<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму министрі Дәурен Абаев жаңа әлеуметтік төлемге көңілі толмайтын көпбалалы аналар туралы пікір білдірді, деп хабарлайды <a href="https://lenta.inform.kz/kz/zhardemaky-ulkenderge-emes-balalarga-beriledi-dauren-abaev_a3604505">ҚазАқпарат</a>.
<blockquote>
 «Кез келген реформаға көңілі толмайтындар табылады. Бірақ, бұл барлығына ұнамады деген сөз емес. Сондықтан, мемлекет баяғы қателіктерін қайталады деп айтуға болмайды. Қазірдің өзінде 400 мың отбасы – 2,5 млн адам жәрдемақы алып үлгерді. Аз қамтылған санатқа жатпайтын, бірақ 4 бала өсіріп отырғандарға да көмектесу керек», – деді министр «Хабар» арнасындағы «Ашық диалог» бағдарламасында.
</blockquote>
Оның айтуынша, барлық көпбалалы ата-аналар аянбай жұмыс істеп, көп нәрседен бас тартуға мәжбүр.
<blockquote>
 «Несие алып, уақытында төлеуге міндеттелгендер бар. Олар да балаларын жақсы киіндіріп, қолайлы жағдайда өсіргісі келеді. Неге оларға мемлекет көмектеспеуі керек? Аз қамтылған азаматтарға мемлекет жұмыс тауып беруге міндетті, ал жәрдемақы табыс көлемінен тыс барлық көпбалалы отбасыларға беріледі. Көпбалалыларға берілетін бұл жәрдемақы еңбекке жарамды үлкендерге емес, балаларға беріліп отыр. Осыны түсіну қажет», – деді Д. Абаев.
</blockquote>
Естеріңізге сала кетейік, 2020 жылғы 1 қаңтардан бастап 4 және одан да көп кәмелетке толмаған балалары бар немесе 23 жасқа дейінгі күндізгі оқу бөлімінде оқитын студенттері бар отбасыларға жаңа мемлекеттік жәрдемақы&nbsp;беріледі.
Аталған мемлекеттік жәрдемақы отбасының табысына қарамастан сараланған мөлшерде: 4 балаға – 42 496 теңге; 5 балаға – 53 127 теңге; 6 балаға – 63 757 теңге; 7 және одан да көп балаға – 74 388 теңге төленеді.
Жалпы алғанда, 2020 жылы көпбалалы отбасыларға мемлекеттік жәрдемақы төлеуге 177,6 млрд теңге көзделген. Бұл жәрдемақыны 346,8 мың отбасы алатын болады.

Жәрдемақы үлкендерге емес, балаларға беріледі – Дәурен Абаев

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгіннен бастап өнер мен мәдениетті насихаттайтын тағы бір телеарна ашылды.
Бүгін таңғы 08:00-де жаңа телеарна ALMA TV кабельдік операторының желісінде тұңғыш рет эфирге шықты.
Теларна басшысы Нариман Қойшыбаевтың айтуынша, жаңа арна көрерменге тың туындылар, қызықты концерттер ұсынады.
<blockquote>
 «Жаңа телеарна музыканы насихаттайды. Бұл жоба — ресейлік франшиза. Бізге дейін Ресейде BRIDGE TV арнасымен бірлесіп, бес арна ашылған. Қазақстан және Ресей музыкасын тең дәрежеде эфирден көрсететін боламыз», — дейді Нариман Қойшыбаев.
</blockquote>
Айта кетейік, телеарнаның тұсаукесері былтыр Алматы қаласында JYL TANDAYY ұлттық музыкалық тележүлдесінің аясында өтті.
Қалың көпшілікке жол тартқан BRIDGE TV QAZAQSTAN – отандық телеарна. Қазақстанның үздік әндерімен қатар Ресейдің үздік музыкалық туындылары, концерттер, танымдық, сауықтық бағдарламалар көрсетіледі.
Жалпы, BRIDGE TV бренді ресейлік BRIDGE MEDIA музыкалық холдингіне тиесілі. BRIDGE MEDIA телеарналар тізімінде BRIDGE TV, BRIDGE CLASSIC, BRIDGE TV DELUXE, BRIDGE TV РУССКИЙ ХИТ бар. BRIDGE TV HITS-тен жаңадан ашылған BRIDGE TV QAZAQSTAN алтыншы болып ашылып отыр.
Телеарна Қазақстан музыкалық кеңістігінде кәсіби телевизиялық өнімдерді насихаттайды. Музыкалық индустрияны дамытуды көздеп отыр.

