<a href="https://kyzylorda-news.kz/">Kyzylorda-news.kz</a> Президент Құрылтайдағы партия фракцияларының жетекшілерімен кездестіҚасым-Жомарт Тоқаев Қазақстан Республикасы Құрылтайындағы саяси партиялар фракцияларының жетекшілерімен кездесу өткізді. Кездесуде Президент жаңа Конституцияның 46-бабына сәйкес Премьер-Министр лауазымына ұсынылған Олжас Бектеновтің кандидатурасы жөнінде фракция жетекшілерімен кеңесуге тиіс екенін айтты.Талқылауға «Әділет» партиясы фракциясының жетекшісі Ербол Адаев, «Ауыл» партиясы фракциясының жетекшісі Қайрат Айтуғанов, «Respublica» партиясы фракциясының жетекшісі Айдарбек Қожаназаров, «Ақ жол» партиясы фракциясының жетекшісі Дания Еспаева, Жалпыұлттық социал-демократиялық партия фракциясының жетекшісі Асхат Рақымжанов қатысты.

Президент Құрылтайдағы партия фракцияларының жетекшілерімен кездесті

<a href="https://kyzylorda-news.kz/">Kyzylorda-news.kz</a> Тамыз айында әлеуметтік маңызы бар азық-түлік тауарлары бағасының оң динамикасы сақталды.Соңғы аптаның қорытындысы бойынша әлеуметтік маңызы бар азық-түлік тауарларының (ӘМАТ) индексі 100,0% болды. Тамыз айының басынан бері бағалар 0,2%-ға төмендеді. Жыл басынан бері индекс 101,4%-ды құрады, ал өткен жылдың сәйкес кезеңінде бұл көрсеткіш 107,9% болған.Осылайша, жыл басынан бері ӘМАТ бағасының өсуі ең төмен деңгейде қалып отыр және өткен жылғы көрсеткіштен 5 еседен астам төмен.Қазіргі оң динамикаға жаңа өнімнің маусымдық түсуі ықпал етуде. Көкөніс өнімдері бағасының төмендеуі жалпы индексті тұрақтандырып, жекелеген тауарлар бойынша бағаның өсуін өтеуге мүмкіндік беріп отыр.ӘМАТ бойынша оң динамика азық-түлік инфляциясынан да көрінеді. Жылдық мәнде оның деңгейі өткен жылғы желтоқсандағы 13,5%-дан шілде қорытындысы бойынша 10,1%-ға дейін төмендеді.Бұл ретте жұмыс маусымдық шаралармен ғана шектелмейді. Негізгі назар өнімдердің түпкілікті құнына тікелей әсер ететін факторларға: делдалдарға, нарықтарға, көлік шығындарына және өндірушілердің босату бағаларына аударылды.Премьер-министрдің орынбасары – ұлттық экономика министрі Серік Жұманғариннің тапсырмасы бойынша өңірлерде азық-түлік нарықтарына зерттеу жүргізілуде. Жеткізу тізбектері, жалдау шарттары және түпкілікті бағаның қалыптасуы талданады. Артық делдалдарды анықтауға ерекше назар аударылуда.Көлік шығындарын төмендету мақсатында азық-түлік өнімдерін теміржол арқылы тасымалдауға жеңілдікті тариф қолданылады. Бүгінгі таңда оны 50-ден астам компания пайдаланды, 38 мың тонна өнім тасымалданды.Отандық өндірушілермен жұмыс жалғасуда. ӘМАТ өндірушілері үшін электр энергиясына тарифті 20%-ға төмендету көзделген. Қолдау босату бағаларын ұстап тұру бойынша қарсы міндеттемелер қабылданған жағдайда көрсетіледі.Сонымен қатар тұрақтандыру қорларының жұмыс істеу тетігі қайта қаралуда. Тәсіл өнімді жай ғана сатып алуға және бөлінген қаражатты игеруге емес, нақты нәтижені – оның бағаға әсерін бағалауға бағытталатын болады.Осы мақсатта тұрақтандыру тетіктері нақты тауар мен өңірдегі жағдайға қарай нысаналы түрде қолданылатын болады. Сондай-ақ өнім қозғалысының қадағалануын және СПК арқылы бағытталатын қаражаттың тиімділігіне бақылауды күшейту жоспарлануда.Жыл соңына дейінгі жұмыс қол жеткізілген оң динамиканы сақтауға, азық-түлік өнімдерінің жеткілікті көлемін қамтамасыз етуге және бағаның негізсіз өсуіне жол бермеуге бағытталады.Сурет: Нұрболат Нұржаубай

