<a href="https://kyzylorda-news.kz/">Kyzylorda-news.kz</a> ақпараттық агенттігінің 11 қаңтарға арналған жұлдыз-жорамалы.
Тоқты
Эмоцияны іште сақтау қиын, дегенмен ұстамды болуға тура келеді. Салқынқандылық таныта отырып, көздеген мақсатқа жетуге болады. Жолдағы кедергілерді де эмоцияны жасыра отырып жоясыз.
Торпақ
Жаңа таныстықтан қашпаңыз. Жаңа танысқан адамдарды бір көрген ғашық етесіз. Ол адамға жақсы ой қалдырасыз. Әрі қарай қарым-қатынас орнату тек сіздің қолыңызда. Бүгін жұмысқа қатысты шешім шығармаңыз.
Егіздер
Бүгін демалыңыз. Барлық шаруаны кейінге ысырып қойыңыз. Біраз уақыттан соң қызықты іспен айналысатын боласыз. Сондықтан барлық күш-жігеріңізді сол шаруаға арнағаныңыз жөн.
Шаян
Бүгінгі күнді отбасыңызға арнаңыз. Ата-анаңыздың жанында болып, үлкендермен әңгімелесіңіз. Сонымен қатар бүгін жоспарларыңыз өзгеруі мүмкін. Себебі жаңа тапсырмалар аласыз.
Арыстан
Сөйлеген сөзіңізге, іс-әрекетіңізге абай болыңыз. Ойланбай айтылған сөз өзгелердің жанына батуы мүмкін. Маңызды мәселелерді шешу мүмкін емес. Сондықтан оларды кейінге қалдырғаныңыз жөн.
Бикеш
Уайымға салынбаңыз. Барлығы жақсы деп айту қиын, дегенмен бұлт артынан күн шығатынын естен шығармаңыз. Таңертеңнен бастап қиын шаруаны қолға алғаныңыз жөн. Кешке дейін бір нәтиже шығара аласыз.
Таразы
Өзіңізге таныс мәселелерді шешуге, маңызды сұрақтарға жауап табатын күн. Көп жоспарларыңызды жүзеге асыра аласыз. Себебі тура жолды тауып, барлығын ақылға салып, оң шешім шығарасыз.
Сарышаян
Жаңа идеялар пайда болып, тапсырмалар аласыз. Жұмысыңыз алға басады. Күніңіз іскерлік байланыспен басталады. Жаңа белестерге қарай жол тартасыз. Сонымен қатар ескі жобаларды да іске асыруға мүмкіндік бар.
Мерген
Салқынқандылық танытсаңыз, күніңіз сәтті өтеді. Өзгелердің еркелігін көтеретін жағдайда емессіз. Өз жоспарларыңызды тиянақтап алыңыз, сонда ғана жұмысыңыз алға басады.
Тауешкі
Өте керемет күн. Жұмыста мол табысқа кенелесіз, сондай-ақ айтарлықтай жетістікке жетесіз. Осы мүмкіндікті пайдаланып, басшылықтан қызметіңізді өсіруді сұраңыз.
Суқұйғыш
Таң атысымен біраз жоспар құрасыз. Алайда олардың барлығы өзгеріп кетуі мүмкін. Бірақ бұл сіздің пайдаңызға шешіледі. Себебі барлық ойыңыз жүзеге асып, жұмысыңыз нәтижелі болады.
Балықтар
Қиын жұмыстарды өз жауапкершілігіңізге алудан қорықпаңыз. Керісінше, алдыңызға мақсат қойып, оған жетуге талпыныңыз. Арманыңызға жетуге мүмкіндік көп. Оларды өз уысыңыздан шығарып алмаңыз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 3 қаңтар күні Қазалы ауданында «Әйтеке би» қосалқы станциясынан «жерге» тұйықталудың пайда болуына байланысты кернеуі 35 мың вольттық «Қожабақы» әуе электр беру желісінің «С» фазасында электр энергиясы авариялық түрде ажыратылды.
«№114 тірегінде оқшаулағыш зақымдалды. Техникалық ақауды жою, қалпына келтіру жұмыстары 06 сағат 05 мин. Аяқталды», – делінген АЭҚ БК Қызылорда облысы бойынша департаментінің таратқан хабарламасында.
&nbsp; Айта кету керек, жаңа жыл мерекесі уақытында электрмен &nbsp;қамтамасыз ету жұмыстары қалыпты болды.

Электр энергиясы қалпына келтірілді

<a href="https://kyzylorda-news.kz/">Kyzylorda-news.kz</a>. Қазалы ауданындағы Әйтеке би кенті жылу желілеріндегі судың бекітілген температуралық кестесінің сақталуын орталықтандырылған жылумен жабдықтау «ҚызылордаЖылуЭлектрОрталығы» МКК «ҚазалыТеміржолжылу» филиалының қазандығы қамтамасыз етеді.
<blockquote>
 «Биыл 8 қаңтар күні сыртқы ауаның орташа температурасы -8 градусты көрсеткенде жылу желісіне су беру температурасы 68°С, кері су 67,0°С құрады. Су темпаратурасы белгіленген кестеге сай. «Бейнеу-Шымкент» газ құбырының отын-газында №2,3,4 қазандық және №1 резерв қазандық жұмыс істейді», – делінген ҚР Энергетика министрлігі Атомдық және энергетикалық қадағалау мен бақылау комитетінің Қызылорда облысы бойынша аумақтық департаментінің таратқан хабарламасында.
</blockquote>
Айта кетейік, энергия көзі болып есептелетін отын – мазуттың пайдалану резервтік (апаттық) қорының көлемі талаптарға сәйкес келеді.

