1925 жылы&nbsp;Қызылорда (Ақмешіт) қаласында өткен Бүкілқазақтар Кеңесінің V-съезінде Қырғыз халқының тарихи дұрыс аты – “Қазақ” атауын қалпына келтіру туралы қаулы қабылданды.&nbsp;
1925 жылы&nbsp;Қызылорда (Ақмешіт) қаласында өткен Бүкілқазақтар Кеңесінің V-съезінде Ақмешітті “Қызылорда” деп атау жөнінде қаулы қабылданды.
1996 жылы&nbsp;Алматыда Қазақстанның халық жазушысы Мәриям Хакімжанова тұрған үйдің қабырғасына ескерткіш тақта орнатылды.
2006 жылы&nbsp;Ұлыбританияда Азия елдері мен мәдениетін, Азия халықтарының тарихы мен салт-дәстүрлерін насихаттаумен айналысатын британиялық беделді Asia House ұйымы Қазақстанның еңбек сіңірген суретшісі Қырым Алтынбеков жұмыстарының таныстырылымын өткізді. Қ.Алтынбеков сақ мәдениетінің мыңдаған ескерткіштерін, оның ішінде әлемге әйгілі «Алтын адам», «Сармат көсемі» сияқты бірегей жәдігерлерді қалпына келтіріп жаңғыртқан өз ісінің хас шебері. Asia House-де британиялық ғылыми және мәдениеттану ортасы өкілдерінің назарына Қырым Алтынбеков Қазақстан аумағындағы архелогиялық қазбалардың нәтижесінде табылып жаңғыртылған көне замандағы алтын мен күмістен соғылған зергерлік бұйымдар ұсынған.
2007 жылы&nbsp;Қазақстан Республикасының Ұлттық академиялық кітапханасында Мәдениетаралық диалог орталығының салтанатты ашылу рәсімі өтті. Мәдениетаралық диалог орталығының жобасы БҰҰ-мен жариялаған «Әлем балалары мен жастар мүддесіндегі әлем мәдениеті» (2001-2010 жж.) Халықаралық онжылдық аясында және жастарды ұлтаралық және мәдениетаралық сезіммен тәрбиелеуге толықтай сәйкес келеді.
2010 жылы&nbsp;Қазақстан халқы Ассамблеясы Кеңесінің отырысында Ел бірлігі доктринасының жобасы қаралып мақұлданды. Отырысқа қатысқандар Қазақстан Ел бірлігі доктринасы жобасын жөндеу және қорытынды ұсыныс жасау жөніндегі қоғамдық комиссияның ұсынысын қарастырды. Қазақстан халқы Ассамблеясы Кеңесінің құжаттарын талқылау қорытындысы бойынша доктрина жобасын мақұлдау шешімі қабылданды.
2011 жылы&nbsp;Мемлекет басшысы Нұрсұлтан Назарбаев қауіпсіз және инновациялық ядролық энергетика мәселелері бойынша Киевте өткен саммитке қатысты. Форумның мақсаты – қауіпсіз бейбіт ядролық энергетиканы дамытуды қамтамасыз ету қажеттелігіне назар аударту. Киевтік саммитке 67 елдің делегациялары қатысты. Делегацияларды ел басшылары мен үкімет басшылары бастап барды. Саммит XX ғасырдың ең ірі техногендік апаты болып саналатын Чернобыль атом электростансасында орын алған апаттың 25 жылдығына орйластырылды.
2012 жылы&nbsp;Алматының ортасында консерваторияның қасында қазақтың әйгілі күйші, композиторы Құрманғазы Сағырбайұлының ескерткіші орнатылды.
2016 жылы&nbsp;Бурабай ТМД-дағы 3 ең атақты курорттардың үздік үштігіне енді. Бұл нәтижені 2016 жылғы жазға курорттарда қонақүйлер мен апартаменттерді броньдау деректері бойынша Travel.ru турсервисі жасады. ТМД елдеріндегі атақты курорттар бестігіне Ыстықкөл (Қырғызстан), Бурабай (Қазақстан), Каспий теңізі (Баку, Әзербайжан), Севан көлі (Армения) кірді.

