<a href="https://kyzylorda-news.kz/">Kyzylorda-news.kz</a>&nbsp; Үкімет отырысынан кейін облыс әкімінің төрағалығымен мәжіліс өтіп, тұрғын үй құрылысы саласын дамыту мен цифрландыру мәселесі қаралды. Жиында көтерілген бағыт бойынша қала әкімдігінде шаһар басшысы Нұржан Ахатов назарда тұрған міндеттерді пысықтады.<blockquote>– Аймақ басшысының тұрақты әрі жүйелі қолдауының нәтижесінде қала аумағында құрылыс ауқымы артып келеді. Соған сай тұрғын үй құрылысы мен әлеуметтік инфрақұрылымды дамыту бағытындағы жоспарланған жұмыстар кезең-кезеңімен жүзеге асырылуда.Бүгінде тұрғын үйлерге сұраныс деңгейі өте жоғары. Осыған байланысты қажеттілік бойынша талдау жүргізу керек. Сондай-ақ, құрылыс сапасына ден қойып, күнделікті бақылау жасауды тапсырамын, – деді Нұржан Сәбитұлы.</blockquote>Аталған мәселелерге сәйкес жауапты сала басшыларына бірқатар тапсырмалар жүктеліп, қысқа мерзім ішінде тиісті жұмыстарды жүзеге асыру міндеттелді.Фото: Қала әкімдігі

Құрылыс сапасы қатаң бақылауда

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің Есірткі қылмысына қарсы іс-қимыл басқармасы «Көңілді старттар» атты отбасылық спорттық іс-шаралар ұйымдастырды.Жарыстың негізгі мақсаты – салауатты өмір салтын насихаттау, отбасылық құндылықтарды нығайту, сондай-ақ кәмелетке толмағандар арасындағы есірткі құқық бұзушылықтарының алдын алу.Жарысқа облыстың аудандары мен Қызылорда қаласының отбасылары қатысып, ұйымшылдықтарын, белсенділіктерін және салауатты өмір салтына деген ұмтылыстарын көрсетті. Қатысушылар спорттық эстафеталар мен командалық ойындарда бақ сынап, достық, қолдау және көтеріңкі көңіл-күй атмосферасын қалыптастырды. Іс-шара барысында балалар мен жасөспірімдер арасында есірткіге қарсы иммунитет қалыптастыруға ерекше көңіл бөлініп, отбасы мен салауатты өмір салтының болашақ ұрпақты тәрбиелеудегі маңызы кеңінен насихатталды.Жарыс қорытындысы бойынша жеңімпаздар мен жүлдегерлер анықталды: І орын – Әділхановтар отбасы (Қазалы ауданы №204 орта мектеп), Игисиновтер отбасы (Қармақшы ауданы №250 орта мектеп), Нұрлановтар отбасы (Шиелі ауданы №207 орта мектеп), Бегмановтар отбасы (Жаңақорған ауданы №184 орта мектеп); ІІ орын – Базарбаевтар отбасы (Қазалы ауданы №276 орта мектеп), Науановтар отбасы (Қармақшы ауданы №27 орта мектеп), Әлсүгіровтар отбасы (Шиелі ауданы №48 мектеп-лицей), Тасхожаевтар отбасы (Жаңақорған ауданы №209 орта мектеп), Раманқұловтар отбасы (Жаңақорған ауданы №54 орта мектеп), Шайхназаровтар отбасы (Жаңақорған ауданы №168 орта мектеп); ІІІ орын – Байымбетовтер отбасы (Жаңақорған ауданы №196 орта мектеп), Ермановтар отбасы (Жаңақорған ауданы №256 орта мектеп), Нұрбаевтар отбасы (Жаңақорған ауданы №221 орта мектеп), Бойко отбасы (Қызылорда қаласы №179 орта мектеп), Бодановтар отбасы (Жалағаш ауданы №114 орта мектеп), Кеңесовтер отбасы (Сырдария ауданы №44 орта мектеп).Ұйымдастырушылар мұндай отбасылық іс-шаралар спортты насихаттаумен қатар, жас ұрпақтың зиянды әдеттер мен есірткіден аулақ болуына ықпал етіп, отбасының қоғамдағы тәрбиелік рөлін нығайтуға септігін тигізетінін атап өтті.

