<a href="https://kyzylorda-news.kz/">Kyzylorda-news.kz</a> Мемлекет басшысы халықаралық симпозиумда Алтын Орда тарихы жөнінде сөз сөйлеген атақты ғалымдар мен беделді ұйым өкілдеріне алғыс айтты.<blockquote>– Баршаңызға Алтын Орда тарихына арналған халықаралық симпозиумға қош келдіңіздер деп айтқым келеді. Ең алдымен, Астанаға арнайы келген қадірлі меймандарға шынайы ризашылығымды білдіремін. Менің алдымда сөз сөйлеген атақты ғалымдар мен беделді халықаралық ұйымдардың өкілдеріне алғыс айтамын. Сөздеріңіз мағыналы, мазмұнды болды. Алтын Орда – Еуразияның ұлан-ғайыр аумағын еркін жайлап, Ұлы дала төсінде билік құрған қуатты империя болғанына ешқандай тарихшы күмән келтірмейді, бұл – мойындалған тарихи дерек. Алтын Орда Батыс пен Шығысты жалғап, түрлі өркениеттердің дамуына, мемлекеттердің қалыптасуына ерекше ықпал еткен аса ірі саяси құрылым болды. Бұл да – дәлелденген дерек. Сондықтан Алтын Орда тарихы көптеген іргелі зерттеулерге арқау болғаны анық. Дегенмен бұл тақырып әлі де өзектілігін жоғалтқан жоқ, меніңше, ешқашан жоғалтпайды, – деді.</blockquote>

Мемлекет басшысы: «Алтын Орда тарихы көптеген іргелі зерттеулерге арқау болғаны анық»

<a href="https://kyzylorda-news.kz/">Kyzylorda-news.kz</a> Астанада «Алтын Орда – дала өркениетінің үлгісі: тарих, археология, мәдениет, бірегейлік» атты халықаралық симпозиум өтіп жатыр.&nbsp;Мемлекет басшысы Қасым-Жомарт Тоқаев симпозиумның ашылу салтанатында сөз сөйледі.Іс-шараға әлемнің 20-дан астам елінен делегация қатысып отыр. Олардың қатарында тарихшы-медиевистер, археологтар, шығыстанушылар, түркітанушылар, моңғолтанушылар, нумизматтар, эпиграфика мамандары, саясаттанушылар, мәдениеттанушылар, өнертанушылар, дипломаттар және халықаралық ұйымдардың өкілдері бар.

Астанада халықаралық симпозиум өтіп жатыр

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудандық маңызы бар «Қазалы–Қожабақы–Бозкөл–Кәукей» автомобиль жолының 16 шақырымындағы «Қарлан» көпірі құрылысының барысымен танысты.Қазіргі таңда жоба аясында нысанда көпірдің негізгі тірек бөліктерін орнату және бетонтіреулерін құю жұмыстары жүргізілуде. Бүгінде 84 дана свай қағу жұмыстары толық аяқталған. Жалпы 8 тіреудің 4-еуі орнатылып, қалғандары бойынша жұмыстар жалғасуда. Сондай-ақ басқа да жоспарланған жұмыстары кезең-кезеңімен атқарылып жатыр. Жобаның жалпы құны 6 млрд. 746 млн. теңгені құраса, биылғы жылға жобаны жүзеге асыруға 2 млрд. 210 млн. теңге қаралып отыр.Аудан әкімі құрылыс алаңында мердігер мекеме «НұрлыТау ЛТД» жауапкершілігі шектеулі серіктестігінің өкілдерімен кездесіп, жұмыстың сапасына ерекше мән беруді және құрылысты белгіленген мерзімде аяқтауды тапсырды. Сонымен қатар, құрылыс қарқынын бәсеңдетпей, жұмыстарды жеделдетуді ескертті.Сырдария өзені арқылы салынып жатқан көпір өткелінің жалпы ұзындығы 2,5 шақырымды құрайды. Оның ішінде көпірдің ұзындығы – 248,29 метр болса, кірме жолдың ұзындығы – 2,3 шақырым. Жоба аясында жарық бағаналары орнатылып, жол инфрақұрылымы толық қамтылатын болады. Бүгінде құрылыс алаңында 14 арнайы техника мен 25 жұмысшы жұмылдырылып, жұмыстар бекітілген кестеге сәйкес қарқынды жүргізілуде.Айта кетейік, Қарлан көпірінің құрылысы аяқталғаннан кейін Өркендеу, Бірлік, Қожабақы, Аранды, Бозкөл, Тасөткел, Лақалы, Ажар, Тасарық және Кәукей елді мекеніндегі 10 мыңнан астам халықтың алыс-берісі артып, жол қатынасы жақсара түспек.<img src="https://knadmin.beoblood.kz/uploads/azaly_arlan_k_piri_3d73e19580.jpg" alt="Қазалы Қарлан көпірі.jpg">

