<a href="https://kyzylorda-news.kz/">Kyzylorda-news.kz.</a> Ресей ғылым академиясы Медико-биологиялық мәселелер жөніндегі институтында бөлім меңгерушісінің орынбасары Светлана Поддубко коронавирустан қорғану үшін азық-түлікті қалай тазалау керегін айтып берді, деп хабарлайды&nbsp;<a href="https://ria.ru/">РИА Новости</a>.
Оның айтуынша, супермаркет немесе базардан алған азық-түлікті құрамында&nbsp;спирт бар дезинфекциялық құралдармен&nbsp;тазалау керек. Ал, хлор қосылған құралдармен тазалау денсаулыққа қауіпті болуы мүмкін.
<blockquote>
 “Яғни, сіз алып келген барлық затты, қаптаманы құрамында спирт бар дезинфекциялық заттармен тазалау керек. Хлоры бар құралдарды пайдаланбаған абзал. Бұл – айтарлықтай қауіпті”, – деді Поддубко.
</blockquote>
Оның айтуынша, кез келген дезинфекциялық құралдың қолданатын орны бар. Хлор қосылған құралдар сыртқы қабатты, есіктің тұтқаларын сүртуге арналған. Оның үстіне, хлор қосылған құралды жарты сағаттан кейін сүртіп тастау керек.&nbsp;
Поддубко жеміс-жидек пен көкөністі&nbsp;ыстық сумен жуу керегін&nbsp;ескертті. Себебі вирус 40 градустан асқан ыстыққа шыдамайды. Ал, жуылмаған азықты тоңазытқышқа бірден салуға болмайды, себебі вирус ауаға қарағанда суық жерде ұзақ сақталады.

Мамандар коронавирустан қорғану үшін азық-түлікті қалай жуу керектігін айтты

<a href="https://kyzylorda-news.kz/">Kyzylorda-news.kz.</a> 1935 жылдың 31 желтоқсанына дейін туған Ұлы Отан соғысының ардагерлері мен тыл еңбеккерлері пойызбен тегін жол жүру құқығын алады.
Samruk-Kazyna Trust қорының хабарлауынша, ардагерлер акцияны карантин режимі жойылғаннан кейін пайдалана алады.
<blockquote>
 “Ұлы Отан соғысының қатысушылары мен тыл еңбеккерлерін және 1935 жылдың 31 желтоқсанына дейін туған ардагерлерді Қазақстан мен ТМД елдері бойынша тегін теміржол қатынасымен қамтамасыз ету жалғасады”, – делінген баспасөз хабарламасында.
</blockquote>
Билет алу үшін теміржол кассаларына жеке басын куәландыратын құжаттың түпнұсқасы немесе Ұлы Отан соғысының қатысушысы не болмаса мүгедегі куәлігі, ал тыл еңбеккерлері – арнайы мемлекеттік жәрдемақы тағайындау туралы жазбасы бар зейнетақы куәлігімен баруы керек.
Бүгінгі таңда “Жеңіс” әлеуметтік және қайырымдылық жобасы аясында Қазақстанның 35 қаласында тұратын Ұлы Отан соғысының 640 ардагері мен тыл еңбеккеріне қажетті тауарлар жеткізілді.
Әсіресе, жалғыз тұратын немесе денсаулығы мен әлеуметтік мәртебесіне байланысты көмекке мұқтаж адамдарға ерекше назар аударылды.
Айта кетейік, карантин жағдайында барлық қорғаныс шаралары сақталды. Көмекке жұмылдырылған 200-ге жуық ерікті байланыссыз жеткізуде қашықтықты сақтап, медициналық маскалар мен қолғаптарды пайдаланды.