Қазақстанда жаңа телеарна ашылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Циклон және онымен байланысты атмосфералық фронталды бөліктер Қазақстан Республикасының солтүстік жартысына әсер етеді.
Соның салдарынан еліміздің басым бөлігінде жауын жауып, солтүстік-батыста және шығыста жауын-шашын мол көлемде жауады, кей өңірлерде қалың қар түседі, деп хабарлайды «Қазгидромет» РМК.
Кәсіпорын таратқан мәліметтерге қарағанда, 17 қаңтар күні еліміздің оңтүстік жартысына жоғары қысым аймағы әсер етіп, күн жауын-шашынсыз болады. Республиканың кей жерлерінде бұрқасын, тұман, көктайғақ болып, екпінді жел соғады.
Қостанай, Ақмола, Павлодар облыстарында бұрқасын, Павлодар облысының кей жерлерінде қатты бұрқасын болады. Жел секундына 15-20 метр, кей жерлерінде 23-28 м/с жылдамдықпен соғады.
Ақмола, Павлодар облыстарында желдің жылдамдығы секундына 30 метрге жетеді, кей жерлерде көктайғақ болады, Қостанай облысында тұман түседі. Солтүстік Қазақстан, Қарағанды ​​облыстарында жел секундына 15-20 метр жылдамдықпен ұйтқиды, кей жерлерінде 23-28 метрге дейін жетуі мүмкін.
Солтүстік Қазақстан облысында желдің екпіні секундына 30 метрге жетеді, кей жерлерде одан да жоғары болуы ықтимал. Өңірдің бірқатар аумақтарында бұрқасын, көктайғақ болады.
Батыс Қазақстан, Ақтөбе облыстарының кей жерлерінде тұман түсіп, көктайғақ, бұрқасын болады, желдің жылдамдығы секундына 15-20 метрге дейін күшейеді.
Алматы, Жамбыл облыстарының кей жерлерінде тұман түсіп, көктайғақ болады.
Жамбыл облысының кей жерлерінде жаяу бұрқасын болуы ықтимал.
Шығыс Қазақстан облысының кей жерлерінде бұрқасын болады, жел секундына 15-20 метр жылдамдықпен еседі, екпіні 23-28 м/с-қа жетеді.
Түркістан, Қызылорда, Манғыстау, Атырау облыстарының кей жерлерінде тұман болады.
Қызылорда облысының кей жерлерінде таңертең және күндіз 15-20 м/с жылдамдықпен жел соғады.

