<a href="https://kyzylorda-news.kz/">Kyzylorda-news.kz.</a> Қызылордада жергілікті жанашыр азаматтардың қолдауымен әлеуметтік жағынан осал топтарға бетперде тігу жобасы қолға алынды, деп хабарлайды <a href="https://lenta.inform.kz/kz/kyzylordalyk-kayyrymdy-azamattar-betperdeni-turmysy-tomen-otbasylarga-tegin-taratuda_a3626881">ҚазАқпарат</a>.
Бетперде тігу ісін «Қолөнер» ұлттық нақыш орталығының мамандары қолға алды. Орталық басшысы Аида Керімқұлованың айтуынша, бұл игілікті іске «Нұр Отан» партиясының мүшелері – «Абзал және К» толық серіктестігі (басшысы Мағжан Ерәлиев) мен «Абай Дәулет» ЖШС (басшысы Мұрат Сәрсенбаев) қолдау білдірген. Нәтижесінде қазір орталықтағы тігіншілер барлық талаптарды сақтай отырып, қажетті бетперде тігу ісін жолға қойды.
<blockquote>
 «Осындай сындарлы сәтте бір-бірімізге қолдау білдіріп, жанымызда жүрген жандарға демеу көрсету – басты парызымыз болуы тиіс. Әлем жұртшылығын алаңдатып отырған қауіпті індеттен сақтану жолдарын барлығымыз сақтауымыз керек. Елең-алаң шақта бір-бірімізге қол ұшын созып жатсақ, ол біздің халқымыздың даласындай кең дархан пейілін көрсетеді емес пе? Облыстық кәсіпкерлік палатасы жанында өңірлік даму кеңесі бар. Оған жергілікті кәсіпкерлер мүше болып қабылданған. Біз бұл жоба жөнінде әріптестерімізбен ақылдастық. Сол арқылы нақты шешім қабылданды. Игілікті істі осылайша қолға алдық. Бүгінде тігіншілер халыққа қажетті бетпердені тігу ісін толық жүзеге асыруға маманданды. Орталықта тігілген бетпердені қаланың шеткі аймағында тұратын жағдайы төмен отбасыларға, «Атамекен» отбасылық үлгідегі балалар үйі тәрбиеленушілеріне, екіқабат әйелдерге, қарт кісілерге тегін беру арқылы өз ойымызды жүзеге асыруға мүмкіндік алдық. Бұған «Атамекен» ҚҰП және кәсіпкерлер палатасының бөлім басшысы Гаухар Елеусінова тарапынан қолдау жасалғанын айта кеткеніміз дұрыс», – деді Аида Керімқұлова.
</blockquote>
Орталық басшысы алдағы уақытта бұл жоба ауқымын кеңейту жөнінде ұсыныс білдіріп отыр. Қазір әлемді жайлаған қауіпті коронвирус дертінің алдын алу бағытында барлығымыз жұмыла жұмыс жасауымыз тиіс. Сонда кез-келген қиындықтан шығуға мүмкіндік бар.
<blockquote>
 «Алдағы уақытта бетпердемен қамтамасыз ету бағытында такси жүргізушілерін, қоғамдық автобус шоферлерін қамтамасыз етуге назар аудару ойластырылған. Әрине, бұл жобаны жүзеге асыруға барлық жанашыр азаматтар мен кәсіпкерлер қолдау білдірсе деген ұсынысым бар. Сол арқылы балабақшадағы бүлдіршіндерді де алдыңғы кезекте қамтуға көңіл бөлінеді», – деді орталық басшысы.
</blockquote>

Қызылордалық қайырымды азаматтар бетпердені тұрмысы төмен отбасыларға тегін таратуда