Қазалы: Қарлан көпірінің құрылысы қарқынды жүруде

<a href="https://kyzylorda-news.kz/">Kyzylorda-news.kz</a>&nbsp; Қазалы ауданының орталығында жаңа кәсіпкерлік нысан – «Нұрдәулет» боулинг орталығының ашылу рәсімі өтті.Жаңа нысанның ашылу рәсімінде аудан әкімі Алмасбек Есмаханов құттықтау сөз сөйлеп, аудандағы кәсіпкерлік саласында атқарылып жатқан игі жұмыстар жайында айтып өтті.<blockquote>-Бүгінде өңірімізде Президентіміз Қасым-Жомарт Тоқаевтың ерекше қолдауымен кәсіпкерлік саласы қарқынды дамып келеді. Қазыналы Қазалы ауданында да өңірге көрсетілген қолдаудың нәтижесінде кәсіпкерлік саласы бойынша жоғары көрсеткіштерге қол жеткізуде. Өткен жылы ауданда тамақтану орындары, мейрамханалар, сауда орындары, көлік жуу орны сынды жаңадан 32 кәсіпкерлік нысан бой көтеріп, онда 80-ге жуық адам жұмыспен қамтылған. Ал биылғы жылы 5 кәсіпкерлік нысан ашылып, 20-ға жуық адам жұмыспен қамтылды. Өздеріңіз білесіздер, бұған дейін ауданымызда жаңа кәсіпкерлік мақсаттағы нысан - Қонақ үй ғимараты, «Мұқаш ата» сауда үйі, «Ривера» тамақтану орны, «Ақбота» кондитерлік өнімдері, «Ербол» тіс емханасы сынды ірі кәсіпкерлік нысандар пайдалануға берілсе, бүгін міне, тағы бір жаңа нысан ел игілігіне табысталуда. Осындай заманауи, жаңа кәсіпкерлік нысан ашып, ел игілігіне ұсынып отырған кәсіп иесі – Самат Серікұлына алғысымды білдіреміз. Еңбектеріңіз жана берсін! Істеріңіз ілгерілеп, кәсіптеріңізден береке табыңыздар, - деді аудан әкімі Алмасбек Әбілқасымұлы.</blockquote>Жиында жаңа кәсіп иесі Самат Қуанышқа аудандағы шағын және орта кәсіпкерлік саласының дамуына қосқан үлесі үшін аудан әкімінің «Алғыс хаты» табысталды.<img src="https://knadmin.beoblood.kz/uploads/azaly_audanynda_N_rd_ulet_bouling_ortaly_y_ashyldy_3858258cae.jpg" alt="Қазалы ауданында «Нұрдәулет» боулинг орталығы ашылды.jpg">Мұнан соң сөз алған кәсіпкердің әкесі Майлыбай Серік жиналған жұртшылыққа ризашылығын білдіріп, ел игілігі жолындағы жұмыстарға сәттілік тіледі.Салтанатты рәсімде аудан әкімі мен қонақтар жаңа орталықтың лентасын қиып, нысанның жұмысымен танысты. Қонақтар боулинг орталығындағы заманауи жабдықтар мен келушілерге жасалған жағдайларды көрді.Айта кетейік, жалпы құны 60 млн теңгені құрайтын «Нұрдәулет» боулинг орталығы жеке кәсіпкер Самат Серікұлының жеке қаражаты есебінен салынған. Заманауи ойын-сауық орталығы бір мезетте 70-ке жуық адамға қызмет көрсетуге мүмкіндік береді. Сонымен қатар, мұнда 4 адам тұрақты жұмыспен қамтылып отыр.<img src="https://knadmin.beoblood.kz/uploads/azaly_audanynda_N_rd_ulet_bouling_ortaly_y_ashyldy1_fd49d2c46c.jpg" alt="Қазалы ауданында «Нұрдәулет» боулинг орталығы ашылды1.jpg">Аталған боулинг орталығы бүгінде өңірдегі аудандар арасында бірден-бір заманауи ойын-сауық нысандарының бірі болып отыр. Бұған дейін өзге аудандарда мұндай орталықтар ашылғанымен, уақыт өте жұмысы тоқтап қалған. Ал қазір облыс көлемінде толыққанды боулинг орталығы Қазалы ауданында ғана жұмысын бастауда. Бұл – қазалылық кәсіпкерлердің заман талабына сай тың жобаларды жүзеге асыруға деген белсенділігінің, ауданның әлеуметтік-экономикалық дамуына қосып жатқан үлесінің нақты көрінісі.

