<a href="https://kyzylorda-news.kz/">Kyzylorda-news.kz</a> ақпарат агенттігінің 13 сәуірге арналған жұлдыз-жорамалы.
Тоқты
Әрдайым айтқаныңыз бола бермейтіндігіне ара-тұра болса да мойынсұнғаныңыз жөн. Бірбеткейлік арманыңызды орындауға кесірін тигізуі мүмкін. Мұны сізге іскерлік қарым-қатынаста ғана емес, отбасы жағдайында да ескеруге тура келеді.
Торпақ
Отбасылық жағдайыңыз ойдағыдай. Қарбалас жұмыс жүйкеңізге біраз салмақ салуы мүмкін. Дегенмен бұл жағдай айналаңызға әсерін тигізбегені жөн. Әйтпесе, кейбір әріптестік қатынастарға сызат түседі.
Егіздер
Сіздің аса талапшылдығыңыз бен шыдамсыздығыңыз жұбайыңызбен арадағы жанжалға себеп болуы мүмкін. Ол бала-шағаны да алаңдатады. Бүгін кішкентайларыңызға көбірек көңіл бөлуіңіз керек.
Шаян
Үй шаруасын өзіңіз күрделендіріп алмаңыз. Күрделі жөндеу, қосымша құрылыс деген сияқты жұмыстарды кейінге шегере тұрған дұрыс. Одан гөрі отбасы мүшелерімен ақылдасып алыңыз.
Арыстан
Зергерлік бұйым, сәнді киім немесе жақындарыңыздың біріне сыйлық сатып алу барысында қалтаңызға салмақ салмаңыз. Әйтпесе, қомақты қаржы жұмсалып кетуі мүмкін.
Бикеш
Босқа уақыт жоғалтпаңыз. Телефон арқылы мазаңызды алатындар көп. Елдің көңіліне қарап, өз жағдайыңызды ұмытып кетпеңіз. Бос уақытыңызды тек жақын адамдарыңызға жұмсаңыз.
Таразы
Бастамашылық белсенділігіңіз арта түспек. Өз бағаңызды біліп, өзіңізге деген сеніміңіз нығая түседі. Бұған қызғанышпен қарайтындар бар. Сауда-саттықта жолыңыз болады.
Сарышаян
Қарым-қатынаста сақ болыңыз. Әсіресе сапар барысындағы кездейсоқ таныстарға сенім білдіруге асықпағаныңыз жөн. Көзсіз сенім кесірін тигізетіні белгілі. Бүгін тартымдылығыңыз арта түседі.
Мерген
Алаңсыз, бейқам өмірдің ағысына түсіп, азғантай уақытқа “жоғалғыңыз” келеді. Көтеріңкі көңіл-күй іздеп, достардың ортасына, сауық орындарына асығасыз. Көңілді сәттерге көп ақша жұмсап жібересіз. Сіз үшін бастысы ақша емес.
Тауешкі
Өз мүмкіндігіңізге қарай жұмыс жасаңыз. Әйтпесе әбігерге түсіп қалуыңыз мүмкін. Бұл жағдаят қызмет барысына байланысты орын алуы мүмкін. Басшылықпен, беделді тұлғалармен қарым-қатынастың түзу болғаны дұрыс.
Суқұйғыш
Күнделікті тірлік барысында заңға қайшы әрекеттерден сақтаныңыз. Көлік жүргізгенде жолда жүру ережесіне барынша мұқият болыңыз. Интернеттегі байланыста шетелдік немесе басқа аймақтың адамдарымен қарым-қатынас жасағанда абай болыңыз.
Балықтар
Жағдай тұрақсыз. Қаржылық шығындар болуы мүмкін. Қымбат тұрмыстық техника немесе көлігіңіз бұзылып қалып, оларды жөндеу үшін едәуір қаражатты желге ұшырасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Финляндиядағы Аалто университетінің бір топ ғалымы жөтелден кейін коронавирустың қалай таралатынын бейнеролик арқылы көрсетті, деп жазады <a href="https://massaget.kz/layfstayl/Zdorove/61700">Massaget.kz.</a>
Fox News-тің хабарлауынша, ғалымдар аэрозоль бұлтының 3 өлшемді моделін ұсынған. Бұл үшін сөрелермен бөлінген супермаркет ғимараты таңдалған.
<blockquote>
 &nbsp;“Жөтелгенде ғимараттағы ауа мен аэрозольді бұлт өзара араласып алға жылжиды. Бұлт бірнеше минут ішінде таралып, ауада қалады”, – дейді мамандар.
</blockquote>
Ғалымдар 20 мкм-ден кіші түйіршіктер қозғалысын көрсеткенімен, құрғақ жөтел кезінде бұл тамшылардың мөлшері әдетте 15 мкм болатындығын атап өтті.
Мамандардың пікірінше, бұл жағдайда жөтел түйіршіктері еденге құламайды, керісінше ауа ағынымен қозғалып таралады немесе бір жерде қалады.
Зерттеушілер осы арқылы адамдар көп жиналатын орындардан аулақ болып, инфекцияның таралу қаупін азайту маңызды екенін айтады.

