<a href="https://kyzylorda-news.kz/">Kyzylorda-news.kz.</a> «Қазгидромет» РМК ауа райының бұзылуына байланысты 6 ақпанға бірнеше өңірде ескерту жариялады.
Атап айтқанда, Нұр-Сұлтан қаласында көктайғақ сақталады. Оңтүстік-батыстан, батыстан жел соғады, екпіні 15-18 м/с артуы ықтимал.
Ақмола облысының жекелеген аумағында тұман, көктайғақ, жаяу бұрқасын күтіледі. Оңтүстік-батыстан, батыстан жел соғып, кей жерлерде оның күші 15-20 м/с жетеді.
Ақтөбе облысының кей жерлерінде тұман, көктайғақ сақталады. Мұғалжар ауданында күндіз оңтүстіктен, оңтүстік-батыстан соғатын желдің екпіні 18 м/с артады. Ақтөбе қаласында күндіз тұман, көктайғақ күтіледі.
&nbsp;Шығыс Қазақстан облысында күндіз жауын-шашын (көбінесе қар) болады. Кей жерлерде бұрқасын, тұман, көктайғақ болжанады. Оңтүстік-шығыстан соққан жел оңтүстік-батысқа ауысып, екпіні күндіз 25 м/с жетеді. Өскемен қаласында күндіз жауын-шашын (жылбысқы қар), бұрқасын, жолдарда көктайғақ күтіледі. Оңтүстік-шығыстан соғатын желдің күші күндіз 15-20 м/с артады. Семей қаласында күндіз жауын-шашын (жылбысқы қар), бұрқасын, жолдарда көктайғақ күтіледі. Оңтүстік-шығыстан соққан жел оңтүстік-батысқа ауысып, күндіз жылдамдығы 15-20 м/с құрайды. Қостанай облысының кей жерлерінде бұрқасын, тұман, көктайғақ болжанады. Батыстан, оңтүстік-батыстан жел соғады, күші кей жерлерде 15-20 м/с артады.
Қостанай қаласында күннің екінші жартысында бұрқасын, батыстан, оңтүстік-батыстан 15-20 м/с жылдамдықтағы жел күтіледі.
Түркістан облысының кей жерлерінде түнде және таңертең тұман түсіп, оңтүстік-батыстан соғатын желдің күші 15-20 м/с құрайды. Түркістан қаласында түнде және таңертең оңтүстік-батыс желі 15-20 м/с артады.
Шымкент қаласында түнде және таңертең оңтүстік-батыстан 15-20 м/с екпінде жел тұрады.
Қызылорда облысының кей жерлерінде тұман сақталады. Оңтүстіктен, оңтүстік-шығыстан жел соғады, таңертең және күндіз күші кей жерлерде 15-20 м/с сақталады. Қызылорда қаласында тұман сақталады.
Солтүстік Қазақстан облысында түнде басым бөлігінде жауын-шашын (көбінесе қар) күтіледі. Кей жерлерінде бұрқасын, тұман, көктайғақ күтіледі. Оңтүстік-батыстан жел соғады, түнде кей жерлерде күші 15-20 м/с, күндіз 23-28 м/с жетуі ықтимал. Петропавл қаласында түнде жауын-шашын (көбінесе қар), бұрқасын, көктайғақ күтіледі. Оңтүстік-батыстан жел соғады, күндіз екпіні 23 м/с артады.
Маңғыстау облысының кей жерлерінде шаңды дауыл тұрады. Оңтүстік-шығыстан соғатын желдің жылдамдығы 15-20 м/с болады. Ақтау қаласында оңтүстік-шығыс желінің екпіні – 15-20 м/с.
Шығыс Қазақстан облысында күндіз жауын-шашын (көбінесе қар) жауады. Кей жерлерде бұрқасын, тұман, көктайғақ болжанады. Оңтүстік-шығыстан соққан желдің екпіні оңтүстік-батысқа ауысып, күндіз жылдамдығы 25 м/с артуы мүмкін.

