<a href="https://kyzylorda-news.kz/">Kyzylorda-news.kz</a>. Жалағаш аудандық сотында «TrueConf» мобильді қосымшасының көмегін пайдалана отырып, төтенше жағдайдың жариялануына байланысты мемлекеттік орган белгілеген режим талаптарын бұзу фактілері бойынша 3 әкімшілік құқық бұзушылық туралы іс қаралды.
Іс-құжаттарына сәйкес, кент тұрғыны азамат Д. Жалағаш ауданында карантин жарияланып, аудан аумағы бойынша кіруге және шығуға тыйым салынғанына қарамастан төтенше жағдай режимін бұзып, автокөлігімен санитариялық бекетке себепсіз келіп, тосқауыл бекеттен заңсыз өтуін талап еткені үшін, ҚР ӘҚБтК-нің 476-бабының 6,9-тармақшасымен кінәлі деп танылып, соттың қаулысымен 2 тәулікке әкімшілік қамаққа алынды.
Сонымен қатар, тағы 1 әкімшілік іс бойынша төтенше жағдай кезінде азаматтардың негізсіз тұрғын үйден шығуына және автокөліктерімен жүруіне шектеу салынғанына қарамастан, азамат Б.-ның такси қызметін жасағаны анықталған.
Сот қаулысымен азамат Б. ҚР ӘҚБтК-нің 476-бабының 6-тармақшасымен кінәлі деп танылып, 1 тәулікке әкімшілік қамаққа алынды.
Жалағаш кент тұрғыны Н. спирт ішімдігін ішкен күйде, тұрғылықты үйінен негізсіз, маскасыз шығып, карантин талаптарын бұзған. Құқық бұзушы ҚР ӘҚБтК-нің 476-бабының 6-тармақшасымен кінәлі деп танылып, 10 тәулікке әкімшілік қамаққа алынды.
Сот қаулылары заңды күшіне енбеген.

Жалағашта төтенше жағдай режимін бұзғандар сот алдында жауап берді

<a href="https://kyzylorda-news.kz/">Kyzylorda-news.kz</a>. Қазақстандық эпидемиологтар осы күзде елімізде коронавирустың екінші рет өршуі мүмкін екенін болжап отыр, деп хабарлайды <a href="https://1tv.kz/koronavirus-gripp-kakim-budet-osenniy-epidsezon/">«Еуразия» бірінші арнасы</a>.
Денсаулық сақтау министрі Елжан Біртановпен видеоконференция өткізген эпидемиолог-ғалымдардың пікірінше, коронавирус инфекциясы күзде тұмаумен бірге қайта өршуі ықтимал. Сарапшылар осы себепті халықтың көбіне тұмауға қарсы вакцина жасалуы керектігін айтады.
<blockquote>
 «Маусымдық гипотезаны қазір ешкім жоққа шығарып отырған жоқ. Маусымдық жағдайда тұмау қатты жүрмеуі ықтимал. Тиісінше жазда эпидемия жалғасуы мүмкін. Күзде де ол ары қарай кездесе береді», – дейді С.Аспендияров атындағы қазақ ұлттық медицина университетінің зерттеу жұмыстары бойынша проректоры Бауыржан Жүсіпов.
</blockquote>
COVID-19 ауруын зерттеу үшін қазақстандық ғалымдар биоматериалдар банкін құруды ұсынып отыр. Телеарнаның хабарлауынша, Қазақстанда коронавирус жұқтырғандарды сан жағынан алтыншы хаттамамен емдеуде.
Ғалымдармен кездесу барысында министр Ұлттық инфекциялық аурулар орталығын құру туралы сөз қозғаған.

