<a href="https://kyzylorda-news.kz/">Kyzylorda-news.kz.</a> Кәсіпкер Айнұр Қожагелдиева аталған сауда үйін&nbsp; салуға бекінгенде алдында осыншалықты қиындық кездеседі деп ойламады да. Сауда нарығында 20 жылдық тәжірибесі бар кәсіпкер тауарларын жалға алған орында емес, өз нысанында сатуды ұйғарып, қала аумағынан жеке адамнан жер телімін, дайын эскиздік жобасымен бірге сатып алады. Алайда аталмыш аумақта құрылыс жұмыстарын бастаған сәттен жергілікті атқарушы орган тарапынан кедергіге ұшырайды.
Кәсіпкерлер палатасына өтінішпен жүгінген Айнұр Қожагелдиеваға Палата мамандары жан-жақты заңгерлік көмек көрсетіп, жобасын 9 ай көлемінде барлық инстанцияда сүйемелдеу жұмыстарын жүргізді.
Нәтижесінде кәсіпкер жаңа нысанын 40 млн.теңгеден астам қаржыға салып, толықтай іске қосты. Жаңадан ашылған екі қабатты нысанда тұрмыстық киімдердің түр-түрі бар. Одан өзге жуынатын, қолданатын химиялық заттар секілді жанға не керек, барлығы бар.
Нысанның салтанатты ашылу шарасында Кәсіпкерлер палатасының директоры Ғалымбек Жақсылықов, қалалық кәсіпкерлік және туризм бөлімінің басшысы Алмасбек Есмаханов, Палата жанындағы Кәсіпкерлердің құқықтарын қорғау және сыбайлас жемқорлыққа қарсы іс қимыл жөніндегі кеңес төрағасы Болат Нұрхожаев және өзге де қала тұрғындары қатысып, кәсіп иесінің жұмысына сәттілік тіледі.
Айнұр Қожагелдиева «Алтынай» сауда үйін салу арқылы 12 адамды тұрақты жұмыспен қамтып отыр. Сауда үйінің ашылу салтанатына орай ол тұрмысы төмен отбасыларға тегін киім-кешектер таратты. Кәсіпкер алдағы уақытта өңірде өндіріс орындарын да ашуды көздеп отыр.
<img src="https://kyzylorda-news.kz/wp-content/uploads/2019/12/11saudaui2.jpg" alt="" />
<img src="https://kyzylorda-news.kz/wp-content/uploads/2019/12/11saudaui3.jpg" alt="" />
<img src="https://kyzylorda-news.kz/wp-content/uploads/2019/12/11saudaui4.jpg" alt="" />

Қызылордада көп кедергіге тап болған кәсіпкердің «Алтынай» сауда үйі ақыры ашылды (ФОТО)

<a href="https://kyzylorda-news.kz/">Kyzylorda-news.kz.</a> Есімі әлемдік спорт жұлдыздарының қатарында аталатын америкалық регби командасының ойыншысы Русти Рассел&nbsp;Димаш Құдайбергеновті Нью-Йорктегі Джон Кеннеди әуежайынан жүзден аса жанкүйермен бірге құшақ жая қарсы алып, оған регби добын сыйға тартты, деп хабарлайды&nbsp;<a href="https://24.kz/kz/zha-aly-tar/m-denie/item/360347-amerikany-ata-ty-futbolshysy-dimash-dajbergenovke-syjly-zhasady">«Хабар 24»</a>.&nbsp;
Димашты қатты жақсы көретінін айтқан ол әуежайдағы көпшілікпен бірге қазақстандық әншінің қолын алып, амандасу үшін арнайы барыпты.
Димаш Құдайбергенді әлемнің түкпір-түкпірінен жиналған 150-ге жуық жанкүйері Нью-Йорктегі Джон Кеннеди атындағы халықаралық әуежайда гүл шоқтарымен күтіп алды.&nbsp;
Димашты қарсы алушылардың көпшілігінің қолдарында Қазақстанның көк туы желбіреді. Сонымен қатар сүйікті әншілерінің портреттік суреттерін де ұстап шыққандар кездеседі. Жанкүйерлер&nbsp;қазақстандық әншінің концертіне сәттілік тілесе, бірнеше сағаттық жолдан кейін шаршаса да, Димаш оларға әдеттегідей алғыс айтып, бірге естелік фотоға түсті.

