<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен актив отырысы өтіп, орын алған бірқатар кадрлық тағайындауларға тоқталды.Алдымен Арал ауданының төтенше жағдайлар бөлімінің бастығы қызметін абыройлы атқарып келген Дархан Шакен Нұрбекұлын құрметті зейнет демалысына шығарып салу рәсімінде еңбек жолына кеңінен тоқталып, ауданның ең жоғарғы наградасы «Құрмет грамотасын» табыстады.Бұл қызметті одан әрі осы салада ұзақ жылдар еңбек етіп, абырой бигінен көрініп жүрген Айдос Мұратұлы Сыдықов атқаратын болады.Аудан әкімі жас әрі білікті кадр Айдос Мұратұлының кандидатурасы қолдау тапқанын айтып, саланың өзіндік жауапкершілігі зор екенін алға тартты.<blockquote>– Айдос Мұратұлы, саланың жауапкершілігін өзіңіз жақсы білесіз. Төтенше жағдай мезгіл таңдамайды. Кез келген сәтте, қай уақытта болсын адам өміріне қауіп төнген жағдайда Сіз басқаратын ұжым қызметкерлері ең алғаш болып оқиға орнынан табылауға міндетті. Ел ортақ болған соң оның жауапкершілігі де ортақ. Төтенше жағдайлардың алдын-алу, адам өмірін құтқару - жауапты миссиясы өзіңізге тікелей жүктеледі. Сондықтан, әлеуметтік нысандардың, жеке секторлардың өрт қауіпсіздігін алдын-алу және тиісті шараларды дер кезінде ұйымдастыруды тапсырамын, – деді аудан әкімі А.Оңғарбаев.</blockquote>Бұған дейін Арал аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы қызметін абыройлы атқарып келген Шерхан Жұбаханұлы Есжанов облыс әкімдігінің келісімі және аудан әкімінің өкімі негізінде аудан әкімінің орынбасары лауазымына тағайындалды.Аудан әкімі мемлекеттік қызметтің түрлі сатысынан өтіп, мол тәжірибе жинақтаған Ш.Жұбаханұлының жаңа қызметіне сәттілік тілеп, міндеттер бөлінісіне сәйкес жетекшілік ететін салар бойынша бірқатар тапсырма жүктеді.Сонымен қатар аудан әкімі Аманжол Сақыпұлы аудан әкімінің орынбасарлары мен аудан әкімі аппараты басшысының міндеттер бөлінісін қайта нақтылап, артылар жауапкершіліктің жоғары екенін атап өтті.Жиын барасында әр жылдары ауданымыздың қоғамдық өміріне белсене араласып, әлеуметтің әлеуетін арттыруда көптеген келелі істердің басы-қасынан табылып, бір мүдде жолында аянбай еңбек етіп келе жатқан бірқатар азаматтар мен еңбек ұжымдарына аудан әкімінің Алғыс хаты табысталды.Фото: Арал ауданының әкімдігі

