<a href="https://kyzylorda-news.kz/">Kyzylorda-news.kz</a> 16 жастағы қазақстандық футболшы Дастан Сатпаев "Челси" клубына ауысады. Әлемдік футболдың басты инсайдерлерінің бірі Фабрицио Романо осы жаңалықты растады. Бұл туралы <a href="https://stan.kz/16-zhastagi-kazak-futbolshisi-angliyalik-chelsi-kyramas-412824/">Stan.kz</a> ақпарат агенттігі хабарлайды.Фабрицио Романоның сөзінше, алматылық "Қайраттан" ауысу құны 4 миллион еуро (2 миллиард теңгеден астам) болды."Дастан 18 жасқа толғанда келісімшартты тағы бір жылға ұзарту мүмкіндігімен "Челси" клубымен 5 жылдық келісімшартқа қол қояды", – деп жазды Романо.Қазақстандық талантқа "РБ Зальцбург", "Байер", "Бенфика" және "Реал Сосьедад" сияқты басқа клубтар да қызығушылық танытқан. Алайда "Челси" Дастанды өз қатарында көруге ерекше құлшыныс білдірді.Өткен жылдың мамыр айында Сатпаев "Қайраттың" негізгі құрамының тарихындағы ең жас футболшы атанды. QJ League U-18 жасөспірімдер лигасында ол 12 матчта 19 гол соғып, 7 нәтижелі пас беріп, маусымның ең пайдалы ойыншысы сыйлығын иеленді.Еске салайық,&nbsp;англиялық "Манчестер Сити" футбол клубы француздық "Ланс" клубының ойыншысы өзбек Абдукодир Хусановты өз қатарларына қоспайтынынын жаздық.&nbsp;20 жастағы өзбекстандық қорғаушыны ағылшын&nbsp;клубы 50 миллион еуроға жуық қаражатқа сатып алмақ болған еді. Дәл осы жаңалық соңғы бір аптада әлемдік БАҚ беттерінде желдей есті.&nbsp;Алайда инсайдер Фабрицио Романоның айтуынша, "Манчестер Сити" Хусановтың орнына Бразилия ойыншысы Витор Рейсті 40 миллион еуроға сатып алмақ. Қазір&nbsp;19 жастағы жас ойыншы өз отанында "Палмейрас" клубында өнер көрсетеді.Фото: t.me/sportilinet

16 жастағы қазақ футболшысын "Челси" 4,3 миллион еуроға сатып алды

<a href="https://kyzylorda-news.kz/">Kyzylorda-news.kz</a> Президент Әкімшілігі Басшысының бірінші орынбасары Дархан Сатыбалдының төрағалығымен мәжіліс өтті. Күн тәртібінде Мемлекет басшысы тапсырмаларының орындалуы, оның ішінде «Таза Қазақстан» республикалық экологиялық бағдарламасының іске асуы және жылу маусымының өту барысы талқыланды.Облыста жылу беру маусымы штаттық режимде өтуде, 1067 әлеуметтік нысан мен 888 көпқабатты тұрғын үй жылумен толықтайқамтамасыз етілген. Жылу-электр орталығында отын қоры, авариялық қор жасақталған. Қазір кәсіпорында 5,3 мың тонна мазут пен 193 тонна дизель отыны бар.Барлық әлеуметтік нысанның отын қоры толық. Жылу беру маусымы қарсаңындабелгіленген, тұрғындар мен әлеуметтік нысандарға қажетті 162 мың тонна көмірдің138 мың тоннасы қоймаларға жеткізілген.«Таза Қазақстан» республикалық экологиялық бағдарламасы аясында санитарлық тазалық, абаттандыру және тұрғындардың өмір сүруіне қолайлы жағдай жасау мақсатында өңірлік жоспар бекітіліп, кешенді жұмыс жүргізілуде. Демеушілік есебінен және облыстық бюджеттен Қызылорда қаласындағы орталық алаң қайта жаңғыртылды, 28 ескі көпқабатты тұрғын үйдің қасбеті заманауи панельмен қапталды, 20 көпқабатты тұрғын үйдің аулалары абаттандырылды. Теміржол вокзалы ғимараты мен перроны күрделі жөндеуден өтті.Балалардың игілігі үшін 80 ойын және спорт алаңы, Жаңақорған ауданында демалыс паркі, Сырдария ауданы Нағи Ілиясов ауылында «Еңбекшілер аллеясы» пайдалануға берілді. Қармақшы ауданы Жаңажол ауылының орталық алаңы және Жалағаш ауданы Таң ауылының көшелеріабаттандырылып, жарықтандырылды.Облыстық бюджеттен бөлінген 800 млн. теңгеге 17 көпқабатты тұрғын үйдің аулалары, 200 млн. теңгеге 14 спорт және ойын алаңы салынып, 7 балалар ойын алаңы жөндеуден өткізілді. Демеушілер есебінен 63 көпқабатты тұрғын үй мен 2 әлеуметтік нысанның қасбеті заманауи үлгіде әрленуде.Аудандарда 320 млн. теңгеден астамқаржыға көшелер абаттандырылып, ойын алаңдары мен скверлер салынды.Өткен жылы аймағымызда мекеме ғимараттарының қасбеті, аулалардағы балалар ойын және спорт алаңдары, көшелердегі жарықтандыру мен аялдамаларды әрлеу, сырлау, безендіруге біркелкі дизайн код бекітілді. Барлық елді мекендегі мекеме ғимараттары, аулалар, ойын алаңдары, аялдамалар, жарық бағаналары бірыңғай архитектуралық талаптарға сәйкестендірілді.Өңірде жыл сайын «Үлгілі елді мекен» конкурсы өткізілуде. Соңғы екі жылда 1 млрд. 500 млн. теңге бөлініп, үздік атанған елді мекендерге 48 арнайы техника табысталды.Биыл осы бағытқа 564 млн. теңге бөлініп, 19 коммуналдық техника жеңімпаздарға табысталмақ. Өткен жылы коммуналдық салаға және абаттандыру мекемелеріне 106 арнайы техника сатып алынып, қазір ел игілігіне қызмет етуде.Фото: Қызылорда облысы әкімінің баспасөз қызметі