Американың атақты футболшысы Димаш Құдайбергеновке сыйлық жасады

<a href="https://kyzylorda-news.kz/">Kyzylorda-news.kz.</a> Қызылорда облысының Арал, Қазалы, Қармақшы аудандарында көктайғақ болуына байланысты тасжолдардағы көлік қозғалысы тоқтатылды, деп хабарлайды ҚазАқпарат тілшісі.
<blockquote>
 «2019 жылдың 10 желтоқсан күні жергілікті уақытпен 18 сағат 30 минуттан бастап ауа-райының нашарлауына байланысты барлық көліктердің қозғалысына шектеу қойылды. Атап айтқанда, облыстық маңызы бар М-32 «Самара-Шымкент» автомобиль жолының 1240-1646 шақырым аралығында осындай шектеу бар. Ол Ақтөбе облысының шекарасынан бастап Қармақшы ауданының Жосалы кенті аралығын қамтиды», – деп мәлім етті Қызылорда облысы жұмылдыру басқармасынан.
 «Бүгін Қазалы ауданы аумағы мен аудан орталығында көктайғақ болып тұр. Осыған орай Қызылорда облысының облыстық маңызы бар автомобиль жолындағы көлік қозғалысы тоқтатылды. «Батыс Еуропа – Батыс Қытай» халықаралық автомобиль жолындағы көліктерді аудандық полиция бөлімінің қызметкерлері автомобильдерді уақытша автотұрақтарға қойып, жүргізушілерді ыстық шаймен қамтамасыз етуде», – деп мәлім етті Қазалы ауданы әкімдігінің баспасөз хатшысы Жеңісбек Айымқұлов.
</blockquote>
Қызылорда облысы жұмылдыру басқармасының хабарлауынша, облыс аумағында жаңбыр, қар, көктайғақ жағдайына байланысты көліктердің қозғалысына шектеу қойылған.
Дәл осындай жағдай Арал ауданында қайталанып отыр. Аудан әкімдігі жолаушыларға сақтық шараларына баса назар аудару қажеттігін айтады.

Көктайғақ: Арал, Қазалы, Қармақшыда көлік қозғалысы тоқтатылып, жолдар жабылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 2019 жылғы он айдың қорытындысы бойынша&nbsp;Қызылорда облысында&nbsp;27&nbsp;422&nbsp;адам 2017-2021 жылдарға арналған “Еңбек” мемлекеттік бағдарламасының қатысушысы болды.&nbsp;20 490&nbsp;адам жұмысқа орналастырылса, оның&nbsp;13 109-ы немесе 64%&nbsp;тұрақты жұмыс&nbsp;орнымен қамтылды.
Еңбек және халықты әлеуметтік қорғау министрлігінің баспасөз қызметі хабарлағандай, Қызылорда облысында&nbsp;еңбек нарығында сұранысқа ие кәсіптер бойынша кәсіби дағдыларды қалыптастыру мақсатында азаматтардың жекелеген санаттары үшін қысқамерзімді курстар өткізуді көздейтін “Еңбек” мемлекеттік бағдарламасының бірінші бағыты аясында&nbsp;2 087&nbsp;адам қамтылған. Қысқамерзімді кәсіптік оқуды аяқтағаннан кейін жұмыспен қамту орталықтары мемлекеттік бағдарламаға қатысушыларға жұмысқа орналасуда көмек көрсетеді.
<blockquote>
 «Мемлекеттік бағдарламаның екінші бағытының негізгі міндеті – азаматтардың кәсіпкерлік бастамаларын дамыту. Оның аясында бастапқы бизнесті іске асыратын және іске асыруды жоспарлайтын, сондай-ақ&nbsp;бұрын басқа мемлекеттік бағдарламалар шеңберінде қаржылай қолдау алмаған үміткерлерге өтеусіз және қайтарымсыз негізде 100 және 200 АЕК мөлшерінде мемлекеттік гранттар беріледі. Бұдан басқа, ауылда және қалаларда кәсіпкерлік әлеуеті бар,&nbsp;ісін жаңадан&nbsp;бастаған кәсіпкерлерге, ауыл шаруашылығы кооперативтеріне және зейнеткерлік жасына жетпеген олардың мүшелеріне, шаруа және фермер қожалықтарына&nbsp;микрокредиттер&nbsp;беріледі», – делінген хабарламада.
</blockquote>
Қызылорда облысында&nbsp;877&nbsp;адам микрокредитпен&nbsp;қамтылған. 100 АЕК-ке дейінгі мемлекеттік гранттарды Мемлекеттік бағдарламаның&nbsp;642&nbsp;қатысушысы, 200 АЕК-ке дейін –&nbsp;1 073&nbsp;адам алды (жастар, аз қамтылған және көпбалалы отбасылардың мүшелері, мүгедектігі бар адамдар).
Мемлекеттік бағдарламаның үшінші бағыты азаматтардың жекелеген санаттарын жұмыспен қамту үшін мемлекет субсидиялайтын жұмыс орындарын құруды қарастырады. Оны жүзеге асыру аясында&nbsp;Қызылорда облысында&nbsp;10&nbsp;593&nbsp;адам жұмысқа орналастырылды, оның ішінде&nbsp;1 141-і&nbsp;әлеуметтік жұмыс орындарына,&nbsp;3 014-і жастар практикасына және&nbsp;6 438&nbsp;адам қоғамдық жұмыстарға&nbsp;жіберілді.

