<a href="https://kyzylorda-news.kz/">Kyzylorda-news.kz</a> Бүгінде жұмыс орындарын құру – өнеркәсіп кәсіпорындарына мемлекеттік қолдау көрсету кезінде негізгі KPI көрсеткіштерінің бірі ретінде қарастырылады. Бұл туралы «AMANAT» партиясы жанындағы Экономика, цифрландыру және инновацияларды дамыту мәселелері жөніндегі республикалық кеңестің отырысында Мәжіліс депутаты, Кеңес төрайымы Екатерина Смышляева айтты.Отырыстың басты тақырыбы – еңбек нарығының трансформациясы мен цифрлық экономикаға көшу жағдайында жұмыс орындары экономикасын дамыту болды. Депутаттың айтуынша, жұмыс орнының экономикасы – тек бос жұмыс орнын құру ғана емес, сонымен қатар жұмыспен қамтудың кепілдіктері, қызметкерлердің әл-ауқат деңгейі, әлеуметтік қорғау және еңбек көші-қонын болжау сынды бағыттарды қамтитын кешенді мәселе.<blockquote>«Бұған дейін біз деректердің қайталануы және ашықтықтың болмауы мәселесіне тап болсақ, бүгінде цифрлық интеграцияның арқасында нақты көрсеткіштерді көріп отырмыз: қанша қаражат бөлінді, қанша жұмыс орны құрылды және қандай кәсіпорындар нақты жұмыс істеп жатыр», – деді Екатерина Смышляева.</blockquote>Еңбек және халықты әлеуметтік қорғау вице-министрі Асқарбек Ертаев еңбек нарығындағы өзекті деректер мен трендтерді ұсынды. Оның айтуынша, 2025 жылы 1,2 млн бос жұмыс орны жарияланады деп болжануда, ал 2035 жылға қарай жалдамалы жұмысшыларға қосымша сұраныс 316 мың адамға артады.<blockquote>«Сапалы жұмыс орындарын құру – Еңбек нарығын дамытудың тұжырымдамасында айқындалған басты бағыттардың бірі. Бүгінде бұл мемлекетіміздің жұмыспен қамту саласындағы негізгі басымдықтарының біріне айналды. Сапалы жұмыспен қамтудың негізгі факторларына – автоматтандыру, цифрландыру және еңбек өнімділігін арттыру жатады. Дәл осы факторлар болашақтағы тұрақты экономика мен еңбек нарығының негізін қалыптастырады», – деді ол.</blockquote>Асқарбек Ертаевтың айтуынша, бүгінде шамамен 1 млн азамат жеткізу және тасымалдау бойынша онлайн-сервистерде жұмыс істейді. Мемлекет бұл өзгерістерге белсенді әрекет етіп, осындай жұмыспен қамту түрлерін әлеуметтік қамсыздандыру жүйесіне тарту тетіктерін дамытып жатыр. Талқылаудың негізгі бағыттарының бірі – Ұлттық біліктілік жүйесін дамыту болды. Қазіргі таңда бұл жүйе экономиканың негізгі салаларының 97%-ын қамтиды. Бекітілген кәсіптік стандарттар негізінде 11 мыңнан астам білім беру бағдарламасы әзірленді. Уақыт талабына сай мамандықтар енгізілуде. Олардың ішінде киберқауіпсіздіктен бастап үлкен деректерді талдаушыларға дейінгі мамандықтар бар.2025 жылдың бірінші тоқсанында жұмыс күшінің саны 115 мың адамға артты, жұмыссыздық деңгейі 4,6%-ға дейін төмендеді, ал орташа айлық жалақы 423 мың теңгеге жетті. Осылайша, жалдамалы еңбек өзін-өзі жұмыспен қамтудан біртіндеп басым түсе бастады.Еңбек күшінің білім беру құрылымында да елеулі өзгерістер болып жатыр. Соңғы 11 жылда техникалық және кәсіптік білімі бар мамандардың үлесі 32%-дан 51%-ға өсті. Бұл көлік, сауда және өнеркәсіп сияқты нақты сектордың орта буын білікті кадрларға деген сұранысын көрсетеді.Екатерина Смышляева салық жүктемесі мәселесін азаматтардың негізгі құқықтарының орындалуымен тікелей байланысты екенін атап өтті. Ол еңбек нарығында пайда болған жаңа шарттық қатынастар түрлерін ескеру қажеттігін айтып, заңнаманың осы өзгерістерге бейімделуге тиіс екенін жеткізді.<blockquote>«Бүгінгі талқылаудағы басты назар – мемлекет немесе жұмыс беруші көтеретін шығын мен жұмыс орындарын құру не сақтау кезіндегі міндеттемелер арасындағы тепе-теңдікті табу болды. Бұл процесте экономикалық тиімділіктің көрсеткіші айқын әрі қадағаланатын болуы керек. Сондай-ақ салық жүктемесі туралы маңызды мәселе көтерілді. Менің ойымша, бұл мәселені хаттамаға енгізіп, бөлек қарастыру қажет, себебі ол азаматтардың құқықтарына тікелей байланысты. Сонымен қатар жаңа еңбек шарттарының түрлері де маңызды. Бұл – қазіргі өмірдің сұранысы. Азаматтық кодекс негізгі құжат болып қала берсе де, ол да қазіргі жағдайларға бейімделуі керек. Жаңа жұмыс істеу форматтары пайда болуда, сондықтан еңбек нарығын реттеу де соларға сай дамуға тиіс», – деді депутат.</blockquote>Сондай-ақ Екатерина Смышляева салалар бойынша бір жұмыс орнын сақтаудың құны туралы деректерді дайындап, инвестициялық жобалар навигаторы бойынша өзекті ақпаратты ұсынуды ұсынды. Жергілікті өзін-өзі басқару туралы заң жобасы аясында әлеуметтік жеңілдіктерді аймақтық ерекшеліктерді ескере отырып әділетті бөлуді қамтамасыз ету бойынша ұсыныстар әзірлеу тапсырылды. Депутаттың пікірінше, әкімдіктер әлеуметтік қолдау саласындағы өз өкілеттіктерін нақты түсінуге тиіс.Отырыс соңында қатысушылар жұмыспен қамту саласындағы мемлекеттік саясатты цифрлық трансформация жағдайына бейімдеу және біліктіліктің тұрақты жұмыспен қамту мен адами капиталды дамытудың негізі ретіндегі рөлін күшейту қажеттігін атап өтті.

