<a href="https://kyzylorda-news.kz/">Kyzylorda-news.kz</a> Қазіргі заманда ақпарат көп. Бірақ сол ақпараттың сапалысы мен пайдалысын таңдай білу — маңызды қабілет. Осы тұрғыда кітап оқу — адамды дамытатын ең тиімді әдеттердің бірі.Кітап — білімнің сарқылмас көзі. Ол адамға жаңа ой, жаңа көзқарас береді. Кітап оқыған адам сөздік қорын байытып қана қоймай, ойлау қабілетін де дамытады. Әсіресе, көркем әдебиет адамның қиялын кеңейтіп, сезімін тереңдетеді.Бүгінде көп жастар “уақытым жоқ” деп кітап оқуды кейінге қалдырады. Бірақ шын мәнінде, мәселе уақыттың жоқтығында емес, қызығушылықтың аздығында. Күнделікті 10–15 минуттың өзі үлкен өзгеріс әкелуі мүмкін. Ең бастысы — тұрақтылық.Кітап оқу — табысқа бастар жолҚазіргі заманда ақпарат көп. Бірақ сол ақпараттың сапалысы мен пайдалысын таңдай білу — маңызды қабілет. Осы тұрғыда кітап оқу — адамды дамытатын ең тиімді әдеттердің бірі.Кітап — білімнің сарқылмас көзі. Ол адамға жаңа ой, жаңа көзқарас береді. Кітап оқыған адам сөздік қорын байытып қана қоймай, ойлау қабілетін де дамытады. Әсіресе, көркем әдебиет адамның қиялын кеңейтіп, сезімін тереңдетеді.Бүгінде көп жастар “уақытым жоқ” деп кітап оқуды кейінге қалдырады. Бірақ шын мәнінде, мәселе уақыттың жоқтығында емес, қызығушылықтың аздығында. Күнделікті 10–15 минуттың өзі үлкен өзгеріс әкелуі мүмкін. Ең бастысы — тұрақтылық.Осы тақырыпқа Абай Құнанбайұлының кітап пен білім туралы кеңірек айтылған ойы өте сәйкес келеді:«Пайда ойлама, ар ойла,Талап қыл артық білуге.Артық білім кітапта,Ерінбей оқып көруге.»Абай бұл сөздері арқылы адамды тек материалдық пайданы емес, рухани дамуды да ойлауға шақырады. Оның пікірінше, шынайы байлық — білім. Ал сол білімнің негізгі көзі — кітап. Кітап оқу арқылы адам дүниетанымын кеңейтеді, өзін тәрбиелейді және болашақта жетістікке жетудің жолын табады. Бұл дәйексөз сіздің «Кітап оқу — табысқа бастар жол» тақырыбыңызды тереңірек аша түседі.Сонымен қатар, кітап оқу адамның өзін-өзі тануына көмектеседі. Әр оқылған шығарма — жаңа тәжірибе, жаңа сабақ. Кейіпкерлердің өмірі арқылы адам өз қателігін түсініп, дұрыс шешім қабылдауды үйренеді.Кітап — үнсіз ұстаз. Ол ешқашан шаршамайды, ешқашан алдамайды. Кітаппен дос болған адам ешқашан тоқырап қалмайды. Егер өзіңді дамытқың келсе, ең қарапайым қадамнан баста — кітап оқы. Назым Әбілхай,Қорқыт ата атындағы Қызылорда университетінің 4-курс студенті&nbsp;

Кітап оқу — табысқа бастар жол

<a href="https://kyzylorda-news.kz/">Kyzylorda-news.kz</a> 24 сәуір күні облыстық кітапханада «Жаңа Қызылорда»: даму мен руханиат үндестігі» атты «Әкім аға тілеулестері» РҚБ халықаралық Х форумы аясында мемлетет және қоғам қайраткері, жазушы Ә.Ысқақтың «Өлімді жеңген махаббат», «Алтыным» кітабының қарақалпақ тіліндегі аударма кітаптарының тұсаукесер рәсімі ұйымырылды.Кешті Қызылорда облыстық мәслихат депутаты, республикалық Әкелер Одағының Қызылорда облыстық филиалың төрағасы Е.Ескендір жүргізді. Мақсаты – қаламгердің өмір жолын өскелең жастарға үлгі ету, шығармаларын насихаттау.Қызылорда облыстық мәслихатының төрғасы М.Тілеумбетов ашып, облыс әкімінің құттықтауын табыстады. Облыс әкімнің орынбасары М.Шермағанбет, мемлекет және қоғам қайраткерлері Б.Еламанов, Б.Каюпов құттықтап, шығармашылығына табыс тіледі.Кешке «Өлімді жеңген махаббат» кітабының редакторы, журналисты, тарихшы, ҚР Президенті жанындағы жастар саясаты жөніндегі кеңес мүшесі З.Әшірбек, Бердак атындағы Қарақалпақстан университетские профессора И.Сейітназарова, «Өлімді жеңген махаббат» кітабының кейіпкері Қ.Бақбергеновтің туыстары Ж.Бақбергенова, Р.Шамұратова, семейлік ақын Ү.Шарипова, «Өлімді жеңген махаббат» кітабының редакторы, С.Сейфуллин атындағы Қазақ агротехникалық зерттеу университетінің профессоров Р.Махамбетова, жергілікті зиялы қауым, бұқаралық ақпарат құралдары өкілдері қатысты.Кеш қонақтары әмбебап тұлға, майталман қайраткер, асыл сөзден өлең өрген қаламгердің өмір жолы мен шығармашылығы туралы баяндады. Жыршы, республикалық байқаулардың лауреаты Ж.Жақсанов арнауын арнады. «Өлімді жеңген махаббат» кітабының кейіпкері Қ.Бақбергеновтің сөзіне жазылған әндерін белгілі әнші-композитор Ү.Ерниязов, Г.Ермағанбетова, М.Байжановтар, қаламгердің жаңа әнін әнші Т.Шерниязқызы орындады.Оқырмандар өмірді сүюге үндеп, дем берген, күш-қайрат сыйлаған «Алтыным» кітабынан үзінділер оқыды. Кеш қонағы Әкім Ысқақ өз шығармашылығынан сөз өрбітті, кітапханаға кітаптарын тарту етті.Оқырмандар назарына «Кемел ой, кестелі сөздің есі» кітап көрмесі ұсынылды.Фото: Облыстық кітапхана

