Биологиялық әралуандықтың халықаралық күні
БҰҰ Бас Ассамблеясы 49-сессиясының (1995) шешімі бойынша биологиялық әралуандық (Жердің флорасы мен фаунасы, 1993) туралы халықаралық конвенцияның күшіне енген күнінен бастап тойланады.
Моңғолия тәуелсіздігі күні
1911 жылы Цинь империясы құлап, Моңғолия Қытайдан бөлініп шықты.
1995 жылы ҚР Конституциялық кеңесі (КК) құрылды. Ол – Қазақстандағы конституциялық бақылауды жүзеге асыратын ұжымдық орган. Қазақстан Конституциясының 72-бабына сәйкес, КК ҚР Президенті сайлауының, Парламент депутаттары сайлауның және республикалық референдумның дұрыс өтуін қадағалайды.
2004 жылы Қазақстан Республикасы Парламентінің Астананың сол жақ бетіндегі жаңа ғимаратында Мәжілістің бірінші жалпы отырысының ашылу рәсімі өтті.
2012 жылы Жамбыл облысының Қордай ауданында Қазақстанда алғашқы өнеркәсіптік ауқымдағы Күн электр стансасы іске қосылды. Жекеменшік инвестициялар есебінен салынған станса жалпы электр желілеріне қосылған әрі өндірген энергиясын еліміздің бірыңғай энергетика жүйесіне бере алады.

29 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 29 желтоқсанға арналған жұлдыз-жорамалы.
Тоқты
Бүгін көңілді, белсенді адамдармен әңгімелесіңіз. &nbsp;Егер отбасылы болсаңыз, үй ішіндегі барлық мәселені шешіп алыңыз.
Торпақ
Бұрын сізді жарты жолда қалдырған адаммен кездесіп, онымен біраз әңгімелесесіз. Бірақ барлық шындығыңызды айтып қоймаңыз.
Егіздер
Бүгін өзіңіздің сүйікті ісіңізбен айналысасыз. Бұл іс кейін қосымша қаражат әкелетін табыс көзі болмақ. Сондықтан барлығын жан-жақты ойластырғаныңыз жөн.
Шаян
Бүгін біраз жерде болып, біршама мәселені шеше аласыз. Егер жақындарыңыз үй шаруасына көмектесер болса, шаршағаныңызды сезбей қаласыз.
Арыстан
Бүгін барынша сыпайы болыңыз. Әсіресе жаңа танысқан адамыңызбен әңгіме барысында мәдениеттілік сақтағаныңыз жөн.
Бикеш
Көшеде жүргенде немесе көлік жүргізгенде сақ болыңыз. Сондай-ақ спортпен шұғылдану барысында да дене жарақатын алу қауіпі бар.
Таразы
Үй шаруасынан демалатын кез келді. Жол дорбаңызды жинап, саяхатқа шығыңыз. Не болмаса, алыстағы туған-туысты аралап, қыдырыңыз.
Сарышаян
Бүгін жалқаулық танытасыз. Егер ауа райы жанға жайлы болса, табиғат аясында демалыс ұйымдастырыңыз немесе демалыс саябағына барыңыз.
Мерген
Бүгін ірі көлемде сауда жасамаңыз. Не болмаса қарыз қайтармаңыз. Себебі өзіңіз қаржы жағынан қиналып қалуыңыз мүмкін. Сондықтан мұны кейінге қалдырыңыз.
Тауешкі
Бүгін алаңсыз демалыңыз. Үй шаруасына бола қиналмаңыз. Түстен кейін сізге көмек көрсететіндер табылады.
Суқұйғыш
Бүгін сіздің жолыңыз болады. Барлық мәселелер мен кикілжіңдер сізді айналып өтеді. Сондай-ақ бүгін ірі көлемде сауда жасап, үй ішін жаңалайсыз.
Балықтар
Бүгін ішпыстырарлық жиынға немесе кездесуге барасыз. Егер мүмкіндік болса, бұл жиынға барудан бас тартыңыз.

Жұлдыздар не дейді?