Синоптиктер қаңтардың 17-не арналған ауа райы болжамын жария етті

Балалар өнертабысы немесе Өнертапқыш балалар күні
Бұл күн АҚШ-тың әйгілі өнертапқышы, мемлекет қайраткері, ғалым, журналист Бенджамин Франклиннің туған күніне орай таңдалған. Ол өзінің ең алғашқы өнертабысы – жүзуге арналған қол жарғақты 12 жасында ойлап тапқан екен.
1960 жылы&nbsp;қазақ тіліндегі республикалық «Білім және еңбек» ғылыми танымдық журналының алғашқы саны жарыққа шықты. Алғашқы редакторы – Камал Смайылов. 1989 жылдан «Зерде» деген атауымен шығып келеді. Журнал өз оқырмандарын, оның ішінде жастар мен жасөспірімдерді отандық және әлемдік ғылым мен білім саласындағы жаңалықтармен таныстырып келді. Қазақ басылымдарының ішінен алғаш рет әл-Фараби туралы мақала осы журналда жарияланды. Абылай хан мен Әбілхайыр ханның суреттері де тұңғыш рет осы журналда жарық көрді.
1992 жылы&nbsp;Жоғарғы Кеңес «Қазақстан Республикасының Прокуратурасы туралы» Заң қабылдады.
2006 жылы&nbsp;Қазақстан Республикасы Парламентінің 10 жылдық мерейтойына арналған пошта маркаларын «Қазпошта» АҚ айналымға шығарды. Пошта маркасында Парламенттің 10 жылдық мерейтойының ресми символикасы Қазақстанның туын бейнелейтін көгілдір түсте бейнеленген. Маркалардың номиналы – 50 теңге, тиражы – 50 мың дана. Суретшісі – Данияр Мұхамеджанов.
2012 жылы&nbsp;ҚР Ұлттық банкі Қазақстандағы VII қысқы Азия ойындарына арналған 2000 теңге номиналындағы банкноттарды айналымға енгізді.
2018 жылы&nbsp;Қазақстан Республикасының Президенті Нұрсұлтан Назарбаевтың АҚШ-қа жасаған ресми сапарының аясында ғарыш саласында Жерді қашықтықтан зондтау бойынша ғарыш технологияларын қолдану және кеңістіктегі мәліметтер инфрақұрылымын дамыту саласында өзара тиімді ынтымақтастыққа бағытталған бірқатар құжаттарға қол қойылды.

17 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 17 қаңтарға арналған жұлдыз-жорамалы.
Тоқты
Керемет күн. Өміріңіз жақсы арнаға қарай бұрылады. Барлығы өз қолыңызда, сондықтан тез шешім қабылдағаныңыз жөн.
Торпақ
Сіздің көзқарасыңызға ылғи күмән келтіретін жандар бүгін сөзіңізге сенетін болады. Тек сеніп қана қоймай өзгелерді де сендіретін болады.
Егіздер
Жұмысқа қатысты кездесулер жоғары деңгейде өтеді. Жұмыс, қажы жағдайы оң шешіледі. Түстен кейін жолға шығасыз.
Шаян
Күніңіз сәтті басталады. Жұмысты жақсы игеріп, қиын жағдайға душар болған жандарға көмек көрсетесіз.
Арыстан
Өзіңіз көздеген, нәтиже шығады деп үміттенген жобамен айналысасыз. Жұмысқа бар ынтаңызды салыңыз, сонда ғана мол табысқа кенелесіз.
Бикеш
Күніңіз сәтті басталады. Жұмысқа белсенділігіңіз артады. Жақындарыңызға маңызды сауалдарға бірге отырып жауап табасыз.
Таразы
Барлығы ойдағыдай болады. Бірақ сіздің көңіліңіз еш тоймайды. Қазіргі жағдайды ғана ойлаңыз. Болашақ туралы ойды кейінге қалдырыңыз.
Сарышаян
Ешкімге сенім артпаңыз. Айналаңыздағы адамдар сізді өз жолыңыздан адастыруы мүмкін. Сондықтан сақ болыңыз.
Мерген
Тек өзіңізге сеніңіз. Ешкімнің арбауына түсіп қалмаңыз. Қызықты ұсыныстар жасап, сізді «қақпанға» түсіретіндер болады.
Тауешкі
Тез қимылдап үйреніңіз. Тез арада шешім қабылдау қажет жұмыстардың өзін атқаруда аздап қиналасыз.
Суқұйғыш
Уайымға салынбаңыз. Сонда ғана күніңіз сәтті өтеді. Ұсақ-түйек мәселені жүрегіңізге жақын қабылдамаңыз.
Балықтар
Маңызды шаруаларды кейінге қалдырыңыз. Оларды дәл қазір орындау сіз үшін қиынға соғады. Бүгін өткен күннің қателіктерін түзеңіз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Шетелден әкелінген көлікті Қазақстанда қалай тіркеуге болады? Бұл сұраққа ІІМ Әкімшілік полиция комитетінің басқарма бастығы Юрий Козлов жауап берді.
<blockquote>
 «Қазір шетелдік нөмірмен жүретін көліктерге қатысты шудың шығып жатқаны белгілі. Бәлкім, жалған ақпарат тараған болуы керек. Ешқайда шығудың қажеті жоқ. Көлігіңіз болса, қазір келіңіз де, тіркеңіз. Ол үшін Азаматтарға арналған үкіметке жүгініп, мамандандырылған халыққа қызмет көрсету орталығына барыңыз. Көлікті тіркеу үшін техникалық құжат, көлік құралының паспорты, сатып алғаныңызды растайтын құжат пен баждың төленгенін растайтын түбіртек керек. Жаппай жазалау, айыппұл тұрағына тығу жоспарымызда жоқ», – деді Ішкі істер министрлігі Әкімшілік полиция комитетінің басқарма бастығы.
</blockquote>
Юрий Козловтың айтуынша, шетелдік нөмірмен жүретін автокөлік иелеріне кеңес беру сипатында шаралар қабылдануда.
<blockquote>
 «Азаматтарға тиісті ақпараттық көмектер көрсетіледі. Ары қарай көлік иесінің өзіне байланысты», – деді ол.
</blockquote>
Еске сала кетсек, кеше ІІМ қазақстандықтарды шетелдік есепте тұрған көліктерді тіркеуге шақырған&nbsp;болатын.

