<a href="https://kyzylorda-news.kz/">Kyzylorda-news.kz.</a> &nbsp;Облыстық жастар&nbsp; саясаты мәселелері&nbsp; басқарамасының&nbsp; қолдауымен 4 желтоқсан күні А.Тоқмағанбетов&nbsp;&nbsp; атындағы&nbsp; мәдениет үйінде&nbsp; облыстық&nbsp; «Жас ұлан» ұйымының&nbsp; ұйымдастыруымен «Ұланымыз ұлы елдің» атты VІІ&nbsp; облыстық балалар мен жасөспірімдер слеті өтеді.
Аталған шарада 50 оқушы&nbsp; жас ұлан қатарына қабылданып,&nbsp; 200&nbsp; делегат қатысады.
Слет&nbsp; аясында қабылдау рәсімі өткізіліп, «Арманың&nbsp; барда, адымда&nbsp; алға!» жылдық жобалар үздіктері&nbsp; марапатталады, арнайы&nbsp; номинациялар&nbsp; тапсырылады. Әлеуметтік&nbsp; жобалар&nbsp; аясындағы шаралар бойынша қолөнер және сурет&nbsp; көрмесі&nbsp; ұйымдастырылмақ.
Сонымен қатар «Жас Ұлан» бірыңғай&nbsp;&nbsp;&nbsp;&nbsp; балалар мен жасөспірімдер ұйымдарының қызметін ұйымдастыру жөнінде мектеп тәлімгерлеріне&nbsp; арналған&nbsp; семинар-тренинг өтеді. Жыл&nbsp; бойы «Балалар&nbsp; әлеміндегі&nbsp; игі істер» жобасының қорытындысы&nbsp; ретінде&nbsp; жәрмеңке&nbsp; ұйымдастырылып, одан түскен қаржы мұқтаж&nbsp; отбасына&nbsp; беріледі.
&nbsp;&nbsp;&nbsp;&nbsp;&nbsp; Айта кетейік, Қызылорда&nbsp; облыстық &nbsp;«Жас ұлан ұйымы»&nbsp; 2011 жылы&nbsp; Елбасының&nbsp; қолдауымен&nbsp;&nbsp; құрылды. Қазіргі &nbsp;&nbsp;таңда&nbsp; &nbsp;аймақта&nbsp; 106&nbsp;000 жас ұлан&nbsp; бар.

Қызылордада облыстық балалар ұйымының слеті өтеді

<a href="https://kyzylorda-news.kz/">Kyzylorda-news.kz.</a> Бүгін таңғы сағат 04:30 шамасында «Қызылорда-Құмкөл» тасжолында жолаушылар <a href="https://kyzylorda-news.kz/oqigalar/qyzylordada-zholawshylar-avtobwsy-awdarylyp-7-adam-azhal-qushty-foto-35044/">автобусы аударылды</a>. Оқыс оқиғаға байланысты Өңірлік коммуникациялар орталығында брифинг өтті. Белгілі болғандай, автобус ішіндегі жандар «Саутс-Ойл» мұнай компаниясының жұмысшылары болған.
Брифинг барысында Қызылорда облыстық Полиция департаментінің бірінші орынбасары Шамшидин Амитов оқыс оқиғаның мән-жайын баяндады.
<blockquote>
 «3 желтоқсан күні Шымкент қаласына бет алған автобус жол көлік оқиғасына ұшырады. Оқиға барысында 7 адам апат кезінде қайтыс болса, бір адам жедел-жәрдем көлігінің ішінде көз жұмды. Қазіргі таңда 21 адам ауруханаға жатқызылды. Оларға медициналық көмек көрсетілуде», – дейді &nbsp;Шамшидин Амитов.
</blockquote>
Оқыс оқиғаның орын алуына автомобиль жолының тайғақ болуы мен ауа райының күрт бұзылуы себеп болған. Салдарынан автобус иесі көліктің рөліне ие бола алмай, автобус аударылған.
Оқиға орын алғаннан кейін барлық күш жұмылдырылып, техникалармен қамтамасыз етілді. Аталған дерек бойынша ҚР Қылмыстық кодексінің 345 бабының 4 бөлігі бойынша сотқа дейінгі тергеу басталды.
Тиісті сараптамалар тағайындалды. Қазіргі таңда оқиға орнында жөндеу жұмыстары жүргізілуде. Сонымен қатар қаза болған адамдардың денелері облыс орталығына жеткізілді.
<blockquote>
 «Облыстық жедел-жәрдем стансасына алғашқы шақырту 04:30 шамасында келіп түскен. Бір сағат ішінде, яғни 05:30-да бірінші жедел-жәрдем оқиға орнына жетті. Жалпы осы апатта 7 жедел-жәрдем бригадасы жұмылдырылды. Оның 2-і санитарлық авиация желісі арқылы, яғни мамандандырылған шақыртулар. Мұнда травматолог, рениматологтар бар. Бүгінгі таңда 21 науқас ауруханада жатыр. Оның 17-і көпбейінді ауруханаға жеткізілсе, 5 науқас жансақтау бөліміне жатқызылды. Сонымен қатар 4 науқас қалалық ауруханаға жеткізілді. Оның 1-і ренимация, қалған 3 науқас травматология бөліміне жатқызылды. Толыққанды мәлімет алдағы уақытта белгілі болады», – дейді облыстық денсаулық сақтау басқармасы басшысының орынбасары Олжас Ысқақов.
</blockquote>

