<a href="https://kyzylorda-news.kz/">Kyzylorda-news.kz.</a> 2019 жылдың қараша айының 3 күні сағат Сырдария ауданының полиция бөлімінің «102» телефон арнасына жоғалған балықшы туралы хабарлама түседі. 
Балықшы Қызылорда қаласының тұрғыны болған. 
Оқиға орнына жеткен Сырдария ауданы полиция бөлімінің учаскелік полиция инспекторлары – полиция аға лейтенанты Жаппасбаев Нұртас және полиция лейтенанты Жұмабек Жандос балықшыны іздеп, 200 метрдей жерді жүзіп өтеді. 
Артынша ескексіз қайықта отырған азаматты табады. Құтқарылған азамат кенеттен жауған нөсер жаңбыр салдарынан Жаңадария каналының ортасында қайықты ағын алып кеткендігін түсіндірген. 
Өз кезегінде учаскелік полиция инспекторлары қайықты жағаға апарады. Жедел құтқару тәсілдерін пайдалана отырып, азаматқа алғашқы медициналық көмек көрсеткен полицейлер балықшыны бөлімге жеткізген.
<img src="http://kyzylorda-news.kz/wp-content/uploads/2019/11/5balukshy2-1.jpg" alt="" />

Сырдария ауданында ағыс алып кеткен балықшы құтқарылды

<a href="https://kyzylorda-news.kz/">Kyzylorda-news.kz.</a> Қызылорда облысы Қазалы ауданының жас әншісі Мадияр Серік халықаралық байқаудың жеңімпазы болды. 
Мадияр Ресейдің Туапсе қаласында өткен «Хрустальная магнолия» фестиваль-конкурсында бақ сынады. Аталған конкурс биыл 25-ші мәрте ұйымдастырылды. 
Қара теңіздің жағалауындағы балалар шығармашылығына арналған байрақты бәсекеде ән орындаған Мадияр Серік Гран-при жеңіп алды. 
Мадияр Серік Қазалы ауданына қарасты Жанқожа батыр ауылындағы №94 мектепте оқиды. Ол бұған дейін Болгарияда өткен «Star of the world» атты халықаралық байқауда гран-при мен үш алтын медаль иеленген болатын.

