<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандырудың ел көлемінде енгізілуіне санаулы күндер қалды. 2020 жылдың 1 қаңтарынан бастап “сақтандырылған” мәртебесімен әрбір азамат жоғары мамандандырылған медициналық көмекке қол жеткізу мүмкіндігіне ие болуы тиіс.
Бұл туралы облыс әкімінің орынбасары Наурызбай Байқадамов мәлімдеді. Аймақтардың міндетті әлеуметтік медициналық сақтандыруды енгізуге дайындығын қамтамасыз ету үшін жедел өзара іс-қимыл жөніндегі өңірлік штаб отырысы өтті. &nbsp;&nbsp;
Жиналысқа ҚР Денсаулық сақтау министрлігінің департаментінің директоры Ілияс Бәкіров, сондай-ақ өңірлік штабтын мүшелері қатысты.&nbsp;
<blockquote>
 «Медициналық сақтандыру жүйесі барлық төлеушілер үшін бірдей сенімді және тиімді. Азаматтар, жұмыс берушілер және мемлекет денсаулық үшін ортақ жауапкершілікте болады. Сонымен қатар, медициналық сақтандырудың барлық қатысушылары медициналық қызметтің бірыңғай сақтандыру пакетіне тең қолжетімділікке ие. Ешкім медициналық көмексіз қалмайды. Сақтандырылған азаматтар төленген жарналардың көлеміне қарамай, қымбат медициналық қызметтерді ала алады. Қазір заңсыз жұмыспен қамтылғандар үшін медициналық сақтандыру туралы ақпараттық-түсіндіру жұмыстары жүргізілуде», – деді өз баяндамасында Қызылорда облысы бойынша Әлеуметтік медициналық сақтандыру Қоры филиалының директоры Руслан Бектібаев.
</blockquote>
Тегін кепілдендірілген медициналық көмек көлемі пакетіне медициналық қызметтердің базалық тізімі кіреді, ол ҚР барлық азаматтарына қолжетімді болады. Медициналық сақтандыру пакеті базалық көлемнен тыс медициналық қызметтердің кең көлемін қамтиды.&nbsp; Оны сақтандырылған қазақстандықтар ғана пайдалана алады. Сонымен қатар,&nbsp; ел азаматтарының басым бөлігіне қос пакет те қолжетімді болмақ. 15 жеңілдік санатына кіретіндер үшін мемлекет қаржы аударады (11 млн. қазақстандық үшін).
Руслан Бектібаевтың айтуынша, Қор келесі қағидаттар негізінде жаңа бастамаларды ескере отырып, медициналық көмекті жоспарлау бойынша жұмыс жүргізді. Мәселен, ТМККК шеңберінде бастапқы медициналық-санитарлық көмекті басым қаржыландыру қамтамасыз етілді. МӘМС жүйесінде мектеп медицинасын қаржыландыру қарастырылған, консультациялық-диагностикалық көмек пен медициналық оңалтуды қаржыландыру көлемі айтарлықтай кеңейтілді. Бұдан басқа, тариф құру кезінде есептемелерде дәрігерлердің еңбекақысын 30%-ға дейін, орта медицина қызметкерлерінің жалақысын 20% – ға дейін кезең-кезеңмен арттыру, өңірлердің демографиялық және эпидемиологиялық көрсеткіштерін, медициналық қызметтер мен халықаралық тәжірибені тұтыну көлемі ескерілді.
Филиал ТМККК және МӘМС шеңберінде қызметтер пакеттері және бизнес-процестербойынша оқу жұмыстары жүргізілді. Аймақта 132 оқыту тренерлері және 14&nbsp;756 медицина қызметкерлері оқытудан өтті.
<blockquote>
 «Қазіргі уақытта Қордың “Saqtandyrý” ақпараттық жүйесі іске қосылды, ол ҚР Денсаулық сақтау министрлігінің, Еңбек Министрліктерінің және медициналық ақпараттық жүйелерімен интеграцияланған. Емхананың немесе аурухананың медициналық ақпараттық жүйесі «Saqtandyrý» ақпараттық жүйесінен тұтынушының сақтандырылғаны немесе сақтандырылмағаны жайлы мәліметтерді сұратады. Соған қарай көмек кепілдендірілген тегін медициналық қызметтердің есебінен, я болмаса, кеңейтілген сақтандыру пакеті есебінен төленеді», – деп түсіндірді филиал директоры Руслан Бектібаев.
</blockquote>
Сондай-ақ 1406 нөміріне хабарласып, медициналық сақтандыруға қатысты кез келген сұраққа жауап алуға болады. &nbsp;Қоңыраулар Қазақстан бойынша кез келген телефоннан тегін шалынады.&nbsp;
<img src="https://kyzylorda-news.kz/wp-content/uploads/2019/12/12osms2.jpg" alt="" />

