<a href="https://kyzylorda-news.kz/">Kyzylorda-news.kz.</a> Қызылорда облысында сібір жарасы (күйдіргі) ауруына стационарлық қолайсыз 55 нүкте мен аурудың 60 топырақтық ошағы тіркелген. Бұл сала мамандарын алаңдатып отыр, деп хабарлайды <a href="http://lenta.inform.kz/kz/kyzylordada-kuydirgi-auruynyn-60-oshagy-bar_a3596137">ҚазАқпарат</a> тілшісі.
Айта кетерлігі, күйдіргі Қызылорда облысында соңғы рет 2008 жылы тіркелген. Одан бері адамдар мен ауыл шаруашылығы жануарлары арасында сібір жарасына қатысты күдікті жағдай орын алған жоқ.
<blockquote>
 «Бүгінгі күнге дейін аталмыш ауруға қарсы егілуге тиіс деп жоспарланған адамдарға қаржы бөлінбей келді. Соған байланысты вакцинациялау жүргізілмеді. Алайда, елімізде соңғы 2 жылда күйдіргі ауруы бойынша эпидемиологиялық-эпизоотологиялық ахуал күрделенді. Бұл бағытта Қызылорда облысының тауарлар мен қызметтердің сапасы мен қауіпсіздігін бақылау департаменті мамандары тиісті орындарға мәселе көтерді. Нәтижесінде жергілікті атқарушы органдар тарапынан тиісті қаржы бөлініп, оған 2250 доза вакцина сатып алынды», – деп мәлім етті Қызылорда облысының тауарлар мен қызметтердің сапасы мен қауіпсіздігін бақылау департаменті басшысының орынбасары Әлия Әбдіқайымова.
</blockquote>
Басқарма басшысының айтуынша, заңнамаға сәйкес 2020 жылдың сәуір-мамыр айларында індеттің эпидмаусымы алдында егілуге тиісті контингентке екпе салынады.
<blockquote>
 «Күйдіргіге қарсы жоспарлы вакцина кімдерге салынады? Біріншіден, халықтың санитариялық-эпидемиологиялық саулығы саласында, денсаулық сақтау, ветеринария саласында қызмет ететін органдар мен ұйымдардың мамандары және күйдіргі ошақтарында, күйдіргі қоздырғышын жұқтыру күдігі бар материалмен жұмыс істейтін және күйдіргі қоздырғышына сынама алатын, зерттеуді жүргізетін зертхана мамандарына салынады. Екіншіден, вакцинамен жануарларды, жануардан алынатын өнімдер мен шикізат дайындау (сою), сақтау, қайта өңдеу және өткізуді жүзеге асыратын ет өңдеу кәсіпорындарының, мал соятын пунктілердің, мал соятын алаңдардың және ішкі сауда объектілерінің жұмыскерлері қамтылады. Мұндай шаралар мал сою, стационарлық-қолайсыз нүктелер аумағынан әкелінген жануардан алынатын өнімдер мен шикізатты жинау, сақтау, тасымалдау және алғашқы өңдеумен айналысатын адамдар арасында да атқарылады», – деді Әлия Әбдіқайымова.
</blockquote>