Қызылорда облысында отбасылық спорттық жарыстар өтті

<a href="https://kyzylorda-news.kz/">Kyzylorda-news.kz</a> Қызылорда облысында ақпараттық-түсіндіру шаралары аясында Жалпыұлттық коалиция өкілдері Шиелі ауданына сапармен барды. Сапар барысында олар жұмыс ұжымдарымен, ауыл тұрғындарымен және аудан белсенділерімен бірқатар кездесулер өткізді. Кездесулерде жаңа Конституция жобасында ұсынылған өзгерістер туралы ақпарат берілді.Іс-шаралар ашық диалог форматында өтіп, қатысушылар өз пікірлерін білдіріп, сұрақтарын қойды. Шиелі ауданына келген топ құрамында Жалпыұлттық коалиция өкілдері Қайрат Ерназаров, Баймырза Қожамберлиев және Садық Мұстафа болды.Сапар бағдарламасына сәйкес, алдымен «Руханият» орталығында аудандық әйелдер кеңесінің мүшелерімен кездесу ұйымдастырылды. Жиында Конституция жобасындағы отбасы институтына қатысты нормалар мен әлеуметтік кепілдіктер тақырыбы талқыланды.Кейін жұмыс тобы «ТТК-Шиелі» ЖШС қызметкерлерімен кездесті. Кездесу барысында өндіріс саласына қатысты мәселелер мен Конституциялық өзгерістердің еңбек құқықтарына ықтимал әсері жөнінде пікір алмасу өтті. Сондай-ақ, коалиция мүшелері Ақмая ауылында аграрлық сала өкілдерімен кездесу өткізді. Онда ауыл тұрғындары үшін маңызды саналатын жер ресурстарын пайдалану және жергілікті өзін-өзі басқаруды дамыту мәселелері қозғалды. Кездесу барысында қатысушылар осы бағыттағы өзгерістер туралы ой-пікірлерімен бөлісті.<img src="https://knadmin.beoblood.kz/uploads/whatsapp_image_2026_03_10_at_18_24_39_d079124a31.webp" alt="whatsapp-image-2026-03-10-at-18.24.39.webp"> Сапар соңында Б. Қабылұлы атындағы мәдениет үйінде аудан тұрғындарымен кездесу өтті. Жиын алдында қонақтар ұлттық қолөнер бұйымдарының көрмесін тамашалады. Кездесу барысында Конституциялық өзгерістердің мазмұны мен олардың мемлекеттік басқару жүйесіне ықтимал әсері жөнінде ақпарат берілді.Іс-шаралар барысында тұрғындар мен жұмыс тобы мүшелері түрлі тақырыптар бойынша пікір алмасып, сұрақ-жауап форматында әңгіме өрбітті.Фото: Шиелі ауданы

Шиелі ауданында жаңа Конституция жобасын түсіндіруге қатысты кездесулер өтті

<a href="https://kyzylorda-news.kz/">Kyzylorda-news.kz</a> Қызылорда облысында өткен ақпараттық-түсіндіру жұмыстары аясында Жалпыұлттық коалиция мүшелері Жаңақорған ауданында бірқатар кездесулер өткізді. Кездесулер барысында еңбек ұжымдары, түрлі сала өкілдері және аудан тұрғындарына жаңа Конституция жобасында қарастырылған өзгерістер жөнінде ақпарат берілді. Ашық форматта өткен кездесулерде қатысушылар өз сұрақтарын қойып, пікір алмасып, ұсыныстарын білдірді.Іс-шараларға Жалпыұлттық коалиция мүшелері Жорабек Нұрымбетов, Нұридин Әмитов, Бауыржан Сандыбаев, Серқожа Ыдырсов, Ғалымжан Жарқынбек, Өмірсерік Тақырбасов және Арман Мажитов қатысты.Алғашқы кездесу «Шалқия Цинк ЛТД» АҚ ұжымымен өтті. Онда кәсіпорын қызметкерлеріне жаңа Конституция жобасының негізгі бағыттары мен қарастырылған өзгерістер туралы ақпарат берілді.Кейін коалиция мүшелері Жаңақорған шипажайының қызметкерлерімен жүздесті. Кездесуде медицина және қызмет көрсету саласының өкілдері қоғамдық даму мен алдағы өзгерістер туралы пікір алмасты.Сондай-ақ «Жаңақорған Транзит» ЖШС қызметкерлерімен кездесу өтті. Онда жаңа Конституция жобасына қатысты жалпы ақпарат ұсынылды.Аудан тұрғындарымен кездесу «Руханият» орталығында ұйымдастырылды. Басқосуда жаңа Конституция жобасында қарастырылған цифрландыру, ауылдық аумақтарды дамыту және жергілікті өзін-өзі басқару мәселелері талқыланды.Коалиция мүшесі Жорабек Нұрымбетов өз сөзінде жаңа Конституция жобасында цифрландыруды дамыту және жергілікті өзін-өзі басқару институттарын жетілдіру бағыттары қарастырылғанын атап өтті. Оның айтуынша, бұл шаралар мемлекеттік және әлеуметтік қызметтерге қолжетімділікті арттыруға, сондай-ақ жергілікті маңызы бар мәселелерді шешуде тұрғындардың қатысу мүмкіндіктерін кеңейтуге бағытталған.Жалпы кездесулер барысында қатысушыларға жаңа Конституция жобасының негізгі мазмұны түсіндіріліп, тұрғындардың сұрақтарына жауап берілді.Фото: Жаңақорған ауданы

