетін қызмет сапасы айтарлықтай артты. Облыс орталығында да ірі медициналық нысандардың құрылысы қарқынды жүргізілуде. Бір ауысымда 100 келушіні қабылдайтын емханасы және онкологиялық бөлімшесі бар 300 орындық көпбейінді аурухананың құрылысы жоспарға сай жүзеге асуда. Былтыр денсаулық сақтау саласында 12 нысанға күрделі жөндеу жұмыстары жүргізілді, - деді Данияр Еренғалиұлы.&nbsp;</blockquote>Алдағы кезеңге арналған жобалар да назардан тыс қалмады. Қызылорда қаласының Сырдария өзенінің сол жағалауында 500 келушіге арналған қалалық емхана, ауысымына 400 келушіге арналған №5 қалалық емхана және Арал қаласында ауысымына 250 келушіге арналған емхана құрылыстарының жобалық-сметалық құжаттамалары әзірленіп, мемлекеттік сараптаманың оң қорытындысы алынды. Жақын уақытта аталған нысандардың құрылысы басталмақ.&nbsp;<blockquote>«Қызылорда қаласында 200 төсек-орынға арналған перинаталдық орталық салу үшін типтік жобаны қайта қолдану арқылы демеушілер есебінен жобалық-сметалық құжаттама дайындалуда. Өңірдің денсаулық сақтау ұйымдарын материалдық-техникалық жарақтандыру мәселесіне де ерекше көңіл бөлінуде. Соңғы үш жылда медициналық мекемелерге қажетті құрал-жабдықтар сатып алынып, 2025 жылы МРТ, КТ, маммограф және рентген аппараттары орнатылды. Нәтижесінде медициналық құрал-жабдықтармен қамтылу деңгейі 2022 жылғы 83,2 пайыздан 90,2 пайызға дейін өсті. Бұл көрсеткіш республикалық деңгейден де жоғары», - деді Д.Жаналинов.</blockquote>Өңірде мүгедектігі бар адамдарға сапалы әлеуметтік көмек көрсету басты назарда. Қазіргі таңда облыс бойынша 34 мыңнан астам мүмкіндігі шектеулі азамат тіркелген. Оларды оңалтудың жеке бағдарламасына сәйкес 35 454 техникалық оңалту құралымен қамтамасыз ету жұмыстары жүргізілді.<blockquote>- 2023-2027 жылдарға арналған бекітілген жоспарға сәйкес, 2025 жылы облыс көлемінде 360 әлеуметтік инфрақұрылым нысаны толықтай бейімделді. Сонымен қатар, мүгедектігі бар адамдарға қызмет көрсету мақсатында 67 автокөлік инватакси бағытында жұмыс істеуде. Жыл басынан бері бұл қызметпен 2000 адам қамтылған. Мемлекет басшысының тапсырмасына орай «Қазақстан халқына» қорының қолдауымен Қызылорда қаласында мүмкіндігі шектеулі жандарға арналған Инклюзивті спорт орталығының заманауи ғимараты 2026 жылдың қаңтар айында пайдалануға берілді. Орталықта волейбол, күрес залдары және жалпы дене дайындығына арналған жаттығу алаңдары қарастырылған. Мұнда бір мезетте 131 адам тұрақты түрде спортпен шұғылдана алады. Сондай-ақ «Үй жағдайында мүгедектігі бар балаларды оңалту» жобасы аясында 142 балаға оңалту құралдарын пайдалану бойынша оқыту жүргізілуде. 2024 жылдан бері облыстағы барлық санаттағы мүгедектігі бар азаматтарға Республика күні қарсаңында облыстық бюджет есебінен 3 айлық есептік көрсеткіш көлемінде бір реттік әлеуметтік көмек көрсетіліп келеді. Сонымен қатар, «Қандас» республикалық деректер қорының мәліметіне сәйкес, 2025 жылы 14 адамға қандас мәртебесі беріліп, 3 адамның мәртебесі ұзартылды. Биыл шетел жұмыс күшін тартуға 598 бірлік квота бөлінді. Қазіргі таңда облыста 38 бірлескен кәсіпорын жұмыс істеп тұр. Онда 9108 қазақстандық маман еңбек етуде. 2025 жылға бөлінген 10 мың еңбекші көшіп келушілер квотасы толық орындалып, жергілікті бюджетке салық түсімдері қамтамасыз етілді,- деді облыс әкімінің орынбасары.</blockquote>

