<a href="https://kyzylorda-news.kz/">Kyzylorda-news.kz.</a> Швейцарияның Базель университетінің ғалымдары ағзадағы иммундық жүйені қатерлі ісік ауруымен күресуді үйретуге болатындығын анықтады, деп хабарлайды&nbsp;<a href="https://stan.kz/galimdar-agzanin-rakka-karsi-totep-bere-alatin-kasietin-325861/">Stan.kz</a>.&nbsp;
Жануарларға жүргізілген тәжірибенің нәтижесінде мамандар денедегі белгілі бір антиденелердің жұмысын екінші антиденелердің көмегі арқылы күшейтуге болатынын ашқан көрінеді. Дегенмен зерттеуге қатысқан жануарлардың тек 20 пайызында ғана ілгерінді құбылыстар байқалған.&nbsp;
Зерттеушілердің пайымдауынша,&nbsp;CD40 антиденелері&nbsp;Т-лимфоциттерін синтездей алады екен. Өз кезегінде бұл лимфоциттер ағзадағы обыр дертінің жасушаларына төтеп береді.&nbsp;Т-лимфоциттері немесе Т-киллерлердің жұмысын басқа антиденелермен күшейту арқылы олардың қатерлі ісік жасушаларына ішіне оңай енуіне жол ашылатын көрінеді. Бұл тәжірибенің нәтижесінде жануарлардың денесіндегі ішек қуысы, сүт безі және терінің ракқа шалдыққан жасушаларын&nbsp;азайтуға мүмкіндік табылыпты.

Ғалымдар ағзаның ракқа қарсы төтеп бере алатын қасиетін ашты

<a href="https://kyzylorda-news.kz/">Kyzylorda-news.kz.</a> Кешігетін қанша адам болса, кешу себебі де сонша болуы мүмкін. Дегенмен, психологтардың айтуынша, адамның кешігіп жүруіне бейсана әсер етеді, деп жазады <a href="https://www.theguardian.com/lifeandstyle/2020/jan/01/surprising-psychology-behind-being-perpetually-late">The Guardian</a>&nbsp;басылымы.
<blockquote>
 «Бір бала кішкентай кезінде анасының кесірінен күнде сабаққа кешігіп баратын. Анасы оған кешігудің еш сөкеттігі жоқ екенін, ерте барған адамдар да алаңдаулы болатынын айтқан. Сол себепті ол ержеткен соң үнемі кешігіп жүрген. Ал ерте бара қалса, ол бейсаналы түрде өз анасын сатып кеткендей сезінген. Осылайша, үнемі кешігіп жүретін адамдар бейсаналы түрде әрекет етеді», дейді психологтар.
</blockquote>
Олардың айтуынша, адамның үнемі кешігу себебі – өте күрделі мәселе. Дегенмен, бұл адамның жетістікке жетуіне кедергі келтіреді.
<blockquote>
 «Сондай-ақ адамның кешігіп жүруіне бір әрекетті бітіріп, екіншісіне көшу арасындағы шекараның болмауы да әсер етуі мүмкін. Бұл да пихологияда өте маңызды себептердің бірі», дейді психологтар.
</blockquote>