Қазалылық оқушы Ресейдегі ән байқауында жеңімпаз атанды

<a href="https://kyzylorda-news.kz/">Kyzylorda-news.kz.</a> «Денсаулық» медициналық пойызы Қызылорда облысының 12 стансасында жергілікті тұрғындарға тегін медициналық көмек көрсетті, деп хабарлайды <a href="https://www.inform.kz/kz/densaulyk-poyyzy-50-mynnan-astam-turgynga-komek-korsetti_a3582186">ҚазАқпарат</a>. 
Пойыз дәрігерлері бірқатар күрделі ауруларды анықтап, одан әрі емделу мен тексерілуге жолдамалар берді. Қазіргі уақытта медициналық пойыз Түркістан облысында жұмысын жалғастырып жатыр. 
«Дәрігерлер Қазақстанның әр аймағында экологияға және аймақтық ерекшеліктерге байланысты спецификалық проблемалы жағдайларды анықтап жатыр. Балалар мен ересектердің арасында анықталған аурулар сан жағынан да ауру дәрежесінің күрделілік деңгейі жағынан да өсіп жатыр. Жиі кездескен аурулар қатарында: қант диабеті, гипертензия, ревматоидты артрит және онкологтың қабылдауында пациенттердің барлығында дерлік мастопатия белгілері анықталды», делінген хабарламада. 
Қызылорда облысындағы медициналық тексерулердің статистикасы келесідей: дәрігерлер барлығы 10 393 науқасты қабылдаған, оның ішінде 554-і бала. 
Медициналық пойыз кішігірім хирургиялық операциялар мен скринингтер жасау үшін қажетті құралдармен жабдықталған. Осылайша, пойызда 312 шағын хирургиялық ота жасалды, 610 ЭКГ процедурасы, 617 УДЗ және 199 флюорография жасалды. Қызылорда облысында тұрғындар ең көп қаралған дәрігерлер: офтальмолог – 805 адам қабылдады, стоматолог 705 тұрғынды тексерді,. Сондай-ақ, 610 адам кардиологтың, 705 тұрғын ЛОР дәрігердің және 668 тұрғын уролог дәрігердің қабылдауында болған. 
«Үздіксіз қайталанатын эпилепсия ауруы бар бір бала «Ақсай» республикалық балалар ауруханасына жатқызылды. Ең көп таралған патология – темір тапшылығы анемиясы, балалардың 80% -да кариес бар, балаларда ғана емес, ересектер де кездеседі»,- дейді Татьяна Имамбаева, педиатр, медицина ғылымдарының докторы, Қазақ ұлттық медициналық университетінің балалар аурулары кафедрасының профессоры. 
Медициналық пойыз мамандардың кең спектрімен жұмыс істейтін клиникалары жоқ елдің шалғай аудандарында тегін медициналық көмек көрсетеді. Тұрғындар пойыз дәрігерлеріне емделуге, тексеруден өтіп, денсаулықты сақтау бойынша кеңестері үшін шынайы ризашылықтарын білдіріп жатыр. Көптеген пациенттер ақысыз және сапалы медициналық көмек алу үшін медициналық пойызды асыға күтетіндерін айтады. 
«Денсаулық» пойызы біздің Бекбауыл бекетіне келді. Мен барлық дәрігерлердің қабылдауында болдым. Дәрігерлердің қабылдауы мен тексеруі өте жоғары деңгейде. Қысқаша айтқанда, мен дәрігерлердің көмегіне өте ризамын. Оларға алдағы жұмыстарында табыс тілегім келеді»,- дейді Бекбауыл бекетінің тұрғыны Тоғжан Жүсіпова. 
Естеріңізге сала кетсек, жоба 29 сәуірден бастап жүзеге асырылып келеді және оның басты мақсаты еліміздің шалғай аудан тұрғындарын тегін медициналық қызметпен қамту. Жобаны «Самұрық-Қазына» АҚ компаниялар тобының атынан «Samruk-Kazyna Trust» әлеуметтік жобаларды дамыту қоры ҚР Денсаулық сақтау министрлігінің ат салысуымен жүзеге асырып жатыр. 
2019 жылдың 20 тамызында «Жәрдем» мамандандырылған медициналық пойызы іске қосылған болатын. Ол «Денсаулық» пойызы сияқты медициналық көмекке қолы жетпейтін шалғайдағы стансалар мен жақын орналасқан ауылдардың тұрғындарына алғашқы медициналық-санитарлық және консультативтік-диагностикалық көмек көрсетеді. Екі пойызда барлығы 50 мыңнан астам адам тексерілді. 
Пойыз вагондары неміс және жапон өндірісінің алдыңғы қатарлы фирмаларының заманауи диагностикалық құрал-жабдықтарымен жабдықталған. Аппаратуралар пациенттерге қажет болған жағдайда толық жалпы және биохимиялық талдаулар жасауға, ренгенография және флюорографиядан өтуге, ішкі органдарға және қан тамырларына УДЗ-зерттеулер жүргізуге, электрокардиограмма, гастрофиброскопия жасауға және басқа да диагностикалық зерттеулер жүргізуге мүмкіндік береді. Пойыз кестесімен www.medpoezd.kz және www.sk-trust.kz/ru сайттарында таныса аласыздар.
<img src="http://kyzylorda-news.kz/wp-content/uploads/2019/11/5poezd2.jpg" alt="" />
<img src="http://kyzylorda-news.kz/wp-content/uploads/2019/11/5poezd3.jpg" alt="" />
<img src="http://kyzylorda-news.kz/wp-content/uploads/2019/11/5poezd4.jpg" alt="" />

