<a href="https://kyzylorda-news.kz/">Kyzylorda-news.kz.</a> Қызылордада жалпы білім беретін пәндер бойынша республикалық олимпиаданың облыстық кезеңі аяқталып, жеңімпаз оқушылар марапатталды. Үздіктерді облыстық білім басқармасының басшысы Майра Мелдебекова марапаттап, оқушылардың білім сынындағы жетістіктеріне тоқталды.
Жаратылыстану-математика бағытындағы пәндер бойынша 9- 10 -11 сынып оқушылары және қоғамдық-гуманитарлық бағыттағы пәндер бойынша 10-11 сынып оқушылары білімдерін сынады.
Олимпиадаға 337 оқушы 13 пән бойынша қатысты. Үздік танылған 161 оқушы облыстық білім басқармасының І, ІІ, ІІІ дәрежелі дипломдарымен марапатталды. Сонымен, І орын – Алтын медаль иегерлері – 22 оқушы, ІІ орын – Күміс медаль иегерлері – 50 оқушы, ІІІ орын – Қола медаль иегерлері – 89 оқушы.
Білім сынында үздік командалар марапатталып, арнайы номинация иегерлері де анықталды. Олардың қатарында І дәрежелі «Ең үздік олимпиадалық команда – 2020» – №9 дарынды балаларға арналған облыстық «Білім-инновация» лицей-интернаты, ІІ дәрежелі «Ең үздік олимпиадалық команда – 2020» – Қызылорда қаласы, ІІІ дәрежелі «Ең үздік олимпиадалық команда – 2020» – Қармақшы ауданы лайық деп танылды. Ал, «Ең үздік қала мектебі – 2020» – Үш тілде оқытылатын мамандандырылған сыныптары бар «Мұрагер» мектебі, «Ең үздік ауыл мектебі – 2020» – Қазалы ауданы, №249 мектеп-лицейі, «Олимпиада жұлдызы – 2020» номинациясымен №9 дарынды балаларға арналған облыстық «Білім-инновация» лицей-интернатының 11 сынып оқушысы Ким Артем марапатталды.
<img src="https://kyzylorda-news.kz/wp-content/uploads/2020/01/qyzylordada-oblystyq-olimpiada-zhengimpazdary-1.jpg" alt="" />
<img src="https://kyzylorda-news.kz/wp-content/uploads/2020/01/qyzylordada-oblystyq-olimpiada-zhengimpazdary-2.jpg" alt="" />

Қызылордада облыстық олимпиада жеңімпаздары марапатталды

<a href="https://kyzylorda-news.kz/">Kyzylorda-news.kz.</a> Қазақстандықтар egov.kz электронды порталы, Telegram bot арқылы емханаға онлайн режимінде тіркеле алады. Өтініш бір жұмыс күні ішінде өңделеді, деп хабарлайды Нұр-Сұлтан қаласы әкімдігінің <a href="http://astana.gov.kz/kz/news/news/21410">ресми сайты</a>.
Онлайн тіркелу үшін азамат http://egov.kz сайтына өтініш жасап, «Медициналық көмек» батырмасындағы «Алғашқы медициналық-санитарлық көмек көрсететін медициналық ұйымға тіркелу» қызметін таңдауы қажет. Одан соң «Қызметке онлайн тапсырыс беру» түймесін басу керек.
Өтініш сәтті жолданғаннан кейін порталда «Сұраныс өңделуде» мәртебесі пайда болады.
Емхананың үйден, жұмыстан және т.б. 15-20 минут жаяу жүретін жерде орналасқаны жөн. Бұл дәрігерлерге қажет болған жағдайда үйіңізден жедел көмек көрсетуге, бүкіл отбасыңызбен бір дәрігерге қаралуға мүмкіндік береді.
Сонымен қатар, тұрғылықты жер бойынша емханаға Telegram bot арқылы тіркелу мүмкіндігі бар, ол үшін Telegram мессенджерінде @Kenes1414Bot-қа жазылып, қарапайым тіркеуден өтіп, ары қарай қызмет түрі: медициналық ұйымға мессенджер арқылы тіркелуді таңдап, емхананы таңдау қажет. Қызметті көрсету мерзімі – бір жұмыс күні.
Ботпен жұмыс жасауды бастау үшін eGov.kz-ке тіркелген болып, ұялы телефонның нөмірін порталдың профиліне байланыстыру қажет. Телефонды тіркеу және байланыстыру ЭЦҚ пайдалана отырып жүзеге асырылады.
Сонымен қатар, iKOMEK109 бірыңғай байланыс орталығына хабарласып, азаматтың қаланың белгілі бір емханасына тіркелгені туралы ақпарат алуға болады.