Bek Air ұшағына билет алған жолаушылар QAZAQ AIR әуе компаниясының билеттерін тиімді бағамен ала алады, деп хабарлайды <a href="http://lenta.inform.kz/kz/qazaq-air-kompaniyasy-bek-air-zholaushylaryn-tasymaldauga-dayyn_a3599207">ҚазАқпарат</a>.
«QAZAQ AIR әуе компаниясы кеше Алматы маңындағы ұшақ апаты салдарынан рейсі тоқтатылған жолаушыларды қабылдауға дайын. 2019 жылдың 31 желтоқсанына дейін Bek Air билеті бар жолаушылар QAZAQ AIR рейстеріндегі бос орындарды қарастыра алады. Мұндағы билеттер құнын Bek Air билетінің құнынан асырмаймыз», – деп хабарлады әуе компаниясы.
Билет сатып алу үшін flyqazaq.com брондау қызметін қолдануға болады.
Айта кетейік, кеше таңертең Алматыдан Нұр-Сұлтан қаласына ұшып шыққан ұшақ радардан жоғалып кетті.
Кейін 95 жолаушы мен 5 экипаж мүшесі бар ұшақтың апатқа ұшырағаны мәлім болды. Оқиғаның мән-жайын анықтау үшін ұшақ құлаған аумаққа арнайы комиссия ұшып шықты.
ҚР Президенті Қасым-Жомарт Тоқаев ұшақ апатына кінәлілер заңға сәйкес қатаң жазаланатынын мәлімдеді. Елбасы Нұрсұлтан Назарбаев жолаушылар ұшағының апатқа ұшырауына байланысты көңіл айтты.
ҚР ДСМ ұшақ апатынан зардап шеккендерге медициналық көмек көрсету үшін ресурстар жеткілікті екенін, қан тапсырудың қажеті жоқ екенін мәлімдеді.

QAZAQ AIR компаниясы Bek Air жолаушыларын тасымалдауға дайын

Kyzylorda-news.kz. Алматыда ұшақ апатынан аман қалғандардың отбасыларына көмек беру үшін есепшот ашылды.
«Жаңа Алатау» қоғамдық қоры көпшіліктің сұрауынан соң арнайы шот ашты.
Қорға түскен қаражат зардап шеккен жолаушыларға, Алматы тұрғындарына беріледі.
Қор өкілдері жұмсалатын қаражаттың ашық есебі болады деп сендірді.
Қор реквизиттері:
«Жаңа Алатау» қоғамдық қоры
БИН : 080740011034
Қор шоты: KZ826010131000165601
БИК банк: HSBKKZKX АО «Народный Банк Казахстана»
КБЕ 18 КНП 119
Аталған қор төтенше жағдайлар кезінде адамдарға әлеуметтік көмек көрсету мақсатында құрылған.
Бұл ұйым Алматыда 2011 жылы болған қатты желден, Медеу шатқалындағы өрттен кейін, Наурызбай ауданындағы селден кейін, Арыс қаласындағы жарылыстан кейін көмектескен болатын.

Алматыда ұшақ апатынан жапа шеккендерге көмек беру үшін есепшот ашылды

Kyzylorda-news.kz. Алматыда «Бек Эйр» ұшағының апатқа ұшырауына байланысты билет бағасының көтерілгендігі туралы ақпарат шындыққа жанаспайды. Бұл туралы бүгін Орталық коммуникациялар қызметіндегі баспасөз мәслихатында ҚР Индустрия және инфрақұрылымдық даму вице-министрі Берік Камалиев мәлімдеді.
Оның дерегінше, 2019 жылғы 27-31 желтоқсан күндері аралығына жоспарланған әуе компаниясының 100-ге жуық рейсі орындалмайды. Бұл бағыттарға барлығы 9157, оның ішінде 8180 ересек, 765 бала, 212 нәресте билеті сатылған.
«Қазіргі уақытта әуе компаниясы 2019 жылдың 31 желтоқсанына дейін жоспарланған барлық рейстердің авиабилеттерінің толық құнын қайтару жұмыстарын жүргізіп жатыр. 2020 жылдың 3-10 қаңтары аралығындағы «Бек Эйр» әуе компаниясы рейстерінің жолаушылар саны 9785 адамды құрайды. 1-2 қаңтарға әуе компаниясы ұшуларды жоспарламаған. Орындалмайтын рейстердің жолаушыларына өзге әуе компаниялармен ұшуды ұсынамыз. Бұл ретте «Бек Эйр» рейстерінің орындалмауына байланысты авиабилеттердің бағасы көтерілген жоқ және көтерілмейді де. Тарифтердің көтерілгендігі туралы ақпарат шындыққа жанаспайды», – деді Берік Камалиев.
Сонымен қатар вице-министр Жаңа жыл мейрамы қарсаңында және демалыс күндері әдетте авиабилеттердің құны жай күндерге қарағанда жоғары болатындығын айтты.

