<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Сыныпқа 25-тен артық бала қабылдағаны үшін санитарлар мектеп басшыларына жаппай айыппұл салып жатыр. Оның көлемі тіпті жарты миллион теңгеден асады.
Ал Білім министрлігі директорларға қалай араша түсерін білмейді. Мектептерге болысу үшін министрлік Жоғарғы сот және Әділет министрлігімен бірге мәселені шешуге енді кіріспек, деп хабарлайды <a href="https://www.ktk.kz/kz/news/">КТК</a> телеарнасы.
Сыныпқа шамадан асыра бала қабылдаймыз деп айыппұл арқалаған мектептер бүкіл өңірде бар. Оған шыдап отыра алмаған астаналық мектептер шағымын ата-аналар қауымдастықтарына айтыпты. Өздері айта алмаған соң, жоғарыдағыларға назын осылай жеткізген.&nbsp;
<blockquote>
 &nbsp;«Бізге қазір бес мектептің директоры шықты, оларға айыппұл салынып жатыр. Сыныпта 25 баладан көп болып кетті, 30 бала, 40 бала. Сол үшін санэпидемстанция айыппұл салып жатыр. Бізге директорлар кешеден бастап қоңырау соғуда», – дейді «Қолдау» білім беру мекемелерінің қамқоршылар кеңесі» ҚБ төрағасының орынбасары Әсел Сайлаубай.&nbsp;
</blockquote>
Мысал ретінде айтайық. Бас қаладағы №22-мектепте 3654 оқушы бар. Баланың көптігінен үш ауысымға көшудің аз-ақ алдында қалған. Екі жыл бұрын қосымша құрылыс салынып, мектеп аумағы үлкейтіліп, соның арқасында екі ауысым жүйесін сақтап қалған. Дегенмен сыныптар сол күйі оқушыға толы.&nbsp;&nbsp;
<blockquote>
 «Бізде осындай заңнама болғаны өте өкінішті. Біз балаларды оқытуға міндеттіміз. Ал оқушылар тым көп. Биыл бірінші сыныпқа 570 бала қабылдадық. Яғни, 16 бірінші сыныбымыз бар. Сондықтан әр сыныпқа 25 емес, 35-40 баладан отырғызуға мәжбүрміз», -дейді мектеп директоры &nbsp;&nbsp;Ботагөз Жүнісова.&nbsp;
</blockquote>
«Мектеп жеткілікті салынбаса, біздің кінәміз не?» деген ұстаздардың шағымы түсінікті. Мұғалімдердің басындағы мұндай жағдайды Білім министрлігі жақсы біледі. Алайда педагогтар тап болған түйткілдің шешімін әлі таппаған.&nbsp;
<blockquote>
 «Елімізде 7 мың мектеп бар. Әрқайсысының мәселесіне назар аударып үлгере алмаймыз. Енді мұндай жағдайлар қайталанбас үшін жақын арада Жоғарғы сот, Әділет министрлігімен бірлескен бұйрық шығарамыз деген ойдамын», – дейді ҚР Білім және ғылым вице-министрі Бибігүл Асылова.&nbsp;
</blockquote>
Бір жағынан бақылаушы орындар да «бей-берекет айыппұл салмаймыз» деп мән-жайды түсіндіріп әлек. Олардың айтқаны, әңгіме бір ғана бала санына тіреліп тұрған жоқ. Мектептің ішкі санитарлық жағдайы, қажетті заттармен қамтамасыз етілуі түгел қаралады. «Соған сай келмеген жағдайда ғана шара қолданамыз», – дейді.&nbsp;
<blockquote>
 &nbsp;«Бір жылдың ішінде өндірістік бақылау жасалу керек. Ол жарықтандыру, микроклимат, оның бәрін директорлар тексеру керек. Неге десеңіз, жарық, микроклимат кемшіліктері болса, балалардың денсаулығына зияны тиеді. Оның ішінде өте тығыз орналасқан дейміз. Сыныпта 25 емес, 30дан астам, 45-тен астам бала оқитыны бар», – дейді Нұр-Сұлтан қаласы тауарлар мен қызмет сапасын бақылау департаменті басшысының міндетін атқарушы Сарқыт Бейсенова. &nbsp;&nbsp;
</blockquote>
Биылдыққа осындай себеппен 27 мектеп жаза арқалапты.&nbsp;
Жоғарғы сот, Білім, ғылым, Әділет министрліктері болып үшжақты келісімге келсе, мектептерге бала санына қатысты әкімшілік шара қолдану тоқтатылмақ. Ал осыған дейін айыппұлға жегіліп жарты миллион теңге төлеп қойғандарына ақшасы қайтарылмайды. Себебі, заңда ондай тәртіп қарастырылмаған.