Синоптиктер Нұр-Сұлтан мен өзге 10 өңірде ескерту жариялады

1920 жылы Түркістан майданы революциялық әскери кеңесінің бұйрығына сәйкес жеке қазақ әскери бригадасы ұйымдастырылды.
1992 жылы Қазақстан Республикасы президентінің Күзет қызметі құрылды.
2003 жылы Лондонда тәуелсіз Қазақстанның кинематографиясына арналған фестиваль ашылды.
2008 жылы Интернетте Қазақстан туралы иран тілінде хабар тарататын алғашқы www.yousefpiltan.blogf.com сайты ашылды.
2010 жылы Мәскеуде Қазақстан Республикасының Ресей Федерациясындағы Төтенше және Өкілетті елшілігінің резиденциясында Кеңес Одағының Батыры, даңқты қолбасшы және жазушы Бауыржан Момышұлы туралы «Аңызға айналған батыр» кітабының тұсаукесері болды.
2011 жылы Қазақстан құрамасы қысқы Азия ойындарында жеңіп алынған алтын медаль саны бойынша рекорд орнатты.&nbsp; &nbsp;
2015 жылы ҚР Ұлттық банкі естелік күміс монеталары: «Ұлы қолбасшылар» топтамасынан «Әмір Темір», «Дала қазынасы» топтамасынан «Тайқазан» және «Шәкен Айманов» монеталарының шығарылуы туралы хабарлады.
2017 жылы Астанада Сириядағы жағдайды реттеу бойынша Ресей, Иран, Түркиядан келген сарапшылардың, сондай-ақ БҰҰ өкілдерінің қатысуымен үшжақты халықаралық кездесу өтті.

6 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 6 ақпанға арналған жұлдыз-жорамалы.
Тоқты
Маңызды шаруаларды бітіруге қолайлы күн. Барлық шаруаны тез шеше аласыз. Сонымен қатар жеке қарым-қатынастарды оңай реттей аласыз.
Торпақ
Жаңа бастамаларды қолға алатын күн. Сіз бір демде табысқа жете аласыз. Осыдан кейін өзіңізге деген сенімділігіңіз арта түседі.
Егіздер
Бүгінгі күн айтарлықтай өзгерістер алып келеді. Жоспарды нақтылап алғаныңыз жөн. Әйтпесе, кей кездері қателік жіберіп алуыңыз мүмкін.
Шаян
Сәттілік серігіңіз болады. Уақытыңызды текке кетірмей, жұмысқа ден қойғаныңыз жөн. Барлық шаруаны атқаруға шамаңыз жетеді.
Арыстан
Сабырлы болыңыз. Сонда ғана біраз жұмысыңыз алға басады. Күйгелектік абырой әкелмейтінін ұққаныңыз жөн.
Бикеш
Бүгінгі күн алдағы уақытқа жоспар құратын уақыт. Жан-жағыңызды ретке келтіріп, ыңғайлы уақытта болашаққа жоспар құрыңыз.
Таразы
Қызықты іскерлік байланыс орнатасыз. Біраз жоспар құрып, онымен қалай жұмыс жасау қажет екенін, алдағы жұмыс кестесін ретке келтіресіз. &nbsp;&nbsp;&nbsp;&nbsp;
Сарышаян
Сақ болыңыз. Өміріңізді түбегейлі өзгертемін деп әуреге түспеңіз. Әйтпесе опық жеп қалуыңыз мүмкін. Сондықтан бұрынғы қалыпты сақтай біліңіз.
Мерген
Жаңа жобалар бойынша жұмыс жасайсыз. Ойға тың идеялар келіп, өз ойыңызды іске асыра бастайсыз. Өзгелердің де тәжірибесін қолданыңыз.
Тауешкі
Күніңіз керемет өтеді. Кейбір шаруаларыңыз жүзеге аспайды. Кездесулерді де кейінге қалдырғаныңыз жөн. Бұл жақсылыққа бастайды.
Суқұйғыш
Күніңіз сәтті өтеді. Ақпарат тарату және жаңа жоба бойынша жұмыс жасай бастайсыз. Серіктестер табу оңайға түспек.
Балықтар
Жаңа іс бастауға қолайлы күн. Қолға алған істе тез аяқтайсыз. Сондай-ақ ешқандай қателік жібермейсіз. Ішкі түйсікке көп мән беріңіз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> «Сыр бойы» газетінің 90 жылдығы аясында жас журналистер арасында Қалқабай Әбенов атындағы «Тоқсан жылдың толғауы» атты байқау жарияланады.
Жалпы ереже:
1. Байқау облыс­тық дең­гейде ұйым­дас­тыры­лады.
2. Байқаудың үйлес­тірушісі және ұйым­дас­тырушысы «Сыр медиа» ЖШС.
Байқаудың мақсаты:
3. Жас журналистер шы­ғар­­машылығының дамуына қолдау көрсету.
4. Мемлекеттік тілдің қол­данылу аясын кеңейту.
Байқауды ұйым­дас­тыру және оған қа­ты­сушыларға қойы­латын талаптар:
5. Байқауды ұйым­дас­ты­рып, өткізу мақсатында «Сыр медиа» ЖШС жанынан Ұйым­дастыру комиссиясы құрылады.
6. Байқауға бұрын-соң­ды жарияланбаған ма­териалдар жіберіледі.
7. Байқауға жасы 35-ке де­йінгі бұқаралық ақ­парат құралдарында жұ­мыс істейтін тілшілер мен тәуелсіз қаламгерлер қа­тыса алады.
8. Байқау материалдары тиісті баспа және ақпарат құралдары жетекшілерінің ұсы­нысы бойынша қабыл­данады.
9. Байқауға әрбір қаты­сушы 2 не 3 мате­риа­лын әрқайсысы 3 парақтан аспайтын көлемде ұсына алады. А-4 форматында, Times New Rоman қар­пімен, 14 мөлшерде, 1,0 аралықта терілуі керек. Байқау материал­дарын сараптау барысында тақы­рып­тың өзектілігі және ма­ңызы, мазмұнның ашы­лу тереңдігі, шына­йы­лығы, жанр­лық шарт­тарға сәйкестігі, жаңа әдістерді қолданысқа енгізе білуі, тілі және стилінің ұғынықтылығы, зерттеу әдістерін енгізе білу ерекшелігі, ұтымды қолдана білуі есепке алынады.
10. Байқауға қатысу­шы­лар Ұйымдастыру ко­мис­сиясына (Қызылорда қаласы, Бейбарыс сұлтан көшесі, 4 А, байланыс телефоны: 8 (7242) 40-02-17, мынадай құжат­тарды қоса жібереді.
1) Төмендегі деректер көрсетілген өтініш: автор туралы мағлұматтар/туған жері, күні, айы, жылы;
– жұмыс немесе оқу орны, қызметі, тұр­ғы­лықты мекен-жайы, бай­ланыс құралдары және 3х4 суреті.
2) байқау материа­лы­ның қағаз нұсқасы.
11. Байқауға жіберілген мате­риалдар авторларға қай­тарылмайды.
12. Байқауға ұсынылған материалдарды қазылар алқасы бағалайды.
Байқауды өткізу және қорытындысын шығару тәр­тібі:
13. Байқау үш кезеңнен тұрады.
1) 2020 жылғы 5 қаңтар мен 5 наурыз аралығында бай­қауға қатысушылардан ма­те­риал­дар­ды қабылдау;
2) 2020 жылғы 10-18 нау­рыз аралығында мате­риал­дарды са­раптау және жеңімпаздарды анық­тау;
3) 2020 жылғы 20 наурыз­да байқау жеңім­паздарын сал­танатты мара­паттау рәсімі.
14. Байқау жеңім­паздары Қалқабай Әбе­нов­тің ұрпақтары атынан арнайы сый­лық­тармен ма­ра­патталады.
<a href="https://syrboyi.kz/negizginews/35781-bayau.html">syrboyi.kz</a>