Жылумен қамту жұмыстары кестеге сай жүргізілуде

<a href="https://kyzylorda-news.kz/">Kyzylorda-news.kz.</a> Елбасының жыл сайынғы халыққа Жолдауының әрқайсысының замандық тұрғыдан алғанда өзіндік маңызы зор. Мемлекеттік қызмет көрсету саласын толықтай электронды форматқа көшіру бойынша «Цифрлы Қазақстан» бағдарламасын жүзеге асыру, электронды мемлекеттік қызмет көрсетуді арттыру.
Мемлекеттік қызметті көрсетуді оңтайландыру, тез әрі сапалы көрсетумен қатар, жемқорлық көріністерін алдын алу.
Әділет департаментімен көрсетілетін мемлекеттік қызметтің бірі – Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою.
Ресми құжаттарға апостиль қоюда мемлекеттік көрсетілетін қызмет стандартының талаптарына сәйкес өтініштер мемлекеттік корпорация немесе «электрондық үкіметтің» веб-порталы арқылы қабылданады.
Мемлекеттік қызметтер көрсету процестерін барынша оңтайландырылу мақсатында қызмет алушылардың құжаттарын қабылдауы электрондық түрде жүзеге асыру басты міндетіміз болып саналады.
Осыған орай, ресми құжаттарға апостиль қою үшін жүгінуші азаматтарға электронды түрде өтініш берудің тиімділігі&nbsp; мемлекеттік қызмет көрсету нәтижесімен 1 жұмыс күні ішінде жүзеге асырылады.
Портал арқылы жүгінген кезде:
1) көрсетілетін қызметті алушының ЭЦҚ-мен куәландырылған немесе порталдың есептік жазбасына&nbsp; ұялы байланыс операторы ұсынған, көрсетілетін қызметті алушының абоненттік нөмірі қосылған&nbsp; және тіркелген&nbsp; жағдайда, бір рет қолданылатын парольмен куәландырылған электрондық өтініш;
2) сканерленген көшірмесі түріндегі апостильдеу қойылуға жататын құжат электрондық сұрау салуға қоса тіркеледі.
«Цифрлы Қазақстан» бағдарламасының тиімділігі, әрбір азамат мемлекеттік қызмет алудағы қанағаттанарлық деңгейін арттыру. Олардың өтініштерінің қалай қарастырылып жатқаны,&nbsp; дер кезінде сапалы жауап алуға толық мүмкіндігі болады.
А.ЖАҚСЫЛЫҚ,
Қызылорда облысының
әділет департаментінің бас маманы

Басты бағдар &#8211; электронды мемлекеттік қызмет көрсету

<a href="https://kyzylorda-news.kz/">Kyzylorda-news.kz.</a> Алматыдағы әуе апатына байланысты Bek Air әуе компаниясына тиесілі тоғыз Fokker-100 ұшағының қызметі тоқтатылды. Бұл туралы ОКҚ-да өткен баспасөз мәслихатында ҚР Индустрия және инфрақұрылымдық даму вице-министрі Берік Камалиев мәлім етті, деп хабарлайды <a href="http://lenta.inform.kz/kz/bek-air-aue-kompaniyasyna-tiesili-togyz-fokker-100-ushagynyn-kyzmeti-toktatyldy_a3602508">ҚазАқпарат</a>.
<blockquote>
 «Қазақстан Президентінің&nbsp;тапсырмасы&nbsp;бойынша қазір тұрақты түрде жолаушылар тасымалын жүргізіп жатқан отандық әуе компаниялардың бәрі тексеріліп жатыр. Атап айтқанда, әуе кемелерінің ұшу жарамдылығы, қауіпсіздік талаптарына сәйкестігі, ұшу ережелерін сақтауы, авиациялық персоналды дайындауы секілді талаптардың бәрі тексерілуде», – деді Берік Камалиев ОКҚ-да өткен баспасөз мәслихатында.
</blockquote>
Вице-министр Алматыдағы әуе апатына байланысты Bek Air әуе компаниясының жұмысы тоқтатылғанын айтып өтті.
<blockquote>
 «Bek Air әуе компаниясына тиесілі тоғыз Fokker-100 ұшағының қызметі мен жылдық жарамдылығы жайлы сертификаты тоқтатылды. Қазақстанның авиациялық әкімшілігі қазір британдық және еуропалық азаматтық авиация агенттіктері өкілдерінің қатысуымен Bek Air әуе компаниясын тексеріп жатыр. Тексеру қорытындысына сай, әуе компаниясының ары қарайғы жұмысы туралы шешім қабылданады. Жақын арада тексеру қорытындысын жариялаймыз», – деді ол.
</blockquote>

