<a href="https://kyzylorda-news.kz/">Kyzylorda-news.kz</a>. Бұл туралы бүгін Қызылорда қаласының әкімі, штаб төрағасы Н.Нәлібаев коронавирустық инфекцияның таралуына жол бермеу және алдын алу бойынша атқарылып жатқан шаралар туралы жедел штаб отырысында айтты.
Отырысқа штаб мүшелері және видеоселекторлық байланыс арқылы кент, ауылдық округ әкімдері қатысты.
Мемлекет басшысы Қ.Тоқаев төтенше жағдай режимін 1 мамырға дейін ұзарту туралы Жарлыққа қол қойды. Осы орайда қала аумағында індеттің таралуына жол бермеу және халықтың қауіпсіздігін қамтамасыз ету мақсатында, санитариялық-профилактикалық шаралар қарқынды жүруде.
Қызылорда қаласының жедел штаб құрамы мен қала әкімінің жанындағы арнайы мониторингтік талдау тобы тәулік бойы жұмыс жасауда. &nbsp;&nbsp;&nbsp; Қазіргі таңда коронавирус инфекциясының жұқтырғандардың 24-і қаладан тіркелген. Қабылданған шектеулерге қарамастан, қала халқы инфекцияның қауіптілігін әлі сезінбей, карантин режимін сақтамай отыр.
Қала әкімі, жедел штаб төрағасы Н.Нәлібаев штаб мүшелеріне қаладағы қоғамдық тәртіптің және ашық аймақтардан заңсыз кірудің сақталуын қатаң бақылауды тапсырды. Төтенше жағдай режим талаптарын орындап, көктем мезгілінде тіршіліктің барлығын тоқтатпай, маңызды, яғни шаруашылық жұмыстардың жүргізу керектігін жеткізді. Қалаға қарасты ауылдар мен саяжайларда халық күнделікті көп тұтынатын азық-түлік тапшылығын болдырмау мақсатында жылжымалы көлікпен көшпелі сауданы жиі ұйымдастыруды және тауарлардың бағаларын негізсіз өсуіне жол бермеуді тапсырды.
Сондай-ақ, шаһар басшысы қала маңындағы елді-мекен тұрғындарына жалақылары мен зейнетақыларын алу үшін екінші деңгейлі банктер арқылы банкоматтар орнату жолдарын қарастыруды тапсырды.
<img src="https://kyzylorda-news.kz/wp-content/uploads/2020/04/02-28.jpg" alt="" />
<img src="https://kyzylorda-news.kz/wp-content/uploads/2020/04/04-20.jpg" alt="" />
<img src="https://kyzylorda-news.kz/wp-content/uploads/2020/04/03-30.jpg" alt="" />

Төтенше жағдай кезінде көктемгі шаруашылық жұмыстары тоқтамайды

<a href="https://kyzylorda-news.kz/">Kyzylorda-news.kz</a>. Қызылорда облыстық дене шынықтыру жəне спорт басқармасының ұйымдастыруымен жалпы дене жаттығуларынан 17 жасқа дейінгі ұлдар мен қыздар арасында облыстық жекелей жарыс өтті.
Екі күнге созылған жарысқа Қызылорда қаласы мен аудандардан 66 спортшы қатысты.
Нəтижесінде ұлдар арасында аралдық спортшылар Бекет Əзілханов бірінші орынды иеленсе, Ұлан Əзілхан екінші, сырдариялық Ерсейіт Мұсаұлы үшінші орындарды еншіледі.
Қыздар арасында&nbsp; қазалылық Таисия Алексеева жеңімпаз атанды.
Екінші орынды – сырдариялық Гүлназ Уалиханқызы&nbsp; алса, үшінші орын – Арал спортшысы Жаннұр Кеңесбекке&nbsp; бұйырды.
Ал, «Жеңіске деген жігері үшін» номинациясы қазалылық Абылайхан Əбдіханиға берілді.
<img src="https://kyzylorda-news.kz/wp-content/uploads/2020/04/onlajn-sporttyk-zharys-kaz-2-1.jpeg" alt="" />
<img src="https://kyzylorda-news.kz/wp-content/uploads/2020/04/onlajn-sporttyk-zharys-kaz-3-1.jpeg" alt="" />
<img src="https://kyzylorda-news.kz/wp-content/uploads/2020/04/onlajn-sporttyk-zharys-kaz-4-1.jpeg" alt="" />

