<a href="https://kyzylorda-news.kz/">Kyzylorda-news.kz.</a> Өскеменде «Сергек» бақылау камераларының дұрыс емес ақпарат бергендігі үшін айыппұл төлеген жүргізушілерге олардың ақшасы қайтарылатын болады. Желтоқсан айында өздерінің жол ережесін бұзды деп айыптап, қағаз алған жүргізушілер өздерінің кінәлі еместігін айтып, жаппай наразы болған. Бұл жағдайдан кейін арнайы тексеріс құрылып, мәселенің мән-жайы анықталыпты. Артынша бағдарламаны құрастырып шыққан мердігерлер өз кінәлерін мойындап, жүргізушілерге ақшалары қайтарылатын болатыны жеткізген, деп хабарлайды&nbsp;<a href="https://stan.kz/zhurgizushilerdin-ayippylga-tolegen-akshasi-kaytarilati-325244/">Stan.kz</a>.&nbsp;
<blockquote>
 “Белгілі себептерге байланысты мәселені бірден шеше алмаған болатынбыз. Десек те қазіргі таңда бұл жағдай түбегейлі қолға алынды. Заңға сәйкес келмейтін жағдайларға байланысты айыппұл төлеуге мәжбүр болған жүргізушілердің барлығына да қоңырау шалынды. Оларға ақшаларын қалай қайтарып алуға болатыны түсіндірілді”, – деді “Көркем телеком” ұйым филиалының директоры Алексей Снегур.&nbsp;
</blockquote>
Алдағы уақытта ешкімнің&nbsp;өзінің кінәлі еместігін дәлелдеуінің қажеті болмайды.&nbsp; Ал айыппұл төлеген адамдардың ақшасы олардың есепшотына немесе банктік карталарына аударылатын болады. Дегенмен “Сергек” бақылау камераларына тек жүргізушілер ғана емес, көпқабатты үйдің тұрғындары да наразы көрінеді.
Әлеуметтік желілерде ер азамат терезесінің алдына орнатылған камераны видеоға түсіріп, өзінің ренішін&nbsp;болатын. Оның айтуынша, тұрғын камера орнатылған терезенің бөлмесінде күнделікті үй жұмысын істеуден қалыпты. Ақырында оның бұл видеосынан кейін бейнебақылау камерасы басқа жерге орнатылыпты.

