<a href="https://kyzylorda-news.kz/">Kyzylorda-news.kz</a>.&nbsp;Біріңғай жинақтаушы зейнетақы қоры&nbsp;<a href="https://www.facebook.com/186094258257986/posts/1322205314646869/?d=n">Facebook</a>-тегі парақшасында жинақтар&nbsp;тек салымшының меншігі екенін айтты, деп хабарлайды <a href="https://baq.kz/news/othernews/bzhz-zhina-somasy-nege-azayyp-zhat-anyna-/">baq.kz.</a>
<blockquote>
 “Соңғы күндері бізге – “Менің жинақтарымның сомасы неге азайып кетті?” – деген сауалдар көп қойылатын болып кетті.&nbsp;Мәселенің басын ашып алайық.&nbsp;Зейнетақы жинақтары – жарналар мен оларға есептелген инвестициялық кіріс сомасы.
 Жарналар ешқашан азаймайды, олардың сақталуына мемлекет кепілдік береді. Жарналардың 3 түрі бар: 
– міндетті зейнетақы жарналары (табыстың 10% ) 
– міндетті кәсіптік зейнетақы жарналары (табыстың 5%, оны жұмыс беруші өз қаражаты есебінен еңбек жағдайлары зиянды өндірістерде жұмыс істейтін қызметкерлердің пайдасына төлейді) 
– ерікті зейнетақы жарналарын адам өз еркімен төлейді (ол кез келген сомада болады және төлеу кезеңділігін де өзі таңдайды)”, – делінген жазбада.
</blockquote>
Инвестициялық кіріс – зейнетақы жинақтары қаражатын инвестициялау нәтижесінде алынған табыс. Зейнетақы активтерін ҚР Ұлттық Банкі басқарады.
<blockquote>
 “Зейнетақы жинақтары әртүрлі қаржы құралдарына (бағалы қағаздар, шетелдік валюталар және т.б.) инвестицияланады, олардың құны әлемдегі экономикалық жағдайға байланысты үнемі өзгеріп отырады. Сондықтан инвестициялық кіріс ұлғайып, азаюы мүмкін.
 Инвестициялық табыс күн сайын есептелетін болғандықтан, зейнетақы жинақтарының жалпы сомасы да өзгеріп отырады. Сондықтан инвестициялық кіріс төмен болған кезде, зейнетақы жинақтарының сомасы азаяды, инвестициялық табыс жақсы болған кезде – зейнетақы жинағы да ұлғаятын болады.
 Инвестициялау табыстылығын бірнеше күн сияқты аз уақыт емес, бір жыл тәрізді ұзағырақ уақыт үшін қарау керек екенін түсіну маңызды.
 Жыл басынан бергі инвестициялық қызметтің нәтижелері оң үрдісті көрсетіп отыр – салымшылардың шоттарына 661,7 млрд теңгеден астам инвестициялық табыс есептелген. Ал бұл жыл басындағы көрсеткіштен 6% -ға және соңғы 12 айдағы табыстан 12% – ға жуық мөлшерге артық.
 Құрметті салымшылар! “Қазақстан Республикасында зейнетақымен қамсыздандыру туралы” Қазақстан Республикасының заңына сай сіздердің жинақтарыңыз тек сіздердің меншіктеріңіз болып есептеледі!” – деп жазды БЖЗҚ қоры.
</blockquote>