Емханаға онлайн тіркелу үшін не қажет?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстан Республикасы Парламенті Сенатының депутаттары Бекмырза Еламанов, Мұрат Бақтиярұлы және Дана Нұржігіт Қазалы ауданына жұмыс сапарымен келіп, халықпен кездесті.
Кездесу барысында ҚР Парламент Сенатының әлеуметтік-мәдени даму және ғылым комитетінің төрағасы Мұрат Бақтиярұлы Мемлекет басшысының тапсырмасы бойынша Парламент қабырғасында атқарылып жатқан жұмыстар, қабылданған заңдар мен алдағы уақытта депутаттардың назарына ұсынылатын жобалар төңірегінде кеңінен әңгімелеп берді. Әсіресе халық қалаулысы жақында ғана қабылданған «Педагог мәртебесі туралы» заңға ерекше тоқталды.
Жерлесіміз Дана Нұржігіт әлеуметтік мәселелер, көпбалалы отбасыларға берілетін жәрдемақы, міндетті әлеуметтік медициналық сақтандыру, атаулы әлеуметтік көмек жүйесіне енгізілген өзгерістер жөнінде түсіндірме жасады.
Жиынға қатысқан білім саласының қызметкерлері мен ардагерлерінің сұрақтарына Парламент Сенатының депутаттары Бекмырза Еламанов, Мұрат Бақтиярұлы және Дана Нұржігіт жауап беріп, өздерінің ой-пікірлерін білдірді.
Басқосуда аудан әкімі Мұрат Ергешбаев ауданға арнайы жұмыс сапарымен келген депутаттарға алғысын айтты.
Сенат депутаттары Қазалы ауданына жұмыс сапары барысында «Сыр маржаны» ЖШС-ның мал бордақылау алаңының жұмысын көріп, Ақтан батыр ауылындағы орталық саябақ, Сырдария өзеніндегі «Әлсейіт» көпірімен танысты. Әйтеке би кентіндегі аудандық мекемелер үйінде аудан әкімі Мұрат Ергешбаев Сенат депутаттарына «Ашық әкімдік» жобасы аясында жұмыс істейтін кабинеттерді көрсетті.
<img src="https://kyzylorda-news.kz/wp-content/uploads/2020/01/8depkazalyda2.jpg" alt="" />
<img src="https://kyzylorda-news.kz/wp-content/uploads/2020/01/8depkazalyda3.jpg" alt="" />

Парламент Сенатының депутаттары Қазалы ауданында

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов жаңа жылдағы алғашқы жұмыс сапарын cолтүстік аудандарды аралаудан бастады.
Аймақ басшысы Қазалы ауданының Жанқожа батыр, Бекарыстан би ауылдары мен Арал ауданына қарасты 12 елді мекенде болып, тұрғындармен кездесулер өткізді. Негізгі мақсат — ауылдардың жағдайымен танысып, халықтың өтініш-тілектерін тыңдау.
Қазалы ауданына қарасты Бекарыстан би ауылының тұрғындары аймақ басшысына ауыз су мәселесі мен спорт кешенін салу туралы өтініштерін жеткізді. Облыс әкімі ауыз су мәселесі биыл өз шешімін табатынын және спорт кешенін жергілікті кәсіпкерлермен бірлесіп мемлекеттік-жекешелік әріптестік негізінде салу жолдарын қарастыратынын айтты.
Мұнан соң аймақ басшысы Арал ауданының ең шалғай орналасқан Қаратерең, Қарашалаң, Бөген сияқты ауылдарында да болып, халықтың тұрмыс-тіршілігімен танысты. Ауыл тұрғындары жол, ұялы байланыс желісін орнату, ғимараты ескірген балабақшалар мен ауылдық клуб үйлерін жаңарту және кейбір елдімекендерде аяқ су проблемасын шешу сияқты мәселелерін көтерді.
Арал халқы көтерген өзекті проблемалардың бірі – Аманөткел ауылы тұсында орналасқан қалқымалы көпірді жаңарту мен Қарашалаң елді мекенінің жол мәселесі. Қуанышбек Досмайылұлы қалқымалы көпірге қатысты қаржы қаралып, тиісті жұмыстар атқарылатынын айтты, ал Қарашалаңдағы жолды жөндеуге қажет қаражат қаралған. Жөндеу жұмыстары биыл жүргізілетіндігін жеткізді.
Аймақ басшысының Арал, Қазалы аудандарына жұмыс сапары ертең де жалғасатын болады.
<img src="https://kyzylorda-news.kz/wp-content/uploads/2020/01/8akimat2.jpg" alt="" />
<img src="https://kyzylorda-news.kz/wp-content/uploads/2020/01/8akimat3.jpg" alt="" />