Ұшақ апатына байланысты билет бағасының көтерілгендігі туралы ақпарат жалған

Kyzylorda-news.kz. Bek Air компаниясы IATA (IOSA – IATA Operational Safety Audit) халықаралық әуе көлігі қауымдастығының қауіпсіздік аудитінен өтпеген. Дегенмен ішкі әуе тасымалындағы бәсекелестікті күшейту үшін әуе компаниясына жұмыс істеуге рұқсат берілген. Бұл туралы Қазақстанның индустрия және инфрақұрылымдық даму вице-министрі Берік Қамалиев мәлімдеді.
Оның айтуынша, министрлікке бизнес қауымдастықтан және халықтан көп ұсыныс түскен.
“Барлығының әуе тасымалы нарығында жұмыс істеуге мүмкіндігі жоқ. Бәсекелестікті қорғауды ескере келе, ережеден IOSA аудитінен өткізу талабын алып тастадық. Халықаралық әуе тасымалында барлық аудит бар. Сондықтан Bek Air компаниясының ұшақтары шетелге ұшқан жоқ”, – деді Қамалиев орталық коммуникациялар қызметінде өткен брифингте.
Айта кетейік, Bek Air компаниясы IATA халықаралық әуе көлігі қауымдастығының қауіпсіздік аудитінен өтуден бас тартқан. Компания өкілдері бұл тексеріс өте қымбат тұратынын, әрі оның міндетті емес екенін атап өткен.

Bek Air ұшақтары халықаралық қауіпсіздік сертификатынсыз ұшқан

Kyzylorda-news.kz. Қызылорда облысының әкімі Қуанышбек Ысқақов «Мейірімділік шапағаты» облыстық қайырымдылық телемарафонына қатысты. Аталған шара – халықтың әлеуметтік осал топтарына қайырымдылық жасауға арналған.
Өңірде мұқтаж адамдарға қолдау көрсету шараларын күшейту мақсатында жыл басында көпбалалы және аз қамтылған отбасыларға қосымша қолдау шараларын ұсыну үшін 2019-2021 жылдарға арналған өңірлік Әлеуметтік жол картасы қабылданған. Жол картасында табысты арттыру және халықтың аз қамтылған топтарын қолдау, табысы төмен азаматтардың баспана мәселесін шешу және білім беру мен денсаулық сақтау салаларын жақсарту, сондай-ақ, өңірлерді кешенді дамыту бағытындағы ауқымды іс-шараларды жүзеге асыру шаралары көзделген. Ол үшін бюджеттен 42 млрд. теңгеден астам қаражат бөлінген. Оның ішінде атаулы әлеуметтік көмектің мөлшері ұлғайтылып, барлығы 31 мыңнан астам отбасына 20 млрд. теңгеге жуық көмек көрсетілген.
Айта кету керек, осындай қайырымдылық шаралары жыл көлемінде ұйымдасытырылып келеді.Сонын ішінде осы желтоқсан айында атаулы мерекелерге орай әлеуметтік осал топтағы отбасыларға қажетті көмек көрсетілді.
Телемарафонда сөз алған облыс әкімі Қуанышбек Досмайылұлы бүгін Алматы қаласынын маңында ұшақ апатынан қаза тапқан азаматтарды бір минуттық үнсіздікпен еске алып, «Мейірімділік шапағаты» атты қайрымдылық шарасының маңыздылығына тоқталып өтті.
«Мейірімділік – ізгіліктің жолы. Риясыз жасалған жақсылық – биік адамгершіліктің белгісі. Бүгінгі шара аясында жомарт жүрек азаматтардың тікелей қолдауымен қала бойынша әлеуметтік жағынан аз қамтылған, асыраушысынан айрылған, қарттар мен ата-ана қамқорлығынсыз қалған балалар, көп балалы, мүгедек, тұрмысы төмен отбасыларға азық-түлік түрінде көмек көрсетілді. Осы шара барысында облыстың мемлекеттік қызметкерлері мен жекелеген азаматтар өздерінің бір күндік жалақысын аударып, 4 млн теңгеден аса қаржылай көмек берді. 2013 жылдан бері көпбалалы және аз қамтылған отбасылардың, әсіресе, ауылдық жерден шыққан талапты балаларды оқытуға облыс әкімінің арнайы грантын тағайындап келеміз, бүгінгі күні мыңнан аса мектеп түлегі грант иегері атанды. Апатты жағдайдағы үйлер мен жатақханаларда тұрып келген отбасыларды жаңадан салған үйлерге қоныстандыру үрдісімізге айналды. Қызылорда облысы әлеуметтік салаға қаржы бөлуден аймақтар арасында көш бастап тұр»,- деді облыс әкімі Қ.Ысқақов.
Сондай-ақ, бүгінгі қайрымдылық шарасына аймақ басшысымен бірге облыс әкімінің орынбасарлары, қала әкімі, мемлекеттік және мемлекеттік емес мекемелерінің басшылары да атсалысты.