Үнемі кешігіп жүрудің психологиялық себебі бар екендігі анықталды

<a href="https://kyzylorda-news.kz/">Kyzylorda-news.kz.</a> Жүйкенің жұқаруы – қоғамда кең етек алған дерт болып отыр. Тез ашуланып, болмашыға ренжитін, ызаланғыш, кінәмшіл адамдар көптеп кездеседі. Жалпы жүйкенің жұқаруына түрлі жағдайлар себеп болуы мүмкін. Сондай-ақ, жүйкесі шаршаған адамды іс-әрекеттеріне қарап анықтауға болады деп жазады&nbsp; <a href="https://massaget.kz/">Massaget.kz</a>.
1. Діттеген межесіне жете алмаған жандардың жүйкесіне азды-көпті жүк теседі. Себебі өзін жоғары бағалап келіп, кенет ештеңеге қолы жетпегенін сезіну, адамның мінез-құлқына өзгеріс енгізуі, жан-дүниесін жүдетуі мүмкін. Көңіліндегі биіктен немесе өзі ойлаған деңгейден табылу көп күш-қайратты талап етеді.
2. Өзіңді-өзің төмен бағалау, қашанда жүйкеге жүк түсіреді. Өзіңді өзгелермен салыстыру мен өзгенің өміріне қызығу, араласу жақсы жерге алып бармайды.
3. Жүйкесі жұқарған адам «күн жаумай су болып» жоқтан өзгеге уайым жеумен қатар, төңіректегі болып жатқан іс-әрекеттің бәріне енжар, ықылассыз қарайды. Сонымен қатар табиғатынан күйгелек, уайымшыл жандарда мұның аяғы торығуға, тіршіліктің тауқыметінен көңілдің қайтуына ұласады.
4. Жүйкесі жұқарған кісі озбырлыққа салынып, өзінің көңіл-күй ауанына ілесіп, маңайындағыларды себепсіз ренжітуі жиі ұшырасады. Ондай жандарда байсалдылық, ұстамдылық, бір нәрсенің себебіне байыптап қарау көбіне кездеспейді.
5. Бұл кеселге шалддыққан адам өзгенің сөзін шамданып, шыдамсызданып тыңдайды. Сонымен қатар&nbsp; біреудің жанға бататын сөзіне, көрсеткен қылығына төзбейді. Тілдеп тастаудан, жұдырық ала жүгіруден тайынбайды.
6. Жүйкесі жұқарған адамның жұмыс қабілеті де күрт төмендейді. Шаршап-шалдығып, үнемі ұйқылы-ояу жүретін күйге түседі. Бұл кеселдің салдарынан кісінің жалпы денсаулығы сыр береді. Мысалы, қан тамырларының, тер шығаратын бездердің, кейбір ішкі ағзалардың жұмысы бұзылады. Бұлшық ет, аяқ-қол сіңірлері ауырады, сыртқы әсерді сезіну қабілеті төмендейді.
Жұқарған жүйкені қалай емдеуге болады
Бұл кеселге шалдыққан адамды ауруынан айықтыруда оның отбасына, маңайындағыларға жүктелер міндет аз емес. Оның іс-әрекетіндегі оғаштыққа күлуге де, ұрысуға да болмайды. Науқастың бойынан кемшіліктен гөрі жақсылықты көбірек көруге тырысу қажет. Оның сөзін де, атқарған ісін де елеп-ескеріп, мадақтап, мақтап отырған жөн.
Ал ескерту айтуға тура келсе, оны тек сыпайылап жеткізіңіз. Сонымен қатар ондай жанның таза ауада серуендеуді әдетке айналдырғаны, белгілі бір күн тәртібін ұстанғаны жөн және еңбек ету мен дұрыс тамақтануды, ұйқыны дұрыс жолға қою қажет.
Егер де науқастың көңіл-күйі бұзылып, жағдайы нашарлай бастаса,&nbsp; оның тынығуына, тіпті болмай бара жатса дәрігерге барып көрінуіне көмектесіңіз. Жүйкесі жұқарған адамды емдеумен невролог, психиатр және психотерапевт мамандар айналысады.&nbsp; &nbsp;
Еске сала кетсек, бұған дейін күйеуіңіздің көзіңізге шөп салып жүргенінің&nbsp;негізгі белгілері жарияланған еді.

Жүйкеңіздің жұқарғанын қалай білуге болады?