Кітаптың тұсаукесер рәсімі өтті

<a href="https://kyzylorda-news.kz/">Kyzylorda-news.kz</a> Мемлекет басшысы «Таза Қазақстан» республикалық экологиялық акциясына қатысты. Қасым-Жомарт Тоқаев экобелсенділермен бірге елорданың «Самал» саябағында ағаш отырғызды.Президентке жауапты мемлекеттік орган басшылары атқарылған жұмыс жайында баяндады.Экология және табиғи ресурстар министрі Ерлан Нысанбаев «Таза Қазақстан» акциясы басталған екі жыл ішінде 1,5 мың экологиялық іс-шара ұйымдастырылғанын жеткізді. Осы уақыт аралығында 2 миллион тонна қоқыс жиналып, 5,5 миллионға жуық тал егілген. Жыл сайын бұл бастамаға 6,5 миллион адам, соның ішінде 780 мың волонтер қатысады.Министрдің айтуынша, 2021-2025 жылдары орман қорын толықтыру үшін 1 миллионнан аса гектарға 1 648,4 миллион түп көшет отырғызылған. Елді мекендерде бес жыл ішінде 18,4 миллион ағаш егілді. Алдағы уақытта 1 760 мың гектар жерді қамтитын 46 экоаумақ құрылады.Қызылорда қаласында жаңадан салынған Президент саябағындағы шараға облыс әкімі Нұрлыбек Нәлібаев, ардагерлер мен зиялы қауым өкілдері, құқық қорғау органдарының басшылары, облыстық және қалалық мәслихат депутаттары, облыстық басқарма, департамент, инспекция басшылары мен қызметкерлері, еріктілер, экобелсенділер, жастар ұйымдары және студенттер қатысты.<img src="https://knadmin.beoblood.kz/uploads/yzylorda_oblysynda_12_000_tal_egildi_1_05a76e382d.jpg" alt="Қызылорда облысында 12 000 тал егілді 1.jpg">Акцияға аймақтың аудандарынан, елді мекендерінен 25000 мыңнан астам адам атсалысып, 12 мыңнан астам тал егілді, 325,7 гектар аула тазартылып, 320 тоннадан астам қоқыс шығарылды, 250-ден астам техника жұмылдырылды.Өңірде «Таза Қазақстан» республикалық экологиялық акциясы аясында тұрғындардың өмір сүруіне қолайлы жағдай жасау бағытында кешенді жұмыстар жүргізілуде.Кәсіпкерлердің демеушілігімен орталық алаңдар, демалыс орындары, ойын, спорт алаңдары қайта жаңғыртылып, тұрғын үйлер мен әлеуметтік нысандар заманауи үлгіде жөндеуден өткізілуде.Қызылорда қаласындағы орталық алаң, қалалық мәдени-демалыс паркі, Қорқыт ата мемориалды аллеясы жаңғыртылса, Президент саябағы қайта салынды. Онда заманауи субұрқақтар, амфитеатр, спорт, ойын, би, шахмат, баскетбол, футбол алаңдары, биіктігі 50 метрлік айналмалы шолу дөңгелегі, велосипед және жүгіру жолақтары, санитарлық пункттер орнатылған. Жалпы 31 гектарға 2 мыңнан астам ағаш, 50 мыңнан астам сәндік бұта және 17 түрлі көпжылдық гүл егілді.Қазіргі таңда Президент саябағы аумағында 10 млрд. теңгеге жылдың төрт мезгілінде үздіксіз жұмыс істейтін 300 орындық заманауи балалар тынығу лагері, 5 млрд. теңгеге Ботаникалық білім беру орталығы (қысқы бақ) салынуда. Жақында 9 млрд. теңгеге Сырдария өзені үстінен Президент саябағын қаламен байланыстыратын жаяу жүргіншілер көпірінің құрылысы басталады.Бұл жұмыстар барлық ауданда жалғасын тауып, жаңа демалыс орындары, аллеялар айналаның сәнін кіргізді, көшелерге абаттандыру, жарықтандыру жұмыстары атқарылуда.Ауылдарда қолайлы орта қалыптастыру, тұрғындарды тазалық шараларына ынталандыру мақсатында жыл сайын «Үлгілі елді мекен» конкурсы өткізіледі. Соңғы үш жылда 2 млрд. 64 млн. теңге бөлініп, үздік елді мекендерге 67 арнайы техника табысталды.<img src="https://knadmin.beoblood.kz/uploads/yzylorda_oblysynda_12_000_tal_egildi_2c3bbbc713.jpg" alt="Қызылорда облысында 12 000 тал егілді.jpg">Тұрмыстық қатты қалдықтарды тиімді басқару, оларды сұрыптау, өңдеу және кәдеге жарату бағытында «Жасыл даму» АҚ қаржыландыруымен 98 млрд.700 млн. теңгеге 9 жоба қолға алынған. Жаңақорған ауданындағы қатты қалдықтарды сұрыптау кешені толық қаржыландырылып, құрал-жабдықтары жеткізілді. Қазіргі таңда іске қосылуда. Қалған 8 жоба «Өнеркәсіпті дамыту қоры» сараптамасынан өткізіліп, қаржыландыру үшін тиісті келісімшарттар жасалуда.Облыстық бюджеттен 475 млн.теңгеге Сырдария ауданында сұрыптау кешені бар қатты тұрмыстық қалдықтар полигоны ашылды. Тағы екі жаңа жоба жасалып, мемлекеттік сараптамадан өткізілді, салалық министрлікке қаржыландыру үшін ұсынылды.Қалдықтарды сұрыптау мәдениетін қалыптастыру мақсатында облыс көлемінде 10 мыңға жуық контейнер орнатылды. Көпқабатты тұрғын үйлер, ірі сауда орындары, әуежай мен теміржол вокзалы аумақтарында шыны, пластик және қағаз қалдықтарын сұрыптап жинау үшін арнайы экобокстар қарастырылған.Қызылорда қаласындағы 83 ескі көпқабатты тұрғын үйдің қасбеттері заманауи панельдермен жаңартылды, бұл жұмыстар 58 тұрғын үйге 2 млрд. 893 млн. теңгеге бюджет есебінен, 27 тұрғын үйге демеушілік есебінен жасалды. Биыл 900 млн.теңгеге қосымша 21 тұрғын үйдің қасбеттерін қаптау жоспарланған.Халық арасында экологиялық мәдениетті қалыптастыру, экологиялық білім беру, ағарту шаралары «Жасыл балабақша»,«Жас эколог»,«Жасыл мектеп», «Табиғат сақшылары» жобалары аясында жүзеге асырылып келеді.Фото: Қызылорда облысы әкімінің баспасөз қызметі