Қызылорда облысының әкімі қайырымдылық телемарафонына қатысты

Kyzylorda-news.kz. Қазақстанның индустрия және инфрақұрылымдық даму вице-министрі Берік Қамалиев Алматы маңында құлаған ұшақтың “қара жәшігі” Мәскеу мемлекетаралық авиация комитетіне берілетін айтты, деп хабарлайды&nbsp;<a href="https://sputniknews.kz/"></a><a href="https://sputniknews.kz/incidents/20191228/12405677/ushaq-apaty-tyn-derek.html">Sputnik Қазақстан.</a>
Қазақстан президенті жанындағы орталық коммуникациялар қызметінде Берік Қамалиев Bek Air ұшағының апатқа ұшырауына байланысты министрлік атынан көңіл айтты.
Вице-министр Қазақстан президенті Қасым-Жомарт Тоқаевтың тапсырмасы бойынша ұшақ апатынан қаза тапқан және зардап шеккендердің отбасына қажетті көмек пен қолдау көрсетілетінін жеткізді.
Ұшақ екі рет ұшып-қону жолағына соғылған
Вице-министрдің айтуынша, “Алматы – Нұр-Сұлтан” рейсін орындауға шыққан Bek Air әуе компаниясының Fokker 100 ұшағы ұшу төмендігін жоғалтып алған.
“Салдарынан темір қоршауға соғылып, ұшақ апатқа ұшырады. Бортта 98 адам болған. Оның ішінде 9 бала мен 5 экипаж мүшесі бар. Апаттан қаза тапқандар мен зардап шеккендер бар екенін білесіздер. Комиссия ұшып-қону жолағында ұшақтың артқы бөлігі екі рет жерге тигенін анықтады. Екеуінің арасы 300-400 метр болған”, – деді Берік Қамалиев.
“Кейін ұшақ “ұшу режиміне” байланысты көкке көтеріліп, оңға бұрылған. Салдарынан ұшақ қоршауға және үйге соғылды. Онда ешкім болмаған. Апаттан ұшақ екіге бөлініп кетті”, – деді ол.
Берік Қамалиев ұшақ апатына қатысты тергеу қалай жүргізіліп жатқанына тоқталды. Ол ұшақтың “қара жәшігі” Мәскеуге берілетінін атап өтті.

Алматы маңындағы ұшақ апатына қатысты тың деректер шықты

Kyzylorda–news.kz. Нидерландтық әуеқұрастырушы&nbsp;Fokker компаниясы Алматыға&nbsp;Bek Air ұшағының құлау себептерін анықтау мақсатында мамандарды жібереді, деп хабарлайды&nbsp;<a href="https://ria.ru/">РИА Новости</a>.
Бұл туралы ұлыбританиялық GKN холдингіне кіретін Fokker компаниясының ресми өкілі мәлімдеді.&nbsp;
“Стандартты хаттама аясында біз Қазақстанға техникалық қолдау ретінде шағын команданы жібереміз”, – деді ол.
Fokker өкілі мұндай ақпараттың құпиялылығына байланысты, сарапшылардың қай жерде және қай құрамда қай жерде жүретінін&nbsp;нақтыламады.