<a href="https://kyzylorda-news.kz/">Kyzylorda-news.kz.</a> Қаңтардың 6-нан 7-сіне қараған түні қазақстандықтар әлемдегі барлық православ христиандарымен бірге Рождество мерекесін атап өтеді.
Иисус-Иса пайғамбардың туған күні бүгінде әлемнің көптеген елдерінде мемлекеттік мереке ретінде аталып өтеді.
2005 жылдан бері ҚР Еңбек кодексіне сәйкес, православ рождествосы елімізде Құрбан Айт мерекесі сияқты&nbsp; демалыс күні болып жарияланды.
Мереке кезінде дос-жаран, тума-туыс бір-бірін ізгі ниетпен құттықтап, барша жан мейірімділік танытып, жоқ-жітік адамдарға қайыр-садақа таратып, қамкөңіл жандарды қуантып, жетімдерге тарту-таралғылар жасаған жөн деп санайды. Сонда ғана құдайдың шапағатына бөленеді деген наным бар.
Ғасырлар бойы қазақтың дархан даласында түрлі мәдениет, дін мен салт-дәстүрді ұстанатын сан-алуан халықтардың тағдыры ұштасып жатты. Соның нәтижесінде қазір қазақ халқымен бірге бір шаңырақ астында 140 этнос пен 40 конфессия өкілдері бейбіт ғұмыр кешуде. Ұзақ уақыт көршілес өмір сүрген халықтарда бір-біріне деген тұрақты шыдамдылық пен бір-біріне құрмет дәстүрі қалыптасқан.
Қазақстан жеріндегі ислам мен православие діндері арасындағы көп жылдық берік достық қазақстандықтардың рухани өмірінде, патриоттықты тәрбилеуде, азаматтардың ынтымағы мен келісімінің нығаюында маңызды рөл атқарады.

Бүгін &#8211; Рождество мерекесі

Православиелік Рождество мерекесі
Рождество мерекесі – христиандардың басты мерекелерінің бірі. Бұл мереке Иисус Христостың Вифлеемде дүниеге келуі құрметіне орай атап өтіледі. Рождествоны католиктер 25 желтоқсанда, ал православтар 7 қаңтарда тойлайды.
Дзиндзицу
Жапон халқының дәстүрлі мерекесі, жаңажылдық мерекелердің бөлігі саналатын жыл мезгілдерінің ауысуы мерекесі (госэкку), сонымен бірге Жеті шөп мерекесі (Нанакуса-но сэкку) деп танымал. Дзиндзицудың басты атрибуты – «императордың жеті бақытты шөбі» (нанакуса). Нанымға сәйкес, бұл шөптер адамдарға денсаулық сыйлайды.
1992 жылы&nbsp;Қазақстан Республикасының Мемлекеттiк қоймасына асыл металлдардың бiрiншi партиясы – «төрт тоғыздық» және 2 күмiстік сапасымен 5 алтын кесек қабылданды. Мемлекеттік құндылықтар қоймасының тарихы 1991 жылғы 31 тамызда Елбасы Н.Назарбаевтың «Қазақ ССР алтын валюталы және алмас қорын жасау туралы» Жарлығынан бастау алады.
1992 жылы&nbsp;Француз Республикасы Қазақстан Республикасының тәуелсіздігін мойындады.
2006 жылы&nbsp;Қазақстан Республикасының жаңа Мемлекеттік Әнұраны бекітілді.
Оның негізі ретінде халықтың арасында кеңінен танымал «Менің Қазақстаным» патриоттық әні таңдап алынды. Ол әнді Шәмші Қалдаяқов 1956 жылы Жұмекен Нәжімеденовтің сөзіне жазған болатын. Қазақстан Президенті Нұрсұлтан Назарбаев әнге мемлекеттік Гимн жоғары мәртебесін беру және анағұрлым салтанатты шырқалуы үшін музыкалық туындының бастапқы мәтінін өңдеді. Қазақстан Парламенті 2006 жылы 6 қаңтарда палаталардың бірлескен отырысында «Мемлекеттік рәміздер туралы» Жарлыққа тиісті түзету енгізіп, еліміздің жаңа мемлекеттік гимнін бекітті.