Өңір экономикасын әртараптандыру мақсатында инвестициялық жоба жүзеге асырылды

<a href="https://kyzylorda-news.kz/">Kyzylorda-news.kz</a> Әдеп жөніндегі уәкіл Бағдат Әбдіқадырдың төрағалығымен аймақтағы спорт саласының қызметкерлеріне сыбайлас жемқорлықтың алдын алу, әдептілік нормалары бойынша түсіндірме семинары өтті.Семинарға облыстық дене шынықтыру, спорт және туризм басқармасының қызметкерлері, аймақтағы спорт мекемелерінің басшылары мен есепшілері қатысты.ҚР Мемлекеттік қызмет істері агенттігінің облыстық департаментінің мемлекеттік қызмет саласындағы бақылау басқармасының бас маманы Нұржан Алиев «Мемлекеттік қызметшілермен әдеп нормаларының сақталуы, оның ішінде жұмыстан тыс уақытта қойылатын талаптар» хабарлама жасаса, Департаменттің сыбайлас жемқорлықтың алдын алу басқармасының бас маманы Айнұр Болат «Мемлекеттік органдар мен ұйымдардарда, кәсіпорындарда сыбайлас жемқорлықтың алдын алу» тақырыбында баяндама оқыды.Жиында сыбайлас жемқорлықтың тәуекелдерін ішкі талдауға, қаржы бақылау шараларына, мүдделер қақтығысын болдырмауға, мемлекеттік меншікті мақсатты пайдалануға, жалпыға бірдей қабылданған моральдық-әдептілік нормаларына қатысты жан-жақты ақпарат берілді.<img src="https://knadmin.beoblood.kz/uploads/Sport_salasyny_kilderimen_kezdzesu_2_fa0aac6e88.jpg" alt="Спорт саласының өкілдерімен кездесу 2.jpg">

Спорт саласының қызметкерлерімен кездесу өтті

<a href="https://kyzylorda-news.kz/">Kyzylorda-news.kz</a> &nbsp;Исламабадта өткен салтанатты іс-шарада Пәкістан Президенті Асиф Али Зардари мен Премьер-министрі Шахбаз Шариф Мемлекет басшысын Nishan-e-Pakistan орденімен марапаттады.Награда ел дамуына ерекше үлес қосқан Пәкістан азаматтарына және шетелдік мемлекет, саясат, сондай-ақ қоғам қайраткерлеріне беріледі.Жиынға Пәкістанның Үкімет мүшелері, Парламент депутаттары, Қарулы күштерінің жоғары басшылық құрамы және дипломатиялық корпус өкілдері қатысты.<img src="https://knadmin.beoblood.kz/uploads/asym_Zhomart_To_aev_a_P_kistanny_e_zho_ary_memlekettik_nagradasy_Nishan_e_Pakistan_ordeni_tabystaldy1_fdbfc7a7d5.jpg" alt="Қасым-Жомарт Тоқаевқа Пәкістанның ең жоғары мемлекеттік наградасы – Nishan-e-Pakistan ордені табысталды1.jpg">Фото: Ақорда

Қасым-Жомарт Тоқаевқа Пәкістанның ең жоғары мемлекеттік наградасы – Nishan-e-Pakistan ордені табысталды

<a href="https://kyzylorda-news.kz/">Kyzylorda-news.kz</a> Кемел келешектің кірпішін қалау үшін дұрыс шешімге келуді кейінге шегермеген жөн. Мектеп бітіруші түлектерді жиі мазалайтыны да – мамандық таңдау мәселесі. Кәсіби бағдар беруді құптаған ҚАЖ департаментіне қарасты №68 мекемесінің қызметкерлері Qazbilim ұлттық лицейіне барып, 10-11 сынып оқушыларына қажетті ақпараттарды бөлісті.Ойлы оқушылар бірден назарын бұрып, айтылған сөзге құлақ түрді. Мекеменің тәрбие ісі жөніндегі орынбасары әділет майоры Мирамбек Тұрымбетов кіріспені құқық қорғау жүйесіндегі қызметтің қыр-сырынан бастап, тәртіп пен жауапкершілікке негізделген мамандықтың қоғамдағы орнын айшықтап өтті. Осылайша жас ұрпақты Отанға адал қызмет етуге шақырды.<img src="https://knadmin.beoblood.kz/uploads/Mamandy_ta_dau_ma_yzdy_is_ead23e1d13.jpg" alt="Мамандық таңдау – маңызды іс.jpg">Бұл саланың мойынға артар мың батпан жүгімен қоса берер жеңілдігі де жоқ емес. Сондықтан, кездесу барысында әділет майоры М.Ұзақұлы саладағы мүмкіндіктер мен бірқатар артықшылықтың ұтымды екенін қаперге салды. Яғни, қабылдау талаптары, қызметтік өсу мен әлеуметтік кепілдіктер жайы ұмыт қалмады.<blockquote>– Қазіргі таңда жастарға нақты бағыт-бағдар беру аса маңызды. Сондықтан мектеп оқушыларымен ашық форматта кездесу өткізіп, Қылмыстық-атқару жүйесіндегі күрделі қызметпен таныстырдық. Жас буынның белсенділік танытуы – болашаққа бейжай қарамайтынын көрсетті. Ал біз өз тарапымыздан елге адал қызмет ететін білікті кадр қалыптастыруға үлес қоса береміз, - дейді жеке құраммен жұмыс жөніндегі тобының аға инспекторы әділет капитаны Динара Шахи.</blockquote>Қызығушылығын білдірген жастар сұрақ қойып, жүйелі жауабын да алды. Мұндай жүздесулерден кейін де таңдаудан жаңылмасы анық.Фото: freepik.com

