<a href="https://kyzylorda-news.kz/">Kyzylorda-news.kz.</a> Арнаулы салық тәртібіне өткен шағын кәсіпкерлер қандай жеңілдікке ие болады?
2020 жылдың 1 қаңтарынан бастап салық кодексінде жеке кәсіпкерлерге қатысты бірқатар өзгерістер күшіне енеді.
Бұл туралы Мемлекеттік кірістер комитетінің Кәсіпкерліктің жеке түрлеріне салық салу басқармасының басшысы&nbsp;Гүлмира Смағұловахабарлады.
Қандай өзгерістер күтіп тұр?
Салық кодексіндегі өзгеріске сай, патентті қолдану құқығы бойынша көрсетілетін қызмет түрлерінің (32 қызмет түрі)&nbsp;тізімі&nbsp;жария болды:
<ol>
<li>Сылақ жұмыстары;</li>
<li>Ағаш ұсталығы мен ағаш шеберлігі жұмыстары;</li>
<li>Еден жабу және қабырға қаптау жұмыстары;</li>
<li>Бояу және шынылау жұмыстары;</li>
<li>Такси қызметі;</li>
<li>Автомобиль көлігімен жүк тасымалдау;</li>
<li>Сыйақы үшін немесе шарт негізінде жылжымайтын мүлікті басқару;</li>
<li>Фотография қызметі;</li>
<li>Аударма (ауызша және жазбаша) ісі;</li>
<li>Мүлікті жалдауға (жалға) беру;</li>
<li>Көлік құралдарын жалдауға (жалға) беру;</li>
<li>Ойын-сауық және спорттық керек-жарақтарды прокатқа және жалдауға (жалға) беру;</li>
<li>Бейнежазбалар мен дискілерді прокатқа беру;</li>
<li>Басқа да жеке тұтыну заттарын және тұрмыстық тауарларды прокатқа беру және жалдауға (жалға) беру;</li>
<li>Ауыл шаруашылығы техникасы мен жабдығын жалдауға (жалға) беру;</li>
<li>Есептеуіш техниканы қоса алғанда, кеңсе машиналары мен жабдығын жалдауға (жалға) беру;</li>
<li>Спорттық білім және бос уақытты ұйымдастыру мамандарына білім беру саласында көрсетілетін қызметтер;</li>
<li>Мәдениет саласындағы білім беру қызметтері;</li>
<li>Басқа да білім беру саласында көрсетілетін қызметтер;</li>
<li>Қосымша білім беру қызметтері;</li>
<li>Өнер саласындағы қызметтер;</li>
<li>Компьютерлерді және перифериялық жабдықты жөндеу;</li>
<li>Коммуникациялық жабдықты жөндеу;</li>
<li>Жеке тұтыну заттарын және тұрмыстық тауарларды жөндеу;</li>
<li>Шаштараз қызметтері;</li>
<li>Маникюр және педикюр;</li>
<li>Ветеринариялық қызметтер;</li>
<li>Жер учаскелерін өңдеу бойынша қызметтер;</li>
<li>Тұрғын үй-жайларды жинау және үй шаруашылығын жүргізу бойынша ызметтер;</li>
<li>Базарларда, вокзалдарда жүк тасушылар қызметтері;</li>
<li>Музыкалық аспаптарды жасау және жөндеу;</li>
<li>Үй жануарларын бағу қызметі.</li>
</ol>
Қолданыстағы Салық кодексімен&nbsp;12 түрлі&nbsp;қызметке патентті қолдануды алып тастау қарастырылған. Олар:&nbsp;Жер қойнауын пайдалану, акцизделетін тауарлар өндiру, консультациялық қызметтер көрсету; сақтандыру брокері мен сақтандыру агентінің қаржыландыруы, сақтандыру қызметі және делдалдық қызметі және тағы басқа.
Мақсат не?
