<a href="https://kyzylorda-news.kz/">Kyzylorda-news.kz</a> ақпараттық агенттігінің 21 ақпанға арналған жұлдыз-жорамалы.
Тоқты
Керемет күн. Күтпеген тосынсыйлар болып, жағымды жаңалық естисіз. Соңғы уақытта мазаңызды алған сауалдарға жауап табасыз.
Торпақ
Бүгін достармен бас қосып, алдағы күндерге жоспар құруға қолайлы күн. Жеке өміріңізге қатысты біршама мәселелерді шешетін боласыз.
Егіздер
Маңызды шаруаға қатысты шешім шығарасыз. Дәл қазіргі сәтте барлық жағдайды дұрыс бағамдай аласыз. Сондықтан дұрыс шешім шығарасыз.
Шаян
Түске дейін ешкімнің көңіліне қарап, жағдайын жасамаңыз. Салқынқандылық танытқаныңыз жөн. Бұл ісіңіз көп көмегін тигізеді.
Арыстан
Әр қадамыңызды аңдап басыңыз. Асығыстық танытудың қажеті жоқ. Әсіресе шығармашылықпен айналысатын жандар байқампаз болыңыз.
Бикеш
Бүгінгі жұмыстарды ертеңге қалдырмаңыз. Ішкі түйсігіңізге сеніңіз, сонда ғана барлық жұмысты дұрыс істейтін боласыз.
Таразы
Маңызды шаруалар күтіп тұр. Көздеген мақсатқа жете аласыз. Маңызды мәселерді асықпай отырып шешетін боласыз.
Сарышаян
Бүгін орын алған оқиғалар өміріңізді жаңадан бастауға, өз қалауыңыздағыдай өрбітуге мүмкіндік береді. Жақындарыңызбен бірге болыңыз.
Мерген
Өте сәтті күн. Адамдармен жақсы қарым-қатынаста болыңыз. Қызықты ұсыныстар түседі. Сөзі өтімді жандармен серіктес боласыз.
Тауешкі
Қаржылық жағынан жолыңыз болады. Есеп-шотыңызға қомақты қаражат түседі. Ақшаны ақылмен жұмсайсыз. Бірақ қажетті дүниеге еш аянбайсыз.
Суқұйғыш
Адамдармен тіл табыса аласыз. Олардың жағдайын түсінуге тырысасыз. Ешкімнің көңілін қалдырғыңыз жоқ. Кикілжіңдерден бойды аулақ ұстайсыз.
Балықтар
Қиындықтармен күресе аласыз. Бірақ оған біраз уақыт қажет. Эмоцияңызды сыртқа білдірмеуге тырысасыз. Соның арқасында дұрыс шешім қабылдайсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қармақшыдағы аудандық мәдениет үйінде мемлекеттік көрсетілетін қызметтердің және бос жұмыс орындардың жәрмеңкесі өтті.
Шараның ашылуында сөз алған аудан әкімінің орынбасары Ж.Омаров ауданымызда көрсетілетін мемлекеттік қызметтер мен бүгінгі өткізілген шараның маңызы туралы айтып өтті.
Сонымен бірге, Қазақстан Республикасы мемлекеттік қызмет істері агенттігінің Қызылорда облысы бойынша департаменті басшысы, әдеп жөніндегі кеңес төрағасы Н.Талқанбаев мемлекеттік көрсетілетін қызметтер туралы жиналған қауымға түсінік берді.
Жәрмеңкеде аудан әкімі аппаратына қарасты бөлімдер мен мемлекеттік корпорация (ХҚКО) мамандары, Қармақшы ауданы бойынша мемлекеттік кірістер басқармасы, аумақтық инспекция, аудандық емхана мамандары аудан халқына қызметтерін ұсынды және Жосалы кенті әкімі аппаратына қарасты «Толғанай» балабақшасы, №105 мектеп, Төребай би ауылдық клубы, №111 мектеп және жеке кәсіпкер Ш.Кәрібаевтың «Нұр» шайханасы, жеке кәсіпкер Б.Несіпбаевалар мекемедегі бос орындары бойынша тиісті мамандарға сұраныс жасады.
Бос орындар жәрмеңкесі барысында 37 аудан тұрғыны жер қатынастары, құрылыс, сәулет, әлеуметтік сала бойынша қызметтерді алу жөнінде кеңес алса, 8 адам жаңа жұмыс орындарын, кәсіп ашамын деген адамдарға берілетін гранттар мен несие жайында мәліметтер алды.
<img src="https://kyzylorda-news.kz/wp-content/uploads/2020/02/20karmmemkyzm2.jpg" alt="" />
<img src="https://kyzylorda-news.kz/wp-content/uploads/2020/02/20karmmemkyzm3.jpg" alt="" />

Қармақшыда мемлекеттік көрсетілетін қызмет және бос жұмыс орындарының жәрмеңкесі өтті

