<a href="https://kyzylorda-news.kz/">Kyzylorda-news.kz.</a> 2020-2024 жылдары құны 42 трлн теңге болатын 4 мың инвестициялық жоба пулы жасалады, &nbsp;деп хабарлайды&nbsp;<a href="https://24.kz/kz/zha-aly-tar/o-am/item/359993-keler-zhyly-k-sipkerlik-nysandaryn-tekseru-bojynsha-moratorij-engiziledi">«Хабар 24»</a>.
Ал «Бизнестің жол картасы-2025» бағдарламасымен алдағы екі жылға 250 млрд теңге бөлінеді. 5 жыл ішінде бұл қаржы екі есеге өседі. Одан бөлек, 3 жылға табыс салығынан босатылған бизнес саласы 382 млрд теңге үнемдейді. Осылайша, кәсіпкерлер айналым қаражатын толықтыра алады. Бұл – Президент Қасым-Жомарт Тоқаевтың халыққа жолдауының алғашқы нәтижелерінің бірі. Жалпы, соңғы 5 жылда шағын және орта бизнес субьектілерінің саны бір жарым есе өскен. Еңбекке қабілетті халықтың 30 проценті осы салада жұмыс істейді. Президент тапсырмасымен 2020 жылдың бірінші қаңтарынан бастап кәсіпкерлік нысандарын тексеру бойынша 3 жылға мораторий енгізіледі.
<blockquote>
 «Бұл – мемлекет басшысының тапсырмаларының бірі. Орташа есеппен 3 жыл ішінде 100 мыңға жуық тексеру жүргізілмейді. Бұл әкімшілік жүктемені азайтуға, бизнес-ортаның тұрақтылығын қамтамасыз етуге, бизнесті оңай жүргізуге және бәсекелестікті дамытуға мүмкіндік береді», – дейді ҚР Ұлттық экономика министрі Руслан Дәленов.
</blockquote>

Елімізде кәсіпкерлік нысандарын тексеру бойынша мораторий енгізіледі

<a href="https://kyzylorda-news.kz/">Kyzylorda-news.kz.</a> Қызылордада қазақ гуманитарлық заң және техникалық жоғары колледжінде «Үш би» Құрмет және «Сот жүйесінің құрметті қызметкері» белгілерінің иегері, сот жүйесінің ардагері Ғалия Шыңғысованың 70 жасқа толуына орай «Саналы ғұмырын сот әділдігіне арнаған»&nbsp; тақырыбында&nbsp; кездесу болып өтті.
Шараны Қызылорда облысының мемлекеттік архиві мекемесінің қоғамдық-саяси тарихы бойынша филиалының ұйымдастыруымен өтті.
Іс-шараның мақсаты – сот жүйесі ардагерінің өмір жолын кейінгі ұрпаққа өнеге ете отырып, еңбекке,&nbsp; адамгершілік пен азаматтыққа&nbsp; тәрбиелеу. Елбасының «Болашаққа бағдар: рухани жаңғыру»&nbsp; атты мақаласы аясындағы «Қазақстандағы 100 жаңа есім», «Туған жер» бағдарламалары бойынша өзінің еңбегімен, білімімен өмір жолын өнеге еткен тұлғаларымызды қоғамға таныту, жастарға үлгі тұту, ұлттық қорымыздағы құндылықтарды насихаттау болып табылады.
Шара барысында колледж оқытушылары мен студенттер Ғалия Шакетқызының жеке тектік құжаттарынан&nbsp; дайындалған&nbsp; көрмемен танысты.
Кездесуде Ғалия Шакетқызы өз өмір жолындағы судьялық қызметтің қыр- сырларын баяндап, еңбек жолынан сыр шертті. Сонымен қатар «Қызылорда облысының мемлекеттік архиві» КММ-нің қоғамдық-саяси тарихы бойынша филиалының басшысы Гүлшат Ахметова жеке тектік қор иесін мерейтойымен құттықтады. Сондай-ақ Қазақ гуманитарлық заң және техникалық жоғары колледж&nbsp; директорының орынбасары&nbsp; Жанар Дуйсенова өз лебізін білдіріп, іс-шараның маңыздылығына тоқталды.
«Құқықтану» және «Құқық қорғау қызметі» мамандығы бойынша білім алушылар ардагерге сұрақтар қойып, өз мамандықтарының басым бағыттарына бағдар алды.
<img src="https://kyzylorda-news.kz/wp-content/uploads/2019/12/9daur2.jpg" alt="" />