Мамандық таңдау – маңызды іс

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев бірқатар әлеуметтік нысандарды аралады. Атап айтқанда, Сәкен Сейфуллин ауылдық клубы, Қалжан Ахун ауылдық амбулаториясы және балабақша жұмысымен танысты.Сәкен Сейфуллин ауылдық клубында мәдени іс-шараларды ұйымдастыру жағдайымен, кітапхана және демалыс залдарының жұмысымен, сондай-ақ клуб қызметкерлерінің қызмет сапасымен танысты. Клубтың заманауи жабдықтармен қамтамасыз етілуі, тұрғындарға қолайлы жағдай жасалуы және санитарлық талаптардың сақталуы тексерілді.Қалжан Ахун ауылдық амбулаториясында медициналық қызметтердің қолжетімділігі, жабдықтар мен дәрі-дәрмек қорымен қамтамасыз етілу, инженерлік желілердің жұмыс сапасы, санитарлық-гигиеналық талаптардың сақталуы және дәрігерлер мен қызметкерлердің жұмыс жағдайына ерекше назар аударды.Аудан әкімі сондай-ақ жергілікті балабақшаның жұмысымен танысып, бүлдіршіндерге арналған оқу және ойын бөлмелерінің жай-күйін, қауіпсіздік шараларының сақталуын, тәрбиеленушілерге көрсетілетін қызмет сапасын бақылады.Тексеру барысында анықталған кемшіліктер бойынша жауапты мекеме басшыларына барлық мәселелерді дер кезінде шешу және нысандардың тиімді, қауіпсіз және қолайлы жұмысын қамтамасыз ету бойынша нақты тапсырмалар берді. Нысандардың тұрғындарға сапалы қызмет көрсетуі басты назарда болуы керектігін атап өтті.Фото: Сырдария ауданы әкімінің баспасөз қызметі

Аудан әкімі бірқатар әлеуметтік нысандарды аралады

<a href="https://kyzylorda-news.kz/">Kyzylorda-news.kz</a>&nbsp; 2025 жылы Әлеуметтік медициналық сақтандыру қорына кері байланыс арналары арқылы&nbsp;Қызылорда облысының тұрғындарынан&nbsp;медициналық қызметтерді алу бойынша&nbsp;2 669 &nbsp;&nbsp;өтінім келіп түсті. Олардың қатарында пациенттердің алғыстары, шағымдары мен ұсыныстары бар.Қор филиалының мәліметінше,&nbsp;өтініштердің басым бөлігі кеңес беру сипатында болды. Азаматтарды МӘМС жарналарын төлеу тәртібі, медициналық қызметтер мен дәрі-дәрмекпен қамтамасыз ету, жолдамалар мен еңбекке уақытша жарамсыздық парақтарын рәсімдеу, сондай-ақ медициналық көмекті көрсету шарттары, жеңілдік санаттары мен тізімдердегі өзгерістерге қатысты түсіндірулер қызықтырған.2025 жылдың 12 айының қорытындысы бойынша Қор жүйесіне барлығы&nbsp;736&nbsp;шағым түскен. Бұл 2024 жылдың сәйкес кезеңімен салыстырғанда&nbsp;111 &nbsp;шағымға немесе&nbsp;11,9%-ға аз.&nbsp;Алдыңғы кезеңмен салыстырғанда қайтарып алынған шағымдардың үлесі 51,1% -дан 56,3%-ға дейін өсті. Атап айтқанда, 736&nbsp;шағымның 415-і (56,3%) пациенттерді қолдау қызметтері мен медициналық ұйымдардың ішкі сараптама бөлімдері арқылы «осы жерде және дәл қазір» қағидаты бойынша қайтарып алынған немесе шешімін тапқан.Қызылордалықтар ең көп шағымды келесі мәселелер бойынша жолдаған:медициналық көмектің сапасыз көрсетілуі – 294 (39,9%); медициналық көмек көрсетуден бас тарту – 238 (32,3%); ТМККК және МӘМС шеңберінде дәрілік заттарды беруден бас тарту –&nbsp;94 (12,8%). &nbsp;Осылайша, өтініштердің негізгі бөлігі медициналық көмектің қолжетімділігі мен сапасына, сондай-ақ пациенттерді дәрілік заттармен қамтамасыз етуге байланысты.&nbsp;«МӘМС жүйесі іске қосылғалы Қорда кері байланыстың бірнеше арнасы жұмыс істейді: msqory.kz ресми сайты, Qoldau 24/7 мобильді қосымшасы және 1414 байланыс орталығы. Азаматтардан түскен барлық өтінімдер міндетті түрде қаралады және толық шешілгенге дейін бақылауда болады», – деді Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов.&nbsp;Сондай-ақ Қор филиалында азаматтардың өтініштерін талдау денсаулық сақтау саласындағы жүйелі мәселелерді анықтауға, сондай-ақ МӘМС пен ТМККК аясында медициналық көмектің ашықтығын, қолжетімділігі мен сапасын арттыру үшін халықтың кері байланысын тиімді пайдалануға мүмкіндік беретінін атап өтті.