&#8220;Сақтандырылған&#8221; мәртебесі әрбір азаматта болуы тиіс

<a href="https://kyzylorda-news.kz/">Kyzylorda-news.kz.</a> Табиғи монополияларды реттеу Комитетінің Қызылорда облысы бойынша департаментінің бұйрығымен ағымдағы жылдың 1 қыркүйегінен бастап қолданысқа енгізілуімен «Қызылорда су жүйесі» МКК-ның сумен жабдықтау&nbsp; және сарқынды суды бұру қызметтерініңқолданыстағы тарифтері сәйкесінше 12,4 және 13,5 пайызға төмендетіліп бекітілді.
Алайда, субъектімен аталған шешімді жою бойынша сотқа талап арыз берілді. Соттың бірінші инстанциясы «Қызылорда су жүйесі» МКК-ның шағымын қанағаттандырусыз қалдырды. Субъектімен тағыда аппеляциялық шағым беріліп, ол Департамент тарапына қаралды және Департаменттің 140,1 млн. теңге көлеміндегі негізсіз алынған кірісті тұтынушыларға қайтару бойынша уақытша өтемдік тарифтерді енгізу туралы бұйрығы заңды күшіне енді.
Осыған байланысты, «Қызылорда су жүйесі» МКК-ны 2019 жылдың 1 қыркүйегінен бастап барлық тұтынушыларға келесідей мөлшерде уақытша өтемдік тарифтерді енгізе отырып, қайта есептеу жүргізуі қажет.
сумен жабдықтау&nbsp; қызметіне: тұрғындар үшін – 41,46 теңге, бюджеттік мекемелерге – 65,11 теңге, өзге тұтынушыларға – 125,66 теңге;
сарқынды суды бұру қызметіне: – 46,42 теңге, бюджеттік мекемелерге – 124,49 теңге, өзге тұтынушыларға – 134,41 теңге.

«Қызылорда су жүйесі» мекемесі тұтынушыларының назарына

<a href="https://kyzylorda-news.kz/">Kyzylorda-news.kz.</a> Қызылордада полиция қызметкерлері «Мал ұрысы» жедел-профилактикалық іс-шарасы барысында облыс бойынша 14 мал ұрлығы қылмысын ашты. Бұл туралы Қызылорда облыстық Полиция департаментінің баспасөз қызметі хабарлады.
Аталған шараны Қызылорда облысының полиция департаменті, қалалық полиция басқармасының қызметкерлері ветеринария басқармасының өкілдерімен бірлесе отырып ұйымдастырды. Шара аясында малдарды құжатсыз әкелу, мал союға және ет сатуға арналған сертификаттың жоқтығын анықтау бағытында жұмыстар жүргізілді.
<blockquote>
 «Осыған қарай, барлық сауда орталықтары және басқа да ет павильондары мен мал сою бекеттері тексерілді. Іс-шара аясында облыс бойынша 14 мал ұрлығы ашылды. Бүгінгі таңда облыс және қала аумағында барлық мал сою мен ет бөлуге арналған жерлерде бейнебақылау камералары орнатылды. Мал ұрлықтарының алдын алу үшін құжатсыз мал басын тасымалдайтын 245 көлік құралдары тексерілді. Олардың ішінде 38-і мал тасымалдаумен айналысқан», – деп мәлім етті Қызылорда облысы Полиция департаментінің баспасөз қызметі.
</blockquote>