«Денсаулық» пойызында 300-ден астам ота жасалды – Қызылорда

<a href="https://kyzylorda-news.kz/">Kyzylorda-news.kz.</a> 5 қараша күні Қазақстанның басым бөлігінде құбылмалы күн райы сақталады. Бұл, Оңтүстік Каспий циклонымен және атмосфералық фронттармен байланысты. Осыған орай, жекелеген өңірлерде жауын-шашын болады. Оңтүстік-шығыста түнде қатты жауын-шашын күтіледі. Кей жерлерде екпінді жел, тұман, көктайғақ, солтүстікте жаяу бұрқасын болжанады. 
«Қазгидромет» РМК мәліметінше, Қызылорда, Түркістан облыстарында тұман, көктайғақ, 15-20 м/с жылдамдықтағы жел болады. 
Ақмола облысының жекелеген аумақтарында тұман, көктайғақ күтіледі, жел 15-20 м/с күшейіп, жаяу бұрқасын жүреді. 
Жамбыл, Алматы облыстарында тұман, көктайғақ күтіледі, жел 15-20 м/с күшейеді. 
Маңғыстау, Атырау, түнде және таңертең Ақтөбе, Солтүстік Қазақстан облыстарының кей жерлерінде тұман болады. 
Шығыс Қазақстан, күндіз Батыс Қазақстан облыстарында желдің күші 15-20 м/с артады.

Қызылордада тұман, көктайғақ болады

<a href="https://kyzylorda-news.kz/">Kyzylorda-news.kz</a> ақпараттық агенттігінің 5 қарашаға арналған жұлдыз-жорамалы.
Тоқты 
Бүгін мақсатыңызға бір қадам жақындайсыз. Өзіңізге деген сенімділігіңіздің арқасында тапсырмалардың барлығын орындай аласыз.
Торпақ 
Қаражат мәселесін шешуге қолайлы күн. Біліктілік арттыруға, жоспар құруға қолайлы күн.
Егіздер 
Жағымды жаңалықтар естейсіз. Сонымен қатар бұл жаңалықтар қызықты оқиғалаға ұласатын болады.
Шаян 
Мазаңызды алған сауалдарға жауап табуға тырысыңыз. Сондай-ақ өзгенің ісіне бас қатырмаңыз.
Арыстан 
Бұрын бастаған ісіңізді аяқтауға тура келетінін ұғасыз. Сонымен қатар басқа да шаруаларды соңына дейін жеткізесіз.
Бикеш 
Бүгін өз талантыңызды сыртқа шығарып, өзгелерді тәнті етіңіз. Бірақ қобалжуға жол бермеңіз.
Таразы 
Бүгін сізге қуанышты хабар жетеді. Бұл жаңалық сіздің өміріңізді түбегейлі өзгертуі мүмкін.
Сарышаян 
Бүгін денсаулыққа баса назар аудару қажет. Басыңыздың «сақинасы» ұстап, сырқаттанып қалуыңыз мүмкін.
Мерген 
Әріптестеріңізбен басқосуға, көңілді кешке баруыңыз мүмкін. Бұл кештің ұйымдастырушысы да өзіңіз боласыз.
Тауешкі 
Көмек сұрай келген адамға қолдау білдіре аласыз. Өткір сөздеріңізбен күйзеліске түскен жанның «есін жидырасыз».
Суқұйғыш 
Жақындарыңызбен тату-тәтті болыңыз. Оларға көмек көрсетуден қашпаңыз. Шын ниетіңізбен қолдау көрсетіңіз.
Балықтар 
Күніңіз қарбаласқа толы. Басшылық еңбегіңізді бағаламайды. Бұл жағдай жұмысқа деген ынтаңызды жояды.

Жұлдыздар не дейді?

