<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Кітап оқу мектеп оқушыларының тұлғалық құзіреттілігін қалай дамыта алады? Бұл сұрақ бойынша бүгін аймақтағы орта білім беретін мектептердің кітапханашылары өзара талқылау жүргізіп, шешу жолдарын қарастырды.
Назарбаев Зияткерлік мектебінің кітапхана қызметі мен мектеп жатақханасының оқытушылары бірлесіп ұйымдастырған кезекті облыстық семинарда көптеген жобалар арқылы оқушылардың ақпараттық және танымдық дағдыларын дамытуға бағытталған&nbsp;жұмыс тәжірибелерімен бөлісті.
Сондай-ақ, ұйымдастырушылар көрнекі оқулықтар балалардың шығармашылығын қалай дамыта алатыны туралы сөз қозғап, білім алушылардың көшбасшылық қасиеттерін қалыптастыруға бағытталған ойын тформатындағы тың әдістерімен таныстырды. Сонымен қатар, семинарға қатысушылар ZipGrade онлайн қосымшасы арқылы оқырмандарға тест тапсырмаларын дайындау тәсілдерін меңгерді.
Айта кету керек, бұл семинарға Жалағаш, Арал, Қазалы, Жаңақорған және Шиелі аудандарынан барлығы 30-дан астам мектеп кітапханашылары қатысып, заманауи кітапхананың жаңаша қызметі аясында білімдерін толықтырды.
<img src="https://kyzylorda-news.kz/wp-content/uploads/2020/01/27kitapkhana2.jpg" alt="" />
<img src="https://kyzylorda-news.kz/wp-content/uploads/2020/01/27kitapkhana3.jpg" alt="" />

Қызылорда облысының кітапханашылары бас қосты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен актив отырысы өтті. Аймақ басшысы 24 қаңтарда Нұр-Сұлтан қаласында Президент Қасым-Жомарт Кемелұлы Тоқаевтың төрағалығымен Үкіметтің кеңейтілген отырысында берілген тапсырмалар туралы айтты.
Облыс әкімі индустриялық-инновациялық даму басқармасына, тиісті салалар бойынша тартылуы қажет инвестиция көлемін жинақтап, 2020 жылғы 7 ақпанға дейін бекітуге ұсынуды тапсырды.
<blockquote>
 “Инвестиция тартуда индустрияландыру бағдарламасы “магнит” болуы қажет. Биыл индустрияландыру бағдарламасының үшінші бесжылдығына аяқ бастық. Индустриялық-инновациялық даму басқармасына жоба бастамашысы “Орда гласс” ЖШС-мен бірлесіп, өңіріміздегі ірі жобалардың бірі – шыны зауытының биылғы жылы екінші жарты жылдықта іске қосылуы үшін тиісті жұмыстарды үйлестіріп, жүзеге асыруды тапсырамын”,- деді облыс әкімі Қ.Ысқақов.
</blockquote>
Үкіметтің кеңейтілген отырысында Мемлекет басшысы кәсіпкерлерді қорғайтын және дамытатын, экспорт нарығына жол ашатын, өнімділікті ұлғайтып, қазақстандық өнімдердің сапасы мен бәсекеге қабілеттілігін арттыратын тиімді өнеркәсіп саясатын, сонымен қатар, ашық әрі прагматикалық салықтық-бюджеттік саясат қалыптастыру керектігін айтты.
Өткен жылы кәсіпкерлікті дамытуда әртүрлі қаржы көздерінен 44 млрд. теңге бөлініп, 3 мыңнан аса жұмыссыз азаматтарға қайтарымсыз гранттар, өткен жылы 1,5 мыңға жуық азаматқа шағын несиелер беріліп олардың кәсіптерін ашуға қолдау жасалды.
<blockquote>
 “Екінші деңгейлі банктер арқылы тұрақты бизнеске 26,8 млрд. теңге, оның ішінде мемлекеттік бағдарламалар аясында 5,6 млрд. теңге қаражат бағытталған. Биылғы жылы да кәсіпкерлік саласын дамытуға әртүрлі көздерден бастапқы кезде 38 млрд. теңгеге жуық қаражат тарту көзделуде. Бұл қаржы жыл соңына дейін ұлғайтылады. Өнімділікті ұлғайту, қазақстандық өнімдердің сапасы мен бәсекеге қабілеттілігін арттыратын тиімді өнеркәсіп саясатын қалыптастыру мақсатында қаражаттың басым бөлігін жаңа өндіріс көздерін ашуға бағыттауды тапсырамын.Сонымен қатар, биылдан бастап микро және шағын бизнес салықтан және арнайы тексерулерден босатылып отыр. Бұл өңір кәсіпкерлері үшін үлкен мүмкіндік”,- деді облыс әкімі Қ.Ысқақов.
</blockquote>