7 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 7 қаңтарға арналған жұлдыз-жорамалы.
Тоқты
Бүгін көпшілік жиналатын ортаға шығыңыз. Онда жаңа таныстықтар орын алуы мүмкін. Егер басыңыз бос болса, бүгін екінші жартыңызды табасыз. Бірақ бұл қарым-қатынасқа немқұрайлылық танытпаңыз.
Торпақ
Бүгін үй шаруасы немесе жаңа баспана мәселесін оңтайлы шешесіз. Қазіргі сәт баспанаңызды сатуға немесе жаңасына ауыстыруға қолайлы уақыт. Кейбіреуіңіз туыстарыңыздан қаржылай көмек аласыз.
Егіздер
Таныстарыңыздың арқасында біраз шаруаңызды шеше аласыз. Өзіңіздің шаршағаныңызды сезсеңіз, демалысқа шығып, саяхатқа аттаныңыз. Бұл саяхаттан жаңа таныстар тауып, жеке өміріңізге өзгеріс енгізесіз.
Шаян
Еңбексүйгіштік табысты болуға бір табан жақындатады. Бүгін тер төгіп жұмыс жасау өз жемісін береді. Сонымен қатар бүгін үйге және отбасы мүшелеріне жаңа заттар алып, оларды қуантыңыз.
Арыстан
Белсенділік танытатын күн. Уәделескендей, достармен басқосуға барыңыз. Не болмаса жұмыс барысымен әріптестермен, серіктестермен кездесуге барасыз. Шығармашылықпен айналысатын жандар қаржы мәселесінде қиналмайды.
Бикеш
Өзіңізді жөнге салып, әлеуметтік жағдайыңызды жақсартуға, қаржы мәселесін шешуге қолайлы күн. Саудамен айналысатын жандар және білім саласының мамандары ақшадан еш қысылмайды.
Таразы
Бүгін сәттілік серігіңізге айналады. Тым белсенді болып, өзгелердің назарын тек өзіңізге ауғанын байқайсыз. Қаржы мәселесі оң шешімін табады. Бірақ оны жұмсауда абайлаңыз. Ойланбай сауда жасамаңыз.
Сарышаян
Жұмыс барысында өзгелердің көмегіне жүгінетін боласыз. Шығармашылықпен айналысатын жандардың бүгін жолы болады. Жұмысқа қатысты іссапарға шығасыз. Бірақ бұл сапар сіз үшін саяхатпен пара-пар болмақ.
Мерген
Біраз шаруаларыңызды тапқырлығыңыздың, ішкі түйсіктің арқасында бітіре аласыз.&nbsp; Сонымен қатар достық қарым-қатынас орнатуға қолайлы күн. Егер тез шешім қабылдаудан аулақ болсаңыз, сәттілік сіздің серігіңіз болады.
Тауешкі
Қосымша табыс табасыз. Оған достарыңыз, сондай-ақ өзіңіздің ішкі түйсігіңіз көмектеседі. Кез келген тапсырманы орындай аласыз. Сонымен қатар жұмыс ауыстыруға қолайлы күн.
Суқұйғыш
Күнделікті тірліктен шаршадыңыз. Сондықтан бүгінгі күнді қызықты өткізгіңіз келеді. Бірақ қаржы мәселесі аздап тығырыққа тірейді. Үнемдеп жүрсеңіз де, ақшаңыздың көп бөлігі қажетсіз дүниелерге жұмсалатын болады.
Балықтар
Бүгін қызықты кездесулер орын алады. Бұл кездесулер сіздің өмірге деген көзқарасыңызды өзгертеді. Сонымен қатар ескі құпия оқиғаларды ұмытуға септігін тигізетін болады.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде Каникулярлық&nbsp; мектеп өз жұмысын бастады.&nbsp; Қаңтардың төртінен бастап жалпы білім беретін мектептердің 6-сынып оқушылары Зияткерлік мектептің тілдік және математикалық пәндері бойыша қосымша сабақтарында білімдерін толықтыруда.&nbsp;
Қысқы демалыс уақытында ұйымдастырылатын дәстүрлі Каникулярлық мектепке бұл жолы&nbsp; 80-ге жуық&nbsp; бала шақырту алды. Олар –&nbsp; арнайы «Виртуалды мектеп» веб-сайтына тіркеліп, тиісті тапсырмаларды орындап, онлайн оқудың қорытынды тестілеуінен сәтті өткен дарындылар.
Каникулярлық мектеп қатысушылары бір апталық курс барысында «тыңдалым», «айтылым», «оқылым» және «жазылым» дағдыларын дамытуға арналған арнайы жаттығулар орындау арқылы коммуникативті дағдыларын қалыптастыратын болады. Сондай-ақ, тілдік пәндер сабақтарында сөздік қорларын байытып, тест тапсырмаларын орындау арқылы мектепке түсу емтиханына дайындық жүргізуге мүмкіндік алды.
Ал&nbsp; математика сабағында оқушылар командалық логикалық есептерді шығарып, пәнге деген қызығушылықтарын оятады.
Жалпы Каникулярлық мектеп – оқушылардың жаратылыстану-математика ғылымдарын оқуға қызығушылығын арттыру және Зияткерлік мектептерге Тұңғыш Президенттің «Өркен» грантына түсуге дайындау үшін жағдайлар жасауға бағытталған үлкен жоба.
Айта кету керек, бүгінде Назарбаев Зияткерлік мектебінің 7-сыныптарында 2020-2021 оқу жылында білім алу үшін іріктеу конкурсына құжаттарды қабылдау жүріп жатыр. Үміткерлер тиісті құжаттарды 2020 жылғы 31 қаңтарға дейін қабылдау комиссиясына тапсырулары қажет.
<img src="https://kyzylorda-news.kz/wp-content/uploads/2020/01/6kanikulsk2.jpg" alt="" />
<img src="https://kyzylorda-news.kz/wp-content/uploads/2020/01/6kanikulsk3.jpg" alt="" />