Bek Air әуе компаниясына тиесілі тоғыз ұшақтың қызметі тоқтатылды

<a href="https://kyzylorda-news.kz/">Kyzylorda-news.kz.</a> Атаулы әлеуметтік көмектің жаңа нұсқасына сәйкес қосымша жәрдем тағайындылады екен, деп хабарлайды&nbsp;&nbsp;<a href="https://khabar.kz/ru/">Хабар</a>&nbsp;арнасы.&nbsp;
Мектеп жасына толмаған баласы бар көпбалалы отбасыларға ақшалай жәрдемақыдан бөлек, ай сайын азық-түлік пен гигиеналық заттар беріліп тұрады екен.
Алғашқы көмек себеті&nbsp;1-3 жас аралығындағы бүлдіршіндерге&nbsp;табысталады. Оның ішіне 2 литрлік сүт, дәрумендерге толы піспенан, гиппоаллергенді ботқа, жүгері жармасы, сұлы үлпегі, 10 түрлі езбе кіреді.
Екінші себет&nbsp;3-6 жастағы балаларға арналған, оған кіретін азық-түлік те көбірек екен: бидайдың қатты сұрыпынан әзірленген макарондардың 2 бумасы, 2 литрлік&nbsp;пастерленген сүт, құрғақ таңғы ас, піспенан, арпа, ұнтақ және қарақұмық жармалары, бұршақ, күнбағыс майы,&nbsp;сұлы үлпегі, тіпті гемотогені бар ара балы беріледі.
Ал үшінші жиынтыққа дене тазалығына қажетті құралдар кіретін көрінеді. Көпбалалы аналар әр тоқсан сайын тіс щетканың жиынтығын, сабын, сусабын, балалар ұнтағы мен жақпамайын алып тұрады.&nbsp;
Гигиеналық және азық-түлік жиынтығын жергілікті билік дайындайды.&nbsp;Еңбек және халықты әлеуметтік қорғау министрлігі аталған жиынтықтарды сатып алатын нүктелерді де бекітіп қойған. 500-ден астам кәсіпкерлер аталған мәселеге жауап беріп, тауарлардың сапасына, мерзіміне, мекен-жайларға жеткізілуіне жауап беретін болады.&nbsp;
<blockquote>
 “Барлық жиынтық қатты қағазбен оралып, жеткізілуі тиіс. Бұл жайттың барлығы жеткізушілерге түсіндірілді. Қаңтар айында АӘК тағайындау мәселесі қарастырылуда. Ақпаннан бастап АӘК жәрдемақысымен бірге, қосымша көмек заттары таратылатын болады”, – деді&nbsp;еңбек және халықты әлеуметтік қорғау министрі Біржан Нұрымбетов.&nbsp;
</blockquote>
Жаңа нұсқадағы атаулы әлеуметтік көмек 370 мыңнан астам көпбалалы отбасыларға беріледі. Мемлекет тарапынан бұған 327 миллиард теңге бөлінеді. Бұл былтырғы жылмен салыстырғанда 80 миллиардқа көбірек.&nbsp;
Жәрдемақының көлемі үйдегі балалардың санына байланысты тағайындалады. Ақшалай көмекпен қоса, 18-ге толмаған балаларға мектептерде&nbsp;тегін ас беріп, қажетті киім-кешек пен оқу құралдарымен қамтамасыз етіледі. Оған қоса&nbsp;көпбалалы отбасыдан шыққан оқуышлар қоғамдық көліктерде тегін жүре алады. Қосымша көмек ерекше баласы бар отбасыларға да&nbsp;көрсетіледі екен. Қазіргі таңда олардың саны 90 мыңнан асатын көрінеді.&nbsp;
<blockquote>
 “Мүгедектерге арналған қаржылай көмек 12 пайызға көбейтілді. Егер былтырғы жылы бұл көрсеткіш 400 миллиард теңгені құраса, осы жылы 450 миллиард теңгеге жетті. Біз жекеменшік қалпына келтіру орталықтарының санын өсірмекшіміз. Ол үшін мектептерде инклюзия кабинеттерін ашпақпыз”, – деп қосты&nbsp;Нұрымбетов.
</blockquote>
Осы жылы 800 мыңнан астам қазақстандықтың жалақысы 20%-дан&nbsp;30%-ға артады. Олардың қатарында ұстаздар, дәрігерлер мен қоғамдық қызметкерлер бар. Зейнетақы мен жәрдемақының көлемі ұлғайтылды. Қазақстандықтардың тұрмысын жақсарту үшін республикалық бюджеттен 4 триллионға жуық қаражат бөлінген. Мемлекетке шетелден мамандар тартылыпты. Бұл туралы вице-премьер министр мәлімдеді.&nbsp;
<blockquote>
 “Біз жыл сайын шетелдіктерге бөлетін квотаны қысқартып келеміз. Былтырғы жылы ол 49 мың болса биыл 29 мыңға түсті. Біз қазір шетелдік ұйымдарға мынадай талаптар қойып отырмыз: егер сіздер басқа елдер 10 маман алып келсеңіз, 3-5 жылда қазақстандық 10 маман оқытып шығаруларыңыз керек”, – деді ҚР-дың вице-премьері Бердібек Сапарбаев.
</blockquote>
Дегенмен президенттің тағы бір бұйрығы атқарылмай келетін көрінеді. Зейнетақы жинақтамасына ие болу мәселесін министрлер әлі де талқылауда. Дегенмен үкімет алға қойған мақсаттарды белгілеп қойған. Мысалы қазақстандықтар өз зейнетақы жинақтамаларын емделу үшін ала алады. Бірақ олардың есепшотында 10 миллионнан астам ақшасы болуы шарт.

Қазақстанда көпбалалы отбасыларға берілетін көмекке не кіреді?