Қызылордада күйдіргі ауруының 60 ошағы бар

<a href="https://kaz.nur.kz/1831773-2019-zyly-zetistikke-zetip-el-abyrojyn-ktergen-kazak-zastary-kimder.html?fbclid=IwAR16NYS72qYcQyzcUctbVebB7tTSnnLg5K6WG3Tw42lR4jb0a8W6gt2tRos">Kyzylorda-news.kz.</a> 2019 жылы Қазақстан үшін, әсіресе ел абыройын шетелдерде асқақтатқан жастар үшін табысты жыл болды. Олардың кейбірі ән байқауында жеңімпаз атанса, енді бірінің спортта бағы жанды.&nbsp;<a href="https://kaz.nur.kz/1831773-2019-zyly-zetistikke-zetip-el-abyrojyn-ktergen-kazak-zastary-kimder.html?fbclid=IwAR16NYS72qYcQyzcUctbVebB7tTSnnLg5K6WG3Tw42lR4jb0a8W6gt2tRos">KAZ.NUR.KZ</a>&nbsp;назарларыңызға биылғы жылы жетістікке жеткен қазақ жастары туралы материалды ұсынады.
<img src="https://kyzylorda-news.kz/wp-content/uploads/2019/12/19zhastarzhetistik2.jpg" alt="" />
Әлемді аузына қаратып, күллі АҚШ жұртшылығының алдында өнер көрсеткен&nbsp;Димаш&nbsp;Құдайбергеннің Нью-Йорктегі концертін Қазақстан жұртшылығы жарыса айтып жүр.
Жерлестерінің жетістігіне қуанған халық Димашқа аямай ақ тілегін жолдап, жылы лебіздерін әлі күнге дейін жаудырып жатыр.
“Arnau tour ENVOY” деп аталған концерт&nbsp;АҚШ-та аншлагпен өтіп, көрермендердің көптігінен залда ине шаншар орын болмаған еді.
<img src="https://kyzylorda-news.kz/wp-content/uploads/2019/12/19zhastarzhetistik3.jpg" alt="" />
Қазақ елінің мәртебесін байрақты бәсекеде тағы да асқақтатқан жас талант –&nbsp;Ержан Максим&nbsp;болды. Кішкентай әнші Польшада өткен “Балалар Евродиниесі” байқауына қатысып,&nbsp;екінші орын алған еді.
Ақтық сында әнші Польша қатысушысына жол берді. Десе де қазақ көрермені оның бұл жетістігіне жоғары баға берді.
<img src="https://kyzylorda-news.kz/wp-content/uploads/2019/12/19zhastarzhetistik4.jpg" alt="" />
Қазақстан халқын тағы&nbsp;бір жеңісімен қуантқан&nbsp;келесі талантты жас –&nbsp;Данэлия Төлешова.
Ол биыл “Еуразия халықаралық премиясының” лауреаты атанып, “Вокал” номинациясы бойынша үздік деп танылған еді.
Бір қызығы, жерлесіміз әлем бойынша аталмыш премияны алған алғашқы жеткіншек болып отыр.
<img src="https://kyzylorda-news.kz/wp-content/uploads/2019/12/19zhastarzhetistik5.jpg" alt="" />
2019 жылы бокстан өткен әлем чемпионатында бағы жанған Бекзат Нұрдәулетов үшін биылғы жыл табысты болды деп айтуға болады.
Ақтаулық боксшы бокстан Қазақстан құрамасына жалғыз алтын медальді әперіп, ел мәртебесін өсірген еді. Танымал боксшы мамандар Бекзаттың болашағынан зор үміт күтіп отыр.
<img src="https://kyzylorda-news.kz/wp-content/uploads/2019/12/19zhastarzhetistik6.jpg" alt="" />
2019 жылдың наурыз айында Қазақстан халқының абыройын асқақтатқан тағы бір спортшы қыз –&nbsp;мәнерлеп сырғанаушы Элизабет Тұрсынбаева.
Ол вице-чемпион атанып, қазақстандықтар үшін күтпеген тосынсый жасаған еді. Жас спортшы биыл осы жетістігі үшін “Дарын” жастар сыйлығын иеленді.

2019 жылы жетістікке жетіп, ел абыройын көтерген қазақ жастары кімдер?

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Ә.Тәжібаев атындағы облыстық әмбебап кітапханасында «Ақмешітін жырласын ақындарың» атты жас ақындар мүшәйрасы өтті.
&nbsp;Қала әкімдігінің ұйымдастыруымен болған жыр додасында 8 ақын бақ сынады. Іріктеу кезеңінде 20-дан аса ақыннан шығарма түскенмен мүшәйраның талабына сәйкес келетін 8 ақын таңдалып, қорытынды кешке жолдама алды.
Қатысушылар екі кезең бойынша сайысқа түсті. Алғашқы кезеңде туған жерге арналған жалынды жырлар оқылса, екінші айналымда ақындар еркін тақырыптағы туындысын ел назарына ұсынды. Әрбір жас ақын өзін жаңа қырынан көрсетуге, жарыс талабының үдесінен шығуға талпынды.
Поэзия кешіне «Әлімсақ» журналының редакторы Нұрлан Көбегенұлы, ақын Толқын Қабылша және көптеген республикалық мүшәйралардың жеңімпазы Ұлықбек Бекұзақұлы қазылық етіп, лайықты бағасын берді. Мүшәйра қортындысы бойынша І орынды Айдар Сайлауов иеленді. ІІ орынды Ақтілек Бітімбай алды. Ал ІІІ орынға Бексұлтан Орынбасаров табан тіреді. Қалған қатысушыларға ынталандыру сыйлығы табысталды. Сөз соңында қалалық ішкі саясат бөлімінің басшысы Руслан Қаюпов осы жыр аламанындағы барлық өлең жинақталып, кітап болып шығатынын сүйіншіледі.