Елімізде 85 жастан асқан ардагерлер пойызбен тегін жүретін болады

<a href="https://kyzylorda-news.kz/">Kyzylorda-news.kz.</a>&nbsp;Ресей федерациясы кеңесінің төрайымы Валентина Матвиенко бұрынғы КСРО азаматтарын әлемдік шараға қатысып, 9 мамырда “Жеңіс күні” әнін шырқауға шақырды, деп хабарлайды&nbsp;<a href="https://sputniknews.kz/society/20200507/13921434/Qazastan-alem-Zhenis-kuni.html">Sputnik Қазақстан</a>.
Матвиенко бұрынғы одақ азаматтарының фашизмге қарсы ортақ жеңісі – тәуелсіз мемлекеттердің қазіргі азаматтары ұмытпайтын өмірдегі маңызды сабақ екенін атап өтті.
Ол сонымен қатар Жеңіс күні – ұлы, қасиетті мереке екенін еске салып, соғыс жалыны әрбір отбасыға әсер еткенін айтады.
<blockquote>
 “Біздің елдеріміздің халқы осы Ұлы жеңістің қымбат бағасын ащы термен төледі. Бұл мереке сол күйінде қалуы керек. Ресейде және үлкен қалалар мен шағын қалаларда 9 мамыр күні сағат 19:00-дегі бір сәттік үнсіздіктен кейін тұрғындар “Жеңіс күні” әнін айту үшін балконға шығады. Батыр бабаларының портретін терезе алдына қойып, құрмет көрсетсе де болады. Бұл ән баршаға белгілі, әннің мәтінін көптеген елдің азаматтары өте жақсы біледі және олар үшін құнды әрі қымбат. Сұрапыл соғыс жылдарындағы аталарымыздың ерлігін дәріптейтін, адамдарды біріктіре түсетін басқа да іс-шараларды ұйымдастыруға қосылыңыз”, – деді кеңес төрайымы.
</blockquote>

Халықаралық акция: Бұрынғы КСРО тұрғындары бір мезгілде &#8220;Жеңіс күні&#8221; әнін шырқамақ

<a href="https://kyzylorda-news.kz/">Kyzylorda-news.kz.</a> АҚШ-та қытай ғалымы Бин Лю өлтірілді. Ол Питтсбург университетінің медициналық орталығында CoViD-19 негізіндегі жасушалық механизмдердің жұмысын ашу үшін ғылыми зерттеулер жүргізген, деп хабарлайды&nbsp;<a href="https://stan.kz/koronavirusti-zertteude-ulken-zhanalik-ashu-aldinda-tyr-330954/">Stan.kz</a>.
Ғалымның айтуынша, ол коронавирусқа қатысты маңызды жаңалық ашу алдында тұрғанын айтқан. Ол өз үйінде өлі күйінде табылған, оның басына, мойнына&nbsp;және аяқ-қолына оқ&nbsp;тиген.
<blockquote>
 “Ол таңқаларлық зерттеуші болды. Бин Лю SARS-CoV-2 инфекциясының негізіндегі жасушалық механизмдерді түсіну үшін өте маңызды жаңалықтарды ашудың&nbsp;табалдырығында тұрды. “Біз Людің зерттеуін аяқтауға бар күшімізді саламыз және осылайша оның қызметіне баға береміз”, – деді Питтсбург университеті.
</blockquote>
Өлтіруші аз уақыттың ішінде табылды. Ол да өлі күйінде табылды. Бұл адам ғалымның танысы Хао Гу болып шықты. Тергеушілердің айтуынша, ол алдымен Люді атып, содан кейін ғалымның үйінің жанында өз-өзіне қол салған.
Полицейлердің анықтауы бойынша, кісі өлтіргеннен кейін Гу Людің үйінен 100 метр жердегі&nbsp;тұрақтаған көлігіне оралып, сол жерде өз-өзіне қол салған. Гудың не үшін ғалымды өлтіргені әлі де белгісіз.
Полиция ғалымның атқарып жүрген қызметі кісі өліміне себеп болуы мүмкін екенін жоққа шығармайды. Бірақ полиция сонымен бірге кісі өлімінің себебі оның жеке өмірінде жасырылуы мүмкін деген нұсқаны да жоққа шығармайды.