Шетелдік көлікті Қазақстанда қалай тіркеуге болады?

<a href="https://kyzylorda-news.kz/">Kyzylorda-news.kz.</a> Түркі жазуындағы “Күлтегін” ескерткішіне арналған 2013 жылғы 1000 теңгелік банкнот – заңды төлем құралы. Ол барлық төлем түрлерінде қабылдануы керек. Банкноталар тек әбден тозған жағдайда айналымнан алынады, деп хабарлайды zakon.kz. ҚР Ұлттық банктің баспасөз қызметіне сілтеме жасап.
<blockquote>
 «Егер кәсіпкерлер мұндай ақшаны қабылдаудан бас тартса, онда оларға ҚР Әкімшілік құқық бұзушылық туралы кодекстің 206-бабына сәйкес, ескерту жасалады. Егер жағдай бір жыл ішінде тағы қайталанса, онда 5-тен 25 АЕК көлеміне дейін айыппұл салынады», делінген хабарламада.
</blockquote>
Егер бұл ақшаны қабылдаудан бас тартқан біреулер болса, онда Ұлттық банктің өңірлік филиалына хабарласу қажет. Олар қажетті шараларды қолданады.
<blockquote>
 «Ақшаны алмаған жағдайда мұны видеоға түсіріп, не болмаса Сізден бұл ақшаны қабылдай алмайтынын жазбаша жазып беруін талап етіңіз», – дейді Ұлттық банктегілер.
</blockquote>
2020 жылғы есеп бойынша, 1 АЕК – 2 651 теңге.
<img src="https://kyzylorda-news.kz/wp-content/uploads/2020/01/16tenge2.jpg" alt="" />

2013 жылы шыққан 1000 теңгелікті қабылдамайтын кәсіпкерлерге айыппұл салынады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Панфилов көшесі №3 «А» мекенжайдағы 5 қабатты тұрғын үйдің шатырында өрт шықты, деп хабарлайды&nbsp;Қызылорда облысы бойынша төтенше жағдайлар департаментінің баспасөз қызметі.
112 құтқару қызметіне сағат 20:13-де өрт шыққандығы жөнінде хабарлама түседі. Бұл ақпараттан хабардар&nbsp;болған №2 мамандандырылған өрт сөндіру бөлімінің жеке құрамы мен жедел кезекші қызметі дереу оқиға болып жатқан жерге жетті.
<blockquote>
 «Төтенше жағдай&nbsp;болып жатқан&nbsp;жерге&nbsp;жедел жеткен өрт сөндіру қызметінің жеке құрамы барлау жұмыстарын жүргізіп, 5 қабатты тұрғын үйдің төбесінде көлемі 1×1 болатын көрпешенің жанып жатқанын анықтап, аумақты оқшаулады.Сонымен қатар, тұрғын үй төбесінен ес-түссіз масаң күйде жатқан тұрғылықты жері жоқ азаматты тапты. Мас адамды тексеру нәтижесінде, оның 1979 жылғы азамат екендігі анықталды. Өрт сөндіру кезекші қызметінің жедел кезекшісінің орынбасары Қиятов Нұрболат табылған адамды қауіпсіз жерге&nbsp;шығарды. Алғашқы көмек көрсетілді. Содан кейін мас адам жедел жәрдем қызметкерлеріне табысталды», – дейді төтенше жағдайлар департаментінің баспасөз хатшысы Әлия Қайратқызы.
</blockquote>
Өрттің шығу себебі – болжаммен темекі қалдығын тастау немесе ашық отты пайдалану.