Қызылордада 66 оқушы онлайн спорттық жарыста бақ сынады

<a href="https://kyzylorda-news.kz/">Kyzylorda-news.kz.</a> Кеше <a href="https://kyzylorda-news.kz/kogam/toetenshe-zhaghdaj-zhwrnalist-qalaj-zalalsyzdandyrwshy-boldy-foto-57944/">«Төтенше жағдай: Журналист қалай залалсыздандырушы болды?»</a> атты эксклюзивті мақаламызда Шиелі және Қазалы аудандарында 48 әскери міндетті жас Мемлекет басшысының жарлығына орай, арнаулы әскери жыиндарға шақырылатынын жазған болатынбыз.
Бұл азаматтардың негізгі міндеті – төтенше жағдай кезінде қауіпсіздік шараларын қатаң сақталуын қадағалап, тұрғындарды тәртіпке шақыру.
Бүгін аудан әкімі Мұрат Ергешбаев еліміздегі төтенше жағдайға байланысты көмекке келген азаматтарға алғысын айтып, аты жаман аурудан сақтанып жүру керектігін ескертті.
Ауданда арнаулы әскери жиынға шақырылғандар учаскелік полиция инспекторларымен бірге Қазалы қаласы мен Әйтеке би кентінде қоғамдық тәртіпті сақтауға атсалысады.
Шақырылған әскери міндеттілер нысанды киім-кешекпен, ыстық тамақпен және басқа да материалдық-техникалық құралдармен қамтамасыз етіледі.
Жиындар уақытында әскери міндеттілердің жұмыс орны мен жалақысы сақталады, ал жұмыс істемейтіндерге ең төменгі жалақы төленеді.
<img src="https://kyzylorda-news.kz/wp-content/uploads/2020/04/kazaly-24-adam-kaz-2-1.jpg" alt="" />
<img src="https://kyzylorda-news.kz/wp-content/uploads/2020/04/kazaly-24-adam-kaz-3-1.jpg" alt="" />
<img src="https://kyzylorda-news.kz/wp-content/uploads/2020/04/kazaly-24-adam-kaz-4.jpg" alt="" />
<img src="https://kyzylorda-news.kz/wp-content/uploads/2020/04/kazaly-24-adam-kaz-5-1.jpg" alt="" />
<img src="https://kyzylorda-news.kz/wp-content/uploads/2020/04/kazaly-24-adam-kaz-6.jpg" alt="" />

Қазалыда 24 азамат арнаулы әскери жиынға шақырылды (ФОТО)