«Сергек»: Жүргізушілердің айыппұлға төлеген ақшасы қайтарылатын болады

<a href="https://kyzylorda-news.kz/">Kyzylorda-news.kz.</a> Түркістан облысында «Түркістан – Ер Түріктің бесігі ғой…» республикалық әдеби байқауының және «Түркістанды бірге түлетейік» шығармашылық байқауының жеңімпаздары марапатталды, деп хабарлайды&nbsp;<a href="http://lenta.inform.kz/kz/turkistanga-arnalgan-kos-baykaudyn-zhenimpazdary-anyktaldy_a3594526">ҚазАқпарат</a>.
Аталмыш байқауларға республикамыздың барлық өңірінен 100-ден аса қаламгер мен әлеуметтік желі қолданушылары қатысып, бағын сынады.
Марапаттау рәсімін облыстық Қоғамдық даму басқармасының басшысы Дамир Жүнісов ашып берді. «Мұндай байқаулардың өтуі – руханият саласына үлкен серпіліс алып келеді. Байқауға түскен тың туындылар, маңызды мәліметтер арқылы Түркістанның тарихын өскелең ұрпаққа жаңаша бағытта насихаттай аламыз», – деген ол, қатысушыларға алғысын білдірді. Түркі елдерінің рухани астанасы, жас облыс орталығы – Түркістан қаласының терең тарихын жырлау, шығармашыл жандардың туындысына серпін беріп, олардың тың дүниелерін насихаттау мақсатында ұйымдастырылған «Түркістан – Ер Түріктің бесігі ғой…» республикалық әдеби байқауы поэзия және проза жанрлары бойынша өтті.
Қазылар алқасының шешімімен тақырыпты тереңінен толғап, отты шығармаларымен ерекшеленген Қызылорда облысының тумасы Толыбай Абылаев бас жүлдеге ие болды. Жүлделі 1-орын Қарағанды қаласынан қатысқан Жанат Жаңқашұлына берілсе, түркістандық Батырхан Сәрсенхан 2-орын, Қостанай облысынан Ақылбек Шаяхмет 3-орынды қанжығасына байлады. Маңғыстау облысынан Асылбек Жаңбырбай, көкшетаулық Қуаныш Оспан, Нұр-Сұлтан қаласынан қатысқан Олжас Қасым және Түркістан облысынан Айдар Сейдәзім мен Дәурен Тілеуханға ынталандыру сыйлықтары табысталды.
Байқауға ақын, ҚР Еңбек сіңірген қайраткері Қасымхан Бегман, ақын, Қазақстан Жазушылар одағының Түркістан облыстық филиалының төрағасы Әлібек Шегебай, белгілі жазушы Есқара Тоқтасын қазылық етті.
Ал Түркістан қаласын дамытудың кешенді жоспарлары мен оңтайлы өзгерістерін кең көлемде насихаттау мақсатында жарияланған «Түркістанды бірге түлетейік» шығармашылық байқауына 20-дан аса әлеуметтік желі белсенділері қатысуға ниет білдірген болатын. «Айқын» газетінің Түркістан облысындағы меншікті тілшісі Тельман Бейсен, белгілі журналист Бауыржан Бердімұратов, қалалық «Түркістан» газетінің бас редакторы Мәлік Әлмахан қазылық жасаған байқаудың «Әлеуметтік желідегі жарияланымдар» аталымы бойынша 1-орынға белгілі журналист, «Южный Казахстан» газетінің бас редакторының орынбасары қызметін атқарған, марқұм Кеңесбай Исмайловтың жұмыстары лайық деп танылып, жүлдесі ұлы Сейдулла Кеңесбекұлына табысталды. 2-орын Иманқұлова Несібелі Ғайбуллақызына, 3-орын Шорабекова Жансая Әбдіәліқызына бұйырды. Ал, ынталандыру сыйлықтарымен Дәурен Болыс, Привалов Владимир марапатталды. «You Tube каналындағы имидждік бейне түсірілім» аталымы бойынша 1-орын Бейбіт Қазыбековке берілді.