Қызылордадағы автобус апаты: Жансақтау бөліміндегі адамдардың жағдайы әзірге белгісіз

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Әлем барысы» әлем чемпионатының қола жүлде үшін белдесуінде Мақсат Исағабылов өзбек палуаны Мухсин Хисамиддиновті жеңді.
Мақсат Исағабылов жартылай финалда Айбек Нұғымаровқа, ал өзбек палуаны Мухсин Хисамиддинов Ресей палуаны Роман Бобиковке есе жіберген.
«Әлем барысы» чемпионатының биылғы жүлде қоры 20 миллион теңге. Жеңімпаз атанған балуанға 10 млн теңге және алтын белбеу, екінші орын иегеріне 6 млн теңге және үшінші орын иегеріне 3 млн теңге, сәйкесінше күміс және қола белбеулермен марапатталады.
Ал, «Жеңіске деген жігері үшін» атанған спортшыға 1 млн теңге беріледі. Сонымен бірге, жылдағы дәстүр бойынша жанкүйерлер арасында автокөлік ойнатылады.

«Әлем барысы»: Қола жүлде қызылордалық Мақсат Исағабыловта

<a href="https://kyzylorda-news.kz/">Kyzylorda-news.kz.</a> Қазақстанда химиялық кастрациялауға сотталған 4 педофилді күштеп өткізетін болады. Бұл үрдіс бірреттік емес көрінеді, оны орындауға жарты жылдау уақыт кетеді, деп хабарлайды&nbsp;&nbsp;<a href="https://tengrinews.kz/kazakhstan_news/vpervyie-kazahstane-chetyirem-pedofilam-primenili-385236/">Tengrinews.</a>&nbsp;
<blockquote>
 “Павлодар, Шығыс Қазақстан және Ақмола облыстары мен Шымкент қаласында зорлық әрекеттері үшін сотталған азаматтар&nbsp;медициналық тексерістен өткен соң оларға қарсы күштеп химиялық кастрациялау қолданылатын болады”, – делінген ҚР ІІМ-нің қылмыстық-орындаушылық жүйе комитетінің мәлімдемесінде.
</blockquote>
Олардың хабарлауынша, қазіргі таңда 11 азаматқа қарсы химиялық кастрациялау жазасына&nbsp;кесілген. Зорлаушылық әрекетін орындаған азаматтарға қарсы заң күйшейтілгеннен кейін 15 адамға осындай үкім шығарылыпты. Заң бойынша химиялық кастрациялау кәмелетке толмаған балаларды зорлағаны үшін 18 жастан асқан азаматтарға қарсы қолданылады. Бұған қоса қылмыстың бұл түріне барған азаматты мерзімінен бұрын босату, оған жеңілірек үкім мен шартты жаза тағайындау, сонымен қатар екі жақты татуласытру сынды әрекеттерге тйым салынған.&nbsp;
Айта кетерлік жайт, химиялық кастрациялау&nbsp;жазасына кесілген қылмыскерлер алдымен бірнеше медициналық сараптамалардан, әртүрлі дәрігер мамандардан құралған комиссия қорытындысынан өтеді. Ал бұдан&nbsp;жалтарған азаматтарға қарсы тағы да бір жыл бас бостандығынан айыру жазасы бар екен.