Арал ауданында актив отырысы өтті

<a href="https://kyzylorda-news.kz/">Kyzylorda-news.kz</a> Ерте, ерте, ертеде, &nbsp;Айна атты &nbsp;ауылда мамыражай өмір сүріп жатқан бір елде бір топ дос болыпты. Олар сол ауылдың ең ақылды, үлкенге құрмет, кішіге ізет көрсете білетін балалары екен. &nbsp;Сол ауылда &nbsp;Шприц пен Ине, ал көрші Шығанақ &nbsp;ауылында &nbsp;Қошан атты бай өмір сүріпті.&nbsp;Оның көптеген қатігез, мейірім қасиеті жоқ&nbsp;Героин,&nbsp;Экстази,&nbsp;Кокаин атты достары болыпты.&nbsp;Олар өздерін ГЭК&nbsp;деп атады. Бай Қошанда &nbsp;дәулеті көп еді, сонда да байлық атаулысына тоймай жер бетіндегі бар ақшаны иемденгісі келді. Бір күні Қошан өзінің қызметшілерін – ГЭК &nbsp;достарын &nbsp;шақырып алып, өздерін сатып, ақша алу үшін көрші қалаларға баруды бұйырды. Ал сатып алу үшін қарапайым халықты алдау керек. &nbsp;Олар адам миына сыймайтын ереже ойлап тапты. &nbsp;Халық ГЭК тобының &nbsp;бұйрықтарын орындамаса, оларды суға батырып, жер бетінен жоятынын айтты. &nbsp;Олар арам ойларын Көктем ауылы тұрғындарына пайдаланамыз деп шешті. ГЭК тобының алғаш танысқандары &nbsp;Шприц пен Ине болды. Олар аяқ астынан дос бола қалды. Иә, олардың достық бастауы таң қаларлық емес еді. &nbsp;ГЭК, &nbsp;Шприц және &nbsp;Ине &nbsp;ұлдар мен қыздар десе шекелері тыржиып, оларды тіпті жек көретін. &nbsp;Арам пиғылдарын іске асыру үшін сол ауылдың балаларын алдауды бастап кетті. Тіпті болашақтарың жарқын болады, керемет өмір алда деп іздеріне ертеді.&nbsp;&nbsp;Ауылдың аңғал балалары оларға әбден алданып, аты өшкір наша түрлерінен сатып алады. Ақшаны бала қайдан тапты десеңіздер, олар өте еңбекқор болатын, ауылында сойған малдардың терісін өткізіп, даладан темір қалбыр теріп, оны өткізіп өз керек-жарақтарына жұмсайтын, ата-аналарын қуантатын. Жауыз, адам аямайтын, алаяқ, өтірікші ГЭК тобының қанжығалары майланып, мол олжаға әрине арам олжаға ие болды.&nbsp;Тапқан ақшаларына мәз болып Қошан сараңға табыстайды. &nbsp;Шприц пен Ине тынымсыз жұмыс істеді. олар балалардың бойын нашаға әбден үйретіп, миларын улады. &nbsp;Бар – жоғы он күннің ішінде балалар жаман нәрсеге үйреніп, өздерін ерекше әлемде жүргендей сезінді. Әттең , оның арты жақсылыққа апармас еді. Ақшаларының түбі көрініп, нашалары қолжетімді болмаған кезде олардың бойын үрей билеп, қаралай адам кейпінен шығып, өздерін өте нашар сезінетін. Аты өшкір ГЭК тобы оларды жаман істерге итермелеп, тағы сатып алуға көндіргілері келеді. Арада ай артынан ай өтіп, балалардың бірі ауыр дертке шалдығады.&nbsp;Бұл балалардың іс әрекеттерін байқап, бірақ айтуға қорқып жүрген достары дабыл қағады. Бұл жанашырлық белгі ауыл үлкендерінің құлағына жетті. Олар тез арада жан жақтан мамандар шақырып, көмек сұрайды. Ауыл үлкендері, достары &nbsp;бірігіп, есірткімен күресуге кірісті. Ауылдың ақжарқын балалары ГЭК тобын, &nbsp;Шприц пен Инені ұстады. &nbsp;Тез арада ауыл шетіне от жағып аты аталған жауыздарды өрттің ортасына тастады.&nbsp;Ал Шприц пен Ине өмірінің соңына дейін абақтыға қамалды. Арам Қошан бұл жағдаятты естіп, жиған – терген арам олжасын жинап елден қашып кетті. Тапқыр балалар үлкендердің көмегімен оны да тауып алып, зынданға тастады. Осылайша жер бетіндегі зиянды әдеттер жоқ болып, жақсылық орнап, ауруға шалдыққан бала емделіп, барлық балалар бақытты болды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;&nbsp;Әзілхан Нұрайым,Арал ауданы, &nbsp;№220 орта мектебі

Есірткінің «құйрығы» бір-ақ тұтам…

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электрондық сауданы дамыту, Харбин қаласындағы IХ қысқы Азия ойындарына дайындық, Үкімет қаулыларының жобалары қаралды. Жиынға облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Жергілікті кәсіпкерлерді электронды сауда негіздеріне оқыту жұмыстарын ұйымдастырыңыздар. Электронды саудадағы экспорт көлемін арттыру мақсатында бұл саладағы кәсіпорындардың интернет маркетплейстарға тіркелуіне көмек беріп, тиісті жұмыстарды жүргізіңіздер. Тұтынушылардың құқықтарын қорғау бағытында электронды саудадағы тауар сапасына аса мән беріп, дер кезінде қажетті шараларды қабылдаңыздар. 2025 жылғы 7 ақпан – 14 наурыз аралығында Қытайдың Харбин қаласында тоғызыншы Қысқы Азия ойындары өтеді. Жарысқа мемлекетімізден 139 спортшы қатысып, ел намысын қорғайтын болады. Дене шынықтыру және спорт басқармасы, қысқы спорт түрлерін дамыту бойынша нақты шаралар қабылдап, осы бағытта қызмет көрсетететін спорт мектептерінің санын арттыру қажет. Жұмыстарды күшейтіп «Мұз айдыны» спорт кешенінің, өңірдегі спорт мектептерінің әлеуеттерін барынша пайдалануымыз керек»,- деді аймақ басшысы.</blockquote>Айта кетейік, өңірде тауарлар мен қызметтерді өткізу үшін интернет-ресурсты пайдаланатын 10 кәсіпорын тіркелген.Аталған кәсіпорындармен 2023 жылы 18 мыңнан аса тапсырыс жасалып, сауда айналымы 281 млн. теңгені құрады. Тапсырыстарды сақтау мен жеткізу бағытында аймақта «Қазпошта» желісінің 11 супермаркеті және өзгеде интернет дүкендердің тарату пунктері жұмыс жасайды. Қазіргі таңда тауар өндірушілер электронды портал арқылы өз өнімдерін сатуда.Облыста барлығы 14 822 спорттық секцияда 342 223 адам, оның ішінде қысқы спорт түрлері бойынша 14 секцияда 153 спортшы спортпен шұғылданады. Спорт түрлеріне облыстық бюджеттен барлығы 1 млрд 869 млн. теңге бөлінсе, соның ішінде қысқы спорт түрлеріне 51 млн. 476 мың теңге қаржы бөлінген. Аймақтың климаттық ерекшелігіне байланысты «Мұз айдыны» спорт кешенінде қысқы спорттың 3 түрі бойынша үйірмелер жұмыс жасайды.Бүгінгі таңда республикалық чемпионаттарда орын алып жүрген 4 спортшымыз бар. Оның екеуі шорт-тректен кіші жасөспірімдер арасында болса, екеуі мәнерлеп сырғанаудан. Өңірде барлығы 22 балалар мен жасөспірімдер спорт мектептері жұмыс жасаса, оның ішінде 1 спорт мектебінде қысқы спорт түрлерінен қызмет көрсетіледі.Фото: Қызылорда облысы әкімінің баспасөз қызметі