Аймақ басшысы солтүстік аудандарда жұмыс сапарымен болды

МАҚАЛАНЫҢ АУДИОНҰСҚАСЫ
<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда 1 қаңтардан бастап атаулы әлеуметтік көмек көрсетудің жаңа тәсілдері енгізілді. Ол өзгерістер әлеуметтік көмектің ашықтығы мен әділдігін қамтамасыз етпек.
Көпбалалы отбасыларына тиімділігі қандай? Жәрдемақыны толық мөлшерде алу үшін құжаттарды айдың басынан тапсыру қажет пе? Кепілдендірілген әлеуметтік көмекті кімдер алады? Осы және өзгеде сұрақтарға өңірлік коммуникациялар орталығында өткен баспасөз мәслихатында жауап алдық. Оған облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Алтын Есқараева және аталған басқарманың әлеуметтік көмек бөлімінің басшысы Шаризат Алмашова қатысты.
Қызылорда облысы бойынша табысына қарамастан 24 мыңнан астам көпбалалы отбасына мемлекеттік жәрдемақы төленеді.
<blockquote>
 «Мемлекет басшысының халыққа Жолдауында айтылған тапсырмасына сәйкес әлеуметтік көмек көрсетудің жаңа тәртібі жұмысқа орналасуға немесе шағын бизнеспен айналысуға көмектеседі. Заңдағы өзгерістер 5 қаңтар күні күшіне еніп, тұрғындардан &nbsp;құжат қабылдап жатырмыз. Аймақта 4 баласы бар 17010 отбасына 42&nbsp;500 теңге, 5 баласы бар 5809 отбасына 53&nbsp;127 теңге, 6 баласы бар 1395 отбасына 63&nbsp;757 теңге төленеді. Ал, 7 баласы бар 363 отбасы тіркелген. Оларға 73&nbsp;388 теңгеден төленетін болады», – дейді Алтын Есқараева.
</blockquote>
&nbsp;Атаулы әлеуметтік көмектің мөлшері жан басына шаққандағы орташа табысымен аймақтарда белгіленген кедейлік шегінің айырмасы арқылы белгіленеді. Қызылорда облысында ең төменгі күнкөріс деңгейі 19&nbsp;793 теңгені құрайды. Отбасының жиынтық табысын есептеу кезінде тұрғын үй көмегі мен атаулы әлеуметтік көмек, “Алтын алқа”, “Күміс алқа” иегерлеріне төленетін жәрдемақылар, 23 жасқа дейінгі студенттерге төленетін степендиялар &nbsp;және мемлекеттік қолдау шаралары аясында жұмыспен қамтудың белсенді шараларынан басқа барлық табыс көздері кіреді.
<blockquote>
 «Әлеуметтік көмек бұрын 7 жасқа дейінгі балаларға қараушы аналарға төленді. Биыл енген өзгерістерге сәйкес 3 жасқа дейінгі баланың асыраушысы көмек алуға құқылы. Баласы 3 жасқа толған аналар жұмыспен қамту орталықтары арқылы&nbsp; еңбекпен қамтылып, әлеуметтік көмекке үміткер бола алады. Өкінішке орай, қаншама отбасы өздерінің табысын жасырып, әлеуметтік көмекті заңсыз алып келген. Қазіргі таңда бұл отбасылар анықталды. Осы жағдайға байланысты 1 қаңтардан бастап атаулы әлеуметтік көмек тоқсан сайын тағайындалып, ай сайын төленетін болады», – дейді басқарма басшысының орынбасары.
</blockquote>
&nbsp;Айта кетейік, &nbsp;жәрдемақыны толық мөлшерде алу үшін құжаттарды айдың басынан тапсыру міндетті емес. Атаулы әлеуметтік көмек өтініш білдірген айдан бастап тағайындалады және өтініш берген күнге байланысты емес. Атаулы әлеуметтік көмекке өтініш беруші құжаттарын тұрғылықты жері бойынша халықты жұмыспен қамту орталықтарына тапсырады. Ал, ауылдық округтің тұрғындары ауылдық әкімшілікке жолығады.
Мемлекет басшысының халыққа Жолдауында берген тапсырмасын іске асыру үшін заң жобасы әзірленіп, оның шеңберінде әлеуметтік көмек берудің жаңа бағыты айқындалған. Осы орайда аз қамтамасыз етілген отбасылардың балаларына кепілдендірілген әлеуметтік пакет берілетін болды. Бұған дейін тек мектеп жасындағы балаларға ғана көмек көрсетіліп келсе, енді отбасындағы 18 жасқа дейінгі балалар әлеуметтік пакет алады. Бұл көмек облыс, аудан орталықтарында тиісті мекемелер арқылы, шалғай ауылдарға «Қазпошта» мекемесінің көмегімен жеткізіледі.
Мамандардың айтуынша 1-3 жас аралығындағы балаларға арналған пакетте тағамдар мен 7 түрлі гигеналық құралдары бар. Ал, 3-6 жас аралығындағы балалар 12 түрлі тағам және гигеналық құралдармен қамтамасыз етілмек. Сонымен қатар 6-18 жас аралығындағы оқушылар үшін ыстық тамақ, мектеп құралдары, киім-кешек, жол ақысы кіреді.
Фариза ОМАРОВА
<img src="https://kyzylorda-news.kz/wp-content/uploads/2020/01/8asp2.jpg" alt="" />