Fokker апаттың себебін анықтау үшін Алматыға мамандарды жібереді

Kyzylorda-news.kz. Балалар омбудсмені Аружан Саин Алматы түбіндегі ұшақ апаты кезінде зардап шеккен балаларға барып қайтты. Ол сол рейстің кішкентай жолаушыларының жағдайы туралы айтты.
“Зардап шеккен балалардың төртеуі бір отбасыдан екен, жалғыз асыраушылары – әкесі қаза болды. Ауруханада Жетісу ауданының әкімі Мақсат Қиқымовты жолықтырдық, ол туыстарымен кездесті. Әкімдік отбасына көмектесу үшін шаралар қабылдауда”, – деп хабарлады Аружан Саин.
Оның айтуынша, Балаларға шұғыл медициналық көмек көрсету орталығында екі бала жатыр.
“Үш баланың аяғы сынған, бір қыздың екі аяғына да зақым келді, осы уақытқа дейін барлық операция жасалды, қыздардың бірі палатада. Операциядан кейін екі баладан басқасы есін жиды. Олар жан сақтау бөлімінде – ұйқыда жатыр, барлығы өздігінен дем алуда. Балалардың ешқайсының өміріне қауіп төніп тұрған жоқ. Ең кішкентай балалар ауыр жарақат алмаған, олардың екеуі әзірге жан сақтау бөлімінде”, – деп жазды Саин.
Ол қаланың барлық қызметіне, құтқарушыларға, әскери қызметкерлерге, жедел жәрдем дәрігерлеріне, зардап шеккендерді құтқарып, қазір көмектесіп жатқан клиникаларға алғысын білдірді.
Ұшақтың бөлінген жерінде отырған
Бала құқықтары жөніндегі уәкіл жарақат алған ең ересек бала туралы айтты. Жанқозы төртінші қатарда – терезе жанында, ұшақтың сынған жеріне өте жақын жерде отырған.
“Оқиға кезінде бала өзін-өзі ұстай білді, ересектерге құлаған заттарды алуға көмектесті. Ал сыртқа шыққанда төтенше жағдайлар қызметкерлері мен әскерилерге ол жерді тазартуға, кірпіш тасуға көмектеспек болды. Әрине, олар оған рұқсат бермеді, оны жедел жәрдемге алып барып, ауруханаға жіберді”, – деп түйіндеді Саин.
Баланың әкесі баласын осы рейспен елордада жұмыс істейтін анасына жібергенін айтты.
Алматыдағы ұшақ апаты
Қайғылы оқиға бүгін таңертең болды. Bek Air әуе компаниясының “Алматы – Нұр-Сұлтан” бағытындағы Fokker 100 ұшағы Талғар ауданында құлады.
Соңғы мәліметтерге сәйкес, апат 12 адамның өмірін қиды. Ұшақта 93 жолаушы мен 5 экипаж мүшесі болған.
Президентің тапсырмасымен премьер-министр жетекшілік ететін комиссия құрылды. Қауіпсіздік ережелерін бұзу бабы бойынша сотқа дейінгі тергеу басталды. Тоқаев 28 желтоқсанды жалпыұлттық аза тұту күні ретінде жариялады.
<a href="https://sputniknews.kz/incidents/20191228/12402811/aue-apaty-bala.html">Sputnik</a>