Қызылорда облысында 27 мыңнан астам адам «Еңбек» бағдарламасына қатысты

<a href="https://kyzylorda-news.kz/">Kyzylorda-news.kz.</a> Қызылордадағы Достық үйінде Александр Пушкиннің 220 жылдығына арналған «Пушкинді оқу және құрметтеу» атты театрландырылған қойылым өтті.
Достық үйінің фойесінде облыстық Ә.Тәжібаев атындағы әмбебап кітапханасы мен А.С.Пушкин атындағы қалалық орталық кітапханасының әзірлеуімен кітап көрмесі ұйымдастырылды. Көрмеде А.С.Пушкин атындағы қалалық орталық кітапханасының қорындағы 118 жылдан бері сақталған 1901 жылы Санкт-Петербургте жарық көрген «Русские поэты» кітабы, облыстық Ә.Тәжібаев атындағы әмбебап кітапханасының қорындағы 1926, 1928, 1935 жылдары жарық көрген «Пушкин хаттары» кітабының түпнұсқасы мен көшірмелері қойылды. Бүгінгі күні облыстық әмбебап кітапханасында Ұлы ақынның 394 аталымы, 728 данасы сақталған.
Қойылым аясында Пушкин бейнесі сомдалды. И.В.Панфилов атындағы №5 мектеп-лицейінің оқушылары қойылым көрсетті. Мұнан соң «Я вас любил..» өлеңіне арналған романс көрсетілімі болды.
Ж.Нұрманов атындағы №198 орта мектептің оқушылары екі дәуірдің диалогын құрды. Ал, «Абылай хан» колледжінің студенті Пушкиннің «Ескерткіш» өлеңін оқыды. Пушкиннің өлеңдерінен музыкалық шығармалардың ғажайып топтамасын жасаған композитор Георгий Васильевич Свиридовтің «Пушкин вальсіне» М.Мәметова гуманитарлық колледжінің студенттері вальс биледі.
Кеш соңында «Славян мәдени орталығы» қоғамдық бірлестігінің жетекшісі Галина Щербакова театрландырылған қойылымға қатысып, белсенділік білдірген колледж, мектеп ұстаздары мен жастарына алғысын білдіріп, марапаттады.
<img src="https://kyzylorda-news.kz/wp-content/uploads/2019/12/11pushkin2.jpg" alt="" />
<img src="https://kyzylorda-news.kz/wp-content/uploads/2019/12/11pushkin3.jpg" alt="" />
<img src="https://kyzylorda-news.kz/wp-content/uploads/2019/12/11pushkin4.jpg" alt="" />
<img src="https://kyzylorda-news.kz/wp-content/uploads/2019/12/11pushkin5.jpg" alt="" />