<a href="https://kyzylorda-news.kz/">Kyzylorda-news.kz</a>. Қазақстан Республикасының Еңбек сіңірген қайраткері, белгілі журналист Махат Садықтың «Қырымбек Көшербаевтың Абайы» атты мақаласын qazaquni.kz ақпараттық ресурсынан оқып шықтым.
Автор Абай кескін-келбетін қалып­тас­тыруда мүсін-ескерткіштерді біріз­ден­діру керектігін қозғап, Абайтану ілімін дамытуда маңызды рөл атқаратынын жазады.
«Абай Құнанбайұлының 175 жылдығына орай елдің бірқатар қаласында Абай ескерткіші мен бюстерін ашу жоспарланып отыр. Қалың көпшілікке Абай образы осы мүсіндер негізінде қалыптасатыны анық. Осы орайда ойда жүрген ұсыныс.
2009 жылы Өскеменде еңселі Абай ескерткіші ашылды. Әкім орынбасары ретінде ескерткішті дайындау жауап­кер­шілігі маған жүктелді. Конкурсқа қабыл­данған оннан астам мүсіндерді көрдім. Бәрі дерлік «шапанға оранған, қабағы түсіңкі, жуанқарын адам». Болмайды дедім. Алдын – ала дайындап қойған Абайдың Мәскеуде орнатылған ескерткішінің су­ретін мүсіншілерге таратып бердім.
<blockquote>
 – Бұл Қырымбек Елеуұлы Көшербаевтың – Абайы, – дедім. Басты талап Ескерткіштегі Абай образы, бейнесі осындай болуы керек. Бұған қосымша біздің талап бойынша Ескерткіш постаментімен 14 метрден биік болатындығын ескеріңіздер. Абай оң қолына кітап ұстап тұрсын. Қалғаны сіздердің «фантазияларыңыз!» – деп ескерткіштің негізгі талабын түсіндіреді.
</blockquote>
2018 жылы қазан айында Мәскеу қаласындағы Абай ескерткішін көрген едім. Оған сол кездегі облыс әкімі Қырымбек Көшербаев себеп болған-ды. Оның қолдауымен М.Ломоносов атындағы Мәскеу мемлекеттік университетінде өткен халықаралық конференцияға қатыстық. Сыр елінен барған аудандық газеттің бас редакторларымен бірге Әлия Молдағұлова атындағы №402 мектеп-лицийге арнайы барып, бюст-ескерткішіне гүл шоқтарын қойып, батырға арналған музейді көрдік. Одан кейін көрнекті қоғам қайраткері, қазақ халқының біртуар перзенті, ағартушы-демократ Ғани Мұратбаевтың жамбасы тиген «Ваганьковско» қорымына барып, рухына Құран бағыштадық. Әрі тарихи тұлғаның азаматтық, қайраткерлік істерін еске алдық.
Мәскеу сапарында естен кетпейтін оқиға «Чистые пруды» бульварындағы Абай ескерткіші алдында орын алды. Сыр өңіріндегі аудандық газеттердің тізгінің ұстаған қаламгерлер Абайдың өлеңдерін оқып, ой жарыстырды. Бұған жергілікті тұрғындар да араласып, қазақтың бас ақынын ұлықтады. Ескерткіш қазақ-орыс достығының символы екенін, екі елдің басшысы бас қосып, ескерткішті ашқан тарихи сәтте куә болғандарын қуанышпен жеткізді.
Шабыттанып, арқаланып, Мәскеудегі Абай ескерткішінің алдында ұзақ тұрдық. Рухтантанып, ерекше жылы аура сезіндік. Сол ескерткіш Абайдың болмыс-бітімімен ұштасып жатқандай көрінді.
Абай мұрасына зер салып, қадіріне бойлаған ұрпақ сансыз сауалға жауап алатыны сөзсіз. Иә ақын сөздің парқын ұққанның көкірегіне нұр құяды. Оның ұлағатын мерейлі тойда да, қаралы өлім-жетімде де қолданып, елдің көкейіндегі, көңіліндегі ойды дөп басамыз. Білім іздеген талаптыны да, ғылым жолындағы ізденімпазды да Абайдың сөзі жігерлендіреді, жауапкершілікті сезіндіреді. Абай жаққан сәуледен қызметтің кез-келген саласындағы азаматтар қуат алады. Осылайша Абайтану ілімі өміршеңдігін дәлелдеген рухани-мәдени құндылыққ айналды, оны зерделеп, ұлттық таным-түсінікті танып, салт-сананы ұғуға болады. Өйткені Абай толық адам болудың жолын көрсетті, мемлекеттік мүдденің баянды жолына бағыттайды.
Ендеше Абай мен қазақ бір-бірінің мәнін ашатын, бір-бірімен тығыз байланысты ұғымға айналды. Бұл дегеніңіз, ақын ескерткіштерін біріздендірудің, бейнесін бірегей етудің мәні мен мағынасын аша түсетіндей. Мұны Махат Садық Шығыс Қазақстан облысы әкімінің орынбасары болған кезінде сәтті үйлестіреді. Яғни 2006 жылы Өскемен қаласында бой көтерген Абай ескерткіші Қырымбек Көшербаевтың басшылығымен жасалған Абай образын қайталады.
Өскемендегі тарихи сәтке куә болған едім. Ол кезде Павлодар облысында қызметте болатынмын. Павлодарлық делегация құрамында Алтай өлкесіне бардық. Бас ақынның еңселі ескерткіші ашылған кезде Ұлы Дала елінің шығысында қазақ руханияты Абайдың бейнесі сәуле шашқандай сезіндік. Арада 12 жыл өткенде Мәскеуде Абайдың сол бейнесін қайта көрдік. Сөйтсек, бұл – Қырымбек Көшербаевтың Абайының бейнесі екен-ау.
<blockquote>
 – …Сонымен Өскемендегі ескерткіш, 2006 жылы Мәскеудегі Елшіміз болған, белгілі мемлекет және қоғам қайраткері Қырымбек Көшербаевтың басшылығымен жасалған Абай образын қайталады. Абайдың бұл бейнесін сол кездегі облыс әкімі Бердібек Сапарбаев пен Мәдениет министрі Мұхтар Құл-Мұхаммед жоғары бағалап, бірден бекітті. Бір жылдан кейін мәскеулік Абай образын Астанада ашылған Абай ескерткішінен байқадым. Ол кезде қала Әкімі Иманғали Тасмағамбетов болатын, – дейді Махат Кәбірұлы.
</blockquote>
Алыс-жақын шет елдерде, Қазақстандағы облыс және аудан орталықтарында Абайдың жүздеген ескерткіші мен бюсттері бой көтерген. Пекинде, Ташкентте, Анкарада, Мысырда, Тегеранда, Бакуде, Будапештте және т.б әлемнің ірі-ірі қалаларында Абайдың болмыс-бітімін танытатын ескерткіштер бар. Нұр-Сұлтан, Алматы, Орал, Ақтау, Шымкент, Тараз, Семей қаласында ақынға ескерткіш салынды. Бірақ әр ескерткіште Абайдың кескін-келбеті әртүрлі. Ескертіште ақынның қимыл-қозғалысының формасы әртүрлі болғанымен түр-әлпеті бірдей болғаны абзал.
<blockquote>
 – Биылғы мерекелі жылы Абай бейнеленген бірқатар суреттер жариялануда. Бюстері салтанатпен ашылуда. Облыс орталықтарында Абай ескерткішін орнатуға бюджет бөлінуде. Ойландыратын жәйт Абайды халыққа жақындатуға арналған осы естелік мұралар әр жерде әртүрлі. Жобаға Абайдың отбасымен түскен жалғыз фотосы негізге алынғанға ұқсайды. Ол фото Абайдың арқа сүйеген перзенті: «Жаңа жылдың басшысы – ол, Мен ескінің арты едім» деп үміт күткен ұлы Абдрахман қайтыс болған соң түсірілгенін ешкім назарға алмайды. Үлкен трагедиядан кейін ұлы Тұлғанын ғұмыры да Мұхтар Әуезовтың «Абай жолы» эпопеясының соңғы төртінші томының бөлімдерінің атауындай: «Қапада. Қастықта. Шайқаста. Жұтта» өтті… – дейді мақаласында журналист-жазушы.
</blockquote>
Абай әлемін, Абай әлемі арқылы зерттеп-тану, меңгеру, ғұламаның ілімі бойынша өмір сүру – Елбасы Нұрсұлтан Назарбаев ұсынған «Рухани жаңғыруы» мен «Мәңгілік Ел» идеясының негізгі кілті. Мемлекет басшысы Қасым-Жомарт Тоқаев Абай ілімінің маңызын «Абай және XXI ғасырдағы Қазақстан» атты мақаласында тоқталып, «той тойлау үшін емес, ой-өрісімізді кеңейтіп, рухани тұрғыдан дамуымыз үшін өткізілмек» дегенді алға тартты.
Абайдың мүсін-ескерткіштерін біріздендіру қаншалықты маңызды болса, ақынның философиясын, таным-түсінігін, көзқарасын насихаттап, өмірлік басты құндылығына айналдыру жүйелі түрде атқарылуы тиіс. Президент айтқандай, 175 жылдықты формалды тойға айналдырмағаннан гөрі, жер-жерде Абай орталықтарын ашып, ақынның бай мұрасын насихаттайтын кез келді. Тіпті төтенше жағдай кезінде де Абай мұрасын дәріптейтін шаралар тоқтамағаны ләзім.
Бір ғана ақынның «толық адам» идеясын алайық.
Білімсіздік пен надандықты, жалқаулық пен екіжүзділікті, күншілдік пен мансапқорлықты, менмендік пен мақтаншақтықты, әділетсіздік пен сатқындықты таразылаған кемел ой иесі жаман қасиеттерді тәрбиелеуде «толық адам» ілімін ұсынады. 
Ақын «Ғылым таппай мақтанба» өлеңінде «толық адамның» теориясын ашып көрсетеді.
Адам болам десеңіз
Бес нәрсеге асық бол
Олар: Талап, Еңбек, Терең ой, Қанағат, Рақым.
Яғни адамды рухани кемелдендіріп, ой-санасын жетілдіріп, ғылымды меңгеруге қажетті дағдыларды көрсетті.
Бес нәрседен қашық бол.
Олар: Өсек, Өтірік, Мақтаншақ, Еріншек, Бекер мал шашпақ.
Бұл – қоғамның негізгі керітартпа факторлары. Мұндай әдеттерден біз арыла алдық па?!
Абайдың «Қанағат, Рақымына» қарағанда «Бекер мал шашпағын» берік ұстандық па? Олай болмаса, карантинге дейінгі аста-төк тойларды қалай түсіндіреміз. 
Қысқасы, карантин кезінде Абай рухымен сырласып, өз-өзімізді тануға күш салсақ қайтеді?! 
«Адам ақылсыздығынан азбайды, ақылдының сөзін ұғып аларлық жүректе жігер, қайрат, байлаулылық жоқтығынан азады» дейді Абай ұлтына қарата.
Ақынның өнегісінен өрнек алған қаламгерлердің ойын дұрыс түсініп, Абайдың ескерткіштерін жүйелеп, біріздендірудің мән-маңызын түсініп, қолға алсақ, ертеңгі ұрпақтың алдында үлкен іс бітіріп кеткеніміз болады.
Нұрлат БАЙГЕНЖЕ

