<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова Сырдарияның сол жағалауындағы әлеуметтік-мәдени және білім беру саласындағы нысандармен танысты. Солардың қатарында, «Болашақ» университетінің жаңа оқу корпусы, Жастар ресурстық орталығы сол жағалауды «Батыс Еуропа-Батыс Қытай» көлік магистралімен байланыстыратын жаңа көпір болды.
2017-2019 жылдар аралығында сол жағалауда мемлекеттік бюджет және жеке инвесторлардың есебінен көпқабатты 48 тұрғын үй, Жастар ресурстық орталығы, Қазақ орталық атқару комитетінің музейі, «Болашақ» университетінің оқу корпусы, 700 орындық жеке мектеп және 320 орындық балабақша бой көтерді.
«Болашақ» университетінің 12 қабатты ғимаратында «Болашақ-Стартап» инновациялық идеяларды іске асыру орталығы, коворкинг орталығы, ғылыми-зерттеу институты, ғарыштық ғылыми-зерттеу жұмыстары зертханасы, агробиотехнологиялардың ғылыми зертханасы, әлеуметтік-экономикалық және саяси зерттеулер орталығы, телестудия, дизайн және хореография студиялары, жастар театры жұмыс істейді.
Жастар ресурстық орталығында IT-park, фитнес зал, кітапхана, коворкинг бөлмесі және антикафе бар. Мұнда студенттер мен оқушылар ақпараттық технологиялардың қыр-сырына үңіліп, білімдерін арттыра алады. 3D студия және роботтандырылған техниканы меңгеруге де мүмкіндік қарастырылған.
Сонымен қатар, облыс әкіміне сол жағалауда салынатын әлеуметтік-мәдени және білім беру нысандар туралы мәлімет берілді. Жобаға сәйкес, 300 орындық көпбейінді аурухана емханасымен, 300 орындық физика-математика мектебі, драма театр, 900 орындық орта мектеп, неке сарайы және бизнес орталық бой көтереді деп күтілуде.
Қазіргі уақытта көпқабатты 5 тұрғын үйдің құрылысы жүріп жатыр. Биыл «Нұрлы жер» мемлекеттік бағдарламасы аясында тағы 12 көпқабатты тұрғын үйдің құрылысы басталады.
Мұнан соң облыс әкімі Шіркейлі каналы арқылы өтетін, сол жағалау мен «Батыс Еуропа-Батыс Қытай» көлік дәлізін байланыстыратын көпір құрылысымен танысты.
Төрт жолақты көпірдің ұзындығы – 102,8, ені – 21 метр. Құрылыс жұмыстары республикалық және жергілікті бюджет есебінен жүргізіліп жатыр. Қазіргі таңда, республикадан қаралған қаражат толық игерілген.&nbsp;
<blockquote>
 «Облыста қаржыландыруды қажет ететін жобалар көп. Ағымдағы жобалар, атап айтқанда, осы көпір құрылысы дер кезінде аяқталуы керек. Біз тұрғындардың, әсіресе аз қамтылған отбасылардың әл-ауқатын ойлауымыз қажет. Сондықтан қаржыны бөлер алдында, бүгінгі жағдайға икемделген жобаға басымдық береміз», – деді облыс әкімі.
</blockquote>
Г. Әбдіқалықова нысандарды аралау соңында сол жағалауды дамыту жобасы жалғасатынын айтты.
<blockquote>
 «Әсіресе тұрғын үй құрылысы сапалы жүргізіліп, мерзімінде аяқталуы тиіс», – деді аймақ басшысы.
</blockquote>
<img src="https://kyzylorda-news.kz/wp-content/uploads/2020/04/sol-zhagalaw-kaz-_-2-1-scaled.jpg" alt="" />
<img src="https://kyzylorda-news.kz/wp-content/uploads/2020/04/03-18.jpg" alt="" />
<img src="https://kyzylorda-news.kz/wp-content/uploads/2020/04/04-11.jpg" alt="" />
<img src="https://kyzylorda-news.kz/wp-content/uploads/2020/04/05-5.jpg" alt="" />
<img src="https://kyzylorda-news.kz/wp-content/uploads/2020/04/06-5.jpg" alt="" />
<img src="https://kyzylorda-news.kz/wp-content/uploads/2020/04/07-5.jpg" alt="" />
<img src="https://kyzylorda-news.kz/wp-content/uploads/2020/04/08-2.jpg" alt="" />
<img src="https://kyzylorda-news.kz/wp-content/uploads/2020/04/02-19.jpg" alt="" />