COVID-19: Ғалымдар жөтелден кейін індеттің қалай тарайтынын көрсетті (видео)

<a href="https://kyzylorda-news.kz/">Kyzylorda-news.kz.</a> “Абди Ибрахим Глобал Фарм” ЖШС-нің бас директоры Зиятхан Гасанов коронавирустан қайтыс болды.
Денсаулық сақтау министрлігінің тауарлар мен қызметтердің сапасы мен қауіпсіздігін бақылау комитеті Зиятхан Ахмедұлы Гасановтың мезгілсіз қайтыс болуына байланысты туған-туыстары мен жақындарына көңіл айтты.
<blockquote>
 “Ол алғашқылардың бірі болып медицина қызметкерлері мен қазақстандықтарға коронавирус инфекциясымен күресуге көмектесіп, өкінішке қарай, осы індеттің кесірінен көз жұмды”, – делінген комитеттің хабарламасында.
 “Зиятхан Ахмедұлы өз ісінің шебері болды, ол еліміздің фармацевтика саласының дамуына зор үлесін қосты. Оған қоса, өзінің сырқаттанып жүргеніне қарамастан, жалпыға бірдей төнген қауіпке бей-жай қарамай, COVID-19 вирусымен күресуге өлшеусіз көмегін тигізді. Тауарлар мен қызметтердің сапасы мен қауіпсіздігін бақылау комитетінің аумақтық департаменттерінің медицина қызметкерлеріне жеке қорғаныш құралдарын тегін берді”, – дейді комитеттегілер.
</blockquote>
10 сәуір кешке Алматыда тағы бір адамның өлімі тіркелді. Коронавирустан 1963 жылы туған ер адам көз жұмды. Бұл Қазақстанда қауіпті індеттен қайтыс болған оныншы адам.

Қазақстанда коронавирустан фармацевтикалық компанияның директоры қайтыс болды

<a href="https://kyzylorda-news.kz/">Kyzylorda-news.kz.</a> Коронавирус жұқтырған қытайлықтардың кейбірінде неврологиялық аурулар байқалған. Бұл туралы Қытай ғалымдары жүргізген зерттеуде айтылады, -деп хабарлайды&nbsp;<a href="https://iz.ru/998727/2020-04-12/kitaiskie-uchenye-nazvali-novye-simptomy-koronavirusa">“Известия”</a>.&nbsp;
Мамандар коронавирустың таралу ошағы болған қытайлық Ухань қаласының COVID-19-ды жұқтырған 214 тұрғынының жағдайы туралы мәліметтерді зерттеді.
Жалпы алғанда 36 пайыз және жағдай ауыр науқастардың 46 пайызында қозғалыстары мен сөйлеуінде ауытқу пайда болып, миының&nbsp;қан айналымы бұзылған, естен тану мен бұлшықет әлсіздігі байқалған.
Сонымен бірге науқастарда бұрыннан белгілі коронавирустың белгілері, атап айтқанда, жөтел, бас ауруы және қызу көтерілу сияқты симптомдар да&nbsp;болған.&nbsp;
Осыған дейін ресейлік ғалымдар коронавирус тудыратын патоген қан-ми тосқауылына еніп, ми тінін жоюға қабілетті екенін ескерткен.