Қызылордада сот жүйесінің ардагері Ғалия Шыңғысовамен кездесу өтті

<a href="https://kyzylorda-news.kz/">Kyzylorda-news.kz.</a>&nbsp; А.Тоқмағамбетов атындағы қалалық мәдениет үйінде халықаралық сыбайлас жемқорлыққа қарсы күрес күніне орай «Сыбайлас жемқорлықпен күрес – ортақ парызымыз» атты салтанатты шара өтті.
Халықаралық сыбайлас жемқорлыққа қарсы күрес күні Біріккен Ұлттар Ұйымының бастамасымен атап өтіледі. 2003 жылы 9 желтоқсан күні өткен жоғары деңгейдегі саяси конференцияда 2003 жылы 1 қарашада Бас Ассамблея қабылдаған БҰҰ-ның Жемқорлыққа қарсы Конвенциясы қол қою үшін ашылды. Құжат бойынша оған қол қойған мемлекеттер пара, бюджеттік қаражат пен жемқорлық табыстарды кәдеге жарату қылмыс деп жариялауға міндеттеледі. Конвенция барлық құрылымдары ұлттық әл-ауқатқа зиян келтіретін жемқорлық жайлаған елдер үшін өте маңызды.
Шараға ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірінші орынбасары Бақытжан Ниязов,&nbsp; Қызылорда облысы әкімінің экономикалық қауіпсіздік мәселелері жөніндегі кеңесшісі&nbsp;Мақсұт Нәлібаев,&nbsp; «Жас Отан» жастар қанатының өкілі Шерияз Жалғасбекұлы және білім беру ұйымдарының өкілдері қатысты.
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірінші орынбасары Бақытжан Ниязовтың айтуынша басшылар өз қызметкерлерінің сыбайлас жемқорлық әрекеттері үшін жауап береді.
<blockquote>
 «Бұдан былай, саяси мемлекеттік қызметкерлер –&nbsp; министрлер мен олардың орынбасарлары, облыстардың әкімдері мен олардың орынбасарлары, аудандар әкімдері олардың тікелей бағынышты қызметкерлері сыбайлас жемқорлық құқық бұзушылық жасан жағдайда міндетті түрде отставкаға шығуға сұрану керек.Тікелей бағынышты қызметкерлер сыбайлас жемқорлық құқық бұзушылық жасаған жағдайда, саяси емес, бірақ А және Б корпусының әкімшілік мемлекеттік қызметшілері болып табылатын барлық өзге басшыларға тәртіптік жауапкершілік қарастырылған», – дейді Бақытжан Ниязов.
</blockquote>
Жиын соңында бейбіт елдің ертеңі үшін еңбек етіп жүрген және қоғам атынан ортақ күреске үлес қосып келе жатқан облыстың бірқатар азаматтар &nbsp;марапатталды.
<img src="https://kyzylorda-news.kz/wp-content/uploads/2019/12/9zhemkkuresk2.jpg" alt="" />
<img src="https://kyzylorda-news.kz/wp-content/uploads/2019/12/9zhemkkuresk3.jpg" alt="" />