<a href="https://kyzylorda-news.kz/">Kyzylorda-news.kz.</a> 2020 жылғы 27 ақпан күні сағат 10:00-12:00 аралығында облыс прокурорының бірінші орынбасары Т.Әлібаев көшпелі түрде Қызылорда қаласы және оған қарасты ауылдық округ және кент тұрғындарына жеке қабылдау жүргізетінін хабарлаймыз.
Жеке қабылдау Қызылорда қаласы, Шүкіров көшесі №62 үй мекенжайында орналасқан Қызылорда қалалық прокуратурасының ғимаратында өтеді.
Жеке қабылдауға алдын ала жазылу үшін қалалық прокуратураның &nbsp;&nbsp;&nbsp;&nbsp;&nbsp;24-81-79 байланыс телефоны арқылы 26 ақпан сағат 18:00-ге дейін жүргізіледі.
Қызылорда қаласының прокуратурасы

Қызылорда облысы прокурорының бірінші орынбасары азаматтарды қабылдайды

<a href="https://kyzylorda-news.kz/">Kyzylorda-news.kz.</a> Қызылорда облысы «Рухани жаңғыру» бағдарламасын ақпараттық қамтамасыз ету бойынша ең жоғары көрсеткішпен үздік өңірлер қатарынан көрінді. Бұл туралы өңірлік коммуникациялар орталығында өткен баспасөз мәслихатында облыс әкімінің орынбасары Наурызбай Байқадамов мәлімдеді.
БАҚ өкілдерімен кездескен Наурызбай Сейтқалиұлы аталған бағдарламаның аймақта орындалу барысын таныстырды. Сонымен қатар биылғы жылғы жоспарымен бөлісті.
Өткен жылы өңірде «Жыр мұра», «Ұлы Дала елі», «Өз жеріңді танып біл», «Жақаев ізбасарлары» жобалары, «Қорқыт және Ұлы дала сазы» түркітілдес елдердің халықаралық музыкалық фестивалі, «Жырласа жастар жырласын» дәстүрлі әндерді орындаушы жас әншілердің республикалық фестивалі, «Латын графикасы: әлемдік тәжірибе және ұлт руханияты» атты республикалық оқу семинары, «Жаңа емле: құрылымы мен мазмұны» республикалық семинары, «Ұлы дала жәдігерлері» атты кітап көрмесі, «Менің Отаным – Қазақстан» жас өлкетанушылар слеті, «Ақкербез» республикалық фестивалі, «Алтын белбеу» қазақша күрестен облыстық турнирі, «Парасатты поэзия» халықаралық фестивалі секілді маңызды жобалар мен іс-шаралар жүзеге асырылды.
<blockquote>
 «Елбасының «Болашаққа бағдар: рухани жаңғыру» және «Ұлы даланың жеті қыры» атты бағдарламалық мақалаларының идеялары бойынша «Рухани жаңғыру» қазақстандық қоғамдық даму институты 2019 жылы іске асырылған «Сәтті жобалар жинағын» шығарған болатын. Аталмыш жинаққа біздің облыстан «Қорқыт ата мұрасын жас ұрпаққа насихаттау мақсатында 3 тілде шығарылған «Қорқыт атаның даналық сөздері» кітабы мен «Ізденіс» жасыл академиясының жастарды бау-бақша өнімдерін өсіру арқылы еңбекке баулу жобалары енгізілді. Сондай-ақ «Ауыл ел бесігі» арнайы жобасы аясында жастардың ауыл өміріне араласуына, еңбекке баулу мақсатында «Өзекті ауыл өмірі, қарбалас қала тірлігі» және «Village Life» жобалары жүзеге асырылды. Ұлы даланың ұлы есімдері жобасы бойынша 38 шара ұйымдастырылып, 5000-ға жуық адам қамтылды. Оның ішінде, «Қорқыттың даналық сөздері» кітабы 3 тілде шығарылды», – деді Н. Сейітқалиұлы брифингте.
</blockquote>
Қорқыт Ата мұралары ЮНЕСКО-ның материалдық емес мәдени мұралар тізіміне енгізілуіне орай Қорқыт есімін әлемдік деңгейде насихаттаудың бес жылдық кешенді жоспарына сәйкес, оның күйлерін кеңінен насихаттау мақсатында Қызылорда облыстық филармониясы жанынан «Қобызшылар ансамблі» құрылды. Сондай-ақ «100 жаңа есім» республикалық жобасының аймақтық жеңімпаздарын насихаттау мақсатында (журналист Назгүл Кенжетай, кәсіпкер Айдос Сайлығараев) Қызылорда қаласында және барлық аудандарда 16 тақырыптық баннер ілініп, бірнеше басқосулар, шеберлік сабақтары өткізілген.
2019 жылы «Рухани жаңғыру» қазақстандық қоғамдық даму институты жүргізген мониторингке сәйкес, Бағдарламаны ақпараттық қамтамасыз ету бойынша Қызылорда облысы соңғы үш айда ең жоғары көрсеткішпен үздік өңірлер қатарынан табылды. Бүгінгі күні Қызылорда облысында «Рухани Жаңғыру» бағдарламасын іске асыру жөніндегі 2020 жылға арналған кешенді іс-шаралар жоспары «Рухани жаңғыру» қазақстандық қоғамдық даму институты ұсынған жаңа талаптарға сәйкес әзірленіп, Ақпарат және қоғамдық даму министрлігімен келісілген.
Биыл Қызылордада «Адал ұл ер боп туса – ел тірегі» атты әкелі-балалы жұптар сайысы, оқушылар арасында «Әкеме хат» шығармалар байқауы ұйымдастырылады.
<blockquote>
 «Бұл бастама әкенің қоғамдағы ролін арттыру, беделін көтеру мақсатында қолға алынып отыр. Нарықтың қиын-қыстау кезеңінде әйел-аналарымыз ала дорба асынып, базарға шығып, ауыртпалық жүгін арқалаған еді. Енді бұл міндетті әкелер мойнына алып, олар отбасы тәрбиесіне оралуы тиіс», – деді облыс әкімінің орынбасары.
</blockquote>
Одан бөлек, «Ұлы дала fest» тақырыбында ұлттық дәстүрлер фестивалін, демалыс орындарында «Көне аспаптар сыр шертеді» жобасын, «Ертегі – тәрбие берудегі ізгілік бастауы» атты ертегі айтушы әжелер байқауын өткізу жоспарланып отыр.
«Отандастар» республикалық АҚ және бірнеше облыстың қатысуымен «Алпамыс батыр ізімен…» тақырыбында Өзбекстанға біріккен экспедиция, Ресей, Өзбекстан және Қырғызстанның қазақтар тығыз қоныстанған аймақтарына жас жыраулардың шығармашылық іссапары ұйымдастырылады. Ал «Тал бесіктен – жер бесікке дейін» прагматикалық жобасы азаматтардың ысырапшылдық деңгейін төмендетуге бағытталған.
<img src="https://kyzylorda-news.kz/wp-content/uploads/2020/02/20brifrukhani2.jpg" alt="" />

