<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қазақстан халқына» ҚҚ басқарма төрағасы Ләззат Шыңғысбаевамен кездесті. Кездесуде қордың Сыр елінде атқарған, қолға алған жұмыстары сараланды.«Мемлекет басшысының бастамасымен құрылған «Қазақстан халқына» қоры арқылы Сыр елінде 4,8 млрд. теңгенің денсаулық сақтау жобалары қаржыландырылды.Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары ашылды. Оған қоса 1 млрд. 100 млн. теңгеге скрининг жүргізуге арналған жылжымалы медициналық кешендер алынды. Бүгінде кешендер шалғай елді мекендер тұрғындарына тұрақты медициналық қызмет көрсетуде», – деді Н.Нәлібаев.Сонымен қатар, қор қаржысына сирек кездесетін, онкологиялық және онкогематологиялық ауруға шалдыққан науқастарға дәрі-дәрмек, перинаталдық орталық пен аудандық ауруханаларға диагностикалық линзалар, офтальмоскоптар мен офтальмологиялық лазерлер, басқа да құрал-жабдықтар сатып алынды. Қан тамырлары патологиясы бар балалар емделді. Генетик, УДЗ маманы, трансплантология үйлестірушісі білім жетілдірді. Көз қабығын ауыстыруды қажет ететін науқастардың еміне қаржы қаралды.Басқосуда Ләззат Шыңғысбаева «Қазақстан халқына» қоғамдық қоры мен Қызылорда облысы арасындағы жолға қойылған тұрақты әріптестік байланыс одан әрі жалғасатынын жеткізді және алдағы уақытта Сыр өңірінде жүзеге асырылатын жобаларды талқылады.Айта кетейік, бүгін Шиелі ауданының Досбол би ауылында «Қазақстан халқына» қорының қолдауымен салынған спорт кешенінің ашылу рәсімі өтті.Фото: Қызылорда облысы әкімінің баспасөз қызметі

"Қазақстан халқына" қорымен әріптестік байланыс жалғасады

<a href="https://kyzylorda-news.kz/">Kyzylorda-news.kz</a> Қала әкімінің орынбасары Дархан Тұрсынбаевтың төрағалығымен еңбек қатынастары жөніндегі жиын өтті.Кездесуде еңбек саласындағы әлеуметтік ахуал мәселелері талқыланып, құзырлы органдар тарапынан кеңінен түсіндірме жұмыстары жүргізілді. Оның ішінде, Қазақстан Республикасының еңбек заңнамасында, келісімдерде, еңбек, ұжымдық шарттарда және жұмыс берушінің актілерінде көзделген құқықтар мен міндеттерді жүзеге асыру кезінде жұмыскер мен жұмыс берушінің арасында туындайтын қатынастардың талаптарын сақтау басты міндет екені аталып өтті.Айта кету керек, жиынға Қызылорда облысының прокуратурасы, Мемлекеттік еңбек инспекциясы комитетінің Қызылорда облысы бойынша департаменті, Халықты әлеуметтік қорғау саласындағы реттеу және бақылау комитетінің Қызылорда облысы бойынша департаменті, «Еңбекті қорғау жөніндегі республикалық ғылыми-зерттеу институы» Қызылорда облысы бойынша филиалы, «Мемлекеттік аннуитеттік компания» өмірді сақтандыру компаниясы» акционерлік қоғамының Қызылорда қаласындағы филиалы және «Қызылорда облысы кәсіподақтар орталығы» аумақтық кәсіподақтар бірлестігінің өкілдері қатысты.Фото: Қызылорда қаласының әкімдігі

