<a href="https://kyzylorda-news.kz/">Kyzylorda-news.kz.</a> ТЖД Төтенше жағдайлардан болатын тәуекелдерді азайту мен азаматтық қорғаныс саласын бақылау Алматы облыстық басқармасының басшысы Айдос Нүсіпбаев пиротехникалық бұйымдарды дұрыс қолдану ережелерімен таныстырды, деп хабарлайды <a href="http://lenta.inform.kz/kz/mamandar-pirotehnikalyk-buyymdardy-nege-karga-kadap-atuga-bolmaytynyn-tusindirdi_a3594062">ҚазАқпарат</a>.
<blockquote>
 «14 жасқа дейінгі балаларды петарда-ракета атуға жақындатпау керек. 50 метрге дейінгі қашықтықта кедергі болатын заттар жоғына көз жеткізу керек. Қорапқа үңілуге, фитильді қол созым жерден жағуға тыйым салынады. От жаққан соң қауіпсіз қашықтыққа шығу керек. Жел қатты соғып тұрған кезде салют атуға, салют жарылмған жағдайда қасына барып қайта тұтатуға болмайды. Себебі, бірнеше уақыт күту керек. Көбінесе адамдар осындай қауіпсіздік ережелерін сақтамау салдарынан жарақат алып қалады», – деді Айдос Нүсіпбаев.
</blockquote>
Көптеген адамдардың пиротехниканы қолына ұстап тұрып ату жағдайлары жиі кездеседі.
<blockquote>
 «Тек Бенгал шамшырағын ғана қолмен ұстап атуға болады. Калибрі 1 см-ден жоғары бұйымдарды қолға ұстауға болмайды. Оларды жерге арматура қадап немесе арнайы қоршауға байлап атқан дұрыс. Көп адамдар тек қарға қадай салады. Бірінші рет дұрыс атылғанымен, салют қисайып кетсе, траекториясы бұзылып, көліктерге, адамдарға тиюі мүмкін», – деді «Қазсалют» ЖШС бас менеджері Нұрлан Қазбеков.
</blockquote>

Мамандар пиротехникалық бұйымдарды неге қарға қадап атуға болмайтынын түсіндірді

<a href="https://kyzylorda-news.kz/">Kyzylorda-news.kz.</a> Мемлекет басшысы Жастар жылының жабылу және Волонтер жылының басталу салтанатына қатысып, орамды ойларын ортаға салды. Келер жылы нақты атқарылатын шараларды айтты. Көңіл қуантатын жаңалықтарды естіп, біз жастар Президентті қызу қуаттайтынымызды білдіргім келеді.
<blockquote>
 «Жоғары оқу орындары студенттерінің стипендиясын арттыру өзекті мәселелердің бірі екенін білемін. Бұл мәселеге көңіл бөлінбей қалды. 2016 жылдан бері стипендия көбейген жоқ. Сондықтан&nbsp;студенттерді қолдау үшін 2020 жылдың 1 қаңтарынан бастап бакалавриат, магистратура мен докторантурада оқитын студенттердің стипендиясын 25 пайызға өсіру жөнінде шешім қабылдадым. Бұл жалпы 130 мыңға жуық адамды қамтиды. Мұндай қолдау колледж студенттеріне де көрсетілетін болады», деді Мемлекет басшысы.
</blockquote>
Қасым-Жомарт Тоқаев алдағы Волонтер жылының міндеттері туралы айта келіп, бірнеше негізгі бағыттарға назар аударуды ұсынды. «Сабақтастық» жобасы аясында еріктілер балалар үйінің тәрбиеленушілерін өз қамқорлықтарына ала алады. «Саулық» бағыты бойынша медициналық волонтерлік дамиды, олар ауырған адамдарға жәрдем көрсетеді. «Таза әлем» жобасы қоршаған ортаны қорғауға бағытталған. «Асыл Мұра» бағыты еріктілерді материалдық және рухани, мәдени-тарихи мұраларды сақтау жұмыстарына тартады. «Қамқор» бастамасы қарттар үйіндегі еріктілер жұмысын қамтамасыз етеді. «Білім» жобасы ауыл мектептеріндегі жоғары сынып оқушыларын ҰБТ-ға дайындау жұмыстарына, ағылшын тілін үйретіп, компьютерлік сауаттылықты жетілдіруге көмектеседі. «Үміт» жобасы бойынша еріктілер Екінші дүниежүзілік соғыстағы Жеңістің 75 жылдығы аясында отандастарымыздың ерлігін баяндайтын құжаттарды іздестірумен айналысады.
Президент волонтерлікті ұлттық масштабта ғана емес, әрбір қала мен ауылда дамыту керек деп санайды. Сонымен қатар ұжымдық волонтерлікті өркендетуге мемлекеттік аппаратты да, ұлттық және ірі компанияларды да атсалысуға шақырды.
Гүлзинат АЛДАМБЕРГЕНОВА,
Қорқыт Ата атындағы ҚМУ 2 курс докторанты

