<a href="https://kyzylorda-news.kz/">Kyzylorda-news.kz.</a> Сенат төрайымы Дариға Назарбаева отандық банктердің проблемасын көтерді, деп хабарлайды&nbsp;<a href="https://sputniknews.kz/economy/20191220/12337227/Dariga-Nazarbaeva-bankter.html">Sputnik Қазақстан</a>.
Сенаттың бүгінгі отырысында депутаттар “Еуразиялық экономикалық одаққа мүше мемлекеттердің қаржы нарығы саласындағы заңнамасын үйлестіру туралы келісімді ратификациялау туралы” заң жобасын мақұлдады. Осы орайда кейбір сенаторлар ортақ қаржы нарығында отандық банктердің қиындыққа тап болатынын жеткізді. Себебі еліміздің қаржы ұйымдары әлі күнге дейін мемлекеттің көмегіне зәру. Ал ресейлік және халықаралық қаржы ұйымдары техникалық жағынан мықты және заманауи қаржы құралдарын қолданып келеді. Ондай бәсекеге төтеп беру оңай емес.&nbsp;
Сенат төрайымы Дариға Назарбаева өз әріптестерінің пікіріне қосылды. Бірақ бәсеке болмаса, отандық банктер мен несие ұйымдары өзгеріске ұмтылмайды.&nbsp;
<blockquote>
 “Жалпы, бәсекеден қорықпау қажет. Бүгінде “шетелдік банктер келіп, отандық банктерді басып алады” деген әңгіме өз банктерімізден шығып отыр. Себебі олар өз позицияларын жоғалтып аламыз деп қорқады. Бірақ бүгінде қаржы саласында проблема бар. Арзан ақша алуға мүмкіндік жоқ. Соның салдарынан шағын және орта бизнес тұншығып жатыр. Ал біздің банктер ол міндетті шешуге қауқарсыз”, – деді Назарбаева.
</blockquote>
Оның айтуынша, отандық банктер басқа қаржы ұйымдарымен бәсекеге түссе, өз шарттарын өзгертуге мәжбүр болады. Бұл – нарық заманының талабы.
<blockquote>
 “Мықты бәсекелестік болса, отандық банктер өз кемшіліктерінен құтылады. Ішкі әкімшілендіру жүйесін ретке келтіреді. Ол жерде де проблема бар”, – деп атап көрсетті Назарбаева.
</blockquote>

Дариға Назарбаева банктердің неден қорқатынын айтып берді

<a href="https://kyzylorda-news.kz/">Kyzylorda-news.kz.</a> Терроризмге қарсы орталық 2019 жылды қорытындылады, деп хабарлайды <a href="https://sputniknews.kz/incidents/20191220/12336694/UQK-qylmystyq-areket.html">SputnikҚазақстан</a>.&nbsp;
Орталықтың кезекті отырысын Ұлттық қауіпсіздік комитетінің басшысы Кәрім Мәсімов өткізді.&nbsp;
<blockquote>
 “Еліміздің әр түрлі аймақтарында 7 радикалдық топтың және 34 жеке тұлғалардың қылмыстық әрекеттері бейтараптандырылды”, – делінген хабарламада.&nbsp;
</blockquote>
907 тұлға радикалды көзқарастан бас тартқан.&nbsp;Бас бостандығынан айыру орындарында 162 сотталушы радикалсыздандырылды.
<h4 id="">Сириядан оралғандармен жұмыс жүргізілді</h4>
Оңалту орталықтарында “Жусан” операциясы аясында елге оралған әйелдер мен балалар бар. Бұрынғы көзқарасынан әйелдердің үштен бірі бас тартқан. Өзгелерімен тиісті жұмыс жүргізіліп жатыр.
<h4 id="-1">Заңсыз қару тасымалы</h4>
Қару мен жарылғыш заттар радикалды ортаға түспеуі үшін елде жаңа механизм енгізілген. Нәтижесінде мұндай 17 әрекеттің жолы кесілді.
Өнеркәсіптік жарылғыш заттар мен материалдарды, әскери бөлімдердегі қоймаларда ракеталық-артиллериялық қару-жарақты күзету режимі күшейтілді.