Жылу маусымы штаттық режимде өтуде

<a href="https://kyzylorda-news.kz/">Kyzylorda-news.kz</a>&nbsp; 2024 жылдың 27 желтоқсанында Мемлекет басшысы есірткінің заңсыз айналымына қарсы іс-қимыл мәселелері бойынша заңға қол қойған болатын. Осыған сәйкес 2025 жылдың 3 наурызынан бастап өзгерістер өз күшіне енеді. Ол қандай өзгерістер? Бұл туралы есірткі қылмысына қарсы іс-қимыл басқармасы бастығының орынбасары полиция подполковнигі Ардақ Дөненов айтып берді.<blockquote>- Біріншіден, есірткі бизнесін ұйымдастырушылар және есірткі таратушылар, оның ішінде «есірткі жасырушылар» үшін қылмыстық жауапкершілік бөлінген. Егер олар үшін Қылмыстық кодекстің 297-бабы бойынша бірыңғай жаза қолданылған болса, енді есірткі жасырушылар ҚК сол 297 бабы бойынша бірақ төмендетілген санкциялармен тартылатын болады. Бұған дейін қылмыстық жауапкершілік тек прекурсорлардың контрабандасы үшін көзделген. Аталған өзгерістер прекурсорлар мен күшті әсер ететін заттардың айналымына бақылауды күшейтуге мүмкіндік береді. 7 жылдан 12 жылға дейін бас бостандығынан айыруды құрайды, бұрын 10 жылдан 15 жылға дейін болған. Заң енгізілгеннен кейін заңның кері күші әрекет ете бастайды. Себебі жаңа нормалар олардың жағдайын жақсартады. Бұл санаттағы адамдардың шартты-мерзімінен бұрын босатуға, сондай-ақ жазаның өтелмеген бөлігін одан да жұмсақ түрімен ауыстыруға құқығы болады. Енгізілген өзгерістер қылмыстық жауапкершіліктің бұдан да әділетті жүйесін құруға, сондай-ақ қоғамды есірткінің заңсыз айналымы салдарынан қорғау бойынша шараларды күшейтуге мүмкіндік береді деп пайымдаймыз,- деді Ардақ Әбішұлы.</blockquote>Фото: Нұрболат Нұржаубай

