<a href="https://kyzylorda-news.kz/">Kyzylorda-news.kz.</a> Кеңес отырысында мемлекеттік қызметтерді автоматтандыру, халықтың цифрлық сауаттылығын арттыру мен қызмет көрсету сапасын жақсарту мәселелері қозғалды.
Қызылорда облысының мемлекеттік қызмет істері департаментінің басшысы Нұрман Талқанбаев облыстық қоғамдық кеңестің отырысында мемлекеттік көрсетілетін қызметтердің жай-күйін баяндады.
<blockquote>
 «Бүгінгі күні Мемлекет басшысының тапсырмасын іске асыру аясында 2020 жылдың соңына дейін 90 пайыздан кем емес мемлекеттік көрсетілетін қызметтерді электрондық нысанға көшіру бойынша жұмыс жүргізілуде. Қызылорда облысында соңғы 3 жылда электрондық түрде көрсетілген қызметтердің үлесі 50 пайызға артып, 90 пайызды құрады. Бұл дегеніміз, халыққа электрондық қызметтерді ұсыну бойынша қарқынды жұмыстар жүргізілгендігінің белгісі», – деді Нұрман Талқанбаев.
</blockquote>
Қазіргі таңда Мемлекеттік көрсетілетін қызметтер тізіліміндегі қызметтердің 80,9 пайызы электрондық нысанға көшірілген. Тізілімдегі 723 қызметтің 586-сы электрондық түрде, 137-сі қағаз түрінде көрсетілуде.
<blockquote>
 &nbsp;«2019 жылы мемлекеттік көрсетілетін қызметтер заңнамалары талаптарының сақталуына 53 тексеру жүргіздік. Нәтижесімен 32206 заңбұзушылық анықталды. Бұл 2018 жылмен салыстырғанда 5 есе артып отыр. Заңбұзушылықтардың басым бөлігі, нақтырақ айтқанда 21187 заңбұзушылық ақпараттық жүйелерден алынатын мәліметтерді сұратуға қатысты орын алған. Сондай-ақ, 7036 рет стандартта көзделмеген құжаттар талап етілсе, 3692 рет қызмет көрсету тәртібі бұзылған» – деді департамент басшысы.
</blockquote>
Нұрман Талқанбаев облыстық қоғамдық кеңес мүшелеріне мемлекеттік көрсетілетін қызметтердің сапасын арттыру мен заңбұзушылықтарды болдырмау мақсатында тиісті органдарға бірқатар ұсыныстар енгізуді алға тартты.
<img src="https://kyzylorda-news.kz/wp-content/uploads/2020/01/16memkyzmet2.jpg" alt="" />
<img src="https://kyzylorda-news.kz/wp-content/uploads/2020/01/16memkyzmet3.jpg" alt="" />

Мемлекеттік көрсетілетін қызметтер мәселесі қоғамдық кеңесте талқыланды

<a href="https://kyzylorda-news.kz/">Kyzylorda-news.kz.</a> Қызылорда қаласындағы 18 колледжде білім беру ұйымдарындағы құқық бұзушылықтың алдын алу, зиянды әдеттердің денсаулыққа зияндылығын түсіндіру мақсатында бірлескен жұмыстар жүргізілді.&nbsp;
Түсіндірме жұмыстарын Жергілікті полиция қызметі басқармасы, тауарлар мен көрсетілетін қызметтердің сапасы мен қауіпсіздігін бақылау департаменті, білім және денсаулық сақтау саласының өкілдер өткізді.
Басты мақсат – білім беру ұйымдарында құқық бұзушылықтың алдын алу профилактикалық шараларын ұйымдастыру, балалар мен жасөспірімдердің өмірі мен денсаулығының қауіпсіздігін сақтау, зиянды әдеттерден сақтандыру бағытында жұмыстар жүргізу, ақпараттандыру-әдістемелік көмектер беру болып табылады.
Кездесу барысында «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» заңы туралы түсіндірме жұмыстары жүргізілді. Атап айтқанда, Әкімшілік кодексіне жаңадан енгізілген 434-2-бабы, яғни ортақ пайдаланылатын орындарды ластау туралы кеңінен ақпарат берілді. Мәселен, саябақтарды, скверлердi ластау, оның iшiнде белгiленбеген орындарға коммуналдық қалдықтарды тастау 5 айлық есептік көрсеткіш мөлшерінде айыппұл салуға алып келеді. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер 10 айлық есептік көрсеткіш мөлшерінде айыппұл салуға алып келеді.
Сонымен қатар алкогольдік ішімдіктерді iшу немесе қоғамдық орындарға масаң күйде келу, жергiлiктi атқарушы орган алкогольдік ішімдіктерді құйып сатуға рұқсат еткен сауда және қоғамдық тамақтандыру ұйымдарынан басқа, көшелерде және басқа да қоғамдық орындарда алкогольдік ішімдіктерді iшу немесе қоғамдық орындарға адамның қадiр-қасиетiн және қоғамдық имандылықты қорлайтын масаң күйде келу 5 айлық есептік көрсеткіш мөлшерiнде айыппұл салуға алып келеді. Он сегіз жасқа толмаған адамдардың қоғамдық орындарға масаң күйде келуі, сол сияқты олардың алкогольдік ішімдіктерді ішуі ата-анасына немесе оларды алмастыратын адамдарға 5 айлық есептік көрсеткіш мөлшерінде айыппұл салуға алып келеді. Баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасаған әрекеттер 10 айлық есептік көрсеткіш мөлшерiнде айыппұл салуға не бес тәулікке дейінгі мерзімге әкімшілік қамаққа алынады.
<img src="https://kyzylorda-news.kz/wp-content/uploads/2020/01/16dvd2.jpg" alt="" />