Ұлттық қауіпсіздік комитеті 7 радикалды топ қылмысының жолын кесті

<a href="https://kyzylorda-news.kz/">Kyzylorda-news.kz.</a> &nbsp;Өскеменде көлік қағып кеткен елікті құтқарып жатыр, деп хабарлайды <a href="http://lenta.inform.kz/kz/oskemende-zhabayy-elikti-kolik-kagyp-ketti_a3596079">ҚазАқпарат</a>.
Оқиға 1-2 күн бұрын облыс орталығындағы көшелердің бірінде болған. Жараланған жануар ветеринарлық емханаға жеткізіліп, оған ота жасалды.
<blockquote>
 «Қазіргі уақытта елік стационарлық бөлімшеде дәрігерлердің бақылауында. Ауыр жарақаттардан бөлек, жануар бірнеше күн бойы аш жүрген. Аш қалған шөпқоректілердің іші шаншып ауырады, олар үшін бұл өте қауіпті», – деп хабарлады ветеринарлық емханадағылар.
</blockquote>
Айта кетейік, жергілікті белсенді Сергей Бердников жабайы елікті қорғауға арналған акция жариялады. Оған еліктің өміріне бей-жай қарамайтын азаматтар қолдау білдіріп, емдеуге қазірдің өзінде 250 мың теңге жинады.
Қазір жануарға керек-жарақтың бәрі бар. Еліктің тез жазылып кетуі үшін оны жеміс-жидектермен қоректендіріп жатыр.
Естеріңізге сала кетейік, өткен аптада Өскемен қаласының тұрғындары көшеде жүгіріп жүрген жабайы елікті байқаған.

Елімізде көлік қаққан жабайы елікті құтқару үшін дәрігерлер жанталасып жатыр

<a href="https://kyzylorda-news.kz/">Kyzylorda-news.kz.</a> Қызылорда облысында желтоқсан&nbsp; айының 20-21 күндері аралығында «Жолда қабылдау» акциясы өтуде, деп хабарлайды полиция департаментінің баспасөз қызметі.
Акция облыстың барлық аудандарында және облыс орталығында төмендегі мекен-жайлар бойынша өтеді. &nbsp;
1. Қызылорда қаласы –1) Полиция департаментінің фронт-офисі, Қорқыт ата көшесі №18,
2) Қызылорда қаласы Желтоқсан көшесі, орталық алаң «Самара-2»&nbsp; стационарлы полиция бекеті;
2. Арал – «Қанағат» &nbsp;базары;
3. Айтеке би – орталық алаң;
4. Жосалы&nbsp; – теміржол вокзалы;
5. Жалағаш – «Бәйтерек» &nbsp;базары жаны;
6. Теренозек – «Арзан базар»;
7. Шиелі – «Жадыра» сауда үйінің жаны;
8. Жаңақорған – «Нұрасыл» сауда үйі;
9. Байқоңыр &nbsp;&nbsp;– Ақай мен Төретам кенттерінің орталық алаңдары.
Екі күн бойы (8-724-2)29-70-29, 30-21-71 телефон нөмірлері бойынша «жедел желі» жұмыс істейтін болады.
Сонымен қатар, облыс орталығының тұрғындары үшін «Аулада қабылдау» акциясы ұйымдастырылады.
1. №1 әкімшілік аймақ Сүлейменов көшесі &nbsp;58 үйдің ауласы;
2. №3 әкімшілік аймақ «3-күрделенген квартал» м/а № 3 үйдің ауласы;
3. №4 әкімшілік аймақ «Мерей» м/а 10 үйдің ауласы;
4. №5 әкімшілік аймақ Титов м/а 31 үйдің ауласы;
5. №7 әкімшілік аймақта Торайғыров к. №55 үйдің ауласы;
6. №10 әкімшілік аймақта Абай даңғылы №44 үйдің ауласы;

Қызылорда облысында «Жолда қабылдау» акциясы өтіп жатыр

<a href="https://kyzylorda-news.kz/">Kyzylorda-news.kz.</a> Биыл ауданда шағын және орта кәсіпкерлікке тіркелген субьектінің саны 4655-ке жетіп, өткен жылдың осы кезеңімен салыстырғанда 103,5 пайызға артқан. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Әшім Оразбекұлы мәлімдеді.
<blockquote>
 «Жұмыс жасайтын кәсіпкерлердің саны 4203-ті құрап, 106 пайызға ұлғайды. Сонымен қатар, «Бастау Бизнес» жобасы бойынша кәсіпкерлік негіздерінен 382 адам оқу курсынан өтіп, сертификат алды. Сондай-ақ, «Еңбек» бағдарламасы бойынша 265 жобаға қайтарымсыз грант берілді»,-деді Әшім Оразбекұлы.
</blockquote>
Ал, ауыл шаруашылығын қаржылай қолдау қоры арқылы «Сыбаға» бағдарламасы бойынша 4 азаматқа несие беріліп, оған 795 бас қой алынды.
Мұнан өзге, биыл ауданның өнеркәсіп орындары өндірген өнімдер өткен жылмен салыстырғанда 104,3 пайызға ұлғайды. Оның ішінде өңдеу өнеркәсібі өнімінің көлемі 123,3 пайызға орындалды.
<img src="https://kyzylorda-news.kz/wp-content/uploads/2019/12/20msbshieli2.jpg" alt="" />