Коронавирус жұқтырған қытайлықтардан вирустың тағы бір белгісі анықталды

<a href="https://kyzylorda-news.kz/">Kyzylorda-news.kz.</a> Қазақстанда 15 сәуірден бастап көліктік бақылау бекеттерінде қағазбен берілген рұқсаттарды тексеруді алып тастайды. Қажетті құжаттарды тексеру саласындағы жаңашылдық туралы ИИДМ көлік комитетінің баспасөз қызметі өзінің <a href="https://www.gov.kz/memleket/entities/miid/press/news/details/na-transportnom-kontrole-dlya-perevozchikov-zapustyat-elektronnuyu-proverku?lang=kk">ресми сайтында</a> хабарлады.
ҚР ИИДМ Көлік комитеті ағымдағы жылдың 15 сәуірінен бастап көліктік бақылау бекеттерінде қағазбен берілген рұқсаттарды тексеруді алып тастайды. Оның орнына тексеру Көлік комитетінің көліктік деректер базасының ақпараттық-талдау жүйесінің көмегімен жүзеге асырылады.
Яғни, тасымалдаушылардан өзімен бірге қағаздағы рұқсат беру құжаттарының болуы талап етілмейді. Осы рұқсаттарды беруге мақұлданған өтінім және қолданыстағы заңнамаға сәйкес электрондық үкімет порталындағы жеке кабинетте рұқсат беру үшін мемлекеттік орган қабылдаған мемлекеттік баж (қажет болған жағдайда) болса жеткілікті.
Мұндай рұқсаттардың тізіміне енген құжаттар:
– ірі көлемді және ауыр салмақты автокөлік құралдарының жүріп өтуіне арнайы рұқсат;
– 1, 6 және 7-сыныптағы қауіпті жүктерді тасымалдауға арнайы рұқсат;
– автокөлік құралына рұқсат карточкалары;
– халықаралық жүк тасымалдауға рұқсат беру куәлігі.

Қазақстанда көлік жүргізушілерінің қағаз рұқсаттамалары өз күшін жояды

<a href="https://kyzylorda-news.kz/">Kyzylorda-news.kz.</a> 42500.enbek.kz сайтында 42 500 теңге көлеміндегі әлеуметтік жәрдемақы алуға жіберілген өтінімді қарастырылу жағдайын тексеру&nbsp;мүмкін болды. Бұл туралы&nbsp;<a href="https://www.instagram.com/p/B-2ULNknUOt/?igshid=keqnaul44b86">Инстаграмда</a>&nbsp;Президенттің цифрландыру және инновациялық технологиялар жөніндегі кеңесшісі Бағдат Мусин мәлімдеді.
Оның айтуынша, қазақстандықтар соңғы күндері жәрдемақыға байланысты сұрақтар бойынша көп сұраныс жасаған, бірақ осы уақытқа&nbsp;дейін ешқандай хабар алмаған.
Енді сіздер өтініш қарастырылу жағдайын&nbsp;төмендегідей тексере аласыздар:
1) 42500.enbek.kz сайтына кіру 
2) «Қолданбаның күйін тексеру» батырмасын басу, 
3) ЖСН және жеке куәлік нөмірін енгізу, 
4) «Мен робот емеспін» белгісін қойып, «Тексеру» батырмасын&nbsp;басу керек.
Мусин мәлімдегендей, 42 500 теңгеге өтінімнің&nbsp;қарастырылу жағдайы бірден көрсетіледі.
Бір құрылғыдан бір сағат ішінде 3 өтінішті&nbsp;тексеруге болады.