Тамыз айында әлеуметтік маңызы бар азық-түлік бағасы арзандады

<a href="https://kyzylorda-news.kz/">Kyzylorda-news.kz</a> 29 тамыз – Қазақстанның антиядролық қозғалыс тарихындағы айрықша мәнге ие күн. Осыдан 35 жыл бұрын, 1991 жылы 29 тамызда Қазақстан Республикасы ядролық сынақ полигоны жабылып, еліміздің бейбітшілік пен ядролық қарусыздану жолындағы тарихи ұстанымы айқындалды.&nbsp;Осылайша 29 тамыздан бастап еліміз атом қаруынан түбегейлі бас тартты. &nbsp; &nbsp;2009 жылдан бері бұл күн ресми түрде атаулы күндердің қатарына енгізілді.Бұл шешім – Қазақстанның әлемдік қауымдастыққа татулық пен ынтымақты, өзара түсіністікті ту етіп ұстанған ел екендігінің тағы бір айқын дәлелі.Осы атаулы күнге орай, бүгін «Тағзым» алаңында Семей ядролық сынақ полигонының жабылған күніне орай еске алу іс-шарасы өтті.Іс-шара барысында ядролық сынақтар салдарынан қаза болған азаматтар бір минут үнсіздікпен еске алынып, рухтарына құран бағышталып, гүл шоқтары қойылды.Тағылымды шараға ұрыс даласының ардагерлері, әскери бөлімдердің басшылық құрамы мен әскери қызметшілері, сондай-ақ жастар қатысты.Жиында Қызылорда облысы әкімінің орынбасары М. Шермағанбет, «Қызылорда «Невада-Семей» қоғамдық бірлестігінің төрағасы С. Әбіш сөз сөйлеп, Семей полигонының жабылуы адамзат тарихындағы аса маңызды тарихи оқиғалардың бірі болғанын атап өтті.Сондай-ақ, Қазақстанның бастамасымен 2009 жылы Біріккен Ұлттар Ұйымының Бас Ассамблеясы 29 тамызды Ядролық сынақтарға қарсы іс-қимылдың халықаралық күні ретінде белгілеу туралы шешім қабылдағаны айтылды. Бұл - еліміздің жаһандық деңгейде ядролық қарусыз әлем құруға қосқан үлесінің жарқын көрінісі.Семей полигонының жабылуы - өткенге тағзым ғана емес, болашаққа жасалған батыл қадам. Бүгінгі ұрпақтың парызы - тарих тағылымын ұмытпай, бейбітшілік идеясын дәріптеу, ядролық қарусыз әлем құндылығын кейінгі буынға аманаттау.<img src="https://knadmin.beoblood.kz/uploads/Semej_poligony_2_22c1a6933a.jpg" alt="Семей полигоны 2.jpg">

Семей ядролық сынақ полигоны: Жауынгерлерді еске алу шарасы өтті

<a href="https://kyzylorda-news.kz/">Kyzylorda-news.kz</a> Қасиетті Арал төріндегі көрікті Қамбаш көлінің жағасында вокалды-аспапты ансамбльдердің облыстық «ҚАМБАШ FEST» фестивалі өтті.Өнер додасына Қызылорда облысының әр өңірінен келген вокалды-аспапты ансамбльдер қатысып, көрерменге өздерінің шығармашылық бағдарламаларын ұсынды.Табиғаты тамылжыған Қамбаш жағалауында ашық аспан астында өткен мәдени шарада әсем ән мен сырлы саз, жанды дауыс пен заманауи эстрадалық әуендер үйлесім тауып, көрерменге көтеріңкі көңіл күй сыйлады.Фестиваль талаптарына сәйкес өнер ұжымдары екі ән және бір музыкалық шығармадан орындап, аспаптарды толық құрамда пайдаланды. Қатысушылар өз туындыларын жанды дауыста орындап, орындаушылық шеберлігі мен шығармашылық ізденістерін көрсетті.Әр ансамбль өзіндік орындаушылық мәнерімен ерекшеленіп, жастықтың жалынды үнін, халыққа жақын әуендерді және заманауи музыканың қуатты ырғағын көрермен назарына ұсынды.Іс-шара барысында үздік өнер көрсеткен қатысушылар марапатталып, барлық өнер ұжымдарына кұрмет көрсетті. «ҚАМБАШ FEST» – өнерпаздарды бір арнаға тоғыстырып, шығармашылық достықты нығайтқан, музыкалық өнердің дамуына серпін берген тағылымды мәдени алаңға айналды.Қамбаштың қоңыр самалымен үндескен әсем әуен көпшілікке көтеріңкі көңіл күй сыйлап, фестиваль қатысушылары мен көрермендерге ерекше әсер қалдырды.