Есірткіге қарсы іс-қимыл мәселелері бойынша өзгерістер орын алды

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасына сәйкес елімізде балалардың құқығын қорғау бойынша ауқымды заңнамалық және стратегиялық шаралар жүзеге асырылады. Ел тұрғындарының үштен бір бөлігін балалар құрайды. Атап айтқанда, Қазақстанда 6,8 млн. бала бар.<blockquote>«Елдегі әрбір баланың бақытты және қауіпсіз балалық шағы болуы тиіс», - Қасым-Жомарт Тоқаев, ҚР Президенті.</blockquote>Қабылданған үш заңдағы маңызды бастама – ата-анасының қамқорлығынсыз қалған балалардың өмірге бейімделуі үшін тәлімгерлер институтының құрылуы. Бүгінде 330-дан астам бала тәлімгерлермен қамтылып, қажетті көмек алуда.Балалардың құқығын қорғаудағы негізігі шаралардың бірі – балаларға қатысты құқықбұзушылық үшін жаза қатаңдатылып, кәмелетке толмағандарға жәбір көрсеткені үшін әкімшілік жауапкершілік енгізілді. Жасөспірімдердің қауіпсіздігін күшейту мақсатында балаларды қоғамдық көліктерден түсіріп кетуге тыйым салынды.2025 жылдан бастап мектептер мен колледждерде республикалық бірыңғай «111» байланыс орталығына жедел хабарласа алатын QR-кодтар енгізілді. Биылғы жылдың қаңтар айындағы мәлімет бойынша байланыс орталығына 17 400 бала жүгінген.Елдің әр өңірінде балалардың құқықтары жөніндегі арнайы уәкілдер жұмыс істейді. 2024 жылдан бастап қорғаншылық органдарында мамандарының саны 303-тен 692 адамға, яғни екі есеге артты. Қорғаншылық органдарының штаттық саны бойынша норматив бекітілді. Атап айтқанда, 5 мың балаға кемінде 1 маманнан бөлінді.Елімізде ата-анасының қамқорлығынсыз қалған және жетім 17 660 бала қазақстандық отбасыларда тәрбиеленуде. 2024 жылы 3 мыңнан астам бала жаңа отбасын тапты.2025 жылдан бастап отбасылық орналастырудың жаңа түрі – кәсіби қабылдаушы отбасылар енгізілмек. Бұл бастама қиын өмірлік жағдайға тап болған балаларға қамқорлық көрсетіп, оларға үй жағдайында қолайлы орта қалыптастыруға бағытталған.2024 жылдан бастап елімізде 627 балабақша ашылып, 93,1% бала мектепке дейінгі ұйыммен қамтылды. Соңғы 3 жылда балабақша кезегі 2 есеге қысқарған.«Жайлы мектеп» ұлттық жобасы мектептердегі орын тапшылығы мен үш ауысымды оқу мәселесін тиімді шешіп келеді. Жоба жүзеге асырылған уақыттан бастап 105 жайлы мектеп қолданысқа берілді.Сонымен қатар 2024 жылы 373 мың орынға арналған 257 мектеп қолданысқа берілді. Биыл 300 мың білім алушыға арналған 200-ге жуық мектептің құрылысы жүруде. Білім беру ұйымдарының қауіпсіздік шаралары күшейтілді. 20 мыңнан астам нысан бейнебақылау жүйесімен жабдықталып, Жедел басқару орталықтарына қосылған. Барлық ұйымдарда дабыл түймелері мен турникеттер орнатылып, лицензияланған күзетпен қамтамасыз етілді.Мемлекет өскелең ұрпақ үшін тең мүмкіндіктер қалыптастыруға басымдық беріп келеді. 2024-2025 оқу жылында мемлекеттік мектептерде оқитын 1,7 млн. бала тегін тамақпен қамтамасыз етілді. Бұл мақсатқа 162 млрд. теңге бөлінді.«Жалпыға міндетті білім беру» қорының есебінен қосымша 22,5 млрд. теңге бөлініп, 510 мың бала мектеп керек-жарақтарымен қамтылды.2025 жылдан бастап жекеменшік мектептерде оқитын әлеуметтік тұрмысы төмен отбасылардың балалары да тегін тамақпен қамтылады. Жергілікті бюджеттен 25 мың баланы тегін тамақтандыру үшін 12 млрд. теңгеден астам қаражат бөлінді.<blockquote>«Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар – біздің болашағымыз. Сондықтан еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды», - Қасым-Жомарт Тоқаев, ҚР Президенті.</blockquote>Қазақстанда балалардың қосымша білім алуы, сапалы демалыс және сауықтыру ұйымдарымен қамтылуы үшін барлық жағдай жасалуда. Бүгінде 3,3 млн. бала түрлі бағыттар бойынша үйірмелерге, секцияларға қатысады.2024 жылдың жаз мезгілінде 3,1 миллионнан астам бала 10 743 лагерьде сауықтыру демалысын өткізді.Білім беру ұйымдарында қауіпсіз орта қалыптастыру тек техникалық қауіпсіздік жүйелерімен қамтамасыз етумен ғана шектелмейді.Мемлекет балаларды зорлық-зомбылықтан қорғау, суицидтің алдын алу және олардың құқықтары мен саламаттығын қамтамасыз ету бойынша кешенді жоспар қабылдады. Жоспар балаларға қауіпсіз орта қалыптастыруға бағытталған іс-шаралар жиынтығын қамтиды. Оның аясында өңірлерде 20 психологиялық қолдау орталығы ашылып, 242 759 оқушы мен ата-аналарға көмек көрсетілді.Барлық білім беру мекемелерінде буллингпен күрес жүргізу мақсатында Kiva және ДОСБОЛLiKe бағдарламалары енгізілді. Бұл шаралар мектептерде достық пен өзара сыйластық қарым-қатынасын құруға септігін тигізеді. 2024 жылдың қыркүйегінен бастап балалардың жас ерекшеліктерін ескере отырып әзірленген жеке қауіпсіздік сабақтары енгізілді. 14,3 мыңнан астам білім беру қызметкері балалардың құқықтарын қорғау мәселелері бойынша оқытылды.Сондай-ақ мектеп пен отбасы арасында ынтымақтастық орнатуға, позитивті ата-ана мәдениетін қалыптастыруға бағытталған «Біртұтас тәрбие» бағдараламасы енгізілді.Балалардың қауіпсіздігі – болашаққа жасалған қамқорлық. Бүгін ертеңгі елдің іргетасын қалайтын ұрпақты қалыптастырудамыз. Балаларға қамқорлық көрсете отырып, қауіпсіз әрі гуманист, мықты қоғам құрамыз.Қазақстан балалардың жан-жақты дамуы және болашағының жарқын болуы үшін құқықтық базаны нығайтып, әлеуметтік қолдауды күшейте отырып, олардың қауіпсіздігін қамтамасыз етуді жалғастырады.Фото: ҚР Оқу-ағарту министрлігі