Қызылордада жас ақындар мүшайрасы өтті

<a href="https://kyzylorda-news.kz/">Kyzylorda-news.kz.</a> Ұлттық сараптама орталығы өнімдерінде антибиотик қолданатын кәсіпорындарды атады, деп хабарлайды <a href="http://lenta.inform.kz/kz/ulttyk-saraptama-ortalygy-onimderinen-antibiotik-tabylgan-kasiporyndardy-atady_a3596003">ҚазАқпарат</a>. &nbsp;
ҚР Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетіне қарасты Ұлттық сараптама орталығының зертханалары тамақ өнімдерінің сапасы мен қауіпсіздігін қамтамасыз ету мақсатында 2019 жылдың 9 айында антибиотик қалдығын анықтау үшін шамамен 5 757 зерттеу жүргізген.
<blockquote>
 «Оның ішінде, хлорамфеникол препараты табылған, антибиотиктердің шекті рұқсат етілген концентрациясының артып кеткен 11 жағдайы анықталды. Зерттеуде қазақстандықтың негізгі рационына кіретін өнімдер қамтылды. Атап айтқанда, сүт және сүт өнімдері, құс еті, ет және ет өнімдері, құс жұмыртқасы және өзге де азық-түлік тауарлары», делінген хабарламада.
</blockquote>
Зерттеу нәтижелері бойынша, тамақ өнімдерінің қауіпсіздігін және Кеден одағының техникалық регламенттерінің талаптарына сәйкестігін бұзушылар қатарына келесі өнімдер кірді:
Бекон «Здоровая ферма», пісірілген-ысталған ет өнімі, өндіруші: «Здоровая Ферма Деликатесы» ЖШҚ, Ресей Федерациясы; Сорпа үшін жиынтық, бройлер балапандары етінен жасалған мұздатылған жартылай фабрикат, өндіруші: «Агрофирма Боровская» ЖАҚ, РФ; Бройлер балапандары етінен жасалған жартылай фабрикаттар, өндіруші: «Уральская мясная компания» ЖШҚ, РФ; «Достойный выбор» котлет фаршы, өндіруші: «Фининвест» ЖШҚ, РФ; Бройлер балапандарының тұтас еті, өндіруші: «Птицефабрика Среднеуральская» ЖШҚ, РФ; «Балтийская» ветчинасы, өндіруші: «Кудряшов мясокомбинат» ЖШҚ, РФ; «Фантазия» шошқа етінен жасалған орамасы, өндіруші: «Советский» ет комбинаты ЖАҚ, РФ; Бройлер балапандары етінен жасалған субөнімдері, өндіруші: «Алтайский Бройлер» АҚ, РФ; «Кавказский» мұздатылған кәуабы, өндіруші: «Омский Бекон» АҚ, РФ;
«Мұсылман» пісірілген шұжықтық өнімдер, өндіруші: ЖШС «Жайық Агро LTD», Қазақстан Республикасы.
<blockquote>
 «Бүгінгі таңда тыйымға қарамастан, хлорамфеникол ветеринарлық тәжірибеде жануарларды емдеу үшін ғана емес, олардың өсуін ынталандыру үшін де кеңінен қолданылады. Антибиотик адам ағзасына тағаммен түскен сәтте, микроорганизмдердің бактерияға қарсы препараттарға сезімталдығын төмендетеді, бұл өз кезегінде жұқпалы ауруларды емдеуді қиындатады», делінген хабарламада.
</blockquote>
Бұдан бөлек, микробқа қарсы препараттар көбінесе асқазан-ішек жолының табиғи микрофлорасын тежейді, иммунитеттің төмендеуіне және аллергиялық аурулардың дамуына септігін тигізеді.