«Қамбаш fest»: Өнер мен әуен тоғысқан ерекше кеш

Шиеліде ауыл жастарының шығармашылығын қолдауға, ұлттық өнер мен мәдени құндылықтарды дәріптеуге бағытталған «Ауыл Vibe, Retro Night» жобасы жалғасын тапты.Апта сайын ұйымдастырылып келе жатқан мәдени жоба ауылдық округтердің өнерпаз жастарына өз таланттарын танытып, шығармашылық қабілеттерін шыңдауға мүмкіндік беріп келеді.Кезекті шараға аудан әкімінің орынбасары Алмат Алдабергенов қатысып, өнерпаздар мен көрермендерге ізгі тілегін білдірді. Өз сөзінде аудан әкімінің орынбасары мұндай мәдени жобалардың жастардың өнерге деген қызығушылығын арттырумен қатар, ауылдық округтер арасындағы шығармашылық байланысты нығайтуда маңызды рөл атқаратынын атап өтті.Бұл жолғы байқауға Жөлек және Бәйтерек ауылдық округтерінің өнерпаздары сахна төріне шығып, арнайы дайындаған шығармашылық бағдарламаларын көпшілік назарына ұсынды. Қатысушылар туған жердің тарихы мен мәдениетін, ұлттық салт-дәстүрлерді түрлі қойылымдар арқылы насихаттап, ән мен жыр, би және өзге де өнер түрлерін көрерменге тарту етті.Кеш барысында ретро әндер шырқалып, заманауи музыкалық композициялар мен түрлі шығармашылық нөмірлер орындалды. Әсіресе, өткен дәуірдің танымал әндерінің жаңа форматта орындалуы көрерменнің ерекше ықыласына бөленді.<img src="https://knadmin.beoblood.kz/uploads/FB_IMG_1788142469529_524b305c48.jpg" alt="FB_IMG_1788142469529.jpg">

 Шиелі: «Ауыл Vibe, Retro Night» жобасы жалғасын тапты

Қазалы ауданы &nbsp;локомотив жөндеу зауытында локомотив шаруашылығы саласының білікті маманы, Қазалы локомотив жөндеу зауытының еңбек ардагері, «Құрметті теміржолшы» Бектибаев Сұлтан Ерекешұлына арналған мемориалдық тақта ашылды.Тағылымды шараға аудандық мәслихат төрағасы Ғазиз Әліш, теміржол саласының ардагерлері, зауыт ұжымы, Сұлтан Ерекешұлының әріптестері мен жақындары қатысты.Сұлтан Ерекешұлы Бектибаев – саналы ғұмырын отандық теміржол саласының дамуына арнаған, кәсіби білімі мен мол тәжірибесін локомотив шаруашылығын жетілдіруге жұмсаған білікті маман әрі іскер басшы.1957 жылы Арал ауданындағы Тасты ауылында дүниеге келген Сұлтан Ерекешұлы 1983 жылы Алматы темір жол көлігі инженерлері институтының тепловоз шаруашылығы факультетін тәмамдап, еңбек жолын Қазалы локомотив депосында тепловоз машинисінің көмекшісі болып бастады.Қарапайым өндірістік қызметтен бастап, саладағы жауапты басшылық лауазымдарға дейін көтеріліп, локомотивтерді жөндеу ісін ұйымдастыруға, өндірістің тиімділігін арттыруға және теміржол техникасының техникалық әлеуетін дамытуға елеулі үлес қосты.Әр жылдары «Қазақстан темір жолы» Батыс Қазақстан темір жолы басқармасында, «Желдорремонт», «Желдорреммаш», «АзияТрансКом», «Ассоциация Локомотив – Сервис», «Магистраль», «Қамқор» секілді ірі құрылымдарда жауапты қызметтер атқарып, өзінің кәсіби біліктілігі мен ұйымдастырушылық қабілетін танытты.Теміржол саласындағы мінсіз еңбегі мен өндірістік жетістіктері үшін 2003 жылы «Құрмет грамотасымен», ал 2007 жылы «Құрметті теміржолшы» төсбелгісімен марапатталды.Мемориалдық тақтаның ашылу салтанатында аудандық мәслихат төрағасы Ғазиз Әліш сөз сөйлеп, Сұлтан Ерекешұлының өнегелі өмір жолына тоқталды. Оның Қазалыдағы теміржол саласының дамуына қосқан үлесін атап өтіп, ардагер теміржолшының кәсіби жолы кейінгі буынға үлгі екенін жеткізді.Сұлтан Бектибаевтың өмір жолы – адал еңбек пен кәсіби шеберліктің, жауапкершілік пен елге қызмет етудің жарқын үлгісі. Ол өзінен кейін мол тәжірибе, тағылымды өнеге қалдырды. Бүгінде оның тәлімін алған шәкірттері теміржол саласында түрлі жауапты қызметтер атқарып келеді.