Еңбек саласындағы әлеуметтік ахуал мәселелерін талқылады

<a href="https://kyzylorda-news.kz/">Kyzylorda-news.kz</a> Қазіргі таңда елімізде тәртіп сақтау мәселесі ерекше назарға алынуда. Әсіресе, қоғамдық орындарда заң бұзушылықтардың жиі орын алуы, жол ережелерінің сақталмауы, экологиялық талаптардың еленбеуі қоғамдағы тәртіпке әсер етуде. Мұндай құқық бұзушылықтардың алдын алу мақсатында мемлекет көптеген шаралар қабылдауда, оның ішінде айыппұл жүйесі де бар.Негізінен айыппұл – құқықтық тәртіпті сақтаудағы маңызды тетік. Ол заңбұзушылықтардың алдын алуға, жауапкершілік пен тәртіпті нығайтуға бағытталған. Дегенмен айыппұлдың тиімділігі, әділдігі және оның қоғамға тигізетін әсері туралы пікірлер де әртүрлі.Айыппұл о&nbsp;не деген ғайып бұл?Соңғы уақытта «көлікті бес минуттан артық қыздыруға болмайды» деген пікір қоғамда кеңінен талқыланып, белгілі бір дәрежеде үрей туғызған еді. Бұл жөнінде мәжіліс депутаты, «AMANAT» партиясы&nbsp;фракциясының мүшесі Снежанна Имашева осы аталған мәселеге байланысты пікір білдірген еді.<blockquote>–&nbsp;«Жол қозға­лысы туралы» заң мен жол қозғалысы ережелерінде көлікті бес минуттан артық қыздыруға тыйым салатын ешқандай нақты норма жоқ. Дегенмен бұл пікірдің пайда болуына байланысты бірнеше заң тармақтарына назар аудару қажет.&nbsp;«Бес минут» ережесі «тоқтау» мен «тұ­раққа қою» ұғымдарын дұрыс түсінбеуден туындаған. Яғни, жүргізуші көлікті бес минуттан артық тоқтатып қойса, бұл «тұрақ» болып саналады. Ал көлі­ктің қозғалтқышы тұрғындарға айтар­лықтай қолайсыздық тудырмаса, онда әкім­шілік құқықбұзушылық болып саналмайды. Егер тұрғын ауданда ауыр жүк көлігімен немесе трактормен тұрып, шу мен түтіннен тұрғындар қолайсыз жағдайға тап болса, олар шағымдануы мүмкін. Мұндай жағдайда 597-бапқа сәйкес, көлік құрал­да­рын тоқтату немесе тұраққа қою ережелерін бұзғаны үшін 5 айлық есептік көрсеткіш көлемінде айыппұл салынуы мүмкін, – деді ол.</blockquote>Иә, бұл мәселе қоғамда үлкен дау туғызған еді. Жақында мәжіліс депутаты Нартай Аралбайұлы әлеуметтік желіде аталған мәселеге қатысты &nbsp;тыйым салатын норманы алып тастағанын мәлім етті.<blockquote>– Көлігі бес минуттан артық оталып тұрған адамдарды жазалау туралы шешімді депутаттар қайта қаруды ұсынды. Ал уәкілетті министрлік оны мақұлдады. Осылайша көпшілік арасында дау тудырған мәселе өз шешімін тапты, – деді ол.</blockquote>Жол қозғалысы жүйелі болуы керекЕлімізде заңбұзушылықтарға қарсы белгілі бір айыппұл мөлшері енгізілген.&nbsp;Әкімшілік полиция басқармасының мәліметінше 2024 жылғы 3 қазандағы №131-VIII санды Қазақстан Республикасының Заңына өзгерістер мен толықтырулар енгізілді. Атап айтсақ, 592-бап бойынша көлік құралының белгiленген жүру жылдамдығын&nbsp;сағатына оннан жиырма километрге дейiн арттыру – 5 АЕК 19 660 теңге, жиырмадан қырық километрге дейiн – 10 АЕК 39 320 теңге, қырықтан алпыс километрге дейін 20 АЕК 78 640 теңге, алпыс және одан көп километрден астам шамаға арттыру –&nbsp;40 АЕК, яғни, 157 280 теңге көлемінде айыппұл төлеуге алып келеді.&nbsp;Ал егер осы баптың 3-1-бөлігінде көзделген әкімшілік жаза қолданылғаннан кейін бір жыл ішінде тағы қайталанса 60 АЕК, яғни, 235 920 теңге төлеуге мәжбүр етеді. Былайша айтқанда белгіленген жол жүру жылдамдығын арттырған сайын айыппұл мөлшері де артатынын естен шығармаған жөн.Сондай-ақ, қала аумағында былтырғы жылдан бастап автокөліктер көп жүретін көше бойларына жол қауіпсіздігі мен жол көлік оқиғаларының алдын алу мақсатында әкімшілік құқық бұзушылықтарды автоматты түрде анықтайтын жалпы саны 10 дана «Сергек» стационарлы жылдамдық өлшегіш құрылғылары жұмыс істеуде.