Қызылордада 5 қабатты тұрғын үйдің шатырынан өрт шықты (ВИДЕО)

<a href="https://kyzylorda-news.kz/">Kyzylorda-news.kz.</a> «Батыс Еуропа-Батыс Қытай» жолының бойында есірткі тасымалдаушылар ұсталды. Бұл туралы облыстық Полиция департаментінің баспасөз қызметі хабарлады.
<blockquote>
 «Сараптама қорытындысы бойынша автокөліктен табылған ерекше иісі бар заттар 16 кг. 788,65 гр&nbsp; «кептірілген марихуана» екендігі анықталған.&nbsp;&nbsp; Бүгінгі күні күдікті Қармақшы ауданы полиция бөлімінің уақытша ұстау абақтысына қамаққа алынып, Қазақстан Республикасы Қылмыстық кодексінің 297-бабы 3-бөлігімен сотқа дейінгі тергеп-тексеру амалдары жүргізілуде», – делінген хабарламада.
</blockquote>
<img src="https://kyzylorda-news.kz/wp-content/uploads/2020/01/16esirtki2.jpg" alt="" />
<img src="https://kyzylorda-news.kz/wp-content/uploads/2020/01/16esirtki3.jpg" alt="" />

Қармақшы ауданында есірткі тасымалдаушылар ұсталды (ФОТО)