Қ.Ысқақов: «Биыл кәсіпкерлік саласын дамытуға 38 млрд теңгеге жуық қаражат тарту көзделуде»

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен актив отырысы өтті. Аймақ басшысы 24 қаңтарда Нұр-Сұлтан қаласында Президент Қасым-Жомарт Кемелұлы Тоқаевтың төрағалығымен Үкіметтің кеңейтілген отырысында берілген тапсырмалар туралы айтты.
Нұр-Сұлтан қаласында өткен Үкіметтің кеңейтілген отырысында Премьер-Министрі Асқар Мамин экономикалық дамудың 7 көрсеткіші бойынша Қызылорда облысы үздік 8 облыстың қатарында екендігін мәлімдеді.
Аймақ экономикасына тартылған инвестиция көлемі (117,4%), құрылыс көлемі (154,3%), үй беру (108,8%) бойынша өсім қамтамасыз етілген. Ал, өңдеу өнеркәсібіндегі өндіріс көлемі (101,3%), ауыл шаруашылығында (104,3%) өскен.
2012 жылдан бастап, қолданыстағы кен орындарының сарқылуына байланысты мұнай өндіру көлемі (2019 жылы 830 мың тоннаға – 13 %) қысқарған. Бұл жағдай өнеркәсіп өніміндегі көрсеткішке (2018 жылға қарағанда 89,3%) кері әсерін тигізуде. Алайда, статистикалық мәлімет бойынша мұнай өндірудің жыл сайынғы төмендеуіне қарамастан, 2019 жылдың 9 айында, 2018 жылдың осы кезеңіне қарағанда облыстағы жалпы өңірлік өнім – 102,4% құраған.
Актив отырысында облыс әкімі Қ.Ысқақов мұнай өндірудегі шығын салдарын жою мақсатында шикізаттық емес секторды дамытуға, әсіресе, экспортқа бағытталған өндірістерді дамытуға жұмыстар жүргізіліп жатқандығын жеткізді.
<blockquote>
 “Жалпы, жүйелі шаралардың нәтижесінде, соңғы 4 жылда өңдеу өнеркәсібінде еңбек өнімділігі 2,8%, жалпы қосылған құн – 15%, ал, шикізаттық емес экспорт көлемі – 19% артты”,- деді облыс әкімі.
</blockquote>
<img src="https://kyzylorda-news.kz/wp-content/uploads/2020/01/27uzdikonir2.jpg" alt="" />