Қызылордада Пушкиннің 220 жылдығы аталып өтті

Қызылорда облысының кәсіпкерлер палатасы «Бизнестің жол картасы 2020» Мемлекеттік Бағдарламасыныңтөртінші бағыты «Кәсіпкерлікті қолдаудың қаржылай емес шаралары» аясында «Бизнес-мектеп» компонентінің оқытушы жобаларын жүзеге асыру бойынша қызметтерді көрсету үшін бизнес-тренерлерді іріктеуге байқау жариялайды.
Облыс деңгейіндегі тренерлерге қойылатын жалпы талаптар:
<ol>
<li>жоғары&nbsp; білім;</li>
<li>бизнес-тренерлерге арналған Мастер-классты тренинг-оқытуларды өткізуде тәжірибелік біліктілікпен бекітілген сертификатының болуы;</li>
<li>Мемлекеттік және орыс тілдерін білуі;</li>
<li>Компьютерлік сауатының болуы.</li>
<li>тренинг өткізуде біліктілігінің болуы;</li>
<li>кәсіпкерлік қызметті жүргізуде 1 жылдан кем емес тәжірибесінің болуы;</li>
<li>кәсіпкерлікті қолдау бойынша мемлекеттік бағдарламаларын білу (оқытушылық тәжірибесінің болуы құпталады).</li>
</ol>
Өтініштер 2019 жылдың 17 желтоқсан сағат 18.00-ге дейін қабылданады.
Өтінішке қосымша тігіледі:
1) жеке куәлік көшірмесі;
2) жұмыс өтілін растайтын құжат көшірмесі;
3)куәландыратын құжаттары қоса тігілген арнайы үлгідегі үміткер сауалнамасы (диплом, аттестат, куәлік, қызмет көрсетілгендігі турлы акт және т.б. көшірмелері).
Іріктеуге қатысуға өтініш үлгісі мен шарттарын Қызылорда облысының кәсіпкерлер палатасы кеңсесінен алуға болады: Желтоқсан көшесі,12 немесе gu.kurmantayeva@atameken.kz&nbsp; электрондық поштасы арқылы алуға болады.
Байланысатын тұлға: Қызылорда облысының Кәсіпкерлер палатасының сарапшысы- Құрмантаева Гүлнұр Жаңабергенқызы.
Тел. 8/7242/400874

Қызылордада бизнес-тренерлерді іріктеуге байқау жарияланады

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақовтың төрағалығымен «Қызылорда облысына инвесторлар тарту және инвестициялық ахуалды жақсарту жөніндегі» өңірлік Кеңес отырысы өтті. Оған банк жүйесінің директорлары мен ірі және шағын кәсіп иелері қатысты.
Күн тәртібінде «Казах Кэмел» («Qazaq Camel») серіктестігінің «Түйе сүтінен құрғақ ұнтақ өндіру» жобасы мен «АБК Промсервис» («ABK Promservice») серіктестігінің «Қызылорда қаласында шыны-пластикалық желілік және сорғы-компрессорлық жоғары қысымды құбырларды өндіру зауытының құрылысы» жобасы ұсынылды.
Өңірлік Кеңестің басты мақсаты – инвестициялық жобалардың шешілмеген мәселелерін қарап, тиімді шешім қабылдау. Биыл Кеңестің 3 отырысы өткізіліп,4 инвестициялық жоба: «Байқоңыр» еркін экономикалық аймағын құру және инвестиция тарту мен инвесторларды сүйемелдеуге жауапты ұйым, «Кәсіпкерлерге қызмет көрсету орталығының» мәселелері қаралған. Нәтижесінде Жалағаш («Номад Солар» ЖШС) және Шиелі аудандарында («Байқоңыр Солар» ЖШС) күн электр станцияларының құрылыстары басталып, желтоқсан айында іске қосылуы жоспарлануда. Сонымен қатар, Қармақшы ауданындағы құс фабрикасына («Қармақшы құс» ЖШС) электр желілерін жүргізу үшін мемлекеттік бюджеттен 245,1 млн.теңге бөлінген. Ал, «Кәсіпкерлерге қызмет көрсету орталығы» инвесторларды сүйемелдеуге жауапты фронт-офис болып бекітілген.
30 қараша мен 1 желтоқсан аралығында өңірдің инвестициялық басты іс-шарасы «Қызылорда: тұрақты өрлеу, инвестициялық ынтымақтастық үшін жаңа мүмкіндіктер» тақырыбында XI «Baikonyr Invest» форумы өтті. Форум аясында облыстың инвестициялық ахуалы таныстырылып, инвестиция қажет ететін жобалар мен жергілікті тауарөндіруші кәсіпорындардың көрмелері ұйымдастырылған. Нәтижесінде құны 100 млрд.теңгені құрайтын 24 меморандум мен 1 келісім-шартқа қол қойылды.
<blockquote>
 “Атап өту қажет, ҚР Тұңғыш Президенті-Елбасы Нұрсұлтан Әбішұлы Назарбаев алдағы 5 жыл ішінде Қазақстан Республикасының жалпы ішкі өнімдегі инвестицияның үлесін 2024 жылға қарай 30 пайызға дейін арттыруды тапсырды. Осыған орай, бүкіл республика бойынша инвестиция көрсеткіші жоғары межемен бекітілді. Біздің облыс 2020 жылы 481 млрд.теңге инвестиция тартуы қажет”,- деді облыс әкімі Қ.Ысқақов.
</blockquote>
Күн тәртібінде қаралған жобалар аясында өңір экономикасына 3,3 млрд.теңге инвестиция тарту көзделген. Сондай-ақ, жобалар аясында 101 адам жұмыспен қамтылады деп күтілуде.
<blockquote>
 “Инвестициялық Кеңес – бизнес пен мемлекеттік органдар арасындағы іскерлік алаңға айналды. Кеңес отырысында қаралған инвестициялық жобалардың өзекті мәселелерінің нақты шешілуі – біздің бірлескен жұмысымыздың нәтижесі”,- деді аймақ басшысы.
</blockquote>
<img src="https://kyzylorda-news.kz/wp-content/uploads/2019/12/11akinvsovet2.jpg" alt="" />
<img src="https://kyzylorda-news.kz/wp-content/uploads/2019/12/11akinvsovet3.jpg" alt="" />