Қызылорда облысындағы виртуалды мектеп үздіктері NIS-ке күндізгі оқуға келді

<a href="https://kyzylorda-news.kz/">Kyzylorda-news.kz.</a> Қызылорда облысы Жаңақорған ауданы аумағындағы «Самара – Шымкент» тасжолының бойында жеңіл көлік аударылып, көлік жүргізушісі оқиға орнында қайтыс болды.
Оқыс оқиға Жаңақорған ауданының Бесарық ауылының тұсында болған. Жеңіл көлік Шымкент қаласына бағыт алып бара жатқан.
<blockquote>
 «Жол-көлік оқиғасы бойынша ҚР Қылмыстық Кодексінің 345-бабының 3-бөлігі бойынша сотқа дейінгі тергеп-тексеру амалдары жүргізілуде. Онда көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзу жағдайы көрсетілген. Тиісті сараптамалар тағайындалды. Мән-жайлары анықталуда», – деп мәлім етті Қызылорда облыстық полция департаменті бастығының бірінші орынбасары Шәмшидин Әмитов.
</blockquote>
Қызылорда облысының Полиция департаменті өз кезегінде жолдардағы төтенше жағдайларды болдырмау үшін жылдамдық режимі мен ара қашықтықты сақтау қажеттігін ескертеді. Жол қозғалысы ережелерін бұзу, әсіресе қолайсыз ауа райы мен көктайғақ кезінде елеулі жол-көлік оқиғаларының себебі болуы мүмкін.
Бұдан бұрын Қызылордада жолаушылар автобусы аялдамада&nbsp;<a href="https://kyzylorda-news.kz/kogam/qyzylordada-avtobws-ajaldamada-adam-qaghyp-ketti-39353/">адам қағып кеткенін</a> хабарлаған болатынбыз.

