Адамдар ынтымақтастығының халықаралық күні
Кедейшілікті жоюмен күрес жөніндегі БҰҰ-ның бірінші онжылдығы шеңберінде 2005 жылғы желтоқсанның 22-інде Бас Ассамблея жыл сайын «20 желтоқсан – Адамдар ынтымақтастығының халықаралық күні» деп шешім шығарды. Бұл шешімді қабылдау кезінде Бас Ассамблея Мыңжылдықтар декларациясында ынтымақтастық XXI ғасырдағы халықаралық қатынастар негізі болып табылатын түпкілікті және салалы құндылық деп танылғанын еске салды.
Қазақстан Республикасы Мемлекеттік фельдъегер қызметі күні
Қазақстан мемлекеттік фельдъегер қызметі 1991 жылы желтоқсанның соңында Министрлер кабинетінің қаулысымен құрылды. Ол жоғары мемлекеттік билік органдары мен мемлекеттік басқару, үкіметтік мекемелер мен жоғары әскери қолбасшылық арасындағы фельдъегерлік байланысты қамтамасыз етеді. Осы қызметтің қызметкерлері маңызды құпия құжаттарды жоғары мемлекеттік билік органдарына жеткізумен айналысады.
1928 жылы&nbsp;Қазақ КСР Орталық атқару комитеті латын әліпбиіне көшу туралы қаулы қабылдады.
1954 жылы&nbsp;Қазақ КСР Жоғары Кеңесі президиумының жарлығымен Үлкен Жезқазған жұмысшы кенті Жезқазған қаласы болып ауыстырылды.
1970 жылы&nbsp;Сұлтан Қожықовтың қазақтың ұлттық кинематографиясы алтын қорының мұрасына айналған әйгілі кинотуындысы «Қыз Жібек» экранға шықты. Фильм кезінде бір-бірімен жауласқан қазақ тайпаларынан шыққан жігіт пен қыздың трагедиялық махаббаты жөніндегі қазақ халық эпосына негізделген. Туынды көпшілік қауымның көзайымы, нағыз халық киносына айналды және әлемнің 70-тен астам елінде көрсетілді. Туындының басты рөлдеріндегі Төлеген мен Қыз Жібектің рөлдері сол уақытта небәрі 17-ге толған жас актерлер Құман Тастанбеков пен Меруерт Өтекешоваға бұйырды. Фильм Жаркентте түсірілді. Қазақтың ең танымал фильмдерінің бірін шығарғаны үшін режиссер Сұлтан Қожықов Қазақ КСР-нің Мемлекеттік сыйлығын иеленді. Үздік кинотуындының сценариін жазған Ғабит Мүсірепов болатын.
1991 жылы&nbsp;Қазақстан Республикасының «Қазақстан Республикасының азаматтығы туралы» Заңы қабылданды.
2016 жылы&nbsp;ҚР Ұлттық банкі 100 теңгелік «Монета – сыйлыққа» сериясынан «Туған күніңмен», 500 теңгелік «Жүректен жүрекке» сериясынан «Махаббат» және 50 теңгелік «Қазақстан қалалары» сериясынан «Петропавл» ескерткіш күміс монеталарын қолданысқа енгізді.
2017 жылы&nbsp;Деде Коркут атындағы халықаралық пьесалар конкурсында қазақстандық жазушы Ахметжан Әшірі «Шарбақ» әңгімесі үшін бірінші сыйлық алды. Марапаттау рәсімі ТҮРКСОЙ Бас хатшылығында өтті.