Коронавирус туралы үлкен жаңалық ашқалы тұрған ғалымды атып кеткен

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 149 адамға жетті. Індеттен айыққандардың қатарына соңғы қосылған науқас – Сырдария ауданының тұрғыны.
8 мамыр 13:25-тегі&nbsp;ақпарат бойынша Қызылорда облысында тағы 1 адам қауіпті індеттен жазылып шыққан.
Ерекше атап өтерлігі – Сырдария ауданында осы індетке шалдыққан 26 науқастың барлығы жазылды.
Осылайша коронавирустық инфекциядан жазылғандар саны өңірде 149 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Сырдария ауданындағы барлық науқас айықты, облыста жазылғандар саны 149-ға жетті

<a href="https://kyzylorda-news.kz/">Kyzylorda-news.kz.</a> Үш отандық банкті, атап айтқанда&nbsp;Tengri Bank, Asia Credit Bank және Capital Bank Kazakhstan-ға шұғыл капиталдандыру&nbsp;қажет, деп хабарлайды&nbsp;<a href="https://stan.kz/sarapshilar-kazakstandagi-ush-bank-bankrot-boludin-aldi-330962/">Stan.kz.</a>
Егер олар өздерінің активтерін толықтырмаса, онда олар&nbsp;банкротқа ұшырауы мүмкін. Мұндай жағдайда, олар&nbsp;салымшылар мен басқа клиенттер алдындағы міндеттемелерін орындай алмайды.
Сондай-ақ, сарапшылар&nbsp;2020 жылдың бірінші тоқсанында ForteBank-тың портфелінің айтарлықтай нашарлағанын айтады.
Бұл&nbsp;тұжырымға&nbsp;Radius консалтингтік мамандары келді.
Компания&nbsp;пандемия зардаптарына қарамастан, болашақта Қазақстанның банк секторы тұрақты болады дейді. Алайда, кейбір ЕДБ кірістерінің төмендеуі әлі де болады. Бірақ бұл олардың үшінші тоқсанның соңына дейін қалпына келуіне кедергі болмайды.
<img src="https://kyzylorda-news.kz/wp-content/uploads/2020/05/news_full1588857160d6bfdda8b5fcc2e796054e1f6388e756.jpg" alt="" />

Сарапшылар: Қазақстандағы үш банк банкрот болудың алдында тұр

<a href="https://kyzylorda-news.kz/">Kyzylorda-news.kz.</a> Елімізге «Егіздер ауылы» атымен танымал Қазалы ауданындағы Ү.Түктібаев ауылының көпбалалы тұрғыны өмірге үш қыз алып келді.
Қызылорда қаласындағы Ана мен бала орталығында дүние есігін ашқан үшемдер қазіргі таңда дәрігерлердің бақылауында.
Бұл – Айгерім Махамбетжанова есімді жас ананың алтыншы рет босануы.
Жұбайы Қуаныш Алтынбаев екеуінің тағы 5 баласы бар. Жаңа туған сәбилерге ата-аналары Айғаным, Айғант, Асылым деген есімдер берген.
Әзірге үшем мен олардың анасы перзентханадан қашан шығатыны белгісіз. Сәбилердің денсаулық көрсеткіштері қалыпты нормаға жеткен бетте үйлеріне шығарылады.
Естеріңізге сала кетейік, Ұлы Отан соғысының Батыры Үрмәш Түктібаев атындағы ауылда 23 егіз, 1 үшем дүниеге келген.