19 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 19 сәуірге арналған жұлдыз-жорамалы.
Тоқты
Бүгін жағымды жаңалықтар болады. Өзіңізге сеніңіз, әрбір ісіңіздің жақсылыққа бастайтынына сеніңіз. Тәуекелге баруға қорықпаңыз. Сіз өте сақ боласыз. Жақын адамдарыңыздың мәселесін сыртқа білдіртпеңіз.
Торпақ
Жақындарыңызбен қарым-қатынас жақсара түседі. Сіз олармен бірігіп жұмыс жасап, ортақ мақсаттарыңызға жете аласыз. Сезімдеріңізді жасырып қалудың қажеті жоқ.
Егіздер
Маңызды істерді атқаруға қолайлы күн. Қиындықтардан қорықпайсыз. Өзіңіз күткеннен де зор табысқа жетесіз. Қиын тапсырмалардың өзін тез, әрі оңай орындайсыз.
Шаян
Жолыңыз болып, барлық ісіңіз алға басады. Ескі таныстарыңыз немесе достарыңызбен кездесіп, әңгіме-дүкен құрасыз. Бұл кездесу жаңа идеялардың туындауына көмектеседі.
Арыстан
Маңызды мәселелердің шешілу жолдарын қарастырып, нақты шешім шығаратын күн. Орын алып жатқан оқиғаларды ой елегінен өткізіп, өзгелер көңіл бөлмеген жағдайға көңіл аударасыз.
Бикеш
Өзіңіз күмән келтірген істе де табысқа жетесіз. Қарсыластарыңызды шаң қаптырасыз. Абыройыңызға нұқсан келтірген әңгімелерге нүкте қоясыз. Сіз олардың жалған екенін дәлелдейтін боласыз.
Таразы
Бүгін ішіңіз пыспайды. Барлық ісіңіз өз ретімен орындалып, жұмысыңыз бірқалыпта жүріп отырады. Көп уақытыңызды білім көкжиегін кеңейтуге жұмсаңыз. Сүйікті адамыңыз тосынсый жасайды.
Сарышаян
Сәтті күн. Белсенділігіңіз тым жоғары. Басшылық көп еңбектенгеніңізді қалайды. Жеке өміріңізде барлығы жақсы. Бірақ ішкі түйсіктің айтқанына бағынғыңыз келмейді. Алайда іштей тынып қалмаңыз.
Мерген
Жаңа жұмыс табасыз немесе жаңа серіктестермен жолығасыз. Мұндай белсенділігіңізді кейбір жандар дұрыс түсінбейді. Бүгін жеке өміріңізде қызықты жайттар көп болады.
Тауешкі
Сәтті күн. Қызықты кездесулер көп болады. Түрлі адамдармен кездесіп, олардың көбісімен тез тіл табысасыз. Материалдық тұрғыдан жағдайыңыз жақсарып, пайдалы келісімшарт жасасасыз.
Суқұйғыш
Қарбалас, сонда да жемісті күн. Жұмыста да, үйде де шаруа көп. Барлығына үлгеру мүмкін емес. Бірақ сізге көмекке келетін жандар бар. Түстен кейін болашаққа жоспар құрасыз.
** 
Балықтар**
Ойыңызға көп жаңа идеялар келеді. Олардың әрқайсысын тереңнен ойланып көріңіз. Табысқа жетудің жолын қарастырыңыз. Жақын таныстарыңыз өз тәжірибесімен бөлісіп, кеңес береді.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова «Қызылорда электр тарату тораптары» АҚ компаниясында болды. Кәсіпорынның атқарып отырған қызметі және теңгеріміндегі 9&nbsp;834,74 шақырым электр желісі мен қосалқы 1812 станцияның жай-күйімен танысты.