Қызылорда облысы тұрғындарының медициналық қызметке шағымы азайған

<a href="https://kyzylorda-news.kz/">Kyzylorda-news.kz</a>&nbsp; Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен актив отырысы өтті.Жиында статистика саласында ұзақ жылдар бойы қажырлы еңбек еткен, Қазақстан Республикасы Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментіне қарасты Арал ауданының статистика бөлімін абыроймен басқарған Еламан Сәдібекұлы Қапановты құрметті еңбек демалысына шығарып салу рәсімі өтті.Аудан басшысы өз сөзінде тәжірибелі маман, білікті басшы Еламан Сәдібекұлының саладағы сүбелі еңбегіне жоғары баға беріп, оның еңбек жолына жан-жақты тоқталды. Сондай-ақ ауданның ең жоғары марапаты – Арал ауданының Құрмет грамотасын табыстап, иығына дәстүрлі шапан жапты.Басқосуда білім саласының ардагері, Арал ауданының Құрметті азаматы Ә.Әуезов пен аудандық мәслихат төрағасы Б.Төрахметов пайғамбар жасқа жетіп, ұзақ жылғы еңбегінің жемісін көріп, зейнет демалысына шыққалы отырған Еламан Сәдібекұлын мерейлі жасымен құттықтап, лебіздерін білдірді.Көрсетілген ерекше құрметке ризашылығын білдірген Еламан Сәдібекұлы қызмет атқарған салада жинақтаған мол тәжірибесімен алдағы уақытта да бөлісуге дайын екенін атап өтті.Фото: Арал ауданы әкімдігі