Жағымды жаңалық серпін берді

<a href="https://kyzylorda-news.kz/">Kyzylorda-news.kz.</a> Қазақстан президенті Қасым-Жомарт Тоқаев біліксіз және жүгенсіз шенеуніктерге мемлекеттік қызметте орын жоқ екенін айтты, деп хабарлайды&nbsp;<a href="https://sputniknews.kz/politics/20191212/12276682/Tokaev-sheneunikter-kutulu.html">Sputnik Қазақстан</a>.
Мемлекет басшысы шенеуніктер халықтың бір бөлігі екенін, халық арасында жүріп, солар үшін қызмет ететінін еске салды.
Президенттің айтуынша, халық үніне құлақ асатын мемлекет бюрократиядан ада, барлық процедура цифрландыру негізінде ашық жүргізілетін мемлекет екенін атап өтті.
<blockquote>
 “Мемлекеттік билік жүйесіне басқарушылардың жаңа толқынын тарту қажет. Алғашқы қадам жасалды. Президенттік жастар кадрлық резерві құрылды”, – деді Тоқаев Ақордада мемлекеттік наградаларды табыстау салтанатында.
</blockquote>
Қазақстан президенті халықты тыңдайтын мемлекетте әр азамат өзін қауіпсіздікте екенін сезініп, шенеуніктердің біліксіздігі мен жүгенсіздігінен қорғалуы тиіс екенін қадап айтты.
<blockquote>
 “Мұндай шенеуніктерден біз үзілді-кесілді бас тартамыз, құтыламыз”, – деп сендірді Қасым-Жомарт Тоқаев.
</blockquote>
Айта кетсек, Ақордада мемлекет басшысы Тәуелсіздік күні қарсаңында елге еңбегі сіңген бірқатар азаматты мемлекеттік наградамен марапаттады.
Бұдан бөлек, президент азаматтар мен мемлекет институттары арасындағы қарама-қайшылықтар ушығып тұрғанына баса назар аударды.
<blockquote>
 “Күллі әлем жұртшылығы тұрмыс сапасын жақсартуды, тең мүмкіндіктер беруді және мемлекеттің ашықтығын талап етуде. Қазақстан – осы әлемнің бір бөлігі. Сондықтан бұл мәселелердің біздің елімізге де қатысы бар. Осындай жағдайда жалған ұрандарға сенген елдің береке-бірліктен айырылғанына куә болып отырмыз. Осы себептен жағымсыз әрекеттерге дер кезінде назар аударып, халық мүддесіне сай саясат жүргізу өте маңызды”, – деді Тоқаев.
</blockquote>

Қасым-Жомарт Тоқаев қандай шенеуніктерден құтылатынын айтты

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Облыс орталығында полиция қызметкерлерімен «Заңсыз келуші» жедел-профилактикалық іс-шарасы өткізілді.
Шара аясында тәртіп сақшылары шетелдіктердің құқықтарын сақтай отырып, олардың қала аумағында болу заңдылығын тексерді. Жатақханалар, қонақ үйлер, базарлар, вокзал және салынып жатқан құрылыс нысандарын аралады.&nbsp; Қала көлемінде Көші-қон қызметі бөлімі мен Жергілікті полиция қызметкерлерімен жүргізілген жұмыс барысында 60&nbsp; шетел азаматы полиция органдарына жеке басын анықтауға жеткізілді, оның ішінде 35 азаматтың заң бұзушылығы анықталып, әкімшілік хаттамалары толтырылып, Қызылорда әкімшілік мамандандырылған сотына заңды шешім қабылдау үшін жолданды.
Сондай-ақ, 15 шетел азаматы жеке басын анықтайтын құжатының болмауына байланысты&nbsp; Қызылорда ҚПБ-ның Қабылдау-тарату орнына жеткізілді.