Қазалыда теміржол саласының ардагеріне арналған мемориалды тақта ашылды

Қазалы ауданында «Таза Қазақстан» жалпыұлттық экологиялық акциясы аясында кезекті сенбілік ұйымдастырылды.Сенбілік жұмыстары аудан орталығы мен барлық елді мекенде жүргізілді. Аудан орталығы – Әйтеке би кентінде Қазалы мәдени-демалыс кешені аумағы, Жанқожа батыр көшесіндегі жасыл белдеу және Сәбит Мұқанов көшесінің бойы тазаланып, қоқыстар жиналып, бей-берекет өскен шөптер шабылды.Тазалық жұмыстарының барысын аудан әкімінің орынбасарлары Жәнібек Алиев пен Мұрат Әбсұлтанов аралап көріп, кент ішіндегі тазалық пен абаттандыру жұмыстарына қатысты жауапты сала басшыларына тиісті тапсырмалар берді.Бүгінге сенбілікке аудан бойынша 120 мекемеден 1 116 адам қатысып, 11 техника жұмылдырылды. Нәтижесінде полигондарға 11,4 тонна қоқыс шығарылды.<img src="https://knadmin.beoblood.kz/uploads/FB_IMG_1788066239865_5aba10c8de.jpg" alt="FB_IMG_1788066239865.jpg">

Таза Қазақстан: Қазалыда тазалық жұмыстары жүргізілді 

Облыс әкімі Мұрат Ергешбаевтың төрағалығымен мәжіліс өтіп, 2027-2029 жылдары аудандарда жоспарланған инфрақұрылымдық жобалар талқыланды.Аймақ басшысы жобалардың әлеуметтік-экономикалық тұрғыдан тиімділігіне, өзектілігіне ерекше мән беруді атап өтті.<blockquote>«Бюджет кодексіне сәйкес, алдағы үш жылдық кезеңде республикалық бюджет есебінен маңызды нысандар салу, стратегиялық мәні бар жобаларды қаржыландыру көзделген. Жергілікті бюджеттен де өңірдің экономикалық әлеуетін арттыруға бағытталған жобаларды іске асыруымыз қажет. Бұған дейін қала және аудан әкімдеріне, сондай-ақ тиісті басқарма басшыларына республикалық және жергілікті бюджеттен қаржыландырылатын жобаларды әзірлеу жөнінде тапсырма берген болатынмын. Бюджеттік өтінімдерді қалыптастыру кезінде бір-бірін қайталайтын және тиімділігі төмен жобаларға жол берілмеуі тиіс. Қаржының нақты нәтижеге бағытталғаны маңызды. Барлық әкімдер мен басқарма басшыларына айтарым, жергілікті бюджет қаржысы жетпейді деп отыруға болмайды. Республикалық бюджет есебінен қаржыландыру талаптарына сәйкес келетін жобаларды тиісті министрліктермен қазірден бастап пысықтаңыздар. Олар халықтың жайлы тұрмысына, өмір сүру сапасын арттыруға және өңір экономикасының дамуына бағытталуы тиіс», – деді аймақ басшысы.</blockquote>Жиында қала және аудан әкімдері алдағы уақытта атқарылатын ауқымды жобалар туралы баяндама жасады.2027-2028 жылдары бюджет қаражаты есебінен денсаулық сақтау, білім беру, су, энергетика, газ және жылумен жабдықтау, спорт, көлік және туризм инфрақұрылымын дамыту, инженерлік-коммуникациялық инфрақұрылымды жетілдіру, сондай-ақ ұлттық жобаларды іске асыру көзделген.Мұрат Нәлқожаұлы қала және аудан әкімдеріне жобалардың тиімділігі мен әлеуметтік маңызына баса мән беруді, бюджеттік өтінімдерді сапалы әзірлеуді және тиісті мемлекеттік органдармен жұмысты күшейтуді тапсырды.