Үкімет отырысындағы көтерілген мәселелер бойынша міндеттер айқындалды

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев: «Жас әрі терең білімді азаматтар – ұлтымыздың басты капиталы және қоғамдағы оң өзгерістердің қозғаушы күші» деп үнемі жастарды қолдау мәселесін басты назарда ұстайды. Бұл жас ұрпақтың жан-жақты дамуына және алдына қойған мақсаттарына қол жеткізуге мүмкіндіктер ашады.Қорқыт ата атындағы Қызылорда университетінде студенттерге арналған «әлеуметтік сатылар», «әлеуметтік жобалар», мемлекет есебінен оқу мүмкіндігі, оқу ақысы, қоғамдық көлікте жүру, студенттік жатақханаға орналасу жеңілдігі мен тамақтануға өтемақы, жұмыспен қамту, &nbsp;кәсіпкерлікпен айналысу, шығармашылықпен, спортпен шұғылдануға мүмкіндіктер және басқа да әлеуметтік қолдаулар қарастырылған.Президентіміздің тапсырмасы бойынша жыл сайын жаңадан студенттік жатақханалар салу мәселесі біздің аймағымызда да оң шешімін табуда. Университеттің студенттік жатақханаларымен қатар, мемлекет қолдауымен салынған жеке кәсіпкерлермен де келісім-шарттар жасалған. &nbsp;Университетте барлық өтініштер қанағаттандырылып, 1218 білім алушы орынмен қамтамасыз етілді. Түрлі әлеуметтік санаттар бойынша студенттерге жатақханада тегін және жеңілдікпен тұруға мүмкіндіктер жасалған.Мемлекет басшысы Қасым-Жомарт Тоқаевтың тапсырмасына сәйкес жыл сайын жастардың тегін жоғары білім алуына қолдау артып келеді. Бұл білімді әрі бәсекеге қабілетті ұрпақ қалыптастыруға бағытталған нақты қадам. Университетте&nbsp;2024-2025 оқу жылында 10231 білім алушы бар. Оның ішінде 4905 жас мемлекеттік тапсырыс негізінде оқиды.Сонымен қатар, студенттерді әлеуметтік қолдау мақсатында оқу ақысына жеңілдік жасау мәселесі де жүйелі қолға алынған. Қазіргі таңда әр түрлі санаттағы 1552 білім алушыға облыстық әкімдік, университет, демеуші ірі компаниялар, қоғамдық қорлар мен қаржы институттары тарапынан білім гранттары мен оқу ақысын төлеуге қолдау көрсетілген.Ел Президентінің 2025 жылдың 1 қыркүйегінен бастап білім алушылардың шәкіртақы көлемінің 2 есеге өсіру жөніндегі тапсырмасы жастар үшін қуанышты жаңалық болды. Біздің өңірде білім алудың ең басты ерекшелігі – еліміз бойынша берілетін ең жоғары шәкіртақы мөлшері. &nbsp;Шәкіртақының өсуі студенттерді әлеуметтік қолдаумен қатар, білім алуға деген ынтасын арттырады.Жыл сайын облыстық әкімдіктің қолдауымен әлеуметтік аз қамтамасыз етілген және көпбалалы отбасынан шыққан білім алушыларға қоғамдық көлікте жүру үшін қаржылай көмек көрсетіліп келеді. 2024-2025 оқу жылы бойынша 216білім алушы осы мүмкіндікке ие болды.Биылғы оқу жылында ата-аналарының қамқорлығынсыз жетім қалған 57 білім алушыға тамақтану үшін өтемақы және біржолғы ақшалай жәрдемақы берілді.Президентіміздің еліміз бойынша жасанды интеллект бағытындағы нақты тапсырмаларына сәйкес университеттің бас оқу ғимаратының жанында Жасанды интеллект базасында жұмыс атқаратын BIC орталығының стартап коворкингі салынып, жақында қолданысқа берілді. Бұл өз кезегінде креативті жобалардың пайда болуына жол ашады.Университетте&nbsp;спорттың 11 түрінен секциялар қызмет жасайды. Атап айтқанда шахмат, тоғызқұмалақ, қазақ күресі, волейбол, баскетбол, футбол, үстел теннисі, бокс,&nbsp;пауэрлифтинг, жүзу, фитнес бойынша бағыттар бар.&nbsp;Университеттің 95 студенті Әлем, Азия және түрлі халықаралық чемпионаттардың жеңімпаздары мен жүлдегерлері.Кез-келген студенттің оқу-тәрбие үдерісінде өзін-өзі дамытуына барлық жағдайлар жасалған. Ол үшін 5 оқу залы, 4 электрондық оқу залы және OPEN SPACE жаңа үлгідегі кітапхана, 1 958 057 миллион кітап қоры, жаңа үлгідегі компьютерлік парк, 64 мамандандырылған оқу зертханалары, әрбір білім беру бағдарламаларының жанындағы пәндік үйірмелер, «Археология және этнография» ғылыми-зерттеу орталығының көрме залы, университеттің тарихи мұражайы, Студенттер сарайы, дыбыс жазу студиясы, «Сейхун» спорттық-сауықтыру кешені, 7 спорт залы мен 5 жазғы спорт алаңы, 7 студенттік асхана, бас оқу ғимараты жанындағы асханасы бар коворкингорталығы, медициналық пункт қызмет етеді. Барлық оқу ғимараттарында WІ-FI желісі қосылып, білім алушылардың үзіліс уақытында демалып отыруларына арнайы орындар, көңіл-күйлерін көтеруге оң әсер ету үшін музыкалық аппаратуралар ұйымдастырылған.Жандос Базартай,Қорқыт ата атындағы Қызылорда университетінің проректорыФото: Қорқыт ата атындағы Қызылорда &nbsp;университеті