Қызылордада инвесторлар тарту жөніндегі өңірлік кеңес отырысы өтті

Қызылорда қаласы
13 желтоқсан сағат 11:00. «Тәуелсіздік теңдігім» атты мерекелік театрландырылған қойылым және концерттік бағдарлама. А.Тоқ­ма­ғамбетов атын­дағы мәдениет үйі.
13 желтоқсан сағат 16:00. «Тәуелсіздік – елімнің ерлік жолы» атты тарихи-танымдық сабақ. Облыстық тарихи-өлкетану музейі.
13 желтоқсан сағат 17:00. 16 желтоқсан – Қазақстан Республикасының Тәуелсіздігі күніне арналған мерекелік салтанатты шара. Н.Бекежанов атындағы қазақ музыкалық драма театры.
Арал ауданы
12 желтоқсан сағат 15:00. 16 желтоқсан – ҚР Тәуелсіздік күніне орай «Елімнің бақытын тербеткен – Тәуелсіздік» атты салтанатты жиын. Арал аудандық мәдениет үйі.
13 желтоқсан сағат 15:00. Тәуелсіздік күніне арналған «Тәуелсіз елдің жалынды жастары» атты мерекелік концерт. Арал аудандық мәдениет үйі.
&nbsp;Қазалы ауданы
11 желтоқсан сағат 11:00. «Тұғыры биік Тәуелсіздік!» атты салтанатты жиын. Әйтеке би кенті, Р.Бағланова атындағы мәдениет орталығы.
&nbsp;Қармақшы ауданы
14 желтоқсан сағат 16:00. 16 желтоқсан – Қазақстан Республикасы Тәуелсіздігі күніне арналған «Ел бақытын тербеткен – Тәуелсіздік» атты мерекелік салтанатты жиын.
Жосалы кенті, Ш.Төлепова атындағы мәдениет үйі.
Жалағаш ауданы
13 желтоқсан сағат 16:00. «Тәуелсіздік – азаттығым, таң нұрым» атты салтанатты жиын. Жалағаш кенті, Қ.Қазантаев атындағы аудандық мәдениет үйі.
Cырдария ауданы
13 желтоқсан сағат 16:00. «Тәуелсіздігіміз мәңгілік» атты мерекелік салтанатты шара. Сырдария аудандық мәдениет үйі.
Шиелі ауданы
12 желтоқсан сағат 17:00. «Тәуелсіздік тәу етер қасиетім, киелім!» атты мерекелік концерт. Шиелі кенті, «Арман» мәдениет үйі.
&nbsp;13 желтоқсан сағат 16:00. Тәуелсіздік күніне орай «Тәуелсіз байтақ елім – Қазақстан!» атты театрландырылған көрініс және салтанатты кеш. Шиелі кенті, Б.Қабылұлы атындағы аудандық мәдениет үйі.
Жаңақорған ауданы
13 желтоқсан сағат 11:00. Қазақстан Республикасы Тәуелсіздігі күніне арналған мерекелік салтанатты шара. Жаңақорған ауданы, М.Көкенов атындағы аудандық мәдениет үйі.