Қазалыда дүниеге үшем келді

<a href="https://kyzylorda-news.kz/">Kyzylorda-news.kz.</a> 11 мамырда белгілі бір санитарлық нормаларды сақтай отырып, Алматы мен Нұр-Сұлтаннан 7 қалаға – Қостанай, Көкшетау, Тараз, Талдықорған, Павлодар, Ақтөбе, Қарағандыға және керісінше рейстер қалпына келтіріледі, деп хабарлайды&nbsp;Көліктегі бас мемлекеттік санитарлық дәрігер Сәдуақас Байғабылов.
Коронавирустық пандемияға байланысты авиакомпания қызметкерлері үшін жұмысқа рұқсат тек COVID-19 (ПТР анықтамасының&nbsp;жарамдылығы 14 күнтізбелік күнге жарайды) және жеке қорғаныс құралдары үшін тестілеуден өткендігі туралы сертификат болған жағдайда ғана мүмкін болады. Ауысым&nbsp;алдында&nbsp;және ұшар алдында дене температурасын өлшейтін физикалық тексеру енгізілді.
Сонымен қатар, тұрақты рейстерді қайта бастамас бұрын, авиакомпания басшыларына ауаны&nbsp;желдету, әуе кемелеріндегі сүзгілерді ауыстыру, жеке қорғаныс құралдарын (маскалар, қолғаптар), қолды тазартқыш құралдармен және дезинфекциялық құралдармен қамтамасыз етуді&nbsp; жұмыстары тапсырылды.
Ұшу кезінде жолаушылар сауалнама толтырады. Сауалнаманың анықтығы тексеріледі, егер мәліметтер дұрыс болмаса, қосымша сауалнама жүргізіледі.
Тек COVID-19 тестін тапсырғаны туралы куәлік (ПТР анықтамасының жарамдылық мерзімі берілген күннен бастап 7 күнтізбелік күнге жарайды) болған жағдайда ғана жолаушыларды ұшуға жіберіледі. Тіркеу, ұшаққа отыру және ұшақтан ұшу кезінде жолаушылар кемінде бір метр қашықтықты ұстауы керек. Ұшақ бортында ұшу кезінде жолаушылардың қозғалысы шектеледі. Дәретханаларда кезек болмайды.
Сонымен қатар, Нұр-Сұлтан, Алматы, Ақтөбе, Қарағанды, Қостанай, Көкшетау, Тараз, Талдықорған және Павлодар қалаларының халықаралық әуежайларының басшылары мыналарды қамтамасыз етуі тиіс:
– қызметкерлердің жұмысқа COVID-19 (ПТР анықтамасы жарамдылық мерзімі берілген күннен бастап 14 күнтізбелік күн) және жеке қорғаныс құралдарын сынақтан өткізгені туралы анықтама&nbsp;болған кезде рұқсат етіледі;
– дене қызуын өлшейтін қызметкерлерді ауысым алдындағы медициналық тексеруден өткізу;
– әуе кемесін тіркеу, отырғызу және түсіру кезінде жолаушылар арасындағы қауіпсіз қашықтықты (1 метр) сақтау;
– әуежай ғимаратына, ұшып шығу аймағына және әуе кемесіне жолаушыларды жеке қорғаныс құралдарымен&nbsp;(бетперде) қатаң түрде қабылдау;
– әуежай ғимаратында (күту бөлмелері, ана мен бала бөлмесі, жуынатын бөлме) санитарлық тазартқыштардың болуы;
– жолаушылар тұратын жерлерде жуғыш және дезинфекциялық заттарды қолдана отырыпжалпы тазалық жұмыстарын&nbsp;жүргізу;
– медициналық орталықтарда қажетті дәрі-дәрмектердің, медициналық мақсаттағы бұйымдар мен жабдықтардың, жеке қорғаныс құралдарының (қорғаныс костюмдері, маскалар мен қолғаптар), дезинфекциялық құралдардың (антисептиктер) болуы;
– дене қызуы көтерілген немесе аурудың белгілері бар жолаушыларға&nbsp;жедел жәрдем бригадасы келгенге дейін санитарлық-карантиндік пункттің мамандары медициналық тексеру жүргізу;
– ауру белгілері бар жолаушыларды анықталған жағдайда&nbsp;әуежай ғимаратында жолаушы болған орындарды&nbsp;дезинфекциялау.
<blockquote>
 «Ауру немесе ауру белгілері бар адамдар анықталған жағдайда (жөтел, ентігу, тыныс алудың нашарлауы) жолаушыны аэровокзал изоляторына&nbsp;апару керек», – делінген құжатта.
</blockquote>

11 мамырда Алматы мен Нұр-Сұлтаннан Қазақстанның 7 қаласына рейстер іске қосылады