«Таза Қазақстан»: Қызылорда облысында 12 000 тал егілді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен вегетациялық кезеңге дайындық барысы және су жеткізу қызметінің тарифіне қатысты түсіндірме жұмыстарын жүргізуге байланысты мәжіліс өтті.Жиынға облыстық ауыл шаруашылығы және жер қатынастары басқармасы басшысының орынбасары Рысбек Шайхиев, «Қазсушар» РМК Қызылорда филиалы директорының міндетін атқарушы Нәжмадин Шамұратов, «Арал - Сырдария» бассейндік инспекциясы басшысының орынбасары Сейтқасым Әбуов, кент, қала және ауылдық округінің тиісті мамандары, шаруа қожалықтарының төрағалары мен ауыл шаруашылығы құрылымдарының өкілдері қатысты.Мәжілісте барысында Сырдария өзеніндегі су тапшылығының салдарынан туындап отырған өзекті мәселелер кеңінен қозғалды. Аудан әкімі соңғы жылдары аймақта вегетациялық кезеңнің күрделі жағдайда өтіп жатқанын, соған қарамастан Мемлекет басшысы мен Үкіметтің, облыс әкімі Нұрлыбек Машбекұлының қолдауының арқасында салада жүйелі жұмыстар жүргізіліп жатқанын айтты. Су тапшылығы жағдайларының орын алуы ауыл шаруашылығы саласына, әсіресе суармалы егіншілікке кері әсерін тигізіп жатқандығын, биылғы вегетациялық кезеңнің де күрделі өту қаупі бар екені атап өтті.&nbsp;Жиында аудан бойынша өткен жылғы және биылғы егіс көлемдері нақтыланып, негізгі дақыл – күріштің көлемі, өнімділігі және алдағы жоспарлар баяндалды. Сонымен қатар, су ресурстарын тиімді пайдалану, су үнемдеу технологияларын енгізу, егіс алқаптарын әртараптандыру, лазерлік тегістеу жұмыстарын жүргізу мәселелері де кеңінен талқыланды.Ауданға арнайы жұмыс сапырмен келген салалық мекеме өкілдері вегетация кезеңіне дайындық барысы, су жеткізу жүйесінің жағдайы және тарифтік саясат бойынша жан-жақты түсіндірме жұмыстарын жүргізіп, шаруалардың сұрақтарына жауап берді.Мәжілісте аудан басшысы егіс алқаптарына берілген су үшін бірқатар шаруашылықтардың берешегі бар екенін айтып, төлем тәртібін сақтау қажеттігінде ескертті. Алдағы егіс науқанын сапалы әрі уақытылы өткізу үшін барлық жауапты сала басшыларына нақты тапсырмалар беріп, көктемгі дала жұмыстарын агротехникалық талаптарға сай ұйымдастыруды, ауыл шаруашылығы техникаларын толық дайындыққа келтіруді және су үнемдеу шараларын күшейтуді міндеттеді.Су тапшылығын ескере отырып, суды аз қажет ететін дақылдардың үлесін арттыру, күріш көлемін кезең-кезеңімен қысқарту арқылы егіс құрылымын оңтайландыру қажеттігінде атап өтті.Айта кетейік, биылғы жылы аудан бойынша 17 257 гектарға егін дақылдарын егу межеленген. Оның ішінде басты дақылымыз - күріш дақылы 5 400 гектарға, жаздық бидай 340 гектарға, арпа 60 гектарға, дәндік жүгері 500 гектарға, майлы дақылдар (мақсары) 316 гектарға, мал азығы дақылдары 8348 гектарға, картоп, көкөніс, бақша дақылдары 2293 гектарға егу жұмыстарын жүргізу жоспарланып отыр.

Вегетациялық кезеңге дайындық барысы және су жеткізу қызметінің тарифіне қатысты мәжіліс өтті

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясы облыстық филиалының төрағасы Жандос Базартай Қорқыт ата атындағы Қызылорда университетінде «Әлемді ғылым құтқарады -IV» ғылым айлығы аясында, Құмкөл кенішін игерудің 40 жылдығына арналған «Ғалым Байманов» кітабының тұсаукесер рәсіміне қатысты.Тағылымды іс-шара Ұлттық кітап күні аясында өткізіліп, кітап оқудың маңызын насихаттауға және ғылыми еңбектерді дәріптеуге бағытталды. Сонымен қатар «AMANAT» партиясының «Кітап-AMANAT» партиялық жобасымен үндестік тапты.<img src="https://knadmin.beoblood.kz/uploads/alym_Bajmanov_kitabyny_t_saukeseri_2_1166774dd4.jpg" alt="Ғалым Байманов кітабының тұсаукесері 2.jpg">Іс-шараға арнайы қатысқан партияның облыстық филиалының төрағасы Жандос Базартай саналы ғұмырында өндіріс пен ғылымды ұштастырып, ел мүддесіне қызмет еткен, білім мен ғылымның жанашыры ретінде кеңінен танылған Ғалым Дүйсенбайұлы жайында тілге тиек етіп, оған Қызылорда қаласының тарихы баяндалған құнды кітапты сыйға тартты.Жиынға зиялы қауым өкілдері, оқытушылар, студенттер мен кітапсүйер қауым қатысып, мазмұнды пікірлерімен бөлісті. Осындай тағылымды кездесулер арқылы ғылым мен кітапқа деген қызығушылық артып, ұлттық құндылықтарымыз жаңғыра беретіні сөзсіз. Аталған кітап оқырмандар үшін тың мәліметтерге толы ерекше дүние болмақ.