Ұлттық сараптама орталығы өнімдерінен антибиотик табылған кәсіпорындарды атады

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақстан Жазушылар одағының Қызылорда облыстық филиалының төрағасы, Қазақстан Журналистер одағының мүшесі, белгілі тележурналист, ақын Қаршыға Есімсейітованың 60 жасқа толуына арналған «Менің әлемім» атты шығармашылық кеші өтеді.
Қаршыға Есімсейітова «Қазақстан пионері» (қазіргі «Ұлан») газетінде, «Қазақстан мектебі» журналында, Республикалық халық &nbsp;шығармашылығы орталығында, Қазақ радиосының балалар мен жастар редакциясында қызмет еткен. Қазір &nbsp;«Қазақстан – Қызылорда» телеарнасының редакторы. «Таңбалы тас», «Қорқыт», «Мұстафа Шоқай», «Сыр &nbsp;өңірінің тұлғалары» атты сериялы деректі фильмдердің авторы. Республика баспасөзінде өлеңдері 1978 жылы &nbsp;тұңғыш жарияланды.
&nbsp;1986 жылы «Қарлығаш» ұжымдық жинағына өлеңдері енген. 1994 жылы «Аңсаған атамекенім» атты кітабы &nbsp;жарық көрді. 1997 жылы Журналистика саласындағы еңбегі үшін Журналистика академиясының «Алтын &nbsp;жұлдызын» иеленген. Ақынның кеші Н.Бекежанов атындағы қазақ музыкалық академиялық драма театрында 20 желтоқсан сағат 17:00-де өтеді.

Қызылордада ақын Қаршыға Есімсейітованың шығармашылық кеші өтеді

<a href="https://kyzylorda-news.kz/">Kyzylorda-news.kz.</a> Сыртқы істер министрлігі Қазақстанды Тәуелсіздік күнімен құттықтау акциясы ақылы болғаны туралы ақпараттың жалған екенін айтты. СІМ ресми өкілінің айтуынша, мұндай тәжірибе бірінші рет болып тұрған жоқ, деп хабарлайды <a href="http://lenta.inform.kz/kz/burzh-halifa-kabyrgasynda-kazakstan-tuyn-beyneleu-ushin-aky-tolengen-zhok-sim_a3595750">ҚазАқпарат</a>.
<blockquote>
 «Кеше Дубайдағы Бурж Халифаның қасбетін Қазақстан туының түсіне бояу үшін ақы төленді деген ақпарат болды. Шын мәнінде, бастама Дубай әмірлігіне тиесілі. Бұл – тегін акция. Бұл тәжірибе бұрыннан бар. Қазақстанға дейін Өзбекстан, Түрікменстан, Ресей, Беларусь және басқа елдердің жалауы бейнеленген. Сол күні қабырға Бахрейн туы түсімен боялды», – деді ҚР СІМ ресми өкілі Айбек Смадияров.
</blockquote>
Оның айтуынша, ҚР Сыртқы істер министрлігі 16 желтоқсан күні мейраммен осылай құттықтау үшін ақы төледі деген – жалған ақпарат.
<blockquote>
 «Мен мұндай ақпарат тарататын блогерлер мен журналистерді ар-ұятты сақтауға шақырамын. Ақпараттың рас-өтірігіне көз жеткізбей тұрып тарату – олардың ақыл-ойының тарлығын және ақпараттық саясатқа қалай қарайтынын білдіреді», – дейді СІМ өкілі.
</blockquote>