<img src="http://kyzylorda-news.kz/wp-content/uploads/2019/11/4kuager2-1.jpg" alt="" />
<a href="https://kyzylorda-news.kz/">Kyzylorda-news.kz.</a> Бүгін Қармақшы ауданындағы Ұлы Отан соғысының соңғы ардагері Қуанышбай Бисенбаев өмірден озды. 
1925 жылы Жаңажол ауылында шаруа отбасында өмірге келген қарт майдангер бала кезінен бейнет көріп өсті. Әкесі Бисенбайдан еңбексүйгіштікті үйренсе, анасы Алмадан имандылықты бойына сіңіреді. 
Майдангер 1943 жылы өзі секілді жерлестерімен бірге соғыс даласына аттанады. Арда азамат «Отан үшін» деп қан кешті, жан берді, тер төкті. Араға жеті жарым жыл салып елге аман-есен оралды. Ал соғыс аяқталған соң Чита қаласында шекара қызметінде болды. 
1950 жылы әскерден елге келген соң теміржол саласында, кейін астық қабылдау мекемесінде ұзақ жылдар қызмет етіп, зейнет демалысына шыққан.

Қармақшы ауданында соғыстың соңғы куәгері өмірден өтті

<a href="https://kyzylorda-news.kz/">Kyzylorda-news.kz.</a> Ақтөбе облысына Премьер-Министрдің орынбасары Бердібек Сапарбаев бастаған Үкіметтік топ келді, деп хабарлайды <a href="http://lenta.inform.kz/kz/ashat-aymagambetov-mektepterdegi-sport-zaldar-zhalga-beriledi_a3581589">ҚазАқпарат</a>. 
Білім және ғылым министрі Асхат Аймағамбетов Ақтөбе қаласындағы мектеп директорларымен кездесіп, «Мұғалім мәртебесі туралы» Заң жобасын, мектептердегі бақылау жұмыстар мен ұстаздардың жалақысы жайын жан-жақты айтып берді. 
«Қылмыс, құқықбұзушылықты азайту үшін біз жастардың бос уақытын тиімді ұйымдастыруымыз керек. Соның ішінде балалар да бар. Бұқаралық спортпен шұғылданатын адамдар санын 30 пайызға жеткізу тапсырмасы тұр. Жыл соңына дейін бұл тапсырма орындалады. Бастысы – спорт нысандарының ішін толтыру. Қазақстанда мәдени, спорттық нысан жеткілікті. Тек оның ішін толтыру мәселесі қалды. Мәселен, еліміздегі мектептертің 86 пайызында спорт, мәжіліс залы бар. Өкінішке қарай, олар кешке жақын, демалыста жұмыс істемейді. Білім және ғылым министрлігі мен Мәдениет және спорт министрлігі бірігіп, шешім қабылдады. Оларды пайдалану керек», – деді Бердібек Сапарбаев. 
Еліміздің бас ұстазы Асхат Аймағамбетовты мұғалім мен ата-ана арасындағы байланыстың әлсіздігі алаңдатады. 
«Көп мектепте бұл мәселе ашық күйінде қалып отыр. Ата-ана бөлек, мектеп өзге. Ата-ана мектеп шешу керек десе, мектеп ата-анаға ысырады. Екі ортада бала қалып тұр. Жиналыстарға ата-аналар келмейді деп те айтады. Сондықтан форматты өзгертіп, жалпы тәрбие жұмысын жандандырған жөн. Өз-өзіне қол жұмсау, құқықбұзушылықты кешенді түрде шешу қажет», – деді Асхат Аймағамбетов педагогикалық қауыммен кездесуінде. 
Мектеп директорларымен кездесу кезінде спорт залдарды көпшілік қолданысына беру жайына да тоқталды. Алдағы уақытта мектептердегі спорт залдар жалға беріледі. 
«Жалға алатын адам ақшаны бюджетке емес, сол мектептің шотына аударатын болады. Тиімді шешім осы», – деді министр.