Қызылордалық ақын бас жүлде иеленді

<a href="https://kyzylorda-news.kz/">Kyzylorda-news.kz.</a> Бүгінгі күні өмірімізді ұялы телефонсыз елестету мүмкін емес. Ал олардың өндірушілері күн сайын жаңаларын жарнамалайды. Жаңа заманауи телефон алу – көптеген адамдардың арманы, тіпті кейбіреулер ол үшін банктен несие алуға дайын. Ал сол телефон сынып қалса өте өкінішті.
Ал бұл ретте тұтынушылар аталған келеңсіздікті жою үшін сауда орталығына барып, сынған ұялы телефонды басқасына ауыстыруға немесе ақаулы тауарды кері қайтаруға тырысады, бірақ сатушылар тауарды қайта алудан бас тартады. Сатушылар заң талаптарын орындауға асықпайды.
Мұның бәрі тұтынушылар көбіне сауда жасаған кезде сатып алынған растайтын құжаттардың алмауынан болады. Чек де, кепілдік талонын да алмайды. Егер тұтынушы қолына құжаттарды алмаса, өз – өзіне проблема тауып алады. Чекте ең алдымен сатушының барлық деректемелері көрсетіледі, телефон сынып қалған жағдайда оны тауып алу да қиындық тудырмайды. Екіншіден чек – бұл сіз телефонда дәл сол сауда нүктесінен сатып алғандығыңыздың дәлелі. Кепілдік талоны – ол да сатып алғандығыңызды дәлелдейтін құжат. Осы жерде сатып алушы мұқият болуы керек, талонда мөр басылғанын, бар болса қандай мөр екенін тексеріп алуы қажет.
Егер құрылғы істен шығып қалса, ол құжаттар сізге ауадай қажет болады. Әрине, «Тұтынушылардың құқықтарын қорғау туралы» қолданыстағы заңға сәйкес, егер қажетті чек пен кепілдік талоны жоғалып қалса, тауарды сатып алу фактісін дәлелдеу үшін тұтынушы куәгерлерді тартуына болады. Дегенмен чек пен кепілді талонды сақтап қою әлдеқайда оңай.
«Тұтынушылардың құқықтарын қорғау туралы» Заңға сәйкес сатып алушы сынған телефонды соның жұмыс істеп тұрған баламасына ауыстырып беруді талап ете алады. Сондай-ақ, тұтынушы басқа ұйым жүргізетін телефонды жөндеуге ақша төлеуді немесе ақаулы телефонның құнын қайтаруды талап ете алады. Бірақ осылардың біреуін тандауы қажет. Сонымен қатар, телефонның ақаулы екенін және де сіз оны құлатып не суға түсіріп алмағаныңызды да дәлелдеу керек. Сараптамаларды сервис орталықтары мен арнайы аккредиттелген ұйымдар жүргізеді. Егер телефон ақаулығында сатып алушының кінәсі жоқ екендігі анықталса, онда сатушы телефонды ауыстыру немесе ақшасын қайтару бойынша сатып алушының талаптарын орындайды. Егер сараптама қорытындылары күмән туғызса, онда өз есебіңізден басқа сервис орталығының көмегімен телефонның техникалық жағдайына тәуелсіз бағалау жүргізе аласыз. Ал тұтынушының қолында сараптама нәтижелері мен басқа да құжаттары болса, онда оның сотта жеңіп шығу мүмкіндігі айтарлықтай артады.

Смартфон сатып алғанда алданып қалмау үшін не істеу керек?

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев бизнестің әлеуметтік жауапкершілігі жөніндегі «Парыз» республикалық конкурсының бас жүлдесін табыстады.
Сонымен, аталған байқаудың гран-при иегері ретінде «Еуразиялық топ» танылды. Мұнымен қоса, «Парыз» байқауының «Үздік әлеуметтік жауапты кәсіпорын» аталымында жеңімпаз ретінде Қызылорда облысындағы «Абзал и К» компаниясы марапатталды.
Бұдан бөлек, Президент Қасым-Жомарт Тоқаевтың қолынан «Алтын Сапа» сыйлығының «Үздік индустриялық жоба» арнайы сылығы бойынша Қарағанды облысындағы «Бёмер Арматура» ЖШС марапат алды. Сонымен қатар, «Үздік инновациялық жоба» арнайы сыйлығында Қызылорда облысындағы «СКЗ-U» ЖШС жеңімпаз болды.
Айта кетейік, «Үздік әлеуметтік жауапты кәсіпорын», «Еңбекті қорғау саласындағы үздік кәсіпорын», «Үздік ұжымдық шарт» және «Қоршаған ортаға қосқан үлесі үшін» 4 номинациядан тұратын «Парыз» байқауын ҚР Еңбек және халықты әлеуметтік қорғау министрлігі 2008 жылдан бері өткізіп келеді. Әр номинация үшін ірі, кіші және орта кәсіпкерлік субъектілері санаттары бойынша үш номинация беріледі.
Ағымдағы жылы конкурсқа қатысуға 446 өтінім келіп түсті, оның ішінде: 141 кәсіпорын – ірі кәсіпкерлік субъектілері болса, 305 кәсіпорын – шағын және орта бизнес субъектілері.