Жас журналистер байқауы өтеді

<a href="https://kyzylorda-news.kz/">Kyzylorda-news.kz.</a> Елімізде өткен жылы жұмыспен 660 мың адам қамтылды, деп хабарлайды <a href="https://24.kz/kz/zha-aly-tar/o-am/item/372308-e-bek-ba-darlamasy-ar-yly-600-my-adam-zh-myspen-amtyl-an">«Хабар 24»</a>.
Оның 40 проценті жұмыссыздар болса, 36 проценті жастар, тағы 2 проценті табысы аз көпбалалы отбасылар. Бұл туралы 2019 жылы «Еңбек» бағдарламасы бойынша атқарылған іс-шараларды саралаған баспасөз мәслихатында айтылды. Сала өкілдерінің сөзінше, былтыр елімізде 424 мың жаңа жұмыс орны құрылған. Бұл бағыттағы шаралар биыл да жалғасады. Әсіресе, көпбалалы отбасыларды қолдау ерекше болмақ. Қаржылай грант алған жанұялардың жарты жылға дейін табысы есепке алынбайды.
<blockquote>
 «Бұл көмекке мұқтаж жандардың әлеуметтік жағдайын жақсартуға айтарлықай септігін тигізбек», – дейді министрлік өкілдері.&nbsp;
 «Негізінен гранттарды көпбалалы отбасылар АӘК алушылардың санын азайту үшін береді. Көбісінде грантты алсақ, атаулы әлеуметтік көмектен қағыламыз деген қауіп болды. Себебі табысқа кіріп кетеді. Сондықтан біз мынадай өзгеріс жасадық, 530 мың грантты, одан түсетін түсімді алты айға дейін табыс деп санамаймыз. Себебі бүгін грант алған адам ертең табыс тауып жатыр деу мүмкін емес. Сол үшін сондай жеңілдік бердік», – дейді ҚР еңбек және халықты әлеуметтік қорғау министрінің бірінші орынбасары Ержан Жылқыбаев.
</blockquote>