Қазалы ауданында «Нұрдәулет» боулинг орталығы ашылды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында «Таза Қазақстан» акцияcы аясында түсіндіру жұмыстары күшейтілді. «Таза Қазақстан» республикалық акциясы аясында полиция қызметкерлері қоғамдық тәртіп пен тазалық талаптарының сақталуын бақылауды жалғастыруда.Құқық бұзушылықтарды анықтау мақсатында бейнебақылау камералары тиімді пайдаланылып, тиісті әкімшілік хаттамалар толтырылуда. Сонымен қатар, қала орталығындағы халық көп шоғырланатын орындарда тұрғындарға арнайы жадынамалар таратылып, қоршаған ортаны таза ұстау, қоғамдық орындарды ластамау және ортақ тәртіпті сақтау бағытында түсіндіру жұмыстары жүргізілді.Жыл басынан бері ҚР әкімшілік құқық бұзушылық туралы кодексінің 434-2-бабы 1-бөлігі бойынша 113 хаттама, ал 505-бабы 1-бөлігі бойынша 547 хаттама рәсімделді.<blockquote>«Таза Қазақстан» акциясының басты мақсаты – тұрғындардың экологиялық мәдениетін қалыптастырып, қоғамдық тәртіпке деген жауапкершілігін арттыру. Осы бағыттағы профилактикалық және түсіндіру жұмыстары алдағы уақытта да тұрақты түрде жалғасады, – деді полиция өкілі.&nbsp;</blockquote>Акция аясындағы шаралар алдағы уақытта да жалғасын табады.Фото: polisia.kz

«Таза Қазақстан":  Қызылорда облысында акция аясында түсіндіру жұмыстары күшейтілді