Қызылордалық қос компания &#8211; &#8220;Парыз&#8221; конкурсының жеңімпазы

<a href="https://kyzylorda-news.kz/">Kyzylorda-news.kz.</a> Қызылорда облыстық ішкі саясат басқармасының тапсырысымен «Мәртебелі Қазақстан» қоғамдық қоры &nbsp;«Мақтанышым, айбарым, желбіре, көк байрағым!» атты облыстық жас ақындар мүшәйрасын өткізді.
Байқауға 16-22 жас аралығындағы Қызылорда қаласы мен аудандарда, &nbsp;жоғары және арнаулы орта оқу орындарында іріктеуден өткен, &nbsp;барлығы 16 талапкер қатысты.
Байқау қорытындысы бойынша М.Мәметова атындағы Қызылорда педагогикалық жоғары колледжінің 2-курс студенті Бексұлтан Санақұл Бас жүлдені жеңіп алды. &nbsp;Жаңақорған ауданындағы С.Сапарбеков атындағы №124 орта мектептің 11-сынып оқушысы Сержан Айтжан І орынды, Қорқыт ата атындағы ҚМУ-дың 3-курс студенті Шернияз Жалғасбекұлы ІІ орынды, Жалағаш ауданындағы №114 орта мектептің 9-сынып оқушысы &nbsp;Мерей Бауыржанқызы&nbsp; ІІІ орынды иеленді.
Ынталандыру сыйлығына Қазақ гуманитарлық заң және техникалық жоғары колледжінің 3-курс студенті Аружан Ахат, &nbsp;Қорқыт ата атындағы ҚМУ-дың 2-курс студенті Сәния Жақыпова және Шиелі ауданындағы №150 қазақ орта мектебінің 11-сынып оқушысы Ердәулет Қалиев ие болды.
Байқау жеңімпаздары басқарманың дипломы және ескерткіш сыйлықтармен марапатталды.

Қызылордада Тәуелсіздік күніне орай жас ақындар мүшайрасы өтті

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақылықтың қаймағы бұзылмаған Қызылорда өңірінен шыққан Сон Яна есімді жерлесіміз шетелдіктерді тамсандырды. Қалай дейсіз бе?&nbsp;
Сыр перзенті Сон Яна Американың Оклахома штатындағы UCO университетде білім алады. Бүгінде 3-курс студенті. Оқуда озат Янаның ұлты басқа болғанымен, қазақ халқына деген құрметі ерекше. Мұның дәлелі, ол жуырда ғана оқу орнында өткен арулар байқауында ұлтымызды ұлықтап, ұлттық дәстүрлерімізді дәріптеп, үздіктер қатарынан көрінді. Сахнада қазақтың ұлттық биі «Қамажайды» билеп, сан жылдық мәдениет, әдемілік пен шеберлікті ұштастырған өнерімізге көпшілікті сүйсіндірді.
Жерлесіміздің айтуынша, сұлулар сынға түскен сағатта ерекше толқыныста болыпты. Себебі, көрермендер ұзақ уақыт қошемет көрсетіп, таңданыстарын жасырмаған. Соның нәтижесінде қазақстандық ару топ жарып, І орын иемденген. &nbsp;Айта кетейік, шетелде ұлттық өнерімізді танытып, салт-дәстүрді дәріптеген Сон Яна Қызылорда қаласындағы&nbsp;№198 мектептің түлегі.
<img src="https://kyzylorda-news.kz/wp-content/uploads/2019/12/13syraruy2.jpg" alt="" />