<a href="https://kyzylorda-news.kz/">Kyzylorda-news.kz.</a> Қымбатты оқырмандар, жыл қарсаңында Мемлекет басшысы 2020 жылдан бастап микро және шағын бизнесті табыс салығынан босататын Жарлыққа қол қойған болатын. Осы орайда, кімдер салықтан босатылады? Жалпы биылғы жылы салыққа қатысты қандай өзгерістер бар? Міне, осы және өзге де сауалдарға Қызылорда облысы кәсіпкерлер палатасының сарапшысы Гүлдана Таңатова жауап береді.
– Салықтан кімдер босатылады?
– Мемлекет басшысының Жарлығынан кейін Салық Кодексінен туындайтын нормативтік-құқықтық құжаттарға өзгерістер енгізілді. Өзгеріске сай 2020 жылдың 1 қаңтары мен 2023 жылдың 1 қаңтары аралығында арнайы салық режимін қолданатын тұлғалар, шағын немесе микрокәсіпкерлік субъектілері, соның ішінде бірыңғай жер салығын төлейтіндер табыс салығынан босатылды. Аталған бұл тұлғалар төлем көзінен ұсталатынынан басқа корпоративті/жеке табыс салығы сомасын, жеңілдетілген декларация негізінде арнайы салық режимін қолданушылар әлеуметтік салық сомасын, бірыңғай жер салығы сомасын 100 пайызға дейін төмендете алады. Алайда, жоғарыда айтқан санатқа енетін кәсіпкерлер табыстан салықты есептеуден және мемлекеттік кірістер органдарына салықтық есептілікті тапсырудан босатылмайды. Қалған барлық салықтар мен төлемдер орын алуына қарай төленетін болады.
– Осы жерде нақтылап өтейікші, микрокәсіпкерлер дегеніміз кімдер? Шағын кәсіпкерлік субъектілеріне кімдер енеді?
– Микрокәсіпкерлер дегеніміз жұмыскерлерінің жылдық орташа саны он бес адамнан аспайтын немесе жылдық орташа кірісі республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 30 000 еселенген мөлшерінен, яғни 79,5 млн теңгеден аспайтын, жеке кәсіпкерлікті жүзеге асыратын шағын кәсіпкерлік субъектілері.
Ал шағын кәсіпкерлік субъектілеріне заңды тұлға құрмаған жеке кәсіпкерлер және жұмыскерлерінің жылдық орташа саны 100 адамнан аспайтын және жылдық орташа кірісі республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 300 000 еселенген мөлшерінен, яғни 795 млн теңгеден аспайтын, кәсіпкерлікті жүзеге асыратын заңды тұлғалар.
– Ал кімдер салық төлеуден босатылмайды?
– Есірткі, психотроптық заттар мен прекурсорлардың айналымына байланысты қызмет, акцизделетін өнімді өндіруді және (немесе) көтерме саудада өткізу қызметі, астық қабылдау пункттерінде астық сақтау жөніндегі қызмет, лотереялар өткізу, ойын бизнесі саласындағы қызмет, радиоактивті материалдардың айналымына байланысты қызмет, банк қызметін (не банк операцияларының жекелеген түрлерін) және сақтандыру нарығындағы қызмет (сақтандыру агенті қызметінен басқа), аудиторлық қызмет, бағалы қағаздар нарығындағы кәсіби қызмет, кредиттік бюролар қызметі, күзет қызметі, азаматтық және қызметтік қару мен оның патрондарының айналымына байланысты қызмет, Жер қойнауын пайдалану саласында, соның ішінде алтын іздеушілер қызметі, пайдалы қазбаларды өткізу, соның ішінде трейдерлер қызметі, көмір, мұнайды өткізу бойынша қызмет, мұнай өнімдерінің жекелеген түрлерін, бензин, дизель отыны және мазутаны бөлшек өткізу, сыртқы экономикалық қызмет көрсететін кәсіпкерлік субъектілері салық төлеуден босатылмайды.
– Кәсіпкерлерге қатысты тағы да қандай өзгерістер бар. Какие еще есть&nbsp; изменения, касающиеся предпринимателей?
– Өзгеріс міндетті әлеуметтік медициналық сақтандыруға қатысты бар. МӘМС туралы Заңның 27,28,29-бабтарына сәйкес 2020 жылдың 1 қаңтарынан бастап барлық кәсіпкерлер үшін жарналар мен аударымдардың мөлшері өзгертілді. Қызметкерлеріне жалақы төлейтіндер үшін МӘМС ставкалары, сонымен қатар жұмысшылар мен өздері үшін жарналар өсті. Жұмыс берушілердің қызметкерлері үшін төлейтін жарнасы 1,5 пайыздан 2 пайызға көтерілді. Жеке кәсіпкерлер мен шаруа қожалықтары өздеріне жарналарды 1,4 айлық жалақының 5% мөлшерінде, ай сайын төлейді.

2020 жылы салықтан кімдер босатылады?

<a href="https://kyzylorda-news.kz/">Kyzylorda-news.kz.</a> «Қазгидромет» РМК 11-13 қаңтар аралығындағы ауа райы болжамын айтты.
«Атлант мұхиты мен Жерорта теңізінен келетін жылы және ылғалды ауа массаларының әсерінен Қазақстанның басым өңірінде тұман, көктайғақ, бұлтты және жауын-шашынды күн райы сақталады. Бұл ретте, ауа температурасы әлі де көпжылғы орташа көрсеткіштен жоғары болатыны болжанады. Тек республиканың оңтүстігінде ауа температурасының қысқа мерзімге төмендеуі күтіледі», – делінген синоптиктердің мәліметінде.