20 желтоқсан: Атаулы күндер мен оқиғалар

<a href="http://kyzylorda-news.kz/">Kyzylorda-news.kz</a> ақпараттық агенттігінің 20 желтоқсанға арналған жұлдыз-жорамалы.
Тоқты
Бүгін кешке қарай отбасыңызбен отырып әңгіме-дүкен құрасыз. Не болмаса күні бойы дүкен аралап, өзіңізді бір сәт «еркелетіңіз».&nbsp;
Торпақ
Егер маңызды қадам жасауды, шешім шығаруды бүгінге қалдырған болсаңыз, онда жолыңыз болғалы тұр. Сіздің қолыңыздан барлығы келеді.
Егіздер
Күніңіз жемісті болады. Берілген тапсырмаларды дер кезінде орындап, жеке шаруаңызды да аяқтауға үлгересіз.
Шаян
Таңертеңнен бастап қызықты тосынсыйларға тап боласыз. Кейде жоспарыңызды өзгертуге тура келеді. Жақындарыңыз сізді қолдайтын болады.
Арыстан
Жұмысыңыздың жемісін көріп, еңбегіңіз еленетін болады. Тынбай жасаған жұмысыңыздың арқасында биікке көтерілесіз.&nbsp;
Бикеш
Жаныңыздағы адам немесе сүйіктіңіз сіз туралы жақсы пікірде болады. Осы қалпыңыздан айнымаңыз.
Таразы
Бүгін күш-қуатыңыз тасып тұрады. Осы сәтті пайдаланып көпшілік ортаға барыңыз. Ол жақта қызықты таныстықтардың куәсі боласыз.
Сарышаян
Кәсіби тұрғыда бұл күні сізді жарқын болашақ күтіп тұр. Мүмкіндікті пайдаланып өз ойларыңызды жүзеге асыратын боласыз.
Мерген
Бүгін сізді жұмысқа қатысты қызықты ұсыныстар қызықтыратын болады. Алайда жұлдыздар сақ болуды ескертеді.
Тауешкі
Күніңіз бірқалыпты өтеді. Алайда тұрмыстық мәселелермен жалғыз өзіңіз айналысуға тура келеді.
Суқұйғыш
Бүгінгі күніңіз сәтті өтеді. Сонымен қатар тосынсыйлар да болуы мүмкін. Егер ренжіткен адам болса, жуық арада ол өз жазаын алатын болады.
Балықтар
Бүгін денсаулығыңызға көңіл бөлгеніңіз жөн. Салқын тигеннің өзін жай қалдыруға болмайды. Ауырмайтын жол іздеңіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Халықаралық қауымдастық қанша күш салғанымен, әр айда байырғы халық өкілдері сөйлейтін екі тіл жойылып жатыр. Олармен бірге білім, салт пен дәстүр қоса кетеді. Бұл туралы БҰҰ Бас ассамблеясы 74-сессиясының Төрағасы Тиджани Мұхаммед-Банде мәлімдеді, деп хабарлайды <a href="http://lenta.inform.kz/kz/ar-ay-sayyn-bayyrgy-halyktardyn-eki-tili-zhoyylady-buu_a3595644">ҚазАқпарат</a>.
2019 жыл БҰҰ ұйғарымымен Халықаралық байырғы тілдер жылы болып жарияланған. Бас ассамблея кеше осы жылдың қорытындысын жасады. Әлемде байырғы халықтардың 4 мыңға жуық тілі бар. Кейбірінде бірнеше адам ғана сөйлейді. Тиджане Мұхаммед-Банде алдағы онжылдықта көптеген тілдердің жойылып кетуі мүмкін екенін айтты.
<blockquote>
 «Әр екі аптада кем дегенде бір байырғы ұлттың тілі жоғалады. Айына – екі өлі тіл», – деді Тиджани Мұхаммед-Банде.
</blockquote>
Төрағаның айтуынша, қазіргі күні байырғы халықтардың төрт мыңдай тілі ғана сақталған, оларда әлем халқының 6%-ы ғана сөйлейді.
Мұхаммед-Банде барлық халықаралық ұйымдарды тілді сақтау шараларын күшейтуге шақырды.