Сыр аруы америкалықтарды тамсандырды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бүгін облыс әкімі Қ.Ысқақов 11 желтоқсан күні жеке қабылдауында болып, жұмысқа орналасуға, өз кәсібін ашуға көмек сұраған Бақыткүл Қосаеваның үйіне барды.
Қосаева Бақыткүл Жандарбекқызы 1992 жылы туылған, қол арбадағы І-топ мүгедегі. Мамандығы “техник-программист”. Қармақшы ауданы, Қуаңдария ауылынан Қызылорда қаласына 2014 жылы көшіп келген. Мамандығы бойынша кәсіп ашуға көмек сұраған Бақыткүл Қосаеваға «Менің кәсібім» жобасы аясында өз кәсібін ашуға қолдау көрсетіп, демеушілер есебінен компьютер, түсті принтер, ламинатор мен қағаз қиятын аппараттарын алып берді.
Тәуелсіздік мерекесі қарсаңында Бақыткүл Қосаева көрсетілген қолдауға алғысын айтты.Мүмкіндігінің шектеулі болуына қарамастан, еңбек етемін деген ниеті үшін аймақ басшысы да ризашылығын жеткізіп, Бақыткүл өз замандастарына үлгі бола алатын жан екенін атап өтті.
<blockquote>
 “Өз кәсібімді ашсам деген тілегімді орындап, түрлі аппаратарды сыйлаған облыс әкімі мен демеушілерге үлкен алғыс айтамын. Облыстық жұмыспен қамтуды үйлестіру және әлеуметтік бағдарламалар басқармасы оқытқан курс пен “Ұшқын” мүгедектер қоғамы арқылы 1,5 жыл жұмыс істеген тәжірибиемнің арқасында бұл кәсіпті дөңгелетіп кететініме сенемін. Қоғамдық қабылдауда айтылған өтінішіме жауап бергендеріңіз үшін алғыс айтамын”,- деді Бақыткүл Қосаева.
</blockquote>
<img src="https://kyzylorda-news.kz/wp-content/uploads/2019/12/13akimatkasipker2.jpg" alt="" />

Өз кәсібін ашуға қолдау көрсетілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақов Тәуелсіздік күні қарсаңында Сырдария өзенінің сол жағалауында орналасқан кредиттік көпқабатты салынған тұрғын үйлердің кілттерін салтанатты түрде табыстады. Бұл көпқабатты&nbsp; тұрғын үйлер «Нұрлы-Жер» бағдарламасы аясында салынған.
Соңғы жылдары Қызылордада 15 жаңа шағын аудан бой көтеріп, 7 мыңнан астам қызылордалық баспаналы болды. Айта кетейік, жыл басынан бері 1000 жуық пәтердің кілті табысталды.&nbsp; Тұрғын үйлердің жалпы ауданы – 10 мың 900 шаршы метр. Облыста жүзеге асқан құрылыс жұмыстарының 31,4 пайызы – Қызылорда қаласының үлесінде. Сол жағалаудағы жаңа қалада республикалық, облыстық бюджеттерден 820 пәтерлік 16 көпқабатты арендалық тұрғын үй мен 830 пәтерлік 17 көпқабатты кредиттік тұрғын үйдің құрылыстары жүргізілуде. Қаржыландырудың барлық көздері есебінен есепті мерзімде жалпы ауданы 381 мың 308 шаршы метр тұрғын үй пайдалануға берілді. Бұл өткен жылмен салыстырғанда&nbsp; 124,3 пайызға артқан.
Облыс әкімі Қуанышбек Ысқақов жаңа қоныс иелерін құттықтап, жылы лебізін жеткізді.
<blockquote>
 “Бүгін 60 пәтерлік көпқабатты 4 тұрғын үйдің кілттерін табыстағалы тұрмыз. Сүйікті қаламызда жаңа нысандарды&nbsp; салып, сол жағалауда жаңа қала салу идеямызға қолдау көрсетіп,алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындары атынан алғысымды айтамын. Құрметті жерлестер! Қоныс тойларыңыз құтты болсын! Қуаныштарыңыз көбейе берсін”,- деді облыс әкімі Қуанышбек Ысқақов.
</blockquote>
Бүгін үйлі болғандардың басым бөлігі жас отбасылар.Олардың ішінде дәрігерлер мен ұстаздар, құқық қорғау саласының қызметкерлеріде бар.Үйлі болған қызылордалықтар да қуаныштарымен бөлісіп,лебіздерін айтты.
Жаңа тұрғын үйге қоныстанушыларға ҚР еңбегі сіңген құрылысшысы, құрылыс саласының ардагері, қаланың Құрметті азаматы Ж.Оразбаев батасын берді.
<img src="https://kyzylorda-news.kz/wp-content/uploads/2019/12/13akimatui2.jpg" alt="" />
<img src="https://kyzylorda-news.kz/wp-content/uploads/2019/12/13akimatui3.jpg" alt="" />
<img src="https://kyzylorda-news.kz/wp-content/uploads/2019/12/13akimatui4.jpg" alt="" />

