<a href="https://kyzylorda-news.kz/">Kyzylorda-news.kz</a> Оқу-ағарту министрі Ғани Бейсембаев Үкімет отырысында техникалық және кәсіптік білім беру ұйымдары үшін Жұмысшы мамандықтары жылын өткізу шеңберінде 2025 жылғы 1 қыркүйектен бастап жан басына шаққандағы қаржыландыру көлемі ұлғаятынын хабарлады. Оның айтуынша, қазіргі күні жан басына шаққандағы нормативтік қаржыландырудың қолданыстағы әдістемесіне сәйкес 1 студентті оқытуға бөлінетін қаражаттың орташа мөлшері 437 мың теңгені құраса, енді ол орта есеппен 912 мың теңгені құрайтын болады. «Жаңа қаржыландыру нормативі негізгі және ынталандыру бөліктерінен тұрады, бұл ретте ынталандырушы төлемдер нақты көрсеткіштерге қол жеткізген колледждерге беріледі. Қаржыландырудың жаңа жүйесі бәсекеге қабілетті мамандар даярлауға, білім беру ұйымдарын заманауи материал-техникалық құралдармен жабдықтауға және педагогтердің біліктілігін арттыру курстарын ұйымдастыруға мүмкіндік береді», – деп түсіндірді Ғани Бейсембаев.Фото: zhaikpress.kz

Елімізде техникалық және кәсіптік білім беру ұйымдары үшін жан басына шаққандағы қаржыландыру көлемі ұлғаяды

<a href="https://kyzylorda-news.kz/">Kyzylorda-news.kz</a> &nbsp;39 мыңнан астам адам – бұл Өнеркәсіп және құрылыс министрлігі жетекшілік ететін салалар бойынша кадрларға деген қажеттілік. Бұл деректерді министр Қанат Шарлапаев Үкімет отырысында айтты.Оның айтуынша, ең үлкен тапшылық құрылыс пен сумен жабдықтауда (17 мыңнан астам маман қажет), сондай-ақ өңдеу өнеркәсібінде (6,8 мың), металлургияда және тау-кен өндірісінде (4,6 мың) байқалады.Аталған мәселені шешу үшін Жаңа мамандықтар атласына 75 жаңа мамандық енгізілді. Мысалы, роботтандырылған тау-кен техникасының операторы, виртуалды прототиптеу жөніндегі маман және «Ақылды үй» жобалаушысы. Бизнес-процестерді автоматтандыру үдерісінде 40-тан астам мамандық түрлендірілді.Биыл индустрияландыру картасының 190 жобасы шеңберінде машина жасауда 8 жаңа мамандық пайда болады: 3D-басып шығару және дәнекерлеу жөніндегі инженер, роботтандырылған бояу жүйелерінің операторы және басқалары бар. Олар Алматы мен Қостанайдағы негізгі өндірістік жобаларда жұмыс істейтін болады.336 кәсіпті қамтитын сегіз салада жасанды интеллект технологияларын қолдана отырып, 60 кәсіптік стандарттарды әзірлеу және өзектендіру бойынша жұмыс жүргізілуде.Өнеркәсіп саласында дуальды оқытуды пайдалана отырып, кадр даярлау 284 колледжде жүргізіледі, 700-ден астам кәсіпорын жұмылдырылған. Шарттар мен меморандумдар шеңберінде олар 30-дан астам білім беру бағдарламасын іске асыруда. Жыл сайын 13 мыңнан астам жас маман тұрақты жұмыспен қамтамасыз етіледі.Геолог мамандығын дәріптеу мақсатында «Жас геолог» қоғамдық қоры құрылды, «Еңбек сіңірген геолог» наградасы ведомстволықтан мемлекеттік мәртебеге қайта ауыстырылды. Құрылыс саласында да жұмыс жүргізілуде.2019 жылдан бастап Отбасы банкі жұмысшыларды қолжетімді баспанамен қамтамасыз ету жөніндегі корпоративтік бағдарламаны іске асыруда. Соңғы 2 жылда кәсіпорындардың 122 қызметкері пәтер кілтіне ие болды. Ауылдан кадрлардың кетуін азайту үшін өз қызметкерлеріне тұрғын үй салған жұмыс берушілердің шығындары субсидияланады. Сонымен қатар 400-ден астам маман «Қазақстанның құрылыс салушылар қауымдастығы» және BI University біліктілікті арттыру курстарынан өтті. Өткен жылы WorldSkills Kazakhstan чемпионатында 108 жеңімпаз еліміздің жетекші компанияларынан жұмысқа орналасу туралы ұсыныстар алды.@KZgovernment