<a href="https://kyzylorda-news.kz/">Kyzylorda-news.kz</a> «Мен бұлай істеуге болмайтынын білетін едім. Бірақ сол сәтте мен &nbsp;қорқып кеттім», - деп осылайша «банктен» түскен &nbsp;қоңыраудан кейін бірнеше миллион ақшасынан айырылған Алматы қаласының 38 жасар тұрғыны өз жағдайын сипаттайды.Мұндай оқиғалар күн сайын болып тұрады. Және көп жағдайда оның себебі - техникалық бұзып кіру емес, адамға психологиялық қысым көрсету және шебер жасалатын айла-шарғы. Алаяқтар адамды асықтырып, &nbsp;«күдікті операциялармен» немесе «ақшаны есептен шығару қаупімен» қорқытады, ал стрестік жағдайда адам қырағылығын жоғалтады.Бұл қалай болады?Әдетте барлығы кәдімгі қоңыраудан басталады, ол көбінесе кеш мезгілде, адам шаршаған және қырағылығын жоғалтқан кезде. Экранға банктік нөмірге ұқсас, кейде тіпті ресми нөмірмен сәйкес келетін нөмір шығады.«Сәлеметсіз бе, сізге хабарласып тұрған банктің қауіпсіздік қызметі. Қазір сізге кредит ресімдеу үшін әрекеттер жасалуда». Мұның барлығы нық, сенімді дауыспен, асықпай айтылады. Сенімге әбден кіру үшін сөйлесуші аты мен тегін, ал кейде картаның соңғы сандарын немесе басқа да мән-жайларды атайды. Адамда қоңырау шынымен де банктен түсті деген сезім туады. Одан кейін жағдай күрт «жеделдейді»: «Операцияны тоқтату үшін 10 минутыңыз бар», «Егер қазір ден қоймасаңыз, ақша есептен шығарылады». Бұдан әрі «тез әрекет ету қажет» әсері пайда болады және қысым жасалады. Адамға ойлауға немесе ақпаратты тексеруге мұрсат берілмейді. Осы сәтте адамда қорқыныш пайда болады: ақшадан айырылу, қарызға бату, бірдеңенің алдын алуға үлгермеу. Күйзеліс пен асығыс кезінде адам қырағылығын жоғалтады және не болып жатқанын толық түсінбей, нұсқау бойынша әрекет ете бастайды. Дәл осы кезеңде алаяқтар өз мақсаттарына технологиялардың есебінен емес, эмоцияның есебінен қол жеткізеді.Барлығының осал тұсыБұл жерде адам ақылмен емес, эмоцияның жетегінде кетіп әрекет ете бастайтынын түсіну маңызды. Қорқыныш пен жедел әрекет ету сезімі қосылғанда сыни тұрғыдан ойлау төмендейді. Адам ақпаратты тексермейді, артық сұрақ қоймайды және жай ғана «жағдайды құтқару қажет» деген &nbsp;нұсқауларды орындайды.Сипатталған жағдайда оқиға дәл осылай өрбіген: әйел онлайн-кредит ресімдеп, ақшасын «қауіпсіз шотқа» аударған, содан кейін «банк өкілімен» байланыс бірден үзілген.Тек кейіннен ғана ешқандай қауіп-қатердің, кредит ресімдеу әрекетінің де, қаражатты есептен шығару қаупінің де болмағаны белгілі болды. Барлық жағдай алаяқтардың әрекеті болып шықты.Мұндай схемалар неліктен қазірге дейін жұмыс істейдіБір қарағанда, бұл технологияларға байланысты сияқты. Алайда іс жүзінде бәрі әлдеқайда қарапайым, алаяқтар, әдетте, адамдардың мұндай жағдайда бірден ден қоятын іс-қимылдарына есеп жасайды.«Бірінші триггер — қорқыныш. «Сіз ақша жоғалтасыз» немесе «сіздің атыңызға кредит ресімделуде» сияқты тіркестер бірден қорғаныс іс-қимылын қамтиды. Адам талдауды тоқтатады және «шұғыл құтқару» режиміне ауысады.Екінші триггер — жеделдік. «Дәл қазір», «сізде 10 минут бар», «уақытыңыз жоқ»: мұндай тұжырымдар ақпаратты тоқтатуға және тексеруге мүмкіндік бермейді. Барлығы асығыс жасалады, ондай жерде қателесу оңай.Үшінші триггер — бедел. «Біз банктенбіз», «қауіпсіздік қызметі», «ресми қоңырау»: адамдардың көпшілігі әдеттегідей мұндай дереккөздерге, әсіресе әңгіме сенімді және кәсіби болып көрінгенде сенеді.Көптеген адамдар алаяқтардың жеке мәліметтерді қайдан алатынына таң қалады. Іс жүзінде олар көбінесе атын, телефон нөмірін және кейде картаның соңғы сандары сияқты ішінара ақпаратты біледі.Мынаны түсіну маңызды: бұл банк деректерді берді дегенді білдірмейді. Көбінесе ақпарат әртүрлі көздерден, деректердің қолды болуынан, интернеттегі ашық профильдерден немесе тіпті кездейсоқ сәйкестіктерден жиналады.Қаскүнемдер қол жетімді фрагменттерден жай ғана «пазл жинайды» және оларды сенімділікті арттыру үшін пайдаланады. Адам үшін бұл сенімді естіледі: себебі олар аты мен егжей-тегжейлерін білсе, демек, «олар өзіміз» деп ойлайды.Адамдар неге ақылға қонбайтын әрекеттерге барады &nbsp;Сырттан қарағанда, адамның өзі кредит рәсімдеуі, алаяқтарға ақша аударуы немесе SMS-тен кодтар беруі біртүрлі болып көрінуі мүмкін. Алайда жағдайдың түбіне үңілсек бәрі басқаша қабылданады. Алаяқтар қорқыныш пен жеделдік ахуалын жасайды: олар «шотты бұзу», «күдікті операциялар» немесе кредит ресімдеуге тырысу туралы хабарлайды. Осы кезде адам өз ақшасын құтқарамын және дұрыс әрекет етемін деп ойлайды.Тұрақты қысым жасау, қауіп-қатер және не болып жатқанын айтуға тыйым салу күйзелісті күшейтеді. Бұл жағдайда орын алған жағдайды сыни тұрғыдан бағалау қабілеті төмендейді және адам қаскүнемдердің нұсқауларын орындай бастайды.Психологтар мұны «күйзеліс жағдайында ойлаудың тарылуы» әсері деп атайды, мұнда мазасыздық ақпаратты сабырмен талдауға және дұрыс шешім қабылдауға кедергі келтіреді.<img src="https://knadmin.beoblood.kz/uploads/infographics_12_11_2026_05_18_T111005_582_f565ac5abe.png" alt="infographics 12.11 - 2026-05-18T111005.582.png">Фото: fingramota.kz

«Мен өзім ақша аудардым»: алаяқтар қалайша адамдарды миллиондаған ақша беруге мәжбүрлейді?