Жалпыұлттық коалиция өкілдері Жаңақорған ауданында кездесу өткізді

<a href="https://kyzylorda-news.kz/">Kyzylorda-news.kz</a> Жалпыұлттық коалиция өкілдері Қызылорда облысы, Арал ауданында бірқатар кездесулер өткізіп, әртүрлі сала өкілдеріне жаңа Конституция жобасының негізгі бағыттарын таныстырды. Іс-шараларда тұрғындар пікірлерін білдіріп, өз сұрақтарына жауап алды.Сапар барысында коалиция мүшелері алдымен «Қарашалаң балық» ЖШС ұжымымен кездесіп, Конституция жобасындағы өзгерістер мен олардың қоғам мен экономикаға ықпалы жөнінде түсініктеме берді. Аумақтық коалиция жетекшісі Базарбай Төрахметов президенттік бастамалардың мақсаты – әділетті қоғамды қалыптастыру, заң үстемдігін қамтамасыз ету және халық үнін ескеретін мемлекеттің қағидаттарын бекіту екенін атап өтті. Ол ұсынылып отырған құжат билік тармақтарының тепе-теңдігі мен азаматтардың құқықтары мен бостандықтарын қорғау механизмдерін нығайтады деп мәлімдеді.«Руханият» орталығында спорт саласының өкілдерімен өткен кездесуде конституциялық реформалардың елдің дамуы үшін стратегиялық маңызы талқыланды. Коалиция мүшесі Дәуренбек Мадинов Конституциялық өзгерістер мемлекет басқару жүйесін жетілдіру, билік тармақтарының теңгерімін нығайту және азаматтардың мемлекеттік іске қатысу мүмкіндігін кеңейтуге бағытталғанын жеткізді. Кездесуде жастардың дамуына жағдай жасау, салауатты өмір салтын қалыптастыру және бұқаралық спортты қолдау жаңа Конституцияда мемлекеттік саясаттың басым бағыттары ретінде қарастырылғаны атап өтілді.Арал қаласының активімен өткен жиында коалиция өкілдері Конституция жобасының негізгі қағидаттарын түсіндіріп, азаматтардың құқықтары мен бостандықтарын қорғауға арналған нормалардың маңызын атап өтті. Коалиция мүшесі Арғынбай Асанбаев жаңа Конституцияның басты мақсаты – азаматтық құқықтарды қорғау екенін жеткізді.Білім саласы қызметкерлерімен өткен кездесуде Конституция жобасының білім беру жүйесіне қатысты маңызды бағыттары талқыланды. Коалиция мүшесі Нұрсәуле Ембергенова педагог мамандығын қолдауға арналған нормалардың маңызын атап өтті. Оның айтуынша, бастауыш және орта білім берудің міндетті болуы және оны мемлекеттік оқу орындарында алу кепілдігінің Конституцияда бекітілуі білім беру жүйесінің тұрақтылығын қамтамасыз етеді, педагог мамандығының әлеуметтік мәртебесін арттыруға ықпал етеді.Жалпы аудандағы сапар барысында коалиция өкілдері тұрғындарды референдумға белсенді қатысуға шақырды және Конституция жобасының негізгі бағыттарын таныстырды.

