<a href="https://kyzylorda-news.kz/">Kyzylorda-news.kz</a> ақпараттық агенттігінің 3 желтоқсанға арналған жұлдыз-жорамалы.
Тоқты 
Бүгін тоқтылар үшін ауыр күн. Көп алданасыз. Жүйкеңіз көп жұқарады, сондықтан эмоцияға шектен тыс берілмеңіз. Біреудің сіз туралы айтқан сөздеріне көңіл бөлмеңіз. Сізбен сөзге келіп қалған жақындарыңызбен татуласқаныңыз жөн.
Торпақ 
Сіз үшін бүгінгі күн шиелініске толы болады. Сезіміңізді ақылыңызға жеңдіре алмай, ұрыс-керіске жол бересіз. Көңіл-күйіңіз болмаса да, жақындарыңызға әділетсіз болмаңыз. Ойланбай сөйлеп, оларды ренжітіп алудан сақтаныңыз.
Егіздер 
Денсаулығыңыз күрт нашарлайды. Басыңыз ауырып, өзіңізді жаман сезінесіз. Адамдармен қарым-қатынаста сақ болыңыз. Жалған ақпаратқа тап болып немесе алданып қалуыңыз мүмкін. Бүгін басшылықпен және әріптестеріңізбен бәстесудің қажеті жоқ.
Шаян 
Көптеген қиындыққа тап боласыз. Денсаулығыңыз да сыр береді. Бүгін суға неғұрлым жақын болғаныңыз жөн. Отбасыңызбен бірге моншаға немесе бассейнге барыңыз. Ол сіздің еңсеңізді басқан ауырлықтан құтылуға көмектеседі. Балаларыңызға ұрысудан аулақ болыңыз.
Арыстан 
Бүгін сіз үшін қиын күн. Кез келген істе белсенділік танытпаңыз. Оныңыз өзіңіздің басыңызға таяқ болып тиеді. Өзіңізге сын көзбен қараңыз. Әріптестеріңізбен сөзге келуден сақтаныңыз. Шындық болса да, жеке пікіріңізді айтқанда абай болыңыз.
Бикеш 
Сезімге көп ерік бермеңіз. Ол сізді тығырыққа тірейді. Бүгін ақылыңызды басқара алмайтын болғандықтан, ешкіммен жақын араласпаңыз. Жақындарыңызбен сөзге келуден аулақ болыңыз. Әйтпесе, үйіңізден береке кетеді.
Таразы 
Өте сәтті күн. Махаббатта жолыңыз болады. Бүгін қолға алатын жаңа бастамаларыңыз бен жоспарларыңыз сізден белсенді болуды талап етеді. Іскерлік қарым-қатынасыңыз артып, таныстарыңыз көбейеді. Тек күшіңізді орынсыз жұмсап, өзіңізді шаршатып алмаңыз. Материалдық жағдайыңыз жақсарады.
Сарышаян 
Бүгін күндегідег белсенді, шығармашылыққа көңіл бөлесіз. Айналаңызда болып жатқан көптеген оқиғалар сізге әсер етпей қоймайды. Көптен бері ойыңызда жүрген шығармашалық тапсырыстың шешімі табылады. Отбасыңыздағы құрылысты соңына жеткізесіз.
Мерген 
Физикалық жағынан көп күш түседі. Бүгін бастаған жұмысыңызға бөгде адамдар кедергі келтіруі мүмкін. Кез келген ұрыс-керістен аулақ болыңыз. Өзіңіздікін қагша дәлелдегіңіз келсе де, бәрібір сіздің пайдаңызға шешілмейді. Сондай-ақ, бүгін ішімдік ішпегеніңіз жөн.
Тауешкі 
Бүгін рухани, шығармашылық мүмкіндіктеріңіз артады. Ерлі-зайыптылардың қарым-қатынасы жаңа биікке көтеріледі. Әлеуметтік жағдайыңыз жақсарып, көптеген түйткілді мәселелер шешімін табады. Бүгінгі жаңа таныстық сіз үшін пайдалы әрі тиімді ұзақ мерзімді іскерлік байланыстың баспалдағы болады.ү
Суқұйғыш 
Демалысқа өте қолайлы күн. Өзіңізге көңіл бөліп, күш-қуатыңыз артады. Осы уақытқа дейін сізді қинап келген мәселелердің бәрі жақсы жағынан шешімін табады. Бір жеріңіз ауырса, дәрігердің көмегіне жүгініңіз. Өздігінен емделуге болмайды.
Балықтар 
Спортпен және кез келген физикалық жұмыспен айналысуға қолайлы күн. Бүгін күніңіз өте сәтті өтеді. Өзіңізді өте жақсы әрі тыныш сезінесіз. Ойламаған жерден болған жаңа таныстық пен күтпеген кездесулер бүгінгі күніңізді әсерлі ете түседі. Бірақ, сезіміңізге сақ болыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Алматыда Bekmambetov Cinema кинотеатрында өткен “Қыз бен теңіз”&nbsp; әлеуметтік фильмінің (режиссерлері Әзизжан Зайыров пен Мұхамед Мамырбеков) қазақ тіліндегі нұсқасының&nbsp; тұсаукесерінде “Қазақфильм” киностудиясының президенті, ҚР еңбек сіңірген қайраткері Арман Әсенов&nbsp; Испанияның Барселона қаласында өткен Asian Film Festival кинофестивалінде отандық туынды “Үздік фильм”&nbsp; жүлдесімен марапатталғанын мәлімдеді, деп хабарлайды <a href="https://massaget.kz/layfstayl/madeniet/kino/59831/">Massaget.kz.</a> &nbsp;
Сондай-ақ осы фестивальге қатысқан “Әруақ” картинасы (режиссері Хуат Ахметов) да “Ерекше” бағдарламасында “Үздік сценарий” жүлдесіне қол жеткізді. Бұл туындыларды ҚР Мәдениет және спорт министрлігі тапсырысы бойынша Ш.Айманов атындағы “Қазақфильм” АҚ түсірген.&nbsp;
&nbsp;“Қыз бен теңіз” фильмінде БЦП-мен ауыратын Әсел есімді бойжеткеннің өмірі баяндалады. Оның бар арманы – махаббатын кездестіріп, отбасын құру. “Арман алға жетелейді” демекші, Әсел барлық қиындықтарға төтеп беріп, жақсылықтан үміт үзбейді.
Бұл кинотуынды биыл Лондонда&nbsp; өткен Romford film festival фестивалінде “Үздік әйел адамның рөлі” (Динара Шарипова) жүлдесімен, Башқортостада өткен IV “Қүміс Акбозат” фестивалінде “Әлеуметтік және мотивациялық кино” номинациясы бойынша қоғам қайраткері Каринэ Хабированың арнайы жүлдесімен және Башқортостан Республикасы отбасы және еңбек министрлігі атынан “Армандардың орындалуы” арнайы сыйлығымен (актер Тахир Умаровқа табысталды)&nbsp; марапатталған болатын.
“Әруақ” фильмі екі кейіпкердің – Ағатай қарт пен жетім баланың кездейсоқ ұшырасуы туралы баяндайды. Қазақ киносының мэтрі, КСРО халық артисі Асанәлі Әшімов осы фильмде сомдаған рөлі үшін биыл Анапа қаласында өткен “Киношок” кинофестивалінде үздік ер адам рөлі жүлдесімен марапатталды.
Айта кетсек, Asian Film Festival фестиваліне “Қазафильм” киностудиясы түсірген “Шыңырау” (реж. Жаңабек Жетіруов), “Саташ” (реж. Төлеген Байтөкенов) және “На грани” (реж. Алдияр Байракимов) қатысты.
Биыл жетінші рет ұйымдастырылып отырған испаниялық фестивальде Азиядағы 25 елдің 100-ге жуық фильмдері көрсетілді.