Әр ай сайын байырғы халықтардың екі тілі жойылады &#8211; БҰҰ

<a href="https://kyzylorda-news.kz/">Kyzylorda-news.kz.</a> Қалалық және ауылдық мектептердегі білім алшақтықтарын қысқарту шаралары іске асады, <a href="https://stan.kz/mygalimder-100-kompyutermen-kamtamasiz-etiledi-bgm-zhan-325443/">Stan.kz</a>.
<blockquote>
 «Қала мен ауыл мектептері, аймақтар, оқу орындары арасындағы білім сапасын қысқарту мақсатында&nbsp;«Мобильдік мұғалім», «Уақытша отбасы»&nbsp;&nbsp;пилоттық жобасын іске асыру, ауыл мектептеріндегі дарынды балаларды анықтау және қолдау, ауылдық орта мектептерді&nbsp;материалдармен, цифрлық құрал-жабдықтармен қамтамасыз етпекпіз» – деді Білім және ғылым министрі Аймағамбетов үкімет отырысында.
</blockquote>
Сонымен қатар, білім беру мекемелерін кеңейту, үш ауысымды мектептер мен мектептер жетіспеушілігін жою және апаттық мектептерінің санын азайту үшін мемлекеттік бюджет пен жеке инвестициялардың қатысуымен 650 мыңнан астам жаңа мектеп салу жоспарлануда.
Сонымен қатар, қолданыстағы мектеп-интернаттардың жағдайын жақсарту мақсатында ауылдық мектептерді қолдау үшін 114 мектеп-интернат салу жоспарлануда. 150-ден астам оқушыға арналған 724 гимназия салу қолға алынды. Бұл өз кезегінде студенттерге спортпен шұғылдануға көмектеседі.
Министрдің айтуынша, жаңа бағдарлама бойынша барлық мектептер STEAM жаңа модификацияларымен, физика, химия және биология кабинеттерімен толықтай жабдықталады. Мұғалімдер 100% компьютермен қамтамасыз етіледі.

Мұғалімдер 100% компьютермен қамтамасыз етіледі: БҒМ жаңа жобаларды қолға алды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев допинг пайдалағаны үшін ұсталған спортшыларды сыйақыдан айыру туралы заңға қол қойды, деп хабарлайды&nbsp;<a href="https://stan.kz/tokaev-dopingpen-ystalgan-sportshilardi-siyakidan-ayiru-325398/">Stan.kz</a>.&nbsp;
Президент «ҚР Спорт және дене шынықтыру туралы кейбір заңнамалық актілеріне өзгертулер мен толықтырулар туралы» заңға қол қойды. Заң допингке қарсы ережелерді бұзғаны үшін жауапкершілікті қатаңдатуға, ұлттық допингке қарсы ұйымның мәртебесін күшейтуге бағытталған.
Қолданыстағы заңнамаға допингке қарсы ережелерді бұзғаны үшін жауапкершілікті қатаңдату бойынша өзгерістер мен толықтырулар енгізу, атап айтқанда спортшыға допинг тағайындаған адамдарға қатысты әкімшілік жауапкершілікті енгізу қажеттілігі туындады. Заңнама бойынша&nbsp;&nbsp;заңбұзушылыққа жол берген адамға&nbsp;200 айлық есептік көрсеткіш мөлшерінде айыппұл салынады.
Сондай-ақ бұл заңда&nbsp;допингті пайдаланғаны үшін дисквалификациялау, спортшының спорттық нәтижесін жою және біліктілік ұпайларын немесе балдарын алып тастау, ақшалай көтермелеуді қайтару, спортшылар мен жаттықтырушыларға өмір бойы ай сайынғы материалдық қамсыздандыруды төлеуді тоқтату, Олимпиада, Паралимпиада және Сурдлимпиада ойындарының чемпионы және жүлдегері тұрғын үйді пайдалану шартын бұзу, спорт түрлері бойынша Қазақстан Республикасының құрама және штаттық құрама командаларының құрамынан спортшыларды, жаттықтырушыларды шығару, спортшыларға, жаттықтырушыларға және клуб командаларының басшыларына ай сайынғы ақшалай қамтуды тоқтату, спорттық атағынан айыру&nbsp;сияқты жазалау қарастырылған.&nbsp;
<blockquote>
 “Бұған қоса заңда Олимпиада, Паралимпиада және Сурдлимпиада ойындарының чемпиондары мен жүлдегерлеріне 10 жыл мерзімге жалға беру үшін тұрғын үй беру, сондай-ақ допинг-тестілерді сақтау мерзімі 10 жыл болуына байланысты осы мерзімге аталған тұрғын үйді иеліктен шығаруға тыйым салу көзделген және егер осы кезеңде сынамаларда допинг анықталмаса, тұрғын үй спортшының меншігіне берілетін болады”, – делінген баспасөз-хабарламасында.
</blockquote>
Бұл ретте, Олимпиада, Паралимпиада және Сурдлимпиада ойындарының чемпионы немесе жүлдегері, ҚР спортшысы қайтыс болған жағдайда, допингтік сынаманың нәтижесіне қарамастан қайтыс болған&nbsp; мұрагерлерінің тұрғын үйді өтеусіз алуы көзделіпті.
Естеріңізге салайық, бұған дейін қазақстандық ауыр атлет әлем чемпионы атағы және басқа&nbsp;марапаттарынан айырылғаны айтылған&nbsp;еді.