Қазақстанда күзде коронавирус екінші рет өршуі мүмкін – эпидемиологтар болжамы

<a href="https://kyzylorda-news.kz/">Kyzylorda-news.kz</a>. Елімізде болып жатқан төтенше жағдайға байланысты Арал аудандық пробация қызметі қауіпсіздік шараларын сақтай отырып осы қызметтің есебінде тұрғандарға қажеттіліктеріне қарай көмек көрсетіп келеді. Соның бірден бір дәлелі – есептегі Б. деген азаматтың қаражатын алуына берілген құқықтық көмек.
Бұл азаматқа қайтарымсыз несие алуға пробация қызметі тарапынан жеке бағдарлама толтырылып, қараша айында «Бастау Бизнес» жобасы аясында кәсіпкерлік негізінде оқу курсын аяқтаған болатын. Осы негізде, азамат Б-ның шотына 530000 теңге түсті.
Бірақ, бұл шот жеке сот орындаушымен бұғатталып қалғандықтан, Арал аудандық пробация қызметі жеке сот орындаушы қызметіне хабарласып, шотын ашу үшін құқықтық көмек көрсетті.
Қазіргі уақытта, Б есімді азаматқа мемлекет тарапынан қайтарымсыз грант негізінде 530000 теңге көлемінде сертифакат табысталды. Осы қаржыға азамат шағын кәсіп ашпақшы, нақтырақ айтқанда, мал бағумен айналысуға ниет етуде.
«Ол үшін жақын елді мекендерден шабындықтар сұрастырылып жатыр. Бұл мәселенің шешілуін қадағалауды, қызметкерлер басты назарға алды. Пробация тарапынан осындай қолдауға ие болған Б. деген азамат қоғамға бейімделіп, еңбек арқылы адамгершілік қасеттерінің шыңдала түсері анық. Материялдық жағдайы жақсарып, өмірге деген құлшынысы артады деп ойлаймыз», – деп хабарлады біздің ақпарат агенттігіне Арал аудандық пробация қызметінен.

Қызылордада сотталған азамат жарты миллион теңге қайтарымсыз грант ұтып алды

<a href="https://kyzylorda-news.kz/">Kyzylorda-news.kz.</a> Елімізде COVID-19 коронавирустық инфекциясының таралуына байланысты жарияланған төтенше жағдайға қарамастан ҰҚК Қызылорда облысы және Байқоңыр қаласы бойынша департаментінің жеке құрамы қан тапсырды.
Олар қан құюды қажет ететін шұғыл медициналық көмекке мұқтаж ауыр науқастарды емдеу үшін ерікті түрде донор болуға келіскен. Аталған шара тиісті сақтық ережелерін сақтай отырып Қызылорда облыстық қан орталығында өткен.
Қан орталығының ұжымы Департамент қызметкерлерін еріктілер қатарында көруге әрқашан қуанышты екендігін жеткізіп, зор алғыстарын білдірді.
<blockquote>
 «ҰҚК Қызылорда облысы және Байқоңыр қаласы бойынша департаментінің қызметкерлері бүгін қан тапсырып, нағыз батырлық танытты. Себебі, бұл жерде адам өмірі қашан да маңызды екендігі алға шығып отыр. Әрбір тамшы қан біреуді құтқарып қалуы мүмкін. Төтенше жағдай кезіндегі қауырт қызметтеріне қарамастан науқастарға осындай мүмкіндік сыйлаған қауіпсізідк қызметкерлеріне алғысымыз шексіз», – дейді қан орталығының қызметкерлері.
</blockquote>