«AMANAT»: Жұмыс орындарын құрудағы экономикалық тиімділік айқын және қадағаланатын болуға тиіс

<a href="https://kyzylorda-news.kz/">Kyzylorda-news.kz</a> &nbsp;Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі.1) Қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар;2) бұрын сотталған мүшелері бар отбасылар конкурсқа қатыса алмайды.Конкурсқа қатысуға қажетті құжаттар тізімі:1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;2) асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;3) неке қию туралы куәліктің көшірмесі (бар болса);4) Ата-аналарының біреуі қайтыс болған жағдайда, қайтыс болу туралы куәліктің көшірмесі- бар болса;5) Балаларды тәрбиеленгені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;6) балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер;7) ұсынымдар (әріптестерінің, көршілерінің, достарының);8)отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері.«Мерейлі отбасы - 2025» ұлттық конкурсының қалалық кезеңіне құжаттар 2025 жылдың 15 маусымына дейін ұзартылды.Мекен-жайы: Қызылорда қаласы, Ы.Жақаев көшесі №16 үй (қала әкімдігінің ғимараты), 306 - кабинет, байланыс телефоны: 27-20-81.<img src="https://knadmin.beoblood.kz/uploads/Merejli_otbasy_1_05478d6e7e.jpg" alt="Мерейлі отбасы 1.jpg">

«Мерейлі отбасы - 2025» ұлттық байқауының қалалық кезеңіне құжат қабылдау жалғасуда

<a href="https://kyzylorda-news.kz/">Kyzylorda-news.kz</a> Қылмыстық атқару жүйесі №60 мекемесінде &nbsp;облыстық Дін істері басқармасының мемлекеттік әлеуметтік тапсырысы аясында «Асыл мұра - Орда» қоғамдық қорының ұйымдастыруымен жазасын өтеушілер арасында ұлттық ойын түрлерінен спорттық сайыс өтті.Атап айтқанда жазасын өтеушілер асық ату, ләңгі тебу және арқан тарту бойынша &nbsp;өзара сайысты. Аталған жарысқа 13 жазасын өтеушілер&nbsp;қатысып, өзара мықтыны анықтады.Іс-шара соңында мекеме бастығының тәрбие жұмыстары жөніндегі орынбасары, әділет подполковнигі Өскенбаев Алтынбек Тұрарбекұлы жазасын өтеушілерді «Құрбан айт» мерекесімен құттықтап, аталған іс-шараға атсалысқаны үшін ұйымдастырушыларға алғысын білдірді.– Спорт – денсаулық кепілі. Әрбір азамат спортпен айналысып өз денсаулықтарын күтуі қажет. Осы орайда бүгінгі іс-шараны ұйымдастырушыларға мекеме басшылығы атынан алғысымды айтамын. Алдағы уақытта осындай ауқымды шаралар ұйымдастырылады деп сенеміз», – деді Алтынбек Тұрарбекұлы.Спорттық іс-шара жазасын өтеушілер арасында тартысты да қызықты өтті. Сонымен қатар олар да өз тараптарынан ризашылықтарын білдірді.​Іс-шара соңында жеңіске жеткен қатысушылар арнайы сыйлықтармен &nbsp;және дипломдармен марапатталды.<img src="https://knadmin.beoblood.kz/uploads/Whats_App_Image_2025_06_10_at_10_32_28_1_kopiya_9c62b20c62.jpeg" alt="ҚАЖ.jpeg">