«Ғалым Байманов» кітабының тұсаукесер рәсімі өтті

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясы Қызылорда облыстық филиалының төрағасы Жандос Базартай қоғамдық қабылдау өткізіп, азаматтардың жеке мәселелері бойынша өтініштерін тыңдады.&nbsp;Қабылдау барысында тұрғындар өздерін алаңдатқан әлеуметтік және тұрмыстық мәселелерді көтерді. Азаматтардың бірі баласының денсаулығына байланысты қажетті ем-шараларды уақытылы алу үшін қаржылай көмек сұрады. Бұл мәселе бойынша қайырымдылық көмек көрсету мүмкіндіктері қарастырылып, тиісті мекемелермен бірлесе отырып шешу жолдары зерделенетіні түсіндірілді. Сондай-ақ өтініш иесіне қосымша ақпарат берілетіні айтылды.Сонымен қатар, тағы бір тұрғын үй құрылысын аяқтау үшін банктен қажетті көлемде несие ала алмай отырғанын жеткізді. Оның айтуынша, зейнеткерлік жасқа байланысты банк талаптарына сәйкес келмеу себепті өтініші мақұлданбаған. Бұл мәселе бойынша өтініш иесіне қолданыстағы заңнама аясында толық түсіндірмелер берілді.Филиал төрағасы әрбір көтерілген мәселе назардан тыс қалмайтынын атап өтіп, тиісті бағыттар бойынша жұмыстар жүргізілетінін жеткізді. Азаматтардың өтініштері бақылауға алынып, олардың оң шешім табуына ықпал ету шаралары қарастырылатын болады.