Қазақстанның өнеркәсіп және құрылыс саласында кадрлық әлеуетті дамыту

<a href="https://kyzylorda-news.kz/">Kyzylorda-news.kz</a> Оқу-ағарту министрі Ғани Бейсембаев Үкімет отырысында Мемлекет басшысы Қасым-Жомарт Тоқаевтың тапсырмалары аясында жарияланған Жұмысшы мамандықтары жылына сәйкес іс-шаралар жоспары әзірленгенін хабарлады.Ол Үкімет жанынан комиссия құрылғанын, техникалық және кәсіптік білім беруді трансформациялаудың жол картасы қабылданғанын, барлық 20 өңірде жұмысшы кәсіптерінің беделін және кадрлар даярлау сапасын арттыруға, жұмыс берушілермен өзара іс-қимылды күшейтуге бағытталған жоспарлар бекітілгенін атап өтті.Министр сонымен қатар осы жұмыс аясында кәсіби бағдар берудің жаңа тұжырымдамасы іске қосылатынын айтты.Ол осы бағыттағы жұмысты жүйелі дамыту үшін өңірлердің кадрларға деген қажеттілігін ескере отырып, барлық облыста «Жаңа мамандықтар атласы» әзірленетініне тоқталды.<blockquote>«Кәсіптік бағдар берудің жаңа тәсілдері оқушыларға еңбек нарығындағы жаңа талаптар туралы білуге, экономиканың нақты секторларындағы мансап перспективаларын бағалауға және мамандықтарды дұрыс таңдауға мүмкіндік береді. Бұл үшін мектептердегі кәсіби бағдарлау қызметі күшейтіледі, осы арқылы оқушыларды толығымен кәсіби диагностикамен қамтылады», — деп атап өтті Ғани Бейсембаев.</blockquote>Кәсіпорындар мен колледждердің ынтымақтастығы арқылы 1 мың мектепте бейіндік сыныптар ашылатыны атап өтілді. Жоғары сынып оқушыларын практикалық дағдыларға және колледждер базасында алғашқы жұмыс кәсібіне оқыту тәжірибесі енгізіледі.@KZgovernment

Қазақстанда кәсіптік бағдар берудің жаңа тұжырымдамасы іске қосылады

<a href="https://kyzylorda-news.kz/">Kyzylorda-news.kz</a> &nbsp;Оқу-ағарту министрі Ғани Бейсембаев Үкімет отырысында республикада техникалық және кәсіптік білім беру жүйесін дамыту үшін бизнес-құрылымдар мен инвесторларды тарту жоспарланып отырғанын хабарлады.Ол бұл дуальды оқыту жүйесін дамытуға және кәсіпорындардың тапсырысы негізінде экономикаға қажетті мамандарды мақсатты түрде даярлауға мүмкіндік беретінін атап өтті.Қазіргі таңда небәрі 518 кәсіпорын колледждерге шефтік қамқорлық көрсетіп отыр. Алдағы уақытта колледждермен ынтымақтастық орнатып, олардың қызметіне қолдау көрсететін кәсіпорындар санын 4000-ға жеткізу жоспарлануда.<blockquote>«Биыл колледждер жұмыс берушілермен бірге 2 мыңнан астам білім беру бағдарламасын әзірлейді, 1,5 мың педагог өндіріс базасында тағылымдамадан өтеді. Нәтижесінде бизнеспен ынтымақтастық жаңа деңгейге көтеріліп, колледждер нақты экономика салалары үшін жұмысшы маман даярлаудың негізгі буынына айналады», — деп атап өтті Ғани Бейсембаев.</blockquote>@KZgovernment