Гүлшара Әбдіқалықова сол жағалаудағы әлеуметтік нысандардың жұмысымен танысты (ФОТО)

<a href="https://kyzylorda-news.kz/">Kyzylorda-news.kz</a>. Бүгін ел аумағының басым бөлігіне әлі де антициклон әсер етеді, сонымен байланысты ауа райы ашық болады. Тек солтүстік-батыста ауа ағынының әсерінен кей жерлерде жаңбыр жаууы ықтимал. Сондай-ақ кей жерлерде жел күшейіп, найзағай жарқылдап, тұман түседі, деп хабарлайды «Қазгидромет».
Кәсіпорынның мәліметінше, Жамбыл облысының кей жерлерінде шаңды дауыл тұрып, жел 15-20 м/с күшейеді.
Қостанай облысында найзағай ойнап, тұман түседі, күндіз кей жерлерінде желдің жылдамдығы 18 м/с жетуі ықтимал.
Солтүстік Қазақстан облысының күндіз кей жерлерінде найзағай күтіледі, оңтүстігінде жел 15-20 м/с күшейеді.
Маңғыстау, Батыс Қазақстан облыстарының кей жерлерінде тұман түсуі мүмкін.
Ал, Қызылорда облысында күн ашық болады деп болжануда.

20 сәуірге арналған ауа райы болжамы

1996 жылы&nbsp;қоғамдық «Азамат» қозғалысы құрылды.
2002 жылы&nbsp;Қарағандыда журналистердің облыстық 1-ші форумы өтті. Форум жұмысына 140-тан астам адам қатысты.
2004 жылы&nbsp;Қызылорда қаласындағы Чехов тұйығы Серікбай Бедебеков есімімен аталды.
2007 жылы&nbsp;Қазақстан Республикасының Президенті Нұрсұлтан Назарбаев «Ертіс», «Оңтүстік» және «Жетісу» атты үш әлеуметтік кәсіпкерлік корпорацияны құру туралы Жарлыққа қол қойды. Әлеуметтік кәіспкерлік корпорациялардың басты қызметі – инвестициялар тарта отырып, жергілікті жерлердегі жаңа жобаларды жүзеге асыру. Сөйтіп өңірдегі халықтың мұң-мұқтажын шешуге қол ұшын беру.
2011 жылы&nbsp;Мәскеудегі қазақ диаспорасы С.Нұрмағамбетов атындағы «Жас Ұлан» республикалық мектебінде Кеңес Одағының батыры, даңқты қолшбасшы Бауыржан Момышұлы туралы жазылған «Аңызға айналған батыр» атты кітаптың тұсаукесерін жасады.
2011 жылы&nbsp;Қазақстан Республикасының Байланыс және ақпарат министрлігі мен Эстония Республикасының Ұлттық мұрағаты арасында Мұрағат істері саласындағы ынтымақтатық туралы келісімге қол қойылды.
2016 жылы&nbsp;Елбасы Нұрсұлтан Назарбаев пошта байланысы саласындағы мемлекеттік реттеуді жетілдіруге бағытталған «Пошта туралы» Қазақстан Республикасының жаңа Заңына қол қойды.