«Еңбек» бағдарламасы арқылы 600 мың адам жұмыспен қамтылған

<a href="https://kyzylorda-news.kz/">Kyzylorda-news.kz.</a> Сегіз қазақстандық Уханнан Ресей мен Өзбекстанға эвакуацияланған,&nbsp; деп хабарлайды&nbsp;<a href="https://kaz.tengrinews.kz/kazakhstan_news/8-kazakstandyik-uhannan-resey-men-ozbekstanga-304840/">Tengrinews.kz</a>.&nbsp;
<blockquote>
 «Қазақстандық тараптың өтініші бойынша бүгін түнде Қытайдың Ухан қаласынан Ресей мен Өзбекстанның арнайы борттарымен біздің тағы 8 азаматымыз қауіпсіз жерге көшірілді. Біздің бес азаматымыз Ташкент қаласында екі апталық дәрігерлердің бақылауында, ал қалған үшеуі Түмен қаласында қадағалауда болады», делінген хабарламада.&nbsp;
</blockquote>
Сондай-ақ, эвакуацияланғандар арасында осыған дейін ҚХР-ның эпидемиологиялық қызметтерімен дене қызуы салдарынан шығарылмаған Яньцзы Университетінің 1 курс студенті бар.
Отырғызу алдында ҚР азаматтары қосымша медициналық тексеруден өтіп, олардың арасында дене қызуы немесе коронавирус симптомдары бар адамдар анықталған жоқ.
3 ақпанда Қазақстан Ухан қаласынан өзінің 83 азаматын, соның ішінде 80 студентін эвауациялағанын еске саламыз.

8 қазақстандық Уханнан Ресей мен Өзбекстанға эвакуацияланған

<a href="https://kyzylorda-news.kz/">Kyzylorda-news.kz.</a> Жаңақорған ауданындағы “СКЗ-U” ЖШС күкірт қышқылы зауытының энергокешені 2019-2020 жылдың күзгі-қысқы кезеңін апатсыз режимде өткізуде.
Қазіргі күнгі ақпаратқа сәйкес, электр энергияның орташа тәуліктік сағаттық өндірісі 15,3 МВт құрайды. Оның ішінде зауыттың жеке тұтынуы – 5,3 МВт, жүйеге – 10,0 МВт беріледі.&nbsp; Сонымен бірге, желіге жеткізілетін электр энергиясы, басқа энергия көздерінің электр энергиясымен салыстырғанда арзан болғасын «Қызылорда электр тарату тораптары компаниясы» АҚ оны тасымалдау үшін технологиялық энергия шығынын өтеу үшін сатып алады.
Энергия кешені белгіленген режимде тұрақты және сенімді жұмыс істейді – деп Қазақстан Республикасы Атомдық және энергетикалық қадағалау мен бақылау комитетінің Қызылорда облысы бойынша аумақтық департаменті хабарлайды. Бұл энергия көзі күкірт пайдалану қоры көлемінің нормативтік талаптарына сәйкес келеді. Сондай-ақ серіктестіктің бір ай бойы үздіксіз жұмыс істеуін қамтамасыз етеді.