«AMANAT»: Облыстық филиал төрағасы азаматтардың өтініштерін тыңдады

<a href="https://kyzylorda-news.kz/">Kyzylorda-news.kz</a> Әр адамның басынан қаржылық қиындықтар өтуі мүмкін. Кенеттен жұмысынан, белгілі бір табысынан айырылу немесе денсаулығына байланысты проблемалар көп жағдайда адамды кредиттік міндеттемелерін орындауына мүмкін болмайтын тығырыққа тіреуі мүмкін. Мұндай сәттерде қарыздар жан-жақтан қысып, болашақта не болатынын аңғару қиынға соғады. &nbsp;Осындай жағдайларда соңғы шара ретінде жеке тұлғалардың банкроттығы рәсімін қарастыруға болады.&nbsp;Банкроттықтың іс жүзінде қалай жұмыс істейтіні және ол кімге жарамды және қандай салдарды ескеру маңызды екендігі жөнінде ҚР Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасының басшысы Меруерт Сисембаева айтып берді.&nbsp;Банкроттық дегеніміз не және ол туралы қашан ойлану керекБанкроттық - бұл төлемге қабілетсіз болып қалған азамат үшін борыш жүктемесін азайтудың заңды тетігі.Төлем қабілетсіздігі деп адам&nbsp;өзінің қаржылық міндеттемелерін толық көлемде орындай алмайтын&nbsp;жағдай түсініледі. Қазақстанда оның маңызды өлшемшарты -&nbsp;12 ай ішінде қарызды өтемеу&nbsp;- бұл банкроттық рәсімін қолданудың негізгі белгілерінің бірі.Алайда банкроттық –&nbsp;тығырықтан шығудың ең соңғы шарасы&nbsp;екенін түсіну маңызды. Ол қарыздардан құтылуға көмектеседі, алайда оның салдары да бар, банкроттық жаңа кредиттер алуға шектеулер мен кредиттік тарихтың нашарлауына әкеледі.Оған бармас бұрын баламаларды қарастыру керек: кредитті қайта құрылымдау, төлемдерді кейінге қалдыру немесе банкпен немесе МҚҰ-мен келіссөздер жүргізу. Көптеген қаржы ұйымдары бүгінде қарыз алушылармен ымыраға келуге және проблемалық кредиттерді реттеудің неғұрлым икемді шарттарын ұсынуға дайын.Соттан тыс және сот банкроттығы: айырмашылығы недеҚазақстанда бірнеше рәсімдер қарастырылған, және оның қайсысы сізге лайықты екенін түсіну маңызды.Соттан тыс банкроттық&nbsp;- бұл барынша жеңілдетілген рәсім, бірақ оның нақты шарттары бар:• борыш - 1600 АЕК (6,9 млн теңге) дейін;• мүліктің болмауы (оның ішінде бірлескен);• кредитормен қарызды реттеу әрекеттері болды.Рәсім банктер және микроқаржы ұйымдары алдындағы борыштарға ғана қолданылады.Бұл ретте, көптеген өтініш берушілерге өздері ол жөнінде хабары жоқ &nbsp; мүліктің (мысалы, банк өнімдерін ресімдеу кезінде автоматты түрде ашылған акциялар) болуына байланысты банкроттықтан бас тартылады. Сондықтан өзіңіздің активтеріңізді алдын ала тексеріп алу маңызды.Сот арқылы банкроттық&nbsp;пен&nbsp;төлем қабілеттілігін қалпына келтіру&nbsp;қарыздың кез келген түріне және мүлік болған жағдайда кеңінен қолданылады. Алайда, бұл рәсімдер шығындарды талап етеді (мемлекеттік баж және қаржы басқарушысының қызметтері).Бұл ретте «төлем қабілеттілігін қалпына келтіру» - бұл банкроттыққа балама, аталған жағдайда адам қарыздарын есептен шығармай, оларды бекітілген жоспар бойынша біртіндеп өтейді. Бұл опция кірісі бар және қарыздарын біртіндеп төлеуге мүмкіндігі бар адамдар үшін қолайлы.Рәсім қалай өтеді?<ul><li style="text-align:justify;">Банкроттық рәсімі 6 ай уақыт алады.&nbsp;</li><li style="text-align:justify;">Соттан тыс банкроттық үшін барлығы барынша жеңілдетілген:&nbsp;</li><li style="text-align:justify;">құжаттар жинау талап етілмейді;</li><li style="text-align:justify;">өтініш берген кезде ЖСН көрсету жеткілікті;</li><li style="text-align:justify;">жұбайының/зайыбының (аге рол болса)келісімі қажет;</li><li style="text-align:justify;">өтінішті дара кәсіпкер болып табылмайтын Қазақстан азаматы ғана бере алады.</li></ul>Сот рәсімі қиындау. Бұл жерде:<ul><li style="text-align:justify;">кредиторлар мен борышкерлердің тізімі;</li><li style="text-align:justify;">қарыздарды растайтын құжаттар;</li><li style="text-align:justify;">мүлік туралы мәліметтер.</li></ul>Бұдан басқа, сот істі қарау барысында қосымша материалдарды сұрата алады.Қандай қарыздар есептен шығарылады, қандай қарыздар шығарылмайды?Көптеген адамдар банкроттық барлық қарызды «жоқ қылып жібереді» деп ойлайды, бірақ олай емес.Соттан тыс рәсім кезінде банктерден және микроқаржы ұйымдарынан алынған кредиттер ғана, тіпті олар коллекторларға берілген жағдайда есептен шығарылады.Соттан тыс банкроттық рәсімін қолдана отырып, адам оның мысалы, салық берешегі немесе жеке тұлға немесе кредиттермен байланысты емес басқа ұйым алдындағы қарызы есептен шығарылажы деп күтпеуі керек.Сот арқылы банкроттық жағдайында есептен шығарылатын қарыздардың тізбесі сот шешімімен айқындалады.Сондай-ақ, ешбір жағдайда есептен шығарылмайтын міндеттемелер болады, олар:&nbsp;<ul><li style="text-align:justify;">алименттер;</li><li style="text-align:justify;">өмір мен денсаулыққа келтірілген зиянды өтеу;</li><li style="text-align:justify;">қылмыстық құқық бұзушылықтар бойынша залал және бюджетке төленетін, сот шешімі бойынша өндіріп алынатын төлемдер;</li><li style="text-align:justify;">қаржы басқарушысының сыйақысы (егер ол төленбеген болса).</li></ul>Банкроттықтан кейін қандай шектеулер күтіп тұр&nbsp;Банкроттық-бұл қарыздан босату ғана емес, сонымен бірге мынадай белгілі салдарлар:<ul><li style="text-align:justify;">5 жыл ішінде кредит ала алмайсыз (ломбардтардағы микрокредиттерді қоспағанда);</li><li style="text-align:justify;">3 жыл уәкілетті орган тарапынан бақылау жүзеге асырылады;</li><li style="text-align:justify;">банкроттыққа 7 жылдан кейін ғана қайта өтініш беруге болады;</li><li style="text-align:justify;">банкроттық туралы ақпарат ашық дереккөздерде жарияланады.</li></ul>Мұндай шектеулерге қаншалықты дайын екеніңізді алдын ала бағалау маңызды.2026 жылы не өзгерді&nbsp;Заңнама рәсімдерді біртіндеп жеңілдетуде, ағымдағы жылдың наурыз айында маңызды өзгерістер күшіне енді:&nbsp;<ul><li style="text-align:justify;">ломбардтар соттан тыс банкроттық кезінде&nbsp;кредиторлар қатарынан шығарылады, бұл азаматтардың көп санына рәсімді пайдалануға мүмкіндік береді;</li><li style="text-align:justify;">борышы 1600 АЕК-ке дейінгі және мерзімді 5 жылдан астам уақытқа кешіктірген азаматтар үшін рәсім мерзімі 6 айдан 1 айға дейін қысқартылды. Кредиттік бюроның деректері бойынша, 350 мыңнан астам адам осы талаптарға сәйкес келеді және енді олар өздерінің борыш бойынша мәселелерін тезірек шеше алады.</li></ul>Қазіргі уақытта қанша азамат банкроттық жөнінде өтініш берді?Ол іске қосылған сәттен бастап 378 мыңнан астам өтініш берілді, бірақ олардың 72,8%-ы қабылданбады. Бас тартудың негізгі себептері көп жағдайда өтініш берушінің мүлкінің болуы, борыш сомасы бойынша белгіленген талаптарға сәйкес келмеуі, ұзақ мерзімді кешіктірудің болмауы, сондай-ақ кредитормен реттелмеген мәселелер болып табылады.Сонымен бірге жалпы сомасы 126,4 млрд теңгеге 62,5 мыңға жуық азамат банкрот деп танылды. Жалпы, рәсім шеңберінде 230,9 млрд теңге сомадағы борыш есептен шығарылды, бұл бас тартудың жоғары пайызына қарамастан, тетіктің әлі де жұмыс істейтінін, бірақ барлық шарттарды қатаң сақтауды талап ететінін көрсетеді.Зейнеткерлер немесе мүгедектер соттан тыс банкроттық рәсімін қолдана ала ма?Зейнеткерлер мен мүгедектігі бар адамдар соттан тыс банкроттық құқығымен шектелмейді – заң жасына немесе әлеуметтік мәртебесіне байланысты ешқандай айырмашылыққа жол бермейді. Қазірдің өзінде бұл рәсімді 1200-ге жуық зейнеткер қолданды.Бас тарту белгіленген талаптарға сәйкес келмеген жағдайда ғана мүмкін болады: мысалы, егер адамның мүлкі болса, ол қарыздарын өтеуді жалғастырады немесе төлем қабілетсіздігі белгілері жоқ. «Зейнеткер» немесе «мүгедек» мәртебесінің өзі қаржылық дәрменсіздікті білдірмейтінін түсіну маңызды.Бұл ретте атаулы әлеуметтік көмек алушылар үшін жеңілдіктер көзделген: олар төлемнің болмау мерзіміне қарамастан банкроттыққа өтініш бере алады. Сондай-ақ, мұндай шектеулер жоқ төлем қабілеттілігін қалпына келтіру рәсімі қолжетімді.Банкроттыққа беру кезіндегі жиі болатын қателерБас тартудың ең көп тараған себептерінің бірі - банкроттықтың кіріс өлшемшарттарына немесе негіздеріне сәйкес келмеуі.Өтініш берер алдында мыналарды&nbsp;тексеру маңызды:<ul><li style="text-align:justify;">кредиттік есеп (мәліметтерді Мемлекеттік кредиттік бюродан немесе Бірінші кредиттік бюродан алуға болады);&nbsp;</li><li style="text-align:justify;">мемлекеттік базалардағы мүлік және мәртебе туралы деректер.</li></ul>Кейде кредиторлар немесе коллекторлық агенттіктер ақпаратты жаңартпайды және бұл банкроттық рәсімінен өтуге кедергі болуы мүмкін.<img src="https://knadmin.beoblood.kz/uploads/Fingramota_bankrotty_d804e84af4.png" alt="Финграмота банкроттық.png">