Алматы түбіндегі әуе апаты: бір отбасының төрт баласы зардап шекті

Kyzylorda-news.kz. 28 желтоқсан жалпыұлттық қаралы күн болып жарияланды. Бұл Тәуелсіз Қазақстан тарихындағы сегізінші жағдай, деп жазады <a href="https://kaz.tengrinews.kz/kazakhstan_news/28-jeltoksan-jalpyiulttyik-karalyi-kun-kazakstanda-osyimen-303775/">Tengrinews.kz</a>.
2006 жыл 22 қыркүйек. Ленин (Шахтинск) атындағы шахтадағы қайғылы жағдай
2006 жылдың 20 қыркүйегінде Қарағанды облысының Шахтинск қаласындағы Ленин атындағы шахтада болған техногендік апат. Метанның жарылуынан 41 кенші қаза тапты, жеті жұмысшы зардап шекті.
8:56-да шахтада 368 адам болған кезде жарылыс болды. Жарылыс толқыны төрт жарым шақырымды қамтыды. Бір тәулік ішінде қаза тапқандар мен зардап шеккендердің денелерін жер бетіне көтерді. Кейінірек аза тұту жарияланды.
Шахтаның сегіз қызметкеріне айып тағылды. Үшеу бір жыл сынақ мерзімімен шартты түрде бір жыл алған. Қалғандары бір жылдан үш жарым жылға дейін қоныс колониясына тоғытылды.
2008 жылы 14-16 қаңтар. “Абай” шахтасында метан жарылысы
Метан жарылысы 400 метрлік тереңдікте болды. Осы уақытта шахтада 191 адам болған. Жарылыстан кейін Лавада өрт шықты. Қайғылы оқиға 30 адамның өмірін қиды. 161 шахтер жер бетіне шығарылды, оның ішінде 14 адам түрлі дәрежедегі күйік пен жарақаттармен ауруханаға жатқызылды.
Кінәлілердің қатарында үш инженер-техникалық қызметкер болған. Үш күндік аза тұту жарияланды.
2010 жылы 16 наурыз. Қызылағашта су тасқыны
Қазіргі Қазақстан тарихындағы ең жойқын су тасқынының бірі. Алматы облысының Қызылағаш ауылынан наурыздың 11-нен 12-не қараған түні болған оқиға.
Қайғылы оқиғадан 43 адам қаза тапты, оның ішінде сегіз бала бар. 300 адам түрлі дәрежедегі жарақат алып, 1000-ға жуық адам қауіпсіз жерге көшірілді. 146 үй толығымен бұзылды, 251 үй қирап, 42 үй зақымдалды. Аза тұту 16 наурызда жарияланды.
2012 жыл 5 маусым. Арқанкергендегі қанды оқиға
28 мамырда “Арқанкерген” шекара қызметінде 14 шекарашы мен қорықшы қаза тапты. Қылмыстың жасалуына жалғыз тірі қалған солдат – Владислав Челах кінәлі деп танылды. Қайғылы оқиғадан кейін Нұрсұлтан Назарбаев 2012 жылдың 5 маусымында жалпыұлттық аза тұту жариялады.
2012 жылдың желтоқсанында Челах өмір бойына бас бостандығынан айырылды. Ол Қостанай облысы Жітіқара қаласының маңындағы “Қара бүркіт” ерекше режимдегі колонияда жазасын өтеп жатыр.
2012 жылы 27 желтоқсан. Шымкентте ұшақтың құлауы
2012 жылы 25 желтоқсанда Шымкент маңында Ан-72 әскери ұшағы апатқа ұшырады. Оның бортында 27 адам болған, барлығы қаза тапты. Қаза болғандардың ішінде ҰҚК Шекара қызметінің басшысы Тұрғанбек Стамбеков болды.
Әуе апатына Шымкент әуежайының диспетчері кінәлі деп танылды. Ол төрт жылға бас бостандығынан айырылды.
2013 жыл 31 қаңтар. SCAT компаниясының ұшағы апатқа ұшырауы
Авиациялық апат салдарынан бортта отырған барлығы – 21 адам қаза тапты. 16 жолаушы және бес экипаж мүшесі. 2013 жылы 29 қаңтарда SCAT компаниясының Canadair CL-600-2B19 әуелайнері Көкшетау – Алматы бағытымен DV760 жоспарлы ішкі рейсін орындаған. Алайда Алматы әуежайына жақындаған тұста, ол жерге құлады.
Апатқа ұшқыштардың қателігі себепші деп атады.
2016 жыл 9 маусым. Ақтөбедегі лаңкестік
Террорлық акт салдарынан лаңкестердің қолынан 8 адам қаза тапты. Антитеррорлық операция кезінде 18 қылмыскердің көзі жойылды.
25 адамнан тұратын содырлар тобы “Паллада” және “Пантера” қару-жарақ дүкендеріне шабуыл жасап, одан әрі ҚР Ұлттық гвардиясының №6655 әскери бөліміне шабуыл жасады.
Құқық қорғау органдары лаңкестікке тікелей қатысы бар тоғыз адамды, дайындалып жатқан қылмыс туралы хабарламағаны үшін тағы 18 адамды, сондай+ақ екі адамды – жасырғаны үшін ұстады.
Террорлық актіге қатысушы жеті адам өмір бойына бас бостандығынан айырылды. Екі адам 25 жыл және 22 жылға бас бостандығынан айырылды. Сот үкімімен 29 сотталушының барлығы ауыр, аса ауыр құқық бұзушылық жасағаны үшін, жеке адамға, меншікке қарсы, сондай-ақ қоғамдық қауіпсіздікке, қоғамдық тәртіпке қарсы кінәлі деп танылып, бас бостандығынан айырудың әр түрлі мерзіміне сотталды.
2019 жылы 28 желтоқсан. BekAir ұшағының апатқа ұшырауы
2019 жылы 27 желтоқсанда таңғы уақытта Bek Air әуекомпаниясының ұшағы Алматы маңына құлады. ІІМ 12 адамның қаза тапқаны туралы айтты.
Әуе апатынан қаза тапқандардың отбасына төрт миллион теңге беріледі. Басқада зардап шеккендерге көмек берілетіні де айтылды.
Бас прокуратура мен ІІМ әуе апатының себептерін анықтап, кінәлілерді жауапқа тартуға тиіс. Қазақстан тарихында сегізінші Жалпыұлттық аза тұту жарияланды.