Ресми мәліметтерге сүйенсек, осы жылдан бастап аталған құрылғымен&nbsp;548&nbsp;құқық бұзушылық анықталып, &nbsp;7 млн 225 мың 353&nbsp;теңге айыппұл салынған. Оның ішінде құқық бұзушылыққа қатысты 5 млн 658 мың 218&nbsp;теңге көлемінде қаржы өндірілген. &nbsp;Ал аталған құрылғы&nbsp;екі бағытта жылдамдық асырған және&nbsp;жол ережелерін сақтамаған автокөліктерді анықтайды.Тәртіпке бағынған құл болмайдыШыны керек қазір қоғамда адамдар бұл тәмсілді ұмытқандай. &nbsp;Біреуі кез келген жерге «былш» еткізіп түкірсе, енді бірі қоғамдық орында балағат сөз айтады. Мұндай әбес қылыққа айналаңдағы адамдардың жай жиіркенішпен қарағаны былай тұрсын, заң жүзінде жазаға тартылады.Қазақстан заңнамасында балағат сөз айтқаны үшін жауапкершілік бұрыннан көзделген. Ол үшін 100 АЕК-ке дейін айыппұл салу немесе 120 сағатқа дейін түзеу, я болмаса қоғамдық жұмыстарға тарту түрінде жауапкершілік көзделген. Жаза сот арқылы ескерту немесе 5 тәулікке дейін қамаққа алу түрінде болуы мүмкін Ал ұсақ бұзақылыққа қоғамдық орындарда балағаттау, жеке тұлғаларға тиісу, ғимараттарды және өзге де құрылыстарды, тұрғын үй-жайларды бүлдіру сондай-ақ, жеке тұлғалардың тыныштығын бұзатын басқа да әрекеттерге тиісті айып мөлшері де заң жүзінде бекітілген.Әлемдік тәжірибеге үңілсек, жағымсыз әдеттен тез арылуға үйрететін тәсіл көп. Соның бірі – Үндістан елі. 2020 жылы ел үкіметі көшеде түкіргендерге 500 рупий (3 мың теңге) көлемінде айыппұл салатын заң шығарды.&nbsp;Ал Үндістанда індет кеңінен таралғанда бұл жазаны күшейтіп, 12 жылға дейін бас бостандығынан айыратын болды. Себебі, үнділік дәрігерлер құрт ауруы, COVID-19 індеті ауада таралған түкірікпен жұғатынын анықтаған.Қырғыз &nbsp;елінде &nbsp;насыбай &nbsp;атып, жерге &nbsp;түкірген &nbsp;адамға 5500 сом көлемінде айыппұл &nbsp;салады. &nbsp;Теңгемен есептесек 30 &nbsp;мың теңге.Лондонда байқаусызда көшеде түкіріп қойса 100 фунт стерлинг (55 мың теңге) айыппұл өтейді. Ал, өркениеттің ордасы атанған Сингапурда ауызға да, қолға да ерекше абай болған жөн. &nbsp;Себебі, &nbsp;жерге тастаған қоқыс үшін 1000 доллар (338 мың теңге) төлеуді міндеттеген.&nbsp;Мұнан бөлек&nbsp;елде тәртіпті бұзған, табиғатты ластаған адамға бірден айыппұл салынады. Мәселен, қоғамдық көлікте тамақтану немесе алкогольді ішімдік ішудің өзі мыңдаған доллар айыппұлға әкелуі мүмкін. Бұл елде сағыз шайнаған былай тұрсын оны сатуға да тыйым салған.АҚШ-та жылдамдықты асырғаны үшін азаматтар 1000-2500 доллар көлемінде айыппұл төлейді. Оның мөлшері жол ережесінің қай штатта бұзылғаны байланысты. Ішімдік ішіп, рөлге отырғандар үшін де әр өңірдің дербес заңдары бар. Оның ең қаталы Иллинойс штатында. Онда өмір бойына жүргізушілік куәлігінен айыру, 3 жыл түрмеге тоғыту және 25 000 доллар айыппұл төлету қарастырылған.Ал Қытайда оқушылар да айыппұл арқалауы мүмкін. Мұндай жаза сабаққа кешігіп келетіндерге, үй тапсырмасын орындамайтындар мен мектеп ережесін сақтамайтындарға қолданылады. Мұндағы мақсат – балалардың &nbsp;оқу үлгерімін жақсартып, темірдей тәртіп қалыптастыру. Десе де бұл әдіс-тәсіл қоғам тарапынан жиі сынға ұшырайды екен. Бұл ел тұрғындары үшін оқушыларға шамадан тыс қысым көрсету күйзеліске ұшыратып, мотивацияның төмендеуіне әкелуі мүмкін.Қорыта келгенде, айыппұл жүйесі – тек жазалау құралы ғана емес, ол қоғамда тәртіп орнатудың маңызды механизмі болып табылады. Қазақстанда, сондай-ақ әлемнің басқа да дамыған мемлекеттерінде айыппұлдың кеңінен қолданылуы азаматтардың құқық бұзушылықтарға деген жауапкершілігін арттырып, тәртіпті сақтауға ықпал етеді. Тәртіп бұзу – тек жеке адамның мәселесі емес, ол бүкіл қоғамның қауіпсіздігі мен әл-ауқатына әсер етеді. Сондықтан да әрбір азамат өз әрекетіне жауап беріп, заңды құрметтеу арқылы қоғамдық тәртіпті сақтауға атсалысуы қажет.Аружан ЕРАЛЫФото: Нұрболат Нұржаубай