Қазақстанда алғаш рет 4 педофилге химиялық кастрациялау қолданылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Самара-Шымкент» тасжолында Neoplan NK281 TC автобусы Daf жүк көлігімен соқтығысты.
Оқиға Қызылорда облысының Арал ауданындағы Сазды елді мекені тұсында болды. Жол жүру ережесін бұзған автобус жүргізушісі жылдамдықты арттырып, ара қашықтықты сақтамай, жолай кетіп бара жатқан жүк көлігіне соқтығысқан.
Жолаушылар автобусы Ақтөбе-Шымкент бағытында жүріп бара жатқан. Апат салдарынан&nbsp;екі адам жарақат алып, Арал ауданының орталығындағы ауруханаға жеткізілді. Жолаушылар автобусының басым бөлігі Өзбекстан және Тәжікстан азаматтары. Оларға тиісті көмек көрсетілуде. Жүк көлігінің жүргізушісі дін аман.
Автобуста болған 71 азаматтың 69-ы арнайы жұмылдырылған аудандық төтенше жағдайлар бөлімінің «Кунг» автокөлігі және 2 автобусымен «Саяхат» жол бойы сервистік қызмет көрсету орталығына жеткізіліп, ыстық тамақпен қамтамасыз етілді.
Ал, оқиғадан зардап шеккен екі азамат дереу аудандық орталық ауруханаға жеткізілді. Қазіргі таңда, жарақаттарына байланысты бір азамат жансақтау бөліміне алынса, бірі травматология бөлімшесіне жатқызылды.
<img src="https://kyzylorda-news.kz/wp-content/uploads/2019/12/3zhol75adam2.jpg" alt="" />
<img src="https://kyzylorda-news.kz/wp-content/uploads/2019/12/3zhol75adam3.jpg" alt="" />