Колледждер жұмыс берушілермен бірлесіп 2 мыңнан астам білім беру бағдарламасын әзірлейді

<a href="https://kyzylorda-news.kz/">Kyzylorda-news.kz</a> Бүгінгі аймақ басшысы Нұрлыбек Нәлібаевтың қатысуымен өткен облыстық мәслихаттың XІX сессиясының күн тәртібінде «Қызылорда облысының Құрметті азаматы» атағын беру, ономастика комиссиясының дербес құрамын бекіту туралы мәселелер талқыланды. Сессияға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, Мұрат Әбенов қатысты.Облыс әкімі Жаңа жыл халқымыз, аймағымыз үшін берекелі жыл болуына тілектестік білдірді.<blockquote>«Өздеріңізге белгілі, жыл сайын Сыр елінің әлеуметтік-экономикалық, мәдени-рухани дамуына үлес қосқан лайықты азаматтарымызды «Қызылорда облысының құрметті азаматы» атағына ұсынып, өздеріңізбен келісеміз. Аталған тұлғалардың барлығы өздеріңізге таныс. «Қызылорда облысының Құрметті азаматы» атағына лайық деп есептейміз. Барлығы да мол тәжірибесімен, біліктілігімен Тәуелсіз Қазақстанның өсіп-өркендеуіне, өңірдің дамуына ерекше үлес қосқан, еңбек сіңірген. Ұсынылған кандидаттарды қолдағандарыңызға алғысымды білдіремін», – деді Н.Нәлібаев.</blockquote>Қызылорда облыстық мәслихатының 2012 жылғы 6 желтоқсандағы № 63 шешімімен «Облыстың, (қаланың, ауданның) Құрметті азаматы» атағын беру қағидасы бекітілген. Аталған қағидаға сәйкес облыстың әлеуметтiк-экономикалық, ғылыми-мәдени, қоғамдық өмiрдiң басқа да салаларының дамуына, қайырымдылық жасау қызметiнде, азаматтарды қазақстандық патриотизм рухында тәрбиелеуде, бейбiтшiлiк пен достықты, ұлтаралық келiсiм мен татулықты нығайтуға қомақты үлес қосқан азаматтарға «Қызылорда облысының Құрметті азаматы» атағы облыс әкімінің ұсынысымен, облыстық мәслихаттың шешімімен беріледі.Бүгінде осындай азаматтарды ардақтап, құрмет көрсету дәстүрге айналды. Осы уақытқа дейін 70 адам «Қызылорда облысының құрметті азаматы» атағына ие болған.Мәслихат сессиясында қоғамдық даму басқармасының басшысы Р.Каюпов облыстық ономастика комиссиясының дербес құрамын бекіту туралы хабарлама жасады. Мәдениет және ақпарат министрінің бұйрығымен «Облыстық ономастика комиссиялары және республикалық маңызы бар қалалардың, астананың ономастика комиссиялары туралы үлгілік ережеге» сәйкес «Облыстық ономастика комиссиясының кейбір мәселелері туралы» Қызылорда облысы әкімдігінің қаулысына өзгерістер енгізілді. Сонымен қатар, комиссия құрамы жаңа редакцияда жазылып, оны бекіту ұсынылды.Сессияда Парламент мінберінде еліміздің өзекті мәселелерін көтеріп, аймақтың әлеуметтік-экономикалық дамуына, халықтың әл-ауқатын арттыруға аянбай еңбек етіп жүрген Парламент Сенаты мен Мәжілісінің депутаттары «Қызылорда облысының дамуына қосқан үлесі үшін» медалімен марапатталды.<img src="https://knadmin.beoblood.kz/uploads/Oblysty_m_slihatty_XIX_sessiyasy_tti_bf12e7beec.jpg" alt="Облыстық мәслихаттың XІX сессиясы өтті.jpg"><img src="https://knadmin.beoblood.kz/uploads/Oblysty_m_slihatty_XIX_sessiyasy_tti_2_1ab188776f.jpg" alt="Облыстық мәслихаттың XІX сессиясы өтті 2.jpg"><img src="https://knadmin.beoblood.kz/uploads/Oblysty_m_slihatty_XIX_sessiyasy_tti_1_8cca5f6dbe.jpg" alt="Облыстық мәслихаттың XІX сессиясы өтті 1.jpg">Фото: Қызылорда облысы әкімінің баспасөз қызметі