БЖЗҚ жинақ сомасы неге азайып жатқанына жауап берді

<a href="https://kyzylorda-news.kz/">Kyzylorda-news.kz.</a> Елімізде халал сертификатын заңсыз пайдаланған шұжық цехы анықталды, деп хабарлайды <a href="https://www.muftyat.kz/kk/news/country/2020-04-15/30986-khalal-sertifikatyn-zansyz-paidalangan-shuzhyk-tsekhy-anyktaldy/">muftyat.kz.</a>
«Халал Даму» мамандары тарапынан жүргізілетін ай сайынғы тексеріс кезінде «ҚМДБ халал» таңбасын заңсыз пайдаланатын кәсіпорындар кездесіп жатады.
Осындай тексерістің бірінде «Халал Дамудың» Ақтөбе қаласы бойынша жауапты өкілі Абдисаламов Жарасхан «АМАН» сауда белгісімен шығарылатын шұжықтың «ҚМДБ халал» таңбасын заңсыз пайдаланғандығын анықтады.
Ақтөбе қаласы, Тарақұл көшесі 41а мекен-жайы бойынша тіркелген «СӘУЛЕБАЕВА Р.К» жеке кәсіпкерлігіне тиесілі «АМАН» шұжық өнімдері басшылығына «Халал Даму» мамандары тарапынан «ҚМДБ халал» таңбасын заңсыз пайдаланбау және қаптамадан халал белгісін алып тастау жөнінде бірнеше рет ескерту жасалынды. Алайда, ескертуге құлақ аспаған кәсіпорын «ҚМДБ халал» таңбасын заңсыз пайдалануды доғарар емес.
Сол себепті, тұтынушылар назарына Ақтөбе қаласында шығарылатын «АМАН» шұжығының «ҚМДБ халал» таңбасының заңсыз екендігін хабарлаймыз.
Елімізде жарияланған төтенше жағдай аяқталғаннан кейін, «ҚМДБ Халал» таңбасын заңсыз пайдаланған «Аман» шұжығы кәсіпорнының қылмыстық ісі сотта қаралады.

Елімізде халал сертификатын заңсыз пайдаланған шұжық цехы анықталды

<a href="https://kyzylorda-news.kz/">Kyzylorda-news.kz.</a> ҚР Мемлекеттік бас санитарлық дәрігері Айжан Есмағамбетова карантин – коронавирус инфекциясының алдын алудың бірден-бір жолы болып қала беретінін еске салды, деп хабарлайды <a href="https://www.inform.kz/kz/kazakstanda-karantin-rezhimi-tagy-sozyla-ma-esmagambetovanyn-zhauaby_a3639542">ҚазАқпарат</a>.
<blockquote>
 «Халықтың назарын мына жайтқа аударғым келеді: инфекцияның таралу өрісіне талдау жүргізе отырып, коронавирус жұқтырған бір адамның 80 адамға дейін жұқтыруы мүмкін екенін біліп отырмыз. Карантин кезінде де көршілер бір-бірімен әңгіме-дүкен құруды доғарар емес. Артынша бір-біріне вирус жұқтырады. Мұндай жағдайлар да бізде кездесті. Орташа есеппен бізде коронавирус жұқтырған 1 адамға байланыста болған 30 адамнан келеді. Қазіргі таңда жұқтырған адамдардың 70 пайызы ауру белгісін байқамай өтіп кететінін көріп отырмыз. Демек аурудың қылдай белгісі жоқ сап-сау адамның өзі басқа адамдар үшін инфекция таратуы мүмкін», – деді Айжан Есмағамбетова ОКҚ-да онлайн режимде өткен баспасөз мәслихатында.
</blockquote>
Мемлекеттік бас санитарлық дәрігер осы себепті карантин – коронавирус инфекциясының алдын алудың бірден-бір жолы болып қала беретінін жеткізді.
<blockquote>
 «Үйде болыңыздар. Аса қажеттілік туындамаса сыртқа шықпаған абзал. Тәртіп қаншалықты сақтасақ, соншалықты жылдам қалыпты өмірге ораламыз», – деді ол.
</blockquote>
Айжан Есмағамбетовадан баспасөз мәслихаты барысында «карантин тәртібі Қазақстанда мамыр айына дейін созыла ма?» деген сұрақ қойылды. Бұл сұрақтың жауабын да бас мемлекеттік санитарлық дәрігер жоғарыда сөйлеген сөзіне үндес жауап берді.
<blockquote>
 «Қазақстан Президенті жанындағы Төтенше жағдай режимін қамтамасыз ету бойынша мемлекеттік комиссия ТЖ режимі 30 сәуірге дейін ұзартқанын білесіздер. Карантин ары қарай созыла ма – ол өзімізге байланысты болмақ. Карантин шараларын қаншалықты сақтаймыз, өз-өзімізді қаншалықты оқшаулауға қауқарлымыз, қаншалықты қозғалысты азайтамыз – бәрі осы мәселеге кеп тіреледі», – деді ол.
</blockquote>

Қазақстанда карантин режимі тағы созыла ма?