Қазақстандағы жеке тұлғалардың банкроттығы: қалай жұмыс істейді және ол кімге қажет

<a href="https://kyzylorda-news.kz/">Kyzylorda-news.kz</a> Бүгін сол жағалаудағы «Қайсар Арена» стадионында облыс әкімі Нұрлыбек Нәлібаев, құқық қорғау органдары басшыларының қатысуымен полиция департаментіне 100 жаңа арнайы автокөлік кілті табысталды.Облыс әкімі өңірде әлеуметтік және инженерлік инфрақұрылымды дамыту, тұрғындардың қауіпсіздігі мен өмір сүру сапасын арттыру бағытында атқарылған жұмыстарға тоқталды.<img src="https://knadmin.beoblood.kz/uploads/Policziyalar_a_avtok_lik_tabystaldy_4_41b4b9d951.jpg" alt="Полицияларға автокөлік табысталды 4.jpg"><blockquote>«Мемлекет басшысы «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза, Қауіпсіз Қазақстанды құра аламыз», – деп нақты міндеттерді белгілеген болатын. Қазақстан полициясы – қоғамдағы құқықтық тәртіпті, азаматтардың қауіпсіздігін қамтамасыз ететін аса маңызды құрылым. Елдегі тыныштық пен тұрақтылықты сақтауда полиция қызметі Тәуелсіздігіміздің қастерлі міндеттеріне көлеңке түсірмей, берекелі бірлігімізді сақтауға үлес қосуда. Соңғы төрт жылда аймағымыздың полиция органдарының материалдық-техникалық базасын заманға сай жақсартуға облыстық бюджеттен 17 млрд. 805 млн. теңге, оның ішінде арнайы автокөліктермен қамтуға 4 млрд. 282 млн. теңге қаралды. Замануи құрылғылармен жабдықталған 128 жаңа автокөлік табысталды.т Бүгінгі арнайы автокөліктер де тұрғындар қауіпсіздігін қамтамасыз етудегі қызметтеріңізді тиімді ұйымдастыруда маңызды рөл атқарады деп сенеміз», – деді Нұрлыбек Машбекұлы.</blockquote>Тәртіп сақшыларына берілген көліктер сенімді байланыс жүйесімен, бейнетіркеу құрылғысымен, навигациялық бағыттау тетігімен, арнайы жарық және дыбыс сигналдарымен, жедел қызметті тиімді атқаруға қажетті өзге де техникамен жабдықталған. Бұл тәртіп сақшыларының әрекетін жеделдетіп, қызмет сапасын арттырады.Кейінгі жылдары төтенше жағдай құрылымдарына 14 өрт сөндіру автокөлігі және 8 арнайы техника сатып алынды. Биыл қосымша 20 өрт сөндіру автокөлігін алу бастамасын облыстық мәслихат қолдап, бүгінде келісімшарт рәсімделуде.&nbsp;Жергілікті бюджет есебінен барлық елді мекеннің денсаулық сақтау мекемелеріне 245 санитарлық автокөлік алынып, өңірдің медицина саласының автопаркі 100 пайыз жаңартылды.<img src="https://knadmin.beoblood.kz/uploads/Policziyalar_a_avtok_lik_tabystaldy_2_3f35e5ef2c.jpg" alt="Полицияларға автокөлік табысталды 2.jpg">

Қоғамдық қауіпсіздікті күшейту мақсатында полиция департаментіне 100 жаңа автокөлік табысталды

<a href="https://kyzylorda-news.kz/">Kyzylorda-news.kz</a> «Спорт есірткіге қарсы!» атты есірткіге қарсы іс-шаралар аясында психоневрологиялық диспансердің (наркологиялық бөлім) пациенттері арасында қазақтың ұлттық спорт түрлері ләңгі, бұқа тартыс, асық, батпан көтеру, қол күрес бойынша жарыс ұйымдастырылды.Іс-шараны Қызылорда облысы Полиция департаментінің Есірткі қылмысына қарсы іс-қимыл басқармасы диспансер қызметкерлерімен бірлесе отырып ұйымдастырды. Мамандардың бірлескен жұмысы қатысушылардың әлеуметтік бейімделуіне жағдай жасауға және салауатты өмір салтын ұстануға тұрақты мотивация қалыптастыруға бағытталды.Іс-шараның негізгі мақсаты – қатысушылардың физикалық және психоэмоционалдық жағдайын нығайту, тәуелділіктің алдын алу, сондай-ақ спортты зиянды әдеттерге тиімді балама ретінде насихаттау. Жарыс бағдарламасы күш, ептілік, төзімділік пен командалық рухты дамытуға, сондай-ақ өз мүмкіндіктеріне деген сенімді арттыруға ықпал етті.Жарыстар жағымды әрі қолдау көрсететін атмосферада өтті. Қатысушылар жоғары қызығушылық танытып, белсенділік пен нәтижеге ұмтылысын көрсетті, салауатты болашаққа деген сенімін дәлелдеді.Іс-шара қорытындысы бойынша 10 қатысушы дипломдармен және естелік сыйлықтармен марапатталды. Тағы 20 адам белсенді қатысқаны және жеке дамуға ұмтылғаны үшін алғыс хаттармен ынталандырылды.Осындай іс-шараларды өткізу – есірткіге тәуелділіктің алдын алу және қоғамда салауатты өмір салты құндылықтарын қалыптастыруға бағытталған профилактикалық жұмыстың маңызды бөлігі болып табылады.