Қызылорда облысында жеңіл көлік аударылып, 1 адам қайтыс болды

<a href="https://kyzylorda-news.kz/">Kyzylorda-news.kz.</a> Өткен жылдың қорытындысымен Қызылорда облысында «Қарапайым заттар экономикасы» бағдарламасы бойынша жалпы құны 6,6 млрд.теңгені құрайтын 47 жоба мақұлданған. Бұл туралы Кәсіпкерлер палатасы директорының орынбасары Қожахмет Ілиясов айтты.
Қожахмет Ілиясовтың айтуынша, «Қарапайым заттар экономикасын» дамыту жөніндегі өңірлік жобалық кеңсенің қарауында жалпы сомасы 11,2 млрд.теңгені құрайтын 105 жоба бар. Оның ішінде 47 жоба (6,6 млрд.теңге) банктермен және Аграрлық несие корпорациясымен мақұлданып, жүзеге асырылуда екен. 18 жоба қаржы институттарында қаралып жатса, қалған жобалар бойынша құжаттар жинақталуда.
Айта кету керек, жобалардың ішінде жалпы құны 4 млн.теңгеден (жихаз өндіру құрал-жабдықтары) бастап 4 млрд.теңгеге («Аралтұз» испан цехы) дейінгі жобалар кездеседі.
Естеріңізге сала кетсек, 2019 жылы «Қарапайым заттар экономикасы» салаларын дамыту шеңберінде басым жобаларға жеңілдетілген несие берудің бағдарламасы іске қосылды. Бағдарламаны іске асыру барысында шұғыл түрде кедергілерді анықтап, жою мақсатында Үкімет басшысының тапсырмасына сәйкес «Атамекен» Ұлттық кәсіпкерлер палатасы алаңында Жобалық кеңселер құрылды.
Қызылордада Өңірлік жобалық кеңсенің тең төрағалары – облыс әкімінің орынбасары Мұрат Имандосов пен Кәсіпкерлер палатасының директоры Ғалымбек Жақсылықов.
Жыл бойы жобалық кеңсе мүшелері кәсіпкерлермен кездесіп, олардың ұсыныстары мен проблемаларын жүйелеп, орталыққа ұсынып отырды. Осының нәтижесінде қысқа мерзімде Үкімет қаулысына 3 рет толықтырулар енгізіліп, несиелендіру шарттары түбегейлі қайта қаралды.
<blockquote>
 «Ұдайы жүргізілген жұмыстардың нәтижесінде кәсіпкерлерге берілетін несие пайызы 8 пайыздан 6 пайызға дейін, жеңілдік кезеңі 28 айға дейін берілетін болды», – дейді Қожахмет Ілиясов.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Мұнан өзге, несиенің 50 пайызына дейін кепілдендіру тетігі енгізіліп, несиенің 50 пайызына дейін айналым қаражатын толықтыру мүмкіндігі қарастырылды. Қаржыландыруға жататын тауарлар мен қызметтер тізілімі 365-тен 1 мыңнан аса тауарға кеңейтілді, ОКЭДтер саны 65-тен 124-ке дейін ұлғайды.
<blockquote>
 «Біздің облысымыз бойынша Өңірлік жобалық кеңсенің ұсынысымен жылқы, түйе, қой, ешкі, құс, тауық, қаз, балық өсіру, тұзды қайта өндеу, бетоннан материалдар, силикат кірпішін шығару, медициналық мекемелерді салу, жөндеу және оларды медициналық жабдықтармен жабдықтау сияқты аймақ үшін өзекті ОКЭДтер енгізілді», – дейді Палата директорының орынбасары.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Агроөнеркәсіптік кешендегі өндіру жобаларын қаржыландыру үшін бағдарламаны іске асыруға Аграрлық несие корпорациясы енгізілді. Бүгінгі күні 27 жоба Аграрлық несие корпорациясымен мақұлданған.
<img src="https://kyzylorda-news.kz/wp-content/uploads/2020/01/6ekonomika2.jpg" alt="" />

Қызылордада «Қарапайым заттар экономикасы» бағдарламасы аясында 47 жоба мақұлданды