Қызылордада атаулы әлеуметтік көмекке енгізілген өзгерістер түсіндірілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Атмосфералық фронттардың өтуіне байланысты Қазақстан территориясында тұрақсыз ауа райы сақталады, деп хабарлайды «Қазгидромет» РМК баспасөз қызметі.
Еліміздің оңтүстігінде және батысында кей жерлерде жауын-шашын жауады, ал қалған аймақтарда қар жауады. Кей жерлерде тұман түсіп, көктайғақ болады, тек оңтүстік-батыста жел күшейеді.
Солтүстік Қазақстан облысының басым бөлігінде тұман түседі, ал республиканың қалған аймақтарында кей жерлерде тұман күтіледі.
Алматы, Жамбыл, Түркістан, Қызылорда, Манғыстау, Атырау облыстарының кей жерлерінде көктайғақ болады. Манғыстау облысының кей аймақтарында жел 15-20 м/с дейін күшейеді.

8 қаңтарға арналған ауа райы болжамы

1864 жылы&nbsp;Торғай даласында қазақ балаларына арналған алғашқы мектеп ашылды. Ыбырай Алтынсарин осы оқиғаға байланысты қуанышын Н.Ильминскийге жазған хатында бөлісті.
1963 жылы&nbsp;қаңтардың 8-9-ы Қазақстан Кинематографистер одағының бірінші құрылтай съезі өтті. Онда аталмыш одақтың бірінші хатшысы болып Шәкен Кенжетайұлы Айманов сайланды.
1992 жылы&nbsp;Жезқазғанда тұңғыш қазақ ғарышкері Тоқтар Әубәкіров атындағы оқушылар сарайы ашылды.
1997 жылы&nbsp;Елбасы Нұрсұлтан Назарбаевтың Жарлығымен Жамбыл қаласының аты&nbsp;Тараз&nbsp;болып өзгертілді. Біздің дәуірімізге дейінгі І ғасырдың ортасында Қытай деректерінде сақталған қаланың тарихи атауы қайтарылды.
2007 жылы&nbsp;Парижде Мұстафа Шоқай атындағы қазақ-француз достығының қоғамы ашылды.