Қызылордада заңсыз жүрген 60 шетелдік тұтқындалды

<a href="https://kyzylorda-news.kz/">Kyzylorda-news.kz.</a> Қазақстанның құрметті журналисі, денсаулық сақтау саласының үздігі, денсаулық сақтау саласының жоғары санатты ұйымдастырушысы Амангелді Суханберлиев дүниеден озды.
Амангелді Нұғыманұлы талай жанды ажал тырнағынан арашалап қалған білікті хирург, сондай-ақ медицина саласының мамандарын дайындап, тәрбиелеген ұлағатты ұстаз еді. Журналистика саласына да елеулі еңбегі сіңді. Сондай-ақ «Нұр-Жан» журналын шығарып, аймақ баспасөзінің дамуына үлес қосты.
Суханберлиев Амангелді Нұғманұлы 1953 жылы сәуір айының 6-шы жұлдызында Арал ауданы Бөген ауылында көп балалы кедей-шаруа отбасында дүниеге келген. Әкесі Нұғманның 1-ші топтағы зағиптығына байланысты тоғыз баланың тұңғышы Амангелді белі қатпай қара жұмысқа жегіліп, тұрмысы ауыр жанұяның ауыртпалығын арқалап, ата-анасы мен өзінен кейінгі бауырларына қамқор болған. Бөгендегі ВЛКСМ-ның ХХХ-жылдығы атындағы №20 орта мектептің бесінші сыныбының озат оқушысы бола жүріп, 1964 жылдан бастап аудандық «Толқын» газетіне, облыстық «Ленин Жолы», республикалық «Лениншіл жас» – «Жас Алаш», «Халық Кеңесі», «Ара» басылымдарына мақалалары жиі жарияланып тұрған. Орта мектепті бітірген 1970 жылы мектеп дирекциясының аудандық білім бөлімінен арнайы алдырған Алматыдағы Қазақ мемлекеттік университетінің журналистика факультетіне берген жолдамасынан бас тартып, «Зағип әкемнің көзін емдеп жазамын» деп дәрігерлік жолды таңдаған. Сөйтіп, 1973 жылы Ақтөбе мемлекеттік медицина институтына түсіп, оны хирург мамандығымен озық дипломмен тәмамдап, бүгінгі күнге дейін денсаулық сақтау саласында жемісті еңбек етіп келеді.
1990 жылдан бастап Қазақстан Республикасының Журналистер одағының мүшесі Амангелді Суханберлиев ұзақ жылдардан бері денсаулық саласы мен баспасөздегі жемісті еңбегінің нәтижесінде «ҚР Денсаулық Сақтау ісінің үздігі»-1997 жыл, «Ерен еңбегі үшін»-2009 жыл, «Еңбек. Абырой. Құрмет»-2010 жыл, «Денсаулық саласының озық қызметкері»-2011 жыл, «Абай Құнанбаев»- 2012 «Қазақстанның Құрметті журналисі»-2017, «Алтын дәрігер», «Еңбек ардагері»- 2018, «Мәртебе» белгілерінің иегері.
Жоғары санатты дәрігер хирург, денсаулық сақтау қызметінің озық ұйымдастырушысы «Еңбек және халықты әлеуметтік қорғау» министрінің «Құрмет грамотасымен», облыс әкімі мен облыстық мәслихаттың бірнеше дүркін «Құрмет грамоталары» мен Алғыс хаттарымен марапатталды.
Ол өзінің туған жері Арал ауданы Бөген ауылының орталығында бүгінгі замана талабына сай шығыс архитектурасы үлгісімен салынған мешіт құрылысына басты демеушілік жасаған «Нұржан Ишан Ата» атындағы қайырымдылық қоры» Қоғамдық қорының президенті.
Амангелді Нұғманұлы Суханберлиев 2014 жылдан бастап ай сайын шығатын, оқырмандары екі жарым мыңға жуық республикалық ғылыми-көпшілік, рухани-танымдық «Нұр Жан» журналының бас редакторы.