Енді елімізде мектептердегі спорт залдар жалға беріледі

<a href="https://kyzylorda-news.kz/">Kyzylorda-news.kz.</a> Қызылорда облысына браконьерлердің соңына түсемін деп мерт болған «Охотзоопром» инспекторы Әділ Кенжеғұловтың денесін жер қойына тапсырды. Ер адамның бұл салада жұмыс істегеніне бір жыл да болмапты. Марқұмның артында кәмелетке толмаған үш баласы қалды, деп хабарлайды [«Астана»](http:// https://astanatv.kz/ru/news/51899/) телеарнасы. 
«Бүкіл өмірі алда еді. Оған үлкен үміт арттық. Балаларын жақсы көретін әке, ата-анасының қадірлі ұлы, қамқор аға болған еді. Артында кәмелет жасқа толмаған үш баласы әкесіз қалды», – дейді марқұмның ағасы Боранбай Тұрбаев. 
Марқұмның үйіне көңіл айту үшін апта бойы жан-жақтан келіп жатқандар көп. Инспекторды өлімінен кейін 3-дәрежелі «Айбын» орденімен марапаттады. Охотзоопромдағылардың айтуынша, марқұмның отбасына 12 миллион теңге көлемінде материалдық көмек беріледі. Сонымен қатар сақтандыру компаниясы Кенжеғұловтың балалары кәмелетке толғанша ай сайын әрқайсысына айлығы көлемінде төлем төлейді. 
«Биылғы жылы Әділ қызыл кітапқа енген ителгіні заңсыз аулаған шетелдіктер мен өз азаматтарымызды ұстады. Ол браконьерлермен барын салып күресетін еді. Өзін өз ісінің нағыз әрі мінсіз маманы ретінде көрсете білді», – дейді «Охотзоопром» ӨБ-нің Қызылорда өңірлік филиалының басшысы Берік Жорабеков. 
Еске сала кетсек, қазанның 25-іне қараған түні Қызылорда облысында 34 жастағы инспектор браконьерлерді қуу кезінде көз жұмған еді. Браконьерлерді қуып келе жатқанда, инспекторлар мінген көлік аударылып қалған.

Қызылорда облысында көз жұмған инспектордың артында үш баласы қалды

<a href="https://kyzylorda-news.kz/">Kyzylorda-news.kz.</a> Жазушы-драматург Төлен Әбдік тойдың қазіргі форматын ауыстыру үшін уақыт керек деп санайды. Себебі бір стереотипті өзгерту оңай емес екен. Ал жазушылар одағының төрағасы Ұлықбек Есдәулет тойын тілексіз өткізіп көрген. Қуанышты күн концерт сияқты өтіп, қонақтардың бәрі риза болып кеткен, деп хабарлайды <a href="https://kaz.nur.kz/1825409-eskimdi-sjletken-zokpyn-belgili-zazusy-kyzyny-tojyn-kalaj-tileksiz-tkizgenin-ajtyp-berdi.html">KAZ.NUR.KZ</a>. 
Төлен Әбдіктің сөзінше, той біреу өзгертейік деп өзгерте салатын нәрсе емес. Оған уақыт керек дейді. 
“Ұрпақ ауысуы керек шығар. Иә, адамды жалықтыратын тойлар болады, кейде дұрыс өтетін тойлар да бар. Ол өзі бір стереотип қой. Мысалы, қазір жұрттың бәріне сөз беру әлі басылмай жатыр ғой. Шынымен де, шаршап шығасың. Музыканы даңғырлатып қояды. Ал тойға барғаннан кейін адаммен араласып, сөйлескің келді. Оған мүмкіндік бермейді”, – дейді Төлен Әбдік. 
Осы орайда жазушы шетелдегі жиындарды мысалға келтірді. Ол жақта тойға барған адамдар танысымен сөйлеседі, пікір алмасады. Тілек айтқанда ешкім ұзақ сөйлемейді. 
“Сосын халықты әдемі сөздер мен бөлек бір адамдардың төңірегінде емес, құндылықтардың төңірегінде біріктіру керек. Қазір бір асабаны таңдап алады. Ол айқайды салып сөйлейді. Оны тоқтата алмайсың, өңкей бір поэзия, ұйқасқан сөздер. Оның бәрі – “фальш”. Ал адамға шынайы сөз, шын қуаныш керек”, – дейді жазушы. 
Ал жазушы Ұлықбек Есдәулет ешкімді сөйлетпей қызының тойын тілексіз өткізіп көрген. 
“Мен қызымның тойын тілексіз өткіздім. Ешкімді сөйлеткен жоқпын. Тілекті тамаданың аузына салып бердік. Мына үстелде осындай адам отыр, сол қонақтардың құрметіне ән шырқалсын, келесі үстелде отырғандар үшін күй тартылсын деп, өнердің жарысы сияқты өткіздік. Артынан бір депутат досымыз келіп, сіздің тойыңыз керемет өтті, бірақ мен олай істей алмаймын, себебі алыстан келген туыстарым өкпелеп кетеді деді. Бізде ондай реніш болған жоқ”, – дейді Ұлықбек Есдәулет.