8 қаңтар: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 8 қаңтарға арналған жұлдыз-жорамалы.
Тоқты
Қызметтік сатыда өсу үшін бар күшіңізді саласыз. Қызықты идеяларыңызбен басшылықтың көзіне түсесіз. Жаңа жобаларды қолға алып, абыройыңызды арттыра түсесіз.
Торпақ
Өмірдің жаңа баспалдағын аттайсыз. Өзіңіздің жоспарларыңызды жүзеге асырып, белсенділік танытатын уақыт. Болашағы зор жұмысқа орналасуға немесе жаңа кәсіп бастауға қолайлы күн.
Егіздер
Түске дейінгі уақытта әлдеқайда қатты асығасыз. Асығыстық сізге жат қылық болғанымен, бүгін тым асығыссыз. Дегенмен барлығын уақыттың еншісіне қалдырғаныңыз жөн.&nbsp;
Шаян
Бүгін барлық шаруаңыз бірінің үстіне бірі қарбаласып, біраз уақыттан бері жиналған жұмыстарды тез арада бітіруге тура келеді. Бірақ жұмысты тиянақты атқарып, басшылыққа өзіңіздің қабілетіңізді көрсете аласыз.
Арыстан
Жиындарда, отырыстарда өзіңізді еркін ұстап, керемет көңіл-күйде боласыз. Осы кездесулерден жаңа таныстар тауып, олардың сізге пайдасы тиетін болады. Ең бастысы көп сөйлеп, ешкімнің мазасын алмаңыз.&nbsp;
Бикеш
Сізді жаңа өмір күтіп тұр. Қызметте өсесіз, жеке кәсіпте табысыңыз артады, сондай-ақ шығармашылығыңыз шыңдала түседі. Не болмаса жұлдызыңыз жанып, теледидардың арғы жағынан хабар таратасыз.
Таразы
Қазіргі уақыт ем қабылдауға, ғылымдағы құпияларды ашуға қолайлы. Жұмысқа қатысты мәселелерді түске дейінгі уақытта шешіп алыңыз. Алға ұмтылуға бейім жандар қызметте өседі.
Сарышаян
Бүгін сіз үшін қаржылық жағдайыңыз маңыздырақ. Біраз шығындаласыз. Бірақ бұл шығындар сіздің жан рахатыңыз үшін жұмсалады. Сонымен қатар бүгін қымбат бұйымдар, техникалар алуға қолайлы.
Мерген
Жұлдыздар материалдық жағдайыңызды жақсартуға, өмір сүру салтыңызды жоғары деңгейге жеткізуге күш-қуат береді. Өз-өзіңізге деген сенімділігіңіз артып, басшылық тарапынан да қолдау болады.
Тауешкі
Ұстаздар, кеңесшілер, саудагерлер және делдалдар үшін өте сәтті күн болмақ. Бұл жандар бүгін табысты болады. Әсіресе топ болып жұмыс жасайтындардың айы оңынан туады. Бүгінгі басты қағида – ұстамды болу.
Суқұйғыш
Ойлау қабілеті терең жандар орын алған оқиғалардың соңы қалай аяқталатынын жақсы біледі. Сондай-ақ барлық жұмыста белсенділік танытып, оң шешім табуға атсалысады.
Балықтар
Күніңіз сәтті өтеді. Оған себеп, күш-қуатыңыздың мол болуы, өз ісіңізден ләззат ала білуіңіз. Бүгін сіз келешегі зор, қызықты жұмыс табасыз. Осы жаңа жұмыс арқылы қаржылық жағдайыңыз жақсара түседі.&nbsp;
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Депрессияға ұшыраған ата-аналардың балаларының&nbsp;миы&nbsp;бір бөлікке аз болып туады, деп жазады балалар мен жасөспірімдер психиатриясы. Бұл туралы <a href="https://stan.kz/news-325972/">Stan.kz</a> сайты хабарлайды.
Біз мидың базальды ядроларының бірі&nbsp;қабық туралы айтып отырмыз. Ол сыйақы жүйесінің жұмысына, яғни басқаша айтқанда, қол жеткен жетістіктердің қуанышы үшін жауап береді.
Колумбия университеті 9 мен 10 жас аралығындағы 16 мыңнан астам баланы қамтыған зерттеу жүргізген. Олардың барлығының&nbsp;миының&nbsp;МРТ-сканері алынды.&nbsp;Олардың үштен бірінің ата-аналары бұрын дәрігерлерге депрессияға шағымданған. Дәл осы балалардың ми&nbsp;«қабығы» аз болғандығы белгілі болды. Бұл өздеріндегі депрессия қаупін арттырады.
Ғалымдар депрессияны анықтаған балаларды мұқият қадағалағаны атап өтілді. Олардың барлығы ми көлемін өзгертпегені белгілі болды. Зерттеушілер қысқартылған «қабық» дәл тұқым қуалайтын патология деп тұжырымдады. Олар ана мен әкенің күйзелісі балада жалғасуы мүмкін екенін баса айтты.

