<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы «Бизнестің жол картасы 2020» мемлекеттік бағдарламасының «Кәсіпкерлікті қолдаудың қаржылай емес шаралары» төртінші бағыты бойынша қызмет көрсетуге ҚР азаматтарынан іріктеуге өтініш қабылдау басталғандығын хабарлайды.
Өтініштер 2019 жылдың 17 желтоқсан сағат 18.00 дейін қабылданады. Өтінішке қосымша:
1) жеке куәлік көшірмесі;
2) жұмыс өтілін растайтын құжат көшірмесі;
3)Сауалнама бойынша Үміткер құжаттары, растайтын қосымша құжаттарымен бірге (диплом көшірмесі,&nbsp; аттестат,&nbsp; куәлік, қызмет көрсетілгендігі туралы акт және т.б.).
Іріктеуге қатысуға өтініш үлгісі мен шарттарын Қызылорда облысының кәсіпкерлер палатасы кеңсесінен алуға болады: Желтоқсан көшесі,12 немесе gu.kurmantayeva@atameken.kz&nbsp; электрондық поштасы арқылы алуға болады.
Байланысатын тұлға: Қызылорда облысының Кәсіпкерлер палатасының сарапшысы- Құрмантаева Гүлнұр Жаңабергенқызы.
Тел. 8/7242/400874

Кәсіпкерлік палатасы іріктеуге құжаттар қабылдайды

<a href="https://kyzylorda-news.kz/">Kyzylorda-news.kz.</a> Кеңес Одағының батыры Үрмәш Түктібаев атындағы ауылда «Катюша» сауда орталығы пайдалануға берілді.
Аудан орталығынан 70 шақырым қашықтағы Алға ауылдық округінен ашылған сауда орталығынан тұрғындарға қажетті азық-түлік пен керек-жарақтың барлығы табылады. Бағасы да аудан орталығындағы базар нарқынан төмен болмаса қымбат емес.
Сауда орталығының ашылу салтанатында Алға ауылдық округінің әкімі Абдолла Төлемісов, еңбек ардагері Байғабыл Әбсұлтанов құттықтау сөз сөйлеп, «кәсіпкерлік нысан ел игілігіне қызмет етсін» деген тілектерін жеткізді.
Кәсіпкерлік саласын дамытуға елеулі үлес қосқан жеке кәсіпкер Рая Жасақбайға аудандық кәсіпкерлік, өнеркәсіп және туризм бөлімінің басшысы Ақтілеу Бөріқұлақов облыстық кәсіпкерлік және туризм басқармасының «Алғыс хатын» табыстады.
Жаңа ашылған сауда орталығын аудан әкімі Мұрат Ергешбаев аралап көріп, кәсіпкердің жұмысына сәттілік тіледі.
<img src="https://kyzylorda-news.kz/wp-content/uploads/2019/12/10kasipkerlik2.jpg" alt="" />
<img src="https://kyzylorda-news.kz/wp-content/uploads/2019/12/10kasipkerlik3.jpg" alt="" />
<img src="https://kyzylorda-news.kz/wp-content/uploads/2019/12/10kasipkerlik4.jpg" alt="" />