Тәртіп бұздың ба, айыппұл төле: Жаңа өмірге бейімделу қағидаты

<a href="https://kyzylorda-news.kz/">Kyzylorda-news.kz</a> Қазақстан ерлер құрамасы шаңғы жарысынан 2025 жылғы&nbsp;қысқы Азия ойындарының қола&nbsp;жүлдесін жеңіп алды. Бұл туралы <a href="https://stan.kz/aziya-oyindari-2025-kazakstan-kyramasi-15-shi-zhuldesin-413698/">Stan.kz</a> ақпарат агенттігі хабарлайды.Қазақстан құрамасынан бұл жарысқа Константин Борцов, Наиль Башмаков, Олжас Климин және Владислав Ковалев қатысты. Шаңғышылар 4x7,5 шақырымдық спринт бағдарламасында сынға түсті.Бұл бәсекеде Жапония құрамасы екінші орын алды. Алтын медальды алаң иелері – Қытай құрамасы жеңіп алды.Осылайша Қазақстан құрамасы Харбинде өтіп жатқан 2025 жылғы қысқы Азия ойындарында 15-ші жүлдесін&nbsp;жеңіп алды. Қазір қоржынымызда 3 алтын, 7 күміс және 5 қола медаль бар. Жалпы есепте Қазақстан төртінші орында келеді. Әзірге үздік үштікте Қытай, Оңтүстік Корея және Жапония құрамалары.Фото: Тұрар Қазанғапов