Президент допингпен ұсталған спортшыларды сыйақыдан айыру туралы заңға қол қойды

<a href="https://kyzylorda-news.kz/">Kyzylorda-news.kz.</a> Үкімет 2020-2025 жылдарға арналған “Денсаулық” мемлекеттік бағдарламасының жобасын мақұлдады. Соның аясында дәрігерлердің жалақысын жарты миллион теңгеге дейін өсіру жоспарланған, деп хабарлайды&nbsp;<a href="https://sputniknews.kz/society/20191219/12331476/darigerler-zhalaqy.html">Sputnik Қазақстан</a>.
Денсаулық сақтау министрі Елжан Біртановтың айтуынша, бағдарламаның маңызды бір бағыты – адам капиталын дамыту. Соның аясында медицина қызметкерлерінің кәсіби дайындығын арттырып, биомедициналық зерттеулер нарығын дамыту жоспарланған.
<blockquote>
 “Жалақыны арттырып, әлеуметтік қолдауды күшейту, кәсіби жауапкершілікті қорғау арқылы медициналық қызметкерлердің мәртебесін көтеру жоспарланған.&nbsp; 2025 жылы дәрігерлердің орташа жалақысы 2,5 есеге артады және ауылдарды медициналық қызметкерлермен қамтамасыз ету 13 процентке өседі. Клиникалық зерттеулер 2 есеге артады”, – деді Біртанов үкіметтің бүгінгі отырысында.
</blockquote>
Ал денсаулық сақтау министрлігі таратқан мәліметте дәрігерлердің бес жылдан кейінгі нақты жалақысы да көрсетілген. Оған сәйкес, 2025 жылда дәрігерлердің орташа жалақысы 550 000 теңгеге жетпек.
Айта кетейік, бүгін министрлер кабинеті 2020-2025 жылдарға арналған “Денсаулық” мемлекеттік бағдарламасының жобасын бірауыздан мақұлдады.

Қазақстанда дәрігерлердің жалақысы 550 мың теңге болады

<a href="https://kyzylorda-news.kz/">Kyzylorda-news.kz.</a> Алматы прокуратурасы «Олимп» букмекерлік кеңсесінің 145 млрд теңге салықтық берешегі бар екендігін анықтады, деп хабарлайды <a href="http://lenta.inform.kz/kz/olimp-bukmekerlik-kensesinin-145-mlrd-tenge-salyktyk-bereshegi-bar_a3595572">ҚазАқпарат</a>.
Прокуратура «Олимп» деген ортақ тауар белгісімен жұмыс жасайтын «Олимп.kz» букмекерлік кеңсесі ЖШС мен «Alpha-bet» ЖШС қызметіне салықтық тексеру жүргізді.
Қалалық Мемлекеттік кірістер департаменті аталған ЖШС-ның соңғы 5 жылдағы ойын бизнесіндегі қызметін, қаржылық айналымын 5 ай бойы тексерді.
Салықтық тексеру нәтижесінде айыппұлдар мен өсімпұлдарды қосқанда «Олимп.kz» букмекерлік кеңсесі ЖШС 62 млрд теңге, «Alpha-bet» ЖШС-ның 83 млрд теңге көлемінде салықтық берешегі бар екендігі белгілі болды.
Мұның алдында Ұлттық қауіпсіздік органдары мен прокуратура «Олимп» букмекерлік кеңсесінің қызметінен Қазақстаннан заңсыз ақша шығару жолдарын әшкерелеген болатын.
Осыған байланысты заңсыз ойын бизнесін ұымдастыруға қатысты сотқа дейінгі тергеу жұмыстары басталды.
Алматы мамандандырылған ауданаралық соты «Onlybet» және «Alpha-bet» ЖШС лицензиясын тоқтату туралы шешім қабылдады.