Аймақ басшысы облыс бойынша 70 проценті ескірген электр желілері мен станцияларды жөндеу мәселесіне баса назар аударды. Биыл жүзеге асырылатын қайта қалпына келтіру жұмыстарына облыстық бюджеттен 166 млн.теңге қаралған. Жоспар бойынша аймақта 52,69 шақырым электр желісі мен қосалқы 14 станция жаңалануы тиіс.
<blockquote>
 «2020-2021 жылғы жылу беру маусымына дейін ағымдағы және күрделі жөндеу жұмыстарын жүргізу жоспарлануда. Қазіргі таңда облыстың электр энергиясын тұтыну көлемі 98 МВт құрап отыр. Оның 62,3 МВт (63,6%) сыртқы энергия көздерінен, 35,7 МВт (36,4%) «Қызылорда жылуэлектрорталығы» МКК мен «СКЗ-U» ЖШС өндіріледі», – деді «Қызылорда электр тарату тораптары» АҚ компаниясының басқарма төрағасы М. Кәрімбаев.
</blockquote>
Г.Әбдіқалықова 1964 жылы пайдалануға берілген «Қызылорда жылу электр орталығы» мекемесінде де болды. Қызылорда қаласын жылу және электр қуатымен қамтамасыз ететін негізгі кәсіпорын жылу беру маусымын аяқтап, келесі жылу беру маусымына дайындықты бастап кетті.
Аймақ басшысына 2019-2020 жылдардағы жылу беру маусымының тұрақты түрде өткені және жаз айларында ағымдағы жөндеу жұмыстарының жүргізілетіні айтылды. Сондай-ақ, кәсіпорынның халықаралық қаржы институттарынан алған несие көлемі жөнінде ақпарат берілді.
<blockquote>
 «Кәсіпорын 2014 жылдың 18 желтоқсанында «Қызылорда қаласының жылумен жабдықтау жүйесін салу және реконструкциялау» жобасын іске асыру мақсатында Еуропалық Қайта Құру және даму банкімен жалпы құны37,3 млн АҚШ долларына тең кредиттік шарт жасасты. Жеңілдік кезеңі 3 жыл деп белгіленді. Несиені қайтару кезеңі басталып кетті. 2027 жылға дейін қарызды толық өтеуіміз керек»,- деді «Қызылорда жылу электр орталығы» МКК-ның директоры Р.Нұрмағанбетов.
</blockquote>
Кәсіпорынның №1 газотурбиналық қондырғысын күрделі жөндеу жоспарланып отыр. Ол үшін облыстық бюджеттен 599 млн.тг бөлініп, мемлекеттік сатып алу жұмыстары жүргізілуде.
Нысандарды аралау қорытындысында, аймақ басшысы жөндеу, қайта қалпына келтіру жұмыстары кестеден кешікпей орындалып, бөлінген қаражат уақтылы әрі үнемді игерілуі қажеттігін тапсырды.
<img src="https://kyzylorda-news.kz/wp-content/uploads/2020/04/bek_9286-1-scaled.jpg" alt="" />
<img src="https://kyzylorda-news.kz/wp-content/uploads/2020/04/bek_9196-scaled.jpg" alt="" />
<img src="https://kyzylorda-news.kz/wp-content/uploads/2020/04/bek_9097-scaled.jpg" alt="" />
<img src="https://kyzylorda-news.kz/wp-content/uploads/2020/04/bek_8990-scaled.jpg" alt="" />
<img src="https://kyzylorda-news.kz/wp-content/uploads/2020/04/bek_9135-scaled.jpg" alt="" />