Статистика саласынан зейнеткерлікке шықты

<a href="https://kyzylorda-news.kz/">Kyzylorda-news.kz</a> Қазақстан Ұлттық Банкінің Антифрод-орталығы – бұл төлемдер мен ақша аударымдар кезінде қаржылық алаяқтыққа қарсы іс-қимыл және бүкіл қаржы жүйесінің қауіпсіздігін арттыру үшін құрылған мамандандырылған платформа. Банктер, төлем ұйымдары және мемлекеттік органдар арасында ақпарат алмасуларының нәтижесінде орталық күдікті әрекеттерге жедел ден қоюға және қаражат қаскүнемдерге түскенге дейін мұндай операцияларды бұғаттауға мүмкіндік береді.Fingramota.kz Антифрод орталығы жұмысының алғашқы нәтижелері жөнінде және қаржы алаяқтығының құрбаны болмаудың негізгі қағидаларын еске салады.Антифрод орталығы қашан және не үшін құрылды?Қазақстан Республикасы Ұлттық Банкінің Антифрод-орталығы 2024 жылғы шілдеде оқыс-оқиғаны тіркеу сәтінен бастап күдікті операцияларды бұғаттауға және қаражатты қайтаруға дейінгі алаяқтық операцияларды анықтау және болдырмау мақсатында құрылды. Сондай-ақ, аталған орталық күдікті әрекеттерге жылдам ден қою үшін қаржы ұйымдары, ұялы байланыс операторлары және құқық қорғау органдары арасында тәулік бойы деректер алмасуды қамтамасыз етеді. Осындай деректер алмасудың нәтижесінде күдікті транзакциялар мен карталар/шоттардың «қара» және «сұр» тізімдерін қамтитын дерекқорлар қалыптасады, бұл алаяқтықтың типтік схемаларын жылдамырақ анықтауға мүмкіндік береді.Бүгінгі таңда платформа 250-ден астам қатысушыны біріктіреді. Бұл банктер мен МҚҰ және құқық қорғау органдары. Олар алаяқтықтың алдын алу және қылмыстарды тергеу үшін бір ақпараттық кеңістікте жұмыс істейді. Банктер мен МҚҰ-дан басқа, платформаға ұялы байланыс операторларын &nbsp;қоса алғанда, цифрлық нарықтың ойыншылары қосылады.Алғашқы нәтижелерОрталық іске қосылған сәттен бастап жүйеде 80 000-нан астам оқыс-оқиға тіркелді, олардың жартысына жуығы қаржы нарығынан, екінші бөлігі ІІМ мен құқық қорғау органдарынан келіп түсті. Антифрод- орталығының деректері бойынша, алаяқтықтың ең көп жасалатын 5 түрі бар:1. &nbsp; &nbsp; &nbsp;Жалған қоңыраулар — классикалық әлеуметтік инженерия.2. &nbsp; &nbsp; &nbsp;Жалған онлайн-дүкендер — көбіне Instagram-да және маркетплейстерде сатып алу кезінде.3. &nbsp; &nbsp; &nbsp;Жалған инвестициялау — нақты негізсіз үстеме кірісті жарнамалау.4. &nbsp; &nbsp; &nbsp;Әлеуметтік желілердегі алаяқтық — бұзылған аккаунттар, «қарыз алу» немесе сілтеме бойынша өту туралы өтініштер.5. &nbsp; &nbsp; &nbsp;Кредиттік алаяқтық — көбіне жалған қоңыраулардан немесе жалған инвестициялардан туындайды.Осы бес санат барлық тіркелген жағдайлардың 81-ын құрайды.Антифрод-орталық жұмысының қорытындысы бойынша:• &nbsp; &nbsp; &nbsp; &nbsp;1,9 млрд теңге жөнелтушілердің шоттарында сақталды;• &nbsp; &nbsp; &nbsp; &nbsp;400 млн теңге қайтаруды күтіп отырған алушылардың шоттарында сақталды;• &nbsp; &nbsp; &nbsp; &nbsp;461 млн теңге зардап шеккендерге қайтарылды.Кім құрбан болады? Зардап шегушінің портреті.Зардап шегушінің&nbsp;портреті әр түрлі және ол көптеген факторларға байланысты. Алаяқтықтың құрығына түсетіндер – әдетте әр аймақта әр түрлі жастағылар.Маусымдық та маңызды рөл атқарады: күзде, ең алдымен, жалған онлайн-дүкендермен байланысты оқыс оқиғалардың айтарлықтай өсуі байқалады, бұл цифрлық сатып алулардың көбеюімен сәйкес келеді.Көбісі 1 млн теңгеге дейінгі сомамен байланысты, одан әрі жиілігі бойынша 100 мың теңгеге дейінгі оқиғалар орын алады. Алайда, жүйеде 10 млн теңгеден асқан 995 жағдай тіркелді, бұл алаяқтардың «нысаналы аудиториялары» деп аталатындардың алуан түрлі екенін көрсетеді.География да ауқымды: ең көп зардап шеккендер Алматы, Астана және Қарағандыда, бірақ оқиғалар бүкіл елде байқалды.Алайда, тағы бір айта кететін аспект бар, ең қауіпті аудитория — 18-24 жас аралығындағы жастар. Олардың көпшілігі «аударым жөніндегі менеджерлер» деп аталатын схемаларға қатысып, әрекеттерінің заңсыз екеніне мән бермей, еріксіз дропперге айналады. Дропперлік үшін қылмыстық жауапкершілікті ескерсек, мұндай схемаларға қатысушылар жәбірленушілердің қаржылай шығынын өтеуге мәжбүр боп қана қоймай, нақты мерзімге бас бостандығынан да айырылуы мүмкін.Дропперліктің алдын алу үшін Антифрод-орталығы қаржы нарығы ұйымдарымен, құқық қорғау органдарымен бірлесіп және Fingramota.kz жобасы бойынша ел ішіндегі университеттер мен колледждерде 100-ден астам білім беру іс-шараларын өткізді. Студенттерге алаяқтық схемалардың негізгі белгілері туралы айтылды, нақты жағдайлар ұсынылды және бірқатар іс-шаралар ұйымдастырылды. Бұл жұмыс жастардың алаяқтық схемаларға қатысуын азайту үшін жүйелі деңгейде жалғасады.Өзіңізді алаяқтардан қалай қорғауға болады?Егер сіз алаяқтықтың құрбаны болсаңыз, дереу банкке хабарласыңыз. Жылдам реакция - қаражатты &nbsp;сақтау мен алаяқтардың оларды шығарып алуына жол бермеу кілті.Өзіңізді қорғау үшін Fingramota.kz-тің қарапайым, бірақ тиімді ұсынымдарын орындау маңызды:• &nbsp; &nbsp; &nbsp; &nbsp;Растау кодтарын, құпия сөздерді және карта деректерін ешқашан ешкімге бермеңіз - &nbsp;тіпті қоңырау шалушы сізге банк қызметкері болып көрінсе де.• &nbsp; &nbsp; &nbsp; &nbsp;Күдікті сілтемелерге өтпеңіз және белгісіз жіберушілерден келген файлдарды ашпаңыз.• &nbsp; &nbsp; &nbsp; &nbsp;Операцияларға шектеулер қойыңыз және күдікті әрекеттерді бірден байқау үшін шығарып алынған ақша туралы хабарлардың келіп түсуін тіркеуді ұмытпаңыз.• &nbsp; &nbsp; &nbsp; &nbsp;Кредиттік тарихыңызды жиі тексеріп отырыңыз, онлайн сатып алу үшін бөлек картаны пайдаланыңыз және ешқандай жағдайда карталарыңызды, шоттарыңызды үшінші тұлғаларға бермеңіз немесе оларға қол жеткізудің алдын алыңыз.Маңызды! Егер сіз күдікті нәрсені байқасаңыз, картаны дереу бұғаттап, банкке хабарласыңыз. Алаяқтық фактісі расталған кезде eOtinish платформасы арқылы полицияға дереу өтініш беру керек.<img src="https://knadmin.beoblood.kz/uploads/5_5eec8e3368.png" alt="5.png">Ең бастысы - сыни ойлауды дамытыңыз. Бұл сәйкессіздіктерді уақытында байқауға, қысымға берілмеуге және импульсивті жауап бермеуге көмектеседі. Жағдайды неғұрлым сабырлы және саналы түрде бағаласаңыз, алаяқтардың сізді алдау мүмкіндігі соғұрлым аз болады!Фото: fingramota.kz