Сыныпқа 25-тен артық бала қабылдаған мектеп директорларына жаппай айыппұл салынып жатыр

<a href="https://kyzylorda-news.kz/">Kyzylorda-news.kz.</a>&nbsp; Халықаралық ауыр атлетика федерациясы (IWF) ресми түрде қазақстандық ауыр атлет Владимир Седовтың 2008-2016 жылдар аралығындағы нәтижелерін жойды, <a href="https://baq.kz/news/othernews/auyr-atletikadan-lem-chempiony-vladimir-sedov-barly-ata-ynan-ayyryldy/">BAQ.KZ</a>.&nbsp;
2016 жылдың жаз айында Халықаралық Олимпиада комитеті (ХОК) пен Дүниежүзілік допингке қарсы агенттік (WADA) Седовтың допинг-сынамасын қайта тексерген болатын. Үштөбе қаласының тумасының қанынан 2008 жылғы Пекин Олимпиадасында “станозолол” препараты табылған. Осыдан соң спортшы 8 жылға спорттан шеттетілді (01.08.2016 – 01.08.2024). Өйткені, отандасымыз оның алдында 2006 жылы да допингпен ұсталып, 2 жылға жарыстардан тыс қалған болатын&nbsp; (18.05.2006 – 18.05.2008).
Бірақ 2016 жылы Седовтың тек Пекин Олимпиадасындағы нәтижесін жойған еді. Ол кезде спортшы төртінші орын алған. Енді, міне, Седовтың өзге де атақтарынан айырып отыр.&nbsp;Седов 2009 жылғы әлем чемпионы, 2009 және 2016 жылғы Азияның екі дүркін чемпионы, 2011 жылғы Азия чемпионатының күміс жүлдегері, сонымен қатар, 2013 жылғы әлем чемпионаты мен 2014 жылғы әлем чемпионатының қола және күміс жүлдегері атақтарынан да айырылатын болады.

Тағы бір қазақстандық ауыр атлет барлық атағынан айырылды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Nur Otan партиясының ұйым­дастыруымен «Нұр-Сұлтан – Түркістан» ұлы ма­рафоны Қызылордада жал­ғасын тапты.
Марафонның басты міндеті – жас ұрпақты патриотизм және Отанын құрметтеуге тәрбиелеу, сонымен бірге салауатты өмір сал­тын насихаттау.
Тәуелсіздік күні мен жаңа Түр­кістан аймағын дамытуға ба­­ғыт­талған «Нұр-Сұлтан – Түр­кіс­тан» ұлы марафоны бастау ал­ған болатын. Қа­зақ­стан құры­лысшылар ода­ғы, Nur Otan пар­тиясының қол­дауымен ұйымдас­тырылған жа­­рысқа 10 тәжірибелі ультра­ма­­рафоншы қатысып жатыр. Нұр-Сұлтан – Сабынды – Жан­теке – Қорғалжын – Баршино – Қызылжар – Жезқазған – Қы­зылор­да – Түркістан бағытында жү­гіріп өтпек.
Марафоншыларды Nur Otan партиясы және Jas Otan Жастар қанаты Қызылорда облыстық филиалының белсенділері қарсы алды.
Ұйымдастырушылармен бір­ге ұлы марафонның ашы­лу салтанатына танымал спорт­шылар, депутаттар, Nur Оtan пар­тиясының өкілдері, қоғам қайраткерлері, кәсіпкерлер, құры­лысшылар қатысты.
Бір аптада марафоншылар эстафетаны әр 10 шақырымнан жүгіріп өтіп, 1 400 шақырым жол­ды өтуі керек. Сонымен қа­тар ма­рафон аясында халықпен кездесулер өткізіледі.
Ұлы марафон жүгірушілері Қарағанды облысы аумағындағы Бетпақдала шөлі арқылы жүгіріп өтеді. Ұйымдастырушылар мен қатысушылар үшін маршруттың бұл бөлімі аса қауіпті мекен са­налады. Жылдың осы уақы­тында шөл далада қарлы бо­ран соғады. Сондықтан мара­фонға жүгіру­шілер мен тәжіри­белі құт­қарушылар тобы, соны­мен қатар медициналық қызмет­керлер бірге еріп жүреді.