Гүлшара Әбдіқалықова қаланы жылу және электр қуатымен қамтамасыз ететін кәсіпорындарға барды (ФОТО)

<a href="https://kyzylorda-news.kz/">Kyzylorda-news.kz.</a> Бүгін бірнеше сағат бұрын жарық көрген Қызылорда облысының Бас мемлекеттік санитариялық дәрігерінің №10 қаулысымен жіті танысып шықтым. Қаулыға сәйкес, аймақта карантин шаралары күшейтіліп, көптеген қоғамдық орындардың жұмысы тоқтатылыпты.
Мәселен, Қаулыда коронавирустық инфекцияның&nbsp; 5 және одан жоғары жағдайы тіркелген ауылдық елді мекендер қоршалатаны,&nbsp; карантиндік аумақтар Қызылорда облыстық полиция департаменті, Қызылорда облысында орналасқан әскери бөлімдердің сарбаздарын келісім бойынша тарта отырып патрульденетіні жазылған.
Бұл – өте дұрыс шешім. Себебі, карантин талаптарын сақтамай, бұл қауіпті індеттің таралуы тоқтамайды. Бұқаралық ақпарат құралдарынан бір науқас 80 адамға індет жұқтырғанын оқып отырмыз. Біздің облыстағы 43 науқас та – бір ауылдың тұрғындары. Олардың көбісі індетті той-томалақ пен кешкі басқосулардан жұқтырғаны айтылып жатыр.
Сондықтан, қатаң карантин талаптарын қолға алмаса, бұзған жағдайда шара қолданбаса болмайды. Өйткені, бір ғана адам бүкіл ауылға зиянын тигізуі мүмкін.
Қаулыдағы жеке көліктің облыс, қала, аудан және ауылдық аймақ ішіндегі қозғалысын шектеуге байланысты өзгерістер енгізілуі де көңіл қуантады.
Сондай-ақ, Қаулыға сәйкес, екінші деңгейдегі банктерге, «Қазпошта» АҚ филиалына, айырбастау пунктеріне, пошталық, коммуналдық, телекоммуникациялық қызмет көрсететін кәсіпорындар мен ұйымдарға банктердің ғимараттары мен мекемелерінде, бөлімшелерінде, төлем қабылдайтын орындарда, кассаларда қызметкерлер мен клиенттердің (пирометрлермен, қашықтық термометрмен) температурасын өлшеуді міндетті түрде сақтауды, кезектерде (1,5 метрден кем емес) ара қашықтықты сақтауды, бетперделік режимді, санитариялық-дезинфекциялық талаптар мен ережелерді қатаң сақтай отырып, халықты тиісінше қабылдауды ұйымдастыруды, үй-жайлардың ішінде және іргелес аумақта, оның ішінде банкоматтар, кассалар жанында ұйымдастырылмаған кезектердің болуына жол бермеуді тапсырғаны дұрыс.
Енді, әркім өзінен бастап осы қағидаларды қатаң сақтауы керек.
Сонда ғана, бұрынғы мамыражай, уайым-қайғысыз, арқа-жарқа күндерге тезірек оралатынымыз шындық.
Дәулетбек АЙМАҒАНБЕТОВ,
қала тұрғыны.

Дәулетбек Аймағанбетов: «Карантин талаптарын қатаң сақтағанда ғана бұрынғы уайым-қайғысыз күндерге ораламыз»

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының Бас мемлекеттік санитариялық дәрігерінің №10 қаулысы жарияланды. Онда облысымыздағы карантиндік шараларды күшейту тарыл тапсырмалар мен шектеулер қамтылған.
Бірақ, осыған қарамастан аймақта көктемігі дала жұмыстарының тоқтамайтындығын оқып қуандым.
«Көктемгі далалық жұмыстарға байланысты табиғатты қорғау, ветеринариялық жұмыстарды жүргізуге, ауыл шаруашылық, оның ішінде бал ара шаруашылығы іс-шараларына тартылған тұлғалардың көліктерін мемлекеттік тіркеуді растайтын куәліктері (шаруа қожалығы, фермер қожалығы, жауапкершілігі шектеулі серіктестік, ауыл шаруашылығы тауарын өндіруші, несиелік серіктестік және шаруашылық жүргізу құқығындағы мемлекеттік коммуналдық кәсіпорын), жеке куәліктері, сондай-ақ жұмысшылар үшін қызмет орнынан анықтама (мөрмен расталған еркін үлгідегі анықтама) ұсынған жағдайда блок-бекеттен өтуге рұқсат етіледі», – делінген аталған Қаулының бірінші тарауында.
«Көктемнің бір күні – жылға азық» дейді дана халқымыз. Көктем жетісімен диқан қауым қарбалас тіршілігін бастап та кетті. Алда егін егу науқаны. Зейнеті мен бейнеті қатар жүретін егіншілік кәсібі көктемгі дала жұмыстарына тыңғылықты түрде дайындалғанды қажет етеді. Сыр елі шаруаларының көктемгі егін науқаны дайындығына сақадай-сай болуы үшін карантиндік шектеулер кезінде диқан қауымын елеп-ескергені қуантып отыр.
Жалпы, карантиндік шектеулердің өз уақытында аяқталуы үшін алдымен оның талаптарын толық сақтауымыз керек. Сонда ғана әлемді алаңдатқан індетпен күресте жеңіске жететініміз анық.
Нұрлан НАҒАШЫБАЕВ,
ауыл шаруашылығы саласының зейнеткері.