Шиеліде кәсіпкерлік саласының аясы кеңейді

<a href="https://kyzylorda-news.kz/">Kyzylorda-news.kz.</a> Әнші Батырхан Шүкеновтің мұрасы қордың директоры Олжас Байкановтың үйінде болған өрт кезінде жойылды, деп хабарлайды <a href="https://stan.kz/batirhan-shukenovtin-myrasi-ort-kezinde-tugel-zhoyilip-325466/">Stan.kz</a>.
Коттеджде сақталғанның бәрі күлге айналды. Олжас Байкановтың&nbsp;тыныс жолдары күйіп қалды. Қуанышқа орай, оның әйелі, жиені және екі кішкентай баласы зардап шеккен жоқ
Өрт салдарынан үйдегі жиһаздар, құжаттар, музыкалық инструменттер, мұрағат бәрі жойылды. Арнайы бір дискіде сақталған Батырхан Шүкеновтің аудио-видео материалдары&nbsp;із-түзсіз жоғалып кетті.&nbsp;
Олжас Байканов әншінің туыстарында оның даусы жазылған компьютер сақталған шығар деп үміттенеді.
Қазір қор басшысының отбасы туыстарының үйінде уақытша тұрып жатыр. Өрттің себептері анықталу үстінде. Қайырымды жандар материалдық тұрғыда қол ұшын созды.&nbsp;
<blockquote>
 “Батырханның әндері, суреттері, аудио-видео жазбалары жазылған арнайы хард-дискі бар еді. Сол өкінішке қарай өртеніп кетті”, – дейді Байканов.
</blockquote>

Батырхан Шүкеновтің мұрасы өрт кезінде түгел жойылып кетті

<a href="https://kyzylorda-news.kz/">Kyzylorda-news.kz.</a> Мәдениет және спорт министрі Ақтоты Райымқұлова латын графикасындағы қазақ әліпбиінің соңғы нұсқасын әзірлеу жұмыстары жайлы айтып берді, деп хабарлайды&nbsp;<a href="https://sputniknews.kz/">Sputnik Қазақстан</a>.
Министрдің мәліметінше, қазіргі кезде орфографиялық топтың отырыстары 7-10 күнде бір рет өтіп тұрады. Сол жерде латын графикасындағы қазақ тілінің әрбір нұсқасы егжей-тегжейлі қаралады.
<blockquote>
 “Қазір 10-нан астам нұсқа қаралды. Бұның барлығы – жобалар. Бұдан басқа жобалар да бар. Осы көптеген жобаның ішінде жақсы ұсыныстар болатын шығар. Бірақ мамандар халықаралық тәжірибені ескере отырып, бәрін ғылыми тұрғыда қарап жатыр. Біз соның негізінде бір ұсыныс жасаймыз”, – деді Райымқұлова Sputnik Қазақстан тілшісіне берген сұхбатында.
</blockquote>
Оның сөзіне қарағанда, президенттің тапсырмасы бойынша барлық нұсқаның ішінен нәтижелі әрі оңтайлы нұсқаны табу міндеті тұр.
<blockquote>
 “Мамандар құптаған және қоғамның көңілінен шығатын нұсқа болуы керек. Біз оны қоғаммен тағы талқылаймыз, оны қолдану жағын қарастырамыз. Өйткені біз әліпбиді таңдап қана қоймай, оның заманауи техникалық қолдану жағын да ескеруіміз керек. Сондай жобаны тапқан жөн. Сондықтан әртүрлі топтар мен комиссиялармен талқылап, президентке нақты бір нұсқаны ұсынамыз”, – деп атап көрсетті Райымқұлова.
</blockquote>
<h4 id="">Тоқаевтың тапсырмасы</h4>
Мемлекет басшысы Қасым-Жомарт Тоқаев латын графикасына негізделген жаңа қазақ тілі әліпбиін жетілдіруді тапсырды.
<blockquote>
 “Әліпбиді латын қарпіне көшіру туралы тарихи шешімнің қабылданғанына екі жылға жуықтады. Бірақ қарпімізде әлі де олқылықтар бар. Тіл мамандары жаңа әліпбиді жетілдіруі керек”, – деп жазды президент Twitter парақшасында.
</blockquote>
Осыған байланысты мәдениет және спорт министрі Ақтоты Райымқұловаға тиісті тапсырма бергенін атап өтті. Себебі ол үкімет жанындағы латын графикасын іске асыру бойынша ұлттық кеңесті басқарады. Кеңестің құрамында төрт жұмыс тобы бар. Олар: орфографиялық, әдістемелік, терминологиялық және сараптамалық-техникалық.&nbsp;
Естеріңізге сала кетейік, осы жылдың ақпанында Қазақстанның тұңғыш президенті Нұрсұлтан Назарбаев латын графикасындағы қазақ әліпбиінің жаңа нұсқасын бекіткен болатын.