Қызылордада 240 отбасы баспаналы болды

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясының басқарма төрайымы Әсемгүл Балташева алаяқтардың пайда табу үшін қолданатын айла-амалдары туралы айтып берді, деп хабарлайды <a href="http://lenta.inform.kz/kz/asemgul-baltasheva-hko-atyn-zhamylgan-alayaktardan-sak-boludy-eskertti_a3594154">ҚазАқпарат</a>.
<blockquote>
 «Мәселен, Павлодарда өзін ХҚО қызметкерімін деп таныстырған біреулер азаматтарға қоңырау шалып, несие борышын өтемесе, ЖСН нөмірін бұғаттаймыз деп қорқытқан. Алаяқтар азаматтардың әлеуметтік желілердегі парақшаларына жазып, СМС жіберіп, телефондарына қоңырау шалып мазалаған. Кейін ақша аударылуы тиіс банк картасының нөмірін айтып отырған. Ал негізінде мемлекеттік корпорацияның қызметкерлері азаматтарға қоңырау шалмайды. Оларда ЖСН бұғаттайтын құзыреті жоқ», – деп ескертті Әсемгүл Балташева ҚР Сыбайлас жемқорлыққа қарсы іс-қимыл агенттігінде өткен брифинг барысында.
</blockquote>
Қарағандылық тағы бір тұрғын алаяқтықтың құрбаны бола жаздаған. Оған «ХҚО қызметкерімін» деп қоңырау шалған адам Нұр-Сұлтан қаласындағы пәтер бойынша кезегінің жақындағанын хабарлаған. Сөздері дәлелді болу үшін алаяқ тіптен жалған құжаттың суретін де жіберген. Дегенмен, «пәтерге ие болу үшін қарызыңызды өтеңіз» деп талап еткен. Бірақ тағы да қандай несиені жабу керектігін нақтыламаған.
<blockquote>
 «Мемлекеттік корпорацияда құжатта көрсетілген тұрғын үй бағдарламасы туралы еш мәлімет жоқ және ол туралы халықты құлағдар етпейміз. Бұл – алаяқтықтың тағы бір схемасы деп ойлаймыз, олар тек сенгіш азаматтардың ақшасын кез келген жолмен тартып алуды көздейді», – дейді басқарма төрайымы.
</blockquote>
Әсемгүл Балташева қазақстандықтарға қырағылық танытуға, жалған ақпаратқа сенбеуге және мұндай жағдайлар кездескен жағдайда, құқық қорғау органдарына хабарлау қажеттігін ескертті.

«Азаматтарға арналған үкімет» ХҚО атын жамылған алаяқтардан сақ болуды ескертті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Даулетова Ғалия Ноғайқызы Қызылорда облысының білім саласындағы бақылау департаментінің басшысы лауазымына тағайындалды.
Ғалия Ноғайқызы 1971 жылы туған. Абай атындағы Алматы мемлекеттік институтын және Қазақстан Республикасы Президентінің жанындағы Мемлекеттік басқару академиясын бітірген. Еңбек жолын 1989 жылы Қазақстан Кеңесі энциклопедиясы Бас редакциясының курьеры болып бастаған.
2018 жылдың тамыз айынан бастап осы кезге дейін Білім және ғылым министрлігі Техникалық және кәсіптік білім департаменті директорыныңы орынбасары лауазымында қызмет атқарып келді.
<img src="https://kyzylorda-news.kz/wp-content/uploads/2019/12/13dauletova1.jpg" alt="" />

Қызылорда облысының білім саласындағы бақылау департаментінің басшысы тағайындалды