Студенттерді әлеуметтік қолдау – оқу орнының басты ұстанымы

<a href="https://kyzylorda-news.kz/">Kyzylorda-news.kz</a> Қызылорда қаласындағы NIS-тің география пәні мұғалімі Арай Нұрбаева республикалық «Педагогикалық идеялар фестивалі» республикалық байқауында ІІІ орын иеленді. Ол танымал Minecraft платформасы арқылы географияны қызықты және интерактивті түрде оқытудың нновациялық жобасын таныстырды.Арай Талғатқызының ұсынған оқыту әдістемесі оқушыларды географиялық объектілер мен үдерістерді виртуалды ортада модельдеуге мүмкіндік береді. GeoFuture-Minecraft – мұғалімдерді оқытудың дәстүрлі емес тәсілдерін қолдануға және заманауи технологияларды оқу үдерісіне енгізуге шабыттандыратыны сөзсіз.<blockquote>«Педагогикалық идеямның мақсаты – география сабағын заманауи және қызықты өткізу. Бұл формат білім алушыларды әлемдік тұрақты даму мақсаттарын зерттеуге көмектеседі. Сонымен қатар, цифрлық сауаттылықты арттырады. Оқушылар сабақта алған теориялық білімдерін Minecraft-та нақты жобалар жасау арқылы тәжірибеде қолданады. Экологиялық тұрақты қалаларды жоспарлау, баламалы энергия көздерін алу және климаттың өзгеруін зерттейді», – дейді Арай Талғатқызы.</blockquote>Фото: Назарбаев зияткерлік мектебі

Сырбойылық мұғалім география пәнін Minecraft ойыны арқылы оқытып жүр

<a href="https://kyzylorda-news.kz/">Kyzylorda-news.kz</a> &nbsp;«2025 жылы 1 қаңтардан бастап Қазақстан Республикасы бойынша кедейлік шегі мемлекеттік атаулы әлеуметтік көмек алуға өтініш берген тоқсанның алдындағы тоқсанға есептелген орташа табыстың 35%-ы мөлшерінде, бірақ есептелген күнкөріс деңгейінің 70%-нан төмен емес &nbsp;мөлшерінде айқындалады.&nbsp;Қызылорда облысы бойынша 2025 жылдың бірінші тоқсанындағы кедейшілік шегі 32 458 теңгені құрайды.Фото: Нұрболат Нұржаубай

Қызылорда облысы бойынша кедейлік шегінің мөлшері анықталды

<a href="https://kyzylorda-news.kz/">Kyzylorda-news.kz</a> Қызылорда облысының прокуратурасы қылмыстық құқық бұзушылық профилактикасына ерекше назар аударады. Мәселен, өңірдегі профилактикалық шараларды күшейту мақсатында жуырда ғана 539 дана бейнебақылау камерасы мен 49 дана жылдамдық өлшегіш құрылғы алынып, аудандарда тұрғындар көп шоғырланатын жерлерге орнатылған. Бүгінде камералардың көмегімен 295 әкімшілік, 1 қылмыстық іс ашылған. Бұл туралы Өңірлік коммуникациялар қызметінің ақпарат алаңында Қызылорда облысының прокуроры Ризабек Ожаров айтты.<blockquote>– Жергілікті құқық қорғау және атқарушы органдардың жұмысын тиісті дәрежеде үйлестірудің нәтижесінде аймақта қоғамдық-саяси ахуал тұрақты. Біздің бастамамызбен өңірде "Смарт білезік", "ІТ тергеу" және "Қылмыссыз ауыл – кемел келешек кепілі" атты 3 жоба жүзеге асырылуда. Бүгінде бұл жобалар оң нәтижесі беруде. Нақтыласақ, "Смарт білезік" жобасы аясында "үй қамақ" бұлтартпау шарасы қолданылған 137 күдіктіге смарт білезік тағылып, тергеп-тексеру жүргізілді. Одан бөлек, "ІТ тергеу" жобасы аясында интернет алаяқтық қылмыстарды дер кезінде ашу мен сапалы тергеп-тексеруді жүзеге асыру үшін "Киберпол" тобы құрылып, құрамына тәжірибелі прокурорлар мен полиция қызметкерлері енгізілді. Қазіргі күні жасанды интеллект мүмкіндіктерін қолданып, 749 қылмыстық іс бойынша 1 074 ұялы телефон нөмірі тексерілді. Нәтижесінде 151 қылмыс ашылып, 62 қылмыскер құрықталды. "Қылмыссыз ауыл – кемел келешек кепілі" пилоттық жобасы бойынша қала, аудандарда алкоголь өнімін сататын 104 кәсіпкермен алкоголь сатуды шектеу туралы меморандум жасалды. Прокуратураның сүйемелдеуімен 116 тұлға алкогольден және нашақорлықтан емдеуге жіберіліп, оның 89-ы мәжбүрлеп емдеуге жатқызылды. Біздің тарапымыздан ардагерлер және әйелдер кеңесімен өзара ынтымақтастық туралы меморандумға қол қойылды. Отбасында жүйелі түрде жанжал шығаратын құқық бұзушылардың тізімі жасақталып, ардагерлерді қатыстыра отырып, олардың әрқайсысымен жеке-жеке профилактикалық жұмыстар жасалып, құқықтық, психологиялық, әлеуметтік және медициналық көмектер көрсетілуде. Бүгінде бұл жұмыстардан оң серпін байқалып, отбасында жанжал шығаратын тұлғалардың қайта құқық бұзушылық жасау дерегі біршама төмендеген,- деді Ризабек Кәрімұлы.</blockquote>Фото: Қызылорда облысының Өңірлік коммуникациялар қызметі