Бурж Халифа қабырғасында Қазақстан туын бейнелеу үшін ақы төленген жоқ

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Білім гранты орташа алғанда 340-420 мыңнан 900 мың теңгеге дейін өсіріледі. Бұл туралы Үкімет отырысында ҚР Білім және ғылым министрі Асхат Аймағамбетов мәлімдеді.
<blockquote>
 «Жас маман» жобасы бойынша 180 колледждің материалдық-техникалық базасы жаңартылады. Ол үшін бюджеттен 58 млрд теңге қарастырылды. Тегін кәсіби техникалық білім бағдарламасымен жыл сайын 100 мың студентті қамтитын боламыз. Ал дуалды оқумен қамтылған студенттердің саны 35 пайызға жетеді. Колледж студенттерін жұмысқа орналастыру көрсеткіші 60-тан 75 пайызға дейін жететін болады. Жоғары білім бағдарламаларын кәсіби стандарттарға негіздеп, 100 пайыз жаңарту міндеті тұр. Шетел студенттерінің саны жалпы контигенттің 10 пайызын құрайтын болады. Білім гранттарын орташа алғанда 340-420 мыңнан 900 мың теңгеге дейін өсіру арқылы профессорлық-оқытушылық құрамның еңбекақысын көтеру, университеттердің материалдық базасын жақсарту қарастырылып отыр. Бұл көптен күткен жаңалық. Шыны керек 2011 жылдан бастап грант құны жалпы өзгермеген. Осыған бюджеттен 244 млн теңге қарастырылды«, – деді 2025 жылға дейін Қазақстанда білім мен ғылымды дамытудың мемлекеттік бағдарламасын таныстырған Асхат Аймағамбетов.
</blockquote>
Оның айтуынша, 10 университетте академиялық басымдық орталықтарын құру үшін 21 млрд теңге бөлініп, 10 университет әлемнің үздік 500 университетінің қатарына кіретін болады.
<blockquote>
 «Бұған қоса ҰБТ тапсыру электронды форматқа көшіріледі. Гранттардың бірнеше түрі енгізіліп, жоғары оқу орнының қолжетімділігі, ашықтығы қамтамасыз етілді. Сонымен қатар 2025 жылға дейін 90 мың орынға арналған жатақхана алынады. Педагогика мамандарын дайындайтын университеттер саны бүгінгі күні – 85. Осы университеттер бойынша біз қосымша талап қойып, оның санын әлдеқайда азайтып, материалдық базасын нығайтамыз. Бізге педагогтерді дайындау өте маңызды мәселе», – деді министр.
</blockquote>

ҰБТ тапсыру электронды форматқа көшіріледі

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бұл туралы қала әкімдігінің баспасөз орталығында өткен брифингте Талсуат ауылдық округінің әкімі Болатбек Нұрлыбаев мәлімдеді.
Биыл Талсуат ауылдық округінде орналасқан №178 білім ордасының 90 жылдығына орай «Дария жағасындағы ауыл» атты кітап жарық көрді. Кітапта мектептің тарихы, мектептен түлеп ұшқан шәкірттер туралы мол мәлімет қамтылған.
Брифинг барысында ауыл әкімі ауылдағы бірқатар атқарылған жұмыстарға тоқталып өтті. Ауылдағы мемлекеттік «Заңғар» балабақшасында көркейту-көгалдандыру жұмыстары жоғары деңгейде жүргізіліп, көктемде үнемделген қаражат есебінен әртүрлі іс-шаралар өткізетін жаздық шатыр мен су бұрқағының (фонтан) құрылысы жүргізілген.
<blockquote>
 «Елді мекенде № 5 қалалық емханаға қарасты Талсуат ауылдық дәрігерлік амбулаториясы халыққа қызмет көрсетуде. Ауылдық дәрігерлік амбулаторияның медициналық қызмет көрсету аймағына Талсуат, Геолог, 10-11 бекет және «Дружба», «Строитель», «Ягодка», «Пищевик» саяжайлары қамтылған. Бүгінгі күні, ауылдық округте өсімдік шаруашылығы 1, мал шаруашылығы бойынша 4 шаруа қожалығы, 1 ауылшаруашылық өндірістік кооперативі, 20 мал шаруашылығы тіркеліп, осы мерзімге ауыл бойынша 9 тонна ет, 7 тонна сүт өнімдерін өндірді. Ауылда жыл басынан жаңадан 20 кәсіпкерлік субъекті тіркеліп, 14 жаңа жұмыс орны ашылды. Осылайша тіркелген кәсіпкерлік нысандары 94 %&nbsp; құрап, өткен жылмен салыстырғанда 21,3 %- ға өсім алған», – дейді ауыл әкімі.
</blockquote>
2016 жылдан бастап Талсуат ауылдық округінде 500-ге жуық тұрғын үй және облыстық деңгейдегі маңызды 3 әлеуметтік нысан табиғи газбен қамтылған.
<img src="https://kyzylorda-news.kz/wp-content/uploads/2019/12/19dariyaaul2.jpg" alt="" />