«Нұр-Сұлтан – Түркістан» ұлы марафоны Қызылордада жалғасты

<a href="https://kyzylorda-news.kz/">Kyzylorda-news.kz.</a> «Самұрық» инновациялық идеяларды дамыту орталығы» қоғамдық қоры «Үздік аула» байқауын ұйымдастырып, қаладағы бір қатар мемлекеттік және жеке нысандарда рейд жұмыстарын жүргізді.
<blockquote>
 «Көше тазалығын сақтауға бағытталған рейд барысында 6 мекеме, 4 көше, 3 оқу орнының ауласы тексерілді. Байқаудың негізгі мақсаты көшелердің тазалығын сақтап мекемелердің ауласын тәртіпке келтіріп, абаттандыру көгалдандыру жұмыстарын қолға алу. Сонымен қатар аула сыпырушыларға олардың ауыр жұмысы үшін алғыс білдіруге мүмкіндік беріп отыр», – дейді қоғамдық қордың жетекшісі Жандос Тұсмағамбетов.
</blockquote>
Байқау қорытындысы арнайы құрылған комиссия мүшелерімен талқыланып жеңімпаздар анықталды. І орынды «Қызылорда электр тарату тораптары компаниясы» АҚ жеңіп алды. ІІ орынды М.Мәметова атындағы Қызылорда педагогикалық жоғары колледжі иеленсе, ІІІ орын Қазақ гуманитарлық заң және техникалық жоғары колледжі&nbsp;&nbsp;&nbsp; алды. Жеңімпаздар «Самұрық» инновациялық идеяларды дамыту орталығы» қоғамдық қорының арнайы әзірлеген сыйлығымен және дипломмен марапатталды.

Қызылордада «Үздік аула» анықталды

<a href="https://kyzylorda-news.kz/">Kyzylorda-news.kz.</a> Үкімет басшысының орынбасары – қаржы министрі Әлихан Смайылов патент негізінде жұмыс істейтін кәсіпкерлер салықтан қалай босатылатынын түсіндірді, деп хабарлайды&nbsp;<a href="https://sputniknews.kz/economy/20191205/12207578/salyk-ukimet-tusinikteme.html">Sputnik Қазақстан</a>.
Оның айтуынша, бүгінде патент сияқты арнайы салық режимімен жұмыс істейтін кәсіпкерлер жыл соңында есеп-қисапты тапсырып, салықты толығымен төлеп тастауға міндетті. Ал президенттің тапсырмасы бойынша осы санаттағы бизнесмендер де үш жылға салықтан босатылуы шарт.
<blockquote>
 “Мәселен, келесі жылы жаңа патент алу үшін кәсіпкерлер биыл желтоқсан соңында есептерін тапсырып, салықты төлеп қоюы тиіс. Бұл – салық кодексінің тапсырмасы. Мемлекет басшысы оларды да үш жылға салық төлеуден босатуды тапсырған болатын. Осыған байланысты тиісті шешім қабылданды. Олар жылдың соңында есеп-қисапты тапсырғанда, “жеке табыс салығы” деген жерде “0”-ді қояды. Осылайша, биыл олар салық төлемейді”, – деді Смайылов сенаттың пленарлық отырысында.
</blockquote>
Министрдің сөзіне қарағанда, бүгінде республика бойынша 88 мың кәсіпкер патентпен жұмыс істейді. Олардың жалпы салығы 350 миллион теңгені құрайды.
Айта кетейік, мемлекет басшысы Қасым-Жомарт Тоқаев өзінің алғашқы халыққа арнаған жолдауында шағын және микро бизнесті салықтан босатуға тапсырма берген болатын.
<blockquote>
 “Үкіметке микро және шағын бизнесті үш жылға табыс салығынан босату туралы заң жобасын әзірлеуді тапсырамын”, – деді Тоқаев халыққа арнаған жолдауында.
</blockquote>
Тиісті нормативтік өзгерістер 2020 жылдан күшіне енуі тиіс. Бұдан бөлек, келесі жылы қаңтар айынан бастап микро және шағын бизнесті тексеруге үш жылға тыйым салынады.