Нұрлан Нағашыбаев: «Көктемгі дала жұмыстарына ешқандай кедергі жоқ»

<a href="https://kyzylorda-news.kz/">Kyzylorda-news.kz.</a> Бүгін жергілікті бұқаралық ақпарал құралдары, оның ішінде «Kyzylorda-news.kz» ақпарат агенттігінде жарияланған Қызылорда облысының Бас мемлекеттік санитариялық дәрігерінің №10 қаулысымен таныстым. Қала тұрғыны болғандықтан, әр Қаулыға елеңдеп, басынан-аяғына дейін оқып отыратынымыз рас.
Осы жолғы Қаулы көптеген жаңашылдықтарға толы екенін әрбір оқыған адам байқады деп ойлаймын. Мәселен, 2020 жылдың 19 сәуір 00.00 сағаттан бастап Қызылорда облысының Бас мемлекеттік санитариялық дәрігерінің 2020 жылғы 07 сәуірдегі №7, 2020 жылғы 11 сәуірдегі №8, 2020 жылғы 14 сәуірдегі №9 Қаулыларының күші жойылып, басты негізгі талап №10 қаулыға біріктіріліпті.
Қаулыдағы басты жаңалық – азық-түлік, азық-түлік емес тауарлар базарларының жұмысын уақытша тоқта тұру туралы шешім қабылданыпты. Бұған қоса, жәрмеңкелердің, автомобиль, киім-кешек, мал базарларының жұмысын тоқтайтындығы жазылған.
«Базар жұмыстарының тоқтатылуына байланысты көтерме сауда орындарына «азық-түлік дүкендеріне дейін жеткізу» қағидаты бойынша 10.00 сағаттан 18.00 сағатқа дейін күшейтілген санитариялық-дезинфекциялық режиммен жұмыс жасауға рұқсат етіледі», – делінген аталған Қаулыда.
Бұдан азық-түлік және басқа да базарлар жабылғанымен, тұрғындардың азық-түлікке деген қолжетімділігі сақталып қала беретіндігін көреміз. Дүкендер де белгілі уақыт аралығында жұмыс жасай беретін болады.
Қаулыда азық-түлікті, бірінші кезекте қажетті заттарды, дәрілік заттар мен медициналық бұйымдарды сатып алуды және қоқыс шығаруға (жақын радиустарда орналасқан) қоспағанда тұрғындардың үйден шығуына шектеу қою қажеттігі де жазылған.
Жалпы, карантин шаралары – ең алдымен, өзіміздің, отбасымыздың денсаулығы үшін қажет. Облысымызда қауіпті індет белең алып, бәрімізді сары уайымға салып отырғаны жасырын емес.
Сондықтан, жерлестерімді осы қиын шақта карантин талаптарын сақтап, бірлігімізді көрсетуге шақырамын.
Әлібек ЖАЙСАҢБАЕВ,
қала тұрғыны.

Әлібек Жайсаңбаев: «Базарлар жабылғанымен, азық-түлік қолжетімді болып қала береді»