Тоқаевтың тапсырмасынан кейін латын әліпбиінің 10 нұсқасы қаралды

<blockquote>
 <a href="https://kyzylorda-news.kz/">Kyzylorda-news.kz.</a> «Әлеуметтік медициналық сақтандыру қоры» КЕАҚ жыл басынан бері мемлекеттік тапсырыс бойынша көрсетілген қызметтер үшін 42,2 млрд. теңге төледі. Бұл кепілдендірілген медициналық көмек пакеті шеңберінде бекітілген келісімшарттардың жалпы сомасының 92,7%. Қаржы тегін медициналық кепілдендірілген көмек көлемі (ТМККК) шеңберінде бөлінді», – деді «Әлеуметтік медициналық сақтандыру қоры» Қызылорда облысы бойынша филиалының директоры Бақыт Исмаханбетов.
</blockquote>
&nbsp;2019 жылы МСҚ кепілдендірілген көмек түрлерін көрсетуге құлшыныс білдірген аймақтың медицина ұйымдарымен 45,5 млрд. теңгенің келісімшартын бекіткен болатын. Бұл өткен жылы бөлінген қаржыдан 15 % артық.&nbsp;&nbsp;
<blockquote>
 &nbsp;«Жұмыс кестеге сай жүріп жатыр. Бөлінген қаражат медицина мекемелерінің операциялық шығындарын өтеуге жеткілікті», – деді Бақыт Исмаханбетов.
</blockquote>
Биыл мемлекеттік тапсырысты орындауға 73медицина ұйымы атсалысып жатыр. Оның ішінде 43 жеке меншік клиника да бар. Биыл олардың саны 2018 жылмен салыстырғанда 7-ге артқан, яғни 14% құрайды.
Мемлекеттен тапсырыс алған жеке меншік клиникалар саны жағынан Шымкент, Нұр-Сұлтан, Алматы қалалары мен Қызылорда және Жамбыл облыстары көш бастап тұр.

МСҚ Қызылорда облысы бойынша медицина ұйымдарына халыққа көрсеткен медициналық қызметтері үшін 42,2 млрд теңге төледі

<a href="https://kyzylorda-news.kz/">Kyzylorda-news.kz.</a> Мәнерлеп сырғанаудан Қазақстан командасының мүшесі Элизабет Тұрсынбаева танымал жаттықтырушы Этери Тутберидзенің шоуына қатысатын спортшылар қатарына енді, деп хабарлайды Ұлттық Олимпиада комитеті.
&nbsp;2020 жылдың 3 сәуірі күні Пермь қаласында басталатын шоуда Тұрсынбаевадан бөлек, Олимпиада чемпионы Алина Загитова, Александра Трусова, Алена Косторная, Анна Щербакова, Камила Валиевалар өнер көрсетеді.
&nbsp;Сонымен қатар, ресейлік жұлдыздар Евгения Тарасова, Владимир Морозов, Виктория Синицына, Никита Кацалаповар да айдынға шығады.