Қызылорда облысының Арал ауданында 75 адам жол апатына ұшырады (ФОТО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақовтың қатысуымен «Сыр үміті» облыстық жастар форумы өтті. Сонымен қатар, шара аясында “Жастар орталығы” жанынан продюсерлік орталық ашылды.
Биыл өз саласында жетістікке жеткен, көшбасшы аймақтың 125 жасы қала, аудан әкімдерінің арнайы сыйлықтарымен қатар, араға бірнеше жыл салып (2016 жылдан кейін) облыс әкімінің «Сыр үміті» сыйлығы мен республикалық Ғани Мұратбаев атындағы «Ғани сыйлығымен» марапатталды.
Облыста «Жастар жылын» өткізу жөніндегі кешенді іс-шаралар жоспарына ұсынылған 28 жаңа жобаның, 14 қаражат бөлініп, қолдау тапқан. Нәтижесінде Жастар жылы аясында аймақ жастарының ұсынысымен тұңғыш рет көршілес бес түркітілдес елдер (Әзірбайжан, Қырғызстан, Башқұрстан, Түркия, Татарстан) жастарының халықаралық фестивалі, республика бойынша Қызылорда облысы бастамашы болған халықаралық деңгейдегі тренерлерді шақырып, жас IT мамандарды даярлауға бағытталған жастар “IT эшелоны”, аймақтың туристік әлеуетін насихаттау, тарихи-мәдени орындарды таныстыруға бағытталған республикалық лагерь, облыс әкімінің жүлдесі үшін “Жайдарман” ойыншыларының республикалық әзіл кеші, көңілді тапқырлар алаңы қатысушыларымен ашық аспан астындағы жастар кеші, ауыл жастарының слеты, жастар еңбек бригадалары ұйымдастырылған. Сондай-ақ, жастардың стартап бизнес идеяларын жинақтап, инвесторлар алдында қорғауға ықпал ететін «Kyzylorda Business Hub» жаңа жобасы пилоттық режимде бірінші рет ұйымдастырылды.
Аймақ басшысы өз саласында жетістікке жетіп, марапатқа ие болған барша жастарды құттықтап, жылы лебізін жеткізді.
<blockquote>
 “Осы жылы аудандық деңгейдегі 3 жастар ресурстық орталығы қайта жаңғыртудан өтсе, Қызылорда қаласындағы Орталық жаңа ғимаратқа орналастырылды. Ал, Байқоңыр қаласы жастары үшін арнайы ғимаратты қайта жаңғыртудан өткізуге жобалық-сметалық құжаттама әзірлеуге бюджеттен қаржы бөлінді. Үстіміздегі жылы жастар бастамаларын қолдау мен олардың шығармашылығын арттыруға бағытталған әлеуметтік жобаларға қаралған қаржы көлемі 34 пайызға артты (241 млн. тг.). Бұл бағыттағы қаржыға жастар қоғамдық ұйымдары былтыр 37 жоба жүзеге асырса, биыл олардың саны 49 жетті. Сонымен қатар, Елбасының тапсырмасына сәйкес студент жастарды 2022 жылға дейін жатақханамен қамтамасыз ету бойынша мемлекеттік-жекешелік әріптестік аясында биыл 330 орынға арналған Қызылорда медицина жоғары колледжінің жатақхана құрылысы аяқталады. Желтоқсан айында пайдалануға берілетін болады”-, деді облыс әкімі Қ. Ысқақов.
</blockquote>
<img src="https://kyzylorda-news.kz/wp-content/uploads/2019/12/3syrumit2.jpg" alt="" />
<img src="https://kyzylorda-news.kz/wp-content/uploads/2019/12/3syrumit3.jpg" alt="" />