Арал тұрғындарымен Конституция жобасы талқыланды

<a href="https://kyzylorda-news.kz/">Kyzylorda-news.kz</a> 2026 жылдың ақпан айында Қазақстан Республикасы Ішкі істер министрлігінің нұсқауына сәйкес, сондай-ақ Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен республика көлемінде «СТАЛКИНГТІ ТОҚТАТ!» акциясы жарияланды.Аталған акция аясында Қызылорда облысы Полиция департаментінің Қоғамдық қауіпсіздік және &nbsp;Профилактикалық жұмысты үйлестіру басқармасымен бірлесуімен жастар арасында «Ұлт болашағы – ұрпақ тәрбиесі» атты форум ұйымдастырылды.Форумды Қызылорда облысы Полиция департаменті бастығының орынбасары, полиция полковнигі Абдраманов Ермахан Әділханұлы ашып, қатысушыларға сәттілік тіледі.<img src="https://knadmin.beoblood.kz/uploads/Stalkingti_to_tat_akcziyasy_ef4af2ad41.jpg" alt="“Сталкингті тоқтат!” акциясы.jpg">Іс-шараға спикер ретінде облыстық прокуратураның басқарма прокуроры Асылжан Оңдасынұлы, облыстық қоғамдық даму басқармасы басшысының орынбасары Ибраев Уалихан Серікұлы, Мәншүк Мәметова атындағы Қызылорда педагогикалық жоғары колледжі директорының тәрбие ісі жөніндегі орынбасары Исаева Гүлдана Маралбекқызы, облыстық дін істері басқармасының теолог маманы Оспанов Бахтияр Есенгелдіұлы, облыстық жастар ресурстық орталығының жас маманы Балтабай Әсел Бекжанқызы және Қорқыт ата атындағы университеттің Жастар ісі жөніндегі комитетінің төрағасы Салтанат Бижігітқызы қатысты.Спикерлер форумға қатысқан жастарға құқықтық тақырыптар бойынша түсіндірме жұмыстарын жүргізіп, қоғамдағы өзекті мәселелер жөнінде пікір алмасты.Форум барысында қоғамның болашағына тікелей әсер ететін маңызды мәселелер талқыланды. Атап айтқанда, сталкингтің қауіптілігі, жеке шекараны құрметтеу, адамның еркін таңдау құқығы мен жеке қауіпсіздігін сақтау мәселелері көтерілді.<img src="https://knadmin.beoblood.kz/uploads/Stalkingti_to_tat_1cbf0c126e.jpg" alt="Сталкингті тоқтат.jpg">Қатысушылар сталкингтің адамның жеке кеңістігін бұзу, психологиялық қысым көрсету және қорқыныш тудыру секілді жағымсыз салдары бар екенін атап өтті. Сонымен қатар қыз алып қашу әрекеті кей жағдайда дәстүр ретінде түсіндірілгенімен, шын мәнінде адамның еркін таңдау құқығын шектейтін және зорлық-зомбылықтың бір түрі ретінде бағаланатыны айтылды.Іс-шара барысында адам құқығы, еркін келісім және жеке қауіпсіздік кез келген қоғамның негізгі құндылықтары болуы тиіс екені атап өтілді. Сондай-ақ жастар арасында өзара құрмет, жауапкершілік және құқықтық мәдениетті қалыптастырудың маңыздылығы айтылды.Форум қорытындысында қатысушылар өз орталарында жеке шекараны құрметтеу мәдениетін қалыптастырып, зорлық-зомбылықтың кез келген түріне нөлдік төзімділік қағидатын ұстанудың маңыздылығын атап өтті.Осылайша, жастардың құқықтық сауаттылығын арттыруға бағытталған форум өз мәресіне жетті.

“Сталкингті тоқтат!” акциясы аясында “Ұлт болашағы – ұрпақ тәрбиесі” атты жастар форумы өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстанның еңбек сіңірген қайраткері, жырау, өнертанушы, профессор Алмасбек Нұрмаханұлы Алматовтың 70 жылдық мерейтойына арналған Ғылыми кеңестің кеңейтілген салтанатты мәжілісі өтті.Жиынды университеттің Басқарма төрағасы – Ректоры Наурызбай Байқадамов ашып, мерейтой иесінің қазақтың жыраулық дәстүрін дамыту мен насихаттаудағы, сондай-ақ ұлттық өнерді ғылыми тұрғыда зерттеп, жас ұрпаққа жеткізудегі еңбегін ерекше атап өтті.Алматов Алмасбек Нұрмаханұлы – профессор, жырау, педагог, өнертанушы. Ол 1956 жылдың 13 ақпанында Қызылорда облысы Қармақшы ауданы, Қорқыт станциясында дүниеге келген. №185 орта мектептің түлегі. Еңбек жолын туған ауылында жұмысшы болып бастап, кейін ұлттық өнер мен ғылым саласында үлкен жетістіктерге жетті.Алмасбек Нұрмаханұлы университет тарихында алғаш рет «Дәстүрлі өнер – жыр» мамандығы бойынша «Дәстүрлі музыкалық өнер» кафедрасының іргетасын қалап, оның алғашқы меңгерушісі болып қызмет атқарды. Оның бастамасымен ұлттық өнерді ғылыми тұрғыда зерттеу мен жүйелеуге бағытталған маңызды жұмыстар жүзеге асырылды.Салтанатты жиын барысында Алмасбек Нұрмаханұлына Қорқыт ата атындағы Қызылорда университетінің құрметті профессоры аттестаты табысталып, арнайы профессор мантиясы кигізілді.Іс-шараға жазушы, тарихшы-этнограф Қойшығара Салғараұлы, Қазақстанның Халық жазушысы Жүрсін Ерман, ҚР Парламенті Мәжілісінің депутаты Жанарбек Әшімжан, академик Қылышбай Бисенов және мәдениет пен өнер саласының белгілі өкілдері қатысты. Сонымен қатар жиынға университеттің профессор-оқытушылар құрамы мен Ғылыми кеңес мүшелері де қатысты.Кездесу барысында қонақтар мерейтой иесінің шығармашылық жолы мен ғылыми еңбектеріне тоқталып, қазақ руханиятына қосқан үлесіне жоғары баға берді. Сонымен қатар ғалымның алты томдық шығармалар жинағының тұсаукесер рәсімі өтті.Шара барысында Алмасбек Алматовтың шәкірттері мен жас өнерпаздар жырдан шашу шашып, ұстазға құрмет көрсетті. Жиын соңында мерейтой иесі сөз сөйлеп, көрсетілген құрмет пен жылы лебіздер үшін алғысын білдірді.Бүгінде Алмасбек Алматов жыраулық дәстүрді жаңғыртып, оны ғылыми тұрғыда зерттеп, жас ұрпаққа насихаттап келе жатқан көрнекті тұлғалардың бірі ретінде танылып отыр.