<a href="https://kyzylorda-news.kz/">Kyzylorda-news.kz.</a> Қазақстандықтарға Қытайға барған кезде шығу тегі белгісіз індеттің шығуына байланысты қауіпсіздік шаралары туралы ескертілді, деп хабарлайды <a href="https://kaz.tengrinews.kz/world_news/kyitayda-shyigu-teg-belgsz-ndet-tarap-jatyir-303958/">Tengrinews.kz</a>.&nbsp;
Бұл туралы тауарлар мен қызметтердің сапасы мен қауіпсіздігін бақылау комитетінің ресми өкілі Ержан Байтанаев хабарлады. Ол желтоқсан айының соңынан бастап Хубэй провинциясының Ухань қаласында (Қытай) ресми түрде халықтың этиологиясы анықталмаған пневмониямен ауыруының 44 жағдайы тіркелгенін атап өтті.
<blockquote>
 “Инфекция қоздырғышы осы уақытқа дейін анықталмаған. Көптеген жағдай қалалық жаңа теңіз өнімдері базарымен байланысты, онда құстың әр түрі, қоян, жылан және басқа да бауырымен жорғалаушылар сатылды. Осыған байланысты осы елге сапарды жоспарлау кезінде Қытайда шыққан белгісіз пневмониямен ауыру жағдайлары туралы ақпаратты назарға алуды сұраймыз”, – дейді Ержан Байтанаев.&nbsp;
</blockquote>
Бүгінде Нұр-Сұлтан қаласынан Бейжің, Санья және Үрімші қалаларына, Алматыдан Бейжің, Санья, Хайкоу, Сиань және Үрімші қалаларына тікелей әуе рейстері жүріп жатыр.
ҚХР-ға баратын тұлғаларға комитетте респираторлық инфекциялардың алдын алудың негізгі шараларын сақтауды ұсынды:
* Жіті респираторлық жұқпалар белгілері бар адамдармен&nbsp;байланысудан сақтану.
* Жиі қолды жуу, әсіресе науқас адамдармен немесе олардың ортасымен тікелей байланысқаннан кейін
* Фермалардағы жануарлармен немесе жабайы жануарлармен жанасудан аулақ болу.
* Жедел респираторлық инфекция симптомдары пайда болған кезде медициналық көмекке жүгініңіз.

Қытайдан төнген қауіп: Қазақстандықтарға ескерту жасалды

<a href="https://kyzylorda-news.kz/">Kyzylorda-news.kz.</a> Мұғалімдерге қатысты «Мұғалім мәртебесі туралы» заңды бұзғаны үшін қандай айыппұлдар қарастырылған?
Жеке тұлғалардың тәрбиешілерді қорлағаны үшін айыппұл 30 айлық есептік көрсеткіш (АЕК) құрайды (79 530 теңге).
Егер мұндай заң бұзушылық бір жыл ішінде қайталанса, онда 40 АЕК (106 040 теңге) айыппұл немесе бес күнге дейін әкімшілік қамауға алу жазасы тағайындалады. 
Егер мұғалімді кәмелетке толмағандар ренжітсе, онда олардың ата-аналарына немесе оларды алмастыратын адамдарға&nbsp;20 АЕК (53 020 теңге) айыппұл салынады.&nbsp;Бірнеше рет бұзғаны үшін 30 АЕК көлемінде айыппұл салынады.
Мұғалімдерді әдеттен тыс қызметтерге тарту туралы ескерту жасалады, бірнеше рет бұзғаны үшін 20-дан 120 АЕК-ке дейін айыппұл салынады (318 120 теңге). 
Сондай-ақ күтпеген есептілікті талап ету, бірнеше рет бұзғаны үшін ескерту болады – 20-дан 120 АЕК-ке дейін айыппұл салынады.
Заңнамада қарастырылмаған тексерулер жүргізу үшін, сонымен қатар ескерту жасалады. Бірнеше рет бұзғаны үшін – 20-дан 120 АЕК-ке дейін айыппұл салынады.
2020 жылы 1 АЕК 2 651 теңгені құрайды.
<a href="https://stan.kz/mygalimderdi-renzhitkenderge-kansha-ayippyl-salinadi-325963/">Stan.kz</a>

Мұғалімдерді ренжіткендерге қанша айыппұл салынады?