Ұлттық ойын түрлерінен сайысқа түсті

<a href="https://kyzylorda-news.kz/">Kyzylorda-news.kz</a> &nbsp;Шиелі ауданының әкіміАйтбай Жандарбеков аудан ардагерлерімен бірге кездесіп, Шиелі кентіндегі абаттандыру жұмыстары жүргізіліп жатқан Ы.Жахаев және Дәулеткерей көшелерін аралап, орындалған жұмыстардың жай-күйімен танысты.Көшелерде жаяу жүргіншілер жолдары салынған, көгалдандыру мен жарықтандыру жұмыстары жүргізілген. Сонымен қатар, сапалы әрі заманауи үлгіде қоршаулар орнатылуда. Заманауи үлгідегі сапалы қоршаулар көшенің көркін ашып, жаңа кейіпке ендіруде. Көшелерде орнатылған жарық қондырғылары ауданның көркін ашуда.<img src="https://knadmin.beoblood.kz/uploads/Shieli_abattandyru_2_2a413b427a.jpg" alt="Шиелі абаттандыру 2.jpg">Аудан ардагерлері жасалып жатқан жұмыстарға оң бағасын беріп, тұрғындарға жайлы жағдай жасау жолындағы бұл игі істердің маңыздылығын атап өтті. Сондай-ақ, аудан басшысына алғысын білдіріп, жұмыстың сапалы әрі жүйелі жүргізіле беруіне тілектестік танытты.Аудан әкімі алдағы уақытта тұрғындардың игілігі үшін бірқатар игі жұмыстар жалғасын тауып, аудан экономикасын дамыту жолында жаңа жобалар жүзеге асырылатынын жеткізді.Тұрғындар да ауданның игілігі үшін жасалып жатқан жұмыстарға оң бағасын беріп, алдағы уақытта атқарылатын жұмыстарға сәттілік тіледі.<img src="https://knadmin.beoblood.kz/uploads/Shieli_abattandyru_3_8368b705e1.jpg" alt="Шиелі абаттандыру 3.jpg">