Жасанды интеллект көмегімен қылмыстар ашылуда

<a href="https://kyzylorda-news.kz/">Kyzylorda-news.kz</a>&nbsp; Qazaq Air әуе компаниясының Қызылордадан Астанаға бет алған ұшағында бір жолаушы кенеттен есінен танып, жүрегі мен тыныс алуы тоқтап қалған. Бұл туралы <a href="https://inbusiness.kz/kz/last/kyzylordadan-astanaga-ushkan-ushak-ishinde-tangazhajyp-okiga-oryn-aldy?fbclid=IwZXh0bgNhZW0CMTEAAR3Yx_yMsoIYq8AfAmaoL5GtKbreEn-BHmk5-Nb6mRqRl0yjFeCBxS5TwCQ_aem_hD6IS9b9JKMbx28PfvHpJA">inbusiness.kz</a> хабарлады.&nbsp;Сол сәтте жолаушы жас жігіт дереу көмекке келіп, шұғыл әрекет еткен. Науқастың жағдайын біліп, қан қысымын тексерген. Сосын жүрегіне жасанды массаж жасап, ұшақ қонғанша оны аман алып қалған.Белгілі болғандай, жолаушыларың арасынан суырылып шығып, алғашқы көмек көрсеткен жас жігіт студент екен. Ол – Дінмұхамед Бектұрған. Қызылорда қаласындағы қарапайым мектептің түлегі. ҰБТ-дан 117 балл алса да, жалпы медицинаға грантқа жетпей қалған.Дінмұхамед сонда да өз арманынан бас тартпапты. Астана медицина университетінің ақылы бөліміне оқуға түскен. Ал бір семестрден кейін өз білімін көрсетіп, грант бөліміне ауысқан. Қазір 7 курста оқиды. Үш тілде еркін сөйлейді.