Ұлт руханиятына үлес қосқан тұлға: Алмасбек Алматовтың 70 жылдығы аталып өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында «Есірткісіз болашақ!» ұранымен жастар арасында танымдық әрі профилактикалық іс-шара ұйымдастырылды. Шара мектеп оқушылары мен орта арнаулы оқу орындарының студенттері арасында өткізіліп, қатысушылар командалық «Мафия» интеллектуалдық ойынында бақ сынады.Іс-шараның мақсаты – жастардың бос уақытын тиімді ұйымдастыру, логикалық ойлау қабілетін дамыту, бірлік пен жауапкершілікке тәрбиелеу, сондай-ақ салауатты өмір салтын насихаттап, есірткіге қарсы иммунитет қалыптастыру.Ойын барысында қатысушылар өзара пікір алмасып, талдау жасап, шынайылық пен әділдікті анықтауға бағытталған шешімдер қабылдады. Мұндай интеллектуалдық ойындар жастардың уақытын пайдалы өткізуіне ықпал етіп, оларды зиянды әдеттерден, соның ішінде есірткіден аулақ болуға үндейді.Іс-шараны Қызылорда облысының ПД Есірткі қылмысына қарсы іс-қимыл басқармасы ұйымдастырды.Байқау қорытындысы бойынша жүлделі орындар келесідей анықталды: І орын – Арал ауданы №292 орта мектеп, Қармақшы ауданы №279 мектеп-лицей, Қармақшы ауданы №111 орта мектеп, Шиелі ауданы №243 орта мектеп; ІІ орын – Арал ауданы №83 орта мектеп, Шиелі ауданы №207 орта мектеп, Жаңақорған ауданы №184 орта мектеп, Жаңақорған ауданы №195 мектеп-гимназия; ІІІ орын – Қазалы ауданы №16 мектеп-лицей, Жалағаш ауданы №122 орта мектеп, Сырдария ауданы №191 орта мектеп, М.Маметова атындағы Қызылорда жоғары педагогикалық колледжі.Іс-шара соңында мұндай бастамалар жастардың бос уақытын мазмұнды өткізуге, салауатты өмір салтын ұстануға және қоғамда есірткіге қарсы мәдениетті қалыптастыруға ықпал ететіні атап өтілді.Фото: Полиция департаменті

«Есірткісіз болашақ!» ұранымен «Мафия» интеллектуалдық ойыны өтті

<a href="https://kyzylorda-news.kz/">Kyzylorda-news.kz</a> &nbsp;15 наурыз күні еліміз бойынша республикалық референдум өткізіледі. Маңызды саяси науқанда Қызылорда өңірінің 492 524 азамат дауыс беруге құқылы. Жауапты кезенде аймақта 9 аумақтық, 378 учаскелік комиссия құрылып, 2705 комиссия мүшесі қызметке тартылды.Референдум процесін заң шеңберінде ашық әрі алқалы түрде өткізу және дауыс беруді ұйымдастыру — комиссия мүшелерінің тікелей міндеті.Облыста комиссия мүшелері үшін 157 семинар ұйымдастырылды. Оған 3252 комиссия мүшесі оқытылды.Қызылорда облысының аумақтық референдум комиссиясы қала және аудандарда көшпелі оқыту жүргізді.Президент жанындағы мемлекеттік басқару академиясының Қызылорда облыстық филиалымен бірлескен оқыту семинарында кәсіби лекторлар пулы жасақталып, референдумды өткізу тәртібі, дауыс беруші азаматтармен жұмыс жасау, қоғамдық бірлестік өкілдері және БАҚ өкілдерімен жұмыс жасау алгоритмі туралы дәріс берілді. Сонымен қатар комиссия мүшелері практикалық кейстерді талқылады.Оқытуға комиссия төрағасы, төраға орынбасары және хатшылар қатысты. Ал, қалған комиссия мүшелері каскад әдісі арқылы білімін жетілдірді.Семинар комиссия мүшелерінің заңнаманы білуіне, дауыс беруді ұйымдастырудың тәртібіне негізделген. Сондай-ақ, практикалық кейстер мен рөлдік ойындарға басымдық берілді.Басқосуларда Қызылорда қаласындағы және аудандардағы құқық қорғау саласының өкілдері референдум кезінде құқық бұзушылықты болдырмау, дауыс беру учаскелерінде тәртіп ережелерін сақтау мәселелері бойынша негізгі ережелерді түсіндірді.Еске салайық, Қызылорда өңірінде дауыс беруші азаматтардың өз учаскесін анықтау үшін referendum.orda.kz сайты және 109 бірыңғай байланыс орталығы іске қосылды. Сондай-ақ, тізімге тіркелген әрбір дауыс беруші азаматқа шақыру қағаздары мен смс хабарламалар жіберілуде.