Қазақстанның құрметті журналисі Амангелді Суханберлиев дүниеден өтті

<a href="https://kyzylorda-news.kz/">Kyzylorda-news.kz.</a> Қазақстандықтар 90 күн мерзімі өткен соң Ресейге келу мен қайту уақытын ұзарта алады,&nbsp;деп хабарлайды&nbsp;<a href="https://stan.kz/kazakstandiktardin-reseyge-baru-erezhesi-ozgerui-mumkin-325248/">Stan.kz</a>.&nbsp;
Ол туралы ақпаратты РФ Сыртқы істер министрлігі ТМД елдерінің үшінші департамент директоры Александр Стерник мәлімдеді.
ҚР Сенат спикері Дариға Назарбаева қазақстандық азаматтардың Ресейге бару мәселесі бойынша келіспейтін пікірі бар екенін айтқан болатын. Ресейліктер Қазақстанда 90 күн жүріп, елден шығып бірден қайта орала алады, ал Қазақстан азаматтары Ресейде 90 күн жүрсе, елден 90 күнге тағы кетуі керек. Яғни, сапар арасы 90 күнді қамтуы міндет. Сондай жағдайда ғана Ресейге қайта кіруге мүмкіндік бар.
<blockquote>
 “Бүгін Қазақстан азаматтары ресми жұмыс істеп немесе елімізде оқып жүрсе, Ресейде 90 күннен артық жүруге құқы бар. Расыменде, Қазақстан тарапынан жеке мақсатпен Ресейге аттанатын өз азаматтарына байланысты жүріп-тұру ережесін өзгерту туралы сұраныс болды”, – деді Александр Стерник.
</blockquote>
Айтуынша, аталған мәселе екі тараптың СІМ телефон арқылы қарастырылды. Қазіргі уақытта “Ресей Федерациясындағы шет ел азаматтарының құқығы туралы” федералды заңға түзетулер енгізу мәселесі талқылануда.
<blockquote>
 “Түзетулердің негізі Ресейге келетін шет ел азаматтарының қалыпты мерзімін ұзарту&nbsp;мен нақтылауға бағытталған”, – деді Стерник.
</blockquote>