20 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 20 сәуірге арналған жұлдыз-жорамалы.
Тоқты
Бүгін өмірлік ұстанымдарыңызды естен шығармай, арандатушылыққа бой алдырмаңыз. Өзіңізді ренжітуге жол бермеңіз. Маңызды іс бастаудың қажеті жоқ, бастаған істерді аяқтаған дұрыс.
Торпақ
Бүгін күш-қуатыңыз тасиды. Сондықтан бірнеше істі бірден бастайсыз. Бірақ оны соңына дейін жеткізбейсіз. Мұндай әрекет көп шу тудырады, әрі еш нәтиже әкелмейді. Он істі аяқсыз қалдырғаннан гөрі, бір істі сапалы істеген артық.
Егіздер
Қиындықтар мен кедергілерге қарамай мақсаттарыңызға қарай жүресіз. Қуатыңызды сезімдерге сарп еткіңіз келмейді. Бірақ шыдамыңызды тауысқандар болса, олардың жақсылап сазайын беретініңіз анық.
Шаян
Бүгін белсенділік танытпағаныңыз жөн. Көп іс жоспарламаған дұрыс. Одан да мүмкіндіктеріңізге қарай асықпай, бірақ сапалы жұмыс істеңіз. Басқа адамдардың іс-әрекеттерін болжап білу мүмкін емес, сондықтан тек өзіңіздің шаруаларыңызға көңіл бөліңіз.
Арыстан
Қандай іспен айналыссаңыз да, сізді сәттілік күтіп тұр. Бүгінгі күн жеке өмірді ретке келтіруге арналмаса да, махаббат мәселесіне бар назарыңызды аударсаңыз, бұл да сәтті шешілуі мүмкін.
Бикеш
Айналаңызда энергия тасып жатса да, көптеген іс сіздің тікелей қатысуынсыз шешілуі мүмкін. Бірақ бір нәрсеге көп көңіл бөлсеңіз, ол іс керісінше сәтсіз аяқталуы мүмкін. Сондықтан осы бір жайтты естен шығармаңыз.
Таразы
Бүгінгі күннің теріс энергиясын ауыздықтау оңайға соқпайды. Көңіліңізден шықпайтын істерді басқа күнге қалдырған дұрыс. Бүгін түйсігіңізге сенім артып, өзіңізді бақылауға ұстаңыз.
Сарышаян
Бұл күн сіз үшін қарбаласқа толы. Өзіңіздің салғырттығыңыз, «жоқ» деп айта алмауыңыз бұған себеп болады. Қиындықтарды жеңу үшін еңбекқорлық танытып, өзіңізге сенімді болуыңыз керек.
Мерген
Бүгін жан қалауы мен еркеліктің ара жігін ажыратып алған жөн. Себебі тамақтануда, ақша жұмсауда және көңіл көтеруде шектен шығуыңыз әбден мүмкін.
Тауешкі
Бүгінгі күн белсенділікті талап етсе де, ондай қауқарыңыз болмайды. Бұған жұмыс аптасының соңғы күні немесе ауа райының құбылуы себеп болуы мүмкін.
Суқұйғыш
Бірден бар күшіңізді тауысып, ауқымды жоспарлар құрмаған жөн. Уақыты келгенде күшіңізді біртіндеп жұмсаған дұрыс. Бұл күн жаңа нәрсе ойлап табуға өте қолайлы. Ең бастысы ол ойларыңызды басқаларға айтпаңыз.
Балықтар
Бүгінгі күннің энергиясы сізді дүкенге қарай шақырады, бірақ жұлдыздар асықпауға кеңес береді. Шығын үшін қолайсыз күн, сондықтан сауда жасауды кейінге қалдырыңыз. Күш жұмсауды қажет ететін істерге ден қойған жөн.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекцияны жұқтырған науқастардың саны 148 адамға жетті. Бұл туралы Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті хабарлады.
<blockquote>
 “Бүгін, 19 сәуір күні Қызылорда облысында коронавирустық инфекцияның 1 жағдайы тіркелді. Ауру жұқтырған адам – 82 жастағы Шиелі ауданының тұрғыны. Ол коронавирустық инфекциямен ауырған адаммен қарым-қатынаста болуына байланысты карантиндік стационарға жатқызылған. Бекітілген алгоритмге сәйкес, екінші мәрте алынған сынама коронавирустық инфекцияға оң нәтиже көрсетті. Науқас жұқпалы аурулар бөліміне ауыстырылды”, – делінген аталған департамент таратқан хабарламада.
</blockquote>
2020 жылдың 19 сәуіріндегі жағдай бойынша Қызылорда облысында КВИ жұқтырудың 148 дерегі тіркелді. Оның ішінде емделіп шыққандар саны – 24, ем қабылдап жатқандар саны – 124.