Қызылордалық ұлттық қауіпсіздік комитеті қызметкерлері қан тапсырды

<a href="https://kyzylorda-news.kz/">Kyzylorda-news.kz</a>. Қазақстандық белгілі продюсер, тележүргізуші және актер, Шиелі ауданының тумасы Нұрлан Қоянбаев туған жеріндегі тұрмысы төмен отбасыларға көмек көрсетті. 
Белгілі продюсердің демеушілігімен аудандағы бірқатар отбасыларға ұн, күріш, күнбағыс майы, картоп пен пияз, макарон, шәй, қант және тағы да басқа маңызы жоғары азық-түлік түрлері жеткізілген. 
Осы орайда, көмек көрсетілген отбасылар актерге шын ықыласымен алғыстарын жеткізді.
<img src="https://kyzylorda-news.kz/wp-content/uploads/2020/04/02-33.jpg" alt="" />
<img src="https://kyzylorda-news.kz/wp-content/uploads/2020/04/03-33.jpg" alt="" />
<img src="https://kyzylorda-news.kz/wp-content/uploads/2020/04/04-22.jpg" alt="" />
<img src="https://kyzylorda-news.kz/wp-content/uploads/2020/04/05-11.jpg" alt="" />

Нұрлан Қоянбаев Шиелідегі жерлестеріне көмек көрсетті

<a href="https://kyzylorda-news.kz/">Kyzylorda-news.kz</a>. Сәуір айының 21 күні таңғы сағат 05:30 шамасында Қызылорда облысы Полиция департаментінің кезекші полицейі облыс орталығындағы көпқабатты үйлердің арасында орнатылған бейнекамерамен шолу барысында аулада тұрған екі автокөлік жанында жүрген күдік тудырған белгісіз азаматты байқайды.
Кезекші дер кезінде байланыс құралына шығып, оқиға орнына патруль бекеттерін жібереді.
Тәртіп сақшыларының жедел әрекеттері нәтижесінде автокөліктерге ұрлыққа түсіп жатқан күдікті 25 жастағы Қызылорда қаласының тұрғыны ұсталып, қалалық Полиция басқармасына жеткізілді.
<blockquote>
 «Қазіргі таңда орын алған дерек бойынша Қазақстан Республикасы Қылмыстық кодексінің 24-бабының 3-бөлігімен (Қылмыс жасауға тура бағытталған, тікелей пиғылмен жасалған әрекеттер (әрекетсіздік), егер бұл ретте қылмыс адамға байланысты емес мән-жайлар бойынша ақырына дейін жеткізілмеген болса, қылмысқа оқталу деп танылады) және 188-бабының 3-бөлігінің 3- тармағына (Ірі мөлшерде жасалған ұрлық, аса ірі мөлшерде жасалған ұрлық) сәйкес, сотқа дейінгі тергеп-тексеру амалдары жүргізілуде. Оқиғаның мән-жайлары анықталуда», – деп мәлімдеді Қызылорда облысы Полиция департаментінің баспасөз қызметі.
</blockquote>

Қызылордада карантин кезінде автокөлік ұрламақ болған тұрғын ұсталды

<a href="https://kyzylorda-news.kz/">Kyzylorda-news.kz</a>. Аты аңызға айналған ауыр атлет Илья Ильин зілтемірмен қатар ел мойынына түскен ауыртпалықты да бірге көтерісіп жүр,&nbsp;деп хабарлайды <a href="https://24.kz/kz/zha-aly-tar/o-am/item/390969-biz-birgemiz-sauaby-mol-isten-syr-sportshylary-da-tys-almady">«Хабар 24».</a>
Таусоғар тұлға жерлестері ішіп-жемнен тарықпауы үшін тағам толы себет тарату акциясына белсене қатысып келеді. Ильяның жанында боксшы Қамшыбек Қоңқабаев пен балуан Мақсат Исағабылов бар. Олар тұрмысы төмен отбасыларға азық-түлік жеткізіп, жігер жанитын сөздерін арнады. Жалпы «Biz birgemiz» акциясы аясында әлеуметтік аз қамтылған 7800 отбасыға азық-түлік жеткізілді. Аймақтың кәсіпкер, меценат, депутаттары арнайы құрылған қоғамдық қорға 80 миллион теңгеден астам қаржы салды. «Nur Otan» партиясының үйлестіруімен 6313 отбасыға 50 мың теңгеден үлестірілді. Алдағы уақытта тағы 8 мыңдай отбасыға қаржылай көмек берілмек.
<blockquote>
 «Біз біргеміз» акциясы аясында жерлестеріме жылы сөз айтып, ыстық ықылас білдіріп, қолдан келгенше көмектесіп жүрміз. Мәселе бар, қиын сәт. Бірақ соған тұнжырамай бірге жеңуге ұмтылып, бір-бірімізге сүйеу, тіреу, қолдау болатын шақ туды. Мемлекет тарапынан әлеуметтік көмек көрсетіліп жатыр. Бұл кезеңде бас көтерер, атқамінер тұлғалар өз әулеті, жақын-жуығына қарайласқаны жөн», – дейді ауыр атлетикадан 4 дүркін әлем чемпионы Илья Ильин.
 «Аймақ тұрғындарын сабырға шақырамын. Көбі артта қалды, бұйырса аз уақытта бәрін жеңеміз деген үміттеміз. Ел аман, жұрт тыныш, тәуелсіздік тұғырлы болсын», – дейді бокстан әлем чемпионатының күміс жүлдегері Қамшыбек Қоңқабаев.
</blockquote>