Шиелі ауданы: Абаттандыру жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Ешбір адам қаржылық қиындықтардан сақтандырылмаған және мұндай сәттерде адамның қарызы болған кезде де кірістің бір бөлігін қорғауға құқығы бар екенін білу маңызды. Ол үшін арнайы «қол сұғылмайтын» шот (арнайы шот) бар – әлеуметтік төлемдер мен жәрдемақыларды есептен шығарудан және тыйым салудан сақтауға көмектесетін банктік құрал.Арнайы шот не үшін қажет, оны қалай дұрыс ресімдеу керек және оның көмегімен қандай төлемдерді қорғауға болады – Fingramota.kz.-пен бірге қарастырайық.Арнайы шот дегеніміз неАрнайы шот – тек қорғалған кірістерді есепке алуға арналған банктік шоттың ерекше түрі. Оларға мыналар жатады:&nbsp;• &nbsp; мүгедектік бойынша жәрдемақы;&nbsp;• &nbsp; жүктілік және босану бойынша төлемдер;&nbsp;• &nbsp; бір жарым жасқа дейінгі бала күтімі бойынша жәрдемақы;&nbsp;• &nbsp; денсаулыққа зиян келтіргені үшін өтемақы;&nbsp;• &nbsp; алименттер;&nbsp;• &nbsp; әлеуметтік сақтандыру қорынан төлемдер;&nbsp;• &nbsp; ТЖ кезіндегі өтемақы және т.б.Бұл қаражат сізге қатысты атқарушылық іс қозғалған болса да, өндіріп алуға жатпайды. Бұл ретте зейнетақы, жалақы, стипендия, кәсіпкерлік қызметтен түсетін кіріс қорғалғандар қатарына жатпайды. Бұл егер қарыздар болса, олар есептен шығарылуы мүмкін дегенді білдіреді.Мынадай жағдайды елестетіп көрейік: Әлия – бала күтімі бойынша жәрдемақы алатын декреттік демалыстағы ана. Ол арнайы шот ашу мүмкіндігі туралы білмеді, сондықтан ақша кәдімгі картаға түсті. Бастапқыда бәрі жақсы болды, бірақ содан кейін күтпеген өмірлік жағдайларға байланысты ол ипотеканы уақтылы төлей алмады, қарыздары пайда болды және банк қарызды өтеу үшін жәрдемақының бір бөлігін есептен шығара бастады. Алайда, егер Әлия арнайы шот ашып, әлеуметтік жәрдемақы дәл сол жерге түссе, банк оған тиіспес еді. Осы мысал арқылы көз жеткізгеніңіздей, форс-мажорлар жағдайында әлеуметтік төлемдерді ресімдеу кезінде шотты дұрыс таңдау өте маңызды, себебі тек арнайы шот ақшаны тыйым салудан қорғауға кепілдік береді.Сондай-ақ, арнайы шотты&nbsp;өз бетіңізше толықтыруға&nbsp;болмайтындығына&nbsp;назар аударамыз, себебі онда тек&nbsp;мемлекеттен төленетін әлеуметтік төлемдер, жәрдемақылар, кәмелетке толмағандар мен еңбекке жарамсыз кәмелетке толған балаларды күтіп-бағуға алименттер, азаматтардың тұрғын үй құрылыс жинақтарын төлеу, білім беру жинақтау салымдары ғана есепке алынады. Банктер төлем тағайындаудың тиісті коды және ақша жөнелтуші бойынша осындай шоттарға ақшаның түсуін&nbsp;бақылауды жүзеге асырады.Бұл ретте шот иесі ақшаны еркін басқара алады: кез келген картаға аудару, депозитке салу немесе банкоматтан алу. Кейбір банктерде ыңғайлы болу үшін сізге арнайы шотты ресімдеумен қатар төлем картасын шығару ұсынылуы мүмкін.Сонымен қатар, сізде арнайы шот болмаса да, заң бойынша ешкім сіздің шотыңыздан ақша қалдығын немесе екі айлық есептік көрсеткіш мөлшеріндегі ең төменгі соманы есептен шығаруға құқылы емес. 2025 жылға 1 АЕК 3 954 теңгеге, 2 АЕК — 7 908 теңгеге тең. Бұл сома қол сұғылмайтын минимум болып табылады және оны кез келген жағдайда, тіпті тыйым салынған немесе қарыздар болған кезде де сіздің шотыңызда қалдыру қажет.Әлияға оралайық: банк оның картасынан барлық соманы, тіпті қол сұғылмайтын кем дегенде 7 908 теңгені бұғаттады деп елестетіп көрейік. Ол бұл ақшаға ешкімнің қол тигізуге құқығы жоқ екенін білді, ол сот ісін бастады және оны қайтарып алды. Яғни, Әлияда арнайы шот болған жоқ, бірақ бұл жағдайда да оның картасында 2 АЕК-тің ең төменгі сомасы қалуы керек, себебі бұл заңнаманың талабы.Арнайы шотты қалай ашуға боладыЕстеріңізге сала кетейік, арнайы шотқа түсетін төлемдерді ғана қорғау болады, әдеттегі шоттан ақшаны алуға мүмкіндік бар, сондықтан арнайы шот ашуды мүмкіндігінше байыпты қабылдаңыз және барлық кезеңдердегі ақпаратты тексеріңіз.Жеке басын куәландыратын құжаттан басқа арнайы шот ашу үшін банкке немесе «Қазпошта» АҚ-қа (бұдан әрі – банк) ағымдағы шоттың мақсатын қамтитын өтініш беру қажет. Бұл ретте мыналар&nbsp;қосымша&nbsp;ұсынылады:- алимент алушылар (кәмелетке толмаған және еңбекке жарамсыз кәмелетке толған балаларды күтіп-ұстауға арналған ақша) –&nbsp;алимент өндіріп алу туралы сот актісінің (кәмелетке толмаған және еңбекке жарамсыз кәмелетке толған балаларды асырауға арналған ақша) көшірмесі немесе неке (ерлі-зайыптылық) және Отбасы туралы кодекске сәйкес жасалған оларды төлеу туралы нотариат куәландырған келісім;– тұрғын үй төлемдерін есепке алу және тұрғын үй қатынастары туралы заңнамаға сәйкес мақсаттарға төлемдерді жүзеге асыру үшін –&nbsp;Клиенттердің банктік шоттарын ашу, жүргізу және жабу қағидаларында көрсетілген бірқатар қосымшаларға сәйкес ағымдағы тұрғын үй төлемдерін алушы туралы анықтама.Маңызды: арнайы шот тегін ашылады, банктер оған қызмет көрсеткені үшін комиссия алмайды. Сонымен қатар, салық берешегінің немесе мерзімі өткен кредиттің болуы мұндай шотты ашудан бас тартуға негіз бола алмайды.&nbsp;Яғни, банктің осы себептер бойынша клиентке бас тартуға құқығы жоқ.Қол сұғылмайтын шотты ресімдеу алдында шарттың талаптарымен мұқият танысуды ұсынамыз. Егер қандай да бір тармақтар күмән тудырса немесе түсініспеушілік тудырса, дереу банк қызметкеріне түсініктеме сұраңыз. Ешқашан шартқа толық оқымай немесе барлық талаптарын түсінбей қол қоймаңыз.Егде жастағы адамдардың кез келген құжаттарын ресімдеуге &nbsp;неғұрлым жас туысқандарын қосу ұсынылады. Олар банктік құжаттаманы жақсы біледі және болашақта туыстарының құқықтарын қорғау үшін бүкіл процесті тіркеп жазады.Арнайы шоттан ақша есептен шығарылса, не істеу қажетЗаңнамаға сәйкес арнайы шоттағы ақшаға:- тыйым салуға;- банктердің және банктік емес ұйымдардың төлем талаптары бойынша, сот орындаушыларының инкассалық өкімдері бойынша өндіріп алуға жол берілмейді.Өкінішке орай, тіпті банктерде де қателіктер орын алады, сондықтан арнайы шоттан қаражат жоғалып кетсе, үрейленбеңіз және келесі алгоритмді сақтаңыз. Біріншіден, ақша есептен шығару анықталғаннан кейін банкке хабарласыңыз және оның қандай негізде болғанын нақтылаңыз. Сонымен қатар, шоттың арнайы екенін немесе қаражаттың қорғалған мақсатта екенін растайтын құжаттарды дайындаңыз.Әрі қарай, шағымды сот орындаушысына жіберіңіз. Қажет болған жағдайда ҚР Қаржы нарығын реттеу және дамыту агенттігіне немесе сотқа өтініш жасаңыз. Бұл әрекеттер ақшаңызды қайтаруға және заңды құқықтарыңызды дәлелдеуге мүмкіндік береді.<img src="https://knadmin.beoblood.kz/uploads/14_05_infographics_kaz_f077d9744d.png" alt="14.05 infographics kaz.png">Өзіңізді, ақшаңызды және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