<a href="https://kyzylorda-news.kz/">Kyzylorda-news.kz</a>. Індетке шалдыққан науқас вирусты 80 адамға дейін жұқтыруы мүмкін. Бұл туралы бас мемлекеттік санитар дәрігері Айжан Есмағамбетова мәлімдеді, деп хабарлайды&nbsp;<a href="https://sputniknews.kz/society/20200417/13722199/koronavirus-bas-sanitar.html">Sputnik Қазақстан.</a>
<blockquote>
 “Инфекцияның таралуын талдау барысында бір науқастың вирусты жақын араласқан 80 адамға дейін жұқтырғанын байқадық. Көршілер карантинде болса да, бір-бірімен араласып, вирусты бір біріне жұқтырып жатыр. Мұндай оқиғалар бізде кездеседі. Орташа есеппен алғанда бір науқас 30 адаммен жақын байланыста болған”, – деді Есмағамбетова онлайн брифингте.
</blockquote>
Бас санитар дәрігер дертке шалдыққандардың 70 процентінде ауру белгілері байқалмайтынын және бұл жағдайды қиындатып отырғанын айтты.
<blockquote>
 “Бұл дегеніміз, сырттай cау көрінген адам айналасындағыларға вирус жұқтырып жүр деген сөз. Тиісінше, карантин шаралары дәл қазір коронавирустың алдын алудың жалғыз жолы. Сол себепті үйде отырыңыздар, карантин аяқталғанға дейін себепсіз далаға шықпаңыздар. Тәртіпке бағынсақ, қалыпты өмірімізге тезірек ораламыз”, – деді ол.
</blockquote>
Соңғы дерек бойынша республикада барлығы 1498 адам коронавирус жұқтырды.
Есмағамбетованың айтуынша, вирус жұқтырғандар 31 мың адаммен жақын байланыста болған.

Елімізде бір науқас коронавирусты 80 адамға жұқтырған

<a href="https://kyzylorda-news.kz/">Kyzylorda-news.kz</a>. Назарларыңызға Қазақстан мұсылмандары діни басқармасы бекіткен 2020 жылғы Байқоңыр қаласының Рамазан айындағы ораза және намаз кестесін ұсынамыз.
<img src="https://kyzylorda-news.kz/wp-content/uploads/2020/04/whatsapp-image-2020-04-18-at-17.59.05.jpeg" alt="" />

Рамазан – 2020: Байқоңыр қаласы бойынша ораза кестесі

<a href="https://kyzylorda-news.kz/">Kyzylorda-news.kz</a>. Назарларыңызға Қазақстан мұсылмандары діни басқармасы бекіткен 2020 жылғы Қазалы ауданының Рамазан айындағы ораза және намаз кестесін ұсынамыз.
<img src="https://kyzylorda-news.kz/wp-content/uploads/2020/04/whatsapp-image-2020-04-18-at-17.59.05-1.jpeg" alt="" />

Рамазан – 2020: Қазалы ауданы бойынша ораза кестесі

<a href="https://kyzylorda-news.kz/">Kyzylorda-news.kz</a>. Назарларыңызға Қазақстан мұсылмандары діни басқармасы бекіткен 2020 жылғы Арал қаласының Рамазан айындағы ораза және намаз кестесін ұсынамыз.
<img src="https://kyzylorda-news.kz/wp-content/uploads/2020/04/aral-qalasy.jpg" alt="" />