Балалардың игілігі – мемлекеттің басым міндеті

<a href="https://kyzylorda-news.kz/">Kyzylorda-news.kz</a> Қала тұрғындарын нарық бағасынан 10-15 пайызға арзан өнімдермен қамтамасыз ету мақсатында күнделікті ірі сауда орындарына тұрақтандыру қорынан әлеуметтік маңызы бар азық-түлік өнімдері жеткізілуде.Бүгінде «Байқоңыр» әлеуметтік-кәсіпкерлік корпорациясы мен 10-ға жуық ірі супермаркеттер арасында әлеуметтік маңызы бар азық-түлік бағаларын тұрақтандыруды қамтамасыз ету жөнінде келісімдер жасалынған. Келісімшарт негізінде халыққа азық-түлік өнімдері шекті бөлшек бағамен арнайы «Әлеуметтік бұрыштар» арқылы ұсынылуда.Айта кетейік, тұрақтандыру қорындағы азық-түлік өнімдерін қала орталықтарындағы «Small», «Кызылорда Оптомаркеті», «Анвар», «Ажар», «Алатау» супермаркеттерінен сатып алуға болады.Бұл сөрелерде картоп 158 теңге, сәбіз 132 теңге, басты пияз 115 теңге, қырыққабат 126 теңге, нан 65 теңге, қант 398 теңге, өсімдік майы 590 теңге, 1 сортты ұн 135 теңге, күріш 365 теңге, макарон 275 теңге, тұз 40 теңгеден сатылуда.<img src="https://knadmin.beoblood.kz/uploads/yzylordada_iri_sauda_ortaly_tarynda_kartop_158_te_geden_satyluda_0085ce5f82.webp" alt="Қызылордада ірі сауда орталықтарында картоп 158 теңгеден сатылуда.webp">Фото: қала әкімдігі

Қызылордада картоп бағасы 158 теңгеден сатылуда

<a href="https://kyzylorda-news.kz/">Kyzylorda-news.kz</a> Кеше «112» құтқару пультіне мұз жарылып көлік батып бара жатқаны туралы хабарлама түскен.Оқиға орнына жедел жеткен құтқарушылар Айнакөл елді мекені тұсындағы көл бетіндегі мұз шытынап Шымкент қаласынан ғылыми зерттеуге келген геологтардың мұзға батып қалған көлігін шығарып берді. Өз кезегінде Қызылорда өңірін зерттеуге келген геолог мамандар құтқарушыларға риясыз алғысын білдірді.Осы орайда құтқарушылар, су бетіне қатқан мұз қалыңдығына көз жеткізбей көлікпен тәуекел етіп шықпауға кеңес береді.Фото: ТЖд

Суға батып бара жатқан геологтар құтқарылды

<a href="https://kyzylorda-news.kz/">Kyzylorda-news.kz</a> Полиция департаментінің басты міндеті – қылмысқа қарсы күрес жүргізу, жол қауіпсіздігін сақтау, есірткіге қарсы іс-шараларды жүзеге асыру және тұрғындармен ашық әрі тиімді байланыс орнату. Қызметкерлердің кәсіби деңгейін арттыру мен заманауи технологияларды енгізу арқылы полиция жұмысының сапасы жақсарған. Облыстың криминогендік ахуалы тұрақты. 2024 жылы ауыр және аса ауыр қылмыстар, ауырлығы орташа және онша ауыр емес қылмыстарды ашу пайызы жоғарылаған. Бұл туралы Қызылорда облыстық полиция департаменті бастығының орынбасары полиция полковнигі Тоқтыбаев Серік мәлімдеді.<blockquote>- Былтыр қылмыс саны 10 пайызға азайды. Сонымен қатар ұрлық 28,2 пайызға, мал ұрлығының 48,5 пайызға тіркелуі төмендеді. Жалпы қылмыстың негізгі түрлері бойынша ашу көрсеткіші жақсарды. Қазіргі таңда киберкеңістікте өте өзекті болып отырған қылмыс түрі – ғаламтордағы алаяқтық. Интернет кеңістіктегі қызмет көрсету түрлері көбейген сайын, оның айла-тәсілі де түрленіп жатыр. Олардан облыс тұрғындарын сақтандыру мақсатында қауіпсіздік шараларын қолдану туралы түсіндірме жұмыстары кеңінен жариялануда. Заманауи технологияның көмегімен атқарылған жұмыстың нәтижесінде аталған қылмыстың 88 дерегі ашылып, 76 интернет-алаяқ құрықталды, - деді Серік Әбдімәуленұлы.</blockquote><img src="https://knadmin.beoblood.kz/uploads/Za_men_t_rtip_ajma_ta_kriminogendik_ahual_t_ra_ty_d1fa9b9c5e.jpg" alt="Заң мен тәртіп аймақта криминогендік ахуал тұрақты.jpg"><img src="https://knadmin.beoblood.kz/uploads/Za_men_t_rtip_ajma_ta_kriminogendik_ahual_t_ra_ty_1_339f55bdbe.jpg" alt="Заң мен тәртіп аймақта криминогендік ахуал тұрақты 1.jpg">