Мақсат&nbsp;– бейресми еңбек қатынасын болдырмау және нақты кірістерді жасыруға жол бермеу. Сонымен бірге, өзгерістер көлеңкелі бизнесті ашыққа шығарып, жалдамалы жұмыскерлерді заңдастыруға бағытталған.
Онда жалдамалы қызметкерлерді тартусыз жүзеге асырылуы мүмкін емес қызмет түрлері бойынша табыс табуға патент талап етілмейді. Мысалы, тәулік бойы сауда сату, азық-түлік сату, базарларда сауда жүргізу және тағы басқа.
Мұнда халықаралық тәжірибеге сай ұсақ қолөнершілерге қойлытын салықтық тәртіп негізінде кірісті қадағалауды және жалдамалы жұмысшыларды бақылуды күшейту көзделген.
Мысалы, биыл патент алған 268 кәсіпкердің55,7 пайызы (148953 жеке кәсіпкер)&nbsp;сауда саласында қызмет көрсетті. Олардың 55 пайыздан астамы аталған қызметті Астанада, республикалық және облыстық маңызы бар қалаларда жүзеге асырған.
Рұқсат етілген тізімге енбеген қызмет түрлерін көрсететін кәсіпкерлер салық төлеу тәртібін өзгертуі керек. Олар 2 түрлі тәртіптің бірін таңдайды:
<ul>
<li>Жеңілдетілген декларация негізіндегі немесе тіркелген шегерім пайдаланылатын арнаулы салық тәртібі;</li>
<li>Жалпыға бірдей белгіленген тәртіп.</li>
</ul>
Басқа салық төлеу тәртібіне ауысу үшін не істеу керек?
Патенттен басқа салық салу тәртібіне ауысу үшін, патентті қолданатын жеке кәсіпкерлер салық салу тәртібін таңдауды қазірден бастап ойлауы қажет.
Сонымен бірге, салық органдарына электронды түрде (салық төлеушінің кабинеті арқылы) немесе жазбаша түрде салық салу тәртібін өзгерту туралы хабарлама тапсыруы керек.
“Таңдалған салық салу тәртібін көрсету кезінде өзгертудің&nbsp;себебі ретінде&nbsp;2020 жылдың 1 қаңтарынан бастап патентті қолдану шарттарына сәйкес келмейтіндігін хабарлауы тиіс” – делінген Қаржы министрлігінің Мемлекеттік кірістер комитеті таратқан&nbsp;хабарламада.
2020 жылғы 1 қаңтарға дейін хабарламаған жағдайда салық органдары осындай салық төлеушілерді жалпыға бірдей белгіленген салық төлеу тәртібіне ауыстыратын болады.
Ал шағын бизнес өкілдері үшін осындай жалпы тәртіптен басқа арнаулы салық төлеу тәртібіне ауысуға тек&nbsp;бір жылдан кейін&nbsp;ғана рұқсат етіледі.
Арнаулы салық тәртібіне ауысудың артықшылықтары қандай?
Арнаулы салық тәртібін қолданатын шағын және ұсақ кәсіпкерлік субъектілері 2019 жылғы 2 қыркүйектегі Мемлекет басшысының “Сындарлы қоғамдық диалог – Қазақстанның тұрақтылығы мен өркендеунің кепілі” деп аталатын жолдауында айтылғандай, табыс салығынан үш жылға босатылады.
Сонымен қатар, жеңілдетілген салықтық есеп жүргізу және салықтық есептілікті тапсыру, бухгалтерлік&nbsp;есеп жүргізуден босатуқарастырылған.
<a href="https://informburo.kz/kaz/2020-zhyldan-bastap-zheke-kspkerlerge-atysty-saly-trtb-zgered.html">informburo.kz</a>