42500 теңгені алу: Өтінімді тексеру қызметі іске қосылды

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев қазақстандықтарды ғарышкерлер күнімен құттықтады.
<blockquote>
 «Баршаңызды бүгінгі тамаша мереке – Ғарышкерлер күнімен құттықтаймын! Қазақстан әлемдік космонавтиканың дамуына зор үлес қосқаны сөзсіз. Байқоңыр – ғарыш кеңістігін игерген адамзат жетістігінің символы. Қазақ ғарышкерлерін мақтан тұтамыз!», деп жазды Қасым-Жомарт Тоқаев&nbsp;<a href="https://twitter.com/TokayevKZ/status/1249263342209961984?ref_src=twsrc%5Etfw%7Ctwcamp%5Etweetembed%7Ctwterm%5E1249263342209961984&ref_url=https%3A%2F%2Flenta.inform.kz%2Fkz%2Fprezident-baykonyr-garysh-kenistigin-igergen-adamzat-zhetistiginin-simvoly_a3637062">Twitter</a>&nbsp;парақшасында.
 Баршаңызды бүгінгі тамаша мереке – Ғарышкерлер күнімен құттықтаймын! Қазақстан әлемдік космонавтиканың дамуына зор үлес қосқаны сөзсіз. Байқоңыр – ғарыш кеңістігін игерген адамзат жетістігінің символы. Қазақ ғарышкерлерін мақтан тұтамыз! <a href="https://t.co/BYKZY4TZjp">pic.twitter.com/BYKZY4TZjp</a>
 — Qasym-Jomart Toqayev (@TokayevKZ) <a href="https://twitter.com/TokayevKZ/status/1249263342209961984?ref_src=twsrc%5Etfw">April 12, 2020</a>
</blockquote>

Тоқаев: Байқоңыр &#8211; ғарыш кеңістігін игерген адамзат жетістігінің символы

<a href="https://kyzylorda-news.kz/">Kyzylorda-news.kz.</a> Коронавирус індетінің таралуына байланысты тұрғындар арасында жеке қорғаныс құралдарына сұраныс артып жатқаны белгілі. Осы орайда, індеттің алдын алуға Қызылорда облысының кәсіпкерлері де өз үлестерін қосуда.
Жергілікті жеңіл өнеркәсіп саласындағы 80-нен астам кәсіпорын мен ерікті жеке қорғаныс құралдарын дайындап, қарқынды жұмыс істеп келеді.
Атап айтсақ, Қызылорда қаласы мен Жаңақорған ауданында – 8, Қазалы ауданында – 22, Қармақшы ауданында – 21, Сырдарияда – 12, Шиеліде – 5 және Арал ауданында – 3 кәсіпкер бетперде тігу ісін қолға алды.
Облыс кәсіпкерлері 20 наурыздан бүгінгі күнге дейін дәріханаларға бір реттік және көп реттік 1 миллионға жуық бетперде өткізді. Бетперде бағасы 80-200 теңге аралығында.
Ал «Далатекс» серіктестігі «Біз біргеміз» қайырымдылық акциясы аясында күн сайын 2 мыңға жуық бетпердені тегін таратады.
Кәсіпорынның бұл әрекетіне тұрғындардың алғысы шексіз. Себебі, бастапқы уақыттан, яғни медициналық бұйымға тапшылық туындаған сәттен бастап бұл жұмыстарын үздіксіз жүргізіп келеді.
Айта кету керек, бетперделер медициналық бұйым болмағандықтан және «Жеке қорғау құралдарының қауіпсіздігі туралы» Еуразиялық экономикалық одағы техникалық регламентінің объектілер тізбесіне енгізілмегендіктен, өндіруге және өткізуге арнайы лицензия талап етілмейді.
Сондықтан кәсіпорындар өз өнімдерін Қазақстан Республикасының заңнамасына сәйкес ұйымның стандарты бойынша шығаруға және өткізуге мүмкіндігі бар.
Сонымен қатар, бүгінгі күнге дейін «Ас-Ка» және «ПромКоммерцКА» серіктестіктері бір реттік 677 қорғаныс костюмін тіксе, «НеоХимТех» кәсіпорны мен №50 дәріханасы қаладағы дәріханалардың сұранысына сәйкес 500 литрден астам антисептик шығарды.
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-13.50.36.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-13.50.37-1.jpeg" alt="" />