Қызылорда облысы үздік өңірлер қатарында

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Қазгидромет» РМК-ның қызметкерлері алдағы үш күнге арналған ауа райы болжамын жария етті.
Кәсіпорын таратқан мәліметтерге қарағанда, жыл басынан бері Қазақстанның көптеген облыстарында ауа райына атлантикалық циклондар ықпал етіп, республиканың басым аумағында қар жауып, боран болып, жолдарды қар басты. Сондай-ақ ауа температурасы қыс мезгілі үшін салыстырмалы алғанда жоғары болды.
Қаңтар айының соңғы аптасында, кезекті циклоннан кейін, Қазақстанға антициклон келуі ықтимал. Осыған қарай республиканың көптеген облыстарында 29-30 қаңтар аралығында жауын-шашын тоқтап, күн суытады.
Ауа температурасы қаңтар айына ұқсас болады: түнде солтүстікте, шығыста және орталықта минус 20…30°С. Бірақ мұндай төмендеу қысқа мерзімді, себебі кезекті атлантикалық циклон Ресейдің еуропалық бөлігіне шығуға дайын, ал онымен байланысты жылу біздің батыс аудандарға түсе бастайды.

Елімізде алдағы үш күнде 30 градустық аяз болады

«Қазақстан кәрістер қауымдастығы» Қызылорда облыстық филиалының ұйымдастырумен облыстық Қазақстан халқы ассамблеясының қолдауымен кәріс халқының Жаңа жылы – Сольналь мерекесі тойланды.
Салтанатты кешке облыстағы кәрістер этносы, облыстық этномәдени бірлестіктерінің басшылар мен мүшелері, бірлестіктің ардагерлері, қоғамдық ұйымдар, мүмкіндігі шектеулі жандар қатысты.
Мерекеге орай жиылған қауым алдында «Қоғамдық келісім» КММ директорының орынбасары Асылбек Жұмабаев, «Қазақстан кәрістер қауымдастығы» Қызылорда облыстық филиалының жетекшісі Елена Ким және өзге этномәдени бірлестіктерінің жетекшілері сөз сөйлеп, кәріс халқын Жаңа жыл мерекесімен құттықтады. Сондай-ақ, кәрістер этномәдени орталығының ардагерлері мен белсенді мүшелеріне сый сияпат көрсетілді.
Айта кету керек, биылғы жылы кәрістер қауымдастығының құрылғанына 30 жыл толады. Соған сәйкес, наурыз айында олар татулық пен келісімде өмір сүріп келе жатқандығын ауқымды түрде атап өтпекші. 1937 жылы Сыр еліне Қиыр шығыстан жер аударылған корей этносының өкілдері барлық замана ауыртпалығын еңсеруге еселі еңбегімен өз үлестерін қоса білді. Олар тағдыр теперішіне ұшыраған сәтте құшағын ашып, бауырына басқан жергілікті қазақ халқымен біте қайнасып, ынтымақта өмір сүріп, әр салада еңбек етіп, ел дамуына елеулі үлесін қосып келеді.
&nbsp;Ай күнтізбесі бойынша тойланатын жаңа жылдық мереке биылғы күнтізбеге сай 25 қаңтарда тойланды. Жаңа жылда кәріс этносы басымдықты отбасыға беретін көрінеді. Олар жас буынға, өскелең ұрпаққа ата-бабаның себэ салтын насихаттап, үлкендерді құрметтеуге шақыратын Жаңа жылды тек отбасымен бірге барлық жоралғыларды өз кезегімен орындады. Дәстүрге сәйкес бұл күні балалары ата-аналарына сәлем беріп, ал ата-аналары оларға Жаңа жылдық ақша сыйлады. Барлық отбасы мүшелері ханбок ұлттық киімін киді. Сольналь мерекесінде би де, ән де, ұлттық ойын да болды. Барлық отбасымен бірге – юннори және қазақтың лянгі тебу қозғалысты ойынына ұқсас – чегичхагиді ойнады. Келген қонақтарға кәріс ұлттық тағамдарынан әзірленген мерекелік дастархан жайылды.
<img src="https://kyzylorda-news.kz/wp-content/uploads/2020/01/27solnal2.jpg" alt="" />
<img src="https://kyzylorda-news.kz/wp-content/uploads/2020/01/27solnal3.jpg" alt="" />