Қазақстандықтардың Ресейге бару ережесі өзгеруі мүмкін

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордалық кәсіпкер Мұрат Сәрсенбаев екі бірдей ерекше марапаттың иесі атанды.
ҚР Президенті Қасым-Жомарт Тоқаевтың Жарлығымен:Мемлекеттік және қоғамдық қызметтегі сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін қызылордалық «Абай Дәулет» ЖШС директоры Мұрат Абайұлы Сәрсенбаев «Құрмет» ордені мемлекеттік наградасымен наградталды.
Мұнан өзге, кәсіпкер ҚР Ақпарат және қоғамдық даму министрлігі «Рухани жаңғыру» бағдарламасының «Туған жер» арнайы жобасын іске асыру мақсатында ұйымдастырған «Жомарт жүрек» сыйлығының “ЖЫЛ МЕЦЕНАТЫ” номинациясы бойынша&nbsp; лауреат атанды.
Қайырымдылық демеу көрсету аясында «АбайДәулет» ЖШС компаниясымен жыл сайын жетім балаларға, көп балалы отбасыларға, зейнеткерлерге, басқа да мұқтаж жандарға қомақты қаржылық көмек көрсетілуде.
Жалпы, «АбайДәулет» компаниясы әлеуметтік жауапкершілік пен әлеуметтік саясатты қалыпты жүргізуді бизнесті дамытудың ұзақ перспективадағы негізгі талабы деп қарастырады. Әлеуметті сала мен күріш өңдейтін ауылдарды дамыту компанияның басым бағыттарының бірі болып табылады.&nbsp;&nbsp;
Серіктестіктің негізгі міндеттері – әлеуметтік инфрақұрылымды қайта салу және дамыту, абаттандыру және көркейту, кадрларды дайындау, денсаулық сақтау мен спорт салалары, шағын және орта бизнесті дамыту. &nbsp;
2018 жылы «Абай Даулет» ЖШС-нің негізін қалаушы құрылтайшылардың шешімі бойынша түрлі бағыттардағы жобалар іске асырылған.
Атап айтқанда, Сырдария ауданына қарасты Бесарық ауылына абаттандыру, көгалдандыру, аялдама салу шаралары қабылданып, ауылдағы мәдениет үйіне, балабақшаға күрделі жөндеу жұмыстары жүргізіліп, балалар үшін ұлттық киімдер, жаңа оқу жылына мектепке құрал-жабдықтар алынды. Мұнан өзге, Сырдария ауданына қарасты Бесарық, Тоқмағанбетов, Сейфуллин ауылдарының балалары үшін ағылшын тілі орталықтары ұйымдастырылып, Ульсана Ұлттық Университетінде студенттер оқытылуда.
Спорт компанияның қайырымдылық бағыттарының бірі болып табылады. Компания тұрақты түрде Қызылорда қаласындағы және Бесарық ауылдық округіндегі спорт үйірмелеріне қаржылай қолдау көрсетіп келеді, және де жыл сайын жаңадан қосымша спорт орталықтарын ашуда.&nbsp; Сырдария ауданы Бесарық ауылында – «Бокс», «Таэквондо», «Дзюдо» секциялары, Қызылорда қаласында – Қ.Мұхамеджанов атындағы мектеп-гимназиясында және №253 орта мектепте «Таэквондо» секциялары ашылды. &nbsp;
Сонымен қатар, компания Қармақшы ауданына қарасты ІІІ-Интернационал ауылына қомақты қаржы салып, ауылды абаттандырды, көгалдандырды, қырман мен көлікжайды жөндеп, жарықтандыру орнатты, балаларға арналған ойын алаңын салып, тұрмысы төмен отбасыларға көмек көрсетті.
М.Сәрсенбаевтың басшылығымен және тікелей қатысуымен «Абай Дәулет» ЖШС-гі қалдықсыз өнім өндіру жүйесіне көшті. Бұрын күріш қауызын арнайы құрал болмағандықтан тастауға мәжбүр болған мекеме бүгінде бұл мәселенің де шешімін тапты.
«Абай Дәулет» ЖШС-і Қызылорда қаласындағы 10 жыл бойы қараусыз қалған зауытты күрделі жөндеуден өткізіп, іске қосқан. Алғашында 7-8 адам жұмыс жасайтын зауыттың жұмысшыларының саны бүгінде 100-ге жеткен.
<img src="https://kyzylorda-news.kz/wp-content/uploads/2019/12/13gosnagrada2.jpg" alt="" />

Қызылордалық кәсіпкер мемлекеттік «Құрмет» орденіне ие болды

<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласындағы ЗК-169/5 мекемесінде жазасын өтеп жатқан ағасымен кездесуге келген азамат шұлық ішіне жасырып ұялы телефон өткізбек болған.
Ол ағасымен қысқа мерзімді кездесуге келген. Тексеру кезінде шұлық ішіне тығылған ұялы телефон табылды.
<blockquote>
 «Қызылорда қаласындағы ЗК-169/5 мекемесінің режім бөлімі мен жедел бөлімінің қызметкерлері сотталғандарға тыйым салынған заттар мен бұйымдардың мекеме аумағына өту жолдарын дер кезінде анықтауға күш салып келеді. Сотталғандармен кездесуге келген олардың туыстарына ҚР Қылмыстық-атқару кодексінің нормалары және жазасын өтеп жатқандарға тыйым салынған заттар мен бұйымдарды енгізген тұлғалардың заң алдында жауапкершіліктерін түсіндіру кеңінен жүргізіледі. Осыған қарамастан шұлық ішіне ұялы телефон жасырып өткізбек болған азамат белгілі болды. Бұл бойынша әкімшілік жауапкершілікке тарту үшін іс- құжаттары толықтай рәсімделіп, шешім қабылдау үшін Қызылорда қаласының сотына жолданды», – деп мәлім етті Қылмыстық атқару жүйесі департаментінің баспасөз қызметі.
</blockquote>

Қызылордалық азамат жазасын өтеп жатқан ағасына жасырып ұялы телефон өткізбек болған