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасының төрағасы, Бас мүфти Наурызбай қажы Тағанұлы ҚМДБ-ға қарасты имам-ұстаздардың лауазымдық міндетін тағы бір жаңа міндетпен толықтырды.
Бас мүфти бұйрығы бойынша ҚМДБ қызметкерлері, республикалық маңызы бар (Нұр-Сұлтан, Алматы, Шымкент) қалалардың, облыстардың бас имамдары мен наиб имамдары, қала, аудан, ауыл имамдары мен наиб имамдары және ұстаз, азаншы, молдалардың мемлекеттік тіл – қазақ тілін білуі міндеттелді. Одан бөлек ресми тіл – орыс және Құран тілі – араб тілін білуі қажет.
Біздің еліміз Қазақстан – көпұлтты мемлекет. Қазіргі таңда ҚМДБ-ның имам-ұстаздары қатарында өзге ұлт өкілдері де бар. Сондықтан олардың мешіт жамағатымен алтын көпір орнатуы үшін мемлекеттік тілді білуі маңызды.

Бас мүфти дін қызметкерлеріне мемлекеттік тілді білуді міндеттеді

<a href="https://kyzylorda-news.kz/">Kyzylorda-news.kz.</a> Өзбекстан Қазақстанға Сардоба су қоймасындағы бөгеттің жарылуынан туындаған төтенше жағдайлардың алдын алу үшін 209 маман мен 169 техника жіберді.
Президенттің кеңесшісі Тұрсынхан Құдайбергенов бастаған Өзбекстан делегациясы төтенше жағдайды жою бойынша қажетті шараларды анықтау үшін Қазақстанның Түркістан облысындағы су тасқынынан зардап шеккен аудандарды аралады.
Су тасқынының алдын алу үшін Қазақстанға көрші мемлекеттің Төтенше жағдайлар министрлігінің 209 маманы және 169 бірлік ауылшаруашылық, инженерлік және өрт-құтқару техникасы жіберілген.
Естеріңізге сала кетейік, бұған дейін Өзбекстанмен шекаралас Түркістан облысының Мақтаарал ауданында Сардоба су қоймасынан бөгеттің жарылуына&nbsp;байланысты&nbsp;төрт ауыл су астында қалғандығы&nbsp;туралы хабарлаған едік. Бірнеше мың тұрғын эвакуацияланды.

Өзбекстан Мақтааралға 209 маман, 169 техника жіберді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 225 адамға жетті. Соңғы тәулікте жаңадан анықталған 2 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 225 жағдай тіркелді. Соңғы тәулікте жаңадан 2 жағдай анықталды. Екеуі де – Қызылорда қаласынан. Олар алдында анықталған науқастармен тікелей қарым-қатынаста болып, карантиндік бақылауға алынған еді. Бұл науқастарда 14 күндік бақылау аяқталған соң, қайтадан сынама тест алған кезде инфекция анықталып отыр. Осылайша, Қызылорда қаласында анықталған науқастар саны 88 адамға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 225 науқаспен байланыста болғандардың жалпы саны – 3294.&nbsp;Оның ішінде, жақын қарым-қатынаста болғандар саны – 1794, потенциалды байланыста болғандар – 1500 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 77, правизорлық стационарда – 19, карантиндік стационарда – 297 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 288 тест сынамасы жасалыпты.
<blockquote>
 «Соңғы тәулікте 288 тест сынамасы жасалды. Оның 279 – теріс мәнді болып шықты. Бүгінде облысымызда 4665 тест сынамасының қоры қалды», – деді ол.
</blockquote>
Сондай-ақ, басқарма басшысы облыс тұрғындарын мереке және демалыс күндері карантин талаптарын сақтап, ардагерлердің өміріне қауіп төндірмеуге шақырды.
<blockquote>
 «Жеңістің 75 жылдық мерейтойы демалыс күндерімен қатар келіп отыр. Әрине, тұрғындар осы мерекемен ата-әжелерімізді құттықтағысы келетіні жасырын емес. Үлкен кісілердің бұл індетті тез жұқтыру қаупі басым екендігін естен шығармаған жөн. Олар жұқтырған жағдайда ауыр ағымда өткізеді. Сондықтан, ардагерлерді онлайн құттықтауға, адамдардың шоғырлануына жол бермеуге, мерекелік басқосулар мен отырыстар өткібеуге, сіздерді тағы да қарым-қатынас арқылы індет жұқтырудың алдын алуға шақырамын», – деді Ж. Әбілқасымұлы.
</blockquote>