«Катюша» қазалылықтарға қызмет етеді

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының ұйымдастыруымен Достық үйінде Қоғамдық келісім кеңесінің кезекті отырысы болып өтті. Оған облыстық ауылшаруашылық басқармасының басшысы Қамбарбек Мүбараков, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Гаухар Қалмақова, қала және аудандардан келген Қоғамдық келісім кеңесінің төрағалары мен мүшелері және БАҚ өкілдері қатысты.
Отырыс модераторы «Қоғамдық келісім» КММ директорының орынбасары, облыстық Қоғамдық келісім кеңесінің төрағасы Асылбек Жұмабаев «Дипломмен ауылға» бағдарламасын және жастар практикасын жетілдіру мәселелерін ортаға салды. &nbsp;&nbsp;
«Дипломмен ауылға» бағдарламасы бойынша облыстық ауылшаруашылық басқармасының басшысы Қамбарбек Мүбараков баяндама жасап, Елбасы Н.Назарбаевтың тапсырмасымен 2009 жылдан бері іске асырылып келе жатқан «Дипломмен – ауылға!» әлеу­меттік бағдарламасы ел болашағы – жастарымыздың өз мамандықтарына сай жұмысқа орналасып, баспана алып, өмірден орындарын табуларына, сондай-ақ ауылдық елді мекендерді денсаулық сақтау, білім беру, әлеуметтік қам­сыздандыру, мәдениет, спорт және ауыл шаруашылығы сала­ларының&nbsp; жас мамандарымен қамтамасыз етуге қолайлы мүм­кіндік бергендігін тілге тиек етті.
<blockquote>
 «2019 жылға 323маманға бір жолғы көтерме жәрдемақы төлеуге 61,6 млн теңге, тұрғын үй несиесіне 503маманға 1,9 млрд теңге бөлінді.
 Бүгінгі күні 323 маманға 61,6 млн теңге көлемінде көтерме жәрдемақы берілсе, 521 маманға 1&nbsp;902,4&nbsp;млнтеңге сомасында тұрғын үй несиесі берілді.&nbsp;
 Жалпы, аталған жобаға қатысушылар саны жылдан жылға артуда. Жобаны жүзеге асыру аясында берілетін бюджеттік несие көлемі бойынша биылғы жылы біздің облыс республикада алдыңғы қатарда.
 Елбасы биыл «жастар жылы» аясында аталған жобаға енгізілетін мамандықтардың тізімін кеңейту және мамандарға төленетін көтерме жәрдемақы мөлшерін 70-тен 100 айлық есептік көрсеткішке дейін арттыруды тапсырған болатын.
 Осыған байланысты, Ұлттық экономика министрлігіне 2020-2022 жылдарға 2 971 маманға көтерме жәрдемақы беру жөнінде енгізілген ұсынысқа сәйкес 2020-2022 жылдары мамандарға 100&nbsp; айлық есептік көрсеткіш көлемінде көтерме жәрдемақы төлеуге қосымша&nbsp; 249,9 млн теңге бөлінді.
 Сонымен қатар, 2020 жылы 566 маманды тұрғын үй несиесімен қамтамасыз ету үшін республикалық бюджеттен 2 250,7 млн теңге қаржы бөлінді», – деді.
</blockquote>
Ал облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Гаухар Қалмақова жастар тәжірибесін жетілдіру бойынша атқарылған шараларға тоқталып өтті.
<blockquote>
 «Еңбек»мемлекеттік бағдарламасы аясында жыл басынан 29649 адамқатыстырылды. Оның ішінде, ауыл тұрғындары – 57 пайыз, қала тұрғындары – 43 пайыз құрады. Кәсіпкерлік бастамаларды дамытуға 10,5 млрд теңге қаржы бөлінген. Нәтижесінде 948 адам шағын несие алып, қосымша 843 жаңа жұмыс орындарды ашты. Жаңа бизнес – идеяларды іске асыруға мемлекеттік грант 2662 адамға грант беріліп өз кәсіптерін ашты. Бұл бастаманың да мөлшері 2020 жылдан бастап барлық бағдарлама қатысушыларына 200 айлық есептік көрсеткіш көлемінде берілетін болады. Осылайша кепілі жоқ азаматтарға кәсіпкерлікпен айналысуға мүмкіндік береді.
 Жұмыспен қамтудың белсенді шараларымен 25405адам қамтылды, соның ішінде бос жұмыс орындарына орналасқаны – 14353адам, әлеуметтік жұмыс орындарына – 1254адам, жастар тәжірибесіне – 3114 адам. Тұрақты жұмысқа орналасқаны – 499 адам.
 Халықты тұрақты жұмыспен қамту мақсатында біз барлық мүмкіндіктерді пайдаланамыз. «Еңбек биржасы» электрондықпорталын пайдалану үшін халық және жұмыс берушілер арасында&nbsp; бос жұмыс орындарын ұсыну жөнінде түсіндірме жұмыстары кеңінен жүргізілуде. Биылғы жылы&nbsp; жұмыспен қамтылғандар саны&nbsp; 13109адамды құраса, оның 64 пайызы жұмыспен қамту орталықтары арқылы, ал осы портал арқылы, ал 36 пайызы&nbsp; жұмыспен қамтылды. Бұл да өз кезегінде халықтың цифрлық сауаттылығын арттырады.
 Жалпы бағдарламаның белгіленген параметрлері облыста орындалып келеді. Еңбек нарығындағы жағдай бір қалыпты,&nbsp; жұмыссыздық деңгейі 4,8 пайыз көлемінде жыл соңына дейін сақталатын болады», – деді.
</blockquote>
Айта кететіні ендігі кезекте жастар тәжірибесінен өткен жас мамандардың тұрақты жұмыспен қамтылу деңгейін көтеруге «Еңбек» бағдарламасына жаңадан енгізілетін 2 жоба мүмкіндік береді. «Алғашқы жұмыс орны» жобасы – жастардың жұмыспен қамту мүмкіндіктері кеңейтіп,&nbsp; 2 жылға дейін жұмыспен қамтылып, алғашқы жылдың еңбек ақысы бюджеттен субсидияланады. Ал, «Ұрпақтар байланысы» жобасы – зейнеткерлік жасқа жеткен қызметкер-тәлімгердің қасына бағдарламаға қатысушы 18 айға тұрақты жұмысқа орналасады. Әрі қарай тәлімгердің орнына жас маман ауыстырылады.
Отырыс аясында кеңес мүшелері жастар тәжірибесі аясында еңбек лагерьлерін ұйымдастыру арқылы жастарды ауылшаруашылық саласына тартуға ұсыныс білдірді. Сонымен бірге тәжірибе алуға келген әрбір жас маманға өз саласы бойынша білікті тәлімгерді бекіту маңызды екендігін ортаға салды.