«Bizbirgemiz»: Сауабы мол істен Илья Ильин бастаған Сыр спортшылары да тыс қалмады

<a href="https://kyzylorda-news.kz/">Kyzylorda-news.kz.</a> Биыл әлем Ұлы Отан соғысындағы Жеңістің 75 жылдығын қарсы алады. Осыған орай, Қызылорда облысында «Жасампаз ұрпақ» акциясы басталды. Осы акцияда облыс әкімі Гүлшара Әбдіқалықова алғашқы болып өзінің майдангер әкесі туралы естеліктерімен бөлісті.
<blockquote>
 «1941 жылдың жаз айы. Бұл мезгіл мектеп бітіріп, білім ұясынан енді ғана түлеп ұшқан әкем Науша Әбдіқалықов үшін ең қасіретті кезеңдердің бірі болды. Ол 1942 жылдың наурызында, соғыстың нағыз қызған шағында Қызыл әскер қатарына қосылды. Жауынгерлік жолын гвардиялық 279-шы атқыштар полкінде бастап, Смоленскіден Балтық теңізі жағасындағы Кёнигсбергке дейінгі сұрапыл соқпақты жүріп өтті. Жауға қарсы топ бастап, қаншама қала, елді мекенді азат етуге атсалысқаны үшін «Қызыл Жұлдыз» орденіне ие болды. Әкелердің ел үшін жасаған ерлігі – біз үшін үлгі. Ешкім де, ештеңе де ұмытылмақ емес!», – деді Гүлшара Наушақызы.
</blockquote>
Аймақ басшысы Жеңістің биылғы мерейтойы онлайн форматта тойланатындығын өзінің парақшасында жазған.
<blockquote>
 «Биыл біз Жеңістің 75 жылдығын карантин жағдайында қарсы аламыз. Бірақ, бұл ең сұрапыл соғысты жеңіспен аяқтаған жауынгерлерге құрмет көрсетпеу деген мағынаны білдірмейді. ​Биыл «Жасампаз жасақ» шарасы виртуалды режимде өтеді. Яғни, Сыр бойынан шыққан батырлардың ерлігі кең көлемде насихатталады. Біз олардың есімін жадымызда тағы бір мәрте жаңғыртатын боламыз. Сондықтан Қызылорда облысының әкімдігі интерактивті акцияға қатысуға шақырады.
 Ол үшін әке-аталарыңыздың, жақындарыңыздың фашизмді жоюға қосқан үлесін әңгімелеп немесе майданнан жіберген хаттарын оқып, бейнеролик түсіресіз. Отбасылық фото-суреттерді көрсетсеңіз де болады. Қорытынды бейнежазбаны әлеуметтік желіде төмендегі хэштегтермен жариялайсыз. (Instagram. Facebook, ВКонтакте). ​Біз сол бейнематериалдарды жинақтап, Қызылорда облысы әкімдігінің ресми сайтындағы «Жасампаз жасақ» бөлігіне орналастырамыз. Ұнаған роликке дауыс беруге болады. Үздік 10 туынды 9 мамыр күні «Qyzylorda» телеарнасында көрсетілетін бейнесюжетке енгізіледі. ​Әке-аталарыңыздың жеңіс жолдарын құрметтеп, ерліктерін насихаттауға атсалысыңыздар.
 Жасампаз жасақ – ерлікке тағзым! Біз біргеміз!», – деген облыс әкімі аталған жазбасында.
 <a href="https://www.facebook.com/qyzylorda.press/videos/432660927600075/"></a>
 75-летие Великой Победы мы встречаем в условиях карантина. Но ничто не помешает нам отдать долг памяти нашим отцам, дедам и прадедам, победившим в самой страшной в истории человечества войне. ​В этом году марш "Жасампаз жасақ" будет виртуальным. Кызылординские ветераны войны также окажутся в этом строю. Они живы, пока мы о них помним и рассказываем своим детям об их подвиге. Поэтому акимат Кызылординской области призывает вас принять участие в интерактивной акции. ​Снимите на свои смартфоны видеоролики с рассказами и воспоминаниями о ваших родных и близких, о ветеранах, которые отважно сражались с фашизмом. Или зачитайте отрывки из писем с фронта. Покажите фотографии из семейного альбома, на которых изображены воины-победители. Снятый видеоролик выложите в любую социальную сеть (Instagram, Facebook, ВКонтакте и др.) с хештегом# SyrBatyrlary# Jeniske75# BatyrUrpagy ​Мы соберем ваши ролики и разместим в разделе "Жасампаз жасақ" на главной странице сайта акимата Кызылординской области. Затем проголосуйте за понравившийся вам видеоролик. 10 лучших историй мы соберем в новостной телесюжет, который будет показан 9 мая в эфире телеканала "QYZYLORDA". ​Расскажите о боевом пути своих отцов, дедов и прадедов. Пусть о подвиге воинов-победителей узнают все кызылординцы. Жасампаз жасақ – чтобы помнили!Біз біргеміз!
 Опубликовано <a href="https://www.facebook.com/qyzylorda.press/">Қызылорда Облысының Әкімдігі</a> Четверг, 23 апреля 2020 г.
</blockquote>