Қызылорда облысында 16 желтоқсан – Қазақстан Республикасының Тәуелсіздігі күніне орай өткізілетін салтанатты шаралар

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>11 желтоқсан күні республиканың оңтүстігінде, батысында және солтүстік-шығысында атмосфералық фронтальды бөліктердің өтуіне байланысты құбылмалы күн райы сақталып, кей жерлерде жауын-шашын (жаңбыр, қар) жауады. Еліміздің калған аумағында жауын-шашынсыз ауа райы күтіледі. Жекелеген өңірлерде тұман, көктайғақ, екпінді жел сақталады.
«Қазгидромет» РМК мәліметіне сәйкес, Ақмола және Ақтөбе облысының кей жерлерінде тұман, көктайғақ болжанады.
Қостанай, Солтүстік Қазақстан облыстарында сондай-ақ, тұманды болады.
Алматы облысының кей жерлерінде түнде және таңертең тұман күтіледі, Жалаңашкөл аумығында жел 17-22 м/с күшейеді.
Жамбыл, Түркістан, Қызылорда, Маңғыстау, Атырау, Павлодар, Қарағанды облыстарының жекелеген аумақтарында тұман түсіп, көктайғақ болады.
Батыс Қазақстан, Шығыс Қазақстан облыстарының кей жерлерін де тұман басуы ықтимал.

Сәрсенбі күні басым өңірде тұман болжанады

Халықаралық таулар күні
&nbsp;2004 жылдан бері БҰҰ шешімі бойынша «Бейбітшілік – таулардың тұрақты дамуына кілт» атты ұранмен өткізіледі. Таулар жер шарының шамамен төрттен бірін алып жатыр, онда әлем халқының 10 пайызға жуығы мекендейді. Бұл – өсімдіктер мен жануарлардың сирек кездесетін көптеген түрлері үшін қорық, жердегі негізгі өзендердің қайнар көзі.
Демікпенің дүниежүзілік күні
Қолқа демікпесі ауруына назар аударту мақсатында Дүниежүзілік денсаулық сақтау ұйымының бастамасымен атап өтіледі. Бұл күннің негізгі мақсаты – денсаулық саласындағы күрделі проблемалардың бірі болып саналатын демікпе дертінің себеп-салдарларымен халықты жан-жақты таныстыру. Оны жеңу жолында ғылым саласында жасалған жаңалықтар туралы хабарлау. Бүгінде әлемде 300 миллион адам демікпемен ауырады. Ол көбіне нашар экологияның салдарынан пайда болады.
2005 жылы Астанада Қазақстанның Ұлттық банкі күміс монеталардың үш коллекциясын сатуға шығарды. Бұл – номиналдық құны 500 теңге болатын 3 мың дана «Жайран», 3 мың дана «Жошы ханның кесенесі» және 5 мың дана «Жолбарыстың басы» монеталары. Монеталар арнайы қорапқа салынып, олардың сапасы сертификатпен расталған.
2012 жылы Астанада «Орталық Азия және Ауғанстан кәсіпкер әйелдерінің бизнес-қауымдастығы» құрылды. Қауымдастық құрудың негізгі мақсаты -Орталық Азия мен Ауғанстан кәсіпкер әйелдері арасында мемлекетаралық экономикалық ынтымақтастықты жолға қою.
2015 жылы «Қазпошта» АҚ қазақстандық ғарышкер Айдын Айымбетовтің халықаралық ғарыш станциясына ұшу сапарына арналған марканы айналымға енгізді. Бес мың таралыммен айналымға енген марканың құны – 300 теңге.