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда облыс әкімі Қуанышбек Ысқақовтың қатысуымен ҚР мәслихаттарының 25 жылдығына арналған “Жергілікті өкілді орган-мәслихаттардың өңір дамуындағы орны мен рөлі” тақырыбында&nbsp; ғылыми-практикалық конференция өтті.
Конференция жұмысына облыстық мәслихаттың бұрынғы хатшылары, ардагерлер, облыстық мәслихаттың 1-6 шақырылым депутаттары, аудандық мәслихаттардың 1-6 шақырылым хатшылары, ғалым-ұстаздар&nbsp; қатысты.
Мәслихаттар институтының негізі 1993 жылы желтоқсанда «Қазақстан Республикасының жергілікті өкілді және атқарушы органдары туралы» Қазақстан Республикасы Заңының негізінде қаланды. Осыған орай, 1994 жылдың наурызынан бастап оған дейін жергілікті мәслихаттар қызметін атқарып келген облыстық, қалалық, аудандық кеңестердің уәкілеттілігі өкілді орган – мәслихаттарға берілді.
Конференция ашылуында «Жергілікті өкілді орган – мәслихаттардың өңір дамуындағы орны мен рөлі», «Халықтың өмір сүруін қамтамасыз етудегі жергілікті өкілді басқарудың рөлі мен маңызы», «Мәслихаттар мен қоғамдық кеңестер – өзін өзі басқару жүйесінің негізі»&nbsp; тақырыптарында баяндамалар тыңдалды.
<blockquote>
 “Мәслихат халық пен билік арасындағы алтын көпір бола отырып, өздерінің өкілеттік шеңберінде көптеген өзекті мәселелерді, қиын түйткілдерді, қордаланып қалған проблемаларды шешуге ықпал етті. Тәуелсіздікпен бірге толысып, билік буынымен берік, ел-жұртпен етене қызмет атқарып келе жатқан мәслихаттарға биыл 25 жыл толып отыр. Бұл тарих үшін қас қағым сәт болуы мүмкін. Алайда, өткен күндердің өлшемімен қарағанда осы уақыт аралығында халық игілігі үшін қаншама қыруар тірлік атқарылғанын аңғару қиын емес”,- деді облыс әкімі Қуанышбек Ысқақов.
</blockquote>
Сонымен қатар, конференция барысында&nbsp; аймақ басшысы Қуанышбек Досмайылұлы бірқатар халық қалаулыларын “Nur Otan” партиясының “Белсенді қызметі үшін” төс белгісімен, “Құрмет грамотасымен”, және ” Алғыс хаттармен” марапаттады.
<img src="https://kyzylorda-news.kz/wp-content/uploads/2019/12/13maslikhat2.jpg" alt="" />
<img src="https://kyzylorda-news.kz/wp-content/uploads/2019/12/13maslikhat3.jpg" alt="" />

Қуанышбек Ысқақов: Мәслихат халық пен билік арасындағы алтын көпір

<a href="https://kyzylorda-news.kz/">Kyzylorda-news.kz.</a> 13-ші желтоқсан күні солтүстік циклон мен онымен байланысты атмосфералық фронталды бөліктердің өтуіне байланысты республиканың басым бөлігінде ауа райы құбылмалы болады, деп хабарлайды «Қазгидромет» РМК.
Кәсіпорын таратқан ақпараттарға қарағанда, 13-ші желтоқсан күні республиканың кейбір аумақтарында жауын-шашын болады, ал кей жерлерінде жауын-шашын, қар мол көлемде түседі.
Тек Қазақстанның шығысы антициклон жотасының ықпалында болғандықтан, күн жауын-шашынсыз болады. Республикамыздың кей жерлерінде тұман түсіп, көктайғақ болып, жел күшейеді, бұрқасын болады.
Ақмола, Қостанай, Қарағанды, Павлодар облыстарының кей жерлерінде бұрқасын, тұман, көктайғақ болып, жел секундына 15-20 метр жылдамдықпен соғады.
Солтүстік Қазақстан облысының кей жерлерінде тұман түсіп, желдің жылдамдығы секундына 15-20 метрге жетеді, түнде бұрқасын, көктайғақ болады.
Жамбыл, Түркістан облыстарының кей жерлерінде тұман түсіп, көктайғақ болады, жел 15-20 м/с жылдамдықпен ұйтқиды.
&nbsp;Түркістан облысында күндіз екпіні 25 м/с жел соғады.