Гүлшара Әбдіқалықова майдангер әкесі туралы естеліктерімен бөлісті (видео)

<a href="https://kyzylorda-news.kz/">Kyzylorda-news.kz</a>. «Nur Otan» партиясы Қызылорда облыстық филиалы төрағасының бірінші орынбасары Ақмарал Әлназарова партия филиалының фейсбук және инстаграм желісіндегі ресми парақшалары арқылы тікелей эфирге шығып, тұрғындар сауалдарына жауап берді.
Бір сағаттан астам уақытқа созылған тікелей желіде Ақмарал Әлназарова&nbsp; алдымен&nbsp; тұрғындарға&nbsp; еліміздегі Төтенше жағдай кезеңінде Елбасы, «Nur Otan» партиясының Төрағасы Нұрсұлтан Назарбаевтың бастамасымен құрылған «Birgemiz» қорынан көрсетілген көмектер жөнінде айтып өтті.
<blockquote>
 «Birgemiz» қоры&nbsp; Елбасы бастамасымен коронавирус індеттің таралу қауіпінің алдын алу мақсатында&nbsp; әлеуемттік әлсіз топтарға қолдау көрсету үшін құрылды. Бүгінгі күні қорға еліміздегі ірі&nbsp; компанияларының басшылары, меценат кәсіпкерлер мен жомарт жүректі азаматтар 23,5 млрд теңге көлемінде қаржылай қолдау көрсетіп отыр. Осы қаржыдан&nbsp; қордың қамқоршылық Кеңесі&nbsp; халық көп шоғыланған яғни, халық саны&nbsp; 85 мыңнан асатын еліміз бойынша&nbsp; 23 ірі қалалардың&nbsp; 152 мыңнан астам тұрғынына 50 мың теңге көлемінде тікелей ақшалай көмек көрсету туралы шешім қабылдады. Бұл&nbsp; қалалардың&nbsp; қатарына&nbsp; Қызылорда қаласы да еніп, қор есебінен 1-ші толқында 6313 қала тұрғындары 50 мың теңге көлемінде қаржылай көмекпен қамтылады. Оның 4913-і&nbsp; аз қамтылған отбасылар, 187-і жетімдер, тұл жетімдер және 1213-і ең төменгі зейнетақы алушы зейнеткерлер», – деді&nbsp; Ақмарал&nbsp; Әлназарова.
</blockquote>
Тікелей эфирді 3 мыңға жуық тұрғындар тамашалап, олардан&nbsp; 1000-ға жуық сауалдар келіп түсті. Басым бөлігі әлеуметтік көмектер жөнінде.&nbsp; Арасында&nbsp; өз алғыстарын айтып жатқандары да бар. Партия филиалы төрағасының бірінші&nbsp; орынбасары барлық сауалдарға жауап беруге тырысты алайда, үсті-үстіне келген сұрақтар толастамады. Дегенмен, Ақмарал Әлназарова барлық сауалдардың назарға алынып, алдағы уақытта жауап берілетіндігіне уәде етті.
Сондай-ақ, облыстық партия филиалы төрағасының бірінші орынбасары Ақмарал Әлназарова&nbsp; тұрғындарға&nbsp;&nbsp; Елбасы тапсырмасы бойынша қаржылай көмектің екінші толқыны жақын арада іске қосылатын жеткізді. Естігеніміздей, бұл жолы 1 реттік 50 мың теңге қаржылай көмекті 6 санат бойынша 7796 қала тұрғыны алмақ. Олар мұқтаж көп балалы отбасылар, бірінші топтағы мүгедектер, мүгедек бала тәрбиелеп отырған отбасылар, жетімдер, ҰОС ардагерлері мен оларға теңестірілгендер, тыл еңбеккерлері оның ішінде мемелкеттік медальмен марапатталғандар.