Азия ойындары-2025: Қазақстан құрамасы 15-ші жүлдесін жеңіп алды

<a href="https://kyzylorda-news.kz/">Kyzylorda-news.kz</a> Арал өңіріндегі ең үлкен проблемалардың бірі – шөлейттену мен тұзды дауылдар. Кезінде теңіз орнында қалған бос жерлерден көтерілген тұз әлемнің түкпір-түкпіріне дейін жетіп, қоршаған ортаға кері әсерін тигізді.Осы ретте, экологиялық ахуалды жақсарту үшін көгалдандыру жұмыстары қарқынд алды. Үлкен Арал теңізінің тартылған аумағында 4,4 миллион көшет отырғызылды. 2021-2024 жылдар аралығында 475 мың гектар жерге сексеуіл тұқымдары мен көшеттер егілді. Биыл 428 мың гектар аумақта көгалдандыру жұмыстары жүргізілмек. Осы қарқынмен жалғасатын болса, 2025 жылдың соңына қарай 1,1 миллион гектар жер көгалданады.Сексеуіл ормандары Аралдың айналасында табиғи қорған ретінде қызмет атқарып, климаттық жағдайды жақсартуға көмектеседі. Арал теңізінің түбін көгалдандыру – тек экологиялық емес, сонымен қатар әлеуметтік жоба. Жобаның жүзеге асуы жергілікті тұрғындардың денсаулығына оң әсерін тигізіп қана қоймай, табиғи апаттардың алдын алуда да маңызы зор.Қуаныш Әбілдаев,Арал аудандық ауылшаруашылығы және&nbsp;жер қатынастары бөлімінің қызметкеріФото: Үкімет

Жасыл белдеулер – Аралды шөлейттенуден сақтаудың жолы

<a href="https://kyzylorda-news.kz/">Kyzylorda-news.kz</a> Арал теңізінің мәселесі – тек Қазақстанның ғана емес, бүкіл Орталық Азия елдерінің ортақ проблемасы. Сондықтан бұл мәселені шешуде халықаралық ынтымақтастықтың маңызы зор.2024 жылдың 1 қаңтарынан бастап Қазақстан Халықаралық Аралды құтқару қорына (ХАҚҚ) төрағалық етуде. Қазақстанның 2024-2026 жылдар аралығындағы төрағалығы аясында 40-қа жуық экологиялық және экономикалық жоба жүзеге асырылады. Президенттің тапсырмасы бойынша іске асырылып жатқан жобалар 2000-ға жуық адамды жұмыспен қамтуға мүмкіндік береді.Халықаралық қолдаудың арқасында Арал теңізін қалпына келтіру, балық шаруашылығын дамыту, экологиялық тұрақтылықты қамтамасыз ету жұмыстары жалғаспақ. Бұл бастамалар өңірдегі халықтың әл-ауқатын жақсартып, жаңа экономикалық мүмкіндіктер ашуға ықпал етеді.Егер мемлекет, халық және халықаралық ұйымдар бірге жұмыс істесе, Арал өңірі бұрынғы келбетіне қайта оралады. Біздің басты міндетіміз – бұл өзгерістерді қолдап, табиғатты сақтауға барынша үлес қосу. Арал – біздің ортақ байлығымыз!Асулан Каменов,&nbsp;ЕгіншіФото: Үкімет

Халықаралық деңгейдегі қолдау және жаңа жұмыс орындары

<a href="https://kyzylorda-news.kz/">Kyzylorda-news.kz</a> Соңғы жылдары Солтүстік Арал теңізінің су деңгейі мен ауданының ұлғаюы – оң үрдіс. Балық түрлерінің қайта қалпына келуі, судың минералдану деңгейінің төмендеуі және жасылдандыру шаралары теңіз экожүйесін жандандыруға көмектеседі.<blockquote>Арал теңізінің құрғауы Орталық Азиядағы ең ірі экологиялық апаттардың бірі болып табылады. Ол туралы «Арал теңізінің құрғап, шөлге айналуы – алаңдатарлық мәселе. Экологиялық апатқа ұшыраған аймақты оңалту керек. Бұған қоса, трансшекаралық өзендердің су қорын тиімді пайдалану қажет. Ол үшін су үнемдеу технологияларын кеңінен қолдану керек», – деді Мемлекет басшысы.</blockquote>Күріш алқаптарын лазерлік тегістеу және заманауи суару технологияларын енгізу нәтижесінде үлкен көлемде су үнемделіп, Аралға бағытталуда. Бұл шаралар ауыл шаруашылығының өнімділігін арттырып қана қоймай, су ресурстарын тиімді пайдалануға мүмкіндік береді.Әсел Асылбек,&nbsp;Белсенді жасФото: Үкімет