Қызылордада Талсуат ауылы туралы кітап жарық көрді

<a href="https://kyzylorda-news.kz/">Kyzylorda-news.kz.</a> 2021 жылдан бастап аудандық білім бөлімдерін басқару облыстық деңгейге ауысады. Бұл туралы Үкімет отырысында ҚР Білім және ғылым министрі Асхат Аймағамбетов мәлімдеді.
<blockquote>
 «Білім беруді басқару, қаржыландыру да өте өзекті проблемалардың бірі. Осыған орай 2021 жылдан бастап аудандық білім бөлімдерін басқару облыстық деңгейге ауысады. Қаржыландыру да облыстық деңгейге көтерілетін болады. Ол өңірлер мен мекемелер арасындағы білім алшақтығын азайтуға, жеткілікті деңгейде қаржыландыруға бағытталады», – деді 2025 жылға дейін Қазақстанда білім мен ғылымды дамытудың мемлекеттік бағдарламасын таныстырған Асхат Аймағамбетов.
</blockquote>
Сонымен қатар министр кейінгі кездері білім беру мекемелерінің басшыларын тағайындау тәртібіне қатысты сұрақтар көбейіп отырғанын айтты.
<blockquote>
 «Мысалы бірқатар ұйым басшысы 20 жылдан астам уақыттан бері бір орында жұмыс атқаруда. Басқару менеджменті бойынша да бүгінгі күні шынын айту керек, сұрақтар көп және бұл мәселе сын көтермейді. Сондықтан балабақша, мектеп, колледж директорларын жаңа жүйеде тағайындайтын боламыз. Оған қоса, алдағы уақытта ротациялау арқылы ауыстыру жүйесін де қолданамыз. Заманауи талаптарға сәйкес дербес басқарудан корпоративті басқаруға білім саласы да көшетін болады», – деді ол.
</blockquote>

Қазақстанда мектеп директорлары жаңа жүйемен тағайындалады

<a href="https://kyzylorda-news.kz/">Kyzylorda-news.kz.</a> Парламент Мәжілісінің жалпы отырысында «2004 жылғы 22 желтоқсандағы ҚР Үкіметі мен РФ Үкіметі арасындағы «Байқоңыр» ғарыш айлағында «Бәйтерек» ғарыш зымыран кешенін құру туралы келісімге өзгерістер мен толықтырулар енгізу туралы хаттаманы ратификациялау турал» заң жобасы мақұлданды, деп хабарлайды <a href="https://www.inform.kz/kz/baykonyr-kesheninde-kanday-kurylys-zhumystary-zhuredi_a3595559">ҚазАқпарат</a>.
<blockquote>
 «Заң жобасы «Бәйтерек» жобасын іске асырудың негізгі шарттарын өзектендіруді көздейді. Алғашында жобаны «Ангара» ресейлік зымыранның негізінде іске асыру жоспарланған болатын. Бірақ, «Ангара» зымыраны уақытында дайын болмағандықтан, Тараптар жобаны іске асырудың көптеген әртүрлі нұсқаларын қарастырып, талдау жасады. Мәселені қосымша пысықтаудың нәтижесінде Тараптар жобаны «Союз-5» зымыраны негізінде іске асыруды шешті. Жалпы алғанда, Ресей Федерациясы зымыранды жасау үшін жауап береді, ал біз жерүсті инфрақұрылымы үшін жауап береміз», – деп тоқталды ҚР Цифрлық даму, инновациялар және аэроғарыш өнеркәсібі министрі Асқар Жұмағалиев.
</blockquote>
Оның сөзіне қарағанда, осы жобада Ресей тарапы «Союз-5» зымыранды, техникалық және старттық кешендерінде бақылау-тексеру жабдықтарын құруды, сондай-ақ үдемелі блоктың техникалық кешенін, ғарыш аппаратын және ғарыштық бастиек бөлігін жаңғыртуды қамтамасыз етеді. Осы жұмыстар 916 млн АҚШ доллары сомасында бағаланды. Жаңғырту мақсатында 2018 жылы «Байқоңыр» айлағының 42,43 және 45-ші алаңдарында орналасқан «Зенит-М» кешенінің 243 нысаны Қазақстан тарапына берілді.
<blockquote>
 «Қазақстан тарапы «Зенит-М» кешенінің жерүсті инфрақұрылымы нысандарын қайта жаңарту мен жаңғыртуды жасайды. Старттық және техникалық кешендерді жаңғырту, жұмыс істеп тұрғандарын күрделі жөндеу және қайта жаңарту, сондай-ақ жерүсті ғарыш инфрақұрылымының жаңа объектілерін салу жұмыстары жүргізілетін болады. Осы жұмыстар 233 млн АҚШ долларымен бағаланады. Жерүсті кешенін жаңғырту және құрылыс жұмыстары кезінде қазақстандық компанияларды барынша тарту жоспарланады, ол қосымша жұмыс орындарын береді. «Бәйтерек» ғарыш зымыран кешенін іске қосу – «Байқоңырды» ең белсеңді ғарыш айлағы ретінде сақтауға мүмкіндік береді. Заң жобасын қабылдау Қазақстан Республикасының қолданыстағы заңнамасына қайшы келмейді, сондай-ақ Қазақстан Республикасы мен Ресей Федерациясы арасындағы «Байқоңыр» кешені бойынша стратегиялық әріптестік пен екіжақты ынтымақтастықты одан әрі нығайтуға ықпал етеді», – деді Асқар Жұмағалиев.
</blockquote>