2020 жылдан бастап жеке кәсіпкерлер салықты басқаша төлейді

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; <a href="https://kyzylorda-news.kz/">Kyzylorda-news.kz.</a> Бүгін Нұр-Сұлтан қаласында ҚР Цифрлық даму, инновация және аэроғарыш өнеркәсібі министрлігінің Аэроғарыш комитеті ұйымдастырған “Қазақстандағы ғарыш күндері: Байқоңыр – әлемдік ғарышкерлік бесігі” халықаралық форумы өз жұмысын бастады. Қызылорда облысының әкімі Қуанышбек Ысқақов форумның ашылуына қатысты.
«Қазақстандағы ғарыш күндері» халықаралық форумы жыл сайын 2013 жылдан бері өткізіліп келеді. Биылғы іс-шараға әлемнің 25-тен астам елінен 650 қатысушы —Премьер-Министр А.Мамин ҚР Цифрлық даму, инновациялар және аэроғарыш өнеркәсібі министрлігінің басшылары, ҚР Парламентінің Мәжіліс және Сенат депутаттары,&nbsp;Қазақстан Республикасының ғарышкерлері, шетелдік мемлекеттердің елшілік өкілдері, «Роскосмос», «Airbus Defence and Space» корпорацияларының өкілдері, отандық және шетелдік ұйымдар: «М. В. Хруничев атындағы МҒҒӨО», «М.Ф. Решетнев атындағы АЖЖ» АҚ, «Транстелеком», «One Web», «Thales Alenia Space», SES, «Leica Geosystems, Satrec Initiative», «Eutelsat» және басқалары қатысты.&nbsp;
Шараның негізі мақсатының бірі – отандық ғарыш саласының жетістіктерімен бөлісіп, экономиканы дамыту үшін&nbsp; ғарыш қызметін пайдаланып, озық әлемдік тәжірибелермен алмасу.
Президент Қасым-Жомарт Тоқаев ағымдағы жылдың мамыр айында Қызылорда облысына сапары барысында Байқоңыр қаласын дамытудың тиімді тетіктерін анықтау және “Байқоңыр” еркін экономикалық аймағын құру қажеттігін атап өткен болатын. Соның ішінде “Ғарыш айлағының ауқымы мен бірегейлігі озық компаниялар мен перспективалы технологиялық стартаптармен жұмыс істеу үшін тамаша мүмкіндік беретіндігін” алға тартқан еді.
<blockquote>
 «Бүгінде “Байқоңыр “еркін экономикалық аймағын құру жөніндегі үкіметаралық келісімнің тұжырымдамасы мен жобасы дайындалды, мүдделі мемлекеттік органдармен келіссөздер жүргізілуде. “Байқоңыр” ғарыш айлағының туристік әлеуетін дамыту мақсатында “Байқоңыр” ойын-сауық туристік аймағын құру тұжырымдамасы, техникалық-экономикалық негіздемесі жыл соңына дейін әзірленбек. Оның аумағында шағын және орта бизнесті дамыту үшін барынша қолайлы жағдайлар жасау бағытында туристік объектілерді орналастыру көзделіп отыр. “Байқоңыр”&nbsp; Қазақстанның туристік картасының ТОП-10 қатарына еніп отыр», – деді облыс әкімі Қ.Ысқақов.
</blockquote>
Сонымен қатар, форумда “Байқоңыр” еркін экономикалық аймағын&nbsp; құру жобасының тұсауы кесілді.
<img src="http://kyzylorda-news.kz/wp-content/uploads/2019/11/12akimatbaikonyr2.jpg" alt="" />
<img src="http://kyzylorda-news.kz/wp-content/uploads/2019/11/12akimatbaikonyr3.jpg" alt="" />
<img src="http://kyzylorda-news.kz/wp-content/uploads/2019/11/12akimatbaikonyr4.jpg" alt="" />

Қ.Ысқақов: &#8220;Байқоңыр&#8221; ойын-сауық туристік аймағы Қазақстанның туристік картасының топ-10 қатарына еніп отыр

<a href="https://kyzylorda-news.kz/">Kyzylorda-news.kz.</a> ҚР Сыртқы істер министрлігінің ресми өкілі Айбек Смадияров брифингте баласын шетелге оқуға жіберетін ата-аналар бұдан былай нені ескеру қажет екенін айтты.&nbsp;&nbsp;
<blockquote>
 «Балаларын шетелдің жоғары оқу орындарына немесе қысқа мерзімді курстарға оқуға жіберетін ата-аналарға компаниялар ұсынатын келісімшарттарды тыңғылықты тексеріп, мұқият оқу қажеттігін ескертеміз. Кейбір компаниялар өздерінің шарттарын орындамай жатады. Не болмаса бала шетелге келгеннен кейін олар сол шарттарды өзгертіп жібереді. Балаларыңызды жіберіп жатқаннан кейін барынша мұқият болыңыздар», – деді Айбек Смадияров.
</blockquote>