Қызылордада сыбайлас жемқорлыққа қарсы күрес күні аталып өтті

<a href="https://kyzylorda-news.kz/">Kyzylorda-news.kz.</a> Бүкіләлемдік допингке қарсы агенттіктің (WADA) атқарушы комитеті Ресейді төрт жыл ішінде ірі халықаралық жарыстарға, оның ішінде Олимпиадаға қатысу құқығынан айырды, деп хабарлайды <a href="https://aikyn.kz/sport/arena-24/13970-WADA-reseyd%D1%96-toert-gylgha-shettett%D1%96/">Aikyn.kz</a>.
Допингке қарсы агенттік сонымен қатар Ресей шенеуніктері мен Ресей Олимпиадалық және Паралимпиадалық комитеттерінің жетекшілеріне спорттық шараларға қатысуға тыйым салынды, ал Ресей төрт жыл бойы халықаралық жарыстарға қатысуға немесе өтініш беруге тыйым салды.
Ресейдің төрт жылға спорттан шеттетілгендігі туралы Agence France-Presse Twitter-де хабарлады.
The New York Times газеті ақпарат көздеріне сілтеме жасап, бұл жағдайда Токиода өтетін 2020 жылғы Олимпиада ойындарында Ресей спортшыларына қарсы олар Пхенчхандағы 2018 жылғы Олимпиадада қолданылған схеманы қолдана алады деп жазды. Өз кезегінде Ресей Олимпиада комитетінің (РОК) президенті Станислав Подзняков егер Ресей құрамасы Олимпиададан шығарылса, спортшылар «Ресей Олимпиадалық комитетінің құрамына кіреді» деді.
Бұған дейін ВВС WADA спортшылар комитетінің мүшелері Ресей спортшыларын 2020 жылы Токио Олимпиадасына және 2022 жылы Пекинде болатын Олимпиада ойындарына қатысудан толығымен шығаруға шақырғанын хабарлаған болатын. Комитет Халықаралық олимпиадалық комитеттің ұсынған шарасын қарастырды, онда «таза» спортшыларға бейтарап тудың астында ұшуға рұқсат беруге дайын екендігі айтылды.

Ресей Токио Олимпиадасынан шеттетілді

<a href="https://kyzylorda-news.kz/">Kyzylorda-news.kz.</a> Қызылорда облыс әкімі Қуанышбек Ысқақов Қармақшы ауданы Жосалы кенті тұсындағы Сырдария өзенінің су деңгейін көріп, су тасқынының алдын алу жұмыстарымен танысты. Қазір Шардара су қоймасынан Сырдария өзені арқылы облыс аумағына түсіп жатқан су көлемі 500 м3/сек құрайды. Бұл көрсеткіш өткен жылы 600 м3/сек болған.
Бүгінде Қызылорда су торабынан төменгі ағысқа қарай 420 м3/сек, Әйтек су торабынан – 305 м3/сек, Қараөзек арнасына – 110 м3/сек, Басықара су торабынан – 200 м3/сек, Ақлақ су торабынан – 130 м3/сек көлемде су босатылған. Сонымен қатар, Арал және Қазалы аудандарында өзен бетінде толықтай мұз қатса, Қармақшы ауданы аумағында Жосалы кенті тұсында 5% күр жүруде. Қызылорда қаласы мен қалған аудандарда өзен беті мұздан таза. 
Облыс әкімі жауапты сала басшыларына дариядағы су деңгейін үнемі бақылауда ұстап, қауіпті аймақ саналатын учаскелерде кезекшілік болуын, сондай-ақ қажет болған жағдайда құрал-жабдықтар мен арнайы техникалармен қамтамасыз етілуін тапсырды.
5 желтоқсан күні Қармақшы ауданы Жосалы кентінен 7 шақырым төмен Үсентай учаскесінде күрдің кептелісінен өзен суының деңгейі жоғарылаған. Аумақтың қорғаныс бөгеті 1 метр биік. Сонымен қатар, Жосалы кентінің тұсында Жалағаш-Жосалы автожолына су жайылудың алдын алу үшін жол бойының деңгейі төмен 300 метрдей аумағын топырақпен нығайту жұмыстары жүргізілген. Бүгінде елді мекендерді су басу қауіпі жоқ. Қазіргі уақытта су шаруашылығы мамандары су деңгейін төмендету бойынша жұмыстар жүргізуде.
<img src="https://kyzylorda-news.kz/wp-content/uploads/2019/12/9yskakov2.jpg" alt="" />
<img src="https://kyzylorda-news.kz/wp-content/uploads/2019/12/9yskakov3.jpg" alt="" />

Қызылорда облысын су басу қаупі бар ма?