«Олимп» букмекерлік кеңсесінің 145 млрд теңге салықтық берешегі бар

<a href="https://kyzylorda-news.kz/">Kyzylorda-news.kz.</a> Қазақстанның ауыр атлетика федерациясы спортшылар мен бапкерлерді тыйым салынған препараттар қолдануына байланысты тергеу амалдарын жүргізді. Нәтижесінде 7 спортшы және 2 бапкер біршама уақытқа спорттан шеттетілді.
Тыйым салынған препаратты қолданған спортшылар қатарына Аружан Қолбай (Алматы), Гүлдана Жүніс (Алматы), Асылжан Бектай (Қызылорда облысы), Алишер Сейтқазы (Алматы), Ерасыл Кеңесбаев (Алматы), Максим Ню (Шымкент) және Тимур Хасаров (Алматы обл) кірді. Аталған спортшылар екі жылға ауыр атлетикадан шеттетілді.&nbsp;
Республикалық спорт колледжінің бапкері Айбол Қолбаев пен арнайы спорт мектебінің бапкері Талғат Әбенді 4 жылға спорттан аластатты.&nbsp;
V жазғы спартакиада кезінде допингпен ұсталған Нұрмұхамбетованың ісі жеке тергелетін болады. Әзірге спортшы барлық жарыстардан, оқу жаттығу жиындарынан шетте қалуда.&nbsp;
Допингпен ұсталған қазақстандық спортшылар барлық атағы мен сыйақыларынан айырылады.

Қызылордалық спортшы 2 жылға ауыр атлетикадан шеттетілді

<a href="https://kyzylorda-news.kz/">Kyzylorda-news.kz.</a> Қызылорда облысында сібір жарасы (күйдіргі) ауруына стационарлық қолайсыз 55 нүкте мен аурудың 60 топырақтық ошағы тіркелген. Бұл сала мамандарын алаңдатып отыр, деп хабарлайды <a href="http://lenta.inform.kz/kz/kyzylordada-kuydirgi-auruynyn-60-oshagy-bar_a3596137">ҚазАқпарат</a> тілшісі.
Айта кетерлігі, күйдіргі Қызылорда облысында соңғы рет 2008 жылы тіркелген. Одан бері адамдар мен ауыл шаруашылығы жануарлары арасында сібір жарасына қатысты күдікті жағдай орын алған жоқ.
<blockquote>
 «Бүгінгі күнге дейін аталмыш ауруға қарсы егілуге тиіс деп жоспарланған адамдарға қаржы бөлінбей келді. Соған байланысты вакцинациялау жүргізілмеді. Алайда, елімізде соңғы 2 жылда күйдіргі ауруы бойынша эпидемиологиялық-эпизоотологиялық ахуал күрделенді. Бұл бағытта Қызылорда облысының тауарлар мен қызметтердің сапасы мен қауіпсіздігін бақылау департаменті мамандары тиісті орындарға мәселе көтерді. Нәтижесінде жергілікті атқарушы органдар тарапынан тиісті қаржы бөлініп, оған 2250 доза вакцина сатып алынды», – деп мәлім етті Қызылорда облысының тауарлар мен қызметтердің сапасы мен қауіпсіздігін бақылау департаменті басшысының орынбасары Әлия Әбдіқайымова.
</blockquote>
Басқарма басшысының айтуынша, заңнамаға сәйкес 2020 жылдың сәуір-мамыр айларында індеттің эпидмаусымы алдында егілуге тиісті контингентке екпе салынады.
<blockquote>
 «Күйдіргіге қарсы жоспарлы вакцина кімдерге салынады? Біріншіден, халықтың санитариялық-эпидемиологиялық саулығы саласында, денсаулық сақтау, ветеринария саласында қызмет ететін органдар мен ұйымдардың мамандары және күйдіргі ошақтарында, күйдіргі қоздырғышын жұқтыру күдігі бар материалмен жұмыс істейтін және күйдіргі қоздырғышына сынама алатын, зерттеуді жүргізетін зертхана мамандарына салынады. Екіншіден, вакцинамен жануарларды, жануардан алынатын өнімдер мен шикізат дайындау (сою), сақтау, қайта өңдеу және өткізуді жүзеге асыратын ет өңдеу кәсіпорындарының, мал соятын пунктілердің, мал соятын алаңдардың және ішкі сауда объектілерінің жұмыскерлері қамтылады. Мұндай шаралар мал сою, стационарлық-қолайсыз нүктелер аумағынан әкелінген жануардан алынатын өнімдер мен шикізатты жинау, сақтау, тасымалдау және алғашқы өңдеумен айналысатын адамдар арасында да атқарылады», – деді Әлия Әбдіқайымова.
</blockquote>