<a href="https://kyzylorda-news.kz/">Kyzylorda-news.kz</a>. Қазалылық кәсіпкер Бақытбек Әбдіраманов Ү.Түктібаев пен Майдакөл ауылында тұратын отбасыларға қуаныш сыйлады.
Әйтеке би кентінде шағын ғана кәсібі бар азамат өзінің жеке қаражаты есебінен екі ауылда тұратын тұрғындарға 100 қап ұн алып берді. Кеше оны тұрмысы төмен отбасылар мен көпбалалы аналарға таратты.
Осындай қиын кезеңде жабырқағанның жанынан табылып, игілікті іске ұйытқы болған Бақытбек Әбдірамановқа аудан тұрғындарының алғысы шексіз.
<img src="https://kyzylorda-news.kz/wp-content/uploads/2020/04/93130621_2721773191376944_7805917745526079488_n.jpg" alt="" />
<img src="https://kyzylorda-news.kz/wp-content/uploads/2020/04/93375754_2721773288043601_7898218808920244224_n.jpg" alt="" />
<img src="https://kyzylorda-news.kz/wp-content/uploads/2020/04/93770553_2721773221376941_2629467343268347904_n.jpg" alt="" />
<img src="https://kyzylorda-news.kz/wp-content/uploads/2020/04/93848024_2721773151376948_2974637604101685248_n.jpg" alt="" />

Қазалылық кәсіпкер 100 отбасына қуаныш сыйлады (ФОТО)

<a href="https://kyzylorda-news.kz/">Kyzylorda-news.kz</a>. Қазақстан мұсылмандары діни басқармасы Қызылорда қаласы бойынша ораза кестесін ұсынды.
Биыл Ораза айы 24 сәуір, жұма күні басталады.
Мамыр айының 19-ынан 20-сына қараған түні қасиетті Қадір түні.
Биыл пітір садақа жан басына 370 теңгеден белгіленді.
Елде төтенше жағдайдың жариялануына байланысты тарауық намазы мешіттерде оқылмайды. Оны отбасында орындауға болады.
<img src="https://kyzylorda-news.kz/wp-content/uploads/2020/04/2004181118460566g.jpg" alt="" />

ҚМДБ Қызылорда қаласы бойынша ораза кестесін бекітті

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 21 адамға жетті.
18 сәуір 13:45-тегі&nbsp;ақпарат бойынша Қызылорда облысында тағы 2 адам қауіпті індеттен жазылып шыққан. Осылайша қауіпті індеттен айыққандар саны өңірде 21 адамға жетіп отыр.
Айта кетейік, Қызылорда қаласында – 7, Жаңақорған ауданында – 10, ал, Шиелі ауданында – 2, Қармақшы ауданында – 2 адам осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.

Қызылорда облысында қауіпті індеттен жазылғандар саны 21 адам болды

<a href="https://kyzylorda-news.kz/">Kyzylorda-news.kz.</a> Қазақстандағы уақытша ұстау изоляторларында коронавирустық инфекцияны жұқтырған 3 жағдай тіркелген. Бұл туралы Қазақстанның бас санитарлық дәрігері Айжан Есмағамбетова айтты, деп хабарлайды&nbsp;<a href="https://stan.kz/ush-adam-uakitsha-ystau-izolyatorlarinda-koronavirus-zh-330099/">Stan.kz.</a>
<blockquote>
 “Біздің ресми мәліметтерге сәйкес, қазіргі уақытта уақытша ұстау изоляторларында үш жағдай бар: 10 сәуірде Қызылорда облысында Қазалы ауданында, ал Атырау облысында бір оқиға кеше тіркелді”, – деді А. Есмағамбетова.
</blockquote>
Сонымен қатар, бұдан бұрын 1984 жылы туған ер адам Ақтөбе облысындағы изоляторлардың&nbsp;бірінде COVID-19 сынағынан өткен. Нәтижесі оң болды.
<blockquote>
 “Жалпы, елде ауру деңгейінің өсуі 15%-ды құрайды. Алайда бірқатар облыстарда 20% -дан 60% -ға дейін ауытқулар байқалады”, – деп санайды санитарлық дәрігер.
</blockquote>
Оның айтуынша, бұл әр өңірде енгізілген карантиндік шаралардың тұрақты және қатаң сақталуы қажеттілігін тағы да айғақтайды.