«Рухани жаңғыру»: Қызылорда облысы үздіктер қатарында

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың әліпбиді жетілдіруге байланысты тапсырмасына орай бүгін ҚР Мәдениет және спорт министрлігінің ұйымдастыруымен Алматыда “Латын негізді қазақ әліпбиі: ұсыныстар, талқы және нәтиже” атты кеңес өтті, деп хабарлайды <a href="https://massaget.kz/mangilik_el/60965/">Massaget.kz</a>.
Аталған ведомствоның баспасөз қызметі таратқан ақпаратқа сәйкес, жұмыс топтарының бірлескен кеңесінде үш әліпби жобасы талқыланды. Олар: бұған дейін бекітілген алайда жетілдірілу қажеттігі туындаған акут нұсқасы, баламалы негіздегі умлаутты әліпби жобасы және А.Байтұрсынұлы атындағы Тіл білімі институты ғалымдар тобының әліпби жобасы. Алғашқы екі әліпби жобасы 14 ақпанда Тіл комитетінің ұйымдастырумен және аймақтағы тіл басқармаларының үйлестіруімен республикалық көлемде филолог ғалымдар мен әдіскерлер, жоғары және орта білім беретін оқу орындарының тіл мамандары арасында ашық талқылаудан өтті. Үшінші жоба әлеуметтік желілерде талқыланды.
Аталған әліпби жобаларының қайсысы қолдануға тиімді екенін анықтау мақсатында ҚР Білім және ғылым министрлігінде оқушылар мен студентер арасында әліпби жобалары бойынша сынама-сауалнама жұмыстары жүргізілді. Сондай-ақ, ҚР Цифрлық даму, инновация және аэроғарыш өнеркәсібі министрілігі UNICODE-қа сәйкестігін, Банктер банк жүйесінде қолданысқа ыңғайлылығы, “Нұр Отан” жастар қанатында әліпби жобалары бойынша сынама-семинарлар, сараптау жұмыстары жасалып, БАҚ-та әліпбиді жетілдіруге байланысты 90-ға жуық мақала жарық көрді.
Кеңейтілген кеңесте осы талдаулар мен талқылаулардың қорытындылары, ұсыныстар және сынама жұмыстарының нәтижелері, сараптамалары жинақталып баяндалды. Ғалымдар әліпбиге мынадай талаптар қойып отыр:
1. Қазақ тілінің барлық дыбыстарының қамтылуы;
2. “Бір дыбыс – бір таңба” қағидатының сақталуы;
3. Қосымша диакритикалық белгілердің сабақтастығы мен жүйелілігі;
4. Латын таңбаларының және диакритикалардың қазақ тілінің дыбыстары сипатына сай болуы;
5. Әліпбиде ғылыми негізділіктің сақталуы;
6. Әліпби таңбаларының Халықаралық фонетикалық әліпби жүйесіне сәйкестігі;
7. Әліпби таңбаларының UNICODE жүйесіне сай болуы;
8. Қазақ тілінің төл табиғатына сай әліпбилік реттіліктің сақталуы;
Бірлескен кеңесте әліпбидің үш жобасы бойынша арнайы баяндамалар жасалып, ғылыми талқылау өткізілді. Талқыланған жобалар арасынан лайықты деп танылған әліпби жобасы Ұлттық комиссияға ұсынылатын болады. Жиынға Мәдениет және спорт вице-министрі Н.Дәуешов, Білім және ғылым, Ақпарат және қоғамдық даму, Цифрлық даму, инновациялар және аэроғарыш өнеркәсібі министрліктері және Тіл саясаты комитеті өкілдері мен Ұлттық комиссия жанындағы Орфографиялық, Әдістемелік, Терминологиялық, Сараптама және техникалық жұмыс топтарының мүшелері болып табылатын ғалымдар қатысты.