«Байқоңыр» кешенінде қандай құрылыс жұмыстары жүреді?

<a href="https://kyzylorda-news.kz/">Kyzylorda-news.kz.</a> «Мемлекеттік аудит және қаржылық бақылау туралы» Қазақстан Республикасының 2015 жылғы 12 қарашадағы Заңының 5-бабы 2-тармағының 1) тармақшасына сәйкес облыстардың, республикалық маңызы бар қалалардың, астананың тексеру комиссиялары: Мемлекеттік қаржылық бақылаудың ден қою шараларының бірі барлық мемлекеттік органдардың, ұйымдардың және лауазымды адамдардың орындауы үшін міндетті, анықталған бұзушылықтарды жою туралы және оларға жол берген лауазымды адамдардың жауаптылығын қарау туралы нұсқамалар шығарады.
Мемлекеттік аудит объектілері өтініш негізінде қолданыстағы Заңнамаларға сәйкес нұсқамалар тармақтарының орындалу мерзімін аудиторлық іс-шаралардың негізінде сот тәртібімен қарау және (немесе) қылмыстық іс жүргізіліп жатса немесе аудит объектісіне байланысты емес өзге де негіздерді қоспағанда екі реттен көп емес ұзартуға жол беріледі. Аудит объектісі орындау мерзімі бұрын екі рет ұзартылған тапсырмалар бойынша орындау мерзімін ұзарту туралы ұсыныс енгізген кезде, орындалу мерзімін қайта ұзарту уақтылы орындалмаған ретінде есептеледі және «Әкімшілік құқық бұзушылық туралы»Қазақстан Республикасының 2014 жылғы 5 шілдедегі №235-V ҚРЗ Кодексінің 462 бабының 3,4-бөліктерімен әкімшілік іс қозғалады.
&nbsp;«Мемлекеттік аудит және қаржылық бақылау туралы»Заңының 37 бабының 2-тармағы 6) тармақшасының талабын бұзылып, Нұсқамалар талаптары орындалмағаны үшін, Қызылорда облысы бойынша тексеру комиссиясымен ҚР ӘҚБтК-нің 462 бабының 3 бөлігінде көрсетілген әкімшілік құқық бұзушылыққа жол бергені үшін лауазымды тұлғаға қатысты әкімшілік құқық бұзушылық туралы хаттамалар толтырылып, сот органдарына қарау үшін жолдануда.
Сот қаулысымен мемлекеттік аудит объектісінің басшысының кінәсі дәлелденіп, оған әкімшілік айыппұл салынуда. &nbsp;
<blockquote>
 Айта кетететін мәселе, 2019 жылы Қызылорда облысы бойынша тексеру комиссиясымен ҚР ӘҚБтК-нің 462-бабының 4-бөлігімен әкімшілік іс қозғалып, лауазымды тұлға сот қаулысымен әкімшілік жауапкершілікке тартылды. Бұл, Қызылорда облысы аумағындағы сот практикасында ҚР ӘҚБтК-нің 462-бабының 4-бөлігі бойынша қаралған алғашқы әкімішілік іс болып танылады, сондай-ақ Республика бойынша да тексеру комиссияларының практикасында сирек кездеседі.
</blockquote>
Нұсқамаларды, ұсынымдарды, қаулыларды орындамау немесе тиiсiнше орындамау және анықталған бұзушылықтарды жою бойынша қолданылатын шаралар туралы ақпаратты бермеуі немесе уақтылы бермеуі ҚР ӘҚБтК-нің 462 бабының 3, 4-бөліктерінде көрсетілген әкімшілік құқық бұзушылық жасалған болып табылатыны жөнінде назарға салынады.
Қызылорда облысы бойынша
тексеру комиссиясының
құқықтық қамтамасыз ету бөлімі