<a href="https://kyzylorda-news.kz/">Kyzylorda-news.kz.</a> Келесі жылдан бастап, аз қамтылған отбасының еңбекке қабілетті мүшесі мемлекет ұсынған жұмыстан бас тартқан жағдайда, бүкіл отбасы жәрдемақыдан айырылады.
Бұл туралы мәжіліс аясында журналистердің сұрақтарына жауап берген ҚР Еңбек және халықты әлеуметтік қорғау министрі Біржан Нұрымбетов айтты, деп хабарлайды&nbsp;<a href="https://stan.kz/2020-zhildan-bastap-otbasi-mushesi-ysinilgan-zhymistan-325116/">Stan.kz</a>&nbsp;ақпарат агенттігі.
<blockquote>
 «АӘК тарату кезінде, егер отбасында еңбекке қабілетті адамдар болса, біз оларды жұмыспен қамтамасыз етуге тырысамыз, әлеуметтік келісімшарт жасалады, бұл бұрыннан бар тәжірибе. Егер ол атаулы әлеуметтік көмек ала отырып, ұсынылған жұмыстан бас тартса,&nbsp;келесі жылдан бастап бүкіл отбасы АӘК-тен айрылады», – деді Біржан Нұрымбетов.
</blockquote>
Министрдің айтуынша, бұл еңбекке қабілетті отбасы мүшелерінің жауапкершілігін арттырады.
<blockquote>
 «Осылайша, біз еңбекке қабілетті отбасы мүшелерінің, мысалы, отағасының жауапкершілігін арттырамыз. Егер оның денсаулығы оған жұмыс істеуге мүмкіндік берсе, біз оған жұмыс береміз, ал ол бас тартса, бүкіл отбасы АӘК-тен айрылады», – деп атап өтті Біржан Нұрымбетов.
</blockquote>

2020 жылдан бастап отбасы мүшесі ұсынылған жұмыстан бас тартса, бүкіл отбасы атаулы әлеуметтік көмектен қағылады

<a href="https://kyzylorda-news.kz/">Kyzylorda-news.kz.</a> Қазақстандағы жасөспірімнің көбі педофилия үшін&nbsp;сотталған, деп хабарлайды <a href="https://kaz.tengrinews.kz/crime/kazakstanda-kansha-pedofil-jasosprm-bar-303255/">Tengrinews.kz</a>.
Бұл туралы “Бүгінгі қоғамдағы педофилия: проблемалық сұрақтар мен оның шешімдері” халықаралық ғылыми-практикалық конференциясында хабарланды.&nbsp;
Қазақстанда кәмелет жасқа толмағандарға арналған бір ғана колония бар. Ол -Алматыда орналасқан ЛА 155/18 колониясы. Мекеменің аға инспектор-психологы Гүлнар Тохтахунованың сөзінше, колонияда 45 сотталушы бар. Оның 20-сы&nbsp;балаларға қарсы жыныстық сипаттағы әрекеттері үшін сотталған. Қылмыс жасаған кезде олар 15-17 жаста болған.&nbsp;
Оның жетеуі – Шымкент тұрғыны, төртеуі – алматылық және үшеуі – Қостанай қаласының тұрғындары. Сонымен қатар, ШҚО, Ақмола облысы, Павлодар, Ақтөбе, Шу және&nbsp;Орал тұрғындары&nbsp;бар.&nbsp;
Педофилдердің қолынан зардап шеккендер оларды жақсы таныған. Сегіз оқиға бойынша жәбірленушілер көршілес болса, бір оқиғада жәбірленуші қылмыскердің інісінің досы болған. Оқиға болғаннан кейін қылмыскерлер жәбірленушінің&nbsp;тіс жармауын талап етіп қорқытқан.&nbsp;
Психологтың айтуынша, көп оқиға ауыл аймақтарында болған және қылмысты көбіне тұрмыс жағдайы төмен отбасындағы балалар жасаған. Сонымен қатар, психологтың сөзінше, көбіне балалар мұндай әрекетке жасөспірім шағында барады.&nbsp;
<blockquote>
 «Бірде&nbsp;сотталушы бала&nbsp;өзін де алты жасында көршісі зорлағанын мойындаған. Ол қорыққандықтан бұл туралы ауыз ашпаған. Ата-анасы да оның жай-күйіне назар аудармаған. Сөйтіп ол тоғыз жыл бойы болған оқиғаны ішінде сақтап, артынша басқа баланы зорлап, өшін алған. Қазір ол жасаған әрекетіне қынжылатынын&nbsp;мойындағанымен, бірақ ештеңені түзете алмайсыз», – дейді психолог.&nbsp;
</blockquote>
Тағы бір оқиға бойынша, ұл бала қыздармен араласуға ұялып ер баламен “достасқан”.&nbsp;Психологтың айтуынша, ата-аналар мұндай оқиғалардың алдын ала білуі керек.