«Қол сұғылмайтын» банктік шот: нені білу маңызды 

<a href="https://kyzylorda-news.kz/">Kyzylorda-news.kz</a> Қазақстан Республикасы қылмыстық-атқару жүйесі мекемелерінің психология қызметтерін жетілдіру бойынша және сотталғандарға, сонымен қатар ұзақ мерзімге жазаға тартылғандарға психологиялық көмек беруді күшейтудің іс-шаралар жоспарына сәйкес жұмыстар атқарылуда.Мекеменің психологиялық қамтамасыз ету тобының психолог мамандары "Өзіне-өзі қол жұмсауға, өзіне дене жарақатын салуға бейім" жазасын өтеушілермен тренинг өткізді. &nbsp;Бұл іс-шараның негізгі мақсаты – жазасын өтеуші азаматтардың өмірге деген құштарлығын арттыра отырып, көңіл күйлерін көтеру.Іс-шара барысында жазасын өтеуші азаматтарға сергіту жаттығулары көрсетілді. Қорытындылау барысында шеринг әдісі қолданылды.

Психолог мамандар жазасын өтеушілер арасында тренинг өткізді 

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласына қарасты Қызылөзек ауылдық округіндегі «Қожақ» автомобиль көпірі өткен ғасырдың алпысыншы жылдары салынып, бүгінде тозығы жеткен, қатынасқа қауіпті нысанның біріне айналған еді.Тұрғындар осы көпірге күрделі жөндеу жүргізуді талай рет айтып, мәселе көтерген болатын. Ел сөзі елеусіз қалмай, оның жөндеу жұмыстарына қажетті қаражат бөлінді. Қазір мердігер "N Строй Сервис" ЖШС-гі өткелдің құрылысын жоспарға сай жүргізуде.«Қожақ» көпірі округтің Қараөзек ауылына апаратын негізгі қақпасы. Елдімекенде 2 354 жан тұрады. Ауылдағылардың негізгі кәсібі бау-бақша өсіру.<img src="https://knadmin.beoblood.kz/uploads/K_pir_rylysy_3_ce46464bfc.jpg" alt="Көпір құрылысы 3.jpg">

Көпір құрылысы қарқын алды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Машбекұлының төрағалығымен қауіпсіз еңбек жағдайлары мен еңбек саласын цифрландыру және туристерге қолайлы жағдай жасау мәселелері бойынша мәжіліс отырысы өтті.Облыс әкімінің мәжілісінен кейін аудан әкімі Жандос Еркінбек берілген тапсырмаларға қатысты арнайы жиналыс өткізді.Аудан басшысы идеология саласына жетекшілік ететін орынбасарына және жауапты бөлім басшыларына еңбекті қорғау, қауіпсіздік талаптарды қатаң сақтау және алдын алу шараларын ұйымдастыру жұмыстарын әзірлеуді тапсырды.Сондай-ақ, туристік маршруттар бойындағы туристік, мәдени-тарихи нысандардың инфрақұрылымдық жағдайын жақсарту бағытында аудандық дене тәрбиесі, спорт және туризм бөлімінің басшысына ішкі туризмді дамыту бойынша жазғы демалыс орындары, ойын-сауық орталықтарын ашу жолдарын қарастыру, аудан аумағында демалу мүмкіншіліктерін ұйымдастыру жөнінде бірқатар міндеттер жүктеді.Сонымен қатар, барлық мекеме басшыларына санитарлық-тазалық, көркейту-көгалдандыру мәселесіне және Мемлекет басшысының тапсырмасына сәйкес өткізіліп жатқан «Таза Қазақстан» экологиялық акциясына басымдық беріп, оның бұқаралық сипат алуын басты назарда ұстау қажет екендігін айтты.

Маңызды міндеттер уақытылы әрі нәтижелі орындалу қажет

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің қызметкерлері Сырдария ауданы Нағи Ілиясов атындағы ауылда патриоттық тақырыпта концерт берді.Ашық аспан астындағы концерт Қазақстан полициясы күніне орай ұйымдастырылды. Қоғам тыныштығын күзетудегі еңбегін құрметтеу және қала тұрғындары арасында патриотизм мен бірлікті арттыру мақсатында өткен шара барысында погон таққан өнерпаздар патриоттық әндерді орындады.Тәртіп сақшылары барын салып, көпшіліктің көңілінен шығуға тырысты. Олар өздерінің жұмыс уақыттарының тығыздығына қарамастан, үлкен дайындықпен келгендерін көрсетті.<blockquote>«Құрметті ауыл тұрғындары және қадірлі қонақтар! Биыл Қазақстан полициясының құрылғанына 33 жыл толып отыр. Полиция – бұл тек құқық қорғаушы орган ғана емес, ол – халықпен тығыз байланыста жұмыс істейтін, қоғамның тыныштығын, қауіпсіздігін қамтамасыз ететін сенімді тірек.Бүгінгі біздің арнайы ұйымдастырып отырған іс-шарамызға келгендеріңізге, Сіздермен жүздескенімізге қуаныштымыз. Біз – осы қоғамның бір мүшесіміз. Сіздердің мәселелеріңіз, уайымдарыңыз біз үшін маңызды. Себебі қауіпсіз орта – бәрімізге ортақ. Қылмыстың алдын алу, құқық бұзушылықпен күресу тек полицияның ғана емес, бүкіл қоғамның ортақ ісі.Біздің басты мақсатымыз – заңдылық пен тәртіпті сақтау ғана емес, сонымен қатар халықпен ашық, әділ, сенімді қарым-қатынас орнату. Қоғам тыныштығы – бәріміздің қолымызда!» деді Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы.</blockquote>Фото: Полиция департаменті