Жаңақорғандағы күкірт қышқылы зауытының энергокешені тұрақты жұмыс істеп тұр

<a href="https://kyzylorda-news.kz/">Kyzylorda-news.kz.</a> Бүгін Ә.Тәжібаев атындағы Қызылорда облыстық әмбебап ғылыми кітапханасында Елбасының «Ұлы даланың жеті қыры» мақаласы аясында«Ұлы даланың ежелгі дәуір әдебиеті» атты әдеби кеші ұйымдастырылды.
Шараның мақсаты – ежелгі дәуір әдебиетінің қазақ әдебиетінде алатын орнын түсіндіру және шығармаларын насихаттау.
Кеш барысында оқырмандар ежелгі әдебиет деп аталатын жеті ғасырды қамтыған әдебиетіміздің, ұзақ тарихына қатысты ескерткіштермен, шығармалармен танысты. Олардың алғашқылары деп түркі ру-тайпаларына ортақ Орхон ескерткіштерін, Қорқыт және Оғыз-наманы атаймыз.
Жастар ежелгі дәуір әдебиетінің өкілдері Мұхаммед Хорезми, Әбу Насыр әл-Фараби, Әбу Райхан әл-Бируни, Махмұд Қашқари, Қожа Ахмет Йасауи, Сүлеймен Бақырғани, Жүсіп Баласағұн тәрізді түркі халықтарының біразы ортақ ойшылдар, ғалымдар, ақындар, ғұламалар түркі халықтарынан шыға тұра кезінде араб әдебиетін, араб ғылымын, сонымен бірге дүние жүзі ғылымын дамытуға үлкен үлес қосқаны туралы пікір білдірді.
Шараға «Болашақ» университетінің&nbsp; оқытушысы, филология ғылымдарының кандидаты, доцент Сара Тайманова шәкірттерімен, «Құрылыс және бизнес» колледжінің студенттері және «Кездесу»&nbsp; клубының мүшелері&nbsp; қатысты. Оқырмандар шара кезінде кітап көрмесін тамашалап,библиографиялық шолу жасады.&nbsp;
<img src="https://kyzylorda-news.kz/wp-content/uploads/2020/02/5biblioteka2.jpg" alt="" />
<img src="https://kyzylorda-news.kz/wp-content/uploads/2020/02/5biblioteka3.jpg" alt="" />

Қызылордада ежелгі дәуір әдебиеті насихатталды

<a href="https://kyzylorda-news.kz/">Kyzylorda-news.kz.</a> Мәжіліс депутаты Майра Айсина оқушыларға сабақ кезінде смартфон мен планшетті пайдалануға тыйым салуды ұсынды, деп хабарлайды&nbsp;<a href="https://sputniknews.kz/society/20200205/12745995/deputat-mektep-usynys.html">Sputnik Қазақстан</a>.
Депутаттың айтуынша, смартфондар мен планшеттерге тәуелділік, онлайн ойындарға әуестік балалардың ойлау қабілетіне зиян келтіріп, бас сүйегі-ми жарақатынан кейінгі жағдайға ұқсас өзгеріске әкеп соғады.
Айсина әлем елдерінің тәжірибесін тілге тиек етті. Мәселен, Германия, Франция және басқа да көптеген елде, соның ішінде посткеңестік кеңістіктегі елдердің оқу мекемелерінде гаджет пайдалануға тыйым салынған.
<blockquote>
 «Бұл мәселе біздің мүдделі министрліктер мен ведомстволардан қазіргі жағдайға жан-жақты талдау жүргізуді, «Балалардың денсаулығына және дамуына зардабын тигізетін ақпараттан қорғау туралы» заңның тиімді жүзеге асырылуын талап етеді», – деп санайды ол.
</blockquote>
Мәжілісмен үкімет интернетте балалардың қауіпсіздігін барынша қамтамасыз ету үшін және ақпаратты сүзгіден өткізу үшін қосымша жүйелі шаралар қабылдауы қажет екенін айтты.
<blockquote>
 «Жұмыс және демалыс күндері 16 жасқа дейінгі балалар үшін онлайн ойын ойнау уақытын шектеу мүмкіндігін зерделеу керек. Жұмыс күндері интернет-кафелерде балаларға видео ойындар ойнауға, мектептерде сабақ кезінде смартфон мен планшеттерді пайдалануға тыйым салу керек», – деді депутат.
</blockquote>