Қызылордалық полицейлер студенттермен кездесті

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Мектеп-бұл бүкіл әлем, бірнеше жүз бала мен ондаған мұғалімдер жиналған социумның өзіндік үлгісі. Бұл әлем мектеп қабырғалары мен ауланың периметрімен &nbsp;шектеледі.
Осы шекаралардың ішінде жиналған барлық адамдар мінез-құлқы, темпераменті, жасы, тәрбиесі, қоғамдық жағдайы жағынан әр түрлі. Олардың әрқайсысының өз дүниетанымы бар. Бұл адамдар бір-бірімен үнемі сөйлесіп, күніне 4-8 сағат бірге болады. &nbsp;Кейбіреулер табысты өзара іс-қимыл жасайды, басқалары конфронтацияға түседі.
Мұндай жағдайда даусыз жүруге бола ма? Болмайды, сондықтан, мектеп қақтығыстары сөзсіз. Оларға мұғалімдер, оқушылар және олардың ата-аналары тартылады. Сондықтан ең бастысы-барлық тараптар үшін ең аз шығынмен жанжалдардан шығуды үйрену.
Көбінесе ең күрделі мәселелерді шешу үшін екі адамның өздігінен шеше алмайтын жағдайда, үшінші тарап шақырылады. Бұл сот тәжірибесінен алынған классикалық жағдай: әрбір қақтығысқа қатысушылардың кезегін тыңдап, судья өз шешімін шығарады, шешім әділ болғаныменен, тараптың бір жағы қанағаттанбайды.
Осы кезде үшінші тарап көмекке келеді, бейтарап тұлға-медиатор (лат. mediatio-делдалдық).&nbsp;
Бірақ медиация-аралық сот емес. Медиация жүргізу алдында медиатор оған дайындық жүргізеді. Тараптарды тыңдап, даудың шығу себебін айқындау үшін, екі жақтың пікірін толық тыңдап қажетті мәлімет жинайды.&nbsp;&nbsp;&nbsp;&nbsp;&nbsp;
Тараптардың әрқайсысынан даудың шығу себебін тыңдап, қандай сұрақтарды талқылау қажеттігін шешеді. Бұл ретте медиатор нақты тыңдау және қайталап сұрап, конструктивті мағынасын табу шараларын қолданады.&nbsp;
Екіншіден медиатор екі жақтың талабын тыңдап, ол талаптың қайсысы болашақта тараптарды біріктіретінін жобалайды.&nbsp; Бұл кезде медиатор нейтралитет сақтауы қажет. Үшінші қадам кезінде медиатор тараптарға даудың түрлі шешімдерін ұсынады. Ол шешімдер бірнеше және олар альтернативті болуы қажет.
&nbsp;Сонымен медиатор екі жақты творчестволық ізденіске итермелейді. Қорытындыға келгенде екі жақ та шешімге өз еркімен келгеніне көзі жету керек. Төртінші қадамда медиация шешімі дайындалады. Тараптардың қатысуымен медиатор болашақ шешімнің талаптарын оқып береді және оның әр бабын талқылайды. Медиацияның бесінші қадамында медиация шешіміне екі жақ қол қояды. Медияциялық шешім олардың қайсысының да көңілінен шығу керек. Осы орайда медиаторға жүктелетін міндет өте ауыр десе болады. Медиатор шын мәнінде адамдармен тіл табыса алатын психолог әрі сабырлы, байыпты жан болуы тиіс.
Медиацияның мақсаты кінәлілерді іздеу емес, жағдайдан шығуды іздестіру болып табылады.
А.КАЙБАЛДИЕВА
Қызылорда облысының кәмелетке
толмағандардың істері жөніндегі
мамандандырылған ауданаралық
сотының кеңсе меңгерушісі