Аймақта криминогендік ахуал тұрақты 

<a href="https://kyzylorda-news.kz/">Kyzylorda-news.kz</a> &nbsp;Сыбайлас жемқорлыққа қарсы іс-қимыл агенттігі Қызылорда облысы бойынша департаменті қызметкерлерінің қатысуымен «Тәртіпті өзіңнен баста!» акциясы аясында&nbsp;Е.Әуелбеков атындағы дарынды балаларға арналған N4 облыстық мектеп-интернатында&nbsp;кездесу өтті.Іс-шараның бұл форматы «Заң және тәртіп» идеологиясын ілгерілетудегі, сондай-ақ өскелең ұрпаққа жауапкершілік, адалдық және құқықтық нормаларды дәріптеудегі маңызды құрал.Кездесу аясында жоғары сынып оқушыларына сыбайлас жемқорлық құқық бұзушылықтардың мәні мен салдары, сондай-ақ осы құбылыспен қалай күресу керектігі туралы айтылды.Антикор ардагері Б.Ниязов сыбайлас жемқорлықтың зиянды әсерлерін түсіндіріп, жастарды адалдық, әділдік және жауапкершілік сияқты моральдық құндылықтарға тәрбиелеудің маңыздылығын, сонымен қатар, сыбайлас жемқорлықпен күресте әрбір азаматтың рөлі мен жауапкершілігін, қоғамдағы әділеттілік пен адалдықты нығайту үшін жастардың белсенділігі мен құқықтық сауаттылығын арттыру қажеттігі бойынша пікір білдірді.«Тәртіпті өзіңнен баста!»&nbsp;акциясы Абай атындағы дарынды балаларға арналған мектеп оқушыларымен кездесіп, пікір алмасумен жалғасты.&nbsp;