Қызылордада өз саласының 20 жас үздігі «Сыр үміті» сыйлығын алды (ФОТО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов ХІ Халықаралық “Baikonyr Invest” инвестициялық форумының салтанатты ашылуы мен пленарлық отырысына қатысты. Форумның биылғы тақырыбы – “Қызылорда: тұрақты өрлеу, инвестициялық ынтымақтастықтық үшін жаңа мүмкіндіктер”. Форум аясында жалпы құны 100 млрд. теңгеге жуық жобаларды жүзеге асыру үшін 25 мемарандум, 1 келісім-шартқа қол қойылды. Олардың қатарында өнеркәсіп саласында 14, агроөнеркәсіптік секторда 9, мемлекеттік жекешелік әріптестік бағыты бойынша 3 инвестициялық жобаларды жүзеге асыру туралы меморандумдар бар.
“Baikonyr Invest” – бұл жыл сайын 300 астам шетелдік және отандық бизнес-көшбасшыларының, инвестициялық компания басшыларының, ғылыми-зерттеу институттарының өкілдері мен экономиканың түрлі салаларындағы сарапшыларды басын қосатын ауқымды пікірталас алаңы.
Форумға шетелдік және отандық бизнес-қауымдастық өкілдері, инвестициялық компаниялардың басшылары (“К2АТ” ЖШС Корей компаниясы, “Total Eren” Француз компаниясы, “НЕС” Болгар компаниясы), ғылыми-зерттеу институттары өкілдері арнайы келген. Сондай-ақ, форум жұмысына алыс және жақын 10 мемлекеттен (Иран, Франция, Германия, Македония, Нидерланды Корольдігі, Корея, Канада, Словения, ҚХР, Ресей Федерациясы) инвесторлар қатысуда. Ал, Иран Ислам Республикасынан Төтенше және Өкілетті Елшілер Сабер Маджид Самадзаде және Корея Республикасынан Ким Дэ-Сик пен Нидерланды Корольдігінен Андре Карстенс, Солтүстік Македониядан Меджити Муарем арнайы шақырылған.
Форум барысында пленарлық отырыс пен кездесулер, әр салаға қатысты секциялық жиындар, инвесторлар мен жергілікті тауар өндірушілердің көрмесі ұйымдастырылды. Сондай- ақ, пленарлық отырыста “Байқоңыр “АЭА-жобаларды іске асыруға арналған перспективалы алаң”, “Ауыл шаруашылығында фермерлікті және мал шаруашылығы кластерін дамыту мүмкіндіктері”, ” Мемлекеттік – жекеменшік әріптестікті дамыту перспективалары” тақырыптары бойынша баяндамалар оқылды.
<blockquote>
 “Бұл біздің 11 инвестициялық форумымыз. Алғаш рет ” Baikonyr Invest ” форумын 2013 жылы өткіздік. Алдыңғы 10 форумның нәтижесі бойынша 130 астам меморандумға қол қойылды, облыс экономикасына 1 трлн астам инвестиция тартылды. Аймақта биылғы жылдың 10 айында атқарылған жұмыстардың негізгілерін атап өткім келеді. Қызылорда облысының ең маңызды артықшылықтарының бірі – тиімді логистикалық жағдайға ие екені белгілі. Бүкіл облыс арқылы су артериясы (Сырдария өзені), оның бойымен темір жол және “Батыс Еуропа – Батыс Қытай” халықаралық магистралінің 800 км астам ең үлкен учаскесі біздің өңір арқылы өтеді “-, деді облыс әкімі Қ. Ысқақов.
</blockquote>
Сонымен қатар, форум қатысушылары үшін “Байқоңыр” ғарыш айлағына және “Қорқыт ата” мемориалдық кешеніне экскурсиялық тур ұйымдастырылды.
<img src="https://kyzylorda-news.kz/wp-content/uploads/2019/12/3akinforum2.jpg" alt="" />
<img src="https://kyzylorda-news.kz/wp-content/uploads/2019/12/3akinforum3.jpg" alt="" />

Қызылордада ХІ халықаралық «Baikonyr invest» инвестициялық форумы өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов Қызылорда қаласындағы 700 орындық «Orda School» жеке бастауыш мектебінің ашылу салтанатына қатысты. Сонымен қатар, ҚР Парламенті Сенатының депутаттары және ҚР Білім және ғылым вице-министрі Ш.Каринова арнайы келіп, ҚР Парламенті Сенатының Төрағасы Д.Назарбаева мен вице-премьер Б.Сапарбаевтың құттықтау хаттарын табыстады.
Өңірде балабақшалардың желісі жыл сайын артып келеді. Оның 72 пайызы жеке сектордың үлесінде. Нәтижесінде, 3-6 жастағы балалар мектепке дейінгі тәрбиемен 100 пайыз қамтылған. Облыста үш ауысымды және апатты мектептердің мәселесі де толық шешілген. Аймақ мектептерінің 60 пайызы жаңа модификациялық пәндік кабинеттермен қамтамасыз етіліп, компьютерлер 100 пайызға жаңартылған.
Қазіргі таңда өңірімізде мемлекет пен жеке бизнес секторының арасында тығыз байланыс орнағаны белгілі. Бүгінгі күні Қызылорда қаласында 4 жеке мектеп жұмыс істейді. Мектептерде жан басына қаржыландыру бойынша мемлекеттік тапсырыстар берілген. Осы жұмыстардың алғашқы жемісі ретінде «Orda School» бастауыш мектебі құрылды. Мектептің даму стратегиясына сәйкес ауқымы кеңейіп, заманауи құрал-жабдықтармен жабдықталған 700 орындық жаңа ғимараты қаламыздың сол жағалауындағы жаңа қалада орналасқан.
<blockquote>
 “Тәуелсіздігімізді алған уақыттан бері Тұңғыш Президентіміз – Елбасы Нұрсұлтан Әбішұлы Назарбаевтың қамқорлығымен білім саласына, жас ұрпаққа сапалы білім беруге ұдайы көңіл бөлініп келеді. «Келешектің кілті – білімді ұрпақтың қолында» деген қағидат берік қалыптасты. Міне, соның дәлелі – бүгін тағы бір жаңа мектептің құрылысын аяқтап, пайдалануға бердік. Болашағымыз балаларымыз үшін олардың заманауи технологиямен жабдықталған жаңа ғимаратта сапалы білім алуына барлық жағдай жасалуда. Биылғы жылы тамыз айында Нұр-Сұлтан қаласында өткен республикалық тамыз конференциясында Қазақстан Республикасының Президенті Қасым-Жомарт Кемелұлы Тоқаев білім саласындағы бірқатар өзекті мәселелерге тоқталып, оларды кезең-кезеңімен шешуді тапсырды. Сондай-ақ, Мемлекет басшысы алғашқы Жолдауында педагогтардың мәртебесін көтеру, білім сапасын арттыру, еңбек нарығына сапалы мамандар даярлау, ауыл мектептерінің жағдайын жақсарту мәселелерімен бірге бала тәрбиесіне қатысты нақты басымдықтарды айқындап берді “,- деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/3ordascool2.jpg" alt="" />
<img src="https://kyzylorda-news.kz/wp-content/uploads/2019/12/3ordascool3.jpg" alt="" />
<img src="https://kyzylorda-news.kz/wp-content/uploads/2019/12/3ordascool4.jpg" alt="" />
<img src="https://kyzylorda-news.kz/wp-content/uploads/2019/12/3ordascool5.jpg" alt="" />
<img src="https://kyzylorda-news.kz/wp-content/uploads/2019/12/3ordascool6.jpg" alt="" />