&#8220;Ешкімді сөйлеткен жоқпын&#8221;: Белгілі жазушы қызының тойын қалай тілексіз өткізгенін айтып берді

<a href="https://kyzylorda-news.kz/">Kyzylorda-news.kz.</a> Сыртқы істер министрлігі АҚШ президенті Дональд Трамптың Қазақстан туралы айтқан сөздеріне түсініктеме берді, деп хабарлайды <a href="https://stan.kz/shatastirip-algan-tramptin-kazakstan-turali-aytkanin-si-323738/">Stan.kz</a>. 
Бұдан алдын BusinessInsider басылымы АҚШ Қорғаныс министрінің бұрынғы спичрайтері Гай Снодграсс Holding the Line: Inside Trump’s Pentagon with Secretary Mattis кітабының үзіндісін жариялаған еді. Кітапта Дональд Трамптың 2018 жылдың қаңтарында Штаб бастықтарының біріккен комитетінің Пентагонда кездесуі кезінде айтқан сөздері келтірілген. 
Трамп қарулы күштер өкілдерімен кездесуде әскери шығындар бюджеті талқыланды. Снодграсстың мәліметтеріне сәйкес, Қорғаныс министрі Джеймс Мэттис Трамп туралы “ұзақ уақыт бойы қызмет еткен армияны мұра етіп алған” деп, президент Конгресстен өткен жылдардағы шығындардың тұрақты қысқаруына байланысты көп ақша талап ете алатынын айтып сендірген еді. 
Трамп Ауғаныстан туралы сұрады, бірақ көп ұзамай министрдің баяндамасын бөліп жіберді. 
“Біз шынымен өзімізге көмектеспейміз… Біз айналамызға көмектесеміз. Сіздерге Қазақстанның – өте бай ел екені белгілі. Менің соңғы сапарым кезінде олар: “О, рахмет, рахмет, рахмет” деп алғыс жаудырды. Бірақ неге олар бізге төлмейді? Неге олар күреспейді?”- деп кітапқа американдық көшбасшы сөзін басып шығарады. 
Қазақстанның Сыртқы істер министрлігі АҚШ президенті қателесіп қалғанын атап өтті. 
“Трамп Қазақстанға сапармен келген жоқ. Мүмкін, ол шатастырды (Қазақстан. – Ескерт. басқа елмен)”, – деді СІМ ресми өкілі Айбек Смадияров.

&#8220;Шатастырып алған&#8221;: Трамптың Қазақстан туралы айтқанын СІМ түсіндірді