«Тәртіпті өзіңнен баста!» акциясы өтті

<a href="https://kyzylorda-news.kz/">Kyzylorda-news.kz</a> «Менің бұрынғы күйеуім қазіргі таңда жұмыссыз. Табысы жоқ. Ол заң бойынша да солай көрсетіп отыр. Өйткені оның есепшотына түсіп тұрған табыс көзі жоқ. Дегенмен ақысын күнделікті алатын жұмыс істеп жүр. Бірақ сонда да алимент төлемейді, балаларға былайғы уақытта да ақша бермейді» - деді Арайлым есімді бойжеткен. Бұл әңгімені жиі еститін болған соң ба, ерсі көрінбеді...Дәл қазір алимент өзекті мәселенің біріне айналды. Себебі табысын жасырып, ең төменгі жалақыны көрсетіп, аз алимент төлейтіндер қатары көбейген. Ащы болса да шындық, алимент төлемеу үшін тұрақты жұмысқа тұрғысы келмейтіндер де бар.114,9 млн қарыз берешек өндірілді<blockquote>&nbsp; &nbsp;Қызылорда облыстық прокуратурасының прокуроры Бек-Сұлтан&nbsp;Имантаев алимент төлемдерін өндіру жұмыстарына тоқталды.&nbsp;– Алимент бойынша өндірісте 22 213 балаға қатысты 15 195 атқарушылық құжат өндірісте болып, оның ішінде 2607 құжат өндірістен аяқталған (2110 орындаусыз кері қайтарылған, 497 қысқартылған, 226 толық орындалған), бүгінгі күнге 12 588 өндіріс қалдықта, берешек қарызы 374 млн теңгені құрап отыр.&nbsp; Прокурорлар жыл басынан 15 ұсыну енгізіп олардың нәтижесімен 310 борышкер әкімшілік, 49 жеке сот орындаушысы тәртіптік жауаптылыққа тартылып, алимент төлеуден жалтарған 33 борышкер ҚК-тің 139-бабымен қылмыстық іс тіркеліп, оның 18-і сотталып, 5-і борышкерге қатысты қылмыстық іс ақталмайтын негізбен тоқтатылған.&nbsp; Прокуратураның ықпалымен нақты алимент есебінен 114,9 млн қарыз берешек өндіріліп, «Бос орындар» жәрменкелері ұйымдастыру нәтижесімен 75 борышкер жұмысқа орналастырылған, – деді Бек-Сұлтан&nbsp;Имантаев.</blockquote>Әділет министрлігінің мәліметіне сүйенсек, алимент өндіру бойынша 292 мың іс өндірісте. Ата-аналық міндетін орындамай жүргендердің 97 пайызы – ер-азаматтар, 3 пайызға жуығы – безбүйрек ана. 7882 борышкерге ел аумағынан шығуға уақытша тыйым салынған.&nbsp;Тәртіпке бағынбағанға заң қатал&nbsp; &nbsp;Жақында әлеуметтік желіден&nbsp;«жеке шотында 500 миллион теңгесі бар қазақстандық баласына 30 мың теңге алимент төлеген" деген ақпаратты оқыдық. Бүгінде дәл осындай ақпарат жетерлік. Қазіргі таңда отбасын құрып, жараспай ажырасып кеткендер саны әжептәуір артты. Мұның зардабы арадағы балаға тиетіні анық. Өкініштісі, отбасынан, баласынан табыс көзін жасыратындардың артқаны. Ал алимент төлер кезде мұны заңды түрде дәлелдеп көрсетеді. Яки аз мөлшердегі айлық табысты көрсетіп, өзі қосымша жұмыспен басқа да табыс табады. Бала өмірге келген соң оның бар жауапкершілігі ата-анада. Ал барлық салмақ әке-шешеге түсетіні айдан анық. Ажырастым деп, баласын асырауда өз еркімен, қалауымен бас тартатын әкелер қатары көбейіп келе жатқаны алаңдатады.&nbsp;&nbsp;«Алимент төлеші, әке!» деген билборд көшедегі әр жерде ілулі тұр. Өз баласынан бас тартып, ажырасуға шешім қабылдаған әкеге бұл сөздің де билбортың да тигізер пайдасы қаншалықты? Бір баланың да екі баланың да күнделікті қажеттілігі, киім-кешегі болады, десе де көпбалалы отбасылар арасында ажырасқандардың да жағдайы мәз емес.<blockquote>&nbsp; – Мен тұрмысқа шыққан кезде барлығы жақсы болатын. Біз бақытты өмір сүрдік. Тіпті достарым, әріптестерім де барлығы да бізге қызығып та, қызғанып та қарады. 5 жыл бірге тұрдық. Бір ұл, бір қызымыз бар. Арамыз күн өткен сайын салқындай бастады. Бұрын барлығыңа ортақ шешім қабылдап, шешім шығара білетінбіз. Соңғы уақытта сырласу да, мұңдасуда қиынға соқты. Күнде ұрыс-жанжал көбейді. Бір-бірімізді түсінуден қалдық. Балаларды қатты жақсы көретін, күнде тәттісін әкеліп, жұмыстан келген соң ойнатып, көп уақыт бөлетін. Өткен күн тәтті естелігімен есте қалды. Дегенмен де мәселе ушығып, ұрыс жиілеп кеткен соң бір тоқтамға келіп, балалардың көзінше ұрыспай, ақылдасып ажырасуға шешім қабылдадық. Оған да екі жыл өтті. Бұрыннан табысы айтарлықтай көп емес еді. Ай сайын екі балаға 32 мың теңге алимент төлейді. Біз басқа қалаға көшіп кеткендіктен 3-4 айда бір келіп, ұл-қыздарымен уақыт өткізеді. Мен көріп тұруға, балалармен бірге болуға қарсылық танытпадым. Бірақ өзімен бірге Қызылордаға көп күнге алып кетуге қарсы болдым. Ұл-қызым өсіп келе жатыр, әкелерін қатты жақсы көреді. Шыны керек, балаларым әкесімен тұрғым келеді дейді ме деп қорқамын, – дейді пікір білдіруші Алтынкүл (есімі өзгертілген).</blockquote>Алимент жалақының өсуіне байланысты беріледіБалаға алимент төленбеген жағдайда ата-әжесі төлейді дегенді естідік. Бұл қаншалықты рас? Ата-әжесі алимент төлеуге міндетті ме? Осы сұрақтың жауабын іздеп көрдік. Бұл туралы жаңақорғандық адвокат, волонтер Дәулетбек Тұрабаев тоқталып өтіпті.&nbsp;<blockquote>– Көп жерде әкесі алимент төлей алмай жатқан кезде ата-анасы яки ата-әжесі зейнетақысынан төлеу керек пе деген сауал қойылып жатады. Жоқ. Атасымен-әжесіне алимент төлеу міндетті емес. Ешқандай заң зейнеткерді алимент төлеуге мәжбүрлей алмайды. Дегенмен де ата-әжесі өз еркімен&nbsp;«мен немереме ай сайын ақша аударып отырамын» десе, бұл өзінің еркімен, келісімімен жасалатын дүние.&nbsp;Сондай-ақ борышкер алимент төлеу үшін жалақыны аз көрсетеді. Бұл көп кездесетін жағдай. Әке баланың барлық жауапкершілігін өзіне алуы керек. Оның өсіп, өнуіне, білім алып, тұлға болып қалыптасуына, тәрбиесіне аса мән берген жөн. Ал егер ажырасып жатқан жағдайда әкелік жауапкершілікті толықтай өзіне алып, сезіну керек. Балаға тәрбисін, әкелік махаббатын бөлуі тиіс. Баланың қосымша үйірмесі, киім-кешегіне ақша жетпейді. Баланың еш кінәсі жоқ. Ол қосымша пәндерге қатысуы керек. Алимент жалақының өсуіне байланысты беріледі. Табыс көзі орташа жалақы 400 мың теңге болса, мәселен 3 балаға есептегенде 50 пайызын төлеу керек деген секілді талаптар бар. Борышкерден алимент төлеуге қолхат алынады, барлық жауапкершілік түсіндіріледі. Төлемеген жағдайда белігілі бір шара көріледі. Біріншіден, 3 айдың ішінде алимент төленбесе үй қамаққа алынады. Одан бөлек есепшоты бұғатталады. Үш айдан кейін көлік жүргізу құқығынан айырылады. Қазақстаннан ешқайда шыға алмайды. Сосын мәжбүрлі түрде жұмысқа орналастырады. Қарсылық білдірген жағдайда қылмыстық кодекстің 132 бап бойынша 2 жылға бас бостандығынан айыру жазасы қарастырылады. Құмар ойын жетегінде кеткендер аз емес. Ақшасын тігіп, ұтылып қалғандарды естіп жүрміз. Бұл да заң аясында тексеріледі. Борышкерді жан-жақтан тексеріп, бақылайды. Алимент төлемейтіндердің құмар ойынға тігетін ставкалары тексеріледі. Алимент төлемей жүргендердің жаңа кіріс көздерін анықтауда жаңа тәсілдер қолданады. Алимент бойынша қарызы бар адамдардың электрондық әмияндары, букмекерлік компаниялардағы шоттары, биржалық саудадағы бағалы қағаздары, криптовалюталық операциялары, дропшипинг, желілік маркетинг, такси қызметтерінен түсетін пайдасындағы кірістері тексеріледі, – деді адвокат Тілеухан Тұрабаев.</blockquote>Қызылорда облысының кәмелетке толмағандардың істері жөніндегі мамандандырылған ауданаралық соты берген мәліметте, алимент төлемегендер тарапынан қылмыстық жауапкершілікке 2024 жылдың 12 айында 18 адамға қатысты іс қаралған.&nbsp;PS. Ешкім ажырасамын деп үйленбейді. Алай­да әр отбасында болатын ыдыс-аяқ сылдыры бүгінде сол шаңырақтан сыртқа шығып, мемлекетішілік мәселеге айналды. «Алиментті алып тастаса, сот ба­ланы әкесімен қалдырса, әйелдер ажыра­са­мын демес еді» деген пікірді де жиі құлағымыз шалады. Алимент аясындағы жыр мұнымен бітпейді. Борышкердің жауапкершіліктен қа­шуының себебі тереңде жатқан секілді...&nbsp;Мөлдір САБЫРЖАНФото: Нұрболат Нұржаубай