Жыл соңында кімдер салық төлемейтінін білесіз бе?

<a href="https://kyzylorda-news.kz/">Kyzylorda-news.kz.</a> «Nur Otan» партиясы облыстық филиалы төрағасының бірінші орынбасары Ақмарал Әлназарова азаматтарды жеке мәселелері бойынша қабылдап, олардың шешілуін өзінің тікелей бақылауына алды.
Жалпы қабылдауға қала тұрғындарынан бөлек, Сырдария, Жалағаш аудандарынан барлығы 12 азамат келіп өз өтініштерін білдірді. Олардың 3-уі жазбаша түрде.
Көтерілген мәселелерге тоқталсақ, қала тұрғыны А.Ермағанбетова мүгедек баласының сырқатына байланысты медициналық препарат алып беруге&nbsp;көмек сұрады. Аталған препараттың бағасы қомақты қаржыны талап ететіндіктен, бұл мәселені демеушілер арқылы шешу түсіндірілді.
Науқас қызының еміне квота қарастыру мәселесі бойынша қабылдауға келген Г.Алибаеваның өтінішінің оң шешілуіне №2 емхана арқылы ықпал етілді.
Ал азаматша К.Айбакованың Чернобыль апатына қатысқан күйеуі А.Курбановтың пәтер кезегінде біраз жыл болғанымен, әлі күнге дейін ала алмай жүргені туралы шағымы бойынша арнайы комиссиямен тексеру жүргізілетіні ескертілді.
Сондай-ақ, баласын емдету, баспанамен қамтамасыз ету, еңбек дауы, қаржылай көмек беру, жұмысқа орналастыруға ықпал ету жайлы өтініштерімен қабылдауда болған 6 азаматтың өтініші назарға алынып, тиісті жұмыстар жүргізілетін болды.

Қызылордада партия төрағасының орынбасары тұрғындарды қабылдады

<a href="https://kyzylorda-news.kz/">Kyzylorda-news.kz.</a> Қазақстан Республикасының халқына тегін медициналық көмектің кепілді көлемі шеңберінде жедел жәрдем және санитарлық авиация, алғашқы медициналы-санитарлық көмек, шұғыл стационарлық көмек, паллиативтік көмек көрсетілетін болады.&nbsp; Әлеуметтік маңызы бар және негізгі созылмалы аурулар кезінде медициналық көмектердің толық қызметі көрсетіле отырып, дәрі-дәрмекпен қамтамасыз етіледі.&nbsp; Осы және өзге де көрсетілетін көмектер медицина қызметкерлеріне арналған семинарда талқыланды.
Қызылорда облысы бойынша Әлеуметтік медициналық сақтандыру Қоры филиалының медициналық қызметтері сапасының мониторингі бөлімінің басшысы&nbsp;&nbsp; Гүлнар Кенжебаева өз баяндамасында медициналық көмекті көрсету саласының нормативтік-құқықтық базасындағы өзгертулер, ТМККК және МӘМС пакеттеріне кіретін медициналық қызметтердің тізімі туралы түсіндірді. Сондай-ақ семинарда халыққа алғашқы медициналық-санитарлық көмек көрсету және стационарлық, стационарды алмастыратын көмектер туралы бизнес-процесстер талқыланды.&nbsp;
Тренинг қатысушылары – облыстың медициналық мекемелерінің мамандары өздеріне бағынышты медициналық мекемелерінің қызметкерлерін каскадті тәсілмен оқытатын болады.&nbsp;
<img src="https://kyzylorda-news.kz/wp-content/uploads/2019/12/5gobmposms2.jpg" alt="" />