Ғалымдар латын негізді қазақ әліпбиіне қатысты қандай талаптар қойды?

<a href="https://kyzylorda-news.kz/">Kyzylorda-news.kz.</a> «Атамекен» Қазақстан Республикасының Ұлттық кәсіпкерлер палатасы Қазақстан Республикасы Президентінің 2006 жылғы 9 қазандағы № 194 жарлығына сәйкес, 2020 жылғы «Алтын сапа» және «Қазақстанның үздік тауары» байқауларына өтінімдерді қабылдау басталғандығын хабарлайды
1.&nbsp;Қазақстан Республикасы Президентінің «Алтын сапа» сыйлығы&nbsp;(бұдан әрі – сыйлық) ұйымның өнім және/немесе қызметтер сапасы саласында айтарлықтай нәтижелерге қол жеткізгені, олардың қауіпсіздігін қамтамасыз еткені үшін, сондай-ақ ұйымның сапаны басқарудағы тиімділігі, жоғары әдістерін енгізгені үшін байқаулық негізде ұсынылады.
Байқауға Қазақстан Республикасының аумағында&nbsp;тауарлар өндірумен, қызметтер көрсетумен (қару-жарақ пен әскери техника өндіруді қоспағанда) айналысатын жеке кәсіпкерлер мен заңды тұлғалар қатыса алады.
Байқауға мемлекеттің қатысу&nbsp;үлесі 50%-дан асатын&nbsp;ұйымдар, сондай-ақ белгіленген тәртіп бойынша оңалту және банкроттық рәсімдерін жүзеге асыру туралы шешімдер қабылданған ұйымдар қатыса алмайды.
Сыйлық үш санатта (шағын, орта және ірі кәсіпкерлік субъектісі) және келесі номинациялар бойынша беріледі:
1) «Өндiрiстiк мақсаттағы үздiк кәсiпорын»;
2) «Халық тұтынатын тауарларды шығаратын үздiк кәсiпорын»;
3) «Қызметтер көрсететiн үздiк кәсiпорын»;
4) «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын».
Байқауға қатысушылар алдыңғы үш жыл ішінде шығарылатын өнімнің немесе көрсетілетін қызметтердің жоғары сапасын көрсетуі тиіс.
Байқау төрт кезеңде өткізіледі және келесі маңызы санаттардан тұрады.
Өтінімдерді 2020 жылдың 1 шілдесіне дейінгі мерзімде электронды түрде&nbsp;<a href="http://www.altynsapa.kz/">www.altynsapa.kz</a>&nbsp;сайтында немесе ӨКП тапсыру қажет. Ағымдағы жылдың 1 шілдесінен бастап өтінімдерді қабылдау жабылады!
Байқауға қатысуға ниет білдірген заңды тұлға немесе жеке кәсіпкер материалдарды Қазақстан Республикасы Үкіметінің 2009 жылғы 31 шілдедегі №1167 қаулысымен бекітілген Қазақстан Республикасы Президентінің «Алтын сапа» сыйлығын алуға арналған байқауға қатысушылардың материалдарын ресімдеу, ұсыну және алдын ала бағалау ережесіне» сәйкес орналасқан жері бойынша ӨКП-ге 1 шілдеге дейінгі мерзімде ресімдеп, тапсыруы тиіс.
2. ҰКП сараптамалық тобының алдын ала бағалау жүргізуі және 40 финалисті анықтауы (тамыз-қазан).
3. Сараптамалық топ кәсіпорындарға барып, байқаудың финалистеріне бағалайды.
4. Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-байқауының дипломанты атағын беру жөніндегі Комиссияның отырысы (желтоқсан).
Сыйлық лауреаттарына тиісті диплом, байқау эмблемасы және 450 айлық есептік көрсеткіш ақшалай сыйақы беріледі. Лауреаттар төрт жыл бойы «Алтын сапа» байқауының эмблемасын жарнамалық мақсатта пайдалану құқығына ие болады.
2. «Қазақстанның үздік тауары» республикалық көрме-байқауы – отандық өнімнің сапасын арттыруға және Қазақстан нарығын жоғары сапалы және бәсекеге қабілетті өніммен толықтыруға бағытталған жеке және заңды тұлғалардың қызметін жандандыру мақсатында жыл сайын өткізіледі.