11 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 11 желтоқсанға арналған жұлдыз-жорамалы.
Тоқты
Бүгін барлығы өз жоспарыңыз бойынша жүзеге асады. Жұмысыңыз нәтижелі болмақ. Жұмыста белсенді болыңыз.
Торпақ
Серіктесіңізге көп сенім артпаңыз. Тек өз күшіңізге сеніңіз. Сонда ғана барлық кедергілердің алдын аласыз.
Егіздер
Бүгін маңызды әрі жауапкершілікті қажет ететін шешім қабылдамаңыз. Өйткені шешіміңіз оң нәтиже бермейді.
Шаян
Бүгін ешқайда асықпаңыз. Әсіресе сүйікті адамыңызға көңіліңізді білдіруде асығыстық жасамаңыз.
Арыстан
Бүгін өзгелерді ойлап бас қатырмайсыз. Қайта олар сізді ойлайтын болады. Сонымен қатар оларға сізді мазалауды сұраңыз.
Бикеш
Бүгін көпшіліктің ортасында жүріңіз. Қоғаммен тығыз байланыста болыңыз. Жалғыз жүріп жол тапқанша, көппен бірге адасыңыз.
Таразы
Бүгін екінші жартыңызды табасыз. Екеуіңіздің көзқарасыңыз бір жерден шыққаны дұрыс. Сонда ғана түсініспеушілік орын алмайды.
Сарышаян
Бүгін ойыңызға не келеді, соны жүзеге асырасыз. Киноға барыңыз, көрме тамашалаңыз немесе үйіңізге қонақ шақырыңыз.
Мерген
Кез келген шаруаға бас қатырасыз. Ұсақ-түйек тірлікпен айналысасыз. Күніңіз сонымен өтеді. Өзіңізді көп шаршатпаңыз.
Тауешкі
Басшылықпен және әріптестермен тіл табысу қиынға соғады. Бұл қиындықтан шығуға достарыңыз көмектеседі.
Суқұйғыш
Бүгін ешкімге сенбеңіз. Тіпті жұлдызнамаға да сенуге болмайды. Сондықтан түйсігіңіздің айтқанын істеңіз.
Балықтар
Аяқталмаған жұмысты үйге алып кетіңіз. Сонда ғана берілген тапсырмаларды тез орындай аласыз. Тапсырма бастан асады.

Жұлдыздар не дейді?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстандық белгілі саясаткер Иманғали Тасмағамбетов күні кеше 63 жасқа толды. Қазақстанның Ресейдегі елшісі пайғамбар жасын қасиетті Меккеде қарсы алды деп хабарлайды&nbsp;<a href="https://kaz.nur.kz/1831214-imangali-tasmagambetov-pajgambar-zasyn-mekkede-karsy-aldy-foto.html">KAZ.NUR.KZ</a>.
Мемлекет және қоғам қайраткерінің қажылықта жүрген суреті Instagram әлеуметтік желісіндегі&nbsp;hickmet_travel&nbsp;парақшасында пайда болды.
<blockquote>
 “Қажылыққа келушілер – Аллаһтың қонағы болып табылады. Халықтың бір туар азаматы Иманғали ағамыз да 63-ке толып, пайғамбар жасында дастарханның төрінде емес, қасиетті Меккеде Аллаһтың қонағы болып қайтты. Тілеген тілегіңіз қабыл болсын. Иманғали ағамызға Аллаһ Тағала разы болсын! Әмин”, – делінген жазбада.
</blockquote>
Айта кетейік, отандық танымал әзілкеш Тұрсынбек Қабатов Қазақстанның Ресейдегі елшісі Иманғали Тасмағамбетовты туған күнімен ерекше құттықтады. Ол желіде дипломатқа қатысты бар ойын ортаға салып, оған деген өзінің&nbsp;жүрекжарды тілегін арнады.
Одан бөлек, күні кеше саясаткер Ербол Әділов Қазақстанның Ресейдегі елшісі Иманғали Тасмағамбетов қызметінен кетіп,зейнетке шыққалы жатқанын хабарлаған болатын. Алайда, бұл ақпаратқа қатысты ресми мәлімет жоқ.
Иманғали Тасмағамбетов қызметтік мансабын отыз жыл бұрын бастаған болатын. Ол кезде саясаткер ЛКЖО ОК бірінші хатшысы болып тағайындалған. Бірнеше жыл бойы саяси және мемлекеттік қызметте болған Тасмағамбетовке кейін өңір басқару сеніп тапсырылады.
2002 жылы ол еліміздің премьер-министрі болды. Бірнеше айдан соң, 2003 жылы Қазақстанның мемлекетік хатшысы лауазымын иеленді.
Оған қоса, саясаткер еліміздің екі ірі қалаларында басшы болды. Тасмағамбетов 2004-2008 жылдар аралығында&nbsp;Алматықаласының әкімі қызметін атқарса, алты жыл бойы Қазақстанның бас қаласы – Астананы (қазіргі Нұр-Сұлтанды) басқарды.
Саясаткер Қазақстанның Ресейдегі елшісі болып үш жыл қызмет етті. Бұл орынға ол 2017 жылы 3 ақпанда тағайындалды.

Қазақстан және Қызылорда облысының жаңалықтары