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Нұрлыбек Нәлібаев қаладағы адам көп шоғырланатын бірқатар нысандарды аралап, тұрғындарға елдегі төтенше жағдайға байланысты сақтық шараларды сақтау қажеттігін жеткізді.
Қала басшысы алдымен халыққа қызмет көрсету орталығында болды. Жалпы «Азаматтарға арналған үкімет» мемлекеттік корпорациясында 642 мемлекеттік қызмет түрі көрсетілсе, оның 608 қызметі электронды түрде жүргізіледі. Сондай-ақ біріңғай байланыс орталығына қоңырау шалу арқылы да ақпарат алады. Ғимаратты аралап көрген қала әкімі халықтың көп келетінін, антисептик қойылмағанын, адамдардың барлығы ғимараттың ішінде жиналғанын, берілген тапсырмалар орындалмағанын, тұрғындарды сыртта таза ауада жағдай жасап, ішке біртіндеп кіргізуді орталық директорына қатаң түрде тапсырды.
Мұнан соң, қала тұрғынынан шағым түскен ескі базар жанындағы «Қазпочта» ғимаратына барды. Ғимараттың ішкі және сыртқы санитарлық жағдайын сынға алып, тұрғындарға арналған күту залдары мен сыртқы көрінісі, есік алды лайықты жағдайда жасақталмағанын айтты. Мұнда да дизенфекциялық заттар қойылмаған, тек әкім келген кезде ғана шығарып көрсетті. Қала әкімі мекеме басшылығына жедел түрде аталған кемшіліктерді тез арада қалпына келтіруді қатаң тапсырды.
Одан әрі «Қорқыт ата» және «Қызылорда» сауда орталықтарының жалға алушылары мен қала тұрғындарымен кездесіп, қазіргі жай-күйді түсіндіріп өтті. Базар басшыларына халықтың келіп кетуі мен жұмыс жасауына қолайлы жағдай жасап, санитарлық қауіпсіздік шараларын күшейтіп, азық-түлік өнімдерінің бағасын тұрақты ұстап тұруды тапсырды. Қала басшысы базар басшысына төтенше жағдайға байланысты сауда орындарын жалға алып отырған кәсіп иелеріне жеңілдіктер қарастыруды тапсырды. Өз кезегінде базар иелері кейбір тауар түрлеріне жеңілдіктер қарастырылатынын жеткізді.
Бұдан кейін Тасбөгет кентіндегі №4 қалалық емхананың қазіргі жай-күйін тексеріп, сақтық шараларын пысықтауды тапсырды.
Шаһар басшысы бүгінгі қаладағы бірнеше нысандарды қадағалай келе, тиісті сала басшыларына нақты тапсырмалар беріп, оның орындалуын тікелей бақылауына алып, жұмыстарды күнделікті жүргізілетіндігін және сұралатынын ескертті.
<img src="https://kyzylorda-news.kz/wp-content/uploads/2020/03/nalibaev-2.jpg" alt="" />
<img src="https://kyzylorda-news.kz/wp-content/uploads/2020/03/nalibaev-3.jpg" alt="" />
<img src="https://kyzylorda-news.kz/wp-content/uploads/2020/03/nalibaev-4.jpg" alt="" />
<img src="https://kyzylorda-news.kz/wp-content/uploads/2020/03/nalibaev-5.jpg" alt="" />
<img src="https://kyzylorda-news.kz/wp-content/uploads/2020/03/nalibaev-6.jpg" alt="" />
<img src="https://kyzylorda-news.kz/wp-content/uploads/2020/03/nalibaev-7.jpg" alt="" />

Қызылорда қаласының әкімі ХҚО мен «Қазпочта» мекемесінің санитарлық жағдайын сынға алды (ФОТО)

<a href="https://kyzylorda-news.kz/">Kyzylorda-news.kz.</a> Қазгидромет 2020 жылғы 19-21 наурызға арналған ауа райы болжамын жариялады.
<blockquote>
 «Атмосфералық ауа ағындардың өтуіне байланысты республиканың кей жерлерінде жауын-шашын күтіледі, солтүстік және солтүстік-батыста аралықтың соңында жаңбыр жәна қар түрінде жауын-шашын жауады. Республиканың кей жерлерінде жел күшейіп, тұман және көктайғақ болжаны», – делінген хабарламада.
</blockquote>