<img src="https://kyzylorda-news.kz/wp-content/uploads/2020/04/02-32.jpg" alt="" />
<img src="https://kyzylorda-news.kz/wp-content/uploads/2020/04/03-32.jpg" alt="" />

Ақмарал Әлназарова тұрғындар сауалдарына тікелей желіде жауап берді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 161 адамға жетті. Соңғы тәулікте жаңадан анықталған 4 жағдайдың мән-жайын бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 161 жағдай тіркелді. Соңғы тәулікте жаңадан 4 жағдай анықталды. Оның үшеуі – Қызылорда қаласынан, біреуі – Шиелі ауданының Бала би ауылынан. Қызылорда қаласынан тіркелген 2 тұрғын алдында анықталған науқастармен жақын қарым-қатынаста болып, карантиндік бақылауға алынғандардың арасынан анықталды. Біреуі – науқастылығына байланысты правизорлық ауруханаға жатқызылған науқастан тіркелді. Ал, Шиелі ауданындағы науқас та карантиндік бақылауға алынғандар тұрғындардың арасынан анықталды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 161 науқаспен байланыста болғандардың жалпы саны – 2423.&nbsp;Оның ішінде, жақын қарым-қатынаста болғандар саны – 1278, потенциалды байланыста болғандар – 1145 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 115, правизорлық стационарда – 59, карантиндік стационарда – 448 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 1143 тест сынамасы алыныпты.
<blockquote>
 «Соңғы тәулікте 1143 тест сынамасы жасалды. Оның 512 – теріс мәнді болып шықты. Ал, 629 – әлі тексерілу үстінде. Бүгінгі таңда облысымызда 6731 тест қоры қалды», – деді ол.
</blockquote>
Сондай-ақ, басқарма басшысы өңірде коронавирустық инфекциямен тіркеліп отырған науқастардың өсімі тәулігіне республика бойынша төмендегенін жеткізді.
<blockquote>
 «Облыста жалпы науқастардың өсімі соңғы тәулікте 2,5%-ды құрап отыр. Республика бойынша көрсеткішке келсек, өңірде індет 7,2%-ды тұрақтаған. Бұл аймақта қауіпті індеттің тұрақталғанын көрсетеді. Медицина мамандары мен тұрғындардың бірлесе отырып, карантин талаптарын сақтаудың арқасында осы көрсеткішке жетіп отырмыз», – деді Ж. Әбілқасымұлы.
</blockquote>
Жақсылық Әбілқасымұлы өңірде осы уақытқа дейін барлығы 2484 медицина қызметкерінен коронавирустық инфекцияға сынама тест алынғанын мәлімдеді. Оның 19-нан ғана қауіпті індет анықталған. Осы 19 қызметкердің арасында – дәрігерден бастап, техникалық қызметкер мен көлік жүргізушісіне дейін бар көрінеді.
<blockquote>
 «Бүгін қасиетті Рамазан айы басталды. Осы айда баршаңызға төзім, шыдамдылық, мейірім тілегім келеді. Біздің тілегіміз – елдің амандығы мен жұрттың тыныштығы. Біз бірге болғанда ғана қауіпті індетті жеңеміз», – деді спикер.
</blockquote>