Антифрод орталық: қаржылық алаяқтыққа қарсы күрестің алғашқы нәтижелері 

<a href="https://kyzylorda-news.kz/">Kyzylorda-news.kz</a>&nbsp; Елді мекендерді газбен қамтамасыз ету – тұрғындардың өмір сапасын арттыруға бағытталған маңызды жобалардың бірі. Табиғи газға қол жеткізу халықтың тұрмысын жеңілдетіп қана қоймай, экологиялық жағдайды жақсартып, әлеуметтік инфрақұрылымның дамуына серпін береді. Осы бағытта аудан көлемінде газдандыру жұмыстары кезең-кезеңімен жүзеге асырылып келеді. Бұл туралы Қармақшы ауданының әкімі Жандос Еркінбек баяндап берді.<blockquote>- Ауданда елді мекендерді газдандыру бағытында ауқымды жұмыстар жүргізілуде. Дүр Оңғар ауылына газ тарту жобасы іске асырылып, нысанды пайдалануға беру рәсімі өткізілді. Бұл жоба алдағы уақытта басқа елді мекендерді газдандыру үшін жалғасатын болады. Сонымен қатар Иіркөл және Төребай би ауылдарына газ желілерін тарту жұмыстарын бастауға бюджеттен қаржы бөлінді. Құрылыс жұмыстары алдағы уақытта басталатын болады. Бүгінгі күні аудан халқының 75,2 пайызы табиғи газдың игілігін көруде, - деді Жандос Еркінбек.</blockquote>Қазіргі таңда саламатты өмір салтын қалыптастыру мен бұқаралық спортты дамыту – мемлекеттік саясаттың маңызды бағыттарының бірі. Себебі спорт – ұлт саулығының кепілі, жастардың бос уақытын тиімді ұйымдастыратын және қоғамдағы белсенділікті арттыратын маңызды құрал. Осы орайда спорт нысандарын жаңғырту, тұрғындарға қолжетімді спорт алаңдарын көбейту, жасөспірімдерді жүйелі түрде спортқа тарту бүгінгі күннің басты міндеттерінің қатарында.<blockquote>- 2025 жыл аудан үшін спорттық жетістіктерге толы жыл болды. Қазақстан Республикасының чемпионаттары мен кубоктарында жерлестеріміз 19 алтын, 42 күміс, 18 қола медаль иеленді. Азия чемпионатында 3 алтын, 1 күміс, 3 қола медаль алынса, Әлем кубогында 1 алтын, 1 қола медаль иеленді. Ауыр атлетикадан Ерасыл Сәулебеков Перу елінің Лима қаласында өткен Әлем чемпионатында қола жүлдеге ие болса, жақында ғана шілде айында Астана қаласында өткен Азия чемпионатында алтын жүлдені иемденді. Ерекше айта кететін жағдай - Ақтау қаласында өткен жасөспірімдер арасындағы Қазақстан біріншілігінде ауданымыздың екі бірдей спортшысы Арқар Бақытжан мен Әлиасқар Әлихан дзюдо күресінен жүлдегерлер қатарынан көрініп, екінші орын иеленді. Сондай-ақ 64 спортшымыз спорт шеберлігіне үміткер дәрежесіне ие болды. 2024–2025 жылдар аралығында «Ауыл - Ел бесігі» бағдарламасы аясында Дүр Оңғар, ІІІ Интернационал және Ақай ауылдарында спорт кешендері пайдалануға берілді, - деді Жандос Еркінбек.</blockquote>Елдің әл-ауқатын арттыру мен қоғамның дамуын қамтамасыз етудегі басты басымдықтардың бірі - білім беру саласы екені белгілі. Себебі сапалы білім ұлт болашағының берік негізі, жастардың әлеуетін ашатын және елдің өркендеуіне жол бастайтын маңызды күш. Сондықтан білім жүйесін жетілдіру, оқушылар мен студенттердің жан-жақты дамуына жағдай жасау бүгінгі күннің өзекті міндеті. Ал Қармақшы ауданы білім саласына байыппен қарайды. 2025 жылы білім саласында 3 орта мектеп, 1 бөбекжай-бақшада және 5 мектеп жанындағы спорт алаңдарында жөндеу жұмыстары жүргізіліп, нысан пайдалануға берілді.