Қызылордалық полицейлер патриоттық концерт ұйымдастырды

<a href="https://kyzylorda-news.kz/">Kyzylorda-news.kz</a> &nbsp;Астанадағы автобус апатынан зардап шеккен жеті жастағы қыздың отбасына төрт бөлмелі пәтер берілді. Бұл туралы<a href="https://stan.kz/astanadagi-avtobus-apatinan-zardap-shekken-kizga-tort-b-419076/"> Stan.kz </a>ақпарат агенттігі хабарлайды.Мемлекет басшысының тапсырмасына сәйкес, Астана қаласының әкімдігі жеке демеушімен бірлесіп, отбасыға елордадағы жаңа тұрғын үй кешенінен төрт бөлмелі пәтердің сертификатын табыстады.<blockquote>“Тұрғын үй кешені биыл қазан айында пайдалануға беріледі. Бұдан бөлек, құрылыс компаниясы пәтерді жөндеу және жабдықтау жұмысына да көмек көрсететін болады. Осыған дейін зардап шеккен отбасыға көрсетілетін өзге де қолдау шаралары туралы хабарланған болатын”, –&nbsp;деп мәлімдеді Астана қалалық әкімдігінің баспасөз қызметі.&nbsp;</blockquote>Фото: gov.kz

Астанадағы автобус апаты кезінде аяғынан айырылған қыздың отбасына төрт бөлмелі пәтер берілді

<a href="https://kyzylorda-news.kz/">Kyzylorda-news.kz</a> &nbsp; 2025 жылы елімізде қоршаған ортаны қорғауға бағытталған бірқатар шаралар қолға алынды. Соның ішінде ерекше маңызға ие жобалардың бірі - дәстүрлі түрде өтетін «Таза су айдындары» атты экологиялық акция. Бұл шара аясында еліміздегі су айдындарының түбі мен жағалауы иесіз балық аулау құралдары мен тұрмыстық қалдықтардан тазартылды. Аталған акция жайында Өңірлік коммуникациялар қызметінің ақпарат алаңында Арал-Сырдария облысаралық бассейндік балық шаруашылығы инспекциясының өкілі Ғабит Ермағанбетов мәлімдеді.<blockquote>- ҚР Ауыл шаруашылығы министрлігі Балық шаруашылығы комитетінің 2025 жылғы 17 ақпандағы бұйрығына сәйкес, көктем мезгілінде жыл сайын «Таза су айдындары» табиғат қорғау акциясы өткізіледі. Шараның мақсаты - су айдындарын қоқыстан және иесіз қалған балық аулау құралдарынан тазарту арқылы табиғатқа жанашырлықпен қарауға үндеу. Биылғы акция наурыз–мамыр айлары аралығында республиканың барлық өңірлерінде ұйымдастырылды. 25-і сәуірде Қызылорда қаласы маңындағы Сырдария өзенінің жағалауында өткен тазалық жұмыстарына орман және жануарлар дүниесін қорғау мекемелері, ғылыми ұйымдар, еріктілер, студенттер мен БАҚ өкілдері қатысты. Сонымен қатар, Арал ауданындағы Кіші Арал теңізі мен Шардара су қоймасы аумағында да кең көлемде өткізілді. Жалпы, 267 адам, 47 техника және 2 шағын кеме тартылып, 10 дана ескі ау, 4 қармақ және 8,2 тонна тұрмыстық қалдық жиналды. Қызылорда облысы бойынша 203 адам мен 39 автокөлік жұмылдырылып, 4,9 тонна қоқыс шығарылды. Сонымен бірге, «Уылдырық шашу» кезеңінде инспекция 85 заң бұзушылықты анықтап, оның 2-еуі қылмыстық іске тіркелді. 83 азаматқа 1 миллион теңге айыппұл салынып, табиғатқа келтірілген 566 мың теңге көлеміндегі залал өтелуде. 7 ау құралы мен 625 кг-нан астам заңсыз балық тәркіленді. Аталған шаралар табиғи ресурстарды қорғауға бағытталған жүйелі жұмыстың нәтижесі болып табылады. Алдағы уақытта да су айдындарының тазалығын қамтамасыз ету және экологиялық тәртіпті сақтау шаралары жалғасын табады,-деді, Ғабит Құдайбергенұлы.</blockquote><img src="https://knadmin.beoblood.kz/uploads/Su_ajdyndaryn_tazartu_zh_mystary_zh_jeli_t_rde_zhal_asuda_d5f89ae455.jpg" alt="Су айдындарын тазарту жұмыстары жүйелі түрде жалғасуда.jpg"><img src="https://knadmin.beoblood.kz/uploads/Su_ajdyndaryn_tazartu_zh_mystary_zh_jeli_t_rde_zhal_asuda_1_bdef9e04d1.jpg" alt="Су айдындарын тазарту жұмыстары жүйелі түрде жалғасуда 1.jpg">