COVID-19: Шиелі ауданының 82 жастағы тұрғыны қауіпті індетке шалдықты

Kyzylorda-news.kz. 19 cәуір сағат 16:20-дағы жағдай бойынша коронавирус инфекциясын жұқтырған тағы 15 адам тіркелді, оның ішінде Алматы қ. – 5, Нұр-Сұлтан қ. – 1, Қарағанды облысында – 3, Атырау облысында – 1, Жамбыл облысында – 1, Павлодар облысында – 4. Бұл туралы coronavirus2020.kz хабарлайды.
Осы сағатта Нұр-Сұлтан қаласы бойынша 372 адам, Алматы қаласында – 518 адам, Қарағанды облысында – 93 адам, Ақмола облысында – 82 адам, Атырау облысында – 80 адам, Жамбыл облысында – 61 адам, Шымкент қаласында – 62 адам, Шығыс Қазақстан облысында – 8 адам, Алматы облысында – 41 адам, Ақтөбе облысында – 27 адам, Солтүстік Қазақстан облысында – 29 адам, Павлодар облысында – 26 адам, Маңғыстау облысында – 12 адам, Қызылорда облысында – 147 адам, Батыс Қазақстан облысында – 46 адам, Түркістан облысында – 57 адам, Қостанай облысында – 15 адам, жалпы 1676 науқас тіркелді.

Коронавирус инфекциясын жұқтырған тағы 15 адам тіркелді

<a href="https://syrboyi.kz/uploads/posts/2020-04/1587290936_258d56f6-c6d0-46f9-b516-c47afcc5bf6c.jpg"></a>Қазір әлем алаңдатқан індеттің кесірінен еліміз күрделі ахуалды бастан өткеруде. Бұл пандемия күннен-күнге ушығып, ауқымды қауіпке ие болып отыр. Дерт біздің аймақта да көптеп тіркелуде. Облысымызда төтенше жағдай кезеңіндегі талаптар күшейтілген болатын. Бұған қарамастан тұрғындардың ретсіз жүруі тыйылмай тұр. Қазіргі таңда аймағымызда тәж вирусын жұқтырғандардың саны 143-ке жетті. Осы себептен облысымыздың бас санитарлық дәрігері «Карантиндік шараларды күшейту туралы» 18.04.2020 жылғы №10 қаулысы жарияланды.
Енгізілген жаңа қаулыға сәйкес барлық қажетті алдын алу шаралары жүзеге асырылуда. Қоғамдық тәртіп қатаң бақылауға алынып, көпшілік қатысатын іс-шаралар тоқтатылды. Сондай-ақ, азаматтарымыз отбасылық іс-шараларды өткізбеген жөн деп санаймын. Бұл біріншіден бүкіл халықтың денсаулығы үшін жасалынып жатқан сақтық шаралары. Қазіргі заманғы цифрлық технологиялардың мүмкіндіктері біздің өмірімізді жеңілдетеді. Ал, вирустардың таралу қаупі жағдайында цифрландыру ауруды жұқтырудың алдын алу мен қорғаудың тиімді шараларының бірі болып отыр. Себебі, біз үйде отырып онлайн түрде тауарларға тапсырыс беріп, коммуналдық төлемдерді, салықтарды және көптеген төлемдерді жасай аламыз. &nbsp;Сонымен қатар, мемлекеттік қызметтерді де үйде отырып электронды форматта egov.kz порталы мен мобильді қосымшалардың көмегімен смартфон арқылы алуға мүмкіндік бар. Төтенше жағдайға байланысты барлық Халыққа қызмет көрсету орталықтары өз жұмысын уақытша тоқтатқан болатын. Бірақ, соған қарамастан ХҚКО мамандары Сіздер үшін 1414 байланыс орталығы арқылы қызмет көрсетуде.
Осы сақтану шараларының барлығы – халықтың денсаулығы үшін жасалып отырған өте маңызды қадамдар. Мұны дұрыс түсінесіздер деп ойлаймын. «Сақтансаң, сақтаймын» дегендей, әр адам барынша сақтанып, вирустың таралмауына атсалысуы қажет. Бұл қиындықты бәріміз бір халық, бір қоғам болып міндетті түрде еңсеріп шығатынымыз. Аймағымызда енгізілген шектеулерге әр азамат жауапкершілікпен қарауы тиіс. Осыған қаламыздың барлық азаматтары қолғабыс көрсетеді деп сенемін. Осындай кезде бәріміз сабыр сақтап, тәртіпке бағынуымыз керек. Бәріміздің азаматтық жауапкершілігіміз осындай сәтте сыналады. Сондықтан, бәріміз бір адамдай жұмылып, қауіпті індетпен күресуіміз қажет!
<img src="https://kyzylorda-news.kz/wp-content/uploads/2020/04/1587290936_258d56f6-c6d0-46f9-b516-c47afcc5bf6c.jpg" alt="" />
Айдын ҚАЙРУЛЛАЕВ,
«Азаматтарға арналған үкімет» мемлекеттік корпорациясы облыс бойынша филиалының директоры.