«Qazaq Air»: Қызылордадан Астанаға бағыт алған ұшақта студент жігіт науқасты құтқарды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде жаңа 50 орындық асхана мен өңір жастарына арналған BIC (business incubation center) коворкингінің салтанатты ашылуы өтті.Жаңа нысанның тұсаукесер рәсіміне Басқарма төрағасы-Ректор Бейбіткүл &nbsp;Каримова, университеттің ардагерлер кеңесінің &nbsp;төрағасы Бақыт Қалиев пен университеттің ардагері, техника ғылымдарының докторы, профессор Серікбай Қошқаров және университет ұжымы қатысты. Жаңа асхана бір уақытта 50 адамды қабылдауға арналған. &nbsp;Білім алушылар мен оқу орны қызметкерлерінің денсаулығы және жайлылығы үшін заманауи талаптарға сай жабдықталған. Асханада ыдыс жуатын, тоңазытқыш орналасқан, қызметкерлерге арналған арнайы бөлмелер мен қосымша аймақтар жоғары санитарлық талаптарға сәйкес орналасқан. Жаңа асханада тек дәмді әрі пайдалы тағамдармен ғана емес, жайлы әрі тыныш атмосферада сабақ оқуға да мүмкіндік бар.BIC коворкингі 500 шаршы метр аумақты қамтиды. Орталық технологиялық кәсіпкерлік, IT, инновациялар және жасанды интеллект бағытында білім мен дағдыларды дамытуға зор мүмкіндік ұсынады. Онда 35 аса қуатты компьютер, LED панель, интерактивті панель, 500 Мб/сек жылдамдықтағы жоғары сапалы интернет сынды жоғары технологиялық құралдармен жабдықталған. Коворкинг орталығында &nbsp;конференц-зал, ашық жұмыс кеңістігі (open space), GameDev center, Digital creativity, Hardware және CyberSport, ас бөлмесі &nbsp;орналасқан.<blockquote>“Соңғы замануи үлгідегі коворкинг өңір жастарының кәсіби және шығармашылық әлеуетін арттыруға бағытталған. Қызығушылық танытқан кез келген жас &nbsp;тегін білім беру курстарына, шеберлік сыныптарына қатысып, тәжірибелі мамандардан кеңес ала алады. Сонымен қатар, &nbsp;инкубациялық бағдарламалар мен стартап жобаларды дамытуға мүмкіндік алады”,-деді «KyzylordaHub» бизнес инкубаторының жетекшісі Жанарыс Түбекбаев.</blockquote>Коворкингтің басты мақсаты – жастарды технологиялық кәсіпкерлікке баулу, заманауи құралдарды тиімді пайдалануға үйрету және олардың идеяларын жүзеге асыруға көмектесу.Айта кетейік, асхана мен коворкинг орталық бас оқу ғимаратының жанынан салынған жаңа нысанда орналасқан. Қазіргі таңда университетте заманауи инфрақұрылымды дамытуға арналған жобалар қарқынды жүзеге асырылуда. Бұл өз кезегінде оқу орнының сапасын арттыруға, білім алушылар мен қызметкерлерге ыңғайлы жағдай жасауға арналған.<img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_f87d1991f0.jpg" alt="Қорқыт ата атындағы Қызылорда университетінде жаңа нысан ашылды.jpg"><img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_4_1f84cc5c80.jpg" alt="Қорқыт ата атындағы Қызылорда университетінде жаңа нысан ашылды 4.jpg"><img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_3_3c26bcb0fc.jpg" alt="Қорқыт ата атындағы Қызылорда университетінде жаңа нысан ашылды 3.jpg"><img src="https://knadmin.beoblood.kz/uploads/or_yt_ata_atynda_y_yzylorda_universitetinde_zha_a_nysan_ashyldy_1_819bb43e87.jpg" alt="Қорқыт ата атындағы Қызылорда университетінде жаңа нысан ашылды 1.jpg">