Қызылордада 14 мал ұрлығы қылмысы ашылды

<a href="https://kyzylorda-news.kz/">Kyzylorda-news.kz.</a> Қызылорда облысында қуаты жылына 197,1 мың тонна шыны өндіретін зауыт 2020 жылдың шілде айында іске қосылады. Бұл туралы Өңірлік коммуникациялар қызметінің ақпарат алаңында «Orda Glass Ltd» ЖШС-нің басқарма төрағасы Ержан Сағынбаев мәлімдеді.
<blockquote>
 “Қазіргі таңда құрылыс жұмыстарына 11 мердігер компаниядан 219 жұмысшы жұмылдырылды.Құрылыс заттарының басым бөлігі жергілікті жерден алынып жатыр. Жұмысшыларға да бар жағдай жасалған. Зауыт&nbsp;толық іске қосылғанда 160 адам жұмыспен қамтылады.Сонымен қатар, шыны зауытының құрылысына бас мердігер ретінде Чайн Триумф Интернешнл Инжиниринг қытайлық трансұлттық компаниясы тартылды.Үстіміздегі жылдың 4 желтоқсанында серіктестік өкілдерінің “StewartEngineers” вице-президенті Волтером Дениэлмен кездесуі өтті. Нәтижесінде, екі тарап ортақ шешімге келді”,- деді Ержан Сағынбаев.
</blockquote>
Мұнан өзге, шыны зауытын газ және сумен жабдықтау, электр желілерін, автожол және байланыс орнату үшін жұмыстар жүргізілуде.

Қызылордада 2020 жылы шыны зауыты іске қосылады

<a href="https://kyzylorda-news.kz/">Kyzylorda-news.kz.</a> Мемлекет басшысы Қазақстанның Халық әртісі Роза Рымбаеваны наградтау туралы жарлыққа қол қойды, деп хабарлайды Ақорданың баспасөз қызметі.&nbsp;
<blockquote>
 «Ұлттық мәдениетті дамытуға қосқан айрықша үлесі, ән өнерін насихаттаудағы ерекше еңбегі үшін «Қазақконцерт» мемлекеттік концерттік ұйымының әртісі Роза Рымбаеваға жоғары дәрежелі ерекшелік белгісі – «Қазақстанның Еңбек Ері» атағы беріліп, айрықша ерекшелік белгісі –&nbsp;Алтын жұлдыз бен «Отан» ордені тапсырылсын», – деп жазылған қаулыда.
</blockquote>
Роза Рымбаева 1957 жылы&nbsp;28 қазанда&nbsp;Семей облысы, Жарма ауданы, Жаңғызтөбе станциясында дүниеге келген. Оның есімін ата-анасы Роза Бағланованың құрметіне қойған.
1974 жылы Семейдегі музыкалық училищеге түсіп, 3 жыл оқиды. Бұдан кейін Алматыдағы театралдық-көркем өнер институтында оқып, оны 1984 жылы тәмамдайды. Алматы қаласындағы театрлық көркемдік институттың музыкалық драмалық комедиясы факультетін бітірген.
Роза Рымбаева 1977 жылы Болгариядағы “Золотой Орфей” фестивалінде Кеңес Одағының батыры Әлия Молдағұловаға арналған “Әлия” әнін шырқаған соң ерекше танымал болды. Ол гран-при ұтып алды.&nbsp;
КСРО-да Алла Пугачева мен София Ротару сынды үлкен танымалдылыққа ие болды.

ҚР Президенті Роза Рымбаеваға құрметті атақ берді

<a href="https://kyzylorda-news.kz/">Kyzylorda-news.kz.</a> Қызылордада бес жастағы баланы қағып өлтірген көлік жүргізушісі 1 жыл 6 айға сотталды.
Бұл қайғылы жағдай биылғы жылдың шілде айында Қызылорда қаласына қарасты Досан ауылында болған. Кешкілік ВMW-520 маркалы автокөлігінің иесі жолды кесіп өтпек болған бүлдіршінді қағып өткен. Жол-көлік оқиғасы салдарынан бүлдіршін облыстық балалар ауруханасының жансақтау бөлімшесінде есін жимаған күйі қайтыс болған.
<blockquote>
 «Осы оқиға бойынша ҚР Қылмыстық кодексінің 345-бабының 3-бөлігімен қылмыстық іс тіркеліп, тергеп-тексеру амалдары жүргізілген, іс сотқа жолданған. Онда абайсызда адам өліміне әкеп соққан іс-әрекетті жасау жағдайы көрсетілген. Қылмыстық құқықбұзушылығы толығымен дәлелденді. Күдікті ҚР Қылмыстық кодексінің 345-бабының 3-бөлігімен кінәлі деп танылды. Қызылорда қаласының №2 сотының үкімімен ол 5 жыл мерзімге көлік құралын жүргізу құқығынан айырыла отырып, 1 жыл 6 ай мерзімге бас бостандығынан айыру жазасына сотталды», – деп мәлім етті Қызылорда қаласы прокуратурасының бөлім прокуроры Қуаныш Назар.
</blockquote>