Қоғамдық келісім кеңесінің кезекті отырысы өтті

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Сырдария ауданы Айдарлы&nbsp; елді мекенінен 10 шақырым жерде «Иж Планета» мотокөлігін басқарып жүрген 2 азамат қолға түсті. Көлікті тексеру барысында &nbsp;11 қоян, 2 ұнғылы 16 калибірлі мылтық және жарық шамдарын тапты. &nbsp;
Аталған дерек бойынша Қазақстан Республикасы Қылмыстық Кодексінің 337-бабының 1-бөлігімен (Заңсыз аңшылық) тергеп-тексеру амалдары жүргізілуде. Егер аталған тұлғалардың кінәсі дәлелденсе,&nbsp; белгiлi бiр лауазымдарды атқару немесе белгiлi бiр қызметпен айналысу құқығынан екі жылға дейінгі мерзімге айырады. Мүлкі тәркіленіп, 160 (бір жүз алпыс) айлық есептiк көрсеткiшке дейiнгi мөлшерде айыппұл салынады. Немесе сол мөлшерде түзеу жұмыстарына не бір жүз алпыс сағатқа дейiнгi мерзiмге қоғамдық жұмыстарға тартылмақ. Қырық тәулікке дейінгі мерзімге қамаққа алуға не шетелдікті немесе азаматтығы жоқ адамды Қазақстан Республикасының шегінен тысқары жерге бес жыл мерзімге шығарып жіберуге жазаланады.

Қызылордада заңсыз қоян аулаған 2 азамат ұсталды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Ауыр атлетикадан Қазақстан құрамасы Катар кубогы турниріне қатысады. Аталған турнирде 2020 жылғы Токио Олимпиадасына жолдама беріледі, деп хабарлайды <a href="http://lenta.inform.kz/kz/auyr-atletika-il-ya-il-in-katar-kubogyna-katysady_a3592963">ҚазАқпарат</a>.
Катар кубогында олимпиадалық салмақ дәрежесінде жүлделер үлестіріледі. Оған қазақстандық құрама мүшелері толық құрамда бара алмайды. Дүбірлі додада еліміздің атынан бақ сынайтын спортшылар қатарында төрт дүркін әлем чемпионы Илья Ильин 96 келіде жарыс жолына шығады. Ал 61 келіде Игорь Сон, 81 келіде Нижат Рахимов пен Денис Уланов, 109 келіде Ибрагим Берсанов жарыс көрігін қыздырады. Аталмыш турнирде қыздар арасынан Екатерина Быкова (76 келі) және Раушан Мешітханова (87 келі) бақ сынайды.
Катар кубогы 19-24 желтоқсан аралығында өткізіледі.