Байқау мынадай үш номинация бойынша жүргізіледі:
1) «Өндірістік мақсаттағы үздік тауарлар»;
2) «Халыққа арналған үздік тауарлар»;
3) «Үздік азық-түлік тауарлары».
Әр номинацияда үш жеңімпаз айқындалады.
«Қазақстанның үздік тауары» көме-байқауы бір жыл бойы өткізіліп, төрт кезеңде жүзеге асырылады.
1.&nbsp;Өтінімді&nbsp;«Қазақстанның үздік тауары» өңірлік көрме-байқауының өткізілуіне кемінде 10 күн қалған мерзімде&nbsp;<a href="http://www.altynsapa.kz/">www.altynsapa.kz</a>&nbsp;сайтында немесе өңірлік кәсіпкерлер палаталарына ұсыну қажет.
Өңірлік көрмелердің өткізілу кестесі облыстардың, республикалық маңызы бар қалалардың, астананың әкімдіктерімен келісім бойынша жасалады және ағымдағы жылдың 15 сәуірден бастап&nbsp;<a href="http://www.altynsapa.kz/">www.altynsapa.kz</a>&nbsp;сайтында жарияланады.
Байқауға қатысуға ниет білдірген заңды тұлға немесе жеке кәсіпкер материалдарын Қазақстан Республикасының Үкіметінің 2009 жылғы 31 шілдедегі №1167 қаулысымен бекітілген «Қазақстанның үздік тауары» өңірлік және республикалық көрме-байқауына ұсынылатын материалдар мен өнімді ресімдеу, ұсыну және алдын ала сараптамалық бағалау ережесі» сәйкес толтырып, орналасқан облысындағы өңірлік кәсіпкерлер палаталарына ұсынады (<a href="http://www.altynsapa.kz/">www.altynsapa.kz</a>&nbsp;&nbsp;сайтында жарияланған).
Өңірлік көрмеге қатысу байқауға одан әрі қатысудың міндетті шарты болып табылады.&nbsp;Өңірлік байқаулардың 9 жеңімпазы&nbsp;ғана «Қазақстанның үздік тауары» республикалық көрме-байқауына қатысу мүмкіндігіне ие болады.
2. Нұр-Сұлтан қаласында республикалық көрме-байқаудың өткізілуі (қазан). Көрме нәтижесі бойынша ҰКП сараптамалық тобы үш номинация бойынша&nbsp;27 финалистіанықтайды.
3. Үшінші кезеңде&nbsp;27 финалист&nbsp;онлайн-дауыс беруге қатысады.
4. Ұсынылған материалдардың негізінде Комиссия.
4. «Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-байқауының дипломанты атағын беру жөніндегі Комиссияның байқаудың&nbsp;9 қатысушысына&nbsp;«Қазақстанның үздік тауары» республикалық көрме-байқауының дипломаты атағын беру туралы шешім қабылдау отырысы (желтоқсан).
Байқау дипломанттарына диплом мен байқау эмблемасы тапсырылады. Дипломанттар төрт жыл бойы «Қазақстанның үздік тауары» байқауының эмблемасын жарнамалық мақсатта пайдалану құқығына ие болады.
Байқау жеңімпаздарын марапаттау рәсімі жыл сайын Қазақстан Республикасы Президентінің қатысуымен салтанатты рәсімде өткізіледі.
Байқаулардың әлеуетті қатысушыларына кеңес беру үшін жыл сайын сәуір-маусым айларында ӨКП базасында байқауларды өткізу тәртібі және байқау материалдарын ресімдеу ережелері бойынша тегін оқыту семинарлары өтеді. Оқыту семинарларының өткізілу күндері ағымдағы жылдың наурыз айында www.altynsapa.kz &nbsp;жарияланады.
Құрметті кәсіпкерлер, сапа саласындағы байқауларға қатысып, бақтарыңызды сынауға шақырамыз. Толық ақпарат алу үшін әлеуметтік желілердегі Алтын сапа ресми парақшаларына және сайт (<a href="http://www.altynsapa.kz/">www.altynsapa.kz</a>) жаңалықтарына жазылыңыз. Байланыс телефоны: 8 (7172) 919-388.