<a href="https://kyzylorda-news.kz/">Kyzylorda-news.kz</a>&nbsp; Қазалы ауданының әкімі Алмасбек Есмаханов Қазалы қаласындағы «Ауыл аманаты» жобасы аясында жеңілдетілген несие алып, жылыжай шаруашылығын қолға алған кәсіпкерлердің жұмысымен танысты.Алдымен аудан басшысы жеке кәсіпкер Піржанов Әділжанның жылыжай кешеніне барды. Кәсіпкер 2025 жылдың тамыз айында жалпы құны 5,0 млн теңгені құрайтын жобасын іске қосқан. Бүгінде жылыжайда қияр мен қызанақ өнімдері өсірілуде. Алғашқы өнімдерін алып отырған кәсіпкердің өнімдері Әйтеке би кенті мен Қазалы қаласы тұрғындарының сұранысына ие. Жоба аясында 1 тұрақты жұмыс орны құрылған.Мұнан соң аудан әкімі жеке кәсіпкер Тілеуов Ерболаттың жылыжай жұмысымен танысты. Кәсіпкер 2026 жылдың шілде айында құны 9,6 млн теңге болатын жобасын іске қосқан. Жылыжайда қияр өнімдері өсірілуде. Биыл кәсіпкер екінші жыл қатарынан өнім алып, алдағы уақытта кәсібін кеңейтуді жоспарлады.Қазіргі таңда екі кәсіпкердің де өнімдері халықтың сұранысына ие болып, Әйтеке би кенті мен Қазалы қаласының тұрғындарын сапалы көкөніс өнімдерімен қамтуда.Кездесу барысында аудан әкімі мемлекет тарапынан кәсіпкерлерге алдағы уақытта да қолдау көрсетілетінін айтып, кәсібін кеңейтуге ниетті азаматтарға тиісті көмек берілетіндігін жеткізді. Сондай-ақ кәсіпкерлерге сәттілік тілеп, бастамаларына оң бағасын берді.Өз кезегінде кәсіпкерлер мемлекет тарапынан көрсетілген қолдауларға ризашылықтарын білдіріп, бүгінде сол мүмкіндіктің арқасында кәсібін дөңгелетіп отырғандарын жеткізді.Айта кету керек, «Ауыл аманаты» жобасы ауыл тұрғындарының табысын арттыруға, кәсіпкерлікті дамытуға және жаңа жұмыс орындарын ашуға бағытталған маңызды бастамалардың бірі. Бүгінге дейін ауданда жоба аясында 200-ден астам азамат өз кәсібін бастап, халыққа қажетті өнім өндіру арқылы өңір экономикасының дамуына үлес қосып келеді. Мемлекет тарапынан 2023 жылдан бері аталған жобаларды жүзеге асыруға 1 млрд, 581 млн. теңге қаржы бөлінген.

«Ауыл аманаты»: Жылыжай шаруашылығымен айналысатын кәсіпкердің жұмысымен танысты

<a href="https://kyzylorda-news.kz/">Kyzylorda-news.kz</a> Қармақшы ауданы әкімі Жандос Еркінбектің төрағалығымен өткен мәжілісте ауданның бірқатар салаларындағы атқарылған жұмыстар мен алдағы кезеңге жоспарланған міндеттер қаралды.Жиында аудандық қоғамдық даму бөлімінің басшысы Нұржан Шәпи ақпараттық жұмыстардың жай-күйі, 2026 жылға арналған мемлекеттік ақпараттық саясатты іске асыру бағытындағы жоспарлар, әлеуметтік жобалардың орындалуы және діни тұрақтылықты қамтамасыз ету шаралары бойынша баяндама жасады.Сондай-ақ 2026 жылдың 1 мамырына дейінгі атқарылған жұмыстарды қорытындылады. Аудандық білім бөлімінің басшысы Берік Жәнібеков білім беру саласының барлық деңгейі бағытында атқарылып жатқан жұмыстар мен мектепке дейінгі тәрбие, орта білім сапасы, педагог кадрлардың біліктілігі және инфрақұрылымды дамыту бағыттарына тоқталды.Мәжілісте аудан басшысы&nbsp;Жандос Еркінбек &nbsp;«Жоспарланған міндеттер сапалы әрі уақытылы орындалуы қажет»,- деп осы салаға жетекшілік ететін орынбасары Диас Молдабаевқа барлық бағыттағы жұмыстарды жүйелі түрде үйлестіруді және бекітілген көрсеткіштердің орындалуын тұрақты бақылауда ұстау қажеттігін ескертті.Фото: Қармақшы ауданы әкімінің баспасөз қызметі