Баласын шетелге жіберетін ата-аналарға ескерту жасалды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сыр бойылық атақты ақын Жарасхан Әбдірашевтің немесересі, танымал режиссер Рүстем Әбдірашевтің ұлы Ақназар жол апатынан қаза болды.
&nbsp;«Қазақ хандығы», «Елбасы жолы» қатарлы ірі туындыларды дүниеге әкелген белгілі режиссер Рүстем Әбдірашевтің ұлы Ақназар оқыс жағдайда қайтыс болды.
Оның өліміне жол апаты себеп болған.&nbsp;Бұл туралы «Қазақфильм» АҚ баспасөз хатшысы Айнұр Исаева жазды.
<blockquote>
 Әбдірашовтар әулеті орны толмас қайғыға тап болды. Рүстем ағаның Ақназар атты ұлы мезгілсіз көз жұмды. Көлік соққысынан тіл тартпай кетіпті, періште. Рүстем аға және барша Әбдірашовтар әулеті, сіздерге қайғырып көңіл айтамын, – деп жазды <a href="https://www.facebook.com/ainurisa.nur">Facebook</a>-тегі парақшасында Айнұр Исаева.
</blockquote>

Жарасхан Әбдірашевтің немересі жол апатынан қайтыс болды

Аудио нұсқа
<hr />
<a href="https://kyzylorda-news.kz/">Kyzylorda-news.kz.</a> Ішкі істер министрлігі астанада жұмыс істейтін патрульдік полиция қызметкерлерінің жалақысын жариялады. Олар еңбекақыдан бөлек тұрғын үй өтемақысын да алады, деп хабарлады&nbsp;<a href="https://sputniknews.kz/society/20191111/12007378/patruldik-politseyler-zhalaqy.html">Sputnik Қазақстан</a>.
Ішкі істер вице-министрі Алексей Калайчидидің айтуынша, шілде айында ішкі істер органдары қызметкерлерінің жалақысы көтерілген. Полицейлердің еңбекақысы дифференциалды түрде, яғни еңбек өтілі мен тәжірибесіне қарай 20-65 процентке жоғарылады.
<blockquote>
 “Патрульдік полиция қызметкерлері ең көп үстемақы алды, олардың жалақысы 65 процентке артты. Сіздер оларды күнде көшеде көріп жүресіздер. Мәселен, бұған дейін патрульдік полицей 117 000 теңге алса, енді 150 000 алатын болады. Оған қоса, біз патрульдік полицейлерді жалдамалы баспана үшін өтемақы алатын қызметкерлердің қатарына қостық”, – деді Калайчиди астанада өткен баспасөз мәслихатында.
</blockquote>
Оның сөзіне қарағанда, өтемақы отбасының құрамына қарай төленеді. Мәселен, Нұр-Сұлтанда төрт адамнан (ата-ана және екі бала) тұратын отбасыға 200 мың теңге тұрғын үй өтемақысы ретінде беріледі.
<blockquote>
 “Сонда отбасының әрбір мүшесіне 50 000 теңгеден шығып тұр. Оған 150 000 теңгенің жалақысын қосыңыз. Біздіңше, осындай қолдау шаралары арқасында полицияның қатарына жастарды көптеп тартуға болады”, – деп атап көрсетті Калайчиди.
</blockquote>
Бұдан бөлек, шұғыл тергеу құрылымдарының жалақысы 55 процентке артқан. Учаскелік инспекторлар 25 процентке артық ақша алса, қалған құрылым қызметкерлерінің еңбекақысы 20 процентке өсіп отыр.
<blockquote>
 “Жаңа жылдан бастап біз осы тізімге төтенше жағдайлар комитетінің қызметкерлерін қосуды жоспарлап отырмыз. Онда да жұмысы ауыр мамандардың үстемақысы жоғары болады. Шекті меже – 65 процент. Мәселен, өрт сөндірушілердің жалақысын 65 процентке арттырған дұрыс деп санаймыз. Олар, шамамен, 140 000 теңгеден артық алатын шығар. Тұрғын үй өтемақысы тағы бар”, – дейді Калайчиди.
</blockquote>