Алдағы 3 күнге арналған ауа райы болжамы

Дүниежүзілік әлеуметтік жұмыс күні
Әлеуметтік әділеттілік, адам құқықтары және әлеуметтік даму үшін күресетін Халықаралық әлеуметтік жұмысшылар федерациясының бастамасымен жыл сайын наурыздың үшінші сейсенбісінде аталып өтеді.
Халықаралық тұтынушылар күні
Алғаш рет 2010 жылы атап өтілген. Содан бері жыл сайын бұл мерекені Еуропа және Америка елдері қолдап келеді. Атап айтқанда бұл күні кәсіпкерлер тұтынушыларына ынтымақтастығы үшін алғыс айтып, өздерінің ризашылығын білдіреді.
1931 жылы&nbsp;Қазақстандағы алғашқы әрі алдынғы қатарлы медициналық оқу ордасының бірі – С.Д.Асфендияров атындағы Қазақ ұлттық медициналық академиясы ашылды.
1996 жылы&nbsp;Қазақстан Республикасы Президентінің төрағалығымен Жоғарғы сот кеңесінің бірінші мәжілісі өтті.
2007 жылы&nbsp;Қазақстан Президенті Н. Назарбаев Катардың жоғары мемлекеттік наградасы – «Тәуелсіздік» орденімен марапатталды. Орденді 1978 жылы Катар әмірі Халифа бин Хамад әл-Тани елдер арасындағы достықты дамытуға қосқан үлесі үшін шетелдік мемлекет басшыларын, үкімет басшыларын марапаттау үшін бекіткен.

19 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz.</a> Алматы қаласында коронавирус індетін жұқтырған Ресей Федерациясының азаматы анықталды, деп хабарлайды ҚР Денсаулық сақтау министрлігінің ресми өкілі Диас Ахметшәріп.
<blockquote>
 «Алматы қаласында коронавирус індетін&nbsp;жұқтырған&nbsp;тағы бір адам тіркелді. Ол 1979 жылы туған Ресей Федерациясының азаматы. Ол Алматы қаласына 15 наурызда Мәскеу-Алматы рейсімен ұшып келген болатын. Қазір ол карантинде стационарда жатыр. Денсаулығы жақсы», – деді Д. Ахметшәріп брифинг барысында.
</blockquote>
Ресми өкіл коронавирус инфекциясы бойынша Қазақстанда 19 наурыз сағат 08.00-дегі жағдайға қатысты ақпарат таратты.
<blockquote>
 «Осы сағатта Алматы қаласында – 19 адам, Нұр-Сұлтан қаласы бойынша 18 адам, елімізде барлығы 37 науқас тіркелді», – деді Диас Ахметшәріп.
</blockquote>