«Қазақфильм» туындылары Испанияда өткен фестивальде жүлделерге ие болды

<a href="https://kyzylorda-news.kz/">Kyzylorda-news.kz.</a> Кетаминнің бір мөлшерлік дозасы ішімдікке тәуелділіктен айырылуға көмектеседі. Бұл тоқтамға Лондон университеттік колледжінің ғалымдары келіпті, деп хабарлайды <a href="https://stan.kz/news-324729/">Stan.kz</a>. 
Зерттеушілер тәжірибесіне 90 адам қатысыпты, олардың барлығы да маскүнемдікке салынған жандар екен. Еріктілердің барлығы бірдей аптасына 74 бөтелкеден астам ішімдік тұтынатын көрінеді. Бұл көрсеткіш ұсынылған мөлшерден 5 есе көп. Тәжірибе басында оларға бір стақан сыра ұсынылып, егер сынақтардың барлығынан жалтармай өтсе ішуге болатыны айтылыпты. 
Бір күндері оларға алкогольді сусын ұсынылып, ал келесі күні ішімдік ішуге мүлдем рұқсат етілмепті. Алкогольды тұтынуға тыйым салынған күні ғалымдар еріктілердің ағзасына кетамин егіпті. Препарат маскүнемдердің ішімдікке деген ынтызарлығын басқан көрінеді. Нәтижесінде мамандардың пайымдары расталып, кетаминнің пайдалы қасиеті анықталыпты.

Маскүнемдіктен арылудың тәсілі анықталды

<a href="https://kyzylorda-news.kz/">Kyzylorda-news.kz.</a> АҚШ-та вейпинг деп аталатын электронды шылымнан бірнеше адам қайтыс болды, деп хабарлайды «<a href="https://24.kz/kz/zha-aly-tar/lemde/item/357817-lemde-40-milliondaj-adam-elektrondy-temeki-tartady">Хабар 24»</a>.
Осыдан кейін мамандар «бұл электронды темекіге тәуелділікті адам денсаулығына төнген жаңа қауіп» деп дабыл қағуда. Вейпинг адам ағзасына қандай әсер етеді және ажалға әкелетін себебі неде? Электронды темекі кеңінен тараған Әзербайжан елінің мамандары бұл туралы өз пікірімен бөлісті.
Бейресми мәлімет бойынша әлемде 40 миллиондай адам электронды темекі тартады. Әдетте халық осылайша, кәдімгі шылым шегу әдетінен айырылғысы келеді. Алайда, мамандардың пікірінше, вейпинг те денсаулыққа зиян келтіреді.
<blockquote>
 «Никотиннен басқа электронды темекінің құрамында глицерин, пропиленгликоль мен дәмдеуіштер бар. Ысытқанда олар булана бастайды. Басты зиянды осы буда болатын химиялық заттар келтіреді. Өкінішке орай кейде осы заттардың ауыстырғыштары қолданылады. Мысалы, пропиленгликоль орнына этиленгликоль сияқты қауіпті затты қосады», – Денсаулық сақтау министрлігінің қызметкері Гюнай Гулузаде.
</blockquote>
Электронды шылым да құмарлыққа әкеледі. Оның тағы да бір қаупі: кәдімгі темекі тартқан адам құрамында қанша никотин бар екенін біледі. Ал электронды шылымда никотин мөлшерін анықтау мүмкін емес. Одан туындайтын дертті бейресми түрде вейпинг індеті деп атап жүр. Дүниежүзілік денсаулық сақтау ұйымы оны ауру ретінде тіркеген жоқ, өйткені сипаттамасы мен ем тәсілдері әзірше анықталған жоқ.
<blockquote>
 «Вейптерде қолданылатын сұйықтықта тетрагидроканнабинол секілді қауіпті заттар бар. Олар өкпе тінін бүлдіреді. Бұл аурудың белгілеріне жөтелмен қатар ентікпе мен тыныс алудың қиналуы жатады. Ал дәрігерлер әдетте мұны өкпе қабынуы деп анықтап, ұзақ мерзім бойы антибиотиктермен емдейді. Мұның әрине, ешқандай әсер бермейтіні анық. Сол себептен науқасты ауыр жағдайдан шығару үшін дәрігерлер гормонотерапияны қолданады. Кейде оның өзі де көмек бермейді», – дейді Өкпе аурулары институтының доценті Джейхун Исмаилзаде.
</blockquote>
Әзербайжанда электронды шылым ашық саудада бар. Елде бұл әдетке құмар адамдар жөнінде есеп жүргізілмейді. Мамандардың айтуынша, вейпинг негізінен жастар арасында тараған. Бұған оның «темекіден зияны төмен» деген жалған пікір себеп болып отыр. Қазіргі кезде мамандар елде электронды шылымды қолдануды шектеу бағдарламаларын әзірлеуге кірісіп кетті.