Патрульдік полицейлердің айына 350 мың теңге жалақы алатыны жарияланды

<a href="https://kyzylorda-news.kz/">Kyzylorda-news.kz.</a> 2020 жылдың күзінде 2006 жылғы үлгідегі банкноттарды айырбастау аяқталады, деп хабарлайды Ұлттық банктің <a href="https://nationalbank.kz/cont/2020%20%D0%B6%D1%8B%D0%BB%D1%8B%202006%20%D0%B6%D1%8B%D0%BB%D2%93%D1%8B%20%D2%AF%D0%BB%D0%B3%D1%96%D0%B4%D0%B5%D0%B3%D1%96%20%D0%B1%D0%B0%D0%BD%D0%BA%D0%BD%D0%BE%D1%82%D1%82%D0%B0%D1%80%D0%B4%D1%8B%20%D0%B0%D0%B9%D1%8B%D1%80%D0%B1%D0%B0%D1%81%D1%82%D0%B0%D1%83%D0%B4%D1%8B%D2%A3%20%D0%B0%D1%8F%D2%9B%D1%82%D0%B0%D0%BB%D0%B0%D1%82%D1%8B%D0%BD%D1%8B%20%D1%82%D1%83%D1%80%D0%B0%D0%BB%D1%8B.pdf">баспасөз қызметі</a>.
ҚР Ұлттық Банкі 2020 жылдың 3-қазанында 2006 жылғы үлгідегі номиналы 2000, 5000, 10000 теңгелік банкноттарды қабылдау мен айырбастаудың үш жылдық кезеңі аяқталатынын еске салады.
Жеке және заңды тұлғалардан 2006 жылғы үлгідегі номиналы 2000, 5000, 10000 тенгелік банкноттарды қабылдау және оларды ұлттық валютаның колданыстағы ақша белгілеріне ауыстыруды ҚРҰБ аумақтық филиалдары банкноттардың түпнұсқалығын растағаннан кейін комиссиясыз және сомасы бойынша шектеусіз жүзеге асырады.
<img src="http://kyzylorda-news.kz/wp-content/uploads/2019/11/12banknoty2.jpg" alt="" />
<img src="http://kyzylorda-news.kz/wp-content/uploads/2019/11/12banknoty3.jpg" alt="" />
<img src="http://kyzylorda-news.kz/wp-content/uploads/2019/11/12banknoty4.jpg" alt="" />

2006 жылғы үлгідегі теңгелер жарамсыз деп танылады

<a href="https://kyzylorda-news.kz/">Kyzylorda-news.kz.</a> ҚР Тұңғыш Президенті – Елбасы Нұрсұлтан Назарбаевтың қатысуымен елордада Astana Club пленарлық отырысы басталды, деп хабарлайды <a href="http://lenta.inform.kz/kz/nursultan-nazarbaevtyn-katysuymen-astana-club-plenarlyk-otyrysy-bastaldy_a3584287">ҚазАқпарат</a>.
11-12 қараша күндері «Назарбаев Орталығында» әлемнің жетекші дипломаттары мен саясаткерлерінің және сарапшыларының басын қосатын Astana Club бесінші отырысы өтуде. Мерейтойлық отырыс тақырыбы «Үлкен Еуразия: жаһандық ынтымақтастықтың жаңа құрылымы жолында» деп аталады. Клубтың сараптамалық талқылауына АҚШ, Қытай және Ресей арасындағы қырғи-қабақтың ушығуы, сауда протекционизмі мен популистік көңіл-күйдің артуы, сондай-ақ Иран мен Солтүстік Корея төңірегінде жаңа шиеленістердің бой көрсетуі мәселелері арқау болмақ.
Кезекті басқосуға әлемнің 23 мемлекетінен геосаясат, экономика мен халықаралық қатынастар саласының маңдайалды сарапшысы ретінде мойындалған 50-ден астам халықаралық спикер қатысады. Құрметті меймандардың қатарында – 3 бұрынғы мемлекет басшысы, 5 экс-премьер-министр, 10 министр және Нобель сыйлығының лауреаты бар.
Форумға қатысатын сарапшылардың географиясы кең. Атап айтсақ, АҚШ, Испания, Италия, Ресей, Жапония, Сербия, Аустрия, Норвегия, Қытай, Үндістан, Бельгия, Ауғанстан, Швеция, Португалия, Оңтүстік Корея, Египет, Бангладеш, Словения, Қырғызстан, Иран, Ұлыбритания, Пәкістан елдері бар.
«Астана клубы» отырыстарының бір бөлігі «Chatham house» ережелеріне сай өтеді. Бұл дегеніміз талқылау жабық сипатта өтеді және Еуразия мен әлемнің ең өзекті мәселелерінің өткір әрі ашық талқылануына мүмкіндік береді.