Су айдындарын тазарту жұмыстары жүйелі түрде жалғасуда

<a href="https://kyzylorda-news.kz/">Kyzylorda-news.kz</a> Цифрлық қауіп-қатерлердің өсуі және дербес деректердің жария болуы заманында Қазақстанда киберқауіпсіздікті арттырудың жаңа құралы — eGov Mobile қосымшасындағы Nomad guard сервисі пайда болды.Оның қалай жұмыс істейтіні және азаматтарға қалай көмектесе алатыны жөнінде Fingramota.kz-пен бірге қарастыралық. &nbsp;Nomad Guard деген не?Nomad Guard — бұл eGov Mobile-дің барлық пайдаланушыларына қол жетімді тегін қызмет. Бұл азаматтарға дербес ақпараттың жария болуын анықтауға және күдікті сілтемелер мен сайттарды олардан келетін қауіп қатерге тексеруге көмектеседі.Оның көмегімен күдікті сілтемелер мен сайттарды фишингке және басқа қауіптерге тексеруге болады. Сондай-ақ, ол сіздің дербес деректеріңіздің жария болғаны-болмағаны жөнінде және қандай ресурстардан жария болғанын білуге мүмкіндік береді. Нәтижесінде сіз жария болған ақпараттың көлемімен және мазмұнымен таныса аласыз, тіпті арнайы нысан арқылы күдікті әрекеттер жөнінде хабарлай аласыз.Жақында 50 мыңнан астам eGov mobile пайдаланушылары арасында жүргізілген сауалнама мыналарды көрсетті:&nbsp;<ul><li style="text-align:justify;">азаматтардың 53%-ы дербес деректер жария болған жағдайда қайда жүгіну керектігін білмейді.</li><li style="text-align:justify;">62%-ы фишингтік сілтемелердің не екенін түсінбейді.</li><li style="text-align:justify;">31%-ы құпия сөздерді ешқашан өзгертпейді, ал 51%-ы проблемалар туындаған кезде ғана өзгертеді; &nbsp;&nbsp;</li><li style="text-align:justify;">пайдаланушылардың 8%-ы әлі уақытқа дейін «банк қызметкерлеріне» SMS-пен келген кодтарды айтып береді. &nbsp;</li></ul>Nomad Guard-ты пайдалану үшін бірнеше қарапайым әрекеттерді орындау қажет:<ul><li style="text-align:justify;">eGov Mobile қосымшасында авторизациядан өтіңіз.&nbsp;</li><li style="text-align:justify;">«Басқа сервистер» бөліміне өтіңіз.&nbsp;</li><li style="text-align:justify;">«Тексеру» деген тармақты таңдаңыз.</li><li style="text-align:justify;">Тексергіңіз келген сайт сілтемесін немесе мекенжайын енгізіңіз.</li><li style="text-align:justify;">Сұрату жіберіңіз және «Менің тексерулерім» қосымша бетіндегі нәтижелермен танысыңыз.</li></ul>Сервистің басты бетінде деректер қолды болған сайттар туралы ақпарат, сондай-ақ қолды болған деректердің көлемі көрсетіледі. Деректер санын басқан кезде қолды болған деректердің толық тізімі ашылады. Сондай-ақ, пайдаланушылар арнайы нысанды толтыру арқылы күдікті әрекеттер туралы хабарлай алатын&nbsp;«Алаяқтық» қосымша беті қарастырылған.&nbsp;Дербес деректерге қолжетімділік: бедел мен қаржы үшін салдарыЖеке деректердің қолды болуы&nbsp;қиын жағдайға әкелуі мүмкін екендігін еске саламыз. Алаяқтар мұндай деректерді түрлі схемаларға пайдаланады.Мысалы,&nbsp;нөмірді ауыстырумен қоңыраулар: алаяқтар өздерін банк немесе мемлекеттік органдардың қызметкерлері ретінде таныстырады және деректерді растауды талап етеді. Банк қызметкерлері&nbsp;ешқашан бірінші болып қоңырау шалмайды, сондықтан мұндай диалогты дереу тоқтатқан дұрыс екенін тағы да еске саламыз.Алаяқтардың аңыздары әртүрлі болды. Бірақ әрқашан бір нәрсе - Сіздің «көмегіңізсіз» бірде-бір алаяқ Сіздің шотыңызға қол жеткізе алмайды. Статистикаға сәйкес, банктік карталарға байланысты&nbsp;барлық алаяқтықтықтың 95%-дан астамы пайдаланушылар қаскүнемдерге жетпейтін қажет ақпаратты: смс-кодтарын, CVV-кодтарын және жарамдылық мерзімді, жеке кабинеттің құпиясөздерін өздері берген кезде болады. Осылайша, адамдар өздерінің жинақтарынан хакерлер шоттарын бұзғандықтан емес, өздерінің сенгіштігіне байланысты айырылады.Қаскүнемдер бағдарламалық қамтылымды жалған құжаттар мен әртүрлі хабарламалар үшін қолдана алады. Егер сіздің ақпаратыңыз қандай да бір жолмен қаскүнемдердің қолына түссе, олар жалған хат жіберуі, мысалы, оны сізге электрондық пошта арқылы немесе мессенджерлер арқылы салық органынан және прокуратурадан жіберуі мүмкін, содан кейін алаяқ жеке өзі қоңырау шалып, қорқытып, бопсалап, «өзара ымыраласуды» ұсынады. Мысалы, сізге белгілі бір соманы электрондық әмиянға аудару қажет болады, содан кейін істі жүзеге асыру мүмкін болмайды-мыс.