Облыстық мәслихаттың XІX сессиясы өтті

<a href="https://kyzylorda-news.kz/">Kyzylorda-news.kz</a> Мемлекеттік Корпорацияның Басқарма Төрағасы Сыр еліне сапарында АХАТ бөлімінің жұмысымен танысты. Бұл туралы «Азматтарға арналған үкімет» Мемлекеттік корпорациясының Қызылорда облысы бойынша филиалы хабарлады.Жұмыс сапары барысында Басқарма Төрағасы халықпен жүздесіп, АХАТ ғимаратында туу туралы куәлік, жеке куәлік, зейнеткерлік куәлік және неке куәліктерін салтанатты түрде табыстады. Қызмет алушылар өз құжаттарын ерекше түрде алғанына қуанып, өз ризашылықтарын білдірді.<blockquote>«АХАТ бөлімінің жұмысын жаңарту және қызмет көрсету тәсілдерін жақсарту мақсатында облыс әкімдігімен бірлесіп, осындай маңызды бастамаларды қолға алдық. Бұл бағытта азаматтардың мемлекеттік қызметке қолжетімділігін қамтамасыз ету, қызмет көрсету сапасын жақсарту және әрбір тұрғынға құрмет көрсету басты назарда», – деп атап өтті «Азаматтарға арналған үкімет» Мемлекеттік корпорациясының Қызылорда облысы бойынша филиал директоры Аида Абибулаева.</blockquote>Айта кетейік, салтанатты рәсімдерді өткізу тәжірибесі өңірде 2024 жылғы 1 маусымда енгізілді. Сол кезеңнен бері 500 астам рәсім өткізілді.Мұндай жаңашылдық тұрғындардың өміріндегі маңызды кезеңдерді құрметпен және салтанатпен атап өтуге мүмкіндік береді.Естеріңізге сала кетейік, салтанатты рәсімдер Қызылорда қаласы, С.Бейбарыс, 1А мекенжайы бойынша өткізіледі.<img src="https://knadmin.beoblood.kz/uploads/Syr_elinde_erekshe_r_sim_a16aedba35.webp" alt="Сыр елінде ерекше рәсім.webp">Фото: ХҚКО

Сыр еліндегі ерекше рәсім

<a href="https://kyzylorda-news.kz/">Kyzylorda-news.kz</a> Қыс мезгілінде тұрғындардың қауіпсіздігін қамтамасыз ету мақсатында облыс аумағында "Мұз-2024" акциясы өтуде. Бұл шараның негізгі мақсаты – қысқы кезеңде су айдындарындағы қауіпсіздік ережелерін түсіндіріп, балық аулау кезінде жазатайым оқиғалардың алдын алуды көздейді. Бүгін Өңірлік коммуникациялар қызметінің ақпарат алаңында облыстық ТЖД Азаматтық қорғаныс басқармасының бастығы Жандос Жүгінісов науқан аясында атқарылған жұмыстарды баяндады.<blockquote>&nbsp;</blockquote><blockquote>– "Мұз-2024" акциясы барысында 4 000-нан астам тұрғынға, оның ішінде 200-ден аса балықшыға нұсқау берілді. Өңірде су айдындарында балық аулау кезіндегі қайғылы оқиғаларды болдырмау, су айдындарында қауіпсіздікті сақтау бойынша күнделікті сағат 14:00 мен 19:00 аралығында рейдтік профилактикалық жұмыстар жүргізілуде. Сондай-ақ, рейдке "МИ-8" және "Еврокоптер" тікұшақтар, дрондар, "МАРШ" және "ТРЭКОЛ" жоғары өту техникалары пайдаланылады. 2024 жылы су айдындарында құтқарушылармен 9 адам құтқарылды. Сонымен қатар, облыстың 69 421 оқушысына "Судағы және мұздағы қауіпсіздік ережелері", "Суда зардап шегушілерді құтқару, алғашқы дәрігерге дейінгі медициналық көмек көрсету тәсілдері" секілді тақырыптар бойынша сабақ өткізілді. Су айдындарында және балық аулау кезіндегі қауіпсіздік қағидаларын бұзу немесе орындамау кезінде ҚР ӘҚБТ Кодексінің 412 бабы бойынша жеке тұлғаларға 7 АЕК айыппұл салынады. Осы ретте Қызылорда облысының төтенше жағдайлар департаменті аймақтағы су айдындарында, мұзда және балық аулау барысында қарапайым қауіпсіздік шараларын сақтауды сұрайды,- деді Жандос Шайымұлы.</blockquote>&nbsp;