Қызылордада 700 орындық «Orda school» жеке бастауыш мектебі ашылды (ФОТО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Құтқарушылар Қызылордадан 85 шақырымдық тас жолда жолаушылар автобусының аударылып кетуі салдарынан қайтыс болған тағы 1 адамның денесін тапты. Зардап шеккендерді құтқару жұмыстары әлі аяқталмаған.
Төтенше жағдайлар комитеті баспасөз қызметінің мәліметінше, оқиға орнында қайтыс болған тағы бір дамның денесі табылған.
Мәліметке сәйкес, қоғамдық көлікте 35 жолаушы болған.
Жол апатынан осымен 8 адам ажал құшқан, оның бірі ауруханаға апара жатқан жолда жан тапсырған.
<a href="https://kyzylorda-news.kz/oqigalar/qyzylordada-zholawshylar-avtobwsy-awdarylyp-7-adam-azhal-qushty-foto-35044/">Еске сала кетсек</a>, «Қызылорда-Құмкөл» тас жолында жантүршігерлік апат&nbsp;орын алды.&nbsp;Көктайғақтың салдарынан қоғамдық көліктің жүргізушісі рөлді басқара алмай, автобус жолда аударылды.
Оқыс оқиға салдарынан 7 адамның қаза тапқаны анықталды. Жапа шеккен 21 адам автобустан шығарылды.

Қызылорда облысындағы автобус апаты: Тағы бір адам қайтыс болды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>«Қазгидромет» РМК 3 желтоқсанға арналған ауа райы болжамын ұсынады.
Сейсенбі күні Қазақстан территориясының басым бөлігі циклонның әсерінде болады, сонымен байланысты солтүстікте және солтүстік батыстың басым бөлігінде қар жауады. Тек республиканың батысында және шығысында жауын-шашынсыз ауа райы күтіледі. Республиканың кей жерлерінде – тұман, көктайғақ, жаяу бұрқасын, желдің күшеюі сақталады.
Солтүстік Қазақстан, Қостанай, Ақмола, Шығыс Қазақстан облыстарының кей жерлерінде тұман түседі, бұрқасын, желдің жылдамдығы 15-20 м/с жетеді, Солтүстік Қазақстан және Қостанай облысының кей жерлерінде көктайғақ болуы ықтимал.
Қызылорда, Атырау, Ақтөбе, Қарағанды облыстарының кей жерлерінде тұман, көктайғақ, Қызылорда облысының таңертең және күндіз кей жерлерінде жел 15-20 м/с күшейеді.
Алматы, Жамбыл, Түркістан, Маңғыстау, Батыс Қазақстан, Павлодар облыстарының кей жерлерінде тұман түседі, Түркістан, түнде Маңғыстау облыстарының кей жерлерінде, Алматы облысының Жалаңашкөл ауданында жел күшейіп, жылдамдығы 15-22 м/с жетеді.