Қызылордада күйдіргі ауруының 60 ошағы бар

<a href="https://kaz.nur.kz/1831773-2019-zyly-zetistikke-zetip-el-abyrojyn-ktergen-kazak-zastary-kimder.html?fbclid=IwAR16NYS72qYcQyzcUctbVebB7tTSnnLg5K6WG3Tw42lR4jb0a8W6gt2tRos">Kyzylorda-news.kz.</a> 2019 жылы Қазақстан үшін, әсіресе ел абыройын шетелдерде асқақтатқан жастар үшін табысты жыл болды. Олардың кейбірі ән байқауында жеңімпаз атанса, енді бірінің спортта бағы жанды.&nbsp;<a href="https://kaz.nur.kz/1831773-2019-zyly-zetistikke-zetip-el-abyrojyn-ktergen-kazak-zastary-kimder.html?fbclid=IwAR16NYS72qYcQyzcUctbVebB7tTSnnLg5K6WG3Tw42lR4jb0a8W6gt2tRos">KAZ.NUR.KZ</a>&nbsp;назарларыңызға биылғы жылы жетістікке жеткен қазақ жастары туралы материалды ұсынады.
<img src="https://kyzylorda-news.kz/wp-content/uploads/2019/12/19zhastarzhetistik2.jpg" alt="" />
Әлемді аузына қаратып, күллі АҚШ жұртшылығының алдында өнер көрсеткен&nbsp;Димаш&nbsp;Құдайбергеннің Нью-Йорктегі концертін Қазақстан жұртшылығы жарыса айтып жүр.
Жерлестерінің жетістігіне қуанған халық Димашқа аямай ақ тілегін жолдап, жылы лебіздерін әлі күнге дейін жаудырып жатыр.
“Arnau tour ENVOY” деп аталған концерт&nbsp;АҚШ-та аншлагпен өтіп, көрермендердің көптігінен залда ине шаншар орын болмаған еді.
<img src="https://kyzylorda-news.kz/wp-content/uploads/2019/12/19zhastarzhetistik3.jpg" alt="" />
Қазақ елінің мәртебесін байрақты бәсекеде тағы да асқақтатқан жас талант –&nbsp;Ержан Максим&nbsp;болды. Кішкентай әнші Польшада өткен “Балалар Евродиниесі” байқауына қатысып,&nbsp;екінші орын алған еді.
Ақтық сында әнші Польша қатысушысына жол берді. Десе де қазақ көрермені оның бұл жетістігіне жоғары баға берді.
<img src="https://kyzylorda-news.kz/wp-content/uploads/2019/12/19zhastarzhetistik4.jpg" alt="" />
Қазақстан халқын тағы&nbsp;бір жеңісімен қуантқан&nbsp;келесі талантты жас –&nbsp;Данэлия Төлешова.
Ол биыл “Еуразия халықаралық премиясының” лауреаты атанып, “Вокал” номинациясы бойынша үздік деп танылған еді.
Бір қызығы, жерлесіміз әлем бойынша аталмыш премияны алған алғашқы жеткіншек болып отыр.
<img src="https://kyzylorda-news.kz/wp-content/uploads/2019/12/19zhastarzhetistik5.jpg" alt="" />
2019 жылы бокстан өткен әлем чемпионатында бағы жанған Бекзат Нұрдәулетов үшін биылғы жыл табысты болды деп айтуға болады.
Ақтаулық боксшы бокстан Қазақстан құрамасына жалғыз алтын медальді әперіп, ел мәртебесін өсірген еді. Танымал боксшы мамандар Бекзаттың болашағынан зор үміт күтіп отыр.
<img src="https://kyzylorda-news.kz/wp-content/uploads/2019/12/19zhastarzhetistik6.jpg" alt="" />
2019 жылдың наурыз айында Қазақстан халқының абыройын асқақтатқан тағы бір спортшы қыз –&nbsp;мәнерлеп сырғанаушы Элизабет Тұрсынбаева.
Ол вице-чемпион атанып, қазақстандықтар үшін күтпеген тосынсый жасаған еді. Жас спортшы биыл осы жетістігі үшін “Дарын” жастар сыйлығын иеленді.