Элизабет Тұрсынбаева Этери Тутберидзенің шоуына қатысады

<a href="https://kyzylorda-news.kz/">Kyzylorda-news.kz.</a> ҚР Білім және ғылы министрі Асхат Аймағамбетов лицензиясы тоқтатылған 5 жоғары оқу орнының мұнан арғы тағдыры қалай болатындығын айтып берді, деп хабарлайды <a href="https://www.inform.kz/kz/licenziyasynan-ayyrylgan-zhoo-lardyn-tagdyry-ne-bolmak-aymagambetov-zhauap-berdi_a3596058">ҚазАқпарат</a>.
<blockquote>
 «Өздеріңізде білетіндей, біз 5 жоғары оқу орнының лицензиясын тоқтаттық. Бүгін лицензиядан айыру үшін бір ЖОО бойынша құжаттарды сотқа жібергендіміз туралы ақпарат бере аламыз. Лицензиядан толықтай айыру үшін тағы да бірнеше ЖОО бойынша құжаттар дайындалды. Тоқтату – бұл уақытша шара. Заңға сәйкес егер біз тексеріп, бұзушылықтар тапсақ, онда тоқтатуға тиіспіз. Бірақ, тоқтатқаннан кейін біз тағы бір рет тексеріп, сол бұзушылықтардың жойылмағандығын анықтайтын болсақ, онда министрлік басқа шешім қабылдауға көшеді. Біз сол университетті мүлдем жабу үшін сотқа жүгінеміз», – деді министр Үкімет үйінде өткен баспасөз мәслихатында.
</blockquote>
Оның атап өтуінше, бірнеше жоғары оқу орнын бұл проблеманы дербес шешуге тырысып жатыр.
<blockquote>
 «Бір университетті жабу туралы сотқа жүгінгеннен кейін бірнеше университет бізге хабарласып, бірігуге ниеттері бар екендіктерін хабарлады. Біз де бұл мәселені қарастырған едік. ЖОО-лар өз еріктерімен және дербес бірігулері қажет. Мұның мультипликативті әсер бар. Себебі біреулерінде кадр жетіспесе, енді бірінің спорт залы, тағы бірінде жатақхана және басқа да жағдайлары болмауы мүмкін. Ал біріккеннен кейін нақты бір әсерге қол жеткізіледі», – деді Асхат Аймағамбетов.
</blockquote>
Сонымен қатар ол кейбір университеттер колледжге, институтқа, академияға айналуы тиістігін атап өтті.
<blockquote>
 «Жалпы, лицензия беретін өкілетті орган ретінде Білім және ғылым министрлігіне сотқа жүгінбестен сол лицензияны қайтару алу туралы шешім қабылдауға мүмкіндік беретін норма қабылданады деп үміттенеміз», – деді ол.
</blockquote>

Лицензиясынан айырылған ЖОО-лардың тағдыры не болмақ – Министр жауабы

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақстанның Тұңғыш президенті Нұрсұлтан Назарбаевқа “Бейбітшілік кілемі” табысталды. Ұлт көшбасшысы ерекше сыйлықты Біріккен Араб Әмірліктерінің Қазақстандағы төтенше және өкілетті елшісі Мұхаммед әл-Джабердің қолынан алды.
Елбасының баспасөз қызметінің мәліметінше, Назарбаевтың елшімен кездесуі барысында екі жақты қатынастарды нығайтудың, Қазақстан мен БАӘ арасындағы өзара тиімді ынтымақтастықты дамытудың, мәдени байланыстарды кеңейтудің маңыздылығы жайлы айтылды.
<blockquote>
 “Қазақстан тәуелсіздігін алғаннан бері біздің қарым-қатынасымыз өте қарқынды дамып келеді. Біз әрдайым БАӘ басшылығымен тығыз байланыста болдық. Осының арқасында елдеріміз арасындағы визасыз режим мәселесін шештік, рейстердің санын көбейттік. Бұл туристердің артуына жол ашып, тұтастай экономикалық қатынастардың кеңеюіне әсер етті, – деді Нұрсұлтан Назарбаев.
</blockquote>
Ал Мұхаммед аль-Джабер БАӘ басшылығы атынан Қазақстанның одан әрі табысты дамуы мен өркендеуін тілей отырып, Нұрсұлтан Назарбаевты және Қазақстан халқын Тәуелсіздік күнімен құттықтады.
<blockquote>
 “Қазақстан Орталық Азиядағы маңызды серіктестердің бірі. Біз визасыз режим туралы келісімге қол жеткізуді оң бағалаймыз. Бұл кәсіпкерлер арасындағы байланыстарды жеңілдетуге және инвестициялық белсенділікке ықпал етеді”, – деді елші.
</blockquote>
Сонымен қатар, дипломат Нұрсұлтан Назарбаевқа мәртебелі шейх Фатима бинт Мұхаммед бин Заидтің гуманитарлық жобасы аясында жасалған “Бейбітшілік кілемін” табыстады. Гуманитарлық жоба кілем тоқудың дәстүрлі қолөнерін насихаттауға және соғыс бейнелерінің осы өнерге енуіне қарсы тұруға бағытталған. Жоба аясында қолөнершілер бейбіт және гүлденген өмір туралы өздерінің көзқарастарымен кілемдер тоқиды.
<img src="https://kyzylorda-news.kz/wp-content/uploads/2019/12/20nazarbayev2.jpg" alt="" />