Абай бейнесін бірегей ету маңызды

<a href="https://kyzylorda-news.kz/">Kyzylorda-news.kz.</a> Қызылорда облысында төтенше жағдай басталған уақыттан бері 1000-ға жуық ана бала туған кездегі бір реттік жәрдемақысы мен 1 жасқа дейінгі төлемақыны онлайн түрде рәсімдеген.
Аталмыш жәрдемақыны онлайн форматта оңай рәсімдеген аналардың бірі – Алмагүл Ниязбаева.
Алмагүл бүгінде бірінші бөбегін бауырына басқан жас ана. Ол алғашында декреттік төлемдерді тағайындау үшін көп құжат қажет деп ойлаған. Алайда қазіргі таңда мемлекеттік қызметтердің басым көпшілігі онлайн форматқа ауысқанын білген соң, электронды үкімет порталы арқылы небәрі 10 минуттың ішінде жәрдемақыға қол жеткізгенін айтады.
<blockquote>
 «Қазіргі таңда жүктілікке және босануға байланысты жәрдемақыны рәсімдеу реті біраз жеңілдетілген. Бұрынғыдай қағаз дайындап, ХҚО-ға барып, кезекке тұрудың еш қажеттілігі жоқ. Қазір барлық қызметтерді онлайн түрде алуға мүмкіндік бар. Үйден отырып egov.kz порталы мен мобильді қосымшалардың көмегімен демде қызметтерді алуға болады», – дейді жас ана.
</blockquote>
Айта кету керек, бала күтімі бойынша демалысқа шыққан әйелдер egov.kz порталындағы электронды өтініштер сервисін пайдаланады. Онда жеке басын куәләндіратын құжаты мен жұмыс істеу қабілетінен айрылу парағының скан көшірмесін және де төлем аударылымына арналған банк шотын қоса жолдауы тиіс.
Сондай-ақ, порталды пайдалану үшін электронды цифрлы қолтаңба ЭЦҚ болуы шарт және де оны үйде отырып-ақ рәсімдеуге болады.
Бұдан бөлек, мобильді азаматтар базасында тіркелген аналар проактив қызметін пайдалана алады. Бұл қызмет арқылы баланың туу-туралы куәлігі мен тіпті сәбиді балабақша кезегіне қоюға болады.
<img src="https://kyzylorda-news.kz/wp-content/uploads/2020/04/onlajn-zhardemaky-algan-ana-kaz-2-1.jpg" alt="" />

Алмагүл Ниязбаева: «Қызылордада онлайн түрде жәрдемақы алған мың ананың бірімін»

<a href="https://kyzylorda-news.kz/">Kyzylorda-news.kz</a>. Қызылорда облысында&nbsp; соңғы тәулікте жаңадан СОVID-19 вирусы тіркелген жоқ. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысы Жақсылық Абдусаметов мәлімдеді.
<blockquote>
 «Облыс бойынша 151 жағдай. Оның 26-сы сауығып шықты, 125 науқас стационарлық емдерін жалғастыруда. Коронавирус инфекциясы анықталған азаматтармен байланыста болған – 2200 адам анықталды.&nbsp; Оның ішінде, 1162 -сі жақын қарым-қатынаста, 1038-і&nbsp; жанама байланыста болған», – деді брифингте бас дәрігер.
</blockquote>
Айта кетейік, бүгін Ресей елінен 42 студент келеді. 1 «Б» категориясына жататын елден келетіндіктен олардан арнайы тест сынамалары алынып,&nbsp; үй жағдайындағы карантинге қатаң бақылауға алынады. Қандай да бір күдік пайда болған жағдайда олар бірден провизорлық карантинге жатқызылмақ.