Демалыс күндеріне арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Елдің тұрмыс-тіршілігі төмен­де­ген сайын «аңқау елге арамза молда» көбейе түседі». Көпшілік осылай уайым шегеді. Оған себеп – әлеу­мет­тік желіде лотерея ойнататын­дар­дың көбеюі. Қазір Instagram желісіне кір­сеңіз, «Он мың теңгеге билет сатып ал­саңыз, автокөлік ұтасыз, екі бөлмелі пәтердің кілтін ұстатамыз» деген жар­намадан көз сүрінеді. Тіпті, осы­ған дейін 20 көлікті ұтысқа қой­ғандар да бар. Оған қосымша 7 пә­тер­ді қо­сыңыз. Бас­панасыз жүрген жан­дар лотереядан үміттеніп, соңғы тиынына билет сатып алуға мәжбүр. Бірақ бә­ріне бірдей баспана мен көлік бұйыра бере ме? Сонда ұтатын кім, ұтылатын ше?
Бұл не қылған«батпан құйрық»?
Қоғамда әлеуметтік желі арқылы авто­көлік пен баспана, түрлі ұтыс ойындарын ұйымдастыратындар көбейіп тұр. Алау­латып-жалаулатып жүргендердің арасында танымал спортшылар, эстрада әншілері, тіпті әзілкештер де жоқ емес. «Ұйым­дас­тырушы­лардың» дені танымалдардың тасасында тұрған секілді. Өйткені әнші-әзілкеш, спортшыларға қоңырау соқсаңыз, «ұйымдастырушыларға қоңырау шалыңыз» деп ат-тонын ала қашады. Жуырда ғана пә­терін ұтысқа тігіп, лотерея ойнатқан белгілі журналист қыздардың бірі «жақсы пайда тапқанын, лотереяның ұтымды жоба екенін» айтады. Ал 20 көлікті ұтысқа қойғанның бірі – әнші Нұрлан Еспанов. Ол «Қарақатпен шай» бағдарламасында ұтысты ойнатудағы басты мақсаты – қа­йырым­дылық жасау болғанын айтқан екен.
<blockquote>
 «Мен алаяқ емеспін. Оның бәрі құр ай­тылып жат­қан бос сөздер. Бұған дейін бір лотерея ойынын өткізген едім. Маған жақсы араласатын інілерімнің бірі келіп: «Нұреке, сіз өнер адамысыз ғой. Сізбен бірге жұмыс істесек қайтеді? Сіз жай ғана жарна­масына түсіп беріңізші» деп өтініш айтқан соң, келісім бердім» дейді.
</blockquote>
Аталмыш лотерея жүргізбес бұрын оның ресми құжаттарын толықтай қарап шығып, дұрыс-бұрыстығына көз жеткізген соң ғана келісім бергенге ұқсайды.
Жай­дан-жай келісе салмаймын. Өйткені мұндайдың барлығын басымнан өткерген адаммын. Бар­лық құжатын қарап шығамын. Мен өткізіп жатыр екен деп, алып кете са­латын автокөлік емес. Бұл дегеніңіз – ав­тоор­талықпен заң­дастырылып жасалған дүние. Тек кілтін табыстаймын. Ол авто­кө­лік­тердің ақшасы толық жи­налмай, орталық оларды бермейді» дейді.
Бірнеше пәтерді ұтысқа тігіп, лотерея ойнатқан жігіттердің бірі – Дәулет Мұқаев есімді азамат. Ол баспана­мен бірге, бірнеше бағалы жүлде­лерді де қатар ойнатты. Әуелі ол бір бөлмелі пәтер мен тағы басқа бағалы заттарды ұтысқа қойған еді. Бір билеттің құны – 10 мың теңге. Бас-аяғы 3 200 билет сатылып, одан 32 млн теңге түскен. Бұлар­дың артықшылығы кәсіпкер ре­тінде тір­келген және табыс салы­ғын төлеп отырады.
«Сәтті жұлдызға» тіркеліп жүр ме?
Мұны бір жағынан желідегі «же­ңіл» бизнес деп атауға да бо­лады. Оңай олжа табудың жолы. Алайда елімізде лотерея саласын реттейтін уәкілетті орган бар. Ол – Мәдениет және спорт министрлігі, оның ішінде спорт және дене шы­нықтыру істері жөніндегі комитет. Министрлік өкілінің айтуынша, Қазақстанда бір ғана ұйым лотерея өткізуге құқылы. Яғни, 2017 жыл­дың 10 ақпанында қол қойылған №48 қаулыға сәйкес «Сәтті жұл­дыз» АҚ 15 жылға лотерея опе­ра­торы болып бекітілген. Демек, ел аумағында лотерея өткізуге осы ак­ционерлік қоғамның ғана құ­қығы бар. Алайда лотерея ойнатып жүрген тұлғалардың арасында оператормен келісімшарт жасас­қандар кемде-кем. Қазір қандай да бір бизнес өкілі лотерея билеттерін сатамын десе, онда ол үшін та­ратушы келісімшартқа қол қоюы керек. Бірақ Instagram желісі арқылы ұтыстар ұйымдастырып жатқан адамдардың кейбірі атал­мыш оператормен келісімшартқа отырмаған көрінеді.
2019 жылдың соңында Мәжі­лісте арнайы жұмыс тобы лотерея бизнесіне қатысты кейбір заңдарға ұсынылып отырған өзгерістерді тал­қылаған еді. Жұмыс тобын де­пу­тат Әлия Сапарова басқарған. Мә­жіліс сайтындағы деректерге сү­йенсек, заң жобасы төменгі па­латаға маусым айында түскен екен. Бұған дейін заңсыз лотерея ойнату ешқандай құқықбұзу­шы­лыққа жатпаса, енді заң жобасында әкім­шілік құқықбұзушылыққа жатқызу ұсынылып отыр. Әуелі ұтыс ой­натқысы келетін тұлғаларға ескерту жасалады. Одан кейін тағы да заң бұзса, әкімшілік құқық­бұ­зушылық жасау салдарынан алын­ған кірістер тәркілене отырып, жеке тұлғалар­ға – 200, шағын кәсіпкерлік су­бъектілеріне немесе коммерциялық емес ұйымдарға – 750, орта кә­сіп­керлік субъек­ті­леріне – 1 000, ірі кәсіпкерлік субъектілеріне 2 000 ай­лық есептік көрсеткіш мөл­ше­рінде айыппұл салуға әкелмек.
Салықтан жалтару мүмкін емес