Қазақстанда коронавирус инфекциясын жұқтырған Ресей азаматы анықталды

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 19 наурызға арналған жұлдыз-жорамалы.
Тоқты
Оңай күн емес. Бәрі сіз ойлағандай бірден бола қоймайды. Ойға алған жоспар мен жұмыстарыңызды жүзеге асыру үшін сізге аянбай еңбек етіп, тер төгу керек. Бүгін көмекші мен одақтастар тапсаңыз, айыңыз оңынан туады.
Торпақ
Біршама қиын күн. Сіз өзіңіз дайын емеспін деп ойлайтын өзгерістердің уақыты жетті. Ескі әдеттерден айрылмай қоюдың қажеті жоқ. Тек алға ұмтылсаңыз болды, мүмкіндіктердің есігі айқара ашылғалы тұр.
Егіздер
Жемісті күн. Бүгін сіздің қолыңыздан келмейтін нәрсе жоқ. Таныс емес, бұрын жасап көрмеген істердің өзін оңай шешесіз. Ішкі түйсігіңіз дұрыс шешімдер қабылдауға көмектеседі.
Шаян
Бүгін сізді қызықты күн күтіп тұр. Көңіл-күйіңіз көтеріңкі, өмірге деген құштарлығыңыз басым болады. Сізге өте пайдалы жаңа таныстықтар орын алады.
Арыстан
Күніңіз сәтті басталады. Маңызды жұмыстарда тез жетістікке жетесіз. Іскерлік қарым-қатынастарыңыз оңынан шешіледі. Жақын адамдарыңыз қолдау танытып, көмекке келеді.
Бикеш
Сәтті күн. Көптеген шаруаларыңыз оңымен шешіледі. Ішкі түйсігіңіз не нәрсені қалай істеу керектігін көрсетіп отырады. Кез келген қиындықтан жол тауып шығасыз.
Таразы
Егер өте сақ қимылдасаңыз, жетістікке жетесіз. Тәуекелге бел байлаудың қажеті жоқ. Сіздің сеніміңізге кіргісі келген адамдардан бойыңызды аулақ ұстаңыз. Сонда ғана көптеген мәселелерге тап болмайсыз.
Сарышаян
Түске дейін қиын сәттерден қашып құтыла алмайсыз. Ол үшін алаңдаудың керегі жоқ. Ойланып қарасаңыз, кез келген қиындықтың шешімін табуға болады. Жұмыста да, үйде де біреумен сөзге келмес бұрын әуелі ол адамды мұқият тыңдап алыңыз.
Мерген
Бүгін сіз қолға алған кез келген істе нәтижеге жетесіз. Бірақ, түсініспеушіліктерден қашып құтыла алмайсыз. Тек сабырлы болыңыз. Сонда ғана бәрі жақсы болады.
Тауешкі
Жеңіл емес, бірақ, қызықты күн. Алға қойған мақсаттарыңызға бір қадам жақындай түсесіз. Егер бір нәрсе дүрыс болмай жатса да, алға қойған мақсатыңыздан бас тартпаңыз. Сіздің қолыңыздан бәрі келетінін ұмытпаңыз.
Суқұйғыш
Бүгін асығыстыққа салынбаңыз. Егер жақындарыңыздың ақыл-кеңестеріне құлақ түретін болсаңыз, күніңіз сәтті өтеді. Жұмыстарыңыз тоқтап қалып жатса да, уайымдамаңыз. Арты жақсы аяқталады.
Балықтар
Табысқа толы күн. Ойға алған шаруаларыңыздың бәрі орындалады. Сізге қандай жұмыс тапсырылса да, тәжірибеңіздің арқасында оңай еңсересіз. Күннің екінші жартысында сағынып жүрген адамдарыңыздан хабар келеді.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Елордалық полиция департаменті 19 наурыз күні карантинге жабылатын Нұр-Сұлтанға кімнің кіре алатынын және ол үшін қандай құжаттардың қажет екенін мәлімдеді.
ПД басшысы Ержан Сәденовтың мәліметінше, бүгін түннен бастап елорданың шығу жолдары мен кіреберістерінде бөгеттер жұмыс істей бастайды – олар барлық көлік үшін карантиндік аймақтың қиылысын шектейді.
19 наурыздан бастап Нұр-Сұлтанға тек осыған дейін шығып кеткен тұрғындар ғана кіре алады. Кіру құқығын растау үшін блок-бекетке куәлік көрсету керек.
Құжаттар бойынша тексерушілер адамның тіркелген жерін тексереді. Егер ол елордалық болса, қала ішіне кіреді.

Карантинге жабылатын Нұр-Сұлтанға кіру үшін қандай құжаттар керек?

<a href="https://kyzylorda-news.kz/">Kyzylorda-news.kz.</a> 2020 жылғы 1 ақпандағы жағдай бойынша, Қазақстан халқының саны 18 млн 653 мың 500 адамды құрады, деп хабарлайды ҚР Ұлттық экономика министрлігі&nbsp;<a href="https://stat.gov.kz/news/ESTAT349369">Статистика комитеті</a>.
Қазақстандықтардың жалпы санының 10 млн 914 мың 800-і немесе 58,5% – қалада, 7 млн 738 мың 700-і немесе 41,5% ауылдық жерлерде тұрады.
18 млн 653 мың 500 адамның 9 млн 44 мыңын немесе 48,5% – ерлер, 9 млн 608 мыңын немесе 51,5% әйелдер құрайды.
2019 жылғы 1 ақпанмен салыстырғанда халық саны 238 мың адамға немесе 1,3% артты. Ең көп өсім үш өңірде тіркелді: Алматы қаласында (64 мың адам), Нұр-Сұлтан қаласында (58,4 мың адам) және Түркістан облысында (33,3 мың адам).
<img src="https://kyzylorda-news.kz/wp-content/uploads/2020/03/stat-1.png" alt="" />
<img src="https://kyzylorda-news.kz/wp-content/uploads/2020/03/stat-2.png" alt="" />