Еліміз бойынша тексеру комиссияларының практикасында сирек кездесетін іс Қызылорда облысында қаралған

<a href="https://kyzylorda-news.kz/">Kyzylorda-news.kz.</a> Бүгінде мемлекет тарапынан мүмкіндігі шектеулі азаматтарға жағдай жасауға бағытталған түрлі бағдарламалар қабылданып, жұмыстар жүріп жатыр. Дегенмен, оларды жұмыспен қамту, сондай-ақ мүмкіндігі шекетулі балғындарды сәби кезінен анықтап, ортаға бейімделуіне жағдай жасау мәселесі күн тәртібінен әлі күнге дейін түспей келеді. Мәселен, бүгінгі күні облыс бойынша 18 жасқа дейінгі 7000 мыңға жуық ерекше қолдауды қажет ететін балалар есепке алынған.
Олардың 5800-і дамуында мүмкіндіктері шектеулі болса, 1200-і жүрек, бүйрек, қан секілді соматикалық аурулармен есепке алынып отыр. Олардың 3268-і инклюзивтік, 1458-і арнайы біліммен қамтылған. Қалған балалар оңалту және түзету көмегін алуда. Жасыратыны жоқ, осыдан 4 жыл бұрын білім алуға жатпайды деген аутист және дауна синдормы диагнозындағы балалар да бүгін мектеп партасында отыр. Әрине, бұл қуанарлық жағдай дегенімен білім беру ұйымдарында оларға арнайы білім беретін мамандар, құралдар, оқулықтар секілді жағдайлар жасалуы тиіс.
Сондай-ақ ерекше қажеттіліктерге мұхтаж балалар баратын жалпы білім беретін мектептердің де көбісі архитектуралық қолжетімділікке дайын емес, пандустар, т.б жұмыстар стандартқа сәйкестендірілуі керек. Сондай-ақ облыста 30 мыңнан астам, ерекше қажеттілігі бар жандар тұрса, олардың 18653-і еңбекке жарамды жандар.Оларды жұмыспен қамту қандай деңгейде?
&nbsp;«Nur Otan» партиясы облыстық филиалы төрағасының бірінші орынбасары Ақмарал Әлназарова партияның «Кедергісіз келешек» жобасы аясында тиісті басқарма басшыларын жинап, осы бағытта өңірде атқарылған жұмыстар мен алдағы міндеттерді жан-жақты талқылады.
Жиынға мүгедектер қоғамдық бірлестіктерінің төрағалары, үкіметтік емес ұйымдар мүшелері, инклюзивті білім беру мекемелерінің басшылары, мектеп директорылары мен мүмкіндігі шектеулі балалар тәрбиелеп отырған ата-аналар қатысты.
<img src="https://kyzylorda-news.kz/wp-content/uploads/2019/12/19nurotan2.jpg" alt="" />

Қазақстан және Қызылорда облысының жаңалықтары