Қазақстанда қанша педофил-жасөспірім сотталған?

<blockquote>
 <a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2019 жылдың 30 қарашаға дейінгі аралықта Қызылорда облысының тұрғындары әлеуметтік медициналық сақтандыру қорына 6,7млрд. теңге аударды, оның 6,5 млрд. теңгесі (97%) жұмыс берушілердің аударымдары болса, қалған 186,6 млн. теңге (3%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі, – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Руслан Бектібаев.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы Ұлттық банкте сақталады. Болашақта МӘМС пакеті шеңберіндегі қызметтер ақысын төлеуге жұмсалады. Еліміздің бас банкімен қаржыны сенімгерлік басқару туралы келісім бекітілген.
<img src="https://kyzylorda-news.kz/wp-content/uploads/2019/12/9osmskaz1.jpg" alt="" />

Қызылорда облысының тұрғындары әлеуметтік медициналық сақтандыру қорына 6,7 млрд. теңге аударды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Германия журналистері Шешенстан президенті Рамзан Қадыров Қазақстан азаматы күдікті деп танылған қылмыстық іске қатысы бар деген тұжырымдамаға келіп отыр. Бұл қылмыстық іс Қадыровтың тапсырысымен жасалды деген болжам бар деп хабарлайды&nbsp;<a href="https://kaz.nur.kz/1830827-bak-kazakstan-azamaty-kdikti-dep-tanylgan-kisi-limine-kadyrovty-katysy-bar-ekenin-ajtty.html">KAZ.NUR.KZ</a>.
Bild неміс басылымының журналистері Джулиан Репке және Питер Тиде өз зерттеулерін жүргізіп, осындай тұжырымдамаға келді.
Олардың пікірінше, бұл іс жүзінде Шешенстанның қазіргі президентінің әкесі Ахмат Қадыровтың өлімі үшін алған кегі деп санайды. Аталған фактіні Берлин Тиргартендегі кісі өлімі 23 тамызда үлкен Қадыровтың туған күні болғаны растайды деп мақаланың аудармасын келтірді InoPressa.
Сонымен қатар, журналистер Ахмат Қадыровтың 2004 жылы Грозныйдағы теракт кезінде қаза тапқанын айтады. Содан кейін “Кавказ әмірі” террористік ұйымының жетекшісі Шамиль Басаев болған оқиға үшін жауапкершілікті өз мойнына алды: ол кезде оның тобы Ресейдің Шешенстанды “жаулап алуына” қарсы болды.
Неміс журналистерінің айтуынша, сол топқа шешен Зелимхан Хангошвили кірген. Ол 23 тамызда Берлинде өлтірілген.
Неміс басылымы Хангошвилидің өлімін “ресейлік шабуыл” деп атады.
Қадыровты күдікті деуге тағы бір себеп бар. Ол – өлтірілген адамның тегі болды. Журналистердің сөзінше, шешенді өлтірген жалдамалы кісі өлтірушінің Соколов атымен жалған құжаттары болған. Ал 2000 жылы шешендік топтың мүшелері ресейлік капитан Роман Соколовты өлтірілді.
Басылымның пікірінше, Ресейдің арнайы қызметтері, соның ішінде ГРУ, бір кездері Ресейге қарсы шыққан, бірақ қазір Еуропада тұратын Шешенстаннан келген босқындарды іздей бастады.
Сонымен қатар, кісі өлтірушілердің тегі шешен көтерілісшілерінің қолынан қаза тапқан орыс офицерлерімен бірдей болуы мүмкін екендігі айтылған.
Естеріңізге сала кетейік, Соколов аты жазылған жалдамалы киллер Қазақстанның тумасы Вадим Красиков болып шықты. Ол Ресейге 1980 жылы қоныс аударып, содан кейін РФ азаматтығын алды.