Балық аулау кезінде сақ болыңыз!

<a href="https://kyzylorda-news.kz/">Kyzylorda-news.kz</a> Соңғы жылдары қылмыстық жолмен алынған табыстарды заңдастыру схемаларында заңсыз криптоайырбастаушылар маңызды рөл атқарады, олар криптовалютаны фиаттық валюталарға және керісінше конвертациялауға мүмкіндік береді.Мұндай құрылымдар өз клиенттерін сәйкестендірмейді және күдікті операцияларды анықтамайды. Сондықтан, олардың қызметтерін көбіне кибералаяқтар мен есірткі заттарын өткізушілер пайдаланады.2024 жылы жалпы айналымы 60 млрд теңгені құрайтын 36 заңсыз крипто айырбастау пункті жойылды. 4,8 млн USDT (шамамен 2,5 млрд теңге) сомасына активтер бұғатталып, тәркіленді.Ұлттық қауіпсіздік комитетімен, Мәдениет және ақпарат министрлігімен бірлесіп жүргізген жұмыс нәтижесінде 3,5 мыңнан астам заңсыз онлайн криптоайырбастау қызметі бұғатталды.Инвестициялар тарту үшін криптовалютаны пайдаланған екі қаржылық пирамида әшкереленді. 545 мың USDT қайтарылды және 120 мың USDT бұғатталды.Қаржылық мониторинг агенттігі криптотранзакцияларға&nbsp; бақылауды күшейту және олардың қылмыстық мақсаттарда қолданылуына қарсы күрес жүргізуде халықаралық әріптестермен жұмысты жалғастыруда.Ақша жымқыру саласындағы бұзушылықтар үшін цифрлық активтер провайдерлеріне жауапкершілік жүктейтін заңнамалық түзетулер әзірленді.Қаржы ұйымдарындағы криптовалюта операцияларын тексеру күшейтілдіҚаржылық мониторинг агенттігі қылмыстық схемаларға қарсы күресу мақсатында қаржылық операцияларға тиімді бақылау құралдарын жетілдіруді жалғастыратын&nbsp; болады.Фото: islam.kz