Айдын Қайруллаев: Қауіпті індетпен күресте бірлік керек

Kyzylorda-news.kz. Еңбек және халықты әлеуметтік қорғау министрі Біржан Нұрымбетов <a href="https://m.facebook.com/story.php?story_fbid=1481368612019541&id=100004392486455">фейсбук</a>-парақшасында 42&nbsp;500 теңгені заңсыз алған азаматтардың әрекетіне қатысты пікірін білдірді. Ведомство басшысы «кім төлемді тағайындады – сол кінәлі» деген оймен келіспейтінін жеткізді.
<blockquote>
 «Әлеуметтік төлем тағайындау тәртібіне сәйкес, бұл төлем айлықсыз демалысқа жіберілген жұмысшыларға ғана берілуі керек еді. Осы орайда 42 500 теңгеден аударып отырған Мемлекеттік әлеуметтік сақтандыру қоры (МӘСҚ) заңсыз берілген төлемді қайтаруды талап етуге толық құқылы. Жалпы МӘСҚ 42 500 теңгеден бөлек мүгедектерге, асыраушысынан немесе жұмысынан айырылғандарға, жүкті әйелдерге, бір жасқа дейінгі баланы тәрбиелеп отырғандарға төлем аударады», – деп еске салды Біржан Нұрымбетов.
</blockquote>
Сондай-ақ, министр 42 500 теңге алған адамдарға қатысты ешқандай тексеру болмайтынын мәлімдеді.
<blockquote>
 «Жоғарыда аталған жалдамалы жұмысшылар мен жұмыс берушілерден басқа ешкімді тексермейміз. Сіздің адал өтінім беріп, заң жүзінде ақша алғаныңызға сенеміз. Аман болыңыздар!», – деп жазды министр.Барлық құқықтар сақталған.
</blockquote>