<a href="https://kyzylorda-news.kz/">Kyzylorda-news.kz.</a> Биылғы жылдың үшінші тоқсанында Қазақстанда бір қызметкердің орташа айлық атаулы жалақысы 191 129 теңгені құрады, деп хабарлайды ҚР Ұлттық экономика министрлігі Статистика комитеті. 
Өткен жылдың сәйкес тоқсанымен салыстырғанда атаулы жалақы индексі 118,1%, ал нақты жалақы индексі 112,0% құрады. 
Статистикалық мәліметке сәйкес, салалық құрылымда ең үлкен жалақыны қаржы және сақтандыру қызметінің мамандары алады – 484,6 мың теңге. Бұл, орташа республикалық деңгейден 2,5 есеге көп. Кен өндіру өнеркәсібі және карьерлерді қазуда – 418,0 мың теңге (2,2 есеге көп), кәсіби, ғылыми және техникалық қызметте – 334,1 мың теңге (1,7 есеге көп), құрылыс саласында 257,7 мың теңге (1,3 есеге көп) еңбекақы белгіленген. 
Ең төменгі атаулы жалақы білім қызметкерлерінде – 122,1 мың теңге. Бұл, республика бойынша орта көрсеткіштен 36,1 % төмен. 
Өңірлік бөліністе ең жоғары айлықты Атырау облысының тұрғындары алады – 361,5 мың теңге. Бұл, орташа республикалық көрсеткіштен шамамен 1,9 есеге көп. Түркістан облысында оның көлемі 122,8 мың теңгені құрады, бұл ел бойынша орташа деңгейден 35,8% төмен. Ал Қызылорда облысы бойынша бұл көрсеткіш 150,3 мың теңгені құрады. 
«Халықаралық стандарттарға сәйкес, бір қызметкердің орташа айлық атаулы жалақысы қосымша ақыларды, үстемақыларды, сыйақыларды, сондай-ақ салықтар мен басқа да ұстап қалынған сомаларды (табыс салығы, міндетті зейнетақы жарналарын) есепке ала отырып қалыптастырылады», – деді комитеттен.

Ең жоғары жалақыны қандай мамандар және өңірлер алады

<a href="https://ru.kyzylorda-news.kz/">Kyzylorda-news.kz.</a> 2019 жылдың 3 қараша күні 19 сағат 25 минуттан бастап республикалық маңызы бар М-32 «Самара-Шымкент» автомобиль жолының 1357-1240 шақырымы аралығы ауа-райының нашарлауына байланысты барлық көлік құралдарының қозғалысына жол жабылды. Бұл Арал қаласынан бастап Ақтөбе облысының шекарасына дейінгі аралықты қамтиды жол жабылды.

Қазақстан және Қызылорда облысының жаңалықтары

Сырдария ауданында ағыс алып кеткен балықшы құтқарылды

Қазалылық оқушы Ресейдегі ән байқауында жеңімпаз атанды

«Денсаулық» пойызында 300-ден астам ота жасалды – Қызылорда

Қызылордада тұман, көктайғақ болады

Жұлдыздар не дейді?

Қармақшы ауданында соғыстың соңғы куәгері өмірден өтті

Енді елімізде мектептердегі спорт залдар жалға беріледі

Қызылорда облысында көз жұмған инспектордың артында үш баласы қалды

“Ешкімді сөйлеткен жоқпын”: Белгілі жазушы қызының тойын қалай тілексіз өткізгенін айтып берді

“Шатастырып алған”: Трамптың Қазақстан туралы айтқанын СІМ түсіндірді

Ең жоғары жалақыны қандай мамандар және өңірлер алады

Арал мен Ақтөбе аралығындағы жол жабылды

Қазақстан және Қызылорда облысының жаңалықтары

Сырдария ауданында ағыс алып кеткен балықшы құтқарылды

Қазалылық оқушы Ресейдегі ән байқауында жеңімпаз атанды

«Денсаулық» пойызында 300-ден астам ота жасалды – Қызылорда

Қызылордада тұман, көктайғақ болады

Жұлдыздар не дейді?

Қармақшы ауданында соғыстың соңғы куәгері өмірден өтті

Енді елімізде мектептердегі спорт залдар жалға беріледі

Қызылорда облысында көз жұмған инспектордың артында үш баласы қалды

&#8220;Ешкімді сөйлеткен жоқпын&#8221;: Белгілі жазушы қызының тойын қалай тілексіз өткізгенін айтып берді

&#8220;Шатастырып алған&#8221;: Трамптың Қазақстан туралы айтқанын СІМ түсіндірді

Ең жоғары жалақыны қандай мамандар және өңірлер алады

Арал мен Ақтөбе аралығындағы жол жабылды

“Ешкімді сөйлеткен жоқпын”: Белгілі жазушы қызының тойын қалай тілексіз өткізгенін айтып берді

“Шатастырып алған”: Трамптың Қазақстан туралы айтқанын СІМ түсіндірді