Солтүстік Арал теңізінің су деңгейі мен ауданының ұлғаюы – оң үрдіс

2024 жылдың 1 қаңтарынан бастап Халықаралық Аралды құтқару қорына төрағалық ету кезегі Қазақстан Республикасына өтті. Осыған байланысты мемлекет басшысы Қасым Жомарт Тоқаев жыл соңына дейін Солтүстік Арал теңізін Үлкен Аралдан бөлетін «Көкарал» бөгетін қайта жаңарту жұмысын аяқтау жоспарда бар екенін атап айтты.Арал теңізі бассейніндегі аймақты оңалту мақсатында көгалдандыру жұмысы жалғасып жатыр. Бүгінде Үлкен Арал теңізінің тартылған аумағында 4,4 млн көшет отырғызылды.2021-2024 жылдар аралығында 475 мың гектар жерге тұқым мен көшет отырғызылды. Биыл 428 мың гектарда көгалдандыру жұмыстарын жүргізу жоспарланған. Осының нәтижесінде 2025 жылдың соңына қарай Арал теңізі табанын көгалдандырудың жалпы көлемі 1,1 млн гектарға жетуге тиіс.Арал теңізінің тартылған аумағын көгалдандыру топырақ эрозиясының алдын алады және құмды, тұзды дауылдармен күресуге көмектеседі. Бұл аймақтың экологиялық жағдайын жақсартып, жергілікті тұрғындардың денсаулығын қорғайды.Айдос Маратов,Белсенді жасФото: Үкімет

«Көкарал» бөгетін жаңарту жұмыстары жүргізілмек

<a href="https://kyzylorda-news.kz/">Kyzylorda-news.kz</a> &nbsp;Бұл тұрғыда Солтүстік Арал теңізінің ауданы мен көлемінің ұлғаюы балық шаруашылыған үлкен септігін тигізеді. Соның ішінде балық шаруашылығына көп көмегін береді. Балықтың 22 түрінің популиясын қалпына келтіруге мүмкіндік береді. Жыл сайынғы балық аулау көлемі 8 мың тоннаға жетті. Бұл да бір халық үшін қуантарлық жайт.<blockquote>«Арал теңізінің құрғап, шөлге айналуы – алаңдатарлық мәселе. Экологиялық апатқа ұшыраған аймақты оңалту керек. Бұған қоса, трансшекаралық өзендердің су қорын тиімді пайдалану қажет. Ол үшін су үнемдеу технологияларын кеңінен қолдану керек», - деді Қазақстан Республикасының Президенті Қасым-Жомарт Тоқаев.</blockquote>&nbsp;Шынболат Құрманалиев,Арал аудандық жастар ресурстық орталығының қызметкеріФото: Үкімет

Президент: "Арал теңізінің құрғап кетуі – алаңдатарлық мәселе"