Алимент төлеші, әке!

<a href="https://kyzylorda-news.kz/">Kyzylorda-news.kz</a> “AMANAT” партиясы Қызылорда қалалық &nbsp;филиалында «Үздік бастауыш партия ұйымы» байқауының қалалық кезеңінің комиссия отырысы өтті.Аталмыш сайыс биылғы жұмысшы мамандықтарына арналған жыл аясында ұйымдастырылуда.Байқау үздік БПҰ-ны анықтайтын 3 кезеңнен тұрады:І кезең – аумақтық партия филиалы деңгейінде өткізіледі;ІІ кезең – аймақтық партия филиалы деңгейінде;ІІІ кезең – партия Орталық аппараты деңгейінде өткізіледі.Байқауға БПҰ 3 санат бойынша қатысты:1-ші санат – құрамында 100-ге дейін партия мүшесі бар БПҰ;2-ші санат – құрамында 100-ден 500-ге дейінгі партия мүшесі бар БПҰ;3-ші санат – құрамында 500 және одан астам партия мүшесі бар БПҰ.Бағалау төмендегі 5 өлшемшарт бойынша жүргізілді:1) партиялық жобаларды іске асыруға қатысу;2) партияішілік жұмыс;3) партиялық жұмыста креативті әдістерді пайдалану;4) БПҰ қызметін бұқаралық ақпарат құралдарында жариялау;5) жастармен жұмыс.Комиссия мүшелері өтінім берген бастауыш партия ұйымдарының атқарылған жұмыстарымен танысып, кең көлемде талқылап, үздік шыққан ұйымның жұмысын аймақтық кезеңге жолдайды.<img src="https://knadmin.beoblood.kz/uploads/zdik_bastauysh_partiya_jymy_baj_auyny_komissiya_otyrysy_tti_1_c08f74a185.jpg" alt="«Үздік бастауыш партия ұйымы» байқауының комиссия отырысы өтті 1.jpg">