Қар, бұрқасын, көктайғақ &#8211; сейсенбіге ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін «Қызылорда-Құмкөл» тасжолында жолаушылар автобусы аударылды. Бұл туралы ҚР ІІМ ТЖК баспасөз қызметі хабарлады.
<blockquote>
 «3 желтоқсанда сағат 05:25-те «Қызылорда-Құмкөл» тасжолында жолаушылар автобусының жүргізушісі көктайғақ салдарынан рульді басқара алмай, көлік аударылып қалған» делінген ТЖК таратқан хабарламада.
</blockquote>
Мәліметке сай, автобуста 35 жолаушы болған. Апаттан 7 адам ажал құшқан, оның бірі ауруханаға апара жатқан жолда жан тапсырған.
Автобус «Құмкөл-Қызылорда» бағытында кетіп бара жатқан.
Оқиға Қызылордадан 85 шақырым қашықтықта болған. Қызылорда облыстық ТЖД базасында жедел штаб ұйымдастырылды. (7242) 24-41-61, 70-03-28 телефондары бойынша жедел желі ашылды.
Оқиға орнында ТЖД жеке құрамының 13 адамы мен 4 техникасы, полиция қызметінің 6 қызметкері мен 2 техникасы, жедел жәрдем қызметінің 12 қызметкері мен 4 техникасы жұмыс істеп жатыр.
<img src="https://kyzylorda-news.kz/wp-content/uploads/2019/12/3autobus7adam2.jpg" alt="" />
<img src="https://kyzylorda-news.kz/wp-content/uploads/2019/12/3autobus7adam3.jpg" alt="" />
<img src="https://kyzylorda-news.kz/wp-content/uploads/2019/12/3autobus7adam4.jpg" alt="" />

Қызылордада жолаушылар автобусы аударылып, 7 адам ажал құшты (ФОТО)

Мүмкіндігі шектеулі жандардың халықаралық күні
1992 жылдың аяғында БҰҰ Бас Ассамблеясы мүгедектер онжылдығының (1983-1992) аяқталуына орай 3 желтоқсанды мүгедектер күні етіп жариялады. Кез келген мемлекеттің құндылығы мен ізгілігі балалар мен қарттарға, мүгедектерге деген қарым-қатынасымен айқындалады. Мүмкіндігі шектеулі жандардың халықаралық күні туғанынан өмірдің азабын тартқан жандарға тағы бір назар аударып, жанына желеу болуға мүмкіндік жасайды.
БҰҰ мәліметтері бойынша, әлемде 600 миллион мүгедек жан бар. Олардың 500 мыңға жуығы – қазақстандықтар.
Дүниежүзілік компьютерлік 3D-графика күні
Кәсіби немесе әуесқойлық деңгейде үш өлшемді компьютерлік графика құрумен айналысатын адамдардың ресми емес мерекесі.
Бұл мерекені атап өтуге бастамашы болған Alias System Corporation компаниясы. Күн кездейсоқ таңдалған жоқ. 3 саны мен December айының атауы 3D қысқарған атауын еске салады. Кейде ағылшын тілді дереккөздерде үш өлшемді графика құрметіне мереке 3December деп те аталады.
1993 жылы&nbsp;Бішкекте құрылған рухани байлықтың қайта түлеуіне жәрдемдесуші «Руханият» халықаралық қауымдастығы Қазақстан Президенті Нұрсұлтан Назарбаевқа «Жыл адамы» құрметті атағын берді.
1993 жылы&nbsp;Каспийдің қазақстандық қайраңында геологиялық барлау жұмыстарын жүргізу үшін Халықаралық консорциум құру туралы Келісімге қол қойылды. Шетелдік жеті компаниядан («Аджип», «Бритиш Петролеум», «Статойл», «Бритиш Газ», «Мобил», «Total», «Shell») және бұл жобаның операторы ретінде шыққанг «ҚазақстанКаспийШельфтен» құрылған консорциум аймақтың мұнай әлеуетін үшжылдық геологиялық зерттеу туралы келісімге қол қойды.
2009 жылы&nbsp;Қазақстанда тағы екі халықаралық пошта маркасы шығарылды.
Маркалар фауна мен флораға арналған. Олардың бетінде долана өсімдігі мен итаю бейнеленген. Әрқайсысы 180 теңгеден тұратын 100 мың данадан шығарылды.
Қазпошта маркаларында бұдан бұрын да суреттелген жануарлар мен өсімдіктердің барлық түрлері Қазақстанның Қызыл кітабына енген.
2013 жылы&nbsp;Қазақстан Республикасының Ұлттық банкі «proof» сапасымен номиналы 500 теңгелік «Шығыс күнтізбесі» монеталар сериясынан «Жылқы жылы» алтын және күміс ескерткіш монеталарын айналымға шығарды.
Күмістен және алтыннан жасалған екі монетаның бет және сырт жағындағы бейнелері бірдей. 
«Жылқы жылы» ескерткіш күміс және алтын монеталары – «Шығыс күнтізбесі» монеталар сериясын жалғастыратын төртінші монеталар.