Қаржы министрлігі Мемле­кеттік кірістер комитеті Жұрт­шы­лықпен байланыс басқармасының басшысы Олжас Отардың айтуын­ша, кез келген табыс табуға ықти­мал тұлғалардың бәрі – салық төлеуге міндетті. «Азаматтық ко­декс бойынша ұтыс ойынын өткізгісі келе ме, ол өз құқы. Оған «лицензияң бар ма, жоқ па?» деген шектеу қоя алмаймыз. Ал бірақ тапқан пайдасынан салық төлеуге міндетті. Мәселен, 1 000 теңгеден 100 билет сатты делік. Ол 100 мың пайда тауып отыр. Яғни, 100 мың үшін салық төлеуге тиіс. Бізде камералды бақылау деген бар. Сол арқылы сіздің табыстық есебіңізді қараймыз. Әлеуметтік желіде лотерея ойнатқандардың көпшілігі күз мезгілінде өткізді. Олар биыл ақпан айына дейін салық төлеуі тиіс. Салық төлемеген жағдайда салықтық есебін қараймыз. Сол арқылы хабарлама жібереміз. Ешкім тапқан табысынан жалтара алмайды. Қазір барлығы ашық жарияланып отырады. Тіпті, әлеуметтік желінің өзінде «пәлен билет сатылды, түген билет са­тыл­ды» деп ашық жарнамалап отыра­ды. Ол шынымен 100 билет сатты ма, әлде 200 билет сатты ма, өзі дә­лелдейді. Сондықтан кез келген азамат тапқан табысынан салық төлеуге міндетті» дейді.
Демек, лотерея ойнатқысы ке­летін, не болмаса оңай олжаға ке­нелгісі келетіндер де салықтан жал­тара алмайды. Оны бақылау те­тікте­рі елімізде нақты жүйеге қойылған.
Лотерея ойнату – харам
«Лотерея ойнату құмарға жа­тады» дейді Қазақстан мұсыл­мандары діни басқармасы төра­ғасының орынбасары, наиб мүфти Ершат Оңғаров. «Құмар – кездей­соқ сәттілікке үміттеніп, ұтыс мақсатымен ақша, құнды зат тіге отырып ұту немесе ұтылуды білдіреді. Шариғатымызда құмар ойындарға қатаң түрде тыйым салынған. Алла Тағала Құранда былай дейді: «Олар [адамдар] сенен (уа, Пайғамбар) арақ пен құмар туралы сұрайды. «Ол еке­уінде үлкен күнә және адамдар үшін кейбір пайдалар бар. Алайда пайдасынан күнәсі көп» деп айт» («Бақара» сүресі, 219-аят).
Аяттағы «мәйсир» сөзі құмар деген мағынаны білдіреді. Яғни, бі­реудің ұзақ уақыт бойы еңбек­те­ніп тапқан ақшасын құмар ойыны арқылы оп-оңай, жеңіл жолмен алғандықтан «мәйсир» деп аталған.
Құмар ойынына карта, нарда, ойын автоматтары, рулетка, ло­терея, букмекерлік кеңсе т.б. жа­тады. Кең таралғаны – лотерея. Оның бірнеше түрі бар. Негізгілері мыналар:
1. Сандық лотерея: белгілі бір мөлшерде сандар басылған билет ретінде сатылады. Кездейсоқ таң­далатын сандар арқылы жеңімпаз анықталады. Бұл құмар ойынында қатысушылардың кейбірі ғана ұтысқа ие болып, жүздеген, мың­даған адам шығынға ұшырайды. Ұйымдастырушы тарап пайдаға кенеледі. Сол секілді үйді, көлікті, кітапты т.б. заттарды лотерея арқылы ойнатып сату, лотереяның осы түріне жатады.
2. Спорттық лотерея (ойын авто­маттары, букмекерлік кеңсе): әртүрлі спорттық жарыстардың нәтижелерін жорамалдап, бәс ті­геді. Егер ұтса ставканың мөлшері мен коэффициентіне байланысты ұтысын алады. Ал сәтсіздікке ұшы­раса, тіккен ақшасынан айы­рылады.
Лотереяның кез келген түрі құмарға жататындықтан үкімі үзілді-кесілді харам саналады. Оған қандай ниетпен болса да, тіпті билетін тегін алса да қатысуға болмайды. Ибн Аббастан жеткен риуаятта Алла елшісі (оған Алла­ның салауаты мен сәлемі болсын): «Алла Тағала бір қауымға бір нәрсені жеуді харам еткен болса, онда оның ақшасын алуды да ха­рам етті» (Бұхари, Муслим), – деген. Себебі құмар адал кәсіп емес, керісінше адамдардың мал-дүниесін арам жолмен алу.
3. Жарнамалық лотерея: бұл тауарларды сатуға ынталандыратын лотерея түрі. Мысалы, дүкендерде, сауда орындарында клиенттерді тарту мақсатында тауарларға жүл­делер қойып ойнатады. Ол тауар­ларға белгілі бір номерлер белгі­лейді. Кейін оны тұтынушы на­рық­тағы бағасына немесе одан қымбатқа сатып алып, сыйлыққа қол жеткізуі мүмкін» дейді ислам­танушы.
Кейбір ғұламалар бұл ойынға харам деп үкім берген екен. Яғни, ол елді алдау, құмар болып са­на­ла­ды. Саудагерлер арасында бә­се­келестік тудырады. Оның соңы бір-бірін балағаттауға әкелуі мүм­кін. Ал шариғатта өзіне де, өзгеге де зиян тигізуге болмайды делінген.
«Қазақстан мұсылмандары діни басқармасы Ғұламалар кеңесінде 2019 жылы 5 желтоқсанда қабыл­дан­ған пәтуада осы мәселеге бай­ла­нысты төмендегі үкімдер бекітілді:
1. Кез келген құмар ойыны харам;
2. Сандық және спорттық ло­те­рея құмар ойынына жатады;
3. Жеке мүлікті лотерея арқылы сату харам;
4. Тауарды өткізу мақсатында тігілген сыйлықты мынадай шарт­тармен ғана алуға рұқсат етіледі:
– Тауардың құны нарықтағы бағадан аспауы керек. Егер ұтыс себепті бағасы көтерілсе құмар са­налады;
– Сыйлыққа жету үшін тауар сатып алмауы қажет. Егер затты ке­рек етпей, тек жүлдеге қол жет­кізу мақсатында сатып алса, онда ол мал-дүниені бекер шашқан болады;
– Тауар адал әрі пайдалы болуы тиіс;
– Сыйлық қатысушы тарап­тың берген ақшасынан алынбауы керек;
– Тұтынушыларға қиянат жа­сал­мауы тиіс әрі тауарды өткізуде алдау, алаяқтық болмауы шарт» дейді Ершат Оңғаров.
<a href="https://aikyn.kz/">AIQYN</a>