Қазақстан халқының саны 18 млн 653 мыңнан асты

<a href="https://kyzylorda-news.kz/">Kyzylorda-news.kz.</a> Елімізде жарияланған Төтенше жағдайға байланысты Kaspi.kz басшысы Михаил Ломтадзе қазақстандықтарға үндеу жасады.
Оның айтуынша, Kaspi ең алдымен бағдарламаға қатысуға жұмысынан айырылған немесе қаржылық қиындыққа тап болған клиенттер өтініш бере алады.
<blockquote>
 «Kaspi клиенттерін қолдау бағдарламасына 2 сәуірден бастап, Kaspi.kz ұялы қосымшасында өтінім беруге болады. Барлығын үйден шықпастан, онлайн жасау үшін мобильді қосымшада жасаймыз», – деді ол үндеуінде.
</blockquote>
Kaspi.kz клиенттерін қолдау бағдарламасына қатысу үшін өтінімді Kaspi.kz мобильді қосымшасының ішінде жасалған ыңғайлы, қарапайым қызмет бөлімінде беруге болады. Бүгінде аталған бөлім жасалу үстінде.
<blockquote>
 «Ол дайын болған сәтте қосымша нұсқаулық таратамыз. Ал, Kaspi.kz клиенттерін қолдау бағдарламасына қатысу талаптарына келсек, оған жұмысынан айырылған және қаржылық қиындыққа тап болған клиенттер қатыса алады. Мына 3 маңызды шартты естен шығармау керек. Біріншіден, Kaspi.kz клиенттерін қолдау бағдарламасына өтінім берген сәтте кредиті бойынша төлем уақыты өтіп кеткен қарызы болмауы керек. Екіншіден, кредит 2020 жылдың 18 сәуіріне дейін рәсімделген болуы керек. Үшіншіден, бағдарлама қатысушыларына қаржылық жағдайы нашарлап кетпес үшін қаржылық жағдайы жақсарғанша, жаңа кредит берілмейді», – деп атап өтті Михаил Ломтадзе.
</blockquote>

Kaspi.kz басшысы тұтынушылар несиесін төлеуді кейінге шегеруге болатынын мәлімдеді (видео)

<a href="https://kyzylorda-news.kz/">Kyzylorda-news.kz.</a> Қытай ғалымдары коронавирустың жұғуы қан тобына да байланысты екендігін анықтады. Олардың зерттеуіне сәйкес, коронавирусқа шалдығуға бейім ІІ қан тобы болса, I қан тобы керісінше, ең берік деп танылған, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Мамандар Уханьда және&nbsp;Шэньчжэнде орналасқан үш аурухананың сырқаттанған 2173 науқасына&nbsp;тәжірибе жүргізіпті. Олар&nbsp;AB0 қан жүйесінің коронавирусқа шалдығуын бақылаған. Нәтижесінде А тобындағы адамдардың&nbsp;0 тобындағы науқастардан әлдеқайда көбірек ауырғандығын анықтапты. Сонымен бірге тәжірибеге қатысқандардың жасы мен жынысы бұл жағдайға әсер етпегендігі айтылыпты.
Сөз болып отырған&nbsp;AB0 қан жүйесінде қандағы ферменттер мен гендер әр түрлі болып келеді. Эритроциттер,&nbsp;агглютиноген, ақуыздар мен басқа да ферменттердің ерекшелігіне байланысты адам бойындағы қан төрт топқа,&nbsp;0 (I қан тобы), А (II), В (III) и АВ (IV) жіктеледі.