28 желтоқсан жалпыұлттық қаралы күн &#8211; Қазақстанда осымен сегізінші

Kyzylorda-news.kz. «Bek Air» әуе компаниясының 27-31 желтоқсан аралығына жоспарланған барлық рейстері орындалмайды, деп хабарлайды ҚР Индустрия және инфрақұрылымдық даму министрлігінің баспасөз қызметі. &nbsp;
&nbsp;«Bek Air» әуе компаниясы ұшырылымдарының уақытша тоқтатылуына байланысты 2019 жылғы 27-31 желтоқсан күндері аралығына жоспарланған әуе компаниясының Нұрсұлтан-Қызылорда, Қызылорда – Нұр-Сұлтан, Нұр-Сұлтан – Атырау, Атырау – Шымкент, Шымкент – Нұр-Сұлтан, Нұр-Сұлтан – Алматы, Алматы – Орал, Орал – Алматы, Алматы – Ақтау, Ақтау – Алматы, Алматы – Павлодар, Павлодар – Алматы, Ақтау – Шымкент, Атырау – Алматы, Нұр-Сұлтан – Шымкент, Алматы – Нұр-Сұлтан, Шымкент – Атырау, Атырау – Нұр-Сұлтан, Нұр-Сұлтан – Алматы, Шымкент – Ақтау бағыттары бойынша 100-ге жуық рейсі орындалмайды. Бұл бағыттарға барлығы 9157 билет (8180 ересек, 765 бала, 212 нәресте) сатылған.
«Қазіргі уақытта әуе компаниясы 2019 жылғы 31 желтоқсанға дейін жоспарланған барлық рейстерге билеттердің толық құнын қайтарып жатыр» деп мәлім етті министрліктен.
2020 жылғы қаңтардың 3-10 аралығына (2020 жылғы 1-2 қаңтарға рейстер алдын ала жоспарланбаған) «Bek Air» әуе компаниясының рейстеріне 9785 (8307 ересек, 1153 бала, 325 нәресте) билет сатылған.
Осыған орай ұшырылмайтын рейстердің жолаушыларына өзге әуе компаниялардың қызметін пайдалануға, сондай-ақ басқа көлік түрлерін қарастыруға кеңес беріледі.
«Отандық әуе компанияларының мәліметінше, «Bek Air» әуе компаниясының рейстері орындалмайтынына байланысты билеттердің құны көтерілген жоқ. Тиісінше, болған апатқа орай әуе билеттері бағасының шарықтап кеткені жөніндегі ақпарат шындыққа жанаспайды. Өйткені, Жаңа жыл қарсаңында және демалыс күндері билеттердің құны басқа күндерге қарағанда бұрыннан қымбатырақ болады. Жалпы билетті өз бағасына алу үшін делдалдардың қызметіне жүгінбей, әуе компанияларының ресми сайттарынан және аккредиттелген сату нүктелерінен алуға кеңес беріледі» делінген хабарламада.
&nbsp;«Air Astana» және «Qazaq Air» әуе компанияларының мәліметінше, тоқтатылған рейстердің жолаушылары 2019 жылғы 31 желтоқсанға дейін сәйкес бағыттарға бос орын болған жағдайда «Bek Air» әуе компаниясының рейстеріне алынған билет құнымен тасымалданады. Ол үшін билеттерді тікелей «Air Astana» және «Qazaq Air» әуе компанияларының кассаларынан алу керек. «SCAT» әуе компаниясы көрсетілген мерзімге дейін бос орындар болған жағдайда «Bek Air» әуе компаниясы жолаушыларын қабылдайды. Оған «Bek Air» әуе компаниясының өкілі ұсынған жолаушылардың мәліметтері көрсетілген табыстау тізімдемесі негіз бола алады.
Сонымен қатар, «Air Astana» 2019 жылғы 28 желтоқсанға Нұр-Сұлтан мен Алматы қалалары арасында қосымша рейстер ашты. Олар жергілікті уақытпен сағат 05:00-де және 10:00-де ұшады. Апаттан зардап шеккендердің жақын туыстары тегін тасымалданады. Оған қоса, жаңажылдық мерекелер мен демалыс кезеңінде «Air Astana» әуе компаниясы Алматыдан Нұр-Сұлтан, Ақтөбе, Ақтау және Атырау қалаларына қосымша рейстер ашады.
Колл-орталық телефондары:
– «Қазақстанның авициялық әкімшіліг» АҚ +77172613187;
– «Air Astana» әуе компаниясы +77172584477, +77272444477, +77027024477; – «SCAT» әуе компаниясы +77252998880 (ішкі 277, 278);
– «Qazaq Air» әуе компаниясы +77273561414;
– «Bek Air» әуе компаниясы +77273545000, +77017334576.