Қызылордада бес жастағы баланы қағып өлтірген көлік жүргізушісі сотталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Үкіметке Сексеуіл кентінде теміржолды кесіп өтіп мектепке баратын оқушылардың мәселесін шешуді тапсырды.
<blockquote>
 «Egemen Qazaqstan» газетіндегі «Темір жолды жағалап топ бала жүр» атты мақаладан Сексеуіл кентінде 360 бала күнделікті мектепке бару үшін 13 рельсті кесіп өтетінін оқыдым. Бұл – өте өзекті мәселе. Оны шешу үшін Үкімет нақты шаралар қабылдауы қажет», деп жазады Президент <a href="https://twitter.com/TokayevKZ/status/1204775721790513152">Twitter</a>-дегі парақшасында.
</blockquote>
Қызылорда облысының Арал ауданындағы Сексеуіл кенті – темір жол бойындағы ірі тораптық стансаның бірі. Станса арқылы өтетін «Бейнеу – Жезқазған» темір жолы пайдалануға берілгелі бері мұндағы халық саны да өсті.
<blockquote>
 «Сексеуіл арқылы ірі темір жол торабы өтеді. Кенттегі 3 мек­тептің (№87, 31 және 177 мектеп) барлығы кенттің негізгі бөлігінде орналасқандықтан, жаңа ауданда тұратын 360 оқушы сабаққа келу үшін күнде 13 рельсті кесіп өтеді. Мұның ойын баласы үшін қауіпті екені айтпаса да түсінікті. Әрі 3 мектептегі бала саны да шамадан тыс көбейді», делінген аталмыш мақалада.
</blockquote>

Қасым-Жомарт Тоқаев Сексеуіл кентінде мектепке теміржолдан өтіп баратын оқушылар мәселесін шешуді тапсырды

<a href="https://kyzylorda-news.kz/">Kyzylorda-news.kz.</a> Желтоқсанның 12-сі күні республикамыздың басым бөлігінде атмосфералық фронталды бөліктердің өтуіне байланысты ауа райы құбылмалы болады, деп хабарлайды РМК «Қазгидромет».
Кәсіпорын таратқан мәліметтерге қарағанда, желтоқсанның 12-сі күні республиканың кей жерлерінде жауын-шашын болады.
Тек Қазақстанның шығыс және оңтүстік-шығысында ғана антициклонның ықпалымен күн жауын-шашынсыз болады. Республикамыздың кей жерлерінде тұман түсіп, көктайғақ болып, жел күшейеді, бұрқасын болады.
Солтүстік Қазақстан, Қостанай, Ақмола облыстарының кей жерлерінде бұрқасын, тұман, көктайғақ болып, жел секундына 15-20 м/с жылдамдықпен соғады.
Жамбыл, Батыс Қазақстан облыстарының кей жерлерінде тұман түсіп, көктайғақ болады, желдің жылдамдығы секундына 15-20 метрге жетеді.
Алматы облысының бірқатар аумақтарында түнде және таңертең тұман түсіп, күндіз Жалаңашкөл ауданында жел секундына 15-20 метр жылдамдықпен соғуы ықтимал.
Түркістан облысының басым бөлігінде тұман түседі.
Қызылорда, Маңғыстау, Атырау, Ақтөбе, Павлодар, Қарағанды, Шығыс Қазақстан облыстарының кей жерлерінде тұман түсіп, көктайғақ болады.