«Спорт есірткіге қарсы» акциясы ұйымдастырылды

<a href="https://kyzylorda-news.kz/">Kyzylorda-news.kz</a> «Жастар және сайлау» республикалық форумы аясында алғаш рет Қазақстан Республикасы Орталық сайлау комиссиясының Төрағасы Нұрлан Әбдіров еліміздің барлық өңірлерінен келген Жас сайлаушылар клубтарының (ЖСК) мүшелерімен кездесті. Кездесу барысында клубтардың мүшелері электоралдық мәдениетті жоғарылату бағытындағы жобаларын таныстырды.Кездесудің негізгі мақсаты сайлау комиссиялары мен жастар арасында тұрақты тікелей диалог орнату болды. Іс-шара барысында Клуб мүшелері жүзеге асырып жатқан жобаларын таныстырды және электоралдық мәдениетті қалыптастыру, жас қазақстандықтарды сайлау процестеріне тарту жөніндегі тәжірибесімен бөлісті.Іс-шараны өткізу бастамасы клуб қозғалысының қатысушыларының өздерінен шыққан. Солардың қатарында Қызылорда облысы Қазалы ауданындағы Жас сайлаушылар клубының мүшесі Мейірман Меңдібай да бар.Форумға еліміздің барлық өңірлерінен келген Жас сайлаушылар клубтарының 60 мүшесі, сондай-ақ облыстардың, Астана, Алматы және Шымкент қалаларының аумақтық сайлау комиссияларының төрағалары қатысты.Кездесуді ашқан ОСК Төрағасы клубтық қозғалыстың электоралдық мәдениетті қалыптастырудағы негізгі институттық рөлін атап өтті.&nbsp;<blockquote>«Жыл сайын Қазақстанда 300 мыңнан астам азамат алғаш рет дауыс беру құқығына ие болады. Біздің міндетіміз – бұл үдерісті олар үшін түсінікті әрі қолжетімді ету, сол үшін олармен жұмысты алдын ала бастау. Жастармен тікелей әрі мазмұнды диалог орнату маңызды – дәл осы тәсіл жауапты әрі саналы қатысуды қалыптастырады», – деп атап өтті Нұрлан Әбдіров.</blockquote>Қатысушылар арасында өз өңірлерінде іске асырылып жатқан электоралдық саладағы қолданбалы шешімдер мен бастамаларды таныстырған клуб мүшелерінің баяндамалары да үлкен қызығушылық тудырды.Аталған кездесуді өткізу туралы ұсыныстың бастамашысы, Қызылорда облысының жас белсендісі Мейірман Меңдібай өңірдегі ЖСК жұмысын таныстырып, жас сайлаушылар арасындағы стартап әзірлеушілерге арналған сыйлық тағайындау идеясын көтерді.Алматы қаласының Жас сайлаушылар клубының мүшесі Бауыржан Маханбет жастарды ақпараттандыруға арналған инновациялық құралдардың кешенін ұсынды: ағартушылық комикстер мен Telegram-боттан бастап, мектеп және студенттік сайлау модельдерін енгізу, білім беру форматтарын дамыту және депутаттық корпуспен өзара іс-қимылға дейінгі бастамаларды қамтыды.Орал қаласының Жас сайлаушылар клубының төрағасы Сабыржан Лиас студенттік ректор сайлауын ұйымдастыру тәжірибесін таныстырды. Ол жас сайлаушыларға арналған ақпараттық модуль әзірлеу және республикалық пікірсайыс турнирін өткізу бастамасын ұсынды.Павлодар облысының Жас сайлаушылар клубының мүшесі Айша Таласова мектеп оқушыларына арналған «Сайлау қалай өтеді: ішкі көзқарас» атты авторлық жобасын, сондай-ақ білім беру ұйымдарында клубтар қызметін дамыту және жастар бастамалары көшбасшыларын даярлау тәжірибесін таныстырды.Астана қаласы клубының мүшесі Азат Тенгебаев жастардың құқықтық мәдениеті мен азаматтық белсенділігін арттыру, олардың референдумға практикалық қатысуы мәселелерін көтерді. Жас белсенді жасанды интеллектті қалай қолданатынын айтып өтті: чат-боттар, сондай-ақ Астана тәжірибесі негізінде мультфильмдер мен қысқа роликтердің сайлау үдерістерін қарапайым тілмен түсіндіруге көмектесетінін атады. Елордалық жастардың жоспарында - фейктерге қарсы «Цифрлық қалқан» жобасын іске қосу, сондай-ақ қатысқаны және дұрыс жауаптары үшін ынталандыру берілетін цифрлық квест әзірлеу бар.Қорқыт Ата атындағы Қызылорда университеті студенттері Нұрбол Оңалбеков және Нұрбек Әбілдаев кибералаяқтыққа қарсы бағытталған және жалған ресурстарды анықтауға мүмкіндік беретін Qalqan AI жобасын таныстырды.Қатысушылардың жекелеген бастамалары клуб қозғалысын одан әрі институционалдық дамытуға бағытталды. Мәселен, Талдықорған қаласындағы Жетісу құрылыс-техникалық колледжінің студенті Санжар Сағатбек форумды жыл сайын өткізу туралы ұсыныс білдірді. Өз кезегінде Ақмола облысынан келген Лиза Есенбол сайлау туралы арнайы онлайн-платформа құру бастамасын көтерді, Жамбыл облысынан келген Айбек Қадралиев ЖСК мүшелері үшін форумдар мен лагерьлер ұйымдастыру қажеттігін айтты, ал оның әріптесі Дархан Байпақ аудандық клубтарды белсендірек тарту және ең белсенді қатысушыларды жыл сайын марапаттау жүйесін енгізу жөнінде пікір білдірді. Қарағандылық Асылай Қонысова клубтардың қызметін үйлестіру мақсатында республикалық ЖСК төрағасын сайлауды ұсынды.Орталық сайлау комиссиясының Төрағасы клубтардың белсенді қызметін атап өтіп, Алматы қаласының Жас сайлаушылар клубының мүшесі, «Болашақтан дауыс» комикстер сериясының теңавторы Руслан Муржановқа, сондай-ақ Қызылорда облысындағы 9-сынып оқушысы, жасанды интеллект технологияларын пайдалана отырып комикстер сериясын әзірлеген және өңір мектеп оқушылары арасында кең қызығушылық тудырған Аяжан Мөңкебайға алғыс хат табыстады.Кездесу қорытындысы бойынша Жас сайлаушылар клубтарының қызметі жекелеген бастамалар шеңберінен шығып, тұрақты жүйелі сипат алып келе жатқаны атап өтілді. Клубтар тек қатысуды арттыру тетігі ғана емес, сонымен қатар сайлау процесін сапалы түсінуді қамтамасыз ететін, құқықтық мәдениетті дамытуға және жастардың өз сайлау құқықтарын жүзеге асыруға саналы көзқарасын қалыптастыруға бағытталған маңызды платформа ретінде қалыптасып отыр.Анықтама ретінде: бүгінгі таңда Жас сайлаушылар клубтары еліміздің барлық өңірлеріндегі 248 клубта 3 мыңнан астам қатысушыны біріктіріп, Қазақстан Республикасында электоралдық мәдениетті қалыптастыру жүйесіне интеграцияланған, қарқынды дамып келе жатқан қауымдастықты білдіреді.Осы күні форум аясында өңірлік аумақтық сайлау комиссияларының төрағаларымен кеңес өткізіліп, оның барысында сайлау науқандарын ұйымдастыру мен өткізудің негізгі мәселелері талқыланды.<img src="https://knadmin.beoblood.kz/uploads/Whats_App_Image_2026_04_24_at_17_07_41_e01623a4cc.jpeg" alt="Жас сайлаушылар жобаларын таныстырды.jpeg">