Алдағы үш жылдықта жүзеге асырылатын маңызды жобалар талқыланды 

Қызылорда қаласында облыстық Полиция департаменті Есірткі қылмысына қарсы іс-қимыл басқармасының қызметкерлері қала тұрғындары көп шоғырланатын орындардың бірі – Aray City Mall ойын-сауда орталығында профилактикалық іс-шара өткізді.Іс-шараның негізгі мақсаты – есірткінің зияны мен оны қолданудың салдары туралы тұрғындарға ақпарат жеткізу, есірткі қылмыстарының алдын алу және салауатты өмір салтын насихаттау.Полиция қызметкерлері орталыққа келушілермен түсіндіру жұмыстарын жүргізіп, есірткі құралдарын заңсыз сақтау, тарату және қолдануға байланысты жауапкершілік туралы ақпарат берді. Сондай-ақ тұрғындарға есірткінің таралуына жол бермеуге шақыратын ақпараттық материалдар таратылды.Мұндай профилактикалық жұмыстар қоғамның есірткіге қарсы иммунитетін қалыптастыруға және әсіресе жастар арасында есірткінің алдын алуға бағытталған.<img src="https://knadmin.beoblood.kz/uploads/IMG_20260829_WA_0029_cc5b490de2.jpg" alt="IMG-20260829-WA0029.jpg">

Қызылордада есірткінің алдын алуға бағытталған профилактикалық іс-шара өтті

«Балалардың сабақтан тыс уақытын тиімді өткізу және жаңа технологияларды меңгеруіне жағдай жасау мақсатында Қызылорда қаласының Әл-Фараби шағын ауданында 7 млрд. теңгеге 360 орындық инновациялық шығармашылық орталығының құрылысы биыл басталып, 2027 жылы пайдалануға беріледі».Бұл туралы облыс әкімі Мұрат Ергешбаев білім қызметкерлерінің дәстүрлі тамыз конференциясында айтты.Бұған дейін мұндай орталық «Сыр жұлдыздары» деген атпен қаланың басқа шағын ауданында ашылып, жеткіншектердің бос уақытын өткізетін қосымша білім беру ұйымына айналған болатын. Енді Қызылорданың тағы бір шағын ауданында бой көтермек.Мемлекет басшысының, Үкіметтің ерекше қолдауымен өңірде білім беру инфрақұрылымы жаңғыруда. 2022 жылдан бері 121 млрд. теңгеден астам қаржыға 46 заманауи білім беру нысаны салынып, ел игілігіне табысталды. &nbsp; Аймақта көп жылдан бері өзекті болған &nbsp;үш ауысымды мектептер мәселесі толық шешілді. Биыл «AI-Kerim» балалар білім беру-сауықтыру орталығы пайдалануға берілді. Орталық жыл сайын &nbsp;8 400 баланы қамтып, робототехника, бағдарламалау, инженерлік жобалау және басқа да заманауи дағдыларды үйретуде. Жаңадан ашылған Ботаникалық білім беру орталығында оқушылар биология, экология және ботаника бағыттарын тәжірибе жүзінде меңгеруде. Балалардың ғылымға қызығушылығын арттыруда осындай жобалардың маңызы ерекше.<img src="https://knadmin.beoblood.kz/uploads/FB_IMG_1787991685775_3b92902c8f.jpg" alt="FB_IMG_1787991685775.jpg">