COVID-19: Қызылордалық кәсіпкерлер індетпен күреске ортақ күш жұмылдырды

<a href="https://kyzylorda-news.kz/">Kyzylorda-news.kz.</a> 11 сәуірде Атырау облысында КТК арнасы журналистерінің ұсталғаны туралы хабар тараған болатын. Аталмыш оқиғаға қатысты бүгін ҚР Ақпарат және қоғамдық даму министрі Дәурен Абаев пікір білдірді, деп хабарлайды <a href="https://lenta.inform.kz/kz/dauren-abaev-totenshe-zhagday-zhurnalisterdin-kukygyn-shekteuge-syltau-bola-almaydy_a3637048">ҚазАқпарат</a>.
Атап айтқанда кеше аймақ әкімдігі журналистердің карантин режимін бұзғаны туралы хабарлама таратқан еді.
<blockquote>
 «Елде қазіргі уақытта төтенше жағдай енгізілгенін, қатаң карантиндік шаралар қабылданғанын түсінеміз. Бәрі де қызметте. Алайда жергілікті билікті баспасөз жұмысына түсіністікпен қарауға шақырамын. Біздегі ақпарат бойынша журналистер карантиндік шектеулерді әдейі бұзбаған. Төтенше жағдай – журналистердің құқығын шектеуге сылтау бола алмайды. Журналистер қазір қауырт жұмыста, дұрыс ақпарат алу құқығымызды іске асыра отырып, алдыңғы шепте жүр. Ол туралы ұмытпайық», – деді Дәурен Абаев.
</blockquote>