Атқарылған жұмыстар мен алдағы міндеттер талқыланды

<a href="https://kyzylorda-news.kz/">Kyzylorda-news.kz</a> Қызылорда облыстық мәслихатының төрағасы Мұрат Тілеумбетов пен облыстық мәслихат депутаттары&nbsp;Сырдария&nbsp;ауданына барып, аудандық аурухананың Жұқпалы аурулар бөлімшесінің жұмысымен танысты. Аудан әкімі Берік Сәрменбаев денсаулық сақтау саласында атқарылып жатқан жұмыстарды атап көрсетті.Жұмыс сапары барысында нысанның қазіргі жағдайы, инженерлік инфрақұрылымының сапасы және денсаулық сақтау саласындағы өзекті мәселелер талқыланды. Атап айтқанда, ғимараттың ішкі және сыртқы әрлеу жұмыстары, су, кәріз және жылу жүйелерін жаңғырту, сондай-ақ медицина қызметкерлері мен пациенттер үшін қолайлы әрі қауіпсіз орта қалыптастыру мәселелеріне баса назар аударылды.Жұқпалы аурулар бөлімшесі аса қауіпті инфекциялық ауруларға шалдыққан азаматтарға медициналық қызмет көрсететін маңызды әлеуметтік нысан болғандықтан, санитариялық талаптардың сақталуы мен инженерлік жүйелердің сапалы жұмыс істеуі ерекше маңызға ие екені атап өтілді.Нысанды аралау барысында аудан тұрғындарына сапалы медициналық қызмет көрсету үшін әлеуметтік нысандарды заман талабына сай дамыту және олардың материалдық-техникалық базасын нығайту басты міндеттердің бірі екені айтылды.Сонымен қатар, бөлімшеде жүргізіліп жатқан күрделі жөндеу жұмыстарының сапалы әрі мерзімінде аяқталуы және денсаулық сақтау саласындағы жобалардың тиімді жүзеге асырылуы алдағы уақытта да тұрақты бақылауда болатынын атап өтті.Фото: Сырдария ауданы әкімінің баспасөз қызметі&nbsp;

Облыстық мәслихат депутаттары Сырдария ауданына барды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Мұрат Ергешбаевтың төрағалығымен сұйытылған газ мәселелері талқыланған мәжіліс өтті.Оған облыс әкімінің орынбасары, басқарма басшылары және салаға жауаптылар қатысты.Жиында Мұрат Нәлқожаұлы сұйытылған газдың шекті бағасын өсірмеуді, аймақтағы ахуалды қатаң бақылауда ұстауды тапсырды.<blockquote>«Өздеріңіз білетіндей, газ – Үкіметтің ерекше назарында тұрған өте күрделі және өзекті саланың бірі. Сондықтан сұйытылған газды тұрғындарға тиімді бағамен ұсыну – біздің басты міндетіміз.Облыс аумағындағы 144 автогаз құю станциясы, 6 газ сақтау қоймасы арқылы 15 оператор сұйытылған газды сатумен айналысады. Осы жылдың 23 сәуірінде «Қызылорда Газ» мекемесі алғашқы болып газ бағасын көтерген. Содан соң өзге операторлар да біртіндеп қоса бастады.Облыс әкімдігі жүргізген жұмыстардың нәтижесінде операторлар бағаны бірте-бірте бұрынғы деңгейге түсіруде. Дегенмен, «Қызылорда газ», «Авто Газ Стэйшн», «Каз Авто Газ Сервис» операторлары 5 теңгеге қымбаттатып, тұрғындарға ұсынуда.Осыған байланысты жауапты сала басшыларына газ бағасын бұрынғы деңгейге шұғыл қайтаруды, халыққа шектеусіз сатуды, басқа өңірлерге рұқсатсыз тасымалдауға жол бермеуді қатаң тапсырамын! Басқа көздерден болса да коммерциялық газды облысқа жедел жеткізіп, әлеуметтік бағамен сатыңыздар.Барлық тапсырма сапалы әрі уақытылы орындалуы тиіс!», – деді Мұрат Нәлқожаұлы.</blockquote>Сондай-ақ, аймақ басшысы қала және аудан әкімдіктеріне операторлардың газ қорына тұрақты мониторинг жүргізуді, тапшылыққа жол бермеу үшін газ бағасын зерделеуді міндеттеді.Фото: Қызылорда облысы әкімінің баспасөз қызметі&nbsp;