Қызылордада кәріс халқының Жаңа жылы тойланды

<a href="https://kyzylorda-news.kz/">Kyzylorda-news.kz.</a> Қазалы ауданында ауа райының қолайсыздығынан адасып кеткен тұрғындар табылды.
Абай ауылынан 45 шақырым жерде Жұбан елді мекеніндегі шаруа қожалығынан шыққан бір отбасының 4 мүшесі аудан орталығына оралмаған. Бұл отбасының туыстары полицияға хабар бергеннен кейін 2 жедел-іздестіру тобы құрылып, полиция қызметкерлері өз міндеттерін атқарды.
<blockquote>
 «Қазалы ауданы Полиция бөлімінің қызметкерлерінің түні бойы уақытпен санаспай, қырағылық танытып, өз қызметтік міндеттерін адал атқару барысында, таңғы сағат 7-де Қуан ауылынан оңтүстікке қарай шамамен 250 шақырым жерде жоғалып кеткен тұрғындар табылды» – делінген полиция департаментінің таратқан дерегінде.
</blockquote>
Тұрғындар ауа райының күрт бұзылуына байланысты бағытынан адасып қалған. Отбасы мүшелері дін аман үйіне жеткізілді.
<blockquote>
 &nbsp;&nbsp;&nbsp;&nbsp; «Біз «УАЗ» автокөлігімен отбасылық шаруа қожалығымыздан кеш бата аудан орталығына жолға шығып, адасып кеттік. &nbsp;Жанымда қайын інілерім, 3 және 4 жастағы немерелерім болды. Ауа райының қолайсыздығына қарамастан өз міндеттерін адал атқарған полиция қызметкерлеріне шексіз алғысымды білдіремін», – дейді Қазалы ауданының тұрғыны Әлия Мұқанғалиева.
</blockquote>
Айта кеткен жөн облыс аумағында қолайсыз ауа райы сақталуда.&nbsp; Жолдардағы желдің ұйытқуы, көктайғақ&nbsp;барлық жол қозғалыс қатысушылары үшін қауіпті. Осыған орай, тәртіп сақшылары қауіпсіздік ережелерін қатаң сақтап, жолда мұқият болуды ескертеді.

Қазалы ауданында жолда адасқан тұрғындар құтқарылды

<a href="https://kyzylorda-news.kz/">Kyzylorda-news.kz.</a> Қызылордада 57 жастағы тұрғын мас күйінде көлік жүргізіп, полицейден қашып кетуге әрекет жасаған.
Полиция қызметкерлері «Lada» маркалы автокөлігі жол ережесін бұзып келе жатқанын байқайды. Нәтижесінде ол автокөлік ағыны қозғалысына кедергі келтірген. Полиция оны тәртіпке шақырмақ болады. Сол сәтте ол көлігімен қашып кетуге әрекет жасайды. Көлік жүргізушісі көпке ұзай алған жоқ. Орталық көшелердің бірінде қолға түсті.
Жүргізуші облыс орталығының 57 жастағы тұрғыны болып шықты. Полиция қызметкерлері алкогольді анықтау үшін куәландыруды жүргізу мақсатында наркологиялық орталыққа жеткізді. Жүргізілген сараптама қорытындысы бойынша азамат жеңіл дәрежеде мас болған. Тексеру барысында аталған азамат соттың шешімімен көлік құралын жүргізу құқығынан 3 жылға айырылғаны анықталды. Соған қарамастан автокөлікті алкогольдік масаң күйде қайта басқарған.
<blockquote>
 «Қазіргі уақытта тәртіп бұзушы Қызылорда қалалық Полиция басқармасының уақытша ұстау изоляторына қамалды. Оған қатысты ҚР Қылмыстық кодексінің 346-бабының 1-бөлігімен сотқа дейінгі тергеп-тексеру басталды. Онда көлік құралын басқару құқығынан айырылған, алкогольдік масаң күйдегі адамның көлік құралын басқаруы жағдайы тіркелген. Кінәліге жүргізушіге қатысты автокөлік жүргізу құқығынан өмір бойы айырыла отырып, 5000 АЕК-ге дейін айыппұл (13 255 000 теңге дейін) салуға немесе 5 жылға дейін мерзімге бас бостандығынан айыру жазасы көзделген», – деп мәлім етті Қызылорда облыстық полиция департаментінің баспасөз қызметі.
</blockquote>

Қызылордалық 57 жастағы тұрғын мас күйінде көлік тізгіндеп, полицейлерден қашып кетпек болды

<a href="https://kyzylorda-news.kz/">Kyzylorda-news.kz.</a> Танымал дәрігер-педиатр Евгений Комаровский жаңа коронавирус түрі тараған Қытайдан сәлемдеме алу қаншалықты қауіпті екенін айтып берді, деп хабарлайды&nbsp;<a href="https://stan.kz/koronavirus-taragan-kitaydan-salemdeme-alu-kauipti-me-d-326627/">Stan.kz</a>&nbsp;ақпарат агенттігі.&nbsp;
<blockquote>
 «Біріншіден, вирус сүтқоректінің денесінен тыс екі тәуліктен артық өмір сүре алады деген шындыққа жанаса бермейді. Екіншіден, оны заттар арқылы жұқтыру қаупі өте төмен», – деп жазды Комаровский.
</blockquote>
&nbsp; Яғни дәрігер «Қытайдан сәлемдеме ала беруге болады!» деп жауап қайырды.

Коронавирус тараған Қытайдан сәлемдеме алу қауіпті ме?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Евразия» спорт кешенінде ҚР еңбек сіңірген экономисі, елімізге белгілі қаржыгер Камал Шөкеновті еске алуға арналған шағын футболдан облыстық турнир өтті. Биыл тоғызыншы мәрте ұйымдастырылған жарысқа Қызылорда қаласы мен аудандардан 9 команда, 100-ден аса қызметкерлер қатысып, үздіктер анықталды.
Жарыс қорытындысында финалда Қызылорда облысы бойынша экономикалық тергеу департаменті облыс əкімдігі командасынан 5:4 есебімен басым түсіп, турнир жеңімпазы атанды.
Ал Жалағаш ауданының құрама командасы үшінші орынды иеленді.
Қызылорда қаласының жəне Жалағаш ауданының құрметті азаматы Қожахмет Баймаханов өзінің арнайы сыйлығын Жалағаш ауданы командасының ойыншысы Ақылбек Сəндібековке табыстады.
«Үздік қақпашы» номинациясымен Əсет Өскенбаев (Облыс əкімдігі),
«Үздік қорғаушы» -Қалдыбек Қиясов (ҚМУ),
«Үздік шабуылшы» – Бекжан Бекмырза (Жалағаш ауданы),
“Мерген ойыншы” – Мұхтар Қоштай (Қазынашылық департаменті),
«Үздік ойыншы» – Нұржау Бостанов (Экономикалық тергеу департаменті) марапатталды.
<img src="https://kyzylorda-news.kz/wp-content/uploads/2020/01/27turnir2.jpg" alt="" />
<img src="https://kyzylorda-news.kz/wp-content/uploads/2020/01/27turnir3.jpg" alt="" />

Қызылордадағы Камал Шөкеновті еске алуға арналған турнир мәресіне жетті

<a href="https://kyzylorda-news.kz/">Kyzylorda-news.kz.</a> Қызылордада жолаушылар пойызы басып кеткен 26 жастағы тұрғын оқиға орнында көз жұмды.
Теміржолды кесіп өтпек болған тұрғынды «Қызылорда-Петропавл» жолаушылар пойызы басып кетті. Аталмыш оқиға 23 қаңтарда болған. Ол қаланың КБИ шағын ауданы тұрғыны екені белгілі болды.
<blockquote>
 «Желілік полиция бөлімінің қызметкерлері тұрғындарға теміржолдың белгіленген аймағынан өту жөнінде құлағдар етіп келеді. Дегенмен оқыс оқиға тіркелді. Жолаушылар пойызы қаққан азамат оқиға орнында көз жұмды. Қала тұрғындарынан теміржолдан тек белгіленген жерлерден өтуін сұраймыз», – дейді Қызылорда станциясы желілік полиция бөлімі бастығының бірінші орынбасары Ербол Әбдіраманов.
</blockquote>
Оқиғаның себеп-салдары анықталып жатыр.