Әлемде 40 миллиондай адам электронды темекі тартады

<a href="https://kyzylorda-news.kz/">Kyzylorda-news.kz.</a> Рысқұловтың бірінші және үшінші әйелдері (Колосовская Татьяна Владимировна және Дергачева Вера Ивановна тиісінше) өзінен туған балаларын тастап кетті. Олар Тұрар Рысқұловтың қаржылық және әлеуметтік жағдайына байланысты тұрмысқа шыққан болуы да мүмкін.
“Әр ұлы адамның артында әйел тұрады. Олар сонысымен өз халқының тағдырын өзгертеді”, – &nbsp;дейді. Сонымен, қазақ ұлыларының өмірін мәңгі өзгерткен орыс әйелдер кімдер?&nbsp;
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-mwstafa-shokaj.jpg" alt="" />
Мұстафа Шоқай. Ол – Алаш қозғалысының төл перзенті.&nbsp;Алаш идеялары мен мұраттары аясында қанаттанған, қазақ, өзбек және басқа да түркі халықтарының ұлттық бостандығы үшін күресінің стратегиясы мен тактикасын айқындаған қайраткер. Орыс актрисасы – Горина Мария Яковлевнаға үйленеді. Мария Шоқай қайраткерге тұрмысқа шыққан соң, мұсылман дінін қабылдайды. Сәйкесінше, Мұстафа Шоқай қайтыс болғаннан кейін христиан дініне қайта өтеді.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-aelihan-boekejhanov.jpg" alt="" />
Әлихан Бөкейханов – «Алаш» партиясының негізін салушы, жетекшісі және бас идеологы. Осы саяси бірлестіктің көптеген мүшелері сияқты ол да орыс қызына үйленеді. Севостьянова Елена Яковлевна- қуғынға ұшыраған популисттің қызы болатын. Бөкейханов алдымен қыздың әкесі Севостьянов Яков Сергеевичпен кездесті, ол «Степной край» газетінде жұмыс істейді. Айта кету керек, Елена Севостянова ешқашан Қазақстанға келген емес. Бөкейхановтың одан екі баласы болған.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-qanysh-satbaev.jpg" alt="" />
Қаныш Сатпаев – қазақтың ұлы геологы. Сатпаевтың бастамасымен елімізде Жезқазған қаласы пайда болғанын да айта кету керек. Томсктегі Техгологиялық университетте оқып жүріп, би кештерінің бірінде Сатпаева (Кошкина) Таиса Алексеевнамен танысады. Ол да геология мамандығында білім алады, екеуі бір уақытта жоғарғы оқу орнын тәмәмдайды. ҚанышТаиса үшін бірінші әйелі Шарипаны тастап кетеді. Әрине бұған Қаныштың да, Шарипаның да кінәсы жоқ еді. Өйткені олардың некесі ата-аналарының қалауы болған. Таиса тек жақсы геолог ғана болып қойған жоқ, ол Жезқазған қаласының дамуы мен ашылуына көп үлес қосты. Қаныш пен Таиса Сатпаевтардың ортақ екі қызы болды. Мейіз бен Шәмшиябану. Таиса Қаныш Сатпаев қайтыс болғаннан кейін де геолог туралы көптеген мәліметтерді жинақтап, оның ғалымдық еңбектерін жариялады.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-mwhtar-awezov.jpg" alt="" />
Мұхтар Әуезов – аты аңызға айналған «Абай жолы» роман-эпопеясының авторы. Ленинград мемлекеттік университетінің филология бөліміне түсіп, Кузьмина Валентина Николаевнамен кездеседі. Нәтижесінде ол Әуезовтың үшінші әйелі болды. &nbsp;Валентина 2 ұл, 1 қыз дүниеге әкелді: Елдос (туғаннан көп ұзамай қайтыс болды), қалғаны Ернар мен Лейла. Мұхтар өмір бойы онымен бірге болды. Алайда бұл оның Ильяс Жансүгіровтің бұрынғы әйелі Фарида Ғабитовамен көңіл жарастыруына кедергі болмады. Әуезовтің өлімінен кейін Валентина Мұхтардың үйіндегі атмосфераны қалпына келтіруге және бұл үйді мұражайға айналдыруға көмектесті.
Жақанша Досмұхамедов – алғашқы қазақ прокуроры, саясаткер, «Алаш Орданың» көрнекті қайраткері. Оның өмірлік серігі – Ольга. Кейбір деректерде тегі Колоссовская, кейбірінде Пушкарева. Егер ол расында Пушкарева болса, онда ол Рысқұловтың әйелі – Надежда Пушкареваның сіңлісі және оның қазақша аты «Зайра» деп айтылады. Бірақ егер Жақан туралы мақалаларда ол Колоссовская деп жазылса, онда оның әкесі Шымкентті Черняев деп атаған кезде Шымкент қаласының әкімі болған деп те айтылады. Ол қазақ тілі мен &nbsp;дәстүрін жетік білетін. Досмұхамедов Ольганы Мәскеуде оқып жүргенде кездестірді, ол сол кезде медициналық қызметті аяқтаған болатын. Ольга исламды қабылдады. Күйеуі қайтыс болғаннан кейін ол оның жақсы жадын жала жабушылардан қорғауға тырысты. Сонымен, ол Сейфулиннің «Торғай жолы» романына ашық қарсылық білдірді, онда күйеуінің &nbsp;айқын болмысы көрінбейтін еді. Колоссовская Лениннің әйелі Надежда Крупскаямен дос болды. Сондықтан көптеген жолдармен ұлы революционер қайтыс болғанға дейін Джаханшаға ешкім қол тигізбеді. Жақанша қайтыс болғаннан кейін Ольга екінші рет тұрмысқа шықпады. Ең өкініштісі олардың балалары болмады.