Мектеп медиациясы да маңызды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордада кәсіподақ қатарына 8,5 мыңдай адам қосылып, мүшелерінің саны 99 мыңға жуықтады. Өңірлік коммуникациялар қызметінде өткен брифингте облыстық аумақтық кәсіподақтар бірлестігінің төрағасы Серік Сермағамбетов бұл бір жылда атқарылған қыруар жұмыстың нәтижесі екенін айтты.&nbsp;
<blockquote>
 «Алдын ала статистикалық мәліметке сәйкес, өңірдегі 348,1 мың жұмыс күшінің 331,4 мыңы еңбекпен қамтылған. Халық санына шаққанда соның 29,8 проценті ғана кәсіподаққа мүше. Бізге әлі 232 мыңнан астам адамды қатарға тарту керек», – деді ол.
</blockquote>
Кәсіподақ ұйымы бар мекемелердің 83 проценті мемлекеттік бюджеттен қаржыландырылады. Өткен жылы осындай 848 мекемеде ұжымдық шарттың толықтырылып, өзгеруіне байланыс­ты жалақы өсті. Бүгінгі күні тағы 23 кәсіпорында еңбекақыны көтеру бастамасы мақұлданып отыр.
<blockquote>
 «Өңірдегі 6 мыңнан астам мекеме мен кәсіпорында ұжымдық шарт тіркелсе, біз соның 17 процентінің ғана орындалуын бақылай аламыз. Әйтсе де, соңғы уақытта жұмысшылар тарапынан кәсіподақ құруға, ұжымдық шарт жасауға сұраныс артып келеді», – деді бірлестік төрағасы.
</blockquote>
Іргелі ұйымның ұсынысы қолдау тапса, ұжымдық шарттың болуы алдағы уақытта аудандар мен облыс орталығы әкімдерінің рейтингіне тікелей әсер етуі мүмкін. Сондай-ақ, Еңбек кодексіне өндірістік кеңес құру міндеттілігін көздейтін норма енгізу ұсынылып отыр. Өйткені өндірісте жазатайым оқиғаға ұшырайтындар аз емес. Былтырдың өзінде құрылыс басында – 7, энергетика саласында – 1, ауыл шаруашылығы мекемесінде – 1, басқа да бюджеттік мекемелерде 4 адам көз жұмған.

Жұмысшы құқығы басты назарда

<a href="https://kyzylorda-news.kz/">Kyzylorda-news.kz.</a> Қызылорда облысы аумағынан ағып жатқан Сырдария өзенінің жалпы ұзындығы 1 274 шақырымды құрайды. Оның 625 шақырымында дария деңгейіне қойылған қорғаныс бекеттері бар.
2020 жылдың 15 қаңтарында облысымызға секундына 480 текше метр, Қызылорда қаласына 340 текше метр су келіп түсуде. Бұл қалыпты жағдай болып саналады. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық жұмылдыру дайындығы басқармасының басшысы Асылбек Шәменов мәлімдеді.
<blockquote>
 «Облыс бойынша 56 су басу аймағы орналасқан. Оларға 126 мекеме жауапты болып бекітілді. Су тасқынына қарсы жұмыстарға пайдаланылатын материалдық-техникалық қорлар толық жасақталған. Су тасқыны кезеңінде халықты көшіруге арналған 84 эвакуациялық жинақтау және 101 қабылдау пункіттері дайындыққа келтірілген»,-деді Асылбек Өмірбекұлы.
 “Үстіміздегі жылдың 27 қаңтарынан бастап Жаңақорған ауданы мен Арал аудандары арасында дария деңгейін бақылауда ұстауға байланысты оқу-жаттығу өткізіледі. Қысқы-көктемгі маусымдағы дария деңгейін бақылауда ұстап тұруға 1081 адам, 361 техника, 75 су сору техникасы, 2 тікұшақ дайындалған.” – деді Қызылорда облысы ТЖД бастығының орынбасары Саид Молдақараев.
</blockquote>
Мамандардың айтуы бойынша Сырдария өзенінің қауіпті саналатын су деңгейінің шекті көлемі 1 метр 40 см құрайтын болса, қазіргі уақытта 97-77 см шекті көлемде. Сондықтан да дариядан келер қауіп жоқ. Өзендегі ахуал сала мамандарының қырағы бақылауында.
<img src="https://kyzylorda-news.kz/wp-content/uploads/2020/01/16ugroznet2.jpg" alt="" />
<img src="https://kyzylorda-news.kz/wp-content/uploads/2020/01/16ugroznet3.jpg" alt="" />