Депутат мектепте неден бас тарту қажет екенін айтты

<a href="https://kyzylorda-news.kz/">Kyzylorda-news.kz.</a> Қытайда өмір бойына сотталған Ақжарқын Тұрлыбай Қазақстанға қайтарылса, рақымшылыққа ілігуі мүмкін, деп хабарлайды <a href="https://24.kz/kz/zha-aly-tar/o-am/item/372281-a-zhar-yn-t-rlybaj-ra-ymshyly-a-ilige-me">«Хабар 24»</a>.
Бас прокурордың орынбасары Марат Ахметжанов осылай деді.
Ахметжановтың айтуынша, қазір отандасымыз Қытай сотының үкімімен келіспей, аппеляциялық шағым түсірген. Осы процесс аяқталған соң бас прокуратура өкілдері отандасымызды елге қайтарып алу мәселесімен айналысады. Қазір Қазақстан мен Қытай арасында сотталғандарды экстрадициялау туралы келісім бар. Соның негізінде Ақжарқын Тұрлыбайды елге алдыруға мүмкін болады. Егер елге қайтып, рақымшылық науқаны өткізілсе, істі болған қазақ қызына кешірілім берілуі әбден мүмкін. Біздің тарап қазір Қытай сотының шешімі заңдық күшіне енгенін күтіп отыр.&nbsp;
<blockquote>
 «Біз ресми түрде Қытай мемлекетіне ондай арыз-шағым түсіп жатқан кезде егер ол кісілер жазасын Қазақстанда өтейміз десе, сұрау жібереміз. Біздің шарттар бойынша егер Қазақстанда рақымшылық болса, әрбір келісімде әр түрлі жазылған (қандай мемлекетпен қалай келісеміз), ондай мүмкіндіктер бар толық», – дейді ҚР Бас прокурорының орынбасары Марат Ахметжанов.
</blockquote>

Ақжарқын Тұрлыбай рақымшылыққа іліге ме?

<a href="https://kyzylorda-news.kz/">Kyzylorda-news.kz.</a> Қазгидромет алдағы үш күнге арналған ауа райы болжамын жариялады.
Синоптиктердің болжамынша, оңтүстік-батыстан жылжып келген тропосфералық ауа ағыны Қазақстанда Қара теңіз циклонымен араласуына байланысты күн күрт жылынып, жаңбыр, қар аралас жаңбыр жауады, көктайғақ болып, оңтүстік-батыстан қатты жел соғуы мүмкін.
Түнде ғана емес, күндіз де ауа температурасы минус 6… плюс 5 градус аралағында болады деп күтіледі. Осындай жоғары температура мен жауын-шашынның салдарынан төтенше жағдай қаупі туындап, жолдарда көктайғақ болып, тұман түседі. Оңтүстік және оңтүстік-шығыста оңтүстік циклонмен бірге жауын-шашын, жаңбыр, жаңбыр аралас қар жауады, ауа температурасы күндіз + 5… 10°С, ал оңтүстікте + 12… 18°С дейін көтеріледі. Алдағы үш күн ішінде ауа температурасы климаттық нормадан 8… 16°С жоғары болады.

Елімізде ауа температурасы 18 градусқа дейін көтеріледі

<a href="https://kyzylorda-news.kz/">Kyzylorda-news.kz.</a> Қызылорда қаласында «Қауіпсіз жол» іс-шарасы барысында 2 күнде&nbsp; 800-ге жуық&nbsp; құқық бұзушылық анықталды, деп хабарлайды <a href="https://polisia.kz/eki-kunde-800-ge-zhuyq-quqyq-buzushylyq-anyqtaldy/">Polisia.kz</a>. &nbsp;
Жол қозғалысы қауіпсіздігін қамтамасыз ету, жол-көлік оқиғаларын болдырмау, жол қозғалысы ережелерін өрескел бұзу деректерінің алдын алу мақсатында Қызылорда облысы көлемінде «Қауіпсіз жол» жедел-профилактикалық іс-шарасы өтуде.
«Қауіпсіз жол» жедел алдын алу шарасы аясында жол-көлік оқиғаларының артуына септігін тигізетін жол қозғалысы ережелерін өрескел бұзу жағдайларын анықтау, автокөлік жүргізушілерінің жаяу жүргіншілерге жол бермеу деректерінің алдын алу, профилактикалық бағыттағы жұмыстарды барынша жандандыруға және жолын кесуге бағытталған бірқатар рейдтік және алдын алу шаралары өткізілуде.
Іс-шараның екі күнінде барлығы &nbsp;759 жол қозғалысы ережесін бұзушылықтар анықталды. Оның ішінде ҚР Әкімшілік құқық бұзушылық туралы кодексте белгіленген жылдамдық мөлшерін арттыру бойынша 85, жалған немесе кернеу нөмір тағып көлік құралын басқару – 15, рұқсатсыз қайта жабдықталған көлік құралын басқару – 30, қозғалыстың қарсы жолағына шығу – 1, бағдаршамның тыйым салатын сигналына немесе реттеушінің тыйым салатын қимылына қарамай өту – 33, жаяу жүргіншіге басымдық бермеу – 48, жол көлік апаты жағдайын туындату – 14, көлік құралын мас күйде басқару – 9 және жаяу жүргіншілердің жол қозғалысы ережесін бұзуы бойынша 124 дерек анықталды.

Қазақстан және Қызылорда облысының жаңалықтары