<a href="https://kyzylorda-news.kz/">Kyzylorda-news.kz.</a> Ғаламтор біртіндеп әлем кеңістігін жаулап алумен қатар, оны пайдаланушылардың да саны күннен күнге артып келеді. Бұл тұрғындардың ғаламтор арқылы ала алатын қызметтерінің де дамып келе жатқандығын көрсетеді. Ал ғаламтордағы қызмет түрлерінің ең танымалы бұл интернет-дүкендер арқылы сатылымдар, онда барлығы да бар: аяқ киім, азық-түлік, автокөліктер, үйлер, косметика, ыдыс.
Интернет-дүкендер неліктен осыншама танылған? Себебі онда сатып алу оңай. Интернет-дүкен – өзінің мәні бойынша бұл тауарлардың электронды катологы. Бүкіл тауарлар сипатталған, толық мінездемелерімен қамтамасыз етілген, түрлі ракустерден жасалған фотосуреттері бар, бағасы көрсетілген. Онда сізге қажет затты өзіңіз іздейсіз, тапсырысты рәсімдейсіз және курьер немесе пошта арқылы жеткізілген тауарды аласыз. Жеткізудің түрін де өз бетіңізбен таңдай аласыз.
Интернет-дүкеннің кәдімгі дүкендермен салыстырғандағы зор артықшылығы – бағасы мен қажет мінездемесі бойынша сай тауарды табу жеңіл. Ештеңені де жазып алудың немесе есте сақтаудың қажеттілігі жоқ, тек тауарды таңдау мәзірінде бағалар диапазоны мен қажет сипаттамаларын енгізіп, іздегеннің тізімін аласыз. Таңдауыңызды жасау ғана қалады. Одан бөлек сіз кассада кезекте тұрмайсыз, сатылымды рәсімдеуді күтпейсіз, сіз өзіңіз тапсырыңызды оп-оңай рәсімдейсіз.
<blockquote>
 – Электронды сауда өзінің қызмет аясын кеңейтіп келе жатқандығына қарамастан, электронды сатып алуларды қауіпсінетін сатып алушылар бар. Бірақ электронды дүкендер өзінің мәні бойынша кәдімгі дүкен сияқты. Ресми түрде жұмыс істейді, салықтар төлейді, өздерінің кассалық аппараты, мөрі &nbsp;де бар. Тек қызмет көрсету формасы басқа – онлайн, – деп түсіндіреді осындай дүкеннің иесі Никита. – Үлкен әбестіктердің бірі – егер сайтта сатып алынған тауар сізге ұнамаса, оны қайтару өте қиын.
</blockquote>
Қазақстан Республикасы Сауда және интеграция министрлігінің Тұтынушылардың құқықтарын қорғау комитеті Қызылорда облысының тұтынушылардың құқықтарын қорғау департаменті мамандарының сөзінше, шын мәнінде интернет-дүкен арқылы сатып алынған тауарларды қайтару оңай, тек барлық ережелерді сақтау керек. Біріншіден, біздің елімізде интернет арқылы сатып алулар келесі заңнамалық актілермен реттелетінін білу қажет:
Тапсырыс. Тапсырыс интернет-дүкеннің сайтында құрылады. Яғни осы тапсырыс сатып алу – сату келісімі болып табылады. Онда сатып алынатын тауардың барлық мінездемесі, оның бағасы, қызмет мерзімі мен жарамдылық мерзімі, кепілдік мерзімі, төлеу әдісі мен жеткізудің түрі көрсетіледі. Тауар пошта немесе курьерлік қызмет арқылы сатып алушыға жеткізілгенде онымен бірге жазбаша түрде тауар арқылы ақпарат жеткізіледі. Егер тауар әлі жеткізілмесе, сатып алушы одан кез келген уақытта бас тарта алады.
Тауарды айырбастау және қайтарып алу. Бұл жағдайлар тауар пайдаланылмаған болып, оның тауарлық өңі, тұтынушылық қасиеттері, пломбалары, фабрикалық затбелгісі, сатып алушыға тауармен қоса берілген тауарлық немесе кассалық чегі сақталған жағдайда жүзеге асырылады. Егер сізде бұл құжаттар болмаса, сатып алу фактісін басқаша дәлелдей аласыз. Сондықтан сатып алғаннан кейін шот-фактура, орамасын (егер сіз тауарды қайтаратын болсаңыз, ол міндетті түрде керек болады), төлем чектерін лақтырмаңыз. Интернет-дүкен сайтындағы тауарды сату және қайтару ережелері бар беттің және сатып алу көрсетілген сіздің жеке кабинетіңіздің скриншотын жасауға да болады. Егер сіз сотқа дейін жеткен жағдайда бұл көмек беруі мүмкін.
Қайтаруға болмайтын тауар түрлері де бар, әрине, егер ол сапалы болып, өзінің мінездемесіне толық сәйкес болса. Бұл сіз үшін ғана жасалған, сіз ғана пайдалана алатын ерекше тауар, мысалы тапсырыспен тігілген киімдер.
&nbsp;Өз құқықтарыңызды қорғап, сауатты тұтынушы болыңыз!

Онлайн сауда: Интернет-дүкен арқылы сатып алынған тауарды қайта өткізуге болады ма?

<a href="https://kyzylorda-news.kz/">Kyzylorda-news.kz.</a> Қызылорда, Қостанай облыстарында ауа райына байланысты ескерту жарияланды, деп хабарлайды Қагидромет.
17 қаңтарда Қызылорда облысының кей жерлерінде тұман сақталады. Оңтүстік-батыстан жел соғады, таңертең және күндіз желдің жылдамдығы кей жерлерде 15-20 м/с жетуі мүмкін.
17 қаңтарда Қостанай облысында бұрқасын күтіледі. Кей жерлерінде тұман, көктайғақ, тұман, таңертең және күндіз күшті қар жауады. Оңтүстік-батыстан жел соғады, жылдамдығы 23-28 м/с.
Ал Қостанай қаласында 17 қаңтарда бұрқасын, көктайғақ, оңтүстік-батыстан жел тұрып, күші 15-20 м/с жетуі ықтимал.
17 қаңтарда Ақмола облысында қар жауып, бұрқасын болады. Күндіз кей жерлерде – көктайғақ. Оңтүстік-батыстан соғатын желдің күші 15-20 м/с, кей жерлерде 23-28 м/с жетуі мүмкін.
Нұр-Сұлтан қаласында 17 қаңтарда ара-тұра қар жауады, бұрқасын болады. Күндіз көктайғақ болуы мүмкін. Оңтүстік-батыстан соғатын желдің күші 15-25 м/с жетеді.