Референдум: 3252 комиссия мүшесі арнайы оқытудан өтті

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» Қазақстанның еңбек сіңірген қайраткері, Қазақ ұлттық консерваториясының құрметті профессоры, жырау Алмасбек Алматовтың 70 жас мерейтойына арналған «Жыр керуен» атты шығармашылық кеш өтті.Оған облыс әкімі Нұрлыбек Нәлібаев, жазушы, тарихшы-этнограф, Қазақстанның еңбек сіңірген қайраткері Қойшығара Салғараұлы, Халық жазушысы, Қазақстанның еңбек сіңірген қайраткері, Айтыс ақындары мен жыршы-термешілердің халықаралық одағының төрағасы Жүрсін Ерман, ақын, Парламент Мәжілісінің депутаты Жанарбек Әшімжан, Алмасбек Нұрмаханұлының үзеңгілес әріптестері мен елімізге белгілі шәкірттері, жауапты сала басшылары, зиялы қауым өкілдері қатысты.Аймақ басшысы мерейтой иесінің төл өнерді өркендетуге қосқан үлесін атап өтіп, барша Сыр жұртшылығының атынан сый-құрмет көрсетіп, автокөлік кілтін тарту етті.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti1_c11efef633.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті1.jpg">Сондай-ақ кеште Жанарбек Әшімжан өнер қайраткеріне Мәжіліс төрағасы Ерлан Қошановтың құттықтауын табыстады.<blockquote>«Сыр өңірі – талай марғасқа жыраулар мен тума таланттарды өмірге әкелген, жыраулық өнердің түп қазығы, алтын көмбесі, алып тайқазаны саналатын құтты мекен.Мемлекет басшымыз Қасым-Жомарт Кемелұлы Қызылордада өткен Ұлттық құрылтайдың бесінші қорытынды отырысында «Жалпы, «Сыр елі – жыр елі» деп бекер айтылмайды. Қорқыт ата заманынан жалғасып келе жатқан жыраулық-жыршылық және күйшілік өнер бұл аймақта кең қанат жайған. Жиенбай, Нұртуған, Нартай сынды саңлақтар негізін қалаған жыршылық мектептерді бүкіл еліміз біледі», – деп ерекше атап өткен болатын.Сыр бойындағы жыраулық өнердің көрнекті өкілі, Сыр сүлейлерінің ізін жалғаушы, Қазақстанның еңбек сіңірген қайраткері, зерттеуші-ғалым, «Парасат», үшінші дәрежелі «Барыс» ордендерінің иегері, Қызылорда облысының құрметті азаматы Алмасбек Нұрмаханұлы Алматов мерейлі 70 жасқа толды.Алмасбек Нұрмаханұлы – дәуір көшінде дара із қалдырған жыр алыптарының мұрагері, Сыр өңіріне ғана тән жыраулық дәстүрдің сабақтастығына айрықша еңбек сіңірген өнер қайраткері. Ағамыз жастайынан қолына домбыра алып «Алпамыс батыр», «Қобыланды батыр», «Қыз Жібек» сияқты елге кең тараған дастандарды жырлап, «жас жыршы» атанды. «Сыр сұлуы» ансамблі құрамынан басталған шығармашылық жолы белгілі жырау, ұлағатты ұстаз, өнер зерттеушісі, ғалым, қоғам қайраткері ретінде биік белестерге шығарды.Егемендік алған жылдар ішінде ұлттық өнердің бұл түріне ерекше көзқарас қалыптасып, ата-бабаларымыздың асыл қазынасы жарқырай түсті. Алдағы уақытта да ұлттық өнеріміздің шамшырағы болып, келер ұрпаққа рухани мұра сыйлай беріңіз»,– деді Н.Нәлібаев.</blockquote>Өнер кешінде айтыскер ақын Мұхтар Ниязов мерейтой иесіне арнау айтып, Қазақстанның еңбек сіңірген қайраткерлері Елмұра Жаңабергенова, Айгүл Елшібаева және басқа да ақын-жыршылар өнер көрсетті. Жыраудың өзі «Жыр бастауын» орындады.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti2_9a301bbab6.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті2.jpg">Алмасбек Алматов Сыр бойында мақам-саз ерекшеліктеріне қарай жыраулық мектептердің қалыптасуына, атадан балаға мирас болған төл өнерімізді жаңа дәуірге жеткізуге ерен еңбек сіңірді. Жыраулық өнер академиялық білім беру жүйесіне енгізіліп, «Дәстүрлі өнер – жыр» мамандығы ашылды. Құрманғазы атындағы Қазақ ұлттық консерваториясындағы, Қазақ ұлттық өнер университетіндегі, Қорқыт ата атындағы Қызылорда университетіндегі кафедраларда жыршы-жыраулар кәсіби тұрғыда қалыптасты. Дәстүрлі жыр орындаушыларды маман етіп даярлау арқылы өткеннің өзегін бүгін мен ертеңге жалғап, жүздеген шәкірт тәрбиелеп, өнер аламанына қосты. АҚШ, Франция, Италия, Швейцария, Ұлыбритания, Египет, Моңғолия және басқа да шет мемлекеттерде ұлттық мұрамызды ұлықтап, ел мерейін асқақтатты. Бүгінде мерейтой иесі тәрбиелеген шәкірттер халықаралық, республикалық байқаулардың жеңімпазы атанып, еліміздің әр өңірінде жыраулық дәстүрдің алтын арқауын жалғастырып келеді.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti3_0686d4abcb.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті3.jpg">Айта кету керек, Алмасбек Алматовтың 70 жас мерейтойы аясында Қорқыт ата атындағы университеттің Студенттер сарайында V томдық таңдамалы шығармаларының тұсаукесер рәсімі, Қармақшы ауданында «Асыл жырдың Алмасы» атты республикалық жыршы-жыраулар фестивалі өтуде.Фото: Қызылорда облысы әкімінің баспасөз қызметі