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-ahmet-bajtwrsynov-1.jpg" alt="" />
Ахмет Байтұрсынов – түркітанушы, лингвист, араб графикасына негізделген қазақ жазуының реформаторы, «Қазақ» газетінің редакторы жәнеАлаш партиясының мүшесі. Екінші жартысы – Александра Ивановна, ислам дінін қабылдағаннан және некеден кейін – Байтұрсынова Бадрисафа Мұхамедсадыққызы. Бұл адамның айналасында көптеген әңгіме бар. Мәселен, Байтұрсынов Александраның әкесінен бір бөлме жалға алып тұрған. Екінші деректерде ол жетім және фамилиясы да болмаған. Бадрисафа Ахметтің үшінші әйелі болды. Оның алғашқы махаббатының аты Іңкәр болды. Біраз уақыттан кейін Байтұрсынов татар көпесі Мұхамедсадықтың қызымен де қарым-қатынаста болды. Бірақ әйел аурудың салдарынан кенеттен қайтыс болады. Содан кейін Байтұрсынов саудагердің үйінде жұмыс істейтін қызға үйленді. Неге екені белгісіз, Ахмет неке қиюды ресми тіркеу кезінде қайғылы жағдайда қайтыс болған татар қыздың құжаттарын пайдаланды.Осылайша Александра Бадрисафаға айналды. Кейіннен Байтұрсынов Бадрисафтан бірнеше айға кетіп, башқұрт сопысы шейх Зейнулла-ишанның ислам негіздерін түсінді. Бір қызықты факт: Байтұрсынов басқа ұлт өкілін Мұхаммедизмге айналдыра білді. Бірде оның досы мұсылман дінді қабылдаған адамның сұлулығына сүйсініп, Ахметтен қандай қыз екенін сұрайды. Содан кейін Байтұрсынов поэтикалық түрде былай жауап береді:Сұрасаңыз есімі Александра Ивановна,Ризамын құдайдың оны маған қиғанына.Бір кәпірді мұсылман қылып сауап тапсам,Татымай ма он молданың иманына.Ахмет пен Бардисафаның асырап алған үш баласы болды.Соған қарағанда ерлі-зайыптылардың бірі бедеу болды деген болжам бар.Тұрар Рысқұлов – қазақтың көрнекті саясаткері, көрнекті кеңес қайраткері. Оның төрт әйелі болды, оның үшеуі – орыс, ал төртіншісі жартылай ғана қазақтан. Ол осы әйелді орыс оперетта актрисасы Регина Лазарева үшін тастап кеткісі келді. Рысқұловтың бірінші және үшінші әйелдері (Колосовская Татьяна Владимировна және Дергачева Вера Ивановна тиісінше) өзінен туған балаларын тастап кетті. Олар Тұрар Рысқұловтың қаржылық және әлеуметтік жағдайына байланысты тұрмысқа шыққан болуы да мүмкін.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-olzhas-swlejmenov.jpg" alt="" />
Олжас Сүлейменов – «Невада-Семей» қозғалысының жетекшісі, ақын, «Аз и Я» кітабының авторы. Әйелінің аты – Маргарита Владимировна. Өкінішке орай, интернетте оның әйелі туралы көп ақпарат жоқ. Ерлі-зайыптылардың мұсылмандық және христиандық мерекелерді атап өтетіні белгілі, бұл таңқаларлық емес – ұлтаралық неке екі жаққа бірдей. Олардың үш қызы бар – Мадина, Динара, Лейла.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-toktar-awbakirov.jpg" alt="" />
Тоқтар Әубәкіров – Қазақстан Республикасының алғашқы ғарышкері және КСРО-ның соңғы ғарышкері. Ол әйелімен Мәскеуде кездесті. Әйелі – Малышева Татьяна Михайловна, 1951 жылы туған, мамандығы бойынша инженер. Бір қызығы, Татьяна мен Тоқтар өз өмірлерін байланыстыруды шешкен кезде, екеуі жас емес еді, тіпті бүгінгі стандартқа сай сол кезде не айтуға болады. Тоқтар отыз тоғыз, әйелі отыз төрт шамасында. Рас, балалар ресми некеге дейін өмірге келді. Олар Тимур мен Михаил.
<a href="https://newsroom.kz/">Newsroom</a>

Өзге ұлттан әйел алған ұлт зиялылары жайлы не білесіз?