Желтоқсанның 12-сі күнгі ауа райы болжамы

Қазақстан Республикасы Кеден органдарының құрылған күні
Қазақстан Республикасы Президентінің 1992 жылғы 12 желтоқсандағы «Қазақстан Республикасының қаржы, салық және кеден қызметін қайта құру туралы» Жарлығын орындау мақсатында осы қызметтердің барлығы бір жүйеге – ҚР Қаржы министрлігіне біріктірілді. ҚР Кеден органдарының негізгі қызметі – Қазақстан Республикасы экономикалық қауіпсіздігін қамтамасыз ету, материалдық және мәдени құндылықтарды заңсыз шет елге шығарудың алдын-алу, қару-жарақ, есірткі заттарын тасымалдауға тосқауыл болу, контрабандамен күрес, республика бюджетіне кеден салығының уақытында түсіп отыруын қамтамасыз ету, Қазақстан Республикасының шекарасы арқылы азаматтар мен автокөлік өткізу жұмысын ұйымдастыру және басқалар.
Халықаралық бейтараптық күні
БҰҰ Бас Ассамблеясының 2017 жылдың ақпанындағы қарарымен бекітілді. 1995 жылы 12 желтоқсанда Біріккен Ұлттар Ұйымы «Түрікменстанның тұрақты бейтараптығы» туралы қарарын қабылдаған болатын. Ол нейтралитетті қолдау бойынша тарихтағы тұңғыш осындай құжат болды. Халықаралық нейтралитет күні сол құжаттың құрметіне атап өтіледі. Бұл күн Түрікменстан Республикасында ұлттық мейрам.
Денсаулық сақтау қызметін жаппай қамтудың Халықаралық күні
2012 жылдың 12 желтоқсанында Біріккен Ұлттар Ұйымының Бас Ассамблеясы «Әлем тұрғындарының денсаулығы және сыртқы саясаты» туралы қарар қабылдады.
1917 жылдың 12 желтоқсанында Алаш Орда үкіметі құрылды. Атап айтқанда, 1917 жылдың 5-13 желтоқсан аралығында Орынбор қаласында өткен 2-жалпықазақ съезінде Алаш Орда үкіметін құрылғаны жарияланған болатын. Съез күн тәртібінде бірқатар маңызды мәселелер талқыланды. Соның ішінде қазақ автономиясы, милиция (жасақ) және Ұлт кеңесі мәселелерін қаралды. Жаңа автономияны «АЛАШ» деп атауды ұсынылып, 1917 жылдың 12 желтоқсанында съез делегаттары уақытша ұлттық кеңесті – Алаш Орданы құрды. Ал көпшіліктің дауысымен Алаш Орда үкіметінің төрағасы болып Әлихан Бөкейханов сайланды. Кейіннен бұл туралы Әлімхан Ермеков «Сарыарқа» газетінің 1918 жылғы 22 қаңтардағы №28 санында: «Декабрьдің 12-сі күні, түс ауа, сағат 3-те дүниеге АЛАШ автономиясы келіп, азан шақырылып ат қойылды. Алты алаштың баласының басына ақ орда тігіліп, АЛАШ туы көтерілді. Үлкен ауылдарға қоңсы қонып, шашылып жүрген қырғыз-қазақ жұрты өз алдына ауыл болды. Отансыз жұрт Отанды болды» деп жазған болатын.
1991 жылы Қазақстан Республикасының Президенті Н.Ә.Назарбаевтың «Қазақстандағы 1986 жылғы желтоқсанның 17-18-індегі оқиғаларға қатысқаны үшін жауапқа тартылғандарды ақтау туралы» Жарлығы шықты.
1991 жылы Қазақстан Республикасының Президенті Н.Ә.Назарбаевтың Жарлығымен ҚР Мемлекеттік кеден комитеті құрылды.
2013 жылы ҚР Ұлттық банкі түркі жазуының ескерткіші «Күлтегінге» арналған номиналы 1000 теңгелік естелік банкнотын айналымға шығарды. Ол банкнот сары-қоңыр түске қанық боялған. Оның басты бетіне Күлтегін ескерткіші, “Қазақ елі” монументі мен ұшып бара жатқан көгершін бейнеленсе, ал екінші бетіне түркі жауынгерлері, түркі жазбаларының көшірмесі мен бұғының суреті салынған. Одан бөлек, банкноттың екінші бетіне мемлекеттік тудың бір бөлігі бейнеленген голографиялық сызық та, Ұлттық банктің логотипі мен “Ескерткіш теңге” деген де жазу бар. Ескерткіш банкноттың таралымы 10 миллион дананы құрайды.