Дариядан келер қауіп жоқ

<a href="https://kyzylorda-news.kz/">Kyzylorda-news.kz.</a> Қазақстан Республикасы Сыбайлас жемқорлыққа қарсы іс-қимыл агенттігі Қызылорда облысы бойынша департаментінің ұсынысымен құрылған «Парасаттылық мектебінің» жетекшілері бас қосты.
Оған аймақтағы орта және жоғары оқу орындарының өкілдері, «Парасаттылық мектептерінің» жетекшілері қатысты.
Кездесу барысында Қорқыт ата атындағы Қызылорда мемлекеттік университеттің тәрбие жұмысы және жастар саясаты басқармасының басшысы Жандос Базартай университет жанынан құрылған «Парасаттылық мектебінің» жұмыс барысын баяндап, тәжірбиелерімен бөлісті.
Сонымен бірге, Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің&nbsp; Превенция және парасаттылық басқармасының&nbsp; басшысы Ғ.Әлімқұлованың жаһандану жағдайындағы ақпараттық технология үстемдік құрған қазіргі таңда жастардың бойында парасаттылық секілді ізгі қасиеттерді қалыптастыру басты міндеттердің бірі екенін атап өтті.
Шара соңында «Парасаттылық мектебінің» 2020 жылғы жұмыс жоспарын талқылап, алда қойылған міндеттерге жету үшін пікір алмасты.
<img src="https://kyzylorda-news.kz/wp-content/uploads/2020/01/16parasattylyk2.jpg" alt="" />
<img src="https://kyzylorda-news.kz/wp-content/uploads/2020/01/16parasattylyk3.jpg" alt="" />

Қызылордада «Парасаттылық мектебінің» жұмысы жалғасуда

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Түрлі деңгейдегі әкімдердің ел алдындағы есебі басталды. Елбасы бастамашы болған есеп беру кездесулерінде тұрғындар әкімдердің есебін тыңдап қана қоймай, ұсыныс-пікірлерін айтады. Қызылорда қаласының әкімі Нұрлыбек Нәлібаевтың биылғы есеп беру кездесуі Белкөл кентінен бастау алды. Кент тұрғындары алдында қала басшысы былтыр атқарылған жұмыстар жайлы баяндап, алдағы жоспарларды таныстырды.
Кенттегі әлеуметтік салада жүзеге асырылған жұмыстар нәтижесінде 2019 жылы 225 отбасыға (1026 тұрғынға) 121 млн. 316 мың теңге жаңа форматтағы АӘК төленді.
Кент бойынша “Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы” аясында 2019 жылы жаңадан 21 азамат кәсіп ашып, 45 тұрақты жұмыс орны ашылды. Қазірде кәсіпкерлер саны 162-ге өсті.
Өткен жылы кенттегі тұрғындар арасынан «2018-2020 жылдары жаппай кәсіпкерлікті дамытудың Жол картасы» аясында «Қызылорда өңірлік инвестиция орталығы» микроқаржы ұйымынан несие алып, жылқы, ірі қара мен ешкі шаруашылығын қолға алды.
Былтыр Белкөлде болған тағы бір жаңалық – “Байқоңыр әлеуметтік кәсіпкерлік корпорациясының” қолдауымен нарықтық бағадан 20-30 пайыз төмен бағамен сатылатын әлеуметтік дүкен ашылды.
Қала әкімі Н. Нәлібаев жыл көлемінде атқарылған ауқымды жобалар мен алдағы жоспарларға кеңінен тоқталды.
Халық сұранысын қанағаттандырып, әлеуметтік әлеуетін арттыру бағытында жасалған жұмыстарға халық лайықты бағасын берді.
Себебі, бір ғана Белкөл кентінде бұған дейін есепте көтерілген газ, су, жол мәселесі тиісті шешімін тапса, былтырғы жылы дәрігерлік амбулатория пайдалануға берілді.
Кенттегілер көп жылдардан бері көтеріп келе жатқан мәселенің бірі – теміржол өткелінен жаяу жүргіншілер үшін көпір салу болатын. Осыған байланысты жобалық-сметалық құжаттарын әзірлеуге бюджеттен 5,8 млн теңге бөлініп, жалпы құны 285 млн. теңге болатын ЖСҚ әзірленіп, мемлекеттік сараптамадан оң қорытынды алынды. Құрылыс жұмыстарына қаржы бөлуге облыстық бюджетке ұсыным берілді.
Қала әкімінің есеп беру кездесуінде соңғы жылдары қалыптасқан игі дәстүрге сәйкес, бірқатар қаржы институттары мен несиелік ұйымдар, мемлекеттік мекемелер ауыл тұрғындарына арнайы түсіндірме жұмыстарын жүргізіп, мемлекеттік бағдарламалар туралы ақпарат ұсынды.
Кездесу еркін форматта өтті. Тұрғындар көше жарығына көңіл бөлуді сұрады. Қала әкімі әрбір сұрақты мұқият тыңдап, тиісті сала мамандарына тапсырма берді.
<img src="https://kyzylorda-news.kz/wp-content/uploads/2020/01/16gorakim2.jpg" alt="" />
<img src="https://kyzylorda-news.kz/wp-content/uploads/2020/01/16gorakim3.jpg" alt="" />