Қызылордада бір науқас індетті уақытша ұстау изоляторында жұқтырған

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында коронавирустық инфекциядан жазылған науқастардың саны 19 адамға жетті.
18 сәуір 12:40-тағы&nbsp;ақпарат бойынша Қызылорда облысында тағы 2 адам қауіпті індеттен жазылып шыққан. Осылайша қауіпті індеттен айыққандар саны өңірде 19 адамға жетіп отыр.
Айта кетейік, Қызылорда қаласында – 6, Жаңақорған ауданында – 11, ал, Шиелі ауданында – 2 адам осы індеттен емделіп, үйлеріне шығарылған.
Олар аладғы 14 күнде дәрігерлердің бақылауында болады.

Қызылорда облысында қауіпті індеттен жазылғандар саны 19-ға жетті

<a href="https://kyzylorda-news.kz/">Kyzylorda-news.kz.</a>&nbsp;Мыс бұйымның коронавирусты жоятыны анықталды. Бұл туралы <a href="https://egemen.kz/article/230236-mys-buyymnynh-koronavirusty-dgoyatyny-anyqtaldy">“Егемен Қазақстан”</a> газетінде жарияланды.
Тұмау жұқтыратын бактериялар сарыжағал стафилококк немесе коли ыдыстары т.б бұйымдардың сыртына жұққан жағдайда 4-5 тәулік жойылмай тұра алады.
Ал мыс бұйымдар мұндай вирустарды бірнеше минуттың ішінде жойып жібереді. Естеріңізде болса бұрынғы апаларымыз мыс бұйымнан білезік, жүзік тағып, денсаулығын күтетін. Сол сияқты мұсылманшылықтың әдебі бұзылмаған елдерде, барлық дәрет құралдары мыстан жасалынатын болған. Оған қазіргі таңда музейлерде тұрған мыс құмандар мен легендер дәлел болмақ.
Мыстың химиялық қасиетін ұзақ уақыт зерттеумен айналысқан Саутхемптон универстетінің профессоры Билл Кээвил «мыс вирусты дереу жоятындықтан оның мутациялануына жол бермейді, өйткені мыстың сыртындағы ионды қабаты жойғыш қабілетке ие. Сондықтан емханалардағы барлық тұтыну құралын мыстан жасаған дұрыс» дейді.
Бұндай ойды 1983 жылы Питтсбург қаласында орналасқан Хамот зерттеу орталығында тәжірибе жасаған дәрігер Филлис Ж.Күн атты маманда айтқан болатын.
АҚШ қазір таза суды мыс ыдыспен таситын тәртіпке көшті. Мыстың осындай қасиеті коронавирусты да жою қабілетіне ие екен. Бұл ақпарат бір-екі күн бұрын ZGM.mn сайтында жарияланды.