Министр 42 500 теңге алғандарға қатысты ешқандай тексеру болмайтынын айтты

Kyzylorda-news.kz. «Болашақ» стипендиясына үміткерлерді іріктеу қағидалары өзгертіліп, бағдарламаның өзі модернизацияланды.
Қазақстан Республикасы Білім және ғылым министрлігінің «Халықаралық бағдарламалар орталығы» АҚ бағдарламаның іске асырылуына жүргізілген мониторинг нәтижелері, сондай-ақ сыбайлас жемқорлық тәуекелдерін талдау бойынша Қазақстан Республикасы Президентінің «Болашақ» халықаралық стипендиясын тағайындау қағидаларына едәуір өзгерістер әзірледі. ҚР Білім және ғылым министрлігінің нормативтік-құқықтық актілеріне бірқатар өзгерістер енгізілді. Олар ең алдымен ашықтықты арттыруға, барлық үміткерлер үшін тең мүмкіндіктер жасауға, іріктеудің объективтілігін күшейтуге, сондай-ақ бюрократиялық кедергілер мен бұрынғы мәселелерді шешуге бағытталған:
Басым мамандықтардың жаңа тізбесі
Стипендия алуға болатын басым мамандықтар тізбесі еңбек нарығы қажеттіліктерінің орта мерзімді болжамын ескере отырып қалыптастырылады. Оны жұмыспен қамту мәселелері жөніндегі уәкілетті орган әлеуметтік-экономикалық даму перспективалары мен талдау негізінде жасайтын болады. Бұл Қазақстан Республикасының кәсіпорындары мен ұйымдарына қажет жоғары білікті кадрларды даярлауға көмектеседі.
Халықаралық стипендияға үміткерлерге арналған квоталық санаттар қысқартылды
Стипендияға үміткерлердің барлығына мүмкіндік бірдей. Үміткерлердің барлық жеңілдік квота санаттары алынып тасталады. Барлық үміткерлер шетелдік жоғары оқу орындарына өз бетінше түсулері тиіс. Сондай-ақ жаңа қағидаларда ауылдық жерден шыққан үміткерлерді қоспағанда, бұрын ұсынылған алдын ала тілдік дайындық курстары алып тасталды.
Халықаралық стипендияға үміткерлерге қойылатын мемлекеттік және шет тілдерін білу талаптарын арттыру
Жаңа қағидалар бойынша іріктеу турлары шеңберінде тілдерді білу деңгейін тексеру алып тасталған. Үміткерлер өзбетінше тест тапсырулары және құжаттарды тапсыру кезінде мемлекеттік (KazTEST В1) және шет тілінен (кемінде IELTS 6.5) сертификат ұсынулары тиіс.
Халықаралық стипендия тағайындауға арналған барлық үміткерлер үшін конкурстық іріктеу турларының санын қысқарту
Конкурстық іріктеу кезіндегі 6 турдың орнына барлығы 3 тур болады.
Уәждемелік және ұсыныс хаттарын бағалау, сондай-ақ мемлекеттік және шет тілдерін білу деңгейін анықтау бойынша іріктеу турлары қысқарады. Іріктеу турларында зияткерлік және эмоционалдық IQ деңгейін анықтауға арналған кешенді тестілеу, Тәуелсіз сараптамалық комиссия мүшелерімен жеке әңгімелесу және Шетелде кадрлар даярлау жөніндегі республикалық комиссияның үміткерлерді қарастыруы қамтылады.
Тәуелсіз сараптамалық комиссияның жұмысы
Тәуелсіз сараптамалық комиссияның (ТСК) құрамына қойылатын талап күшейтіледі, енді комиссия құрамындағы 3 адамның орнына кемінде 5 адам шешім қабылдайды. Үміткерлерді іріктеудің бүкіл процесі және барлық комиссия отырыстары онлайн таратылады. Өз жұмысының барысында комиссияның қоя алатын барлық сұрақтары, оның ішінде қосымша сұрақтары да нақты регламенттеледі.
Құжаттарды қабылдау мен конкурстық іріктеу рәсімін автоматтандыру
Электрондық үкіметтің веб-порталында үміткердің жеке кабинеті арқылы үміткерлердің құжаттарын қабылдау процесі толықтай автоматтандырылды. Қазіргі таңда адами фактордың қатысуын азайту мақсатында конкурстық іріктеу кезеңдерінің автоматтандырылуын қамтамасыз ету жұмыстары жүргізілуде. Атап айтқанда, бүкіл іріктеу процесі Президенттік кадрлық резервке іріктеу үлгісі бойынша цифрлық платформаны пайдалану арқылы жүргізіледі. Орталық сонымен бірге қадамдық нұсқаулықтар әзірлейді және регламенттеуші құжаттарға сәйкес конкурстық іріктеуге қатысатын қызметкерлердің жауапкершілігін күшейтеді.
Әкімдеушіні сапалы қайта жүктеу
2019 жылғы қыркүйектен бастап бағдарлама әкімшісінің жұмысында өзгерістер болып жатыр:
Орталықтың Директорлар кеңесі 4 тәуелсіз директорды қосу арқылы күшейтілді, бейіндік бөлімшелерге кәсіби кадрлар қабылданды, оның ішінде «Болашақ» бағдарламасының түлектері бар, шетелдегі өкілдіктер саны қысқартылды. Баспасөз хатшысы және әдеп жөніндегі уәкіл лауазымдары енгізілді, 2 кеңесші мен Орталықтың 1 вице-президенті лауазымдары қысқартылды, сондай-ақ Орталықтың штаты қысқарды. Комплаенс-офицер лауазымы енгізілді, жұмысының мақсаты – мүдделер шиеленісін реттеу, сондай-ақ Қазақстан Республикасының қолданыстағы заңнамасын бұзуға байланысты ықтимал тәуекелдердің, оның ішінде сыбайлас жемқорлықтың алдын алу. Конкурстың барлық кезеңдерінің барынша ашық өтуіне қол жеткізу және объективті шешім қабылдау мақсатында бос лауазым орындарына жаңа қызметкерлерді қабылдауды цифрландыру бойынша жұмыс жүргізілуде.
<blockquote>
 – Біз енгізіп жатқан өзгерістер, ең алдымен «Болашақ» стипендиясын тағайындаудың ашықтығын арттыруға бағытталған. Біз осы күнге дейін болған барлық ықтимал сыбайлас жемқорлық тәуекелдерін жойдық. Біз, еліміздегі тек үздіктердің үздігі ғана халықаралық президенттік стипендия бойынша білім алса екен дейміз, – деп хабарлады «Халықаралық бағдарламалар орталығы» АҚ президенті Айнұр Кәрібозова.
</blockquote>
Жаңа Қағидалар ҚР Үкіметінің Қаулысымен бекітілгеннен кейін «Халықаралық бағдарламалар орталығы» АҚ www.bolashak.gov.kz ресми сайтында жарияланады.