12 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 12 желтоқсанға арналған жұлдыз-жорамалы.
Тоқты
Бүгін күш-қуатыңыз тасып тұрады. Осы сәтті пайдаланып көпшілік ортаға барыңыз. Ол жақта қызықты таныстықтардың куәсі боласыз.
Торпақ
Кәсіби тұрғыда бұл күні сізді жарқын болашақ күтіп тұр. Мүмкіндікті пайдаланып өз ойларыңызды жүзеге асыратын боласыз.
Егіздер
Бүгін сізді жұмысқа қатысты қызықты ұсыныстар қызықтыратын болады. Алайда жұлдыздар сақ болуды ескертеді.
Шаян
Күніңіз бірқалыпты өтеді. Алайда тұрмыстық мәселелермен жалғыз өзіңіз айналысуға тура келеді.
Арыстан
Бүгінгі күніңіз сәтті өтеді. Сонымен қатар тосынсыйлар да болуы мүмкін. Егер ренжіткен адам болса, жуық арада ол өз жазаын алатын болады.
Бикеш
Бүгін денсаулығыңызға көңіл бөлгеніңіз жөн. Салқын тигеннің өзін жай қалдыруға болмайды. Ауырмайтын жол іздеңіз.
Таразы
Бүгін кешке қарай отбасыңызбен отырып әңгіме-дүкен құрасыз. Не болмаса күні бойы дүкен аралап, өзіңізді бір сәт «еркелетіңіз». &nbsp;
Сарышаян
Егер маңызды қадам жасауды, шешім шығаруды бүгінге қалдырған болсаңыз, онда жолыңыз болғалы тұр. Сіздің қолыңыздан барлығы келеді.
Мерген
Күніңіз жемісті болады. Берілген тапсырмаларды дер кезінде орындап, жеке шаруаңызды да аяқтауға үлгересіз.
Тауешкі
Таңертеңнен бастап қызықты тосынсыйларға тап боласыз. Кейде жоспарыңызды өзгертуге тура келеді. Жақындарыңыз сізді қолдайтын болады.
Суқұйғыш
Жұмысыңыздың жемісін көріп, еңбегіңіз еленетін болады. Тынбай жасаған жұмысыңыздың арқасында биікке көтерілесіз.&nbsp;
Балықтар
Жаныңыздағы адам немесе сүйіктіңіз сіз туралы жақсы пікірде болады. Осы қалпыңыздан айнымаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Алматы&nbsp;соты “Олимп” букмекерлік кеңсесінің шоттарды тұтқындау туралы қаулысын болдырмау жөніндегі өтінішін қабылдамай қойды: шығарылған шешім өзгеріссіқ қалдырылды деп хабарлайды&nbsp;<a href="https://kaz.nur.kz/1831091-olimpti-sottardy-ttkyndau-men-tintudi-boldyrmau-zajly-tinisin-kabyldamaj-kojdy.html">KAZ.NUR.KZ</a>.
Компания оңтүстік астананың арнайы мамандындырылған соты рұқсат берген шоттарды тұтқындау мен тінту жұмыстарымен келіспей отыр. Алайда, қалалық сот бұған дейін шығарылған сот инстанциясының шешімін толықтай дұрыс деп есептеп, “Олиптің” өтінішін қабылдамады.
ЖШС қорғаушысы барлық шоттарды тұтқындау туралы шешімді заңсыз деп санады. Себебі, бұл әрекет салдарынан бірлестік өз салығын да төлей алмай қалды дейді ол.
Оған қоса, заңгер тергеу шоттарда сақталған ақшаның заңсыз жолмен табылып, қылмыс қаруы болғанын дәлелдей алмай отырғанын алға тартты.
Айта кетейік, желтоқсан басында “Олимп” букмекерлік кеңселерінің жүйесіне қатысты тергеу амалдары басталғаны&nbsp;хабарланған болатын.
Оған Ұлттық қауіпсіздік комитетінің заңсыз ойын бизнесіне қатысты күдігі сепші болған. Кеңсе заңсыз әрекеттерін ғаламтор ресурстары арқылы іске асырған болуы мүмкін.
Одан бөлек, ҰҚК букмекерлік кеңсенің көмегімен елімізден заңсыз жолмен ақша шығарылған деп күдіктеніп отыр.
Мемлекеттік құрылымның баспасөз қызметі “Олимптің” қатысы бар болуы мүмкін тағы бірқатар қаржылық қылмыстар бар екенін мәлімдеді. Алайда, нақты қандай қылмыстар екені анықталған жоқ.
Белгілі болғандай, арнайы мамандандырылған сот мекеме лицензиясының жұмысын жарты жылға тоқтатып тастады.
Алайда, компанияның өзі істің мұндай өрбуіне келіспей, оңтүстік астананың қалалық сотына шағым түсірді.