Қазақстан және Қызылорда облысының жаңалықтары

29 желтоқсан: Атаулы күндер мен оқиғалар

Жұлдыздар не дейді?

QAZAQ AIR компаниясы Bek Air жолаушыларын тасымалдауға дайын

Алматыда ұшақ апатынан жапа шеккендерге көмек беру үшін есепшот ашылды

Ұшақ апатына байланысты билет бағасының көтерілгендігі туралы ақпарат жалған

Bek Air ұшақтары халықаралық қауіпсіздік сертификатынсыз ұшқан

Қызылорда облысының әкімі қайырымдылық телемарафонына қатысты

Алматы маңындағы ұшақ апатына қатысты тың деректер шықты

Fokker апаттың себебін анықтау үшін Алматыға мамандарды жібереді

Алматы түбіндегі әуе апаты: бір отбасының төрт баласы зардап шекті

28 желтоқсан жалпыұлттық қаралы күн – Қазақстанда осымен сегізінші

Bek Air компаниясы 31 желтоқсанға дейінгі 10 мыңға жуық билеттің ақшасын қайтарып жатыр

Қазақстан және Қызылорда облысының жаңалықтары

29 желтоқсан: Атаулы күндер мен оқиғалар

Жұлдыздар не дейді?

QAZAQ AIR компаниясы Bek Air жолаушыларын тасымалдауға дайын

Алматыда ұшақ апатынан жапа шеккендерге көмек беру үшін есепшот ашылды

Ұшақ апатына байланысты билет бағасының көтерілгендігі туралы ақпарат жалған

Bek Air ұшақтары халықаралық қауіпсіздік сертификатынсыз ұшқан

Қызылорда облысының әкімі қайырымдылық телемарафонына қатысты

Алматы маңындағы ұшақ апатына қатысты тың деректер шықты

Fokker апаттың себебін анықтау үшін Алматыға мамандарды жібереді

Алматы түбіндегі әуе апаты: бір отбасының төрт баласы зардап шекті

28 желтоқсан жалпыұлттық қаралы күн &#8211; Қазақстанда осымен сегізінші

Bek Air компаниясы 31 желтоқсанға дейінгі 10 мыңға жуық билеттің ақшасын қайтарып жатыр

28 желтоқсан жалпыұлттық қаралы күн – Қазақстанда осымен сегізінші