Күйзеліске шалдыққан ата-анадан туған баланың ми бөлігі аз болады

<a href="https://kyzylorda-news.kz/">Kyzylorda-news.kz.</a> Роспотребнадзор мейрамханалардағы денсаулыққа зиян тигізуі мүмкін ең қауіпті тағамдарды атады, деп хабарлайды <a href="https://stan.kz/mamandar-meyramhanalardagi-en-kauipti-tagadardi-atadi-325961/">Stan.kz</a>.&nbsp;
Мейрамханаға келушілер уландыруы мүмкін немесе инфекцияны майонез мен қаймақ, қаймақ десерттері және тартылған ет өнімдеріне,&nbsp;орамалар, пасталар немесе котлеттерге тапсырыс бергенде жұқтыруы мүмкін. Денсаулықты зақымдауға желли мен шавараны қолдану да себеп болуы мүмкін.
Роспотребнадзор бактериялар мен вирустар көбінесе нашар жуылған көкөністер мен жемістердің бетінде тіршілік етеді дейді. Бөлім сонымен қатар мейрамханалардағы тамақтан уланудың ең көп кездесетін диагноздарын атады – бұл йерсиниоз, сальмонеллез, кампилобактериоз, А гепатиті, дизентерия, ротавирус және норовирустық инфекциялар.
Дәрігерге хабарласқаннан кейін жәбірленушілер мейрамхана иесіне шағым жаза алады: бұл үшін чекті немесе банктен үзінді көшірмені сақтау маңызды.
<blockquote>
 «Сіз медициналық анықтаманы алуыңыз керек. Бұл мейрамхананың түскі асы мен улану арасындағы себептік байланысты көрсететіні өте қажет», – деп атап өтті Роспотребнадзор.
</blockquote>
Бұған дейін департамент ресейліктерге жаңа жылдық мерекеден кейін қалған салаттар мен басқа да тағамдардың қаупі туралы ескерткен болатын. Денсаулық сақтау министрлігінің штаттан тыс диетологы Виктор Тутян түсіндіргендей, тамақ пісіргеннен кейін 18 сағаттан астам уақыт сақталатын тағамнан улану оңай.
Роспотребнадзорда түсіндірілгендей, мұндай өнімдер микрофлора үшін «жақсы өсіру алаңы» болып табылады, ол сонымен қатар жұқпалы ауруларды тудыруы және улануға әкелуі мүмкін.