Ресейде оқып жатқан 42 сырбойылық студент бүгін Қызылордаға келеді

<a href="https://kyzylorda-news.kz/">Kyzylorda-news.kz</a>. Облыс әкімдігінде аймақ басшысы Гүлшара Әбдіқалықованың төрағалығымен мәслихаттың кезектен тыс 44 сессиясы өтті. Отырыс бейне-конференция форматында ұйымдастырылды. Күн тәртібінде 2020-2022 жылдарға арналған облыстық бюджетті нақтылау мәселесі қаралды. Бұл туралы облыс әкімінің баспасөз қызметі хабарлады.
Әлемдік экономикадағы жағдай мен баға тұрақсыздығы және коронавирус инфекциясының таралуына байланысты Президент Қасым-Жомарт Тоқаев ағымдағы жылдың 8 сәуірінде «2020 жылға арналған республикалық бюджетті нақтылау туралы» Жарлыққа қол қойды.
<blockquote>
 «Бүгін біз осы Жарлықтан туындайтын міндеттер мен Мемлекет басшысының тапсырмасын жергілікті жерде жүзеге асыру үшін облыстық мәслихат сессиясының күн тәртібіне 2020-2022 жылдарға арналған облыстық бюджетті 34,8 млрд.теңгеге нақтылап отырмыз. Ақпарат ретінде айта кетейін, бұл қаржының 25,9 млрд.теңгесі республикалық бюджеттен бөлініп отыр. Енді осы қаржының негізгі бағыттарына қысқаша тоқтала кетейін», – деді облыс әкімі.
</blockquote>
Г.Әбдіқалықованың айтуынша, бюджеттен қаралған қаржының 2,6 млрд.теңгесі мемлекеттік атаулы әлеуметтік көмек беруге, 1,5 млрд.теңге – әлеуметтік кепілдендірілген пакетке, оның ішінде төтенше жағдайға байланысты аз қамтылған отбасыларды азық-түлік және тұрмыстық жиынтықпен қамтамасыз етуге бағытталады.
Ал еңбек нарығын дамыту, оның ішінде жалақыны ішінара субсидиялау, жастар практикасына, «NEET» санатындағы жастарға, табысы төмен көпбалалы отбасыларға, еңбекке қабілетті мүмкіндігі шектеулі жандарға, жаңа бизнес идеяларға берілетін гранттарға және қоғамдық жұмыстарға 4,3 млрд теңге қарастырылған.
«2020-2021 жылдарға арналған жұмыспен қамтудың Жол картасы» мемлекеттік бағдарламасына республикалық бюджеттен трансферт ретінде 9,1 млрд.теңге бөлінуде. Қаржы аймақта жаңа жұмыс орындарын ашуға, тұрғын үй-коммуналдық шаруашылығы, инженерлік-көлік инфрақұрылым жобаларын жүзеге асыруға және әлеуметтік-мәдени нысандарды жөндеу мен елді мекендерді абаттандыруға жұмсалады.
Ауыл тұрғындарының өмір сүру сапасын жақсартуға бағытталған «Ауыл – ел бесігі» бағдарламасы бойынша облыста маңызды саналатын 22 жобаға 3 млрд.теңге бөлінеді.
Сонымен қатар, «Бизнестің жол картасы-2025» мемлекеттік бағдарламасы шеңберінде несиенің пайыздық мөлшерлемесін субсидиялау мен шағын және орта бизнес несиелерін кепілдендіруге 1,7 млрд.теңге қаралады.
Бұдан бөлек, аймақ басшысы облыстық бюджет қаражатының жұмсалу барысына тоқталып өтті.
<blockquote>
 «Аймақта жүзеге асырылып жатқан құрылыс, энергетика, мәдениет, спорт, электр және сумен жабдықтау салаларындағы 49 жобаны қоса қаржыландыруға 3 млрд.теңге, Арал, Қазалы, Жалағаш, Шиелі аудандарында тұрғын үй салуға құнды қағаздарды шығару есебінен 895,5 млн.теңге бөлінетін болады. Сонымен қатар, білім, денсаулық, мәдениет және спорт салаларына 516 млн.теңге қаралады. Ал құқық қорғау органдарының материалдық-техникалық базасын нығайтуға 219 млн.теңге жұмсалады», – деді Г.Әбдіқалықова.
</blockquote>
Сессия қорытындысында, аймақ басшысы облыстық мәслихат депутаттарының бюджет жобасын нақтылауға белсенді қатысқандары үшін алғыс білдірді.
<img src="https://kyzylorda-news.kz/wp-content/uploads/2020/04/02-27.jpg" alt="" />
<img src="https://kyzylorda-news.kz/wp-content/uploads/2020/04/03-28.jpg" alt="" />
<img src="https://kyzylorda-news.kz/wp-content/uploads/2020/04/04-18.jpg" alt="" />