Нұрсұлтан Назарбаевқа &#8220;Бейбітшілік кілемі&#8221; сыйға берілді

<a href="https://kyzylorda-news.kz/">Kyzylorda-news.kz.</a> &nbsp;«Қазгидромет» РМК 20 желтоқсанға арналған ауа райы болжамын ұсынады.
Қазақстан территориясының басым бөлігінде ауа райы Атлантикалық циклонның онымен байланысты атмосфералық фронттармен байланысты болады. Соған байланысты жауын-шашын (қар, жаңбыр) жауады.
Республиканың кей жерлерінде тұман, көктайғақ, бұрқасын күтіледі, жел күшейеді, оңтүстік-шығыста қатты жел 30 м/с және одан жоғары күшейеді.
Жамбыл, Қызылорда, Маңғыстау, Түркістан облыстарының кей жерлерінде түнде жел 15-20, күндіз 15-20 м/с күшейеді.
Солтүстік Қазақстан, Ақмола, Алматы, Атырау облыстарының кей жерлерінде тұман, көктайғақ, бұрқасын күтіледі, желдің жылдамдығы кей жерлерде 23-28 м/с жетеді.
Батыс Қазақстан, Шығыс Қазақстан, Ақтөбе, Қостанай, Қарағанды, Павлодар облыстарының кей жерлерінде тұман, көктайғақ, бұрқасын күтіледі, жел 15-23 м/с күшейеді. Шығыс Қазақстан облысының кей жерлерінде көктайғақ, бұрқасын күтіледі, жел 15-20, екпіні 23-28 м/с күшейеді.

Қазақстан және Қызылорда облысының жаңалықтары

Дариға Назарбаева банктердің неден қорқатынын айтып берді

Ұлттық қауіпсіздік комитеті 7 радикалды топ қылмысының жолын кесті

Елімізде көлік қаққан жабайы елікті құтқару үшін дәрігерлер жанталасып жатыр

Қызылорда облысында «Жолда қабылдау» акциясы өтіп жатыр

Шиеліде кәсіпкерлік саласының аясы кеңейді

Батырхан Шүкеновтің мұрасы өрт кезінде түгел жойылып кетті

Тоқаевтың тапсырмасынан кейін латын әліпбиінің 10 нұсқасы қаралды

МСҚ Қызылорда облысы бойынша медицина ұйымдарына халыққа көрсеткен медициналық қызметтері үшін 42,2 млрд теңге төледі

Элизабет Тұрсынбаева Этери Тутберидзенің шоуына қатысады

Лицензиясынан айырылған ЖОО-лардың тағдыры не болмақ – Министр жауабы

Нұрсұлтан Назарбаевқа “Бейбітшілік кілемі” сыйға берілді

Жұмаға арналған ауа райы болжамы

Қазақстан және Қызылорда облысының жаңалықтары

Дариға Назарбаева банктердің неден қорқатынын айтып берді

Ұлттық қауіпсіздік комитеті 7 радикалды топ қылмысының жолын кесті

Елімізде көлік қаққан жабайы елікті құтқару үшін дәрігерлер жанталасып жатыр

Қызылорда облысында «Жолда қабылдау» акциясы өтіп жатыр

Шиеліде кәсіпкерлік саласының аясы кеңейді

Батырхан Шүкеновтің мұрасы өрт кезінде түгел жойылып кетті

Тоқаевтың тапсырмасынан кейін латын әліпбиінің 10 нұсқасы қаралды

МСҚ Қызылорда облысы бойынша медицина ұйымдарына халыққа көрсеткен медициналық қызметтері үшін 42,2 млрд теңге төледі

Элизабет Тұрсынбаева Этери Тутберидзенің шоуына қатысады

Лицензиясынан айырылған ЖОО-лардың тағдыры не болмақ – Министр жауабы

Нұрсұлтан Назарбаевқа &#8220;Бейбітшілік кілемі&#8221; сыйға берілді

Жұмаға арналған ауа райы болжамы

Нұрсұлтан Назарбаевқа “Бейбітшілік кілемі” сыйға берілді