Нұрсұлтан Назарбаевтың қатысуымен Astana Club пленарлық отырысы басталды

<a href="https://kyzylorda-news.kz/">Kyzylorda-news.kz.</a> 13 қараша сағат 11:00-де Қазақ күріш шаруашылығы ғылыми-зерттеу институтында «Ауыл» халықтық-демократиялық партиясы Қызылорда облыстық филиалының XVI есеп беру-сайлау конференциясы өтеді.
Күн тәртібі бойынша филиал төрағасы Серікбай Өмірзақов аймақтық филиалдың 2016-2019 жылдардағы жұмысы туралы есеп береді. Сонымен қатар, конференцияға қатысушылар «Ауыл» ХДП филиалының Бақылау-тексеру комиссиясының жұмысы туралы есеп тыңдайды.
Конференция барысында «Ауыл» ХДП облыстық саяси кеңесінің жаңа құрамы, саяси кеңес президиумы және облыстық филиалдың бақылау-тексеру комиссиясының құрамы сайланады.
Конференция барысында 27 қарашада Нұр-Сұлтан қаласында өтетін «Ауыл» халықтық-хемократиялық партиясының XVI-шы съезінің делегаттары сайланады.
Мекенжайы: Қызылорда қаласы,&nbsp; Абай даңғылы, 25 Б.

Қызылордада «Ауыл» партиясы облыстық филиалының есеп беру-сайлау конференциясы өтеді

<a href="https://kyzylorda-news.kz/">Kyzylorda-news.kz.</a> Қызылорда облыстық Төтенше жағдайлар департаментінің баспасөз қызметінің мәліметінше, қария пәтерінде тайып құлап, жарақат алған.
Әлеуметтік көмек көрсету қызметкері 88 жастағы қарияның пәтерінің есігін ашпай жатқандығы жөнінде 112 нөміріне хабарласқан.
Жедел құтқару жасағының мамандары іске кірісіп, үшінші қабаттағы пәтерге балкон арқылы кірген. &nbsp;
<blockquote>
 «Құтқарушылар пәтер ішіне кіргеннен кейін оқиғаның мән-жайы анықталды. Қария ас бөлмеге кіре берісте аяғы тайып құлаған. Содан кейін өз бетінше тұра алмаған. Апаттар медицина орталығының қызметкерлері алғашқы көмек көрсетіп, қарияны ауруханаға жеткізді», – делінген хабарламада.
</blockquote>

Қызылордада құтқарушылар 88 жастағы қарияны құтқарып қалды

<a href="https://kyzylorda-news.kz/">Kyzylorda-news.kz.</a> Мемлекет басшысы білім және ғылым министрі Асхат Аймағамбетовті қабылдап, ведомствоның қазіргі жұмыстары мен алдағы жоспарлары туралы ақпаратпен танысты, деп хабарлайды Ақорданың баспасөз қызметі.
Қасым-Жомарт Тоқаев білім бағдарламалары мен оқыту деңгейі заман талабына сай келмейтін жоғары оқу орындарының лицензияларын өздігінен қайтарып алу мәселесінде министрлікті қолдады және аталған мәселе бойынша заңнамалық деңгейде тиісті нормативтік-құқықтық база әзірлеуді тапсырды.
Сонымен қатар Президент министрлікке 12 жылдық оқу мерзіміне қажетті инфрақұрылымды, бағдарламалар мен жалпы білім жүйесін дайындауға басымдық бере отырып, жүйелі түрде, асықпай көшу керектігі жөнінде тапсырма берді.
Республикалық бюджеттің орындалуын бақылау жөніндегі есеп комитетінің төрағасы Наталья Годунова Қасым-Жомарт Тоқаевқа Қазақстан халқына арналған Жолдауындағы берілген тапсырмалардың орындалу барысын баяндады.
Президент квазимемлекеттік сектор жұмысының тиімділігі жайындағы талдау нәтижелерімен танысты. Наталья Годунова бірқатар өңірдегі, атап айтқанда, Шығыс Қазақстан, Қостанай облыстары мен Алматы қаласына, сондай-ақ, жекелеген мемлекеттік органдарға жүргізілген аудит барысы жөнінде мәлімет берді. Кездесу қорытындысы бойынша Мемлекет басшысы бірқатар нақты тапсырма берді.