Криптовалюта арқылы ақшаны заңдастыратын құрылымдарды жою жұмыстары жүруде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Парламент Сенатының депутаттары Наурызбай Байқадамов, Руслан Рүстемов, Мәжіліс депутаттары Мұрат Ергешбаев, Мұрат Әбеновпен бірге "Тәуелсіздікке - 25 жыл" даңғылын қайта жаңғырту жұмыстарының барысын көрді.Өткен жылдан бері Сұлтан Бейбарыс көшесінен Әбілқайыр хан көшесіне дейінгі Сырдария өзенінің қорғаныш бөгеті нығайтылып, аталған даңғылдың 6,7 шақырымы қайта жаңғыртылуда.Мердігер мекеме «Уад» ЖШС бұған дейін, 1,2 шақырым кеңейтілетін аумаққа асфальт төседі. Сонымен қатар, Сырдария өзенінің қорғаныс бөгеті тазаланып, 2,6 шақырымға жуық дамба нығайтылды және 1,2 шақырым тіреу қабырғасы тұрғызылды.Бүгінде қосымша жер телімдерін сатып алу қажеттілігі туындап, зерттеу жұмыстары жүргізілуде.Аймақ басшысы даңғыл көлік қатынасы мен жаяу жүргіншілерге ұзақ жыл қызмет етуі үшін құрылысты сапалы жүргізіп, межеленген уақытта бітіру керек екенін ескертті.Еске салайық, өткен жылы аймақтың жол инфрақұрылымын дамытуға 44 млрд. 703 млн. теңге бөлініп, 300 шақырымнан астам жол жөнделді. Нәтижесінде жақсы жағдайдағы жолдардың үлесі 92 пайыздан асты.Республикалық маңызы бар «Қызылорда-Жезқазған» автомобиль жолын қайта жаңғырту жалғасуда.Облыс аумағындағы 216 шақырымның 151 шақырымы аяқталып, ел игілігіне пайдалануға берілді.Қосымша 30 шақырымына екі қабатты асфальт жабындысы төселді. Жұмыстар қарқынды жүруде. Жоба биыл толық аяқталады.<img src="https://knadmin.beoblood.kz/uploads/472668907_900809572240288_4291419798954205934_n_2d9b4c7e21.jpg" alt="472668907_900809572240288_4291419798954205934_n.jpg"><img src="https://knadmin.beoblood.kz/uploads/T_uelsizdikke_25_zhyl_da_ylyn_ajta_zha_yrtu_zh_mystary_ajma_basshysyny_ba_ylauynda_1_88b35ce32f.jpg" alt="Тәуелсіздікке-25 жыл даңғылын қайта жаңғырту жұмыстары аймақ басшысының бақылауында 1.jpg"><img src="https://knadmin.beoblood.kz/uploads/T_uelsizdikke_25_zhyl_da_ylyn_ajta_zha_yrtu_zh_mystary_ajma_basshysyny_ba_ylauynda_2_af952d7c29.jpg" alt="Тәуелсіздікке-25 жыл даңғылын қайта жаңғырту жұмыстары аймақ басшысының бақылауында 2.jpg">&nbsp;Фото: Қызылорда облысы әкімінің баспасөз қызметі

"Тәуелсіздікке-25 жыл” даңғылын қайта жаңғырту жұмыстары аймақ басшысының бақылауында

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазалы ауданына жұмыс сапары кезінде Жедел басқару орталығының жұмысымен танысты.Үкімет басшысының тапсырмасына сәйкес қалалық және аудандық полиция бөліністеріндегі кіші жедел басқару орталықтарын қаржыландыру жүктелген болатын.Облыс әкімдігі өңірдің 7 аудандық полиция бөліміндегі Жедел басқару орталығын құруға қаржы бөлді. Бұл қаржыға ақпараттарды қабылдау мен тіркеуді автоматтандыратын, қоғамдық орындарда тәртіпті бақылайтын 77 бейнекамера, жол қозғалысы ережелерін бұзғандарды автоматты түрде анықтайтын 7 стационарлық жылдамдық өлшегіш құрылғы сатып алынған, оған қоса «ЖБО 2.0» бағдарламасы да қамтамасыз етілген.Аудандағы Жедел басқару орталығында бейнекамералар пилоттық режимде жұмысын бастады. Мердігер мекеме стационарлық жылдамдық өлшегіш құрылғылар мен «ЖБО 2.0» бағдарламасын іске қосу үшін тексеру жүргізуде.Аталған орталықтың басты мақсаты – тұрғындардың қауіпсіздігін қамтамасыз ету.Осыны атап өткен аймақ басшысы тексеруді толыққанды жүргізуді тапсырды.Фото: Қызылорда облысы әкімінің баспасөз қызметі