«Үздік бастауыш партия ұйымы» байқауының комиссия отырысы өтті

<a href="https://kyzylorda-news.kz/">Kyzylorda-news.kz</a> 3445 шақырым. Бұл облыс аумағында жергілікті маңызы бар автомобиль жолдарының жалпы ұзындығы.&nbsp;Оның 1024,5 км республикалық, 555 км облыстық, 1965,5 км аудандық маңызы бар автомобиль жолдары. 2024 жылы 95 жобаға 300 км аса құрайтын автомобиль жолдары мен көшелер және көпір өткелдері жөндеуден өткізіліп, нәтижесінде сапалы жолдардың үлесі 92 пайызды құрады.Қаланың күре жолы саналатын әуежайға кірме жолы мен Көшербаев, Қожа Ахмет Яссауи, Жаппасбай батыр көшелеріне кеңейту жұмыстары жүргізілді. Ал биылғы жоспар Тәуелсіздікке 25 жыл көшесін кеңейту жұмыстарын аяқтап, Әбілхайыр хан көшесінен Саламатов көшесіне дейін Сырдария бөгеті бойымен жол салу. Қала көшелерінің жай-күйін және атқарылатын өзге де жұмыстарды облыстық жолаушылар көлігі және автомобиль жолдары басқармасының басшысы Жәнібек Сыздықов баяндап берді.<blockquote>- Облыс тұрғындарының көкейінде жүрген мәселелердің бірі темір жол өткелдерін салу болатын. Аталған мәселені шешу мақсатында 2024 жылы Қызылорда қаласында жер асты және Арал мен Жаңақорған аудандарында аспалы темір жол өткелдерінің құрылысы басталды. Сонымен қатар, республикалық маңызы бар «Қызылорда-Жезқазған» күре жолы біраз жылдардан бері күрмеуі шешілмей келген, халықтың арасында біраз талқыға салынған мәселелердің бірі болды. Осы орайда аймақ басшысының тікелей қадағалауымен республикалық маңызы бар жолдың құрылысы қарқынды жүруде. Бүгінгі таңда «Қызылорда» автобус паркі» ЖШС-і қалалық бағытта 32 маршрутты қамтып отыр. Қызылорда қаласында «Экотакси» қызметін құру жобасы бойынша 100 дана электромобиль алынып, Қызылорда қаласының тұрғындары мен қонақтарына қызмет көрсетуде. Осы жылдың және бір жаңалығы мемлекет басшысының тапсырмасы бойынша Премьер-министр Олжас Бектеновтың қатысуымен Қызылорда қаласындағы «Қорқыт Ата» әуежайының жаңа жолаушылар терминалының ашылу салтанаты өтті. Аталған жаңа жолаушылар терминалы «Болат Өтемұратов қоры» жеке қорының демеушілігімен салынды. Темір жол көлігі саласы бойынша айта кетсем, 2024 жылы «Қызылорда-Семей» жолаушылар пойызының жаңа вагондарының тұсаукесер рәсімі өтті. Осы бағытта 44 вагон сатып алынды, - деді Жәнібек Шәкімбайұлы.</blockquote>Фото: Нұрболат Нұржаубай

Жолаушылар тасымалы жұмысы жүйеленді

<a href="https://kyzylorda-news.kz/">Kyzylorda-news.kz</a> 2024 жылы Халықты әлеуметтік қорғау саласындағы реттеу және бақылау комитетінің Қызылорда облысы бойынша департаменті халықты зейнетақымен және әлеуметтік қамсыздандыруда, медициналық – әлеуметтік сараптама жүргізуде, мүгедектігі бар адамдарды әлеуметтік қорғау және арнаулы әлеуметтік қызметтер туралы заңнаманың сақталуын бақылауда бірқатар жұмыстардың басында жүрді.&nbsp;Тағайындалған зейнетақы мен жәрдемақылардың 63270 жаңадан рәсімделді. Бұл туралы ҚР Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментінің басшысы Бекболат Шәріпбеков мәлімдеді.<blockquote>- «2024 – 2026 жылдарға арналған республикалық бюджет туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасы Заңына сәйкес, жасына байланысты зейнетақы, мемлекеттік базалық зейнетақы және жәрдемақылардың барлық түрлерінің мөлшері артуына байланысты, облыс аумағында 2024 жыл 1 қаңтардан бастап 255,4 мыңнан аса зейнетақы және жәрдемақы алушылардың төлем мөлшері қайта есептелінді. Есепті мерзімде Республикалық бюджеттен төленетін зейнетақы және әлеуметтік жәрдемақы тағайындауға қатысты 16 мемлекеттік қызмет түрі бойынша 126291 қызмет алушыға мемлекеттік қызмет көрсетілді, сәйкесінше 126291 іс-макеттері бекітілді,- деді Бекболат Жүнісәліұлы.</blockquote><img src="https://knadmin.beoblood.kz/uploads/zejneta_y_b757a6ec53.jpg" alt="зейнетақы.jpg">Фото: Нұрболат Нұржаубай

Қазақстан және Қызылорда облысының жаңалықтары