Қызылордада мәслихат 2020-2022 жылдарға арналған облыстық бюджетті нақтылады

<a href="https://kyzylorda-news.kz/">Kyzylorda-news.kz</a>. ҚР ІІМ Байқоңыр қаласындағы Өкілдігінің қызметкерлерімен қауіпсіздік шараларын қамтамасыз ету мақсатында «Батыс Еуропа – Батыс Қытай» тасжолында екі блок-бекеттер қойылып, тұрғындардың негізсіз тұрғын үйінен шығуына және автокөліктермен жүруіне тыйым салу туралы түсіндірме жұмыстары жүргізілуде.
Алайда, ескертулерге қарамастан төтенше жағдай талаптары тұрғындар тарапынан сақталар емес, жүргізілген рейдтер барысында төтенше жағдай талаптарын бұзудың 61 дерегі анықталды.
Соңғы тәулік ішінде 100-ге жуық мекеме мен ойын-сауық орындары тексеріліп, 8 құқық бұзушылық анықталды.
Қазіргі таңда орын алған 61 факті бойынша ҚР ӘҚБтК-нің 476-бабына сәйкес әкімшілік хаттамалар толтырылып, заңды шешім қабылдау үшін қалалық сотқа жолданып, 33 әкімшілік іс сотта онлайн-режимінде қаралды, оның 17 айыппұл салынса, 16 әкімшілік қамаққа алынған.
<blockquote>
 «ҚР ІІМ министрі Е.Тұрғымбаевтың тапсырмасына сәйкес, барлық блок-бекеттерде кезекшілікте тұрған қызметкерлер індетке қарсы арнайы костюмдермен, жеке қорғану құралдарымен, медициналық бетперделермен, қолғаптар, антисептик құралдарымен толық қамтамасыз етіліп, санитарлық-эпидемиологиялық талаптар сақталуда», – деп хабарлады Қызылорда облысы Полиция департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2020/04/02-26.jpg" alt="" />
<img src="https://kyzylorda-news.kz/wp-content/uploads/2020/04/03-26.jpg" alt="" />

Байқоңыр қаласында төтенше режимін бұзан 61 дерек анықталды: 16 тұлға қамауға алынды

<a href="https://kyzylorda-news.kz/">Kyzylorda-news.kz</a>. Қазалыда еліміздегі жұқпалы індеттің өршуіне байланысты қауіпсіздік шаралары күшейтіліп, жеке көліктер мен жаяу жүргіншілердің жүруіне тыйым салынған болатын.
Алайда аудан тұрғындары қауіпсіздік шараларына мән бермей, тәртіп бұзуды азайтар емес. Тіпті кейбіреулері өзінің жеке автокөлігіне алкогольді масаң күйде отырып, жол-көлік оқиғасының орын алуына себепші болуда. Абырой болғанда адам шығыны жоқ.
Бүгін Қазалы аудандық сотында «TrueConf» мобильді байланыс жүйесін қолдану арқылы ҚР ӘҚБтК-нің 476 және 608 баптарында көзделген құқық бұзушылықтарды жасаған азаматтарға қатысты әкімшілік істер қаралды.
<blockquote>
 «Сот отырысында анықталғандай азамат Е. төтенше жағдайға байланысты көлік құралдарының жүруіне қойылған шектеулерге қарамай, негізсіз Әйтеке би көшесінің бойында автокөлігін алкогольді масаң күйде басқарып, жол ережесін бұзған. Осылайша қарсы бағыттағы азамат Ж.-ның басқаруындағы автокөлігіне соғып, жол жиегінде тұрған темір шартақтар мен азаматша А.-ның контейнерлі дүңгіршегіне зақым келтірген. Нәтижесінде жәбірленушілердің мүліктерін бүлдіріп, материалдық залал келтірген», – деп хабарлады Қазалы ауданы әкімінің баспасөз қызметі.
</blockquote>
Сот қаулысымен азамат Е. ҚР ӘҚБтК-нің 476-бабы 9-тармақшасымен және 608-бабы 3-бөлігімен кінәлі деп танылып, ӘҚБтК-нің 58-бабына сәйкес түпкiлiктi 30 тәулікке әкімшілік қамаққа алынып, жеті жыл мерзімге көлік құралын басқару құқығынан айырылды.
Сондай-ақ, азамат Б. жарияланған төтенше жағдайға байланысты көлік құралдарының жүруіне қойылған шектеулерге қарамай, автокөлігін алкогольді масаң күйде басқарғаны үшін ҚР ӘҚБтК-нің 608-бабы 1-бөлігімен және 476-бабы 9-тармақшасымен кінәлі деп танылып, түпкілікті 18 тәулік әкімшілік қамаққа алынып, жеті жыл мерзімге көлік құралын басқару құқығынан айырылды.
Сонымен қатар, көлік құралын басқару құқығы жоқ бола тұра, автокөлігін алкогольді масаң күйде басқарған азамат К. ҚР ӘҚБтК-нің 608-бабы 6-бөлігімен және 476-бабы 9-тармақшасымен кінәлі деп танылып, түпкілікті 23 тәулік әкімшілік қамаққа алынды.

Қазалыда төтенше жағдай кезінде мас күйінде көлік жүргізген 3 тұрғын қандай жаза арқалады?