<a href="https://kyzylorda-news.kz/">Kyzylorda-news.kz.</a> &nbsp;Сыртқы істер министрлігі Қытайда есірткі контрабандасы үшін ұсталған Ақжарқын Тұрлыбайды елге қайтару мәселесін түсіндірді, деп хабарлайды&nbsp;[Sputnik Қазақстан](http:// https://sputniknews.kz/society/20191127/12135754/SIM-Aqzharyn-Turlybay-isi.html).
Министрдің бірінші орынбасары Шахрат Нұрышевтің айтуынша, соттың соңғы шешімі әлі шыққан жоқ. Онсыз Ақжарқын Тұрлыбайды экстрадициялауға сұрау салу мүмкін емес.
<blockquote>
 “Соттың соңғы отырысы қыркүйек айында болған. Бірақ шешім әлі шыққан жоқ. Біз соны күтіп отырмыз. Соттың шешімі шыққаннан кейін экстрадициялауға болады. Тәртіп бойынша оның туған-туыстары бас прокуратураға Ақжарқынды экстрадициялау туралы өтінішхат жолдайды. Соның негізінде бас прокуратура Қытайдағы контр әріптестерге сұрау салады. Олар өз кезегінде сотталған адамды бере ме, жоқ па, өздері шешеді. Оң шешім болса, экстрадиция жасалады”, – деді Нұрышев.
</blockquote>
Оның сөзіне қарағанда, Ақжарқын Тұрлыбай елге қайтарылғаннан кейін оның ісін Қазақстанның соты қарайды. Себебі екі елдің заңнамасы екі бөлек және қылмыс үшін берілетін жаза әртүрлі.
<blockquote>
 “Иә, жазаның мерзімі өзгеруі мүмкін. Себебі Қазақстан мен Қытайдың заңнамасы бір-біріне ұқсамайды. Бір қылмыс үшін әртүрлі жаза беріледі. Сондықтан бұл жерде ол өз жазасын Қазақстанның заңнамасы бойынша өтеуі тиіс”, – деп атап көрсетті Нұрышев.
</blockquote>
<h3 id="">Ақжарқын Тұрлыбайдың тағдыры</h3>
Қазақстан азаматы Ақжарқын Тұрлыбай 2014 жылы наурызда Гуанчжоу әуежайында ұсталған болатын. Оған шекарадан 4,5 келі есірткіні алып өтпек болды деген айып тағылды. Ол кезде отандасымыз 20 жаста болған еді. 2015 жылдың маусымында Қытай соты оны өмір бойына бас бостандығынан айырды. Сотта Ақжарқын шетелдік досы алдап кеткенін айтып, кінәсін мойындаған жоқ.
2016 жылы сот шешімі жойылып, іс қайта қарауға жіберілді.Биыл 3 қыркүйекте Қытайдың Гуанчжоу қалалық сотында Ақжарқын Тұрлыбайдың ісі бойынша отырыс өтті. Сот отырысы 2 сағаттан астам уақыт болды. Ақжарқын Тұрлыбай қытай тілінде жауап беріп отырды.
Ал 9 қыркүйекте отандасымыздың анасы Зухра Сейтімова Қазақстан президентіне көмек сұрап хат жазғаны хабарланды. Артынша Қасым-Жомарт Тоқаев Қытайға сапары кезінде Ақжарқын Тұрлыбайдың мәселесін көтерді.
<h3 id="-1">Ақжарқын түрмеде немен айналысады</h3>
Қазақстанның Қытайдағы елшілігінің мәліметіне сүйенсек, Тұрлыбай қасындағы сотталғандарға ағылшын тілін үйретіп жүр.
Сыртқы істер министрлігінің ресми жауабында Ақжарқын Тұрлыбай көркем әдебиет оқитынын айтқан. Дене шынықтырумен де айналысады. Қытай тілін жақсы меңгеріп алған. Түзету мекемесіндегі жағдайға қатысты шағымы жоқ екен.
Қазақстанның Қытайдағы елшілігінің қызметкерлері Гуанчжоудағы түрмеге барып, Тұрлыбайдың қал-жағдайын біліп тұрады. Бұған қоса, ақшалай көмек көрсетіп, сұраған кітаптарын тауып береді.