COVID-19: Қызылорда облысында қауіпті індет жұқтырғандар саны 225 болды

<a href="https://kyzylorda-news.kz/">Kyzylorda-news.kz.</a> «Қазгидромет» РМК мамандары 8 мамыр күні Қазақстанда ауа райы қандай болатынын айтты.
Қазақстанның басым бөлігіне антициклонның әсерінен жауын-шашынсыз ауа райы сақталады. Республиканың батыс, оңтүстік-батыс және оңтүстігінде атмосфералық фронттардың өтуіне байланысты кей жерлерде жаңбыр жауады.
Күндіз оңтүстіктін таулы аймақтарында нөсер жауын жауады. Кей жерлерде жел күшейіп, батыста, оңтүстік-батыста және оңтүстікте – найзағай жарқылдап, дауыл соғады, бұршақ жауады.
Оңтүстік-батыста түнде және таңертең кей жерлерінде тұман күтіледі.
Қызылорда облысының кей жерлерінде күн күркірейді, жел екпіні – 15-20 м/с.

Қазақстан және Қызылорда облысының жаңалықтары

Мамандар коронавирустан қорғану үшін азық-түлікті қалай жуу керектігін айтты

Елімізде 85 жастан асқан ардагерлер пойызбен тегін жүретін болады

Халықаралық акция: Бұрынғы КСРО тұрғындары бір мезгілде “Жеңіс күні” әнін шырқамақ

Коронавирус туралы үлкен жаңалық ашқалы тұрған ғалымды атып кеткен

COVID-19: Сырдария ауданындағы барлық науқас айықты, облыста жазылғандар саны 149-ға жетті

Сарапшылар: Қазақстандағы үш банк банкрот болудың алдында тұр

Қазалыда дүниеге үшем келді

11 мамырда Алматы мен Нұр-Сұлтаннан Қазақстанның 7 қаласына рейстер іске қосылады

Бас мүфти дін қызметкерлеріне мемлекеттік тілді білуді міндеттеді

Өзбекстан Мақтааралға 209 маман, 169 техника жіберді

COVID-19: Қызылорда облысында қауіпті індет жұқтырғандар саны 225 болды

Ауа райы: Қызылорда облысында жел күшейеді

Қазақстан және Қызылорда облысының жаңалықтары

Мамандар коронавирустан қорғану үшін азық-түлікті қалай жуу керектігін айтты

Елімізде 85 жастан асқан ардагерлер пойызбен тегін жүретін болады

Халықаралық акция: Бұрынғы КСРО тұрғындары бір мезгілде &#8220;Жеңіс күні&#8221; әнін шырқамақ

Коронавирус туралы үлкен жаңалық ашқалы тұрған ғалымды атып кеткен

COVID-19: Сырдария ауданындағы барлық науқас айықты, облыста жазылғандар саны 149-ға жетті

Сарапшылар: Қазақстандағы үш банк банкрот болудың алдында тұр

Қазалыда дүниеге үшем келді

11 мамырда Алматы мен Нұр-Сұлтаннан Қазақстанның 7 қаласына рейстер іске қосылады

Бас мүфти дін қызметкерлеріне мемлекеттік тілді білуді міндеттеді

Өзбекстан Мақтааралға 209 маман, 169 техника жіберді

COVID-19: Қызылорда облысында қауіпті індет жұқтырғандар саны 225 болды

Ауа райы: Қызылорда облысында жел күшейеді

Халықаралық акция: Бұрынғы КСРО тұрғындары бір мезгілде “Жеңіс күні” әнін шырқамақ