Инстаграмдағы лотерея: алған көп пе, алданған көп пе?

<a href="https://kyzylorda-news.kz/">Kyzylorda-news.kz.</a> Қазақстандықтар Сенат депутаттарының заң жобаларын талқылау барысын тікелей эфирден көре алады. Бұл турады Қызылорда облысының тұрғындарымен кездесу барысында аталмыш палата депутаты Мұрат Бақтиярұлы айтты.
Парламент Сенатының баспасөз қызметінен мәлім еткендей, депутаттар Мұрат Бақтиярұлы мен Бекмырза Еламанов жұмыс бабындағы сапармен Қызылорда облысының Жалағаш ауданындағы Жалағаш кентінде және Бұқарбай батыр ауылында, сондай-ақ Сырдария ауданындағы Сырдария кентінде болды.
Жүздесуде Сенат жұмысының ашықтығы туралы айтылып, палатаның жалпы отырыстары мен комитеттердің кеңейтілген отырыстары тікелей эфирде көрсетілетіні айтылды.
<blockquote>
 «Заң жобасын талқылау барысын ғаламтордан барша қазақстандықтар көре алады. Өткен жылы «Педагог мәртебесі туралы» және халықтың денсаулығына қатысты заңдар халық арасында кеңінен талқыланды. Осындай мәселелерді талқылауда халықтың пікірі, ұсынысы біз үшін маңызды. «Педагог мәртебесі туралы» заң ұстаздардың сапалы білім беруі және оларды артық жүктемеден арылту үшін қабылданып отыр. Мұғалімдердің ар-намысына тиіскендерге қатысты жауапкершілік күшейтіліп, тиісті мөлшерде айыппұл төлейтін болады. Ұстаздар қауымын әлеуметтік жағынан қамтамасыз ету де қолға алынып отыр», – деді Мұрат Бақтиярұлы.
</blockquote>
Одан басқа, елімізде жол-көлік оқиғаларының жиілеп кетуіне байланысты бірқатар заңдарға өзгерістер енгізілді. Атап айтқанда, көлікті мас күйінде басқарған азаматтар 10 жылға дейін көлік жүргізу құқығынан айырылуы мүмкін.
Депутаттар аймақты аралау барысында И.Тоқтыбаев атындағы №35 мектеп-лицейге арнайы барып, ауыл тұрғындарымен, мұғалімдермен, медицина қызметкерлерімен, аудандық және облыстық мәслихат депутаттарымен, шаруа қожалықтарының өкілдерімен, сондай-ақ ауыл ақсақалдарымен кездесті.
Сенаторлар сонымен бірге тұрмыстық және кәмелетке толмағандарға қатысты зорлық-зомбылық, нашақорлық, адам өліміне қатысты қылмыстар үшін жауапкершілікті күшейту шаралары туралы айтты. Жүздесуде ауыл тұрғындарының ұсыныс-пікірлері тыңдалды. Тұрғындар «Педагог мәртебесі туралы» заң жобасының қабылданғанына ризашылығын білдіріп, міндетті әлеуметтік медициналық сақтандыру, зейнетақы және еңбекақыға қатысты сауалдар қойды.
Палата өкілдері кездесуде айтылған өзекті мәселелер бақылауда болатынын айтып, маңызды тақырыптар Парламент Сенатында талқыланатынын жеткізді.
<img src="https://kyzylorda-news.kz/wp-content/uploads/2020/01/qazaqstandyqtar-zang-zhobalaryn-talqylaw-1.jpg" alt="" />

Қазақстандықтар заң жобаларын талқылау барысын онлайн көре алады &#8211; сенатор

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың «Абай және ХХІ ғасырдағы Қазақстан» атты мақаласы қазақ руханиятының өркендеуіне серпін береді.
Абай мұрасының қазақ ұлтының ғана емес барша адамзаттың рухани құндылығы десек қателеспейміз.Тарих беттеріне үңілсек өткен ғасырдағы алаш қайраткерлері оның ішінде Әлихан Бөкейханов Абай шығармашылығына Еуропаның әйгілі ақындарына мақтаныш болды деп баға беріп, жарыққа шығуына зор ықпал етті. Сол дәуірдің өзінде түркі жұртында ұлы ақынмен шендесе алатындай тұлға болған жоқ. Одан кейін бір ғасыр уақыт өтсе де Абай шығармашылығы еш мәнін жоғалтпай руханиятымыздың темірқазығына айналды. Осы арада аяулы алаш қайраткері Міржақыптың «Абайдың өлген күнінен қанша алыстасақ рухына сонша жақындармыз» деген сөзі еріксіз ойға оралады.&nbsp;
Ұлттық рухымызды көтеретін мақалада жаңа қоғамда береке-бірлігімізді сақтап, халқымыздың қадір-қасиетін арттыру үшін Абай мұрасына арқау болған мақтан мен масылдық психологиядан арылып, қайраттанып еңбек ету арқылы әрбір Қазақстандықтың еселі еңбегінің арқасында еліміздің экономикасының қарыштап ілгерлейтіні ерекше аталды. Осы орайда еліміздің қай саласында болмасын Абай мұрасын насихаттап, әлемдік деңгейге көтеру&nbsp; рухани жаңғырудағы бір белесіміз болмақ. Оның ішінде ұлтымыздың ұлы тарихын ұлықтап отырған музейлерде ұлы ақынның 175 жылдық мерейтойы аясында келелі шараларды ойдағыдай жүзеге асыру киелі міндетіміз деп білемін.
Гүлзира ЖҰМАБАЙҚЫЗЫ,
Қызылорда облыстық тарихи-өлкетану музейі Ақмешіт филиалының қызметкері