<a href="https://kyzylorda-news.kz/">Kyzylorda-news.kz</a>. Барлық адамдардың бейбіт жиналыстарға құқығы адам құқықтары туралы халықаралық келісімдерде, атап айтқанда Азаматтық және саяси құқықтар туралы халықаралық актілерде бекітілген. Адам құқықтары туралы Еуропалық конвенцияның 11-бабында «әркімнің бейбіт жиналыстар бостандығына және басқалармен бірігу бостандығына құқығы бар» делінген.
Қазақстан Республикасының Конституциясы мен заңдары азаматтардың құқықтары мен бостандықтарын жариялай отырып, олардың орындалуына кепілдік береді. Азаматтардың құқықтары мен бостандықтарының осындай кепілдіктерінің бірі олардың шектеулеріне тыйым салу болып табылады. Азаматтардың құқықтары мен бостандықтары тек заңдарда көзделген жағдайларда ғана, сондай құқық берілген органдармен ғана шектелуі мүмкін.
Соңғы саяси оқиғаларға байланысты «Қазақстан Республикасының кейбір заңнамалық актілеріне Қазақстан Республикасында бейбіт жиналыстарды ұйымдастыру және өткізу тәртібі мәселелері бойынша өзгерістер мен толықтыру енгізу туралы» Қазақстан Республикасы Заңының Жобасы өте өзекті.
Бұл жобада бірқатар заңнамалық актілерге өзгерістер енгізу қарастырылған:
Қазақстан Республикасының Экологиялық кодексіне, Қазақстан Республикасының Қылмыстық кодексіне, Әкімшілік құқықбұзушылық туралы кодекске және басқа да заңдарға.
Мен жобаның көптеген тармақтарымен келісемін, бірақ кейбіреулерге өз пікірімді білдіргім келеді:
1) «жиналыстар, митингілер, пикеттер, шерулер мен демонстрациялар» деген сөздер «бейбіт жиналыстар» деген сөздермен ауыстырылуы орынды;
2) ҚР Әкімшілік құқықбұзушылық туралы Кодекстің 488-бабында: «Жиналыстар, митингілер, шерулер, пикеттер, демонстрациялар немесе басқа да қоғамдық іс-шараларды ұйымдастыру немесе өткізу тәртібі туралы, немесе оларды ұйымдастыруға немесе өткізуге кедергі келтіретін, сондай-ақ заңсыз жиналыстарға, митингілерге, шерулерге, демонстрацияларға немесе басқа тәсілдерге қатысты Қазақстан Республикасының заңнамасын бұзу, қоғамдық іс-шара, егер бұл әрекеттерде қылмыстық құқықбұзушылықтың белгілері болмаса …» жобада қажетсіз кеңейтіліп, бұзу мен өткiзуге кедергi келтіру әрекеттері екі бөлікке бөлінген, алайда санкциялары бірдей болғандықтан бұрыңғы редакцияда қалдыру керек деп санаймын;
3) Шетелдік азаматтар мен азаматтығы жоқ адамдардың жауапкершілігін жеке бөлімшеге бөлу де қажет деп санамаймын, өйткені егер оларда арнайы иммунитет болмаса, олар Қазақстан Республикасының азаматтарымен бірдей жауапкершілікте болады;
4) Жобада бейбіт жиналыстарға қатысатын журналистің (бұқаралық ақпарат құралдарының өкілі), журналистің айырым белгілерінің нысанын бекіту ережесі дұрыс деп санаймын;
5) көпшілікке арналған іс-шара, жиналыс, митинг, қоғамдық іс-шара туралы хабарлама, ғимараттар мен басқа да объектілерге тікелей іргелес жатқан аумақтың қоғамдық шараларын өткізу ережелері сияқты жалпы ұғымдарын анықтайтын жеке бап қарастырған жөн;
6) Заңда іс-шараларға рұқсат беру тәртібін қарастыру қажет, мысалы: «Іс-шараларға рұқсат беру өрт, көлік және полицияның келісімі бойынша жүзеге асырылады».
7) Германияда, мысалы, митингті ұйымдастырушы заңды тұлға ретінде әрекет етеді және тәртіпті сақтауға, ережелерді сақтауға, оқыс оқиғалардың алдын алуға және т.б. жауап береді. Ұйымдастырушы бұл мәселелердің барлығын полицияның қатысуынсыз дербес шешуі қажет. Алайда полиция «қоғамдық тәртіпті сақтауға, азаматтардың демонстрация өткізу құқығын қорғауға» шақырады. Полицияға іс-шара барысында ұйымдастырушыны барлық жағынан қолдауға бұйрық берілген. Жобада демонстрацияны уақтылы тоқтату және адамдарды тарату үшін жауапкершілікті шараны ұйымдастырушыға жүктеу қарастырған дұрыс деп санаймын. Егер бұл орын алмаса, билік демонстрацияны мәжбүрлі түрде таратуға құқылы;
8) Жобада «көпшілік шараны ұйымдастырушылар өздері жоспарлап отырған оқиға туралы немесе оған қатысқан адамдар туралы қасақана бұрмаланған ақпаратты ұсынған жағдайда, немесе егер оқиға бұрын келісілген шарттарды бұзса, демонстрацияны ұйымдастырушылар (жетекшілері) қылмыстық жауапкершілікке тартылуы мүмкін» деген ереже қосқан дұрыс.
Жанат ИСАЕВА,
Қорқыт ата атындағы ҚМУ доценты,
заң ғылымдырының кандидаты

Жанат Исаева: «Дәл қазіргі уақытта бейбіт жиындар туралы заң жобасы – өте өзекті»