Мыс бұйымның коронавирусты жоятыны анықталды

<a href="https://kyzylorda-news.kz/">Kyzylorda-news.kz</a>. ҚР Индустрия және инфрақұрылымдық даму министрлігі карантинге жабылған өңірлердегі халықтың жекелеген санаттарының коммуналдық шығыны үшін 15 мың теңгеден аударылатынын мәлім етті, деп хабарлайды <a href="https://lenta.inform.kz/kz/karantindegi-onir-turgyndary-kommunaldyk-shygyn-ushin-15-myn-tengeden-alady_a3639710">ҚазАқпарат</a>.
<blockquote>
 «Президент төтенше жағдай мен карантин уақытында тұрғындардың коммуналдық қызметке төлейтін ақысының мөлшерін азайту бойынша жүйелі шараларды әзірлеуді тапсырды. Оны орындау аясында ҚР Индустрия және инфрақұрылымдық даму министрлігі коммуналдық қызметті жеткізушілермен келісімшарты бар тұтынушылар үшін коммуналдық қызметті төлеуді қарастыратын тетік әзірледі», –&nbsp;<a href="https://t.me/miirkz/1985">деді министрліктен.</a>
</blockquote>
Нақтырақ айтқанда, карантин енгізілген өңірлерде әкімдіктер тұтынушылардың дербес (абоненттік) шоттарына 2 ай бойы 15 мың теңгеден аударып отырады. Мемлекеттік органдардың ұсынысы негізінде төлем алушылардың&nbsp;келесі санаттары айқындалған.&nbsp;Олар:
– 1, 2, 3 топ мүгедектері;
– мүгедек балаларды тәрбиелеп отырған отбасылар;
– көпбалалы отбасылар;
– ҰОС мүгедектері мен қатысушылары, ҰОС мүгедектері мен қатысушыларына теңестірілген тұлғалар;
– мемлекеттік немесе қоғамдық міндеттерін, әскери қызметін орындау барысында, ғарыш кеңістігіне ұшуға дайындық барысында немесе ұшу кезінде, адам өмірін құтқару және құқық тәртібін сақтау кезінде қаза тапқан тұлғалардың отбасылары;
– төмен және одан аз зейнетақы алатын зейнеткерлер;
– атаулы әлеуметтік көмек алатын азаматтар, оның ішінде жалғызбасты зейнеткерлер.
<blockquote>
 «Төлемді алу үшін тұтынушы ақпараттық жүйелер немесе call-орталық арқылы жеке сәйкестіндіру нөмірін, әлеуметтік дәрежесін және дербес шот деректерін көрсете отырып, әкімдікке өтінім беруі керек. Әкімдік ұсынылған деректерді тексеріп, мәліметтер рас болған жағдайда коммуналдық қызметтер тұтынушысының дербес (абоненттік) шотына қаржы аударады», – делінген хабарламада.
</blockquote>
Индустрия және инфрақұрылымдық даму министрлігі әкімдіктер тұтынушылардан өтінімдерді қабылдап, олардың растығын тексеруді дұрыстап ұйымдастыруы керектігін еске салып отыр.

Карантиндегі өңір тұрғындарына коммуналдық шығын үшін берілетін 15 мың теңгені кімдер алады?

<a href="https://kyzylorda-news.kz/">Kyzylorda-news.kz.</a> Арал аудандық «Арал теңізі обаға қарсы күрес станциясы» филиалында жол талғамайтын КАМАЗ автокөлігінің үстіне орналасқан мобильді автолаборатория іске қосылды. Автолабораторияда коронавирус инфекциясын анықтау үшін сынамалар зертханалық тексеруден өткізілуде.
Арал ауданының әкімі Мұхтар Оразбаев аталған лабораторияға барып, зертханалық тексеру жұмыстарының барысымен танысты. Аудан басшысы зертхана қызметкерлерімен кездесіп, алдағы жұмыстарына сәттілік тіледі.
Лабораторияда 3 дәрігер, 2 лаборант кезекшілікпен тәулік бойы жұмыс жасауда. 16 сәуір күні короновирус инфекциясын жұқтырған адамдармен байланыста болған 33 адамның сынамалары алғаш рет зерттеліп, барлығы теріс нәтиже көрсетті.
Сынамаларды зерттеу 3 кезеңнен тұрады. Алдымен сынамалар тіркеліп, қабылданып, сырты залалсыздандырылады. Екінші кезеңінде терезе арқылы лаборатория ішіне беріліп, тексеріледі. Ал үшінші кезеңде полимеразды тізбекті реакциясымен анықтайтын компьютерге қосылған «REALTAIM» ротержим құрал-жабдығы арқылы нәтижесі шығарылады. Сынама нәтижесі 5 сағат ішінде анықталады.
Зертхана барлық талаптарға сай келеді. Ішкі қабырғалары дезинфекциялық ерітінділер әсеріне төзімді пластикалық негіздегі материалдармен қапталған. Желдеткіш системасы арнаулы фильтрлі құрылғымен орналастырылған. 2 бөлмеде кварц жарығы, кондиционер, биологиялық қауіпсіздік шкафтары және жұмыс аяқталғаннан кейін пайдаланатын қолжуғыш пен себізгі бар.
Автокөлікте зертхананы тоқпен қамтамасыз ететін электроқозғалтқыш, су құюға арналған бөшке орналастырылған. 
Аталған мекемеге қарасты дәл осындай автолаборатория қазіргі таңда Шиелі ауданына беріліп, короновирус індетін анықтау үшін зерттеу жұмыстары жүргізілуде.
<img src="https://kyzylorda-news.kz/wp-content/uploads/2020/04/whatsapp-image-2020-04-17-at-20.15.52-1.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-17-at-20.15.52.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-17-at-20.15.51-1.jpeg" alt="" />