Қасым-Жомарт Тоқаев 12 жылдық білім беру жүйесіне асықпай көшу керектігін айтты

<a href="https://kyzylorda-news.kz/">Kyzylorda-news.kz.</a> Сейсенбі күні еліміздің басым бөлігінде күн райы ашық болады.
Антициклон шоғырына байланысты еліміздің басым бөлігінде жауын-шашынсыз ауа райы күтіледі, тек солтүстік-батыс және шығыс өңірде қар және жаңбыр жауады. Кей жерлерде жел күшейеді, көктайғақ болады, тұман түседі, тек шығыста жаяу бұрқасын соғуы ықтимал.
&nbsp;Ақмола, Қостанай, Солүстік Қазақстан облыстарының кей жерлерінде тұман, көктайғақ күтіледі, жел 15-20 м/с күшейеді
Шығыс Қазақстан облысының кей жерлерінде жаяу бұрқасын, тұман, көктайғақ күтіледі, күндіз жел 15-20 м/с күшейеді.
Жамбыл, Маңғыстау, Павлодар облыстарының кей жерлерінде тұман, Түркістан, күндіз Жамбыл, Павлодар, Қарағанды, түнде Маңғыстау облыстарының кей жерлерінде жел 15-20 м/с күшейеді.
Алматы, Қызылорда, Атырау, Батыс Қазақстан, Ақтөбе облыстарының кей жерлерінде тұман күтіледі.

Көктайғақ, тұман, жел – сейсенбіге арналған ауа райы болжамы

Табиғи газ – адамға берілген ұлы игілік. Бұл ыңғайлы әрі үнемді. Газ біздің үйлеріміздегі жылулық пен жайлылық көзі болып табылады. Алайда, табиғи газ ұқыпты және жауапкершілікпен қарауды талап етеді. Газ қайғылы салдарға әкеп соқтырмас үшін газ жабдықтарына ұқыпты қарап, күнделікті өмірде газды қауіпсіз пайдалану ережелерін сақтау қажет.
**1.Газ құрылғыларын қалай дұрыс пайдалануға болады? 
**Тек жұмыс істейтін газ жабдықтарын пайдаланыңыз. Жалынның түсін бақылаңыз, егер ол қызғылт сары болса – бұл құрылғының ақауы бар екенін білдіреді, газ мамандарын шақыруыңыз керек. Жұмыс істеп тұрған газ плиталар мен су жылытқыштарды қараусыз қалдырмаңыз және жалынға сұйықтықтар құйылуын немесе желдетуіне жол бермеңіз. Кішкентай балаларға, өздерінің іс-әрекеттерін бақыламайтын тұлғаларға газ жабдықтарын пайдалануға рұқсат бермеңіз. 
Есіңізде болсын! Газдың жануы үшін тұрақты ауа ағыны қажет. Газ плитасын (су жылытқыш) жаққан кезде, терезе әрдайым ашық болуы керек! 
Егер газ беру кенеттен тоқтап қалса, газ құрылғыларының қыздырғыштарындағы шүмектерді дереу сөндіріп, авариялық газ қызметіне 104 телефоны арқылы хабарлаңыз.
**2.Не үшін тартымды тексеру қажет? 
**Түтіннің және желдету түтіктерінде тартымның болмауы газдың жану өнімдерімен улануға әкелуі мүмкін. Газ су жылытқыштарын және жану өнімдерін мұржаларға шығаратын басқа құрылғыларды әр қолданар алдында, мұржада тартымның болуын тексеру қажет.Түтін және желдету жүйелерінің құрылғыларын өзгертуге болмайды, желдету каналдарын желімдеуге болмайды,газбен қолданылатын жабдықтардың түтін тартқыштарын желдету каналдарына қосуға болмайды,мұржаларды тазалауға арналған «қалталар» мен люктарды бітеп тастауға және желімдеуге болмайды.Мұржаларда және су жылытқыштардан түтін шығаратын құбырларда қосымша шиберлерді өз бетімен орнатуға болмайды. Жеке тұрғын үйлердің иелері қыста мұздату мен бітелудің алдын алу үшін мұржалардың ұштарын, сондай-ақ қысымның төмендеуіне байланысты көбінесе күз-қыс мезгілінде болатын «кері тарту» әсерінің пайда болуына байланысты мерзімді тексеріп отыруы керек. 
Есіңізде болсын! Тартым болмаған кезде газ құрылғыларын пайдалануға тыйым салынады.
**3. Неліктен газ жабдықтарына техникалық қызмет көрсетуді үнемі жүргізу қажет? 
**Күнделікті өмірде газды қауіпсіз пайдалану үшін ережелерді білу ғана емес, сонымен бірге пайдаланылатын газ жабдықтарының жарамдылығы да маңызды рөл атқарады.Қайғылы жағдайдың болмауы үшін пәтер ішілік және үйішілік газ жабдықтарына мезгіл-мезгіл техникалық қызмет көрсету қажет.Ол үшін газ құрылғыларының әр иесі мамандандырылған ұйыммен техникалық қызмет көрсету туралы келісімшарт жасауы керек.
**4. Табиғи газдың иісі пайда болғанда не істеу керек? 
**Газ құрылғыларын пайдалануды дереу тоқтатыңыз. Құрылғылардағы және құрылғылардың алдындағы шүмектерді жабыңыз.Бөлмені желдету үшін терезенің жел көздері мен терезелерді ашыңыз.Ашық отты жақпаңыз, темекі шекпеңіз, электр жарығы мен электр құрылғыларын қоспаңыз және өшірмеңіз, электр қоңырауларын қолданбаңыз. 
Апаттық қызметіне «04» немесе «104» телефондары арқылы (ұялы байланыс құрылғылары үшін) газдалмаған бөлмеден қоңырау шалып, шақырыңыз.
**5. Қауіпсіздік. 
**ГАЗ ТЕК ОНЫМЕН ДҰРЫС ПАЙДАЛАНҒАНДА ҒАНА ҚАУІПСІЗ. 
ТҰРМЫСТА ГАЗДЫ ПАЙДАЛАНУ ЕРЕЖЕЛЕРІН САҚТАҢЫЗ.
«ҚазТрансГаз Аймақ» АҚ ҚӨФ Әкімшілігі