Мамандар мейрамханалардағы ең қауіпті тағамдарды атады

<a href="https://kyzylorda-news.kz/">Kyzylorda-news.kz.</a> Ағзаға темір жетіспеген жағдайда адам қаназдық ауруына тез шалдығады, деп жазады <a href="https://informburo.kz/kaz/anday-gemoglobin-degeyn-kteru-shn-ne-zhegen-paydaly.html">Informburo</a>.
Қалыпты жағдайда гемоглобин деңгейі ер адамдарда 130 – 160 г/л, әйелдерде 120 – 140 г/л, ал жүкті әйелдерде 110 г/литрден жоғары.
Гемоглобиннің қалыпты деңгейден төмендеуі адам денсаулығының әлсіреуіне әкеледі. Гемоглобиннің көбеюі немесе азаюы ағзадағы темірге тікелей байланысты. Егер адамға темір жетіспейтін болса, онда ол қан аздық ауруына тез шалдығады. Ал қанның азаюы ағзадағы оттегі көлемінің де күрт төмендеуіне соқтырады.
Гемоглобин неліктен төмендейді?
<ul>
<li>Кез-келген жағдай барысында қан жоғалту;</li>
<li>Дұрыс тамақтанбау (тойып тамақ ішпеу, вегетариандық тамақтану салты);</li>
<li>Темекі шегу, алкогольді ішімдікке үйір болу;</li>
<li>Жиі қан доноры болу.</li>
</ul>
Қандағы гемоглобин деңгейінің төмендеу белгілері:
<ul>
<li>Адам тез шаршайды;</li>
<li>Түрі бозарады;</li>
<li>Терісі жиі құрғайды;</li>
<li>Жиі бас ауруына шалдығады;</li>
<li>Ұйқысыздық.</li>
</ul>
Гемоглобин деңгейін көтеру үшін келесі тағам түрлерін жеген пайдалы:
<ul>
<li>Сиыр еті қосылған қарақұмық ботқасы;</li>
<li>Жаңғақ:</li>
<li>Қызыл алма;</li>
<li>Анар не анар шырыны;</li>
<li>Шабдалы;</li>
<li>Шикі сәбіз;</li>
<li>Қызылша шырыны;</li>
<li>Халуа;</li>
<li>Мейіз не жаңғақ қосылған бал;</li>
<li>Аскорбин қышқылы (дәрумен).</li>
</ul>
Бұл тағам түрлерін тұтынумен қатар, таза ауада да көбірек серуендеу қажет. Себебі, таза ауамен тыныстаған кезде қан айналым жүйесі оттегімен толығады. Сондай-ақ, бұл уақытта келесі тағамдардан тартына тұрған абзал:
<ul>
<li>Сүт өнімдері;</li>
<li>Кофе;</li>
<li>Шай;</li>
<li>Құрма;</li>
<li>Газды сусындар.</li>
</ul>

Қандағы гемоглобин деңгейін көтеру үшін не жеген пайдалы?

<a href="https://kyzylorda-news.kz/">Kyzylorda-news.kz.</a> «Көпшілігі жаңа жылда жаңа мақсаттар қойып, тізім жасайды. Біреулер темекіні тастаймын десе, тағы біреулері спортпен шұғылдануды қолға аламын деп серт береді. Соңғы жылдары желіге уақыт бөлуді азайтқысы келетін адамдар қатары артты», деп жазады&nbsp;<a href="http://madame.lefigaro.fr/societe/et-si-on-decrochait-enfin-de-son-smartphone-resolutions-nouvelle-annee-020120-178823">Le Figaro</a>&nbsp;басылымы.
Автор қазіргі таңда өз қолының жалғасына айналып кеткен смартфондардан демалғысы келетіндердің қатары күн санап артып жатқанын айтады.
<blockquote>
 «Цифрлық технология біздің күнделікті өмірімізді жұтып жібереді. Elabe жүргізген зерттеуге сенсек, адамдардың 60%-ы смартфонсыз бір күн де жүре алмайды. Ал әрбір екінші адам он минут сайын телефон немесе планшетіне қарайды», деп жазады автор.
</blockquote>
Басылымның хабарлауынша, ғалымдар адамдар телефонға қараған кезде қысқамерзімді рахат сезіміне бөлейтін домафин гормоны бөлінетінін, сол себепті смартфоннан ажырау қиын екенін анықтаған.
<blockquote>
 «Телеофоннан толық қол үзу мүмкін емес, дегенмен, оны дұрыс пайдалануды үйрену керек. Осы тәртіп сақталғанда ғана телефон тиімді құралға айналады. Технология адамдарға қызмет етеді, ал оның қолданылуы белгілі бір деңгейде адамға қауіп төндіре алады», дейді жазба авторы.
</blockquote>

Қазақстан және Қызылорда облысының жаңалықтары