Қызылорда қаласы әкімінің есебі басталды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Арал ауданының әкімі Мұхтар Оразбаев Ақбасты елді мекеніндегі сапары барысында жаңадан іске қосылған «Көкарал» балық консервілеу цехының жұмысымен танысты.
Халыққа сапалы балық консервілерін ұсынуды мақсат етіп, шалғай ауылдан осындай тың бастама көтерген кәсіп иесіне аудан басшысы ризашылығын білдіріп, табыс тіледі.
Ауыл азаматы Ернар Құлжанов өз бастамасын жүзеге асыру бағытында 600 мың теңге қайтарымсыз несиеге қол жеткізген болатын. Бүгінде толықтай іске қосылған цехтан күніне 40 дана консерві шығарылады деп жоспарлануда. Сонымен қатар, қосымша екі адам жұмыспен қамтылатын болады.
Атап өту қажет, бүгінде аудан бойынша балық өнімдерінің 13 түрі шығарылып, жылдық қуаты 20 мың тоннаға жуық 8 балық өңдеу зауыты тұрақты жұмыс істеп тұр.
<img src="https://kyzylorda-news.kz/wp-content/uploads/2020/01/16aralbalyk2.jpg" alt="" />
<img src="https://kyzylorda-news.kz/wp-content/uploads/2020/01/16aralbalyk3.jpg" alt="" />