Ақжарқын Тұрлыбай елге қашан қайтарылады

<a href="https://kyzylorda-news.kz/">Kyzylorda-news.kz.</a> Ел басқаруда болсын, отбасы деген шағын мемлекетті басқаруда болсын, үлкен компанияны басқаруда болсын, кез келген бастық басқарудың үш стилінің бірін таңдайды.
Демократия немесе алқалы басқару стилі
Бұл стиль ұжыммен тығыз қарым-қатынас орнатумен байланысты. “Демос” деген сөздің мәні халық билігі екенін мектеп кезінен білеміз. Демократия режимінде әлеуметтік топтағы әр адам өз ісіне жауапты және маңызды шешімдерге тең дәрежеде үн қоса алады.
Бастықтың орынбасары мен жоғары лауазымды қызметкерлер ғана емес, бір ортада қызмет ететін тұлғаның барлығы бірдей басқару үдерісіне қатысуға құқылы. Барлығының пікірі маңызды. Компания үшін маңызды шешім қабылдау керек болса, алдын ала барлығын құлағдар қылып, ақылдасып отырып, бірлесе үкім шығарады. Бұл қатардағы қызметкерлерді де жігерлендіре түседі.
Ұжымда жағымды атмосфера орнайды. Әр қызметкер өзін үлкен механизмнің маңызды бөлшегі санайды, яғни әрқайсысының өзіндік орны бар, бірі болмаса, басқа жұмыс тоқтап қалады. Демократия ұйымның қиын жағдайдан да оңай шығып, тез алға басуына мүмкіндік туғызады. Бұл стильдің бір ғана кемшілігі – бастық әр қызметкерінің тілін табуы үшін, оларды зерттеуге ұзақ уақытын жұмсайды.
Тоталитар, өктем не бағдарлы стиль&nbsp;
Аты айтып тұрғандай бар билік тұтастай тек бастықтың қолында болады. Басқару ісіне қызметкерлер еш араласа алмайды. Бұл стиль арқылы қатаң тәртіп орнатуға болады. Еңбек шартын бұзған қызметкерді қатаң жаза күтеді. Қателігі үшін бастық оған сөгіс жариялайды не айыптайды. Бұл жерде ешқандай қызметкердің пікірі маңызды емес. Барлық жұмыс процесі нұсқаулықтармен бекітіледі. Қызметкерлер басшылықты әр басқан қадамынан хабардар етіп отыруы тиіс. Өктем стиль компаниядағы дағдарыс кезеңін тез арада артта қалдыруға көмектеседі.
Басқарудың бұл түрі басшының біраз уақыт жұмсауын талап етеді. Егер ұжымның ауқымы кеңейіп, қызметкерлер саны көбейсе, олардың барлығын бірдей ашса алақанында, жұмса жұдырығында ұстау оңай болмайды. Осындай себептерге байланысты кей мәселелерді шешуге бірнеше күн қажет, жеделдік жоғалады. Бұл стильдің кемшіл тұсы – егер бастықтың қабылдаған шешімі қызметкерлеріне ұнамай қалса, бірнеше жақсы маманынан айырылып қалу қаупі туады, яғни бір мезгілде бірнеше адам өз еркімен жұмыстан шығып кетуі мүмкін. Сол себептен қатып қалған нұсқаулықпен ғана жүрмей, қабылданған шешім қандай нәтиже берерін зерттеп алған жөн.
Анархия не либерал стиль
Бұл басқару түрі ұжымға толықтай еркіндік береді. Бұл ұйымда сағаттан сағатқа созылған жиналыстарға орын жоқ, сол себептен қызметкерлердің жұмыс өнімділігі де арта түседі. Тек қызметкерлерге арналған белгілі бір стандарттар ғана бар. Басқарушыға кім қалай жұмыс істеп жатқаны еш маңызды емес, тек уақытылы жақсы нәтиже көрсете білсе болғаны. Бұл жауапкершілігі мол, шығармашылыққа жаны жақын адамдарға таптырмас жұмыс. Анархия стилі ұжымдағы жүгенсіздікке, тәртіп жоғалуына себеп болуы мүмкін, алайда кей қызметкерлер басшы тарапынан қысым көрмеген жағдайда, керісінше, еркін түрде жақсы жұмыс істеуі мүмкін. &nbsp;
Басқарудың қанша түрі болса да, жақсы басшы әр іске икемді болып, әр стильден өзіне қажеттісін алып, қажетсізін қоқысқа салып отыруы керек. Тек бір стильден екінші стильге ақырындап, байыппен көшу керегін естен шығармаса болғаны. 
<a href="https://massaget.kz/jigitterge/syin_sagatta/59721/">Massaget.kz</a>

Басқарудың үш стилінің қайсысын таңдайсыз?

<a href="https://kyzylorda-news.kz/">Kyzylorda-news.kz.</a> Ақырзаманның болатын-болмайтыны туралы көптеген теориялар бар. Кейбір ғалымдар метеорит құлағаннан жер бетіндегі тіршілік жойылады деп айтады. Ал Уилл Смит басты кейіпкерін сомдаған “Мен аңызбын” (I Am Legend) фильмінің авторлары вампирлердің шабуылынан адамдардың қырылып кететінін баяндады. Алайда, біздің өмірімізге қауіп төндіретін шындыққа жақын болжам – жаһандық жылынудан болатын өлім, деп хабарлайды <a href="https://massaget.kz/layfstayl/alemtanu/59855/">Massaget.kz</a>.&nbsp;
2050 жылы адамзаттың өліміне жол бермеу үшін ғалымдар көмірқышқыл газын сіңіріп, парник әсерінің қаупін төмендететін ағаш отырғызуды мүмкіндігінше қарастырып жатыр. Алайда жаһандық жылынумен күресу үшін 189 елге ақша бере алатын Халықаралық валюта қорының қызметкерлері жақында ағаш отырғызудың орнына адамдар киттің популяциясын қорғап, қалпына келтіруі керек деп мәлімдеді.&nbsp;
Time басылымы Ақша Қорының профессорлары жақында киттердің көмірқышқыл газын сіңіру қабілетінің бар екенін анықтағанын айтады. Олардың есептеулеріне сәйкес, үлкен кит түрлерінің әрқайсысы шамамен 100 жыл өмір сүру кезеңінде шамамен 30 тонна көмірқышқыл газын сіңіреді. Сонымен бірге бір ағаш бір жылда 22 келі көмірқышқыл газын бейтараптайды, яғни бір ғасырда 2,2 тоннадан аспайды. Осы көрсеткіштерді салыстыра отырып, киттердің ғаламдық жылынуға қарсы күресте өсімдіктерден гөрі едәуір маңызды рөл атқаратындығы белгілі болды.
Ғаламдық жылынудан қалай сақтану керек?
Киттердің көмірқышқыл газын сіңіретіндігіне қоса, суды азот пен темірге бай қалдықтармен қанықтырады. Олар көмірқышқыл газын тиімді сіңіретін фитопланктон – балдырлар мен микроскопиялық тіршілік иелерінің таралуы үшін қажет. Зерттеу авторларының бірі Ральф Чэмидің айтуынша, мұхиттардағы фитопланктон мөлшерін көбейту арқылы адамзат бірнеше жүз тонна көмірқышқыл газын өңдей алады. Бұл екі миллиард ағаш отырғызумен бірдей. Ғалымдар әрбір кит әлемдік экономикаға 2 миллион доллар көлемінде үлес қоса алады деп сенеді.
Айтпақшы, ағашты көптеп отырғызу арқылы біз жаһандық жылынудың алдын алмаймыз, керісінше, оның болуын тездетеді екенбіз.
<img src="https://kyzylorda-news.kz/wp-content/uploads/2019/11/kit01.jpg" alt="" />
&nbsp;Киттер неліктен қырылып жатыр?
Жоғарыда айтылғандардың бәріне қол жеткізу үшін адамдарға кит популяциясын арттыру өте маңызды. ХХ ғасырдың басында бұл алыптарды аулауға жаппай рұқсат берілген. Осылайша киттердің саны азайып кетті. Қазіргі уақытта ғалымдар шамамен 1,3 миллион кит бар, ал коммерциялық аң аулау басталғанға дейін олардың саны 5 миллионға жуық болғанын айтады. Бүгінде коммерциялық кит аулауға тыйым салынды және олардың саны біртіндеп көбейіп келеді. Бірақ соңғы уақытта олар басқа да себептермен өліп жатыр.&nbsp;Неліктен?
Мұның бәрі қоршаған ортаның ластануынан дейді ғалымдар. Көлемі Аустралия құрлығымен бірдей қоқыс аралы мұхиттағы тіршілік иелерін улап, қырып жатыр. Сонымен қатар, су сүтқоректілері жоғалған балық торларына түсіп өліп қалатын жағдайлар көп.
Жер бетіндегі қатты дыбыстар киттердің өліміне кінәлі екен. Кеме жасаған дыбыстар киттердің туыстарының дыбысын естуіне және мұхитта еркін жүзуіне кедергі келтіреді. Осыған байланысты олар бұрыс бағытта жүзіп, ақырында жағаға шығып қалады.