<img src="https://knadmin.beoblood.kz/uploads/akim_89a539b44e.jpg" alt="аким.jpg">«Қазақстан халқына» қоғамдық қорының қолдауымен Байқоңыр қаласында орналасқан №277 мектеп –лицейінің 34 кабинеті жаңадан жабдықталды. Мұның барлығы - білім саласына жасалып жатқан қамқорлық.<blockquote>- 2024-2025 оқу жылында 14 928 оқушы білім алып, 766 мектеп бітірушінің 694 оқушысы, яғни 90,6 пайызы Ұлттық бірыңғай тестілеуге қатысты. Оның ішінде: 54 түлек «Алтын белгі» және 48 түлек «Үздік аттестат» иегері атанды. Ұлттық бірыңғай тестілеуге 694 оқушы қатысып 147 оқушы жүз және жүзден жоғары балл жинады. Нәтижесінде ауданымыз облыс бойынша аудандар арасында алдыңғы орындардан көрінді. Сондай ақ, Ұлттық бірыңғай тестілеу қорытындысымен облыс бойынша ең жоғарғы 138 баллды Қармақшы ауданының 2 оқушы жинады.Мектеп бітірушілердің 648 оқушысы жоғарғы оқу орнындарына, 115 оқушысы арнаулы орта оқу орындарында білім алуда. Өңірлерге қажетті мамандықтар бойынша облыс әкімінің оқу грантымен 30 студент жоғарғы оқу орындарынан білім алуда. Жосалы кентінде орналасқан №5 «Айгөлек» бөбекжай бақшасы ғимараты апаттық жағдайда болуына байланысты басқа ғимарат табысталды,- деді Жандос Еркінбек.</blockquote>Құт қонған Қармақшы ауданы тамыры тереңде жатқан тарихы телегей, мәдениеті бай мекен. Ауданда әлеуметтік-экономикалық өсім, инфрақұрылымды жаңғырту, ауыл шаруашылығы мен өнеркәсіп салаларын дамыту, білім беру, денсаулық сақтау, мәдениет және спорт салаларында жүйелі жұмыстар жүргізілуде.Сонымен қатар, тұрғындардың өмір сүру сапасын арттыруға бағытталған бірқатар маңызды жобалар іске асырылып, ауданның болашаққа сенімді қадам басуына мүмкіндік бар екені мәлім.<blockquote>- Ауданның әлеуметтік-экономикалық жағдайы жыл сайын өркендеп, өсіп жатқаны байқалады. Оның бір дәлелі ретінде аудан бюджетінің ұлғаюын айтуға болады. Атқарылған жұмыстың нәтижесінде аудан бюджеті 9,8 млрд. теңгеге ұлғайып, жыл қорытындысымен 22 млрд. теңге құрады. Қармақшы ауданының 2025 жылдың қорытындысымен макроэкономикалық көрсеткіштерінің барлығы 100 немесе 100 пайыздан жоғары көрсеткіш қалыптасып отыр,- деді Жандос Еркінбек.</blockquote>Брифинг барысында аудан әкімі ауыл шаруашылығы саласы бойынша атқарылған жұмыстарды баяндады.<blockquote>- Жалпы 2025 жылы ауданда 25 мың 513 гектар егіс егілді. Аудан үшін маңызды күріш дақылы 12 мың 993 гектарға егіліп, нәтижесінде орта өнім әр гектарға 54,7 центнерден алынып, 71 мың 143 тонна астық қамбаға құйылды. Елді мекен тұрғындары өз - өздерін бақша өнімдерімен қамтамасыз ету мақсатында 950 отбасы 415 гектар жерге егін егіп, өнімдері жиналды. 2025 жылы Қармақшы ауданы бойынша су лимиті 411,0 млн.текше метр болса, 374,9 млн. текше метр су егістікке алынып, су лимитінің 91,0 пайызын құрады. Егінді қажетті сумен қамтамасыз ету және жайылымдық жерлерді суландыру мақсатында 2025 жылы республикалық бюджеттен 27,0 млн. теңге қаржықаралып, Қуаңдария ауылдық округі аумағында орналасқан «Таңатар» каналын механикалық тазалау жұмыстары жүргізіліп, пайдалануға берілді. Сонымен қатар, облыстық бюджеттен 22,5 млн. теңге қаржы қаралып, Қармақшы ауылдық округі аумағында орналасқан Қараөзек арнасына«Қожатай» су реттегіш тоспасы қалпына келтірілді,- деді Жандос Еркінбек.</blockquote>Фото: Нұрболат Нұржаубай