Қазақстан және Қызылорда облысының жаңалықтары

2020 жылдан бастап жеке кәсіпкерлер салықты басқаша төлейді

Қ.Ысқақов: “Байқоңыр” ойын-сауық туристік аймағы Қазақстанның туристік картасының топ-10 қатарына еніп отыр

Баласын шетелге жіберетін ата-аналарға ескерту жасалды

Жарасхан Әбдірашевтің немересі жол апатынан қайтыс болды

Патрульдік полицейлердің айына 350 мың теңге жалақы алатыны жарияланды

2006 жылғы үлгідегі теңгелер жарамсыз деп танылады

Нұрсұлтан Назарбаевтың қатысуымен Astana Club пленарлық отырысы басталды

Қызылордада «Ауыл» партиясы облыстық филиалының есеп беру-сайлау конференциясы өтеді

Қызылордада құтқарушылар 88 жастағы қарияны құтқарып қалды

Қасым-Жомарт Тоқаев 12 жылдық білім беру жүйесіне асықпай көшу керектігін айтты

Көктайғақ, тұман, жел – сейсенбіге арналған ауа райы болжамы

Газды қауіпсіз пайдалану ережелері

Қазақстан және Қызылорда облысының жаңалықтары

2020 жылдан бастап жеке кәсіпкерлер салықты басқаша төлейді

Қ.Ысқақов: &#8220;Байқоңыр&#8221; ойын-сауық туристік аймағы Қазақстанның туристік картасының топ-10 қатарына еніп отыр

Баласын шетелге жіберетін ата-аналарға ескерту жасалды

Жарасхан Әбдірашевтің немересі жол апатынан қайтыс болды

Патрульдік полицейлердің айына 350 мың теңге жалақы алатыны жарияланды

2006 жылғы үлгідегі теңгелер жарамсыз деп танылады

Нұрсұлтан Назарбаевтың қатысуымен Astana Club пленарлық отырысы басталды

Қызылордада «Ауыл» партиясы облыстық филиалының есеп беру-сайлау конференциясы өтеді

Қызылордада құтқарушылар 88 жастағы қарияны құтқарып қалды

Қасым-Жомарт Тоқаев 12 жылдық білім беру жүйесіне асықпай көшу керектігін айтты

Көктайғақ, тұман, жел – сейсенбіге арналған ауа райы болжамы

Газды қауіпсіз пайдалану ережелері

Қ.Ысқақов: “Байқоңыр” ойын-сауық туристік аймағы Қазақстанның туристік картасының топ-10 қатарына еніп отыр