Қызылордада тағы да инновациялық шығармашылық орталық салынады 

«Өнер орталығында» «Жаңа халықтық Конституцияның нормалары мен құндылықтары: &nbsp;Адами капиталды дамыту – білім беру жүйесінің стратегиялық негізі» атты облыстық педагогикалық тамыз конференциясы өтті.Алқалы жиынға облыс әкімі Мұрат Ергешбаев, Оқу-ағарту министрлігінің Білім саласында сапаны қамтамасыз ету комитеті төрағасының орынбасары Жәмилә Есанова, Ғылым және жоғары білім министрінің кеңесшісі Руслан Емелбаев, облыстық мәслихат төрағасы Мұрат Тлеумбетов, зиялы қауым өкілдері, білім саласының ардагерлері мен ұстаздар қатысты.Тамыз конференциясында аймақтың білім беру саласындағы жетістіктер мен маңызды бастамалар жан-жақты талқыланды.<img src="https://knadmin.beoblood.kz/uploads/FB_IMG_1787979989534_9989e4cccc.jpg" alt="FB_IMG_1787979989534.jpg"><blockquote>«Жаңа оқу жылы қарсаңында алдағы даму бағытын белгілеу өте маңызды. Ұстаздардың республикалық тамыз конференциясында Мемлекет басшысы &nbsp;Қасым-Жомарт Кемелұлы: «Әділетті, Қуатты, Қауіпсіз әрі Таза Қазақстанның тірегі болатын жауапты әрі адал азаматтарды тәрбиелеу – бәріміздің ортақ міндетіміз» деп атап өтті. Басымдықтардың қатарында кадр тапшылығын жойып, ұстаздардың біліктілігін көтеру, аймақтар арасындағы білім сапасына қатысты алшақтықты жою, &nbsp;жасанды интеллектіні орта білім беру жүйесіне енгізу, балаларды қорғау және олардың тәрбиесіне мән беру секілді негізгі бес бағыт айқындалды. &nbsp;Президентіміз өз сөзінде Қызылорда облысының мектеп бітірушілері Ұлттық бірыңғай тестілеудің қорытындысы бойынша жоғары көрсеткішке қол жеткізгенін ерекше атап өтті. Түлектеріміз үшінші жыл қатарынан республикада бірінші орында. &nbsp;Бұл ең алдымен ұстаздардың табанды еңбегі мен мемлекет қолдауының нәтижесі деп білемін. &nbsp;Облыстың 967 түлегі «Алтын белгі», 1124 түлегі «Үздік аттестат» иегері атанды. Білім алушылардың жетістіктерін мониторингтеу нәтижесінде оқушыларымыз 4-сыныптар арасында республика бойынша үшінші, 9-сыныптар арасында екінші орынға ие болды. &nbsp;Бұл – жақсы нәтиже. Бірақ осы жетістіктермен шектелуге болмайды. Президентіміз ауыл мектептерін дамыту және білім сапасы төмен аймақтарға нақты қолдау көрсетуді тапсырды. Осы ретте қала мен ауыл мектептері арасындағы айырмашылықты қысқартып, әрбір баланың сапалы білім алуына жағдай жасауымыз қажет. Сонымен бірге, халықаралық және республикалық олимпиадаларға, ғылыми жобалар мен зияткерлік жарыстарға қатысатын дарынды оқушыларды қолдау жүйесін күшейтуіміз керек. Мемлекет басшысы айтқандай: «Ұстаз – ұлттың шамшырағы». Осы жауапты жолда Сіздерге зор денсаулық, сарқылмас күш-қуат, шығармашылық ізденіс пен кәсіби табыс тілеймін. Жаңа оқу жылы баршаңызға тың бастамалар мен жарқын жеңістер әкелсін!» – деді аймақ басшысы. &nbsp;</blockquote><img src="https://knadmin.beoblood.kz/uploads/FB_IMG_1787979941746_1c94e6dea5.jpg" alt="FB_IMG_1787979941746.jpg">Сондай-ақ, облыс әкімі жауапты тұлғаларға жасанды интеллектіні білім беру жүйесіне енгізуде педагогтердің цифрлық құзыретін арттыруды, оқу процесінде тиімді әрі қауіпсіз пайдаланудың озық тәжірибелерін енгізуді тапсырды.&nbsp;«Адал азамат», «Заң мен тәртіп», Конституциялық құндылықтар &nbsp;тәрбие жұмысының негізгі өзегіне айналуы керек. Бұл міндетті тек мектепке жүктеп қоюға болмайды. Мемлекет, мектеп, ата-ана және қоғам бірлесіп жұмыс істегенде ғана нәтиже шығады.Бұдан бөлек, аймақ басшысы педагогтердің біліктілігін арттыруды, жас мұғалімдерді қолдау және тәлімгерлік институтын күшейтуді, балалардың заңды мүдделері мен қауіпсіздігін қамтамасыз етуді, әлеуметтік осал топтағы балаларға көмек көрсетуді, қосымша білім беру ұйымдарының мүмкіндігін тиімді пайдаланып, балалардың бос уақытын ұйымдастыруды, сыбайлас жемқорлық тәуекелдерінің алдын алуды тапсырды.Жиында облыстық білім басқармасының басшысы Асқарбек Есжанов, Оқу-ағарту министрлігінің Білім саласында сапаны қамтамасыз ету комитеті төрағасының орынбасары Жәмилә Есанова, Ғылым және жоғары білім министрінің кеңесшісі Руслан Емелбаев, Қорқыт ата атындағы Қызылорда университетінің басқарма төрағасы – ректоры, облыстық қоғамдық кеңес төрағасы Наурызбай Байқадамов, №10 Білім-инновация лицей-интернатының мұғалімі Нағиша Есбосын, Мемлекеттік қызмет істері агенттігі Қызылорда облысы бойынша департаментінің басшысы Ерлеген Мендалиев баяндама жасады.Мемлекет басшысы Қасым-Жомарт Кемелұлының қатысуымен Астана қаласында өткен тамыз кеңесінде Жалағаш ауданы Әл-Фараби атындағы №201 мектеп-лицейінің мұғалімі Айгүл Шілдебаева «Қазақстанның еңбек сіңірген ұстазы» құрметті атағымен марапатталған болатын.Ал «Орта білім беретін үздік ұйым» аталымы бойынша берілетін 34 млн теңге грантқа Жаңақорған ауданы бойынша білім бөлімінің № 286 мектеп-лицейі лайық деп танылды.Бүгінгі басқосуда білім саласында еселі еңбек етіп жүрген ұстаздар «Құрмет» орденімен, «Ерен еңбегі үшін», «Шапағат» медальдарымен, «Қазақстанның еңбек сіңірген ұстазы» құрметті атағымен, Қызылорда облысының Құрмет грамотасымен, «Қызылорда облысының дамуына қосқан үлесі үшін» медалімен, облыс әкімінің Алғыс хатымен, Оқу-ағарту министрлігінің «Еңбек ардагері», «Ыбырай Алтынсарин» медальдарымен, «Білім беру саласының үздігі» төсбелгісімен, «Орта білім беру ісiнiң үздiгi» құрмет дипломы, Құрмет грамотасы, министрдің Алғыс хатымен марапатталды.<img src="https://knadmin.beoblood.kz/uploads/FB_IMG_1787979991600_74dd7f0fa0.jpg" alt="FB_IMG_1787979991600.jpg">