Қызылорда облысының жастары «Жастар және сайлау» республикалық форумында жаңа жобаларын ұсынды

<a href="https://kyzylorda-news.kz/">Kyzylorda-news.kz</a> Өңірлік экологиялық саммит аясында Астана қаласында «Орталық Азияның жасыл көшуі» тақырыбында жасыл инвестициялық форум өтті. Іс-шараға мемлекеттік органдардың өкілдері, халықаралық ұйымдар, сондай-ақ бизнес қауымдастық қатысты.Іс-шара шеңберінде өткен «GreenTech Connect: жасыл технологияларды кім сатып алады және жасыл жобаларға тапсырыс берушілер» атты секцияда Қызылорда облысы әкімінің орынбасары Ардақ Зебешев баяндама жасады. Ол өз сөзінде өңірдегі жасыл жобаларды іске асыру тәжірибесі мен мемлекеттік қолдау тетіктері туралы айтып өтті.Бүгінде облыста жалпы қуаттылығы 130 МВт күн электр станциялары жұмыс істейді. Ал 2026–2028 жылдары 260,5 МВт болатын 6 күн және 2 жел станциясын іске қосу жоспарланған.Өңірде сондай-ақ ірі энергетикалық жобалар жүзеге асуда. Олардың қатарында “AKSA ENERGY Qyzylorda” жылу электр орталығы (240 МВт) және Самұрық-Энерго бу-газ орталығы (1100 МВт) бар.Қалдықтарды қайта өңдеу саласында кореялық With you E&amp;C Qyzylorda (37,8 млрд теңге), шыны қалдықтарын қайта өңдеу арқылы жылына 240 млн бөтелке өндіретін “Seven rivers technologies” (60 млрд теңге), ал агроөнеркәсіпте HARVEST AGRO (68 млрд теңге) жобалары іске асырылуда.Жалпы, Қызылорда облысының табиғи ресурстық әлеуеті мен инфрақұрылымы жасыл экономиканы дамытуға және инвестиция тартуға қолайлы жағдай қалыптастырып отыр.<img src="https://knadmin.beoblood.kz/uploads/Investicziyaly_forum_2_928e5ea636.jpg" alt="Инвестициялық форум 2.jpg">

Сыр өңіріндегі бірқатар жобаларды іске асыру тәжірибесі туралы баяндады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Жетікөл, Айдарлы ауылдарындағы "Жетікөл жарма" және "Ақтам" каналдарын механикалық тазалау жұмыстарымен танысты. Жұмыс сапары барысында аудан басшысы атқарылып жатқан жұмыстардың сапасына, мерзімінде орындалуына және техникалық қауіпсіздік талаптарының сақталуына ерекше назар аударды.Бүгінде елді мекендерді тұрақты аяқ сумен қамтамасыз ету мақсатында "Жетікөл жарма" каналының 16,5 шақырымдық бөлігінде кешенді тазалау және қалпына келтіру жұмыстары жүргізілуде. Сондай-ақ, "Ақтам" каналының сағасы тазартылуда.Бұл жұмыстарға "Қазсушар" ШЖҚ РМК Қызылорда филиалы арқылы 9 экскаватор, 4 ауыр техника, 1 бульдозер және 2 қосымша арнайы техника жұмылдырылған.&nbsp;Бүгінде каналдардың 2,2 шақырымы тазартылды. Жұмысшы топ белгіленген жоспарға сәйкес канал арнасын кеңейту, түбін тереңдету жұмыстарын қарқынды түрде жүргізуде.&nbsp;Сырдария ауданының әкімі жауапты сала басшыларына және мердігер мекеме өкілдеріне жұмыстың сапасын арттыру, белгіленген мерзімнен кешіктірмей аяқтау жөнінде нақты тапсырмалар жүктеді. Алдағы уақытта берілген тапсырмалар бойынша бақылау жүргізіліп, атқарылған жұмыстардың жүйелі орындалуына бақылау жүргізетінін жеткізді.<img src="https://knadmin.beoblood.kz/uploads/Syrdariya_kanaldardy_mehanikaly_tazalau_81f46682b3.jpg" alt="Сырдария каналдарды механикалық тазалау.jpg">

Қазақстан және Қызылорда облысының жаңалықтары