Аралда «Көкарал» балық консервілеу цехы іске қосылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов Сырдария ауданында жұмыс сапарымен болып, 13 елдімекеннің тұрғындарымен кездесті. Айдарлы ауылындағы емхананың жұмысымен танысқан өңір басшысы, ауылдық клуб үйінде тұрғындардың өтініш- тілектерін тыңдады.
Айдарлы ауылының тұрғындары ескі емхананы жаңарту мен бөбекжайға баратын балалардың саны артуына байланысты балабақшаға қосымша екі топ ашылса деген тілектерін жеткізді. Аймақ басшысы ескі емхананы жаңарту жұмыстары қолға алынатындығын айтты.
Мұнан кейін облыс әкімі Қуанышбек Досмайылұлы Жетікөл, Аманкелді, Қоғалыкөл, Шіркейліде болып, Бесарық ауылдық округіндегі “Абай Дәулет” ЖШС жүргізіп отырған шаруашылықтың жұмысымен танысып, тұрғындармен кездесті. Қуанышбек Досмайылұлы ауылда кәсібін жүргізіп қана қоймай, елдімекен тұрғындарын жұмыспен қамтып,ауылды көркейтуге атсалысып отырған шаруашылық иелеріне ризашылығын жеткізді. Облыс әкімімен кездесуде Жетікөл ауылының тұрғындары ауыл ішілік жол мен ауыз су құбырларын үйге тарту мәселесін көтерсе, аманкелділіктер көнерген электр бағаналарын жаңартуды сұрады.
Облыстық жолаушылар көлігі және автомобиль жолдары басқармасының басшысы Ержан Әбдіқалықов аталған көшелердегі жөндеу жұмыстары ағымдағы жылы жүргізілетіндігін айтты.
<blockquote>
 “Облыстық бюджеттен бөлінген 215 млн теңге қаржыға Бесарық ауылына кіреберіс жолды жөндеу жұмыстары қыркүйек, қазан айларында толығымен аяқталады. Әуежайдан бастап Қоғалыкөл мен Шіркейлі ауылдарына дейінгі жолға республикалық бюджеттен 380 млн теңге бөлініп, жөндеу жұмыстары басталды. Жауапты мердігер мекеме “Қыран” ЖШС. Ал «Айдарлы-Тартоғай» тас жолын биыл сәуір айында ағымдағы жөндеу жұмыстары арқылы қалпына келтіреміз”, – деді Е.Әбдіқалықов.
</blockquote>
Н.Ілиясов ауылдық округіндегі «Абзал и К» толық серіктестігінің тұқым зауытының жұмысымен танысқан аймақ басшысы Шаған, Іңкәрдария, Ақжарма, Қалжан ахун, С.Сейфуллин, А.Тоқмағамбетов ауылдық округтерінің де тұрғындармен кездесті. Ауылдардағы тұрғындар көтерген басты мәселе: жаңадан дәрігерлік амбулатория салу, ауыл ішілік жолдарды жөндеу мен жарықтандыру, «Ескі Бостандық» каналына тазарту жұмыстарын жүргізу.Аймақ басшысы аталған мәселелер бюджеттік жоспарға сай шешіледі деді.
<img src="https://kyzylorda-news.kz/wp-content/uploads/2020/01/16akimatsyrdariya2.jpg" alt="" />
<img src="https://kyzylorda-news.kz/wp-content/uploads/2020/01/16akimatsyrdariya3.jpg" alt="" />

Аймақ басшысы Сырдария ауданында болды

<a href="https://kyzylorda-news.kz/">Kyzylorda-news.kz.</a> Бүгін Қазақстанның жүзге жуық тестілеу пунктінде Ұлттық бірыңғай тестілеудің алғашқы кезеңі басталды, деп хабарлайды <a href="https://www.inform.kz/kz/kazakstanda-ulttyk-biryngay-testileu-bastaldy_a3604086">ҚазАқпарат</a>.
2020 жылдың 16-20 қаңтары аралығында 95 мыңнан астам үміткер ҰБТ тапсырады.
Айта кетейік, жоғары оқу орнына ақылы негізде түсу үшін ҰБТ жылына 4 рет өткізіледі (қаңтар, наурыз, маусым және тамыз). Бұл ретте, оқуға түсушілер білім гранты конкурсына қатысу үшін маусым айында өтетін ҰБТ-ны тапсыруы қажет. Жалпы, Ұлттық бірыңғай тестілеуді тапсыру форматы өзгерген жоқ. Бұл норма жоғары білім алуға қолжетімділікті арттыру мақсатында енгізілді.
ҰБТ-ға қатысу үшін құжаттар 2019 жылы 1-15 желтоқсан аралығында бірыңғай ақпараттық жүйе арқылы қабылданды. Нәтижесінде, ҰБТ-ға қатысуға 95 мыңнан астам адам өтініш берді. Оның ішінде 75 520 оқушы тестілеуді қазақ тілінде, 22 744 бала – орыс тілінде және 176 бала ағылшын тілінде тапсырады.
Санаттар бойынша, 90 808 бала – 11 (12) сыныпта оқиды және былтырғы тестілеуден өтпеген, ЖОО-ға шартты түрде қабылданған 2 701 үміткер бар. Одан бөлек, шығармашылық дайындықты талап ететін, өзге білім беру бағдарламасына ауысқысы келетін 1-2-інші курстағы 1 841 студент бар.
ҰБТ-да 820 аудитория пайдаланылады. Барлық аудиториялар ұялы байланыс құралдарының жұмысын бұғаттайтын құралдармен және бейнебақылау камераларымен қамтамасыз етілген. Тыйым салынған заттар табылған үміткер ҰБТ-ға кіргізілмейді және акт арқылы ғимараттан шығарылады.
Өңірлерге ҚР Білім және ғылым министрлігінің 447 өкілі жіберіледі, апелляциялық комиссиялар құрылады, медициналық көмек көрсету бекеттері ұйымдастырылады және тестілеу барысындағы қауіпсіздік қамтамасыз етіледі. Бұдан бөлек, қажет болған жағдайда жеке көмекшілер, сондай-ақ ерекше білім беру қажеттілігі бар балаларға арналған сурдоаудармашылар ұсынылады.
Жергілікті жерлерде ҰБТ ұйымдастыру және өткізу бойынша Мемлекеттік комиссиялар құрылды. Мемлекеттік комиссия құрамына облыстар немесе республикалық маңызы бар қалалар әкімдіктерінің өкілдері, құқық қорғау органдарының, қоғамдық ұйымдардың, бұқаралық ақпарат құралдарының өкілдері кірді.