Білім беру жүйесін дамыту – ел болашағына салынған инвестиция 

<a href="https://kyzylorda-news.kz/">Kyzylorda-news.kz</a> Бүгін Арал ауданында Семей ядролық сынақ полигонының жабылғанына 35 жыл толуына орай «Тарихтан тағылым – бейбітшілікке тағзым» атты тағылымды іс-шара өтті.Іс-шара Арал ауданы №220 орта мектеп жанындағы ескерткіш алаңда ұйымдастырылып, шараға ардагерлер, зиялы қауым, қоғамдық ұйым мүшелері, мектеп ұжымы және аудан тұрғындары қатысты.Іс-шара барысында Семей ядролық сынақ полигонының зардабынан өмірден өткен азаматтарды еске алу мақсатында бір минут үнсіздік жарияланды.<img src="https://knadmin.beoblood.kz/uploads/Semej_yadroly_poligony_eske_alu_sharasy_3_412c4dd2f0.jpg" alt="Семей ядролық полигоны еске алу шарасы 3.jpg">Дүниеден өткен азаматтардың рухына аудандық орталық мешіттің бас имамы Ә.Мырзағалиев Құран бағыштап, дұға жасады.Жиында аудан әкімінің орынбасары Н.Бохаев сөз сөйлеп, Семей полигонының жабылуы – халқымыздың ядролық қаруға қарсы азаматтық үнінің, ел бірлігінің және бейбітшілікке деген ұмтылысының тарихи нәтижесі екенін атап өтті.Іс-шара соңында Семей полигонының зардабынан өмірден өткен азаматтардың рухына арналған гүл шоқтарын қою рәсімі өтті.<img src="https://knadmin.beoblood.kz/uploads/Semej_yadroly_poligony_eske_alu_sharasy_e7d11a1ae5.jpg" alt="Семей ядролық полигоны еске алу шарасы.jpg">

Қазақстан және Қызылорда облысының жаңалықтары