2019 жылы жетістікке жетіп, ел абыройын көтерген қазақ жастары кімдер?

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Ә.Тәжібаев атындағы облыстық әмбебап кітапханасында «Ақмешітін жырласын ақындарың» атты жас ақындар мүшәйрасы өтті.
&nbsp;Қала әкімдігінің ұйымдастыруымен болған жыр додасында 8 ақын бақ сынады. Іріктеу кезеңінде 20-дан аса ақыннан шығарма түскенмен мүшәйраның талабына сәйкес келетін 8 ақын таңдалып, қорытынды кешке жолдама алды.
Қатысушылар екі кезең бойынша сайысқа түсті. Алғашқы кезеңде туған жерге арналған жалынды жырлар оқылса, екінші айналымда ақындар еркін тақырыптағы туындысын ел назарына ұсынды. Әрбір жас ақын өзін жаңа қырынан көрсетуге, жарыс талабының үдесінен шығуға талпынды.
Поэзия кешіне «Әлімсақ» журналының редакторы Нұрлан Көбегенұлы, ақын Толқын Қабылша және көптеген республикалық мүшәйралардың жеңімпазы Ұлықбек Бекұзақұлы қазылық етіп, лайықты бағасын берді. Мүшәйра қортындысы бойынша І орынды Айдар Сайлауов иеленді. ІІ орынды Ақтілек Бітімбай алды. Ал ІІІ орынға Бексұлтан Орынбасаров табан тіреді. Қалған қатысушыларға ынталандыру сыйлығы табысталды. Сөз соңында қалалық ішкі саясат бөлімінің басшысы Руслан Қаюпов осы жыр аламанындағы барлық өлең жинақталып, кітап болып шығатынын сүйіншіледі.