<a href="https://kyzylorda-news.kz/">Kyzylorda-news.kz.</a> Орынбаев Ерсін Сейітханұлы Ұлттық экономика министрлігі Бәсекелестікті қорғау және дамыту комитетінің Қызылорда облысы бойынша департаментінің басшысы лауазымына тағайындалды.
Ерсін Сейітханұлы 1968 жылы туған. Қорқыт Ата атындағы Қызылорда мемлекеттік университетін “тарих пәнінің мұғалімі” және “экономист” мамандықтары бойынша бітірген. Еңбек жолын 1992 жылы Қорқыт Ата атындағы Қызылорда гуманитарлық университетінің Қазақстан тарихы кафедрасы меңгерушісі болып бастаған.
2017 жылдың маусым айынан бастап осы кезге дейін Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаменті басшысының орынбасары қызметін атқарып келді.
<img src="https://kyzylorda-news.kz/wp-content/uploads/2019/12/13tagaindau2.jpg" alt="" />

Ұлттық экономика министрлігі бәсекелестікті қорғау және дамыту комитетінің Қызылорда облысы бойынша департаментінің басшысы тағайындалды

<a href="https://kyzylorda-news.kz/">Kyzylorda-news.kz.</a> Табиғи монополияларды реттеу комитетінің Қызылорда облысы бойынша департаментінің басшысы лауазымына Өтегенова Гүлмира Сейітбекқызы тағайындалды.
Гүлмира Сейітбекқызы 1966 жылы туған. Қарағанды кооперативтік институтын «тауартанушы», Мәскеу халықаралық бизнес және ақпараттық технологиялар университетін «экономист» мамандықтары бойынша бітірген. Еңбек жолын 1987 жылы Жалағаш&nbsp;аудандық тұтынушылар одағының тауартануды ұйымдастырушысы болып бастаған.
2019 жылдың қаңтар айынан бастап осы кезге дейін Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаментінің басшысы лауазымында қызмет атқарып келді.
<img src="https://kyzylorda-news.kz/wp-content/uploads/2019/12/13tagaindau1.jpg" alt="" />

Қазақстан және Қызылорда облысының жаңалықтары

«Сергек»: Жүргізушілердің айыппұлға төлеген ақшасы қайтарылатын болады

Қызылордалық ақын бас жүлде иеленді

Смартфон сатып алғанда алданып қалмау үшін не істеу керек?

Қызылордалық қос компания – “Парыз” конкурсының жеңімпазы

Қызылордада Тәуелсіздік күніне орай жас ақындар мүшайрасы өтті

Сыр аруы америкалықтарды тамсандырды

Өз кәсібін ашуға қолдау көрсетілді

Қызылордада 240 отбасы баспаналы болды

«Азаматтарға арналған үкімет» ХҚО атын жамылған алаяқтардан сақ болуды ескертті

Қызылорда облысының білім саласындағы бақылау департаментінің басшысы тағайындалды

Ұлттық экономика министрлігі бәсекелестікті қорғау және дамыту комитетінің Қызылорда облысы бойынша департаментінің басшысы тағайындалды

Табиғи монополияларды реттеу комитетінің Қызылорда облысы бойынша департаментінің басшысы тағайындалды

Қазақстан және Қызылорда облысының жаңалықтары

«Сергек»: Жүргізушілердің айыппұлға төлеген ақшасы қайтарылатын болады

Қызылордалық ақын бас жүлде иеленді

Смартфон сатып алғанда алданып қалмау үшін не істеу керек?

Қызылордалық қос компания &#8211; &#8220;Парыз&#8221; конкурсының жеңімпазы

Қызылордада Тәуелсіздік күніне орай жас ақындар мүшайрасы өтті

Сыр аруы америкалықтарды тамсандырды

Өз кәсібін ашуға қолдау көрсетілді

Қызылордада 240 отбасы баспаналы болды

«Азаматтарға арналған үкімет» ХҚО атын жамылған алаяқтардан сақ болуды ескертті

Қызылорда облысының білім саласындағы бақылау департаментінің басшысы тағайындалды

Ұлттық экономика министрлігі бәсекелестікті қорғау және дамыту комитетінің Қызылорда облысы бойынша департаментінің басшысы тағайындалды

Табиғи монополияларды реттеу комитетінің Қызылорда облысы бойынша департаментінің басшысы тағайындалды

Қызылордалық қос компания – “Парыз” конкурсының жеңімпазы