Алмасбек Алматовтың мерейтойына арналған «Жыр керуен» атты шығармашылық кеш өтті

<a href="https://kyzylorda-news.kz/">Kyzylorda-news.kz</a>&nbsp;2026 жылдың 16 ақпаны мен 4 наурызы аралығында жүргізілген қоғамдық пікір сауалнамасының нәтижелеріне сәйкес, Қазақстан халқы конституциялық реформаны талқылау процесінен жоғары деңгейде хабардар және оны талқылауға белсенді қатысып отыр. Зерттеу 17 облыс пен республикалық маңызы бар 3 қалада тұратын 18 жастан асқан 8 000 респондентті қамтыды.Сауалнамаға қатысқандардың жартысынан көбі (67,1%) жаңа Конституция жобасының мазмұнымен толық немесе ішінара таныс екенін айтқан. 27,3%-ы жаңа Конституция жобасы талқыланып жатқанын естігенін жеткізген.Респонденттердің басым бөлігі (90,9%) жаңа Конституцияны қабылдауды қолдайтынын білдірген. Олардың ішінде 67,1% – толық қолдайды, ал тағы 23,8% – көбіне қолдайды.Жаңа Конституция жобасындағы жекелеген ережелердің ішінде қоғамның негізгі құндылықтарын нығайтуға және азаматтардың құқықтарын қорғауға бағытталған нормалар ең жоғары қолдауға ие болып отыр.&nbsp;Атап айтқанда:<ul><li style="text-align:justify;">табиғатқа ұқыпты қарау қағидатын бекіту – 95,0%;</li><li style="text-align:justify;">мәдениет, білім, ғылым және инновация құндылықтарын бекіту – 91,6%;</li><li style="text-align:justify;">цифрлық ортада азаматтардың дербес деректерін қорғау – 89,9%;</li><li style="text-align:justify;">некені ер мен әйел арасындағы ерікті әрі тең құқықты одақ ретінде айқындау – 86,7%.</li></ul>Конституциялық реформа көбіне бейресми ортада талқыланады: отбасы мүшелері арасында (40,1%), достар мен таныстар арасында (29,9%), әріптестер арасында (24,2%).Жаңа Конституция туралы өз пікірін қалыптастыру барысында азаматтар көбінесе осы саладағы мамандарға, яғни заңгерлерге, сарапшылар қауымдастығына, оның ішінде саясаттанушыларға, әлеуметтанушылар мен аналитиктерге, журналистерге, азаматтық қоғам өкілдеріне, сондай-ақ депутаттар мен мемлекеттік қайраткерлерге сенім артады.2026 жылдың 15 наурызына белгіленген республикалық референдум қарсаңында халықтың электоралдық белсенділігінің жоғары екені анықталып отыр. «Еліміздің жаңа Конституциясын қабылдау бойынша республикалық референдум 2026 жылдың 15 наурызында өтеді. Айтыңызшы, сіз референдумға барып, дауыс бересіз бе?» деген сұраққа респонденттердің 74,8%-ы дауыс беруге қатысуға ниетті екенін мәлімдеген.Дауыс беруге қатысуды жоспарлап отырғандардың ішінде «Егер Сіз жаңа Конституцияны қабылдау жөніндегі референдумға қатыссаңыз, қалай дауыс беруді жоспарлап отырсыз?» деген сұраққа респонденттердің 90,9%-ы жаңа Конституцияны қабылдауды «ҚОЛДАЙМЫН» деп жауап беретінін айтқан. Жаңа Конституцияға қарсы екенін білдіргендер саны небәрі 4,6%. Сондай-ақ респонденттердің аз ғана бөлігі (4,5%) әлі де өздерінің соңғы таңдауын жасамаған.