«Алтын сапа» және «Қазақстанның үздік тауары» байқауларына қатысуға өтінім қабылдау басталды

<a href="https://kyzylorda-news.kz/">Kyzylorda-news.kz.</a> Арал аудандық Халыққа қызмет көрсету орталығының бөлімінде “Үздік тәлімгерлер” сайысы өтті.
Сайыс “SANA” корпоративті мәдениетін жүзеге асыру мақсатында бөлім қызметкерлері арасында өткізілді. Мамандар екі топқа бөлініп, 11 бөлімнен тұратын түрлі сайыс түрінен бақ сынасты.
Топтық сайыс тартысты деңгейде өтіп, екі жақ мамандары білімдерін ортаға салды. Шара қортындысымен үздік тәлімгер номинациясымен Ж.Абибуллаева, Л.Сақтапова марапатталды.
<img src="https://kyzylorda-news.kz/wp-content/uploads/2020/02/20sontalimger2.jpg" alt="" />
<img src="https://kyzylorda-news.kz/wp-content/uploads/2020/02/20sontalimger3.jpg" alt="" />

Аралда үздік ХҚКО қызметкерлері  анықталды

<a href="https://kyzylorda-news.kz/">Kyzylorda-news.kz.</a> Қазақстан Республикасының қалаларында гастрольдік сапармен жүрген Ресей мемлекетінің зообағы ағымдағы жылдың 14 ақпаны күні Қызылорда қаласына келгендігі анықталды. Гастрольмен жүрген зообақ қызметкерлері ешқандай тиісті мемлекеттік мекемелерге ескертпеген. Тек жеке кәсіпкер, «Торғай» сауда үйінің иесімен келісімге келіп, ғимараттың жертөлесіндегі бір бөлмеге зообағын орналастырған.
Осыған орай, өңір жұртшылығы мен еріктілер зообақтағы аң-құсқа қажетті жағдайдың жасалмағанына алаңдап, дабыл қаққан еді. Еліміздің барлық аймағындағы жануарлар жанашырлары да бұл зообақтың жабылуын қалаған. Қызылордалықтар да жылжымалы зообақтың жағдайын көріп, өңірден шығарылуын талап етті. Себебі, онда ветеринар, зоотехник мамандары мүлдем болмаған. Аң-құстың талапқа сай қоректенуі былай тұрсын, олардың торда жүріп-тұруына да жағдай жасалмаған. Іші лас, ылғал, қараңғы. «Торғай» сауда үйінің жертөлесінде орналасқан зообақ тіптен келушілерге де қолайсыздлық тудырған. Ал, мұндағы жануарлардың жағдайы күн санап ауырлай түскен.
Аталған оқиғаға байланысты Қызылорда қаласы Полиция басқармасының көші-қон қызметі бөлімі Ресей мемлекетінен келген зообақты тексеріп, заң аясында тиісті шаралар қабылдады.
<blockquote>
 – Осы жылдың 14 ақпаны күні Қызылорда қаласының тұрғындары және еріктілер Қызылорда қаласы Әбуов көшесіндегі «Торғай» сауда үйінің жертөлесінде экзотикалық жануарларды ұстап, оларды көрмеге қоюына байланысты өздерінің пікірлерін білдірген болатын. Осы ретте қала әкімінің орынбасары Бектас Нұриденов, қалалық кәсіпкерлік бөлімі, тұтынушылар құқығын қорғау және тауарларды бақылау басқармасы, ветеринариялық станция және қалалық Полиция басқармасының қызметкерлері аталған орынға барып, зерттеулер жүргізді. Иесіне зообақтың жұмысы заң шеңберінде дұрыс еместігі түсіндірілді. Қалалық полиция басқармасының тарапынан Ресей Федерациясының азаматына еліміздің Көші-қон заңын бұзуына байланысты тиісті хаттама толтырылып, әкімшілік шешім қабылдау үшін сотқа жолданды. Қазіргі таңда зообақтың жұмысы толық тоқтатылды, – дейді Қызылорда қалалық өнеркәсіп және туризм бөлімінің басшысы Алмасбек Есмаханов.
</blockquote>
Сонымен қатар, Қазақстан Республикасы ауыл шаруашылығы министрлігі Ветеринариялық бақылау және қадағалау комитетінің Қызылорда облыстық аумақтық инспекциясының мамандары барып, тиісті құжаттарының, атап айтқанда, ветеринариялық сертификат болуына бақылау, қадағалау жұмыстарын жүргізіп, ветеринария саласының заңдылықтарына сәйкес екендігін нақтылаған.
Ал, Қызылорда облысының ветеринария басқармасының қалалық ветеринариялық станциясының мамандары хайуанаттарға клиникалық тексеру жұмыстарын жүргізіп, ешқандай ауру белгілері жоқ екендігін анықтады.
Үстіміздегі жылдың 17 ақпан күні зообақ Қызылорда облысының ветеринария басқармасының қалалық ветеринариялық станциясының ветеринариялық анықтамасымен Орал қаласына жөнетілген.