«Болашақ» стипендиясына үміткерлерді іріктеу тәртібі өзгерді

Қымбатты жерлестер!
&nbsp; Сіздерді жарқын мереке – Пасхамен шын жүректен құттықтаймын! 
&nbsp; Бұл күнді сан мыңдаған православ өкілдері ерекше сезіммен күтетіні рас. 
&nbsp; Пасха – ізгілікті де игілікті істерге шақыра отырып, адамға жаңа леп пен үміт алып келетін мереке. 
&nbsp; Ежелгі заманнан бері келе жатқан, жаңару мен қайта өрлеудің белгісі саналатын Пасха мерекесін қазақстандықтар діни көзқарастарына қарамастан шын ниетімен бөліседі. 
&nbsp; Бүгінгі күні еліміз ғана емес, дүниежүзі күрделі кезеңді бастан өткеруде. Бірақ, талай сүрлеулі соқпақты сәтті де, қиын-қыстау заманды да бастан кешкен халқымыз бұл қиындықты да жеңіп шығары анық. Өйткені, халқымыздың дархан көңілі мен жомарт жүрегінің, досқа айқара құшақ ашатын ақ пейілінің, еліміздегі сындарлы саясаттың арқасында этносаралық және конфессияаралық келісім мен татулықнық сақталғаны белгілі. Ал, бірлігі берік, тірлігі түзу ел ғана кез келген ауыртпалықты еңсереді. 
&nbsp; Қазіргі уақытта карантиндік жағдайда храмдарға кіру уақытша шектеліп отыр. Биыл приходшылар Пасханы өз отбасында, оқшаулау жағдайында атап өтеді. Алда әлі жарқын күндер бар. Жүрегімізде ертеңгі күнге деген сенім бар. Сондықтан, отбасымыздың, жақындарымыздың, өз денсаулығымыздың қауіпсіздігін сақтап, айтулы күнді отбасылық қуаныш ретінде атап өтейік. 
&nbsp; Жоғары адамгершілік және рухани құндылықтарды дәріптейтінхристиан әлемінің басты және құрметті мейрамы- Пасха мерекесі тағы да құтты болсын! 
&nbsp; Шаңырақтарыңызға шаттық, елімізге тыныштық пен татулық, халқымызға амандық тілеймін! 
&nbsp; Еліміз еңселі, Тәуелсіздігіміздің тұғыры берік болсын!

Облыс әкімі қызылордалықтарды Пасха мерекесімен құттықтады

Kyzylorda-news.kz. ҚР Әділет министрлігінің АХАТ басқармасы 2019-2020 жылдары нәрестелерге ең жиі қойылған есімдер тізімін жариялады.
Екі жыл ішінде ұлдарға Әлихан, Айсұлтан, Нұрислам есімдері өте жиі қойылған. Атап айтқанда, 2019 жылы 4268 Әлихан, 3270 Айсұлтан, 2528 Нұрислам дүниеге келген. Ал 2020 жылы Әлихан есімі 1204 балаға, Айсұлтан 841, Нұрислам есімі 765 балаға қойылды.
Қыздарға Райана, Медина, Айзере есімдері ең жиі қойылып жүр. Атап айтқанда 2019 жылы 5601 қыз балаға Райана, 5320 сәбиге Медина, 4510 сәбиге Айзере есімі берілген. Биылғы жылы да бұл аттар өте жиі қойылуда. 2020 жылы 1289 Медина, 1183 Асылым 1172 Раяна дүниеге келді.