Қызылорда облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Халық арасында құқықтық түсіндіру жұмыстарын жүргізу мақсатында Қызылорда облысы Полиция департаментімен ағымдағы жылдың қаңтар айының 17–18 күндері аралығында «Жолда қабылдау» акциясы өткізіледі.
Облыс тұрғындарымен кездесуде департамент бастығы, оның орынбасарлары, Жергілікті полиция қызметі, Әкімшілік полиция басқармасы, жол-техникалық инспекция бөлімшелерінің басшылары арнайы орындарда халықты жеке қабылдайды.
Акция барасында халыққа ішкі істер органдары көрсететін мемлекеттік қызметтерді алу кезінде кәсіпкерлер мен тұрғындар үшін шығындарды қысқарту бойынша қабылданып жатқан шаралар туралы, оның ішінде электрондық үкімет порталы арқылы мемлекеттік қызметтерді алу мүмкіндігі туралы, сондай-ақ он-лайн режимінде айыппұлды қарау және төлеу, &nbsp;полиция &nbsp;қызметкерлерінің заңсыз әрекеттері мен шешімдеріне шағымдану тәртібі туралы құқықтық кеңестер беріледі.
«Жолда қабылдау» акциясы облыстың барлық аудандарында және облыс орталығында өткізіледі. Атап айтқанда:
Қызылорда қаласы&nbsp;– Әуелбеков көшесінде орналасқан №1 «Самара» стационарлық полиция бекеті; 
Қызылорда қаласы&nbsp;«Ескі базар» жанында орналасқан Тоқтыбаев көшесіндегі №3 «Самара» стационарлық бекеті; 
Арал қаласы&nbsp;– «Жаксат и К» авто бекеті М.Өтемісұлы көшесі 
Қазалы ауданы&nbsp;– Әйтеке би- Қ.Пірімов көшелері қилысы «Фронт-офис»; 
Қармақшы ауданы&nbsp;– Абай көшесі халыққа қызмет көрсету орталығы; 
Жалағаш ауданы&nbsp;– «Аманкелді көшесі, Байтерек базары жанында»; 
Сырдария ауданы&nbsp;–Аманкелді көшесі 47 аудандық полиция бөлімі; 
Шиелі ауданы&nbsp;–Жахаев көшесі №1 учаскелік полиция пункіті; 
Жаңақорған ауданы&nbsp;– Ы.Алтынсарин көшесі №1 учаскелік полиция пункіті; 
Байқоңыр қаласы–Ахай кенті Абай көшесінде орналасқан стоционарлық полиция бекеті, Төретам кенті Жанқожа батыр көшесінде орналасқан стоционарлық полиция бекеті; 
Аталған шара сағат 08:00-ден сағат 18:00-ге дейін &nbsp;жалғасады.
17–18 қаңтар аралығында&nbsp;30-45-51, 30-40-23&nbsp;телефондар бойынша «жедел желі» жұмыс жасайтын болады.
Бұдан бөлек &nbsp;пәтер иелері коперативының қызметкерлерімен бірге учаскелік полиция инспекторлары төмендегі мекен-жайларда аулада қабылдау акциясын өткізеді;&nbsp;
1. №9 әкімшілік аймақта&nbsp;Шұғыла м/а №25 үй ауласы;
2. №10 әкімшілік аймақта&nbsp;Абай даңғылы №41 үй ауласы;
3. №11 әкімшілік аймақта&nbsp;«Сәулет» мөлтек ауданы №8 үй ауласы;
4. №12 әкімшілік аймақта&nbsp;«Наурыз» мөлтек ауданы №13 үй ауласы; 
5. №13 әкімшілік аймақта&nbsp;С.Бейбарыс көшесі №8 үй ауласы;
6. №14 әкімшілік аймақта&nbsp;«Арай-3» &nbsp;м/а №60 үй ауласы.

Қазақстан және Қызылорда облысының жаңалықтары