Қызылорда қаласына Ресей мемлекетінен келген зообақ кері қайтарылды

<a href="https://kyzylorda-news.kz/">Kyzylorda-news.kz.</a> Қызылорда қаласында Еуропалық қайта құру және даму банкі қаржыландыратын жоба шеңберінде электр желілерін жаңғырту жүргізілуде.
Жаңғырту төменгі (400 Вольт) және орташа (10000 Вольт) кернеулі электр тарату желілері бойынша жүргізіледі. Ағымдағы уақытта кернеуі төмен (400 Вольт) электр желілерін жаңғырту бойынша СВ-95-2 – 3938 тіректердің ішінен 3410 данасы немесе 87% электр беру желілерінің тіректері орнатылды, СИП-4 сымдарының 103,375 км құрастырылып ілінген (өздігінен басқарылатын оқшауланған сымдар) осы типті жоба бойынша 206,8 км сымдардан немесе 50% құрастырылып ілінген, жоба бойынша 0,4 кВ 4,74 км кабельдерден 3,758 км күш кабелі немесе 77% құрастырылған. Орта кернеулі (10000 Вольт) электр желілерін жаңғырту бойынша СВ-105-5 – 3626 тіректен 2550 электр беру желілерінің тіректері орнатылды, жоба бойынша осы үлгідегі тірек немесе 70%, СВ-110-5 – 1757-ден 792 данасы жоба бойынша немесе 45%, СВ-164-1 – 18-ден 18 тірек немесе жоба бойынша берілген барлық тіректердің 100% құрастырылып, СВ-164-12 – 113-тен 41 данасы жоба бойынша немесе 36%, жоба бойынша 71,432 км сымдардың СИП-3 93,02 км сымдары немесе 76% ілінді, жоба бойынша 10 кВ 12,28 км кабельден 8,826 км күш кабелі немесе 72% құрастырылды.&nbsp; КТПБ-10/0,4 кВ 630 кВА – 2 дана жоба бойынша 2 немесе 100%, КТПБ – 10/0,4 кВ 400 кВА-37 дана жоба бойынша 37 немесе 100%, КТПБ-10/0,4 кВ 250 кВА-13 дана 13 жоба бойынша немесе 100%, 10 кВ тарату пункті-1 дана жоба бойынша 1 дана.
&nbsp;«Промышленная»&nbsp; 35/10 кВ қосалқы станцияларына кеңейтулер жүргізіліп,&nbsp; қосымша 2 ұяшықты 10 кВ, «Комсомол» қосымша 3 ұяшықты 10 кВ орната отырып, 35/10 кВ кеңейту жүргізілді. РУ-10 кВ ТП-10/0,4 кВ №1 Белкөл жабдықтары ауыстырылды.
Қызылорда қаласының электр желілерін жаңғырту қаланың желілік бөлігіне қызмет көрсететін Қызылжарма ЭЖА (электр желілері ауданы) жүргізіледі.
Қызылорда қаласының электр энергиясын тұтынушыларын электр желілерін жаңғырту апатсыз және үздіксіз электрмен жабдықтауды қамтамасыз етуге мүмкіндік береді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Атомдық және энергетикалық қадағалау мен бақылау комитетінің
Қызылорда облысы бойынша аумақтық департаменті

Қызылорда қаласының электр желілерін жаңғырту жұмыстары даму банкі арқылы жүргізілуде

<a href="https://kyzylorda-news.kz/">Kyzylorda-news.kz.</a> ҚР Білім және ғылым вице-министрі Бибігүл Асылова студенттік жатақханаларды құрылысына қатысты түсінік берді, деп хабарлайды <a href="https://www.inform.kz/kz/bilim-ministrligi-studenttik-zhatakhana-kurylysy-zhospardan-asyra-oryndalyp-keledi_a3616812">ҚазАқпарат</a>.
<blockquote>
 «2019 жылдың қорытындысы бойынша берілген тапсырманы орындау деңгейі 186 пайызға қамтамасыз етілді. Жоспар бойынша 5 мың орын тапсырылу керек болса, жатақханаларда 9166 жаңа орынды пайдалануға бердік. Елбасының Бес әлеуметтік бастамасын жүзеге асыру аясында 2022 жылдың соңына дейін 75 мыңнан кем емес орынға арналған жаңа студенттік жатақхана салу тапсырылған еді», – деді вице-министр.
</blockquote>
Осы орайда ол аталған бастаманы іске асыру бойынша арнаулы құрылысты қамти отырып, сондай-ақ мемлекеттік-жекешелік әріптестікті пайдалану тұрғысында шаралар кешені қарастырылғанын еске салды.
<blockquote>
 «Аталған мақсатты шешу үшін жатақхана құрылысын кезең-кезеңмен жүргізу ескерілген. Жоспар бойынша 2019 жылы 5 мың орыннан, 2020 жылы 20 мың орыннан, ал 2021 жылы 45 мың орыннан кем емес болды. Осы арқылы 2022 жылы біз осы мақсатты толықтай орындауға тиістіміз, яғни 75 мың орын пайдалануға беріледі. Бастаманы жүзеге асыру басталғалы 34 нысан тапсырылды, бұл өз кезегінде жатақханаларда 9 166 орынды құрады», – деп нақтылады Бибігүл Асылова.
</blockquote>