Илья Ильин Катар кубогына қатысады

<a href="https://kyzylorda-news.kz/">Kyzylorda-news.kz.</a> Бүгін 7:50-ден бастап, ауа-райының нашарлауына байланысты&nbsp;(көктайғақ)&nbsp;республикалық маңызы бар М-32 «Самара-Шымкент» автомобиль жолының 1702-1606 шақырымы аралығы бойынша (Қармақшы ауданының Кемесалған бекетінен Жалағаш ауданының шекарасына дейін)&nbsp;барлық көлік құралдарының қозғалысына жол жабық.

Қармақшы-Жалағаш жолы көктайғақ болуына орай жабылды

Қазалы ауданы Түктібаев ауылындағы «Қожа Орынбет Ишан» мешітінің ұйымдастыруымен «Мәуліт – мереке, өсиет-өнеге» атты аудандық жыршы-термешілер фестивалі өтті.
Қасиетті Мәуліт мерекесіне орай ұйымдастырылған бұл шараға Қазалы ауданының өнерпаздарымен қатар, көршілес Қармақшы ауданынан да жыршы-термешілер қатысты.
Халықты имандылыққа шақыратын шарада аудан әкімі Мұрат Ергешбаев сөз сөйледі.
<blockquote>
 «Бүгін қасиетті мерекеге орай аудандық жыршы-термешілердің фестивалі ұйымдастырылып отыр. Жыршы-термешілер қазақ ауыз әдебиетінің озық үлгілерін халық арасында белсене насихаттап жүрген өнерпаздар. Осындай өнегелі жандардың өнерін өскелең ұрпаққа дәріптеп, насихаттау – біздің парызымыз. Бұл бір жағынан, асылды ардақтаудың, жыршы-термешілерді бағалаудың үлгісі, ұрпақтар сабақтастығының жарқын көрінісі болатындығына сөз жоқ.Сондықтан бүгінгі шарада өнер көрсеткен өзіндік мақамы бар жыршы-термешілерге алғыс айтамыз. Өнер жолындағы алар асуларыңыз асқақтап, халықтың көзайымына айнала беріңіздер» – деді Мұрат Ергешбаев. &nbsp;
</blockquote>
Сондай-ақ, аудандық ардагерлер кеңесінің төрағасы Оразғали Бекбанов та сөз сөйлеп, бұл шараның мән-маңызына тоқталды.
Сахна төріне көтерілген дүлділдер Жәнібек Құтмаханов, Гүлбану Досанова, Жанболат Өмірзақ, Едіге Айдаров, Базарбай Нұрым, Сәкен Боранқұлов, Ақан Ербозов, Олжабай Балмағамбетов, Руслан Өтегенов жоғары деңгейде өнер көрсетті. Олар көнеден келе жатқан, имандылыққа, бірлікке, елдікке шақыратын жыр-термелерді орындады.
Байқау соңында аудандық ішкі саясат бөлімінің басшысы Әліби Әбиев, аудандық «Жанқожа батыр» мешітінің найб имамы Бақтияр Саламатов, «Қожа Орынбет Ишан» мешітінің бас имамы Ғабдолла қажы Инаятуллаұлы қатысушылардың барлығына да диплом мен ақшалай сыйлық табыс етті. Сондай-ақ, шараны өз деңгейіне өтуіне атсалысқан Майдакөл ауылдық клубының директоры, ақын Ермекбай Ағыраев та марапатталды.
<img src="https://kyzylorda-news.kz/wp-content/uploads/2019/12/10kazalymaulit2.jpg" alt="" />

Қазалыда мәуліт мерекесіне орай жыршы-термешілер фестивалі өтті

<a href="https://kyzylorda-news.kz/">Kyzylorda-news.kz.</a> &nbsp;&nbsp;10 желтоқсан күні еліміздің оңтүстік, батыс және солтүстігінде атмосфералық фронталды бөліктердің өтуіне байланысты құбылмалы күн райы сақталады. Кей жерлерде жауын-шашын (жаңбыр, қар) күтіледі. Республиканың калған аумағы антициклон жотасының ықпалында болғандықтан, жауын-шашынсыз ауа райы сақталады. Жекелеген өңірлерде тұман, көктайғақ, екпінді жел болжанады, деп хабарлайды ҚазАқпарат.
Атап айтқанда, Ақмола облысының кей жерлерінде тұман, көктайғақ, жаяу бұрқасын күтіледі. Алматы облысында түнде және таңертең тұман болжанады. Жалаңашкөл аумығында жел 15-20 м/с күшейеді.
&nbsp;Жамбыл, Түркістан облыстарының кей жерлерін тұман басып, жел 15-20 м/с артады. Жамбыл облысының жекелеген аумақтарында көктайғақ болады.
Қызылорда, Манғыстау, Атырау, Актөбе, Қарағанды облыстарының кей жерлерінде көктайғақ күтіледі.
Батыс Қазақстан, Қостанай, Солтүстік Қазақстан, Павлодар, Шығыс Қазақстан, Қызылорда, Манғыстау, Атырау, Актөбе, Қарағанды облыстарында тұман болжанады.