Жаһандық жылынудан киттер құтқарады

<a href="https://kyzylorda-news.kz/">Kyzylorda-news.kz</a>. Boxingscene.com журналисі Стивен Эдвардс қазақстандық боксшы Геннадий Головкин мен мексикалық Сауль Альварестің екінші айқасын жоғары бағалады, деп хабарлайды <a href="https://www.inform.kz/kz/golovkinnin-aykasy-songy-on-zhyl-ishindegi-uzdik-zhekpe-zhekter-tizimine-endi_a3589936">ҚазАқпарат</a>.
Автор оны соңғы онжылдықтағы үздік айқастар тізіміне қосты (2010-2019).
Еске салайық, Головкин рематчта төрешілердің басым бөлігінің шешімімен «Канелодан» жеңіліп қалды.
<blockquote>
 «Осы онжылдықдағы менің сүйікті айқастарым мыналар: Гонсалес — Эстрада, Пакьяо — Маргарито, Уильямс — Херд, Котто — Мартинес, „Канело« — Головкин 2, Мэйвезер — Майдана 1, Спенс — Брук, Ломаченко — Линарес, Ригондо — Донэр, Иноуэ — Донэр, Уайлдер — Фьюри. Тағы бірнешеуін ұмытып тұрмын. Мэйвезер — Пакьяо айқасының өткенін қалаймын, айқастардың айқасы болар еді», – деп жазды Эдвардс.
</blockquote>

Головкиннің айқасы соңғы он жыл ішіндегі үздік жекпе-жектер тізіміне енді

<a href="https://kyzylorda-news.kz/">Kyzylorda-news.kz.</a> Мамандар өсімдік майларының бірнеше түрін салыстырып, қышқылдану тұрақтылығын тексерді, деп жазады <a href="https://stan.kz/darigerler-en-kauipsiz-osimdik-mayin-aniktadi-324667/">Stan.kz</a>.
Кейбір өсімдік майларының құрамында холестерин мөлшерін ұлғайтып, жүрек аурулары мен диабетке алып келетін трансмайлар болады. Медицина қызметкерлері қышқылдануы тұрақты, яғни ең қауіпсіз майды анықтады.
Үздіктердің басында кокос майы тұр. Дәрігерлердің сөзінше, бұл майдың сапасы сегіз сағат қуырғаннан кейін де сақталады. Себебі кокос майының 90 пайызы қаныққан майдан тұрады. Сондай-ақ, зәйтүн мен авокадо майы да қауіпсіз өнімдер қатарында.
Зәйтүн майы сияқты авокадо құрамында да моноқаныққан май көп және ағзадағы қабынуды төмендететін олеин қышқылына бай. Сонымен қатар, жүрекке де өте пайдалы. Жануарларға жүргізілген зерттеу бойынша, авокадоны көп қолданып тамақтану қан қысымын төмендетеді.
Күнбағыс майын қолдануда &nbsp;дәрігерлер шектен шықпауға кеңес береді. Құрамында омега-6 көп болғандықтан ағза қабынуы мүмкін. Және тез қышқылданатындықтан, бұл майда төмен температурада қуырған жөн.