Қызылордада медицина қызметкерлері білімін жетілдірді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Отандық әуе компаниялары ішкі бағыттар бойынша ұшақ билетінің орташа құнын орта есеппен 12% -ға төмендетті, деп хабарлайды ҚР Индустрия және инфрақұрылымдық даму министрлігінің баспасөз қызметі.
Баспасөз мәліметтеріне қарағанда, мемлекет басшысының әуе тасымалдары бағасын төмендетуге қатысты тапсырмасын орындау мақсатында отандық әуе компаниялары ішкі бағыттар бойынша авиабилеттің орташа құнын орта есеппен 12% -ға төмендетті.
Қазақстандағы алғашқы бюджеттік әуе компанияны іске қосу әуе тасымалдар нарығына елеулі әсер етті және жалпы алғанда ішкі нарықтағы бәсекелестікті арттыруға мүмкіндік берді. Бұл ұшақ билеттері тарифтерінің төмендеуіне ықпал етті.
Fly Arystan әуе компаниясының нарыққа келуімен Қазақстан әуежайларында жолаушылар ағынының өсуі байқалды, Нұр Сұлтан – 48%, Алматы – 45%, Семей – 1013%, Тараз – 734%, Павлодар – 117%, Қарағанды ​​- 90%, Шымкент – 57 %, Орал – 54%.
Қазақстан Республикасының Индустрия және инфрақұрылымдық даму министрлігі мүдделі мемлекеттік органдармен және квазимемлекеттік субъектілерімен бірлесіп ұшақ билеттерінің құнын төмендету бойынша бірқатар шараны қолдану бойынша жұмыс жүргізуде.
Сонымен бірге, Мемлекет басшысының әуеотынға бағаны төмендетуге қатысты тапсырмасын орындау мақсатында Индустрия және инфрақұрылымдық даму вице-министрі Б. Камалиев Қазақстанда ұшуларды жүзеге асыратын шетелдік әуе компаниялары мен негізгі әуежайлармен кеңес өткізді.
Мемлекет меншігіндегі әуежайларға авиаотынның құнын орташа нарықтық деңгейге дейін төмендету және шетелдік әуе компаниялармен шарттардың осы шешіміне сәйкес келтіру тапсырылды.
Авиаотынның құны әуе тасымалдары құнының ең үлкен үлес салмағын алады-30 % дейін.
Кездесуге Нұр-Сұлтан, Қарағанды, Алматы, Шымкент, Ақтау қалаларының әуежайлары және «Air China Limited», «China Southern Airlines», «Turkish Airlines», «Атласглобал», «Аэрофлот», «Fly Dubai», «Uzbekistan Airways», «Pegasus», «Etihad Airways», «Siberia Airlines», «Ural Airlines» және «Белавиа» шетелдік әуе компанияларының өкілдері қатысты.
Жалпы алғанда, авиаотын мен әуе билеттерінің құнын төмендету мәселесі министрліктің тұрақты бақылауында болады және осы мәселе бойынша жұмыс тұрақты негізде болады.

Қазақстанның әуе компаниялары ұшақ билеттерін құнын төмендетті

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрі Асхат Аймағамбетов білім саласында қазақ тілі әліпбиін латын графикасына көшіру үрдісі туралы түсініктеме берді, деп хабарлайды <a href="http://lenta.inform.kz/kz/bilim-ministri-zhana-alipbide-zhazylgan-okulyktar-kashan-shygarylatynyn-aytty_a3591692">ҚазАқпарат</a>.
<blockquote>
 «Қанатқақты жобаның мақсаты тиісті нәтиже алуға негізделген. Қазіргі кезде Мәдениет министрлігіне осы бағытта пысықтау шараларын жүргізу туралы тапсырма берілді. Яғни ережелер бекітілгеннен кейін, біз қажетті жұмыстарды іске асырамыз», – деп тоқталды министр.
</blockquote>
Осы орайда латын графикасындағы жаңа әліпбиге көшу процесі ұзақ екенін атап өтті.
<blockquote>
 «Бүгінде бұл бағытта тиісті жетілдіру жұмыстарын жүргізу туралы Президенттің тапсырмасы бар. Әзірге, жан-жақты пысықталған әрі бекітілген нұсқасы жоқ, сондықтан 2020 жылы мектепте латын графикасындағы әліпбимен оқытылады деп айта алмаймыз. Бұл бағыттағы жұмыстар тиісті уақытты қажет етеді. Алдымен ережелерді бекіту керек, кейіннен қанатқақты жоба жүргізіледі. Тек осыдан кейін ғана біз қажетті дайындықты жүргіземіз. Осы шаралар атқарылғаннан соң, оқу-әдістемелік құралдар мен оқулықтар әзірленеді», – деді Аймағамбетов.
</blockquote>