Қорқыт ата атындағы Қызылорда университетінде жаңа нысан ашылды

<a href="https://kyzylorda-news.kz/">Kyzylorda-news.kz</a> Мемлекеттің басты байлығы - халық. Сол байлықты сақтау жолында Үкімет әрдайым елдің талап-тілегіне құлақ асып, мәселелер межесіне жетіп, қолға алған шаруалар оңынан шешілуі тиіс. Мәжіліс мінберіндегілердің де алға қойған мақсаты сол, елдің дегеніне құлақ түру. Осы арқылы бұқараның базынасын билікке жеткізіп, қос жақты көпірді нығайту. Осы ұранмен, өткен аптада Қазақстан Республикасы Парламенті Мәжілісінің депутаты, «ЖСДП» фракциясының мүшесі &nbsp;Наурыз Сайлаубай Қызылорда өңірінің сайлаушыларымен кездесіп, аймақта атқарылған жұмыстарды көзбен көрді.Депутат сапары барысында аймақтың әлеуметтік-экономикалық дамуын, мемлекеттік бағдарламалардың орындалу барысын және тұрғындардың өзекті мәселелерін зерделеді. Көптеген нысандарды аралап, халықтың ұсыныс-тілектерін тыңдады.“Сыр жастары” - аймақ жастарының көзқуанышы болса, “Оқушылар сарайы” бірегей бастамаНаурыз Сайлаубай сапарының алғашқы күні Қызылорда қаласындағы&nbsp;«Отбасы банк» филиалындатұрғындармен және банк басшылығымен кездесуден басталды. Кездесу барысында тұрғын үй бағдарламаларының тиімділігін арттыруға арналған ұсыныстар қарастырылды. Банк басшылығы «Отау» және «Наурыз» бағдарламалары арқылы көптеген отбасының баспана мәселесін шешкенін, жастар үшін «Сыр жастары» бағдарламасының аймақта ерекше маңызға ие екенін атап өтті. Депутат бұл бағдарламаның жастарға жасалған маңызды қолдау екенін атап, алдағы уақытта оның ауқымын кеңейту қажеттігін айтты.<blockquote>Депутат одан әрі&nbsp;Оқушылар сарайының жұмысымен танысты. Бұл мекеме – аймақтағы дарынды балаларды қолдап, олардың шығармашылық және техникалық қабілеттерін дамытуға бағытталған. Хореография, робототехника және вокал үйірмелерінің жетістіктері, балалардың республикалық және халықаралық байқаулардағы жеңістері мақтанарлық. Айта кетерлігі, бұл сынанды “ҚазГерМұнай” АҚ Сыр өрендеріне өз демеушілігімен салып берген еді. Наурыз Сайлаубай:&nbsp;«Бұл мекеме – талантты балалардың болашағына жол ашатын ерекше орын. Мұндай орталықтардың көп болуы – ел болашағына салынған инвестиция», – деді.</blockquote>&nbsp;<blockquote>Сонымен қатар, депутат облыстық&nbsp;Жастар ресурстық орталығында&nbsp;аймақ жастарының басын қосып, олармен еркін форматта кездесу өткізді. Шара барысында жастар ресурстық орталықтарының тиімді жұмыс істеуі үшін тұрақты қаржыландыру және кәсіби мамандардың қажеттілігі туралы ұсыныстар айтылды. Депутат бұл мәселені Парламент деңгейінде көтеруге дайын екенін мәлімдеді.&nbsp;«Жастар – ел болашағы. Біз олардың қажеттіліктерін тыңдап, оларды қолдауға әрдайым дайын болуымыз керек»,&nbsp;– деді Наурыз Сайлаубай.</blockquote>Аудандағы ағайынның да айтары барСырдария ауданында&nbsp;Наурыз Сайлаубай аудан әкімі Берік Сәрменбаевпен кездесті. Ауыл шаруашылығы, құрылыс және инфрақұрылым салаларындағы атқарылған жұмыстар талқыланды. Сонымен қатар, аудан ардагерлері мен мәдениет саласының өкілдерімен кездесуде зейнет жасын қысқарту, ауыл тұрғындарын баспанамен қамтамасыз ету, жастардың әлеуметтік мәселелері сияқты сұрақтар көтерілді.<blockquote>-&nbsp;Біздің ауданда тұрғындардың басты мәселесі – баспананың қолжетімділігі. Жастарымызға қолжетімді шарттармен баспанаға ие болудың тетіктері бар ма? Мемлекеттік бағдарламалардың шарттары ауыл тұрғындарының табысына сай келмей жатады, себебі табыс деңгейі төмен. Осындай бағдарламаларды ауылдық жерлерге бейімдеп, пайыздық мөлшерлемені азайту немесе ауылдық квоталарды қарастыру керек деп ойлаймыз. Зейнет жасын қысқарту туралы ұсынысымыз да маңызды, себебі ауылдағы еңбек жағдайлары қалаға қарағанда ауыр. Ауыл шаруашылығында жұмыс істейтіндер үшін арнайы жеңілдіктер қарастырылса, дұрыс болар еді, - &nbsp;деді аудан тұрғыны.</blockquote>&nbsp;<blockquote>- Бұл көтерілген мәселелер өте өзекті. Әсіресе, баспана қолжетімділігі – мемлекеттің басты назарындағы сұрақтардың бірі. Ауыл тұрғындарына арналған ипотекалық бағдарламаларды жетілдіру бойынша нақты ұсыныстар дайындап, Парламентте көтеремін. Сонымен қатар, зейнет жасына қатысты сіздердің пікірлеріңіздің жауабы бар. Қазіргі таңда бұл мәселе бойынша мораторий жарияланған. Оны қайта қарау нәтижесіз болуы мүмкін. Сол үшін өзге өзекті мәселелерді қозғауды күн тәртібіме енгіземін. &nbsp;Біз осындай ұсыныстарды нақтылау арқылы тиісті органдардың назарын аударуға жұмыс жасаймыз. Ауылдағы еңбек жағдайларын жеңілдету мен әлеуметтік қолдауды арттыру – біздің басты міндетіміз, - деді Мәжіліс депутаты.</blockquote>&nbsp;<blockquote>Шиелі ауданында&nbsp;депутат әкіммен кездесіп, егін шаруашылығы, құрылыс, инфрақұрылым игілігі турасында пікір алмасып, қазіргі шығып жатқан заң нормалары мен үкімет қарауындағы құқықтық шешімдерге байланысты өз ойын білді. Сонымен қатар, «Гежуба Шиелі» цемент зауытының жұмысымен танысты. Зауыт басшысы У Чженьхуа кәсіпорынның толық автоматтандырылған жүйесі, еңбек жағдайлары мен экологиялық стандарттардың сақталуы туралы баяндады. Депутат бұл зауыттың заманауи технологиялардың үлгісі екенін атап өтіп:&nbsp;«Мұндай кәсіпорындар аймақ экономикасына үлкен үлес қосады»,&nbsp;– деді.</blockquote>&nbsp;<blockquote>Жалағаш ауданында&nbsp;Наурыз Сайлаубай белгілі меценат, Қазақстанның Еңбек Ері Имамзада Шағыртаевтың бастамаларымен танысты. Ауыл шаруашылығында күріш пен жүгері өсірумен айналысатын меценаттың ауылдың әлеуметтік-экономикалық дамуына қосқан үлесі жоғары бағаланды. Оның бастамасымен салынған өндіріс орындары мен жұмысшыларға арналған тұрғын үйлер депутат тарапынан ерекше қолдау тапты.&nbsp;«Бұл бастамалар ауылдың әлеуетін көтеріп, халықтың тұрмыс сапасын жақсартуға ықпал етеді»,&nbsp;– деді депутат.</blockquote>&nbsp;<blockquote>Имамзада Шағыртаев ауыл шаруашылығы саласындағы бәсекелестікті арттыру үшін ірі өндірістік кешендерді дамыту қажеттігін айтты.&nbsp;«Бәсекелестікті қалыптастыру – ауыл шаруашылығын жаңа деңгейге көтерудің басты жолы. Бұл халықты жұмыспен қамтуға және аймақ экономикасын нығайтуға мүмкіндік береді»,&nbsp;– деді меценат.</blockquote>Наурыз Сайлаубайдың Қызылорда облысына сапары аймақтың даму бағыттарын анықтап, тұрғындардың көкейіндегі мәселелерін тыңдауға мүмкіндік берді. Барлық аудандардағы ұсыныстар мен талап-тілектер Парламент деңгейінде қаралып, шешімін табуы үшін нақты қадамдар жасалатынына сенім білдірілді.<blockquote>«Сыр елі – ұлттың рухани, мәдени және экономикалық байлығының айқын көрінісі. Мұндағы әрбір бастама елдің жарқын болашағы үшін жасалуда»,&nbsp;– деп атап өтті Наурыз Сайлаубай.</blockquote>Бұл сапар өңірдің әлеуметтік-экономикалық тұрақтылығын арттырып, халықтың сенімін нығайтуға үлес қосты.<img src="https://knadmin.beoblood.kz/uploads/Whats_App_Image_2025_01_14_at_10_18_44_ccf2ef1bd8.jpeg" alt="WhatsApp Image 2025-01-14 at 10.18.44.jpeg">Фото: ЖСДП Қызылорда облыстық филиалының баспасөз қызметі