Азаматтар үшін Референдум туралы негізгі ақпарат көздері цифрлық медиа мен дәстүрлі БАҚ болып табылады. Сауалнамаға қатысқандар көбінесе ақпаратты әлеуметтік желілердегі жазбалардан (34,8%), интернет-БАҚ жаңалықтарынан (32,1%) және теледидар жаңалықтарынан (30,6%) алады. Әр бесінші респондент әлеуметтік желілердегі қысқа видеоларды атап өтті.Алынған деректер халықтың азаматтық белсенділігінің жоғары екенін және олардың елдегі маңызды мемлекеттік үдерістерге қызығушылық танытып отырғанын көрсетеді. Респонденттердің басым бөлігі жаңа Конституция жобасын әзірлеу барысында қарапайым азаматтардың пікірі ескерілді деп есептейді.Әлеуметтік сауалнама 2026 жылдың 16 ақпаны мен 4 наурызы аралығында Демократия институтының жеке қаражаты есебінен жүргізілді. Іріктеме репрезентативті. Іріктелген жиынтық көлемі 8 000 респондентті құрады. Зерттеуге 17 облыстан және республикалық маңызы бар 3 қаладан (Астана, Алматы және Шымкент) 18 жастан асқан азаматтар қатысты.Статистикалық қателік +-3,02% құрайды. Сауалнама Орталық сайлау комиссиясының жазбаша хабарламасымен жүргізілді.

Референдумға қазақстандықтардың 70%-дан астамы қатысуға ниетті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде тұрғын үй құрылысын дамыту және саланы цифрландыру мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін өткен мәжілісте осы мәселелер жан-жақты талқыланып, жауапты сала басшыларына бірқатар тапсырма жүктелді.<blockquote>«Тұрғын үй құрылысына және пәтер сатып алуға бөлінген қаржының толық әрі тиімді игерілуін қамтамасыз етіңіздер. Үйлердің сапасы және белгіленген мерзімде пайдалануға берілуі қатаң бақылануы тиіс. Баспаналарды кезектілік тәртібімен табыстауды 20 наурызға дейін аяқтау керек.Өткен аптада аппарат инспекторлары аудандарда пайдалануға берілген үйлердің жай-күйін зерделеп, бірқатар кемшілікті анықтады. Аудан әкімдеріне кемшіліктерді жою жөнінде бұған дейін бірнеше рет тапсырма берілген болатын. Алайда тапсырма толық орындалмаған. Сондықтан мердігер мекемелерді тартып, анықталған олқылықтарды 3 күн ішінде шұғыл қалпына келтіріңіздер», – деді Н.Нәлібаев.</blockquote>Айта кетейік, өткен жылы өңірде тұрғын үй құрылысына 36 млрд. теңге қаржы бөлініп, 939,3 мың шаршы метр тұрғын үй пайдалануға берілді. 2024 жылдың сәйкес кезеңімен салыстырғанда 108,4 пайызға өсім қалыптасты.<img src="https://knadmin.beoblood.kz/uploads/Rassmotreny_voprosy_razvitiya_zhilishhnogo_stroitelstva_i_czifrovizaczii_otrasli_b51a1a12e9.jpg" alt="Рассмотрены вопросы развития жилищного строительства и цифровизации отрасли.jpg">Жыл қорытындысымен 2577 пәтер табысталып, 10 мыңнан астам тұрғын баспанамен қамтылды.Биыл тұрғын үй құрылысы мен пәтер сатып алуға 55 млрд 600 млн. теңге қаржы бөлінген.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары