<a href="https://kyzylorda-news.kz/">Kyzylorda-news.kz.</a> Қазақстанның басым бөлігі солтүстік-батыс циклонының ықпалында болады. Осыған байланысты елдің басым бөлігінде жауын, қар жауады, деп хабарлайды «Қазгидромет» РМК.
Кәсіпорын таратқан мәліметтерге қарағанда, тек елдің оңтүстік және оңтүстік батысында ғана ауа райы жауын-шашынсыз болады. Республика бойынша кей жерлерде тұман, көктайғақ, жаяу бұрқасын болып, жел күшейеді.
Солтүстік-Қазақстан облысының кей жерлерінде тұман, көктайғақ, бұрқасын болып, басым бөлігінде желдің жылдамдығы секундына 15-20 метр, екпіні 23-28 метрге жетеді.
Қостанай, Шығыс Қазақстан, Ақмола, Ақтөбе облыстарының кей жерлерінде тұман түсіп, көктайғақ болып, бұрқасын соғады. Желдің жылдамдығы секундына 15-20 метрге жетеді, Қостанай облысында екпіні 23-28 м/с.
&nbsp;Павлодар, Қарағанды облыстарының кей жерлерінде тұман түсіп, көктайғақ болады, жел секундына 15-20 метрге дейін күшейеді.
Атырау, Батыс Қазақстан облыстарының кей жерлерінде тұман түсіп, көктайғақ болады, түнде жел секундына 15-20 метрге дейін күшейеді.
Жамбыл, Түркістан, Қызылорда облыстарының кей жерлерінде тұман түсіп, күндіз жел 15-20 м/с жылдамдықпен еседі.
Алматы, түнде Маңғыстау облыстарының кей жерлерінде тұман болады.

Қазгидромет: Ақпанның 5-і күнгі ауа райы болжамы

<a href="https://kyzylorda-news.kz/">Kyzylorda-news.kz</a> ақпараттық агенттігінің 5 ақпанға арналған жұлдыз-жорамалы.
Тоқты
Бүгін сіз кез келген жанмен тіл табыса аласыз. Бұл сіздің жұмысыңыздың алға басуына көмектеседі. Жақын туыстарыңызға қатысты жағымды жаңалық естейсіз. Бұл жаңалық сізді қуантатын болады.
Торпақ
Бүгін айналаңыздағы адамдарға ұнауға тырысыңыз. Егер көпшілік сізді қолдайтын болса, жетістікке жетуге, мақсатқа қол жеткізуге болады. Сонымен қатар бүгін жанашыр дос болатын жанмен кездесесіз.
Егіздер
Өзіңізге де, айналаңыздағы жандарға да жақсылық жасай аласыз. Сіз әлсіздерге қамқор болып, күш көрсеткендердің сазайын тарттырасыз. Жақындарыңыз үшін өз шаруаңызды кейінге қалдыруыңыз да мүмкін.
Шаян
Бүгін аздап уайымға салынасыз. Басты мәселеңіз махаббат болмақ. Сүйікті адамыңызбен қарым-қатынасыңыз айтарлықтай жақсы болмауы мүмкін. Жеке өміріңізді өзгертуге тырысасыз. Жұмыста табысты боласыз.
Арыстан
Асыққаныңыз жөн. Түске дейінгі уақытыңыз сәтті, әрі жемісті болмақ. Бұрынғы идеяларыңызды жүзеге асыратын кез келді. Түстен кейін жалқаулық басып, эмоцияға ерік бересіз. Бірақ жақындарыңыз көңіл-күйіңізді көтеруге тырысады.
Бикеш
Қалауыңызға қол жеткізесіз. Бұрын қолыңыздан келмеген істі соңына дейін жеткізе аласыз. Бүгін жұмысқа қатысты ұсыныстар түсуі де мүмкін. Жеке өміріңіз бірқалыпты.
Таразы
Қиын тапсырмаларды орындауға қолайлы күн. Сіз қай істің маңызды, қайсысының айтарлықтай қажеті жоқ екенін анықтай аласыз. Соның арқасында жұмыста жолыңыз болады.
Сарышаян
Бұрын мүмкін емес деп ойлаған арманыңызға қол жеткізесіз. Бүгін ешқандай мәселе туындамайды. Кез келген кедергіні оңай еңсересіз. Табандылығыңыздың, күш-жігеріңіз бен тапқырлығыңыздың арқасында табысқа жетесіз.
Мерген
Күніңіз қызықты өтеді. Бір орында тоқтап қалмаңыз. Жаңа іспен айналысудан қорықпаңыз. Ерекше жандармен танысып, өзіңізге пайдалы ақпараттарға қанық боласыз. Жалпы, бұл күн іш пыстырмайды.
Тауешкі
Есте қаларлықтай керемет күн. Егер сіз ғашық жанның бірі болсаңыз, онда күніңіз ерекше өтеді. Жеке өмірге қатысты шешім шығарар кезде тек ішкі түйсікке ғана жүгініңіз. Ол ешқашан сізді қапы қалдырмайды.
Суқұйғыш
Қиындықтар мен мәселелерден қашып құтылу мүмкін емес. Дегенмен оларға бола уайымға салынудың қажеті жоқ. Қателіктерге бой алдырғанның өзінде, онан туындаған кикілжіңдер тез арада ұмытылып кетеді.
Балықтар Егер табандылық танытсаңыз, өзіңіз ойлағаннан да көп табысқа жетесіз. Айналаңыздағы адамдар ақыл айтып шаршатуы мүмкін. Көбісі сіздің басыңыздағы проблеманы түсіне бермейді

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Футболдан Қазақстан чемпионатында бірінші лигада сынға түсетін Қызылорданың «Байқоңыр» командасы оқу-жаттығу жиынын өткізу мақсатында Өзбекстан астанасы – Ташкент қаласына аттанып кетті.
Оқу-жаттығу жиыны 18 ақпанға дейін жалғасады. Онда жолдастық кездесу ойындарын өткізеді деп жоспарланып отыр.
Дайындыққа аттанған футболшылар қатарында Дамир Байшылықов, Нұрмат Сәрсенов, Ислам Рахметов, Бекзат Бектай, Сәбит Шегебай, Қуаныш Кемалұлы, Нұржан Рақыш, Нұрдәулет Әмірбек, Тұрарбек Қуанышбеков, Наурызхан Бөржан, Олжас Алтаев, Аян Құлмағанбетов, Ерболат Серік, Қасымхан Алпысбаев, Руслан Дүйсенбаев, Елжас Сарбай, Әлім Тәңірбергенов, Мейіржан Меңлібаев, Дастан Бірімтай бар.
«Байқоңыр» 2014 жылы құрылған. Онда негізінен қызылордалық жастар ойнайды. Бүгінгі күнге дейін команда құрамынан «Қайсар» сапына алынған ойыншылар аз емес. 2019 жылы олар бірінші лигада сегізінші орын алды.

«Байқоңыр» оқу-жаттығу жиынына аттанды

<a href="https://kyzylorda-news.kz/">Kyzylorda-news.kz.</a> Бізді ақпан айында көбірек ойлану мен әдеттегі қарым-қатынастардың өзгеруі күтіп тұр. Астролог Марина Скади Униан&nbsp;жұлдыздардың қыстың соңғы айында бізге не дайындағаны туралы айтты, деп хабарлайды&nbsp;<a href="https://stan.kz/2020-zhildin-akpan-ayina-zhyldiz-zhoramal-astrolog-kist-326905/">Stan.kz</a>.
3 ақпаннан бастап Меркурий Балық белгісіне өтеді және адамдар өз ойына батып, субъективті шындықты қабылдайды, тылсым құпиялар пайда болады дейді астролог.
Бұл кезеңде ішкі дауысты аса мұқият тыңдау керек, логикалық ойлаудан гөрі ішкі түйсікке көбірек құлақ асқан жөн. 8 ақпаннан бастап Венера Балықтың экзальтациясы белгісінен Тоқты белгісіне өтеді. Адамдар арасындағы қарым-қатынаста өзгеріс пайда болады. Олар бір-біріне жақын жанға айналып, өз құпияларын ашады, немесе адамдар арасында көрінбейтін қабырға тұруы мүмкін.
16 ақпаннан бастап Марс Тауешкі белгісіне кіргенде, қызметке деген құштарлық артады, бірақ әлеуметтік белсенділік болмаса, адамдар өздеріне мәселе ойлап тауып алады. Соның нәтижесінде бір-бірінен алыстайды.
Тоқты
Өткір, тіпті, дөрекі сезімдерге берілгіш. Ең жақсы энергия көзін шығармашылықта немесе спортта таба аласыз. Симпатия мен антипатия бірден пайда болады. Бұл сезімдер әр түрлі болуы мүмкін: бір көргеннен ғашық болып, махаббат сезімі күтпеген жерден бұрқ етіп лаулап кетуі мүмкін. Стратегиялық жоспарлар құруға, өз мүмкіндіктерін мұқият бағалауға, тиімді іс-әрекеттерді есептеуге қабілетті. Егер нақты берілген мақсат болса, онда сізді ештеңе тоқтата алмайды.
Торпақ
Осы кезеңде өзіңізді ең тиімді жағынан көрсетесіз. Өз мүмкіндіктеріңізді, қасиеттеріңізді бағалағанына қатты мұқтаж болып жүресіз. Әйелдер жағы ел назары өзіне аумағанына ренжіп жүруі мүмкін, бірақ жаңа таныстықтар мен қарым-қатынастың келесі сатысына өтуіне себепші бола алады. Бұл уақытта ақша импульсивті тұрде жаратып отырасыз және қажет емес заттарға емес, қазіргі уақытта не ұнап жүр соларға жаратасыз. Осы кезеңнің негативі шамадан тыс эмоциялық сезімталдық, агрессивті жайттар, қызғаныш, бітпейтін керек емес күтімдер. &nbsp;
Егіздер
Қыстың соңғы айында өткен-кеткен оқиғалар туралы, өзінің немесе жұрттың іс-әрекетін талдап, сараптама жасау арқылы көп ойға беріледі. Кейбір болмашы хабардың өзі санаңыздан көпке дейін шықпай жүріп алуы мүмкін және сіз оны ұзақ уақыт бойы ойлап, терең мағынансын табуға ұмтыласыз. Мұндай ой шырмауына түсу &nbsp;көбінесе жұмыс істеуге көп кедергі келтіруі мүмкін. Осы кезеңде сіз барынша әсерленгіш болып кетесіз. &nbsp;
Шаян
Өзіңізді басқару, энергияңыз бен мүмкіндіктеріңізді аса бағалау сынды қиындықтарға ұшырауыңыз мүмікн. Егер сізді қоршаған адамдарға жоғары талаптар қоятын болсаңыз, олардың ықыласы мен құрметін жоғалтып аласыз. Негізсіз қызғаныш пен билік сүйгіштік қасыңыдағы серігіңізбен жанжалдасуыға әкелуі мүмкін. Тәуекелге бел буып жасаған асығыс шешімнің соңы шығынға әкелуі мүмкін. Осының кесірінен айналаңыздың сенімінен айрылып, жұмыстан босатып жіберуі бек мүмкін.
Арыстан
Табысты және сұранысқа ие, сіздің қоғамдық қызметіңіз қызықты өтеді, қызметкерлер мен компаньондардың ынтасын арттыруға қабілеттісіз. Тартымды түр тұлғаңыз бен физикалық сымбатыңыздың арқасында сізге көп жерде көмегін беретін болады. Сіз басшылық, ықпалды тұлғалар мен демеушілер, әсіресе қарама-қарсы жыныстың өкілдері тарапынан өз жобаңызға материалды қолдау ала аласыз. Өзіңізге пайда әкелетін келіссөздерді сәтті әрі ың-шыңсыз жасайсыз.
Бикеш
Ақыл-ой еңбегі үшін бұл кезең өте қолайсыз. Жанжалдар көбейіп, пікір келіспеушілігі, қарым-қатынастағы қиындықтар, өз мүддеңіз бен көзқарасыңызды білдіре алмау – жақын адамдар мен әріптестер арасындағы байланысты орнатуға кедергі келтіреді. Бірақ өзіңізді кешіре алатын болсаңыз, туған-туыстарыңызбен, әріптестеріңізбен және басшылықпен жақындасуға мүмкіндік туады. Мемлекеттік мекемелерге баруды кейінге қалдыра тұрғаныңыз жөн.
Таразы
Сіз аса құмарлықпен қарама-қарсы жыныс өкілдеріне жоғары қызығушылық танытасыз. Оларға үлкен ерік-жігермен, ықыласпен және зор энергиямен қарайсыз, бірақ көбінесе жеке пайдаңызды жүзеге асыруды мақсат етесіз. Ал осының салдарынан серіктестермен қарым-қатынас күрделене түседі. Махаббатта әртүрлі себептерге байланысты көп шиеленіс болады. Осы кезеңде, сіз басқа адамдарды нашар түсінесіз, және бір көргеннен ғашық болуыңыз мүмкін. Осының кесірінен серігіңізді табу қиындай түседі.
Сарышаян
Сіз ел назарының ортасында боласыз. Өзіңізге сенімділік артып, ерік күші, бастаған ісіңізді жүзеге асыру қабілеті, сондай-ақ ақыл-ой қабілетіңіз жақсы жұмыс істей бастайды. Кедергілерден өту оңайырақ болады, ал жалпы мақсатшылдыққа салынып кетпеңіз. Өзін стресстік жағдайларға жеткізбеңіз. Сізді табыс ұзақ күте алмайтынын ескеріп, өзіңізді қолға алыңыз. Қарым-қатынаста, некеде өзіңзід жақсы етіп көрсету оң өзгерістерге әкелмейтінін жадыңызда ұстаңыз.&nbsp;
Мерген
Орасан зор жоспарлар, өз күшіңіз бен мүмкіндіктеріңізді дұрыс қолдануға мүкіндік бермейді. Жеңіл ойдан, алдамшы перспективалар пайда болады, бұл шығындарға әкелуі мүмкін. Қарапайым өмір салты, қоршаған адамдармен қақтығыстарға әкеледі. Қоғамдық қызметтегі кедергілер немесе оған байланысты жауапкершілік пен міндеттемелердің жүгі болуы мүмкін. Тек жеткілікті өзін-өзі ұстағанда, бастапқы сәтсіздікті кейбір жақсартуға айналдыруы мүмкін.
Тауешкі
Осы айда белсенді болыңыз. Өзіңізге деген сендімділіктен қызыққан істерді соңына дейін апарасыз. Егер сіз бірдеңені жүзеге асыруға бел бумаған болсаңыз, осы кезеңді пайдаланыңыз. Осы кезеңде кез келген қауіпті жағдайларға араласуға, ойланбастан іс-әрекеттер жасауға, асығыс шешім қабылдауға бейім боласыз. Істі жүргізген кезде қаржы амбициясына бейімділікке назар аудару керек. Қарсыласыңыздың мысы сізді басып, махаббатта да, жұмыста да жеңіп кетуі мүмкін. Тым адал болу мен кемелдікке ұмтылу көп нәрсеге кедергі келтіруі мүмкін. &nbsp;
Суқұйғыш
Көшбасшы немесе басқару орынан отыруға мүмкіндік болады. Дәл қазіргі бар мүмкіндігіңізді пайдаланып, табыс пен лауазымыңыздың өсуі үшін істеу керек болған істі қолға алатын уақыт жетті. Табыс белсенді жұмыс жасап, тез шешім қабылдайтын адамдарға тән. Сізге өзіңізбен жұмыс жасап, әр түрлі қызметте өзіңізді сынап көріңіз. Өзіңіз армандап жүрген нәтижеге жету үшін қарым-қатынас шеңберін кеңейту қажет.
Балықтар&nbsp;
Өзіңізді жоғары бағалау, ерік-жігеріңіз сізді ең позитивті тұрғыдан ынталандырады. Осы кезең қарым-қатынас және саяхат жеке мақсаттарға жетуге мүмкіндік береді. Сіздің өмір салтыңыз табысты сақтап қалатын идеяларыңызға сай келеді. Зияткерлік талпыныстары мен өзіңізді танытуға ден қою сізді өзгелерден ерекшелеп тұрады.

«Тылсым құпиялар пайда болады» &#8211; ақпан айына арналған астролог болжамы

<a href="https://kyzylorda-news.kz/">Kyzylorda-news.kz.</a> Қызылорда облысында жаңа қатты қалдықтар полигонына 5 гектар жер телімі бөлінді. Бұл ақпарат Өңірлік коммуникациялар қызметінің «Facebook» парақшасында жарияланды.
Қатты қалдықтар полигоны Арал қаласының солтүстік-батыс бөлігінде, яғни қаладан 4 шақырым қашықтықта орналасқан.
Қазіргі таңда полигон құрылысының бірінші кезеңі аяқталды. Атап айтқанда, жер мен топырақты тегістеу жұмыстары толық аяталып, автокөліктерге кіретін жол дайындалды. Полигон құрылысын осы жылдың соңына дейін аяқтау жоспарланған.
Айта кетейік, Қызылорда облысында қатты қалдықтарды қайта өңдеу саласындағы жұмыстар үш бағытта жүргізілуде. Олар қатты тұрмыстық қалдықтарды қайта өңдеу, халыққа қалдықтарды жинау және тасымалдау бойынша қызметтер ұсыну, экологиялық және санитарлық талаптарға сәйкес келетін қатты қалдықтар полигондарын құру.

Қызылордада жаңа қатты қалдықтар полигонына 5 гектар жер бөлінді

<a href="https://kyzylorda-news.kz/">Kyzylorda-news.kz.</a> Бұл туралы Маңғыстау облыстық «Қоғамдық коммуникация орталығында» өткен брифингте ҚР Қазақ күресі федерациясының бас хатшысы Бақдаулет Сәбитов мәлім етті, деп хабарлайды <a href="https://www.inform.kz/kz/kazak-kuresi-mektepterde-pan-retinde-engizilui-mumkin_a3611010">ҚазАқпарат</a>.
<blockquote>
 «Жас өспірімдер арасында осы Қазақ күресінен біріншіліктің алғаш рет Ақтау қаласында өтуі, оған қолдау тапқаны қуантады. Өйткені, жылдан жылға ата-аналар тарапынан қазақ күресіне деген қызығушылық артып келеді. Осыған орай, жаңа оқу жылынан бастап осы спорт түрін мектептерде пән ретінде енгізуді жоспарлап отырмыз. Алдымен, Нұр-Сұлтан қаласы мен Маңғыстау облысында пилоттық жоба ретінде іске асырылады. Бағдарламасы әзірленіп, мамандар даярлау барысы қолға алынды», – деді ҚР Қазақ күресі федерациясының бас хатшысы Бақдаулет Сәбитов.
</blockquote>
Осы бағытта жылдың соңына дейін Қазақ күресі академиясы құрылып, мамандар дайындау жұмыстары жүргізілмек. 1-4 сыныптарға қазақ күресінен акробатика ретінде, ал 5-11 сынып оқушылары арасында арнайы пән ретінде өткізіледі деп жоспарлануда. Сондай-ақ, қыз балалар да осы спорт түрімен айналысуға мүмкіндіктер жасалған.
<blockquote>
 «Осындай беделді жарыстарды өлкемізде өткізу арқылы қазақ күресінің облысымызда қарқынды дамуына ерекше екпін береміз», – дейді ұйымдастырушылар.
</blockquote>

«Қазақ күресі» мектептерде пән ретінде енгізілуі мүмкін

<a href="https://kyzylorda-news.kz/">Kyzylorda-news.kz.</a> Қазгидрометтің мәліметінше, ауа райының бұзылуына байланысты 5 ақпанға бірнеше өңірде ескерту жарияланды.
Қызылорда облысының кей жерлерінде тұман сақталады. Оңтүстік-шығыстан, оңтүстіктен жел соғып, таңертең және күндіз оның күші кей жерлерде 15-20 м/с жетуі ықтимал.
Сонымен қатар Нұр-Сұлтан қаласында көктайғақ болады. Оңтүстік-батыстан соғатын желдің екпіні 15-20 м/с артады.
Ақмола облысының кей жерлерінде тұман, көктайғақ, жаяу бұрқасын күтіледі. Оңтүстік-батыстан соғатын желдің күші 15-20 м/с жетуі ықтимал. Көкшетау қаласында жолдарда көктайғақ болады. Оңтүстік-батыстан 15-20 м/с екпінмен жел тұрады. Түркістан облысының кей жерлерін түнде тұман басып, күндіз оңтүстік-батыстан соғатын желдің күші 15-20 м/с артады.
Түркістан қаласында күндіз 15-20 м/с жылдамдықтағы жел күтіледі.
Шымкент қаласында күндіз оңтүстік-батыстан 15-20 м/с екпінмен жел соғады.
Қостанай облысының кей жерлерінде тұман, көктайғақ, бұрқасын болжанады. Оңтүстік-батыстан жел соғады, екпіні кей жерлерде 15-20, 23-28 м/с артуы мүмкін. Қостанай қаласында оңтүстік-батыстан 15-20 м/с күшпен жел тұрады.
Ақтөбе облысының кей жерлерінде тұман, көктайғақ, түнде жаяу бұрқасын сақталады. Оңтүстік-батыстан, оңтүстіктен соққан желдің күші кей жерлерде 15-20 м/с болады. Ақтөбе қаласында түнде оңтүстік-батыстан, оңтүстіктен соққан желдің екпіні 16 м/с сақталады.

Қызылорда облысының кей жерлерінде тұман сақталады

<a href="https://kyzylorda-news.kz/">Kyzylorda-news.kz.</a> Ақылы жолдарда төлем алу жүйесін орнату және қызмет көрсетуге қатысты инвестициялық жоба аясында биыл еліміздің тас жолдарына бейнебақылау камералары орнатыла бастайды, деп хабарлайды Индустрия және инфрақұрылымдық даму министрлігінің <a href="http://miid.gov.kz/kk/news/kazakstan-taszholdarynyn-32-uchaskesinde-beyne-bakylau-kameralary-ornatylady">баспасөз қызметі</a>.
Еліміздегі республикалық маңызы бар автомобиль жолдарының 11 мың шақырымында 600 бейнебақылау камерасы орнатылады деп жоспарлануда.
Камералар ел жолдарындағы қозғалысты тәулік бойы бақылайды. Тұтастай алғанда мұндай қондырғылар 2024 жылға дейін еліміздегі республикалық маңызы бар жолдардың 32 учаскесінде пайда болмақ.
Әзірлеушілердің айтуына қарағанда, есептеу қуаттылығы мен арнайы бағдарламалық қамтамасыз ету ақпараттың кең көлемін нақты уақыт режимінде өңдеуге мүмкіндік береді. Осылайша көлік қозғалысының жылдамдығы мен бағыты, жеке деректерді пайдаланусыз көлік құралының типі, сондай-ақ жол жиегімен қозғалып келе жатқан және мемлекеттік тіркеу нөмірінсіз жүрген автокөліктер анықталады. Бейне-бақылау камераларының басты міндеттерінің бірі – белгіленбеген жерде тоқтау, кері бағытта қозғалу, қозғалыстың қарсы жиегімен жүру, жылдамдық режимін асыру сияқты жолда жүру ережелерін бұзудың фактілерін тіркеу. Бұдан бөлек жүйе автоматты режимде жол трафигінің мөлшерін тіркеуге, камераның осіне қарамастан көлік құралының қозғалысын анықтауға мүмкіндік береді.
Жолдарда төлем алу жүйесі инфрақұрылымның кең шоғырын ұсынбақ. Осылайша, оларға стационарлы бақылау пункті, автоматты идентификациялау құралдарының аппаратты-бағдарламалық кешені, мониторинг, деректерді өңдеу, пайдаланушылармен жұмыс орталықтары, сондай-ақ деректерді жіберуге арналған байланыс каналдары жатқызылады.&nbsp;
«QazAvtoJol» ұлттық компаниясы өткен жылдың желтоқсанында республикалық маңызы бар автомобиль жолдары арқылы жүріп өту үшін ақы алу жүйесін орнату және қызмет көрсету бойынша инвестициялық конкурстың қорытындысын жариялағанын еске салайық. Оның қорытындыларына сәйкес қазақстандық және тайваньдық консорциуммен ынтымақтастық туралы келісімшартқа қол қойылған болатын.

Қазақстан тасжолдарының 32 учаскесінде бейнебақылау камералары орнатылады

<a href="https://kyzylorda-news.kz/">Kyzylorda-news.kz.</a> Сауда және интеграция министрлігінің Тұтынушылардың құқықтарын қорғау комитеті Нұр-Сұлтан қаласының сотына «Бек Эйр» компаниясының үстінен тұтынушылардың құқықтарын бұзу туралы талап арыз берді. Бұл туралы Сауда және интеграция министрлігінің <a href="https://www.government.kz/kz/hrpolitic/appointments/v-ministerstve-torgovli-i-integracii-rk-naznacheny-vice-ministry">баспасөз қызметі</a> хабарлайды.
Арызда «Бек Эйр» компаниясы қызметінің тоқтатылуына байланысты сатып алынған авиабилеттердің құны уақытында қайтарылмай, тұтынушылырдың құқықтары бұзылғандығы жазылған.
Комитетке жалпы сомасы 444 434 теңге болатын билеттерді сатып алған 20 адам шағымданды.

ҚР Сауда және интеграция министрлігі Bek Air әуекомпаниясын сотқа берді

<a href="https://kyzylorda-news.kz/">Kyzylorda-news.kz.</a> 2020 жылдың 6 ақпан күні Қызылорда қаласының әкімдігінде ашық есік күні өтеді.
Қызылорда қаласының әкімі Нәлібаев Нұрлыбек Машбекұлы және қала әкімінің орынбасарлары, тиісті сала басшыларының қатысуымен 6 ақпан күні қоғамдық қабылдау өткізіледі. Қоғамдық қабылдау таңғы сағат 09.00-ден 13.00-ге дейін қала әкімдігі жанындағы құқық қорғау қызметі орталығында өткізіледі.
Мекенжайы: Қызылорда қаласы, Ы.Жақаев көшесі №16 №5, 11, 18, 21, 22, 24 маршрутты автобустар қалалық әкімдік жанындағы аялдамаға тоқтайды.
Қоғамдық қабылдау алдын ала жазылуды қажет етпейді.

Қызылорда қаласының әкімі қала тұрғындарын қабылдайды

<a href="https://kyzylorda-news.kz/">Kyzylorda-news.kz.</a> Үстірт мемлекеттік қорығында тағы да қабылан фототұзаққа түсіп қалды. Бұл туралы ҚР Экология, геология және табиғи ресурстар министрлігінің Орман шаруашылығы және жануарлар әлемі комитетінің баспасөз хатшысы Сәкен Ділдахмет мәлімдеді, деп хабарлайды <a href="https://www.inform.kz/kz/ustirtte-fototuzakka-ilingen-kabylan-kazakstannyn-kyzyl-kitabyna-engizildi_a3610927">ҚазАқпарат</a>.
Оның мәліметінше, фототұзаққа қабылан 2019 жылдың желтоқсан айы мен 2020 жылдың қаңтарында екі мәрте түсіп қалған. Ал жалпы Комитет өкілдері Үстіртте қабыланның пайда болғанын 2018 жылы хабарлаған болатын.
<blockquote>
 «Сол тұста қорықта қабыланды зерттеу бойынша экспедиция ұйымдастырылған еді. Экспедиция қорытындысы бойынша, мамандар мысық тұқымдастардың сирек кездесетін түрі – алдыңғы азиялық қабыланның пайда болғанын растаған еді. Осыдан кейін комитет жыртқышты зерттей бастады. Жақында сол қабыланды «Қазақстан Республикасының Қызыл кітабына енгізу» жобасы бойынша мемлекеттік экологиялық сараптаманың оң қорытындысын алдық», – деп жазады Сәкен Ділдахмет.
</blockquote>
Қабыланды Қызыл кітапқа енгізудегі басты мақсат – Қазақстанда аталған аңды сақтау және оған мониторинг жасау бойынша жұмысты жалғастыру болып отыр.
Panthera pardus L.,1758 қабыланы – жыртқыш сүтқоректілердің түрі. Негізінен Африка мен Оңтүстік Азияда мекендейді.
<img src="https://kyzylorda-news.kz/wp-content/uploads/2020/02/4kabylan2.jpg" alt="" />

Үстіртте фотоға түсіп қалған қабылан Қазақстанның Қызыл кітабына енгізілді

<a href="https://kyzylorda-news.kz/">Kyzylorda-news.kz.</a> Елімізде Шығыс Қазақстан, Қарағанды, Түркістан облысы және Алматы қаласында онкологиялық ауруға шалдыққандардың саны өзге өңірлермен салыстырғанда әлдеқайда көп. Бұл жайында Алматыда Қазақ онкология және радиология ғылыми-зерттеу институтында Дүниежүзілік обырға қарсы күрес күніне орай өткен конференция барысында Қазақстан денсаулық сақтау министрлігінің бас онкологы, ҚазОжРҒЗИ басқарма төрайымы Диляра Қайдарова мәлімдеді, деп хабарлайды&nbsp;<a href="https://sputniknews.kz/regions/20200204/12737124/onkolog-qaterli-isik.html">Sputnik Қазақстан</a>.
4 ақпан – Дүниежүзілік обырға қарсы күресі күні. Осыған орай Халықаралық обырға қарсы одақтың бастамасымен Қазақстанда #IamAndIWill ұранымен кең ауқымды ақпараттық-ағартушылық акция өтіп жатыр. Акцияның мақсаты – халыққа онкологиялық аурулардың алдын алу және ерте анықтау туралы мәліметтерді жеткізу, тұрғындардың өз денсаулығына жауапкершілікпен қарауын қалыптастыру, қолжетімді скринингтік тексерулер туралы ақпарат беру.
<blockquote>
 “Қазір Қазақстанда онкоскринингтің 3 түрінен тегін өтуге болады: 40 жастан 70 жасқа дейінгі әйелдер сүт безі обырына, 50 жастан 70 жасқа дейінгі ерлер мен әйелдер колоректалды обырға тексеріле алады. Сондай-ақ, 30 жастан 70 жасқа деейінгі әйелдерге арналған жатыр мойны обырына скрининг жасалады. Аталған үш скрининг емханаларда тегін жүргізіледі”, – деді бас онколог.
</blockquote>
Қайдарованың айтуынша, Қазақстанда онкологиялық ауруға шалдыққандар саны жыл сайын артып келеді. 2019 жылы елімізде 36 345 адам қатерлі ісікке шалдыққан.
<blockquote>
 “Елімізде онкологиялық аурулардың ерте диагностикасы да жақсарып келеді. 36 345 науқастың 27%-ы 0-1 сатыдағы науқастар. Бұл – халық&nbsp; бұл аурудан қорықпай, алдын ала тексеруден өтуге келеді деген сөз.&nbsp; Ал диспансерлік онкологиялық есепте 186 мыңнан аса адам тұр. Ал өткен жылы тіркелгендер саны – 181 мың. Жыл сайын науқастардың саны да, 5 жыл және одан да көп өмірін ұзартқан науқастардың саны да артуда. Орта есеппен әрбір екінші науқас ауруға шалдыққанына қарамастан, ем алу арқылы 5 жылдан аса өмір сүреді”, – деді Диляра Қайдарова.
</blockquote>
Қазақстанда қатерлі ісіктің ең көп тараған түрі – өкпе обыры. Бас онкологтың айтуынша, аурдың кең таралуына тұрғындардың газбен қамтылмай, қыста от жағуының да әсері бар. Өкпе обыры ең алдымен темекі тартудан пайда болады. Алайда темекі тартпайтын әйелдердің бұл аурға шалдығуы экологиялық жағдайға да байланысты. Көмір жағу арқылы шыққан түтін де өкпе обырына әкелуі мүмкін.
<blockquote>
 “Өкінішке қарай, әлемде ең көп таралған өкпе обыры. Елімізде өкпе обырына шалдыққандар науқастардың арасында ең көп көз жұмады. Екінші орында&nbsp; асқазан обыры, үшінші орында сүт безі обыры тұр. Дүниежүзілік денсаулық сақтау ұйымының ұсынысымен өкпе обырына скрининг жүргізіле бастады. Павлодар, Қостанай, Өскемен қалаларында өкпе обыры көп таралғандықтан сол жақтың тұрғындарына тексеру жүргізіп жатырмыз”, – деді онколог.
</blockquote>

Қазақстан және Қызылорда облысының жаңалықтары

Қазгидромет: Ақпанның 5-і күнгі ауа райы болжамы

Жұлдыздар не дейді?

«Байқоңыр» оқу-жаттығу жиынына аттанды

«Тылсым құпиялар пайда болады» – ақпан айына арналған астролог болжамы

Қызылордада жаңа қатты қалдықтар полигонына 5 гектар жер бөлінді

«Қазақ күресі» мектептерде пән ретінде енгізілуі мүмкін

Қызылорда облысының кей жерлерінде тұман сақталады

Қазақстан тасжолдарының 32 учаскесінде бейнебақылау камералары орнатылады

ҚР Сауда және интеграция министрлігі Bek Air әуекомпаниясын сотқа берді

Қызылорда қаласының әкімі қала тұрғындарын қабылдайды

Үстіртте фотоға түсіп қалған қабылан Қазақстанның Қызыл кітабына енгізілді

Бас онколог қай облыстардың тұрғындары қатерлі ісікке көбірек шалдығатынын айтты

Қазақстан және Қызылорда облысының жаңалықтары

Қазгидромет: Ақпанның 5-і күнгі ауа райы болжамы

Жұлдыздар не дейді?

«Байқоңыр» оқу-жаттығу жиынына аттанды

«Тылсым құпиялар пайда болады» &#8211; ақпан айына арналған астролог болжамы

Қызылордада жаңа қатты қалдықтар полигонына 5 гектар жер бөлінді

«Қазақ күресі» мектептерде пән ретінде енгізілуі мүмкін

Қызылорда облысының кей жерлерінде тұман сақталады

Қазақстан тасжолдарының 32 учаскесінде бейнебақылау камералары орнатылады

ҚР Сауда және интеграция министрлігі Bek Air әуекомпаниясын сотқа берді

Қызылорда қаласының әкімі қала тұрғындарын қабылдайды

Үстіртте фотоға түсіп қалған қабылан Қазақстанның Қызыл кітабына енгізілді

Бас онколог қай облыстардың тұрғындары қатерлі ісікке көбірек шалдығатынын айтты

«Тылсым құпиялар пайда болады» – ақпан айына арналған астролог болжамы