Министр: Төтенше жағдай – журналистердің құқығын шектеуге сылтау бола алмайды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова өзінің <a href="https://www.facebook.com/108364210824733/posts/117111253283362/?d=n">Facebook парақшасында</a> аймақ тұрғындарына үндеу жасады.
Құрметті Сыр жұрты!
Әлемді жайлаған коронавирус біздің өңірдің де түкпір-түкпіріне таралып үлгерді. Облыс бойынша 116 адам қатерлі індеттің құрығына ілікті.
Бұған проблеманың шын мәнінде алапат екенін әлі де болса түсіне алмауымыз себеп. Оның қаншама адам өмірін жалмап жатқанын естісек те, көрсек те, тиісті мән бермейміз. Індеттен қорғанбаймыз. Тек сақтансаң ғана сақтайтынын естен шығарғандаймыз. Міне, осындай көзқарас санамызда тұрақтап қалған.
Қазір көшеде жүрген адам да, көлік те көп. Тәртіп біркелкі орындалып жатқан жоқ. Кей мекемелердің, дүкендердің, дәріханалардың алды адам аяғынан арылмайды. Тосқауыл бекеттері ше? Сан түрлі айла-тәсілдерді ойлап тауып, айналып өтпек болғандар да бар. Таяуда карантинге қарамай, аң-балыққа шығудың арты апатқа ұласқанын да көріп-білдіңіздер. Ойланайық! Коронавирустың соңы өлімге әкеп соғуы әбден мүмкін. Осы күннің өзінде, 10 отандасымыз қауіпті кеселден көз жұмды.
Облыста тұрғындардың қауіпсіздігі үшін қатаң шаралар қабылданып жатыр. Бірақ, ереже орындалмаса, тәртіп сақталмаса, жұмыстың еш нәтиже бермейтінін түсінбек керек. Коронавируспен күресте алдыңғы шепте жүргендердің еңбегін қадірлеуіміз қажет. Олар шын мәнінде бейбіт күннің батырлары. Күні-түні адам өмірінің сақшысы болып жүрген дәрігер, тәулік бойы қоғамдық тәртіпті сақтайтын полицей, облыс орталығы мен ауыл-ауылды аралап, жұқпалы кесел ошағын залалсыздандырып жүрген әскерилер еңбегі ерен.
Аймақ бойынша бұл вируспен күреске медицина саласының 3 мыңға жуық қызметкері жұмылдырылған. Тосқауыл бекеттерінде 200 полицей мен 170 әскери қызметкер үздіксіз кезекшілік етіп тұр.
Енді қоғамның әрбір мүшесі жауапкершілікті түсінуі керек. Сыр халқы ғасырлар бойғы тарихында талай қиындықты еңсерген. Тағы бір сынақты артта қалдыратын кез келді. Мен сіздерден азаматтық жауапкершілік танытуды сұраймын. Ал ол дегеніміз – өз бетінше оқшаулану, үйден шықпау, жақындарыңызбен жүздесуден уақытша бас тарту. Тіпті көшеге шыққан көршіңізді осы тәртіпке бағындыру да сіздің қазіргі борышыңыз. Осының өзі – коронавируспен күреске қосқан үлкен үлес.
Менің парақшама көптеген маңызды әрі мазмұнды ұсыныстар келіп түсуде. Барлығын мұқият қарастырып жатырмыз. Әр қайсысы бойынша басқарма және бөлім басшыларына тиісті тапсырмалар берілген. Біз халықпен кері байланысты тұрақты түрде жалғастыратын боламыз. Әрбір пікір маңызды.
Біз үшін бұл – ең қиын кезең. Көзге көрінбейтін жаумен бетпе-бет келген кез. Біз мұны да жеңіп шығатынымызға сенімдімін. Бастысы бізге бірлік керек.
Бір-бірімізге түсіністікпен қарап, қатаң тәртіп сақтайтынымызға сенімдімін. Қазір ешкімге де оңай тиіп жатқан жоқ. Сондықтан шыдамдылықтарыңызға шын разымын және әлде де шыдамды бола түсуді сұраймын. Ал еңбектері ерен дәрігер, полицей және әскерилерге барша Сыр халқының атынан бізді 21-ғасырдың ең қауіпті вирусынан қорғап жүргендері үшін алғыс айтамын!

Гүлшара Әбдіқалықова облыс тұрғындарына үндеу жасады

<a href="https://kyzylorda-news.kz/">Kyzylorda-news.kz.</a> Еліміздің Тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары Жандарбек Бекшин Шиелі ауданында болды.
Шиелі ауданының әкімі Қамбарбек Мүбараков Жандарбек Мұхтарұлына төтенше жағдайға байланысты ауданда атқарылып жатқан жұмыстарды таныстырды.
Сондай-ақ, еЕліміздің Тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары Шиелі ауданаралық ауруханасына жатқызылған карантиндік режимдегі азаматтардың қал-жағдайын көріп, коронавирус инфекциясын анықтауға арналған зертханалық құрылғының жұмысын бақылады.
Қазіргі таңда карантинге жабылған Бала би, Қодаманов елді мекендеріне болып, ауылдың тыныс-тіршілігі, нұсқаулыққа сәйкес халықтың санитарлық талапты орындауымен танысып, эпидемиологиялық жағдай мен ұйымдастырылған іс-шаралар барысын талқылады.
Сонымен қатар, блок-посттарға бөлінген №66597 әскери бөлім сарбаздарымен кездесіп, бақылауды күшейтуді тапсырды.
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-13.41.52-1.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-13.41.53.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-13.41.52.jpeg" alt="" />