Сейсенбі күнгі ауа райы болжамы

Адам құқықтарының халықаралық күні
1948 жылғы 10 желтоқсанда БҰҰ Бас Ассамблеясы Жалпыға бірдей адам құқықтары декларациясын қабылдады. Барлық елде 1950 жылдан бастап атап өтіледі.
Дүниежүзілік футбол күні
БҰҰ-ның шешімімен бекітілген. Миллиондаған адамға тек ойын ғана емес, өмір стиліне айналған спорттың бұл түріне халықаралық қоғамдастық ерекше құрмет көрсетеді. Футбол ойыны туралы алғашқы деректерді тарихшылар біздің заманымызға дейінгі екінші мыңжылдықтағы Қытай жылнамасынан тапқан. Ол Цу Чю деп аталған.
Футбол ойыны қытай жауынгерлерін бабында сақтауға септігін тигізген деседі. Ал кейбіреулер футболдың ізашары деп VIII ғасырда Англияда өмір сүрген саксондардың «жабайы ойынын» атайды. Олар ұрыстан кейін шайқас даласында дұшпанының шабылған басын тепкілеп ойнаған. Футболды біздің заманымызға дейінгі екі жарым мыңжылдықта Ежелгі Грекияда, Римде де ойнаған.
1930 жыл Алматыда тұңғыш Қазақ мемлекеттік Медицина институты ашылды (ҚазММИ). Оның ректоры болып Ленинград әскери-медициналық академиясының түлегі Санжар Асфендияров тағайындалды. 1963 жылы ЖОО Алматы мемлекеттік медициналық институты (АММИ) болып өзгертілді. 2001 жылы ҚР Президентінің Жарлығымен С.Асфендияров атындағы Қазақ мемлекеттік медициналық университетіне «Ұлттық университет» мәртебесі берілді.
1991 жылы Алматыда ашылған Жоғарғы Кеңестің жетінші сессиясында Қазақ КСР-ін Қазақстан Республикасы деп атауға шешім қабылдады.
1991 жылы Алматыдағы Республика сарайында Елбасы Нұрсұлтан Назарбаевтың Ант беру рәсімі өтті. Осыдан кейін Қазақстан Жоғарғы Кеңесінің қаулысымен Президент өз қызметіне кірісті.
&nbsp;1991 жылы Елбасы Н.Ә.Назарбаевтың «Алмас» қорын құру туралы Жарлығы шықты.
1997 жылы Нұрсұлтан Назарбаев Ресей Ұлттық қолданбалы ғылымдар академиясының құрметті мүшесі болып сайланды.
1997 жылы Ақмола қаласы (қазіргі Астана) Қазақстан Республикасының астанасы болып жарияланды.