Дәрігерлер ең қауіпсіз өсімдік майын анықтады

«Құлдықты жою үшін күрестің» халықаралық күні
БҰҰ Бас Ассамблеясының шешімімен атап өтіледі. 1949 жылғы 2 желтоқсанда БҰҰ БА 4-сессиясы адам сату және жезөкшелікке пайдалануға қарсы күрес туралы конвенция қабылдады.
1992 жылы Мәскеуде Халықаралық инженерлік академияның жалпы жиналысы өтіп, онда Қазақстан Республикасының Президенті Нұрсұлтан Назарбаев аталған академияның академигі болып сайланды.
2017 жылы Ақтөбедегі Тұңғыш Президент атындағы орталық саябақ жанынан «Қазақстан халқына мың алғыс» стелласы бой көтерді. Қазақстан халқының бірлігін, татулығын білдіретін ескерткіштің биіктігі – 30 метр, композициясы 5 бөліктен тұрады. Стеллада Қазақстанның картасы бейнеленген. Бұл – ел шекарасын айқындап, ландшафты мен облыстардың орналасуын, Астана қаласы туралы ақпарат беретін бөлігі.

2 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 2 желтоқсанға арналған жұлдыз-жорамалы.
Тоқты
Жұмысыңыздағы түсініспеушіліктер сіздің ісіңіздің алға басуына кедергі келтіреді. Сүйіктіңізбен арадағы қарым-қатынасыңыз да әлсірейді. Бүгін өмірге деген құштарлығыңызды жоғалтып алмағаныңыз жөн. Дәл осы күні ақылыңызды сезімге жеңдіріп алмаңыз. Сізге бәрін ақылмен шешу керек.
Торпақ
Бүгін махаббат туралы ойлануға қолайлы күн емес. Себебі, бәрі сіз ойлағандай болмай шығуы әбден мүмкін. Сүйіктіңізбен арадағы қарым-қатынасыңыздың тағдыры шешіледі. Қандай жағдай болмасын, көңіл-күйіңізді түсірмеңіз.
Егіздер
Бүгін бизнес және сауда саласында жұмыс істейтін егіздер үшін өте қолайлы күн. Жеке ісіңізді өрге бастыратын қаржылық жағынан тиімді ұсыныстар түседі.
Шаян
Сіз үшін карьера қуатын күн емес. Жұмысыңызда аса мұқият және тиянақты болғаныңыз жөн. Бүгін қызметіңіз сізді шектен тыс шаршатып, түңілдіріп жібереді. Сондықтан дау-дамайларға араласпай, алыс болыңыз.
Арыстан
Бүгін екінші жартыңызбен араңызда қарама-қайшылықтар көп туындайды. Қандай да бір шешім қабылдамас бұрын, оны жақсылап ойланып алғаныңыз жөн. Ашуға берілмеңіз. Бәрін сабырмен шешіңіз.
Бикеш
Жұмысыңызда көптеген түсініспеушіліктер орын алады. Ойланбастан шешім қабылдамаңыз. Сіздің бүгінгі шыдамдылығыңызға көп нәрсе байланысты. Дәл осы күні орын алған түсініспеушілікке бола жұмысыңызды ауыстыруыңыздың қажеті жоқ.
Таразы
Бүгін жақындарыңыздың ерекше қолдауын сезінесіз. Олардың қолдауы сізге бірнеше күн қатарынан қанат бітіреді. Көптен бері мазалап жүрген денсаулығыңыздағы кінәрат оң шешімін тауып, айыңыз оңынан туады.
Сарышаян
Сіз үшін жағымсыз күн. Айналаңызға, жұмысыңызға, тіпті, өзіңізге көңіліңіз толмайды. Сабыр сақтаңыз. Әйтпесе, қаржылық жағдайыңызға кері әсерін тигізуі мүмкін. Саудамын айналысамын деп тәуекелге барудың қажеті жоқ. Ол сіздің қолыңыз емес.
Мерген
Сауда саласында ойлағандарыңыз жүзеге асады. Көптен бергі жоспарларыңыз да өз жемісін бере бастайды. Жаңа бастамаларға өте сәтті күн. Жеке өміріңіз де көптеген оң өзгерістер болады. Осы күн тек өтірік айтуға болмайды.
Тауешкі
Жұмысыңызда қиындықтарға тап боласыз. Сізге негізсіз жабылған жала мен әділетсіз сындар өзіңізді титықтатып, жүйкеңізді жұқартады. Асығыс шешім қабылдауға болмайтын күн. Сіз өзіңізге лайықты қызметіңізге қол жеткізе алмайсыз.
Суқұйғыш
Сізге бүгін барлық жұмысты ысырып тастап, денсаулығыңызға көңіл бөлу қажет. Түрлі ем қабылдап, тыныққаныңыз жөн. Өткен-кеткенді ойлай бермей, келетін қонақтарыңызға көңіл бөліңіз. Аздап шаршайсыз.
Балықтар
Сауда жасауға, жаңадан іс бастауға, сезіміңізді білдіруге қолайсыз күн. Жұмысыңыз алға баспай жүргендіктен бүгін салыңыз суға кетеді. Дәл қазір сізге бұдан артық жұмыс табылмайды. Сондықтан, берілмеңіз. Басқа жұмыс іздеп, тәуекелге бел бумаңыз.

Қазақстан және Қызылорда облысының жаңалықтары

Жұлдыздар не дейді?

«Қазақфильм» туындылары Испанияда өткен фестивальде жүлделерге ие болды

Маскүнемдіктен арылудың тәсілі анықталды

Әлемде 40 миллиондай адам электронды темекі тартады

Өзге ұлттан әйел алған ұлт зиялылары жайлы не білесіз?

Ақжарқын Тұрлыбай елге қашан қайтарылады

Басқарудың үш стилінің қайсысын таңдайсыз?

Жаһандық жылынудан киттер құтқарады

Головкиннің айқасы соңғы он жыл ішіндегі үздік жекпе-жектер тізіміне енді

Дәрігерлер ең қауіпсіз өсімдік майын анықтады

2 желтоқсан: Атаулы күндер мен оқиғалар

Жұлдыздар не дейді?