Білім министрлігі: Студенттік жатақхана құрылысы жоспардан асыра орындалып келеді

<a href="https://kyzylorda-news.kz/">Kyzylorda-news.kz.</a> 2020 жылдың қаңтар айының қорытындысы бойынша көрсетілген консультациялық-диагностикалық қызметтер 2019 жылдың қаңтарымен салыстырғанда 27%-ға өсті. Бұл туралы Орталық коммуникациялар қызметінде өткен брифингте «Әлеуметтік медициналық сақтандыру қорының» басқарма төрағасы Айбатыр Жұмағұлов айтты, деп хабарлайды <a href="http://lenta.inform.kz/kz/31-nauryzga-deyin-mams-zhuyesinde-saktanushynyn-martebesin-alu-manyzdy-aybatyr-zhumagulov_a3616707">ҚазАқпарат</a>.
2020 жылға Әлеуметтік медициналық сақтандыру қоры 1 258 медициналық ұйыммен келісімшарт жасады. Оның ішінде 657 медициналық ұйым – мемлекеттік меншікте және 601-і — жекеменшік.
<blockquote>
 «2020 жылдың қаңтар айының қорытындысы бойынша көрсетілген консультациялық-диагностикалық қызметтер 2019 жылдың қаңтарымен салыстырғанда 27%-ға өсті. Оның ішінде КТ және МРТ қызметтерін тұтыну 54%–ға, УДЗ-21%-ға артты. Қалпына келтіру емі және медициналық оңалту қызметтерінің барлық түрлері мен бейіндері бойынша 48%-ға өсуі байқалады, оның ішінде невралгия (инсульт) бейіндері бойынша көрсетілген қызметтер көлемі 3,2 есе өсті», – дейді Айбатыр Жұмағұлов.
</blockquote>
«Әлеуметтік медициналық сақтандыру қорының» баспасөз қызметінің хабарлауынша, осы жылдың 1 сәуіріне дейін елдің барлық тұрғындары шартты түрде сақтандырылған болып саналады және олар ТМККК және МӘМС пакеттері аясында медициналық қызметтерді тегін ала алады. Осы кезеңде азаматтар өздерінің сақтандыру мәртебесін анықтап, міндетті медициналық сақтандыру жүйесіне тіркелуі керек. Жеңілдік кезеңі аяқталғаннан кейін, сақтандырылмаған пациенттер медициналық көмек алуды жалғастыра береді, ол тек медициналық көмектің кепілдендірілген көлемі аясында ғана, қалған қызметтерге ақылы болады. Сондықтан 31 наурызға дейін МӘМС жүйесінде сақтанушының мәртебесін алу маңызды.
<img src="https://kyzylorda-news.kz/wp-content/uploads/2020/02/20mams31nauryz1.jpg" alt="" />

31 наурызға дейін МӘМС жүйесінде сақтанушының мәртебесін алу маңызды

<a href="https://kyzylorda-news.kz/">Kyzylorda-news.kz.</a> Қазақстан Республикасының ұлттық банкі номиналы 2000 теңгелік банкноттар туралы <a href="https://web.facebook.com/akashev.dastan">мәлімдеме</a> жасады, деп хабарлайды&nbsp;<a href="https://sputniknews.kz/economy/20200220/12891685/ulttik-bank-2000.html">Sputnik Қазақстан</a>.
Қазіргі уақытта ұлттық банк төрағасының қолтаңбасы қойылған, сол сияқты қолтаңбасы қойылмаған номиналы 2000 теңгелік банкноттар айналымда жүр. Азаматтар қайсы жалған екенін білмей әлек болды.
<blockquote>
 “Қазақстан Республикасының ұлттық банкі ұлттық валюта – теңге банкноттары мен монеталары дизайнының тұжырымдамасына сәйкес, ұлттық банк төрағасының теңге банкноттарында қолтаңбасының қойылуы туралы талаптың 2016 жылдан бастап алып тасталғанын еске салады. Қазіргі уақытта айналымда ұлттық банк төрағасының қолтаңбасы қойылған, сол сияқты қолтаңбасы қойылмаған 2012 жылғы үлгідегі номиналы 2000 теңгелік банкноттар бар”, – делінген ақпаратта.
</blockquote>
Бұл банкноттар заңды төлем құралы саналады және төлемнің барлық түрі бойынша қабылдануға міндетті, деп атап өтті ұлттық банк.
Ал сұрақтар туындаған жағдайда қолма-қол ақша айналымы департаментінің +7 (727) 596-814 телефонына хабарласуға болады.

Қазақстан және Қызылорда облысының жаңалықтары