Сұйытылған газ бағасын тұрақтандыру мәселелері қаралды

<a href="https://kyzylorda-news.kz/">Kyzylorda-news.kz</a> Қазақстанда маусымда мемлекеттік мерекелер жоқ, сондықтан аптасына бес күн жұмыс істейтін азаматтар бұл айда сегіз күн демалады, деп хабарлайды <a href="https://kaz.nur.kz/society/2377476-qazaqstandyqtar-mausymda-qansha-kun-demalady/">KAZ.NUR.KZ.</a>"Электрондық үкіметтің" ресми сайтындағы мерекелік және демалыс күндерінің күнтізбесіне сәйкес, маусымда Қазақстанда мемлекеттік мерекелер жоқ, сондықтан қосымша демалыс күндері де жоқ.Осылайша, аптасына бес күн жұмыс істейтін азаматтар сегіз күн демалады — барлық демалыс күні сенбі мен жексенбіге түседі. Ал аптасына алты күн жұмыс істейтіндер маусымда төрт күн демалады.Айта кетсек, мамырдың аяғында қазақстандықтарды бір қосымша демалыс күні күтіп тұр — 27 маусымда Құрбан айт атап өтіледі.Фото: pexels

Қазақстандықтар маусымда қанша күн демалады?

<a href="https://kyzylorda-news.kz/">Kyzylorda-news.kz</a> Әкімдерді тікелей сайлау тетігі енгізілген сәттен бастап Сыр елінде тұрғындар кент және ауылдық округ әкімдерінің сайлауына белсенді қатысуда.&nbsp;Жыл басынан бері аймақта 3 кент, 6 ауылдық округ әкімі сайланды. Өткен жексенбіде яғни 17 мамырда Қызылорда қаласындағы Қызылөзек және Шиелі ауданындағы Иіркөл ауылдық округтерінде әкімдер сайлауы өткізілді.&nbsp;Маңызды науқанда Қызылөзекте 1815 сайлаушы, Иіркөлде 2662 сайлаушы тізімге енген. 5 учаскелік сайлау комиссиясы жұмыс жасады. Сайлаушылар үшін шақыру қағаздары таратылды.&nbsp;<img src="https://knadmin.beoblood.kz/uploads/Whats_App_Image_2026_05_18_at_17_51_27_a2a252ecae.jpeg" alt="Қызылөзек ауылының әкімі.jpeg">Дауыс беру қорытындысымен сайлаушылардың 964 дауысын алған Сәкен Әбдіжаппар Қызылөзек ауылдық округінің әкімі болып сайланды. Ол 1963 &nbsp;жылы дүниеге келген. Сайлауды өзін-өзі ұсынған.<img src="https://knadmin.beoblood.kz/uploads/Whats_App_Image_2026_05_18_at_17_51_27_1_f68613f151.jpeg" alt="Иіркөл ауылының әкімі.jpeg">Ал, дауыс берушілердің 1564 дауысын алған Қанағат Ниязов Иіркөл ауылдық округінің әкімі ретінде сайланды. Ол 1977 жылы дүниеге келген. Сайлауды өзін-өзі ұсынған.&nbsp;Айта кетейік, 21 маусымда Арал ауданы бойынша Арал қаласы, Жалағаш ауданында Ақсу және Жаңаталап ауылдық округтері, Шиелі ауданында Шиелі кенті және Жиделіарық ауылдық округтерінің әкімдері сайланады. Қазіргі таңда кандидаттардан ұсыну құжаттары қабылдануда.Фото: Нұрболат Нұржаубай

Қазақстан және Қызылорда облысының жаңалықтары