Рамазан – 2020: Арал қаласы бойынша ораза кестесі

<a href="https://kyzylorda-news.kz/">Kyzylorda-news.kz</a>.&nbsp;Біріңғай жинақтаушы зейнетақы қоры&nbsp;<a href="https://www.facebook.com/186094258257986/posts/1322205314646869/?d=n">Facebook</a>-тегі парақшасында жинақтар&nbsp;тек салымшының меншігі екенін айтты, деп хабарлайды <a href="https://baq.kz/news/othernews/bzhz-zhina-somasy-nege-azayyp-zhat-anyna-/">baq.kz.</a>
<blockquote>
 “Соңғы күндері бізге – “Менің жинақтарымның сомасы неге азайып кетті?” – деген сауалдар көп қойылатын болып кетті.&nbsp;Мәселенің басын ашып алайық.&nbsp;Зейнетақы жинақтары – жарналар мен оларға есептелген инвестициялық кіріс сомасы.
 Жарналар ешқашан азаймайды, олардың сақталуына мемлекет кепілдік береді. Жарналардың 3 түрі бар: 
– міндетті зейнетақы жарналары (табыстың 10% ) 
– міндетті кәсіптік зейнетақы жарналары (табыстың 5%, оны жұмыс беруші өз қаражаты есебінен еңбек жағдайлары зиянды өндірістерде жұмыс істейтін қызметкерлердің пайдасына төлейді) 
– ерікті зейнетақы жарналарын адам өз еркімен төлейді (ол кез келген сомада болады және төлеу кезеңділігін де өзі таңдайды)”, – делінген жазбада.
</blockquote>
Инвестициялық кіріс – зейнетақы жинақтары қаражатын инвестициялау нәтижесінде алынған табыс. Зейнетақы активтерін ҚР Ұлттық Банкі басқарады.
<blockquote>
 “Зейнетақы жинақтары әртүрлі қаржы құралдарына (бағалы қағаздар, шетелдік валюталар және т.б.) инвестицияланады, олардың құны әлемдегі экономикалық жағдайға байланысты үнемі өзгеріп отырады. Сондықтан инвестициялық кіріс ұлғайып, азаюы мүмкін.
 Инвестициялық табыс күн сайын есептелетін болғандықтан, зейнетақы жинақтарының жалпы сомасы да өзгеріп отырады. Сондықтан инвестициялық кіріс төмен болған кезде, зейнетақы жинақтарының сомасы азаяды, инвестициялық табыс жақсы болған кезде – зейнетақы жинағы да ұлғаятын болады.
 Инвестициялау табыстылығын бірнеше күн сияқты аз уақыт емес, бір жыл тәрізді ұзағырақ уақыт үшін қарау керек екенін түсіну маңызды.
 Жыл басынан бергі инвестициялық қызметтің нәтижелері оң үрдісті көрсетіп отыр – салымшылардың шоттарына 661,7 млрд теңгеден астам инвестициялық табыс есептелген. Ал бұл жыл басындағы көрсеткіштен 6% -ға және соңғы 12 айдағы табыстан 12% – ға жуық мөлшерге артық.
 Құрметті салымшылар! “Қазақстан Республикасында зейнетақымен қамсыздандыру туралы” Қазақстан Республикасының заңына сай сіздердің жинақтарыңыз тек сіздердің меншіктеріңіз болып есептеледі!” – деп жазды БЖЗҚ қоры.
</blockquote>

БЖЗҚ жинақ сомасы неге азайып жатқанына жауап берді

<a href="https://kyzylorda-news.kz/">Kyzylorda-news.kz.</a> Елімізде халал сертификатын заңсыз пайдаланған шұжық цехы анықталды, деп хабарлайды <a href="https://www.muftyat.kz/kk/news/country/2020-04-15/30986-khalal-sertifikatyn-zansyz-paidalangan-shuzhyk-tsekhy-anyktaldy/">muftyat.kz.</a>
«Халал Даму» мамандары тарапынан жүргізілетін ай сайынғы тексеріс кезінде «ҚМДБ халал» таңбасын заңсыз пайдаланатын кәсіпорындар кездесіп жатады.
Осындай тексерістің бірінде «Халал Дамудың» Ақтөбе қаласы бойынша жауапты өкілі Абдисаламов Жарасхан «АМАН» сауда белгісімен шығарылатын шұжықтың «ҚМДБ халал» таңбасын заңсыз пайдаланғандығын анықтады.
Ақтөбе қаласы, Тарақұл көшесі 41а мекен-жайы бойынша тіркелген «СӘУЛЕБАЕВА Р.К» жеке кәсіпкерлігіне тиесілі «АМАН» шұжық өнімдері басшылығына «Халал Даму» мамандары тарапынан «ҚМДБ халал» таңбасын заңсыз пайдаланбау және қаптамадан халал белгісін алып тастау жөнінде бірнеше рет ескерту жасалынды. Алайда, ескертуге құлақ аспаған кәсіпорын «ҚМДБ халал» таңбасын заңсыз пайдалануды доғарар емес.
Сол себепті, тұтынушылар назарына Ақтөбе қаласында шығарылатын «АМАН» шұжығының «ҚМДБ халал» таңбасының заңсыз екендігін хабарлаймыз.
Елімізде жарияланған төтенше жағдай аяқталғаннан кейін, «ҚМДБ Халал» таңбасын заңсыз пайдаланған «Аман» шұжығы кәсіпорнының қылмыстық ісі сотта қаралады.

Қазақстан және Қызылорда облысының жаңалықтары