Облыс әкімі Қазалы ауданындағы жедел басқару орталығының жұмысымен танысты

<a href="https://kyzylorda-news.kz/">Kyzylorda-news.kz</a> Электроэнцефалография арқылы инсульт, ми ісігі, эпилепсия және басқа да ми қан айналымының бұзылуына күдік ерте анықталады. Бұл тексеру міндетті әлеуметтік медициналық сақтандыру жүйесі бойынша сақтандырылған пациенттерге қолжетімді.Қызылорда қаласының тұрғыны Зәбира Сайфуллаева көшеде өзін нашар сезініп, қолы мен сол жағының беті ұйып қалды. 65 жастағы әйелге жедел жәрдем шақырылып, алғашқы шұғыл медициналық көмек көрсетілді. «ALEXEY SULTAN-AKHMET» емханасында тіркелген пациент тексерулерге, сонымен бірге электроэнцефалографияға жіберілді.Мидың электрлік белсенділігін зерттеудің бұл әдісі эпилепсияда, менингитте, балалардың церебральды сал ауруында, басішілік гипертензияда, мидың тамырлы зақымдануында және т. б. ауруларда көрсетіледі.<blockquote>«Дәрігер жүрегі жақсы, инсульт белгілері жоқ деді. ЭЭГ-дан өттім. Айта кету керек, бұл емханада диагностикалық тексерулердің барлық түрлері бар екен. МӘМС жүйесінің арқасында қымбат медициналық қызметтер бізге де қолжетімді», – дейді Зәбира Сайфуллаева.</blockquote><img src="https://knadmin.beoblood.kz/uploads/EEG_2_6d7df730b1.jpg" alt="ЭЭГ 2.jpg">Тексеру барысында пациентте дисциркуляторлық энцефалопатия анықталды. Бұл ми қан айналымының созылмалы жеткіліксіздігі. Оның ауыр зардаптарының бірі – инсульт.«ALEXEY SULTAN-AKHMET» ЖШС директорының орынбасары Қуанышбек Алмағамбетовтың айтуынша, ми қан айналымының бұзылуына күдіктенетін міндетті тексерулердің қатарында ЭЭГ бар.<blockquote>«МӘМС жүйесі енгізілгенге дейін электроэнцефалография тек ақылы негізде жүргізілетін. Енді біз ЭЭГ-ға қан қысымы, бас ауруы, бас айналу кезінде де жібереміз. Бұл тексеру әдісі МӘМС жүйесіндегі барлық сақтандырылған азаматтарға қолжетімді», - деді Қуанышбек Нұрбергенұлы.</blockquote><img src="https://knadmin.beoblood.kz/uploads/zamdir_ASA_0c0ebb10ae.jpg" alt="замдир АСА.jpg">Жалпы, 2024 жылдың 11 айында Қызылорда облысында ТМККК және МӘМС аясында 8,6 миллиард теңгеге 2 миллионнан астам тар буынды мамандарының кеңесі мен диагностикалық тексерулер жүргізілді. Бұл 2023 жылдың сәйкес кезеңімен салыстырғанда 1,3 есе көп.