Қазақстанда соңғы жылдары сәбилерге қандай есімдер жиі қойылуда

Kyzylorda-news.kz. Cushman & Wakefield халықаралық консалтинг компаниясы “екі метр ережеге” (6-Feet-Office) негізделген кеңсенің жаңа тұжырымдамасын ұсынды.
Тұжырымдаманы коронавирус пандемиясы кезінде жұмыс орнында инфекцияның алдын алу үшін Голландияның C&amp;W кеңсесі жасаған.
Жаңа тәсіл қызметкерлер мен жұмыс берушілерге жұмыс ортасын әлеуметтік қашықтықтың жаңа талаптарына бейімдей отырып, жұмыс орнында жаңаша орналасуды мақсат еткен.
“Екі метр ережесі” 6 негізгі қағиданы қамтиды:
Бірінші ереже – дезинфекциялау құралдарын қолдану;
Екіншісі – қиылыспайтын жолдар ағымын құру: кеңседе нұсқаулық бойынша қозғалыс орнатылады;
Үшінші ережеге сәйкес жұмыс орындары бір-бірінен 2 метр қашықтықта орналастырылады, ал еденге әр қызметкердің жеке қауіпсіздік шектеулері орнатылады;
Төртінші ереже – кеңседе сағат тілі бағытымен қозғалу;
Бесінші – &nbsp;жиналыс бөлмелеріне барынша көп қызметкерлерді жинамау;
Алтыншы ереже – қызметкерлер күнде үйге ноутбуктарын өздерімен бірге алып кетулері шарт. Олар кеңседегі жұмыс үстелін бір реттік пайдаланатын қағазбен жауып кетуі керек.
<a href="https://massaget.kz/layfstayl/tehno/61784/">Massaget</a>

Қазақстан және Қызылорда облысының жаңалықтары

Гүлшара Әбдіқалықова сол жағалаудағы әлеуметтік нысандардың жұмысымен танысты (ФОТО)

20 сәуірге арналған ауа райы болжамы

20 сәуір: Атаулы күндер мен оқиғалар

Жұлдыздар не дейді?

COVID-19: Шиелі ауданының 82 жастағы тұрғыны қауіпті індетке шалдықты

Коронавирус инфекциясын жұқтырған тағы 15 адам тіркелді

Айдын Қайруллаев: Қауіпті індетпен күресте бірлік керек

Министр 42 500 теңге алғандарға қатысты ешқандай тексеру болмайтынын айтты

«Болашақ» стипендиясына үміткерлерді іріктеу тәртібі өзгерді

Облыс әкімі қызылордалықтарды Пасха мерекесімен құттықтады

Қазақстанда соңғы жылдары сәбилерге қандай есімдер жиі қойылуда

Карантиннен кейін кеңселер “екі метр ережесі” бойынша құрылады

Қазақстан және Қызылорда облысының жаңалықтары

Гүлшара Әбдіқалықова сол жағалаудағы әлеуметтік нысандардың жұмысымен танысты (ФОТО)

20 сәуірге арналған ауа райы болжамы

20 сәуір: Атаулы күндер мен оқиғалар

Жұлдыздар не дейді?

COVID-19: Шиелі ауданының 82 жастағы тұрғыны қауіпті індетке шалдықты

Коронавирус инфекциясын жұқтырған тағы 15 адам тіркелді

Айдын Қайруллаев: Қауіпті індетпен күресте бірлік керек

Министр 42 500 теңге алғандарға қатысты ешқандай тексеру болмайтынын айтты

«Болашақ» стипендиясына үміткерлерді іріктеу тәртібі өзгерді

Облыс әкімі қызылордалықтарды Пасха мерекесімен құттықтады

Қазақстанда соңғы жылдары сәбилерге қандай есімдер жиі қойылуда

Карантиннен кейін кеңселер &#8220;екі метр ережесі&#8221; бойынша құрылады

Карантиннен кейін кеңселер “екі метр ережесі” бойынша құрылады