COVID-19: Қызылордада 2484 медицина қызметкері қауіпті індетке тексерістен өткен

<a href="https://kyzylorda-news.kz/">Kyzylorda-news.kz.</a> Бүгін Ислам әлемі үшін қасиетті, берекеге толы, он екі айдың сұлтаны саналатын Рамазан айы басталды.
Биыл ораза 24 сәуір, жұма күні басталды. Мамыр айының 19-ынан 20-сына қараған түн – қасиетті Қадір түні. Биыл пітір садақа жан басына <a href="https://kyzylorda-news.kz/kogam/qazaqstanda-biylghy-pitir-sadaqanyng-moelsheri-bekitildi-56857/">370 теңгеден белгіленді</a>.
Айта кетейік, коронавирус инфекциясына байланысты елде төтенше жағдай жарияланып, биыл осы Рамазан айындағы дәстүрлі шараларға біршама шектеулер енгізілді.
<blockquote>
 «Өздеріңіз білесіздер, елімізде жарияланған төтенше жағдайға байланысты мешітте жамағатпен оқылатын намаздарға уақытша шектеу қойдық. Әр азаматтың өмірі мен денсаулығы қымбат құндылық болғандықтан, жұқпалы індеттің алдын алу үшін осындай шешім қабылдауға мәжбүр болдық. Әрине, бұл – уақытша сынақ. Алайда жамағат намазы үшін мешіт есігі жабылғанымен, сауап пен ізгілік есіктері ешқашан жабылмайды. Қасиетті хадис-шарифте айтылғандай, мұсылманның ниеті амалынан қайырлы», – деді Қазақстан мұсылмандары діни басқармасының төрағасы Наурызбай қажы Тағанұлы.
</blockquote>
Осы орайда ҚМДБ қасиетті Рамазан айында індеттің таралуының алдын алу мақсатында, карантин мерзімінде&nbsp;тарауық намазы&nbsp;<a href="https://kyzylorda-news.kz/kogam/dughalar-onlajn-zhasalady-biylghy-ramazan-ajynda-qandaj-oezgerister-oryn-almaq-57773/">мешіттерде жамағатпен оқылмайтынын</a> мәлімдеді. Әркім тарауық намазын өз шаңырағында отбасы мүшелерімен оқуына кеңес берілді. Сонымен қатар, мешіттерде, дәмханаларда, қоғамдық орындарда және басқа да мекемелерде жиналып,&nbsp;ауызашар беру&nbsp;уақытша тоқтатылатыны айтылды.
Осы орайда Бас мүфти қазіргі жағдайға қарай, ораза ұстаған адамдарға ауызашар беруде тиісті қайырлы амалдарды жүзеге асыруға шақырды. Бұл тұрғыда мейрамханаларға тапсырыс беріп, ауызы берік адамдарға тамақ тарату, әлеуметтік жағдайы төмен отбасыларға азық-түлік тарату арқылы ауыз аштыру, ауызашарға жұмсалатын шығындарды ораза ұстаған адамдарға қаржылай беру секілді <a href="https://kyzylorda-news.kz/kogam/syr-imamdary-awyzashar-qorzhyny-atty-qajyrymdylyq-akcijasyna-qatyswgha-shaqyrady-57900/">амалдарды ұсынды</a>.