Қазгидромет: Желтоқсанның 13-і күнгі ауа райы болжамы

1993 жылы Қазақстан ядролық қарудан бас тартатын мемлекет ретінде ядролық қаруды таратпау туралы келісімге қосылу шешімін қабылдады.
1995 жылы Қазақстан Республикасының Президенті Н.Назарбаевтың Жарлығымен Сауд Арабиясы Корольдігінде Қазақстан Республикасының елшілігі ашылды.
2004 жылы Астанада вокзал алаңына 1922 жылы шығарылған республикадағы ең ескі паровоз қойылды. Астананың теміржол вокзалында «Батыр-паровоз» ескерткішін орнату туралы Қазақстан Президенті Н.Назарбаев 2004 жылғы 6 тамызда теміржолдың 100 жылдығына арналған салтанатты жиналыста айтқан болатын. Паровоз Швецияда жасалған. 1922-1982 жылдар аралығында Қазақстанның темір жолдарында және басқа бұрынғы одақтас республикалардың магистраль жолдарында пайдаланылған, Ұлы Отан соғысы жылдары майдан маңындағы учаскелерге жүк тасымалдаған. 2007 жылы Алматыда Қазақстан Республикасы Ұлттық Ғылым Академиясының академигі, халық жазушы Зейнолла Қабдолов (1927-2006) тұрған үйге ескерткіш тақта орнатылды. 
2016 жылы Қызылордада Сырдария өзені арқылы өтетін жаңа көпір пайдалануға берілді. Оның құрылысы 2014 жылдың шілде айында басталған болатын. Көпірдің ұзындығы – 368 метр. Көпір 9 тіректен жəне 8 аралықтан құралған. Көпірдің жүру бөлігі 14 метр, 4 қозғалыс жолағы бар.

13 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 13 желтоқсанға арналған жұлдыз-жорамалы.
Тоқты
Кешке қарай таңертеңгі ойыңыздан айнып, жоспарларыңызды кейінге қалдырасыз. Кейде өзгерістің өзі дұрыс бағытқа жетелейді.
Торпақ
Бүгін махаббатта жолыңыз болады. Ер адамдар нәзікжандарға құрмет көрсетіп, тіпті сезімін де білдіруі мүмкін.
Егіздер
Жұмысқа деген жауапкершілігіңіз жоғары. Дегенмен кейде өз жайыңызды да ойлап қойғаныңыз жөн.
Шаян
«Айтылған сөз, атылған оқ» екенін естен шығармаңыз. Кейбір сөздеріңіз өз алдыңыздан шықса, таңқалмаңыз.
Арыстан
Бүгін басшылықпен қарым-қатынасты жақсартасыз. Барлығы сіздің жоспарыңыз бойынша жүзеге асады.
Бикеш
Бүгін махаббатта жолыңыз болады. Біршама өзгерістер орын алып, құпия табынушыңыз өзінің бет-бейнесін көрсетіп, сезімін білдіреді.
Таразы
Бүгін қызықты жайттар орын алады. Армандарыңыз орындалып, қызықты оқиғаларға тап боласыз. Құдды өзіңізді ертегіде жүргендей сезінесіз.
Сарышаян
Бүгін жұмысты тез аяқтайтын болсаңыз, жеке шаруалардың да біразын бітіруге мүмкіндік бар.
Мерген
Бүгін қолда бар қаражатыңызды барынша үнемдегеніңіз жөн. Сауда жасап, босқа шығындалып қалмаңыз.
Тауешкі
Бүгін өзіңізге көпшіліктің назарын аудартуға талпынбаңыз. Барынша көзге түспеуге тырысыңыз. Сырт келбетіңізді де қарапайым ұстаңыз.
Суқұйғыш
Бүгін жұмыс көп. Бұрын бастаған шаруаны да аяқтауға сәтті күн болмақ. Тосын жағдайлар да орын алуы мүмкін.
Балықтар
Жеке өміріңізде болып жатқан оқиғаларға мән беріңіз. Өзгерістерді қабылдаңыз, бірақ өз бетіңізбен ештеңені өзгертудің қажеті жоқ.

Қазақстан және Қызылорда облысының жаңалықтары