 Жандос Еркінбек: аудан халқының 75,2 пайызы табиғи газдың игілігін көруде

<a href="https://kyzylorda-news.kz/">Kyzylorda-news.kz</a>&nbsp; «Жібек жолы» сауда-ойын-сауық орталығында Әлеуметтік медициналық сақтандыру қорының Қызылорда облысы бойынша филиалының ұйымдастыруымен жыл сайынғы «Денсаулық аралы» акциясы өтті.Іс-шара аясында №3 қалалық емхананың мамандары тұрғындарға қауіп факторлары мен ауруларды ерте кезеңде анықтау мақсатында тегін медициналық қызметтер көрсетті. Қала тұрғындары экспресс-тексеруден өтті. Атап айтқанда, дәрігерлер қан қысымын, бойы мен салмағын өлшеп, қандағы қант пен холестерин деңгейін анықтады, сондай-ақ саламатты өмір салтын ұстану бойынша кеңес берді.Көптеген тұрғындар өз денсаулығының жай-күйін тексеріп, созылмалы аурулардың алдын алу бойынша кәсіби кеңес алу мүмкіндігін пайдаланды.Қордың облыстық филиалы мамандарының айтуынша, 2026 жылдан бастап диспансерлік есепте тұрған пациенттер үшін бірқатар созылмалы аурулар бойынша емдеу мен бақылау&nbsp;МӘМС&nbsp;пакетіне енгізіледі. Сонымен қатар мамандар сақтандырылған мәртебесін алу тәртібін, жүйедегі өзекті өзгерістерді, медициналық сақтандырудың артықшылықтарын, жарналар мен аударымдарды төлеу қағидаларын түсіндіріп, туындаған сұрақтар бойынша қайда жүгіну керектігін айтты. Барлық&nbsp;қатысушыларға ақпараттық буклеттер таратылды.Қор филиалының сарапшысы Алия&nbsp;Убисултанованың айтуынша,&nbsp;МӘМС жүйесі аясында сақтандырылған азаматтарға медициналық қызметтердің кең спектрі қолжетімді. Медициналық сақтандыру қаражаты есебінен қымбат тұратын&nbsp;оталар да жүргізіледі.«Денсаулығыңызға уақытылы көңіл бөліп, сапалы медициналық көмек алу үшін&nbsp;МӘМС жүйесінде сақтандырылған болу маңызды», – деп атап өтті ол.

Қазақстан және Қызылорда облысының жаңалықтары