Мәжіліс депутаты сырбойылық ағайынның талап-тілегін тыңдады

<a href="https://kyzylorda-news.kz/">Kyzylorda-news.kz</a> Бүгін, 14 қаңтарда Италияның Турин қаласында 2025 жылғы Қысқы универсиаданың алғашқы жарыс күнінде қазақстандық спортшылар биатлон, фристайл-могул және шайбалы хоккейден сынға түседі.Алдымен 14:00-де биатлоннан ерлер арасында жекелей сында Вадим Куралес, Кирилл Бауэр, Ержанат Қуандық, Никита Акимов сайысқа түседі.Ал 15:00-де фристайл-могулдан іріктеу кезеңінде Анастасия Гордко, Аяулым Әміренова, Максим Емельянов, Федор Бугаков, Семен Русаков, Антон Бондарев жарысқа шықса, 18:30-де финал белгіленген.Сондай-ақ 17:00-де биатлоннан әйелдер арасында жекелей сында Милана Генева, Полина Егорова, Алина Скрипкина, Айша Ракишева ел намысын қорғайды.Сағат 20:30-де шайбалы хоккейден Қазақстан ерлер құрамасы Оңтүстік Корея, 20:30-де еліміздің әйелдер құрамасы Чехиямен мұз айдынға шығады.Айта кетсек, 13 қаңтарда Италияның Турин қаласында 2025 жылғы Қысқы универсиаданың салтанатты ашылу рәсімі өтті.Дүбірлі дода 13-23 қаңтар аралығында өтеді. Оған әлемнің 57 елінен 2000-нан астам спортшы қатысады. Жарыс бағдарламасында 11 спорт түрі бойынша 96 медаль жиынтығы сарапқа салынады.Қысқы Универсиадада Қазақстан құрамасынан 103 спортшы 11 спорт түрі бойынша бақ сынайды. Олар биатлон, шорт-трек, шаңғы жарысы, мәнерлеп сырғанау, қысқы спорттық бағдарлау, фристайл, тау шаңғысы, ерлер және әйелдер хоккейі, сондай-ақ парашаңғы жарыстары бойынша сынға түседі.Фото: Туризм және спорт министрлігі

Қысқы Универсиада: Бүгін қазақстандық жастар үш спорт түрінен сайысқа түседі

<a href="https://kyzylorda-news.kz/">Kyzylorda-news.kz</a> «Алтын доптың» бес дүркін иегері, португалиялық шабуылшы Криштиану Роналду Сауд Арабиясының «Әл-Наср» футбол клубымен келісімшартын ұзартады. Бұл туралы португалиялық A Bola газеті хабарлады, деп жазады <a href="https://kaz.inform.kz/news/krishtianu-ronaldu-al-nasrmen-kelsm-shartti-2026-zhilga-deyn-uzartadi-7d0348/">ҚазАқпарат.</a>Дереккөздің айтуынша, келісім 2026 жылдың маусымына дейін жалғасады. Роналдудың «Әл-Насрмен» қазіргі келісімшарты 2025 жылдың маусымында аяқталады.Роналду 39 жаста, ол 2023 жылдан бері «Әл-Наср» құрамында ойнайды. Осы маусымда португалиялық футболшы клуб сапында 20 матч өткізіп, 17 гол соғып, 3 нәтижелі пас берді.Роналду – Чемпиондар лигасының бес дүркін жеңімпазы, Еуропа чемпионы, Ұлттар лигасының жеңімпазы, ұлттық құрамалар, Еуропа чемпионаттары, Чемпиондар лигасы, клубтар арасындағы әлем чемпионаттары тарихындағы үздік бомбардир. Роналду ресми матчтарда 900-ден аса гол соққан алғашқы футболшы болды. Португалиялық шабуылшы бес рет «Алтын доп» иегері атанған.Айта кетейік, бұған дейін Роналду дубль жасап, 915-ші голын соққаны және әлемдік рекорд орнатқаны туралы жазған болатынбыз.Сондай-ақ, Роналду «Әл-Наср» клубына Зиданды бас бапкер етуді сұрады.Фото: Жеке мұрағат (инстаграм парақшасынан)

Қазақстан және Қызылорда облысының жаңалықтары