Аралда қауіпті індетті анықтайтын автолаборатория іске қосылды (ФОТО)

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрі Біржан Нұрымбетов ведомствоға 42 500 теңгеге қатысты айтылған сынға жауап берді. Ол өзінің Facebook әлеуметтік желісіндегі парақшасында жазба жариялады, – деп хабарлайды&nbsp;<a href="https://kaz.tengrinews.kz/kazakhstan_news/42-500-tengen-kaytaru-enbek-ministr-vedomstvoga-aytyilgan-307511/">Tengrinews.kz.</a>
Жазба 42500 теңге алғаны үшін “соттайды екен” деген ақпарат туралы.
Министрдің айтуынша, біраз заңгер алаяқтық үшін қылмыстық жауапкершілік бар екені туралы мақала, не жазбалар жазып жүр. Барлығының көтерген мәселесі 42500 теңгеге қатысты.
<blockquote>
 “Заңгерлер болған соң заңды бізден артық біледі ғой. Олардікі дұрыс та шығар, бірақ бұл тек алаяқтарға қатысты. Сіз ондай емессіз ғой. Сіз ешкімді алдаған жоқсыз. Мен брифингтерімде, жазбаларымда айтқандай, өздеріңіз үшін – “мен жұмыс, тіршілік жасап (ресми, бейресми), ақша тауып жүр едім, енді төтенше жағдайға қатысты сол табыстан айырылдым” деп шештіңіздер ма? Кейін, мен ескерткендей, өтініш бергенде порталда төмендегі жазбаны тағыда оқып, растап, сөйтіп барып өтінішті жібердіңіз ба? Ондай болса – Сіз айттыңыз, біз сендік. Сіз алдаған жоқсыз. Біз тағайындадық, төледік. Сол үшін кінәлайды деп еш уайымдамаңыздар”, – дейді Біржан Нұрымбетов.
</blockquote>
Ведомство басшысы барлығы дәл ол айтқандай орындалса, үйді аралап ешкім тексермейтінін айтты.
<blockquote>
 “Бұл қайдан шыққан әңгіме дейсіздер ғой. Соңғы брифингте, бір жүрналист маған – мен жұмыс істеп, тұрақты жалақы алып жүрген адам 42500 теңге алғанын білемін, оны қалай өткізіп алдыңыз деп сұрады. Мен оған, біз өтініш беру тәртібін, халықтың сұрауы, талабы бойынша барынша қарапайымдаттық, жұмыс беруші өтінішінде қызметкерлерімді ақысыз демалысқа жібердім деп көрсетті, біз оған сендік. Ал олай болмаса, жұмыс беруші жауап береді, оны біз кейін тексеріп аламыз деп жауап қайтардым. Брифингті көргендер растайтын шығар. Жалпы дұрыс емес пе? Артынша екінші сұраққа, өтініш берген халықты, үйлерін аралап тексермейміз дедім. “Сіз айттыңыз, біз сендік. 42500 алдыңыз ба, жаратыңыз” дедім. 
Солай болады”, – дейді ол.
 “Сондықтан, осы жағдайда, өзіңіз үшін тағыда шешіп алыңыз – мен 42500 теңгені алдап алдым ба, жоқ па деп. Әрине жоқ. Олай болса Сіз ешқандай жауапкершілікке ешқашан тартылмаймыз. Халық 42500-ге өтініштерін еріккеннен беріп отырған жоқ. Төтенше жағдай болмасада басым халықтың табысы аз. Жалақы төмен, зейнетақы, жәрдемақы көп емес. Сондықтан біз қарапайым таза халықты артынша тексеріп жатпаймыз. Аман болыңыздар, өзіңізді, жақындарыңызды мына індеттен сақтаңыздар!”, – деп сөзін аяқтады Біржан Нұрымбетов.
</blockquote>

Қазақстан және Қызылорда облысының жаңалықтары