Қазақстанда Ұлттық бірыңғай тестілеу басталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Қазгидромет» РМК қаңтардың 16-на арналған ауа райы болжамын жария етті.
Кәсіпорын таратқан мәліметтерге қарағанда, қаңтардың 16-сы күні Кар теңізінің аймағынан жылжыған циклонның әсерінен республиканың басым бөлігінде жаңбыр мен қар жауады. Қазақстаның батысында ғана күн жауын-шашынсыз болады. Республиканың бірқатар аумағында тұман түссе, кей жерлерінде көктайғақ болып, қатты жел тұрады, тағы бір өңірлерде бұрқасын болады.
Қостанай, Солтүстік Қазақстан, Ақмола облыстарының кей жерлерінде бұрқасын болып, түнде кей жерлерде жел секундына 15-20 метр жылдамдықпен соғады. Күндіз желдің жылдамдығы секундына 15-20 метр болса, екпіні 23-28 метрге жетеді. Қостанай облысының кей жерлерінде тұман түсуі мүмкін.
Жамбыл, Түркістан облыстарының бірқатар аумақтарында тұман түсіп, көктайғақ, бұрқасын болады. Түнде және таңертең кей жерлерде жел 15-20 м/с жылдамдықпен ұйтқиды.
Батыс Қазақстан облысының кей жерлерінде тұман түседі деген болжам бар. Күндіз өңірдің кей жерлерінде жел 15-20 м/с жылдамдықпен соғады.
Қарағанды облысының кей жерлерінде тұман түсіп, көктайғақ, бұрқасын болады. Күндіз желдің жылдамдығы 15-20 м/с-ке жетеді.
Павлодар, Шығыс Қазақстан облыстарының, күндіз Ақтөбе облысының бірқатар өңірлерінде жел 15-20 м/с жылдамдықпен соғады. Кей жерлерде бұрқасын болуы ықтимал.
Алматы, Қызылорда, Манғыстау, Атырау облыстарының кей жерлерінде тұман түсіп, Алматы Қызылорда облыстарының бірқатар аумақтарында көктайғақ болады.

Қазгидромет: Қаңтардың 16-на арналған ауа райы болжамы

Халықаралық «The Beatles» күні 
Бүкіл әлемге танымал ливерпульдік «Битлз» тобының күні ЮНЕСКО-ның шешімімен 2001 жылдан бері аталып өтіледі.
1992 жылы Швеция Корольдігі Қазақстан Республикасының тәуелсіздігін мойындады. 1993 жылы Қазақстан Республикасының Мемлекеттік шекарасын қорғау саласындағы қоғамдық қатынастарды реттейтін «Қазақстан Республикасының Мемлекеттік шекарасы туралы» Заңы қабылданды.
2008 жылы Алматыдағы ҚР Ғылым академиясы ғимаратының алдында ғұлама ғалым, академик Әлкей Марғұлан ескерткішінің ашылу салтанаты болды. Әлкей Марғұлан – біртуар, қайталанбас тұлға. Әсіресе, оның еліміздің тарихына, көне дәуірді зерттеу мен этнографияны дамытуға қосқан үлесі ұшан-теңіз.
2013 жылы Қазақстан Республикасының Швеция Корольдігімен дипломатиялық қатынастарын нығайту мақсатында Мемлекет басшысы «Швеция Корольдігінде Қазақстан Республикасының Елшілігін ашу туралы» Жарлыққа қол қойды.

Қазақстан және Қызылорда облысының жаңалықтары