<a href="https://kyzylorda-news.kz/">Kyzylorda-news.kz</a> Қазақстанның Арал теңізін қалпына келтіру жұмыстары маңызды. Десе де оның тұрақты сақталуы үшін көрші елдермен су ресурстарын бірлесіп басқару қажет. Бұл мәселеде саяси келіссөздер мен тұрақты халықаралық ынтымақтастықтың рөлі зор.Теңізді қалпына келтіру жобалары жұмыс орындарын ашып, жергілікті халықтың әл-ауқатын жақсартуға ықпал етуде. Балық шаруашылығының дамуы, инфрақұрылымның жетілдірілуі және ауыл шаруашылығындағы субсидиялар аймақтың экономикасын көтеруге мүмкіндік береді.Халықаралық Аралды құтқару қорының Қазақстанның 2024-2026 жылдардағы төрағалығы аясында қабылданған іс-шаралар жоспары толық іске асуы керек. Бұл – аймақтық экологиялық саясатты күшейтіп, экологиялық мәселеге халықаралық назар аудартудың тиімді құралы.Үкіметтің Аралды қалпына келтіру бойынша жасап жатқан қадамдары – маңызды әрі нәтижелі. Алайда бұл мәселе ұзақ мерзімді, тұрақты шешімдерді талап етеді. Су ресурстарын басқаруда халықаралық серіктестік күшейтіліп, экологиялық бастамаларға инвестициялар тартылуы қажет. Сонымен қатар, климаттық өзгерістердің әсерін ескеріп, жаңа технологияларды кеңінен енгізу маңызды.Гүлмарал Сақтапова,&nbsp;Арал аудандық «Толқын» газетінің тілшісіФото: Үкімет

Аралды қалпына келтіру жұмыстары маңызды әрі нәтижелі

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың ағымдағы жылды «Жұмысшы мамандықтарының жылы» деп жариялауына орай Жалағаштағы «Өркен Әлем» ЖШС қызметкерлерін «Руханият» орталығымен таныстырып, жұмысшы маман иелерімен кездесу ұйымдастырылды.Кездесуге аудан әкімінің орынбасары &nbsp;Ғани Сүлейменов, облыстық әйелдер кеңесінің төрайымы Райкүл Байназарова, облыс әкімі жанындағы әйелдер істері және &nbsp;отбасылық-демографиялық саясат жөніндегі комиссия хатшысы Қаламқас Каримова, сонымен қатар ауданымыздағы өндіріс саласындағы әйелдер қауымы қатысты.Бір қолымен бесікті, бір қолымен әлемді тербеткен әйел-аналардың орны тек шаңырағында деген түсініктің аясын кеңейткен кездесуде &nbsp;белсенді жұмысшы әйелдер марапат төрінен көрінді.&nbsp;Жиында жұмысшы мамандықтарының жылы, еңбек адамының беделін көтеру, кәсіби білім беру және еңбек нарығына қажетті мамандықтар бойынша оқытуды жетілдіру жайы сөз болды.Коллаж: kyzylorda-news.kz

Жалағаш ауданы: Жұмысшы мамандар "Руханият" орталығымен танысты

<a href="https://kyzylorda-news.kz/">Kyzylorda-news.kz</a> &nbsp;Солтүстік Арал теңізін сақтау және су деңгейін тұрақтандыру үшін Көкарал бөгеті маңызды рөл атқарады. Бұл бөгет теңіз суының Үлкен Аралға ағып кетуіне тосқауыл қойып, солтүстік бөліктің қалпына келуіне ықпал етеді.Қазіргі уақытта "Көкарал бөгетін сақтау және Сырдария өзені сағаларын қалпына келтіру" жобасы қарқынды жүзеге асуда. Бұл бастама Солтүстік Арал теңізіндегі судың деңгейін тұрақтандырып қана қоймай, оның тұздылығын азайтуға да ықпал етеді. Бүгінде жоба аясында "Тәуір" қорғаныс бөгеті салынды, Қарашалаң көлі мен Сырдария өзені арасындағы екі учаскеде бөгеттер қайта жаңартылды, "Қарашалаң-1" каналы мен оның бас құрылысын реконструкциялау сынды кешенді жұмыстар жүргізілді.Көкарал бөгетін сақтау – Солтүстік Аралдың болашағын қамтамасыз ету деген сөз. Бұл жоба толық аяқталғаннан кейін, теңіздің жағдайы жақсарып, экожүйе біртіндеп қалпына келе бастайды.Талғат Қанатов, &nbsp;Арал аудандық мәслихат депутатыФото: Үкімет

Қазақстан және Қызылорда облысының жаңалықтары