Коронавирусқа берік қан тобы анықталды

<a href="https://kyzylorda-news.kz/">Kyzylorda-news.kz.</a> Америкалық ғалымдардың зерттеулеріне сәйкес, Қытайда жаңа коронавирустың жылдам таралуының басты себебі – аурулары ұзақ уақыт бойы анықталмаған жеңіл белгілері бар науқастардың көп болуы, сондай-ақ вирустың өзінің жоғары жұқпалы қасиетке ие болуы деп хабарлайды <a href="https://ria.ru/20200316/1568691674.html">РИА Новости</a>.
Қытайда COVID-19 инфекциясына шалдығудың тіркелген деректері мен адамдардың қозғалысы туралы мәліметтерді біріктірген математикалық модельдеу нәтижелері 2020 жылғы 23 қаңтарда Уханьға кіріп-шығуға шектеу қойылмай тұрып, елдегі оқиғалардың 86 пайызы құжатталмағанын көрсеткен.
Бұл вирустың жылдам географиялық таралуына ықпал еткен.
Осылайша, 2020 жылғы 23 қаңтарда Қытай үкіметі халықтың қозғалысын бақылау бойынша шаралар қабылдағаннан кейінвирустың таралу қарқыны айтарлықтай төмендеген.
<blockquote>
 «Қытайда COVID-19 инфекциясының өршуі ауру белгілері жоқ, болса да жеңіл немесе шектеулі науқастармен байланысты. Олардың жұқтыру деңгейі мен санына орай, ауру белгілері анықталмаған науқастар халықтың айтарлықтай басым бөлігіне қауіп тудырады. Біз Қытайда осындай ауру белгілері байқалмайтын адамдардың көп болғанын және инфекцияны көп адамға жұқтырғанын анықтадық», – дейді ғылыми зерттеудің жетекшісі, профессор Джеффри Шаман.
</blockquote>

Ғалымдар коронавирустың жылдам таралуының себебін атады

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Елжан Біртановтың қазақстандықтар коронавирусты жұқтырғаны расталған жағдайлары туралы мәлімдемесінен кейін халық арасында алаңдаушылық айтарлықтай өсті. Бұрын Әлеуметтік медициналық сақтандыру қорының Бірыңғай байланыс орталығына күніне шамамен 1500-2000 қоңырау келіп түсетін болса, ал қазір олардың саны 3 есеге артқан.
Қазақстандық дәрігерлер осындай маңызды кезеңде ағзаны мүмкін болып қалатын инфекция жұқтырудан сақтану және алдын-алу үшін барлық шараларды қабылдау қажеттігін ескертеді.
1406 байланыс орталығының операторлары халыққа денсаулығын нығайту және өзінің ағзасын қорғау, күдікті симптомдар байқалғанда әрекеттер жасау бойынша кеңес беру дайндығынан өтті.
<blockquote>
 «Байланыс орталығы қажетті алдын-алу шаралары және вирустан қорғану бойынша кеңес беру үшін жұмыс істейді. Операторлар сонымен бірге сырқатталып қалған кезде қайда бару керектігін, қандай белгілерге назар аудару керектігін, қайда талдауларды (анализдерді) тапсыруға болатындығын түсіндіреді. Үкімет пен уәкілетті органдар қабылдап жатқан шаралар халықты қорғауға бағытталған. Алайда, қоғамдық орындарға бару денсаулыққа қауіп төндіреді екенін саналы азаматтар түсінуі керек», – деді Әлеуметтік медициналық сақтандыру қорының баспасөз қызметі.
</blockquote>
Естеріңізге сала кетейік, коронавирусқа байланысты кез келген сұрақтарды 1406 операторларына Qoldau 24/7 мобильді қосымшасы арқылы да жолдауға болады.
Өтінішке тіркеу нөмірі беріледі, содан кейін сіз өзіңіздің жеке кабинетіңізде оның мәртебесін тексере аласыз.

Қазақстан және Қызылорда облысының жаңалықтары