<a href="https://kyzylorda-news.kz/">Kyzylorda-news.kz.</a> Бұл мәлімдемені насихат элементі ретінде қарастыруға болады.
Иранның мемлекеттік телеарнасы АҚШ президенті Дональд Трамптың басы үшін 80 миллион доллар көлемінде сыйақы беретінін жариялады.&nbsp;Бұл туралы&nbsp;The Mirror&nbsp;жазады, деп хабарлайды <a href="https://kaz.zakon.kz/5001632-iran-trampty-basy-sh-n-80-mln-dollar.html">Zakon.kz</a>.
Телеарнадан айтылғандай, Иран халқының саны 80 миллион адам болғандықтан, әрқайсысынан бір доллардан жинап, сол ақшаны американың басшысын өлтіретін адамға аударуға болатынын айтты. Бұл мәлімдеме 3 қаңтарда қаза тапқан Ислам революциясының сақшылары корпусының генералы Касем Сулейманимен қоштасу рәсімі кезінде жасалды.
En24&nbsp;басылымы атап өткендей, бұл мәлімдемені насихат элементі ретінде қарастыруға болады.
3 қаңтарда Бағдад әуежайына зымыранмен соққы беру кезінде Ислам революциясының сақшылары корпусының “Аль-Кудс” арнайы күштерінің қолбасшысы, генерал Сулеймани мерт болды.
Иранның жоғары дәрежелі әскери қолбасшысын жоюға АҚШ президенті Дональд Трамптың өзі бұйрық берген.
Тегеран генералдың өліміне жауап ретінде АҚШ әскери нысандарына шабуыл жасауға уәде берді, ал Трамп бұл жағдайда АҚШ Ирандағы 52 нысанаға соққы береді деп қорқытты.

Қазақстан және Қызылорда облысының жаңалықтары

Ғалымдар ағзаның ракқа қарсы төтеп бере алатын қасиетін ашты

Үнемі кешігіп жүрудің психологиялық себебі бар екендігі анықталды

Жүйкеңіздің жұқарғанын қалай білуге болады?

Бүгін – Рождество мерекесі

7 қаңтар: Атаулы күндер мен оқиғалар

Жұлдыздар не дейді?

Қызылорда облысындағы виртуалды мектеп үздіктері NIS-ке күндізгі оқуға келді

Қызылорда облысында жеңіл көлік аударылып, 1 адам қайтыс болды

Қызылордада «Қарапайым заттар экономикасы» бағдарламасы аясында 47 жоба мақұлданды

Қытайдан төнген қауіп: Қазақстандықтарға ескерту жасалды

Мұғалімдерді ренжіткендерге қанша айыппұл салынады?

Иран Трамптың басы үшін 80 млн доллар сыйақы жариялады

Қазақстан және Қызылорда облысының жаңалықтары

Ғалымдар ағзаның ракқа қарсы төтеп бере алатын қасиетін ашты

Үнемі кешігіп жүрудің психологиялық себебі бар екендігі анықталды

Жүйкеңіздің жұқарғанын қалай білуге болады?

Бүгін &#8211; Рождество мерекесі

7 қаңтар: Атаулы күндер мен оқиғалар

Жұлдыздар не дейді?

Қызылорда облысындағы виртуалды мектеп үздіктері NIS-ке күндізгі оқуға келді

Қызылорда облысында жеңіл көлік аударылып, 1 адам қайтыс болды

Қызылордада «Қарапайым заттар экономикасы» бағдарламасы аясында 47 жоба мақұлданды

Қытайдан төнген қауіп: Қазақстандықтарға ескерту жасалды

Мұғалімдерді ренжіткендерге қанша айыппұл салынады?

Иран Трамптың басы үшін 80 млн доллар сыйақы жариялады

Бүгін – Рождество мерекесі