10 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 10 желтоқсанға арналған жұлдыз-жорамалы.
Тоқты
Еңбек демалысын алуды, саяхатқа шығуды немесе жай демалуды жоспарлаңыз. Жақын адамаңызбен қарым-қатынасыңыз жақсарады.
Торпақ 
Өзіңіздің темірден жаралмағаныңызды біліңіз. Сондықтан барлық жүктемені өз жауапкершілігіңізге алмаңыз.
Егіздер
Егер шаруаны ертемен бастасаңыз, тез аяқтайтыныңыз анық. Сондықтан жалқаулықты жеңіп, күтіп тұрған жұмысқа кірісіңіз.&nbsp;
Шаян
Байланыс орнатуға қолайлы күн. Үзіліп қалған қарым-қатынасты қайта жалғауға тырысыңыз. Ойларыңызды жүзеге асыруға тырысыңыз.
Арыстан
Бүгінгі күнді жақсы өткізу немесе сәтсіздікке ұшырау да өз қолыңызда болмақ. Тек жақын адамдарыңызға қысым көрсетпеңіз.
Бикеш
Бүгін өз ұстанымыңыздан айнымағаныңыз жөн. Сол ұстанымдарыңызға қарап сізді жұмысқа шақыратындар табылады.
Таразы
Күніңіз сәтті өтеді. Барлық жоспарлар бірінен кейін бірі орындалып, ісіңіз алға басады. Тағы да біраз шаруа бітіруге уақыт бар.
Сарышаян
Асықпаңыз. Қай жұмысты атқарсаңызда асығыстық жасамаңыз. Әсіресе құжаттарға сақ болғаныңыз жөн.
Мерген
Жұлдыздар сәтті күн екенін айтуда. Әсіресе қаржылық жағдайыңыз жақсара түседі. Тіпті жолдан қомақты ақша тауып алуыңыз мүмкін.
Тауешкі
Татуласуға да, сезім білдіруге де ең бірінші болып қадам жасайтындардың қатарынансыз. Ең бастысы асығыстық жасамаңыз.
Суқұйғыш
Бүгін жұмысқа қатысты қызықты ұсыныстарға бас қатырасыз. Бірақ жұлдыздар сақ болуды ескертеді. Бұл ұсынысты тексеріп алғаныңыз дұрыс.
Балықтар
Қызықты тосынсыйлар күтіп тұр. Алайда қызық қуып жүре бермеңіз. Жұмысты да ойлап, тапсырмаларды уақытылы орындаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазақстан салық төлеушілер қауымдастығы басқару кеңесінің төрайымы Жанат Ертілесова еліміздегі нарық пен салық жеңілдіктері туралы пікір білдірді, деп хабарлайды ҚазАқпарат.
<blockquote>
 «ЭДЫҰ елдерінде табиғи монополиялар деген ұғым жоқ. Дамыған елдердің заңнамасында мұндай ұғым жоқ, тек реттелетін нарықтар бар. Ал Қазақстанда монополиялар ұғымы әлі советтік стандарттар бойынша реттеледі. Мұның барлығына бизнес пен шенеуніктер ресурс жұмсайды. Барлығы сараптауға келмейтін тонналаған қағаз толтырады. Мемлекеттік органдарда экономикалық сараптама ұғымы жоқ. Ал дамыған елдерде сотта да экономикалық сараптама қабылданады. Мұндай заманауи тәсілдерді енгізуді шенеуніктердің өздері құнттамай отыр. Монополияға қарсы комитет жүргізген талдаулардың барлығы баға тым жоғары, алыпсатарларды жою керек дегенге саяды. Бұлай болмайды, бәрін нарықтың өзі реттеуі керек. Ең бастысы – бәсеке болуы керек», – деді Жанат Ертілесова Президенттің Қазақстан халқына Жолдауының алғашқы нәтижелері туралы ғылыми-практикалық конференцияда.
</blockquote>
Сонымен бірге, сарапшы салықтық саясат пен әкімшіліктендіру саласына да тоқталды.
<blockquote>
 «ЭДЫҰ елдерінде ЖІӨ-ге салықтық түсімдер үлесі Қазақстанмен салыстырғанда екі есе көп. Бұл бізде салық құны төмен деген сөз емес, бізде көлеңкелі сектордың үлесі көп. Бәрі салықшыларды жазғырады. Президент Жолдауында салық бойынша жақсы бағыттар бар. Солардың бәрі түпкі нәтижеге дейін атқарылса жақсы болатын еді. Бұл салық декларациясы мен өзін-өзі жұмыспен қамтығандарға қатысты. Елімізде салық жеңілдіктеріне экономикалық бағалау жүргізілмеді. Ал бүкіл салық кодексі – жеңілдіктер. Меніңше, олардың тиімділігін бағалау қажет», – деді спикер.
</blockquote>
Үшіншіден, шағын және орта бизнесті айтқанда, үнемі шағын бизнеске көп көңіл бөлінетінін айтты.
<blockquote>
 «Орта бизнес – еліміздің тұрақты дамуының негізі. Бұл ең өзгермелі бизнес. Бірақ, Салық кодексінде де, Бизнестің жол картасында да орта бизнеске жеңілдік қарастырылмаған. Статистика бойынша, елімізде орта бизнес субъектілері азайып келеді», – деді Жанат Ертілесова.
</blockquote>
Айта кетейік, елордада Президент Қасым-Жомарт Тоқаевтың Қазақстан халқына Жолдауының алғашқы нәтижелері талқыланды. Оған мемлекеттік органдардың, Қазақстанның ғылыми-сараптамалық қауымдастығының 80-нен астам өкілі қатысты.