Білім министрі жаңа әліпбиде жазылған оқулықтар қашан шығарылатынын айтты

<a href="https://kyzylorda-news.kz/">Kyzylorda-news.kz.</a> Жарылғыш заттарды заңсыз сақтаған Байқоңыр тұрғынына қатысты қылмыстық іс қозғалды, деп хабарлайды&nbsp;&nbsp;Байқоңыр кешенінің прокуратурасы.
46 жастағы жергілікті тұрғын үш жылдан астам уақыт бойы өзінің пәтерінде әрқайсысының салмағы 200 грамм болатын 3 тротил шашкаларын сақтағаны анықталды.
Қазіргі уақытта жарылғыш заттарды құқық қорғау органдарының қызметкерлері тәркілеген.
Оқиғаның мән-жайы анықталуда.

Байқоңыр қаласының тұрғыны өз үйінде жарылғыш заттар сақтаған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 086/у медицина анықтамасын енді жылына бірнеше рет қолдануға болады. Бұл туралы Цифрлық даму, инновациялар және аэроғарыш өнеркәсібі министрлігі мәлімдеді, деп хабарлайды <a href="https://kaz.tengrinews.kz/damu/086-meditsina-anyiktamasyin-brneshe-ret-koldanuga-boladyi-303159/">Tengrinews.kz</a>.&nbsp;
Министр Асқар Жұмағалиевтің сөзінше, жақында бірнеше ведомство өкілдері бұдан бөлек қандай қызметті электрон форматқа өткізуге болатынын және қандай құжаттан бас тартуға болатынын талқылады.
<blockquote>
 &nbsp;“Біз 15 мемлекеттік қызметті автоматтандыруды ұсындық. 13-ін алып тастап, ал 9 бизнес процесті жеңілдетуге мүмкіндік бар екенін анықтадық. Электрон форматқа өткізуге болатын құжаттардың тізімінде 086/у анықтамасы да бар. Ол ең қажет құжат болғандықтан оны онлайн режимге өткізу азаматтар үшін маңызды. Дәрігерлік тексеруден өткеннен кейін тұрғындар анықтаманы eGov арқылы алады. Яғни, пайдаланушы құжатты тез әрі оңай жеке кабинетінен не eGov mobile бағдарламасы арқылы бір жыл аралығында жүктеп, падалана алады”, – дейді Асқар Жұмағалиев Facebook желісіндегі парақшасында.&nbsp;
</blockquote>
Министрліктің баспасөз қызметінің мәліметінше, азаматтар медициналық тексеруден міндетті түрде өтуі керек. Алдағы таңда бұл анықтама eGov порталында қазақстандықтардың жеке кабинетінде сақталатын болады. Мәселен азамат бір жылда бірнеше рет жұмысын ауыстырса, әр кез сайын 086/у анықтамасы керек болады. Бұл жағдайда ол бұған дейін жасалған медицина анықтамасын пайдалана алады.

Енді 086 медицина анықтамасын бірнеше рет қолдануға болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сырдарияның қызылордалық бөлігінде су деңгейі қауіпті деңгейге жақындап келеді, деп хабарлады «Қазгидромет» РМК баспасөз қызметінен.&nbsp;
<blockquote>
 «Мұздық құбылыстарға байланысты Сырдария өзені – проток Жосалы ГБ-де су деңгейі қауіпті белгіге жақындады. Нақты деңгей 08:00-де 638 см (…) Су деңгейінің одан әрі көтерілуі күтіледі», – делінген бейсенбіде таратылған хабарда.
</blockquote>
Синоптиктер атап өткендей, қауіпті деңгей: 665 см (судың өзен жайылмасына шығуы).
<blockquote>
 «Шекті деңгей 720 см. (елді-мекенді су басу)», – делінген хабарда.
</blockquote>

Қазақстан және Қызылорда облысының жаңалықтары