Параның қылмыстық құқық бұзушылық екенін атап өткен жөн. Сондықтан ешбір жағдайда мәселені онымен шешуге болмайды. Бұдан басқа, егер расында да айыппұл салынған болса, алаяқтарға аударым жасау арқылы одан құтыла алмайсың. Кейде алаяқ сіздің қарызыңыз туралы біліп, ақшаңызды алдып алып алады да, содан кейін жоғалып кетеді. Бұл ретте, айыппұл немесе берешек ешқайда кетпейді.&nbsp;Тағы бір танымал схема –&nbsp;мессенджерлер мен әлеуметтік желілер арқылы жасалатын фишинг. Қаскүнемдер белгілі немесе ресми ұйымдардың атынан күдікті сілтемелері бар хабарламалар жібереді. Егер қаскүнем сіздің картаңыздың нөмірі мен электрондық поштаңызды білетін болса, ол «сіздің №__ картаңызға өтемақы төленуге тиіс. Оны алу үшін сілтеме арқылы өтіп, смс арқылы келген кодты енгізіңіз» деген сияқты хабарлама жібере алады. Аталған жағдайда сіздің өз ақшаңызға қол жеткізу мүмкіндігін беретініңізді айтпаса да түсінікті сияқты.&nbsp;Кейбір тұтынушылар өздерінің деректерін, телефон нөмірлері мен карталарының деректемелерін жалған байқаулар, ұтыс ойындары мен сауалнамалардың парақшаларында немесе нағыз нақты қаржы ұйымдарының, дүкендер мен басқа да компаниялардың жалған сайттарында енгізеді.&nbsp;Бұдан басқа, алаяқтар&nbsp;өздерін біреудің достары мен таныстары ретінде таныстырып, аккаунтты бұзу арқылы сіздің байланысатын адамдарыңыздан қарызға ақша сұрай алады. Есіңізде болсын, сіз тіпті көмектесуге дайын болсаңыз да, ақпаратты міндетті түрде тексеріп алуыңыз керек, ол үшін қоңырау соғыңыз, ал ең дұрысы жеке кездесіңіз. Ешбір &nbsp;жағдайда қаражатты түсініксіз және бейтаныс карталар мен шоттарға аудармаңыз. Сонда сіз аударымның адресатқа жететініне сенімді боласыз.Сақтау қажет қағидалар &nbsp;<ul><li style="text-align:justify;">Күдікті сілтемелер арқылы өтпеңіз: &nbsp;сілтемені ашпас бұрын оны Nomad Guardарқылы тексеріңіз.&nbsp;</li><li style="text-align:justify;">SMS-пен келген кодтарды ешкімге айтпаңыз:&nbsp;банктің шынайы қызметкерлері мұндай деректерді ешқашан сұратпайды.&nbsp;</li><li style="text-align:justify;">Құпия сөздеріңізді жиі ауыстырып тұрыңыз: түрлі сервистер үшін күрделі әрі бірегей құпиясөздерді қолданыңыз. &nbsp;</li><li style="text-align:justify;">Хабарламаларға мұқият болыңыз: егер хабарлама күдікті болса, ақпаратты ресми дереккөздер арқылы тексеріңіз. &nbsp;</li><li style="text-align:justify;">Электрондық поштаңыз бен сайттардағы жеке кабинеттеріңіз&nbsp;үшін күрделі құпиясөздерді қолданыңыз. 12345 немесе Password сияқты құпиясөздер сізді қорғай алмайды. Құпиясөздер әртүрлі болуға, 10 символдан асуға, бас әріпті және кішкентай әріптерді, сандар мен арнайы символдарды қамтуға тиіс. Құпиясөздің сіз үшін мәні болуға және сіз оны есіңізге оңай сақтай алатындай болуға тиіс. Оның құпиялылығын сақтаңыз; &nbsp;</li><li style="text-align:justify;">Егер сіз картаңыздың деректерін күмәнді сайтқа енгізсеңіз немесе оны қателікпен алаяқтарға хабарласаңыз,&nbsp;картаңызды бірден бұғаттау үшін банкке қоңырау соғыңыз; &nbsp;</li><li style="text-align:justify;">Электрондық құрылғыларыңызға күмәнді бағдарламаларды орнатудан бойыңызды алыс ұстаңыз.</li><li style="text-align:justify;">Жеке интернет-банкингке кіру үшін жария (жалпыға ортақ) wi-fi желілерін қолданбаңыз; &nbsp;</li><li style="text-align:justify;">Интернет банкинг сервистерін қосатын құрылғыңызға лицензияланған вирусқа қарсы бағдарламалық қамтылымды қолданыңыз. &nbsp;</li></ul>Nomad Guard-ты қолдану — бұл сіздің цифрлық қауіпсіздігіңізді арттырудың бір қадамы. Абай болыңыз және өз дербес деректеріңізді онлайн-алаяқтардан қорғаңыз. &nbsp;<figure class="image"><img src="https://knadmin.beoblood.kz/uploads/FINGRAMOTA_6fcda0a0a8.png" alt="ФИНГРАМОТА.png"></figure>Өзіңізге және ақшаңызға абай болып, қаржылық сауаттылығыңызды Fingramota.kz-пен бірге арттырыңыз!Фото: Fingramota.kz

Қазақстан және Қызылорда облысының жаңалықтары