Қазақстандағы салық жеңілдіктеріне экономикалық бағалау жүргізу керек &#8211; сарапшы

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Гонконгта ұсталған қазақ студентінің соты 2020 жылдың қаңтарында өтеді. Бұл туралы бүгін ҚР Сыртқы істер министрлігінің ресми өкілі Айбек Смадияров айтты, деп хабарлайды <a href="http://lenta.inform.kz/kz/gonkongta-ustalgan-kazak-studentinin-soty-2020-zhyldyn-kantarynda-otedi_a3592862">ҚазАқпарат</a>.
<blockquote>
 «Сотын күтіп отырмыз. Тергеу жүріп жатыр. Соты келесі жылдың қаңтар айының ортасына жоспарланған. Өздеріңіз білетіндей, ол жақта көп адам ұсталды. Уақыты келгенде соты болады. Сол сотта шешім қабылданады. Адвокат таптық, туыстары Гонконгқа барды. Олармен кездесу өткіздік. Құқықтық көмек көрсетіп жатырмыз», – деді Айбек Смадияров.
</blockquote>
Еске сала кетсек, Гонконг қаласында наразылар мен полиция арасындағы қақтығыс кезінде Қазақстан азаматы ұсталғаны хабарланған болатын.
<blockquote>
 «Гонконг қаласы полициясының қазақстандық дипломаттарға ұсынған ақпаратына сәйкес, 18 қараша күні наразылық танытушылармен қақтығыс барысында Қазақстан азаматы, Гонконг Баптист университетінің бірінші курс студенті Нүкпи Әбілқайыр ұсталған. Консул азаматымызға барды, оның денсаулық жай-күйі тұрақты, оң қолының шынтағында ұстау кезінде құлаған сәтте алған аздаған жарақаты бар. Ұсталу жағдайына ешқандай шағымы жоқ», – деп атап өткен еді министрліктен.
</blockquote>

Қазақстан және Қызылорда облысының жаңалықтары

Кәсіпкерлік палатасы іріктеуге құжаттар қабылдайды

«Катюша» қазалылықтарға қызмет етеді

Қоғамдық келісім кеңесінің кезекті отырысы өтті

Қызылордада заңсыз қоян аулаған 2 азамат ұсталды

Илья Ильин Катар кубогына қатысады

Қармақшы-Жалағаш жолы көктайғақ болуына орай жабылды

Қазалыда мәуліт мерекесіне орай жыршы-термешілер фестивалі өтті

Сейсенбі күнгі ауа райы болжамы

10 желтоқсан: Атаулы күндер мен оқиғалар

Жұлдыздар не дейді?

Қазақстандағы салық жеңілдіктеріне экономикалық бағалау жүргізу керек – сарапшы

Гонконгтағы қақтығыста ұсталған қазақ студентінің соты 2020 жылдың қаңтарында өтеді

Қазақстан және Қызылорда облысының жаңалықтары

Кәсіпкерлік палатасы іріктеуге құжаттар қабылдайды

«Катюша» қазалылықтарға қызмет етеді

Қоғамдық келісім кеңесінің кезекті отырысы өтті

Қызылордада заңсыз қоян аулаған 2 азамат ұсталды

Илья Ильин Катар кубогына қатысады

Қармақшы-Жалағаш жолы көктайғақ болуына орай жабылды

Қазалыда мәуліт мерекесіне орай жыршы-термешілер фестивалі өтті

Сейсенбі күнгі ауа райы болжамы

10 желтоқсан: Атаулы күндер мен оқиғалар

Жұлдыздар не дейді?

Қазақстандағы салық жеңілдіктеріне экономикалық бағалау жүргізу керек &#8211; сарапшы

Гонконгтағы қақтығыста ұсталған қазақ студентінің соты 2020 жылдың қаңтарында өтеді

Қазақстандағы салық жеңілдіктеріне экономикалық бағалау жүргізу керек – сарапшы