 МӘМС: Қымбат медициналық қызметтер қолжетімді

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының Жарлығымен 2025 жыл жұмысшы мамандықтарының жылы болып жарияланды.&nbsp;&nbsp;Техникалық және кәсіптік білім беру жүйесін реформалауды жүзеге асыру мақсатында Үкіметпен жұмысшы мамандықтар жылын ұйымдастыру жөніндегі республикалық жоспар бекітілді, сондай-ақ Министрлікпен кәсіптік-техникалық білім беруді трансформациялаудың 2025-2027 жылдарға арналған Жол картасы қабылданды.Атап өту керек, еліміздің барлық өңірлерінде жұмысшы мамандықтарының имиджін ілгерілету, кадрлар даярлаудың сапасын арттыру, жұмыс берушілермен ынтымақтастықты кеңейту шаралары қамтылған Жұмысшы мамандықтарының жылына арналған жоспарлар әзірленді.Бүгінде Қазақстанда кәсіптік-техникалық білім беру жүйесінде 772 колледж жұмыс істейді, онда 565 мың студент оқиды. 2024 жылдың қорытындысы бойынша техникалық және кәсіптік білім берудегі мемлекеттік тапсырыс көлемі 143 мың орынды құрады, ал студенттердің стипендиясы екі есеге өсті.Іс-шаралар жоспарында өңірлік ерекшеліктер ескеріле отырып жасалған Жаңа кәсіптер мен құзыреттер атласы, техникалық және кәсіптік білім беруді трансформациялау, халықаралық деңгейдегі сертификатталған мамандарды дайындау, жұмысшы орындарын құру, жұмысшы мамандардың құқықтарын қорғау және мәртебесін көтеру қамтылған. Кәсіпорындармен бірлесіп еліміздің мектептерінде 1000 бейінді сынып ашылады.<blockquote>«Кәсіптік бағдар берудің реформасы оқушыларға еңбек нарығындағы жаңа талаптар туралы білуге, экономиканың нақты секторларындағы мансап перспективаларын бағалауға және мамандықтарды дұрыс таңдауға мүмкіндік береді. Бұл үшін мектептердегі кәсіби бағдарлау қызметі күшейтіледі, осы арқылы оқушылар толығымен кәсіби диагностикамен қамтылады. Жоғары сынып оқушыларын практикалық дағдыларға және колледждер базасында алғашқы жұмыс кәсібіне оқыту тәжірибесі енгізіледі», - деп атап өтті оқу-ағарту министрі Ғани Бейсембаев.</blockquote>Мемлекет колледжерді жан басына шаққандағы қаржыландырудың жаңа нормативін қабылдады. Қазіргі уақытта бір студентті оқытуға бөлінетін қаражаттың орташа мөлшері 437 мың теңгені құраса, келесі оқу жылынан бастап нақты көрсеткіштерге жеткен колледждер үшін ол орташа есеппен 912 мың теңгені құрайтын болады.<blockquote>«Бәсекеге қабілетті мамандар даярлау, білім ұйымдарын заманауи материалдық-техникалық құралдармен жабдықтау және педагогтердің біліктілігін арттыру біз үшін басты басымдық», – деді оқу-ағарту министрі.&nbsp;</blockquote>Дуальды оқыту жүйесін дамыту және кәсіпорындардың мақсатты тапсырысы негізінде мамандар&nbsp; даярлау үшін бизнес-құрылымдар мен инвесторларды белсенді түрде тарту жоспарлануда.Қазіргі уақытта колледждерге 518 кәсіпорын шефтік қамқорлық көрсетеді, олардың санын 4 мыңға дейін жеткізу жоспарлануда, кәсіптік стандарттардың, МЖМБС және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Биыл колледждер мен жұмыс берушілер 2 мыңнан астам білім беру бағдарламасын дайындайды, сондай-ақ өндірістік базада 1,5 мың педагогтің тағылымдамадан өтуі жоспарлануда.Техникалық және кәсіптік білім беруді трансформациялау барысында Қазақстанның 10 колледжі интернационалдандырылады.Шетелдік колледждермен тәжірибе алмасу педагогтердің&nbsp; кәсіби құзыреттіліктерін арттыруға, сондай-ақ студенттердің академиялық ұтқырлық шеңберінде өз білімдерін жетілдіруіне мүмкіндік береді.Мемлекет басшысы бастамашылық еткен Жұмысшы мамандықтарының жылы аясында Астанада техникалық және кәсіптік білім беру студенттерін қолдау және дамыту үшін Ұлттық құзыреттілік орталығы құрылады.<blockquote>«Орталық студенттердің кәсіби құзыреттіліктері мен дағдыларын дамытуға ықпал етеді, сондай-ақ мамандарды қайта даярлау, олардың біліктілігін арттыру және WorldSkills чемпионаттарын өткізу базасына айналады», – деп атап өтті Ғани Бейсембаев.&nbsp;</blockquote>Жұмысшы мамандықтар жылындағы маңызды шаралардың бірі - биылғы жылы Ақтау қаласында түркітілдес елдер арасында Turkiskills – 2025 алғашқы кәсіби шеберлік чемпионаты өтеді.

Қазақстан және Қызылорда облысының жаңалықтары