Жандарбек Бекшин Шиелі ауданында болды

<a href="https://kyzylorda-news.kz/">Kyzylorda-news.kz.</a> Ғалымдар коронавирустың үш түрін әлем бойынша тарату туралы мәлімдеді, деп хабарлайды <a href="https://stan.kz/bukil-alemge-koronavirustin-ush-turi-taragani-belgili-b-329760/">Stan.kz</a>.
Вирустың генетикалық тарихын талдай келе Кембридж зерттеушілері індет әлем бойынша таралу кезінде мутацияға ұшыраған деген қорытындыға келді.
Адамдарға берілген вирустың бастапқы түрі Австралия мен АҚШ-та кеңінен таралған. Ғалымдар оны “А түрі” деп атады. Кейін ол Қытайда індет тудырған “В түріне” айналған. Еуропа тұрғындарында “В типінен” ұқсайтын&nbsp;“С типі” жиі кездеседі. Ғалымдар коронавирустың әлі де болса&nbsp;мутацияға&nbsp;ұшырап жатқанын қадап айтты.
Бұған дейін хабарланғандай, Оңтүстік Кореядағы іргелі ғылымдар институтының ғалымдары SARS-CoV-2 толық РНК-геніне талдау жасап, гендердің егжей-тегжейлі картасын құрады. Оларды әрі қарай зерттеу вирустың өмір циклін анықтауға және онымен күресу әдістерін әзірлеуге көмектеседі.

Қазақстан және Қызылорда облысының жаңалықтары

Жұлдыздар не дейді?

COVID-19: Ғалымдар жөтелден кейін індеттің қалай тарайтынын көрсетті (видео)

Қазақстанда коронавирустан фармацевтикалық компанияның директоры қайтыс болды

Коронавирус жұқтырған қытайлықтардан вирустың тағы бір белгісі анықталды

Қазақстанда көлік жүргізушілерінің қағаз рұқсаттамалары өз күшін жояды

42500 теңгені алу: Өтінімді тексеру қызметі іске қосылды

Тоқаев: Байқоңыр – ғарыш кеңістігін игерген адамзат жетістігінің символы

COVID-19: Қызылордалық кәсіпкерлер індетпен күреске ортақ күш жұмылдырды

Министр: Төтенше жағдай – журналистердің құқығын шектеуге сылтау бола алмайды

Гүлшара Әбдіқалықова облыс тұрғындарына үндеу жасады

Жандарбек Бекшин Шиелі ауданында болды

Бүкіл әлемге коронавирустың үш түрі тарағаны белгілі болды

Қазақстан және Қызылорда облысының жаңалықтары

Жұлдыздар не дейді?

COVID-19: Ғалымдар жөтелден кейін індеттің қалай тарайтынын көрсетті (видео)

Қазақстанда коронавирустан фармацевтикалық компанияның директоры қайтыс болды

Коронавирус жұқтырған қытайлықтардан вирустың тағы бір белгісі анықталды

Қазақстанда көлік жүргізушілерінің қағаз рұқсаттамалары өз күшін жояды

42500 теңгені алу: Өтінімді тексеру қызметі іске қосылды

Тоқаев: Байқоңыр &#8211; ғарыш кеңістігін игерген адамзат жетістігінің символы

COVID-19: Қызылордалық кәсіпкерлер індетпен күреске ортақ күш жұмылдырды

Министр: Төтенше жағдай – журналистердің құқығын шектеуге сылтау бола алмайды

Гүлшара Әбдіқалықова облыс тұрғындарына үндеу жасады

Жандарбек Бекшин Шиелі ауданында болды

Бүкіл әлемге коронавирустың үш түрі тарағаны белгілі болды

Тоқаев: Байқоңыр – ғарыш кеңістігін игерген адамзат жетістігінің символы