«Олимп» төңірегіндегі дау: сот өтінішті қабылдамай қойды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қалалық полиция департаменті мен прокуратура ұрланған мүлікті Қырғызстанға апарып сатып жүрген каналды әшкереледі, деп хабарлайды&nbsp;<a href="https://www.inform.kz/kz">ҚазАқпарат.</a>
&nbsp;Арнайы операция «Қордай» кеден бекетінің маңында болды. Қазақстан Республикасының мемлекеттік шекарасынан шығып бара жатқанда полиция «Хонда» маркалы көлігін тоқтатқан. Көлікті 23 жастағы Қырғызстан азаматы тізгіндеген. Автокөлікті тінту кезінде багаж бөлімінен арнайы құжаты жоқ 45 ұялы телефон табылды.&nbsp;
<blockquote>
 «Бұл дерек ҚР ҚК 196-бабы бойынша бірыңғай тергеу ісі реестріне тіркелді. Ұсталған жүргізуші жаз айынан бері Алматыда ұсталған телефондарды арзан бағамен сатып алып жүргенін мойындаған. Ол бұл телефондарды Алматыдағы «Мега тау» сауда үйінде телефон сатумен айналысатын ер адамнан алып отырған. Жүргізуші отандасымен бірге Алматыға күнде келіп, ұсталған телефондар мен гаджеттерді алып кетіп Бішкекте сатып отырған. Қазір «Мега тау» сауда үйінің саудагері де ұсталды. Ол ұрланған телефондарды сатумен айналысқанын мойындады. Оның тұратын жерін тексерген кезде 64 ұрланған телефон табылған», – деді ПД криминалды полиция басқармасының басшысы Жанболат Зиадин.
</blockquote>
&nbsp;Ұсталғандар қамауға алынды. Жақын арада Қырғызстанға шекара асқан телефондар Алматыға қайтарылады. Осыдан бірнеше жыл бұрын полиция Алматыдан Қырғызстанға заңсыз жіберілген 100 ұялы телефонды өз иелеріне қайтарған болатын.

Қазақстан және Қызылорда облысының жаңалықтары

“Сақтандырылған” мәртебесі әрбір азаматта болуы тиіс

«Қызылорда су жүйесі» мекемесі тұтынушыларының назарына

Қызылордада 14 мал ұрлығы қылмысы ашылды

Қызылордада 2020 жылы шыны зауыты іске қосылады

ҚР Президенті Роза Рымбаеваға құрметті атақ берді

Қызылордада бес жастағы баланы қағып өлтірген көлік жүргізушісі сотталды

Қасым-Жомарт Тоқаев Сексеуіл кентінде мектепке теміржолдан өтіп баратын оқушылар мәселесін шешуді тапсырды

Желтоқсанның 12-сі күнгі ауа райы болжамы

12 желтоқсан: Атаулы күндер мен оқиғалар

Жұлдыздар не дейді?

«Олимп» төңірегіндегі дау: сот өтінішті қабылдамай қойды

Елімізде ұрланған телефондарды шетел асыратындар қолға түсті

Қазақстан және Қызылорда облысының жаңалықтары

&#8220;Сақтандырылған&#8221; мәртебесі әрбір азаматта болуы тиіс

«Қызылорда су жүйесі» мекемесі тұтынушыларының назарына

Қызылордада 14 мал ұрлығы қылмысы ашылды

Қызылордада 2020 жылы шыны зауыты іске қосылады

ҚР Президенті Роза Рымбаеваға құрметті атақ берді

Қызылордада бес жастағы баланы қағып өлтірген көлік жүргізушісі сотталды

Қасым-Жомарт Тоқаев Сексеуіл кентінде мектепке теміржолдан өтіп баратын оқушылар мәселесін шешуді тапсырды

Желтоқсанның 12-сі күнгі ауа райы болжамы

12 желтоқсан: Атаулы күндер мен оқиғалар

Жұлдыздар не дейді?

«Олимп» төңірегіндегі дау: сот өтінішті қабылдамай қойды

Елімізде ұрланған телефондарды шетел асыратындар қолға түсті

“Сақтандырылған” мәртебесі әрбір азаматта болуы тиіс