БАҚ Қазақстан азаматы күдікті деп танылған кісі өліміне Қадыровтың қатысы бар екенін айтты

<a href="https://kyzylorda-news.kz/">Kyzylorda-news.kz.</a> Бүгінгі күні қант диабеті əлемдегі кең тараған сырқат түрі болып отыр. &nbsp;Қан құрамындағы қант мөлшерінің көбеюі – қатерлі ісік, жүрек жəне қан айналымы жүйесі ауруларын тудыруы мүмкін. Ол қант диабетінің басталу себебі де болып табылады. Бұл сырқат менен алыс деп ойлауға да болмайды. Тəуекел аймағында миллиондаған адамдар бар, олардың қатарына жастар да қосылды.
Қант диабеті бірінші жəне екінші типті болып келеді. Екінші типті қант диабеті ең көп тараған түрі, сырқаттанушының 85 – 90 пайызы осы типті болып келеді. Инсулинге тəуелді болып келетін бірінші типті қант диабеті генетикалық бейімділіктен туындаса, екінші типті қант диабеті жүре бара, салауатты өмір салтын ұстанбай, дұрыс тамақтанбағандықтан пайда болады.
Диабет бірден пайда болмайды. Өмір бойы денсаулыққа қатысты мəселе туындамас үшін диабеталды кезеңді өткізіп алмау қажет. Диабеталды кезең дегеніміз- қандағы қант мөлшерінің жоғары болуы, бірақ диабеттік кезеңге жете қоймауы. Бұл жағдайды біліп жəне бақылауда ұстау үшін қандағы қант мөлшерін анықтайын қан талдауын тапсыру қажет. Бұл талдау таңертең ашқанынға тапсырылады. Қандағы глюкоза құрамы 5.6 – 5.9-ды көрсетсе – диабеталды кезең болып саналады.
Қант диабетінің алғашқы белгілері келесі жағдайлар болуы мүмкін: ағзаның шөлдеп кептіруіне алып келетін, жиі зəр шығару мен əр уақытта шөлдеу сезімі, əлсіздік, көздің нашар көріп, қарашығында ақшыл қабықшаның пайда болуы, терінің қышынуы. Осы белгілер байқалған жағдайда қанға талдау мен сынама тапсыру қажет.
Жылына екі рет қандағы қант мөлшеріне анализ жасату қажет. Осы арқылы қант диабеті сырқаты басталуының алдын аласыз.&nbsp;
Жамила Махмутова,
Қызылорда қаласы бойынша
«Қант диабеті мектебі» медбикесі

Қант диабеті туралы білу маңызды

Мәскеу метросында Мұқағалидің өлеңдері жазылған вагон пайда болды

<a href="https://kyzylorda-news.kz/">Kyzylorda-news.kz.</a> ЕАЭО бесжылдығы құрметіне арнайы пойыз жасалған. Бұл туралы <a href="https://24.kz/kz/zha-aly-tar/zha-aly-tar-toptamasy/item/359710-7-zhelto-san-2019-zhyl-21-00-zha-aly-tar-toptamasy">«Хабар 24»</a> хабарлады.
Еуразиялық экономикалық одақтың құрылуына бес жыл толу құрметіне Мәскеу метросы арнайы пойыз құрап шыққан. Одаққа мүше елдер Армения, Беларусь, Қазақстан, Қырғыз Республикасы мен Ресейге бір-бірден тақырыптық вагон берілген. Олардың ішінде сол елдердің өндірісі, ЖІӨ өсу көрсеткіші, ұлттық тағамдары мен ұлы адамдары жайлы ақпарат берілген.
Қазақстан вагонында Мұқағали Мақатаевтың өлеңдері, «Бәйтерек» ғарыш айлағы туралы деректері мен ет асудың рецепті жазылған.

Қазақстан және Қызылорда облысының жаңалықтары