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрлігі емтихандарды тапсыру мен дипломдық жұмыстарды қорғау бойынша әдістемелік ұсыныстар әзірледі. Бұл туралы ведмоствоның баспасөз қызметі хабарлады. Оның алгоритмі заңнама талаптарына, БҒМ-нің қашықтан оқытуды ұйымдастыру жөніндегі бұйрығына (2020 жылғы 1 сәуірдегі №123), сондай-ақ ЮНЕСКО-ның ұсыныстарына негізделген.
Бүгін ведомствоның Facebook-тегі ресми парақшасындағы тікелей эфирде ҚР Білім және ғылым вице-министрі Мирас Дәуленов ЖОО ректорларымен бірге қашықтан білім беру жағдайында емтихандар мен дипломдық жұмыстарды қорғау қалай өтетінін түсіндірді.
Вице-министр Мирас Дәуленов емтихандарға қатысты студенттерді екі санатқа бөлу қажет екенін айтты, олар – 1,2,3-курс студенттері және биыл оқуын тәмамдайтын түлектер.
Студенттердің бірінші санатына қатысты қиындық жоқ, олар сессияларын тапсырады. Оның 3 жолы ұсынылуда:
1. Емтиханды қашықтан тапсыру форматы;
2. Пән бойынша бағаны ағымдағы бағаларының негізінде қою;
3. «I» (Incomplete) бағасын қою арқылы емтихан тапсыру мерзімін шегеру. Бұл студенттерге емтиханды кейін тапсыруға мүмкіндік береді және оларды оқудан шығарудан қорғайды.
Нақты шешімді әрбір ЖОО академиялық дербестігі аясында өзі қабылдайды.
Бүгінгі күні студенттердің қашықтан оқыту форматында орындаған жұмыстарына 1,15 млн. баға қойылғанын атап өткен жөн.
Студенттердің екінші санаты – соңғы курс студенттері.
Егер карантиндік шектеулер алынбаса, онда дипломдық жұмыстар қашықтан қорғалады. Айта кетерлігі, студенттер дипломдық жұмыстарын ақпан-наурыз айларында алдын-ала қорғаған болатын, яғни негізгі жұмыс атқарылды.
Кешенді емтиханға келетін болсақ, мұнда әрбір ЖОО үш нұсқаның бірін қолданады:
1. Кешенді емтиханды қашықтан тапсыру форматында өткізу;
2. Жиынтық бағаны базалық пәндер бойынша бағаларының негізінде қою;
3. Кешенді емтиханды кешірек мерзімге ауыстыру (жазға немесе күзге).
Осылайша, ЖОО министрлік тарапынан рұқсат алмай-ақ, жиынтық бағаны базалық пәндер бойынша бағаларының негізінде қою арқылы кешенді емтихандарды өткізбеу туралы шешім қабылдай алады.
Естеріңізге сала кетсек, 2018 жылы Қазақстанның жоғары оқу орындары академиялық дербестік алды, соған байланысты жүргізіліп жатқан жұмыстар заңнамаға толық сәйкес келеді.
<blockquote>
 «Бүгін біз емтихан тапсыру және дипломдық жұмыстарды қорғау алгоритмін талқыладық. МЖМБС-на сәйкес, ЖОО-ы емтихан өткізу түрлерін өз бетінше анықтайды. Дегенмен, қашықтан оқыту жағдайында Министрлік тарапынан әдіснамалық қолдау көрсету қажеттілігі туындайды. Ол үшін біз барлық жоғары оқу орындарымен алдын ала талқыланған алгоритмді әзірледік», – деді ҚР Білім және ғылым вице-министрі Мирас Дәуленов.
</blockquote>
Биыл 604 345 студент емтихан тапсырады, оның 142 435-і қорытынды аттестаттауға кірісетінін атап өтеміз.
2020 жылғы 16 наурыздан бастап азаматтық ЖОО қашықтан оқытуға көшті. Дәрістер мен семинарлар MS Teams, Meet by Google Hangouts, Zoom және басқа да сервистердің көмегімен онлайн режимінде өткізіліп жатыр, ал студенттердің тапсырмалары Canvas, Moodle, Univer және Platonus платформаларында орындалуда.
Тікелей эфирге UIB Университетінің Президенті Дархан Ахмед-Зәки, Нархоз ректоры Эндрю Вахтель, Yessenov University-нің ректоры Берік Ахметов, ҚазҰУ оқу ісі жөніндегі проректоры Асқар Хикметов, Алматы қаласындағы ЮНЕСКО Кластерлік бюросының білім беру бағдарламасы бойынша Ұлттық маманы Мейіргүл Алпысбаева, «Атамекен» ҰКП Басқарма Төрағасының орынбасары Олжас Ордабаев, «ADAL BILIM» жобалық кеңсесінің әкімшісі Сергей Пен және «Қазақстан студентерінің альянсы» Республикалық студенттер қозғалысының Президенті Ілияс Түстікбаев қатысып, түсіндіру жұмыстарын жүргізді.

Төтенше жағдай: Емтихан тапсыру мен дипломдық жұмыстарды қорғау қалай өтеді?

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 29 адамға жетті. Індеттен айыққандардың қатарына соңғы қосылған науқастар – Жаңақорған және Шиелі аудандарының тұрғындары.
22 сәуір 11:10-дағы&nbsp;ақпарат бойынша Қызылорда облысында тағы 3 адам қауіпті індеттен жазылып шыққан. Осылайша қауіпті індеттен айыққандар саны өңірде 29 адамға жетіп отыр.
Айта кетейік, Қызылорда қаласында – 6, Жаңақорған ауданында – 16, Шиелі ауданында – 4 және Қармақшы ауданында – 3 адамнан осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.

Қазақстан және Қызылорда облысының жаңалықтары