Бұдан бөлек, төтенше жағдайға байланысты Рамазан айында берілетін пітір садақа мен зекетті мобильді <a href="https://kyzylorda-news.kz/kogam/pitir-sadaqasy-men-zeketti-kaspi-kz-mobildi-qosymshasy-arqyly-awdarwgha-bolady-57120/">қосымшалар арқылы аударуға болады.</a>
Ораза тұту – игі мұсылман қауымының бес парызының бірі. Жалпы «ораза» сөзінің мағынасы – бір нәрседен алыстау, белгілі бір уақыт аралығында ішіп-жеуден, нәпсі қалауларынан тыйылу дегенді білдіреді.
<blockquote>
 Оразаға ниет: «Алла Тағаланың разылығы үшін таңнан күн батқанға дейін мүбәрак Рамазан айының оразасын ұстауға ниет еттім».
 Ауызашар дұғасы: «Жаратқан Ием! Сенің разылығың үшін ораза ұстадым, Саған иман келтірдім, Саған тәуекел еттім, Сен берген ризық-несібеңмен ауыз аштым. Уа, кешірімді Алла! Менің алдыңғы және соңғы күнә-кемшіліктерімді кешіре гөр!»
</blockquote>
Жамағат назарына Қазақстан мұсылмандары діни басқармасының мәліметтері негізінде Ораза айында мән берер мәліметтерді ұсынамыз:
– Пiтiр-садақаны Рамазан айының басынан Айт намазына дейiн беруге болады. Еліміз бойынша әр адамға 370 теңге.
– Пітір-садақадан түскен қаражат есебінен мүгедектер мен қарттарға, жесір әйелдер мен жетімдерге, әлеуметтік тұрмысы төмен отбасыларға қайырымдылық көмек көрсетіледі.
– Жүкті, омырауда баласы бар әйелдерге, жолаушыларға, науқас жандарға ораза ұстау – парыз емес.
– Сапарда жүргендерге <a href="https://kyzylorda-news.kz/kogam/daerigerler-men-policija-qyzmetkerlerine-orazany-toqtatwgha-ruqsat-etiledi-57834/">ораза ұстамауға болады</a>. Бірақ басқа күндерде санын толтырып, ауыз бекітеді. Егер сапар қиындық туғызбаса, абзалы – ауыз бекіту.
<a href="https://lenta.inform.kz/kz/kasietti-ramazan-ayy-bastaldy_a3641793">ҚазАқпарат</a>

Қасиетті Рамазан айы басталды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысында ауа райының қолайсыздығына байланысты ескерту жарияланды, деп хабарлайды Қазгидромет.
24 сәуірде&nbsp;Қызылорда&nbsp;облысының кей жерлерінде найзағай жарқылдайды, шаңды дауыл соғады. Күндіз кей жерлерде бұршақ күтіледі.
Түнде облыстың басым бөлігінде жаңбыр жаууы мүмкін. Жел солтүстік-батыстан солтүстік-шығысқа ауысады, күші кей жерлерде 15-20, екпіні 23 м/с күтіледі.

Қазақстан және Қызылорда облысының жаңалықтары