Абай мұрасын насихаттау міндетіміз

<a href="https://kyzylorda-news.kz/">Kyzylorda-news.kz.</a> Академик, математика ғылымдарының докторы Асқар Жұмаділдаев қосымша сабақсыз, яғни мұғалімді жалдап оқытпай, қазір оқушыға мектептегі білімді үйрену қиын болатын жағдайға жетіп қалғанымыз туралы ащы шындықты айтты, деп хабарлайды&nbsp;<a href="https://dalanews.kz/">Dalanews.kz.</a>&nbsp;
<blockquote>
 «…Жалға сабақ беретіндер бар. Репетиторлардың дәурені жүріп тұр қазір. Бұл – біздің министрлік жасаған реформалардың «жемісі».
 Бұл – біз жүргізген реформаның жүйесіздігі. Анаған еліктеп, мынаған еліктеп, босқа далақтағанымыздан солай болды. Қазір мектепте оқушы оқып отырған сабағын ұқпайды. Сондай деңгейге жеттік. Еріксіз қосымша сабақ алады бала содан», – дейді ол.
</blockquote>
Ғалым білім саласында одырайып көзге оғаш көрініп тұрған бұл бір нәрсе емес екенін айтады.
<blockquote>
 «Мысалы, қазақтар жапонның көлігін мінгісі келеді, мініп те жүр, бірақ жапон өлшемдерімен өмір сүруді ойламайды.
 Сол секілді америкалықтар құсап жалақы алғысы келеді, алып та жүр топ-менеджерлер, бірақ америкалық өлшеммен елді дамытуға бастарын да қатырғысы келмейді.
 Бұл дұрыс емес нәрсе. Егер бір үрдісті алғыңыз келсе, оны толықтай, 100 процент енгізу керек. Біздің реформалардың ақсап жатқандығының бір себебі осында. Ана арадан бір жұлып, мына арадан бір жұлған шалағайлық бәрі.
 Одан түк шықпайды. Қазір Қазақстанда ең коррупциялы кәсіпті атаңыз десе, мұғалім мен дәрігерді атайды. Неге? Өйткені бүкіл жүргізілген реформа&nbsp;осы екі қастерлі мамандықты аяқ астына тастап жіберді.
 Әйтпесе кез келген мемлекетке барыңыз, мұғалімді ұстаз деп алақандарына салады, дәрігерді қалай құрметтейді. Ал бізде ешқандай құрмет жоқ.
 Қарап тұрсаңыз, адамдардың көзқарасы мұғалімге де, дәрігерге де, полицияға да қарсы. Бұл дұрыс емес қой. Неге мұндай көзқарас қалыптасты, бұл үшін осы мамандық иесі кінәлі деп ойлайсыз ба, жоқ әрине», – дейді ол.
</blockquote>
Асқар Жұмаділдаев Кеңес заманы мұғалімдері түгелсілген кейінгі кезеңді көз алдына елестете алмайтынын айтты.
<blockquote>
 «Мысалы, қазір Кембридж білім жүйесіне кіріп жатыр, қанша ақша шығарып оны сатып алдық. Егер сол жүйемен оқығандармен біздің балаларды салыстырса, біздікілер озып кетеді. Әсіресе, математика бойынша. Себебі олар Кеңес заманынан қалған білім жүйесінің инерциясымен қазір алда келеді. Кеңес заманы мұғалімдері құрыған соң құлайды мұның бәрі. Қазір де құлдырау бар бізде», – дейді ол.
</blockquote>
Ғалым Қазақстанға ағылшын тілі бас бәлеге айналып келе жатқанын айтады.
<blockquote>
 «Біз балаларды ағылшынша оқытамыз дедік. Одан не пайда таптық, бәрі шетелге қашып кетіп жатыр. Бұл – қазіргі менің басты проблемам.
 Оқытқан балаларымды қалай ұстап қалсам деп басымды қатырамын. Оның бәрін шетел экономикасын дамытсын деп оқыттық па сонда дейсің?
 Басы істейтін, мықтыларды ұстай алмайсың. Қиын. Сондықтан маған ауылдан шыққан балалар ұнайды. Орыс тілін де, ағылшын тілін де білмейтін. Солар қалады менде, ал қалғандары бәрібір кетіп қалады», – дейді Асқар Жұмаділдаев.
</blockquote>
Ғалым үштұғырлы тілге қатысты көзқарасын үнемі айтып жүргенін, бірақ оны жоғарыда естір құлақ жоқ екенін де баса айтты.
<blockquote>
 «Ұштұғырлы тіл деген немене? Бізге айтады, тарихтан басқа пәннің барлығы ағылшын тілінде жүрсін дейді. Демек, не деп жатыр біздің Үкімет? Қазақ тілі – ауыл-аймақтың тілі. Қазақ тілінде тарихты айтып, құйқылжытып ән сала бер дейді, бірақ іргелі ғылым қазақ тілінде сөйлемесін дейді. Осы дұрыс па? Өз-өзімізді кемсітіп отырмыз ғой сонда. Компьютер тілі қазақша болмасын, тағысын тағы дегендей.
 Намыс деген әңгіме осы жерде шығуы керек. Намыс жоқ бізде. Менің түсінігімде, мектептердің барлығында барлық сабақ тек өз ана тілінде өтуі тиіс. Ал мектептен соң қай тілде оқиды бала, өзі білсін. Іргелі ғылымдарды ағылшынша оқытамын деп жүргендердікі бос сөз. Шындығында келгенде, тарихты ағылшынша оқытамыз десек, ол ақылға қонымды. Біздің тарихты басқа елдер де білсін, бұл насихат түрі ғой. Негізі, тіл проблема емес, проблема ғылымның өзі.Қазақ тілі байланыс құралына айналып, ғылым мен техниканың тіліне айналғанда ол өзіндік орнын табады. Бұл – мемлекеттің шаруасы. Мемлекет «100 кітап» деген бағдарламаны жалғастыруы тиіс. Алдында аударылған кітаптардың 90 проценті гумантиарлық салаға тиесілі. Жоқ, техникалық саладағыларды аудару керек бізге. Құр, қазақша сөйле деп ұрандағаннан пайда жоқ. Осындай іспен тындыру керек бұл мәселені», – дейді ғалым.
</blockquote>

Қазақстан және Қызылорда облысының жаңалықтары

Жұлдыздар не дейді?

Электр энергиясы қалпына келтірілді

Жылумен қамту жұмыстары кестеге сай жүргізілуде

Басты бағдар – электронды мемлекеттік қызмет көрсету

Bek Air әуе компаниясына тиесілі тоғыз ұшақтың қызметі тоқтатылды

Қазақстанда көпбалалы отбасыларға берілетін көмекке не кіреді?

2020 жылы салықтан кімдер босатылады?

Демалыс күндеріне арналған ауа райы болжамы

Инстаграмдағы лотерея: алған көп пе, алданған көп пе?

Қазақстандықтар заң жобаларын талқылау барысын онлайн көре алады – сенатор

Абай мұрасын насихаттау міндетіміз

Асқар Жұмаділдаев: Қазіргі оқушы оқып отырған сабағын ұқпайды

Қазақстан және Қызылорда облысының жаңалықтары

Жұлдыздар не дейді?

Электр энергиясы қалпына келтірілді

Жылумен қамту жұмыстары кестеге сай жүргізілуде

Басты бағдар &#8211; электронды мемлекеттік қызмет көрсету

Bek Air әуе компаниясына тиесілі тоғыз ұшақтың қызметі тоқтатылды

Қазақстанда көпбалалы отбасыларға берілетін көмекке не кіреді?

2020 жылы салықтан кімдер босатылады?

Демалыс күндеріне арналған ауа райы болжамы

Инстаграмдағы лотерея: алған көп пе, алданған көп пе?

Қазақстандықтар заң жобаларын талқылау барысын онлайн көре алады &#8211; сенатор

Абай мұрасын насихаттау міндетіміз

Асқар Жұмаділдаев: Қазіргі оқушы оқып отырған сабағын ұқпайды

Басты бағдар – электронды мемлекеттік қызмет көрсету

Қазақстандықтар заң жобаларын талқылау барысын онлайн көре алады – сенатор