Қазақстан және Қызылорда облысының жаңалықтары

Қызылордада облыстық балалар ұйымының слеті өтеді

Қызылордадағы автобус апаты: Жансақтау бөліміндегі адамдардың жағдайы әзірге белгісіз

«Әлем барысы»: Қола жүлде қызылордалық Мақсат Исағабыловта

Қазақстанда алғаш рет 4 педофилге химиялық кастрациялау қолданылды

Қызылорда облысының Арал ауданында 75 адам жол апатына ұшырады (ФОТО)

Қызылордада өз саласының 20 жас үздігі «Сыр үміті» сыйлығын алды (ФОТО)

Қызылордада ХІ халықаралық «Baikonyr invest» инвестициялық форумы өтті

Қызылордада 700 орындық «Orda school» жеке бастауыш мектебі ашылды (ФОТО)

Қызылорда облысындағы автобус апаты: Тағы бір адам қайтыс болды

Қар, бұрқасын, көктайғақ – сейсенбіге ауа райы болжамы

Қызылордада жолаушылар автобусы аударылып, 7 адам ажал құшты (ФОТО)

3 желтоқсан: Атаулы күндер мен оқиғалар

Қазақстан және Қызылорда облысының жаңалықтары

Қызылордада облыстық балалар ұйымының слеті өтеді

Қызылордадағы автобус апаты: Жансақтау бөліміндегі адамдардың жағдайы әзірге белгісіз

«Әлем барысы»: Қола жүлде қызылордалық Мақсат Исағабыловта

Қазақстанда алғаш рет 4 педофилге химиялық кастрациялау қолданылды

Қызылорда облысының Арал ауданында 75 адам жол апатына ұшырады (ФОТО)

Қызылордада өз саласының 20 жас үздігі «Сыр үміті» сыйлығын алды (ФОТО)

Қызылордада ХІ халықаралық «Baikonyr invest» инвестициялық форумы өтті

Қызылордада 700 орындық «Orda school» жеке бастауыш мектебі ашылды (ФОТО)

Қызылорда облысындағы автобус апаты: Тағы бір адам қайтыс болды

Қар, бұрқасын, көктайғақ &#8211; сейсенбіге ауа райы болжамы

Қызылордада жолаушылар автобусы аударылып, 7 адам ажал құшты (ФОТО)

3 желтоқсан: Атаулы күндер мен оқиғалар

Қар, бұрқасын, көктайғақ – сейсенбіге ауа райы болжамы