Қызылордада жас ақындар мүшайрасы өтті

<a href="https://kyzylorda-news.kz/">Kyzylorda-news.kz.</a> Ұлттық сараптама орталығы өнімдерінде антибиотик қолданатын кәсіпорындарды атады, деп хабарлайды <a href="http://lenta.inform.kz/kz/ulttyk-saraptama-ortalygy-onimderinen-antibiotik-tabylgan-kasiporyndardy-atady_a3596003">ҚазАқпарат</a>. &nbsp;
ҚР Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетіне қарасты Ұлттық сараптама орталығының зертханалары тамақ өнімдерінің сапасы мен қауіпсіздігін қамтамасыз ету мақсатында 2019 жылдың 9 айында антибиотик қалдығын анықтау үшін шамамен 5 757 зерттеу жүргізген.
<blockquote>
 «Оның ішінде, хлорамфеникол препараты табылған, антибиотиктердің шекті рұқсат етілген концентрациясының артып кеткен 11 жағдайы анықталды. Зерттеуде қазақстандықтың негізгі рационына кіретін өнімдер қамтылды. Атап айтқанда, сүт және сүт өнімдері, құс еті, ет және ет өнімдері, құс жұмыртқасы және өзге де азық-түлік тауарлары», делінген хабарламада.
</blockquote>
Зерттеу нәтижелері бойынша, тамақ өнімдерінің қауіпсіздігін және Кеден одағының техникалық регламенттерінің талаптарына сәйкестігін бұзушылар қатарына келесі өнімдер кірді:
Бекон «Здоровая ферма», пісірілген-ысталған ет өнімі, өндіруші: «Здоровая Ферма Деликатесы» ЖШҚ, Ресей Федерациясы; Сорпа үшін жиынтық, бройлер балапандары етінен жасалған мұздатылған жартылай фабрикат, өндіруші: «Агрофирма Боровская» ЖАҚ, РФ; Бройлер балапандары етінен жасалған жартылай фабрикаттар, өндіруші: «Уральская мясная компания» ЖШҚ, РФ; «Достойный выбор» котлет фаршы, өндіруші: «Фининвест» ЖШҚ, РФ; Бройлер балапандарының тұтас еті, өндіруші: «Птицефабрика Среднеуральская» ЖШҚ, РФ; «Балтийская» ветчинасы, өндіруші: «Кудряшов мясокомбинат» ЖШҚ, РФ; «Фантазия» шошқа етінен жасалған орамасы, өндіруші: «Советский» ет комбинаты ЖАҚ, РФ; Бройлер балапандары етінен жасалған субөнімдері, өндіруші: «Алтайский Бройлер» АҚ, РФ; «Кавказский» мұздатылған кәуабы, өндіруші: «Омский Бекон» АҚ, РФ;
«Мұсылман» пісірілген шұжықтық өнімдер, өндіруші: ЖШС «Жайық Агро LTD», Қазақстан Республикасы.
<blockquote>
 «Бүгінгі таңда тыйымға қарамастан, хлорамфеникол ветеринарлық тәжірибеде жануарларды емдеу үшін ғана емес, олардың өсуін ынталандыру үшін де кеңінен қолданылады. Антибиотик адам ағзасына тағаммен түскен сәтте, микроорганизмдердің бактерияға қарсы препараттарға сезімталдығын төмендетеді, бұл өз кезегінде жұқпалы ауруларды емдеуді қиындатады», делінген хабарламада.
</blockquote>
Бұдан бөлек, микробқа қарсы препараттар көбінесе асқазан-ішек жолының табиғи микрофлорасын тежейді, иммунитеттің төмендеуіне және аллергиялық аурулардың дамуына септігін тигізеді.

Қазақстан және Қызылорда облысының жаңалықтары

20 желтоқсан: Атаулы күндер мен оқиғалар

Жұлдыздар не дейді?

Әр ай сайын байырғы халықтардың екі тілі жойылады – БҰҰ

Мұғалімдер 100% компьютермен қамтамасыз етіледі: БҒМ жаңа жобаларды қолға алды

Президент допингпен ұсталған спортшыларды сыйақыдан айыру туралы заңға қол қойды

Қазақстанда дәрігерлердің жалақысы 550 мың теңге болады

«Олимп» букмекерлік кеңсесінің 145 млрд теңге салықтық берешегі бар

Қызылордалық спортшы 2 жылға ауыр атлетикадан шеттетілді

Қызылордада күйдіргі ауруының 60 ошағы бар

2019 жылы жетістікке жетіп, ел абыройын көтерген қазақ жастары кімдер?

Қызылордада жас ақындар мүшайрасы өтті

Ұлттық сараптама орталығы өнімдерінен антибиотик табылған кәсіпорындарды атады

Қазақстан және Қызылорда облысының жаңалықтары

20 желтоқсан: Атаулы күндер мен оқиғалар

Жұлдыздар не дейді?

Әр ай сайын байырғы халықтардың екі тілі жойылады &#8211; БҰҰ

Мұғалімдер 100% компьютермен қамтамасыз етіледі: БҒМ жаңа жобаларды қолға алды

Президент допингпен ұсталған спортшыларды сыйақыдан айыру туралы заңға қол қойды

Қазақстанда дәрігерлердің жалақысы 550 мың теңге болады

«Олимп» букмекерлік кеңсесінің 145 млрд теңге салықтық берешегі бар

Қызылордалық спортшы 2 жылға ауыр атлетикадан шеттетілді

Қызылордада күйдіргі ауруының 60 ошағы бар

2019 жылы жетістікке жетіп, ел абыройын көтерген қазақ жастары кімдер?

Қызылордада жас ақындар мүшайрасы өтті

Ұлттық сараптама орталығы өнімдерінен антибиотик табылған кәсіпорындарды атады

Әр ай сайын байырғы халықтардың екі тілі жойылады – БҰҰ