Қызылордалық тұрғын пойыз астына түсіп мерт болды

<a href="https://kyzylorda-news.kz/">Kyzylorda-news.kz.</a> Қызылорда облысы Арал ауданында құрғақ түйе сүтін өндіру ісі жүзеге асатын болады. Бүгінгі таңда ауданда түйе сүтін қабылдау пункттерін құру жұмыстары қолға алынды, деп хабарлайды <a href="https://lenta.inform.kz/kz/kyzylordada-kurgak-tuye-sutin-ondiru-kolga-alynbak_a3607628">ҚазАқпарат</a>.
Мұндай орын ауданға қарасты Аралқұм елді мекенінде ашылды. Бастамашы – жергілікті тұрғын Болат Жаңабаев. Жергілікті кәсіпкер өткен жылы осы істі қолға алуға бел буып, сүт қабылдау пунктін ашу бағытында Алматы қаласындағы «Нар» ЖШС-мен келіссөз жүргізген. Нәтижесінде аталған ЖШС-нің өкілі Ғалым Капу Аралқұм ауылына арнайы құрылғыларды жеткізіп, шикі түйе сүтін қабылдауды бастап кетті. Атап өту қажет, жергілікті жерден жиналған сүт арнайы салқындатқыш қондырғысы бар автокөлікпен құрғақ сүт өндіру зауытына жөнелтіледі. Өндірілген өнім алыс-жақын шет елдерге экспортталады.
Қазіргі таңда қабылдау орнында 3 сүт құятын цистерна, 10 сүт сауғыш арнайы аппарат, 3 электр қуатын беретін және сүт құрамын тексеретін аппарат пен қосымша ыдыстар орналастырылған. Түйе сүтін қабылдау пункті толығымен күшіне енсе, бес адам тұрақты жұмыспен қамтылады.

Қызылордада құрғақ түйе сүтін өндіру қолға алынбақ

<a href="https://kyzylorda-news.kz/">Kyzylorda-news.kz.</a> ҚР еңбек және халықты әлеуметтік қорғау вице-министрі Нариман мұқышев мемлекеттің көпбалалы аналарға арналған төлемді жақсартуға ниеттеніп отырғаны туралы айтты, деп хабарлайды&nbsp;<a href="https://stan.kz/kazakstanda-kopbalali-analarga-beriletin-tolem-kobeytil-326628/">Stan.kz</a>.&nbsp;
<blockquote>
 «Бүгінгі таңда 4 баладан асатын, 7 балаға дейін және одан көп баласы бар отбасыларға әлеуметтік төлем тағайындалады. Яғни 4 бала үшін – 16 АЕК, Кейін 7-ші балаға дейін 4 АЕК-тен тағайындалады. 8, 9, 10 балаға – 28 АЕК-тен. Бұл қазіргі заңнама бойынша жүзеге асады. Мәжіліс депуттары ұсынған өзгеріске сәйкес, 8-баладан бастап қосымша 4 АЕК тағайындалады», – деді Нариман Мұқышев.&nbsp;
</blockquote>
Оның айтуынша, өзгеріс мақұлданған жағдайда төленетін төлем балалар санына қарай шектелмейді.&nbsp;
<blockquote>
 «Бүгінгі таңда базада отбасыдағы ең көп бала саны – 15. Яғни осы баланың әрқайсысына 4 АЕК-тен тағайындалатын болады», – деп түсіндірді вице-министр.
</blockquote>

Қазақстан және Қызылорда облысының жаңалықтары